طفولة ملوثة بالواقع
الكاتبه / d3do3a
ــــــــــــــــــــــــــــــــــــــ
منتديات غرام
تجميع / اسطوره !
ـــــــــــــــــــــــــــــــــــــــ

snapchat : d3do3a001

الفصـــل الوآحد والعشـرون ... 

طفــل ..انسـب كلمه لوصفي الآن 
 طفــل في عمري وشكلي وفي العيآن
 ولكن اضطررت لأكون رجل قبــل الآوآن 
 تيتــمت في صغــري ووالدآي يعيشـآن
 عشت وقآسيت مالم يكن بالحسـبان
 واجهت مقاسي الحياه بقلب هش مهـآن 
 اصبـر قلبي من عالم موحـش للوجدآن 
 لأرجع لقلب أمي لأكون في بـر الأمان
 طفــل ولكن قلبي بلــغ قبل اي يحين الآوان ...

مادد جسمه على السرير وحاتط الابتوب على فخذه ... 
وبيده الشبسس وبيتفرج بحمـآس .. دق جواله 
 نفض يده ..اخد الجوال ورد : اايواا
 محمود : فيينك 
 سامي :ف البيت 
 محمود : تعال طفشان 
 سامي طالع في الساعه : اهبل الساعه 10
محمود : تعال وبات عندي
 سامي : اسري يامحمود اصلا شويا انام 
 محمود : اووووف يااربي طفشاان
 سامي :بكرا دوام نام بدري عشان تكون فايق ف الحصص
 محمود : ساير كاأنك اممي سلام سلام
 سامي قفل منـو وحط جواله جمبـه ورجع يتفررج 
 من وهوا في الميتـم متعود على انو يهتم بموآعيده عنده
 اختبار يذاكر من بدري
 واجباته يخلصها عشان ينام ف وقت معيـن
 كل شي منظم 
 واتعود على كدا
 مرت سـآعه وهوا يتفرج وبعدها طفى الاب توب 
 حطو على مكتبـه
 شال الشبس ودآه المطبخ اخدلو كآسه مويآ وقعد في الصاله يشرب
 انتبه للوقت وقال ينام قبل لاتجي امـه وتطفشه بموضوع انفـآل 
 دخل غرفتـه دوبو بيقفل الباب دق الجـرس ...
قفلو على طول وراح انسدح يسوي نفسو نايم 
 اكييد تستهبل عندها المفتاح بس تباه يجيها 
 مازال الجرسس يدق كل بعد دقيقـه 
 بعد اللحاف وقام من على السرير 
 اتوجه للباب وشاف من العين استغرب وفك الباب : هلا ..؟
 مارد 
 سامي بااستغراب : تبا شي ..؟


 يطــآلع فيه مصددوووم 
 مفجوووع 
 دا ولـــده !!!
سار بدا الطوول !!
قلبه يدق يدق بسسسرععه 
 مو عارف ايش يقول 
 ضاع الكلام منـو 

 سـآمي مستغرب منـو 
 رجال بعمر ال 35 
مــرتب لابس جينز وتيشيرت 
 جاي من المطار على طول على العنوآن 

 ايش يقــول مو عارف 
 يفك فمه ويرجع يقفلـه 
 يبا كلمه 
 تضيع التانيه 

 قدم خطوه وسامي ضغط على الباب وكأنه فجاه خايف يكون حرامي 
 مع ااانو هيأتـــــه مرا ماتدل على كدا
 خــآف وبـس حاول يتكلم بجمود : لو سمحت تبا ميــن !!
قـآسم بصعوبه سئل: سامي !؟
 سامي بدأ يتوتر اشر براسه : ايوا مين انتـآ
 ميــن انتا !!!
ايش يقووله !
مو عارف يـرد 
 بلل شفـآيفه بلسانه قال باارتباك : ممكن اتكلم معاك
 سامي عقد حوآجبه : مين انتا اول !
 : حنتكلم عند الباب !
سامي يطالع فيه وبتردد قال : اتفضل !
دخل وهوا يطالع في البيــت اللي بنسبه له 
 غرف الخــدم عنده افخم من بيتهم .. 
وصـل للكنب وجلس وسامي جلس قدامه
 يطــآلع فيه ومافيه اي شبـه منه ومن عيلته 
 بس برضو حاسس بااحساس جميـل انو دا ولده 
 بلع ريقه 
 وجالس بطرف الكنبه ومو قادر مع التوتر يسند جسمو : مو عارف ايش اقولك 
 ضاع الكلام مرا تانيه 
 وبعدها سئلو : ترف ايش قالتلك عن ابوك !
مافي اي مقدمات 
 واحد ينطق اسم امه 
 ويقول ابووك !!
كلمـه دايما مايعرف شي عنـها 
 سامي عقد حوآجبه : من فين تعرف ماما !
قاسم : جاوبني اول
 سامي : مين انتا عشان اجاوبك
 قاسم رفع حاجبه واستغرب من قوته بالكلام 
 توتر ..تتووووتر 
 قاسم بقهـر : ايش قالتلك عني عشان تكرهني وماتباني ف حياتك 
 سامي بدأت تزيد دقات قلبـه 
 حس بتوتر دوبــه : انتا ميـن ؟! 
قاسم بضعف : انا قاسم عارف انك زعلان وكارهني على اللي سار مع امك زمان بس انا كنت صغير وندمان لكن ماتوصل لمرحله انها تحرمني من ولدي ..والله ليا فتره ادور عليك وهيا بتشرد مني 
 سامي مارد وقاسم يحسب انو لساته زعلان : ياولدي والله وربي عالم انو ندمان على اللي سار زمان واتأسفتلها مية مرا وهيا مو راضيه تسامحني بكيفها خلاصص لكن ماتحرمني منك وتكرهك فيا 
 وســع عينه بصدمه 
 انفاسسه بتزيد بتزززيد بطريقه مجنونه 
 مايدري هوا مو فاهم الكلام 
 ولا الكلام واضح ودا ابــوه ...!
قلو ولــدي
 كلمه يسمعها من الناس الكباار في العمر لما يكلموه 
 ابو بــراء
 مدير المدرسه 
 حرك فمه وهوا بيخرج الكلمه مو قادر مو قادر مرا صعبــه 
 بلع ريقه وعقد حوآجبه ودموعه قاعده تزيـد بعينه قال بصعوووبه واضحه 
 وصوت خايف ومكسوور: انا ولدك ؟
 قالها ونزلت دمووعه 
 من غير مايسمع جوآب
 طول عمره يتمنى اب
 طول عمره عاش بدون اسم
 دا اليتيم 
 دي الكلمه اللي كان يسمعها بصوت رااخي بكل مكـآن 
 قاسم بتوتر قام وجلسس جمبه لما شافه مفجوع 
 حط يدو ورا ظهره وبيطالع فيه يحسب ساامي مايباه : انا اسف على اللي سار بس انتا ولدي مستعد اعوضك العمر كلللو على اللي شوفتو ف الميتم 
 منكمش على نفسه ولا بيطالع فيــه 
 الكلام يبكيــه 
 بيبكي من غير صوت 
 بس دموع تنزل بعدم استيعاب 
 رفع يده ومسحها لما حس انو الموضوع مايدخل العقل : ماما ماحتكذب عليا 
 قاسم : عاارف وانا والله بقولك اسف واللي سار اكبر مننني ومنك ومنها 
 سامي وقف وطالع فيه وهوا مو فاهم قاسم يهرج ف ايش 
 مسح دموعه من قبل لاتنزل وقال بقوه :ليش ليش حتقولي انك موت !!! ليش حتكذب عليا 
 قاسم عقد حوآجبه بصدمه : ايششش !
سامي مو مصدقه : انتتا مين 
 قااسم وقف : ايش بهاا دي المجنونه وربي انااا اببوك 
 سامي صدره يطلع وينزل بتوتر بخووف باارتباك 
 يبااا يصدق وبنفس الوقت مايبا يصدق 
 مايبى يخسر امـه 
: لاتكذب
 قالها ببرائه 
 بطفوليــه 
 قاسم بصدمه جا بااتجاهه ويتكلم وهوا يحلف كل بعد كلمه : والله والله انا ابوك .. والله سافرت شههرين ورجعت ادور عليها مالقيتها في السجن وانتا مو عارف فينك
 سامي نزلت دموعه واشر براسه : ليش ليش حتكذب 
 قاسم واقف قدامه ويتكلم بضعف 
 بصدمـه 
 باارتباك 
: لأنها تكرهني من يومها ترف ماتطيقني .. من يومها وانا كل مازورها مالقى كلمه عدله منها 
 قاسم جا يمسكو الا سامي رجع خطوى لورى وهوا لساته مو مصدق : كيف اصدقك ؟
 قاسم مفجووع لدي الدرجه ضااحكه عليه 
 لدي الدرجه مو قادر يستوعب انو عندو اب .. 
رجع شعره على ورى بتوتر وهوا مو عارف يثبتلو حاليا 
 بلل شفايفه بلسانه للمرا الالف : طيب اسسمع هيا فين 
 سامي : دحين تجي
 قاسم : نستناها _ قال باأمر وهوا ينهي الكلام _ بس لو صدقتني حتجي معايا والله ماحخليك تعيش معاها دقيقه تانيه 
 سامي بلع ريقه بخووف 
 مسسكو قاسم وسحبو وسامي يمشي بدون وعـي
 جلسو على الكنبـه وجلس جمبـو وهوا يكمل كلامـه : انتا ايش ذنبك عشان تدخلك ف مشاكلنا

 بيتجنن ماتوقع توصل فيها 
 انها تقول عنه ميــت 
 اتوقع انو كرهت سامي فيـه 
 بس انها تعيش ولده بكذبـه 
 مو حاسس بمشاعر حاليا صح اتجاه ولده 
 غير صدممه 
 وتوتــر
 طول عمره كآن يتخيل اول مايشوفه يحضنه 
 بس ماحضنه 
 اتخيل انو يقوله قد ايش نفسـه يعيش مع بقيه اخواته 
 بس ماقــله 
 سار مافراسه غير ترف وحيحرق قلبها بسـآمي
 سامي راخي راسـه وبيسمع كلام ابـوه اللي بيدخل عقلـه ويخليـه يحس بحقد لاأكتر 
 قاسم : طول عمرها عقلها صغير وتمشي بس اللي ف راسها ماهمها انا ولا انتا ولا احد من اهلها 
 سامي طالع فيـه مو مستوعب انو فيه احد يهرج عن امو كدا ومايدافع عنها
 لأول مرا يحس انو طفــل وبس يبا يبكي 
 مايبى يكون اكبر من عمره 
 قال بصعوبه : ماما تحبني 
 قاسم جالس جمبه وملامحه كلها حقـد : لو تحبك ليش حتكذب عليك ليش تحرمك من ابوك وتعيشك في كذب 
 ماعرف يجاوب . اصلا مو مستوعب انو دا ابـوه 
 قاسم حط يدو على كتف سـآمي : والله والله بس تجي لاأخليها تندم على اللي سوته فيك وفيـآ انتا عارف انا قد ايش دورت عليك لو اخوها مادا البواب عنوان بيتها ماكان عرفت فينك 
 سـآمي بدأ يرجع يشوف بعينه نفس موضوع زمـآن 
 انو امه غلطانـه عشان كدا اخوانها يكرهوها 
 بس ماهمه دي النقطه اكتر من موضوع ابـوه 
 دوبو بيهرج قـآسم الا انفتـح باب الشقـه 
 بتدخل المفتاح وتخرجو 
 والاتنين يطالعو في الباب 
 قاااسم بكل حقـد 
 وسامي بكل ضعف
 انفتح الباب ودخلــت 
 وهيا عينها على الجوال
 سامي اول ماشافها نزلت دموعه 
 يبا يستنجد فيـها 
 وخايف منها بنفس الوقت 
 مو عارف ايش يسوي 
 قفلت الباب وسمعت صوت شهقات سـآمي رفعت راسها وطاح الجوال
 فجعـــه 
 كدا فجأه تحس قلبها طاح وكل شي دااار بعينها 
 تطالع ف سامي اللي يبكي 
 وبقــآسم اللي وقف اول ماشافها 
 مو قادره تتحرك 
 رجولها تقيــله 
 تبا سسسسامي 
 ومو قادره تروحلو 


 قاسم اتفاجأ مرا من شكلها صح له سنه ونص مايشوفها 
 بس دايما كآنت مبهدله في السجن والتعب واضح فيـها 
 دحيــن غييير
 لكن ماحيغير شي ف عيـنه 
 البنات ياكترهم حوليه اللي يباها يقدر يجيبها 
 كل اللي يعرفو انو حآقد عليها 
 حااااقد بشكل مجنون 
 قال بصوته اللي يفجعها 
 بصوته اللي ييقشعر جسمها 
 بصووته المقزز بنسبه ليها : وصلت فيكي انك تقولي عني ميـت 

 ياأللللللللللللله 
 لحظظظظظه مو قااادره تتكلم فيها 
 ايش تقوول ولدها يطالع بعينه البريئه دييك 
 تحس انو كل شي فيها يتنافض
 تتكلم ولا تبكي ولا ايش تسـوي 
 مو عارفه 
 وجهه لوحدو عاد جوتها الف موووقف 
: ماماا صح كلامو 
 نقلت عينها على سـآمي ووجهها مصفــر 
 نزلت دموعها على طول مع كلمتـو 
 اتوجهت بخطوات سـريعه ووقفت قبال سامي وهيا تغطيه بسجمها وتطالع 
 فقااسم وتتكلم بكل خوف : ايش تبا ايش تبببا مننا
 قاسم قرب : اااباا ولددي
 ترف رفعت يدها وتحط مسافه بينهم وتتكلم بقوه مصطنعه : مالك شي عندي دا وللدي انا
 قاسم رفع صوتـه : سااامع ...صدقت انو امك بتكذب عليك 
 ترف دارت على سامي بخوف ورجعت طالعت في قاسم ودفتو بقهر : اطططلع من بيتي
 قاسم رجع لورى وضحك وقدم تاني : حطلع ياقلبي بس مو طالع لوحدي
 تتترف اتجننت من الكلمه قالت بكل خووف وهيا تبكي : والله ماحتااخدو والله ماحتلمسسسو 
 قاسم رفع كتفو ويتكلم ببرائه : مو انا الللي حاخدو ... حرك راسه لليمين عشان يشوف سامي _ سامي تبا تجي معايا .؟ _ طالع في ترف وكمل _ ولا تعيش مع اللي كذبت عليك طول العمر 

 ترف دارت مفجوعه جلست عند رجول سامي وماسكه اياديه وتتكلم 
 وهيا ماعندها في الدنيا غيره 
 ماتبى تعيش بدوونه ولو ثانيه 
 تبكي وتتكلم بكل خوف : حبيبي انا اسفه انا اسفه لأني كذبت عليك 
 سامي بس قالت كدا سحب اياديه منها وبككي بصوته وهيا رجعت مسكت يده وشويا وتبوسها تطالع ف عينه 
 وتتكلم بسرعه وباانفاس يادوب تاخدها : سامي سامي طالع فيا لاتسسمع كلامه لاتسمع كلامه الله يخليك 
 تتكلم كأنها هيا الطفله 
 تتكلم وتترجاه وجسمها يتنــآفض
 سامي دمموعه تنزل ويحس انو مفجووع 
 ومو قادر يصدق 
 مو قادر يستتوعب انها كذبت عليه 
 كم مرا ااتعاير لأنو يتيم 
 كم مرا نزلت دموعه لأنه يشوف واحد من اصحابه ابوه يستناه
 مواقف مووواقف كتتير كلها كانت تبكيه وتجرحه 
 وفي النهايه ابوه عايش 
 عينه بعينها وهوا يبكي وقال بكل قهر : ليش كذبتي عليا 
 يبا جوآآآب 

 ايش تقــول !!!!
ايش الكلام اللي حيخرج بدا الموقف وبدا الخوف 
 رفعت يدها وتمسح دموعه : لأنو ماحيهتم فيك وحياخدك مني وماحقدر اشوفك تاني 
 سامي رفع عدسه عينه على قاسم وخلاص ساير مشتت بين اتنين 
 قاسم :حكمتي كيف !!! مو قلتلك لما تخرجي من السجن حناخدو وننربيه مع بعض ولا نسيتي 
 ترف وقفت وصرخت عليه : ككككذاااب يعني مااعرفك ماعرفك انك حتاخدو مني 
 قاسم بكل كره يهرج : الكلام معاكي ضااايع اتسجنتي ونسيتي عقلك هنااك مافي وحده صااحيه تقول لولدها ابوك ميت وهوا عاايش 

 سااامي لساته جالس يسمعهم يصـــرخو 
 يصــرخو 
 وصوتهم كل مالو يعلللى 
 مايعرف ينكسر لأنو امه بتبكي بدا الضعف 
 ولا لأنو طلع عندو اب بعد كل الظروف اللي مر فيها 
 كيـف قدرت تكذب عليه 
 كيف قدرت تحرمو من دا الشعور 
 كآن يستحمل كل شي منها 
 كآن يشوفها تحشش ويتضارب معاها ويخرج ويرجعلها تاني يبوسها ويسلم عليها لأنو عارف ماعندها احد غيرو 
 وهيا رضيت يعيش بشعوور الطفل المكسور اليتيم

 دموعه تنــزل وقـف وقال بكل ضعف : ابا امممشي من هنا
 جملــه انهت كل شي
 جملــه انهت حوار قاسمم وتــرف




 اترسمت على وجهه ابتسـآمه برغم من انهيار ولده 
 واترسمت على وجهها ملامح الصدمـه 
 كآنت بتقرب منو الا انكمش على نفسـه 
 ويتكلم بتعب وهوا يبكي :سيبيني ياماما ماباااكي
 قااسم جاا مسك يدو وسحبــو 
 خبط كتفه بكتتف تـــرف وكمملو 
 وهيا واقفـــه 
 واقفه تاخد نفسها بصوت مسموع 
 واقفه وتشووف ولدها خااارج من البيت 
 تحس انها بتطيـح من طولها 
 تحس الدنيا كلها تدوور حولينها اول ماختفى من عينها 
 استوووعبت انو خــرج 
 استوعبت انو راحح 
 مشيت بخطووات ســريعه 
 تنااااديه بككل خووف : ساااامي ...ساااامي تعاااال
 نزلت وراهم الدرج ومسسكت سامي وتترجاه : حبيبي الله يخليك لاتتتسيبني 
 سامي مو قادر يستحمل يشوفها كدا وبنفس الوقت مو قادر يتحمل اللي عرفو 
 يبا ابووه 
 يباا ابووه 
 طفــل 
 ايش ماكان طفــل 
 مايقدر يسوي نفسه كبير طول العمر 
 مايقدر يكون متفهم ويحاول يستوعب تفكيرها وليش سوت كدا
 دخل ورا ابوه وهوا مايبى يشوفها كدا يبــكي مايبا يشوفها تترجاه 
 غمممض عينه ومسك في بلوزه اببوه 
 قاسم بجموود : تتتترف خلاص سيبي الوولد مااايباكي 
 ترف وجهها محمر تحرك راسها بلا وتتكلم : لاااا والله ماااحسيبووو واللله ماااحسيبو 
 قاسم سحب ساامي ومحوطه بيددده مو مخليها تلللمممسو 
 وسامي منكمش على نفسسه في حضن ابوه ومازال يبكي 
 ونززل الدررج 
 شكلها مذلووول وهيا تلحق وراهم وتبكي 
 تحاول تمسكه ويدفها 
 وسامي شككككلو مكسوووور
 يباها ومايباها 
 محروق قلبه منها وعليها 
 ليش سسسوت كدا فيه مايدري
 ماسار عارف ايش يسوي غير انو يخلي ابوه يمشيه وخلاص 
 نزلو لأخر دررج وتتترف تترجى سااامي : الله يخخخليك ياااساااممممي 
 وقفت في مكاانها وصرخت بكل صوووتها : ساااااامي والله امووت من دووونك والله 
 وقف مشي ساامي فتح عينه وابوه يحاول يمشيه : يلااا ياااسامي 
 واقفه عند باب شقـه هديل وروان 
 وهمـآ بنص السيــب الطويـل
 جسمه يتناافض 
 مايبى يسرلها شي 
 يحببها 
 اممممه 
 زعلان بس منها 
 لا مو زعلان حاقد
 ايوا حاقد عليها 
 بس برضو مايبا يسرلها شي 
 انانيه هيا 
 انانيه ومافكرت فيه 
 واقف ومو عارف يروحلها ولا لا 
 قاسم نزل راسه لسامي وهوا يهمس في اذنو : طول عمرها بتكذب على اهلها وكذبت عليا وانتا جا دورك تبا ترجعلها وتكمل حياتك معاها ولا معايا ..؟؟
 سامي بهمس ودموعه تنزل : خايف عليها 
 قاسم : عاشت نص حياتها في السجن بدونك حتقدر تكمل لاتخاف عليها 

 كآنت مستنيتو يــرجع 
 يدير جسمو ويجيها 
 طول عمره يخاف عليها 
 طول عمره نقطه ضعفـه صحتها 
 بس مشـــي
 ممممشي
 خرج من العماره وتحس روحها خرجت وراااه 
 ماحتسيــبو يرووح 
 لحقتـو 
 تصــرخ 
 تنادي 
 تببكي بكل صوتها 
 بس 
 ماقدرت توصــله 
 تدق على باب السياره وهوا يضغط على اذانيــه مايبى يسمعها 
 مااايبى يشوفها كدا
 نفسو يروووحلها 
 بس قااسم ماسكـه 
 قاسم بيقويــه 
 دموعه تنزل ورا بعض وهوا يسمع صرخاااتها البعيده 
 وقلللبه يووجعه 
 مشيت السيااره لما قاسم قال للسواق حرك
 وهيا تتتبكي ماهمها الناس اللي يطالعو فيها 
 تنت جسمها وهيا تحط اياديها على ركبها مو قادره تلحقهم 
 جسسسمها تقيــل
 قلبها يحرقـها 
 تاخد شهقاتها بصوت مسموع 
 تاخدها وتحس روحها بتطلــع طالعت حولينها والناس يتفرجو علييها 
 رجعت للعمماره دوبها تطلع الدرج رجولها ماشالتها جلسست وبككيت 
 بككيت وهيا تناديــه : آآآآه يااااساااامي
 تحررك رجولها بطريقه مجنونننه 
 جسمها يتنااافض وكأنه روحها بتطلــع 
 تبككي بصووت يفجع 
 دا الشي الوحيد اللي مخليها تعيش
 دا بس اللي تببباه ماتبى احد ماتبى اهلها ماتبى اخوانها تبا بس ولدهااا 


 فتحت البـآب جارتهم للي اتضاربت مع روآن وهيا مفجووعه 
 تسئلها ايشبك ايش ببك 
 وتتترف ولا ترررد 
 مو سامعه احححد
 تتتقول آآآآه وتحسها حريقه جوت قلبها
 ولا ثووواني هديــل فكت الباب وروان اللي كآنت نايمه قامت مفجوعه 
 وخرجت وراها 
 طالعو فيـها وكلهم مفجوعين من شكلها 
 تصــرخ بطريقه مجنننونه 
 عروق رقبتها بااارزه 
 وجهها محمممر
 جسمها يتنااافض مع انها شاااده على جسمها بس مو قادره تتحكم 
 تننااادي اسمو كل بعد شهقــه ومو قادره تستوعب انو رااح ومايباها
 روان تطـآلع فيها وتحس انها لساتها مافاقت من الصدمه اللي هيا فيها 
 قربت منها ونزلت على ركبها : ااايش بكك 
 تتترف تضغط جسمها على فخذها وتقووول بككل قهههر : وووولدددي راااح 
 كلهم حسبووه ماات!!!
جارتهم : ياألله فينوو طيب
 هديل رفعت يدها على فمها مصدوومه من بكا ترف من صوت تتترف من انهيارها 
 تتترف مو عارفه ايش بتتقول عمرها ماشتكت عمرها ماتكلمت بس بتتجنن : اخدددوه مننني _ تطالع في روان اللي قريبه منها _ جيبيلي ولللدي جيبلي هوآ
 روان طالعت على هديل ورجعت طالعت في ترف حست انها تبا تبكي 
 بجد كل واحد بهمــه 
 نفسها تبكي زيها وتصرخ 
 وتخرج اللي بنفسها 
: ميين اخدووه 
 ترف : اببوه جا اخدو منني _ ضرربت على فخدها كدا مراا _ كللو مننني كللللو مننني
 روان مسكت يدها : اهدي 
 ترف وقفت ومسكت في الدربزاان :جوالي _ رفعت يدها تمسح دموعها وطلعت بسـرعه 
 بدون عقـــل 
 بدون وعــي 

 رووان تسيبــها !
لا طبـعا 
 طلعت على طول وراها 
 وهديل نادتها : روووان فين رايحه 
 ولا ردت عليـها 
 هديل لحقتها ..وجارتهم دخلت بيتها وقفلت على نفسها الباب 

 تــرف اول مادخلت لقت جوالها مرمي في الارض اخدتـو وتحاول تحط الرقم السري 
 كدا مررا وتغلط وترجع تدخلو 
 فكت سجل المكالمات واتصلت على سـآمي
 واول ماسمعت صوت جواله ولانزلت الجوال من على اذنها سارت دموعها تنزل تاني
 ساب جواله 
 مااخد شي من البيت
 مشيت بخطوات تقيـله لحد الطاوله اخدت جواله وجلست على الكنبه 
 وتحرك جسمها بشويش على قدام وترجع لورا 
 دموعها تنزل بدون صوت 
 ماسكه جواله 
 ومو قادر تستوعب ايش اللي سار 
 دخلت رووان وراحتلها على طول جلست جمبها وقالتها : كيف اقدر اساعدك ايش تبيني اسويلك 
 تقولها بكل ضعف وكأنها كآنت تتمنى احد يساعدها لما سجنت جاسم 
 تتمنى احد يريح قلبـها المحروق
 ماتبى احد يبكي ماتبى احد يححس بالوجع اللي هيا تحسـه حاليا
 ترف ولا علقت على نفس وضعها 
 بتحاول بتحاول تستوعب ايش سار
 الا دق الجوال بيدها رفعت شافت اسم برااء ورجعت تبكي وكأنه ماصدقت تلقى احد ممكن يساعدها : براااااء


 كآن مسدووح كآن رااايق ومحد قدوو وفجأه يحس قلبه طااح 
 جلس على طوول : ايشش بكك
 تتترف : اخدووو ولددي اخدووه مني
 برااء ماستوعب مين : اخووانك !!!!
ترف كآنت بتهرج الا سكتت ...وسعت عينها ودموعها تنزل : اخواني !
بدأت تجمــع 
 تامر لما عرف فين تشتغل جاها ليـث
 تامر لما جاها هنا بعدها جاها قــآسم 
 بيسوو نفسهم طيبين وهما كارهينها اصلا 
 قالت بصدمه : اخووواني ايييوا كلووو منهم 
 برااء مو عارف كيف يهديها : ايش اللي سااار فهميني 
 ترف : شوويا اكلمك شوويا 
 قفــلت منو وخلتو زي المجنـــون بعد ماسمع صوت انهياراها 
 وقفت وهيا تتصل على تـآمر 
 تروح وتجي ويدها اليمين ماسكه الجوال على اذنها ويدها التانيه على شفايفها 
 واول مارد : انتتتا فيين ... قووولي فين بيتتتكم ....قووولي دحين ولا والله لاتتشوفو شي مايعجبكم 
 اول ماداها العنــوآن قفلت منـو وسارت تدور شنطتها طالعت في هديل اللي ححاسه نفسها غلط : شنطتي فيين 
 هديل راحت لباب الشقـه وشالتها من الارض ادتها هيا وروان مسكتها : فين تبي تروحي
 ترف تتكلم بضعف : ابا تاااكسي 
 روان مسكت يدها : طيب تعاالي انا اوقفلك خلاص لاتبكي 
 مشيت روان وهيا ماسكتها وتمشي وترف وراها مو عارفه ايش تبـآ باأخوانها 
 بس حتنفجر فوقهم 
 مافي غيرهم 
 روآن ايش تحــس بدا الموقف 
 ماتحس بشي 
 كدا شي يحرق قلبها بس مافي حاجه تدور وسط راسها 
 كل اللي تعرفو انو ماتبى دي البنت تبكي 
 ماتباها تنقهر 
 مين دي البنت 
 برضو ماتعرفها 
 بس انقهرت لما شافتها تبكي بديك الطريقـه 
 بطريقـه مجنونه تحرق القلب ... 

هديـل مو عارفه روان فين حتوديـهم 
 مو عارفه روان متى حتبطل تساعد الكل 
 حتى وهيا في مصيبـتها نسيت نفسها وتبا تروح تساعد ترف 
 هديل دخلت البيت اخدت شنطتها ومفتاح الشقه ولحقت وراهم 
 ماحتسيب روان لوحدها 
 وقفـولها تاكسي وترف بس تبـكي 







 امـآ في العماره اللي عايشيـن فيها اهل ترف
 بالاخص في الشقه اللي فوق شقتـهم 
 مسويـن احتفـآل
 وعازمين الجيران كلهم 
 لمى جالسه جمب امـها 
 شكلها بسيـط 
 مكياجها الناعم شعرها القصيـر مفرود
 لابسـه كالعاده شي محشـم جينز
 وبلوزه بيـضآ ...
وتحرك رجلها بنرفزه تبا تمشي 
 ترفع جوالها لما قرات عدي كتبها " مني فاهم متى حنتكلم "
تبا تتكلم معاه مرا بدأت تنخنق 
 ناس ماتعرفهم 
 وامها لها مية مزآج شويا تنبسط شويا تقعد لوحدها 
 اما لمى مو متعوده على الازعاج والجلسـآت دي 
 تتوتر من التجمعات
 والناس يطالعو فيها ويسئلوها ها متى فرحك 
 وكلام ماتحب تتكلم فيـه 
 اصلا هيا ترتبك لما تتكلم مع اي احد
 انطوائيــه لأبعد درجه 
 طالعت في امها وقالت بكذب : ماما انا عليا اختبار
 طالعت فيها وقالت بقرف : خلاص خلاص انززلي بس لو اخوانك ماجو تطلعي فاهمه ولا لا
 خلتها تجي معاها بالقوه عشان مافي احد معاها في البيت 
 لمى بقله حيله : طيب 
 ماصدقت وقـفت وطلبت عبايتها حاولو فيها تقعد 
 بس كآنت تبتسم بخجل وتقولهم عليا اختبـآر
 لبست عبايتها وتبا تنطنط من الفرحه 
 اخيرا حتتكلم مع عـدي
 مرا وحشششها عارفه انو زعلان بس حتحاول تراضيه 

 خرجت ونزلت بسرعه الدرج ...اتصلت على عدي وهيا بتدخل المفتاح بالباب 
 حتستغل الوقت : الوو 
 عدي : هلااا يختتي
 لمى فكت الباب وابتسمت باين انو زعلان : اهلين
 عدي : كويس اديتيني من وقتك الثمين 
 لمى : هههههههه معلليش 
 لمـى طالعت عند الباب عرفت اخوانها لسى ماجو دام مافي جزمهم .. 
بس ماحتطلع 

 اما في غرفه المعيشه جالس ليث بتملل دق دق الجـرس ولما محد فكلو 
 فتح الباب بمفاتيحه .. وصـل قبل تامر 
 سمع صوت لممى كآن بيخرج الا هيا جلست في الصاله وقاعده تتكلم وتفسخ جزمتها 
 تتكلم بكل سعاده وفجأه دخلو من موضوع لمـوضوع 
 لين ماتغيرت نبرة صوت لمـى: ماحب اضايق .. لما احد يرفع جواله جمبي ويصور
 عدي طرد لؤي من غرفته عشان يتكلم : ليش
 لمى : مدري 
 عدي بتردد : عشان صورتك؟
 لمى لأول مرا حتتكلم معاه في الموضوع : ايوا 
 عدي يموت ويعرف ايش سرلها : ليش انتي رميتي عليا الجوال .
لمى تمرر يدها على ازارير عبايتها وتتكلم : خوفت 
 عدي جلس بااهتمام وهوا ماصدق قالت كلمه : مني .؟
 لمى : منك ومن ماما 
 عدي بهدء يتكلم : ليه تخافي منها 
 لمى حطت الطرحه على كتفها وكملت كلامها : لأنو ماما ماتدري انو عندي جوال وانتا جيت تكلمني وهيا جات بنفس الوقت انفجعت ورميتلك الجوال
 ليثث ماكان يبا يخررج ماكان يبا يطالع فيها وهيا تكلم خطيبها اللي مو طايقه اصلا 
 عشان كدا جلـــس
 بس الكلام جننـــه 
 وقــف وقدم خطوه عند الباب وهيا تكمل كلامها 
 سئلته بكل قهـر : انتا ليش نشرت صوري
 عدي : والله مو اناا ياقلبي ... والله كل يوم اسوي بحث في الانستا وادفع فلوس لااي حساب منزل الصوره وبيحذفوها 
 لمى : بس برضو خلاص انتشرت الله واعلم كم واحد حفظها _ قالت وهيا تبا تبكي _ كل ماتخيل انو ممكن صورتي تكون في جوال واحد احس اني اتخنق واكره جوالي 
 ععععدي مو عارف يتكلم 
 لأنها بتشتكيلو لأول مرا 
 ولا لأنه حتى هوا مو قادر يتخيل انو صورتها بجوال واحد غيرو 
 ولا لأنه السبب كل شي اتجمــع على بعـض 
 قال بقهر : اكتر شي ندمان عليه بحياتي دا الموضوع 
 لمى بتردد ونفسها تسئلو دا السؤال من اول : عدي
: عيوني
 لمى بتوتر : انتا اتقدمتلي عشان صوري اللي انتشرت ولا عشان انتا تباني
 ليــث هنآ ماقدر يستحمل اكتتر من كدآ
 بيتجنننن من يوم ماقالتلو ماما ماتدري انو عندي جوال وبعدها رميتلك جوالي !
وبعدها انتا ليش نشرت صووري !
وبعدها كم واحد حافظها !
وجملللتها الاخيره 
 كل شي كل شي جننه من النهايه 
 خرج من الغرفـــه 
 وهوا يتنفس بصوت مسموع 
 نفس نظرتـه في اخر مرا ضربــها فيها 
 زي الثووور الهــآيج 
 بكل خووف نزلت جوالها وقفــلت بوجه عدي
 وقفــت وتبا تروح لغرفتها 
 تبا تشــرد وبـس
 وقفـ قبـآلها وف ثاانيه نزلت دموعها 
 ف ثانيـه عرفت انو حيتعاد فيها كل شي 
 رجعت على ورا تبا تخرج من باب الشقه بس مسسسكهاا وهوا يصــرخ : تععاااالي ياكلبه 
 جابها قدامه وهيا تهرج بخووف وبرعب : للليث امانه لاتسويلي شي 
 ليث يتنفس بعصببيه ويتكلم بعجم استيعاب: ياااووووسخه وطلعتي تعرفيه من قبلل الخطووبه وصورك في جووال غيرو وهوا مبسووووط الككككلب هوا اللي نشر صوورك وجاي يتقدملك بكل عيين قوويه 
 لمى بتلكلك : لا لا والله مااعرفو فهممتني غلط و
 ومالحقت تتكلم لما جاها الكف اللي من قوته طيحها في الارض
 مالحقت تتنفس مالحقت تنطق بااي كلمه لما رفعها وضرب بجسمها في الجدااار ويطالع فيها بكل ححححقد وصدى صوته يرجع بالمكان : ياااااوووسخه ومسويه الشررريفه على رااسي
 جسمها يتنافض مغمضه عينها بكل قوتها
 عارفه انو حتموت بين يدو 
 اخر مرا مرته كآنت فيه اليوم مافي احد 
 لحظــآت سريـعه بنسبه له وهوا يمسكها ويضرب راسها في الجدار 
 يرفــسها برجلو اول ماتطيح في الارض 

 كآنت بنسبه لها لحظــآت تشوف فيها الموت 
 ماتقدر تاخد نفسها التـآني الا وهيا بتآخد ضربـه اقوى من اللي قبلها
 وكأنه قاعد يطعنها ورا بعــض
 وكأنه قاعد يسحب رووحها بشووووويش منها 
 شهقــه تاخدها بكل صوتها من غير ماتلحق تتنفــس
 ماسارت تحس متى بتوقف متى بتطيـح 
 متى بيترفع جسمها من الارض 
 كلمــه بسيطه توصـف حالتها
" الموت قدآم عينها " 
 " الموووت بشوووويش " 
 " المووت بطريقــه مرعبــه تخووف " 
 " المووت وقلبها بيووقف من كتر الخوف " 
احساس مافي ابشــع منه 
 الضــرب بهمجيـه وكأنك منتي انسـآنه
 طآح جسمها على الارض اول ماسابها دوبـه بيقرب منها شافت رجوول شخص
 يجري لناحيتها 
 مو عارفه مين 
 كآنت بتغمض وتفتح عينها 
 سمعت ينااادي بصووته لممى
 رفعت عدسة عينها وشافت تامر 
 شويــة امآن 
 مو مرا حاسه بالامآن تبا تخرج من دا البيت 
 كآنت تحس دايما انها حتموت بدي الطريقـه 
 بس شكلو مو اليوم 
 اتحولت ملامحها لوحده تبا تبكي بين المها وكأنها ماصدقت احد يجيها 
 رفعها وهوا مفجووع 
 بينزل دم من راسها من خشمها 
 شدت على ثوبـه بيدها اللي ترجف 
 وجسمها كلو يوجعها بالقوه قدر يوقفـها 
 ليـث بكل صووته وهوا ياخد انفاسه بسرعه : انتتو اللي مخربينها انتو اللي مدينها حريتها
 تامر وهوا يطالع في لمى مفجوع رفع عدسة عينه على ليــث
 وفلحظظظه ملامحه اتحوولت لحقــد فلحظظه ماقدر يمسك نفسه واتهجم على ليث ولمى مسكت في الجدار وهيا تشوفهم يتضـآربه 
 تطالع فيـهم وتبـكي
 ليث يستقوي على اخواته لكن مايعرف يتضارب مع تامر وتميم 
 تشوف تامر يمسكه ويضــربه مرا ومرتين وتلاه 
 رممآآه على الطاوله الي في نص الغرفـه وانكسسرت وطاااح في الارض
 انفجعت 
 تحاول تشرد لأقرب غــرفه 
 دخلت للمجلس وقفلت الباب بالمفتاح وجلست ورا الباب حطت راسها على ركبتها ومغمضه عينها بكل قووته 
 وهيا تسمع اصواتهم 

 جسمها يوجعها من رجولها لراسها 
 رفسها بكل مكان 
 ضربها بكل منطقه بجسمها
 الللم مو طبيعي 
 الم وفجعه وخووف 
 وكل شي جوة قلبـها 
 لين متى حتستحمل حياتها ليــن متى حتقدر تتحمل الضـرب دا
 فجأه اختفى صوتهم 
 فجأه سمعت صوت بنت بينهم 
 صوت وحده تصــرخ 
 وحده منهاره 
 مو صوت امها
 مو صووت امل 
 وقفت بالقوه وهيا تمسح دموعها وتلقى دم 
 سارت تمسحها بعبايتها بخوووف كدا مررا 
 فكت الباب وخرجت خطوتيـن ووقفت 
 وقفت وهيا تشوف وحده
 بس شايفه ظهرها 
 اخوانها مو شايفتهم 
 سمعت تامر يييقولها : تتتترف ب
 وماسمعت بعدها اي كلمـه مع الفجعه 
 دي تــرف !!!
دي تــرف
 دي تـــرف
 دي اللي هيا بسببها سرلها كل شي من طفوولتها 
 خلوها تــرجع البيت 
 حيخلوها تعيش معاهم تـآني
 رجعت خطوى لورى ودموعها تننززل
 قلبها يووجعها 
 خاايفه مننها 
 خايفه وماتبى تشوف حتى وجهها 
 دارت جسمها شافت جوالها بينور وهوا صاامت 
 اخدتـو 
 فكت باب الشقــه وخررجت
 مجنــونه !
لا 
 مو مجنـونه 
 مافكــرت 
 الا فكــرت مية مرا بددي اللحظـه 
 خـآيفه دي الكلمه اللي اقدر اقولها 
 صوت دقـآت قلبها 
 ذكرياتها والضرب اللي شافتو بحياتها كلو اندمج مع صوت ترف

 السـآعه 1 الليــل
 خارجه من البيت بدا الوقت 
 بدون وعــي
 تمشي وكل جسمها يوجعها 
 تمشي وترفع يدها ماتدري تمسح دم ولا دموع ولا ايش بزبــط
 وماقدرت تبعـد اكتر من الألم جلست تحت شـجره غطت وجهها بطرحتها 
 وسارت تبــكي حست بخطوات احد يمشي قريـب بس عداها بسـرعه 
 ا 
 نزلت الطرحه من على وجهها لما ماشافت احد 
 وفجأه حست مو عارفه ايش تسوي 
 مو قادره تووقف خلاص ولا قادره تتحرك 
 اصوات السيارات مرا صوتها عالي 
 وعيونها بتتنعس بطريقـه تخوف 
 رفعت جوالها وتشوف عدي قاعد يكلمها بالواتس 
 مو عارفه ايش بيكتب 
 تبا تـميم 
 تبا تقوله خلو تـرف
 تخرج 
 خايفه منها مرا
 اتصلت على تميم جواله مقــفل



دق عـدي 
 ماتبى تدخلو ف مشاكل اهلها 
 ماسكه الجوال ويدها تتنافض خايفه يسـرلها شي
 تبا ترججع البيت وماتبى ترجع 
 عمرها ماخرجت لوحدها 
 عمرها ماتحطت بدا الموقف
 بس خلاص تعبت من الضـرب 
 تبا تمــوت وترتاااح منهم كلهم 
 شدت على الجوال وردت لما اقتنعت انو بيتهم مو امان وماتبى ترووحو 
 ماتبى ترجع تشوف الموت بعينها 
 ماتبى ينداس عليها وتتضرب وكأنها حيوانه 
 ردت وطلعت شهقاتها قبل اي كلمــه 
 كآن دوبو حيعصب كآن متصل يحط حد لعلاقتــهم 
 طفش منها 
 طفش من اسلووبــها 
 خنقتو وهيا تصرفو وتقفل بوجهه 
 متصل عشان يديها خيارين ياتحطيني بالصوره وتعتبريني زوجك 
 ياإنتي حره وروحي ف حالك 
 مايبا يسيبها بس يبا ياأدبها شويا 
 يباها تحس على دمها 
 بس كل شي اتبخــر
 لما سمع شهقاتها كآن في الحوش ويمشي بعصبيه 
 فجأه وقف وقال بشك : لمممى !!
بس قال اسمها حست انو دا الانسان الي ممكن يخرجها من حياتها 
 دا هوا اللي يقدر يرحمها من العذاب اللي بتشوفه بينهم 
 خايفه ومن صوته بس حست انها تباه وخلاص 
 قالت بين شهقاتها : عدي تععلي
 صدمممممتووو 
 قال باارتبـآك بالقوه قدر ينطق اسمها : لـ لمى ايش بك 
 لمى غمضت عينها بقوه : ليث ضربني
 ماشاف شكلها بس اتجنن من الكلمــه : ايشش !!! _ استوعب انها تباه يجيها _ دحيين دححححين جيك 
 لمى تمسح دموعها: انا مو فالبيت
 عدي فجأه ارتخى صوته تاني : انتي فين !
لمى تهرج وتبكي: خرجت من البيت جات ترف مابى اااشوفها 
 مو فاهم شي مو فاهم ولا كلمـه 
 رفع يده على شعره وهوا يتكلم باارتباك : فين اجيكي يالمى فينك دحين
 لمى تطالع حولينها : قريب من البيت 
 عدي : طيب حبيبي خليكي معايا على الخط 
 دخل بســرعه وكآن طالع يجيب مفتاح سيارتو 
 شاف مفاتيح ابوه اخدها وخـرج ... 
 : لمى معايا 
 لمى : اييوا 
 عدي : طيب يااقلبي خلاص اهددي شويا واكون عندك 
 لمى تبكي باانهيار : مرا تعبانه 
 جملتها جنننتــو ...
مســرع بطريقـه مجنوونه 
 يبـآ يوصلها وبـس ... 



قبــل لاتخرج لمـى وبزبـط في المكان اللي بيتضاربو فيـه 
 ليـث وتـآمر .. 
ليث طااح على الطاوله القزاز وانكســرت 
 سابو تامر ..
لا طبعا رجع مسكـو تاني وليث يحس راسو رج من قوة الخبطه 
 صررخ عليه بكل صووته : كمممم مررا اقولك لاتلمسهاا 
 دفو على الكنبه وليث بالقوه سند نفسـه مو قادر حتى يقوم 
 هذا وضرب تامر مايقارن جمب ضربه للمـى
 تامر رفع يهدده : والله ورب النعمه ياااليث اني حمرمطك في السجوون ... اخخر مرا لمى مارضيت تبلغ بس والله لاأسحبها غصبا عنها وارفع عليك قضيـه
 ليث يمسك فكه اللي يوجعه وقال بقهر : روحووو سوها ياأولاد مراد احبسو اخوكم واضربوه بعد العمر دا
 تامر : حذرتك اخر مرا قلتلك لاتلمسها ...انتا انتا ماحترتاح الا لو ماتت بين يدك
 ليث وقف : ايييوا وحده وسخه زيها تستاهل اللي يسرلها 
 تامر طالع فيه بقهر .. 
مجنون ومستحيل يستوعب 
 يحسو مو بعقلو ف دي المواضيع :انتا اللي جبتو لنفسك والله كنت حرحمك عشان بزورتك 
 ومالحق ليـث يـهرج لما دخلـت ترف 
 متأكده من رقم الشقـه قلها رقم 3 ... والباب مفتوح 
 واصواتهم لبـرا 
 مو مهتمه حتشوف امها حتشوف مين بزبــط بس تبا ولدها 
 تباا ولدها وبـس
 نادت بكل صووتها : تااااامر
 ليث انفجع وهيا دخللت بكل هجوميـه وهيا بتدوور واول ماشافتهم واقفين بنص الصاله 
 وقفت مكانها 
 دموعها تنزززل 
 وجهها باين اللانهيار 
 باين انها خســرت كل شي بحياتها 
 صرخت عليهم من غير اي مقدمات 
: مجموووعين كمان _ اشرت على نفسها _ انا ايش سووويتلكم قلتلك كل شي سرلي وبرضو روحت لقاسم 
 تـآمر بصدمه عارف انو سايرلها شي بس مافهم على الجوال : تــرف ايش بكك
 ليث : هههههههه قااسم جاااه 
 الاتنين طالعو فيه مصدوميــن 
 ليث ظهره يوجعه بس فرحته اقوى من اي شي حاليا 
 مشي بخطوات اتجاهها وااول ماوقف عندها قال : قلتلك حخليكم تتضاربو على الولد ...اخدو ولا انتي منهاره لسبب تاني .؟
 ترف مو خايفه خلاص منو دفتو وضربببتو بقهههر : اللله يااااخدك يااااوسسسخ 
 كآنت تضربـه وتدفه وهوا يضحك 
 يضحك واخيرا شافها محروووقه 
 كآن مستني دي النظره بعينها قبل لايقتلها ووصل للي يبااه 
 تامر حاول يبعدها وسارت تصرخ بكل صووتها وتتكلم بجنان : اخدتتتو وولدي واخدتو حيااااتي مني ايش تبببو ايش تبببو مني 
 تامر بالقوه بعدها عن للليث ووقف بينهم ويحاول يفهم ياخد نفسه ورا بعض : فهميني الموضوع 
 ترف : على اساس مو فاااهم على اساس بريئ وماتدري
 ليث رفع يده : وانتي ايش بك منهاااره ولكي عين تجي لهنا كممان 
 تامر طالع فييه : ااااسككككت بقوولك 
 ليث : منني ساااكت... عشان كدا قلتلي اجي البيت ...دا الموضوع المهم ..ولدها انا اللي خليت قاسم ياخدو ..بعد وساختك جايه تبينا نجبلك وللدك ولا ايش 
 اتجنننت 
 راحت بكل هجووميه ناحيته وتامر مسكها 
 تصرخ وعرووق رقبتها باارزه وجهها محممر : اللله يححررق قلللبك الله يحححرق قلللبك
 ليث : سيبببهااا ورييني ايش تبي تسسوي 
 تامر صرخ عليه : لللليث اطططلع من البيت 
 ليث : منني طاالع مو هيا اللي حتخليني اخرج من بيت اهلي 
 تامر سحححب ترف وهيا تصرخ تبا تضرب ليث 

 تبا تضضربه وماهمها لو انضربت 
 تبا تطفي حريقه قلبـها 
 بالقوه رفعها من الارض ودخل لغرفتــه وقفــل الباب : سيييييبنننني بقووولك 
 سامعه صووت ضحكه ليث 
 ضحكته مستتتفزه 
 ضحككته حارقتلها قلبها ومجننتها 
 تامر وقف عند الباب وهيا ضربته كدا مرا ووجهه محمممر : ااااصبري فهممميني 
 تتترف وقفت قباله وتاخد انفاسها السريعه ورا بعض: اافهمك ايش اخد ولددي مننني كلللو منكم _ دفتو _ بعددد عنني
 تامر : والله ياااترف مدري عن شي 
 ترف تأشر عى نفسها وتبككي : ولدددي خرج قددام عيني ساامي رااح ومايباني 
 تامر باارتباك : خلاص خلاص والله لاأجبلك هوا
 ترف وقفت قباله بزبط تطالع فيه 
 بعيووون ضاايعه 
 بعييون وحده على وشك الجنان وبس : ايش اللي يخليني اصدقك 
 تامر بالقوه قادر يمسك نفسـه : لما تشوفيه بعينك غير كدا ماعندي شي اقوله
 نزلت دموعها اكتــر : ولو ماجا يااتامر لو ولدي مارجعلي
 تامر : دا الشي اللي حقدر اعوضك فيه عن اللي فات _ قال بثقه _ ولدك حيرجعلك 
 ترف مو قادره تصدق قالت بخوف : داا قاااسم دا قااسم 
 تامر وهوا بجد ماعنده شي يخســره : وانا تامر وربي كلمتي ليكي ماتنزل الارض
 ترف مو عارفه تصدقــه ولا لا 
 بس مافي حل غيرو 
 مافي حــل غير انها تأتمن واحد منهم 
: كلللو من لييث
 تامر بحقد : ليييث بالكتير بكرا وهوا مسجون لاتشيلي همو بعد اليوم 
 طالعت فيه مفجوعه 
 رجعت رفعت يدها وتمسح دموعها 
 حيتسجن بعد ايـــش 
 بعد ماأخد ولدها منــها
 قالت بتعب : بععد ابا امشي
 تامر : انا اوصلك 
 ترف راسها تقيــل كل شي فيها يوجعها : بععد الله يخليك وشيل ليث عنني 
 تاممر فتح الباب ومسك يدها : تعالي ..
خايف امو تشوفها 
 خايف لمى تشوفـها 
 مايبى احــد 
 اصلا لما طلبت العنوان فجعته ولو ماكانت منهاره كآن صرف الهرجه 
 تمشي وراه وهيا مو بعقلها 
 تمشي وبــس 
 نزلها لتحت وشاف روان وهديـل واقفين عند التاكسي 
 مآهمه ف دي اللحظه مين معاها 
 ولا حتى روان طالعت فيـه 
 كآنت في عالمها 
: خلاص رووحي نامي وانا حجيكي اول ماتصحي
 تروح تنـآم !!!
تروح تنام وسامي مو ف البيت !!
نزلت دموعها : سامي مو فيه وتباني انام 
 تامر : الله يخليكي بس اديني وقت هوا مع ابووه لاتخ
 ترف صررخت : لاتتتقولي ااابوه داااك مو اب رماه طول عمرو وجاا ياخدو دحين 
 تامر انفجع : خلاص خلاص اهدي ساعه وحجيكي بس لمى تعبانه خليني اطلعلها واجي طيب
 ترف مشيت بدون ماتسمع شي تاني 
 تعبانه !
ايش حيكون فيها يعني !
اقوى من اللي بيسرلها 
 ماحيخطر في بالها
 زي ماترف انسحب سامي من قدام عينها وكأنو روحها بتنسحب منها
 لمى مرت بنفس الشي بس من كتتر الضــرب 
 من كتتر الضرب كآنت تحس روحها بتطلـع 

 تامر نفسو يروح معاها دحين نفسو يطمن عليها 
 بس شكل لمى مو راضي يخرج من راسه 
 وليث بس اللي فوق 
 بس استوعب دي الجمله طللــع بسـرعه قبل حتى ترف لاتمشي 
 طلــع بخطوات ســريعه 
 ودخل للمجلــس مالقـآها 
 دور في المجلس التاني بغرفتها بغرفتــه 
 وراح لليث اللي جالس لأنو ظهره مرا يوجعه
 وعلى وجهه ابتســآمه 
 مبسوووووط 
 يباها تنحرق كم يوم على ولدها 
 يباااها تموت قهههر 
 صرخ بككل صوته : فيين لمى !!!
ليث اختفت ابتسامته وكشر : ايش عرفني 
 رجع يدور عليها بالحمامات بكل مكـآن 
 وقلبه يدق بسـرعه 
 وكل اللي جاه براسه كلمتها
 لما هددتهم انها تسيب البيت 
 واقف عند باب الشقـه وهوا ياخد نفسه ورا بعض
 لا مستححيل لمى تسويها 
 بعدين يتذكر شكلها وهيا مضروبه ويقول اكيد هجججت 
 اول مرا يشوفها بدا الشكل 
 اخر مرا تميم اللي خرجها من بيت ليث
 ليث : هااا فينها 
 تامر خرج من البيت من غير مايرد عليـه
 خرج جواله يتصل عليها ماترد 
 يتصل على تميم جواله مقفـل 
 وقتتتته
 ندم انو اتكلم معاه 
 ندم انو حكــآه 
 بيتجنن تامر وهوا ضايع بين اخواته الاتنين 
 مو عارف يركب سيارته ولا يممشي ويدور عليها 
 رجع اتصل تاني .. 




امــآ عدي وقف بزبـط فين ماقالت 
 نزل وهوا يطالع كآن بيروحلها بسـرعه 
 بس
 اول ماشافها وقف 
 وقف وماقدر يتحــرك 
 مو متعود 
 موتعود يشوف احد كدا
 عمرهم ماكبرو على الضرب 
 اكتتر شي شافه بحياته وفاة سيدو وخالته 
 مايعرف ايش يعني معاناه ضــرب 

 فسر الضرب يعني كدمه بوجهها 
 كدمممه بس 
 دي مرتـــه ...!!!!
دي مرته اللي مضروبه بدا الشكل وهوا مو داري عنها 

 امـآ هيا اول ماشافته واقف يطالع فيـها نزلت دموعها 
 وكأنها استوعبت انو عيلتها مجنونه 
 استوعبت من وقفــته انو قد ايش مدلع وماشاف شي بحياته 
 اتدارك نفسـه 
 قدم بخطووات بيحاول انها تكون ســريعه 
 نزل جسمه بااتجاهها وهيا تببببكي 

 الدم نــآشف .. وجهها بدأ يورم ويتنفخ ..
قلبه يدق بسرررعه وجسمــه يتنـآفض 
 وهيا رخت راسها ماتباه يطالع فيها باين انه مصدوم 
 حاول يمسكها ويقومها الا اتألمت 
 سحب يده بسـرعه 
 مو مصددددق مو مصدددق انو فيه ناس مجنوننه بدا الشكل
 قال بكلمات يادوب تطلع 
 حـــآقد وعلى إنوماشاف شي بحياته بس مجننننون 
: فينننو ليــث !
 : ف البييت 
 يبا يرووح يبا يروح يضـربه بس مو قادر يسيبها كدا
 يحس قلبه يووجعه 
 يحس بحقد 
 بكره 
 بقهههههر عليها
 وقف ومد يدو : تعالي 
 رفعت يدها الللي تتنافض ويحس دموعه بدأت تتجمع بعينه 
 مسكت يدو وقامت 
 كل شي دار فيها اول ماوقفت مسكت ف بلوزتـه 
 وهوا انفاسه كل مالها تزيـد 
 مغمضه عينها وطالع فيها : تقدري تمشي ؟
 قالت بتعب واضح : دقـ يـ قه 
 كأنه احد بيطعنه بقلبــه 
 يحبــها 
 وحقتــو 
 يحسها ملكــه وسايبها لعيله مجنونـه 
 مو قاعد يتخيل ولو ثانيه انو حيخليها تـرجع 

 دق جوآلها ... عدي طالع جمب الشجره : دا جوالك 
 لمى ولساتها شاده على بلوزه ومقربه منو : ايوا 
 عدي كآن بيحاول ياخدو الا قالت : لاتسيبني 
 ولااتحررك خايف يمسكها تتالم 
 سار واقف مكانه: ايش يوجعك 
 قالها بغصصصصه 
 قالها ويحس يبا يبكي معاها 
 لمى : كل شي 
 حرقتلو قلبه بالكلمه 
 بس انفاسه اللي بتعبر عن الموقف وعدسه عينه اللي تتحرك بتشتت

 فتحت عينها وبدأت تخف مسكه بلوزته 
 حاولت توازن جسمها
 عدي : خلاص ؟
 لمى اشرت بشويش براسها وهوا انتبه للجوال تاني
 فتحلها باب السياره وجلسها وراح اخد جوآلها .. 
اول ماشاف اسم تميــم رد بدون تفكيــر : الووو
 تميم دوبه بيهرج سكت وبعدها قال بااستغراب : مين معايا !!!
يطالع في لمى اللي بالسياره وقابض على يده ويتكلم بقهر 
 بحقــد : انا عدي
 تميم ولا يدري عن الدنيا دوبه بطريقه للبيت طالع بالوقت : انتا عندنا !!!!
عدي : لا لمى عندي 
 تميم عقد حوآجبه وعدي كممل : انتو عيله مجنننونه ولا ايش هرجه اهلكم 
 تميم كآن مسرع بدأ يبطيئ سرعته وهوا يبا يستوعب كلام عدي : نعم !!
ععدددي بعصبيــه مدمووجه بقهر : انا اناااا مرتتتي تسوو فيها كددددا انا مررررتي تنضرب بداا الشكل 
 تميم عرف انو سارت مصيبه : مين ضربها !
عدي : اخووك الـ""""" وووربي لو شفتتو قدامو والله ماحرحمو 
 تميم مرر يده على جبينه ورجع مسك الدركسون 
 قال بخوف : لمى فينها كككويسا !!! 
عدي رجع طالع فيها مالو خلق يكلمهم : حوديها المستشفى دحين 
 تميم مرا انفجع : اي مستشفى انا جيك 

 قفــل من عدي واتصل على تامر على طول ... 
عصبيته مو اقل من عــدي 
 عصبيـته وقهره من الموقف اللي انحط فيـه 
 اخته مضروبه 
 كسرتو قدام عدي وهوا مو قادر يعلــق
 ايش يقلو دحييين 
 تــآمر : اخخخخيرا انتا فيين 
 تميم : ايش سااار ايش بها لمى 
 تامر : اخوك الزفت ضـربها 
 تميم : كيفها 
 تامر : كيفها !! انا مو عارف اصلا فينها 
 تميم : ايششش !!!! دوبني مكلم عدي وقلي معاه
 تامر واقف بنص الشارع زي المجنوون : لاحوووول ولاقووة الا بللله لاحول ولا قوة الا بللله 
 تميم : تااامر ايش اللي سااير 
 تامر مايبى يحكيه عن ترف خلاص ...حس انو تميم ماينفع يعرف ..يتكلم بتشتت : مدددري مدري رجعت لقيت الكلب بيضربها وهيا مرميه في الارض ودخلت ف مضاااربه معاه وفجأه مالقيتها ف البيت 
 الاتنين سكتــو 
 الاتنيــن ضايعيــن 
 تامر بالقوه ماسك نفسه : فينهم دحين 
 تميم بهدووء يوجع : رايحلهم المستشفى 
 تامر عارف انو ماحيقدر يوقف قدام عدي 
 مايبى ينكســر
 مايبى ينحط في موقف وينزل راسه ومايكون عندو رد
 دا زوجــها : طمني عليها انا ماحجي 
 تميم : طيب
 قفــلو الاتنين ..بنفس الهدوء 
 بنفس القهر 
 بنفس حرقــه القلب
 تامر على الرصيــف وكل اللي في راسه شكل لمى وهيا مرميه ووجهها مغطى بالدم 
 وشكل ترف وهيا تبكي بهستيريا 
 اتوجه لسيارته وراح لتــرف 
 يوم تقيــل عليهم 
 يوم مقسم بين اخواته الاتنين 
 اخواته اللي ببداية طريقهم للجنان 
 ويبوه يحب 
 ويبوه يدخل بنت ف حيـآته
 خلاص اخواته وامــه يكفوه 
 يكفــي شايل همهم وكأنه همــه 
 ساير مايبى شي من حياته غير راحتهم 
 نفسو يرجع فيه الوقت لزمــآن 
 نفسه بعيلتهم البسيطه اللي تتلم وتستنى نهايه الاسبوع فين حيروحو 
 وضحكاتهم الهاديه 
 مضاربتهم بالمخدات 
 لعبة الغميضه وصريخهم بالبيت وفي النهايه لمى تبكي عشان محد معبرها وترف معصبه عشان بيغشو
 الللي يشوف سعادتهم زمـآن مايقولو دول لو كبرو كدا حيكون حالهم 
 حبهم لليـــث بطريقه مجنونه لدرجه انهم يعتبروه ابوهم التـآني
 ابوهـم وكل مايجي معاه طلباتهم الاربـعه 
 امهم على قسوتها ببعض المواقف لكن مقدمتهم على نفسها بكل شي 
 اتجمعت دموعه بعينه وهوا يبلع الف غصــه يحــس فيها دحين ..
مايدري كيف وصـل بدي الســرعه بس مابين التفكير ف عدي ولمى وليث وترف وقاسم وسامي ماحس بالطريــق ...
قف سيارته ونــزل طلـع الدرج وغمض عينه بتعب اول ماوصل عند بابها وسمعها تبــكي ....


قبل خمسـه دقـآيق بزبـط 
 دق جوالها كآنت تحسب براء لدحين ماكلمتو بس لقت رقم غريب 
 جلست على الكنبه وراسها تقيــل 
 مرا تقيــل ومو قادره تستوعب ايش يسرلها 
 دموعها وقفت بس قلبها يوجعها 
 ردت واول ماسمعت صوت سامي وسعت عينها وقفت تاني : سـ سـآممي
 ابتسمت بتشتتت عارفته ماحيسيبها كدآ
 سامي بين بكآه : ماما
: ايوا حبيبي ايوا ياااقلبي انتا 
 سامي يمسح دموعه وبيقول الكلام اللي قاسم حفظو هوا : بكرا السواق حيجي ياخد اغراضي
 مو محتـآج قاسم اغراضه يقدر يجبلو كل شي بس يبا يحرقها 
 يبا يخرج اغراض ولدها قدام عينها وماتفتح فمها 
 ترف بصدمه : ليش ليش ياخد اغراضك _ قالت بضعف _ سااامي انتا ماحتتجي
 سامي ببكى : لا مابى اشوفك ماابى اجي
 ترف جسمها يتنافض : حبيبي انتا فين خليني اشوفك والله العظيم والله العظيم حسوي اي شي عشان تسامحني 
 روان وهديـل يطالعو فيها مصدووومين 
 مصدووميـــن وكيف تتكلم بكل ضعف بكل تشتت بكل تررررررجي 
 سامي يباها ومايباها مو عارف حاسس انو صغير ومايعرف ايش يبا 
 ضيعته بنفسها 
 ضيعته بحركتها اللي ماتدخل عقل اي احد 
 عيشة طفل صغير بقصــة توجع وفي النهايه طلع عنده اب : مابى اسامحك مابى اشووفك انا خلاص حعيش عند بابا 
 ترف تهرج بسرعه وبتلكلك : لالا لا لا والله ماتسيبني والله ماتسيبني ياااساااامي 
 قاســم سحب الجوال منــو وقفــل
 وهياكملت : ساااامي ؟ _ طالعت في الشاااشه _
رجعت تتصل تاني على الرقم ولا احد يـــرد 
 لحظظه جنـــآن 
 ولدها خلاض مايباها 
 يعني حتى اخوانها ماحيفيدوها 
 اخوانها ماحيسو شي اذا سامي مايبى يشوووفها 
 مسسسكت اول شي قدام عينها ورمتو في الارضضضض 
 وتصـــرخ 
 تصصرخ وكأنه روحها بتتطلللع 
 هديل مع قووة الصوت اللي طلع حطت يدها على اذنها بصصصدمه 
 وروان حاولت تمسكها : خلااااص
 ترف تدفها : بعععدوووو بعدوووو عني
 جلسسست في الارض وتبكي بجنننان مو طبيعي 
 وحده مو فارق عندها بدي الحياه شي غير ولدها 
 وحده ماهمها بدي الدنيا الا ولدها 
 باعوها الناس كلهم وولدها اللي كآن مديها امل في دي الحيااه 
: ماااايبااااني ماااايبااني انا ايش اسسسوي بدونه 
 روان نزلت لمستواها : خلاااص اهددددي عشان 
 ترف طالعت فيها وقاطعتها بعصبيه : بعععععدي عنننني بقوول
 روان ولا كأنها سامعتها : اااهجدي ماحينحل الموضوع وانتي كدا تبكي 
 ترف رجعت تبببكي ومحد حيحس بللي بقلبها من حريقــه 
 دا روحها دا حياتها دا دنيـتها ...
قامت تطالع حولينها وهديل واقفه فمكانها وتبكي معاها مو عارفه تتصــرف 
 ماعندها جرأه انها تتصـرف اصلا 
 ااما رووان وكأنها تعرفها وكأنه مسئوله عنها وتبا تهجدها : ااايش تبي ايش اللي يريحيك قوليلي
 ترف مسكت بلوزتها : مابى شي مابى شي خلاااص 
 روان مافهمت ايش قصدها : طيب اجلسي وخلينا نتكلم 
 ترف رجعت تصرخ وتبكي : بقوولك ولدي مايباني تقوليلي اتكلم اتككككلم في اااايش 
 دق جــرس الباب ... وهديــل راحت تفك اول ماشافت انو نفس الرجال اللي كآن معاها 
 ترف طالعت فيهم التلاته : انتو ايش تبببو ... اطلعععو من بيتي كلللكم اطلللعو 
 روان : اهجدي عشان وقتها اطلللع 
 ترف وهيا تاخد انفاسها بسســـرعه اتوجهت للغرفتـها وتامر على طول لحقـها 
 واول ماشافها تمسك علبـه الادويه حقتها وتفكها 
 اتجننن 
 فهم ايش تببا تســـوي 
 بخطوات سريــعه مسسـكها وصرخ عليها : تتتترف ايش بك 
 ترف دفتو : ممممالك صلااااح اطلع منن بيتي بقولك 
 تامر بصدمه : انتي تبي تمووتي 
 ترف تتكلم بالقوه بين شهقاتها : ايييوا ايوا انا مابى شي خلاص سااامي راااح قلي مااباكي 
 تامر رجع يبا يتكلم وهيا دفتو تاني : ببببببعععد بقووولك 
 تاممر : تتتترف بلا جنان قلتلك ولدك حيجيكي 
 ترف تمسح دموعها : ماحيجيني ولدي قاسم واخدو قااااسم داا 


 روآن عند باب الغرفـه تطالع فيـها 
 دموعها اتجمعت حوليـن عينها 
 قد ايش مستحقره تــرف بدي اللحظه 
 على قد مو حزنـآنه عليها على قد ماطاحت من عينها لما عرفت انها تبا تنتحر عشان دا الشي
 شايفتها تصــرخ شايفه تامر بيحاول يهجدها 
 اتنرفــــزت 
 اتنرفزت من صريخها وبكاها 
 يمكن لأنها هيا ماعبرت 
 يمكن لأنها لساتها مصدومه من اللي سرلها قبل 5 ساعات 
 ماتدري ايش اللي بتحســه 
 بس دخلت الغرفـــه وصرخت على تاامر : ببببعد
 تامر طالع فيها مفجوع وهيا اخدت علبه الادويه بيد تتنافـــض : هااا هاااا
 وقفت ومسكت يد ترف وتفك العلبه وتكبها بيدها : خددددي تبي تنتحري هاااا انتحري 
 ترف ودموعها على خدها اختفى صووتها وتطالع بيدها وبوجه رووان المحمر بس مابتبكي 
 تتكلم بصوت مخنووق بس برضو ماتبكي 
 اتكلمت بكككل قهههر : ولدك عااايش ولدك مامات تبي تنتحري لأنو بعيد _ مسكت يدها ودفتها وطاحت الحبوب بالارض _ انتتتحري ايش مستنننيه يلاا مووتي وارتاحي من دي الدنيا _ ميلت راسها وهيا على وشك انها تبـكي _ انتي دا حلك بدي المواااقف ؟؟؟ خلاص تنتحري حينتهي كل شي؟؟؟.. تبيه يكرهك زياده ! تبيه يحط اللوم عليه ف يوم من الايام انتو الاهالي ليش تفكروو بس بنفسكم ليش تجيبو اطفال وماتهتمو ف ااايش يحسسسو
 ترف قاطعتها : انتي ماتعرفيني 
 روان صرخت عليها وترف انفجعت : اعععرف شي واحد انك مجنونه ومتخلفــه _ اشرت على هديل _ دددي امها رميتها من هيا صغيره عند واحد زززفت وخلاها تبيع في الشوارع وتشحت تتدري ايش مرت ف حياتها من قهر وظلم تدري كم مرا انضربت كم مرا احد حاول يتحرش فيها كم مرا نامت وهيا جيعانه وهيا تعبانه !!!!عمرررها ف حيااتها مافكرت بللي بتفكري فيه 
 هديل واقفه عند الباب وانصدمت حست انها حتبكي على نفسها ممن كلام روان 
 تامر مو مفجووع الا مبلــم وخلاااص
 روان اشرت بيدها وهيا تهرج بجننننان يفجع : دقيقه دقيقه سيبكي منها _ اشرت على نفسها _ تدددري قبل كم ساعه ايش ســرلي _ وقفت بااعتدال ودموعها كلها بعينها _ انا اقوولك .. عشت طوول عمري من وانا صغيره اشحت واجري في الاسواق زي البلهه عشان واحد وسسسخ ياخد مني نهايه الاسبوع الفلووس انضربنا واتهنا وهوا كل همو نهايه الاسبوع ايش نجبلو عشت اكتر من عشرين سنننه معاه عشت عمرو كلو معاااه وهوا يطلب مننا فلووس وهوا يذلنا ويصرخ علينا _ نزلت دموعها _ عارفه قبل كم ساعه ايش عرفت ! 
ترف تطالع فيها مصدووووومه 
 روان : طلللعت انا بنتــه !_ قالت بضعف وبقهر _ روحت ابا احرق قلللبه واشوفه يوم عزى بنته طلعت انا بنته التانيه معيش اهله كلهم في احسن بيت معيشهم باأكبر مكان وانا حتى لحاف اخر الليل ماكان عندي _ اشرت على نفسها وهيا تبكي _ تبي تحسي قد ايش انا محروقه تبي تعرفي قد ايش مصدومه انو انا اتهنت طول عمري قدام عينه وماسوى شي وانتي تبي تنتحري عشان ولدك ممكن عايش في مكان تاني وهوا مبسوط 
 نزلت جسمها لللارض ولمت الحبوب بيد تتنافض ورجعت مسكت يد تررف : خددددي انتحري صرخي ابككككي طلعي كل اللي ف نفسك حلي مواضيعك بدي الطريقه المجنوووونه 
 رجعت على ورى وخبطت بتامر دارت جسمها وطالعت فيه 
 وهوا مو بس مصدووووم 
 هوا مفجووووع 
 مفجــــــووع 
 كآن شايفها تافهه 
 قليله ادب 
 مو محتــرمه 
 بس ماعنده اي تحليل حاليا براســه
 نظرتها لوحدها القويه المكسـوره دي خلته متنــح ومااتحرك من مكـآنه 
 دفتو وهيا تصرخ عشان برضو تكون قويه لأخر لحظه : ببببعد
 وخرجت من الغرفه وهديــل نادتها ودموعها على خدها : رووووان 
 خرجت روان من البيت بكبــره بقــهر
 مقهوره انو وحده تفكر بالانتحااار 
 اجل هيا وهديـل ايش المفروض يســو .. 
هديل طالعت بتــرف وتامر ورجعت لحقـت روان ..
اما ترف واقفـه مكانها مصدومه ...كلامها كأنه كف اخدتــو فوقها 
 جلست على الارض بكل ضعــف 
 ودموعها تنزل بدون صووت 
 تامر قدم بخطوات هاديه اتجاهها ونزل لمستوآها وحضنها 
 يمرر يده على ظهرها بدون اي كلمـه 
 بدون اي حــرف
 كدا مو قادر يستتتوعب اليوم دا 
 مو قادر يستوعب اي شي 
 وتـرف نفس الحاله 
 ماتدري ليش كلام روان فجعها 
 فجعها وبـس .....


 هديــل تلحق ورا رووااان وتناديها رووان وقفت مشي وطالعت فيها وبعصبيه قالت : سيييييبني يااااهديل 
 هديل وقفت بنص الدرج : فين تبي ترووحي 
 روان صرخت : جهههنم ...ماللللك صلاااح مابى احد جمبي
 خرجت من العماره 
 وهديل خايفه عليها وبــس

 امــآ روآن بدأت تحس بحاجه جوتها تتتتتوجع تمرر يدها على صدرها ونفسها يروح الوجع 
 بس قاعد يزيد كل ساعه بيزيد ومابيخف 
 كل ماتستوعب انو جاسم بجد ابوها 
 تحس حتى لما تتنفــس النفس يوجعها ...خلاص اول كآن عندها بصيص من الامل 
 انها عايشه لنفسها وبــس
 دحين حتى هيا كارهه نفسها ...


يطــآلع في المستشفى اللي قرب منــها ورجع طالع في لمـى
 مد يدو وهوا يمسك يدها ويناديها بخوف : حبيبي 
 لمى فتحت عينها بشوويش وطالعت فيه 
 ضغط عى يدها بيده اللي تتنافض : خلاص وصلنا 

 تعبـــآنه تعبـــآنه ومحد حيحس قد ايش جسمها يوجعها 
 كل ماتغمض عينها تاأن باألم بدون ماتحس بنفسها ..
يحس انو يكلم نفسـه اول كآنت تكلمو بس دحين ولا كلمـه تقولها 
 تغمض عينها وتقفــلها 
 وخلاص هوا ضعيف مو قوووي 
 لأول مرا يعرف انو قلبه ضعيــف
 يمكن لو احد غيرها كآن غيــر
 بس هيا 
 اكتر انسانه بريئه بحياته شافها يشوفها بدا المنظر اللي مافيه اي انسـآنيه 
 وقـف سيارته ونزل بسـرعه ماطفى حتى السياره مع الفجعه 
 مو بعقلــه مرا 
 اتوجه لناحيتها ومد يدو : تقدري تنزلي
 اتحولت ملامحها لبكى ماتبى تتحرك 
 عدي على طول لانت ملامحه وكأنه بيبكي معاها : لاتوجعيلي ياقلبي يااالمى __ قرب منها _ طيب اشيلك 
 لمى حركت راسها : مابى انزل 
 عدي حط يدو على خدها ويتكلم بترجي : غمضي عينك وانا حشيلك بسـرعه ماحتحسي بشي
 لمى كيف ماتحس بشي وهيا حركه يدها الخفيفه تحسها نغزآت بقلبها من قوة الالم : ماابى 
 عدي يهرج باارتباك وبترجي : حبيبي الله يخليكي لو دخلتي حيدوكي مسكن وترتاحي 
 نزلت دموعها ومو عارفه ايش بتقول خلاص من كتر راسها ماسار يوجعها : تعببانه 
 عدي خلاااص مو قادر يتحمل 
 يبا يبكككي يبا يبككي معاها مسك يدها : يااعمري خلاص وصلنا والله حترتاحي 
 لمى ماتحركت باس يدها : عشاني غمضي عينك 
 لمى بااستسلام غمضت عينها وهوا بثانيه وحده 
 رفعها بســرعه وخرجها طلع صووت منها دمروو بجدددد وهيا بتتالم وتضغط عليــه 
 حطت راسها على كتفــو وسارت تبــكي 
 تبككي وهوا خلاص يممشي وبالقوه شاايف طريــقه 
 حتى باب السياره مفتوح ولا أهتتتتم يقفــلو 
 يمشي بخطوات ســريعه وكلمه آآه منها دي تكسـر مية شي جوتــه 
 حاسس بنظرات الكل بااتجاهه 
 فجأه دكتور جججري لناحيته اتلمو كدا ستتر معــآه 
 يطالع فيـها وهيا مغمضه عينها ودموعها تنزل 
 مستسلمه ومو حااسه الا بناس فوق راسها 
 واضائه بيضه مصدعتها زياده 
 اصوات عاااليه 
 تناديه بخووف : عددي
 وتبككي
 جا قرب من الناحيه التانيه فوق راسها وباس راسها : انا جممبك 
 ويطالع في الدكتور 
 وهوا يطالع ف جسمها فكو عبايتها ريطالعو بالكدمات اللي بيدها 
 رفعو بلوزتــها وبرضو كدماات قديمــه 
 عدي مرا انفجع الدكتور طالع فيـه بصدمه وبدأ المووضوع ياخد منحنــى تـآني
 ادوها مســكن قوي 
 ونــآمت 


 بعد دقــآيق تميم دخــل المستشفى ... ولقى عدي وآقف وساند جسمه على الجدار 
 مصدووم محرووق مكسووور 
 تميم ياخد انفاسه بســرعه : فييينها 
 عدي رفع عدسه عينه نفسه يضــربه نفسه يقتتتله 
 تميم من دموع عدي اللي بعينه انفجع : فييين لمى 
 عدي بلع ريقــه وشتت نظره : بيسولها اشعه 
 تميم : كيفها طيب
 عدي : روح اسئل اخوك 
 تميم بنرفزه : عدددي ترا مو فااايقلك 
 عدي بعصبيـه وقف قدامه : احممد ربك لأني بتككلم معاك مررتي مالها رجعه بيتكم
 تميم رفع حآجبه بصدمه : تستهبل انتتتا 
 عدي يتكلم بنفس النبره : سميها اللي تبا تسميه دي مرتي وحترجع لبيتي ولو واحد فيكم عندو كلام تاني بيننا المحاكم 
 مشـــي من قدآم تميم وخصـــره 
 جوه وقت التحقــيق 
 ماتردد ولا لحظـه انو يبــلغ عن ليث
 قال اسمو بالكامل ... 
ومستنين لمى واول ماجات مسوينلها غرز بجبينها وبذقنها 
 جسمها اغلبـه رضوض ونـآيمه مع المسكنات ولا تدري ايش سـرلها ... 
عدي جاه على طول جلس على السرير وهوا يطـآلع فيها وماسك يدها ومعقد حوآجبه يطالع فيها بس باله مو معاه 
 تميم موقفـــه زبــآله من النهايه 
 ودا اللي خلى تامر مايجي 
 زوجها لو رفع قضيه وحده عليهم مالو حق واحد يفك فمو عليــه 
 مرتـه غصبا عن الكل يقدر يجرها من بيتهم ولا احد يقولو حاجه 
 مو فستان الفرح اللي حيحدد متى تجي معاه ..
انو يشوفها مشوهه بدا الشكــل دا السبب يكفيـه انو مايرضى تعيش معاهم ...
لحظظظه صمــت طويله 
 وتميم جالس على الكرسي ويطالع فيها 
 وعدي على السرير 
 ولا واحد اتكلم مع الثاني 
 واول مافاقت بتحرك يدها عقدت حوآجبها على طول 
 عدي على طول : بشوويش لاتتحركي 
 لمى تطالع فيه وطالعت بعدها بتميم اللي وقف على راسها على طول ...
تميم : ها ياقلبي كيفك 
 اشرت براسها من غير اي كلمه 
 تميم : وربي ليث ماحيطب البيت
 لمى قالت بصوت مبحوح : اخر مرا قلتو نفس الكلام
 كسرتو بكلمتها دي مسك يدها من غير مايــرد 
 عدي يطالع فيها وهيا تشتكي ... ويتذكر جسمها كيف
 مو مستوعب انو عندها اخوان رجاال ويحبوها وقلبهم طيب ومخلينها كدا تنضرب 
 مو عارف ايش اللي بيسير بدي العيله بس كل اللي يعرفـه 
 انو يحبها ومو قادر يسيبها بدا الوضــع 
 وكملو اجرائــآت البلاغ ولمى نفس الوضع ماترددت ولو للحظـه انو مآتقول اسم ليث
 ماساب فيها الهرجه اخوان 
 ماتعاملت منو بااي معامله عدله 
 غير انها حيوانه بنظره وبــس
 ممكن الحيوان ليث يرحمو اكتـر منها 
 واول ماخرج تميم يكلم تامر بالجوال عدي كلمها : لمى كلمه وحده قوليلي هيا وريحيني 
 لمى طالعت فيه وهيا مسدوحه ومو حاسه باألم مرا بسبب المسكنات : ايش ؟
 عدي : تامر وتميم عمرهم أذوكي بحاجه 
 لمى رمشت بهدوء وبعدها قالت : لا
 عدي : لمى الله يخليكي لاتكذبي
 لمى : مابكذب 
 عدي بتردد : كل اللي بجسمك دا من ليث !
لمى بنفس الهدوء مع التعب : وماما
 عدي ماجااات في باله مرررا مع انو يشوفها تخاف مرعوبه 
 بس مايتخيل ام كدا تسوي انفجعععع وبس : امممك !
لمى اتوترت من ردة فعلو ... : تامر وتميم دايما جمبي
 عدي بصدمه : جممبك ايش وجسمك كلو ضرررب
 لمى نزلت دموعها على طول تبا تتكلم بس مو عارفه ايش تقول 
 عدي مسك يدها : لاتتتبكي مو لازم ترجعي معاهم انا ماحرتاح اصلا لو روحتي عندهم 
 لمى خآفت : لا انا ابا اخواني
 عدي بقهر : اخوووانك مجاانين 
 لمى : والله يحبوني 
 عدي رفع حوآجبه الاتنين اي حب اللي تتكلم عنــه سارت تبكككي وهوا حاول يدعس على قلبه : خلاص لاتبكي 
 لمى مرا خاافت من كلمته رفع يده وهوا يمسح دموعها : خلاص حبيبي 
 تميم دخل الغرفه وشايف كيف عدي مقرب من اختـــه 
 اوووه شي قاهره ولسى مو متعود عليــه 
 يسوي نفسه اعمى ولا ايش مو عاااارف
 بس شي غرريب وخلاص 
 عدي وقــف وجا قدام تميم 
 قال وهوا ينهي النقـآش : انا كل يوم حزور لمى مرا ولا مرتين في اليوم دا انا اللي ححددو مو احد غيري 
 تميم مووولع مووووووولع خبط على كتف عدي : مو وقته دا الكلام دحين 
 عدي بعد يد تميم : قلت اديك هيا من هنا عشان لاتنصدم لو جيت يوم البيت ف اي وقت ولقيتني 
 يطــآلعو ف عيوون بعض 
 كل واحد حــآقد على التـآني
 عدي حآآآلف يمين مايعدي الموضوع على خير 
 حيطب عليهم صباح ظهر عصر ماهمو دام ماترد عليه ويبا يطمن حيجي بدق وكأنه باب بيته وماحينكسف من أحد ... 
اللي شافو بجسمها مو شي قليل 
 شايف انو اتناااازل وخلاها ترجع معاهم 
 ايش الاخوان اللي يخلو اختهم يسرلها كدا فيه مية حل مية حل يبعدوها عن دا الموضوع .. 
خلاص كارههم ودا اللي حاسو ... 


 _____________________________________________
معــآنآة
 اطفــآل روايتي جميعهم واقــعهم 
 تمــكن منهم 
 مدموريــن من الداخل 
 مكســورين وكأنهم زجاج لايمكن اصلاحه

 فذالك الطفــل الصغير " سـآمي "
اللذي عـآش بالميتــم 
 يمشي اليوم بخطوآت مهزوزه في القصــر الكبيــر 
 ينظر ليمينه ويرى ذالك الرجل الللي تمنى دائمــآ ان يكون موجود بحياته 
 شي اخر بداخله مفقود 
 لكن 
 يريد ان يكون طفــل فقــط 
 طفــل بجواره الاب اللذي تمنـآه طول العمر 


 وطفــلي الكبيــر " بشــآر " 
خطوآته مهتززه اكــثر 
 فتح باب المنــزل وكل ذكريـآته تتشعتر ويراها امــآمه 
 وكأنها حقيقه وليست خيـآل
 يريد ان يبتسم ولكن لايستطيـــع 
 فكآنت كل ذكريـآته وهوا منشغل وبيده الجوال 
 اخته تتحدث له وهوا يتحدث مع مئه فتآة غيرها 
 كلمات جارحه تخرج من شفتيه : خلاص خلاص اسكتي ..انا مشغول مو شايفتني ... اوووف ياحور 
 تتساقط دموعه وهوا يتمنى تلك اللحظـآت ان تعود ولو لدقيقـــه ...

 " ســآمي " 
في مكــتب ابوه كل شي يميــل للفخــآمه ..جالس على الكرسي اللي قبال المكتتتب الجلد الاسـود ... 
سحب ابوه الجوال منــه وقفل بوجه تــرف صمت الجوال وحطو في جيبو 
 جلس جمب سامي وهوا قاعد يبــكي 
: خلاااص ليش تبكي
 سامي بين شهقاته قال بضعف : مو مبسوط 
 حط يدو على ذراعه : خليك قوووي مو كل ماسمعتها تبكي بكيت 
: دي دي ماما
 قاسم : امككك اللي قالتلك انا ميت امك اللي همها سعادتها وبس انتا مو شايف اهلها كيف رامينها ساامي خليك رجججال واستوعب ايش الي سوته فيك 
 سامي وجهه محمر ودموعه تنزل من غير صووت 
 رفع يده وهوا يغطه عينه اليمين ويبكي بكل طفوليه : اباها معايا 
 قاسم مسك يدو ونزلها : ساااامي ماباك تكلمها ماباا اسمع سيرتها بالبيت 
 سامي يطالع فيه مصدوم : انا زعلان منها بس 
 قاسم قاطعه : لاتقول بس انا حسويلك اللي تباه ...انتا متعود عليها بس مع الايام حتستوعب قد ايش هيا انانيه وحتكرهها 
 سامي لسى مو مستوعب الكلام لسى مصدوم .فرحان انو عندو اب بس صوت امه لسى ف راســه .. 
قاسم وقف : قووم معايا 
 سامي وقف ...مسك يده قاسم وخرجو من مكتبــه وبيوديـه للغرفه اللي حينام فيها بالدور الارضي
 كآنت غرف نوم للضيـوف لكن حيسيبها لسـآمي : شووف دي غرفتـك سوي اللي تباه فيها 
 فكلو الباب وسامي يطالــع بذهول فيها مساحتتتها كبيره ... 
تتنقل عينه على الغرفـه ودخل بخطوآت ثقيله 
 ابتسم لاشعوريا لما شاف اطلالة غرفتـه على المسبح اللي في الحديقه الخلفيـه ...
قاسم ماصدق شافو مبتسم : اطلب اللي تباه كلهم يشتغلو عندك _ طالع فيه _ انتا الولد اللي ماقدرت اجيبو انتا الحفيد الوحيد لأملاك داود
 قاسم يشغلو التكيـف ويتكلم : متزوج انا ثنتين وكلهم جابولي بنـآت عندك 5 اخوات _ طالع فيه _ لما نصحى الصباح حعرفك عليهم 
 عنده اخوآت !!!
قاسم جاه قدامه وابتسملو : من بكرا حيكون عندك سواق وسياره خاصه لك ... من بكرا وكل الخدم دول يشتغلو عندك وبــس 
 سامي قلبه يدق بســرعه 
 وبدأ قاسم يحاول يغريـه بمليون شي عشان يخرج ترف من راسـه : انا دي اليومين ماعندي شي غيرك تباني اوديك المكان اللي تباه اشر وحوديك تبا تشتري اللي تباه بس اتخيل وساعه وهوا عندك _ حط يدو على كتفـه _ دا كلووو اللي حوليك سويته لك انتا طول عمري احلم انو يكون عندي اخ ولا ولــد وربي رزقني فيك _ عقد حوآجبه _ امك حرمتني منك بس ربي مايرضى بالظلم 
 سـآمي من كلام قـآسم بدأ يشوف امه ضحكت عليه كتيـر
 امه انانيه 
 مشتاقلها بس حيتعود 
 من النهايه بدأت دي الحيـآه تغريه اكتــر.
ماوقف هنـآ قاســم عارف انو طفل عارف انو كل شي يجيب رااسه 
 اغرااه بمليون شي 
 من الاجهزه الالكترونيه 
 للأجهزه الرياضيــه 
 لاأشياااء مجنونه ماتخيل يوم ف سامي تكون عنده 
 بس بنسبه له حتكون دي الاشياء كلها وبنفس الوقت ابوه معاه 
 بيلعب معاه بلاستيشن 
 وعده انو يعلمو يسوق سيـآره 
 ســآعه بس ..بس قدر يغسل مخــو 
 قدر يوصل للشي اللي سامي دايما يباه 
 يسوي الحاجات اللي يشوف اصحابه يسوها بس مو مع امهم 
 مع الانسان اللي اتحرم منـو ابــوه ...

انسدح على السرير وقاســم جلس على طــرفه 
 حيخرج ويسيبو يفـكر ..لا طبــعا 
 جلس جمبـو وهوا يحكيـه 
 فين سافر 
 ايش مغامراته 
 ايش جنـآنه 
 وسامي مبتسم ويطــآلع فيه 
 وفجأه سارت تزيـد ابتسامته كل ماقاسم يضحك ويحكيه كيف يتجنن مع اصحابه 
 كيف يستهبلــو 
 واهم من دا كلو انو يبا يسووي دا كلو معاه هوآ 
 يبا يخليــه يلف العالم 
 يقولــه ايش احسن شي في فرنسا من برج ايفل لديـزني وجنانها 
 ايش اكتر شي حيعشقه في ايطاليــآ واكلها والحضاره الرومانيــه 
 حيذوقه اللز شوكولاتات ف سويسراا وحيلبسـه افخـم ساعه ممكن يشوفها 
 اسبـآنيا وكل منطقــه بجوها المجنون 
 امريكـآ ولمة اصحـآبه وشلالات نياجرا
 الهند , نمسا .اليابان , الصين .كوريا . المالديـف ,جنوب افريقيا 
 ماساب شي كآن يحكيـه وكل موضوع سـآمي مبتسم ويطالع فيـه 
 مو قادر يتخيل انو حيعيــش دا كلو 
 مو قادر يستوعب 
 يسمع يسمع ليـــن مانـآم ووقتها قاسم خرج من الغرفـه وهوا مطمـن 
 مطمـن لأنو لو صحي ماحيسبلو مجال يفكر فيـها 
 حالف يميــن كلمه انو " ميت " يطلعها من عيـنها ... 

بس ف آحد غــرف القصـر فاتحه اغاااني رايقـــه واقفه قدام المرآيـه 
 وتلعب بشعرها 
 مشيت بخطوآت رايقــه واترمت على سريرها وابتسمت وقلبها يدق بســرعه 
 قد ايـــش تحس بســعاده 
 اتكلم معاها 
 عبرها اخيــرا 
 اخيــرا تآمر ابتسملها 
 جلست معاه بنفس الطاوله 
 صح ماخرج من المود وثقيــل
 بس دا اللي يعجبها فيـه 
 ابتسامه بسيطه على وجهه دي تكفيها انها تبتسم طول اليـوم .....

أمــآ " بشــآر "
جالس بكل انكســآر على الكنبه اللي في الصاله 
 دوبــه عدت 24 سـآعه 
 قد ايش الوقت تقيــل
 استوعب انو عمو واصحابه في المجلس بالقوه وقــف
 بالقوه مشي بخطوآت مهزوزه بااتجاههم ..
واول ماوقف عند الباب لقى اصحابه نايمين وعمو جــآلس وعقلو مو معاه 
 باين انو ف عالم تاني 
 دخل بشـآر وجلس على اول كرسي عند الباب 
 وجميل على طول وقف وجالــو ... 
 : فينك انتا من اول
 بشار سند جسمو على الكرسـي ولا رد
 جميـل يطالع فيـه 
 يحسو مكســــور وبقوه 
 واحد ضــآيع 
 ضايع ومالو أحــد 
 يبا يعرف باايش يفكــر
 بس بشار هرج بهدوء ...بصوت واحد يبا يبكي : اللي سويته صح ؟
 جميــل اخيرا حسه استوعب انو اللي سواه غلط 
 نفسه يصرخ عليه 
 نفسـو يقلو خليت الكل يهرج عننا 
 خليت فضيحتنا بكل مكـآن
 وصلت فيك انك تضرب ابوك 
 انك ترفع يدك على ابوك 
 وقدام الكل 
 مية شي يبا يقولو بس بشار هرج بجنــآن فجع جميـل : لو قتلتو كآن ارتحت ... انا مو مرتاح ياعممي 
 جميــل انفجع ...ايش الحقد اللي جوتـه : بشااار انتا على اي اساس جايب ديك الادله على اساس بتقول انه بيتاجر بالاطفال 
 بشار يهرج بهدوء وهوا يطالع قدآمه : شوفت اوراق ف بيتو اسامي بنات واولاد كلهم اطفـآل _ طالع فيـه _ وعرفت انو عندو بنت واللي صدمني انها من البنات اللي كآن يتاجر فيهم 
 جميل ابتسم بخوف واختفت ابتسامته لما ملامح بشار ماتغيرت : جاسم مو لدي الدرجه ممكن 
 بشار قاطعه بصوت هادي : ابويا وسخ ابويا قتل حور 
 جميل قرب من بشار وهوا يهرج بصدمه : ترا يابشار انا مو فاهم شي سمعت كلامك والبلاغ بس برضو انتا على اي اساس تقول دا الكلام 
 بشار مسك راسـه وهوا متكي بيده على الكنبـه : بس ياعمي ارتاح وقتها اديك كل الاوراق اللي عندي وابويا بنتـو اللي حتشهد عليه انا ماهمني ف دا كلــو غير اللي سوا بحور دا اللي اباه وماحرتاح الا لو مسكتـو 
 جميــل سكت بصدمــه 
 بشار رجع طالع فيـه : جلال فينو ؟
 جميل : مدري محد عارف فينو 
 بشار حرك راسـه : حجيبو والله حسجنو وماحخلي واحد فيهم يعيش مزبـوط
 جميـل : بشار ابووك لو
 بشار قاطعه : والله ماأرحمه والله انا محروق لأني ماقتلته _ مسك راسـه _ خلاص الله يخليك ياعمي قفل الموضوع 
 جميـل التــزم الصمـت 
 وبشـآر بين تفكيره جات ف باله نظرة روآن 
 يحس بندم لأنه قلها ابوكي جاسم 
 كآن عاشت طول عمرها وهيا تدور على اهلها 
 ولا يفجعها بدا الشكل 
 مايدري ليش مافكر 
 مايدري ليش عاملها بديك القسوه 
.ومافكر فيها كتير لما جات ف باله حور 
 وقــف واتوجه لغرفـته وانسدح على السرير 
 ينام ويصحى ينام ويصحى 
 زي الجثـــه اللي بدون اي روح حتى لما يفتح عينه .... 


بدأ الصبــآح يوم ثقيـــل على الكل 
 محد مرتــآح 
 محد مبـــسوط ...
لمــى نايمه بغرفتها وتميم جالس جمبــها .. مو قادر يغفاله عيـن 
 ارسل رسـآله لليــث " عشان اولادك روح للشـرطه بنفسك ولا تخليهم يجروك قدامهم . . لمى رفعت شكوى عليك او بالأصح لمى وزوجها "


امــآ تـآمر جالس هوا وتــرف في الصـآله مسدوحه وتبـكي بصمت وبهدووء
 بهدوء ييفجع شافت رسايل من براء كتبتلو 
" تامر عندي بعدين اكلمك "
ومن بعدها رمت جوالها ولا تدري
 كأنه احد اخد روحها ورااح 
 عيونها مافيها اي حيـآه 
 تآمر وقـف : انا حروح اجبلك فطور وجاي
 تـرف : مابى 
 تامر : مو على كيفك حشوف اقرب شي هنا وحجي ... 
وقبل لايخرج باأمر قلها : فين مفتاح البيت ؟
 ترف رفعت عدسـه عينها عليه 
 مو واثق يخرج وماتفتحلو تاني الباب من يوم ماقالت تبا تنتحر وهوا خايف اصلا منـها .. 
مايثق من النهايه ف امه واخواته وخــلاص : اديني المفتاح اباه 
 ترف من غير ماتتحرك حركه عدسه وهيا تدور وبعدها اشرتلو 
 اخدو وخــرج 
 خرج ومو عارف كيف حيتصـرف 
 كيف حيردلها ولـدها .. 
راح جبلـها فطور وقبل لايمشي اتذكر البنات اللي كآنو مع ترف
 اتذكر كلام روان وهيا تحكي عن نفسـها وعن هديـل
 اشترالهم بتردد 
 رجع للبيــت وحط كيس الاكل عند الباب ودق الجــرس 
 كآن حيطلع 
 مايباهم يعرفو انو هوا اللي جاب الاكل 
 بس هديــل فكت الباب وفجعتو وهيا دموعها على خدها وتتنفس بسرعه 
 وكأنه ماصدقت يدق الجرس
 اول ماشافتو مسحت دموعها بتوتر : معليش
 تامر انفجع : فيكي شي؟
 هديل رجعت شعرها باارتباك ورا اذنها : لا 
 تامر مو عارف يمشي ولايسئل :اختي لو تبي شي قوليلي
 هديل نفسها تبــكي : لا شكرا 
 تامر اخد الكيس من الارض واداها : خدي دا من ترف 
 كذاب ماعرف ايش يقولها 
 هديل اخدت الكيس ورجعت دموعها تنزل 
 خايفــه مرا 
 تامر مرا اتشتت مو عارف ايش بها 
 قال بتوتر : والله حساعدكم لو تبو شي
 هديل رجعت مسحت دموعها : مافي شي بس صحبتي روان من الفجر مارجعت البيت _ قالتها ورجعت تبكي _
تامر : طيب اتصلتي عليها 
 هديل حركت راسها : جوالها هنا
 تامر وترته معاها : ممكن ترجع 
 هديل رجعت تحرك راسها : ايوا انا مستنيتها _ شدت على الكيس _ خلاص الله يديك العافيه 
 واقف مكـآنه وهوا حزنــآن من كل قلبه على حالهم 
 رجع خطوى لورى لما حس انها تقصد خلاص يمشي دار جسمه وطلع الدرج وهيا قفـلت الباب 
 وبدأ راسـو يتشتت اكتـر
 ويفكر بدي البنت روآن 
 رفع يده وطالع في الساعه ... 4 ساعات مرت على الفجر 
 دخل البيت وعبى الاكل لترف حاول فيها حاول مارضيــت 
 غطى كل شي ورجع جلس جمبـها وبدون مايحس بنفسـه نام في الكنبه اللي قبالها بتعب ...




روآن او " سـمـــيه " 
جالسه ف مكـآن بعيد عن عيون الكل 
 ف عماير عشوائيــه سانده جسمها على الجدار 
 ومابتبكي بس كدا تطــآلع 
 ملابسـها مبهدله من كتر التتراب 
 جالسه بين قــرف واحجار وتراب واشياء مكسـره 
 بس مو متقرفــه 
 تحس انها تنتمي لدي الحاجات 
 هيا كبـرت بين دي الحاجات .... 



هديــل سانده جسمها على الجدار 
 وتبـــكي 
 تبكي وخلاص خايفه على روان 
 خايفــه على بشــآر
 ومو قادره تسوي اي حـآجه بتشوفهم مو طبيعين 
 عيونهم تنطق بالوجع 
 وبس بتتفرج ...


بشــآر 
 ينـآم يحلم ف جاسم وحور 
 يصحى يفككر فيــهم 
 بال مشغول بال مو مرتاح 
 محرووووق 
 ونفسـه يصرخ وعارف انو ماحيرتاح 
 تنزل دموعه كل مايتذكر لما حضنها بجسمها البارد .. كيف قفل عليها التلاجه 
 كيف دفنــوها ومشي وسـآبها 
 كيف روحها طلعت وهيا تستنجد ف أحد ومو لاقيـتهم ..
جات في بالو مية بنت سوا فيها كدا ورجع غمض عينه بقووه عشان لايفكر 
 رجع يفكر بحاجه تانيه وتالته عشان لايسرلو شــي 


 تــرف ...
روح وانكســرت 
 روح وانسحبت منها تحس نفسها ولاشي خلاص 
 ماتبى براء 
 ماتبى اخوانها 
 واهلها 
 تطالع في تـآمر ومو مهتمه لوقفته معاها دام لسى سامي مو فيـه 
 ســآمي !
سامي مبسوط !
كلمه روان تترد جوت راسها 
 بس ماتباه مبسوط بعيد عنها 
 دموعها تنزل وهيا مو قادره تستوعب انها لدحين عايشـه وهوا بعيــد ومايباها 
 قد ايش حتستحمل ؟!


لمــى
 مافي اي شي تحس فيـه حاليا غير انو ناييمه بعمــق
 نايمه ومو حاسه باأي شي من بعد ماأخدت الحبه 
 عدي جلــس جمبها لين مانامت ومــشي 
 قعدت تاأمن تميم انو ترف ماتجي البيت 
 وهوا مو فاهم شي بس قلها ماحتجي وهيا كأنها طفلــه واداها اللي تتمناه 
 غمضت عينها بكل راحه 


 تفــآصيــل يومهم متكرره دموع قهر حرقة قلـــب
 اسبـــوع مـــر
اسبـــوع عدى عليهم كلــهم 
 اسبــوع خلاهــم شخصيات تـآنيــه 
 اسبــوع بــس وقدر يدمر كل شي جوتــهم 
 مقتطفــآت ســريعه ..مقتطفــآت لشخصياتــهم


 لمـــى ... 
أنــآ لمى الشي الوحيــد الحلو بحيـآتي عدي 
 كل يوم بيجي 
 ماما مرا سارت تصــرخ 
 تصرخ كل بعد مايخرج بس انا ادخل غرفتـي
 تميم سوا مفتاح لغرفتي وسرت ماأخرج منها اول مايروحو دواماتهم ..
ماما بتتعب من كتر الصريــخ لكن مابخرج 
 عارفه اني حنضـرب
 بس برضو زي ماقال تميم لاتفكي البـآب
 طول وقتي بتكلم مع عدي 
 اسبوع ماروح الجامعه بسبب جسمي والتعب اللي انا فيـه 
 وهوا كل يوم يجيني ونلعب ويرجع البيـــت ... 
اول يوم جاني كآن مرا خايف لأول مرا مايحاول يمسكني اصلا 
 من عينه شفت قد ايش يحبني 
 يكره اخوووواني ومو طايق واحد فيـهم
 مهما حاولت اقنعه انو تميم وتامر طيبين 
 بس مو قادر يحبــهم 
 لسى ماتكلمت معاه بموضوع تــرف
 بس خلاص ابا اقلــو 
 كل اللي اعرفـه اني احبـه وبـس ... 



تــرف ... 
كل شي بحياتي اتغير وكأني رجعت للسجن مرا تـآنيه 
 بس مسجونه فمكـآن اجمل ..
اجمل بعيون الكل بس بعيني مافيه اي جمــآل
 اللي يشتغلو عند قــآسم اخدو كل شي يخص سامي 
 كنت اصرخ ابككي اسحب اغراضه بس دفوني وسحبو كل شي 
 كنت عارفه انو مايحتاجها بس يبا يحرق قلبــي 
 كل اللي اعرفـه انو سـآمي مسافر فيـن ماعرف
 وانا على كنبــتي 
 ارسلي قاسم من رقم غريب مقطع لسامي وهوا يلعب بالثلــج 
 ويجري ويلعب كآن مبسوووط 
 كل شويا اشغل المقطع وابــكي 
 ابا اسمع صوته طيب 
 ابا بس صووته 
 برااء كل مايتصل اشرد منـو 
 مابروح الدوآم 
 ومو قادر يجيني لأنو عارف تامر ممكن يكون فيـه 
 عارفه انو حيتجنن 
 بس ماعندي قوه اطالع فيـه 
 ماعندي قوة اسوي اي حاجه 
 حتى الحب سار مالو معنـى
 سامي اخد كل شي وراح 
 بس ماتحملت دي الحيــآه رجعت للحشيـــش
 رجعت للحشيش اكتر من اول 
 ماصدق تامر يخرج من عندي واطلع للسطوح 
 واعيش الجو اللي ابــآه ... بدأت افكر بحاجات تانيه غير الحشيش بس اخرج الموضوع من راسي على طول 
 بس بعض الاحيان اضعف واحس نفسي اشرد من دا العــآلم .. 
تامر بيحاول يكون ليا كل شي ... تميم كمـآن صح ماجاني البيت 
 بس بيرسلي رسايل وكلها معناها انو ماعندو جرأه يوقف قدآمي بعد اللي عرفـو 
 قالولي انو ليث اتسجن ماهمني الموضوع كل اللي اعرفو انو راح بنفسه وسلم نفسـه 
 بس برضو موضوع مايخص سامي مايهمني ... 

هديــل ...
مافي شي بحيــآتي الا انو بشـآر وروان بيتعبوني كل يوم زيـآده 
 بشـآر متعلق ساير فيا بطريــقه تفجع 
 بطريقـه مخوفتني اني اعترفلو 
 كل يوم يجيني بس يحضني وهوا ساكت 
 يمسك يدي ومايتكلم 
 قلبي يوووجعني مرا يوجعني كل ماشووفو 
 وكأنه انسـآن تاني 
 بس خلاص بكرا حروح اتكلم معاه 
 بكرا ححط حد اللي قاعد يسيـــر 
 اما روان سايره اخص منــو انسانه تانيه 
 انسانه ماعرفها 
 مهما اتكلم معاها تصــرخ وتعصب عليا على اتفه شي 
 احاول اتفاهم معاها بس مااقدر
 مانعرف شي كتير عن لؤي الا اتصل مرتين وباين انو عايش حيـآته وباين انو مايبى يخسر علا
 واحنا ماتكلمنا معاه بحـآجه تخصنـآ
 صدمة روان بااهلها خلتني مابى اعرف شي عن اهلــي
 بحاول بس اسعدها بحاول اخرجها من الجو اللي هيا فيــه وبس 
 لكن كل محاولاتي مابتجيب فايده 
 بشـآر اعرف اني باأثر بنفسيته 
 بس اول مايبعد عني اعرف انو يرجع لكل شي وكأنه مايتمنى يبعد عنــي
 بيتجنن وهوا يفكر باألف موضوع ... 


روآن ... 
كل شي سار مالو معنــى
 كل شي يعصبني 
 ينرفزززني 
 يخليني بنفجر وبــس
 مافي شي استحملو 
 مافي شي اقدر اسويه واكون فيه مبسوطه 
 احس حتى بلاهتي واللي كنت اسويه عشان انبسط ماليا خلق اسويه ماليا نفس اضحك على نفسي 
 بكــى 
 ماأبكي نفسي ابكي بس مااعرف ومااقدر 
 كل شي جوتي متجمع كل شي مكبــوت وخانقني 
 كل يوم اروح للمكـآن اللي يبيعو فيه الاطفـآل واتفرج عليهم 
 اتفرج عليهم بالساعات 
 امشي بالحواري اللي كبرت فيها ومااسوي شي 
 بس كدا اقعــد 
 عارفه انو هديــل حتتجنن وتعرف فين بروح 
 بس حتى هيا ماباها 
 اما بنسبــه لبشـآر هديل قالتلي انو بيدور عليـآ
 لدحين ماشفتو 
 لدحين ماليا نفس اوقـف قدآمه بس الموضوع فيه جاسم 
 انا الوحيـده اللي اقدر اسجنـه وينحكم عليه خلاص
 بحاول اروح بدي اليوميــن ... 
اما بنسبه لتــرف جارتنا الجديده ... اخوها بحس بنظرته دايما ليـآ
 مقهوره لأني انفجرت وهوا كآن فيـه 
 اكيد حيطالع فيـنا بنظرة الناس المسكينه 
 اكيد بيشوفني وحده محتاجه 
 مع انو لؤي كآن يطالع فينا بنفس النظره بس اتقبلتها 
 دحين ماسرت اتقبل اشوف احد يطالع فينا باانكسـآر
 يمكن لأنو اول ماكنت مكسوره رغم كل شي مريت فيه 
 ودحين انا كل شي فيا مكسور ومابى اشوف انعكاسي بعيــن احد ...


بشـآر 
 بتجنن غرفتي كلها اوراق كلها ارقام ومعلومــآت 
 جلال مو عارف فيــنو 
 واللي قتل اختـي شويا واجيبــو 
 خلاص قربت منـو 
 جاسم لدحين ماشفتـو 
 وسميـه مو قادر اوصلـها 
 امي بروحلها واخليها تبكي بحضني لين ماترتاح وبعدها اخرج 
 اروح لعهود ...هيا الشي الوحيد اللي مريحني حاليـآ
 هيا اللي بتخليني اتحمل كل شي حوليـآ
 الناس 
 سارت تطالع فيـا واسمع همسـآت 
 سجن ابوه 
 ضرب ابوه
 اخته ماتت مغتصبه 
 وكلآم يخليني بعض الاحيان اخرج عن طوري واتضـآرب حتى بمكآن عملي 
 عمي جميـل مو مخليني اشتغل دي اليومين لأنو كل يوم وانا متوتر واتضارب مع الكل 
 كدا مرا ضربت واحد 
 كدا مرا يمسكوني متهجم على صاحب ولا عامل 
 سرت مو طبيعي وانا عارف سرت غريب وعصبي عصبي بطريقه توتر اللي حوليني 
 حتى اصحابي اشوف بنظرتهم انو مو قادرين يتعاملو معايا 
 امي وعهود همـآ الوحيــدين اللي يعرفو كيف انا من جوتــي
 هما يفهموني ولا انا اللي اول ماشوفهم اهدى مدري 
 ماسرت اعرف حاجه من النهايه 
 انا غـــريب والكل يطالع فيا بدي النظره .. 


ســآمي .. 
وحشتني مــآمآ
 اسبوع وآحد بس روحت اماكن كتيــره 
 كل ماتجــي ف بآلي وابا ابكي يعملي بابا ميــة حاجه 
 مو مية حاجه مليييون حاجه 
 خلاني ماروح المدرسه دا الاسبوع 
 مجنون سفــر
 بروح افخم الأماكن بتعامل كأي اميــر
 امير ولأول مرا بحس دا الاحساس 
 باب السياره ينفتح ليا قبل لاأوصل للسياره 
 الخدم حوليــآ بكل مكـآن 
 ادخل محـل انصدم بالاسعار بس يقولي لاتطالع 
 يلم يلم 
 ملابس جزم ساعات 
 اشياااء مجنونه احتآجها ولا ماحتاجها 
 يشتري بعض الاحيان حاجات يقولي لو اني بعمرك كآن اتمنيت اشتريها 
 وياخدها ليا 
 مع اني ماباها
 ختمت كل الالعــآب البحريــه 
 حتى الجويــه 
 مجنــون 
 ويخليني اجرب كل شي مجنون 
 احس اني ابا ابكي من الخوف بس يسحبني واحس بعض الاحيآن اني صـآحبه مو ولده 
 كآن عاجبني الموضوع كآن عاجبني لين امــس
 لين ماسرت احس انو اخر الليل يغيب عني ويسيبني بالفندق حاولت اروح وراه 
 وعرفت بعدها انو يسكر ويروح مع حريــم 
 وقفت قدآمه 
 بس كآنت اول مرا يضــربني 
 لأول مرا بحياتي بنضـرب بدا الشكل 
 كنت جالس في الركنبه بغرفته ورفسسسني برجلي 
 سبني وسب ماما 
 بالقوه قدرت اخرج واروح لغرفتــي
 قلت حيجي يعتذرلي اليوم التاني زي لما ماما كآنت تغلط وتجي تعتذرلي 
 بس ماعتذرلي 
 قابلتو تحت عشان نفطــر 
 بس كآن مكشــر قرب للطاوله وقال كلماته ليا بتهديد : لو اتدخلت تاني بحياتي وربي مايسيرلك شي طيب
 ورجع سند جسمه وماجا لساني على لسانه من ديك اللحظــه 


 ورجعــه اطفـآلي لوآقعهم الأليــم لواقعهم المريــر ... 
وبدأت معاناتهم من جديــد 

 نهايه الفصــل الواحد والعشرون ... 
فكــره الفصل دا مبنيـه على المشاعر اكتــر 
 مبنيــه على احاسيسهم وايش بيسيـر معاهم .. 
ركزت على اطفــآلي " ترف لمى روان هديل سامي وبشـآر " 


السلام عليكم ورحمه الله وبركــــآته 
 اول شي حابه اقولكم كل عام وانتو بخيــر
 ضغطت نفسي اني ا خلص الفصل بفتره بسييييطه لأسباب كتتير
 أولهم لأني نكدت عليكم الفصل اللي فات 
 تاني شي لأنو عيييد وحابه اهديكم شي بسيــط 
 اتمنى من قلبي انو يعجبكم وبرضو استنى تعليقاااتكم 
 واكيد اكيد متذككككره كل وحده شجعتني من اول فصصصصل .... 




الفصــل الثآني والعشـــرون .... 


اشعــه الشمــس اشـرقت 
 بدآيــه يوم جديد
 بدايه معاناه قهر ظلـم ... 
فتحت عينها تـرف ودقـآيق دموعها الحاره نزلت على مخدتها البيضـآ
 هديـل ضمت رجولها وجسمها يتنـآفض وهيا تحط كل شويآ ردة فعل لبشار وايش ممكن يسوي لما يعرف حقيقتها 
 روآن مغطيه وجهها باللحاف وفاتحه عينها ايش حتسوي اليوم ماتدري ! 
الانسانه اللي تبا تشتغل وتكآفح وتحاول تجيب لقمة عيشها ماسارت جوتها 
 انسـآنه غريبه تبا تمشي في الشوارع وبس
 سـآمي في الطيـآره مسدوح على الكـرسي الكبير ومتغطي بالشرشف الخفيف 
 الاضائه مقفليـنها والمكـآن بارد.. الرحله مرا اخدت وقت طويل 
 غمض عينه كل مايتذكر كيف انضرب جات في باله ترف ونزلت دموعه على طول 
 اشتقلـها 
 عاش اسبوع من دونها بس اول مانضرب هيا اللي جات ف باله 
 بشار صحي وجالس على طرف سريره ضايع تايه مو عارف ايش يسوي يروح لأمه !
يروح لجـآسم !
ولا يكمل ويحاول يوصـل للي كآن مع اختـو !
ولا يدور على سميه .!
بيتهم مهجور محد دخللو وهوا رجع لشقتـه ..
عايش لوحدو بدون احـد ... 
بعد عن كل البنـآت اغلبهم وصلهم موضوع اختـه حور 
 كلهم حاولو يوقفو معاه لكن ماكان يرد على احد .. ومن كتر ماطفش غير رقمـه 
 بذات لما هاني كآن واقف معاه بصف العزآ قد ايش كره نفسه بديك اللحظه 
 قد ايش كره انو بيكلم اختــه وبيسوي شي وسخ عشان ابوهم 
 دوبه حــس بللي بيسويه 
 دوبو حس قد ايش شي يقهر انك تتعامل مع احد عشان اهلهم وسخيـن وكأنه انتا لك ذنــب

 لمـى بدأت تعيش ببسـآطه براحة بآل نايمه على احلى دلـع على احلى كــلام من عدي 
 مرا اتغير معاها كتتتير بعد داك الموقف 
 بدأ يخف مزحه كتتتير ويحاول يدلعها يحاول يتكلم معاها بروقان بهدووء 
 يبا يسعدها يبا ينسيـها يبا يعوضها ويحس مهما يسوي في شي جوته مكسور كل مايتذكر شكلها 
 مهما يسويلها يحس ماحيقدر يمحي الاشياء اللي سارتلها بحياتها ... 



وقـف سيـآرته ...اخد العطـر اللي يميل للفخآمه ومناسب لشخصيـته .. 
اتعطر ..نزل وعكس دايما لابس ثوب اسود ماكان حاتط شمماغ 
 شعره حالقو على الزيرو ... نظاره شمسيــه ... لحيته اللي مديته منظظر مرتب وجاذبيه اكتـر .. 
دخل مفتاحه بجيبـه وهوا يمشي بخطوآت واثقه كالعاده من نفسـه 
 اول مادخل شال النظاره وهوا مكشـر
 كالعاده برضو مو مدي وجه لأحد ...ماشي ومتجه على المصــعد 
 قد ايش يكره دي اللحظـآت سامع صوت خطواتها السريعه جايه بااتجاهه 
 دار عليها ..!
لا طبعا يضغط على الزر وعارف انها حتجي له حتى لو مادور عليها ... 
وقفت جمبه وابتسمت بخجل : صباح الخير 
 تامر طالع فيها يبتسم غصبا عنه : صباح النور
 قلبها يدق بسررررعه وتلعب بيدها بتوتر وكأنه اول مرا بحياتها تتكلم مع رجآل ..وطت صوتها وقالت بخجل : وحشتني
 قددد ايش يكره الكلمه دي من فمها .. 
انفتح باب المصعد وهوا يطالع فيـها بســرحان ومية حاجه تدور وسط رااســه 
 اما هيا اتوترت وزادت حركه يدها ودخلت بسـرعه بدون ماتستنى منو جوآب 
 دخل وراها وبعدها قال : تقدري تجيني المكتب ..؟
 سلمى : ليش ؟
 تامر استوعب انو ماقلها وحشتيني ولا دا الكلام ومو قادر يقوله اصلا فاجابها بطريقه تانيه : اباكي تساعديني
 ابتسمت من قلللبها وكأنه قال شي مرا واو : طيب في ايش اساعدك 
 تامر ومانزل عينه ويتكلم وكأنه يقصدها: باخد رايك في حاجات ساير دي الفتره عقلي مو معايا 
 سلمى استحت : ليش ؟
 تامر ابتسملها : ايش رايك انتي ..؟
 كأنه يقولها بسببك 
 قللبها خلاص حيخرج من مكانه من كتر مايدق ...
راح لمكتبــه وهيا راحت اتعطرت وعدلت لبسها وروجها وراحت لمكتبـه لقتـه حاتط كرسي جمب كرسيــه 
 ابتسمت غصب عنها قدمت بخطوات هاديه لقدام مكتبـه : ف ايش تباني اساعدك 
 اشر براسـه : ولاشي تعالي انا حشتغل وانتي حكيني اي حاجه 
 سلمى : ههههههه اخاف ماتركز
 تامر : لا بالعكس حتسلى وماححس بالوقت 
 سلمى : طيب جبتها لنفسك 
 اتوجهت للكرسي وجلست جمبـو وبينهم مســآفه وبعدها كرسيـه 
 وتامر لسى مابدأ شغل كآنت قدامه اوراق بيضا
 وسار يوقع عليها ويقولها : تصدقي اكتر شي اكرهه توقيعي
 سلمى على طول شهقت : بالعككس والله مرا يعجبني _ قالت بجرئتها المعتاده _ اصلا كل شي فيك احسو يعبر عنك حتى توقيعك فخم زيك
 مو متعود على دا الكلام 
 تسكته دايما ومايعرف يرد عليها 
 بس بااسلوب وقــح
 وحده بنسبه له ماتعرف ايش يعني حيـآ
 بجمود وكأنها ماتغزلت فيه : برضو ماقتنعت لساتي نفسي اغيرو
 سلمى : ههههههههه والله والله يعجبني 
 تامر مازال يوقع ورا بعــض وبعدها هيا اخدت قلـم ووقعت جمبـه : انا اللي فخمه بجد
 تامر : توقيعك قريب من ابوكي الله يرحمـه 
 سلمى اتفاجئت : ماشاءلله عليك 
 تامر : متذكرو لدحين كآن يلفتني مرا 
 سلمى : ايوا بابا اللي علمني اساسا على دا التوقيع _ قالت وهيا خلاص لها اسبوع تاخد وتدي معاه _ حتى قاسم بعض الاحيان اوقـع بداله في حاجات كتير هههههه بس لاتقول لاأحد
 تاممممر جاته على طبق من ذهههههببب
 كآن يباها هيــآ بس سارت هيا واخوهآ 
 لاشعوريا ابتسسم ابتسم من قلبــه وقال بمزح : اجل اباكي توقعيلي على اوراق لأنو اخوكي ممرمطني 
 سلمى : ههههههههههه عشان يقتلني 
 تامر : هههههههه يلا مو مشكله نتمرمط كم شهر تانيه 
 سلمى : اووف كم لك مستنيه 
 تامر : شهر ونص
 سلمى : ايش هيا الاوراق ؟
 تامر : اشياء بسيطه معاملات ابا اخلصها ويسير بفتحلي مشروعي الخاص 
 سلمى بتردد كآنت حتقلو اسويلك بس مسكت نفسها لاأخر لحظه : اشوف انا اكلمو 
 تامر رفعلها حآجبه : ماحب دا الشغل خلاص حستناه 
 سلمى : مو م
 تامر قاطعها بااسلوب جاد : سلمى لاتدخلي لو سمحتي 
 سلمى بااستسلام : طيب 
... ورجع يشتغل وهيا اتوترت بعد كلامـه تباه ياخد ويدي بالهرج 
 قالت بااسلوب متردد : ايش بك احسك دي اليومين فيه شي مضايقك 
 تامر يقلب بالارواق ومسوي انو يصرف الهرجه : مافي شي
 سلمى : لاتكدب والله احس سرت افهمك 
 تامر مارد 
 وهيا : تيمووو يلا اتكلم قولي ليش مضايق ومين مزعلك 
 تامر وعلى طول هرج : شوفت اختي قبل كم يوم 
 سلمى انصدمت قالت بشك : ترف !
تامر : ايوا 
 ساب القلم وسند جسمو على الكرسي ودار عليها 
 سلمى : انتا كيف علاقتك معاها 
 تامر : بعد اللي سوته فينا ايش تتوقعي تكون ردة فعلي
 سلمى مرا اتوترت بلعت ريقها : طيب ايش سار بينكم 
 تامر : ولاشي ماسبتلها مجال تهرج وسبتها 
 سلمى ابتسمت بخوف : فاايش تبا تهرج 
 تامر : اللي فهمتو انو اخوكي اخد ولدو منها
 سلمى وجهها مصفـــر : طيب ليش ماتفاهمت معاها يمكن تباكم 
 تامر ويتكلم بقهر : مابيني وبينها كلام ياخدو ولا يقتلو ايش لاأهلي صلاح فيها 
 سلمى سكت ولما حست الكلام حينتهي : له اسبوع قاسم اخدو لدحين ماشفتو بس اليوم حيجو 
 تامر : من فين ؟
 سلمى : كآنو مسافرين اتوقع على الظهر حيوصلو 
 تامر رفع حاجبه : غريبه دوبو ياخد الولد 
 سلمى بتردد تهرج وهيا مو عارفه حيتقبل الكلام ولا لا : اختك قالت لولدها انو قاسم ميت ولو ماعرف بصدفه بيتها ماكان دري فينهم 
 تامر قلببه محروووق اول ماقالت اختك ..قال وهوا يحاول يكون جـآمد وهادي : تجي منها دي الحركه 
 سلمى ردة فعلو ريحتها : ايوا مرا اصلا مصدوم 
 تامر : يلا حيكون مع قاسم مرتاح اكيد 
 سلمى ابتسمت : ايوا مبسوط فيه مرا شوف لهم اسبوع مسافرين ولو ماعندو عمل ماكان رجع 
 تامر : تمام كويس 
 حاول حاول يتكلم معاها ... بس بدأ ينخنق بدأ مايطيقها 
 على انو ضحكتها جذابه بس كاره ضحكتها 
 على انه ملامحها ناعمه بس كاره كل شي فيها 
 ماصدق الدوآم يخلـص
 عارف انو جاب راسها وبقوه 
 عارف انها ميته عليه وبدأت ترتاحلو 
 بدأ ياخد رايها حتى في العمل بدا يديها صلاحيه انها تدخل ف حياته 
 بدأ يشوف الغيره بعينها اول مايدخل اي مكآن وتشوف نظرات البنات 
 وعلى انو مايدي وجه وبرضها غيرانه وكأنها عارفه انو اسلوبه التقيل هوا اللي يجذب زياده 

 راح اشتــرى غدى وكالعاده سار بعد الدوآم يروح لبيـت تــرف 
 دخل العمآره ودوبـه بيطلع سمع صوت هديل وروآن 
 بيضاربو 
 مافهم ايش بيقولو بس سار مو قادر مايطالع فيهم اول مايشوفهم 
 كدا يحس زي الهم انضاف لحياته 
 زي لمى وترف بدأ يطالع في هديل وروان بس بنفس الوقت مو قادر يتعدى الخط اللي حاطو مع الكل 
 وهمآ اساسا ماعمرهم اتجاوزو دا الخط معاه 
 طلع الدرج فتح البــآب .. حط كيس الاكل على الطاوله واتوجه لغرفتها ..
وقف عند الباب لما شافها 
 مسدوحه على ســريرها 
 وتعيد في مقطع سامي ودموعها تنزل 
 قد ايش نحفــت دا الاسبوع 
 قد ايش باين التعب بوجهها 
 دا وهوا بيحاول يساعدها بيحاول يكون معاها بس كل محاولاته مو جايبه فايده 
 فسخ جزمتـه عند باب الغرفه ودخــل
 اتوجه لعند سريرها 
 ولا طالعت فيه
 سحب جوالها بهدوء من يدها 
 ولا مسكتـه 
 نزلت يدها باستسلام على المخده وبـس
 تامر : تعالي اتغدي
 ماردت 
 جلس على السرير وزفر بضيـق : ليش مو واثقه فيا 
 ولا ردت 
 تامر : انتي عارفه اني عند كلمتي لساتي 
 بكل ثقل مسحت دموعها وقالت بهدوء : سامي مايباني
 تامر : لأنو مو عارف قاسم 
 ترف : ولا حيعرفو 
 تامر : شوفي ياترف انا لو تبيني اجيبو اقدر اجيبو اول مايرجع بس صدقيني حتعيشي انتي وقاسم في حرب مالها نهايه وهوا الكسبان بس سيبيني اديني اسبوع او اسبوعين وحخليه في اللحظه اللي هوا معاكي قاسم مايتجرأ يقرب منو 
 ترف رفعت عدسة عينها عليه : مافي شي يكسر قاسم 
 تامر : مافي انسان ماينكسر 
 ترف : ليش مارفع عليه قضيه ليش مو مخليني 
 تامر : ياترف وربي انتي الخسرانه مقطعك بس اللي عندو دا لو حطو للقاضي انتي روحتي فيها 
 ترف بقهر : بس هوا الاب 
 تامر : ترف انا صاحبي محامي تتوقعي ماتكلمت معاه في الموضوع انتي حتخسري سامي لو فكرتي تدخلي بالمحاكم 
 ترف مو مقتنعه انها حتخسر : مدري انا اشوف دا انسب شي
 تامر : انتي عارفته وسخ حيطلع بينكم عقد نكاح مزور ولا انكم متزوجين مسيار لاتفكري بسطحيه ..قاسم ممكن يسوي مليون شي مجنون عشان تخرجي خسرانه من الموضوع _ حسها ماقتنعت _ ترف انتي خسرتي 10 سنين من حياتك ماحخليكي تخسري شي من عمرك اكتر من كدا 
 ترف تنزل دموعها بصمت تحس قلبها يوجعها خلاص قالت وهيا تشتكي ومحروقه : تامر انا ليا 10 سنين وانا استنى اللحظه اللي سامي يكون فيها بحضني 10 سنين مو شي قليل اللي مريت فيه 
 تامر خلاص قلبه يوجعه دايما عليها: حاسس فيكي والله مسأله وقت وحيتغير كل شي
 ترف : ايش تبا تسـ
 تامر قاطعها لأنها بتسئله دايما : قلتلك لاتسألي اديني وقت اهتمي بنفسك دا بس اللي اباه _ اشر براسه _ قومي يلا نتغدى
 ترف : شويا ماليا نفس دحين 
 تامر : متى شويا ؟
 ترف : بس ساعه باخد غفوه 
 تامر كآن يبا يمشي : طيب ساعه وحده 
 ترف كالعاده تشرد من الاكل ومالها نفــس
 جات بتمسك جوالها الا تامر سحبـه : يلا نامي بعد ساعه تعالي خديـه 
 ترف : لا خليه جمبي 
 تامر خرج وهوا يهرج : ماافي غمضي عينك وارتاحي
 عارفها تفتح محادثتها مع سامي وتقعد تقراها كل يوم وتبــكي
 تفتح صورو وتبــكي

 خرج للصـآله جيعان بس مايبى ياكل لوحدو .. انسدح على الكنبـه بثوبــه 
 وغمض عيـنه ... 

ولا نص سـآعه الا صحيـت على صوت كحـه حاولت ترجع تنآم 
 الا مستممر تـآمر 
 عقدت حوآجبها وسارت مفتحه عينها
 مستنيتو يوقــف 
 بس ماوقف 
 جلست على طـرف السرير وقامت اخيرا 
 اتوجهت للصـآله لقتـو جالس 
 اخد نفسـو : معلليش كنت دوبي بقفل الباب عليكي _ رجع حط يدو على فمو ويكـح _
اتوجهت له بخطوآت تقيــله وجهها شاااحب
 شعرها مفتووح 
 عيونها محمـره 
 جلست على الكنبه : ايش بك 
 تامر اشرلها على الطاقه اللي فوق الكنبـه : الكنبه كلها مغبره نسيتي شكلك الطاقه مفتوحه امس
 ترف كآنت طبعا تدخن فافكت الطاقه : ايواا 
 تامر رجع يكــح 
 ترف : عندك حساسيه لسى
 تامر طالع فيـها : ايش رايك الحساسيه تروح يعني 
 ترف مافيها حيل تفكر راسها يوجعها اصلا : طيب عندي دوآ للشعب الهوائيه حيريحك
 تامر اخد كاسه المويـآ وشرب شويا ورجعها : لا ماأشرب ادويـه 
 ترف كدا تنحت وبعدها ابتسمت وهيا تبا تضحك : لاتقول لدحين ماتعرف تشرب الادويه 
 تامر طالع فيها ورفع حاجبه 
 ترف ولأول مرا خلال دا الاسبوع تضحك : هههههههههه مو من جدك لدحين ....
تامر : ليش متفاجئه 
 ترف ضحكت على ثقته وكأنه شي عادي : هههههههه اتذكر ماما لما تلحق وراك بالدوا وانتا تبكي وتنزل الشارع عشان ماتشربو
 تامر : هههههههههههههههههه مدري ليش محد راضي يفهمني 
 رجـع يكككح وهيا ضحكت لاشعوريا من قلبها وتتكلم بهدوء : من جد ايش تحس يعني اول صغير وتتقرف دحين ايش وضعك 
 تامر مبسوط انها اتكلمت كدا من نفسـها : نفس الشعور ماتغير
 ترف : طيب مو معقول كل الادويه نفس الطعم 
 تامر اتقشعر جسمو : استغفرالله خلاص قفلي الموضوع 
 ترف ماتت ضحك لما رفع كتفو بقرف : هههههههههههههههههه من جدككك !!
تامر عندو سيرة الادويه زي اللي يمسك مفتاح ويحكه في سيااره قال بكل جديه بككككل جديه: خلاص بلله غيري السيره 
 ترف نسيت في لحظه همها وتضحك تضحك على تعابير وجهه : هههههههههههه طيب الحبوب ؟
 تامر : الحبوب ماعرف ابلعها 
 ترف فين تلقووها صوت ضحكتها بكل الشقه كأنه قال نكتـه : ههههههههههههه 
 تامر رجع يكككح وبعدها وقف: قومي نفضي الكنبه قبل لاانخنق ف بيتك _ مسك كيس الاكل _ بجيب ملاعق وصحون 
 ترف مافيها حيل تقوم دايخه من قلة الاكل : ههههههههههههه مافيا 
 تامر على طول انفلت : مو انتي لو تاكلي حتقدري تقومي على حيلك 
 ترف اختفت ابتسماتها وهوا رجع يكمل : شوفي ماحرجع البيت الا وانتي اكله وحجيكي على الليل كمان 
 ترف : مالو داعي خلاص حاكل 
 تامر دخل المطبخ وهرج بصوت عالي : كذابه 
 ترف ماتباه يجي في الليل دا وقت استكنانها وروقانها في السطوح : خلاص والله قلتلك حاكل 
 تامر ولا رد عليـها 
 خرجو اكلـو وهيا تاكل بهدوء وكل شويـآ تسـرح كل شويا يشوف الدموع متجمعه بعينها ..
وهوا بدأت تخف كحتـه ...
 : شكلو قاسم خلاص نقلو من المدرسه 
 تامر مايبى يقولها اي تفاصيل عشان لاتنحرق غير الموضوغ: ماحترجعي لدوامك 
 ترف اشرت براسها : لا ماليا نفس 
 تامر : روحي ممكن ت
 ترف قاطعته : مابى 
 تامر : طيب ..ماعندك صحبات ؟
 ترف حركت راسها: لا
 تامر : واللي تحت ؟
 ترف : ماعرفهم مرا كم موقف سار بيني وبينهم وبس
 تامر : حسبتكم تعرفو بعض 
 ترف : لا ماعرفهم _ عقدت حوآجبها _ اصلا ناسيه حتى اساميهم اتوقع هديل والتانيه مو متذكره 
 تامر وهوا يحرك الملعقه بالصحن قال : روان
 ترف : اها ايوا 
 ترف تحس كلام روان مستحيــل تنسآه
 تامر : طيب اخرجي معاهم 
 ترف : مكسوفه اشوفهم 
 تامر : ليش ؟
 ترف رفعت كتفها : مدري مابى اقابل احد 
 تامر : براحتك .. انا بودي لمى اليوم المستشفى 
 ترف ماتدري ليش تنقهر من سيره لمى كدا تحسهم مهتمين فيها وهيا مو لاقيه كآنت شي : ليش ؟
 تامر : عندها مراجعه.. مدري خطيبها حيجيها ولا انا حوديها حنشوف كيف
 ترف بتفاجئ : هيا مخطوبه !
تامر : ايوا 
 ترف : اها مراجعه ايش ؟
 تامر سكت بتردد وبعدها قال : تتوقعي ليث ليش اتسجن 
 ترف عقدت حوآجبها سيرتو لوحدها تجبلها الهم ماتنسى كيف كآن يستهزأ فيها وهيا تبكي على سامي
 كل شي من ورا راسه اصلا : ليش ؟!
تامر : خطيب لمى بلغ عنو 
 ترف مو فاهمه شي : على ايـش !!!
تامر : فاكره يوم ماجيتي البيت قبلها بزبط دخلت ولقيت لمى مرميه في الارض وليث يدعس عليها برجلو 
 ترف وسعت عينها مفجوووعه : ليش !!
تامر بقهر : متخلف مهما احاول استوعب عقليته ماقدر لدحين كل ماطالع فيها اتذكر كيف كآن شكلها وربي وجهها كلو كآن دم 
 ترف ماجا ف بالها الا انها لمى الدلوعه حقت زمــآن 
 دي اللي راسمتها ف بالها : من جدك!
تامر : قاسم ياترف ماأذاكي انتي لوحدك قاسم اخد كل شي حلو فينا لمى كبرت وهيا تنضرب من امي بطريقه مجنونه ماحتتخيلي قد ايش امي اتغيرت ..وليث دي تاني مرا يضرب لمى بدي الطريقه لها اسبوع بس في غرفتها وبالقوه تتحرك 
 ترف تطالع فيه بصدمه وبـس : كيفها دحين 
 تامر : الحمدالله احسن خطيبها ابن حلال واقف معاها مع انو علاقتنا فيه بعد دا الموقف مرا سارت حساسه وهوا واضح انو حاقد لكن محد يقدر يلومو 
 ترف بتردد : وتميم ؟
 تامر : ايش بو ؟
 ترف : يعني بس يشتغل مو متزوج او 
 تامر : لا يبا يخطب في وحده براسه بس مع المشاكل مافتح الموضوع 
 ترف : مشاكل ايش 
 تامر : مشاكله معاكي 
 ترف اتفاجئت واشرت على نفسها : انا ! ايش دخلني 
 تامر بتريقه : اوووه لسى ماتعرفي تميم تراه نفسيه 
 ترف قاعده تنصدم باأخوانها وبجد تحس ماتعرف ولاشي عنهم دي اطول محادثه اصلا سارت بينها وبين تامر وماتخص سيره سامي : برضو ايش دخلني 
 تامر بيحاول يوصلها تفكير تميم بطريقه بسيطه سكت شويا وبعدها قال : ممكن ماتفهميه بس هوا من الناس اللي ضميرهم مرا ياأنبهم مايحب يزعل احد ينكد على احد فالما عرف هرجتك اخر شي يفكر فيه حاليا انو يسوي شي يبسطه تلقيه طول وقته يفكر كيف يعتذرلك كيف يخليكي تسامحيه وبنفس الوقت ماعنده جرأه يوقف قدامك حاليا 
 رفعت حوآجبها الاتنين وباين انها مصدومه : له اسبوع !
تامر : عادي
 ترف بهدوء : انا مابى اوقف قدام سعادته 
 تامر : لو جاكي اتفاهمي معاه _ اشر على صحنها _ خلصي اكلك 
 خلـصو أكــل .. خـرج تامر من البيت ... 
اما هيآ .. 
دخلت غرفتها لبست جاكيت اسوود وأخدت سجارتها والولاعـه ..
كآنت طالعه الا رجعت اخدت الجوال من على الكنبـه 
 وطلعت السطـوح 
 جلست وسند جسمها على الجدار الرمآدي 
 ولعت سجارتها ودخلت الولاعه ف جيب الجآكيــت 
 وقعدت تدخن والجو رااايق وهادي وبدأ الغرووب ...
تسحب من السجاره ودموعها تنزل 
 مبسوط ..؟
 دي الكلمه اللي تسئلها كل يوم 
 وحشها ضحكته 
 مناقرتها معاه
 كلامه 
 نفسها تحضنه 
 نفسها تبوســه 
 نفسها ينام بحضنها 
 فكت جهات الاتصآل واتصلت بتردد على برآء 
 لها اسبوع ماسمعت صوته 
 اسبوع ساحبه وبقــوه عليـه ...


 في الدور الارضــي .. كل شويا تتضارب روآن مع هديـل بدون سبب 
 هديل سانده جسمها على الجدار مخنوووقه مخنوووقه 
 مو عارفه تتعامل معاها وتحس انها بتتحمل كلامها وتجريحها بالكلام ومابترد 
 امـآ روان خرجت من الحمآم بعد ماستحمت لبست ملابسـها 
 كالعاده كل شي وسيــع 
 بلوزتها الوسيعه اللي كأنها رجاليه 
 وجينز ..
نشفت شعرها وراحت تطالع في هديل 
 مو عارفه تعتذرلها 
 مو عارفه ايش تسوي 
 نفسها تحضنها وتقولها استحمليني وانا اسفه ماعندي غيرك 
 وتنقهر لما هديل تخليها تصرخ وماتدافع عن نفسها او تبرر او تسوي اي شي
 تكره نفسها زيـآده 
: حروح لبشار 
 هديل على طول طالعت فيها : دحين ؟
 روان : ايوا 
 هديل قلبها يدققق ومرا خآيفه : هوا مو ف بيت اهله 
 روان : ايوا عارفه حقلو اني عرفت فين ساكن وارميلو اي هرجه 
 هديل : طيب قوليلي ايش يسير معاكي
 روان : طيب
 اخدت جوالها وحطتو في جيبها لمت شعرها وخرجت .. 
كآنت بتمشي بس جلست على درج العمـآره 
 بتتفرج على اب بيلعب مع بنتو وولدو كوره 
 تتذكر وهيا صغيره لما كآنت تتفرج كدا 
 بس كآنت البنت لما تبتسم روان تبتسم معاها 
 لما تضحك روان تضحك 
 كآنت تحس كأنو هيا البنت الصغيره 
 بس اليوم 
 مافي اي ملامح بوجهها تطالع فيهم وبــس
: اختي !
طالعت وراها وشافت تامر عرفت انو يبا يمشي سحبت جسمها على اليمين بدون ماتطالع فيه مرا تانيه 
 ورجعت تتفرج على العيله 
 بلع ريقـه بتوتر وخرج ركب سيارته وطالع فيـها 
 ورجع يطالع في المكآن اللي عيونها متعلقه فيهم وبتراقبهم 
 ورجع تاني نقل عدسه عينو عليها 
 فلحظه 
 حس بوجع جوتـه 
 نظرتها تووووجع 
 رجع يتذكر كلامها 
" كيف اب يسوي ف بنتو كدا ! "
وكآن لسى مصدوم من ابوه 
 مصدوم لأنو سجن تـرف
 دا خلى بنتو في الشوارع تشحت وتســرق !!
خلاها بنت شوارع من النهايه 
 ماقدر يحرك السياره 
 مانزل عينه من عليها 
 ونفسه يعرف ف ايش تفكر بدي اللحظه 
 مع انو نظرة عينها واضح انها تتمنى حياة البنت اللي قدامها 
 مدت رجلها للدرجه الي قدامها وهيا تخرج جوالها من جيبها 
 اتصلت على رقم بشار ولأول مرا حتكلمــو ..
بعد ثلاث رنـآت 
 رد واحد بصوت مو احسن منها 
 روان : بشار 
 بشار : ايوا مين معايا ؟
 روآن بلعت ريقها : انا سميــه 
 كآن جالس على الكنبه وقدآمه اوراق ياكتـرها 
 وقف على طول : ايوا هلا 
 توتـــر الاتنين 
 حست انها تبا تبـكي 
 ماتبا تروح لبيتو : عادي اقابلك ؟
 بشار : ايوا ايوا انتي فين 
 سميه : حديك العنوآن وحستنآك هناك لاتتاخر
 ادتــو العنوآن وقفلت منو ... للحظه مماتبا تشوفو بس بنفس الوقت تبا تشوفه 
 عشان موضوع جاسم .. 
عشان جاسم لاأكتر 

 وقفت ومشيت بدون عقــل
 كالعاده تمشي وتسئل نفسها 
 ليش ماكان يباني ؟
 ليش ماحبني زي حور ؟
 ليش ماكان يخاف عليا لما اتعب ؟ لما اجري في الشارع لوحدي ؟ 
 ايش فيا شي عشان يخليه يكرهني لو اداني سبب واحد انا مستعده اسمعو 
 مستعده اعرف عيوبي اللي خلتو يرميني 
 اكيد عندو شي اكيد انا كنت ماأنحب 
 حور طيبـه انا كلهم يشتكو دايما مني 
 بدأت تفكر بجنون بدأت تكره نفسها 
 وجاسم وصلها لمرحله انو تدور العيب اللي فيها 
 لأنو مو قادره تستوعب اللي سواه
 خرجت للشـآرع العام ومدت يدها توقف تآكسي
 خرجت الفلوس من جيبها ماتتوقع انها تكفي المشوار مرا بعيد 
 بس حتخليه يوصلها لنص الطريق وهيا تكمل مشي
 وضعهم المادي مرا سار سيئ الفلوس يادوب تكفي اكلهم ...

امـآ تامر دوبو يخرج للشـآرع العام وشافها واقفه 
 حيعدي من جمبها 
 يوقف ولا مايــوقف
 مترددد مرا متردد 
 مايبى 
 مو طبعه يعرض خدماته على كل شي 
 بس سار يفكر لو انها وحده من اخواته 
 صراااع صرااع لين ماوقـف بزبط قدامها وضغط بيده على الدركسون بقهر 
 خلاص ورط نفســه 
 ومازال فيه اتنين جوته بصراع 
 مابين انو اللي بيسويه شي غلط 
 وانو اعتبرها اختك 
 طالعت فيه 
 حتى هيا متردده تقرب للسياره 
 كارهه انو دا الشخص عارف كل شي عنها 
 بس بنفس الوقت اكيد حيوصلها بدون فلوس
 وهيا محتاجه 
 ذل 
 دا اللي حاستو انها مذلوله 
 كآنت زمان ماتهتم 
 بس دحين كل موقف يجرحها 
 قربت للسياره بعد مافتح الطاقه 
 قال بتردد اكتر منها : تبيني اوصلك ف طريقي
 اشرت براسها من دون اي كلمه 
 فتحت الباب وركبت 
 حرك السياره وقالتلو فين يوصلها بزبــط وبعدها ماهرجت ولا كلمه 
 سانده جسمها على الباب وتطالع في الطاقه وبـس
 كآن مرا مرتبـــك مو عارف ليش 
 وبدأ يخف ارتباكه لما ماتحركت ولا حركه 
 ولا طلعلها اي نفسس
 كأنها مو موجوده بالسياره 
 شغل الاذاعه عشان شويا يتلهي
 واشتغلت اغنيـه 
" الهي قوي انفاسي وألهم قلبي السلوآن وصبرني باالهصدفه وصبرني على روحي " 
غير الاغنيــه على طول واشتغلت اغنيه اصاله 
" كلنــآ طفل تمنى اي شخخص يحضنــه 
" 
قفللل كل شي باارتباك 
 سب ام الاذاعه ف قلبه لو انو يبا يدور اغنيه على جوه دحين ماكان لقققى 
 مخليتو مرتبـــك وبس 
 وهيا ف عالم تاني ولا سمعت اي كلمـه حتى من الاغاني 
 صمت فضيـع مر عليهم 
 وبعدها اتكلمت بهدوء وبدون ماتطالع فيه : كيف ترف
 طالع فيها ورجع يطالع في الطريق : تمآم
 روآن : ماسار شي مع ولدها ؟
 تامر :لا على نفس وضعها 
 روان : اها ... كويس انتا معاها
 قالتها وهيا تفكر لها كم يوم بدا الشي
 انو كل شخص في احد بيتكلم معاه 
 ترف معاها اخوها
 هديل معاها بشـآر
 هيا لوحدها 
 ايش ماكانت هديل تحاول تسويلها بس في النهايه دي اختها 
 ماتبى تفضفضلها طول الوقت 
 ماتبى تقهرها 
 عارفه لو كل يوم حتبكي هديل حتبكي معاها 
 ماتبى تزيد همها 
 تامر على طول فهم معناها انو همآ ماعندهم احد 
 ماعرف يرد عليها 
 غير انو يلتزم الصمت ويرجع الهدوء مرا تانيه بينهم ..

وصلـها للأسواق الشعبيـه وفزحمه الطـرق : خلاص انا حنزل هنآ
 مو عارف ايش بتسوي هنـآ
 ساير عندو فضوول يعرف 
 نفسـو يعرف ايش بتسوي بيومها
 فكت باب السياره ونزلت مشيت على الرصيف بجانب الاسواق
 مدخله اياديها في جيب الجنز وتمشي 
 تمشي في المكآن اللي كبـرت فيه لين ماختفت عن نظرو ..
يحس اللي ركبت معاه داك اليوم انسانه تانيه واليوم انسانه تانيه 
 طول الطريــق يفكر بوضعها ونسي ف لحظــآت اخوآتـه ... 


امـآ روآن مشيت مشيــت لين مادخلت الحواري اللي كبـرت فيها 
 جلست بزبـط قدآم البيت اللي عآشت فيه 
 وتتأملو ودموعها بعينها 
 لين مادق جوآلها 
 لين ماجات سيارتـو الفخمـه في الشوارع الضيـقه 
 ونزل منـهآ شافها جالسه 
 ويحس انو قلبو يدق بسـرعه 
 ليش جايبتو هنا مو عارف
 ولا وقفـت جا بااتجاهها .. واقف قبالها وهيا جالسه 
 اشرتلو براسها : اجلس _ رفعت راسها وقالت بقهر _ ولا دي الاماكن مو متعود تدخلها 
 اللي راحمها من تعليقاته شكلها المكسور وبس
 جلس بكل صمــت جمبـها : ليش جايبتني هنآ
 روان : شايف البيت اللي قدامك 
 بشار طالع فيه وهيا كملت : جاسم عيشني هنآ _ دارت راسها ودموعها بعينها _ شوفت الفرق بيني وبينكم 
 بشاار مصدوم من البيت 
 بيت شععععبي وكلمه مقررف قليل فيـه 
 قاممايم حولينـه وكأنهم مو بشر اللي حيخرجو من الباب الصغير دا
 بيت دور وآحد سقفـو مرخي ..حتى فتحه المكيـف سادينها بكراتين
 كل شي مقــرف من النهايه 
 مانزل عينه من على البيت 
 قال وهوا مخنوق : مارتحتي لما سجنتو ؟
 روان اشرت براسها : لا 
 بشار : مو دا اللي تبيه ؟
 روآن ماقدرت ماتبكي ماقدرت تمسك نفسها : كنت احسب اني حرتاح بس مارتحت 
 نفـــس شعوووره 
 نفــس اللي يحس فيـه 
 حزنــآن عليها هوا رجال وخلاص كل شي جوته يوجعه كيف هيا 
 مايدري ليش يبا يريحها شويا : ايش اللي حيريحك؟
 روآن مسحت دموعها : مافي شي لا موته حيريحني ولا انو يتسجن 
 بشار : كنت ابا اوصلك طول دي ال فتره وماقدرت لو ماجيتي تشهدي جاسم حيقدر يخرج 
 روآن : جاسم ؟ مو كنت تقولو ابويا 
 بشار مو جاي يتكلم عن نفسه معاها : تجي معايا ؟
 روآن : فين ؟
 بشار : مركز الشرطه حيحققو معايا ومعاكي 
 روان : اخاف يمسكوني 
 بشتر عقد حوآجبه : مين اللي حيمسكك
 روان : الشرطه !
بشار مافهم : وليش يمسكوكي 
 روان : عشان كنت اشتغل و
 بشار قاطعها : محد يقدر يسويلك شي وانا فيه 
 جملــــــــــــه غريبه 
 سكتتها على طول
 بشار : ولو تبي تشوفيه حخليكي تشوفيه 
 على طول وسعت عينها : اقدر اشوفه ؟
 بشار : ايوا بس ابا اعرف شي منك اول
 روان قلبها يدق بسرعه بس وهيا تتخيل انو ممكن توقف قدام جاسم مرا تانيه : اايش؟
 بشار : انتي ماتعرفي حتى مين امك صح ؟
 مافكرت طول دا الاسبوع بدا الشي 
 اشرت براسها : لا
 بشار : اججل قومي منها تسئليه مرا وحده 
 روآن مصدوووومه قالت باارتباك : اسئلو عن ايش !
بشار كلامه واضح ! : عن امك ؟
 روآن تطالع فيه بصدمه : امي انا ؟
 بشار : ماتبي تعرفي مين هيا ؟
 روان باارتباك : الا _ بلعت ريقها _ بس مدري 
 بشار وقف : قومي يلا 
 روان تطالع فيه بخووف 
 مرا خااايفه 
 ماتوقعت مراا ماتوقعت انو الموضوع حيكون كدا
 مو قادره حتى توقف
 بشار يحرك سويتش السياره بيده يخفي فيها الف احساس جوته حاليا: يلا 
 بالقوه وقفت 
 بالقوه تمشي وراه بعدم استيعاب 
 ركبت سيارته 
 وكل واحد بهــم 
 مايبى يشوف جاسم 
 مايبى يوقف قدامه 
 يحس انو حيضـربه تاني
 حتى سيرته مايطيق يسمعها 
 وهيا كل اللي ف راسها " امك .."
وكأنه سار عندها بصيـص من الامل
 وبعدها عقدت حوآجبها ونفضت الفكره من راسها 
 ماتبى ماتبى تنبسط بالموضوع 
 صدمتها بجاسم تكفـي ... 
خرج من الحواري بالقوه مع الزحمـه ... 
طالع ف لبسها وشكلها عككس شكله المرتــب
 كل قطعه لابسـها من جزمتـه لساعته ولبسه كلها بمبلغ وقدره 
 لابس تيشيرت اسود وعليه جاكيت جلد بنـي
: فين انتي عايشه دحين 
 روان ماتقدر تقولو عشان هديل : ليش ؟
 بشار : يسير لو اباكي اقدر اجيكي 
 روان : رقمي عندك متى ماتباني اتصل 
 بشار طالع فيها مفجوع : ماحاكلك 
 روان : وانا مو خايفه منك بس مابيني وبينك غير هرجه جاسم وكل واحد يروح بطريقه
 بشار : اهااا طيب كويس المهم حتنسئلي هناك اسئله ممكن مالها علاقه بجاسم 
 روان : زيي ايش ؟
 بشار : زي اذا تعرفي احد من البنات اللي كانو معاكي
 روان : ايوا اعرف 3 
بشار : كويس
 روان : بس محد حيجي يتكلم عنو 
 بشار : مو مشكله انا حضمنلك انهم ماحيسرلهم شي
 روان : وانا مو مستعده احطهم بموقف زي كدا 
 بشار اخر شي يفكر فيه حاليا انو يتجادل معاها : بكيفك .. المهم السؤال التاني ايش تشتغلي
 روان : ماشتغل حاليا 
 بشار : وكيف تصرفي على نفسك 
 روان : اللي ف جيبي هوا اللي عندي 
 بشار : ولو خلص اللي ف جيبك 
 روان : لقافه 
 بشار : دا ردك عليهم 
 روان : ايش دخلهم 
 بشار : عاد غصبا عنك تجاوبي
 يسـأل ورا بعض وكأنه بجد هوا اللي بيحقق معاها 
 وهيا تطالع فيه ووعينه بطريق ولا كأنه الا حافظ الاسئله من سرعتها
 روان : وقتها حدور شغل 
 بشار : ليش ماعندك التزامات وايجار شقه 
 روان : ايجار بيتي ممدفوع لتلاته شهور قدام 
 بشار : مين دافعلك 
 روان : واحد اخلاقه احسن من جاسم 
 بشار : ولو خلصت التلاته الشهور 
 روان : حدبر نفسي
 بشار : الايجارات غاليه 
 روان : مو مشكله ادبرها 
 بشار : برضو المفروض من دحين تجمعي 
 روان : حقدر اجيبها 
 بشار : حتتورطي 
 روان : شقتي ايجارها مو مرا عالي 
 بشار : ايوا فالـ """ الايجارات معقوله 
 روان : ايوا عشان كدا
 بشار طالع فيها : يعني ساكنه ف """
روان وسعت عينها سحببها بالكككلام وزي الهبله ماحست 
 قالت بصدمممه : انتا انتا ماتستحي 
 ابتسم : انتي هبله وكنت احسبك ذكيه وتعرفي تهرجي 
 روان لدحين مفجوعه : كيف عرفت 
 بشار: المهم دا الاسلوب ممكن اللي حيستخدموه معاكي _ طالع فيها ورفع حاجبه _ اباكي تسكتي كل بعد سؤال ينسئلك وبعدها تجاوبي
 روان اتوترت : ليش يعني ؟
 بشار : احسن برضو 
 روان بخوف وهيا اصلا رعبها من صغرها الشرطه : مو انتا قلت ماحيسولي شي 
 بشار : ايوا طبعا بس قصدي لو عندك هرجه ماتبي تقوليها ممكن بااسلوبهم يسحبوها منك 
 روان : اهاا لا ماعندي شي 
 بشار : وماتبي تجيبي سيره البنات ؟
 روان : لا ماحجيب سيرتهم 
 بشار : طيب ارجع اسئلك فلوسك اللي بجيبك كم يوم تمشيكي 
 روان : يومين 
 بشار : مصاريف اكل ولا ايش بزبط 
 روان مو عارفه ايش الاسئله دي اللي مالها صلاح ف جاسم : ايوا بس اكل 
 بشار بسرعه يسئل : كم معاكي فلوس
 روان : اتوقع ""
بشار : تشتري اكلك من فين 
 روان عقدت حواجبها : الكفتريات 
 بشار : لكم شخص
 روان بسرعه : إتنين _ لما حست انها كفشت نفسها رفعت يدها وهيا مفرصعه عينها _ هيييييي
 بشار ضحك : غبيه برضو 
 روان : انتا تستهبببل على راااسي
 بشار : ههههههه قلتلك ركزي قبل لاتجاوبي
 روان نزلت يدها بصدمه : كنت مركزه 
 بشار : واضح ماشاءلله ..اللي ساكنه معاكي كآنت عند جاسم اكيد
 روان اتوترت : ايوا 
 بشار : اهاا انتو البنتين اللي شردتو يوم ماتمسكو البنات الصغار ؟.
روان بس اتذكرت البنات قلبها وجعها : ايوا 
 بشار : وليش ماشردتو من قبل
 روان : لا ماشردنا جاسم هوا اللي بلغ عننا
 بشار عقد حوآجبه : كيف حيبلغ عنكم ؟
 روان : قالتلي صحبتي انها شافته مع الشرطه 
 بشار : جاسم بنفسو قلي انكم شردتو مو اهبل يضيعك من يدو 
 روان سكتت وبعدها استوعبت كيف هديـل كآنت داك اليوم قويـه 
 ولأول مرا 
 وكأنها كانت تهديها لأنها غلطت 
 اتذكرت كلام نعيمه لما قالتلها نفس الكلام وضحكت 
:اهاا 
 بشار : ايش بك 
 روان : ولاشي
 بشار : المهم لو ماتجيبي سيرتهم ركزي بكلامك قولي انك لوحدك وانا اللي دفعتلك الايجار
 روان : اصلا الشقه كاتبتها بااسمك
 بشار طالع فيها : كيف كاتبتها بااسمي !
روان : عرفت انو جاسم بيدور عليا وكنت بسوي مشاكل بينك وبينه دفعت فلوس لصاحب العماره وخليتو يحط اسمك بالعقد ورقمك وجاسم عرف 
 بشار يطالع فيها مفجوع كدا حس انها اختوو بتفكيرها الوسخ 
 استوعب اللي سار مع ابوه : اهااا انتي صحبتك اسمها ههدددديل 
 روان لا مو دا اللي كانت تباه يوصلو طاح قلبها : ايش عرفك !!!
بشار بدأ يتذكر كلامو بالجوال : سار الكلام قبل اسبوع ونص صح !!!
روان : تقريبا 
 بشار : ايييوا عشان كدا اتصل يقولي بتسوي خير فيها
 روان ماعلقت كدا الكلمه وجعتها 
 هوا حس بنفسه : طيب كويس خلاص نمشي على هرجه انو انا اللي ماأجرك من متى مستأجرتها 
 روان : شهر واسبوع اتوقع ماتذكر بزبط 
 بشار : طيب اجل انا وانتي عرفنا بعض قبل شهرين وماكنت اعرف انك اختي لكن اعرف انو كنتي تشتغلي عندو وبس
 كلمه اختــي دي لما تسمعها 
 تحس بشي غريب ومازالت تسوي نفسها مجنونه لما تسمعها 
 روان : دا الكلام كلو مافيا حيل احفظو 
 بشار : براحتك انتي اللي تبي تكذبي وماتبي تجيبي سيرة البنات 
 روان : حقول اني عايشه لوحدي
 بشار : اها ومين يدفعلك الايجار 
 روان : ايش لهم هما
 بشار كل الاسئله الي بيسئلها لقافه منو ولاأحد حيسئلها هيا : روحي قوليلهم كدا واتسجني انتي التانيه 
 روان مرا اتنرفزت : شووف لو حيسرلي شي من دحين مني رايحه
 بشار : سوي زي ماأقلك وماحيسرلك شي .. مين اللي بيدفعلك 
 روان بااستسلام : واحد اعرفو 
 بشار : يااشيخه ايش الرد الدبلوماسي دا
 روان : واحد اتعرفت عليه 
 بشار : كيف اتعرفت عليه 
 روان مرا بدأت تتضايق : يااااااربي اانا بطلت مابى اروح 
 بشار : بكيفك اوقف !
روان طالعت فيه بقهر وبعدها قالت : كنت اشتغل عندو 
 بشار غيرت نفسيته بهبلها ومصدقه بجد انها حتنسئل دي الاسئله : ايش اشتغلتي 
 روان : ف المستودعات امينه مستودع 
 بشار : انتي درستي ؟
 روان : لا 
 بشار : كيف تشتغلي امينة مستودع وانتي ماعنك شهاده 
 روان مفجووعه : انتا رااسك كيف حافظ دي المعلومات كلها 
 بشار : مهي معلومات انظمه دي مستحيل امين مستودع ماعندو شهاده
 روان : نصبت عليهم 
 بشار وقف في الاشاره ودار عليها : كيف ؟
 روان : قلتلهم اسمي وليد وعلى حظي وليد ماجا واشتغلت مكانه !
بشار بصدمه : دقيقه كيف كيف ن
 روان قاطعته وقالت بتملل : سويت نفسي ولد واشتغلت 
 بشار : اوووه !!!!
رولن : اي اسئله تانيه !
بشار : تتوقعي بعد دا الكلام الاسئله حتوقف !!!
روان : طبعا ايش عرفك بالمرمطه 
 بشار وقـف سيارته : يلا يلا انزلي
 روان طالعت في المكان وحست قلبها حيووقف مسكت بالباب ومو قادره تفكو مع الصدمه 
 اخد سويتش السياره ضغط الزر اللي يطفي السياره ..سحب جواله ونزل 
 وقفل الباب 
 طالع فيها واشرلها بالقوه فكت الباب 
 بالقوه نــزلت 
 جات لعندو وقلبها يدق بجنوووون 
 واول ماطلعو اول درجات وشافت الرجال كلهم لابسن لبس موحد 
 حست انها حتموت من الخوف 
 مين يصدق انها ماتخاف من اي شي وتخاف من الشرطين 
 فجاه لصقت ف بشـآر طالع فيها مفجوع : ايش بك 
 همستلو : خلاص بطلت ابا امشي
 بشار وقف مشي والناس تمشي من جمبـهم والمكآن زحمـه 
: ايش بك 
 روان ماتحرك وجهها بس عدسه عينها وهيا تطالع في الرجال : متأكد ماحيمسكوني
 يطالع فيها يبا يضحك من البلاهه حقتها 
 مو مصدق انها خايفه !!!!
 :انتي قاتله احد !
طالعت فيه مفجوعه : لااا والله ماقتلت احد 
 بشار : ههههه والله ردك مرا مايدل على كدا
 روان بخوف : والله والله عمري ماأذيت احد 
 بشار كآن مبتسم واختفت ابتسامتـه 
 مايدري ليش جات في باله حور لما ضيقت عينها واتكلمت كدا بسـرعه
 بلع ريقـه ... بان مرا فوجههه التغيـر
 دار جسمو وبدون مايطالع فيها مد يدو : تعالي
 روان نفسها تنط وتمسك ف رقبته كمان لو حتحس بالامان 
 عينها جات على يدو ومدت يدها ومسكتها قربها منو ومشي 
 يمشو الاتنين بين الزحمـه 
 ومو قادره تستوعب انو دا بجد اخوها !
تعامله معاها مو زيها 
 يعني تحس بينطق كلمة اختي عادي
 هيا مو قادره تنطقها 
 طالعت فيه وهوا بيمشي 
 شعور حلو 
 تحس انها مو خايفه فجأه 
 تحس انها مصدقتو وعارفه انو ماحيسرلها شي
 فجأه سحبت يدها لما ماحبت دا الشعور 
 ماتبى يكون عندها اخ وهيا عارفه انو يسحب عليها 
 طبعها تتعلق بسرعه زي لما جاسم يجيبلها اخوات وتهتم فيـهم 
 وهما ممكن مايفرقو معاها بس هيا تشيل همهم من اول يوم 
 وكأنو ف يوم ولليله متعوده انو يكون عندها اخوات 
 بس اخ 
 وبجد أخ 
 مو كلمه بس تقولها 
 مع تنآحتها صدمت ف واحد وقبـل لاتفتح فمها بشار صرخ عليه : اهههبل انتا 
 وهيا على طول لحقتو بالرد : كسرتلي كتتتفي
 دا وهيا الغلطانه !
الرجال مسكين شايل اوراقه وف عالم تاني اكلوه بقشوره قال بهجوميه : هيا اللي خبطت فياا 
 بشار رفع حاجبه ودوبو بيقرب الا جميـل شافو : بشااار 
 بشار بتهديد : احمد ربك انو مو فايقلك 
 الرجال مشي لما شاف جميل وحس انو ممكن يسولو مشاكل 
 روان ماسكه كتفها : والله كآن المفروض ضربناه 
 بشار طالع فيها : ركزي بطريقك يابلهه شوفتك انتي اللي خبطيه 
 روان : وليش تدافع اجل
 بشارطالع في عمه ووجهه كلامو لروان : عمي جاا مو وقتك
 روان بفجعه على طول طالعت نزلت يدها من على كتفها وبدأت تحس الموضوع مرا يخووف
 فاكره دا اللي كآن يوم العزا فيـه اكيد مو جلال لأنو جلال بلغو عنو ..
بشار سلم على عمه واشر على روان : دا عمي جميل ودي سميه اللي قلتلك عليها 
 جميل طالع فيـها ..ابتسم بقهر 
 ابتسم واحد مكسوف من اللي سواه اخوه 
 دي بنت اخوه 
 دي بنت اخوه الللي مرميا في الشارع !!
قرب منها وحضنها وهيا ولارمشت حتى ولا حركت يدها ولا سوت شي
 حتى نفسها ماأخدتو لين مابعد قال بكل تعاطف : أنا اسف ياابنتي 
 شي يخخخوف 
 دي عيلــتها 
 اخوها وعمها 
 اشرت براسها وماتبى تبكي ماتبى 
 ماعلقت 
 جميل : تعالو للمكتب عشان نتكلم 
 وبحد سحبهم لغرفه بعيـد عن الكل 
 جلس بشار وروان على كنبه وعمهم جميـل قدآمهم ...
 : انا ابا اسمع منك كل شي قبل الكل 
 روان جسمها يتنافض 
 وجميل يطالع بشكلها المبهدل عندو بنآت 
 بنآت كل وحده مهتمه بنفسها اكتر من التانيه 
 مررت يدها اللي تتنافض على رقبتها وفجأه حست الكلام تقيــل
 جميل بقهر : يابنتي الله يخليكي لاتخافي اعتبريني ابوكي
 يابنتي 
 ابوكي
 مايدري انو قاعد يخليها تخاف زياده ودموعها بالقوه ماسكتها 
 جميل : طيب مو مشكله ماتبي تتكلمي دحين 
 روان : لا عادي
 جميل : طيب قوليلي كل شي من البدايه 
 روان باارتباك تتكلم وحاسه بنظرات بشار وجمميل : امم في البدايه كآن معيشني مع وحده اسمها زينب هيا تهتم فيا _ بلعت ريقها وقلبها يدق بسـرعه _ وكآن يجيني دايما يايفطر معايا او يتغدى او يتعشا بدأت اقلو اني متضايقه ومحبوسه ف غرفه طول يومي وماقدر اسوي شي وبعد زن طويـل ودآني عند البنات اللي يشتغلو عنده قلي انو حيسير يعاملني زيهم _ رفعت يدها وهيا ترجع خصلتها ورا اذنها باارتباك _ بس وقتها مافهمت ايش يقصد وبجد سار يعاملني زيهم 
 جميـل : ايش كنتو تشتغلو 
 روان : نبيع مويا مناشف لبان بعضنا يشحت 
 جميل : وانتي ؟
 ضمت يدها لبعض وهيا تضغط عليهم بتوتر : كنت ابيع مويا واسرق بعض الاحيان 
 جميل : كم بنت كانت معاكي 
 رون : كل بعد فتره يتغيرو بس ماقد زدنا عن 14 بنت
 جميل مرا انصدم من العدد دا وهما يتغيرو : من فين يجيبهم ؟
 روان :مدري 
 جميل : فينهم دحين ؟
 روان : كل مانكبر ونفهم البنات كآنو يشردو 
 جميل : مو متواصله مع احد 
 روان اشرت براسها : لا
 جميل قدم لطرف الكنبه : وجاسم كيف كانت علاقته معاكي 
 روان مسكت طرف بلوزتها الطويله الواصله لنص فخدها : عادي 
 جميل : زي اي بنت يعني ماميزك بشي عنهم ؟
 روان تحرك يدها بتوتر على البلوزه ومن غير ماتطالع فيه اتكلمت وهيا تتذكر كل موقف وكأنه قدام عينها بيمر : لا عاملني زيهم بكل شي ..ضربني لما مرا اتأخرت حرمني من الاكل لما الفلوس اللي جبتها قليل ..وطلب مرا اني اجيب مبلغ كبيـر وروحت اسرق وانا في الطريق جو تلات اولاد وضربوني واخدو كل الفلوس ..كنت بقولو اني انضربت وانسرقت فلوسي بس حسبني دخلت ف مشاكل وبرضو حرمني من الاكل خرجت اليوم التاني جيعانه _ نزلت دموعها وهيا تهرج بهدووء وبالها ف مكان بعيد _ اتذكر اني اكلت اكل من الارض لأنو ولا وحده رضيت تديني فلوس اشتري كلهم يخافو من جاسم واتذكر مرا برضو مرضت ورفعني من الارض وفتح باب الشارع وقلي اخرجي زيك زي البقيه ولو نقصتي فلس ماحرحمك يومتها نومت في عماره محد يدخلها من التعــب _ كآنت تبا تكمل بس دوبها استوعبت انو مستحيل دا الادمي يكون ابوها مستحيل احد بدي الوساخه وجعها قلبها وهيا تهرج وكأنو كل شي بيتعاد جوتها بس دي المرا وهيا تطالع بدا الشخص اللي اذاها بنظره تانيه ..اسبوع ماتبكي وانفجرت دحيين _
شهات متتاليــه خرجت منها 
 شهقات وحده استوعبت انها اتهانت وعاشت اوسخ حياه بسبب ابوها 
 رفعت يدها تمسح دموعها تبا توقف بكى بس ماقدرت غطت وجهها باستسلام وبكيت 
 بكيت بصووتها 
 جميــل يطالع فيها 
 وقف وخرج من المكتب بكبره خرج وهوا يبا يبكي 
 كآن لسى حزنان على اخوه 
 حقد حقد عليــه 
 دمر بنتــه 
 دا وهيا بنته اجل البنات البقيه ايش سوا فيهم !
دوبو استوعب انو اخوه ماعنده قلب ماعنده اي رحمـه 
 اذا جلال وساخته بمخدرات واسلحه على الاقل رحيم مع الاطفـآل
 ماسوا شي فيهم 
 كيف ممكن يعوض دي البنت 
 كيف ممكن ينسيها اخوها ايش سوا فيها !!!


اما في المكتب ..بشار طالع في عمه وهوآ خارج 
 وقلبه يدق بســرعه 
 متورط متورط 
 ومخنوووق من كلامها
 قالت تفاصيل بسيطه عن حياه عاشتها طول العمر
 كيف ابوه ممكن يكون كدا 
 كيف وهوا اول مايشوف حور تقعد في حضنه وتدلع بـس
 الكلام مايدخل العقل 
 وكأنه بتهرج عن شخصين 
 دي بنته كمان !!!!!
حاسس بمشاعر ملخبطه مابين انو يبا يهديها 
 ومو عارف ايش يسوي 
 مافي كلام ينقال 
 مافي كلام ممكن يهدي اي شخص مر بدي المواقف 
 سحب جسمه بااتجاهها وقرب منها 
 وهيا مازالت مغطيه وجهها وتبـكي 
 رفع يدو اللي تتنافض ورجع نزلها كيف يممسكها مو عارف
 يعرف يهدي اي بنت يعرفها بس لأنه يبا يلمسها كالعاده 
 بس دي اختــو 
 نظرتو ليها غيـر
 بس بنفس الوقت مايعرفها دوبو يقابلها 
 لحظظظه مليااانه ترردد
 لحظظه يحس انو قلبه محروق 
 ايوا يحس انها اختو بس مو قادر يلمسها 
 حاول بتجرأ حاول يعوضها ولو بشي بسيط بدا الموقف
 رفع يده وحوطها على ظهرها قرب اكتر وقال بتوتر : أهـ دي
 بكيت زيـآده 
 وهوا يحرك يده على ذراعها ودموعه بعينـه 
 ابوه على قد مايكرههو بس كل اللي جاه منو صدمآت عمرو ماأذاه 
 دي البنت اتفنن بتعذيبها .. اتفنن بتجريحها 
 وكأنه يكرهها وكأنه قاعد يبرد حرقة قلبـو فحآجه 
 ماتكلم ولا كلمــه بس خلاها تبــكي وهوا ماسكها 
 ماسكها وتفكيره كلو بجااسم وعارف انو لا هيا ولا هوا حيقدرو يطفو حرقـة قلبهم 
 وبدأ يخف صوتها مسحت دموعها وهوا نزل يده
 سحب مناديل من الطاوله اللي قبالهم واداها 
 مسحت دموعها وجهها محمــر
 والتزمت الصمــت 
 بشار : خلاص بكرا نشوف اللي حيحققو معاكي
 روان تمرر المنديل على خشمها : لا ابا اليوم 
 بشار : متأكده ؟
 روان من غير ماتطالع فيه اشرت براسها : ايوا 
 بشار وقـف : دقيقه 
 وخرج يدور على عمه لقـآه قاعد لوحده وباين انو نفسيته اندمرت بعد كلام روان : موضوع جاسم خليه يوم تاني بلاشي تشووفو اليوم
 جميل من غير مايطالع فيه اشر براسه : طيب 

 ولا نص ساعه بدأت جلسه التحقيــق ... وبرضو بشار جالس جمبها واتنين قبالها 
 يستجوبوها 
 قالت كل كلمــه بكل قووه 
 بكل قوه مصطنعه 
 حتاخد حقها وحق كل بنت عاشت عندو 
 ماكنت تتردد للحظه تجاوب عن اي سؤال 
 بشار اداهم تحاليل الابوه 
 وكذبو الاتنين وقالو انهم يعرفو بعض من زمـآن 
 لين ماقالت انو في بعضهم يبيعو بناتهم وبعضهم يمكن مخطوفيـن 
 هنآ بشار فجأه تنح فجأه ككدا عقلو راح لبعيــد 
 وهوا يتذكر الحرمه اللي ادتو الرقم 
 ياأللله كيف نسيييها 
:دقيقه دقيقه اتذكرت وحده شوفتها عند أبـ قصدي جاسم قالتلي انها خاله وحده اسمها هـديل 
 روان وسعت عينها بصدمه 
 وهوا كآن بيكمل : و ادتني رقمها 
 روان نزلت يدها تحت الطاوله وقرصتـو 

 بشار رمش ورا بعض من الصدمه وسكت 
 الرجال : طيب ادينا الرقم 
 بشار للحظــآت سكت 
 يسكت يفكر فالكلمه وليش قرصتو 
 وبعدها قال بنفس الهدوء وكأنو اصدق انسان في الحياه : رميتو وقتها ماصدقتها بس اتوقع ممكن تجي مرا تانيه لأنها مصممه تعرف فين البنت 
 طالع الرجال بروان : تعرفي وحده اسمها هديل ؟
 روان مصدووومه وقلبها يدق بسسرعه من مضووع الرقم وموضوع هديل دا اللي يكروو بشار كل شويا : لا ككآنت معايا وكل وحده راحت ف طريق
: اهاا 


 وخــلصت الجلسه وقالولها حتشوفي جاسم يوم تـآني ..
خرجو من مركز الشرطه وعلى طول طالعت فيه : يعني بقولك هديل صحبتي وانتا تبا تدي رقم خالتها لهم 
 بشاربنفس نبرتها : نسيت اوم الهرجه يلا كويس مني اهبل زيك رقعت الموضوع
 روان مدت يدها : هات هات الرقم 
 بشار اتوجه للسياره : في سيارتي
 روان مشيت وراه ومو مصدقه : ايش سار بزبط بينك وبينها 
 بشار : ولاشي قالت انها تبا البنت وانو هما ادو فلوس لجاسم عشان ينتبه عليها 
 روان تمشي جمبو : ينتبه !
بشار : يعني بتحاول تخلي الموضوع لطيف .. من النهايه هيا باعتها وجات دحين تدور عليها تاني 
 روان : طيب ؟
 بشار : ولاشي قلتلها اديني رقمك ولو سار شي معايا حتصل 
 روان : متى دا الكلام 
 بشار : اووه من فتره 
 روان مو قادره تستوعب انو هديل كل يوم تخرج معاه وبسبب كذبها 
 ماقدرت توصل لأهلها 
 دخلو السياره وفك محفظته : خدي 
 روان اخدت الرقم تتطالع بالورقه ببلاهه ورجعت تطالع ف بشار : شكرا 
 بشار : مني فاهم اصلا ليش تبي الرقم 
 روان بردة فعل سريعه : وي اهلها 
 بشار : اللي رموها ! مين تبا اهل باعوها بدون تفكير
 روان دخلت الورقه بجيبها : ايش ماكان اهلها هيا حره عاد تسامحهم ولا لا
 بشار شغل السياره وقال بصوت راخي : غبيه 
 روان طالعت فيه : عشان عمرك ماحسيت بالشعور اللي احنا نحسه 
 بشار وعينه على الطريـق : مايحتاج احسه شي بالعقل اهلي رموني اروح ادور عليهم ليش
 روان : عشان تحاسبهم على الاقل لو انهم وسخين ..وهديل اصلا مقتنعه انو امها تباها وسارت ظروف
 بشار ضحك : صحبتك دي مرا على نياتها 
 روان : ممكن كلامها صح 
 بشار : ههههههههههه 
 روان مرا اتنرفزت من ضحكته ..دايره جسمها بااتجااهه وتتكلم بقهر : على ايش تضحك 
 بشار ضيق على عينه وطالع فيها : ابسطلك واختصرلك اوم الموضوع 
 روان رفعت حواجبها الاتنين وهيا تبا تشوف نهايه : ايوا ؟
 بشار : اهلها كآنو محتاجين فلوس وباعوها ولما احتاجوها حاليا رجعولها لا لا _ عقد حوآجبه وسكت شويا وبعدين قال _ خليني اكون وسخ زي تفكيرهم واقول محتاجينها تجبلهم فلوس فارجعو يدورو عليها
 روآن : اووه ماشاءالله ايش التحليل دا
 بشار : اتريقي مصيرها تعرف وتجيكي تبكي 
 روان بدأت تخاف : مو معقول انو تكون عينهم قويه ويجو يدورو عليها تاني 
 بشار : صدقيني شوفت خالتها تبكي وتتمسكن وتقول امها مريضه الاسلوب دا انا اعرفو اسلوب وسخ جايه تبانا نتعاطف معاها عشان نرجع البنت 
 روآن بصدمه : امها مريضه 
 بشار مصمم انو تحليله صح : دا الفلم اللي قالتو 
 روان : انتتتا اهبل افرض من جد
 بشار ببرود : ممكن من جد الام مريضه بس رجعتهم بدا الوقت لسبب مو طيب _ طالع فيها ومسك ذقنه _ وقولي بشاار ماقال 
 اخد الموضوع سبهللله مرا 
 يمكن لأنو دايما بيمر بحكاوي في السجن وناس تبكي وتتمسكن ويعرف في النهايه انهم وسخيــن 
 فاسار يحلل مليون مرا ومايصدق اي دمعه .. 
روان : ويمكن بجد الام مريضه وندمانه 
 بشار : ممكن برضو 
 روان بهدوء : دحين بكرا حشوف جاسم ؟
 بشار : ان شاءلله
 روان رجعت تطالع في الطـريق ومو عارفه ايش اللي حيسير بكـرا 
 مرا خـآيفه 
 بس جمـيل وبشـآر مريحين مرا حست براحه مو طبيعيه وهيا معاهم 


 بشار : عمي جميل يباكي يوم تجيه البيت 
 روان طالعت مفجوعه : ها !
بشار : يعني عمك ف النهايه 
 روان : لا مابى 
 بشار : شوفي بعد دا الموضوع عمي جميل ماحيرضى يسيبك كدا حطي دا الشي ف راسك
 روان : انا مابى شي منكم ..بس بشوف جاسم وخلاص
 بشار : مرتاحه بحياتك دي ؟
 روان : اييوا 
 بشار مو عارف ليش بتعاند بس مايبى يضغط عليها : براحتك ..فين تبيني اوصلك ؟
 روان اختارت منطقه قريبـه من بيتهم لأنو ماتبى تصرف فلوس تـآكسي
 وهوا اتصل على عهود على طول دام كدا ولا كدا هنـآك 
 اتكلم برسميـه : الو ..كيفك ... ايش بتسوي .. طيب انا قريب اتجهزي ..بعدين .. طيب سلام 
 روان عرفت انو بيكلم هديل : مين دي ؟
 بشار طالع فيها وعلى طول انفلت عليها : مين اللي دفعلك الايجار 
 انفجععععععععت موضوع سار قبل 4 ساعات 
 ماستوعبت الدخله الغلط : ها !!!!
بشار : تبي تسئليني عن حاجه حسئلك انا برضو !
روان دوبها استوعبت الاسئله اللي سئلها اول : ايييوا قاعد تسحب هرج مني على اساس انهم حيسئلوني هناك
 بشار : اووووه دوبها تستوعب دي
 روان :ايش اللقافه دي اللي فيك 
 بشار : انا حر وانتي هبله بتجاوبي 
 روان : لاتسبني 
 بشار : خلي عقلك برااسك ولاتخلي احد يضحك عليكي 
 روان شمقت بوجهه وطالعت في الطاقه 
 عرف يخليها تسكت وماتسئل عن مين اللي كآن يكلمها 
 وهيا زي الهبله ماحست الا لما اتبخر السؤال من راسها 
 خرجت جوالها وتحاول تتصل على هديل ماعندها رصيـد 
 تبا تقولها لاتروحي
 تبا تقولها على امها 
 وبنفس الوقت تحس فيه شي بنفسها على كذبتها 
 بشار وقـفهآ بعيد مرا عن البيت وراح لبيت هديـل بزبط واتصل عليها تخـرج 
 كآن يطالع لين ماخرجت من باب العماره ابتسم لاشعوريـآ
 ابتسامه تخليه ينسى الف موضوع جوتـه دحين 
 الف حاجه حارقه قلبـه دحين 
 ابتسامه من القلب وبـس
 فتحت باب السياره وركبـت ... 

سبحان الله وبحمده عدد خلقه ورضا نفسه وزنة عرشه ومداد كلماته
 اللهم أغفر للمؤمنين والمؤمنات الأحياء منهم والأموات إلي يوم الدين



 امـآ في سطوح العمـآره حاطه الجوال على اذنها وبكـل رنـه 
 قلبها يدق معاه دموعها بعينها وسجارتها بيدها .. 
اشتاقتـله وبنفس الوقت ماتبى تكمل معاه بدون سامي 
 ماتبى تسوي اي شي من غير سامي 
 ماتباه يشوفها بدا المنظر حتى

 كآن ف كآفي قاعد لوحده ... جلسات خارجيـه على وجه الغرووب 
 الجو رايـق
 وهوا مسرح وبعالم تاني مالو نفس يداوم 
 مولع سجارتـه 
 لكن مو زي سجارتها وينفخ بالهوى 
 سامع جواله يدق بس بالو ف كلام محمود 
 اللي مو عارف ليش سامي ماسار يرد وفين مختفـي 
 حتى المدرسه مابيداومهآ
 بيتجنن ...
عقد حوآجبه واخد الجوال من على الطاوله اول ماشاف اسمها 
 رد من غير اي تفكير
 من غير مايفكر انها ساحبه عليه اسبوع 
 انها بتشوف كلامه ومابترد 
 انها سوت ميه شي حرق قلبه دا الاسبوع 
 بعد جسمه من الكرسي وقال بصوت واااحد مشتتتتتتاااااق وبس : تتتترف
 كآنت تبا تتكلم بس اسمها نطقه قبل اي حاجه 
 كدا صوته وجعها 
: تترف ؟
 بكيـت وصلتله شهقاتها سابت سجارتها وحطت راسها على ركبتها والجوال بااذنها وتبكي 
 تعبــآنه مشتاقه لولدها مشتاقه لحضنو 
 لريحته 
 لكلامه 
 كل شي واجعها واجعها وبقوه 
: تترف لاتوجعيلي قلبي 
 ترف بصوت راخي هرجت بصوت وحده مدموره : سامي مايباني 
 براء ايش يقولها عارف قد ايش مايهمها في دي الدنيا غيرو 
 لها اسبوع بعيده عنو وبرضو صوتها وكأنه دوبه سابها : حبيبي مع الايام حيهدى وحيجيكي 
 ترف تبكي وتهرج : ماقدر استنى اكتر تعبت كل يوم اقول حييجي اليوم حيتصل عليا اليوم بس مافي شي منو يابراء
 براء بيحاول يهديها : طبيعي ف البدايه حينشغل وحيحب حياته الجديده بس مصيرو يشتاقلك وحيرجع
 ترف : بعد ايش بعد ماروحي تطلع وانا استناه والله ماقدر استناه اكتر احس اني تعبانه 
 براء مرا خاف عليها :بسم الله عليكي ..ترف لاتتكلمي زي كدا 
 ترف بكيت وماعلقت 
 براء : حبيبي اسمعيني 
 ترف قاطعته وتقول بكل تعب : مابى اسمع احد مابى احد يهديني مافي شي حيريحني والله 
 براء : ترف خليني اشوفك طيب 
 ترف : مابى اخرج 
 براء : نص ساعه تكفيني 
 ترف : مو دحين 
 براء : مو مشكله بس اطمن عليكي 
 ترف سكتت 
 وبراء : ترف ممكن تسيري تردي عليا بالواتس 
 ترف : طيب 
 براء : ايش سار معاكي حكيني 
 تـرف حكتو كل شي من اول مادخلت الشقـه وشافت قاسم 
 لين ماطلعت دحين السطوح 
 جالس يسمعلها وبـس من غير مايقاطعها من غير مايسئلها 
 تبكي وتتكلم 
: صدقيني اديه بس شوية وقت وحيستوعب انو اللي سواه غلط هوا اتأثر وماتقدري تلوميه ياترف
 ترف تمسح دموعها بتعـب : عارفه واعرف انو قاسم حيلعب بعقلو وحيتمسكن كتير وبنفس الوقت اخاف يعاملو بنفس الاسلوب اللي عاملني فيه وقتها سامي ماحيستحمل 
 براء : ايت اسلوب 
 ترف : اسلوبه اللي يحرق القلب من غير مايفكر غير بنفسه وبمشاعره 
: دا ولده ياترف مستحيل يسوي دا الشي عليه 
 ترف : قاسم وسخ مايعرف ايش يعني ولد لو ولدو يهمو كآن اخدو من الميتم من عشره سنين بس ماكان يبا يتورط فيه لوحدو ماكان يبا يربي طفل من غير ام لين ماشافو كبير ويعتمد على نفسه جا ياخدو
 براء مادخل عقلو كلامها بس بنفس الوقت بجد ليش مااخدو طول دي الفتره !! : وليش يباه دام ماهتم فيه من البدايه !
ترف : مدري يمكن يبا يحرق قلبي 
 براء برضو مو فاهم يعني هوا اللي دخلها السجن وضيع كل عمرها وفي النهايه برضو يبا يحرق قلبها 
 ايش الرجال دا !!
المشكله مو هنا المشكله سيرتو على كل لساان وانو محترم ومافي زيو !

كلمتـو لين ماجوالها كآن حيطفي وقفـلت جلست اربعه ساعات فوق من غير ماتحس بنفسها 
 من غير ماتطفش من صوتـه 
 قامت من على الارض ونفضت الجينز .. ونزلت ولقت روان تدق بابها : فيه شي 
 روان دارت عليها : بسم الله من فين جيه 
 اول مرا يتكلمو من بعد الموقف الاخير 
 ترف اشرت على السطوح : كنت فوق _ نزلت وجات لعندها _
روان باارتباك : معليش بس اقدر اتصل من جوالك 
 ترف اشرتلها : تعالي ادخلي بس احطو في الشاحن شويا واديكي 
 روان : معلليش على الطلب الغبي بس مدري جوالي بحاول اشحن البطاقه مو راضي
 ترف دخلت المفتاح بالباب : عادي مافيها شي 

 دخلو البيت وترف قالتلها تقعـد 
 وجلست روان جابت الشاحن وشبكتو بالتوصيـله
 روان طالعت فيها نفسها تعتذرلها على اخر مرا بس سكتت 
 ترف راحت المطبخ صبتلها عصيـر وجات تديها 
 روان مو متعوده على دي الحركات: مالو داعي والله 
 ترف اصرت عليها تاخد واخدت وبعدها جلست 
 روان بتردد : اخوكي ايش اسمو 
 ترف استغربت : اللي يجيني ؟
 روان : ايوا 
 ترف : تامر 
 روان : قوليلو شكرا على اليوم كنت منفسنه ونزلت من السياره من غير ماقلو حاجه 
 ترف رفعت حاجبها بااستغراب ! : ليش ايش سار
 روان ولا كأنه تحكي عادي : وصلني بطريقو 
 ترف : اهاا _ كآنت بتقولها دحين حيجي بس سكتت _
رفعت جوالها : تعالي اجلسي هنا واتصلي
 روان على طول اخدت جوالها وراحت جلست جمب التوصيـله 
 ماتعرف للجوالات دي الجديده ادت لترف الجوال : دقيلي على دا الرقم 
 ترف طالعت بجوال روان اللي مرا قدييم 
 ابتسمتلها واخدت الجوال دقت على الرقم وادتها 
 مرا ومرتين وتلاته ولا تــرد هديل 
: اوووف منها 
 ترف اخدت جوالها: ارجعي اتصلي شويا 
 روان : شكلها ماتبى ترد على رقم غريب
 ترف كآنت بتهرج الا تـآمر فك الباب
 روان على طول طالعت بالباب .. وهوا كآن شايل اكياس بيده رفع عينه 
 واول ماشفها رجع الارتباك اللي فيـه 
 فقفـل الباب بهدوء وقدام بخطوآت ثقيـله : السلام عليكم 
 ترف : وعليكم السلام 
 روان عينها على جوالها طالعت فيه : وعليكم السلام 
 ورجعت تحاول تشحن مرا تانيه البطـآقه 
 تامر اتوجه على المطبخ على طول حط الاشياء على الدولاب
 وترف لحقتو 
 تامر : خلاص انا حمشي دام عندك احد 
 ترف : دحين حتنزل بس جات تتصل 
 تامر سند جسمو على الدولاب : طيب اجل استنى هنا لين ماتخرج 
 ترف رفعت حاجبها ونفسها تقولو تستتتتهبل وانتا موصلها ويسوي بريئ دحين ..
 : اوووووف
 طالعو الاتنين على الباب وهيا داخله متنرفزه وشايله الجوال 
 نفسيتها شويا اتعدلت 
 يمكن لأنو بشار كلامه كآن عفوي معاها 
 تحسو زيها كدا ماتدري كيف تفسـر بس فيه شي من جوتها انزآح 
 شي بسيط 
 بسيط إنو يخليها شويا تبتسم 
 ترف مفجوعه من سطاوتها جايه للمططبـخ 
 يعني المفروض ماتتحرك من مكانها 
 جات لعند ترف ومدت جوالها: شووفي ايش يجيني 
 المطبخ صغير 
 تامر معزوق في الركنيه مو قادر يخرج ولا قادر يبعد عنهم ..
يطالع في جوالها الابو كلب ومو فاهم ليش كل يوم بتتضارب معاه ودا هوا اتفه جوال
 على الكره الارضيـه ومايحتجلو ذكاء
 ترف تطالع في الرساله اللي طالعتلها : البيانات اللي بتدخليها غلط 
 روان ماده البطاقه : اهوو شوفي نفسها دحين ادخلها وبرضو تطلعلي نفس الرساله
 تامر اتنحنح وقال وهوا مننزل عينه : اختي ممكن تبعدي شويا 
 يبا يمــر 
 يبا يخرج 
 روان رفعت يدها وبرضو ماطالعت فيه : دقييقه دقيقه 
 ترف رفعت عدسه عينها على تامر ورجعت تطالع بالجوال 
 مو عارفه لو بعدت وخلتوة يمشي ايش كآن سرلها 
 خلتها تدخل الرقم وطلعتلها نفس الرساله : طيب...اممم تااامر ؟
 تامر دا اللي مايباه انها تناديه 
 طالع فيها : ايوا ؟
 ترف معقده حواجبها : شووف بتشحن من اول وبيقولها انو فيه غلط مع انو كل شي صح 
 تامر مد يدو : هاتي اشوف
 اخد جوالها واخد البطاقه ولا كم دقيقه الا مد الجوال ها اتشحنت 
 روان وسعت عينها: تممممممزززح 
 ترف لاشعوريا ضحكت 
 روان ماخدت الجوال : وريني وريني كيف 
 قربت منو وهوا مرا اتوتر 
 حتى ترف انفجعت مررت يدها بتوتر على رقبتها 
 وتامر بدأ يتلكلك بكلامه وعينه بس على الجوال : أ مافي شي صعب ..قـ قصدي اشحني عن طريق الاتصال 
 روان واقفه جمبو وبعد ماكانت تطالع بالجوال رفعت عينها عليه : برضو ماعرف كيف يعني 
 تامر ولا طالع فيها عينه على جوالها وباين للون وجهه اللي اتغير : كدا يعني 
 ورافع الجوال وهيا مو شايفه ضربت على ذراعه بنرفزه: يعننني كيف حشووف كدا
 كأنها واحد من الشباب 
 طالع مفجوع وترف تتفرج مفجوعه !!!!!!
مو مفجوعه الا كلمه مفجوعه قليل 
 وجه تامر اللي متغير 
 سطاوة روان وكأنها تعرفو 
 خلاص اتأكدت انهم يعرفو بعض وتامر مسوي اهبل قدامها
 مستحيل فيه وحده تسوي دي الحركه وهيا مابينهم اي ميااانه !
تامر نزل الجوال وقال بااسلوب جدي مرا : قوليلي نزلي الجوال وحنزلو 
 روان بتسليك : طيب طيب وريني
 قد اااايش اتنرفز دوبو في العصر كان حزنان عليها !
تامر شرحلها من غير مايرفع عينه من على الجوال وبعدها مد الجوال من غير برضو مايطالع فيها 
: ها خدي
 روان اخدت الجوال وتبا تضحك وهوا مايطالع ومحترم كدا 
 اتصلت على هديـل وهديل ادتها مشغول خرجت من المطبـخ 
 وترف طالعت في تامر وقالت بتردد : ايش بك 
 تامر: ولاشي شوفي لو ماحتمشي قوليلي انا ماشي 
 ترف : طيب 
 ترف خرجت ولقتها عند باب الشقـه بتحاول تتصـل وهديل دي المرا ماردت .. 
نزلت جوالها : خلاص انا نازله شكرا 
 ترف : لو احتجتي اي شي كلميني 
 روان : ان شاءلله 
 فكت الباب وخــرجت ونزلت لشقتها ..
اما تـآمر خرج وجلـس في الصآله 
 ماشافها غير مرتين ..وكلها بينهم مواقف تفجع 
 مرا واحد يبا يمسكها وانضرب بسببها 
 وكلامها لتــرف اللي لدحين صادمـه 
 ودي تالت مرا واستغرب انو انتهى اليوم على خيـر من غير اي مصيبه 
 ترف شايفته مسـرح وف عالم تاني .. الا دق جرس بيتهم تاني 
 ترف قامت وفكت الباب لما شافت روان 
 روان بخوف وهيا منحرجه : معليش ممكن تشوفيلي في الصاله لو فيه ورقه مكتوب عليها رقم 
 ترف اشرتلها : تعالي طيب
 روان دخلت وراها وتبا بتتجنن 
 مستحيل مستحيل تضيع الورقه 
 دا الرقم الوحيد اللي هديل حتوصل فيه لأهلها 
 تامر رفع حوآجبه 
 ولا اتحرك من مكآنه 
 ترف : تامر بلله قووم ضيعت ورقتها يمكن مكانك 
 تامر على طول وقـف وبعد 
 ترف : كيف شكلها؟.. ماشوفت بيدك شي
 روان تهرج باارتباك وهيا تطالع على الكنبه : لا هيا صغيره ورقه خضرا لما خرجت جوالي من جيبي شكلها طاحت 
 ترف شالت الركازات دفت الكنب ولا لآقيـه شي 
 روان قربت منها وسارت تدور معاها 
 تامر طالع فيهم من بعيد وبعدها شتت نظرو 
 مايبى يتدخـل 
 رجع دخل غرفه تـرف عشان يدورو براحتهم 
 قلبو كل مكآن المطبـخ والغرفه 
 سامع صوت روان اللي خلاص وحده تبا تبكي : ياااربي فين رااحت 
 ترف : مرا مهمه الورقه ؟
 روان على نفس الصوت : والله مرا مهمه يااريتني مااخدتها 
 مررت يدها على شعرهها : يمكن طاحت في البقالـه 
 ترف حزنانه عليها : طيب دقيقه حجي معاكي 
 ترف دخلت غرفتها بتلبــس فلاتها الا تامر طالع ف لبسها 
 تبا تنزل زي كدا !!! : فين رايحه 
 ترف : بروح مع روان بندور الورقه 
 تامر مايبى مايبى يعلق على لبسها : اقعدي انا اروح معاها 
 ترف كدا مية علامه استفهام فوق راسها واول سؤال تبا تسئلو انتا ايش لك !!
سابها متنحـه وراح لروان : فين حتدوري
 روان :من هنا لين البقاله 
 تامر مشي قدامها : طيب 
 روان جات جمبـه ونزلو وهما يطالعو في الدرج في السيب
 تامر : مادخلتي بيتك 
 روان : لا 
 تامر خرج للشارع : مشيتي في اي سكه 
 روان : الاتنين 
 طالع فيها ورفع حاجبه 
 روان على طول بررت: مشيت على دا الرصيف لين البيت اتذكرت انو ماعندي بطاقه روحت مشيت على الرصيف التاني لين ماوصلت البقاله 
 تامر ماعندو بجد تعليق على كلامها اشرلها : روحي انتي الرصيف التاني وانا ادور هنـآ
 روان على طول راحــت وكلهم يمشو مع بعض بس كل واحد في رصيـف
 يدورو ووفجأه روان نزلت جسمها وشهقت بصووت عالي : لقققققيتها 
 طالع فيها الا رمت اللي بيدها :حسبتها الورقه
 ورجعت تدور 
 تامر ولاكأنه سار شي رجع يدور عااادي 
 انسانه غريبه عجيبـه ردات فعلها سريعه سريعه
 وصلت للبقاله وهوا وصل لنهايه الشارع 
 وقف يستناها دخلت البقـآله دورت دورت وخرجت وخلاص تبا تبــكي 
 من غير ماتجيه رفعت كتفها بس وهيا تقولو مافي
 قطا السكـه ورحلها وقف جمبها : متأكده دورتي زي الناس 
 تبا تبككي وماسكه نفسها 
 ماتبى تتكلم اشرت براسها وبـس 
 مشيت ومشي هوآ كمان طالع فيها لما رفعت يدها ومسحت دمعتها قبل لاتنزل 
 بسب اهمالها ضيعت الورقـه 
 بشار محتفظ بالورقه له فتره وهيا جات بكل برود اخدتها وضيعتها
 تامر لسى يطالع في الارض متمني يلقاها عشان لاتبـكي
 لين ماوصلو عند العمـآره واتوجهه للباب وهنآ خلاص اقتنعت انها ضاعت 
 جلست عند الدرج ووجهها محمــر كدا تطالع في الناس وبس
 ماقدر يطلع : انا حرجع ادور في البقاله 
 روان : مافي مالقيت 
 تامر : برضو ادور تاني مو مشكله 
 ماسبلها مجـآل تعلق راح وقعد يدور 
 مرا يحزن عليهم هديل ماسرلها مواقف معاها بس دي كدا تحزنو 
 نظرتها مرا تحزنو 
 نفسو بجد يلقالها الورقـه 
 دور دور وابتسم لما لقى الورقه محطوطه عند الرجال اللي يحاسب اخدها وخـرج 
 دخلها بجيبـه ولأول مرا يحس انو يبا يستهبل على احد 
 بعدين رجعت اختفت ابتسامته " بلا بلاهه " 
يبا يكون زي دايما حيديها الورقه وخلاص
 بس اول ماوقف عندها رفعت عينها عليه : ها ؟
 تامر : مرا مهمه الورقه ؟
 روان اشرت براسها وحس انو فمها بدأ يتقوس كدا بحزن وكأنها ماتبى تبكي
 خرج الورقه على طول : ها خدي لقيتها بالبقاله 
 صررررخت بكل صووووتها ووووقفت وسحبت الورقه وسارت تنطنط 
 انفجججع انفججع مرا ماعرف يضحك ولا ايش يسووي 
 جات قدامه وهوا رجع على ورى مفجوع 
 ضمت يدها لبعض وقالت من قلبها : اححححبك احبببك وربيييي
 ضيقت على عينها : ممدددري نفسي احضنك والله من كتتر مو مبسوووطططهه
 وراااحت جرررري في السيبب وفكت باب الشقه وقفلت الباب 
 كدا ببســآطه 
 كأنها ماقالت شي 
 واقف مكـآنه 
 رمش بهدووء
 بهدووء مراا 
 استوعب تنآحته بلع ريقـه 
 بلع ريقـه بالقوه 
 طلـع بعد ماستوعب تنـآحته وراح لتـرف


 من بات طاهرا على ذكر الله :
عن معاذ بن جبل ـ رضي الله عنه ـ عن النبيصلى الله عليه وسلم قال : ما من مسلم يبيت على ذكر الله طاهرا ، فيتعار منالليل ، فيسأل الله خيرا من الدنيا والآخرة إلا أعطاه إياه ) (1) أبو داود وأحمد وصححه الألباني .


قآسم خارج من بوابة المطار جنبو سـآمي بملابسـو الانيقه من الماركات العالميه اللي عمرو ماكان يعرفها فيوم لونه مسمر ..حتى قصه شعره متغيـره ..على كتفو شنطته وسماعات الايفون بالبلوتوث في ادنو ..خلفهم اتنين بالعربيـآت اللي مليانه اغراض اشتراها قاسم لسامي من عدة اماكن بعضها بااختيارو والاغلب بااختيار قاسم ..اتوجهو لسيارتهم الفخمه .." روز رايز " باللون السلفر المطفي ..نزل الشوفير الاجنبي .. بالملابس الرسميه فتحلهم الباب دخل سامي واسترخى ع المقاعد الجلديه المريحه .. واتقفل الباب خلفو بكل هدووء .. طالع من القزاز لقا ابوه يتكلم بالجوال اتأفف بملل شغل الشاشه وجلس يختار فلم وفتح الثلاجه خرجلو مشـروب بارد وجلس يتفرج وهوا يستنى ابــوه ... 


بعد دقـآيق دخل قاسم وهوآ مكشــر ..وباين انو اخلاقه ف خشمه ..
وطول الطريق هوا على جواله يكتب ... 

وسامي ساند جسمو ولا طلعلو اي صوت
 ومـآصدق يوصـل البيت وينزلو من السياره ودخلو البيت على استقبـآل 
 زوجآته الاتنـين شافهم سـآمي قبل لايسافر بس اول مرا يشوف سلمى . 
قـآسم مرا مو مهتم لسامي سلمو مرتاته عليـه وطلع لغرفتـه 
 امـآ سامي يطالع فيه لين ماختفى جاتو سلمى وهيا مصدومه 
 حبتتتتو على طوول 
 فيه لمحه من تاامر
 مدت يدها : انا عمتك
 مد يدو سامي وماعرف ايش يقول 
 خلاص مخنوق ويبا يبكي ..
 : بروح انام 
 كآن ماشي الا قالتلو : دحين الغدى بس اتغدى وبعدها نام 
 اشر براسه واتوجه لغرفتـه فتح الباب وكل شي متغيـر
 ريحــة الغرفه بالبخور 
 للون الغرفـه اتتغيرت سايره الوانها شبابيـه مع اللحاف حتى الديكور اتغير 
 تلفزيون معلق قبال سريره ومرصوص تحتو الاكس بوكس وبلاستيشن وحاجات غريبه مو عارفها 
 يمشي ويطالع في ورق الحايط في الناحيه اللي قبال السرير 
 في الملابس الغريبه المرصوصه بالدولاب المكشــوف 
 في الجزم اللي تحتها 
 مين اشتراها مايدري !!!
متى برضو مايدري !!!
نزلت دموعه وهوا يتفرج 
 مو قادر ينبسط 
 كل شي بيجيه طول دا الاسبوع بشكل يفجــع 
 بشكل مو متعود عليه 
 مخنووق ومو قادر ينبسط بااي حـآجه حاليا جلس على طـرف السرير ودموعه بس تنزل 
 بعدها دخل الحمام واستحمى 
 اتوجه للدولاب يدور على ملابسـه القديمه 
 اللي جابولو هيا من بيتهم 
 يبا شي ترف اشترتلو هوآ
 مافي ولا حــآجه 
 رمى كل الملابس وهوا يدور على اغراضه 
 مالقى ولاشي 
 كل شي مختفــي
 طيب ليش راحو اخدوها دام ماحيلقاها 
 للبس تيشيرت عليه علامة اديداس وشورت اسود 
 اتوجه لمكتبـو يدور بين اغراضه 
 كتبو مختفيـه !!
يدور على الصور اللي حطها بين ا وراقـه 
 صورتو هوا وتـرف وهما ف عالم فيراري كآنو يتصورو ف كل لعبه 
 سحب الادراج ورماها في الارض 
 ياخد آنفاسه ورا بعععض بقهر 
 وسار يبكي 
 كل شي مختفي كل شي مو فيه 

 فتح باب الغرفــه 
 وطللع لفووق ...طلع ومافكر ايش حيقول 
 بس يبا اغراضه القديمه 
 يبا جوواله 
 له اسبوع وساحب جواله 
 يبا يتكلم مع احد 
 يبا امه 
 يبا محمود طيب 
 حينفجر وهوا ساكت كدا
 طلع الدج ويطالع حولينه مو عارف ف آيت غرفــه ممكن يلقاه فيها 
 يمسح دموعه بسرعه عشان لحد يشوفه 
 وبس انفاسه السريعه اللي تدل على انه محرووق
 طفل محرووق 
 دي الفتره لأول مرا يكون طفــل
 البيت هدووئــه يخوف 
 كأنو مافي احد ســآكن 
 الخدم لدحين شاف 4 
عندو 5 اخوات صغـآر 
 شافهم قبل لايسافر بس غريبين لبسهم مرتبهم وقفتهم نظامـيه 
 احترامهم بين بعض بشكل يخوف
 يحس كأنهم آلييين
 وفوق دا كلو مافي اي حس بالبيت .. 
هوآ كبيــر بس برضو يبا يسمع صوت بسيط لو شي بس يطيح راضي بدا الصوت .. 
حيحس انو في احد عايش هنـآ
 وحده من زوجات ابوه خرجت وسامي على طول كلمها : فين بابا 
: ف غرفته 
 سامي : ايت ؟
 اشرتلو واول ماشافت سامي رايح : لاتروحلو استناه يخلص وحينزل 
 سامي ولا أهتم مشي وخصـرها 
 دق الباب وبعدها فككــو . . 
مشي في السيب الطوويل وبعدها دخل على غرفــه كبيــره 
 ماكانت غرفه نوم 
 غرفـه فيها كنـب وتلفزيون والبار على جنب معلقه عليــه كآسات 
 وقوارير شراب موزعـه بطريقـه مرتبـه 
 بطريـقه فجعت سآمي 
 عارف ايش دا
: ايش تتتتبى 
 سامي طالع فيـه 
 قاسم جالس على الكنبـه وقباله الاب تـوب وكـآسه فيها تلج ومشروب .. 
سامي : بتكلم معاك
 قاسم : انا اذنتلك تجي هنا !!
سامي بدأ يخاف : لا 
 قاسم : اجل اطلع برااا ورايا مية شغله ومصيبه طايحه فووق راسي خلي النفس عليك طيبه 
 سامي ولا كأنه سمعه : طيب ابا اسئلك قبل لاأخرج فين اغراضي اللي جبتها من بيت ماما 
 قاسم طالع فيه وبعدها وقف بهدوء ..مشي بخطوات تقيله باتجاهه 
 وسامي قلبه يدق ورا بعض ..وقف قباله بزبــط 
 باين العصبيه بعينه باين انو سامي جاي بوقت مو منـآسب 
 مسك راسه من ورا وقربه له ويطــآلع فيه بعيونه الحممرا قال كلمه كلمه بشويش : انتا. . ماعندك ...ام ..حط ..دا الشي ف راسك_ شد على شعره _ لاتعصبني وتجيب سيرتها 
 سامي يطالع فيه مفجوع ولا اتحرك عينه متعلقه بعين قاسم 
 حركاته تفجع 
 عيونه تفجــع 
 وكأنه اللي كآن معاه اول ايام انسان ودا انسان تاني ..
قاسم : فاااهم 
 سامي فز مع صرختو بعد يد ابوه وقال اللي ماكان يتوقعه قاسم يسمعو قال بخوف وبالقوه تخرج الكلمات من فمو : ابا اروح لماما 
 قاسم ابتسم ابتسامه بسيطه بعدها زادت ..وبعدها ضحك ضحك بطريقه تفجـع 
 سامي دموعه اتجمعت بجد مفجوووع .. 
انفاسه سريعه سريعه مرا 
 قاسم رجع قرب وجهه بسرعه من سامي وسامي رجع على ورا : امك اعتبرها ميته ولا تباني اقتلها عشان ماتنطق اسمها مرا تانيه 

 ولا اي ردة فعل على وجه سامي 
 يطالع فيه وحتى مارمش 
 لين مانزلت دموعه 
 مستحيل يسوي دي الحركه مستحيـل : لاتمزح معايا كدا
 قالها وهوا خــآيف مرعووب كل شي
 قاسم حرك وجهه قدام سامي : لا لا لا انا بدي المواضيع ماأمزح جرب تنطق اسمها _ مسك ذقنه _ قول قول ماما وجرب _ صررخ _ قووول
 سامي سار صدره يطلع ويننننزل مع الرعب ودموعه تنزل ورا بعععض 
 ماأتكلم ماقال شي 
 قاسم لما مالقى اي ردة فعل منو ..راح اتوجه للكنبــه وكأنه ماسوا شي
 قال بتشجيع وبنبره هاديـه : شاطر ياولدي كدا اباك تكون 
 نزل عينه على الاب توب ورجع يشتغل تـآني
 كأنه ماسوووا شي 
 رجع طالع في سامي وقال بتحذير: أصحك تدخل مرا تانيه دي الغرفه ..يلا اخرج
 سامي بالقوه سحب نفسـه 
 خرج وقفل الباب وهوا خايف خايف ويبا يمووت على نفسه 
 يبا امــه 
 يبا يتصل يقولها خديني 
 نزل الدرج وبالقوه يشـوف طريقـه 
 طـآلع في البـآب الكبير البني 
 يشـرد وخلاص 
 ماحيقدر يتحمل يقعد هنـآ دقيقه 
 مسح دموعه ومشي بخطوات سريعه اتجاه البـآب فكـه وسار يمشي بالحديقـه اللي متوسطها 
 نافوره .. المسافه بعيـده للبــوابه 
 يمشي وبــس 
 واول ماوصـل قلهم يفكو البوآبه طالعو فيـه وبعدها محد عبـرو ..
قلهم بالانجليزي برضو فكو البـآب 
 ولا أحد عبــرو قعد يبكي ويترجاهم وهما واقفييـن 
 باأجسامهم المعضـله وسلاحهم المرخـص واضح ..
حاول يفك البوابه بنفسـو ماقدر 
 رجع يبكي بقهر لأنو ساب امه 
 دوبو عرف ليش كذبت عليـه عشان قاسم مجنون 
 عشان هوا الا حتجيه لحظه يبا يشوفو ودا اللي حيسير معاه 
 رجع مرا تانيه للقصـر بكل استسلام دخل غرفتـه وجلس على الكرسي وبــكي 
 ندم إنو اتمنى يكون عندو اب 
 مايبى 
 تكفيه امو 
 تكفيه هيا وبــس ... 


ولا سـآعه الا دقـو باب غرفتـه 
 جاتو الشغاله وقالتلو الغدى جـآهز 
: ماابى 
 حركت راسها وخرجت بكل هدوء من الغرفـه راحت لقآسم اللي قاعد في مقدمـه 
 طاوله الطعــآم وقالتلو انو ماحيجي 
 بعد الكــرسي وطلع صوت مزعج 
 الا سلمى مسكت يدو قالت بهدوء : اجلس
 قاسم : اناا يكسر كلمتي 
 سلمى : مو مشكله خليه مصدوم من الحياه الجديده بشويش عليه
 قاسم مع انو ماقتنع بس جلس بقهر : شكلي حربيه من اول وجديد
 سلمى : انتا مع ضغط العمل دحين متنرفز روح ارتاح وبعدها يسير خير
 على دي الطاوله غير سلمى قـآسم 
7 اشخــآص بس مالهم حــس 
 ورجع الصمت يسود المكـآن 
 وصوت السكينه والشوكه اللي تخبط بالصحن الابيـض هوا اللي طاغي على المكـآن ..

خلصـو اكلهم وكلهم رآحو لغرفـهم الا سلمى اتوجهت لغرفه سامي ..
دقت الباب كدا مرا ولا سمعت صوت 
 فكت الباب لقتو جالس والغرفه كلها مقلوبه 
 ملابسو ومكتبـه 
 قدمت بخطوات هاديه لعندو : ايش بك تبكي
 سامي مسح دموعه ومارد عليها 
 سلمى جلست على الكنبه : قولي عشان اساعدك
 سامي على طول : ابا ماما
 سلمى : ايش تبابها 
 سامي مقهور من السؤال امو يعني ايش يبابها : ابا ارجع عندها 
 سلمى طالعت فيه وتتكلم بهدوء : انتا زعلان من قاسم عشان كدا بتقول دا الكلام 
 سامي : مني زعلان من احد ماما وحشتني وابا اشوفها 
 سلمى رفعت حاجبه وهيا مبتسمه :صدقني لو رجعتلها ماحتنبسط قاسم حيعوضك و
 سامي قاطعها بنرفزه ورفع صوته : مااالكم صلااح فيا انا ابا ارجعلها وخلاص
 سلمى : لاترفع صوتك 
 سامي وقف : منني ساااكت ... ابا اروح لماما 
 سلمى وقفت قباله : انتا عارف امك ايش سوت وعارف قاسم مايطيقها لاتفتح الموضوع انتا الخسران خرجت من الغرفه وهوا يطالع فيـها 
 ايش يسوي مو عارف .. مو عارف يسوي شي غير انو يبـكي
 طالع حولينه وانتبه للاب توب 
 مسح دموعه بسرعه وراح فتحو 
 حيكلمها على الانستقرام ..حيوصلها يعني حيوصلهـآ
 ماصدق اشتغل الاب توب 
 وفتح الواي فآي ..
كلها باأرقام سريـه الشبكات
 شال الاب تووب ورماااه بعصبيه في الارض
 حيتجنن عليهم ويوريهممم 
 حتى لو انضرب حتى لو هزأه ماحيسكت 
 اتذكر كلمه قاسم 
 وشالها من راسـه 
 مستحيل ابوه وسخ لدرجه انو يوصل فيه للقتـل
 لا كآن يبا يخوفني بــس .. 

وعدى يومـه كلو وهوا بغرفتـه
 قاسم مشغول 
 سلمى خـرجت مع تآمر
 والعائلتيـن اللي في البيت كل واحد بقسمـه 
 حولينه كل وسائل الترفيه بس مايبى يسوي شي 


 دعوة من أحبه الله ورضي عنه:عن ابي هريرة ـ رضي الله ـ قال : قال رسولالله صلى الله عليه وسلم : ' إن الله ـ تعالى ـ قال : من عادى لي وليا فقداذنته بالحرب ، وما تقرب إل عبدي بشيء أحب إلي مما افترضته عليه ، ومايزال عبدي يتقرب إلي بالنوافل حتى أحبه ، فإذا أحببته كنت سمعه الذي يسمعبه ، وبصره الذي يبصر به ، ويده التي يبطش بها ، ورجله التي يمشي بها، وإن سألني لأعطينه ، ولئن استعاذتي لأعيذنه ، وما ترددت في شيء أنا فاعلهترددي عن نفس المؤمن ، يكره الموت وأنا أكره مساءته ' (3) رواه البخاري . 



بدايه الفصل في الصفحه السابقه 

 تكمله الفصل ال 22
جالسه عى السرير الابيض في المستشفى وتلف طرحتها بااعتدال مرا تآنيه ..
وعدي خد يدو ودخل خصلات شعرها : تبيني احرقلك هيا 
 لمى ابتسمت ودخلت شعرها ...مسكت يدو ونزلت من السرير 
 خرجو من لغرفـه وهما يمشو في الممر الطويـل للمستشفى : يلا الحمدالله بالمناسبه دي فين تبي تروحي
 لمى : هههههههه انتا مو ملاحظ انك ساير ساحبني بكل مكان بدون ماتهتم لأحد 
 عدي طالع فيها ورفع حآجبه وبجديه هرج : اهتم لمين ؟
 لمى : اخواني
 عدي : محد له كلمه عليا 
 لمى اختفت ابتسامتها : عدي خلاص بقولك ..ماحب كدا تتكلم عنهم 
 عدي : اجل لاتجيبي سيرتهم
 لمى وقفت مشي ..وهوا دا عليها : تعالي 
 ولااتحركت قدم خطوتين وجا قبالها : ايش بك 
 لمى بقهر : عدي انا مابى مشاكل حياتي كلها مشاكل لاتزيدها انتا كمان
 عدي يطالع بعينها 
 ضعيف جمب دي الهرجه 
 سااير ضعيف وبقوه 
 شكلها على انو مر اسبوع بس محفور براسه وكأنه لساتها واقفه قدامه بداك المنظر
 وصوتها لما شالها من اسلياره وهيا تتالم يتردد براسـه دايما 
 مو قادر يسامح اخوانها ..شايف انو لهم يد بالظلم اللي عاشتـه
 مسك يدها : طيب حبيبي معليش 
 لمى ابتسمتلو مع انها عارفه انو من جوته مو صافــي 
 مشي وهوا سـآكت وهيا جمبـه ركبت السياره وبعدها شغل اغاني طالع فيها : جيعانه 
 لمى : مو مرا
 عدي : حتاكلي برضو 
 لمى : ليش بتسئل دام كدا ولا كدا حتوديني 
 عدي : ههههههههه مدري المهم امس قلتيلي تبيني ف موضوع ايش الهرجه 
 لمى : لما نوصل 
 عدي : شوفي من امس انا مو قادر انام من دا الموضوع 
 لمى : هههههههههه عارفه اللقافه مقطعتك
 عدي غمزلها : يوولد اللي سار يهرج زيي
 لمى ضحكت من قلبها : والله امس تميم يكلمني وقلتلو وخخخخر عني طالع فيا مفجوع قومت اتكلمت بهدوء كدا واستوعبت وقلتلو اقصد بعد شويه
 عدي : ههههههه يسعدها مرتي القوويه ايووا خليكي كدا باقي باققي اعلمك فنون الدفاع عن النفس 
 لمى : هههههههههه خلاص يكفي كدا 
 عدي : مع نفسك احنا بس لو اتزوجنا حخليكي لما تجيهم تنطنطي في البيت كلو وتربشيهم 
 لمى : هههههههه ماتخيل انا انطنط 
 عدي : كيووت ها 
 لمى رمشت بهدوء : ايوا
 عدي بوعيد وهوا يضيق على عينه : والله دي الكيوت فتره بسيطه ومحد يلقاها _ دوبها بتهرج الا وسع عينه _ اوووه ايش راايك تنطنطي
 لمى ماستوعبت : ها ؟!
عدي ابتسامه شريره اترسمت على وجهه : خلينا نروح ناكل وبعدها اوديكي ممكاان لو ماخليكي تصرخي بكل صوتك ماكون عدي 
 لمى بجديه وبخوف : عدي ترا ماحب الجنان انا 
 عدي ضحك من قلببه ضحك بشر : ههههههههههه وا ياقلبي يومك حيكون حافل ههههههه
 لمى بخوف : عدي والله من جد اهرج ولا اقول رجعني البيت خلاص
 عدي : ههههه ياااقلبي دخول الحمام مش زي خروووجه 
 لمى بجد بدأت تتوتر : والله حسيـر اكره الخرجه معاك 
 وصــل المطعـم وهيا بـس تضحك على كلامـهنزلو من السياره ودخلو المطعـم 
 طلبو اكلهم وعلى بال يوصـل 
 لمى هرجت باارتباك : فيه حاجه ماتعرفها عننا
 عدي ساير متوتر من عيلتها وبقوه : اللي هيا ؟
 لمى : انا عندي اخت اكبر مني
 عدي مو فاهم ايش الهرجه ماسك الملاحه بتوتر ويحركها وعينه عليها : طيب؟
 لمى : قبل 11 سنه او 12 ماتذكر المهم اتسجنت 
 نزلت من غير ماتطالع فيه واتكلمت بااحراج : طلعت حامل ومحد عارف مين الابو 
 رفعت عينها لما شافت مكافي اي ملاممح بوجهه قالت : كآن عمرها 15 سنه
 هنآ انصدم بجد 
 لمى : اتسجنت وبسببها انا ماما دايما تضربني الكل انصدم بعد اللي سرلنا فضحتنا بكل مكآن في العيله في الحاره في مدارسنا حياتنا كلها اتغيرت ... نقلنا من كل مكآن بعدنا عن اهلنا وليومك دا احنا علاقتنا سطحيـه ..ليث من بعدها يصرخ عليا ويعاملني بااسلوب مرا يخنق وكأني ممكن اسوي زيها .. وماما بعض الاحيان يوصل فيها الموضوع انها تناديني بااسمها وبعض الاحيان تقولي انتو واحد وديناها عند دكتور نفسي قال انو عندها هستيريا بعض الاحيان تطالع فيا واحس بعينها انها مو شايفتني اشوف الكره بعينها _ اتكلمت بصوت مخنوق _ اعرف انها تشوف ترف ماتشوفني بجد اخااف احبس نفسي بالجمام ولا اي مكآن _ ماحبت تتكلم عن تفاصيل عشان لايحقد _ ااخواني وقفو كتير معايا اخواني تعبو نفسيا ياعدي لاتتوقع اللي مرو فيه قليل صح انو عمرهم مانضربو بس بجد هما من جوتهم تعبانين لما ماما بتجيها دي الحاله ربي عالم قد ايش بيتعبو غير انهم شالو مسئوليه من صغرهم انا احبهم وماعندي غيرهم ..علاقتي بليث وماما سطحيه وماعندي غير تميم وتامر ماباك تكرههم 
 نزلت دموعها 
 لحظه صمت 
 يطالع فيـها 
 بلع ريقـه 
 قام من كرسيـه وجا بالكرسي اللي جمبها مسك يدها وقال من قلبه : واللي خلقني اني اعشقك لدرجه اني كرهتهم .. واعشقك لدرجه اني ححترمهم لو دا الشي حيخليكي مبسوطه 
 بكيت مبسوطه 
 مبسوطه انه ربي عوضها بواحد زي قلب عدي
 بواحد يحبها بدا الشكل 
 رفع يده ومسحلها دموعها : لاتبكي 
 اشرت براسها وبعدها كملت : لسى ماخلصت 
 عدي ماتوقع انو فيه شي تاني حاول مابين انو مصدوم : ايوا ؟
 لمى : لما شردت من البيت داك ايوم ماخرجت عشان انضربت 
 عدي : اجل!
لمى : عشان ترف جات ماشوفت حتى وجهها بس سمعت تامر يقول اسمها وهيا بتهرج في الصاله ... _ قالت بضعف _ والله مرا خوفت يااعدي سبت البيت بكبرو وخرجت 
 عدي اوك اول كآن مقتنع انها حتخرج عشان تضرب بس عشان ترف !!! : مني فاهم ليش !
لمى تهرج بهدوء ودموعها بعينها : كل شي سرلي بسببها من صغري كل شي انحرمت منو انضربت بكل حاجه ممكن تتخيلها ماعشت لا طفولتي ولا عشت مراهقتي ولاعشت شي عدل كل اللي اسمعو قبل لاأنضرب ترف ترف ترف كرهتها كرهتها لأنو هيا راحت للشي اللي تباه وخلتني ادفع تمن غلطتها _ اشرت على قلبها _ وربي عمري من هنا ماحسيت اني مبسوطه زي مو مبسوطه بدا الاسبوع معاك دي اطول مده عشتها مبسوطه وخايفهه لأني مبسوطه خايفه لاني مو متعوده 
 قللبه يدق بجنوون ..يدق لأنو لأول مرا بحياته 
 يحس انو دي مو زي اي وحده 
 انو دي يبا يعوضها 
 ويعيشها الحياه اللي ماقدرت تعيشها 
 انو يبا يديها الامان اللي ماحست فيه 
 راحه البـآل
 حاجات كتيــر ..حاسس بمسئوليـه وبس ..
رفع يده وسلم عليها : لاتقولي كدا الله يقدرني واسعدك طول العمر
 كآنت لحظـه رايقـه 
 هاديـه 
 يحاول يهديـها 
 يبتسم بهدوء 
 عدي الرومنسيـي الحنون كآن بدآ الموقف 
 بس الموضوع ماطول لين ماخلصو عشـآ وابتسم بجنان : يلا ورانا يوم حآفل
 تباه رومنسي طوول الوقت 
 تبا تبكي طول الوقت عشان لايتبسم دي الابتسامه الشريره 
 بجد يفجعها 
 دام قال حتصرخي عاارفه انها حتصرخ .. 
وخايفه من دا الموضوع لأنو عمرها ماتجننت : عدي ابا حللى 
 عدي : هههههههههه سبحححان الله انتي اكلك حتى ماأكلتيه 
 لمى : مدري حاسه اني مشتهيه حلى 
 غدي : لأول مرا تطلبي وحقولك مافي يلا 
 لمى بااسلوب ترجي : بجد بجد مشتهيه حلى 
 عدي وقــف وهوا يضحك : قوومي يلاا ماعندنا بنات ياكلو حلى 


 ركبت السياره وهيا بس تسـأله وهوا يضحك : اليوم يومك يااقميل
 لمى بخووف : عدددددي بلا هبببل 
 عدي : ههههههههههه خلاص اهجدي لين مانوصل 
 لمى : اووف 
 عدي طالع بساعته : يلا قدامنا ساعه بس قبل لايقفـل
 لمى : يارب يارب سارت حريقه وقفلوه 
 عدي : ههههههههه حتحمس اكتر وادخلك 
 لمى :هههههههه طيب ياعدي 

 وقـف قدام المول ونزلـو وهيا ضاغطه على يده وهوا مبسوط 
 اول مادخلو المول ابتسم زيـآده واتوجـه للمكـآن اللي لوحتـه سودا
 ومكتوب بالخط الكبيــر " BOUNCE " ههوا دا المكـآن 
 لمى لدحين مو مستوعبه ايش هوآ بزبــط قربت واول ماشافت المكـآن وقفت 
 طالعت فيه وباإبتسامه صدمه : ليش جايبني هنا
 عدي يرفع حوآجبه وينزلها : عشان ننبسط 
 لمى سحبت يدها : لا ماأنبسط انا بدي الحاجات 
 عدي سحبها : ماجيت اخد رايك 
 تحاول تسحب يدها وساحبها ولا كأنه 
 حيغصبها على اي شي يبا يسويــه 
 المكـآن عباره عن اكتر من 100 ترامبولين مجهزه للجنـآن 
 والنطنطـه 
 المكــآن كلو طـآقه 
 اطفال كبـآر حريم رجـآل
 شي مجنون زي عــدي بزبـط 
 سابها شويـآ ورجعلها وهيا تتفرج وخـآيفه 
 لا لا مااتتخيل انها تنطنط وكمان قدام نـآس 
 وجهها محمر بس من الفكره 
 فجاه انسحبت من يدها : ععععععدي
 عدي : ههههههههه يلااا
 لمى : ههههههه عدي بلاه بهلله 
 وقــف وسار قدامها : ايش بك 
 لمى تبا تطلع اي عذر : انا بعبايتي و
 عدي قاطعها : شوفي هناك بنات بيلعبو بعبيهم وعادي ايش فيها 
 لمى : مااابى مااابى 
 عدي : قولي مرا تانيه مابى 
 لمى مافهمت : ماابى !
عدي دفــها وهيا طاحت على ورااا وفجأه جسمها اترفع واترمى تاني بكل اراحيـه 
 وكأنها على سرير طبعا بس خلال دي الرميه صرررخت بكل صووتها 
 وهوا ضحككك 
 جا فوق راسها وهوا ينط ويمد يدو : قوومي عاجبك منظرك كدا
 جلست وطالعت حولينها وهيا مستحيه 
 محد يطــآلع 
 الكل بيلعب 
 الكل متحمـــس
 الا هيـآ شايله هم نظرات النـآس
 فجأه مسك يدها ووقومها زي اللعبه بيده : عدددي
 عدي ينط وهيا ماسكه فيــه 
 مبسوط طبعا ايش يباا اكتر من دا الموقــف :صرخي ولا حدففك 
 لمى ماسكه فيه : امانه امانه عدي ماحب دي الحركات 
 عدي : صرخي 
 لمى مو عارفه ايش يبااا : عددددي اهجد 
 وفجأه دفها وطاحت تاني وهوا يضحك 
 تعدل طرحتها 
 جننها 
 خلاها تصــرخ بكل صوتها 
 تمسك فيه وشويا تتعلق 
 فجأه نسيت اللي حوليها 
 فجأه نسيت الناس وماهمها اذا بيطالعو فيـهم ولا لا
 لعبــت 
 ضحكت 
 صرخت 
 نطننطتت 
 خرجت الطفله اللي حبسوها جوتها 
 خرجت الطفله اللي كآنت عندها احلام كتتير نفسها تسويها 
 خرجت الطاقه المدفونه جوتها عمرها ماجريت بجنان 
 عمرها مانطت ماصرخت ماضحكت بداا الصوت العالي
 بعد عنها وهوا يطالع فيها ابتسم فجأه ابتسامه غريبه وهوا شايفها تضحك وتنـآديه 
 ممببسوط 
 مبسوط من قلبـه 
 خرجو بعد ماشترالها مشروب بارد وكلهم ياخدو انفاسهم ورا بعض 
 عدي : انبسطي
 لمى والابتسامه طاغيه على وجهها وتتنفس بسرعه اشرت براسها : اييوا ابا اللعب تاني
 عدي : هههههههههه زي البزوره ماتنعطي وجه 
 لمى : يقفلو بدري 
 عدي : ههههههه مو اخوانك يستنوكي
 لمى شهقت : وواا نسيتهم
 وصـلها للبيـت وهيا عارفه انو لازم دحين واحد من اخوانها يكون برا البيت 
 عشان يضحكو على امهم انها خارجه مع واحد فيهم .. 
ختم الليـله بكلمـه : احبك .. 
خلتها تنزل وهيا مبتسمه مبتسمه ومافي احد زيـها 
 ماتوقع في يوم يحس بدي السعاده 
 من قلبو يحبـها 
 من قلبو نفسو يسعدها 
 من قلبو يبا يسويلها حاجات كتير لو على حساب راحتـه 
 بعد مآكان يهتم للمستقبـل 
 يبا يتخرج اليوم عشان يتوظف 
 يبا يعيشها العيشه اللي تستـآهلها 
 وبدأ الطـآيش اللي جوته يكبـر بسبب الحب .

اتصلت على تميم قبـل لاتطلـع وفكلها باب الشقـه ودخلت لغرفتها وزادت ابتسامتها 
 لما عرفت انو امها نايمه 
 تحب لما تجيها فتره تتعب من ادويتها وبس تنـآم .. 
ماسارت تحزن عليها حتـى كدا مرتاحه وهيا نايمه عشان تكمل سهرتها على الجوال مع عدي
 واول مادخلت غرفتها زادت ابتسامتها من قلبها لما دق جوالها ... 
وبدأت سهره اخر الليل ... 


امـآ تميم فتحلها الباب شافها بشكل اول مرا يشوفه 
 من عيونها باين قد ايش مبسوطه 
 من عيونها باين انها عايشه بعالللم تاني 
 بعااالم حللو مرا 
 كان لسى حيقولها قولي لعدي يبطل بلاهه وترجعي بدري
 كآن معصب 
 بس ماقدر يتكلم 
 ماقدر يكسر فرحتها 
 قفل الباب بهدوء ودخل لغرفتـه صاحي من اول عشان يفكلها الباب .. 
وتامر كالعاه مختفي ومايدري فينو 
 خلاص بدأ ينخنــق يبا يتكلم مع ترف
 يبا يخطب رشـآ 
 يحس انو مشتت ومو عارف يبدأ باأيت موضوع 

 دعوةالمسلم لأخيه بظهر الغيب مستجابة:عن أبي الدرداء ـ رضي الله عنه ـ أنه قال : (ما من مسلم يدعو لأخيه بظهر الغيب إلا قال الملك الموكل ولك بمثل (1) رواه مسل

 مــو بـس عدي ولمى عايشين في عالم لوحدهم فيه اتنيــن 
 قصه عشقهم اكبر من اي قصـه 
 حبـهم اكبر من اي حـب .. 
جالسين على طاوله الطعـآم 
 العيله كلها وبدأ هوا يجيهم يوميـآ .. جالسه قباله ستـو وبعدها علا وجمبو خالتو 
 وبعده عزآم والأب جالس كالعاده بمقدمه الطاولـه ...
علا شويا وتدخل وجهها بالصحن من نظراته
 ابو علا : ايوا ايش هوا الموضوع يالؤي
 لؤي : دي المرا مو موضوع عمـل
 علا مسكت الكاسه بتشـرب وعقدت حوآجبها 
 ابو علا وهوا ياكل : ايش بزبط ؟
 لؤي سند يدو على الطاوله وقال : انا بخطب علا
 علا انخنقت 
 عزآم طالع مفجووع 
 خالتو فكت فمها ودارت وجهها بشويش بااتجاهه 
 ستو بكل صووتها : ديييي الساعه المبااركه يااولدي
 علا انشررقت وستها مو سائله وتبارك 
 تضرب على صدرها ووجهها محمر وكلهم طالعو فيها مفجوعين لين مااخدت نفسها 
 طالعت بلؤي مصدومه 
 مصدووومه 
 لسسسى دوبو رسلها ابا اخطبك وقالتلو اسري لسى 
 خالتو قبل لايهرج زوجها : والله يالؤي دا الموضوع شويا حساس 
 كلهم سابو الاكل كلهم مو عارفين ايش يعلقو 
 وعلا نفسها تقتلو بالسكين اللي قدامها 
 طيب يديها خبر يخليها تروح يخليها تسوي اشي مايحطها بدا الموقف .. 
فجأه اخدت وضعيه انا صنجه وانتو اهرجو مو سامعتكم .. 
لؤي : اكيد القرار قرار علا يعني وانا اخدت رايها قبل لاأكلمكم 
 علا عينها على الصحن وتقلب في الرز وموسعه عينها 
 تسبو 
 تسبو ولا ايش تسوووي
" الله ياخد شيطانك يالؤي " 
مو قادره ترفع راسها 
 وجهها محمر
 ايش تقولهم ..!!!
تبا تبكي رفعت راسها وطالعت ف ابوها وامها وستها وعزآم 
 منظرها غبـي
 كلهم يطالعو فيها 
 ولؤي مبسوط يعشق يشوف وجهها كدا
 يعشق يحط بمواقف محرجه ولو كآنت قويه برضو ينبسط 
 عارف انهم حيتناقرو بس حيقعد يضحك 
 علا تحاول تجمع اي كلمه عشان تقولها 
 ابوها : علا انتي موافقه ؟!
تطالع ف لؤي ووجهه البريئ وكأنو ماسوا شي وفاأبوها قاللت باارتباك وهيا تهرج بتوتر : يعني قلنا ندي فرصه _ رجعت شعرها ورا اذنها _ بس دا اللي سار
 محد عارف ايش يهرج ايش يقولو .. 
الا لؤي مبسووووط ولا كأنه وتر عيله بكاملها 
 مو عارفين ينبسوط طيب يبو يقعدو مع علا ويفهمو منها ... 
بعد الأكل خــرج واول ماركب سيارته اتصلت عليه وتهرج بعصبيه : انتتتتتاا حيوان وربي حيوان 
 لؤي : هههههههههههههه ومسويه ماتعرفي تهرجي 
 علا تمشي بغرفتها رايحه وجايه : وقفتتتلي قلبي انا قلتلك موافقه دحين 
 لؤي : انا حسيت انك موافقه واتكلمت 
 علا : لؤؤؤؤؤي لاتعصبني
 لؤي : هههه حطيتك قدام الامر الواقع تبي ترفضيني انتي وضميرك 
 علا : مو قلنا نقعد شهر
 لؤي : انا كذاب
 علا ضحكت بفجعه : ههههههههه لؤي تستهبل 
 لؤي : والله معليش ماحسيت بنفسي وانا اهرج بجد انخنقت وانا مااعرف اهرج معاكي 
 علا وكأنه كدا اقنعها : لا بللله 
 لؤي : ايوا والله 
 علا : هههههه انتا ايش بك ايش بك كدا تهرج وكأنك ماسويت شي
 لؤي : ماسويت شي خطبتك قدام اهلك وبس
 علا : هههههههههه لاتستتتتفزززني 
 لؤي : هههههههههه ليش معصبه ياعمري عيدميلادي بعد اسبوع يرضيكي مانكون مخطوبين ونخرج مع بعض
 علا بقهرر : ياااي مرا اتأثرت 
 لؤي على نفس البرود: ههههههههههههه انتي اتغيرتي 
 علا :لااايااشيخ _ دق باب غرفتها وهمست بخوف _ ياااربي ماما ماما جااات 
 قفـلت بوجهه وهوا مات ضحـك في السياره ... يموت ويشوف شكلها دحين .. 

استغفرالله استغفرالله استغفرالله ... 
في آحد البيـوت البعيـده عن الانظـآر البعيده عن الازعـآج والتجمعات 
 جالس على الكنبه ويحرك رجله بتوتر .. 
وقدآمه واحد السيجاره البنيـه الكبيره بيده وينفخ 
 شعره مغطى بالابيـض من وجهه مافي اي ارآحيـه .. 
جلال :الكلب بشار ماحيسيبني ف حالي
 صـآلح : متأكد من دا عامر .؟
 جلال : ايوا متأكد منو وصورلي كل الاوراق اللي بشار مقدمها جايب كل شي عني طلع ابن الكلب مايستهبل 
 صـآلح : انتا حاول تطلع من هنآ ولو تبا اي شي مني قولي
 جلال : دي سميـه بنت جاسم شوفلها اي حل ولا اقول دامني لسى فيه انا حنهي موضوعها وخلاص
 صالح : ايش دخلها ؟
 جلال : جاسم حيتسجن وحيثبتو عليه كل الاتهامات لو هيا جات المحكمه 
 صالح : ألوي ذراعها خليها تروح هنآك وتغير كل كلامهـآ
 جلال : فميـن المشكله 
 صالح : انا ارسلك احد يراقبـها وحشوف مين بتقابل دي الفتره .. 
جلال اشر براسـه وهوا يمرر يده على ذقنـه 
 مرعوووب وكلمه مرعوب قليل في اللي يحس فيـه .. 

طفوله ملوثه بالواقـع 




 طلبت مني ان أرسمها ببساطه ..
ولم تعلم انني قد نحتها نحتا فوق اضلاعي وشرايني ..
بل انني قمت برسمها في كل خلية من خلايا جسدي و صيرت حروفها وكلامهابمثابة رحيق يسقيني..
وجعلت كل ضحكاتها (هواء) يمتزج بدمي مع كل نفس تمتلئ به رئتي ومع كل همسه تنتعش بها روحي..


نعم اعترف بأنني احببتها!!
فرسمت تفاصيلها,!!
فعشقت كلماتها!!
فاستهويت كل مافيها!!


كالعآده جالسين بمكآن رايق هادي بعيد عن اعين الكـل جالسين جمب بعض 
 مدت الشوكه بااتجاهه : يلا كول 
 بشار حرك وجهه : ماليا نفس 
 هديل : تردني ؟
 بشار اكل : خلاص ماعاد ابا 
 هديل حطت الشوكه بالصحن : بشار اهتم بنفسك وباأكلك يعني لو مابتشوفيني مابتاكل طول اليوم 
 بشار : خليني اشوفك كدا مرا باليوم وانا حآكل
 هديل : على اساس انك فاضي انتا مختفي طول يومك 
 بشار : والله مخنوق كدا شوفت اليوم سميه وحاسس ضميري مأنبني لو سكت داك اليوم لو ماقلتلها دا ابوكي ماكان سار شي 
 هديل ماتباه يحكيه عن سميـه بذات مسكت يدو : حبيبي خلاص مالك صلاح هيا مصيرها كآن عرفت 
 مدت يدها ومسكت ذقنه وخلتو يطالع فيها : خلاص ياقلبي لاتحط كل شي على راسك 
 زفر بضيـق : احس في شي انكسر بحياتي ومستحيل يرجع 
 هديل تبا تتكلم تبا تعترفلو بس دايما كلامه يوقفها ..نزلت يدها وهيا تهرج بهدوء : لاتخلي الشيطان يلعب براسك اول مايجي ف بالك انك مخنوق قوم صلي وارجع كلمني 
 بشار مسك يدها : عهود وربي بدونك مدري ايش اسوي على قد ماحس اني مخنوق وضايع ومافي شي عدل بحياتي بس اتذكرك ولا اسمع صوتك كل شي يخف كل شي يهدآ وكأنو احد يكب على قلبي المحروق مويا بارده 
 دموعها اتجمعت بعينها
 بشار : ايش بك ؟
 اشرت براسها : ولاشي _ سكتت وبعدها قالت بضعف _ بشار انتا عارف اني احبك صح ؟
 بشار : ايوا ؟
 هديل نزلت دموعها على طول 
 بشـار قرب كرسيه لها : عهوود ايش بك 
 كلمه عهود عهود عههووود بتجننها 
 ماتبى تقولو دحين مو وقتـه : ولاشي حبيبي بس بجد مرا احبك وانقهر لما اعرف انك مهموم وانا ماقدر اخرجك من اللي انتا فيـه 
 بشار : خليكي جمبي ودا يكفيني _ كمل كلامه _ انا لو بيدي ماشتكيلك عشان لاأقهرك ماكان اتكلمت ولا كآن هرجت بس ماعندي غيرك اكلمـه .. 
هديل : لا بالعكس انا اباك تشتكيلي بس لما اسمع وماقدر اقولك شي دا يكسرني 
 بشار : صدقيني مافي شي ينقال 
 هديل مسحت دموعها خلتـو يهرج ويهـرج 
 كالعاده 
 يشتكي يتكلم يفضفض
 حتى عن خالو اللي مايطيقو قلها 
 تطالع فيه وبدأت تسـرح 
 لين متى حتكذب 
 عارفه انو كل يوم حيكون اصعب من اللي قبله 
 كل يوم زياده ممكن يكرهها فيه اكتـر
 هيا عارفـه انو كدا ولا كدا حيسيبها 
 من كلامه باين انو هوا وروان كآنت علاقتهم كويسا اليوم 
 خلاص تقلو وبعدها تطمن عليه من روان 
 تعببت بجدد 
 تعبت وهيا تشوفو متعلق فيها كدا 
 كلامه يجررررحها وبقوه 
 ماتبى تجرحه بس 
 بين صراااع 
 صرااع قوي 
 انو تختار الوقت المناسب
 لها اسبوع وهيا تستنى الوقت المناسب وماجا
 اسبوع وحتسير اسبوعين وتلاته واربعه وهيا برضو حتكون تستنى 
 وحيكون اصعب 
 بس ممكن وضعه مع اهله يهدى 
 وممكن لا 
 جاسم من كلام بشار لسى بينهم محاكم والموضوع مطول 
: عهوود
 طالعت فيه : ها 
: ايش بك !!
قد اااايش خااايفه 
 قد ايش مرعوبــه 
 نظرتو كاسرتها 
 قربت للطاوله ومسكت يدو ضغطت عيها بيد تتنافض 
 بااياديها الاتنين 
 انفجع 
 خلاص سار يستنى المصـآيب من كل مكـآن 
 مهيأ نفسه 
 مهيأ نفسـه
 انو يسمع شي يفجعه .. 
يدها تتنافض بس من الفكره ضااغطه وكل ماللها تزيد دموعها نزلت 
 وتتمنى انو حيفهمها بس عارفه انو مايفهم 
 تحببو وعارفه انو حيبعدها عنو 
 دموعها تنزل 
 ملامحه لوحدها وهوا يستناها تهرج خلتها ماتعرف تهرج قال بكل ضعف : عهود الله يخليكي ايش فيه 
 شهقه ورا شهقه وهيا خلاص تعبااانه من جوآ
 تعبانه من كل شي من كذبها المتوآصل 
 من كل مرا تجلس معاها وكيف قلبها يوجعها 
 بيتجنن وهوا مستنيها تهرج 
 قلبببه يدق بسسسسرعه بسسرعه وخلاص متوقع انو شي يكسـره 
 مو يكســره هوا مكسور شي يدمره خلاص .. 
طالعت فيه ودموعها تنزل شكلها منهار : بشار وربي ماعندي اغلى منك ف حيـآتي 
" حتسيبو "
دا اللي حطو في راسو وهوا يطالع فيها بعد الجمله
 حتى مو مستنيها تكمل هوا بيحلل على طول 
 هديل يدها تزيد تتنافض قلبها يدددق بشكل مجنننون : عمري ف حياتي ماتمنيت شي زي ماتمنيتك عمري ماضحكت عليك بااحساسي 
 بشار تعب من مقدماتها يحس بتعب بجد وهوا مستني نهايه كلامها : عهود ايش فيه ؟
 هديل : طيب حقولك بس اباك تعرف اني احبك 
 بشار قال بصعوبه : عارف 
 هديل رجعت تضغط على يده وقالت : انا كنت اعرفك من قبل الحادث _ عدلت كلامها باارتباك _ مما كنت اعرف الا انك خارج من بيت جاسم وقفت قدامك عشان استناك توقف وبعدها سرلك الحادث وشوفت جاسم في المسشتفى وعرفت انك ولده 
 يطالع فيــها بدون اي ردة فعل وهوا لسى مو فاهم شي 
 وجهه مصفــــر 
 ومايرمـش حتى 
 وهيا منهاره منهاره تبكي وكل شي فيها يتنافض 
 احسسساس يخوف انك تطالعي بالشخص اللي قدامك وانتي على قد ماتحبيه عارفه انك حتجرحيه 
 حتجرحيه وتجرحي نفسك بسبب كذبـه 
 هديل : كنت ابا انتقم منـو كآن يخليني اشتغل عندو من وانا صغيره 
 رفع حوآجبه الاتنين ودا الشي الوحيد اللي اتغير بملامحـه 
 وكأنه استوعب هيا ايش
 هديل : قلت احرق قلبو ف ولدو بس ماقدرت _ قالت بضعفف _ ماقدرت لأني حسيت اني احبك حسيت اني ضعيفه جمبك حسيت بااحساس عمري ماحسيتو وماقدرت اجرحك ...تبا تعصب تبا تكرهني سوي اللي تباه
_ سكتت وبعدها قالت _ انا اسمي هديل وعشت عند جاسم من عمري 11 سنه 
 تطــآلع فيه 
 مستنيه اي ردة فعل 
 كلمه 
 نظره اي شي
 بس ماسوا شي 
 بينه وبين نفسـه برضو مافي اي شي 
 الكلام اللي سمعه وبس مافي اي تحليل
 مافي اي استفسار براسه 
 كدا شي قاعد يوجعه جوت صدره وبـس
 هديل اتكلمت باانهيار وارتباك : حبيبي قولي اي شي لاتقعد كدا ساكـت تبا تصرخ صرخ تبا تهزأني هزأ انا استاهل بس لاتسكت 
 بشار سحب يده بهدوء سند جسمه على الكرسي وهيا تطالع 
 مميله راسها وتطالع فيه بكل انكساار تبا يهرج 
 سكوته واجعها 
 قرب للطاوله وقال من غير مايطالع فيها : امشي ياعهود من هنـآ




 نهايه الفصل الثاني والعشرون
 انتظــــركم 


السلام عليكم ورحمه الله وبركـآته 


 الفصل الثالث والعشــرون ... 


فلتعلمي انني لم اكن افقه في الحب شيئآ
 حتى أتيتي الى طريـقي
 لم اجد دائما صعوبـه بالتحدث الى اي فتاه سوآكي 
 لم انظر الى مرآتي قبل خروجي من المنزل الا عندما اراكي 
 كنت وآثقآ دائمـآ 
 كنت حذرآ دائمـآ
 حتى وقفتي امـآمي
 فاجعلتيني كالطفـل المدلل اريد ان الفت انتباهكي
 هل شخصيتي تعجبكي ..؟
 هل شكلي يجذبكي ..؟
 اصبحت اسئل نفسي اسئله لم تكن تعنيني فاأنا اعلم من انـآ ..؟
 مـآعاد هذا القلب يرجف شوقآ لأي فاتنة سوآكي 
 سقطـت متيمآ للمرة الاولى فلا تجعلي من سقوطي انكسـآري .. 


تطـآلع فيـه ودموعها تنزل ,قلبها يوجعها , اذا هوا مصدوم ومو قادر يستوعب
 فاهيا تحس بنغزآت بقلبها تألمها وتتمنى الوقت بس لو يرجع فيها لورا وماتسوي شي 
 ترضى بالاهانه اللي سواها فيها كريـم ومايجيها شعور انها تبا تنتقم من جاسم 
 وفي النهايه وكالعاده بسبب شخصيتها الضعيفه 
 شخصيتها المحرومه من الحب والحنـآن انقلب الموضوع عليـها ..
على نفس وضعه مقرب جسمه للطاوله ومتكي مانطق غير بديك الجملـه 
 ولاطالع فيـها ولا عبـرها ...ملامحه كاسيها الجمود الجمود وبــس 
 عمرها ماجرحت احد واليوم جرحت اغلى انسـآن لقلبها ..
دفت الكرسي وهيا تكتم شهقاتها 
 مسحت دموعها قالت اول ماوقفت بصوت متقطع : انـ ا اسـ فــ ه 
 قالتها ومشيت على طــول 
 اول مادتو ظهرها وبعدت عنو طلعت شهقاتها 
 ماهمها الناس بس ماكانت تبا تبكي كدا قدامه بعد جملتـه 
 بس هيا كمان بتتألم 
 مو سهل اللي بتمر فيـه
 مو سهل اللحظه دي اللي اعترفت فيـها 
 قد ايش تحس انها مكتومـه وفي شي خانقها 
 شي واجعها بصدرها كلللو 
 شي كسـرها وبقوه 
 وقفت على الرصيـف وقفتلها تاكسي ادتـو عنوآن البيت ... 


امـآ هوآ اول مامشيت برضو ماتحرك عدسه عينو مثبتـه ف مكـآن واحد 
 غبي 
 استغفلتو 
 ضحكت عليه 
 تشتغل عند ابوه 
 وقفت قدام سيارتو وكآن حيموت 
 زي بزبط اللي قتـل حور 
 حتى لما لقى شي حلو بحياته بسبب ابوه طلـع اوسخ شي 
 تحبو ايـــش !!!
ايش المقدمآت اللي قالتها دي كلها !
هوا مو عارف حاليا ايش حب فيها !
البريئه اختفت !
مو كآن ابوها يضربها ..؟
 مو جاها مرتين زي المحنون بسبب حكاويها وابوها وامها !! وحتجلس عند صحبتها !!!
لما ضحك على عنود وهيا قعدت تترجاه طيب _ عقد حوآجبه وانفاسه بدأت تزيد _ قعدت تترجاه 
 وحسها اكتر انسانه بريئه شافها بعينه 
 ماتحب تكذب ماتحب تجرح احد 
 سميـه !! 
هيا وسميه صحبات عشان كدا يسكنو بنفس الحي
 عشان كدا لما لحقت سميه شوفت عهود
 ولما سئلت سميه فين ساكنه صرفتني !
عشان كدا كآنت عهود دايما تسئلني عن جاسم !!
يتذكر محادثاتهم تفاصيل التفاصيل 
 لدرجه لما كآن يدق جواله كدا مرا جاسم يتصل وهيا الا تباه يرد
 يتذكر كيف كآنت 
 كآنت بتسمع كل كلمه يقولها 
 سند أكواعه على الطاوله ومسـك راسـه 
 ومازال يفكر بكل شي 
 يفكر بكل لحظه كآن يبا يخرج معاها ويحس هيا ماتباه 
 قد ايش يتجنن ونفسو يخرج معاها ومو عارف ليش 
 مو زي بقيه البنات تباه كان ينقهر ويبا يجيب راسها 
 وف النهايه هيا جابت راسه وبقوه
 قد ايش كره نفسـه لأنو دي الفتره بس بيشتكيلها وخلاها كل شي بحياته 
 قد ايش كره نفسـه لأنه دي البنت الوحيده اللي ماعاملها زي البقيه 

 نقطـه وحده استوعبها ووقف زي المجنـون 
" سميـه ادتها رقم اهلها عشـآن كداا سوت دا الفلم " 
دي الجمله جننتو 
 شال مفاتيحه محفظتو وخرج ووجهه كلو محمممر من العصبيه 
 من القههر 
 من تنفسـه باين واحد رايح يخرج اللي بنفسـه .. 
حاسس نفسو اهبل انو بعد دا كللو 
 بعد اللي سوتـه فيه هوا اللي جبلها اهلها .. 
بعد مآكآن هوآ اللي يضحك على البنآت بعد مآكآن هوا اللي ينهي علاقاته مع البنات وهوا اللي يسيب المكآن ويمشي
 ويخليهم بصدمتهم 
 اليوم أترد فيـه كل شي ..مع الصدمه نسي كلامها ومقدمآتها وبس بيتذكر كل كذبـــه 
 كل كذبـه وبس ...يسووق طول الطــريقـ ومو قادر يحدد ايش يحــس 
 بس عينه على الطــريق من نظرتتته باين انو ف عالم تاني 
 من صوت تنفسـه باين انو محروووق
 من ملامح وجهه باين انو انكسـر


 وقف التآكسي عند العماره حاسبت ونزلت ... 
تبا تمسح دموعها 
 ماتبى تزيد هم روان 
 ماتبى تنكد عليها 
 تبا تدخل وكأنو مافي شي 
 بس المشكله مو هنـآ 
 المشكله الفكره انها تبا روان وتبا تحضنها مخليتها تبكي زياده عند باب الشقـه 
 تمسح بكفـها دموعها وتنزل زياده 
 ووجهها يحمر زياده 
 تكتم شهقاتها وتطلع شهقه غصبـآ عنها تعبر عن وجعها 
 استسلمت لما حست انو وجهها حيفضحها كدا ولا كدا 
 فكت الباب 
 مشيت تلات خطوآت ووصلت للغرفـه روان كآنت مسدوحه
 مسدوحه وتفكر
 اول مادخلت هديـل طالعت فيها وبسرعه جلست مفجوعـه 
 هديل اول ماشافت ردة فعل روآن بكيــت اتوجهت لنهايه الغرفه حطت شنطتها وجلست وسندت جسمها على الجدار

 روان مع الفجعه ولا اتحركت من مكـآنها : هددديل ايش بك 
 هديل تهرج وكل كلمه تخرج منها بالقوه بسبب البكى : قلت لبشار كل شي
 روآن مرا حزنت عليها وقفت بتروح باتجاهها بس فيه واحد مجنون بيدق الجرس بطريقه فجعتهم ... 
بسـرعه وصــلهم 
 بسـرعه مع انو ماخرج من المطعم على طول .. 
روآن راحت للبـآب وهديل ضمت رجولها لصدرها 


 فكت الباب على طول وماتوقعت انها تشوفـه ... 
قال بااستهزاء بااستهزاء عكس اللي جوته : اووه اهليــن ياأختي 
 قالها بطريـقه وترت روآن بس ماهمها حاليا غير هديل همست : ايش تبــى 
 ضغط على اسنانه نفسه يخرج عصبيته نفسه يطلع حرقه قلبه بس مو قادر : جاي اتفرج على نهايه الفلم اللي سويتيه انتي وصحبتك
 روان طالعت وراها : اوووصص لا
 بشار دفها ودخـل قبل لاتكمــل كلامها واول مادخل الغرفـه شافها قاعده 
 في نهايه الغرفــه بس تعتبــر قبــآله
 رفعت عينها 
 وقلبها طــآح اصلا من يوم ماسمعت صوته 
 تطــآلع فيـه وصدرها يطلع وينزل مو عارفه ليش جآي
 مو عارفه ايش جـآبو اصلا 
 هوا اللي قلها تمشي ..!
تبا تنطق اسمو مو قادره 
 تبا تتحرك مو قادره 
 ضامه رجولها بيدها الي قريبه من صدرها وتطالع فيـه
 ابتسم ابتسامه قهر: على ايش تبكي ياحلوه 
 يتكلم معاها بنبره اول مرا تسمعها ..
روان قفـلت الباب وجات عنده : بشااار خلاص اهجد 
 طالع فيها ورفع صبااعه بتحذير : انتي اخر وحده تهرجي
 مانطقت اي كلمه هديــل تطالع فيه 
 واخر شي ممكن كآنت تخيلو انو تشوفهم الاتنين دول قبـآلها 
 مع بعض 
 مافي اي ردة فعل على وجهها حتى دموعها ماتنزل 
 بس نظرة الحقد اللي بشار بيطالعلها فيها واجعتها ميل راسه لها وقال : وصلتي لأهلك خلاص فاجيتي تديني المقدمممات والافلام الهنديه ديك عشان لأخر لحظه تبي تطلعي بريـئه 
 روان جات قباله وصرخت علييه : بشااار اسكتت 
 بشار دفها وهوا يكمل عصبيـه : اتتتكلمي دا اللي كنتي تبيه مننني _ ضرب على صدره وقال بقهر _ انااا ولد جاااسم انا ابوويا اللي حرق قلبك وولدو الاهبل اللي جا اداكي اهلك على طبق من ذهب 
 روان دفتتتو وهيا موسعه عينها وتصرخ : اسكتتت بقوولك ... ماتدري ماققلتلها 
 هديل تطالع فيهم مو فاهمه شي 
 مو فاهمه اي كلمه 
 ماحركت شي ف جسمها .. 
روان صرخت عليه وهيا واقفه قباله ومقهوره من كلآمـه : خلااااص ماضحكت عليك الا بااسمها وبعيلتها 
 بشار رفع حاجه : بلله !!! ايش بقــي كمان !!!! 
روان : بشار بقولك مو وقتك خلاص 
 بشـآر بااستهزاء حط يدو على صدرو : اوه انا اسف خلاص لما تتلم مع امها وخالتها قوليلي عشان بعدها اقابلها ونتفاهم وقتها ..مو انا الاهبل اللي بتطقطقو على راســه 
 روان طالعت فيه ورجعت تطالع بهديل اللي مانطقت بشي 

 نفسها تتضارب مع بشار نفسها تضربـه 
 حاسه انها تبا تضربـه من كتر مو قاهرها 
 رجعت بخطوات سـريعه لهديل نزلت لمستوآهآ 
 تمرر يدها على يد هديل اللي محوطه فيها رجلها وتقول ودموعها بعينها وكأنها لقت اهلها هيا مو اهل هديل : سيبيكي منو .. فاكره لما كنتي تقولي اهلك حيجوكي ف يوم _ اشرت براسها _ خالتك جات تدور عليكي _ روان نزلت دموعها ونسيت انو هديل كذبت عليها هما واحد ودا حلم كآنو يستنوه مع بعض _ عندي رقم خالتك امك تباكي ومستنيتك
 تطــآلع فيها بدون اي ردة فعــل
 تطالع فيـها وحتى مارمشت 
14 سنــه وهيا تستنــى 
14 سنــه والكل يضحك عليها وهيا تقول حيجوني ف يوم ..
نسيت بشار 
 طفلــه 
 ايش مـآكانت طفلـه وانحرمت ف يوم من امهـآ
 دقيقه دقيــقه 
 خلينا نرجع لورآ 14 سنــــه ... 
خلينـآ نرجع للقهر اللي شافــته 
 نرجع للظلــم اللي مرت فيـه وهيا تستنى امها .. 

وآقفيـن كل الاطفـآل في نفس البيت المتهآلك .. في نفـس البيت اللي صوت المروحه 
 وصوت جآسم هوا اللي طاغي على المكآن 
 واقفين البنات بصف واحد لابسين ملابس غير متناسقه مشقشقه قصيره باهته ماتناسب اعمارهم 
 ماتناسب اجسامهم 
 بس ممشين حـآلهم 
 منزلين راسهم ولا وحده رفعت راسها تطـآلع ف جاسم 
 الا هديـل
 جديده 
 ماتفهم 
 لها اسبـوع بس دحين رافعه راسها عشان تبا تسئلـه 
 ماتدري انو حتى السؤال ممنوع .. 
دموعها على خدها وشعرها الكستنـآئي مفتوح وواصـل لكتفها ..
على بهدلتها بس من صغرها ملفته
 قالت وهيا تقاطعه بنص كلامـه : عمو جاسم _ لسى ماكملت والكل طالع فيها مفجوع ونزلو عينهم تاني _ ابا اكلم ماما

 قاطعته بنص كلامه
 قاطعته بنص عصبيته 
 وقاعده تبـكي وكأنه حيحزن ..
جبرووووت 
 جبرووت وماهمه دي طفله ولا لا
 طالع فيها مفجوع : تبي تكلمي امك؟
 نزلت دموعها اكتر لما حستو حيوافق واشرت براسها : ايييوا
 اشر بيده : تعالي 
 بدون تردد 
 بدون خوف 
 تحسب حيديها الشي اللي تباه قدمت لعنده 
 وكل البنات خايفين 
 روان ترفع عدسه عينها وهيا تشوف هديل تتقدم ووقفت قبال جاسم ورجعت نزلت عينها وقلبها يدق بسرعه 
 عارفه عارفه انها حتنضــرب 
 وغمضت عينها بخوف لما هديل صرخت وسحبها من ملابسها لقدام وجهه 
 هديل تطالع فيــه وهوا شادد بلوزتها ومنزل جسمه ويطالـع فيها 
... يقولها عشان تستوعب : امك بااعتك ليا
 قالت بضعف وهيا مو فاهمه: ابا اكلمها انا حافظه رقمها 
 جاسم : هههههههه ماتفهمي لما اقلك هيا اخدت فلوس وادتك ليا 
 عمرها 11 سنـه الكلام صعب صعب انها تستوعبـه 
 قالت بطفوليـه : وديني طيب عندها مابى اقعد هنا خلاص
 جاسم ضغط على فكـه يكره يكره الاطفال اللي يتبكبكو : روحي اوقفي مع البنات بالطيب
 هديل : ماااابى ابا اروح لماما وديني عندها 
 جاسم سحبها من لبسها لقدآم سميـــه : سممميه مو انتي اللي مسئوله عنها
 روان رفعت راسها ورجعت اياديها ورا ظهرها قالت بخوف : ايوا 
 جاسم عينه على روان : قوليلها امها ايش سوت فيـها 
 هديل بزبـط قبال روآن 
 هديل دموعها تنزل وتبـكي
 وروان تطالع فيها ومقهوره عليـها 
 جاسم بكل صوتـه : قوليللللللها 
 روان بخوف بلعت ريقها وقالت : امك رمتك
 هديل انقهرت : لااا ماما ماحترميني 
 جاسم لسى يطالع بروان وروان تتنقل عينها بينهم الاتنين 
 جاسم : قوليلها امك ماتباكي امك تحب الفلوووس اكتر منك 
 روان بالقوه نطقت الكلام بصعوووبه : امك ..ماتباكي ... امك ... تحب الفلوس اكتر منك
 هديل بين دموعها ترد بكل طفوليه: ماما تحبني 
 جاسم عينه على روان: امك وسخـــه 
 روان دموعها بعينها : امك وسخـ
 مالحقت تنطق الكلمه لما هديل مسسكت شعر روووان وتصرخ وتبــكي
 تحس انها قطعت شعرها من القهههر 
 يسبو ف امها 
 مايكفي انها مو شايفتها كمان يسبسبو فيها ويقولو كلام مايدخل عقلها الصغير .. 
كل البنات صرخو وروان مع الفجعه حتى مادافعت عن نفسها 
 هجمت عليها هديل وتضربها 
 اتجنن جــآسم 
 بنتــه 
 هوا يعاقبها 
 هوا يضــربها 
 بس مايشوفها تنضــرب قدامه سحب هديــل واداها كــف من قوتـه الكل سكككت تاني من قوته يده طبعت بمعنى طبعــــت
 مسكها من شعرها وسحــبها بالقوه 
 سحبـها وخرجها من البيت 
 جابها خـلف البيت 
 مافي احد خلفهم جبــل ومكـآن يفجع 
 وف عز الظهر قلها توقــف 
 توقف وترفع يدها ورجلـها 
 قلها دي الاوامر بعد ماضــربها 
 بعد ماداها كـف وطيحها في الارض سحبها من جسمها ووقفها تحت اشعه الشمس بزبـط 
 دموعها تنزل جسمها يتنافض 
 عند امها كآنت مدلعه 
 عند امها كآن صوت امها مايترفع عليها 
 كآنت بس تبوسها 
 وتحضنها 
 وهنـآ بتتهــآن 
 هنا بتنضـرب بطريقه تفجع 
 صرخ عليها بكل صوته وهمـآ بعيد عن اعين الناس 
 رفعت يدها بالقوه 
 وكآنت ترفع رجلها وتنزلها لما ماتقدر تتوازن 
 ويصرخ عليها وترجع ترفعها 
 دموعها تنزل تنزززل وخايفه 
 جلس هوا بكل برود تحت الظل وبنت عمرها 11 سنـه واقفه تحت اشعه الشمس بزبــط 
 ماقدرت توقف على رجل وحده فانزلت رجلها وماعلق 
 وسارت بس رافعه اياديها الاتنين وتبـكي 
 تبكي وبدأ وجهها يحمر من الحــر
 خدودها زي النـآر
 بدأت تعرق وشعرها لصق برقبـتها من الحـر
 بدأت تزيـد انفاسها
 مرت ننــص ساعه وهيا تنزل يدها بتعب ويصرخ عليـها 
 والبنات متلمين في الطاقه وفاتحين فتحه صغيره ويتفرجو عليــها بدور
 يتفرجو وهما كدا اخدو درس يأدبهم ... 
ماتدري قد ايــش مر بس سارت مو شايفه جاسم مزبـوط 
 طاحت على الارض ودموع التعب نزلت على خدها قام ومسكها من يدها : قوووومي
 قامت بالقوه 
 بالقوه ترفع جسمها ورجولها تتنافض
 ماتعرف فين بتمشي هوا اللي ساحبها دخلها البيت ومع الاضائه الخافتــه 
 سارت مو شاايفه شـــي 
 ولاحاجه بانت ف عينها 
 كل اللي حسته الالم لما دف جسمها وطاحت في نص الغرفـه 
 كل اللي سمعته صوتـه وهوا يحذرهم عن اي وحده ترفع صوتها ولا تفكر تسوي مشاكل وهوا موجود ماحيرحمها ...
بس خـرج كلهم جو حولينها 
 اطفال 
 يتفرجو عليها ومو عارفين ايش يسولها 
 وهيا تبـكي ومازالت تنادي امها 
 ماوقــفت هديل هنـآ
 كآنت مصـره بعد اربعه ايام برضو جآت لعنده وطلبـت انها تشوف امها 
 محد عآرف ايش يعني " أم "
ايش الكلمه دي اللي مخليه وحده زيها عارفه انها حتنضـرب وتوقـف قدامه وتطلب دا الطلب
 ضـربها بس دي المره بالحزآم 
 كآنت جالسه في ركنيــه الغرفه ويضـربها وهيا مغطيه راسها بيدها وتبـكي
 جسمها كلو كآنت امارية الحزآم 
 بعــد شهـر رجعت وقفت قبـآله وقالتلو ابا اشوف مآمآ
 اتجنن اتجنن من اصرارها 
 مو قويـه 
 بس كآنت كل ماتتعب تجي تلح كل ماتوشف وحده في السوق عندها ام تبكي 
 وكل ماتنسى الضرب ترجع تفتح الموضوع تـآني
 دي المرا اتمحت اي انسانيـه من قلبـه 
 انسان متوحــش 
 اتوجه للحمـآم وسحب السطل المرتفع اللي يستحمو فيـه 
 كآن مليان مويــه 
 جابو ومسكها من شعرهاا ودخل وجهها فيـه 
 اول مايخرج راسها تطلع منها شهقـه وكأنه روحها خرجت 
 ماتلحق تاخد نفسها ويرجع يدخل راسها تاني بالمويه 
 كل البنات ملمومين في الركنيــه 
 لأول مرا يشوفوه يسوي دا الشي 
 لأول مرا وحده تستفزه كدا 
 مع انها بتطلب شي بسيط 
 بس انسان متوحــش دا اللي نقدر نوصفه فيـه 
 يغمضو عينهم خايفــين 
 مرعوبين 
 سارو يبــكو 
 وحده عندها جرئـه تسوي شي لا طبعـآ
 حتى روان القويـه هناك مو قويـه مغطيه وجهها بيدها الصغيره وماتبى تشوفها 
 تسمع صوت هديل صوت تنفسـها العالي اول ماتخرج من المويـه 
 وتسمع صوت المويـه اللي تنكب في الارض اول مايدخل راسها تاني 
 تسمع صووت جاسم وهوا يتوعد هوا يسبها
 ورماها للمرا التالته في الارض وهوا يقولها المره الرابعه حقتــلك 
 جيبيلي سيرتها وحقتلك ...
بعــد سنـه ونــص وقفت قبـآله اخد الموضوع سنـه ونص منها عشـآن توقف قبالـه 
 كآنت اخر مرا توقـف قباله وتقول دا الكلام 
 كآنت اخر مرا تتجرأ وتفتح سيـرة امهـآ ... 
كانو البنات خايفين وعارفين انها حتتكلم 
 اترجوها لاتتكلم بس ماسمعتلهم 
 ومازالو مو عارفين ايش يعني " ام " عشان تجي للوحده الجرأه انها تحارب دا كلو عشان توصلها 
 دي طفلــه وحاربت عشان توصل لأمها 
 وفين امــها وليش ماحاربت زي بنتهــآ ...؟
 يطـآلع ومو قادر يستوعب ...بجد مو قادر يستوعب انها قدرت توقف قباله وتطلب منـو 
 باين من عينها الخوف
 باين انها ضعيفه 
 باين انها خوآفه 
 بس عندهها قوه تطلب دا الشي ..
للحظه سار مو عارف ايش يسوي فيها 
 للحظـه سار نفسه يضربها بس فيه شي مانعه وكأنه يقولو لا دي ماحتتأدب بالضرب 
 حيقتلها لا لا جاسم مو حق قتــل
 يفكر ايش يسوي ولأول مرا مايعرف ايش فيه اقوى من الاشياء اللي سواها 
 سحبها من البيـــت 
 لمده تلات ايام 
 فين راحت 
 ايش سرلها 
 محد كآن عارف كل اللي عرفوه انو اول ماجات مانطقـت لمده اربعه ايام كلمه 
 ماقالت شي 
 من داك اليوم عمرها ماقالت لجاسم ابا مـآمآ
 من داك اليوم محد اتجرأ يجيب سيرة امها اصلا 
 كآنت روان تشتغل بدالها 
 كآنت روان تسوي كل شي 
 تحاول تكلمها بس اربعه ايام وهديل قاعده بركنيه الغرفه وضامـه رجولها 
 ودموعها بس تنزل تنام وتصحى وهيا مكـآنها 
 لما يجي جاسم يترجوها تقوم وتقوم من الخوف 
 تقوم وهيا راخيه راسها وجسمها يتنآفض واول مايخرج تروح بسرعه للركنيـه 


 اليــوم جالسه نفس جلستها 
 نفس جلستها بس بنت جاسم وولده قدآمها ..
اكتر انسان عذبها ف حياتها هيا تعشق بنته وولده
 روان تطالع فيها وتقولها كلام مو قادره تستوعبـه 
 كلام اتعذبت عشان ماتنطقـه تآني
 قلبها يدق بسـرعه 
 وتطالع بكل تتنيـح 
14 سنـه ... 14 سنه من الحرمـآن 
 مرت بتلاته ايام اتعذبت فيها ومستحيل تنسى اللي سرلها 
 اقنعها انو امـك باعتك وكآنت مو راضيه تقتنع رغم الضـرب اللي مرت فيه 
 رغم الاشياء اللي شافتها 
 واللي حستها 
 جسمها يتنـآفض بطريقه واضحه 
 تحس انها بردانه ولا خايفه مو عارفه 
 بس مو قادره تخف رجفتها 
 دموعها نزلت بصمــت واضح 
 روان تشد على يدها : هديل ايش بك 
 روان بكيـت وبس بتطالع فيها : تبيني اتصل عليها ؟
 هديل تفتح فمها تبا تقول شي ..ِ شي بسيط 
 بس سكتت 
 روان حضنتها : هددديل لاتخوفيني والله دول اهلك اسئلي بشار _ طالعت في بشار _ مو خالتها اللي جات تدور عليها 
 موقفــه ضعيـف
 شكلها مقطع قلبـه 
 شكلها حارقــه 
 دا هوا الحــب مخليه مذلول 
 عارف انها ضحكت عليه 
 وقاعد يتفرج عليها ونفسو يحضنها
 نفسو يشرد من المكان بنفس الوقت 
 واقف بالغرفه الفاضيه والاتنين يطالعو فيــه 
 وكأنهم ماسو فلــم طويل عريض عليـه 
 ماقدر يرد ماقدر يعلق وهوا يطالع بعينها 
 يحبــها 
 دا اللي عارفــه 
 يبا يكون مكان روآن 
 دا اللي متأكد منـو 
 بس كرامـته 
 مخليتو شويا قـآسي 
 مو قااسي قاسي 
 بشار لما يقسى يكون قاسي بمعنى الكلمـه 
 هوا حاسس ضعيف بقساوه بسيطه مخليته مايعلـق ويكتفي بالسكوت ..
روان مقهوره من صمتـه مسكت وجه هديل : طالعي فيا ... حتصل عليهم قدآمك طيب ؟
 خرجت جوالها من جيبـها 
 وفتحت الورقـه وهيا تحط الرقم 
 ضغطت اتصـآل وحطت الجوال على اذنها 
 بعد رنتيـن ردو وقبل لاتدي لهديـل قالت روآن : السلام عليكم . _ هرجت باارتباك _ انا انا صحبة هديل قصدي انتي خالة هديل ؟
 بس روآن سمعت وحده تبـكي انفجعت 
 سمعت تقولها انا امها مدت لهديـل الجوال وهيا مبتسمه : كلمي
 حلـــم 
 الموقف قاعد يسير قدامها
 بس مو راضي يدخل راسها 
 ماتوقعت كدا حتوصل لأمها 
 روان حطت الجوال على اذنها وهديــل بشويش رفعت يدها ومسكت الجوال لما سمعت صوت امها 
 امها امها 
 صوتها مستحيل تنسـآه 
 دموعها سارت تنزل ورا بعــض 
 وفجأه سارت
 تبكككي تبكي بصوتها بالقوه قدرت تنطققهــآ : مااامااا 
 قالتها بكل ضعــف
 قالتها وهيا مو عارفه تنطـق كلمه تانيه 
 قالت ماما اكتر من خمسه مرات بين بكاها
 امها تتكلم وهيا بس تقولها ماما
 تناديها بصوت متقطع 
 تناديها بصووت وحده مو مستوعبه 
 حطت راسها على ركبتها وتطلع شهقات من قلللبها 
 وكأنه روحها حتطلــع 



 خــرج ... 
خرج بكل هدووء 
 وهوا بيتقطع من جوتـه 
 سامحها !!
مايدري 
 بس كل اللي عرفه انو ماستحمل يشوفها كدا تبكي 
 ماستحمل انو يعرف انو دي كمااان 
 الانسانه اللي يعشقها برضو ابوه اللي دمرها 
 وصصل بالقوه لسيارته
 جلـس وقفل الباب وصوت بكاها براسه 
 صوتها وهيا تنادي مـآمآآ ونظرتها اللي مو مستوعبه حرقتــه 
 حط راسه على الدركسوون وبكــــي
 بكي بقههههر 
 ايش باقي ابوه ماسواه !!!!
خلاص يحححس انو مدمووور من جوا 
 ومافيه اي روح 
 كل شخص حوله قاعد يتألم بسبب ابوه وهوا يتفرج 
 امــه 
 اخته اللي راحت 
 اخته التانيه وحكايتها 
 ودحين هديــل !!!
المشكله مابيدو يسوي شي 
 عصبيـته بترجع لنفسه وقاعده تدمرو هوآ
 جنانه برضو قاعد يرجع لنفسـه والكل بيتحاشآه ويخاف منــو 
 مايعرف ايش يسوي
 اكتــر من كدا 
 تعبـــآآآآن دا اللي حاسو 
 انلعب عليـه من اكتر انسانه عشقها بحياته 
 وبنفس الوقت وبعد دا كلو كآن رايح يحضنها وسحب نفسه وخرج من المكان 
 مقهور انو كآن يبا يحضنها 
 يحبها لسسى !!!
ايش سوت فيــه مو عارف
 يباها جمبـو دا اللي عارفه 
 ويبا يكون جمبها دحين بس كرامته مو سامحتلو 




 كــل شي بيسير لهديـل وكأنه شي مغبش على عينها 
 كأنه حلـم 
 تحس انها حاسه بكل شي بس مو قادره تستوعبــه 
 روآن وقفتها مسكتها خرجو من البيت 
 مشيو لين الشارع 
 وقفت تاكسي 
 وهيا لسى مصدومه 
 تقول بينها وبين نفسها " بقابل ماما ...بقابل ماما ...بقابل ماما "
كأنو شي صعب انها تستوعبــه 
 قلبها يدق بطريــقه مجنونه 
 لحظــــه باألف لحظــه ممكن تعيشـها 
 كم مرا حلمت فيها وكآنت تتمنى دا اليوم 
 ماتخيلتو ابدا ابدا انو يكون بدآ الشكــل 
 روان هيا اللي اخدت العنوآن 
 هيا اللي بتسوي كل شي وهديل بعالم تـآني 
 وقف التاكسي روان وقفت الباب نادتها تنزل ..
نزلت ودموعها هيا اللي بتعبر عن موقفها 
 روان تطالع بالبيــوت .. 
ووقفت عند البيت اللي نفـس الوصف 
 ودخلو العمـآره تعتبـر طيبه 
 مو زي عمارتهم مرتبه نوعآ ما
 الدور الارضــي .. الشقه اللي على يمينهم .. 
دقو الجرس وروان ضغطت على يد هديـــل
 تحس قلبها حيوقف 
 تحس رجولها بتتنافض 
 ودموعها مو راضيه توقف 
 دوبها دقت الجرس وانفتح الباب على طول 
 وحده حالتها زي هديـــل .. 
تشبه هديـل اصلا بس الكبر واضح عليـها .. 
روان سابت يد هديــل 
 وهديل بدون تردد 
 بدون تفكير دخلت ورمت نفسها بحضن امها وصوووت بكاها بكل مكـآن 
 روآن بكيت معاها ومن حبـها لهديــل ماتمنت تكون مكــآنها 
 لا 
 كآنت مبسوطه انو هديــل هيا اللي لقت امـها 
 لما سمعت صوت امها تبكي عرفت انو هديل كلامها صح 
 انو وحده بتتجنن وتشوفها .. 
هديل تبــوس يد امها تبوس راســها تبا تنزل تبوس رجلها بس امها مسكتها ورجعت تحضنها 
 نفسها ماتبعد عن حضنها تبا تببببكي 
 تبكي وبس تخرج كل اللي شافتو بحياتها 
 تبا تحكيها ايش شافت 
 ف ايش مرت 
 تبا تقولها انو تعبت بس ماعمري نسيتك ولا عمري يأست انك ماتبيني 
 ام هديــل تبوسها وكل اللي يطلع منها " بنتي " وبس
 تقولها وكأنها اخيرا بتقولها ..
بعدت هديل عن حضنها وتمسح دموعها زي ماهيــأ 
 بنتها الجميــله 
 هديــل طالعت بروان وراحت مسكت يدها وجابتها عند امها والابتسامه على وجهها : ماما شوفي دي اختي روان 
 روآن ماتدري ليش حست انها مخنوقــه بدا الموقف حست انها تبا تبكي اكتتر من انو متأثره بالموقف
 بلعت ريقـها 
 وام هديل قدمت وحضنتــها : ياقلبي انتتتي الله يحفظكم الله يحفظكم ..
فكت الباب كلو بيدها اللي تتنافض: تعالو تعااالو 
 هديل رجعت دخلت بحضن امها ومشــيو ف البيــت 
 البيت برضو مرتــب بس فيه ريحـه غريبه 
 روآن تتفقد كل شي 
 تطالع بكل شــي 
 وفجأه دخلتهم غرفـه فيها بنتين اشكالهم غريبـه 
 لابسين بجايم بس وحده مضـروبه 
 ووحده مسويه مكيـآج اوفر 
 ام هديـل عرفتهم وقالتلهم دول صحبـآتي ... 
البنات مو كبـآر زي ام هديـل البنات بين ال 25 ل 30 
بس اجسامهم ملفتــه 
 وجيههم جميــله 
 بدأت تتوتر روان لما دخلــو 3 بنـآت غيرهم بنفس المواصفـآت 
 وهديـل ماهمها كآنت مبتسـمه وبــس 
 وروان مو عاجبها الوضـع .. دول كلهم ساكنيــن بنفس البيــت 
 ولا ربـع ساعه الا خرجو وراحو لغرفـهم .. 
تسمع صوت ضحكاتهم ضحكـآت تفجع اتذكرت سوزي على طول .. 
رجعت تطالع في هديــل اللي حتى نبرة صوتها متغيره من كتر السعاده اللي هيا فيـها : رووان بكلمك 
 روان : هاا
 ام هديـل : هههههههه ايش بك يابنتي 
 روان ابتسمت بصعوبـه : لا ولاشي 
 ام هديـل : اجهزلك الغرفه مع وحده من البنات عشان ترتاحي شكلك تعبانه
 روان بتفاجئ : لا لا انا ماشيه 
 هديل : روووان مع نفسك 
 روان نفسها تقولها تعالي معايا قلبها قابضها مرا تحس المكان يخنق : لا خليكي انتي مع مامتك انا اجيكي بكرا 
 هديل بترجي : اماانه ياروان لا
 روان وقفت وقاطعتها : خلاص والله بكرا اجيكي من بدري _ اشرت باارتباك للباب _ انا حمشي التاكسي برا 
 ومشيت على طول من غير ماتستنى اي تعليــق 
 واول ماخرجت سمعت خطوات سريـعه جايه وراها 
 طالعت ورا لقتها هديــل
 مبتسمه من قلبـها 
 لسى مالحقت تدير عدل الا هديل حضنتها بكل قوتها : احححبك 
 غصبا عنها ابتسمت حطت يدها على ظهر هديل : وانا كمان 
 هديل ولابعدت عنها : اقعدي معايا الله يخليكي 
 روان بعدت عنها : هديل اجلسي مع امك انا لاحقه عليا 
 هديل مسكت يدها : اباكي هنا عشان انام مرتاحه 
 روان ابتسمتلها : سيبيكي مني نومنا جمب بعض لين ماطفشنا خلاص ارحميني 
 هديل ضحكت بين دموعها واختفت ضحكتها لما جا بشـآر ف راسها : طيب اطلب منك طلب وماترديني 
 روان : ايش ؟
 هديل : قوليلي والله تسويه 
 روان عقدت حوآجبها : ايش هوا طيب
 هديل شدت على يدها : احلفي اول 
 روان : والله حسويه !
هديل خرجت جوالها من جيبها وحطتو بيد روان : روحي ادي دا لبشار وطمنيني عليه 
 روان مفجوعه يعني لقت امها ولساتها تفكر فيـه بموقف زي كدا !! : هديل خليكي دحين بللي انتي فيه 
 هديل بترجي : امااانه خليني مبسوطه وطمنيني عليه الله يسعدك 
 روان تطالع بعين هديل وبعدها بالجوال اللي بيدها : فين اروحلو دحين !!!
هديل : ف بيتـه _ اتجمعت دموعها حولين عينها _ ماحنام لين ماتقوليلي كيفو 
 روان اشرت براسها بتردد .. وبعدها استوعبت : وكيف حوصلك !
هديل فجأه ابتسمت ودموعها بعينها : اتصلي على جوال ماما 
 كدا قالتها وقلبها وجعها 
 وروان على طول قربت وحضنتها بكل صمــت 
 وخرجت على طول وهديل تتمناها ماتروح تتمنـآها معاها بس حتلح عليها بكرا 
 قفلت الباب على طول وراحت جـــري لأمها ورمت نفسها ف حضنها 
 غمضت عينها وهيا راسها على صدر امها : آآآه
 قالتها من قلبها قالتها ودمعه ورا دمعه تنزل 
: وحشتتتيني فين كنتي 
 باست راس بنتها : مو وقته دا الكلام _ شدت عليها وحضنتها اكتر _ ماصدقتك رجعتي لحضني 
 هديل ماتبى تبعد تبا تقعد كدا بس بحضنها : شوفتي دي روان ياماما 
 تحرك يدها على شعر بنتها وتحس انها بتشوف نفسها لما كآنت بالعشرين : ايوا ياقلبي 
 هديل تكمل : دي كل شي بنسبه ليا بدونها انا مدري كيف كنت حعيش وانتي بعيده عني 
 امها رجعت تبوس راسها تاني : بسم الله عليكي يابنتي ... والله كنت ادعي ربنا يحفظك دايما 
 بعدت هديـل عنها وهيا تتأمل ملامح وجهه بنتها ودموعها تنزل : زي ماتخيلتك دايما زي ماكنت احلم فيكي 
 كآنت لحظــه مجنونه 
 لحظه اشتياق وحرمان وللقاء 
 مشاعر متلخبطه مو عارفين من فين يبدأو 
 لين ماوصلو لمرحله انهم مابدأو ولاقالو شي 
 كآن الحضن هوا ابلغ من اي كلمـه 
 كل وحده مجهزه كلام كتيــر
 بس مافيها حيل تقولو 
 تبا تشبع من حضن بنتها 
 وهديل تبا تاخد حنـآن امها وهنـآ يضيــع الف موضوع ممكن ينقــآل ...

امـآ روآن مصممه انها مو مرتـآحه خرجت وهيا تطالع في العماره في الحي 
 كل شي طبيعي بس الشقـه نفسها تخوف 
 او بالاصح البنات اللي مو عارفه ايش يقـربو لأم هديل 
 خوفوها 
 وحاسه انها مخنوقـه 
 وخايفه على هديـل 
 ركبت تاكسي وقالتلو عنوآن بيتها وبعدها استوعبت وراحت لبيــت بشـآر
 ايش حتسوي معاه ماتدري 
 بس عارفه انو هديل ادتها الجوال عشان يكون دا مبرر لجيتها له ..
دخلت اللوبي وللمصعــد وبعدها للغرفـه ودقت الجرس الابيض ..
ولا دقــآيق الا فتــح الباب فجعها منــظرو ياخد انفاسه ورا بعــض 
 كآن بيتضارب لسى مع اللي دق الجرس وكأنو يبا يطلع حرتــه على احد 
: ممكن ادخل 
 ايش يقولها دي مو عارف ساب البــآب ودخل وجلس على الكنب 
 جلس وهوا ساند اكواعه على فخذه ومنزل رااســــه قال بصوته اللي يفجع : اييييش تببي 

 دخلت بشــويش وطالعت بالمرايـه اللي كآنت معلقه وبروازها ذهبي مكســوره 
 رجعت طالعت فيه وهوا يضغط على اياديـه وسامعه صوت تنفسـو 
 جات لعنده وطالعت في يده المجرووحـه وفيها دم 
 جلست بشويش : ارتحت كدا يعني ؟
 رفع عينه على طوول عليها وقال بقهر : ااااايش تبي
 اتذكرت يوم العزى نفـس الشي سوا بنفــسه 
 تكره اللي ياأذو جسمهم ولا يفكرو بالانتحار 
 تحس انو خلاص فيه شي يوجعها جوتها ليش توجع نفسها من برا
 وكأنه ناقصــه ألم 
 تطالع بيده اللي تتنـافض ويضغط عليها كل شويا وتبرز عروق يده وترجع تطالع بوجهه وهوا مستني كلمـه منها 
 خرجت الجوال وحطتو على الطاوله اللي بنص : هديل قالتلي ا
 بشار قاطعها : لاتنطقي اسمها ف بيتي 
 كلمه هديل توججججعه 
 متعود على عهود ..عهود وبــس
 روان تطالع فيه ...
قد ايش محرررروق 
 واحد واصل لدي المرحله الا لأنه يعشقها بجنـآن : طيب قالتلي اجبلك دا 
 بشار ضحك : خلاص حلو كدا اتصلح الموضوع 
 شال الجوال ورمااااه بكل قوته وصرخ بصوووته : تتستتتتهبل دي
 روان فزت بفجعه مع صوته وصوت الجوال اللي خبط في الجدار .. 
حاولت تتكلم بهداوه وهيا مفجوعه : بشار هيا كذبت بس
 بشار مو مخليلها مجال تهرج : اصححححك تدافعي عنها _ وقف وهوا ياأشر على راسه _ لععببت بعقلي مزبووط عرفت كيف تجيب رااسي عرفت كيف تستهبل عليا 
 روان دوبها بتعلق بس رفعت اكتافها بفجعه لما رمى البلازمـآ الكبيره في الارض 
 وسار يروح ويجي وهوا ياخد انفاســـه ورا بعض 
 مو عارف كل شي ملموم جوتــه 
 هديل ولا ابوه دا الموضوعين حيجننه 
 كل شي بيسرله بسبب ابوه 
 كره انو ولد جــآسم 
 يبا يبكـي على مين مو عارف 
 يبا يطلع اللي جوته من صدمـآت من قهر من عصبيـه بس مافي مافي شي يشفي غليله 
 نفسه يشوف جاسم نفسه يضربه يضربه لين مايشوف الدم يخرج مننو 
 لين مايشوف روحو بتطلــع 
 ايوا يبا يقتــل ابوه عشان يرتــآح من كل شي جوتــه 
 يرتاح من احلام حوور اللي بس يحلم انها بتصـرخ ومو قادر يوصـلها 
 يحلم انها تنــآديه وتقول " يااابشااااار تعاال الله يخليك الله يخليك" وجاسم ماسكه ومو مخليه يساعدها 
 ودحين هديــل كمان سوت فيـه دا كلو عشان ابـوه 
 مسكتو من يدو وقالت : بشاااار ايش بك اهدى
 كأنو لقى احد يتنرفز عليـه مسكها بكل عفاااشه ولصقها بالجدااار وهوا شويا ويخنقها من بلوزتها 
 شهقت مع الفجعه ولا اتوقعت يسوي فيها كدا قال : كآنت تبا تسوي فيا زي اللي قتل حور صح ؟.. ماكان قصدو هوا يقتلها بس كآن يبا يحرق قلب ابويا وقتتتلها_ سارت دموعه تنزل _ وهيا ماتبا تحرق قلبي بس كآنت تبا تحرق قلب ابويا 
_ صرخ بكل صووته _ احنننا اشلنا احنننا اشلنننننا فيكم ...هوآ اخد كل شي مننا وانتو جايين تسو النفس الشي فينا

 دموعها اتجمعت بعينها 
 ماتدري خوووف منو ومن صوتتته العالي
 ولا مقهوره عليه ولأول مرا بحياتها تشوف رجال منهار قدامها
 ولا ايش ماتدري 
 بس تباه يهدى ..لأنو طيب كآن اليوم معاها 
 ولأنو هديل اطيب من الكلام اللي بيقوله : والله هدددديل
 وصرخت بصوتها لما رفع يده وكآن بيضـــربها 
 دااارت راسها على اليمين وغمضت عينها بكل قوتها 
 وسمعت قزازززز اتكســر 
 ولا فتحت عينها وبعد ماستوعبت انو ماسرلها شي 
 صدرها نزل بسـرعه لما خرجت تنفسـها المحبوس 
 ورجعت اخدت نفسها فتحت عينها وهوا يقول كلمه كلمــه : لاتنطقي قلتلك اسمها ف بيتي 
 سابهــآآآ واداها ظهرووو وهوا لساته يبا يمشي وبــس
 مايقدر مايقدر يجلس وهوا بدا المووود
 فتحت عينها وطالعت بالمرايــه كآن لسى فيه جزء منها معلق بس كمـل عليها وكسـرها بيـدو 
 مجـــــنون وفجعها 
 واول مادار جسمه وشافت يده كلها لونها احمــر ولا شافت يدو اصلا انفجعت راحتلو على طول : انتتتا ااهبل
 اشرلها على باب الشقــه : اخخخرجي من هنا 
 روان : مننني خارجه وانتا كدا 
 جات بتمسك يدو الا صرخ عليها : انتي ماتسممعي 
 روان : لا ماأسمع ايوا احنا ضحككنا عليك ارتتتحت ... بس عمرها ماأذتك حط دا الشي في باالك ..عمرها ماخلت احد فينا يقهرك او ممكن يضيعك 
 بشار ساب الكلام كلو وقال : احد فينا ؟!!
روان ماتدري بس تموت لو شافت احد ياأذي نفسو زي ترف بزبط فصلت فوقها لما شافتها كدا : ايييوا تعرف سوزي البنت اللي انتا روحت بيتها وهديل البلههه اتصلت عليـك وخلتك تخرج من عندها
 بشار ايييوا دا اليوم بذات هوا مو قادر ينسى كذبها يطالع في روان وبجد يبا مبرر 
 مايبى يقاطعها يبا يسمع يبا يسمع لأنو قلبو يباها لأنو ماعندو احد 
 عارفين الحب اللي يخلي اقسى انسان او اقوى انسااان في الحياه ضعععععععيف 
 ضعيف وبقوه دا اللي بيمر فيه حاليا 
 مستعد مستعد يسمع بس مو منها 
 مايبى يكون مذلول قدام عينها اكتتر 
 عندو كبريااء لسى 
 روان : تعرف ايش كنت ابا اسوي انا وسوزي فيك .؟ كنا نبا محط مخدرات ف سيارتك ونبلغ عنك وهديل اتضاربت معايا وسابت البيت ف اخر الليل عشان تخرجك من هنــآك لا لا دقيقه تباني اقولك ليش هديل وقفت قدام سيارتك _ قربت منو وهيا تهرج بقهر _ لانو كآنت تشتغل ف بيت واحد وجا دخلها غرفته بيلمس
 بشار قاطعها بفجعه : اااااسكتتتي
 مايبى يعرف مايبى يعرف
 لا لا حيتجنن والله حيقتل اي واحد يفكر يلمسهااا 
 روان : لللليش ماتبى تسمع 
 بشار قال بين اسنانه : لمسها ؟!
يبا جواب جواب وبســرعه 
 روان تطالع فيــه لساته يباها ودا اللي عرفتـه : لا رموها زي الكلبه في الشارع اخر الليل جلست لين الصباح بين القمايم عشان لما مشيت على الرصيف سارو الشباب يلحقـو ويـأ
 ماكمممملت كلمتها وسار يروح ويجي وقال بكل صوووته : خلااااص اسكتي اسكتتي
 روان رفعت صوتها : بعدها قالت تبا تنتقم منكم كلكم تبا تنتقم من ابوك واتعرفت عليك 
 يسمع اي جملـه عادي مافيها سيره شباب 
 او واحد غيرو 
 روان : وغبيه كنت اقولها لاتتكلم معاك بس سارت تقول عنك طيب وكآنت دي البدايه بدأتها يوم سوزي لما ماخلتنا نرمي ف سيارتك شي 
 وطلعتنا مجانين ..... بعد اللي سواه فيها جاسم من ضــرب من اهانه تدري كم 
 مو قادر يسمع قال بكل ضعف بكل ضعــف وهوا دموعه بعينه : خلاص اسكتتتي 
 ابوه دا اببببوه 
 قلبه يوجعه 
 قلبه يوجعه لما احد يقعد يحكيـــه مواقف زي كدا
 هنـآ سكتت ماقدرت تكمل انقهرت عليـه 
 تنقهر لما تشوفــه كدا ضعيف بسبب جاسـم 
 وكأنه بجد كل واحد في موقــف يرجع طفــل ومايعرف يتصــرف 
 مشيت بااتجاهه مسكتو من ذراعه : امممشي تعال 
 وكأنها اخوه مو اختــو 
 جلــس وهوا شادد جسمــه 
 راحت اخدت منـآديل واتوجههت للمطبـخ اللي نظامه امريكي اخدت كآسه وعبتها مويـآ وجات لعنده 
 جلست جمبـه ..اخدت المناديل وحطتها بالمويا ومسكت يده وسارت تمسح على الجرح وهوا عقد حوآجبـه 
 ولا سحب يده 
 كلامها يتردد براسـه 
 وساير تقيـــل
 ضعيــف 
 تمسـحلو الدم اللي ف اصابعـه وتبا تشوف الجرح فينو ...
وبس تمسح يرجع ينزل دم
 اجرااح مو جــرح 
 عقدت حوآجبها نفسها تضــربه 
 بجد نفسها تضـربه بس الموقف مو منـآسب اول ماشافت دموعه بعينه 
 حزنـآنه عليـه 
 قالت بهدوء وهيا ماسكه يدو ولساتها تمسح: لاتفكر بشي دا اللي سرت اسويـه عشان اكمل يومي مرتاحه
 بشار نزلت دموعه على طول 
 الرجال اللي له كآن كلمـه بكل مكـآن 
 الرجال اللي سمعتـه بين الرجال تسبـقه 
 بشار ولد جـآسم الرايد 
 سايــره فعلا سمعتـه تسبقـه بس بكلمـآت تحرق
 ابوه يتاجر بالاطفال ..ابوه وســخ .
اختو مغتصبـه ..اختو تخرج مع شباب 
 عمـو حق مخدرات 
 هوا سجن ابوه وعمــه 
 بلله في واحد يسوي كدا 
 ايش مآكآن مايضرب ابوه 
 كلام كلام متناقض غريب بس خلاص تعبــآن 
 يشرد من ميــن وميــن 
 وجات هديــل وكآنها شافت جزء بسيط فيه بيحاول يكون متماسك 
 جزء بسيط مشطووب وهيا كملت عليه ودمرتو 
 بغض النظر عن انها كذابه ولا صادقـه 
 بس هيا برضو ابوه ضيع طفولتــها 
 كيف حيطالع بعينها ..!!! 
لو سامحها كيف حيوقف قبالها ..!!!
ضغطت على الجرح اللي بيده وهوا عقد حوآجبه وطالع فيـها : قلتلك لاتفكر
 رفع يده التانيه ومسح دموعه 
 ماتكلم 
 بس هيا حطت المناديل على الطاوله واخدت منادييل نظيفه وتضغط على الجرح تبا يوقف نزيـف وهوا ولا عارضها على اي شي
 قالت بنفس هدوئها : كيف حال مامتك 
 بشار اشر براسه بدون تعليق 
 روان : اليوم حشوف جاسم صح 
 بشار على طول عقد حوآجبه وقال بصوت مبحوح : مدري 
 روان حست انو مايبى يسمع سيرته : طيب ماحتبطل اسلوب لما تعصب تضرب بيدك اي مكـآن 
 طالع فيها بنص عين وجا بيسحب يدو الا هيا مسكتها وكشـرت : ترا مو اسلوب والله 
 بشار ولا علق عليها 
 وهيا ولا كأنها تكمل فايق مو فايق يسمعها حتكمل : مني عارفه لو ضربت يدك حترتاح ولاحتخرج اللي بنفسك لاتفكر بدي السطحيه بجد اكره الناس اللي كدا _ طالعت بالجوال اللي مرمي _ وبعدين بلله ايش ذنب الجوال الجميل داك يترمي بداك العنف ماتباه قولي خديه عادي حاخدو والله 
 بشار طالع فيها :انتي بلهه ؟
 روان : لا انا وحده اقدر كل شي جسمك تهتم فيه مو تروح تسوي فيه كدا . شي حوليك ربي اداك هوآ حافظ عليه ليش التبذير وتخلي عصبيتك تتحكمم بكل شي وتكسر بيتك وتكسر جوال ليش ليش دا كلو 
 بشار : سميه والله تعبان وابا انام 
 سابت يدو : عندك شي اللف فيه يدك 
 بشار : مالو داعي 
 روان : عندك ولا ماعندك 
 اسلوبهم على بعض محد يجملو كدا جفاصه
 بشار اشرلها على العلبه اللي في المطبخ معلقـه : هناك 
 وهيا راحت على طول وفكت العلبــه : وواا ايش الاشياء دي 
 طالع فهيا مو وقتها ...سند جسمو على الكنبه وخلاص بجد يبا ينــآم ومرهــق 
 خلاص نومـو سار زي كدا 
 فجأه وينام من كتر التفكير من كتر التعب من كتر الجنان اللي يسير جوت راسـه ... 
ويقوم على احلامه وماعاد ينام تاني ... 
رجع انسدح على الكنبـه وهيا جلست في الكنبه اللي جمبـو 
 الكنبه زي حـرف ال " l " هيا جلست جمب راسه : هات يدك 
 بشار : خلاص ياااشيخه 
 روان : مالك صلاح هات خليني العب بدي الحاجات 
 كمان تبا تلعب 
 ولا مد يدو 
 بنرفزه قالت :مد يددك ماحتخسر شي 
 مد يدو بنرفه وهوا مصدع : خلاص خلاص اسكتي 
 مسكت نفسها بالقوه ماتضحك 
 وقعدت تلعب وتلف بشويش وترجع تفك وتستهبــل لين ماغمـض عينه ولا ثواني الا هوا نايم 
 حسبتو يستهبـل اول ماخلصت نادتـه واتفاجئت لما مارد 
: بشار !!...بشار 
 بعد صمت وهيا تطالع فيه
 تطالع بوجهه المرهـق 
" دا اخويـآ ! ؟ "
سؤال جا فجأه كدا براسها وهيا تطالــع فيه 
 تحس انها وقفـت جمبو اليوم وخلاها معاه 
 كآن باامكانه يخرجها بس ااسلوبه كآن يبا احد معاه 
 حزنها 
 كلو من جاااسم كسرهم كلهم 
 تكرهه
 تكرررهه
 وتبا لما تقابله تبرد قلبها وقهرها فيـه 
 حطت يده على صدره بشوويش وهوا يتنفـس بهدووووء 
 كآنت تبا تمشي الا شافت الوقــت 
 وقالت بس تلاته ساعات ويجي الصباح وتمشي 
 سندت جسمها على الكنبــه ولا ربـع ساعه الا وهيـآ داخله بنومـه 
 داخله بنومه وبقوه ..


امــآ في الغرفه المريحـه ماهمها مين اللي ساكنين معاهم مسدوحه بحضن امها ..
بحضن امها ومو راضيه تقلب للناحيه ولا تبعد عنها 
 حاضنتها وبــس ..ابتسامه بسيطه على وجهها دموع بسيطه بعينها تعبر عن فرحتها
 وكل ماتجي عينها تغفى تفتح عينها وهيا مستنيـه روان تتصــل
 لين امها ماسارت تحرك يدها على شعرها زادت ابتسامتها وناامت بدون ماتحــس ... نامت بكل استسلام .



 الاتنين اللي نايمين بكل تعب على الكنبـه ..روان ولا شويـه الا انسدحت عدل 
 لين السـآعه 10 ... 
بدأ يعقد حوآجبه بدأ يضايق بنومــه 
 مو مرتاح احلامه خانقتــه ... جلس في اقل من ثااانيه وهوا ياخد انفـآسه 
 طالع في الارض والقزاز والبلازمـآ المرميه رفع يده الملفوفه وسار يضغط عليها بيده التـآنيه ..نزل رجوله للارض
 وانصدم لما شافها فيـه 
 سند جسمو على الكنبـه ومميل راسـه لليمين وهوا يطالع فيها 
 اتذكر كلامها عن هديـل وعن نفسها 
 وغمض عيونه بتعب 
 ابوه قلبه من ايش مصنوع عشان يكون ماعندو اي رحمـه
 حتى دي سوزي طلعت معاهم .. كم وحده كآنت بحياته وتبا تنتقم منـو عشان ابوه ..
فك عينه وزفر بضيــق دخل لغرفتـه وجاب شرشف ابيض كآن محطوط بالدولاب ..
خرج وحطاه عليها ورجع جلس 
 جلس على جواله رقم جديد محد يعرفو الا الاقارب مرا 
 راكان 
 وهديل وعمو جميـل وكم واحد في العمل 
 اتذكر خاله هديـل مايدري ليش مارتحلها 
 فتح مقطع بالغلط في اليوتيوب والصوت مرا عالي على طول طفـآه 
 وطالع فيها 
 اتحركت ..؟
 لا طبــعا 
 رجع فتح المقطع التاني ويطالع فيها ولا كأنه 
 نايمه نايمه من قلــب 
 اتصل طلبلهم فطور ورجع يتفرج تـآني عشان لايفكر
 مايبى يفكر بهديل ولا باأبوه ولا بروان ولا بحور 
 ولا فاأحد خلاص يبا شي يشغلو لو نص ساعه بس 
 ساند جسمو وراسو ويتفرج بتملل 
 بتملل واضح على وجهه 
 المقطع ضحك 
 وهوا ولافيه اي تعبير بوجهه
 لين مادق الجــرس اتوجه للبـآب دخل عربيـة الاكل 
 شال الصحون وحطها على الطاوله اللي قدام الكنبـه 
 والعصيـر 
 وجلـس 
 ناداها كدا مرا : سميـه .. سميــه 
 ولاكأنه احد يناديها 
 مد يدو لكتفها ويحركها : بنننت _ حركها اقوى _ سممميه
 فكت عينها بشويش وعقدت حوآجبها على طول لما شافتو بوجهها 
 جلست على طول : بسم الله 
 بشار اشرلها على الفطور : قومي كولي
 روان تمرر يدها على شعرها : الساعه كم 
 بشار رفع يده يطالع : 10 ونص
 روان : اووه راحت عليا نومه 
 بشار : ليش ايش عندك 
 روان اتربعت على الكنبه بتعب وهيا تتمطع : ولاشي كنت مستنيه الصباح عشان اخدلي تاكسي وارجع البيت 
 بشار : اها _ صبلها عصيـر وحط الكاسه قدامها _ افطري دحين 
 روان : طيب
 رجع صمت بنيهم وهمـآ ياكلو 
 وبعد لحظـآت اتكلم بهدوء وهوا يسئل : كانت مبسوطه ؟
 روان طالعت فيه بتستوعب السؤال وهوا ولا طالـع فهيا يشرب عصيـره ومستنيها ترد
 حط الكاسه على الطاوله وقالت : اكيد
 اشر براسـه وبعدها روان برضو هرجت : قالتلي ارجعلك الجوال عشان اطمن عليك 
 خرجت ضحكه كدا منو هاديه : الله يديها العافيه 
 كدا بتشتت مابين زعلان ومو زعلان 
 مقهور منها ومو مقهور 
 مو عارف ايش وضعـه بس كل اللي يعرفه انو مايقدر يشوفها حاليا ...
روان : بديت اشك ف كلامك
 بشار طالع فيها : ايت كلام 
 روان : على اهلها 
 بشار : ايش بهم ؟
 روان رفعت كتفها : مدري مو مريحه امها .. وعايشه مع بنات كتير تقول صحباتها وهما صغار ووحده فيهم مضروبه مدري مدري مرا مارتحت والله 
 بشار بتردد : وهيا ؟
 روان : مبسوطه طبعا مو شايفه شي غريب
 بشار مايبى يدخل بس بدأ يضايق بدأ بالو ينشغل 
 كآن متأكد انو خالتها وراها موضوع 
 روان حاسه بتوتر ومخنوقه وكل شي لأنو هديل سار عندها اهل وحتسيبها ولا لأنو بجد مو مرتاحه ماسارت عارفه بلعت ريقها وقالت بخوف : والله دي البنت بلهه وطيبه حتى لو نيتهم وسخه ماحتعرف من بلاهتها
 ماعلق ماعلق
 سمع وسوا نفسه ماسمع 
 رجعو الاتنين سكتـو وكلهم يفكرو بنفس الشخص 
 هوآ بيتجنن ويعرف كيفها 
 وروان على انها تبا تسيبها مع امها بس مو مطمنـه 
 مرا مو مطمنـه وقفـت : يلا انا ماشيـه 
 طالع فيـها : رايحهه البيت ؟
 روان : ايوا 
 بشار اخد جوالـه : دقيقه طيب
 اتصـل وطلبلها سياره وخلاها بعدها تـروح .. 
جلس لوحدو بعد مامشيـت ايش حيسـوي مايدري 
 مرا مو اليوم يبا يروح لجاسم 
 عارف حيتجنن هنـآك 
 يبا يقعد لوحدو اليوم 
 بعيد عن الكل 
 عشانه قبل الكــل
 دخل لغرفة النوم وانسدح على السرير .. 


وروآن اول ماوصـلت للعمـآره لقت تـرف دوبها داخله وبيدها اكيـآس 
 اول مرا تخرج من يوم ماسامي سابها 
 خرجت طلعت حرتها وهيا تشتري شبسات وعصيرات ماتدري اصلا حتاكل شي ولا لا 
 بس خلاص تبا تسوي اي شي 
 حتى وهيا تشتري بتاخد الاشياء اللي سامي يحبـها 
 كآنت بتخرج تغير نفسيتها انخنقت زياده وخلاص 
 روان : هاتي هاتي اساعدك 
 ترف : لا عاادي 
 روان سحبتها منها : الاكياس اكتر منك هاااتي
 واخدت وطلـعت هيا وتـرف كآنت نازله الا ترف قالتلها تجــلس 
 طفشانه ماتبى تقعــد لوحدها 
 مخنوقه وعارفه انها حتبكي 
 روان في البدايه قالتلها مرا تانيه لما ترف الحت عليها 
 ماقالتلها لا اصلا حتنزل ايش تســوي 
 نفس الشي حتبكي ولدحين مو مستوعبه انو هديل احتمال لسى ماترجع 
 واول ماتجي دي الفكره براسها تحاول ماتفكر ماتفكر فيها 
 لسى تحس انو حتجيها لحظه لو استوعبت انو هديل راحت خلاص ماحتدري ايش حيسير فيــها ..


امــآ في الشـركه في المكـآن اللي قاعد يخطط ..يخطط ايش حيسوي فيها وف قـآسم ...
يطالع فيـها وهيا بس تتكلم ..تتكلم ومو راضيه تسكت 
 جالسه قبال مكتبـو ومبتسمه من قلبها 
 بتحكيـه عن صحباتها وكيف لما خرجت معاهم والكل يتغزل فيها 
 والكل يعجبه ستيالها 
 وشكلها 
 كلام مستفززز نفسه يخنقها ويسكتها ...
 : ايش قلت !.... تامر ؟
 استوعب : ها !
 : انتا معايا ؟
 تامر عدل جلسته : ايوا ايوا معاكي 
: طيب ماعندك مانع صح 
 تامر مايبى يسوي نفسه اهبل وكآن مسرح : ايوا انا اشوف و
 سلمى قاطعته وهيا تضحك : لااا مافي ردلي دحين 
 تامر متورط يبا يماطل : والله ماقدر دحين 
 سلمى : يعني متى .. وبعدين انتا ممكن تستفيد من الموضوع دام تبا تفتح مشروعك الخاص 
 بدأ يوضحلو شويـه الموضوع 
 تامر يباها تهرج :ف ايش حستفيد
 سلمى : وي كيف ماتستفيد كل الرجال اللي حيجو من اكبر رجال الاعمال الي ف دبي وصراحه صراحه _ ابتسمت بخجل _ انتا الوحيد اللي احسو كدا هيبه واباه يمثل الشركه واعرف انو حيكون قدها 
 تامر مرا ماهتم للموضوع بس اتكلم بااسلوب يخرفنها وهوا يطالع بعينها : حتكوني هناك ولا روحتي مالها فايده 
 سلمى خلاص الابتسامه دقات قلبها نظرتها كل شي باااين انها مبسوطه بالجمله اللي قالها قالت باارتباك : ف بيتنا اكيد حكون موجوده 
 هنـآ هوا مافي اي ردة فعل على وجهه 
 بعد ماستوعب قرب بشويش للمكـتب ومسك القلم وهوا يحركه بين يده : ايت بيت بزبط ؟
 سلمى : بيت العيله
 تامر كل اللي ف راسه سامي حاليا كل اللي ف راسه انو حيشوف قاااسم 
 مايدري ايش حيسوي يحس بس بمجرد انو بيتخيل يبا يكسر اللقلم اللي بيده وهوا متصنع الهدوء : تمام متى قلتيلي
 سلمى : اليوم الليل 
 تامر رفع حاجبه ونزله : طيب مو مشكله 
 سلمى وقفت : خلاص اليوم ان شاءالله اشوفك 
 تامر : ان شاءلله 
 بس خرجت من هنــآ اول مامشيت وقفلت الباب وراها رمى جسمى على ورا وهوا لساتو عينو على الباب 
 حيقدر يمسك نفسو ولا يكنسلها من دحين 
 من دحين يحس بحريقه جوتــه 
 لو حيخبص اوم الموضوع يتعلت من دحين بااي شي 
 مو عارف من هنا لليل وقتهــآ يحكم 
 وقبل لايخلص دوامه بربع باعه اخد اغراضه وخرج قبل لاسلمى يلقاها بوجهه 
 مو طايق حاليا يشوفها ... 
واول ماركب السيـآره لقى رساله من ترف لها ساعتين 
" اذا جي لاتجيب غدى "
اتوجه على بيتها على طـول .. دق جوآله واول ماشاف اسمها زفر بضيق 
 رد عليها وطول الطـــريق تتكلم طول الطريق تحكي تهرج 
 كلامها مرا مو من اهتمامه 
 كل شي بتقوله مايبا يسمعه 
 نفسه تقول هرجه وحده هرجه وحده تعنيـــه 
 كدا سار يقولها اي كلمه بس عشان تنتقل لهرجتها التانيه 
 كمان اسلوبه يسكت يسكت وبعدين يقلها جمله ولا كلمـه تخليها طايره في السما 
 طلع درج العماره وسار واقف قبال الشقه ومغمض عينه بنرفزه ومبعد الجوال
 متى تسكت مو عــآرف 
 يبا يقفل مو راضيه تسـكت 
 دايما يجي تــرف نايمه دا الوقـت يدخل 
 ولو لقى ترف صاحيه يقفل بوجهها وخلاص .. ويطفي الجوال 
 فتح باب الشقــه ... 
دخل على طول للصـآله وسمع صوت مويـآ في الحمام عرف انها بالحمام 
 اتوجه للمطبـخ وقف عند الباب وهوا يتكلم بصوت رااااخي ومافي غير انو يتغزل عشان تنكتم : سلمى ياقلبي
 كآنت بتههههرج من قلبها اول ماقال ياقلبي انكتمت 
 ماقالت حتى نعــم 
 تـآمر : ياقلبي معليش بس امي بتتصل اشوف ايش تبا وارجعلك ... طيب مو مشكله اشوفك اخر الليل ..انتبهي على نفسك 
 دوبو دخــل للمطبـخ لقاها واقفـه كآنت ف ناحيه مو شايفها 
 اصلا فز بجد فجعتو كأنها جنيه طالعتلو 
 روان كآنت سامعتو يتغزل بوحده بالجوال ماحبت تحرجو وتخرج الا هوا دخل : اهلين 
 ابتسمت ابتسامه كدا مالها داعي
 تامر مرا مكسوف لأنها سمعتــه : هلا 
 روان كآنت تبا تهرج بس ضحكت شالت كاسة المويـآ وشربتها ورجعتها
 وجات لعندو واشرت عشان يبعد : ممكن اخرج 
 تامر بعد عن طريقها بدون اي تعليق 
 دوبها بتعدي من جمبــو وهوا كآن بيرفع يده الا مسكت ساعتــه بشعرهاا بطريقه مررا وجعتها
 سحب يده وشعرها تحس بيتقطع : آآآآي 
 لصق ظهره بتلاجه وهيا جات بقوه عليه عشان لايبعد : بشووووويش شششعري شعععري
 تامر جبس يدووو مع الفجعه : اااصبري طيب 
 روان تصرخ : انتا اللي بتحررك يدك 
 تامر صووته موتررها مبعد يدو عن جسمو وهيا تصرخ : فككك شعري 
 تامر : طططيب اهجججدي
 قرب يدو منو وهيا قربت قدامه وراخيه راســها : راااسي وربي وجعني يلااا
 تامر بنرفزه : ااصبري طيب وترتي اههههلي
 روان : مو عشان شعري انا اللي بيتقطع 
 تامر حرك يدو بنرفزه :
روان :آآآآآه 
 تامر : اسسسكتي هيا 
 روان مسكت توبـه وهيا واقفه قباله : خلاص والله مااهرج بس فكني 
 ماتحرك 
 من يوم ماجات يدها على جسمو ولا حركــه سواها 
 حاول يركز بالساعه بس مو قادر يسوي شي قال بشويش : نزلي يدك عشان افك شعرك 
 كآنت ماسكتو من الجنـب وشاده على التوب
 شالت يدها بنرفزه : فككككني طيب مرا خايف على نفسك 
 تامر خايف ترف تجي 
 واقف وساند جسمو على التلاجه وهيا قباله بزبــط 
 حاول يفك شعرها ويركز بس يحسها بلهه 
 بتتأفف وبتوتره 
 بتتألم وبتوتره بـرضو يباها تسكت وخلاص
 واول مافك شعرها نزل يدو ويباها تبعد بس عشان يخرج ويروح لمكان وسيــع 
 اما هيا مسكت راسها ورفعت راسها تطالع فيه وملامحها كلها ألم : شعععري اتقطع 
 تامر بجفاصه : طيب ابا اخرج 
 روان كشــرت : كمممان بدال ماتعتذرلي 
 تامر بجد بدأ يتوتر : معليش معليش خلاص يلا امشي 

 لما ماشيت جا يمشي من الناحيه التانيه ووقفت قباله 
 رفعت حاجبها : اعتذرلي بااسلوب عدل
 تامر : يابت انتي هبللله ايش لي دحين بللي سار 
 روان : قطعتتتلي شعري 
 تامر : انا اااشلي برضو 
 روان رفعت كتفها : اعتذرلي وانا اسيبك ف حالك
 واللي يسمعها يقول الانسه اللي لو غلطت على احد تعتذر على طــول 
 شايفته متــوتر
 يضحكها لما يتوتر 
 وينحرج 
 كل شي ماشي بالشقلوب هيا اللي تتكلم بجرائه 
 وهوا اللي يحاول يتحاشاها .. :ياابت الناس ايش تبي انتي 
 روان تقلدو وضحكت : يااابت الناس هههههههههه محترم يعني وانتا قاعد تتغزل من اول 
 تامر وسـع عينه 
 بعدها استوعبت : اووه تكون زوجتك 
 تــرف خرجت من الحمام وجلست في الصاله : روووان ..؟ 
 روان : اناااا هنا مع تااامر 
 تامر فجعتو زياده : ياااابت انتي مجنونه _ مشي بسرعه من جمبـها وخرج قبلها من المطبــخ _ 
ولا كأنها سوت شي خرجت من المطبـخ 
 تــرف : انتا جييت 
 تامر واقف بنص الصاله : ايوا ماكنت ادري انو عندك احد 
 روان جات : خلاص انا ماشيه اصلا 
 ترف : لا عادي اقعدي 
 تامر موجه كلامو لترف : انا اصلا ماشي 
 روان : شكرا جاي تقطع شعري وماشي يعني 
 تامر طالع فيـها بجد الكلام يضيع معاها مايعرف يرد .!
مايحب البنات الملسونــآت 
 بتتكلم معاه كأنها بتتكلم مع تــرف : قلنا معليش 
 روان وجهت كلامها لترف : المفروض شعري اللي اتقطع يرجع مع اسلوبه الجميل دا
 ترف : ههههههههههه ايش اللي سار 
 تامر : لاحول ولاقوة الا بلله .. انا ماشي 
 روان اخدت جوآلها اصلا مخنوقـه وتبا تمشي وماتحب تحس نفسها تقيله عند احد : لا انا ماشيه ..اشوفك ف اي وقت تاني
 ترف وقفت وابتسمتلها : طيب مع سلامـه 
 راحت وراها لين ماخرجت ورجعت لتامر : ايش الهرجه 
 تامر جلس بنرفزه : ولاشي شعرها مسك ف ساعتي واتقطع 
 ترف باألم : آآه ... طيب ليش بتتكلم مع البنت كدا
 تامر : كيف تبيني اهرج خلاص تباني اعتذرلها وانا مالي صلاح وبعدين انا اكره البنت اللي تهرج كدا وماتحاسب انها بتتكلم مع رجال خليها تحترم نفسها شويا 
 ترف لانت ملامحه وجلست على الكنبه 
 ماعلقت مسكت جوالها وشغلت نفسها فيه 
 يطالع فيها وبعد دقايق : ايش بك دحين 
 ترف من غير ماتطالع فيه : ولاشي
 تامر : لا بجد ايش فيه !!
ترف نزلت الجوال وطالعت فيه بجديه : تامر مو عشان فيه ناس مو متربين نفس حياتك يعني وسخين ومايعرفو الاحترام 
 تامر : لاتقنعيني دحين انو الظرووف هيا اللي تخلي الوحده ماتعرف الاحترام 
 ترف : شوف انا تفاجئني بجد بردات فعلها بس دايما افكر بكلامها دايما اتذكر ايش قالت وابدأ اعذرها _ هرجت بجديه _ والله ياتامر انا مريت باأيام اضطريت اتعامل مع مية رجال عشان سامي ماكان لسى عندي ربي عالم قد ايش انححوجت اني ارفع صوتي على داك واني اتكلم بقوه مع التاني دا وانا طول يومي عندي بيت وماكنت اشتغل في البدايه مابالك ناس عاشو في الشارع ..احس بعد الظروف الي مريت فيها ماسرت احكم على احد دي ايش اللي سرلها عشان انحوجت تكون بيوم بدي الشخصيه بدا الاسلوب ماباك تكون زي الناس اللي كانو يتكلمو عني وهما مو عارفين ايش بمر فيه 
 تامر : انا مراعي وضعهم شوفي صحبتها التانيه لما تتكلم تحسي انها محترمه اللي قدامها رجال دي _ بيفكر بكلمه يقولها مو عارف _
ترف قاطعته : دي وحده شافت اكتر مني ومنك بحياتها وخلاص ...وشوفها دحين عايشه لوحدها البنت اللي معاها لقت امها وراحت 
 تامر سكـت 
 وترف كملت : خلاص محترمتك مو محترمتك انتا اهم شي انك محترم معاها هيا ايش نظرتها كيف عقليتها محد رباها في النهايه هيا كبرت نفسها بنفسها حط تحت دا الموضوع مليون خط 

 قفــلو جدآل من موضوع روآن 
 روآن اللي اول مادخلت البيت وجلسـت في الغرفه قعدت تبـكي لأنها لوحدها 
 تبكي لأنو دوبو استوعبت هديل مو فيـه .. 
رفعت جوالها واتصـلت على ام هديل وهيا تمسـح دموعها تبا تشوفها مبسـوطه ولا لا ...
واول ماجاها صوت هديل على طول وهيا تقولها : رووووان فينك 
 روان حاولت تتكلم بصوت طبيعي : دووبني وصلت البيت 
 هديل : ليش ماحتجي هنا
 روان : تعببانه مافيا حيل
 هديل بترجي : رووان تعالي اقعدي معانا 
 روان : يااشيخه لسى مالكي يوم خليني ارتاح شويا 
 هديل :هههههههه حيوانه واولله طفشتهم هنا كل ماقالو شي قلت روان تحب دا روان تاكل دا روان لو شافتو حتقول كدا وكدا 
 روان : هههههههههههه حبيبيتي اللي تتذكرني وانا موفيه 
 هديل : هههههههه مو انا مرتك ياقلبي ... ماقلتيلي كيف بشار
 روان ماحبت تكذب وبنفس الوقت ماتبى تشغلها : جلست معاه للصباح ماعليكي يومين كدا واتفاهمو
 هديل بخوف : ماحقدر اوقف قدامو 
 روان بتردد مع انها كانت ضد دا الشي : ترا والله يحبك 
 هديل سكتت وبعدها قالت بصدمه : يختتي على الاخت الحنونه 
 روووان بصدمه : ياااااكلبببه اسررري 
 هديل بجديه : ترا بجد لما وقفتو جمب بعض والله والله احس اني اطالع فيكم ومو مستوعبه مدري كدا بجد حسيتكم اخوان 
 روان ماتدري تنبسط ولا ايش بزبـط : مع نفسو اخلاقو الوسخـ
 هديل قاطعتها قبل لاتكمل : انتتي اخر وحده تهرج عن الاخلاق والله دا الشي الوحيد اللي كنت اشبهكم فيه من قبل لااعرف 
 روان بفجعه : اااانااا انااا زي اخلاقو التجااااريه ديييك اسرري
 هديل : وربي اننك نسختو 
 روان : مع نفسسك 
 هديل : ههههههههههه انكري لبكرا اختو في النهايه 
 روان سكتت شويا وبعدها اتغير صوتها : احتمال اشوف جاسم اليوم
 هديل اختفت الابتسامه من وجهها : طيب؟
 روان : مدري ايش حسوي
 هديل من قلبها قالت : سوي اللي تبيه .. اللي تحسيه سويه وبس لاتخلي شي ف نفسك
 روان بلعت ريقها وبجد مو عارفه ايش حتســوي 
 ايش اللي بنفسها بزبط مو عارفه : حشوف كيف نفسيه بشار واتكلم معاه 
 هديل : بلله ايش سوا 
 روان : مقهور شويا بس
 هديل : تكذبي على مين ياروان قوليلي ايش سوا 
 روان : يابتي انتي ايش لك دحين خليكي مع امك 
 هديل : بالي مشغول معاه ونفسي اكلمو نفسي احكيه _ بكيت _ والله ياروان قلبي يوجعني وعلى قد مو مبسوطه على قد ماحس حاجه جوتي منغصه عليا 
 روان : شوفي وعد يومين وحجيبكم تتفاهمو انا اكره كدا اكون بالنص واسمعك واسمعو 
 هديل مسحت دموعها : مرا كتير يومين 
 روان : هههههههههه بس ياهوو مالت عليكم الاتنين احمدي ربك 
 هديل ضحكت بين دموعها : وحشني طيب
 روان : هديل لاتهرجي كدا ترا ماحب 
 هديل : ههههههههههههه معدومه الاحاسيس حتى لؤي شرد منك 
 روان : الكلب عايش حياته مع الحب حقتو اصلا مكسوفه اتصل عليه 
 هديل : ايوا مالو داعي 
 روان : اقوولك دا اخو ترف فاكرته 
 هديل : ايوا ايش بو 
 روان : حلو ولايتهيألي
 هديل ماتت ضحك ماتت ضحك : انتي وسسسخه 
 روان : هههههه والله ترا مرا يستحي مني مرا يموتني ضحك احس اني ابا اطفشه كل شويا بس مو سايبلي مجال
 هديل تضحك بصوتها : هههههههه روان مو منجدك 
 روان : ههههههه يختي طفشانه ودايما يطلع بوجههي 
 هديل : فهمت دي النقطه بس ايش الغزل اللي قلتيه 
 روان : هههههههه ماشوفت واحد حلو ويستحي عشان كدا بسألك 
 هديل : ههههههههههه روان سبتك كم ساعه ايش بك اتغيرتي 
 روان : هههههههههه امززح يااشيخه عارفتني ماحب الخرابيط دي وبعدين الرجال متزوج 
 هديل : شاطره بنتي العاقله ... بالمناسبه الجميله دي تعالي دحين 
 روان : اسسري بقولك تعبانه روحي اقعدي مع امك
 هديل : اووف منك اباكي 
 روان : ايش تتتبي ايش تبييي مني رووحي يلا سلااام
 هديل : هههههه تعااالي بحكيكي
 روان : ها 
 هديل : ماما تباني اشتغل معاها 
 روان : ف ايش تشتغلي 
 هديل : مدري والله هههههههه بس قالت للبنات انو حشتغل اسير معاهم قلتلها ايش الشغل قالتلي حتشوفي بعدين 
 روان سكتت كدا وبعدها قـآلت : هديل انتبهي طيب
 هديل بتفاجئ : ف ايش يعني ؟
 روان : انو تكون تبا منك حاجه 
 هديل رمشت بعينها بعدم استيعاب وقالت بهدوء : روان دي ماما !!
روان : طيب بس برضو حبيت اقولك 
 هديل اتضايقت من كلامها بس ماعلقت 
 روان : ابا اسئلك امك تعبانه ؟
 هديل بردة فعل سريعه : لا بسم الله عليها مافيها شي 
 روان : اها !!!!
هديل : ليش ؟
 روان : لا مافي شي 
 قفلــو من بعض وراحت على طول لأمها وجلست جمبـها : كلمت روان 
 امها : اخخخيرا قوليلها تجي وخلاص 
: عندها شغل 
 امها : اهاا _ مسكت يد بنتها وسحبتها تاني لحضنها _ طيب ايش تبيني اسويلك غدى
 هديل : ماباكي تسويلي شي اجلسي بس معايا 
 امها بعد صمـت : خالتك ماشوفتيها 
 هديل على طول جلست وكأنو امها فتحت السيره : لا ... ماما ايش اللي سار زمان 
 امها : ليش تفكي كل شويا دا الموضوع 
 هديل : عشان الكل كان يقولي كلام وانا بحاول اقنع نفسي انو فيه سبب قوي خلاكي تسوي كدا
 امها كانت حتقوم الا هديل مسكتها وبترجي تهرج : ماما قوليلي ليش سبتيني 
 الكلام ضاايع حاولت تقول الكلام اللي ممكن يلين قلبها : لأنو كآنو حياخدوكي مـني قلت اديكي لواحد ثقه اقدر ارجعلك بعد كم سنه وماقدرت اوصلك 
 هديل : مين اللي كان حياخدني ؟
 امها : كنت اشتغل ف مكـآن وكآن صاحب العمل يخليني اشتغل طول اليوم وكآن بياخدك مني عشان يلزمني ماسيب مكان العمل واشتغل بدون فلوس 
 هديل مو مستوعبه ايش الشغله اللي ممكن تخلي واحد يسوي كدا : ليش ايش كنتي تشتغلي
 امها : يعني بكدا شغله معاه خلاص ياهديل لاتضايقني بدي السيره 
 هديل لسى مو فاهمه شي تبا تعرف وماحتسيب الموضوع كدا 
 قربت وحضنت امها : لاتسيبيني تاني ياماما 
: مستحيل اسيبك تاني ياعمري .. 

اول مــآخرج تامر من عند تـرف على طول اتجهزت لبست شي كاجوال مرا مالها نفس تتشيك مالها نفس تسوي اي شي
 لبست برضو الجاكيت الاسود للي يعبر عن مودها وجوها حاليا 
 وخرجت من البيت كآنت نازله الا قالت تطلع بسرعه تاخدلها سجاره عشان ألم راسها يخف
 وطلـعت 
 استمتعت وحست انها بدأت ترتاح من جوآ شويـآ
 ووقتها نزلت واخدتلها سياره وراحت للمكـآن اللي براء محددلها هوآ .. 
مادليـن كافيـه وشافتـو جالس بالجلسات الخارجيـه المطلــه على نافورة دبــي .. 
سحبت الكرسي من غير اي كلمه وجلست على طول 
 رفع عينه متأخره نص سااعه متعود خلاص على مواعيدها 
 ماهمو اهم شي انه شافها 
 قدم بشويش على الطاوله كآن مصدوم من شكلها 
 باين التعب بعينها 
 نحفــت 
 اما هيا سانده جسمها على الكرسي وطالعت فيه 
 مافي اي كلمه قادر يقولها 
 وحشتــه وبس ..بس بنفس الوقت يبا يحترم الوضع اللي هيا فيه 
 كل شي كل شي اتبخر من راسـه 
 وهيا من نظرته بس حست انها تبا تبكي قربت للطاوله بتوتر وحطت يدها : معليش لأني ماكلمتك دي الفت
 قاطعها لما مد يدو وحطها على يدها : لاتقولي شي فاهمك 
 حس انها تبا تبكي من بعد مامسكها : ترف لو تبيني اسويلك اي شي ماحقصر معاكي 
 ترف : عارفه 
 براء : طيب ليش كدا مسويا بنفسك 
 ترف : ايش مسويا 
 براء : نحفتي مرا وشكلك تعبان 
 ترف : ماليا نفس اكل ولا ليا نفس اسوي شي ابا سامي 
 براء : مو اخوكي قلك تصبري شويا 
 ترف : اليوم يمر عليا طووويل والله 
 براء بعد كرسيه وجلس بالكرسي اللي جمبها : طيب ياقلبي ارجعي للدوام اشغلي نفسك مايسير تنحبسي كدا 
 ترف اشرت براسها : ماليا نفس اسوي شي اصلا كارهه حياتي لو رجعلي سامي حرجع لكل حاجه
 براء : وحشتيني ياترف ابا اطمن عليكي واشوفك قدامي
 ترف دموعها بعينها : عارف ليش ماكنت اباك بحياتي لأنو ماحتلقى مني شي عدل 
 براء : انا مو صغير عشان ماأقدر الظروف اللي بتمري فيها 
 ترف : لين متى حتقدر حيجي يوم وتطفش
 براء : ليش النكد دا دحين لو ولدك رجعلك مافي شي تاني حيوقف بطريقك وحتى لو وقف انتي عارفه اني اول شي حسويه اني اخطبك يعني حيوقف بطريقي انا مو انتي 
 ترف ماعلقت 
 رفع يدو كآن بيمررها على ذقنه ورجع استغرب من ريحه يدو 
 مسك يد ترف فجأه وقربها من خشمو وفجعها 
 طالع فيها : برضك تحششي 
 سحبت يدها ونزلتها تحت الطاوله وقالت بدون ماتطالع فيه : مالك صلاح 
 يضارب معاها !!!
ايش يسوووي !!!
يعني دحين هيا في مشكله المفروض يقدر ويسيبها !!
مالو صلاح دا بالتقدير
 دا حشيشش.!
 : ترف وبعدين معاكي 
 ترف بهجوميه : برااء اقفل الموضوع 
 براء هرجبصوت واطي وهوا حاقد : دااا حشيش يااترف تبي تدمري نفسك 
 ترف : قلتها حشيش مزاج يعني مو مخدرات 
 براء وسع عينه : دا الكلام اللي اي واحد حيحشش حيقوله
 ترف : لو سمحت لاتتكلم معايا بدا الموضوع 
 براء : طيب يااترف منتي قادره تخرجي من بيتك بس قادره تستكني وتاخدي المزاج اللي تبيه 
 ترف ضعيفه حاليا ماتباه يزعل منها بس تهرج بااسلوب شويا حاد : برااء خلاص اللي فيا مكفيني 
 براء : المفروض انا هنا اراعي صح ؟ ترف انا احبك ماحشوفك تمشي بدي السكه وتبيني اسكت 
 ترف نزلت دموعها ومسحتها على طول : مو دحين سيبني دحين اسوي اللي اباه 
 براء يطالع فيها ايش يقولها ؟!؟
 ف حيـآته كلها ماتخيل انو ممكن يتحط بموقـف زي كدا ويسكت 
 بيحاول يستوعب الوضع اللي هيا فيـه قال من ورا قلبه : ولو سامي رجعلك وعرفت ف يوم انك رجعتي لدا الشي
 ترف سكتت وبس تطالع فيه 
 براء : ترف لو ماتحاولي تغيري نفسك ف يوم سامي حيفهم وحيسيبك تاني 
 ترف مانزلت عينها من عليه وهوا يكمل : ابداي حياه جديده ابدأي غيري نفسك انا حوقف معاكي 
 ترف اشرت براسها وقالت بضعف: مودحين 
 براء مسك يدها : الا دحين انتي اقوى من ماتتخيلي مو سجاره اللي تخليكي تعدلي مزاجك مو سجاره حترجع كل شي ليكي 
 ترف : دا الشي الوحيد اللي يهديني 
 براء : انا فين روحت ولا خلاص ماسرت مهم عندك 
 ترف : انتا عارف اني جيت لهنا عشانك 
 براء بيحاول يكون متفاهم مع انو من جوته مشعلل نار : خلاص كلميني سوي اي شي فالوقت اللي تحسي انك تحتاجي الحشيش 
 ترف بااصرار : مابى 
 براء طالع فيها للحظـآت وهرج بكل جددديه بكل جديه وهوا متنرفز : بكرة النهار لو اتزوجنا وزعلتي مني حلقاكي برضو تحششي بكرة النهار لو ولدك سوالك شي اول شي حتسويه انك تحششي لاتوهمي نفسك انو الحشيش هوا اللي حيعدل مودك الف واحد مسجون كآن يفكر خلاص ايش فيها لو جربت مرا وفجأه مع الايام كبر الموضوع معاه ..كبر لدرجه انو وصل للمخدرات دي المواضيع تبتريها من حياتك 
 لأنه تسحب الف حاجه وراها اذا انا ماهميتك سيبيها عشان ولدك اذا ولدك ماهمك سيبيها عشان نفسك
 ترف : قلتلك حاليا ماقدر
 براء رجع مسك يدها : كل يوم اشوفك بعيني اقوى وحده مريتي بمليون شي ولساتك واقفه وبتحاولي تكملي حياتك بس دا الموضوع الوحيد اللي يطيحك من عيني اللي يخليني مابى استوعب انك بتسويه واحس نفسي غبــي لأني مابفكر فيـه وبشرد منو 
 ترف قهرتها هرجه انها بتطيح من عينو بس كمل كلامه : سامي ف يوم حيكون زيك حيحشش وماحتقدري تفكي فمك عليه ماحتقدري تقوليلو ليش بتسوي كدا ..تبي توصلي لدي المرحله بحياتك ؟ 
 فجعععهااا : سامي صغير
 براء : وحيعيش صغغير طول عمرو ؟ كلها اربع سنوات وحتشوفيه رجال وانتي اللي حتدمريه بنفسك 
 يتكلم 
 يتكلــم 
 وعارف نقطه ضعفها 
 سامي وبــس
 مو مهتم بينكد عليها زياده 
 دام النكد ممكن يكون نقطه تحول ف حياتها 
 مستعد يوقف معاها 
 مستعد يساعدها 
 لكن مو مستعد انو يتقدم لوحده وهيا بتحشش كل مازعلت 
 مو اهبـــل عشان يرضى دا الشي بحيــآته 
 براء : ترف انا مابى اخوفك 
 ترف شويا وتبـكي 
 براء : عرفتي قد ايش الموضوع ممكن ياأثر على حياتك طالعي في بكرا دا ولدك انتي قدوتـه 
 انتي الشي اللي المفروض لما يطالع فيـكي ف يوم يتمنى يتزوج وحده زيك تتوقعي سامي لو كبر حيتمنى دا الشي حيتمنى وحده زي امو 
 كلامـــه قوووي 
 ترف : وانتا ليش تباني لو
 براء قاطعها : لأنو فيكي الف صصفه اموت فيها بس الحشيش بنسبه ليا حيطغى على كل الصفات لو استمريتي فيه انا ماترددت للحظه اني اقرب منك لأني احب شخصيتك واحب كل شي فيكي وعارف ومتأكد انو انتي تقدري تتغيري 
 قلبه واجعه لأنه بيقولها دا الكلام بس مستمر 
 عيونها معلقه فيـه وكأنه قاعد يفوقها صح ماقالتو طيب وحسيبو 
 لكن ماحيسيبها ف حـآلها 
 امـآ ترف 
 كلامه وترها 
 الا سـآمي بدأت تتخيل انو بجد فيوم انو ممكن يسوي زيها 
 تعبت ف حياتها كتير 
 واتنازلت عن اشياء كتير بسبب ساامي 
 ماحتقدر تبعد عن دا ..!
غير الموضوع براء لما شافها بدأت تسرح حاول يخليها تبتسم 
 ابتسامه راضي فيها حيغير جوها ولو بشي بسيـط 
 تـرف 
 حتى لما تفتح المنيو تقول لو سامي هنـآ ايش كآن حيختار
 اول مايمر اي واحد بعمر سامي لازم تطـآلع 
 حاول ياخد ويدي معاها حاول يقنعها انو كل يوم تقـآبله 
 انو سـآمي فتره بسيطه وحيرجعلها ..
ورجعت للبيــت ... كل اللي تعرفه انو تحب براء بس مو قادره تعيش دا الحب حاليـآ


 هديــل مازالت عايشــه ف حضن امها ومبسوطه باللحظه وكل مايجي في بالها بشار ينقلب مودها 
 ومن اول كلمتين من امها ترجع تبتســم 
 خالتها جـآت اتعرفت عليـها هديل مو قادره تتقبــلها مرآ ... ولين دحين مو عارفه ايش اللي سـآر زمـآن 


 روآن قاعده بالبيــت اتصلت على بشـآر وبعد محاولات منها قلها حنروح لجـآسم 
 مو قادره تتخيل انو يمر يوم تــآني وماتروح لجاسم تبا تشوفه تبا توقف قدامه ايش حتســوي لسى ماتدري .. 


ترف منعزله ف بيتها وكل يوم بيزيد وسامي بعيد بيدمرها زياده ... 

بشار حاسس انو مو قادر يشوف جاسم لا اليوم ولا بكــرا ولا بعدو 
 بس حيودي روان حيخليها تدخل لوحدها مع عمو جميــل
 اما هوا اللي فيه مكفيــه حاليا .. 
 .

ســآمي طفــلي الصغيــر ..
بدأت موازين الحياه تنقلب بعد ماكان عايــش براحه وشايل مسئوليه اكبر منو 
 سار مو عارف الراحــه والمسئوليه شي حاطينها على الخدم مايسوي شي 
 سامي الهادي سامي اللي مايرفع صوتــه 
 كآن صوووته بكل الغرفــه 
 يصرخ على عمتــو اللي حاولت تناديـه على الغدى 
 غرفتــه كل شي مقلوب فيها 
 كل شي قالبوو ملابسـه 
 الكتب اللي حاطينلو هيا مرمى 
 لحافه ومخدتـه على الارض 
 معقد حوآجبه ويتنفس ورا بعععض 
 ووجهه محمــر 
 سلمى بتحذير : سااامي احتــرم نفسك 
 سامي : قلتتتتلكم ابا اروح لماما ودوووني عندها مااابى اتغدى معاكم 
 سلمى تأشرلو : وطي صوتك لايجي قاااسم ياأدبك مزبووط 
 سامي بكل خووف يهرج بكل خوف وهوا بيتكلم ودموعه بعينه: خلييه يجي مني خايف 
 سلمى تطالع وراها وترجع تطالع فيه : ايش تبا باأمك فهمني ايش فيها شي عدل _ قالت وهيا تبا تعدد _ كذبت عليك و
 سامي قاطعها باانفاسه السريعه وصوته المتقطع : مالكم صلاااح فيا انا ابااها
 سلمى : ترا والله جنانك دا حينقلب عليك 
 سامي حط يدو على راسو : انا حررر خليه يسوي اللي يباه 
 سلمى تطالع فيـه ومو مستوعبه الجنان اللي يبا يسويــه ... 
مو سهل الواحد يتنازل عن امو بيوم وليله 
 نفس هديل حاربت الكل عشان توصــل لأمها
 سلمى دخلتلو بخطوات سريعه ووقفت قدامه ورفعت صبااعها : شوووف والله ماتعرف قااسم لاتخليه يسوي شي تندم عليه طول عمرك ... عسى عمرك ماتغديت لاتخرج اليوم كلو _ دوبها بتمشي الا وقفت لما اتذكرت _ لو امك محترمه مآكان خالك اليوم حيجي وحيكون معانا انتا الوحيد الاهبل اللي ضحكت عليــه 
 خرجت وقفلت الباب بكل قوتــها .. راحت كذبت على قـآسم انو نايم ومرا تعبان ..
كدا وعصب قاسسم لكن سلمى مسكتـو ..تعرف تهديه تعرف تمتص غضبـه اكتر من زوجـآته ... 

امــآ سامي جالس على السرير ... خاله مين اللي حيجي ..؟
 اخر مرا قالتلو ترف انهم وسخين وفجأه شافها بتتكلم مع واحد فيـهم 
 غير كيـس الحلويات اللي شافه وكآنت فيه ورقه مكتوب " لساتك ترف الصغيره بعيني " 
وتحت مكتوب تـآمر
 دموعه تنزل وهوا مو عارف همـآ طيبين ولا لا ..
يحاول يوصــله ولا حينضـرب
 سار يفكر انو حينضرب حينضـرب حيحاول يتكلم معاه اليـوم ..
قام من على السرير واتوجه للغرفه اللي الكل مجتمع فيـها 
 جلس بكل هدوء ومحد عــلق
 الا لما قـآسم خلص اكله طالع فيـه : فيك الخير انك جيت 
 سامي علق من غير مايطالع فيه والكل الكل يطالع فيــه : كنت ف الحمام 
 قاسم طالع ف سلمى وبعدها بسامي : اهااا وليش قاعد تبكي زي الحريم 
 سامي على طول طالع فيـه 
 قاسم رفع حاجبه : تبا ترد 
 سامي نزل عينه على صحنـه الفاضي ...
قاسم : اباك تتجهز اليوم واعرفك على ضيوفي لو ماشوفت الابتسامه على وجهك _ بوعيد _وبراس بناتي كلهم لاتندم على دا اليوم 
 دف كرسيـــه ووقف ومشــي 
 مارفع راســه سامي حاسس بنظرات بناته الخمسـه 
 حاسس نظرات زوجاته الاتنين 
 بنظرات سلمى 
 مو متعود على دا الاسلوب 
 دف كرسيه ورجع لغرفــته .. قفل باب غرفته بااقوى ماعندو 
 ماعندو حــل غير خاله اللي حيجي اليــوم 
 ولا خلاص ماحيدري ايش حيســوي 
 حتى المدرسه مو مخليه يروح حاليا لين متى مو عارف ..



امــآ اتنين ف عـآلم تـآني ف عـآلم تاني مراا .. 
قاده تنظف المجالس وحاطه السماعات ف اذنها وتهرج : ايوا 
 عدي : ماخلصتي تنظيف 
 لمى : لا 
 عدي : والله حجيب لأمك شغاله عشان ترتاحي 
 لمى : هههههههه على اساس اخواني ماجابو 
 عدي نفسو ينحر امها وخلاص : الله يهديها 
 لمى : شوف بالجامعه اليوم ماقدر اقعد معاك عندي اختبار وانا من الناس اللي اوتر بجد وقت الاختبارات 
 عدي : انتي من ظلك تتوتري 
 لمى : هههههههه المهم اني اديتك تحذير من دحين 
 عدي : وانا عبيط دحين ماحنام الليل من الحماس 
 لمى يتملل : يألله انتا ايش وضعك بالحياه 
 عدي : هههههههههههه انشر السعاده 
 لمى : هههههههه واضح 
 عدي : تعاليلي تعاليلي 
 لمى : فين ؟
 عدي : سمعتي 
 لمى عقدت حوآجبها : ايش ؟
 عدي : ركزي حوليكي 
 لمى شالت السماعه وفجأه شهقت : انتاااا فين 
 عدي : عند باب الشقه 
 لمى وسعت عينها : انتتتا مجنون 
 عدي : ايييوا وحشتيني بس بسلم عليكي 
 لمى :قلبي حيووقف 
 عدي : ههههههههههه تعاليلي انا واقف طفشت 
 لمى : اخوواني مو فيه 
 عدي : عارف وعارف انو امك نايمه بس بوسه وماشي
 لمى سمعت صوت وهوا يدق على الباب قالت بخوف : عدي اهجد وامممشي
 عدي ببرود : لن أمشي ولن اتزحزح اريد قبله 
 لمى : ههههههههههههه عدددي 
 عدي : ههههههههه والله ماحمشي والله انتهى الموضوع 
 لمى خرجت من المجلس وقبالها باب الشقه راحت لغرفه امها شافتها نايمه 
 عدي : ها فينك 
 لمى بهمس : اوووصص جيه 
 عدي :ههههههههههه _ يهرج برعب _ بسرعه قبل امك ماتجي فجاه من وراكي 
 لمى دوبها بتفك الباب قالت بخوف : لااا خلاص ماحفكو روح 
 عدي سامع صوتها من الناحيتين : هههههههههه فكيلي ياشيخه وربي ماحمشي 
 لمى تمرر يدها على شعرها : اصلا شكلي مبهدل 
 عدي : مزتي ف كل حالاتك 
 فكت الباب وقلبها حيووقف مجنون وحيجننها بهبلو ... 
اما هوا شاف شكلها كدا من غير مكياج وببجامه اكتر منظر يحب يشوفها فيــه : مسااء الخيــر 
 لمى فاكه فتحت بسيطه بالباب وتطالع فيه : مساء النور 
 عدي : هههههه ممكن تفكي الباب 
 لمى : مو انتا قلت شويا يلا يلا امشي 
 عدي : حشره عند اهلك
 يفك الباب وهيا ماسكتو وحاطه رجلها :روح ياعدي 
 عدي : ههههههههه مني ماشي 
 لمى بتنجلط : امااانه ياعدي والله ماما حتصحى 
 عدي حاتط يدو على الباب : بععدي طيب
 لمى شويا وتبكي : ايش تبببا 
 عدي : ابا اشوفك عدل 
 لمى فكت الباب : ها 
 عدي ابتسم كدا ابتسامه واحد هيمااان 
 قدم خطوه وقبل لاتقول اي كلمه حضنها بكل قوته وهمسلها : وحشتيني وحشتيني 
 قلبها حيوقف ماتدري من الرعب ولا من اللي بيسويــه 
 بعد عنها وباس خدها كدا مرا وكل بعد بوسه ينطق بكلمه : وحشني .. كل .شي .فييييكي
 ورجع طالع بوجهها : تعالي نعيش مع بعض 
 وجهها زي الناار محمممر 
 دفتو بشويش من صدره : خلاص امشي 
 عدي : هههههه حمشي حمشي _ رفع صباعه ويهرج زي الصغاار _ حضن صغير عشان امشي 
 لمى بتجنن منو ومن الجنان اللي بتحسو جوتها ماعلقت وهوا قرب تاني وحضنها 
 وبوسه على الجبين : يلا مع سلاامه يااقلبي 
 حطت يدها على الباب وصوتها اختفى فجأه اشرت براســها 
 مشي وهيا واقفه قفلت الباب بعدها بتنـآحه 
 وفضلت واقفه بمكـآنها وابتسامه كدا مجنونه مرسومه على وجهها 
 ولو مادق الجوال ماتدري قد ايش كآنت حتوقف
 ماقدرت تشتغل بعد اللي سار طفت لمبات المجالس وراحت على غرفتها وقفلت بالمفتـآح 
 تلعب بشعرها 
 تمسك الاشياء وتحركها وهيا تهرج 
 كل شي بتسويه بدلع زيـآده 
 مبسووووطه وعايــشه بعالم ماتبى احد يخرجها منــو ...


استغفرالله استغفرالله استغفرالله 

 رفع جسمو من على السرير بالقوه طالع بجواله وهوا يشــوف الوقـت 
5 العصـر ... 
استحمـى ولبـس بلوزه من gap رماديه كاجوال مالو خلـق لشي
 اخد الجنز 
 وبعدها الشراب الاسود جلس على السرير ولبس اخد الجزمـه الرياضيه ولبسها .. 
لم اغراضه مفاتيحه جواله محفظتـه وخرج من بيتــه 
 بعكس اختـه اللي بنفس لبسها قاعده وسانده جسمه على الجدار وتستنى يجيها 
 غرفه فااااضيه لو هرجت صدى صوتها يرجعلها ... 
اول ماوصل للبيت دق عليها وخرجتلـو 
 ركبت السيـآره بس هيا مودها مقفــل وهوا موده مقفـل
 محد طـآيق شي 
 استمر الصمت بينهم شويا وبعدها طالع فيها : ايش بك ..
روان : مابى افتح الموضوع وانكد عليك
 بشار عينه على الطريق على طول فهم : ايش بها ؟
 روان طالعت فيـه : مقهوره مرا مقهووره 
 بشار ولا طالع فيـها عينه على الطريــق وبس سيرتها واجعته : ليش ؟
 روان : امها تباها تشتغل معاها اقولها فين تقولي مدري بلهه والله والله اني متأكده وراها مصيبه 
 بشار ماعلــق مايبى تجننه 
 روان ضمت يدها تحت صدرها وتهرج وشويه وتبكي : وبس لما حذرتها اباها تنتبه حسيتها زعلت واحتمال كبير لو سار شي ماتحكيني عشان لاأتدخل
 بشار كلام روآن زي ابللليس فوق راســه 
 اللي قاعده تجنننه بشوووويش 
 وكل شويا تزيد تزيــد 
 قال ببرود ببرود عكس اللي جوته : سيبيها طيـب 
 روان عىل طول طالعت فيه وشويا وتقتله بس بنظرتها : اسيبها ف عينك دي اختتتي لو انها تعرف تدافع عن نفسها كان ارتحت شويا
 بشار : وانتي محامي الدفاع حقها 
 روان بنرفزه : اتريق اتريق 
 بشار : مابتريق بس خلاص هيا عند اهلها 
 روان : امها رمتها تت
 بشار قاطعها لما ضحك : مو امس كنتي تقوليلي عكس دا الكلام 
 روان اتنرفزت : وربي الواحد لما يهرج معاك يترفع ضغطه وبس
 بشار : خليكي ساكته اجل
 روان : حسسكت عشانك عشان لاأقتلك بس
 بشار طالع فيها ورجع طالع في الطريــق 
 كدا هااادي وبااارد 
 روان : دحين حنشوفه ؟
 بشار عدلها جملتها : دحين حتشوفيه 
 روان استغربت من تمطيطه للكلام : انتا ماحتشوفه 
 بشار حرك راسه من غير اي رد 
 روان خافت : تباني اشوفه لوحدي
 بشار رفع كتفـه : انتي اللي تبي تشوفيه 
 روان : ايوا بس معاك 
 بشار : حخلي عمي جميل يدخل
 روان مرا متنرفزه من هدوووئه : انتا ليش بتهرج زي كدا .. ابا ادخل انا معاك 
 بشار طالع فيها : مني داخل تبي تشوفيه حستناكي برا 
 روان تبا تبــكي : بكيفككك
 سندت جسمها على الكرسي بقهر 
 وهوا كمل الطريق بكل صمت 
 دخلو للمركــز ... واستقبلهم جميــل ... 
جلســو جمب بعض بكل صمـت 
 كآن الكل يشوفو ومحد يجي يسلم عليه من ملامح وجهه 
 واحد يبا يتمشكل 
 خلاص سمعتو سابقتو لما يقفــل 
 بذات في مكـآن عملو 
 مادوه اجازه على الفـآضي .. 
اما روان حاسه بالكل يطالع فيـهم 
 قلبها يدق بسـرعه وتحس انها بتتفرج على الكل برعب 
 حتشـــوف جــآسم 
 حتشــوف جاسم 
 وقلبها غااص جوتها لما جميل وقف قبالها وقلها : تعالي 
 وقفت وقفت بالقوه 
 وقفت وانفاسها بتزيـــد 
 وقفت وكل شي سرلــها بيتعاد قدامها 
 جسمها برجــف 
 مشيــت معاه مشيت مشيت وبعدها سارت دموعها تنززل 
 طالعت وراها وشافت بشار جالس على الكراسي ولا اتحرك 
 تباه معاها 
 ليش ماتدري
 ماقدرت تكمل طريقــها 
 رجعت تــآني له بخطوات سريعه وقفت عنده وبترجي قالت : اماانه تعال معايا 
 طالع فيــها ويحسها بتطلب شــي صعب 
 صعب وبقوه قال بضعف : سميه الله يخ
 روان مسحت دموعها : والله اخر طلب اطلبو منك مابى اشوفو لوحدي
 بشار : معاكي عمي
 روان : لا اباك انتا 
 بشار مو قادر يقولها لا وهيا كدا تبـكي وخايفه 
 وقـف بكل تردد وقف بكل ثقــل : تعالي 
 الاتنين بيمشو جمــب بعض وكل خطوه وهما يقربو 
 ونبضات قلبهم تزيـــد 
 حيشوفو ابــوهم 
 تضغط على اياديها اللي تتنافض تخفي رجفتها 
 يبلع ريــقه ومو قادر يستوعب انو راح معاها 
 ايش حيســوي مايدري دخلو الغرفــه 
 اضائتها بيــضاا قويــه 
 فيه جميـل وفيه شــرطين 
 بشار على طول سحب الكــرسي وجلس 
 مستنين يجيبــوه 
 مستنين يجيبوو 
 روان ولا جلست واقفــه وعيونها تترقــب بس 
 دموعها بعينها وانفاسها بتزيد كل شويا من قبل لايجي ..اول مانفتح الباب 
 صوووت الباب تحسس تسمعو بشــويش 
 كلمــه : اددددخل 
 دي خلت عينها مثبته على الباب مثبتــه على الباب 
 بعكس بشاار اللي على طول سند اكواعبه على ركبه وخلل اياديه ف شعره
 نظرتو على الارض وبـــس على الارض الرمــآديه وبــس 
 وشد على شعره لما قال جاسم : حدددخل بنفسي سيبني 
 بعكس رووان اللي اول ماسمعت صوته اخدت نفسها بصوت مسموع ودموعها نزلــت ...
جسمها اتقشــــعر اتقشعر من صوتــه بس ماحتضيع لحظه وحده وماتطالع فيــه 

 استغفرالله استغفرالله 

 في غرفتــه اخد بلوزتـه الرسميـه البيضـآ يقفل زر زر وهوا باله بعيــد
 بعيد مرا 
 حيندم على روحتـه ولا لا
 رفع يده وهوا يعدل ياقة البلوزه وساب اول ازرارين مفتوحـه ..قفل ازارير الاكمـآم 
 اخد جاكتــه الرسمي الرمـآدي ... اتعطر 
 بيسوي كل شي وباله مو معـآه 
 مرا مو معاه 
 لو دري تميــم بس انو اخوه رايح بنفسه لبيت قـآسم حيتجنن 
 ترف ترف ايش حتــسوي مايعرف .. 
ركــب سيارته وأول شي سواه اتصـل على ترف يتطمن عليها ... 
 : كيفك .. 
ترف : تمام وانتا كيفك 
 تامر : كويس اسمعي تميم احتمال يجيكي
 ترف : دحين !
تامر : قبل شويه طلب عنوآنك 
 ترف بشويش خرجت الكلمه منها : اها !
تامر : اسمعي بطلب طلب بسيط 
 ترف جلست على الكنبه 
 وهوا كمل وعينه على الطريق ويهرج : ماباكي تجيبيلو سيره على سامي ف اي احاجه قوليلو دي الفتره عند اصحابه 
 ترف رفعت حاجبها وماتوقعت انو مايعرف : ليش !
تامر : مو قلتلك سيبي الموضوع عليا 
 ترف : ليش طيب حكذب
 تامر : لأنو حيروح يتضارب مع قاسم وحيكبر الموضوع 

 قفــل من ترف بعد ماعادت سؤالها حق كــل مرا : انتا ايش حتسـوي 
 وكالعــآده صرفها .. 
وصـل لعند اسوار القصـر انفتحت البــوابه ودخل لعالم غيـر عن عالمهم 
 السيارات المرصوصه الفخمــه 
 العشــب الاخضـر على مد النظر 
 الاشجـآر اللي موزعه بطريقه مرتبــه 
 الاضائات اللي في الارض والمصابيـح السوده الطويــله 
 وقـف سيـآرته واستقــبلو وآحد وودآه للحفـل الخارجي اللي مسويه ف الحديــقـه 
 وقف ف مكــآنه وهوا يـشوف قـآسم 
 بلع ريقـــه وهوا ياخد نفسـه بالقوووه 
 واقف قدام شخصين يضحك يضحككك 
 ضحكته لوحدها خلتو مو قادر يتحــرك 
 بس بعد جسمه قاسم شاف سامي واقف جمبــه 
 بلبسو الرسمي المصمم له بذات بلوزته البيضا الفيست الاسود 
 والبنظلون الرسمي الاسود 
 واقف وشكلو ف عالم تاني 
 مو نفــس سامي اللي كان يقابله 
 واحد شكلو مكسـور 
 مكسوور وبقوه 

 استغفرالله استغفرالله 

 جالسيــن في غرفــه وحده يضحكو ويستهبــلو ... 
وهديل جالسه جمب امها وخالتها بس تطالع ف هديــل وترجع تتكلم مع البقيــه 
 شغلو اغــآني وقامو اتنين يرقصو
 هنادي جات سحبت هديـل وهديل تسحب يدها بااحراج : مااعرف ارقص 
 هنادي : ههههههه اعلللمك 
 ام هديل تدفها قوومي 
 هديل تطالع فيها : والله مااعرف 
 سهام اللي مع هنـآدي جات لعندها وهيا تحرك اكتـآفها بوجهها هديل وتضحك : ادلللعي هما يبو بس الدلع 
 هديل مرا ماستوعبت الجمله سحبت يدها بالقوه : خلاص انتو ارقصو 
 حطت راسها على امها وهيا بس بتدلــع : انا بقعد هنـآ
 هنادي رفعت اياديها الاتنين وحركتها بوجه هديل : مااالت عليكي 
 هديل : هههههههههه 
 وشافتهم يرقصو رقــص ف حياتها ماشافت كدا احد يرقــص
 يهزو كل شي بجسمهم 
 بجسمهم المرسوم رسم 
 وجاها صوت امها وهيا تكلمها وسط اذنها عشان تسمع من صوت الاغاني العالي : انا كان رقصي احسن منهم 
 هديل طالعت فيها بااستغراب : بلله ؟
 امها ابتسمت : ايييوا بس مع الكبر خلاص جسمي مايتحمل 
 هديل : ماتخيلك ترقصي 
 امها : حخلي البنات يعلموكي
 هديل اشرت على نفسها : يعلموني انا ؟! 
امها : ايييوا تكملي مسيرة امك 
 هديـل مرا ماستوعبت : مسيرة ايــش
 امها حطت يدها على خد هديــل وابتسمت قالت بكل ثقــه بكل ثقــه : يارب اشوفك بيوم زيي بكل حـآجه 
 هديل نسيت والكل وسارت تطالع بس ف امــها ..!!! : ان شاءلله ياقلبي بس _ ضحكت ببلاهه _ حتعلم الرقص لمين مالو داعي
 امها : وي مو قلتلك تشتغلي معانا 
 هديل انمحت الابتسامه بشويششش من وجهها طالعت في البنات اللي يرقصو ورجعت تطالع ف امـها : اشتغل ايـش ؟!
امها : تشتغلي في الكابريـه
 كلمــه خلت هديــل ماتستوعــب ولاشي بعدها 
 امها ماسكتت هنا كانت تهرج تهرج وهديـل تطالع فيها مصدومـــه 
 لا فييه شي غلط قالت وتبا امها تعدل الجمله : كنتي تشتغلي ف كباريه .؟
 امها مسكت يدها : كنت ارقص والكل كان يتكلم عن رقصي
 هديل : ترقصي قدام مين !
امها : قدام النااس 
 هديل تتكلم بصدمه وعدم تصديق : كنت ترقصي قدام رجال !
امها شدت على يدها : انتي اختاري اللبس اللي تبيه ماحلزمك 
 ومالحقت تهرج الا هديــل سحبت يدها 
 كآنت تستحقر سووزي 
 تستحقــر سوززي عشانها مستقبله بشار ف بيتها 
 وامها تــرقص قدام كل الرجال 
 لا وتباها تسيــر زيها !!!!
رمتلها هيا من اوول يوم !
وكأنه تتوقع انها حتقول اككككيد ابا اسيــر زيك ياماما !!!!


نهايه الفصـــل الثالث والعشرون ... 
انتظر رايــكم ..

الفصــل الرابع والعشروون ...


وعلى تطور حضارتنآ 
 ومآزال مفهوم العبوديـه لم يندثر
 ومازالت هنـآك عقليات سقيمه
 تجعل من اطفـآلنا أملاكآ لهم 
 خطف الأطفـآل 
 بيع الاطفـآل
 المتآجره بالبشر 
 تحدث دآئما بعيدآ عن اعيننآ 
 ولكن 
 الأطفال قريبون دائـمآ منآ
 نتأأفف نصرخ تنعكس ملامحنا عندمـآ نراهم في الأسواق 
 وجه سيئ للدولــه 
 تلك عبارتنا الدآئمـه
 أصبحت افكر دائما من منآ السيئ
 هل عندمـآ اشتري الماء 
 من تلك الطفله انا اقف بجانبها ام اساند منظمآتهم ..؟
 هل انا من تدعم المتآجرين باارواح تلك الاأطفـآل
 ومازلت الا اليوم عندما انظر لتلك الطفلـه
 لاأعلم هل المال اللذي سيخرج من حقيبتي 
 سيكون عونآ لها او عليها ..





تـجري .. ثم تسقط ..تقف مره اخرى ... تنظر خلفها بخوف
 تسارع للركض مره اخرى بجسمها الصغير النحيـل .. 
وعند تعارض الطـرقات يخرج فتى اخر امـآمها
 تقف في المنتصف تنظر خلفها وامامها بخـوف باأنفاس متسارعه
 فتيـآن 
 من نفس البيئه اللتي تعيشها 
 اصبحو ذئاب ينهشو في بعضهم كي لايتم معاقبتهم اخر الليل 
 والفتيات وسيلتهم حتى تمر ليلتهم بسلام ... 
وأصبحت " سميـــه "
وحيده بذالك الطريـق تبكي من الضرب وجيبها خـآلي من المـآل



 الــيوم " سميـه " 
بلبسها الوسيع 
 وشعرها الققصير الملموم على ورا وخصلات بسيطه خارجه 
 واقفـه قدآم الشخص اللي اتسبب بكل أذيه مرت فيها 
 بكل مره اتعرضت للضضرب
 بكل مره اتهانت فيها 
 بكل مره بالمختصـر صرخت وصدى صوتها يرجع لها لأنها ببساطه طفله ملوثه بالوآقع 
 واقفـه قدآم " ابـــوها "
وكل شي اتوقـف للحظآت 
 مو شايفه ولا شي غيـره 
 مو سامعه ولا حآجه حوليها 
 ولا بتفكر ف اي شي
 بعيونها المركزه عليه وبـس 
 جميل يطالع فيها ومو عارف ايش حتسووي 
 ليش مالها اي ردة فعل خرج رجال الشرطه وبقيو االاربــعه بس 
 بشار ولا رفع راســه على نفس وضعيـته ... 


امــآ جاسم الجبروت جاسم اللي مافقلبه اي انسانيـه
 ابتسم
 على انو وجهه باين عليه التعب ..ويده فيها الكلبشات 
 وللحيته اللي زادت 
 باين انو فيه انكسار بس لسى بيحاول يوقف بشموخ 
 عينه جات على بشار وبعدها سميه اللي قبـآلو 
 قال بتشجيع بس بااسلوب وسخ :اوووه عيله الرايد مجتمعين 
 جملته كدا وتـرت روان 
 وترتها مرا وكأنها لأول مرا تسمع برضو انها من عيله الرايد 
 نزلت دموعها وهيا تشوفو يتكلم بااسلوبو القذر اللي اتعودت عليه 
 قلبها يددق بطريقه مجنونه شاده على قبضات اياديها 
 بكل صعوبه نطقت : ليش سويت فيا كدا
 دا بس اللي طلـع معاها من غير اي مقدمات 
 جاسم ميل راسـه ..اتأمل وجهها 
 حزن عليها ..؟
 لا ماحزن 
 اتعود انو دي بنته يشوفها كدا دايما ...
قرب خطوه وهنا جميل قرب كمان مايثق سار ف جاسم 
 حط يده على صدر جاسم وهوا يقوله مايتعدى اكتر 
 قال لروآن : ليش تبكي وحده زيك سجنت ابوها المفروض تكون قويه 
 جميل بحده : جااااسم 
 جاسم طالع ف جميـل : بتكلم مع بنتي _ دوبه بيدير وجهه الا روان اعطتتتو كف من قلللبها _ 
جميل انفجع 
 جااسم وسع عينه 
 انفاسها سرررريعه ووجهها محممر رفعت صباعها بتحذير واتكلمت باانهيار : لاتقولي بنتتتك انتا اوسخ من انو يكون عندك اطفاال انتا اووسخ من انك تربي احد 
 جاسم طالع فيها وعيونه جااااحظه ومحمرره : ربيتك انا ربيتك خلي دا الشي في راسك 
 جمييل دفوو : انتتا ااايش بكك تستتهبل
 روان دموعها تنزل ماتوقعت يتكلم معاها كدا 
 قالت يمكن يضعف يمكن يعتذر كآن عندها امل بعد مانسحب بداك الانكسار يستوعب ... 
جاسم دففو وسار يصرخ : ايششش تبو جاايبيني هنـآ تتوقعي حتسجنيني 
 روان يدها تتنافض جسمها كلو يتنافض 
 تكره تكررره صوتـه قالت بكل حقد : والله لاأسجنك والله ماحخليك تشوف النور ف حياتك تاننني 
 جااسم ضحك ضحك من قلببه وجميل مفجوووووع : جربي تقولي عني حاجه والله امك ماحتشوفيها طول عمرك 
 اختفى صوت تنفسـها وبكآها 
 فجأه اختفى صوتها ملامحها اللي كآنت مشدوده مع العصبيه والقهر 
 كدا لآآنت 
 وهيا تطالع فيه بصدمه 
 دمعتها نزلت على خدها بكل صمــت !
ابوها دا !!!
عندها ام وحيشتري سكوتها بدا الموضوع ..ّّ!
لا لا مايبى يشتري هوا قاعد يجبرها تسكت ..!
جميل ولــع : انتا بعقللك ياجااسم دي بنتتك ددييي بنتك ياااشيخ ارحمها 
 جاسم طالع فيـه وقال بكل حقــد: في اللحظه اللي خليتهم يرموني بالسجن وانتا تتفرج عليا ماسار يربطني اي شي فيك ولا ف دول الاتنين 
 جميـل باانفعال: انتا كننت تتاجر باأطفااال انتا كنت تتاجر بننتك 
 جميل اشر عليها : وشوفها قدامك بصحه وعافيه ومافيها شي _ طالع فيها _ انا نقصت عليكي بحاجه .؟ انا ماعاملتك غير عن البنات ؟
 روآن بعالم تاني بعالم انو عندها ام قالت بصوت راخي وعينها مثبته عليه : لو ماتباني اتكلم ماحتكلم بس قولي فينهجاسم طالع ف جميـل وضحك : شوفت اعرف اتعامل معاها 
 جميل : سميه سيبيكي من دا الكلام 
 جاسم بنفس الوقت يهرج : اخصريكي امك ماحتقدري تشوفيها الا لو انا اديتك اسمها 
 جميل : حتتكلم غصبا عننك ياجاسم 
 جاسم بكل تهديـد: لو قعدت يوم تاني هنآ والله حتعيشي طول عمرك كدآ حتعيشي طول عمرك من غيير ام ومن غير حياه عدله 

 ف نفــس الغرفــه 
 جالس على الكـرسي ساند اكوآعه على فخده مخلل يده بشـعره وشادد على شعره عشان يخفف رجفة يده وصداع راسه 

 سامع حوآراتهم 
 سامعهم يتكلمو 
 كيف يتكلم مع روآن بكل وسـآخه 
 بكككل وساخه وماتخيل في يوم انو ممكن ابوه يكون كدا
 دي بنته واتكلم معاها كدا اجل هديـل كيف كآن يكلمها 
 حور حور اللي قتلها ايش سوا ابوه فيـه لدرجه انو يبا ينتقم منو بدا الشكل
 هديل كيف وهيا اعقل وحده شافها رمت نفسها قدام سيارته وكآنت احتمال كبير تقتل نفسها قبل لاتقتله ..دوبه استوعب دا الموضوع دوبو استوعب انو هوا كآنت ردة فعلو انو بعد عن الطريــق
 وسرلو الحادث يعني هيا ماوصلت لدا الجنان الا لسبب ..! ابوه ايش سوالها ,,,!!!!!!
سامع كلامهم وبنفس الوقت يفكر 
 شي يفجر الراااس 
 بدأ يحرك رجوله الاتنيـن بســرعه 
 وقفت رجولــه لما سمعو يهدد روآن باأمها 
 ماتحرك 
 ماتحـرك 
 مايبى يقوم يضربـه 
 خايف مايسيبو 
 حاسس بحريقـه جوته بحريقـه وبس ...
ماقدر يستحمل 
 صوت روان المكسور وصوت ابوه اللي مافيه اي رحمـه 
 شي مو راضي يدخل عقلـه اللي بيسمعه 
 وكأنه شايف شخصيه جديده لأبوه عمرو ماشافها 
 سند ظهره على الكرسي بشويش ودموعه كلها بعينه 
 جميل وجاسم بيتضاربو وروان زي المسكينه بينهم 
 تطالع فيـهم 
 مصدومه 
 مفجوعه 
 مو قويـه مرا مو قويـه
 طفلـه مو عارفه ايش يكون موقفها 
" لو قعدت يوم تاني هنآ والله حتعيشي طول عمرك كدآ حتعيشي طول عمرك من غيير ام ومن غير حياه عدله "
الجمله حرقتتتلو قلبو ف لحظه وباأقل من الثانيه 
 وقــف واتوجه بجنااان له 
 مو ندمان انو ضربو اول ومو ندمان لأنو حيضربو مرا تانيه 
 بس دي المرا مايبى يفكو 
 مسكو ورماااه بالارض مسك الحديده اللي بين الكلبشات ورفعها على رقبة جاسم 
 وصاار يخنقو 
 مجنــون ..؟؟؟
 ايوا وصـل للجنآن بدي الحركه 
 جمميل صــرخ : بشاااااار 
 بيحاوول يبعدوو وبشار ولااتزحزح : سيبوو حتموتووو
 جاسم وجهه حمـر وعينه موسعها مراا وفاتح فمه وهوا يحاول ياخد انفاسه
 بشااار يصررخ ودموعه بعييينه وجهه باين القههر باين الجنان باين انو واحد منهاار : انااا ابااه يمووت ااناا اااباا يموت 

 روآن واقفه وكآنها كلمة حموتك فوقتها 
 لو مآت ماحتعرف مين امها ..؟!
ماتباه يموت ولأو مرا ماتبا جاسم يمووت 
 شايفه جميل يحاول يسحب بشار بس مو قادر عليه 
 روان على طوول راحتلله ومن الناحيه التانيه تسحب بشار من بلووزته وتترجااه : سيبوووو الله يخليك 
 فين قوتها ..؟
 اختفت فجأه 
 بدأ وجه جاسم يزرق 
 بدأ يشووف الموت بعيييينه 
 بدأت اياديه ورجووله تتشنننج وهوا يحاول ولو هوى بسيط يدخل بس مو قاددر 
 جممميل بســرعه رااح فتح الباب ينادي اي شرطي قريب منو يسحب بشاار 
 لحظه جنونيــه جميل اللي ينادي بكل صوتـته 
 روآن وهيا تمسك بشاار من بلوزتـه وتترجاه انو يسيبوو 
 وبشار اللي دموعه تنزل وهوا يشوف ابوه حيموت على يده 
 وجاسم اللي قاعد يمر فيه المووت بشووووويش 
 البني آدم ضعيــف 
 ضعيف عند الموت 
 جااسم الشديد سارت دموعه بعينه خاايف خاايف 
 يبا هوى بسيط 
 يطالع بولده اللي اتحول لمجنوون بسببه 
 زي الاطفال اللي رباهم ساروو وحووش ووصلهم للقتل
 واليوم ولدو سار زيـهم 
 روان تسحبو بكل قوووتها وهيا تحس جاسم خلاص حيموت : بشاااار خلاااص الله يخليك الله يخليك 
 تدفو تدفففو 
 ليننن فجأه ماجو اتنين ومسكو بشااار ورموه بالارض 
 كآن بيقوم الا ثبتووه وماسكينو من اكتــآفه سااار يصرخ 
 نقلت عينها بسرعه لجاسم اللي مسك رقبتـه وياخد نفسه بصعووبـه 
 جميل قلهم يخرجووه بســرعه 
 رفعو جااسم اللي لسى ياخد نفسه بطريقـه تفجع ماقفل فمه وعينه لساتها على نفس الصدمه 
 ماقدر يمشي ينسحب سحححب 
 جميل صرخ على الشرطين : سيبوووه خلاااص واطلعععو 
 طالعو في جميـل محد يقدر يكسر كلمته 
 بس دا كآن حيقتل واحد !!!!
كدا حيسيبووه 
 وقفو على طووول وخرجو وقفلو الباب ...
مسدووح على ظهرو ووجهه محممر يتنفس بسرعه بسرعه ودموعه تنزززل 
 ايش كآن قاعد يسوي مايدري
 كدا فجأه استوعب اللي سواه وسار مو قادر يقوم حتى 
 جميل عينه تتنقــل على الاتنين المنهارين 
 للمرا المليون يحرقلها قلبها جاسم وماتخرج اللي بنفسها 
 للمرا المليون جاسم يعرف كيف يكسر راسها 
 ليشش كدا يعاملها ايش سووتله عشان كدا يتكلم معاها 
 دموعها تنززل تنززل وبس 
 مشيت خطوتين باتجاه بشار ونزلت على ركبها قالت باإنهيار : ٌقووم
 عارفه انو اتجن بسبب كلام جاسم عارفه انو انحرق عليها من كلام جااسم 
 ماعندها غيرو 
 خلاص ضعيفه وماعندها غير بشار
 مرر ذراعه بسرعه على عينه وهوا يمسح دموعه 
 رفع جسمو وجلس .. لسى رجوله ممدوده .. وجالس بكل ضعف 
 دوبو بيقوم دوبو بيسند يدو على الارض عشان يوقف الا هيا حضنته وبكككيت 
 قالت بككل تعب وصوتها يتقطع : قـوولي ايـ ايش اسسوي 
 عرفت انه ماعندها غير اخوها 
 مو قادره تنطق الكلمه بس خلاص حاستها 
 رمت نفسها بحضنه وهيا مو قادره تتحمل اكتر 
 اما هوآ ماتحرك 
 يحط اللوم على نفسـه 
 كل ماأبوه سوا لأحد حاجه يحس انو هوا الملام 
 جسمها يتنافض وتبكي بصوتها 
 تبا احد يساعدها ماتبى تفكر 
 تعبت تعبت وهيا تشيل كل شي فوق راسها
 كلام جاسم نظرته قوته وهوا مو ندمان على اي لحظه عذبها فيها 
 دمرتها بجد 
 رفع يده بتردد على ظهرها : حتسجنيه وبس
 روان تبكي وتهرج: مابى لو سجنتو _ وماقدرت تكمل لأنها بتاخد شهقاتها ووراا بعض _
بشار : سيبي موضوع اامك عليا _ طالع في جميل اللي يبكي_ 
جميل على منصبه بس انسان قلبه ضعيــف 
 مو قادر يستوعب دول الاتنين ايش يمرو 
 مو قادر يستوعب اخوه 
 اتجنن لما شاف انو واقف قدام روان ويتكلم معااها بديك الطريقه 
 كيف ممكن اب يسوي كدا ببنتـه 
 ليش الحقـد دا .؟!
بشار وقـف ومسكها من يدها وقومها طالع فيها وهوا يضغط على كلامه : كل كلمه قالها ليكي انسيها 
 كدا يتكــلم بهدوء وكأنه دوبو ماكآن بمرحله مجنونه 
 وكأنه حس انو عندو مسئوليه ووحده منهاره ولازم هوا يمسك نفسو 
 ندمان على اللي سواه ف ابوه .؟ مايدري بس عارف انو كآنت لحظه مجنونه 
 ورجع كبت الانفجار جوته ..عارف انو مسأله وقت وحيطلع انفجاره بحاجه بس حاليا كابته
 جميـل يطالع في بشار على قد مو حزنان عليه على قد ماسار خايف منو ومو مطمن يسيبو لوحدو 

 تسمع تعليقات بشـآر ..
خلاص 
 حتسجنيـه وتبردي قلبك اي شي تاني عليا انا 

 للحظـه سارت تفـكر " فين امها ..؟ " " ايش المبرر اللي حيكون عندها عشان ترميها طول دا العمر " 
دوبها استوعبت كلام بشار لما اداها رايو بهديل وكيف تروح تدور على امها وامها سابتها ..!!
لين متى حتعيش هيا بين ام وأب ماهمهم الا نفــسهم 
 هديل ضيعت عمرها وهيا تدور على امها وطلعت في النهايه وحده غريبــه ووراها هرجه 
 جاسم وســخ 
 اممها ايش حتكون ..؟
 تبكي ودا اللي تفكر فيـه 
 قلبها يوجعها ودوبها استوعبت انو ماتبى امها 
 حتسجن جااسم حتسجنو وتبرد قلبــها 
 طالعت في بشـآر وهيا تمسح دموعها ... شافت جميــل خرج : دقيقه 
 وخرجت على طول وراااه جات لعنده وهيا شايفه الكل بيطالع فيها بس ماهمها 
 اغلبهم رجال بس برضو ماهمها : اااصبر 
 جميل دار عليها ووقف مشي : ابا اشوف جاسم 
 جميل انصدم : ياابنتي ارتا
 روان بااصرار : الله يخليك دقيقتين وحمشي من هنـآ ومابى اشوفو تاني 
 جميل خلاص هوا قلبه يوجعه : استهدي بلله وخليها ليوم تاني 
 حطت يدها على صدرها وبترجي اتكلمت بصوت مكسور بعيون مليانه دموع : اخر طلب والله لاتخليني اروح وانا قلبي محروق كدا 
 قهرتـه بكلمتها 
 بلع ريقــه وهوا يمسك نفسـه قال بضعف وبكل تردد: طيب 
 نادى واحد وخلاه يوقف عند بشار والتاني حيجيب جـآسم لمكتبـه 
.... 
في المكتب ولا رضيت تجلـس 
 واقفه وحتقول اللي عندها وتمشي ماتبى تخرج من غير ماتقول دا الكلام 
 حتى لو تافه تبا تقوله 
 حتى لو كان جاسم ماحيهمه بس تبا تقولــه 
 وانفتح الباب للمره التانيه 
 ودخل جاسم للمره التـآنيه 
 بس دي المره تعبــآن رقبتـه كلها اثار الحديد 
 يمشي بالقووه ومافيه حيل ينطق باأي كلمـه حتى ...
يجرجروه من مكآن لمكآن بطريقه تذله وبـس 
 اول ماسابوه اول ماخرجو وسابوها لوحدها مع جميل وجاسم 
 جات لعنده 
 عارفين لمما تصطنعي القوه وقلبك شويا ويوقف من الخوف
 جسمك يتناافض 
 الصوت القووي بس من جووا مكسووور 
 كلامك يخرج من غير تفكككير 
 كلامك يخرج تلقائي مع الحقد مع القهر مع الغبنه والظلم 
 بديك الملامح المشدوده وانتي تعني كل كلمه تنطقيـها 
 دا كآن وضعها ... كآن وضعها بتفصيــل 
 وقفت قدامه واتكلمت بدون ماتترد : عااارف سار عندي فضول اخرجك من السجن _ رفعت صباعها وضيقت على عينها _ لسبب واحد .. عشان حتى ولدك ماحيرحمك اذا انا سبتك ف حالك ولدك ماحيسيبك _ ضحكت بجنون _ رعب صح ..؟ بنتك وولدك يبو يقتلوك.! تتوقع لو خرجت حنسيبك تعيش ...؟ حنطلعلك من كل مكـآن والله ماحتقدر تنام الليل والله ماحخليك تحط راسك على المخده مرتااح حتى ف احلامك حجيك حتى وانتا بشارع حخليك تطالع حووليك 
 جاسم ابتسم بين تعبه وكآن حيعلق 
 الا روان ضحكت بين دموعها : لاتبتسم عارفه انك مرعووب وخايف من ولدك ولا مآكآن بيت زي الكلب لما خنقك 
 جااااسم وجمميل يطالعو فيها مفجوووعين 
 جاسم : طلعللل
 روان قاطعته لما صرخت بصووت عالي : مننني جايه اسمع شي منك ...حط ف بااالك شي اذا بشار هجم عليك بدون تفكير انا فكرت الف مرا كيف ممكن اقتلك _ قربت منو وهيا موسعه عينها ووتتكلم بكل حقدد _ خليك في السجن تعفن ارحملك من خروجك ولو على زوجتك اللي بتقول عنها امي والله مو محتاجتها ولا تقدر تلوي ذراعي بدي الجملــه 
_ نقلت عدسة عينها على جميـل _ لما تبوني اشهد عليه نادوني 
 مشيت من جمــب جاسم اللي ماقدر يتكلم 
 كآن دايـخ من قلة الاكسجين 
 كآن تعبـآن 
 بس نظرتها فجعتـه 
 عمرو ماشافها كدا
 انصدم فيهم انهم سجنوه 
 انصدم انو بشار ضربه يوم العزا بس قال كآن مصدوم وقتها 
 ماتوقع انه يخنقه ويطالع فيييه ويشوف انو ابوه بيلفظ انفاسه الاخيره وبرضو ماسابو
 وروان اللي كآنت اياديها ورا ظهرها وراسها مرخي من يوم ماعرفها 
 اليوم ولأول مرا يشوفها بدا الشكل 
 شالت قناع الخوف اللي تلبسو كل بنت رباها 
 واللي لبسو كل ولد عاش مع جاسم 
 اتعدت الخط اللي عمرو محد اتعداه ومشيت من قدامه بكل بســآطه ..
قاعد يندمر يندمممممر ومو جاسم اللي كآن يتوفع نهايته كدا 
 لسى لسى فيه امل فيـــه امل ومحد يقدر ينقذه غير جلال ..
مو جاسم اللي حيعيش دي الحياه اللي كلها ذل 
 مستحيل يرضا بدي الحيـآه


 خرجت تدور على بشــآر ...انفاسها سريعه ودموع الحقـد بعينها ... 
تمشي وتصدم بدا وبدا مو مركزه بطريقها 
 بس مافيها قوى تتضارب مع احد 
 رجعت للغرفـه لقتو جالس على الكرسي
 جالس ويطالع بسرحان وبعشوائيـه
 رفعت يدها تمسح دموعها المتجمعه 
 ايش الحآل دا اللي همآ فيه ..؟!!!
مكسوورين ومهما سوو مو قادرين يرتاحو 

 دخلت بخطوات تقيـله لين ماوصلت عنده 
 قالت بصوت مخنوق : انا ماشيه 
 رفع راسه بشويش وطالع فيها ...وقف : يلا 
 مشيـو الاتنين ... بدون محد يهرج .. عيون الكل عليهم 
 بس ولا مهتيــن .. ركبو السياره وحــرك 
 طول الطريـق على نفس المود 
 على نفس الهدوء والصمت 
 ومع سـرحآنه مافكر الا وهوآ واقف عند بيته ... 
ولاركزت هيا في الطريق مو عوآيدها ماتركز 
 لما طفى السياره طالعت فيه وبالبيت : ابا ارجع بيتي 
 بشار سكت لحظه وبعدها قال : خليكي هنى وبكرا ارجعي 
 تبا تقعد لوحدها 
 وحتى هوا يبا يقعد لوحدو 
 بس بيفكرو ف بعض بنفس الوقت 
 مايباها تقعد لوحدها 
 وهيا ماتباه يقعد لوحدو .. 
حطت يدها على الباب : ماحنام هنا اخر الليل حمشي 
 ماعارضها ... 


بعــد 14 سنـه من الصراع ..بعد الضرب والاهانه والذل اللي شافتـه 
 لسى مالحقت يكملها يوم كآمل مبسوطه مالحقت تنبسط باأمها اللي قدآمها 
 جالسه جمبها وتطالع فيها بخووف تبا اللي فهمتو غلط 
 تبا تقولها انا امزح معاكي 
 بعد ماسحبت يدها من امها ضحكت بخوف : ماما تمزحي صح
 ام هديل طالعت في البنات : قفلللو الاغاني واطلعو شووويا 
 كآنو حيقولو لا ونبا ننبسط بس اول ماشافو ملامحها محد يقدر يعلق
 على طول وحده منهم سحبت جوالها من سلك الاوكس وانطفت الاغاني وخرجو وقفلو الباب رواهم 
 هديل ردة فعل امها قاعده تثبتلها انا بتهرج من جد
 بس برضو كآنت تطالع في البنات ومستنيتهم يخرجو 
 تبا مبرر
 تبا تسمع 
 امها دي 
 ام هديل مسكت يد بنتها وتهرج بهدووء : ايش اللي مو عاجبك بالموضوع 
 هديل بدأت دقات قلبها تزيـد : ماما ايش بك 
 ماعرفت ايش تقول 
 ام هديل ضغطت على يدها : يابتي انا كبرت على دا الشي 
 هديل على طول سحبت يدها : انتي ايش تشتغلي بزبط 
 بدأت تشوف انو هديل مرا مصدومه ماحتتقبل الموضوع 
 فاستخدمت سلاحها اللي تستخدمو مع الكل في دي المواقف 
 مع انها قويـه امها بس تعرف انو بعض المواقف الدموع اللي حتفيد 
 وضحتلها جزء من الحقيقه 
 اتكلمت بكل ضعف : هديل انا شردت من بيت اهلي وانا صغيره بسبب ضرب زوج امي عشت حياه صعبه اتزوجت ابوكي وهوا اللي دخلني دي السكه لما اتوفى ماعرفت كيف اصرف عليكي الا بدي الطريقه 
 دا الشي الوحيد اللي كآن يجبلي دخل كويس لين ماشافوكي مرا _ سارت دموعها تنزل _ ووبدأو يقولولي كم سنه وبنتك حتكمل مشوارك ماكنت اباكي تدخلي لدا العالم بعدتك وقلي شخص اعرفو انو ادديكي لواحد اسمو جاسم وحيهتم فيـكي بدون مافكر سويت اللي قالو _ مسحت دموعها _ مستوعبه قد ايش تعبت بس عشان احميكي من يوم انو تنضربي ولا تتهاني ولاتكوني عبده عند واحد عشت بدا الوجع جوتي بس دحين انا ملزومه اعيش طول عمري كدا عشان اسدد الفلوس اللي عليا _ مسكت يد هديل _ انا حميتك وبعدتك عن دا العالم وجا اليوم اللي ترديلي الموضوع عشان نخرج مع بعض منو عشان نعيش حايه نظيفه
 الكلام مو منطقي 
 في تنااقض 
 تناااقض كبير 
 تطالع هديل مصدومه دموعها لسى مانزلت في البدايه اتأثرت 
 مرا اتأثرت 
 بس بعدها انقهرت لأنو كآن فيه مية حل تسويه وماترميها عند جاسم 
 جاسم للي اصلا ماشافت منو غير الضرب والاهانه وكآنت عبده عندو 
 وف الاخير صدمتها تااني حمتها يعني بطفولتها ودحين راجعه تباها تسوي نفس الشي !!!
جسمها يتننننافض 
 قالت بصوت متقطع : ماما _ ونزلت دموعها ماعرفت ايش تقول للمرا التانيه _ 
الكلام ضايع تطالع بعين مشتته 
 بنظرات مصدومه 
 عندها تنضرب وتتهان ولا تسوي اللي امها تباه 
 ام هديل قربت وحضنتها :لاتبكي الله يخليكي يرضيكي اتعذب بحياتي انا تعبت يااهديل اوقفي جمبي شويا 
 هديل تسمع كلام امها وتبــكي 
 ويزيد بكاها كل ماتحس انو من جد الموضوع اللي بيسير
 هديل بعدت عن حضنها ومسحت دموعها : تعالي معايا طيب سيبي كل شي وتعالي 
 ام هديل بصدمه : لا ماقدر والله يجيبني 
 هديل تهرج بخوف وبكى : عادي عادي انا شردت من جاسم وكنت عارفه انو ممكن يمسكني ف يوم واهو دحين مسجون مافي شي بعيد عن ربنا سيبي دي المواضيع كلها سيبيها وتعالي معايا 
 ام هديل : بقولك ماقدر انا بيني وبينو عقود واوراق انا موقعه على ورقه وباقيلي اشتغل عندهم ثلاث سنوات انتي تقدري تشتغلي بدالي 
 هديل اشرت براسها : لا لا ماما انا ماحسوي دي الحاجات مستحيل 
 ام هديل دموعها نزلت وتطالع فيها بقهر: اجل سيبيني في العالم اللي انا فيه 
 هديل للحظه اختفى صوت بكاها 
 تطالع ف امها 
 ماتبى تسيبها 
 ماصدقت تلقاها 
 ام هديل وقفت واشرتلها على الباب : خلاص امشي امشي من هناا 
 لو روان يمكن كآن مشيت كآن قالت رجعتني عشان اخرجها من اللي هيا فيـه 
 بس دي هديـل 
 وقفت وجات لعند امها ودموعها تنزل ووجهها محمر : مابى اسيبك 
 ام هديل : اجل ايش تبي مني 
 هديل اشرت على نفسها : اباكي تجي معايا وتسيبي كل شي 
 ام هديل : قلتلك ماحجي _ رفعت يدها وتمسح دموعها _ اتعشمت فيكي انو اقدر ارجع اعيش معاكي بس انتي ماتبي 
 هديل بردة فعل سريعه : انا اباكي والله اباكي بس مابى اسوي اللي طلبتيه ماقدر اسويه فيه مية حل تاني 
 ام هديل : وانا ماحعيش طول عمري وانا اشرد وخايفه من اللي حوليا 
 هديل : اجل تبيني ادخل ديك الاماكن عشان ترتاحي عشان تعيشي مبسوطه 
 ام هديل : خلاص قلتلك اذا ماتبيني امشي ..امشي وحعيش طول عمري بدا الذل 
 تلوي ذراعها 
 اسلوب حقيــر 
 بعد مابنتها جاتها تقولها دحين امشي 
 بعد مادتها جزء بسيط من حنانها جات تبعد وتخيرها بين حاجتين 
 هديل بخوف : طيب ماما مين الرجال دا انا ابا اكلمو 
 ام هديل عقدت حوآجبها : تكلميه ف ايششش 
 هديل : خليني اشوفو وانا اتفاهم معاه اي شي يطلبو انا راضيه اسويه غير دا الموضوع 
 كآنت حتقولها بطلي جنان 
 كآنت حتـرفض بس اذا دا الشي اللي حليخليها تدخل داك المكآن فماحتقول لا 
 زي ماقدرت تبيع بنتها لرجال ماتعرفو عشان كم فلـس ... 
حتسـوي اي شي فيها عشـآن مصلحه نفسها ...
امها سكتت للحظـآت وبعدها قالت : بعد ساعه البنات حيروحو للدوآم اتجهزي 
 وخرجت من الغرفه وسابتها 
 سابتها وباين انها زعلانه منهآ
 هديل جلست على الكنبه وهيا تبا تستوعب 
 ايش وظيفه امها 
 دموعها تنزل وتخرج شهقاتها بقهرر 
 مهي عارفه تبكي على ايش 
 صدمتها ف امها 
 ولا لأنو تباها تشتغل معاها 
 ولا لأنو مو مسامحتها على ال 14 سنه اللي ضاعت عشان سبب مارضي يدخل عقلها 
 كل شي اتللم على بعضه 
 بس فوق دااا كلو 
 تباها
 تعبت وتبا حضن امها اللي انحرمت منو ...
انتبهت للجوال مسكتو واتصلت بدون تفكير على روان 
 تبا تسمع صوتها 
 نفسها تقولها صح كلامك 
 نفسها تقولها كل اللي سويته عشانها ف النهايه سابتني عشان كلام فاضي 
 لو انها ام من جد تقتل نفسها وهيا تحمي بنتها ولا تبيعها .. 
اول ماردت روان وصلها صوت بكى هديـل : رووان .... _ ماعرفت ايش تقولها ماتبى تقولها عارفه روان مجنونه عارفه انو مممكن تجي وتسحبها من المكان بكبرو _ وحشتيني 

_____________________
الموسيقى الكلاسك المنتشره في الاجواء من عـآزف البيانو 
 اللي ف منتصـف المكآن بيعزف وناسي كل شي حولـه 
 الطاولات المرتفعه القزازيـه موزعه على العشـب الاخضـربشكل مرتب وحوليـن كل طآوله 
 مجموعه واقفين ويتكلمو البنات بفساتينهم الانيقه والرجال ببدلهم الكلاسيكيه وحتى الاطفال بدلهم اللي سابقه سنهم 
 ومقيده حريتهم 
 الخدم بالزي الموحد المرتب بيدورو ف المكـآن باأنواع الضيافه والحلا والمشروبآت ...

بعيــد عن آجوائهم بشويـه ..
يطـآلع في سـآمي وقـآسم ومو قادر يتحرك اي حـركه 
 كل شي اتوقف بعيـنه 
 حريقه جوتــه 
 ندم انو جـآ 
 عينه مثبته بس عليهم وياخد انفـآسه بحقد بكره بقهههر 
 لين ماندتو بصوتها الرايـق : تآمر
 دار جسمه وهيا ابتسمت لابسـه فستان اسود طويـل 
 فاتحه شعرها الاشقـر والمكيـآج اللي مبين جمالها اكتـر
 كآنت مستنيه تشوف بعينه النظره اللي شافتها على اي واحد طالع فيها 
 بس باين انو مو معاها باين انو مشتت 
 وفوق دا كلو هيا اللي متجننه عليه بشكلو بالبدله الرسميه 
 قلبها يددق بطريقه مجنونه مستنيتو يتكلم بس ولاهرج : تامر !
تامر بتشتت ابتسم : ايوا معليش اتاخرت 
 سلمى : لا عادي .. تعال معايا 
 مشيت جمبـو واتعدتـو وهوا مشي وراها وعارف انها بتوديـه لقاسم 
 وصلـو لعند المسبـح وحوليـنه الطاولات المرتفعه قاسم واقف مع وسامي وواحد مايعرفو تـآمر
 سلمى وصلت لعندهم وتـآمر وقف 
 حاول مايطالع ف سـآمي 
 حاول ماتجي عينه عليـه 
 بس سـآمي مرا انفجع لما شاف تامر 
 كآن مستني من اول مين اللي من خيلانه حيشوفو 
 ماتوقع تـآمر 
 مو عارف ليش مابيطالع فيـه 
 كأنه مو موجود 
 بس سامي مو قادر ينزل عينه 
 قـآسم ابتسم اول ماشافه له 6 شهور مايتقابل هوا وتـآمر ..: هلااا كيفك 
 كأنه مو مسوي شي لهم 
 كأنه مو هوا اللي سجن اخته 
 مو هوا اللي خلى اخته التانيه تتعذب
 وامه تعبت نفسيا 
 واخوه ماسارو يعرفوه من عصبيته 
 وكأنه ماأخد روح اخته لما سحب ولدها منها 
 مبتسم ديك الابتسامه وتامر يحس باألف غصه
 عارفين لما تكبتو الف شعور 
 صرخه لحظه تبا تخرج اللي بنفسك 
 تبا تضرب الشخص اللي قبالك 
 تبا تطلع قهر السنين اللي انحرمتو مننها 
 مرتاحين البال 
 زي اي عيله طبيعيه 
 هنـآ القــوه لما اترسمت على وجه تامر ابتسامه 
 رغم كل شي جوتـه 
 لما مد يدو والف حاجه تسحبو انو يطلع من دا المكـآن
 لما نطق بكلمات كآنت تخرج منـو ويحس حاجه تطعنه ف صدره : اخيرا شوفتك 
 قاسم : والله مع الشغل _ طالع في سامي وابتسم حوط يدو على كتفه وقربـه منو وبفخر يهرج _ اعرفك على ولدي سامي 
 طالع في سامي : دا تامر 
 مو خالك تامر 
 لا تــآمر 
 سامي كآن حيقول ايوا اعرفو 
 كآن حينطق الا تامر مد يدو : اهلين _ نقل عينو على قاسم قبل لايمد سامي _ اول مرا اعرف انو عندك ولد بدا العمر 
 سامي فجأه الكلام ضاع منو انكتتتم واضطر يمد يدو بدون اي تعليــق 
 قاسم : ههههههه عارف انا بزورتي ماحب احد يشوفهم بس ولدي سار رجال وحابب اعرف الكل عليه 
 تامر طالع ف سامي ورجع نقل عينه على قاسم : الله يحفظلك هوا 
 سامي ولا اي ابتسامه 
 باين انو مو طبيعي 
 باين فيـه شي 
 ليش خاله سوا نفسه مايعرفو ..؟!
راسه الصغير مايقدر يحلل ويستوعب الموضوع كل اللي سواه انو يسكت وخلاص
 انو يحاول يتكلم معاه لوحدو بعيد عن عيون الكل 
 وتامر ماقدر يتكلم مع قاسم اكتـر دخل يده بجيبه وصرف نفسه وهوا يتعلت بكالمه ضروريه 
 بعد لطاوله لوحده واقف قبـآلها ويجيه احد الرجال بالبدليه الرسميه وبيقدم العصيـرات 
 اخدلو كآسه يبا يبرد على قلبه 
 وعينه على جواله وهوا يفكر كيف ممكن يكلم سـآمي
 طالع ف سلمى اللي واقفه بطاوله مع ثلاث بنات
 وباين انها بتتكلم عنو 
 كيف حيقدر يشغلها دي 
 المكـآن بدأ يتملى 
 كلهم رجآل مناصبـهم عاليـه مع زوجـآتهم اللي لبسها وطقم الذهب والألماس يعبر عن منصب زوجها
 شايف سلمى بدأت تنشغل عنو وسـآمي عايش بعالم ويتسحب مع ابوه بكل مكـآن بنفس الملامح 
 لين ماحس انو دي الفرصه قاسم انشغل 
 مشي 
 مشي بخطوآت هاديـه 
 وعينه تتنقل بين سلمى وقاسم 
 لين ماوصل لسامي وماوقف مشي بس رمالو الجمله : تعال ولاتخلي احد ينتبه 
 ورآآح 
 سامي انصدم 
 قلبه طآح 
 خاايف
 انفاسه سريعه بشكل واضح 
 اول ماختفى تامر دقيقه وراح وراه ... 
راح لمواقف السيارات ويطالع يمين ويسار ومو ملاقيـه 
 لين ماسمع صوت طالع يمين 
 تامر : تعاال 
 دوبو دخــل سامي له كآن تامر حيهرج الا سامي حضنه وبـكي 
 مايدري ليش شاف امه 
 سار يبكي و مو عارف اذا دا مع قاسم ولا لا بس يبا يحضنه 
 مايدري اذا دا يكره امه و لا لا بس يبا يحضنه لأنو اخو امـه وبس 
 الرجال اللي تامر ككآن يقول عنو ومنبهر فيه لما قابله ساير يبكي 
 بطططفوله 
 ساير يبكي وباين انو بيعاني مو بس ترف اللي بتعاني 
 ياألله لوووو ترف عرفت بحالته حتتجنن 
 ماحيبقى فيها عقــل 
 تامر حط يدو على ظهره :ايش بك 
 سامي ببكى وجسمه كلو يتنافض : خرجني من هنا ابا ارجع لماما 
 ماتوقع ماتووووقع انو حابس سامي
 كآن جايب سامي وحاتط ف راسه انو احتمال ينفضح 
 بس بيلعب بعقله عشان يسكت 
 كآن لسى يبا يسوي فلم عليه بس انهى كل شي سامي بكلامه 
 تامر بعدو وطالع فيه قال بقهر وهوا يسئله : ايش بيسويلك .؟!!!
سامي ودموعه تنزل: ضربني ومو مخليني اشوف ماما ولاأخرج ولا اتواصل مع احد 
 تامر كل شي كآن يخططلو اتبخخخر 
 يطالع في سـآمي ومصدوم لحظه كدا وهوا يبا يستوعب وبعدها قال بهدوء 
 بس بيتكي على كل كلمه : اباك ترجع و
 سامي قاطعه بسرعه : لا لا ابا اخرج خرجني الله يخليك 
 تامر بصرامه : اسسسمعني وركز _ حوط يده الاتنين وهوا يصثبت وجه سامي ومخليه يطالع فيه _ كل كلمه حقولك هيا تسويها بدون تفكير 
 سامي دموعه بس تنزل وهوا يطالع ف تامر للحظه سار مو عارف ايش اللي بيسير معاه 
 تامر : اباك تثق فيا زي ماأمك مستنيتني ارجعك لها 
 هنـآ سامي رجع يبـكي تاني 
 وتامممر يباه يهدى : سااامي لاتبكي اديني يومين يومين ووعد قاسم مايقدر بعدها يلمسك ولا يلمسها 
 سامي : ابا امشي دحين 
 تامر : لو مشيت ماحيرحمك لو مشيت من هنآ ترف ماحترتاح طول عمرها فااهمنني اديني يومين طيب ؟
 سامي بخوف : يومين بس ؟ يومين وماحتخليني ارجع تاني هنا طيب ؟ 
 تامر بلع ريقه وهوا ماسك نفسه الام والولد مدمورين وقاسم قاعد يضحك وعايش حياته اشر براسه : يومين وربي يومين 
 سامي اشر براسه رفع يده ويمسح دموعه وقال بصوت يرجف : انتا تشوفها ؟ هيا كويسا .؟
 تارم : لاتخاف عليها انا جالس معاها لين ماترجع انتا 
 رجعت دموعه تنزل وكأنه سيرتها هيا اللي تضيعه بكل مرا 
 تامر خايف احد يجي نفسه يتكلم معاه بس مو قادر : اباك تصرف نفسك من المكـآن انا راجع جوا طيب
 سامي : طيب 
 كآن تامر حيمشي الا سامي مسك يدو وقال : لاتقول لماما انو ضربني 
 تامر طالع فيه وللحظه ماستوعب ليش
 سامي كمل : ماباها تبكي وقولها انا اسف لأني ماسمعت كلامك _ سكت واتذكر ودموعه كلها بعينه _ وماحزعلها لو خلتني ارجعلها تاني 
 صوتــه وهوا يهرج كيف مكسور وفوق اللي بيمر فيـه مايباها تعرف انو هوا بيعاني هنا
 تامر حس انو حيبكي ..دموعه اتجمعت بعينه وقرب منه وحضنه من غير اي كلمه 
 حآآآقد وحيعرف كيف بدي اليومين يدمممر اوم البيـت دا


 شويا وسامي دخل للبيــت وبعد عن عيون الكل وتامر رجع لاإحتفالهم 
 بس دي المرا مانزل عينه عن سلمـى
 وكل ماطالعت فيه ابتسم ويشغل نفسه بالعصيـر ولا باأي شي 
 يعرف يجيب راسها مزبـوط 
 شايفها متوتره مع الناس وتتكلم وهيا تمسك شعرها وتعدله 
 لين ماجات لعنده وابتسمت بكل خجل : ايش بك لوحدك 
 تامر رفعلها حاجبه وعينه بعينها وبس: انتي عارفه انا ليش جاي
 بلعت ريقها وخدودها محمـره ومرتبكه حطت يدها على الطاوله : مو قلتلك حعرفك عـل
 طالع ف يدها وقاطعها : لو مسكت يدك قاسم حيقتلني ؟
 رفعت حوآجبها الاتنين وكأنها مو مصدقه ايش قال !!! : ايش ؟!
تامر قفل الموضوع بالعنيه وهوا يضحك وكأنه مخليته مشتت : ولاشي المهم ايش كنتي تقولي
 ايش كآنت تقول ماتدري 
 ماتفكر غير بالجمله اللي سمعتها 
 تامر مانزل عينه من عليها وهيا رجعت لورى باارتباك : تعال _ اشرت بعشوائيـه _ اعرفك على _ ضربت على جبينها _ ياربي نسيت اسمو ..ايوا ايوا استاذ هاشم 
 مشيت وهوا مشي جمبـها 
 عاجبها احساس نظرات الناس وهما يطالعو فيهم الاتنين 
 مبتسمه غصبا عنها 
 تعشق كل شي فيـه هيبته وشخصيته وملامحه تعشقه ببلاهه 
 تعشقـه ولا حيخطر ف بالهها ولو للحظه انو ممكن يضحك عليها 
 صح مو مصدقه انو اخيرا اداها وجه بعد فتره طوووويله 
 لكن اهم شي اداها وجه 
 عدت دي الحفلـه على سامي وهوا بغرفتـه ونسي للحظه كلام قاسم ووعيده 
 وعلى تـآمر وهوا يكبت الف شعور جوتـه 
 وعلى سلمى ف عــآلم الاحلام وبدأت تبني حياتها الخياليه وفارسها تامر 
 وعلى قـآسم كالعاده فلووس وبس 
 دوبه تامر بيقفل باب السياره ويمشي الا احد مسـك الباب ..

دق جرس بيتها واقف قبال بابها متوتــر 
 متردد 
 بس خلاص يبا يتكلم معاها ورفع عينه اول مانفتح الباب 
 شكلها متغير عن اخر مرا شافها 
 ماقال شي وهيا واقفه وبعدها استوعبت فكت الباب : ادخل 
 دخل البيت بتردد كآن مرا متردد يجي عشان سامي 
 بس تامر قلو عادي روح .. 
جلسو في الصاله المكان الوحيد اللي مخصص للجلوس ف بيتها ..
لحظه صمت وبعدها أتكلم بكل هدوء وبدون مايطالع فيـها باين انو منحرج منها 
 مكسور ومايبى يرفع عينه عليها : اخد الموضوع مني فتره عشان اقدر اجيكي واكلمك كنت مستني اللحظه اللي اقدر اقولك الكلام اللي ممكن يرضيكي بس بعد ماجلست مع تامر عرفت انواحنا ماحنقدر نعوضك عن اللي فات بس نقدر نبدأ معاكي صفحه جديده _ صوتو رجف _ اللي سواه ابويا مخلينا نستحي نطالع فيكي ليا اسبوع ونص وانا اسئل نفسي كيف جالو قلب يسوي كدا ؟ كيف قدر يعيشك كدا .؟ مافي اي سبب يشفعلو اللي سواه ..اسبوع ونص وانا احس اني عايش لوحدي من كتر مافكر وبعدها اقول انتي ايش حسيتي ف اول مرا جبرك ابويا على الكلام !!؟انتي ايش حسيتي لما احنا سبناكي 11 سنه ايش حسيتي لما محد فينا جا فكر يزورك او لما ابويا مات وماقال لأحد فينا ع الموضوع _ وجهه محمر وماسك نفسه بالقوه لايبكي بس برضو ماطالع فيها اشر على قلبه _ وربي اني محروووق لأنو مو قادر ارجع اللي راح محرووق لأني مو قادر اعوضك ومو قادر اسامح نفسي ودا الشي لوحدو مخليني مو قادر اكمل حياتي وكأنو ماسار شي عارف انك ماتبي شي مني بس جيت اقولك انا اسف ولو انو الكلمه ماحتغير ولو احتجتيني ف يوم اعرفي اني حسوي اي شي عشانك 
 تطالع فييه وسارت تفكر ف كلام تامر لما قلها انتي ماتعرفي تميم 
 بجد ماتعررفه عكس تامر صح تامر اول ماعرف الموضوع بكي
 بس من بعدها بيحاول يعوضها وواقف جمبها 
 تميم قاعد يشرد وراخي راسه ومابيطالع فيها وكأنه هوا السبب مو ابوها
 اول كآنت تبا تحرق قلبهم شويا قبل لاتسامحهم 
 بس بعد الليي سرلها مع سامي 
 سايره شايفه كل حاجه صغيره بعينها 
 وكأنه كل شي سار تافه
 ايش حتستفيد لو قهرتهم وهما يبو يرضوها 
 حتبرد حرقة قلبها في السنين اللي راحت 
 ليش تسوي شي ماحيغير بللي فات حاجه 
 ليش تنتقم من نـآس كأنو زي حالها لعبـه ف يد قاسم 
 صح حاطعه للوم بعض اللوم عليهم بس حاليا راح الشي الل يجوتها 
 حرقة قلبها على سامي حاليا طاغي على الف احساس 
 ماتحس انها زعلانه من احد غير من نفسها 
 ماتحس انها حاقده على احد غير من قاسم وليث
: طالع فيا 
 رفع عدسه عينه عليها وترف كملت ودموعها بعينها :انتا قلتها مافي شي حيعوضني عن اللي فات فليش ماتبا تطالع فيها _ سككتت وبعدها قالت _ انا ماسرت اعرف اللوم مين ماسرت اعرف اذا انتو لكم يد بللي سار فيا ولا لا بس لما ارجع افكر مرا تانيه اقول كل الي سرلي خيره وخلاص بدأت افكر كدا بالموضوع عشان لاأتعب نفسيا .. انا ماأكره احد فيكم حاليا . _ رفعت كتفها _ مدري ايش احس من ناحيتكم بس ماكرهكم ..الوحيد اللي مابى اشوفو قدامي ليث ..انا مسامحتكم على اللي سويتوه فيا بس ماسامح احد فيكم لو فكر يقرب من ولدي ويأذيه ولو بكلمــه _ قالت بكل حقـد _ ليث حتى لو عرف الحقيقه دا اخر انسان ابا اشوفو بحياتي 
 تميم بتردد هرج : ايش سوالك 
 ترف رفعت يدها وهيا تمسح الدموع اللي بعينها : ولاشي موضوع قديم
 لحظـه صمت تـآنيه 
 تميم حاسس انو مو قادر يهرج اكتر من الكلام اللي قالو 
 وترف ماسكه نفسها بالقوه لاتبكي 
 رججعت سندت جسمها وقالت عشان لاتفضح نفسها : سمعت انك تبا تخطب
 دوبو نزل عينه وبيشوف الوقت وطالع فيها مصدوم 
 تميم ضاع الكلام منو يعني شايفها بدي الحاله ومو عارف ايش بها ويفتح موضوع 
 انوهوا مبسوط ويبا يكمل حياته عادي : لا مين قلك 
 تر ف: ليش لا سحبت على البنت خلاص
 لو لمـى مستحيل تتكلم بدي الطريقه 
 هيا عادي مو شايفه فيها شي 
 تميم رفع يده على رقبته واتكلم بتوتر : لا لا ماسحبت ..بس شويا سايب الموضوع 
 ترف ماتدري انو اخوانها مرا يستحو : تامر قلي انو بسببي ماخطبتها
 تميم كآن حينكر اصلا منحرج يتكلم معاها بالموضوع : قلت اتكلم معاكي اول 
 ترف انهت الموضوع : كويس وأهو اتكلمنا خلاص 

 دق جوآلها كآن بغرفـه النوم : دقيقه 
 راحت لغرفتـها واول ماشافت تامر اخدت الجوال وردت قبل اي كلمه قال : تميم جمبك ؟
 ترف بااستغراب : لا في الصاله
 تامر : ولا حيسمعك .؟
 ترف اتوجهت للباب وقفلتـه : لا ايش فيه 
 فجأه قلبها طـآح وصلها صـوت سامي : ماامااا
 حطت يدها على فمها ودموعها اتجمعت ف ثوااااني قالت بعدم استيعاب : سااامي 
 سامي يطالع ف تامر ومايبى يبكي يقولها الكلام اللي حفظو هوا : ماما يومين ان شالله وبابا قلي حجيكي خلاص اتفقت معاه اني بعيش معاكي 
 كآنت تمشي بالغرفه بس رجولها ماشالتها جلست على الارض وسارت تبببكي 
 تسمعو يقولها كلام ماتوقعت تسمعوو 
 تبااه يتكلم ماتباه يقفلل مو مصدقه اصلا انو دا ساامي 
 حلــم ..! تحس انها بتحلم وبــس 
 تبكي تبكككي ومو قادره تعلق ولا تقول شي
 تخرج شهقاتها ورا بعض وحاطه جوالها على اذنها قالت مرا تانيه : سااامي 
 سامي سار يبكي معاها : ماما لاتبكي انا اسف
 ترف مازالت تحاول تقول اي حاجه بس مو قادره قللبها يوجعها من قوة البكى والشهقات 
 قلبها يوجعها لأنه مشتااااقتلو بالقوه نطقت بين شهقاتها : انا اللي اسفه ياعمري انا اللي اسفه 
 سامي يمسح دموعه : خلاص الله يخليكي لاتزعلي بس يومين وحجيكي طيب 
 ترف كأنه فجأه سارت اليومين كتتتير : تعال اليوم انتا فينك قولي وانا اجييك 
 سامي بخوف : ماما انا بقفل 
 ترف : لا لا طيب كيف اكلمك 
 تامر اخد الجوال منـو وسامي مشي على طول لما خاف احد يشوفه : ترف 
 ترف بردة فعل سريعه : تتااامر اديني ساامي 
 تامر : ترف أهدي خلاص 
 ترف : فينكم انتو 
 تامر بصوت راخي يهرج : بس ارجع البيت حكلمك خلاص كنت بطمنك عليه اكلمك لما اخرج 
 ماتدري كيــف قفلت بس سارت دموعها تنزل 
 وجسمها يتناافض 
 تحس باألم بقلبـها 
 سندت جسمها على الدولاب وبكيــت 
 بكيت بصوتها 
 ماتوقعت في يوم يسرلها كدا
 ماتوقعت ف يوم انو حلمها بس تسمع صوت ولدها بعد المعاناه اللي عاشتها عشان تاخدو 
 سوت المستحيل 
 كآنت تتعب فكل حاجه حتى خروجها برا البيت شي مرعب بنسبه لها 
 تخاف تروح للبقاله حتى 
 عاشت لحظـآت لدرجه لو احد مسكها بالغلط ف مكان عام تصـرخ و تحسب قاسم لقاها 
 ماتوجهت للحشيش من فرااغ
 كآنت تدور على شي يخليها تنام بدون ماتخاف 
 بدون ماتحلم 
 كآنت باققيلها تكه بسيطه وتحس بالجنون 
 وجات خلوود خرجتها من دا العالم بالحشيش 
 فكل مااتخاف كل ماتبى تشـرد من حاجه تعدل مودها بدي الحاجات 

 جـآلس بصـآله 
 اول ماقفلت الباب خرج جواله من جيبو 
 وفتح محادثته مع واتس كتبلها 
" فينك حبيبي "
ولا دقيقه الا رشا ردت " شي مايخصك "
تميم ابتسم " ايش بها الحلوه زعلانه "
رشا " برضو شي مايخصك "
تميم ضحك بدون صوت وكتب عشان يستفزها " يرضيكي تزعليني "
ورشا على طول انفجرت " لااااا بلله شوف مين اللي جاي يتكلم عن الزعل كم لنا ياتميم اسبوععين على دا الحال !!؟! وكل مرا تتكلم معايا وكأنك مو مسوي شي خلاص سيبني ف حالي ولاعاد تكلمني "
تميم " كنت زعلان عشان نحفتي "
رشا ولعت كتبت " تميم كم مرا اقولك لاتستهبل وقت ماعصب " 
تميم " ههههههههههههههه احبك لما تعصبي "
رشا ابتسمت للجمله ورجعت كشرت مرا تانيه وهيا ماحتتنازل دي المرا " وشكلك حتحبني وانا ممااارد عليكي مع سلامه " 
تميم بالقوه مسك نفسـه مايضحك بصوته
 كآن بيعلق الا عقد حوآجبـه لما سمع صوت غريب 
 وبعدين بدأ يووضح 
 طالع على باب غرفتها ووقف بتردد 
 بتبــكي 
 بتبكي 
 بصووت مو طبيعي !!!
اتوجه على طول للباب 
 مد يدو يدق الباب ورجع نزل 
 مرر يدو على شعرو لنهايه رقبته وهوا مو عارف يفك ولا يدق ولا ينادي عليها .. 
دي مو لمــى 
 حيحط الف خط ف كل مرا حيكون معاها ... 
نادى بتررد وهوا يدق الباب : تررف فيكي شي 
 فجأه اختفى صوتها وسار يسمع بس شهقات خفيفه 
 مرر يدو على جبينه توتر 
 مو عارف ايش يســوي 
 اختـه بس بنفس الوقت مايحقلو يتصرف معاها كاأخت 
 دا هيا اللي تباه 
 دا هيا اللي طلبتو اخر مرا منـه
 مسك كيلون الباب واداها خبر قبل لايفك : ترف حفك الباب طيب ؟!
كآنت بتعلق تبا تهرج بس فك الباب على طول 
 تمرر يدها على وجهها وتمسح دموعها بسرعه 
 تميم واقف مكـآنه وقال ةالكلمات بالقوه خرحت منو : ايش بك ؟
 اشرت براسها بولاشي سندت يدها على الدولاب ووقفت ادتو ظهرها 
 وهيا ترجع تمسح دموعها اللي تنزل 
 مو قادر يتحرك بس بيسئلها من مكـآنه : مين اتصل عليكي ؟
 حتى وهوا يسئلها دا السؤال مستصعب يسئله 
 رجعت طالعت فيـه ووجهها محمر : سامي 
 تميم : ايش فيه 
 ترف : ولاشي زعلان مني وقاعد عند اصحابه 
 دا البكى كلو عشان ولدها عند اصحابه وزعلان !!!
حس انو ماعرف يرد للحظـه وبعدها قال : من جدك 
 ترف مع كلمته بلعت ريقها وهيا تبلع غصتها معاها اشرت براسها 
 تميم : تعالي اجلسي 
 خرجت وهيا ضامه يدها تحت صدرها وجلست على الكنبه 
 تميم جلس وعلى نياته هرج : سيبيه كم يوم لين ميهدى واتكملي معاه 
 ترف : ان شالله 
 سكتت شويا وتميم ضحك 
 رفعت حاجبها : ايش بك 
 تميم :دحين لو رجع ايش حتسوي 
 ترف مافهمت ترفع يدها وتمررها على عينها وتتكلم : ماحسوي شي 
 تميم : ههههههههههه _ بتردد هرج _ مرا عصبت وانا في الجامعه وروحت عند صاحبي ومارضيت اكلم احد ولما رجعت امي مغيره مفتاح البيت قالتلي لو فيك خير وريني كيف حتدخل
 طول عمرها امهم قويـه بس ترف انفجعت وللحظه ابتسمت ف الهم اللي هيا فيـه : تمزح !
تميم : ههههههههه والله امي ربتنا تربيه تفجع ترا كأننا ف معسكر
 ترف : كيف خلتك تدخل البيت !
تميم : ولاشي قعدت يومين عند صاحبي لين تامر مااقنعها وخلتني ارجع 
 ترف : كويس اقتنعت 
 تميم : لكل شي له ضرايب عند امي يعني رضيت صح بس الساعه 4 الفجر تصحيني دايما وتقولي روح المسجد لين مايأذن وارجع ابا ادخل البيت ماتفتحلي الباب لين 6 الصباح قعدت على ددا الحال اسبوع ودا كلو عشان محد يفكر لما يزعل يخرج من البيت 
 امــهم عرفت تربي رجال صح قاسيه صح مجنونه 
 بس قسوتها ف بعض المواضيع كآنت لها نتايج 
 زي ماعندها واحد من اولادها يعصب ويخرج من البيت 
 ماعندها واحد يفكر يرفع صوته عليها 
 ماعندها واحد مايروح للمسجد يصلي كل فرض
 زوجها اتوفى وساب لها اولاد مراهقين بس عرفت تربيـهم بقسوتها 
 ترف لسى مافاقت من صدمه سامي وصوته بس لاشعوريا اتوسعت عينها بصدمه : انتا من جد تهرج ؟

 الشي اللي يجمع ترف باأخوانها ماضيـهم 
 دا الموضوع الوحيد اللي ممكن يتكلمو فيه ومايحسو بنفسهم 
 تسمع وكأنها مشتاقه وهوا يحكي وكأنه يوريها كيف حياتهم من دونها 
 بعـكس 
 بشار وروان اللي يجمعهم 
 مشاكلهم الحـآليه 
 غصب عنهم الاتنين واقفين جمب بعض 
 لأنه مافي احد حيحس فيه اكتر منها 
 ومافي احد حيحس فيها اكتر منه 
 ممكن يلقو شخص يفهموم يقدرو يكونو جمبهم يساعدوهم 
 بس الشخص اللي يذذوق من نفس الكآس دا اكتر انسان حيحس فيك 


 جالسه في الصـآله هيا وبشـآر 
 ساند جسمو وراسه على الكنبه ويطالع في السقـف 
 يتعاد ف راسه وهوا يطالع بشكل جااسم وكيف كآنت عيون تترجاه يسيبو 
 بس ماسابه ..!
للحظه سار مفجوع من نفسـه

 روآن 
 دا الشخص اللي تخـآفه منه اللي يكبت ويفكر 
 مو تخافه منه قصدي تخافو عليـه 
 بدأت تتنازل عن وجود امها 
 فاممكن تجيها لحظه تتنازل عن مبادئها عشان ترتاح 
 كم حتتحمل الاألم اللي جوتها ..؟
 كم حتتحمل احساس انها بدي الحياه نكره ؟!
كم حتتحمل فكره انها عندها ام واب ومايبوها 
 لا لا مو مايبوهاوبس 
 لا اب عندو اطفال غيرهاا بس هيا تحديدا مايباها 
 دي مرا توجع 
 دي النقطه اللي حارقتها 
 لو انها بنته الوحيده ومايباها تقدر تطلعلو اي عذر حتى لو مو مقنع 
 بس انو حنون على وحده وهيا تتعامل معامله وسخه .ّ!
تموت وتعرف ليــش ..!!! ايش سوتلو والله لو كآنت تعرف انه ابوها حتشيلو بعينها 
 ماتبى البيت الكبير اللي هما عايشين فيه ولا تبى الرفاهيه كلها بس كآنت تبا يقولها بنتي
 تطالع بعشوائيـه ودا اللي تفككر فيه حاليا
 جمبها على نفس الوضع 
 ألم موت اخته 
 الم صدمته باأبوه وكيف كآن يكلم روان 
 هديل وايش ممكن شافت من ابوه هديل وكيف كآنت تضحك عليه هديل بحاجات كتتتير واخرهم 
 انه يبا يحضنها دحين ويبكي من القهر 
 وكل شي مكركب جوت راسه ومو عارف يركز بموضوع واحد 

 صوت جوآل روآن خلاهم الاتنين يغيرو جلستهم 
 مرا تستفزو نغمه جوالها العاليه : احرقي جوالك دا
 روان طالعت فيه وشمقت وعلى طول ردت 
 وجاها صوت هديل وهيا تبكككي 
 جسمها كلو صلللب : هددديل ايش بك 
 بشار على طول طالع فيها كدا حس قلبو طاح مع نبرة روان 
 هديـل : وحشتيني 
 روان بعد ماستوعبت الكلمه وقفت وهيا تهرج : هديل بلا بلاهه ايش بك 
 هديل : ولاشي ماشوفتك اليوم قلتيلي حتجي وماجيتي 
 روان ولا كأنها سمعت شي : لاتستهبلي وتنرفزيني ليش بتبكي
 روان تمشي وتهرج وبشار بس يسمع 
 سار يحرك رجله من كتر ماوترته
 الاتنين ف لحظه نسيـو همهم 
 هديل مرا خافت من ردة فعل روان ماتبى تزيد المشاكل : بقولك وحشتيني 
 روان ماقدرت تسكت : هديل ترا انا مخنوقه من البيت اللي انتي فيه 
 هديل دموعها تنزل مكسوفه تقولها على امها مكسوفه تنطق كلامها اصلا 
 قالت كلمه خلتها تبا تبكي : روان انا مع ماما لاتخافي 
 قالتها بقهر وكأنها مو حاسه باأمان 
 اتمنت من زمان تقولها بس لما قالتها كل شي وجعها 
 ماقدرت تطول المكالمه حتفضح نفسـها وتبكي : ماما تباني شويا اكلمك 
 قفلت على طول قفلت لأنو دموعها نزلت 

 في الجهه التانيه رووآن 
 دخلت الجوال ف جيبها 
 تبا تسوعب المكالمه 
 فيها شي غلط 
 ماقالتلها تعالي بس قالتلها ليش ماجيتي 
 قالتلها وحشتيني بس ماأصرت عليها برضو زي ا مس تجي
 متأمده انو شافت شي وماتبى تتكلم 
 رفعت يدها وغطت وجهها وبكيـت بقهر 
 بكيت لأنو كل وحده لقت حاجه كآنت تدور عليها 
 ومو مبسووطين 
 مو مرتاحين ولو جلسو على عمآهم كآن احسنلهم من دي الحياه 
 بشار يطالع فيها وقلبه يدق بسـرعه ولاأتحرك : ايش بها .؟!
مسحت دموعها واتوجهت على طول للباب وهوا قام بســرعه : سمممميه 
 فتحت الباب ومشيت كم خطوه الا مسكها ورجعها : فيين رايحه 
 قفل الباب وروان تأشرلو : بعععد ابا اخرج 
 بشار : قوليلي فين تبي تروحي وانا اوديكي 
 روان سكت للحظات وبعدها قالت بهجووم : مدددري فين ابا اروح مدري ايش ابا اسوي سيبني اخرج 
 بشار واقف عند الباب : ماحتخرجي لوحدك .. ايش بها عهود
 روان جات لعنده وقالت : اسمها هددديل هدددددديل استوووعب خلاص
 نرفزتو مرا بردها عاد سؤال بحقد: ايش بها عهوود
 روان رفعت كتفها : مدددري روح روح اسئلها ..روح قلها ايش بكك _ نزلت دموعها وصرخت بكل صوتها _ الله ياااخد الاأهالي اللي زييهم الله ياااااخد كل ام واب يخلفو بزوره عشان يرموووهم وكأنو ماعندنناا قلب _ اشرت بيدها بعصبيه _ ببببعد ابا اخررج 
 بشار فتحلها الباب وهيا خرجت على طول 
 اتوجهت للمصعد وسارت تضغط ورا بعض ورا بعض ومتنرفزه لأنو اتاخر 
 وفجأه لقتو واقف جمبها طالعت فيه بنرفزه ورفعت صوتها: ااايش تبا 
 بشار : احد كلمك ؟

 واول مانفتح المصعد دخل قبلها طالعت فيه بقهر ودخلت قالت : ماباك تجي معايا 
 ولا رد عليها 
 طالعت فيه : انتتتا سامعني 
 بشار : سامعك 
 استنت تعليق تاني ماعلق دارت راسها لقدام وهيا تتنفس بصوت مسموع واول مانفتح الباب خرجت وصقعت بللي قدامها وكممملت طريقها وكأنه ماسوت شي 
 اما هوا ماشي وراها 
 خرجت من الفندق وهوا راح لسيارته وهديـت حسبتو حيجي وراها 
 جالس يطالع فيها وهيا تمشي حيخليها تخرج اللي بنفسها بس حيكون معاها 
 مو مجنون يسيبها بعد اللي سرلها لوحدها 
 طيب عهود .!؟
 ايش سرلها سار قلبه يحرقه ونفسه يسئل سميه تاني
 حركت سيارته لما شافها بعدت 
 ماوقفتلها سياره كدا تبا تمشي لوحدها ...



جالسه في الصـآله وهيا تشوفهم يتجهزو ملابسهم عاديه بس كل وحده شايله شنطه كبيـره 
 امها طالعت فيها : يلا قومي 
 جسمها كلو يتنـآفض بالقوه وقفت على رجولها 
 بتسوي شي صح ولا غلط ماتدري
 مو متعوده تروح تتفاهم مع احد 
 تبا رووآن 
 خرجت وفي سياره كبيره سودا مستنيتهم 
 منظر السياره لوحدو رعبها الرجال اللي يسوقها شكلو يخوووف 
 ولافتح فمو معاهم ولا حتى ابتسم 
 على انو نحيـف ومو داك الطول بس من ملامحه واضح انو شديد 
 هما البنات الاربعه ولا عليـهم ضحكتهم مستفزه 
 وكأنه متعلمين كلهم انهم يضحكو بدي النبره 
 مكياجهم 
 شعرهم كل شي فيه هديل مو طايقته 
 اما ام هديل تطالع في بنتها كل شـويا 
 مو شايفه انو دا الموضوع فيه شي وحده اتربت من نعموة اظافرها على دي البيئه 
 وحده كبرت على دي الحياه الشي الوحيد اللي تكرهه فيها الذل ف بعض المواقف
 اننو احد يكون ماسك يدها ويتحكم فيها دا اللي تكره ودا اللي اتورطت فيه 
 اما لو على لفت النظر والرقص وكل شي يخص دا الموضوع تحبـو 
 وقفــت السياره وهديل حست قلبها وقف معاها شدت على شنطتها وفتحو الباب ونزلو وهيا راكبه ورا مو قادره تنزل 
: هددديل يلااا 
 اصلا لوحدو الشارع فاجعها ...
تطالع ف عين امها ونفسها تكون مطمنه بس مو قادره ضغطت على رجلها بالقوه وشدت جسمها وخرجت 
 بس دخلت بس حست بالبروده بس سمعت الموسيقى الاجنبيـه 
 خلاص تبا تطيح من طولها 
 وفجأه ظلام وبس اضوواء البلاك لايت 
 واضائه الديسكو اللي تدور ف كل المكــآن 
 رجال منتشرين ف كل المكـآن على الطاولات 
 على المنصه مع حريـم بعضهم ملابسهم عاديـه والاغلبيه ملابسهم قصيـره 
 مسكت في امها : ماما ابا اخررج 
 ام هديـل مسكت يدها وسحبتها : لاتخااافي 
 سحبتها معاها للقسم اللي فيه الغرف محد يدخل هنا غيرهم 
 سابتها في السيب الططويل اللي اضائته صفرا وصوت الموسيقى واصلهم : خليكي هنـآ 
 ودخلت الغرفه اللي قبالها 
 واقفه وماسكه شنطتها مو عارفه ايش حتقول بس حتكون قويه عشان تخرج امها من دا العالم 
 استنت استنت وفجحأه خرجو من الغرفه التانيه البنات اللي معاها بنفس البيت
 بس ملابسـهم تفجع ههديل على طلو نقلت عينها بعيد عنهم ودموعها متجمعه 
 امها كدا كآنت تلبس ؟!

اما في الغرفه اللي قبالها 
 قال بعصبيه :" جايبتلي بنتك عشان اضحك عليها 
: ايش اسوي ماعندي غير دا الحل ساعدني عشان اخلص من اللي عليا 
 قال من غير نفس : شووفي انا ماليا خلق للبلاهات دي 
 ام هديل واقفه قباله : خلاص انتا قول نفس كلامي وحتوصل للي تباه 
: تبيني اضحك عليها واقولها تشتغلي يومين وب
 ام هديل قاطعته : وبعدها ماحتقدر تخرج من دا العالم بعدها حتسيرلك زيي وانا اضمنلك بنتي وحعلمها كل اللي تباه 
: ناديها محنا خسرانين شي 
 ام هديل : لاتنسى كيف تتكلم معايا 
 راحت فكت البـآب واشرتلها : تعالي 
 بعدت جسمها عن الجدار دخلت بترردد غرفـه عاديه كنب وطاوله في النص وتلفزيون .. 
مافيها اكتر من كدا .. 
جلست جمب امها 
 واللي قبالها واحد كبيـــر في السن شعره الابيض اكتر من الاسود 
 التجاعيد بيده وبوجهه 
 بس شكلو مو مريـــح 
 شكلو يخووف 
: امك كلمتني عن الموضوع اللي تبيني فيه
 هديل بلعت ريقها : انا مستعده اسويلك اي شي بس ماما ماتشتغل بدا المكان 
: وانا مستحيل اتنازل عن فلوسي
 هديل : حعوضك حجبلك هيا بطريقه تانيه قولي كم تبا وانا حدبرلك 
 قرب لطرف الكنبه : لا انا اباكي تشتغلي اشتغلي بدالها وبس تخلصي كل واحد يروح بطريقو 
 هديل بصرامه : قلتلك ماحشتغل هنا 
: ههههههههههههه _ طالع في امها _ بنتك ماتعرف مع مين بتهرج ..!
امها طالعت فيها : هديل اتكلمي زي الناس 
 هديل : لساتي متمسكه بكلامي لو تباني اشتغلك ف اي مكان حشتغل بس هنا لا 
 سكت وابتسم بخبث وحيخلي يسرلها زي اي وحده تشتغل حاليا عندو 
 قال بمكر بعد مابتسم : اتفقنا اباكي تجـي بكرا بيتي ووقتها نتفاهم 
 ماتدري تنبسط ولا تبــكي 
 استسلامه السريع خوفها اكتر اما هوا وقف عشان لايطول الموضوع وخررج 
 دوبها بتهرج مع امها الا امها وقفت : خليكي هنا 
 وخرجت ورااه مسكتو :سعييد ايش تبا تسوي 
: ولاشي قرصه خفيفه وحخليها تشتغل هنا ولاتفكر تبعد عن دا المكان 
 امها : خليها هنا اول م
 سعيد قاطعها : ليش مسويه نفسك مهتمــه 

 امـآ هديل وقفت راحت بااتجاه الباب فكتو كآنت حتخرج الا وقفت مكانها 
: دي بنتي 
 سعيد : ههههههههه عشان كدا اول ماقلتلك وديها لجاسم بعتيها على طول 
: انتا عارف اني كنت محتاجه الفلوس 
 سعيد : اهبل تحسبيني ماعرف فين صرفتي فلوسك لاتسوي انك خايفه عليها وانتي جايبتها لهنا بنفسك
.... خلاص خليها تنقذ امها ولاتدخلي ف شي الكلام بيني وبينها 
 مشششي 
 وهديـل تاخد انفاسها بسـرعه دموعها تنزل ورا بعــض 
 اول ماسمعت صوت خطوات امها قفلت الباب ورجعت جلست على الكنبه 
 مسحت دموعها تبا تبكي تبا تصــرخ 
 مخنوووقه رجولها تتحرك الاتنين ومو قادره توقف النفضه اللي فيها 
 ف يوم واحد عرفت كل شي عن امها 
 ف يوم وااحد ومالحقت حتى تتهنى 
 امها دخلت وعلى طول راحت جلست جمبها وحضنتها : الله يخليكي ليا يابنتي 
 هديل بعدتها ووقفت : انا ابا امشي 
 امها بااستغراب : فين تبي تروحي !
هديل مو قادره تهرج مو قادره تقول حـآجه : مدري بس ابا افكر بالموضوع وبعدها اردلك 
 خرجت من غير ماتسمع شي تاني 
 خرجت للسيب وبعده للمكـآن المقزز وهيا بتحاول ماتطالع ف بدلات الرقص وتتخيل امها بدا المكاآن 
 وشردت من المكـآن بكبرو 
 ماتدري ايش تسوي 
 تساعد امها وممكن يعيشو حياه عدله وتتغاضى عن انها سابتها 
 ولا تسيبها وتكمل حياتها من غير امها 
 تمشي وماسارت شايفه طريقها من كتر الدموع 
 تعبانه من التفكير 
 قلبها يوجعها من الحقيقه تحتاج امها
 دا كل اللي تعرفـه 
 ماتدري ليش ماوقفت قدام امها وقالتلها ليش بعتيني 
 بس ماتبى تهدم اخر شي بينهم 
 خايفه امها تعصب ولا تصرخ ولا ماتسير تحضنها 
 هديل ضعيفه 
 ضعيفه لدرجه انها عارفه نص الحقيقه ومارضيت توقف قدامها عشان لاتنحرم منها ...
محد ممكن يفهم احساسها ودا الشي لوحدو مخليها مو عارفه فين تروح 
 وقـفت تـآكسي وقالتلو العنوآن بدون تفكير 


 امـآ بشار وروآن ... 
ماشي بسيااارته بعيــد عنها .. وهيا تمشي وتطالع كل شويا فيـه 
 كآنت تبا تمشي عشان تفكر بس موترها ومخليها كل شويا تطالع فيـه 
 وهوا نفس الشي كآن نفسه يجلس لوحده بس ماشي بسيارته وبينتبهلها ويشوف نهايتها 
 وماسارو يفكرو بهمهم واتشتت الموضوع من راسهم بسبب الموقف ..
لين حست انو ماحيمشي راحتلو بنرفزه دوبها بتمد يدها وتفتح الباب 
 الا طلع صوت مزعج من السياره و مشي على قدآمم 
 وقفت شويا مو مستوعبه 
 مشيت بسرعه لقدام لين ماوصلت للباب جات تمد يدها رجع مشي تانيي لقدام 
 صرخت بعصبيه : بشاااااار
 ضحك غصبا عنـه
 قال بصوت عالي وهوا فاتح الطاقه : خلاص اركبي
 رووان : ننننرفزززتني والله 
 مشيت بخطوات وحده مرا معصبه ومدت يدها الا مشي على قدام 
 وضحك بكل صوته 
 لأول مرا تسمعه يضحك كدا
 مستفز !
 : ههههياااا اسري انا الغلطانه جيتك 
 وطلعت على الرصيــف 
 بشار مشي بالسياره ويطالع بناحيتها : هههههههههه تعالي 
 طالعت بعصبيه : اااسرري مابى خلاص
 بشار : هههههههههههههههه خلاص ياشيخه 
 روان : كذاااب اسرري
 بشار وقف وطفى السياره : ها ماحسوي شي 
 وقفت مشي تعبت نفسها تجلس ... خايفه تروح ويستهبل تاني 
: ولو استهبببلت 
 بشار رفع اياديه الاتنين : ايش باقي اكتر من كدا امشي يلا 
 روان لحظه كدا وبعدها اتوجهت للباب فكتو وجلست : مستفزز 
 بشار شغل السياره : ههههههه دمك تقيل 
 شمقت بوجهه وبعدها قال : فين تبي تروحي 
 روان اتكت على الباب وطالعت في الطاقه : امشي ابا اتفرج 
 مو عارف على ايش تبا تتفرج بس عادي ماقال شي 
 حرك السيـآره كم عدى مايدرو ساعه ولا ساعه ونــص
 هوا عينه على الطـريق
 وهيا تتفرج على الشوارع 
 بكل صمـت 
 بكل هدووء 
 لين ماطلبت انه يرجعها بيتها .. كآن فيه حادث ببدايه الطـريق
 روان : خلاص انا حنزل 
 بشار : اصبري اوقف السياره وانزل معاكي 
 روان : مالو داعي 
 بشار ولا كأنها تهرج يدور موقـف في الزحمـه واول مالقى وقف ونزل معاها 
 بتحاول ماتركز بحركاته 
 وتصرفاته معاها 
 دخلت اياديها بجيبـها ومشيت جمبـو 
: ايش عاجبك بدا المكان 
 طالعت فيه بحقد : فين تباني اروح يعني 
 بشار ماحب يتدخل : خلاص اهم شي انتي مرتاحه 
 روان : دام الكلب مسجون اكيد حكون مرتاحه 
 يحس السبه كدآ جات ف نص قلللبه 
 شي صعــب احد يسب ابوه وهوا يسمع
 شي مو عارف يفسره بس الجمله وجعته مع انو مرا مراعي وضعها وكاره ابوه..: كويس
 مشيــو لين ماوصلت للعمـآره دوبهم دخلوو 
 بس عند باب العماره ووقف 
 كدا قلبببو طاااح 
 وكل شي جببس فيه 
 بعكس رووان اللي جريت على طوول : هدددديل
 كآنت جالسه على الدرج رفعت راسها بسرعه ودموعها على خدها 
 قامت وحضنتهااا وبكيت بصووتها 
 حضنتها بكل قوتها وبككيت بقههرر 
 روان هرجت بخوف : هددديل ايش بك 
 لما ماردت واكتفت انها تبـكي 
 روان بعدتها طالعت فيها : لاتفجعيني امك ايش سوتلك 
 تبا تهرج تبا تتكلم بس لسى من جوتها مو قادره تستوعب 
 لمحت احد ف اخر الممر لاشعوريا طالعت 
 للحظه كآنت ناسيته 
 كآنت بتفكر بس ف امها 
 بس فلحظه برضو سار الوجع وجعيــن 
 كدا تنفسـها لما تاخدو تحسو يوجع اكتر من اول 
 روان تهرج وهيا عينها عليــه 
 ماقدرت توقف بنفس المكآن 
 تبا تشرد وخلاص من الكل 


روان مصممه انو امها مسويتلها شي 
 تسمع امك امك 
 وتشوف بشاار 
 مشيت 
 مشيت وهيا تبا تشرد منهم الاتنين 
 روان ماحتفهمها 
 وبشار ماحيسامحها 
 تبا تشرد من الكل وخلاص 
 ممشيت لين ماجات لعندو وهوا واقف بطريقها قبال الباب 
 مشتتتتتتتتتتااااااق 
 مشتااااق وقلبه يوجعه عليها 
 قلبه يوجعه لأنه ابوه السبب
 ولأنو واضح انو امها وراها هرجه تانيه 
 كآنت ابطئ لحظه على الاتنين 
 ماطولت قدآمه بس كآنت طويله لأنه نظراتهم كآنت فيها الف هرجه 
 شتت نظرها عنه وقالت : بعد
 اتمنت انو يقولها شي بس بعد بكل هدووء 
 مشيت من جمبــو 
 عدت من جمبــو وهوا شايف دمعتها نزلت
 محروووق 
 محروووق
 ماعندو قوى يروحلها 
 كدا كل شي فيه متصلللب 
 حتى دقات قلبه اللي تدق بشوووويش
 حتى تنفسـه بالقوه ياخدوو
 ولعتت روان كآنت تباه يكلمها يسوي اي شي مشيت وراها بسـرعه
 تناديها وهديل تمشي بخطوات سريـعه 
 روان بالقوه لحقتها بالقوه مسكت يدها وهيا تاخد انفاسها بسرعه : فيننن رااايحه 
 هديل سحبت يدها : الله يخليكي سيبيني 
 روان : هدديل بلا بلاهه قوليلي ايش ساير معاكي 
 هديل مسحت دموعها : خلاص ولاشي يااروان 
 روان : كلو من امك قلتلك انا مو مرتاحتلها امانه لاتروحيلها خلاص تعالي هنا 
 هديل بضعف : دي ماما ياروان 
 روان : ف حريييقه ايش يعننني امك ..قوليلي ايش تبا منك 
 هديل تطالع ف روان وبعدها قالت بهدوء : لو انها اوسخ وحده ف النهايه دي ماما ومحد يقدر يعوضني بمكانها حطي دا الشي ف بالك كنت بجيكي عشان توقفي معايا ب 
 روان مسكت يدها وقاطعتها : اخصريكي منها عشتي طول عمرك بدونها حتقدري تكملي حياتك انا مو مرتاحتلها والله كأنها هدى يعني هدى صغيره وعقلها ضايع امك ايش وضعها 
 هديل للمرا التانيه سحبت يدها بس دي المرا مشيت 
 مستحيل روآن تفهم 
 روان تمشي الشي بمزآجها 
 دخلت هدى وساعدتها لأنها كآنت تعتبرها اخت 
 ادتها اعذار وبرضو لأنها كآنت تعتبرها اخت 
 جاتها هديل اتمنت انو تحترم انو دي امها 
 امــها 
 الكلمه لوحدها لها معاني كتيــر 
 بس مالقت الشي اللي تبـآه 
 روان : هديل هديل فين رااايحه
 لحقتها للمرا التانيه 
 للمرا التانيه وقفتها وتترجاها : الله يخليكي اهجدي و
 هديل صرخت عليها وماخلتها تكمل ماهمها اذا احد سمعهم مقهووره : دي مااااماا استتوعبي قبل لاتهرجي عنها 
 روان موولعه اتأكدت انو امها مو طيبه وكالعاده بااسلوبها الجفص : انتي ليش مو راااضيه تفهمي جاسم ماغلط لما قال انها باعتك انتي اللي بطلي غباااء واستوعبي
 حرقتـــها الكلمه 
 ماتدري لأنها صح ولا لأنها اخر مرا جاسم قلها هيا شافت حاجات مستحيل تنسـآها 
 بدون ماتحس دددفت رووان طالعت فيها بكل ققهر بكل حقدد 
 طول عمرها روان ماتعرف تتكلم 
 طول عمرها تجرح بالهرج لما تحب شخص ولا تبا تدافع عنــه 
 طول عمرها هديل تتحمل كلامها بس اليوم الا اليوم مو قادره تتحمل 
 الا اليوم فيها اللي مكفيها 
 رفعت صباعها وقالت بتحذير : لو قلتي شي عنها مرا تانيه والله ماحتشوفي وجههي 
 مشيــــت 
 مشيت وسابت روان 
 فين رايحه حاليا ماتدري
 بس تبا تشرد من روان من امها من بشــآر
 تبا تشـرد من الكل 
 حتى كارهه نفسها 
 كارهه ضعفها واستسلامها 
 نفسها تسئل احد عندو ام نفسها تقولو لو انتا مكـآني حتساعدها ولا تسيبها 
 حتى لو أذتك الام ماتتعوض بس كل شي في الحياه يتعوض 
 دا اللي تعرفه 
 وعلى وجعها رجعــت لبيت امها 
 وعلى وجعها مدت يدها ودقت الجرس
 وعلى وجعها دخلت حضنت امها وبكيت 
 ودي الطفلــه المحرومـه 
 دي الطفلــه اللي مهما الحياه بتحاول تشوهها من جوه مازالت بريئه 

 بعكــس سميــه 
 اللي اول مامشيت عنها هديــل 
 راحت وهيا تكتم شهقتها وبكاها لبيتها 
 راحت وهيا ماعندها غير هديــل
 هديل هددتها من اول يوم شافت امها انها ممكن تسيبها 
 يمكن هديل تكون كذابه وماتقدر تسويها 
 بس روآن وبالوضع اللي هيا فيـه 
 الكلمه حرقتـــها 
 دي عيلتها كلها 
 دي كل شي بحياتها 
 فين بشــآر ماشافتـه 
 مالقتـه 
 ولا همها اصلا بدي اللحظه كل واحد بهمه 
 فتحت باب الشقـه 
 ودخلت ماقدرت تدخل اكتر رجولها ماشالتها جلست وبكيــت 
 بكيـــت من موقف جاسم 
 من وقفــة بشـآر الموضوع بنسبه لها يبكي لأنه ماتبا اخ بحياتها 
 من هديــل وتهديدها 
 كل شي اتلم على بعضــه وكأنه ماصدقت تجي اللحظه اللي تقدر تخرج اللي بنفسها وتبـكي 
 من فضاوه البيت صدى صوتها يرجعلها 


 امـآ بشـآر اول ماخرجو اول ماستوعب انو ماتحرك ولا سوا شي 
 اول ماحس انو ألمه بيزيـد
 خرج شافهم بعيــد المفروض يمشي من نفس المكان لو يبا سيـآرته 
 بس ساب اوم السيــآره ومشي بطريـق تاني 
 مشي بدون تفكيــر 
 بدون تفكيـر لين ماتمشكل مع واحد في نص الشارع 
 ايش اللي سار مايدري
 بس صوت الولد استفزه كيف بدأ الموضوع مايدري 
 بس فجأه سار يضـرب الولد 
 سار يضـربــه بدون مايهتم الولد حيموت ف يده ولا لا 
 جوه اصحاب الولد 
 جوه ناس بيوقفه المضاربه وهنـآ زاد الموضوع 
 زاد الموضوع لأنه بشااار نسي نفسـه وماهتم ف احد 
 ومانتهت المضـآربه الا لما جو سيارة الدوريـآت 
 وهنـآ انتهى يومــه لمـآ ودوه الحبـس 
 مادافع عن نفسـه بس اسمه كآن يسبقو اول ماوصــل هنـآك 
 ومن غير مايطلب احد ومن غير مايتصل هوا على احد 
 رفعو سمـآعه على " جميــل الرايــد " 
ودا الفــرق بين البنت والولــد بالقهر 


 موقــف سيارته تحت العمـآره بالقوه قدر يدخـل مع الحادث اللي ف ببدايه الحاره .. 
طفى السياره وجلس شويـآ 
 سند راسه على الكرسـي ..عارف انها مستنيتو 
 غمض عينه وهووا يتذكر الكلام مرا تانيــه ماحيستهبل ماحيلخبط ف حـآجه 
 ماحيديها اكتتر من الكلام اللي المفروض تسمعه عن سـآمي وبس ...
مصــــدع سااامي قلب اوم الموضوع براسـه 
 الخـآل والد حتى لو مآكان يعرفه بس حس بمسئوليه حس بشي حارقه وهوا سايبه هنآك وماشي
 فتح باب السياره ونزل ساب الجاكيت حقـو حيجلس شويا ويمشي اصلا ...
دخـل العمـآره دوبو بنص السيــب وسمـع صوت البكى ماستوعب من اي شقـه الا لما كآن طالع الدرج ووقف مكانه 
 مو بس هوا وقـف نفس الوقفه حتى جارتهم قبله وهيا طالعه سمعت صوت بكاها وسارت متردده 
 وبعدين استوعبت انو كل واحد عندو هم ودعتلها وطلــعت 
 دار جسمه وهوا يطــآلع في الشقـه 
 صوت بكاها يقشعر الجســم 
 يخلي الواحد يعرف انو مستحيل بتمر دي البنت بشي عـآدي 
 بشي طبيعـــي ... 
نزل الدرجه اللي طلعها 
 طالع ف شقتها 
 ولما حس انو صعب يتدخل وف النهايه هيا بشقتها .. 
طلـع 
 واول ماوصـل لبيت تــرف دوبو بيفتح الباب الا هيا فكتــو 
 ابتسامه على وجهها ابتسامه وفيها دمووع 
 مابين انها مرا مبسوطه بللي ساار 
 وانها تبا تكلمو تـآني 
 غصبآ عنو ابتسم وهيا بعيونها عارف قد ايش نفسها تعبرلو عن فرحتها : مرررا شككرا 
 دوبــها وثقت فيـه اكتر 
 دوبها حست انو قد كلامــه وماحيكسـرها 
 قدم وقفل الباب مسك يدها ومشي وهوا يتكلم معاها
 وكأنها صغيره : ايش تبيني كمان اسويلك 
 تمشي ودموعها تنزل بدون صوت : ليش بتبكي دحين 
 جلس على الكنبه 
 وهيا مسحت دموعها وجلست : كيفوو ايش سااار معاك 
 تامر : كويسس الحمدالله بس خلاص مو مرتاح هنآك وقاسم يبا يسافر فقال حيقعد عندو يومين وحيرجعلك 
 ترف وسعت عينها : يعني ماحيجي ياخدو تاني 
 تامر : ممكن كل بعد فتره ياخدو حق اسبوع بس سامي اساسا مو مرتاح فاممكن مع الايام مايسير يروح حتى 
 ترف بخوف:ليش مو مرتاح فيه احد بيضايقه اصلا لييشش مابيكلمني هناك 
 تامر عكسها يهرج بهدووء : قـآسم فصل عليه بالاتصـآلات خليه مانبى نضغط عليه بشي خلي الولد يرجع وبعدها يسير خير
 ترف : كيف فصل عليه 
 تامر : هههههههههه ايش بكك الرجال انفجع انك قلتي عنو ميـت عشان كدا مايبى يسمع سيرتك ..
ترف قربت منو ومسكت يدو : اماانه يااتامر قولي سامي مبسوط 
 تـآمر اشر براسه وبعدها هرج بكذب : مبسوط لأنه شاف ابوه بس مو مبسوط انو يعيش هنـآك 
 ابتسامه وبعدها بكيت 
 شي اتمنـتــه وسار 
 انانيه انها ماتبــى ولدها ينبسط عند ابوه 
 انانيه بولدهــآ وبس .. 
سحبت يدها وقالت من قلبها : مستحيل انسى اللي سويتو مستحيل انسى وقفتك 
 كره نفســه 
 جملتها المفروض تكون لها معنـى جميـل
 لكن بنسبه له حسها توجـع لأنه ماكان معاها من سنين ... 
ماكان معاها وقت ماحتاجتو بجــد
 جلس شويــآ معاها وبعدها قـآم ميت نوم ويبا يرجع البيت 
 نزل الدرج وماقدر دي المرا يتحرك 
 ماستوعب انها لدحين تبـكي له نص ساعه عند تـرف 
 صح صوتها هـآدي
 مرا هـآدي
 بس بتبــكي لسى 
 قرب من الباب 
 رفع يدو ومعاه سويتش السياره 
 وقال بلا بلاهه دوبو بيرجع يدو المفاتيح خبطت ف بابها 

 هيا جالسه ورا البـآب اول ماسمعت صوت دق خفيف وسعت عينها 
 حسبت هديل وقفـــت فثااانيه وفكت الباب
 اترررررررربششش
 اتتتتتربشششش
 طالع يمين ويسااار 
 ايش يسوي !!!!!
فجاه لقاها بوجهه
 شعرها اللي لنهايه رقبتها مفتووح وجهها واضح فيه البكى 
 رفع يدو بتوتر على رقبتــه يحاول ينطق يتكلم ضاع الكلام مع التوتر 
 حتى وجهه بدأ يحممر 
 رفعت يدها بشويش مسحت دموعها وهيا مو مستوعبه ليش بيدق بابها بدا الوقت : تبا شي ؟
 حمااااار حاسس نفسسو حمااار وبس 
 اتنحنح كدا على بال يفكر بحآجه 
 دايما ردات فعلو سريعه بس حاليا ماعندو اي ردة فعل 
 كدا شي فاااااضي جوت دماااغه مع الاحراج 
 وجهه محمر بشكل ملحوظ
 مرا ملحووظ 
 لدرجه انو روآن متنحه وبتطالع فيه وسايره تباه يهرج ععشان تستوعب ليش منحرج كدا
 تامر يبا يجيب هــرجه 
 اشر على ورا : كنت رايح البقاله _ اتنحنح تاني وكمل _ وترف قالتلي امر عليكي 
 رفعت يدها وهيا ترجع شعرها ورا اذنها وقالت بهدوء وصوتها رايح من البكى : ليش ؟
 صوتها مرا موتره 
 في نص موقف مو قادر يخرج منو ومو عارف يكمـلو : مدري يمكن محتاجه شي اجبلك بطريقي ؟
 رفعت حاجبها وقالت بجموود : محتاجه ؟! 
تامر كاره نفسو لأول مرا يحس نفسو تقيـــل ولازم يكمل النقااش الغبي : الوقت متأخر 
 ضمت يدها تحت صدرها وكدا قعدت تططططالع فيه من غير اي كلمه 
 اتتتتتتتوتتتتر
 مايدري ايش تباا قال باارتباك واضح : لو ماتبي شـ
 قاطعتـه : ليش دقيت الباب ؟
 رفع حوآجبه الاتنين وقلبــــه دق بسـرعه مع سؤالها 
 اتوتر ولا نظرتها بعيونها السهتآنه وصوتها هوا السبب 
 مو عارف
 مرا مو عارف 
 تامر حاول يتمسك برايـه : قلتلك !
روان : لا ماقلتلي 
 طالع فيـها وماعرف ايش يرد ..!
رفعت يدها وهيا تمررها على عينها بسـرعه ورجعت ضمت يدها مرا تانيه ومانزلت عينها من عليـه 
 ايش بتسوي دحين مو عارفــه 
 بس بتتفرج عليه 
 هوا ايش بيسوي مو عارف بس حاسس باارتباك مو طبيعي 
 يبا يمشي ويبا يقعد وآقف 
 يبا يخرج من الموقف السخيف ويبا يكون سخيف عادي ويطالع فيها 
 دامها ماحتبكي يقعد واقف مو مشكله 
 شي غريب جوتــه 
 شــي حلو ايوا دقات قلبـه بتدق بطريقه تخووف بس ممتعه 
 مستمتع باللحظه بس بنفس الوقت منحرج مرا منحرج 
 لحظـه صمت وبعدها قال : سمعتك تبكي ودقيت الباب 
 قالها بدون مايحس 
 رجع كمل بتردد : معليش على الازعاج بس انتي زي اختي وكنت بطمن بس
 رمشت بعينها بهدوء : اها _ سكتت شويا وبعدها قالت _ مو انا اللي كنت ابكي اصلا
 تستهبببل !!!
بتسوي زي يوم لؤي ماشافها تبكي وقالتلو كنت اصلي
 وجهها فاضحها وتكذب عيني عينك 
 كدا طالع فيها بنظره بلا بلاهه اقول !!!
وهيا متمسكه بكلامها وبنظرتها الواثقـه 
 ماحيقدر يكذبها اكيد ماحيقدر سكت وبعدها قال : ليش وجهك محمر ؟ 
 لأول مرا يسئل ف حياته لبنت سؤال شخصي بس بجد نفسه يعرف ليش بتكذب 
 روان بنفس الملامح الهاديه اشرت بيدها بعشوائيه : صحبتي كآنت تبكي وانا حزنت عليها وتأثرت
 مستتتتتتعده تكذب لين بكررا ماعندها اشكال
 يرمش بعينه بهدوء تستهبل ولا تستهبل 
 اهبل هوا مو عارف يعني !
فتحت الباب ودمعتها تننزززل كأنها تهرج مع طفل والمفروض يقول اها ويصدق
 هوا اللي عاملها كأنها طفله وقال اهاااا بااسلوب واحد مرا مو مصدقها
 سئلتو نفس السؤال : طيب انتا ليش وجهك محمر .؟
 يكره جرأتها 
 يكره سطاوتها بس عرفت تربكه للمرا الألف 
 وجهه حمـر زياده 
 مرا حمـر 
 ماستنت جوآبه وخرجت وقفلت الباب 
 اتعدتوو ومشيــت وهوا مو عارف فين رايحه 
 خررجت لنهايه السيب ونزلت الدرجتين وجلست 
 الساعه 1 الليل 
 جالسه في الشارع 
 رفع يده لاشعوريا وهوا يطالع بالوقــت ورجع طالع فيـها 
 شعرها يتحرك بشوويش مع الهوى 
 خلاص حيمشي نرفزته بسؤالها الجريئ 
 وقفته اساسا معاها على الباب حس انها جرائـه منه 
 طيب هيا حتقعد كدا بدا الوقت !!!!
حيمشي وانتهينا 
 مشي ومن غير مايطالع فيها قال وهوا مشي : يلا تصبحي على خير 
 رفعت عدسه عينها : وانتا من اهله 
 ورجعت طالعت في الشارع الفاضي 
 مشي خطوتيــن الا قالت : كيف ترف 
 وقـف ..!
دار جسمه مستغرب وطالع فيها !!! 
رد بااستغرب : كويسا !
سكتت حست مافي هرجه 
 اشرت براسها ودوبو بيتحرك الا قالتلو بصوت هادي مكسور: عادي تقعد معايا 
 اخخخخخخر شي كآن متوقع يسمعه 
 يطالع بعينها 
 يعني طلبت شي جريئئئئئ بدا الوقت 
 بس بنفس الوقت نظرتها تحززن 
 نظرتها وحده تبا تبـكي 
 نظره مكسـوره 
 قلبه يدق بسرعه 
 تخصصه انو يخصر البنات 
 دا اللي محترف فيـه تامر 
 بس انكسف يردها 
 مو انكسف لا ماعرف يردها 
 برضو مو ماعرف
 استصعب او حزن او مايبى يردها 
 مايدددري ايش الجواب الصح بس ماقال لا بس ليش مافي شي وسط راسه حاليا
 غير انو فيه حاجه جرتتتتو رغم جرأتها اللي كارهها 
 رغم صفاتها اللي مو متقبلها 
 وقف قبال الدرج ماطلع ولا درجه وهيا جالسه 
 قلبـــــه يدق بطريــقه مجنونه 

 روآن 
 ماتدري ايش تبــآ
 بس قلبها يوجعها يوجعها لما تكون لوحدها 
 تعبـآنه تبا بشار ولا هديــل بس اختفو فجأه 
 ماعندها رصيد تتصل 
 ماعندها فلوس عشان تشتري رصيد او توقف تـآكسي
 كدا حست نفسها مكسوره 
 وكأنهم الاتنين سابوها 
 بشار سابها عشان هديل 
 وهديل سابتها عشان امها ...حتتمسك باأي احد يقعد معاها عشان لاتكون لوحدها ..
ايش نظرته ليها ماتهمها 
 ماتهمها دي الحاجات اصلا 
 فيه امور تهمها اكتر من انه احد يقول عنها جريئه 

 يطـآلع ف ملامحها النآعمه 
 كل ملامحها صغيــره الا شفايفها لو حيتكلم عن الجمال عاجبته اكيـد 
 لو حيتكلم عن صفاتها فدي اخر بنت يتمنى يكون جالس معاها 
 بلع ريقـه وبيحاول يكون طبيعي .. : فيكي شي ؟؟
 اشرت براسها بلا 
 نزلت عينها 
 ورجعت طالعت فيـه لما سئلها : ايش بك طيب 
 رفعت كتفها ونزلتو وكأنه تقوله ماتدري بس تبا تبكي
 دار راسه يطالع في الرجال الي مر لين ماراه 
 طالع فيها 
 شاف عيونها كلها دموع وخشمها محمر 
 دقيقه 
 دقيقتين
 تلاتــه 
 ونزلت راسها على فخذها وبكيت 
 فجأه من غير اي مقدمــآت من غير اي حآجه 



 أمــآ الانسان اللي كآن ف يوم واقف معآها 
 غصبآ عنه ماسار يسئل لكن لو احتاجه فشي مادي ورفعو سماعه ماحيقصر وحيدي خبر لعلا 
 دا قرآره ... 
جالس قدآم البلاستيشن ويلعب هوا وعدي وباله مو مرا معاه 
 باله مع اللي بالغرفـه التانيه 
 لين مادق جوآل عــدي واول ماشاف لمى سحب الجوال : يلا نلعب مرا تانيه 
 دحييين له نص ساعه يسب في لؤي عشان مو مركز وهوا على طول سحب 
 طالع فيه لؤي : تستهبل !!!!!
عدي بااستهبال : الحرمه تعصب لما مارد 
 رد عليها وفتح باب الغرفه خـآرج
 لؤي : هههههههههههههههههه حيوووان
 رمى اليد على طول وسند جسمو على السرير اللي وراه 
 فتح الواتس وكتب " اااه يازمن سار عدي اللي يتكلم واحنا اللي كأننا مراهقين "
علا " ههههههههه لو اتمشكل مع مرتو من عينك "
لؤي " يااريت " 
 " هههههههههههههه ماتستحي والله حبيبي اخويا خليه مبسوط |
لؤي " وانا المسكين مين يحن عليا "
علا " ستي شايفتها تدلع فيك طول اليوم "
لؤي سجلها مقطع صوت : وياريتو يبان فيكي غاااري سوي شي
 علا كتبتلو " ههههههههه ماحغار ولاحعبرك انا حره " 
لؤي " بلله ماتغاري عليا ؟ "
علا " لا "
لؤي " بجد ؟"
علا " ليش اغاار وانا واثقه فيك " 
لؤي " وزمان ليش كنتي تغاري " 
علا " زمان غير "
لؤي رفع حاجبه ووقف سجلها مقطع صوت : المهم انا رايح بيتي لو جيت بكرا بيننا كلام 
 علا جالسه على السرير ومبتسمه او كآنت مبتسمه واتمحت ابتسامتها اول ماتذكرت 
 بنات مرت ابوه كتبتلو " الوقت اتاخر نام هنـآ " 
لؤي خرج من الغرفه وبالعنيه قفل باب عدي بقوه وكتبلها " خلاص خرجت يلا مع سلامه " 
علا " لؤي "
 " لؤي " 
 " خلاااص بقولك نام هنا "
اتصلت على طول وهوا نازل الدرج وضحك ولا رد 
 حيخليها تولــع 
 دوبو وصل لااخر درجه وفجأه باب غرفتـها انفتح 
 ضحك ومشي بخطوات ســريعه يبا يوصــل لباب الحوش لين مانادتو بصوت رااخي بس ضاغطه على اسمو : للللللؤي
 وقف وهوا دوبو بيمسك باب الحــوش دار عليها وهيا نزلت بخطوات سـريعه 
 وجاات لعنده وهيا مكشره ووقفت قباله : فيننن راايح 
 لؤي : البيت 
 علا : مالو داعي 
 لؤي سند جسمو على الباب : ليش 
 علا : شايف الساعه كم 
 لؤي : ههههههههههه ايش الجديد 
 علا مولعه من جوتها تحس انها بدأت مشاعرها من اول وجديد 
 غيرانه بس ماتبى تقولو 
 كدا مزآج اشرتلو باأمر : اطلع اطلع خلاص فوق 
 رفع حاجبه : لا ياااشيخه 
 علا : من جد بتكلم 
 لؤي : والله ماأجي بدا الاسلوب 
 علا : لؤي بلا بلاهه 
 لؤي رفع حوآجبه الاتنين بنفي : على اسلوبك دا انتي عارفه اني حروح 
 علا بنرفزه : لؤؤؤي والله اقتلك
 لؤي : اقتليني اساسا انا ماعندي احد يهتم فيا 
 علا : ههههههههههههههه لا بلله 
 لؤي سوا نفسو حزين : المهم انا رايح خلاص 
 علا دفتو وجات عند الباب رجعت اياديها ورا ظهرها وهيا ماسكه مقبض الباب
 وتعرفو مايجي الا بالدلع : ماباك تروح 
 لؤي على ابتسم : انا ابا اروح 
 علا : لا ماحتروح 
 لؤي مبتسم وبرضو مصمم انو يخرج بس صوته بدأ يخف : حروح 
 علا : ولو قلتلك عشاني لاتروح 
 لؤي رفع حوآجبه : حروح برضو قوليلي ليش وانا اقعد 
 علا تطالع بعينه وحاسه دقات قلبها ورا بعض : اكره بناتها 
 لؤي : حبوو ايش سولك 
 علا على طول وسعت عينها وضربتو بقهر : لللؤي لاتستفزني
 لؤي : هههههههههههههههههه 
 علا : ترا بجد الموضوع قاهرني خلاص تبا تشوف ابوك شوفو باأي وقت تاني
 لؤي : ههههههههههههههه هييي بيتي داك 
 علا : كآن بيتك 
 لؤي : والله مستحي اقعد هنا وانتي لسى مارديتي 
 علا : خلاص حرسل لماما دحين واقولها انا موافقه 
 لؤي : ههههههههههههههههه


 اما في الحــوش نفس جوهــم رايح جااي والجو رطوبــه ...
بس مستحممل عشان ياخد راحته بالهـرج ... 
لمى مسدوحه على السرير : خلاص متى حتنام 
 عدي : وحشتيني 
 لمى : هههههههه دوبك كنت هنآ اخواني لو دريو عنك حيقتلوك 
 عدي كآن حيعلق بس حاول يحترمهم عشانها : ايش سويت جيت بوست مرتي ومشيت 
 لمى : من ورى العيـله كلها 
 بعدت جوآلها عن اذنها : عدي اصبر فيه رقم غريب بيدق
 عدي : اخصريكي 
 لمى : دقيقه لايكون واحد من اخواني لدحين محد رجع 
 عدي : طيب
 ردت : الو 
: لمى ؟
 لمى : ايوا مين معايا 
: انا امـل 
 لمى على طول جلست لما استوعبت صوتها : ايوا 
 كدا ارتخى صوت لمى على طول 
 امل : كيفك 
 لمى : طيبه وانتي كيفك 
 امل على طول صوتها اتغير واتكلمت بترجي : انا متصله عليكي عشان اتكلم معاكي بموضوع ليث وعارفه انو الموضوع حساس بنسبه ليكي لكن اعتبريني اختك وحسي بوضعي 
 لمى تسمعها من غير اي تعليـــق 
 امل كمملت وتهرج وهيا تبـكي : اهلي مو راضين اخد دانه واحمد عندهم ومو مخليني اقعد في الشقه لوحدي الله يخليكي يالمى اتنازلي وخلي ليث يخرج _ كملت بكل ترجي _ الله يخليكي والله اهلي مو سايبينني ف حالي انا عارفه انك تعبتي منو بس مستعده اسوي اي شي ليكي مستعده اني ابعدو عنك حسوي اي شي عشان مايجيكم والله احمد ودانه بس يبكو دول اطفال ايش لهم ذنب 
 لمى قلبها وجعها بس ماتبى يخرج هيا مرتاحه من يوم مااتسجن مرا مرتاحه 
 امل : لمى ؟
 لمى بصوت يادوب طلع : معاكي 
 امل : عمري ماطلبت منك شي لاترديني الله يسعدكك والله اني ماعندي غيرو انتي عارفه اهلي كيف قاسين عليا لاترجعيني هناك 
 لمى انقهرت عليـها بس بنفس الوقت خايفه : مدري انا
 امل : فكري فيننا انتي حتتزوجي وكدا ولا كدا حتروحي لبيت زوجك اما انا وبزورتي حنضيع من غيرو والله يالمى ماحنسالك هيا طول عمري 
 لمى دموعها نزلت كارهه انو فيه احد يترجاها 
 ومو اي احد امل اكتر انسانه محترمه وعمرها ماطلبت شي منهم 
 عمرها ماغلطت على احد فيــهم قالت بتردد : سيبيني افكر
 امل سكتت كآنت تتمنى تنام اليوم مرتاحه عارفه انها بتطلب شي صعب على لمى 
 اتصالها دا اصلا كآن صعب عليها 
 انها تترجى احد 
 انها تطلب من احد وهيا عمرها ماطلبت شي 
 دا شي كســرها ورد لمى كسرها زياده مع انو كآن رد طبيعي 
 نزلت دموعها وقالت من ورا قلبها : خدي راحتك ..مع سلامه 
 قفــلت ولمى قعدت تبـــكي 
 ماتبى للليث
 اتصلت على عدي على طول : عدددي 
 مبتسسم كآن وعلى اختفت ابتسامته : ايش بكك !
لمى حاولت تهرج: مرت ليــث اتصلت عليا 
 عدي مايدري هيا طيبه ولا لا بس كرهها طبعا : ايش تبا دي
 لمى : تباني اخرج ليث
 عدي : تستهبل دي !!
لمى بكيت وقالت بكل ضعف : حزنتني والله 
 عدي مرا اتنرفز : لللمى بطلي بلاهه
 لمى حاولت تفهمه ايش يعني امل 
 حاولت تقوله كلامــها 
 ماحزن 
 ولا اهتم 
 مرتــه عندو اهــم من كل شي 
 متنرفز لأنه شايفها متردده 
 بجد تبا تتنازل قال بحححده 
 وفيوزه مرا ضربت منها : ححطي شي ف بالك لو ليــث خرج انتي مالك قعده ف بيت اهلك 

 طفوله ملوثه بلواقع 

 فتـــح بــآب الغرفـه اول ماخرجوو الكل قال بكــل صوووته : سااااااامي 
 كآن مسدوح دوبــه حينام دوبه حيغمض عينه جلس على طططول 
 فتح الاضاائات كلها وسامي رفع يده على عينه وهوا مضيقها : ااايش فيه 
 قاسم وقف قبال سـريره وصرخ بكل صوووته : تستتتهبل سبتتني كدا قدام الناس ودخلت غرفتك 

 نهايه الفصــل الرابع والعشرون

السلام عليكم ورحمه الله وبركـآته .... 
وحشتتتتتتتوني 
 والله احب اضغط على نفسي في الكتابه لأني اشتاق لتعليقاتكم
 واشتاق لأجواء اليوم اللي انزل فيه الفصل الجديد .. 



الفصـــل الخامس والعشـــرون ... 




عندمـآ يصبح الألم ياأخد الحيز الكبير من قلوبــهم 
 فطفلــي سامي ينـآم من القهر والألم 
 ولمـى بين صرآع بين الحب او الضميـر 
 ترف ابتسامه أمل تعلو على وجهها 
 ودموع الخوف من الغد مازآل هاجس يلاحقها 
 هديـل تختبئ كالطفله ف حضن والدتها 
 لكن لاتستطيع ان تشعر بالأمان 
 تريد ان تتمسك بالحلم وحتى لو أنه وهـم 
 روآن على تلـك الدرجـآت تنظر لشخص مجهول
 وتطلب منـه ان يبقى بجانبها
 كيـف لتلك القوه ان تتبخر وتصبح بذالك الضعف 
 بشـآر بين القضبـآن يحاول ان يكبت 
 الف صرخه ومازال الجنون متملك من قلبه ... 



نزلت رآسها بكل انكسآر بكل ضعف على فخذها وشهقاتها سبقتها 
 قلبها يوجعها وخايفه تجلس لوحدها 
 خايفه من الحياه 
 خايفه من بكرا 
 خايفه من نفسها 
 ومن كل شي
 قويــه 
 حاسه انها قويـه لأنها متمسكه بدي الحياه بدي اللحظه 
 جاسم كسرها 
 كسرها لما وقف قبالها بكل عين قويـه ومافي بعينه اي ندم لأنه حرمها من حنانه 
 وجاه يهددها بدا العمر باأمها اللي ماحتطلع اكيد احسن منو 
 هيا ولاشي بدي الدنيا دا اللي عرفتو 
 ليش متمسكه بدي الحياه مو عارفه 
 طيب ليش دا كلو بيسرلها برضو مو عارفه 
 ليش من بين ملايين الأطفـآل هيا عاشت دي الحياه 
 محد عارف ايش شافت بالشوارع 
 محد عارف ككم مرا انضربت كم مرا اترمت من اصحاب المحلات لما تقرب منهم 
 وبعد دا كلو يجي يقولها انا نقصت عليكي بشي ..؟
 سئلها بكل عين قويــه 
 اصلا نظرتو لوحدها وصوتو دمرها 
 واقف قبـآلها ويسمع صوت بكاها ويطالع حولينه الشوارع فااضيه بدا الوقت 
 رجال بس كآن شايل اكيآس العشا لأطفاله طالع فيهم ودخل العمآره اللي قبالهم 
 لأول مرا مايعرف ايش يسـوي 
 قال بكل تردد : ايش بك 
 قالها بصوت راخي 
 بصوت واحد حزنآآن بس مو قادر يتحرك مو قادر يسوي اي شي 
 الف حاجه مانعته
 ماعلقت ماتكلمت كآنت تبكي وبس
 تبكي وعارف انو اللي بتمر فيه شي مو بسيط 
 بكاها مو طبيعي 
 رفعت راسها مسحت دموعها ومازالت تنزل 
 وجهها محمر وطالعت فيه وهوا مرا اتوتر : ابا اسئلك سـ سؤال واحد 
 تاخد شهقاتها وترجع تتكلم : لو لو عندك بنتيـن حتقدر تفرق فيهم .؟ 
 تامر قلبــه يدق بسـرعه واشر براسه بلا 
 رجعت اتكلمت : طيب لو وحده فيهم مو طيبه والتانيه مرا طيبه حتقدر تفرق بينهم .؟
 تامر يجاوب وعينه مانزلت من عليها : لا
 رفعت يدها وتمسح دموعها : طيب لو انها مرا مو طيبه مرا لدرجه مو عارف تربيها ايش حتسوي فيها 
 بلع ريقه وسار مو عارف يجاوبها
 متذكر كلامها 
 وكأنه يتعاد جوت رآسه 
 هيا بنته التانيه اللي هانها اللي عيشها في الشارع 
 تسرق وتشحت
 وديك عايشه باأحسن مكآن داا اللي فهمو .. 
ابوهـآ اللي عيشها دي الحياه 
 يبا يجاوب على سؤالها بجمله طبيعيه وهوا انو مستحيل يفرط بطفلـته ولو كآنت اكتر انسانه سيئه بالحياه بس مو قادر يقولها 
 روآن : جاااوبني 
 تامر طلع اول درجتين وجلس على نفس الدرجه اللي هيا جالستها 
 بس بينهم مساافه مو بسيطـه بزبط جلس في طرف الدرج
 حزنـآن عليها يبا يقولها شي يريحها شي يهديها : لاتحطي الموضوع عليكي 
 دارت راسها وهيا تطالع فيه وتتكلم : اجل احطو ف ميـن ؟ 
 تامر نفسها تنزل عينها وهيا تكلمو كدا نظرتها كاسرته مخليته بمية احساس وقبل لايتكلم 
 ميلت جسمها كلو وهيا ترجع شعرها ورا اذنها وترفع يدها تمسح دموعها بسرعه وتتكلم : انتا ماتعرفني صح ؟
 حركااااااتها توتره : ايوا ماعرفك
 تامر : طيب شوفت تصرفاتي شوفت حركاتي تقدر تحكم عليا صح ؟
 تامر مو عارف لإيش تبا توصل 
 وروان وصلت لمرحله تبا تعرف ايش العيب للي فيها 
 العيب اللي يخلي حور احسن منها 
 تامر : يعني
 روان : قولي ايش العيوب اللي فيا 
 تامر كل العيوب اللي قالها لترف فجأه اتبخرت من راسـه : نظرتي ليكي مو زي نظرة ابوكي 
 روان : لا انا ابا اعرف حتى لو غريب هوا عاملني زي الغريبه ابا اعرف منك 
 بتشتكي لواحد ماتعرفو 
 بتشتكي لشخص غريب عشان تعرف ابوها ليش رمآها 
 دي المرحله اللي وصلها هيا جآسم 
 ايش يقولها مو عارف 
 مستحيل يغلط ولا يقول شي عنها 
 وبنفس الوقت كيف يمدحها 
 ايش المفروض يقول مو عارف
 عيونها عيونها مانزلت 
 تدور اجابه 
 عدسه عينها بس على عينه مخليتو مو على بعضه 
 بيحاول يعللق يبا يجبر قلب بنت مالها احد 
 يحس المفروض مايكسرها 
 يتغزل .؟..!؟
 لا لا مايعرف يتغزل مرا
 سلمى بالقوه يتغزل فيها لأنو حافظ الكلام 
 حافظو مو يعبــر عن حاجه شايفها بعينه 
 حاليا هوا بموقف المفروض يعبر 
 قال بكل توتر وهوا بجد بيعبر عن الشي الحلو اللي شافـه فيها : كل اللي اعرفو عنك .. انك خليتي اختي ماتفكر انها تنتحر .. _ يطالع بعينها وبدأ يتكلم بثقه وهوا بجد ماينسى كلامها _ شوفت فيكي انسانه عاقله رغم انك قلتي عشتي في الشوارع .. ومية بنت غيرك فأول لحظه تنهار فيها تفكر بدا الشي انتي اعقل من إنو اب يقارنك بوحده تانيه 
 سكت شويا وبعدها رجع اتكلم : لما ربي يديكي ناس مايشوفو قيمتك لاتبدأي تدوري ايش العيب اللي فيكي قولي هما ايش اللي ربي عاميهم عشان مو قادرين يشوفو الشي الطيب .. شكي في الناس بس لا تخلي لحظه تجيكي وتشكي بنفسك 
 مافي اي رده فعل غير انها تطالع فيه 
 تفكر باين انها بتفكر بكلامه 
 قلها انها مميزه عن بقيه البنات 
 قلها انو فيكي شي حلو 
 قلها الغلط من ابوها بس مستحيل يكون منها 
 ابتسامه اترسمت بسيطه ودموع تنزل 
 واختفت ابتسامتها على طول لما رفعت يدها ومسحت دموعها 
 وجعته الابتسامه لأنه حس انو فرحها 
 عدلت جلستها وطالعت قدآم ورجع شتت نظره 
 بسيطــه 
 انسانه ضعيفه ودا اللي يدل على ضعفها لما الغريب قلها كلام 
 خلاها تبتسم 
 وكأنه صب على قلبها المحرووق شي باااارد 
 يطفي حرقه قلبها ولو دقايــق 
 تلعب باأظافير يدها وكلامه يتردد براسها 
 وماتبى جاسم يجي في راسها ولو ثواني 
 رجعت دارت جسمها تاني طالعت فيه وهوا دار راسه 
 لما ماهرجت رفع حاجبه وقال : ايش بك 
 روان ابتسمت بين كل اللي فيها ورفعت كتفها وكأنه تقوله مدري
 ابتسم لاشعوريا على ابتسامتها 
 شتت نظره لما حس انها ابتسامتها كدا جذبته 
 رجال في النهايه طبيعي يبدأ ينجذب للأشياء الجميله الي فيها 
: كيف راسك 
 رجع طالع فيها وماستوعب : راسي !
 : الضربه اللي
 قاطعها لما استوعب : اها لا تمام
 سكتت للحظات وبعدها سئل بتردد : مين داك ؟
 روآن رجعت رفعت كتفها 
 وهوا ابتسم لاشعوريا شكلها كيوت كل ماترفع كتفها 
 مع انو الموضوع ماينفع انو يبتسم فاأختفت ابتسامته على طول : كيف ماتعرفي
 بيدخل بتفاصيل مو طبعه يسئل ويستفسر 
 بس بجد الفضول قاتله على دي البنت 
 روآن مو عارفه ايش تقوله مو عشان ماتبى تقول 
 لا 
 عشان مستصعبه تقول بابا : ارسلو داك كآن يباني
 تامر : مين داك
 روان : نفسو اللي قلتلك عليه 
 تامر بااستغراب : ابوكي !!
روان كشرت وعرف الجواب من نظرتها 
 وهنــآآآ حاس 
 وبيسئل نفسه 
 ايش يبا منها 
 كيف يرسل واحد همجي لبنته كدا! 
اسئله مرا كتيــر !!!!
وقطعت تفكيره لما وقفت ...رفع راسـه
 روآن : انا حدخل انام 
 وقـف وسار فرق الطول بينهم واضح 
 مع انها مو قصيره روآن 
: طيب تصبحي على خير 
 استنتو يمشي وهوا استناها تدخل 
: يللا
 تامر ماستوعب : ادخلي انتي 
 روآن مع التعب ماتناحلت معاه بعباطتها المعتاده : طيب
 دوبها ادته ظهرها ورجعت دارت عليه وابتسمتلو 
 ابتسامه كدا وحده باين انها مو مبسوطه بس حاليا شويا شويا مرتاحه
 جات قباله بزبط وعينها بعينه هرجت بهدوووء : شكرا دي تاني مرا تفرحني
 قالتها بااسلوب خلتو يرتبـك من نظرتها 
 يرتبك من وقفتها كدا قدامه 
 يرتبك من نبرة صوتها 
 بالقوه نطق الكلـمه : عـ عفوا
 وقدم خطوه وكأنو داخل معاها العماره ورجع دار وخرج باارتباك لما استوعب انو المفروض يخرج 
 ولما مشي استوعب كمان انو اصلا كان مستنيها تدخل بس خلاااص مشي من ردة فعلو البلهههه 
 اما هيا شاافتو حاااس حولين نفســه وفجأه اختتفى 
 ضحكت بفجعه بجد يستحححي ... ووجهه حمرر !!!!!
مشيت في السيب وضحكت تاني بهدووء 
 عمرها ماشاافت واحد كدا 
 اما هوآ وصــل لسيارته ركب ومشششي على طووول 
 استوعب ردة فعلو المتوتره 
 ايش البلاهه دي مو عااارف 

 روآن فكت الباب وبتحاول تتذكر كلامه عشان ماتبكي 
 عشان تعرف انو هيا مميزه والعيب ف جاسم مو فيها 
 دخلت الغرفه جلست شويا وبعدها انسدحت ضحكت تاني لما اتذكرت انو دخل العماره : اهبل
 ومآكانت عشره دقايق الا اختفت الضحكه والابتسامه ورجعت تتذكر يومها 
 بس مافكرت كتير واستستلمت للنوم ... بدون لحاف على جسمها بدون شي تحت جسمها
 على ارض صلبـه ومكآن فاااضي ... 



صبـآح يوم جديد ... 


السرير مريــح ... لكن مو حاسس باأي راحه جوته 
 دموعه بللت مخدتـه 
 كره انو يكون عندو اب 
 كره وجوده 
 كره اليـوم اللي وقف قدامه 
 كره اللحظه اللي خرج فيها من عند امـه وسابها لوحدها 
 ضربه بس عشان ساب الناس ودخل لغرفته 
 ساب الجو اللي مستحيل حيستمتع فيه بيوم 
 وماتكلم ولا كلمـه 
 انضرب بدون مايبرر 
 بدون مايعلق 
 مو عشان شي عشـآن تامر قلو خليــك دي الفتره كويس معاه 
 كيف دي اليومين حتمر مو عارف بس حيحاول يثق ف خـالو وبس




 بشــآر ساند جسمه على الجدار الرمآدي حولينه رجال 
 من اعمار مختلفه من اجناس مختلفه 
 كل واحد بهمــه وكل واحد محبوس لسبب 
 قلبه يدق بتعب من كتر مو مرهق 
 كل مايبى يغفى يرجع يفتح عينه 
 مو حاسس باأي ندم على اللي سوآه ... 


تـآمر لبس ثوبه الاسود بدأت الأجواء تبرد وكالعاده مايلبس دا اللون 
 الا في الشتآ ... 
وقف عند شاحن الجوال ومسك جواله لقى رسايل من سلمى 
 وكشــر 
 كرهها حاليا اضعاف اضعاف اول 
 فصل الجوال ودخلو جيبو من غير مايفتح محادثتها .. 
كل شي محفور براسه 
 ترف ونظرتها اللي واثقه فيه 
 قاســم وجرأته وكيف عرفه على سامي بكل حقاره 
 سامي وكيف مكسوور 
 وكدا فجأه جات من بين افكاره
 روآن ...!
فتح بـآب غرفته 
 وابتسم لما اتذكر كلامها " شكرا دي تاني مرا تفرحني " 
يحرك سويتش السياره بيده ومبتسم وماشي بااتجاه باب الشقه
: الشمممممس من فين ططططالعه 



 رفعت جسمها من على السرير بس اليوم مبتسمــه 
 سحبت جوالها واتصلت على طــول على براء 
 حطت السماعات باأذنها وراحت للمطبـخ صبتلها عصيــر 
 واتوجهت لغرفه ســآمي 
 تبا تنظف الغرفه 
 تبا تجهزها 
 مع انو ماتباه ينام بغرفته تباه ف حضنها 
 بس برضو حتزبطها وحتى لو لسى باقي يومين 
: هلا ياقلبي 
 مبتسمه وتتامل غرفه سامي وبيدها العصيـر قالت بسرحان وبدون ماتحس: ايوا حبيبي
 ووسعت عينها لما استوعبت انها بتكلم براء 




 مسدوح في الغرفه الظلام وكالعاده عدي مايحب اي نووور فيـها 
 رافع جواله ولدحين مانام وهوا يتكلم مع علا 
 كتبلها " حسبيه الله ونعم الوكيل بجد الحب مايخلي الواحد عندو كرامه "
علا " ههههههههههه ظهرك وجعك ؟ "
لؤي " انا مو حاسس بظهري ياريت يوجعني عشان اطمن " 
علا " ههههههههههههه حياتتي "
لؤي " والله اخوكي دا واحد وسخ سار الكل يدعي مايتضارب مع مرته عشان لايلعن ابو شكلنا " 
علا " بجددد مرا ماتوقعته كدا حيكون كنت خايفه على البنت سرت خايفه عليه من كتر مو متعلق فيها "
لؤي " شكلها بنت حلال وعدي دا اللي يباه عشان كدا متخرفن "
علا " ايش قصدك "
لؤي " اوووه بدأنا نفسنه "
علا " هههههههه شوف حطيتلك شي تحت الباب " 
لؤي بعد الجوال وحطو بااتجاه الباب لقى شي مرمي في الارض 
 قام على طول اخدو ورجع انسدح حاتط اضائه الجوال وماقدر يمسك الورقه والجوال فانسدح على بطنه شغل فلاش الجوال وثبته بالارض ومسك الورقه وفتحها .. 
وجلس يقرا وكل شويـه تزيد ابتسامته وبعدها اختفت ابتسامتـه 
" طول اليوم نفسي اقولك دا الكلام مدري ليش ماسرت اقدر اتكلم زي اول او اعبر
 لؤي انا مرا احبك مو احبك انتا عارف اني اموت فيك والله بس الفكره تخليني ا بكي 
 خايفه تسيبني مرا تانيه خايفه اتعامل منك نفس معامله اول انتا ماتدري قد ايش نفسيتي تعبت 
 وعارف اني ماحب ابين لاأحد.. في غرفتي كنت ابكي كل يوم واخرج اقعد مع الكل وكأنو مافي شي انا ضعت دي الفتره من دونك .. تصويري والمقاطع اللي كنت ارسلها عمرها ماعبرت عن اللي جوتي ابتسامتي عمرها ماكانت من قلبي ,,كل شي انكسر لما انتا روحت وكل مااوقف قدامك ابا ارجع اقولك احبك ولا ارد عليك لما تقولي وحشتيني فيه شي يوقفني خايفه انطق دي الحاجات خايفه ارجع لحياتنا الاولى ويسير شي مو عارفه اكون طبيعيه لأني خايفه ومو قادره ابعد عنك لأني ماقدر اعيش بدونك قولي ايش اسوي ؟ "
قعد يتأمل الكلام كدا مرا يعشــقها 
 وفكره انو يسيبها دا شي مستحيل يســويه 
 كيف يقدر يرجع تثق فيه زي اول .؟ 
 للحظه سار بيحاول يفكر 
 اما فوقــه وعلى السرير نام بدون مايحس 
 عليه اختبـآر وماذاكر على اساس حياخد غفوه ويقوم ومع القهر من لمى نام وماحس 
 مد يدو للجوال وهوا شبه نايم يبا يشوف ردت عليه 
 فاتح عين ومقفل عين واول ماشاف الوقت فتح عينه بسرعه الاتنين 
 رممى اللحاف نسسسي انو فيه احد نايم بالارض ونط ديك النطه ودعس وجه لؤي 
 وطاااح في الارض 
 لللؤي من وضعيه اللي مسدوح على بطنه ورافع شويا راسه لوضعيه راسه والبلاط واحد 
 دمممر ابو وجهه ... 




عكــس تماما عدي مستحيل تنآم ف مكآن ظلام لازم اضائه بالغرفه متجهزه للجامعه 
 وجالسه بطرف سريرها 
 عدي امس كآن اسلوبه مرا هجومي معاها 
 ماقدرت تنآم وهيا تتذكر صوت امل .. رفعت يدها ومسحت دمعتها لما حست ولأول مرا عدي مو بصفها 
 مرا مخليها دا الشعور ضعيفــه 
 قفل منها معصب وجلست ماسكه جوالها تستناه يتصل ماتصـل
: لممممى يلاا 
 رجعت مسحت دموعها ووقفـت 



 جالسه وضامـه رجولها بالغرفه الفاضيـه 
 ميته جووع ودايخه 
 نفسها تروح لهديـل 
 نفسها تشوف بشار 
 بس مو عارفه كيف توصـلهم 
 تبا تطلع تتصل من جوال ترف على بشآر 
 بس مافيها حيل تطلع الدرج 
 رجعت انسدحت وغفت مرا تانيه 




 مسدوحـه على السرير ومفتحه عينها تطالع في امها 
 وهيا جالسه على الكرسي اللي قبال التسريحه 
 وتحط كريم في يدها 
 مسـرحه ودموعها اتجمعت بعينها 
 ليش حتى لما وصلـت لحلمها 
 طلع الحلم يوجع 
 ليش لما قالت اخييرا 
 ماقدرت تكملها لأنو دموع الصدمـه تلحقها 
 ليش بيسرلها كدا 
 تحس انها تبا امها وتبا تشرد منها 
 تبا حضنها وكاارهه حضنها 
 ريحتها اشتاقتلها بس حاليا سارت مو حابتها 
 قعدت ترسم لدا اليييوم سنين 
 وطلع ابششششع بكتير من جاسم 
 ابشع بمليون مرا من الف حاجه شافتها بدي ال 14 سنــه ... 





انفتـحت الزنزآنـه بس الشرطي نادى بصوت راخي 
 مو زي دايما لما ينادي بصوت جهور ..بيناديه وهوا مستحي منو : بشار
 رفع عدسـه عينه عليه وبعدها وقف خرج وانقفلت الزنزانه جاي يمسكو 
 الا بشار طالع فيه بنظرة واحد بيتمشكل وكأنه ماكفاه اللي سواه : عاارف طريقي
 ومشي والشرطي ورااه 
 عارف انو عمو اللي مستنيـه 
 عارف انو سابو بالعنيـه ومارضي يخرجو للصباح 
 بااتصال من جميـل اصلا كان باامكانه ماينحبس 
 بس حبسـه عشان يهجـد 
 لكن 
 مافرقت معاه بشار .. 
دوبو الشرطي بيدق الباب الا بشار فتحو ودخــل جميل طالع ف صاحب بشار واشرلو يخرج .. 
وبشار راح اتوجه للكنبـه ورمى جسمه عليــها : اخيرا شي مريح 
 جميل واقف ورا الكنبه اللي قبال بشار سند اياديه الاتنين عليها : عاجبك اللي سار امس
 بشار : ايش سار ؟!
جميل أتنرفز وبشار ماسوا شي لدحين قال بعصبيه: بشار مو انا اللي يتصلو عليا اخرر الليل 
 ويقولولو ولد اخوك مسجون
 بشار : انا ماطلبت من احد يتصل 
 جميل : على اساس محد يعرفك هنا احمد ربك الولد اتنازل جلست للصباح معاهم في المستشفى _ بعد يده من على الكنبه _ قوولي بلله ايش سوالك ايش سوالك عشان تضربه كدا
 مايتذكر
 فعلا مو متذكر ايش سواله 
 بس يحس انو يستاهل الضرب ليش مايدري كدا فجأه حريقه حسها جوت قلبه وهوا يطالع بالولد 
 جميل : ااايش سوالك 
 بشار بتشتت : انا راجع البيت تعبب
 جميل قاطعه وهوا يتكي على كلامه : بشااار اهجججد اهجد وفكر قبل لاتسوي شي مجنون 
 جلس قبـآله : انتا مستوعب انك كنت حتقتل ابوك ..بشااار ايش ماكان دا ابووك كيف تفكر 
 بشارهنا ينتهي كل الكلام عنده قال بصوت يادوب يطلع : قفل الموضوع 
 اذا عمو مو قادر يستوعب لدحين المنظر اللي شافه 
 فابشار لدحين يحس اللي سار يمر قدام عينه
 جميل سحب جسمه لطرف الكنبه وهوا يهرج بسرعه : ياااولدي ياولدي مايسير اللي بتسويه تعال دي الفتره اقعد عندي 
 بشار وقــف شاف مفاتيحه وجواله على مكتب جميل سحبهم 
 واتوجه للباب
 جميل ناداه ولا كأنه سامعه فتح الباب وخرج 
 جميل مو عارف ايش يسوي 
 لما اتصلو عليه اخر الليل قام زي المفجوع 
 ماستوعب بزبط مين اللي بالمستشفى 
 حاليا مو عارف يتعامل مع بشار 
 هوا مرا حنون مع بنـآته وطول عمره حنون مع بشار 
 بس سار بشتت بين يستخدم الشده والولد بيمر بحاله صدمـه لسى 
 ولا يحاول يداري عليه ماسار عارف 


 امــآ بشآر 

 ميت نوم ميت جووع ميت قهـــر 
 صاحي له 24 ساعه
 اكل برضو اخر مرا هوا وروان امس الصباح 
 مقهور من نظرات الناااس وهوا ماشي حاليا 
 خرج على طول ويطالع يمين ويسار واستوعب انو سيارته مو هنآ
 كانه فيه حيـل للمشاوير 
 وقفلو تاكسي وودآه لبيتــه اول مادخل غرفته 
 اخد ريموت المكيف شغله وهوا يفسخ الجزمه 
 جلس على السرير رمى الشراب وانسدح على طوول 
 نآم ف اقل من دقايق 





* الشمـس من فين طالعه 
 دار مفجــوع وشاف تميم خارج من الحمام وبينشف شعره ومبتسم 
 تميم دايما يصحى رايــق عكس تامر اللي يكون مكشــر 
 ومايحب احد يتكلم معاه لين مايشرب قهوته ويفوق .. 
تميم : مين اللي مزبط جو اخوويا 
 تامر كشـر واداه نظره بس خلى تميم يضحك : اسئلك بلله ايش مخليك تبتسم 
 تامر واقف عند باب الشقه ويدخل رجلو في جزمتـه : تميم وربي مني فايق لروقانك دا
 تميم : ههههههههههههه عندي فضول ماحقدر اكمل يومي 
 تامر ولا كأنه تميم يهرج فتح باب الشقـه وخرج ... 
تميم على نفس الوضعيـه يضحكك 
 شي غريب مرا غريب عندهم انو يشوفو داك الكائن مبتسم في الصباح
 تميم دخل لغرفتـه اخد السكراب ولبسـه وجلس على سريره 
 اتصل على رشآ اربعه مرات 
 وبعدها ارسلها على الواتس 
" ردي بلا هبل "
ورجع اتصل مرتين لين ماردت 
 وباين صوتها انها دوبها صاحيه : ايوا تميمم
 تميم : لسى زعلانه
 رشا بتعب : نايمه انا نااايمه 
 تميم : طيب قومي ابا اتكلم معاكي
 رشا : من جدك 
 تميم : طيب خلاص نامي انا حودي لمى الجامعه واخد امي على مطعم عشان اتكلم معاها واقولها تكلم امك العصر
 رشا كآنت عيونها مقفله وفتحتها بسرعه قالت بصدمه : تكلمها في ايش 
 تميم : نامي مو انتي تعبانه 
 رشا جلست بتناحه وتعدل شعرها وتهرج بفجعه : تميم ايش بتقول 
 تميم : هههههههههه امزح ياشيخه والله اباها بس تنبسط شويا فاقلت اروح امشيها 
 رشا حركت عدسه عينها بتشتت 
 انقهرت 
 مرا انقهرت قالت بصوت راخي بس وراه وحده حتنكد : ايش قلت !
خلى منظرها بايخ 
 وكأنها مو مصدقه تستنى دي اللحظه ماتبى تكون الخفيفه 
 يكفي هوا ساحب طول دي الفتره 
 تميم هرج بنفس هدوئها :بخرج امي تنفه شويا عن نفسها 
 رشا سكتت ترمش 
 ترمش كدا مرا 
 تسبو ؟!
تعصب ؟؟!
مو عارفه ايش ردة الفعل المناسبه 
 تميم : الو 
 رشا : ابا انام لما اصحى يسير خير
 تميم : تبيني ؟
 رشا رفعت حاجبها : ايش ؟!
تميم : زعلتي عشان تبيني ؟
 رشا خلاص وصللت معاها من اسلوووبه الهادي 
 اكتر انسان شافته بااارد وهيا مولعه من جوا : تميم ترا وربي اسلوبك ساير لايطاق
 تميم : ههههههههههههههههههه اسمعي اسمعي امي كلمت امك امس اخر الليل اتصلت عليكي 
 رشا مستحيل تصدقه بعد المزحه الاولى تبا تحافظ على كرامتها : تميم انتا مصحيني عشان تجلس تضحك عليا 
 تميم : والله مابضحك عليكي ..اتصلي على امك 
 رشا كدا بين صمتها ودوبها تستوعب انو فيه مكالمتين من امها 
 قلبها بدأ يزيد دقاته واترخى صوتها : من جد تهرج !
 : تميييييم 
 تميم طالع في بااتجاه الباب وهوا سامع امه تقرب : حبيبي امي تباني بس اخلص منهم وارجع اكلمك 
 طيب .؟
 رشا بتناحه : طيب
 تميم : احبك 
 رشا ابتسمت : وانا كمان 
 تميم الابتسامه من امس مرسومه على وجهه 
 قفل ووقف على طول 
 سحب الاب كوت ومفاتحيه وخرج من الغرفه 
 وصل لمـى ومو عارف ايش بها مابتهرج حاول يكلمها بس قالتلو مافيا شــي ... 

امـآ تامر اول ماخلص كوب قهوته في السياره نزل ودخل للشركه 
 يكره سار بدايه يومه بسبب سلمى .. 
وكالعاده دوبو عند المصعد وهوا سامع صوت خطوآتها .. 
بس دي المرا هوا اللي ابتسملها 
 دي المرا هوا اللي سبقها بكلمه صباح الخيـر
 سبقها بعيونه اللي تتأمل كل ملامحها وكأنه بجد هيمان فيها 
 سلمى ابتسمت بخجل : صباح النور 
 دخلو المصعد : كيفك بعد سهره امس 
 سلمى : تمام مرا انبسطت لأنك جيت 
 تامر : مع انك كنتي مشغوله عني 
 سلمى ابتسمت : ايش اسوي ماقدرت اجلس طول اليوم معاك عشان قاسم لايركز
 تامر بصوته اللي يوترها : وايش فيها لو ركز ؟
 سلمى رجعت شعرها ورا اذنها وقلبها يدق بسرعه : اخاف يفهم غلط و
 تامر قاطعها لما قال بااستنكار : يفهم غلط ؟!!
انفتح باب المصعد وخرجت مع التوتر وهوا فضل واقف يطالع فيها دارت راسها 
 شافتو يطالع فيها وبعدها خرج 
 زعلته دا اللي فهمتو 
 مشي متوجه للمكتب وهيا جات جمبه وتهرج : ايش تباه بعدين يقول عننا
 تامر يقفل الموضوع : مو مشكله ياسلمى انا عندي شغل دحين بس افضى نرجع نتكلم 
 مد يدو لباب مكتبه الخاص وهيا لساتها تلحقه وتبرر : انا بجد مو فاهمتك يعني دايما ماتحب احد يتكلم عنك 
 تامر طالع فيها ومقعد حواجبه : ايش دخل دا ف اللي سار امس
 سلمى تحرك يدها بتوتر وتتكلم : ممكن الناس يقولو عننا انو احنا مرا بعض وتعرف كيف الكلام حيطلع
 تامر مانزل عينه من عليها سكت سكت كدا بس يوترها 
 زي ماكانت روان امس موترته بدي النظره وبعدها هرج : وانتي ماتبي احد يهرج عننا ؟
 سلمى قلبها حيوقف قالت باارتباك وبكل خفــه : انتا تبا .؟
 مستنيه ردو 
 وتنفسها واضح قد ايش مرتبكه 
 رفع حاجبه وقال بحزم كعادتـه وبشخصيته اللي تعجبها : تتوقعي انا واحد العب على بنات الناس ؟
 صدرها يطلع وينزل مع التوتر اشرت براسها بلا بدون ماطلع اي صوت 
 تامر فتح باب المكتب : اجل فكري بكلامك قبل لاتقوليـه 
 ودخل المكتب وهوا مسوي زعلان 
 واول ماقفل الباب هيا رفعت يدها على قلبها 
 ماتدري تبتسم على كلامه ولا تزعل لانو زعلان منها 
 ماتبى تدخل دحين تبا تجري لصحبتها تبا تقولها 
 خايفه تدخل عندو وتضحك ويزعل منها تاني 
 ومشيت بخطوات رايقه عكس اللي جوتها 
 مميله فمها وهيا تتذكر كلامه وكاتمه ضحكتها وفرحتها 

 امـآ هوآ اتوقعها تدخل واستغرب لأنها ماجات 
 مادى للموضوع اهميه كتير 
 بدأ يشتغل على الكمبيوتر .. يتأكد من الاوراق 
 يرتبها بالطريـقه الصح 
 مو اليوم بس مرا مو اليوم 
 اليوم يباها تحاول تراضيه يبا يزعل يبا يوريها انه هوا مو حق استهبال 
 يطالع بالاوراق وهيا مرتبه بالطريقه اللي حيتكلم فيها 
 عارف ايش بيسوي 
 وبدأ يطبع ... 
تخرج ورقه ورا التآنيه 
15 ورقــه 
 جمعهم .. 
رتبهم للمرا العاشره وهوا مايبى اي غلط بالموضوع 
 اخد الدبـآسه ودبس الورقه في بعض اخد ملف حطها فيه ودخلو بالدرج ...
سند جسمو على الكرسي

 ومامرت نــص ساعه الا دقت الباب ورجعت دخلت 
 مكشر مرا مكشر وقفت قدام مكتبه و هوا رمى الورق وطالع فيها : نعم 
 سلمى بلعت ريقها : ايش بك 
 تامر : ولاشي بشتغل 
 سلمى : طيب ماينفع اجلس ؟ _ بدلع ميلت جسمها _ ماحزعجك


 سبحان الله وبحمده سبحان الله العظيـــم .. 


كآنت واقفه عند باب غرفـه سامي حتى هوا ماستوعب الكلمه
 وساد الصمت فجأه على المكالمه
 الكلمه تجنن من فمها 
 الكلمه خلت كل ملامحه ترتخي يبا يسمعها 
 تاني وتالت يبا يسمعها طول الوقت 
 مايبى اسم براااء يجي على لسانها 
 يبا حبيبي 
: قوليها تاني 
 حاست في الصاله وهيا تمشي باارتباك : قصد ..كـ كـ كنت ا
 براء : هههههههههههه قوليلي حبيبي
 ترف جلست ورجعت وقفت ووجهها محمممر مو عارفه ايش تعلق
 غيرت الموضوع بتلكلك : قلتلك .امـ س ايش سـآر مع تميم وتامر
 براء يهرج وهوا يبا يضحك : مابى اعرف قوليلي حبيبي
 ترف بعدت الجوال عن اذنها وتحرك يدها بالهوى ووجهها محممر رجعت قربت الجوال وعشان تقفل الموضوع قالت : برااء 
 براء : هلا ياعمري
 ترف ابتسمت :وحشني سـآمي
 براء سمع وحشني وابتسم من قلبه لما قالت سامي اختفت ابتسامته
 ايش الشطحه بالمواضيع دي مو عارف 
 براء : ان شاءللله كلها يومين ويجيكي 
 ترف جلست وفجأه نسيت براء وبتفكر بولدها 
 بولدها وبــس : ان شاءالله 
 يحس انو بدأ يغار من سامي بس بيحاول مايكرز كتير بدا الشعور 
 قفلت كل انواع الحوارات بردها دا 
 باين انها ف عاللم تاني 
 وكلها يومين وقاعد يصبــر نفسه عشان يقدر يتقدملها 


 طـــآح عدي في الارض ولؤي انخبط وجهه في الارض 
 مايدري اسنانه انكسرت ولا خشمه ولا عيونه اللي لصقت في الارض وهيا مفتوحه
 وفي النهايه عدي اللي قاعد يتألم وقف وهوا يحاول يدور على اللمبه 
 وسامع صوت احد يتألم 
 واول مافتح اللمبه وماسك كوعه باألم الا انفجع من شكل لؤي وهوا جالس 
 وماسك خشمه ويده التانيه يمررها على اسنانه 
 مو باينه اسنانه مو باينه شفايفه من الدم : اااايش بككك
 لؤي فاتح فمه ويتفقد اسنانه كامله ولا لا
 ويهرج وفمه مفتوح : فيييه ثن مو فيه 
 عيونه كلها دموع مو عارف ايش يوجعه خشمه ولا اسنانه 

 عدي نسي الاختبار ضحك من قلبــــه على فيه ثن مو فيه : هههههههههههههههههه 
 ولا كأنه الادمي ينزف ولا كأنه دعس وجهه 
 مد يدو على الجدار وهوا ثاني جسمه وميت ضحكك : ههههههههههه اااااه يااابطني 
 لللؤي سحب مناديل وصرخ على عدي : ااااللله يااخدكك كسرتلي خشممي 
 عدي ولا كأنه زادت ضحكككته
 ولؤي يحط كومه المناديل على خشمه 
 غير إنو مرعوب من هرجه سنه اللي مو لاقيه : آآآه 
 عددي : ههههههههههههههههههههههه اشوف اشووف 
 جا يقرب الا لؤي صرخ عليه : ااااقلب وجهههك يااوسخ 
 عدي : ههههههههههههههههههههه بلله سنك مو فييه 
 لؤي بعد المناديل وعدي نزل جسمه لمستواه
 لؤي فتح فمو وعدي من كتر ماضحك صوتو انقطع نفسسه مو قادر ياااخده 
 يقول بصوت متقطع : هههههههههههههههههههههه وربي هههههههه وربي سنك مو فيه هههههههههههههه
 لؤي بقهر رجع حط المناديل ودف عدي برجلو : يااا"""" اننننقلع
 عدي جلس ولسى مستمر يضحكك 
 ولؤي مازال يغير المناديل وهوا يبا الدم يوقف عشان يشوف هرجه سنه 
 دقت باب الغرفـه وعدي قال : ادخخخل
 كآن يحسب عزام واول مافتحت علا شهقت ببصصصوتها : اااايش بككك 
 قدمت بخطوات سريعه بااتجاههم وعدي رجع يضحك : انكككسر سنووو ههههههههههههههههه
 لؤي بعد المنناديل ومرا معصب من عدي صرخخ : اخخخرج يااعدي لا
 وقبل لايكمل علا طالعت بفمو وهوا يصرخ 
 حطت يدها على فمها وشقهت بكل صوتها وقالت : فيننن سنك 
 عدي ضحكته من غير صوت ويضرب بيده الارض : هههههههههههههههه 
 سنه اللي بالمقدمه انخلع بكبره 
 كميه الالم اللي حاسس فيها مو طبيعيه 
 وعدي بس يضحك 
 وعلا مفجوووعه بمعنى مفجووعه 
 اما هوا اتنرفز مرا سند يدو على الارض ورفع جسمه 
 عدي مد يدو يبا يقلو فين راايح بس مو قااادر : ههههههههههه لـؤ ههههههههههههههه 
 انتبه للسن في الارض وخلاص حس انو حيموت بمعنى حيموت من كتر مايضحك 
 قلبه يوجعه يبا يقولو سنك هنننا بس مو قااادر 
 دموعه تنزززل ويأشر على لؤي وبعدها على السن ويضحككك
 اما لللؤي اتوجه للحمام الخـآرجي وعلا وسعت عينها بعصبيه لعدي : اههههبل انتا 
 عدي ياأشرلها على السن ومازال يضحك 
 علا طالعت في السن وضحكت بصوت راخي : ياااحيوان اسكت
 اما هيا قامت وراحت تلحق لؤي لما شافت مافي امل عدي يستوعب ويتحرك
 وقفت عند باب الحمام : لؤي كيفك 
 لؤي مرجع راسه على ورا وقال بنرفزه : بدأ يخف الدم
 حاتط المناديل على خشمه ومغطيه دمو 
 واصلهم صوت ضحكه عددي ولؤي مرا متنرفز 
 علا : ايش سار
 لؤي : الحيوووان اخوكي دعس على وجهههي 
 علا وسعت عينها وكتمت ضحكتها : كيف كيف 
 لؤي حسها تبا تضحك شال المنناددديل واشرلها : علا رووحي منمن هنا لو حتستهبلي زي اخوكي 
 غصبا عنها انفلتت الضحكه زي الاطفال دول اللي دوبهم ينخلعلهم اول سن : هههههههههههههه _ لما شافت تعابير وجهه قالت بخوف _ انا اسفه _ ورجعت تضحكك اول ماتذكرت 
 لؤي جا لعند الباب وقفل الباب بوجهها بعصبيه 
 وهيا سارت تدق بخفيف : للؤي انا اسفه لؤي والله مو قصدي
 عدي خرج من غرفته ويأشرلها وعلا تضحك بدون صوت وتهمس لعدي : والله مسكككين 
 عدي : هههههههههههههههههه
 علا تأشرلو يسكت وهيا كاتمه ضحكتها 
 عدي مسح دموعه : ورايا دوآم وماذاكرت بقوم اتجهز _ رفع صوته _ طمننني عليك يالؤي 
 عدي : هههههههههه
 عدي مافي اي ضميـر يتجهز ويضحك نزل وهوا يضحك 
 ركب السياره وهوا يضحكك 
 غير انو صور سن لؤي وارسلو لكل العيله وكتب " لؤي حبيبي كبر وخلع اول سن "
اما لؤي خرج من الحمام بعد ماغسل وجهه خسمه مرا محمر 
 وعلا ل ساتها مستنيـه 
 طالع فيها ودخل غرفه عدي اخد مفاتيحه ونزل 
 وعلا تلحق وراه : فين راايح 
 كانت وراه عشان كدا هرجت : بروح لعياده الاسنان 
 علا :بدري لسسى 
 لؤي : حستنى هنآك 
 نزلو لتحت ونانا تنظــف وهيا حستو زعلان وعدي مرا زودها معاه اول ماخرج الحوش مسكت يدو 
 طالعت فيه وتتكلم بدلع عشان يسامحها : لاتزعل مني 
 اشر براسه ويبا يمشي الا سابت يده ومازالت تدلع : احبك 
 رفع حوآجبه الاتنين وشوف متى قالتلو حط يدو على فمو : امشي من هنا 
 علا : هههههههههههههه بقولك احبك ايش الاسلوب دا
 لؤي حط يدو على ظهرها ويدخلها : ادخلي ياعلا
 علا : هههههههههههههههه بعترفلك فحبي
 لؤي : مني طااايق عيلتكم كلها ادخلي دحين 
 علا : هههههههههه_ طلعت اول الدرجات وارسلتلو بووسه _ والله الكلام اللي في الورقه اعتبرو ماكتبتو كدا حسيت من جوتي راح الشي اللي كآن مخوفني 
 لؤي مو قادر يعلق وهيا تطالع فيه ومتنرفز من وقت الفضفضه 
 والدلــع حقتها اللي مجننو 
 علا : حتروح
 وجات فكت الباب نانا وتقولها : بابا بابا صحححي 
 علا انجلطططت دخلت جري على طول 
 معلمينها من قبل خطوبتهم هيا اللي تنتبه لأوضاع البيت



 امــآ عدي وصـل الجماعه باقي ساعه على الاختبار وهوا مو مذااكر ولا حـآجه ... 
جلس في مكانه المعتاد هوا ولمى 
 ماتصل عليها ولا سئلها فينك . .
لين ماشافها جايه باإتجاهه 
 اول مايشوفها لازم دي المغزه اللي تجي ف قلبـه 
 وقـف حط يدو على وسطها وباسها بخدها 
 قال بصوت مو زي دايما : صباح الخير
 وجلس 
 عادتا يبوس يدها كمان 
 عادتا يقولها كلمه حلوه بعد صباح الخيـر
 عينه على كتابه وبيذاكر لمى جلست جمبه بهدوء وماردت عليه 
 عدي بدون مايطالع فيها : راحت عليا نومه وماذاكرت 
 لمى : طيب دحين باقيلك كتير 
 عدي : دوبني في البدايه 
 لمى : كان قلتلي اصحيك 
 عدي طالع فيها بنظره ورجع ذاكر 
 مرا اتوترت 
 انقهرت 
 تبا تبكي 
 التزمت الصمت ورجع اتكلم : ايش قررتي
 لمى ماتبى تتكلم حاليا بالموضوع : خلص مذاكره 
 عدي مرر اسنانه على شفايفه السفليه وهوا عرف جوابها 
 وفجاه قفل كتابه الكبير بقوه وطالع فيها 
 فزت بفجعه : تستهبلي انتي تبي تجننيني صح 
 عيونه تطاير منها الشرر 
 امس قالتلو ماحتاخدني من بيت اهلي من غير فرح 
 يعني االموضوع يبالو مع ترتيبات امها وامه شهرر
 تطالع فيه بكل خوف يكره نظرتها دي بس مو قادر يتحممل 
 عدي : لممى اهجدي واقفلي اوم الموضوووع دا
 لمى بصوت يرجف : خلاص ذاكر 
 عدي : فححححريقه الدراسه لاتسيبي مجال لمرته تلعب ف راسك 
 لمى : محد بيلعب براسي
 عدي : اجل ايش افهم من كلامك 
 لمى : انا حزنانه على بزوره اخويا ومرته مو حزنانه عليه 
 عدي بقهر يسئلها: مو خايفه ! كآن عاجبك منظرك اخر مرررا !!!! انتي مجنونه صح 
 يتكلم معاها بااسلوب مرا حرقها 
 اتجمعت دموعها ووقفت 
 مشيت بقهههر وهوا يطالع فيـها مو قادر يروحلها 
 فتح كتابه وبيحاول يذاكر بس ماذاكر يقلب بالصفحات وعقله مو معاه معاهااا 
 اتوجهت للحمآمآت 
 وسارت تبكي 
 بيطلب شي منها مو قادره تسويه مستحيل اهلها يرضو فيه 
 ماتبى تزعل اهلها ماتبى تدخل بمشاكل 
 وماتبى اامل تتعذب 
 عدي بيفكر بس فيها 
 بس هما اهــل يفكرو ف بعض ... مو هاين عليها بزوره ليث يبكو ولا يجي في بالهم ف يوم انو خالتهم اللي سوت ف ابوهم كدا 
 اللي حرمتهم من ابوهم 



 فتحت عينها على الظهـر ... 
جسمها تقيــل 
 دااايخه ومرا تعبـآنه ...جلست وسندت جسمها على الجدار 
 اخدت جوالها ..مو عارفه ليش بشار وهديل لدحين محد كلمها 
 بشار فين اختفى فجأه !
عقدت حوآجبها ودوبها استوعبت انها رجعت ومالقته 
 نفسـها تقوم وتطلع تتصل من عند ترف بس دايخه حطت راسها على ركبتها 



 امـآ تـآمر دوبو بيطلب أكل لترف وطلب لروآن معاها 
 طول مايمشي وسلمى تكتبلو بالواتس واول ماوقف سيارته عند العماره كتبلها" انا مع امي شويا اكلمك " 
يصرفها دايما بدي الهرجه 

 نزل من السياره دخل الجوال بجيبه شال الاكيـآس
 واتوجه لشقـه روان حس بتوتر من قبل لايدق الجرس 
 دا الاحساس لوحدو غريب 
 سلمى ولا تهزه بشي مع انها جميــــله 


 يحط الكيس قبال الباب ويمشي ولا يستناها تفتح
 وفجأه سار عيب يحط الكيس ويمشي ولازم يستناها 
 فتحت عينها وقامت على طول دي المرا جا ف بالها بشار 
 مو حاسه بنفسها وهيا بس بتفكر فيـه زي مابتفكر ف هديل
 فتحت الباب من غير ماتسئل 
 بنفس ملابسها وشكلها كلو نوم وشعرها مشعتر 
 ف حياااتو كلها ماشاف وحده صاحيه من النوم كدا 
 لمى لما تصحى ترتب نفسها وبعدين تخرجلهم 
 عدلت شعرها اول ماشافتو 
 تامر : معليش صحيتك 
 روان تمرر يدها على عينها : لا عادي اصلا كنت بقوم 
 تامر مد الكيس : اشتريت لترف غدى وجبتلك مرا وحده 
 روان ابتسمت واخدت الكيس ماتعرف ماترمي هرجه تربك اهلو فيها : كويس يعني مو ترف قالتلك جبلي
 طالعت فيه 
 وهوا اتذكر موقف امس : حتمسكيها عليا 
 روان : هههههه ايوا عشان مرا تانيه لا تكذب 
 ماحس بنفسو الا لما علق وسار ياخد ويدي : يعني انتي امس ماكذبتي عليا 
 رفعت حاجبها : لا انا ماحب الكذب 
 قالتها بااسلوب باين انها كذابه فيه 
 تامر ضحكك وهيا ابتسمت لاشعوريا : معليش مرا تانيه على الازعاج 
 روان : لا _ رفعت الكيس _ شككرا 
 تامر : بالعافيه 
 دار جسمو بيطلع الا قالت مرا وحده تطلع تتصل حطت الكيس جوا خدت جوالها ولبست الفلات بسرعه وقفلت الباب : دقيقه دقيقه 
 وطلعت اول سبعه درجات لين ماوصلتلو : بطلع معاك عند ترف 
 طالعه معاه !
قدام ترف ! 
قال بتردد: طيب 
 بس خلصت التلات الدرجات وبياخدو اللفه يطلعو الدرج الجـآي الا وقفت 
 وحطت يدها على عيونها ...كل شي سود للحظـه 
 منزله راسها ومستنيه بس يفك منها دا الاحسـآس
 متعودين من صغرهم على الجوع وعلى الدوخه دي 
 لما يمنعهم جاسم عن الاكل ومضطرين يشتغلو 
 طول اليوم 
 طالع فيها وقرب خطوه لعندها: ايش بك 
 اشرت براسها وبولاشي من غير ماترفعه 
 وبعدها رفعتو 
 بس وجهها متغير لونـه : انا نازله 
 تامر : لساتك تعبانه ؟
 روان : لا بس مافيا حيل اطلع الدرج اصلا كنت ابا بس اتصل من جوال ترف بس بعدين اطلعلها 
 تامر دخل يدو بجيبو وخرج جواله : اتصلي بجوالي
 روان : لا خلاص مالو داعي ب
 تامر قاطعها وهوا يتكلم ويفتح الباسورد : مافيها شي _ مد جواله _ خدي
 روآن طالعت بجواله : ماعرف حديك انا الرقم 
 تامر كدا تنح شويا لما قالت ماعرف وبعدها اتكلم : هاتي طيب 
 روان جلست على الدرج وهوا وقف قبالها وتدور رقم بشار وبعدها ادتو 
 دخلها الارقام واداها الجوال 
 جلست تسمعو يدق يدق لين مافصل ورفعت عينها عليه ومدت الجوال : اتصل تاني 
 اخد واتصل وبرضو اداها 
 وهيا تستنى تستنى وهوا يطالع فيها وبحركه يدها على الجينز ومسرحه 
 ولما فصل رجعت مدت يدها : خد خلاص مايرد ..تقدر ترسلو رساله 
 بتتكلم عن واحد 
 قالها طيب كان بيديها الجوال قالتلو انتا اكتب 
 فتح الرسايل وطالع فيها 
 وهيا تهرج : اكتبلو انا روان لمـ_ وغيرت كلامها _ لا لا اكتب انا سميه لما تصحى كلمني على رقمي
 هوا اللي فاهمه انو البنت ماعندها اهل 
 دا اللي واصله يعني دا الشخص 
 علاقته معاها اكيـد غريبه 
 لا وكمان عندها اسميــن 
 لحسسسسسسسست مخووووو
 اترخى صوتـه : خلاص ؟
 روان : ايوا 
 ارسلها ورجع دخل الجوال بجيبه 
 روان مدت يدها وهوا طالع بيدها وبعدها بوجهها 
 مايدري ليش الرساله حسها فوقتـه على انو بدأ ياخد راحته بالهرج معاها 
 روآن اتذكرت لما مدت يدها داك اليوم وماساعدها ورجعت نزلت يدها ووقفت :دوبها بتهرج الا هوا قال : يلا انا طالع 
 وطلع من غير مايستنى رد اصلا مشي وهيا لسى واقفه 
 عاملها زي البنات اللي في الشركـه 
 مايستنى رد منهم يقول كلامه ويمشي .. 
مرا استغربت 
 نزلــت على طول واول مادخلت الشقـه اخدت كيس الاكل 
 جيعانه بشكل مجنووون 
 اكلت بضمممير 
 وبعدها جلست تستنى بشـآر ساعه ساعتيـن 
 تلاته 
 وخلاص بدأ القلق يزيـد فيها فتحت باب الشقه وخرجت 
 واول ماوصلت لنهايه الحاره وشافت سياره بشار 
 حست قلبها طاح 
 خلاص مصيبه سارت 
 دقات قلبها زادت وكل شي مجنون بدأ يجي براسها 
 شافتو كيف كآن بيقتل جاسم 
 شافتو لما عصب وكسر كل شي
 تطالع في السياره ودموعها متجمعه بعينها 
 ليش خايفه ماتدري 
 ليش مرعوبه ماتدري
 اخوهـآ ..ّ! 
ايوا خايفه يسرلو شي 
 بدأت تحب وجوده بيومها 
 عارفه نفسها من اول مابدأ يهتم ويدافع عنها 
 انها حتتعلق بسرعه 
 زي اخواتها اللي كانت تتعلق فيهم 
 دخلت يدها بجيبها للمره التانيه وهيا تتاكد اذا عندها فلوس 
 مشيت بدون عقــل وهيا راجعه للبيت 
" ممكن اخدلو تاكسي ورجع " 
 " وليش يسويها وسيارته هنا "
 " طيب ليش ماتصل على جوالي لدحين "
فكت باب الشقـه جلست شويا وماقدرت تتحمل 
 طلعت لفوق ودقت الباب على تـرف 

 ترف فتحت : هلا 
 روان ابتسمتلها : كيفك 
 ترف : كويسا الحمدالله وانتي كيفك 
 روان : تمام والله مرا مرا معليش كل ماجيكي بطلب منك حاجه
 ترف : مابيننا ياقلبي 
 روان : تامر فيه 
 ترف اتفاجئت بس قالت يممكن ماتبى تدخل وهوا فيه : ايوا بس عـ
 روان قاطعتها : طيب ابا اكلمو بلله
 عينننني عينك
 داقه تبا اخوها
 ترف تنحت شويا وبعدها اشرت بيدها : ادخـ لي 
 دخلو الاتنين وترف ماشيه قبلها وروان وراها .. 
وتامر عينه على جوالو وبيهرج على الواتس مع سلمى : تامر
 رفع عدسه عينه على ترف وبعدها على روان لما استوعب انها هنا : ايوا 
 ترف اشرت على روان وضمت يدها تحت صدرها وتبا تشوف نهايتهم
 روان : تامر فاضي ؟
 تامر اشر براسه وبعدها قال بدون استيعاب : ايوا خير فيه شي ؟
 روان : معليش والله بتعبك معايا بس تقدر توصلني 
 تامر طالع بترف ورجع ف روان 
 اكيد ماحيقدر يقول لا بس كيف يقول ايوا كدا يبا رد عدل : مو مشكله اختي اقدر اوصلك فين تبيني اوديكي 
 روان دمرت اوم الاحترام : اخر مكان وصلتني هوا لا لا المرا اللي قبلها اللي على طـ
 تامر قاطعها وهوا يباها تسكت بس : خلاص مو مشكله بس بصلي العصر واجيكي 
 روان : طيب _ دارت جسمها على ترف _ حشوفك ان شالله مرا تانيه 
 ترف ابتسمتلها : ان شالله 
 روان على طول مشيت وقفلت الباب وراها 
 وتامر اول ماطالعت فيه تـرف الا هوا قفل جواله واتوجه للحمآم 
 اتوضـى وصلى : تبي شي
 ترف : هههههه لا سلامتك 
 ماتدري ليش انفلتت منها الضحكه 
 تامر رفع حاجبـه : ايش بك 
 ترف اشرت براسها : لا ولاشي
 تامر خرج جايبتلو الكلام روان ببلاهتها .. اصلا اول ماحسها من البنت اللعابات قال ماحيديها وجه 
 بس مع ارتباكه وترف تطالع فيـه وروان تطالع ماعرف ايش يرد 
 دق البـآب ولا دقيقتين الا هيا فتحتو شايله شنطتها الصغيره السودا : يلا ؟
 روان : ايواا 
 خرجو وكآن ماشي قبلها بخطوتيـن وساكت ولا اتكلم معاها ولا قال 
 متوجه للسياره اللي موقفها ف بدايه الحاره بسبب زحمه الظهر 
 وقبل لايروح دخل البقاله 

 وهيا واقفه عند الباب 
 اخدلو قاروره مويا ووقف عند الحساب بيحاسب 
 مكآن الكاشير ناحية الباب اول مافتح الدرج روان طالعت وشتت نظرها 
 ورجعت وسعت عينها وقربت : دقيقه دقيقه 
 الرجال وتامر طالعو فيها 
 اشرت على الدرج : المحفظه اللي عندك بالدرج دي حق مين 
 الرجال ادا لتامر الباقي وعينه على روان ويهرج :لقوها في الحاره مرميه وجابولي هيا البقاله.. اي احد حيدور حيجي هنـآ
 متأكده متأكده انها حق بشــآر طول عمرها تطالع في محافظ الرجال 
 لما تبا تسرق من صغرها ...ومحفظه بشار مميزه شكلها غريب : انا اعرف صاحب المحفظه 
 الرجال : طيب قوليلو انو هنا المحفظه وييجي بنفسو يستلمها
 روان بنرفزه : بقولك انا اعرفو حكدب يعني 
 تامر طالع فيها : خلاص قوليلو يجي وانتهينا 
 روان رجعت تطالع في الرجال : طيب تعرف فين لقوها
 صاحب البقاله : امس سارت مضاربه في نهياه الحاره وهناك لقوها 
 روان اتأكدت انو هوا 
 خرجت من البقاله ودموعها بعينها تطالع في سيارتو 
 ومحفظتو هنا ولا اتصل عليها اكيد مصيبه سايره 
 تامر خرج وطالع فيها وهيا تاكل اظافرها وباين انها بعالم تاني 
 يسئل يطنش 
 طالع في السياره اللي عينها متعلقه فيها 
 مو عارف ساير الموضوع فيه شباب ودا اللي قاعد يلاحظه كل شويا 
 مشي وماعلق وهيا اول مالمحته مشيت وراه 
 ركبو السياره 
 تحرك رجلها بتوتر 
 ماتبى تفكر بشي 
 ماتبى يجي في راسها اي حاجه 
 طالعت في تامر : تقدر تتصلي على الرقم تاني 
 تامر : طيب 
 خرج جواله واتصـل واداها وبرضو مافي احد رد 
 يطالع فيها كل شويا وحاسس انها تبا تبـكي 
 بس بيكابر ويطنش بيحاول يسوي خير زي اخر مرا ويوصلها ومايتدخل بحياتها 
 ولا خمسه دقايق الا قال : صاحب المحفظه هوا نفسه اللي بتتصلي عليه ؟
 روان : ايوا 
 تامر : طيب ايش بك خايفه 
 رون طالعت فيه : من امس مختفي حتى سيارتو سابها هنا 
 تامر بتردد وعينه على الطريق : مين دا
 روان سكتت 
 طول شويا سكوتها 
 وبعدها سندت جسمها على الكرسي وقالت بصوت راخي : اخويا
 بدأ يتلحس مخووو 
 السياره حق اخوها السياره واااضح انها مرا فخمـه !!!!
لها اسميــن روان وسميـه .!!!
مو قادر يربط المواضيع في بعض 
 طالع فيها : انتي اسمك سميه ولا روان ؟
 روان : جاسم سماني سميه وانا سميت نفسي روان 
 تامر : مين جاسم 
 روان : ابو بشار 
 تامر عقد حواجبه : مين بشار 
 روان : اخويا 
 تامر طالع فيها ورجحع طالع في الطريق : انتو من اب واحد دحين صح !!
روان : ايوا 
 تامر : طيب قولي ابوكي وانتهينا
 روان رفعت حاجبها : انا ماعندي اب _ وشمقت بوجهه _
ورجـع بينهم الصمت تاني 
 تامر الف سؤال براسه بس مو حابب يدخـل 
 يحس انو تجيه لحظه يكون فيها جريئ ويسئل وشويا مايقدر
 وكأنه هيا اللي تشيل الحاجز اللي بينهم وهيا اللي ترجعه 
 وروان تطالع في الطـآقه ومو عارفه لو وصلت حيكون اصلا بالبيت 
 ولا رايحه على الفاضي واول ماوصلـو طالعت في تامر : تقدر تستناني بس اتأكد هوا فيه ولا لا
 تامر : طيب 
 نزل من السياره ودخلت 
 ضغطت على زر المصعد وبدأ اتوتر يزيـد فيها 
 دخلت المصعد وخرجت وهيا على نفس التفكير 
 مشيت في الممر 
 وهيا برضو خايفه انها توصل وتبا توصل 
 فكت لاشنطه لدحين عندها البطاقه خرجتها كانت حتفك الباب بس قالت 
 تدق اول 
 دقت مرتين تلاته ولما مافتح
 فتحت الباب بنفسها 
 كل شي مرتب وكأنو ماسار اي شي في الصاله دخلت بتردد ويدأت تحس انو مو فيه بالبيت 
 اتوجهت للغرفه فتحت الاضائه وشافتو نـآيم 
 دموعها نزلت على طول 
 مسحت دموعها سحبت شنطتها من على كتفها ورمتهاا بووجهه وصرخت : بشاااااار
 كآن نااايم 
 نايم بضميـر 
 وجلس على طووول مفجووع طالع فيها : ايش فييييه
 مو مستوعب كيف دخلت 
 ليش جات اصلا 
 وليش معصبه 
 طالعت بوجهه وهوا مجروح ف خده : وبعدددين معاك
 ياخد انفاسه ورا بعض عينه لسسى مو مفتحها مزبوط من اضائه الغرفه : ايش فييه ايش ساار
 روان واقفه قبال السرير ومعصببببه : عرفت انك اتضاربت صح ؟
 عقد حوآجبه ولسى مو مستوعب انها مسويه الهجوم دا عشان دا الموضوع : سار شي !!!
روان : اتضاااربت ولا لا
 بشار سند جسمو على المخدات ولساتو يطالع فيها : دحين انتي مصحيتني عش
 روان قاطعتو بعصبيه : جاوووبني
 بشار : ايوا ايش تبي دحين 
 روان رفعت صباعها بتحذير : مرا تانيه تخصرني طول دا الوقت حجيك واقتلك ولو فكرت تتضارب مرا تانيه ناديني معاك فاهم ولا لا
 بشار يطالع فيها بتناحه 
 ويبا يستوعب الجمله اللي سمعها نزل رجلو من على السرير ووقف 
 مرر يدو على ذقنه وبعدها قال : مني فاهم لدحين انتي ليش معصبه 
 روان : لأنو طول اليوم بحاول اكلمك ومحد يرد ولقيت سيارتك واقفه وروحت البقاله شوفت محفظتك هناك مو وقتك تتمشكل وتموت دحين 
 بشار : الله واكبر عليكي لو حموت كنت حموت من فجعتك _ طالع في شنطتها اللي على السرير _ دحين انتي من جدك راميتني بالشنطه متخلفه انتي يااابت
 رووان : عشان مرا تانيه تفكر قبل لاتتمشكل مع خلق الله 
 بشار يطالع فيها وضايع الكلام معاها 
 هجمت على شقته وهوا نايم 
 صرخت ورمتو بالشنطه وصحتو بفجعه 
 وكمان عينها قويـه 
 روان : دحينن جيتك 
 نزلت لتـآمر واول ماشافها جيه فتح الطـآقه جات لعنده : خلاص طلع نايم 
 تامر : طيب كويس 
 بعدت جسمها عن السياره الا هوا اشرلها براسي : تعالي 
 كانت على الرصيف ومرت جسمها كدا بسرعه على الطاااقه :" هاا
 تامر :بشوويش
 كآنت لسى تبا تحش اتذكرت لؤي كيف كان يخاف على سيارته 
 الا هوا كمــل : لاتتعوري
 تنحت كدا للحظـآت 
 ضحكت ببلاهه : لا عادي
 ماعرفت ايش تقول 
 متعوده على العفاشه 
 اول مرا ماتعرف ترد 
 اول مرا تنكسف من تعليق تقولو وتحسو انو مو فمكانه 
 ايش لا عادي !!!
تامر عقد حوآجبه : نسيت ايش كنت بقولك 
 روان : اتذكر
 تامر : والله مرا ناسي يلا مو مشكله مع سلامه 
 روان بعدت ورفعت يدها وقالتلو باي 
 مشيت وبعدها عقدت حوآجبها : عداني بالبلاهه




بدايه الفصل ال 25 
في الصفحه اللي قبلها

 تابع ...



طلعت لبشـآر ولقتـو جالس في الصاله اول مادخلت طالع فيها : فين روحتي 
 روان بكل برود تهرج بعد ماقفلت الباب : كنت بقول للي وصلني يروح 
 بشار على بالو سواق : سنه عشان تقوليلو 
 روان جلست على الكنبه : ماطولت قلتلو بس انك نايم ومشي بعدها 
 بشار دوبو بيمسك جوالو الا طالع فيها : ايش قلتيلو !!
روان : انك نايم !
بشار سكت شويا وبعدها قال : انتي جيتي مع مين 
 روان : اخو جارتنا
 بشار رفع حوآجبه الاتنين ميل جسمو بااهتمام وهوا بيتفرج عليها : ايوا ؟
 روان : بس ؟!
بشار : دا نفسو اللي اداكي ايجار الشقه 
 روان ضحكت : هههههه لا داااك عبيط راح ف حاله 
 بشار ضحك معاها كدا نص ضحكه بس مرا الموضوع ماضحكه : هوا انتي ماشالله ماتعرفي غير رجال 
 روان : والله انهم احسن من الحريم ياخي يفزعولك فزعات تبيض الوجه 
 بشار يطالع فيها بس ساكت 
 مرر لسانه على اسنانه وهوا لسى ساكت 
 ورجع سند جسمو على الكنبه ورفع رجلو على الطاوله 
 ماعلق مرا ماعلق 
 ولا دقيقتين الا طالع فيها : انتي متخلفه 
 فجعها : ايش فيه !!
بشار : يعني رجال اكيد حيفزعلك تستهبلي 
 روان : انتا ليش بتسب دحين 
 بشار نزل رجلو في الارض : من مخك المتخلف شي واحد حطيه في راسك لما الرجال يفزعلك هنا المفروض تخافي 
 روان تتذكر لؤي حبوب وتامر كدا ف حاله ويستحي : مو كلهم زي بعض انا اطيح على ناس محترمه والله 
 بشار مو عارف دي بعقلها وبجد تهرج 
 يعني حتى لو مو حاسه انو دا الادمي اخوها 
 مو مستحيه وهيا تتكلم كدا!!! 
قال بحده : قفلي الموضوع 
 دق الباب
 وقام على طول يجيب الاكــل متنرفز منها وحمد ربـه انو اندق الباب 

 مارضي يسئلها ايش سار معاكي مع هديـل
 يبا يسئل ويعرف ليش كانت تبككي 
 وبنفس الوقت مو قادر 

 بعد ساعه من جلستهم وبشار رجع نسدح بعد الاكل 
 وحاسس بخمول الا جات رساله على جوال روان 
 واول ماسمع الرنه غمض عينه : يالللليل جوووالك دا وربي لاحرقلك هوا
 روان : خليك في نفسك لو سمحت 
 خرجت جوالها من الشنطه وشافت كلام كتيــر مرسول من جوآل ام هديل
 طبعا مافهمت شي مدت يدها : بشااار اقرا
 لساتو مسدوح اخد الجوال وقرا بصوت عالي " روان مرا احبك لاتزعلي مني ومن كلامي اخر مرا عارفه انك حتدي الجوال لأحد يقرألك واتمنى انو يكون بشار _ اختفى صوته وجلس وسار يقرا ويقرا ويقرا _ 
وباين انو مو عاجبه الكلام 
 انفاسه بتزيــد
 وقف على طول 
 وروان مو عارفه ايش الهرجه : بشاار ايش فييه !
دق على الرقم وجالو مافي رصيييد 
 سار يدور جواله ولا رد على روان ونقل الرقم على جواله 
 روان وقفت : وترتني ايش سااير ايش كتبت 
 من اول رنه هديــل ردت 
 عارفه انو رقم بشار جالو صوتها وهيا تبــكي 
 قال باارتباك : عهود فينك 


 امــآ هديــل 
 قبل ماترسل بسآعات 
 امها استحمت واتجهزت ومرا بتتزبط وهديل تتفرج عليها ومو عارفه 
 ليش دا كلو 
 مو مصدقه اصلا انها بتتفرج على امها بس مو مبتسمه او حاسه بسعاده 
 كدا بدون اي احساس 
 مميله راسها وتتفرج عليها 
 تحاول تقنع نفسها انو كلها كم يوم وامها حتخرج من دا المكان اللي حتشتغل فيه 
 وقتها يمكن تسير مبسوطه
: قومي اتجهزي 
 هديل: انا جاهزه 
: ليش ماجبتي ملابس معاكي 
 هديل رمشت بهدوء وقالت : ماعندي
: دحين اجبلك من عند البنات 
 وخرجت على طـول راحت جابتلها ملابس 
 وكانت زي ملابس هديل المعتاده تيشيرت وجينز 
 غيرت ملابسها لفت شعرها كالعاده على فوق 
 وجلست بتعب
 امها : ايش بك ؟
 هديل : حاسه اني تعبانه 
 امها قربت منها ومسكت خدها : مافيكي شي لاتدلعي
 هديل اشرت براسها من غير ماتهرج وامها اختفت ابتسامتها 
 وجلست جمبها تتكلم بااسلوبها الحنون : ايش بك ياقلبي
 هديل : مددري مو مرتاحه ومخنوقه 
 امها حضنتها : انتي عارفه انها مسأله وقت ساعديني الله يخليكي
 غمضت عينها بتعب وهيا تحس مافي امـل تخرج من اللي هيا فيه 
 ماتبى تسيب امها 
 حتساعدها .. 
جلسو يستنو السياره 
 وهديل بدأت تحس جسمها بااارد مع انو كل شي مطفـى
 سارت مو عارفه هيا تعبانه ولا مع الخوف بتحس بدا التعب
 مشيت ورا امها اول ماجات السياره ركبت 
 وامها ماسكه يدها وباستها بخدها 
 بتدلعها 
 بتديها الشي اللي هديل طول عمرها تتمنـآه 
 وفجأه وقفت السياره قبـآل الفله 
 نزلت من السياره دقو الجــرس ودخلو البيــت ... 
استقبلهم بنفسه سعيـد 
 استقبلهم وابتسامه على وجهه ..
ابتسامه فاجعه هديل
 ماتدري ليش حست زي يوم ماشافت جاسم 
 وكأنه الكل يضحك عليها وتبدأ حياتها مع شخص تاني 
 ماسكه نفسها لاتبكي
 سعيد مد يدو لها : كيفك اليوم 
 طالعت بيدو وضمت يدها تحت صدره : ايش حشتغل
 سعيد ضحك ونزل يدو بشويش طالع في امها وبعدين في هديل : امك حتفهمك ملابسك فوق روحي اللبسي وانزليلي 
 ومشي من قدآمها ... 
البيت مرتب اثاثه مايل للفخامه بس لدحين مو شايفه احد غير سعيـد 
 طالعت في امها : ملابس ايش 
 امها مسكت يدها : تعالي 
 مسكتها وطلعتها زي ماطلعت قبلها عشرات البنـآت 
 عارفه اي غرفـه بزبط تدخلها .. 
هديل تمشي ودقات قلبها ورا بعض 
 لين مافتحت باب الغرفـه 
 كآن فيه سرير ودولاب بسسس
 امها اتوجهت للسرير ورفعت الشورت البلوزه القصيره لنص البطن : اللبسي دا على بال انا حروح اشوف ال
 وقاطعتها هديل بردة فعل سريعه: ايييش ! _ اشرتلها _ تبيني الللبس دا!!!!
امها قربت منها وف يدها الملابس وتهرج : سعيد مسوي حفله تحت كل البنات اللي يشتغلو لابسين دا اللبس 
 هديل ضحكت بفجعه : يشتغلو بدا اللبس ..؟؟!!! ماما انا قصدي انظظف البيت قصدددي اغسلو الحمامات لو يبا بس مااالبس دا اللبس 
 امها رمت الللبس بتعب ": ايش تتتتبي ياهددديل قلتي ماتبي تشتغلي بداك المكان وسكت وهنا حتى جايه تتشرطي
 هديل .دموعها اتجمعت بعينها اول ماامها صرخت : ماما مابى احد يطالع فيا وانا لابسه دي الملابس هما اساسا ايش يبوني اسوي قلتلك اني حجي عشان انظفلو مو عشان يتفرجو علياااا
 امها : محد حيلمسك ليش تحسبيني جااايه ابيعك هنا وامشي
 هديل نزلت دموعها واشرت على الملابس : اجل تبي تنزليني قدام واحد بدا اللبس وايش حيكون مقصدك 
 امها : عشان تشتغلي 
 هديل : اااشتغل ايششش فهميني ااايش من امس وانا بقولك انظظف وانتي ساااكته 
 امها : حتقدمي المشروبات حتجيبلهم الاكل بس دي شغلتك 
 هديل : طيب اقدر اسوي دي الحاجات من غير ماغير 
 امها قربت منها ومسكتها من يدها : هددديل لاتعصبيني ترا كلها على بعضها شورت لاتسويلي من الحبه قبببه 
 هديل سحبت يدها : ماما لاتتكلمي بدا الاسلوب دا شووورت يعني كأني مو لابسه شي ايش بك انتي 
 امها : ايش يعني تبي تسوي ؟
 هديل بحده : مني لابسـه 
 امها في عينها الشر اخدت نفسها : خلاص براحتك بس حنادي سعيد وبعدها نمشي
 ماتوقعت دي ردة الفعل
 بس بدأت تخف دقات قلب هديل 
 ابتسمت بين دموعها : طيب 
 دوبها امها حتخرج الا سعيد دق الباب ودخل .. : انتي لسى مالبستي 
 ام هديل طالعت فيه : احنا ماشين 
 سعيد عقد حوآجبه : على فين 
: هديل ماتبى تشتغل هنا ولا تبا تلبس دي الملابس خلاااص ماحضغط عليها 
 واقفه ورا امها بدأت تحس شويا براحه 
 مع انه تفكير امها ككل مو عاجبها بس اقلها بدافع عنها واحترمتها .. 
سعيـد يطالع في امها وكدا للحظـه سار بيحاول يستوعب ليش سوت كدا
 قدم بخطوآت هاديــه لين ماوصل لأم هديـل 
 بلع ريقه مابين يسوي الحركه ومابين لا مايبى يهينها بدي الطريـقه 
 بس من وقفتها عارف انها تبا يسوي اي شي مجنون 
 وفجأه مسك ام هديـل من شعرها وسحبببها 
 هددديل صرخت بكل صوتها : ممممااااماااا
 ام هددديل : ااه 
 هديل تحاول تمسسك يده اللي ماسكه شعره امها وهوا يطالع في هدديل : تححححسبي انا استهبل لما اقوولك حتشتغلي هننا 
 هديل بخوف : سيبيها سيبها الله يخليك 

 سعيــد وكأنه ماسك لعببه يحركها وامها تتصرخ : لاتخليني اقووم اضربها قدام عينك عشان اوريكي اللي تكسر كلامي ايش يسرلها 
 هديل هوا يتكلم وهيا تمسك في يده ودموعها تنزل : سيبها والله حسوي اللي تباه بس سيبهااا 
 دف ام هديل على الااارض : ااااه
 هديل دارت جسمها بتروحلها الا مسكها من ذراعها وجابها قدامه : لو ماقومتي تلبسي دحين وتنزلي والله لاأخلي امك مشوهه قدام عينك فهمتتتي
 هديل جسمها يتنافض تطالع في امها اللي تتألم من جسمها وبعدها فيه : ابوس يدك لاتلمسها والله حسوي اللي تباه والله العظظظيم 
 دف هديل : بسرعههه اجل اللبسي
 ومشي بخطوات سريعه وقفل الباب بكل قوته وراه
 وهديل جريت لأمها ونزلت لمستواها حضنتها وبكيت 
 انك تشوفي امك تنضرب وهيا بدا العمر شي حرقلها قلبها : انا اسفه 
 امها ماتكلمت وهديل تزيد تحضنها : ماما لاتزعلي مني والله اسفه والله ماجا ف بالي انو يضربك 
: خلاص عادي 
 هديل بعدت عنها : لا مو عادي _ مسحت دموعها _ قوليلي كلها كم يوم وماحتشوف وجهنا كم يوم وحتخرجي من دا العالم الوسسخ كلووو 
 امها قربت وحضنتها بس قلبها وجعها ولأول مرا 
 تبا تشرد من كلا بنتها 
 تبا تشرد من دموع بنتها 
 حاولت توقف مع انو جسمها بجد يوجعها : بروح اتفاهم معاه 
 هديل : لا لا تروحيله 
 ام هديل : لاتخافي انتي اتجهزي على بال 
 وقفت بالقوه واتوجهت للباب وقفلتـه 
 هديل جالسه بالارض وتطالع في الشورت ودموعها تنزل 
 شالتو من الارض واتوجهت للباب قفلتو بالمفتـآح 
 ونزلت الجينز اللي على جسمها لبست الشورت 
 رفعت التيشيرت من على جسمها ولبست البلوزه القصيره اتوجهت للدولاب وطالعت بنفسها بالمرايه
 ودموعها تنزل ورا بعض 
 جسمها بدأ يتنافض بس من الفكره انها حتخرج واحد حيطالع في جسمها كدا
 اتوجهت للسرير وجلست وبكككيت بصوتها 
 كارهه نفسسها كارهه شكلها 
 حاسه انها كانت تعايب على هدى واليوم هيا مكآنها 
 انتبهت لشنطه امها على السرير 
 اتذكرت روان وبشـآر
 اكتر اتنين ماحيرضو يشوفها ولا تتمنى يشوفوها بدا المنظر 
 تحبــهم 
 فتحت الشنطه وخرجت الجوال 
 ماتبى تشوف روان دي الفتره 
 ماتبى تشوفها لين ماتتعدل حياتها وحياة امها 
 كتبتلها رسـآله " روان مرا احبك لاتزعلي مني ومن كلامي اخر مرا عارفه انك حتدي الجوال لأحد يقرألك واتمنى انو يكون بشار ..ابا اقولك انا اسفه على كل شي سويتلك هوا اسفه لأني جرحتك بس والله احبك ..قول لروان اني مسافره كم يوم مع ماما ولما ارجع حشوفها "

في الجهه التانيه بشار يقرا الكلام وعارف انها مستحيل تقدر تسافر
 تبا تختفي لسبب 
 اتصل بدون عقل 
 اتصل وهوا عارف انو جيتها اممس ونظرتها ليه وكأنو فيها الف شي بس مارضيت تقوله 

 اول ماشافت رقمو ردت بدون وعي بدون ماتفكر وحشها : بشار 
: عهوود فينك 
 بشار طالع في رووان بعد الجوال عن اذنه : بكلمها واجيكي 
 وماساب مجال لروان ودخل غرفه نومه وقفل عليه الباب .. 
وروان واقفه بنص الصاله مو فاهمه ايش الهرجه 
 هديل بس سمعت اسم عهود كدا انكسرت زياده مو راضي يستوعب انو دا مو اسمها 
 قالت بكل ضعف : لاتقولي عهود
 غمض عينه وهوا ضاغط على فكه.. ورجع حاول يتكلم وهوا رايح جاي قبال سريره : فينكك 
 قالت بضعف : بشاار 
 بشار : نعم
 هديل تبكي وتهرج : انا اسفه 
 بشار : مو وقته دا الكلام قوليلي فينك ابا اتفاهم معاكي 
 هديل مسحت دموعها : كلمني هنا
 بشار ضاغط على قبضه يده : مابى هنا اباا اشوفك ابا اشوفك قدامي
 هديل : ماقدر اليوم
 بشار مو مرتاح لصوتها لكل شي مو عاجبه : انتي فين 
 هديل ولا كأنه سئلها : بشار عارف لما وقفت قدام سيارتك 
 بشار قاطعها : مو وقته دا الكلام بعدين نهرج انتي فين 
 هديل ببكى : ابا اكلمك خليني اقول اللي بنفسي 
 بشار بضعف اتكلم : حبيبي بعدين نتكلم طيب قوليلي انتي فين
 كل ماتشرد من السؤال كل مايتوتر زيـآده 
 اول ماقلها حبيبي نزلت دموعها : ممكن احكيك كل شي 
 بشار حاسس نفسه ضعيف قدام صوتها مو عارف بيتوهمله 
 ولا هيا بجد فيها حاجه 
 يبا يطمن 
 لما ماجاها رد كملت : يوم ماوقفت قدام سيارتك كنت راضيه اني اموت عشان اعرف بس مين اللي خرج من بيت جاسم كنت احسبك حتووقف السياره وقلت لو ماوقفت انا اللي حيسرلي شي وينتهي كل شي قبل لايبدأ _ صوتها رجف _ بس ماسار شي من اللي كنت اباه فجأه سيارتك راحت لمكآن تاني 
 بشار قال بضعف : عمري بعدين نتكلم 
 هديل تبكي وتكمل : لو انا بطاله يابشار كآن مشيت وسبتك لو انا بطاله كآن لما اتصلت على الاسعاف روحت وخليتك لو انا بطاله ماكان جلستت ادور على انتا عايش ولا ميت وابا اطمن انا بلهه عارفه اني بلهه 
 بشار خلل يده بشعره : عهود ل
 هديل قاطعته : لاتقوولي عهود لاتتتقولي
 بشار مو قادر ينطق هديل 
 هديل : انا ماضحكت عليك الا بشي واحد اني عندي ام واب كل المواقف اللي كنت احكيك هيا ابوك سوالي هيا 
 غمض عينه وسار رايح جاي 
 هديل : مو انتا الغبي انا الغبيه لأني حبيتك وانا عارفه انك ولدو ابوك حرمني من كل شي وانتا كنت تعوضني ابوك عيشني اسوء حياه وانتا اديتني احلى ايام حياتي ابوك ضربني وهانني وانتا حضنتني واهتميت فيا كل واحد فيكم عيشني حاجه عمري ماحنساها قولي لو مكاني ايش تسوي وقفت بنص الطريق مو عارفه اسيبك ولا قادره اكمل معاك حاولت اجرحه بس انا اللي انجرحت حاولت احرق قلب ابوك بس انا اللي انحرق قلبي يابشار انا غبيه وعمري ماسويت شي عدل بحياتي
 قد ايش يكره لما يسمع ابوه ايش سوا فيـهم ..: خلاص اعتبريه موضوع وانتهى
 هديل : لا ماانتهى دام مو مسامحني 
 بشار مايدري مسامحها ولا لا بس يباها : انا مسامحك 
 هديل : تحسبني ماعرفك 
 بشار جلس على السرير ونزلت دموعه : وربي احبك والله تعبان من دونك مو عارف مسامحك ولا لا بس ابا اشوفك 
 هديل بس قال كدا سارت تبـكي 
 بشار مسح دموعه : فينك ابا اشوفك 
 هديل بضعف هرجت : بعد كم يوم حرجع وحجيك طيب ؟
 بشار : انتي ماروحتي مكان مني سميه تضحكي عليا 
 هديل رجعت شعرها ورا اذنها : بشاار لما عرفت ابوك ايش يشتغل زمان ليش مابلغت عنو ..؟ 
 بشار قال بعدم استيعاب : لانو ابويا 
 هديل : اجل انتا حاسس فيا انتا كنت حتوقف جمبو لو ماسار اخر موقف كنت حتساعدو لو قلك ف يوم احميني يابشار 
 بشار سكت وبعدها وقف وهرج باارتباك : لا لا لا لاتقارني موضوعي بموضوعك امك امك ايش تبا منك 
 دقت بااب الغرفه : هددددديل
 هديل طالعت في الباب :قول لروان بس اني سافرت امانه انتبه عليها دي اليومين 
 بشار اتجننننن يمشي بالغرفه وشويا يكسر اي شي قدامه :لاتقفلللي وتجننيني 
 امها دقت بقوت: هدددددديل 
 هديل بتوتر هرجت بعد ما بللت شفايفها بلسانها : والله حكلمك بس مرا تانيه اول ماحقدر حتصل 
 نزلت الجوال لما امها دقت للمرا التالته ..
مسحت دموعها 
 طفت جوال امها 
 طفتــه لأنه عارفه بشار حيحاول يوصلها من الرقم ورمته في الشنطه

 اتوجهت لللباب وفكتـو وامها طالعت فيها 
 حاولت ماتبتسم 
 حاولت تخفي ابتسامتها 
 مستنيه بس سعيد والبقيه يشوفو بنتها ومفتخره بدا الشي 
 قربت من بنتها وفكتلها ربطة شعرها ونزل شعرها لنهايه ظهرها 
 امها تحرك شعر بنتها وتجيبو على وجهها وهديل دموعها بعينها 
 تطالع في امها وتحس فيه شي مو قادره تستوعبه 
 فيه شي وسط امها كدا مو مريحها 
 بس في نص الافكار دي حضنت امها وبكيت 
 كرهت امها لأنها فكتلها شعرها الحركه حرقتها 
 بس حضنتها عشانها خايفه 
 هشانها تعبانه 
 عشانها ضعيفه 
 مو عارفه ايش بتحس 
 امها بعتها وهيا واقفه اليوم بتسوي شي عشان تساعدها 
 بس امها ياعالم دا شي صح ولا غلــط .!!!!
سارت مو عارفه بس عندها امل بعد دا الشي امها تحبها 
 مشيت مع امها 
 تمشي وهيا تبا تستوعب ايش قاعده تسوي 
 ليش امها ماتحاول تخرجها 
 ليش امها جايبتها بعد دا العمر عشان تخليها زيها 
 وقفت مشي كارهه نفسها 
 ماتبى احد يشوفها كدا
 جسمها كلو يتنافض بس من الفكره 
 قالت بكل ضعف : ماما خرجيني من هنا
 امها دارت عليها واخر شي اتوقعته تسمعه : هديل ايش بك 
 سحبت يدها من امها : ماما انا اسفه والله اسفه مابى احد يشوفني كدا خرجيني لو احد فكر يضربك والله انا ماحخليه 
 ام هديـل : اخرجك من فيين الرجال تحت و
 هديل قاطعتها : رجال ! _ رجعت خطوى لورى _ والله مابى مابى الله يخليكي 
 ام هديل مسكت يدها : تعااالي ولاتستفزززيني كل شويا بكلمه 
 هديل سحبت يدها : ماااحنزل مابى انزل 
 بتتجنن منها ومن اسلوبها كل شويا لها راايي
 بس دي شخصيتها تحاول تتناززل وبعدها تحاول تستوعب وتقوي نفسها 
 وترجع تضعف وترجع تقوي نفسها : انا اعرف واحد شرطي والله لو روحتي واشتكيتي حيوقف معانا _ مسحت دموعها _ ولد جاسم لو قلتلو بس الموضوع اكيد حيساعدنا
 امها تطالع فيها مفجوعه قربت منها : لاتستهبلي وتفتحي فمك لاأحد
 هديل بدأت تحس انو دا بجد حل : ماما ليش ماتبي تسمعي اي حل والله حيساعدنا انا عارفه اديني جوالك اكلمو وحيجي على طول 
 امها قلبها يدق بسرعه حفله زي كدا توديهم في ستين دهيه : ليش ماتبي تسوي اللي اطلبه وبس 
 هديل : وانتي ليش ماتبي تسمعيني ليش مصره انو مايكون فيه حل غير اني اكون نسختك ليش مو راضيه تستوعبي انو في الف حل عشان نخرج من الموضوع دا بدون ماتخليني اعيش دي الوساخه انا حروح اكلمو 
 وقبل لاتهرج امها مسكتها من يدها وقربتها بعصبيه : لاتخرجيني عن طوووري ياهديل وسوي اللي بقولك عليه
 هديل انفجعت عينها بعين امها قالت بشك وهيا شايفه انو امها بترفض كل فكره ممكن تخرجهم من دي المواضيع : ماما انتي تبيني اشتغل هنا صح ؟!
ام هديل باانفعال : لو قلتلك ايوا .؟ لو قلتلك انو دا مو شي عيب وانا ابا بنتي تسوي اللي انا عشت طول عمري عليه انا احببك انا ماحخليكي تسوي شي ممكن ياأذيكي ليش مو راااضيه تفهمي 
 هديل ولابعدت عن امها قالت بنفس الهددوء وبنفس الصدمه : رجعتيني عشان اشتغل ولا عشان تبيني معاكي .؟
 ام هديل : اكيد عشان اباكي انتي بنتي 
 هديل : طيب دام بنتك طلبي الوحيد انك تخرجيني من هنا مابى اسير زيك 
 ام هديل دفتها قدامها بااتجاه الدرج : تتععععالي
 طاحت هديل على اول درجه مسكت بالدربزان ورجعت وقفت 
 ماتبى تنزل 
 امها جات تمسكها وتسحبها لتحت الا هديل سحبت يدها بكل قوتها 
 وفجأه امها طآحت لأخرر درجــه 
 وهديــل قلبها طاح معاها ماتحركت 
 شافت امها اترمت على الارض ولا قدرت تنزل عينها متعلقه عليها وبس
 استنتها تتحرك بس ماتحركت 
 شافت دم يخرج من راسها وبرضو ماتحركت 
 فجأه طالعت في البنت اللي لابسه نفس لبسها وصرخت بكل صوووتها 
 نزلت بجسمها للأم هديل وتناااادي الكل 
 سمعت اصوات رجججال كتتير جايين 
 رجعت بخطواتها على ورى 
 قلبها حيوقف وهيا تبا تطمن على امها وخايفه تطمن 
 خايفه من الرجال وخايفه من المكان اللي هيا فيييه 
 ماتبى احد يشوفها وتبا امها وماتباها 
 الف حاجه جوتها بس جريت على طوول على الغرف دخلت الغرفه اللي خرجت منها وقفلت على نفسها بالمفتاح جلست ورا الباب بدون اي ردة فعل غيرانو جسمها بيتنافض 
 وثواني 
 وخرج صوت تنفسها المسموع وقالت بعدم استيعاب ودموعها تنزل : مامااا !
ولا دقيقتين الا دق الباب باأقوى ماعندو 
 سحبت جسمها بعيد عن الباب وصوت بكاها علي في المكان
 تطالع في الباب ووخايفه يفتحو 
 ولما دق مرا تانيه وصرخ 
 قاما بسرعه واتوجهت للشنطه
 شالت الشنطه وكبت كل شي فيها على السرير 
 تدورالجوال ومن الموقف اللي فيها قدامها بس ماشافتو على طول 
 واول مااخدتو شغلتو تــآني 
 ترفع عينها على الباب كل مايدق 
 وتبكي 
 وتبكككي 
 ممو عارفه خايفه منو ولا خايفه على امها ولا على نفسها 
: فكككي يابننننت الككككلب
 صوته راعبها اكتر من الرعب اللي شافتو 
 تحس الباب ينهزززز شوويا ويتكسر 
 واول ماشتغل الجوال دقت على طول وبدون تفكير على رقم بشـآر
 وبنفس اللحظه جالها صوتــو : ااييوا عهود 
 مصمم انها عهود لسانه متعود مو قادرر
 صوت حسسها بالأمان 
 تبا تكلمو مو قادره 
 تبا تقولو 
 صوت تنفسها وبكاها مخلي الكلام ضايع 
: ب بشـآر 
 اليوم بزبـط تبا تطير عققلوو تبا ماتخلي فيه شي صاحي
 صوته ارتخى على انو كآن معصب ومستنيها تتصل 
 اول بكاها غير ودحين غييير 
 دحيين يفجع 
 وفجأه سمع صوت احد يدق الباب علييها 
 رجال اللي بيصرخ مو سامع شي بس عارف انو بيصرخ 
 يسئلها ايش بــك 
 يسئلها فييينك 
 بس للحظه حست انها مو خايفه على نفسها اكتر من انها خايفه على امها 
 جلست على الارض وبكيت بصوتها وكل اللي تقولو آه ياماما 




 في غرفتــه وبعد اول مكالمه خلصها منها .. 
مايدري يكســر الجوال ..مو عارف يخرج من الغرفه وهوا بدي الحاله 
 حيقول لروان 
 اصلا من شكلو حتعرف انو فيه مصيبــه 
 يمشي بالغرفه رايح جاي وهوا شادد على كل جسسسمه
 وجهه محممر بطريـقه تفجع 
 عروق يده رقبته وجهه كلها بااارزه وماسك نفسه لايكسر شي عشان رووان بس
 بيكبت بيكبتتت ومو طبعه يكبت عصبيته 
 مسك جواله تاني وارسل الرقم لصاحبـه 
 واول مارد عليه واتس قلو طلعلي الموقع 
 روان دقت الباب وهوا ولا رد 
 يجلس يوقف يمشي 
 يرجع يجلس 
 واحد بيحاول يضبط عصبيته ومو قادر 
 بيحاول يجلس عشره دقايق قبل لايخرج 
 بس مامرت عشره دقايق والا جواله يــدق
 بس سمع صوتها اتجننن الف مرا 
 بس سمع صوت الخبط على الباب عرف انها ف مصييبــه 
 يكلمها بس كأنو بيكلم نفسها 
 يناديها بس يحسها بعالم تاني 
 يحسها مصدومه منهاره وتبا تتكلم الكلام مو راضي يطلع 
 وفجأه حسها مو معاه صوتها بعد عن الجوال رمتو ولا ايش سوت مو داري
 بس عارف انها مو معاه 
 يبا سويتش السياره واتذكر انو ماعندو 
 لقى مفاتيح الدباب ووقف لوهله 
 لوهله بين انو كاره الدباب بسبب اخر مرا ركبـو ووفاة حور 
 مايدري ايش دخل 
 بس كدا كره اوم الدباب 
 ومآكآنت اللحظه طويله لما سحب المفاتيـح 
 وراح فتح ددولاب ملابسـه 
 اخد مسدسـه ودخلو في الجينز وعدل البلوزه وفتح باب الغرفـه 
 وروان على طول جاته وقالت بخووف : فييينك انتاا 

 مشي وسابها مشي بااتجاه الباب وهيا لحقت وراه ومسكتو وبعصبيه قالت : بكلللمك اناا هديل ايش تبا 
 ايش يقولها ايش يقولها دي
 شكلو فاجعها عارفه انو فيــه شي 
 قال بالقوه : بجللس ششويا لوحدي 
 وخرج من البيت 
 دخلت اخدت شنطتها ولحقت وراه وةقف المصعد ودخلت : ايش ساار طيب فهممني 
 بشار صرخ عليها: اووووه اتضاااربت معاها ارتتتحتي ايش تبي دحين 
 روان انفجعت : طيب اهدى ليش كدا معصب 
 بشار : سميه سميه هججديني شووويا 
 مو قادر يعلق مو قادر يتككلم 
 كابت عصب الموضوع فيه اصوات رجججال
 الموضوع فيه رجال 
 وبيحاول مايبين لروآن 
 قالت بتردد : هديل فيها شي 
 بشار : مافيها شي ماااافيها شي بقولك اتضاربت انا وهيا على موضوع يخصناا
 انفتح باب المصعــد وخرجو للوبـي 
 وبعدها للمواقـف ودوبو بيركب دبابه الا جات مسكته : فين حتتتروح لوحدك 
 ولا رد عليها سحب يدو وبيركب الا مسكتـه تاااني 
 روآن بلهه 
 زي ماسوت لهدى حتسويلو 
 خايفه عليه 
 ماتباه يجلس لوحدو : لاتروح خلاص اجلس لين ماتهددى 
 جننتــه سحب يده بس دي المرا رجعت لورى وكآنت حتطيـح 
 قال بكل صووته : انتتتتي ايش لللك فيااا هااا
 فجعهـآ
 اشرلها على اللوبي : روووحي قوليلهم يوقفولك تاكسي وارجعي للبيت ولا اطلعي اقعدي فووق
 وخصـرها ومشــي 
 مشي الدباب من قدامها بكل ســرعه 
 وهبا واقفـه 
 انقهرت 
 تحس انه صرخته فوقتها وهيا زي البلهه طول اليوم بتدور عليه 
 وتبا تطمن 
 هديــل في حياته شي وهيا شي ...
للمرآ التانيه لما يسير بينهم موقف يسيبوها كدا لوحدها 
 هيا حساسه دي الفتره ولا الموضوع عادي ماتدري 
 ماتبى تطلع 
 ماتبى شي منـو 
 تبا ترجع بيتها 
 ماعندها فلوس 
 غصب عنها منحوجه تطلب سياره على حسـآبه 
 دي لوحدها خلتها تبكي 
 دي لوحدها حستها اهانــه 
 اصلا اليوم لما كآنت حتطلع تتصل من عند ترف دا لوحدو كآن حارقها 
 لما قالت لتامر يوصلها دا شي قهرها انها بتطلب 

 مو شي سهـل انها بس تطلب
 بس منحوجه تسوي دي الحاجات وتكون مبتسمه وكأنو شي عادي 
 بس مو شي عادي 
 مرا مو شي عادي 
 شي يبكيـها ويخليها تحس انها محتاجه 
 من اليوم حتدور شغل من اليوم ماتبى بشار ولا احد يساعدها 
 ايش هديـل تبا ماتدري بس اكيد اعتذرتلها والكلام الباقي زي مو واضح لبشار 
 وزي مو شايفه انو بشار كل همه جاسم ومين قتـل حور وهديل اللي تلخبط كل شي فيه اول مايعرف شي عنها 
 هيا مجرد صفر على الشمـآل 
 شي انضاف لحياته بس مالو دآعي 
 خلا سجنو جاسم 
 خلاض خلص اللي بينهم هنآ ... 
دخلت طلبتلها سيـآره واول ماجاتها ركبت
 المكـآن مرا بعيـد 
 بدأ غروب الشمــس 
 بدأ يمــشي السواق في الطريـق الطويل االلي مافيه اي مخلق 
 يمينـه ويساره عباره عن اراضي فاااضيه 
 ويها بعـآلم تاني 
 ماتبى تبكـي لين ماتكون لوحدها 
 وفحأه السواااق يفحــط وشهقت بفجعــه 
 مسكت بالكنبه اللي قبـآله وطالعت تبا تشووف ايش فييع لقت سياره واقفه قبالهم : ااايش فيـه 
 فجأه نزلو رجــآلين بااتجاههم مدت يدها بسرعه للباب وقفلتو 
 والسواق يطالع مفجوع مو داري ايش الهرجه هما اللي دخلو عليه وقفلو الطريق
 روان بخوف قالتلو : لاتتفـ
 ومالحقت تخلص كلامها الا هوا فتح الباب ونزل بيتفاهم 
 دخلت يدها بشنطتها وبتدور سكينتها الصغيره 
 متعوده على الضـرب والرجال اللي يبو مشاكل 
 من صغرها لو ضاعت سكينه تشتري غيرها يدها تتنافض وهيا شاده على السكين ووماخرجت يدها من الشنطه 
 وفجاه مسكو الرجال ورموه على الكبوت والتاااني جايها 
 فتح الباب لقااه مقفــل وجا فتح الباب اللي قدامها ودخل جسمو 
 اتررررعبت 
 ماتت خووووف
 دوبو بيمـد يده ويسحبها الا خرجت يدها من الشنطه 
 وقالت بصوت متقطع : والله لو مسكتننني يااويلك 
 اول ماشاف السكين ضحك وبدال مايسحبها 
 خرج من السياره 
 حسبت انو سابها وفجاااه كسر القززاز اللي بناحيتها ودخل يدو يفك الباب 
 رجى فعلل ماكان فييه مع انو عادتا ردات فعلها سريـعه 
 بس مع صوت القزاز انفجعت ومسكت راااسهااا بخوووف 
 باأقل من ثانيه فتح الباب 
 باأقل من ثانيه سحبها وهيا تصرخ بكل صوتها 
 باأقل من ثانيه ثبتها على السيـآره .. 



جالسه قدام المرآيه وتتمكيـج وحاطه السمآعات .
تحس بجد فيه حاجه جوتها اتغيرت من بعد ماسنو اتكسر ليش ماتدري 
 بس الموضوع مضحكها وبس بتدلع وتدلعه : حبيبي انتتا صورلي شكلك طيب
 لؤي في السياره وراخي الكنبه ومسدوح : خلاص ترا ماحيفرق عن اول 
 علا : هههههههههه للون السن زي بقيه الاسنان .؟
 لؤي بنرفزه : ايوا ياعلا 
 علا : هههههههههه ايش بك 
 لؤي : يااخي عيله مستفزه انتو الواحد في مصيبته وانتو تضحكه احترمو المصيبه اللي انا فيها
 علا : ههههههههههههههههه والله والله كلو من عدي 
 لؤي : الله ينكد عليه زي ماانكد عليا 
 علا قفلت الايلاينر : حرااام عليك ترا وربي جاه اخلاقو مقفلـه وعزام كلمو اتضارب معاه بدون سبب وطلع لغرفته من الظهر لدحين نايم تعرفو انتا لما ينام كتير يعني خلاص اخلاقو مقفله 
 لؤي : يستاهل الوسخ 
 علا حزنانه عليه : والله احزن عليه 
 لؤي بنرفزه : طبعا احزني على اخوكي وانا 
 علا قبل لايكمل وهيا ماتت ضحكك : هههههههههههههه حبيبي وربي وربي اني خوفت عليك بس عدي والله طريقته بالضحك بجد ماقدرت امسك نفسي 
 لؤي مسوي لساته زعلان : لاتحاولي بجد انقهرت منك اكتر من عدي
 علا قامت من على الكرسي وعلى وجهها ابتسامه شريره 
 تعرف تخليه مايزعل قالت بدلع : تقدر تزعل من روحك ؟
 لؤي ابتسم : ايوا 
 علا وتكتم ضحكتها وتتكلم وهيا مشتاااقه لكلامهم وهبلهم دا : كيف تباني اعوضك 
 لؤي زادت ابتسامته : انتي تعرفيني مايحتاج اقولك كيف
 علا : لا إنتا قول عشان انا فيه حاجات كتير براسي 
 لؤي ارتخى صوته : زي ايش 
 علا : زي اني اروح اقول لماما دحين اني موافقه او اخرج اتعشى معاك او اقولك قد ايش انا مشتاقتلك 
 لؤي : اباهم كلهم 
 علا : ههههههه ليش الطمع دا اختار واحد
 لؤي : انا طمااع فيكي لو فيه خيارات اكتر كملي وبرضو حختارهم 
 علا جلست على السررير ووجهها محمر : لايكفيك كدا ههههههه 
 لؤي : طيب ياعمري يلا قومي عوضيني وابدأي باأول حاجه 
 علا : من عيوني
 لؤي : اجلطيني قبل لاتكلميهم بااسلوبك دا طيب
 علا : ههههههههههههههههه 


 وبـس قفلت منـه راحت لأمها وهيا منحرجه وكأنها ماكان خطيبها في يوم 
 وكأنو ماكانو يجرو بدا البيت وصريخ ومضاربات الاتنين 
 قالتلها انا موآفقـه وستها قلبت البيـت احتفـآل 
 امـآ امها شويا كدا وطلعت لعـدي 
 فكت الباب وفتحت اللمبـه 
 ولقتو صاحي وماسك جواله طالع فيها وهيا اتكلمت : ايش بك 
 عدي : دوبي صحيت 
 امه دخلت وقفلت الباب 
 سحبت الكرسي المتحرك وجابتو قبال السرير وجلست : ايش سار بينكم 
 عدي بعد اللحاف وجلس وصوتو كلو نوم : ولاشي 
 امـه : تكذب على مين البيت كلو عارف انك مضارب مع لمى 
 عدي ماقال لأهله على الضرب اللي سرلها 
 ماقال انو شافها بمنظر فجعـه 
 مو حابب يتكلم عن اهلها احتراما ليها 
 يحبـــها 
 يحبها ويبا الكل يحترمها هنآ 
 مايبا في يوم تتحسس من هرجه تنقال وحتى لو على نياتهم 
 او انها ماتاخد راحتها بالكلام عن اخوانها لأنه كلهم حيسيرو زيو وحيشوفهم همج
 وحايفرقو مين الطيب ومين الوسـخ
 خلاص موقف الصوره يكفي 
 مع انو اهله طيبين بس برضو خلى الموضوع له وانتهينا ..
قال بتردد : حروح بكرا اتكلم مع اخوانها حقولهم الفرح بعد شهر 
 امه : عدي انتا لساتك مصمم 
 عدي محرووق نفسه ياخدها وانتهينا شهر دي اتنازل فيها عن مية شي : مو مشكله حأثث لو غرفه النوم وغرفه المعيشه والباقي مع الايام نسويه ماحأخر زواجي عشان بيت 
 امه : ايش تبا الناس يقو
 عدي بحده : امممممي لاتجيبلي سيره الناس اللي مو عايشين معانا يكفي اني مسوي فرح عشان الناس 
 امه بتحاول تكون هاديه : انتا ايش بك دي الفتره انا ماسرت عارفه حابب البنت ولا كارهه ايش الجنان اللي بتسويه 
 عدي : انا مو مرتاح دام هيا بعيده عني ابا نتزوج عشان ارتاح 
 امه : من ايش مو مرتاح فيه شي بيسرلها ..؟
 عدي حرك رجولو بتوتر مابين يهرج ولا مايهرج 
 بلع ريقــه وطالع بجواله 
 ولا كلمته من بعد الجامعه
 قال بتردد : خليتها تسجن اخوها ودحين تبا تخرجه 
 شهقت بكل صوتها وضربت صدرها : اااايش
 مايعرف يهرج يجيب الهرجه دايما من النـــص 
 عدي حكاها كل شي 
 واول ماسار يوصـف كيف شافها صوته رجف 
 كيف كآن وجهها كلو دم حست ولدها يبا يبكـي
 حستو ماسك نفسه بالقوه 
: ماحقدر اجلس مرتاح وهيا هنآك وانا مو دداري اخوها المجنون ايش يفكر
 امه جالسه قباله وباين انها مصدومه 
 مصدومه لأنه عدي يحكيهم كل شي وطلع ساكت وهما شايفينو اوفر وبيتريقو عليه 
 وعلى خوفـه عليها 
 ومصدومه وهيا بس بتتخيل شكل البنت مضروبه 
 دي مرت ولدها في النهايه ..
قلبها وجعها عليه لأنه تحسها طيبه وعلى نياتها 

 قالت : سوي اللي تشوفه ياولدي 
 عدي : يعني اقولهم اسبوعين 
 امه : مع نفسسسك شهر كويس 
 عدي : دوبك كنتي متأثره 
 ماتدري تضحك ولا تسبه ولا ايش يستغل الموقف على طول : شهر ياادوب عشان نجهز بس انتا اهم شي افرد وجهك 
 عدي : ان شالله _ بتردد _ لاتقولي لأحد ياأمي 
 امه اشرتلو براسها : ان شالله بس ياولدي لاتدخل بينها وبين اخوها الا الأخوان مالك صلاح فيهم 
 عدي : سمعتيني وانا اقولك كيف شوفتها !
امه : طيب انتا عليك بمرتك ماقلتلك لاتخاف عليها بس الوحده اللي تتنازل عشان اهلها دي تشيلها فوق راسك 
 عدي بنرفزه : دا غباااء
 امه : دوول بزوره اخوانها يعني شي منها كيف تباها تحرق قلب اطفال على ابوهم .. وامها ايش وضعها 
 عدي 
: ماتدري عن شي قالولها مسافر
 امه : طيب المهم لاتضغط على البنت دا قرارها ودول اهلها 

 اتكلمت معاه حستو مو قادر يقتنع 
 وفكره خوفـه على لمى طاغيه على الف حاجه تانيه 
 بس بيحاول مايفتح الموضوع 
 مسك جواله اتصل عليها مرتين ولا ردت عليه كلمها واتس وبرضو ماردت 
 دخلت المحادثه وخرجت وهنــآ نرفزززته 


 امـآ هيا جالسه على سريرها وتبـكي 
 كلامه قهرها 
" كآن عاجبك منظرك اخر مرررا !!!! انتي مجنونه صح "
مسكت جوالها وصمتته لما شافت اتصالاته 
 فتحت الواتس ولقتو كآتب 
" بتصل ليش ماتردي " 
حتى مابيعتذر على اسلوبه رمت جوالها بقهر واخدت الدبدوب رمته بالارض 
 ليش ماتدري بس كدا مقهوره منو فاتطلع حرتها بالاشياء اللي جابها ... 
رجع اتصـل ولا ردت 

 انسدحت على سريرها ومــرت سآعه وبعدها دق الجـرس 
 ربع ساعه وامها دخلت عليها الغرفه 
 ضمت يدها تحت صدرها : الاخ عدي هنـآ
 تحت اللحاف بس وسعت عينها مع الفجعه 




 قاعد يتحاشى الكل طول اليوم ماخرج من غرفته الا لطاوله الطعام ويـرجع 
 مايبى يتجمع مع بناته 
 مع مرتاته 
 مع عمتـه 
 ولا مع ابـوه 
 مسكـه ابوه من شعره وجلس يهدد يهدد بااسلوبه القذر 
 بااسلوب كلو فيـه لاتخليني اقهرك باأمك 
 لاتخليني احرق قلبك باأمك 
 ورماه بالارض 
 كأنو بسجن وقرب انو ينفرج عنه 
 بيحاول مايحتك مع احد بيحاول مايتكلم مع احد 
 بيحاول مايتمشكل وخلاص .. 
بيثق في خاله وبس .. 


ترف في غرفه سـآمي والمكنسه والنظفات كلها حولينها وقاعده تنظف الغرفه 
 حتى الدولاب مسحته من جوا الستاير نزلتها وغسلتها 
 بتسوي كل شي وهيا مبتسمه ..مبتسمه من قلبها


 هديل دخلت في حاله صدمه وهستيرية بكـآ
 وهيا تسمع سبات بتنقـآل لها 
" والله ماحرحمك " 
 " اصبرري بس عليا يااابت الكلب "
غمضت عيونها وغطت على ااذانيها وتبكي بكل صوتها 
 شكل امها في راســها 
 وكل شي سواه فيها جاسم قاعد يتعاد فيها 
 نفس الموقف 
 نفس الموقف وهيا في بيت جلال وعمرها 14 سنـه 
 نفس اللحظه لما شردت منهم ودخلت بغرفه وقفلت على نفسها 
 وجا جاسم يضرب على الباب بعصبيــه ويقولها 
" يابت الكلب " 
ماتدري انو داك اسمو جلال 
 ماتدري انو دا عم بشـآر 
 كآنت صغيره 
 صغغيره وجلال يبا يأدبها ... لأنه جاسم مو قادر عليها 


 بشـار بس عرف فين العنوآآن 
 مسـرع بطريقه جنونيـه 
 بطريقه تفجع 
 يمر من بين السيارات زي الهوآآ
 واللي يسب
 واللي يقول ناااس طايشه
 واللي يدعي 
 ليـــن ماوصل لوجهتــه نزل وهوا ياخد انفاسه ورا بعض 


 روآن ماستسلمت على طول حاولت تشــرد بس مسكها ورماها بكل وحشيه على الرصيف : اههههجدي
 وهيا ترجع تقوم وتحاول تفلت ويمسكها ويسحبها لين السياره ويخبط جسمها يبا يثبتها وهيا 
 تدف تدف 
 ودموعها بعينها 
 صوت انفاسها ورا بعض 
 محد داري عنها 
 محد حاسس بالخوف اللي جوتها 
 والسواق راخي راسه ومو قادر يساعدها خايف
 بالقوه ثبت وجهها بيده وقال : اسمعي كلامي مزبووط 


 في دآك المطعـم الرآقي جلست بكل انآقـه 
 جمالها جذااب 
 بس مايجذبه 
 عيونها ملفته 
 بس ماتلفته 
 ببساطه مو داخله مزآجه بالمره ... 
انسان تعامله كله مع البنات متعوده ياخد ويدي بحدود العمـل 
 عمره ماتعدى دا الشي الا مع روآن 
 هوا الفضول وحكايتها تخلي الواحد يبا يعرف ايش هرجتها 
 ولا لأنه هيا جاذبته 
 ولا لأنه يكره جرئتها 
 سلمى تتكلم وهوا يفكر بديك البنت الغريبه اللي قصتها اكيد مليون واحد غيره يبا يعرفها 
 بس دا السبب اللي يخليه يتكلم معاها ولا دا مبرر عشان يكلمها 
: تاامر
 استوعب سرحانه قرب للطاوله : عيوني


 رشا تدور بغرفتها ومستنيـه الطرف التاني يرد ..واول ماردت صرخت : علاااا
 علا : بسممم الله ايششش فيه 
 رشا : عندي خبر ليكي قلبي حيووقف
 علا : هههههههه حتى انا بقولك شي حللو 
 رشا : انا لللي متصله اسمعيني اول 
 علا : ههههههههه انا اكبر منك واحكم منكك المهم تخيلي 
 رشا : ياااااحيوووانه اسمعيني 
 علا : اخبااارك غبيه قولي ها ايش عندك 
 رشا : تميم اتقدملي 
 علا صرخت بكل صوتها : تمزززززززززززحيييي
 رشا ضحكت : والله قلبي حيوقف من اول بيتصل ومكسوفه ارد 
 علا :هههههههههههه خلاص كلم اهلك ؟!
رشا : ايوا ماما اتصلت كلمتني وقالتلي حكلم ابوكي يستقبل الولد واخوه بدي اليومين 
 علا : لاااااا ابااا اجيكي اباا اشووفك 
 رشا : تعاااليلي انا مو عارفه ايش اسوي ميسا لما عرفت شمقت بوجهي تقولي مسكينه اخيرا جا واحد عبرك 
 علا بحقد : الكلبببه وربي دي البنت انا اللي حقتلها بيوم 
 رشا : ههههههههه اخصريكي منها المهم انو باين اني مبسوطه ومو عارفه ايش اقولهم 
 علا : قوليلهم علا ولؤي رجعو لبعض عشان كدا مبسوطه 
 رشا : لما تنخطبو و
 علا قاطعتها : خلاص انتشر الموضوع في العيله دوبو بس باقي نرجع نملك مدري كيف الاجرائات دحين عشان الطلاق الاول 
 رشا : وااااااااااا يااقلبي انا وانتي مع بعض 
 علا : ههههههههه اطلقت لعيونك يااشيخه عشان نرجع نملك بنفس اليوم 
 رشا : هههههههههههه اسري ياهبله 



 نهـــآيه الفصــل الخامس والعشرون ....

احبببببببببببكم واستنا تعليقاتكم 

السلام عليكم ورحمه الله وبركــآته 

 الفصل دا حيكون عن شخصيـآت معينـه .. 
ان شاءالله يعجبكم ...


الفصل السـآدس والعشرون ..





طفـوله ملوثه بالوآقع 
 طفوله ملوثه بشجع أب 
 طفوله ملوثه باهمال أم
 طفولـه ملوثه بظلم اصحاب السلطـه 
 طفوله ملوثـه بالعنف الاسري 

 لاأريـد الحيـآه 
 لقد رأيت مايكفيني 
 لقد تحملت اكثر من ماأستطيــع 
 ألست روح يجب ان ترفقو بهـآ ...؟


 في ذالك الشـآرع الخآلي من اي مباني 
 طريـق سـريع ومن كل جآنب صحرآء قآحله ... 
مثبتـه بكل وحشيه على السياره حاتط يده على رقبتها ويده الثانيه ماسك 
 فيها وجهها 
 رجولها تتنافض 
 قلبها يدق بطريقه جنونيـه 
 انفاسها سريـعه
 كآن دوبو حيبدأ تهديد بس ناداه صاحبـه واشرلو يتصـل ... 
نزل يدو من على وجهها ودخل بجيبه ويدو التانيه لسى على رقبتها 
 طلب الرقم وحط الجوال على اذنها قلها بصوت قشعرلها جسمـها : كلمي عمك جلال

 وبس كآنت اول رنه وبعدها جا صوت رعبها اكتر من الرجال اللي قبالها 
 قال بكل استهزاء : هلا هلا ببنت اخويآ
 دموعـها اتجمعت بعينها 
: الوو سامعتني 
 قالت بصوت يادوب يطلع : ايش تبى
 قالتها وقلبها يوجعها وتحسو حيوقف من الخوف 
 جلال جالس على سريره وف يده علبه البيبسي البارده ومروق 
 وكأنه مو مسوي شي : انا حقولك ياحلوه ايش ابا _يتكلم بكل شر _ اباكي تسمعيني مزبوط ابا كلامي يتنفذ بالحرف الواحد عشان ماليا خلق اوسخ يدي واضطر اقتل احد ووقتها غصبا عنك تسوي اللي اباه فقوليلي حتسوي اللي اباه ولا اضطر اوريكي اني قد كلامي وبعدها نتفاهم 
 بالقوه واقفه على رجلها 
 الكلام فجعها مرا 
 عادت نفس الجمله بكل خوف : ايش تبا
 جلال : ههههه ايوا كدا تعجبيني .. يوم محاكمه ابوكي اباكي تقولي انو عشتي في نفس الحاره بس مو بنفس البيت مع البنآت هديل انتي ماتعرفيها وشي واحد اباكي تسويه قولي كل صباح كنتي تشوفي واحد اسمر قصيـر يدخل على داك البيت اللي فيه مجموعه البنات صورته حرسلك هيا اكتر من كدا انتي ماتعرفي شي ... ليش انتي عايشه كدا .؟ عشاان امك رمتك لأبوكي وهوا مانقص عليكيي بشي 
 ايوا حيلبسـه التهمه لوآحد محتآج فلوس
 لواحد اولاده بيموتو جوع وقررو انو يدخلوه السجن بدي التهمه ويصرفو على اولاده طول العمر
 البنات وهديل ولاحده عندها جرأه اكيد تجي تعترف ولو فكرت وحده تتكلم 
 حيلو ذراعها زي مابيسوي حاليا جلال ..
قالت بصوت يرجف : ليش حسوي كدا .؟ 
 جلال شرب البيبسي بصوت مزعج ورجع حطو على الكومدينه : حلو السؤال ... مع إني قلتلك في البدايه ليش بس مو مشكله نعيدلك الموضوع شوفتي هديل ..؟ في نفس اللحظه اللي انتي قاعده تعترفي فيها حيكون واحد من آخر الدنيآ مصوب عليها مسدس وفي اقل من ثانيه حتلقيها مرميه في الارض بسببك ولو فكرتي تتكلمي وتحميها عندك جارك اللي يجلس معاكي اخر الليل عند العماره حسوي فيه نفس الشي وبرضو بشار_ سكت وقال بتفكير _اووه لا ولد اخويا ماحلمسو اكيــد _ سكت شويا وبعدها ضحك وقال بشويش _ بشار انا حخليه مجننون حخليه يمشي بين الناس وماعندو عقـل زي ماسويت فيه من صغره _ ضحك ضحك من قلبـه واتكلم بصوت متقطع _ المهم فهمتي كلامي ولانرجع نعيده .؟
 نزلت دموعها وتحس انها بتسمع لانسان ماعندو اي ضميـر 
 قاعد يضحك من قلبه وكأنه مابيقول شي يفجع
 جلال لما مالقى رد رجع يهدد : تفتحي فمك بكلمه لبشار صدقيني والله لأدفنك بسابع ارض ووقتها ماحتكوني شاهده على اي حاجه .. انا براقبك بكل مكآن عارف ايش بتسوي في كل لحظه لاتتوقعي تقدري تلوي ذراعي لو فتحتي فمك بكلمه والله واللي خلقني حتشوفي شي في حياتك ماشوفتيه ..بيننا اتصالات سلام ياا_ طول الكلمه عشان يحرقها كدا وساخه _ بنت اخويا 

 سحب الرجال الجوال من اذنها بعد ماكان واصله صوت جلال
 اما صـآحب السياره اتهدد قبل لايمشي بعبارات رعبته 
 وسكوته عن الموقف هوآ الشي اللي حيخليه عآيش
 امآ سميـه الرآيد
 بس سآب جسمها طآحت على الارض وكأنه مافيها اي قوى توقـف
 مشيت سيارتهم وجاها صاحب التآكسي بسـرعه 
 ماتدري ايش قال بس رفعت يدها اللي ترجف وكأنها توقفه عند حده وتسكته 
 ماتبى تسمع شي ضغطت بيدها على الطـريق الاسفلت عشان توقف 
 ورفعت يدها بسرعه لما حست قزاز دخل فيها 
 نفضتها بعشوائيه وبدون ماطالع 
 وقفت بكل تشتت 
 الرجال يكلمها وهيا مو سامعته 
 تبا تركب السياره تبا تمشي 
 تبا ترجع بيتها 
 تبا تكون لوحدها 
 فتحت باب السياره من الناحيه التانيه والقزاز كلو منتور جمبها 

 والرجآل اللي برا يطالع فيها مفجوع 
 هوا مافاق من الصدمـه
 مشي بخطوات تقيـله ورجع شغل السياره ومشي

 تمرر اياديها في بعض عشان تخفف رجفتها 

 ومآزال جاسم يتفنن بتعذيبها 
 امآ جلال حرقلها قلبها بكلماته 
 وهوا يذكرها كل شويا انو عندها عيله 
 عمك ابوكي بنت اخويآ 
 كلمآت تحرق تجي بعد تهديد وكأنها هيا اللي أذتهم 
 قالت شي بينها وبين نفسها 
" ايش سويتلهم أنا .؟ "
جمله خلت دموعها تنزل وبعدها بكيت بصوتها بالسياره ولا اهتمت بالرجال اللي جالس قدآم 
 يطالع فيها بالمرايه حزنان وخايف مايبى يتدخل
 رفعت يدها على قلبها اللي تحسه مرا يوجعها 
 وتبكككي 
 كل يوم تعرف انو مو بس حياتها مالها داعي 
 تحس انو كل اللي حوليها مايبوها
 عمرها ماأذت احد ليش الناس ياأذوها 
 موضوع لؤي مر كدا بسهوله لا طبـعا 
 حتى لؤي قهرها لما سحب عليها بكل بساطه من غير اي اتصآل
 هديـل اختفت من غير اي مقدمآت ولا اي اتصال برضو 
 بشار في اقرب لحظه قلها " انتي ايش تبي مني .."
هيا ايش تبا من الحيآه عآمتآ 
 دا اللي تبا تعرفو 
 انك تعيشي عشان نفسك كآن دا اول 
 كآنت تحب نفسها وتحب هديل
 دحين الاتنين فجأه ماسارت تحس فيهم 

 بكيت بالسياره لين ماوصلـت لبيتها ودخلت شقتها وكملت انهيارها 
 وبعـد ساعتين دق باب بيتها ... 
وقفت بالقوه اتوجهت وفتحت الباب من غير ماتشوف 
 ومافي اي ردة فعل بوجهها لما شافت نفس الرجال واقف قبالها !!!!!!
مدلها الجوال طالعت بالجوال بخوف واخدتو اول ماقلها : كلممي
 وفجأه مشـي 
 رفعت الجوال لأذنها بشويش وقالت بكل خوف : الو 
 جاها صوته الاستفزازي : هلا ببنت اخويـآ
____________________


مآزالت طفله تنتظر الحلم الوردي 
14 سنـه لم تتزحزح بل تمسكت بحلمها اكثر واكثـر
 كآنت تسمع عبارات تجرح قلبها الصغير 
 امك بآعتك 
 خلاص ماحتجيكي 
 انتي بلهه والله ماحتشوفيها 
 امك اخدت فلووس وسابتك
 وتقف بكل شموخ بتلك العيون المليئه بالدموع 
 وتخبرهم باأن امها لديها اسبابها الخآصه
 اي اسباب خاصه 
 تجعل تلك الطفله تعذر والدتها 
 في كل لحظـه تسقط تقف مره اخرى 
 في كل لحظه تنكسر تتمسك بجدران الحياه 
 وتحاول ان تكمل طريقـها 
 حتى تصـل لحلمها 
 حتى تصل للسراب اللذي كآن الجميع يخبرها به 
14 سنـه من الإيمآن بوالدتها 
14 سنـه من الصراع حتى تصل لذالك الحضن الدآفي 
 وصلت للحلم وهيا تأخد انفاسها السريعه 
 وصلت وبداخلها فتآة محطمـه فتآة لم تمر بالقليل 
 ومع ذالك ابتسمت 
 ومع ذالك لمعت عيناها باألم
 ولم تكن تلك اللحظات طويـله 
 ولــم يكن الحللـم جميلآ
 كآن اجمل في مخيلتها الصغيـره 
 كآن اجمل في تلك الغفوآت البسيطه ... 



طآح الجوال من يدها لما حطت اياديها على اذانيها ماتبى تسسمـع شي
 تسمعه يسبها سبات مو بسيطه 
 ويدف الباب يبا يكسـره 
 تبكي بصووتها 
 خــآيفه 
 خــآيفه 
 امها ماتت ولا دا حيمسكها ولا ايش اللي سار مو عارفه 
 وفجأه رفعت راسها لما الباب انكسـر جزء منـو 
 دموعها تنزل وتطالع بتشتت في الغرفه 
 خايفه يدخل 
 خايفه يشوفها بدا اللبس 
 ورجع يدف الباب 
 وهيا وقفت وراحت باإتجاه الجينز سحبتو من الارض وحاولت تلبسو 
 حتى ماقفلت الازرار 
 تدور على البلوزه وتمسح دموعها عشان تقدر تشوف 
 مع انها عند رجلـها بس مو شايفتها 
 انكسسر جزء الباب 
 ورجعت خطوى لورى بخووف 
 صوت انفاسها السريعه مرا عالي 
 دقااات قلبها تسابق انفاسها 
 انتبهت لبلوزتها ولبستها 
 وانكسـر الجزء الاخير 
 وانفتح نص الباب المتبقي وانضرب بالجدااار 
 استسلمت بكل ضعف وماتحركت من مكآنها 
 تطالع فيه ووجهها محمـر 
 ودخل عليـها بكل وحشيـه مسكها من شعرها الطويــل 
 ويسبها ويرميـها في الارض
 ويرفعها من شعرها 
 امها بنسبـه له مو حبيبه لا 
 امها صحبتـه اللي بدأ معاها دا المشوار 
 اللي سو كل شي مع بعض خطوه خطوه 
 واليوم شافها مرميـه بداك المنظر بسبب بنتها





 امـآ على الدبآب ...ماأخد الموضوع اكتر من سبعه دقآيق
 سبعه دقايق بسبب جنآنه 
 وقف قبآل المكآن ويطالع في جواله 
 هنآ متأكد دخل للحوش الصغير وبعدها لبآب الفلـه اللي اول ماحط يدو عليه 
 انفتح 
 الباب ماينفتح لأي احد بس بسبب اللي سار لأم هديـل 
 اتغيرت اجواء المكآن والباب محد يدري عنـه

 اول مافتح الباب وصله صوت الموسيقــى 
 دخل خطوتيـن شاف الدم 
 وسار ياخد انفاسـه بسـرعه
 كل شي صنم فيـه ماقدر يتحرك للحظـه
 مابين انو سرلها شي 
 مابين انو يروح يدور عليها 
 وصوت تنفسـه لوحده مخلي كل شي يخنقه وكأنه مافي هوى
 بالقوه حرك رجلو بالقوه قدم كم خطوه وسمع صوت صراخ من فوق
 وكأنه احد اداه كـف
 وفوقو من اللي هوآ فيـه 
 طلع الدرج ودقااات قلبـه سريـعه 
 وبتزيـد كل مايسمع صوتها 
 هيا متأكد انو هيـآ بس وصـل عند باب الغرفه 
 لقاها جالسه على ركبتها وماسكه يدو 
 تتكلم بكل ضعف بكل ترجي : ابووس يدك لاتسويلي شي ابووس رجلك
 ياأللله 
 أذل من كدا موقف ماتخيل انو يشووف 
 حس كأنه هوا المذلول 
 حس انو شي هانه هوا مو هيا 


 هديل على ركبتها مو داريه مين وراها 
 اول مامسك ملابسها سعيد مافكرت غير انها تترجاه 
 يباها زي بقيه البنـآت تحت رجلو تشتغل
 قلها بين اسنانه : بووسي يدي يااابت الـ****
ماسكه يدو باأياديها الاتنين دموعها تنزل 
 ودوبها بترخي راسها وتبووسها الا ينسحب سعيييد 
 ويترمي في الارض 
 حست زي الهووووى وفجاه اتنين اترمو في الارض 
 ماستوعبت ميـــن 
 اول مارفعت عينها وشافتـو يدي لكمـه لسعيد في وجهه وقفت مفجووعه : بشااار
 اتجنن 
 دا وهوا ماشاف شي 
 بس منظرهاا حرقـه 
 حرقه وهيا تترجآآآه 
 السبه اللي قلها هيــآ ولعته 
 انو يضربو بيده دا اخر شي يفكـر يسويـه 
 رجع يده ورا ظهره وسحب مسدســه وبس طلـع الصوت المزعج اللي بالمسدس 
 سعيــد مآت من الرعب 
 فتح عينه على وسعها 
 وبشااار وجهه يفجع وااحد حيقتل 
 واحد حيسوي مصيبه 
 ماسار مؤخرا يقدر يتحكم باأعصابه 
 سار ينعمي ومن الموقف مايستوعب ويتذكر ايش بيسوي
 في اقل من ثــآنيه الموقف 
 في اقــل من ثااانيه وهوا يتنفــس بصوت مسموع 
 حط المسدس على راس سعيـــد 
: بشااار 
 جاات ودفت يده لاشعوووريا لما شافت انو حيضغط على المسدسس

 صوووت الطلقــه فجعت الككل 
 سعييد غمض عينـه ويحس رااسه اترجج من صووتها 
 مايدري جات فيـه ولا لا بس مافتح عينه على طووول 
 اما هديل صرخت وغطت على اذانيها 
 بشار ياااخد انفاسه ورا بعض 
 وللمرا التانيه 
 صوت الطلقه اللي تفوقـه 
 هديل بس استووعبت مسكتو من بلوزتو وسحبتوو : بشاااار قوووم 
 وقــف بس لساتو مادد يدو بالمسدس باإتجاه سعيـد
 مانزل عينه من عليــه 
 وبيده التانيه حوطها عليـها وقربها لحضنــه 
 قال بكل حقــد : ووووربي لأقتتتلك
 سعيد جلس وماقدر يوقف مع الفجعه رفع اياديـه باستسلام 
 جسمه يتنافض : ماكنت بسويلها شي 
 اتكلم بكل خووف 
 بكل رعــب
 بشـآر قهرته الكلمه جاي يهجم عليه تاني وهديل شدت على بلوزته وهيا بحضنه وبكيت : الله يخليييك سيبووو خلاااص الله يخليك ابا امشي
 شايفه بشاار يطالع فيه بحقد قالت بترجي : عشششاني خلينا نمشي 
 كل واحد جسمه يتنـآفض لسبب
 هديــل من الفجعه من اممها من سعيـد 
 سعيد من خوفه انو يموت 
 بشار من العصبيه 
 هديل بالقوه واقفه واللي ساندها جسم بشار قالت لسعيد : فين ماما .؟
 بشار على طول طالع فيـها بصدمه
 هديل مارضيت تتحرك وتطالع في سعيـد : فين مامااا 
 بشار صرخ عليه : منتااا سامعها 
 سعيد جسمو اتنفض قال باارتباك : في الغرفه اللي تحت الغرفه اللي جمب المطبخ 

 بشاار مشي وهيا تبكــي اول ماخرجو من الغرفه 
 ماطالع فيها بس بااس راسها : اهدي خلاص
 هديل : ابا اشوف ماما 
 بشار : امممشي دحين و
 هديل سحبت نفسها منو وقالت بين دموعها : قلت ابا اشوووف ماما ولا ماحخرررج 
 بشار يطالع فيـها نفسو يسحبها غصبا عنها 
 قاعدين في مكآن مشبوووه 
 ولساتها بتدور على امها 
 مسك يدها ومشي وكأنه مو قادر يرفضلها طلب وهيا بدي الحاله 
 بس نزلو الدرج رجعت اصوات الاغـآني 
 سمعو صوت طلقه الناار 
 بس حسبو حـآجه من برا البيت 
 عدو من غرفــه كبيـره 
 اضائـه البلاك لايـت وحريم بشبه ملابس 
 دخااان 
 محد داري عن التـآني 
 كل واحد بجــو 
 اشرلها على المطبـخ لما شافه وبعدها راحت للغرفه 
 قلبها يدق بسـرعه فتحت الباب على طوول 
 واهمها حاطه التلج على راسها وتتكلم : الله يكسر يدها 
 اختها : خلااااص بقولك 
 الكلمه خلت هديـل توقف مكآنها 
 بشار مو فاهم شي 
 شعرها مشعتر 
 ودموعها نازله شكلها وحده منهاااااره 
 من قوة يدها مااتنفض وهيا ماسكه كيلون الباب طلع صوت خلى خالتها وامها يطالعو 
: هددديل !!!!
خالتها على طول جات عينها على بشار وبعدها على المسدس اللي بيده 
 اترعبت 
 امـآ هديل اشرت على نفسها كآنت تبا تقولها بتقولي عليا الله يكسر يدها 
 بس رجعت نزلت يدها ماقدرت تقولها 
 في شي خانقها 
 قدمت خطوى ..خطوى وحده ودموعها مازالت تنزل 
 قالت بكل ضعف وهيا تبا جوآب 
 تبا جوآب صريـح وخلاص : ليش بعتيني .؟ ليش كنتي محتاجه الفلوس 
 ام هديـل عينها مشتته بين هديل وبللي وراها 
 واحد بااين انو حاااقد عليهم كلهم فاجعهم وبس : قلتلك و
 هديل صرخت : لااااا ماقلتيلي قووووليلي السببب اللي مخليكي محتاجه دي الفلوس ماديتيني لجاسم عشان تحميني والكلام الفاضي اللي قلتيه 
 بشار قلبـه يوجعه 
 عليها وعلى السيره اللي كل شويا تنفتح ابوه ابوه 
 ام هديل : خليني ا رتاح بس واكلمك 
 هديل تتكلم باإسلوب خلاص وحده وصلتها للجنان : حتككلمميني دحين 
 ام هديل فععلا كآنت تعبانه بس مو فارق مع هديل حاليا : والله ياابنتي مصدعه و
 هديل طالعت في الطاوله اللي قدام امها وخالتها وكآنت سله فواكه وفيه سكيــن 
 بكل جنـآن اتوجهت للطاوله سحبت السكيننن : واللله لأقتل نفسي قدددامك 
 هيا تتكلم والتلاته صرخوو : هههههديييل
 امها وخالتها وقفو مع الفجعه 
 بشاار كآن حيجيها الا طالعت فيه وقالتلو : لاتتتتقررررب
 رمى مسدسـه على الكنبه بدون تفكير ورفع اياديه اللي تتنافض : حبيبي أهدي الله يخليكي 
 هديل تاخد انفاسها ورا بعض وملصقه السكين برقبتها : قوووليلي ليش بعتيني 
 خالتها تطالع في امها وامها دموعها بعينها : هديل ال
 هديل صرخت وفجعتهم كلللهم : ااااااااتكلمممممي

 بشار رفع اياديه لإتنين لشعره وهوا نفسه يقتل امها دحيين 
 نشفت دمــه 
 المشكله قدامها طاوله يعني حتى لو فكر يبا يسحبو منها في شي سادد طريقه 
 ام هديل بخوف ودموعها بعينها : قلتلك يااقلبي يابنتي وا
 هديل تهرج بسرعه ودموعها تنزل : لا لاتقوليلي بنتك انتي كذااابه انتي كككذاابه 
 ام هديل تتكلم بكل خوف : طيب طيب دي هيا الصرااحه 
 هديل ضغطت على السكين برقبتها : والله حخليكي تندممي 
 بشااار رجع حاول يكلمها وهوا وشويا ويبكي : حبيبي حبيبي الله يخليكي أهدي الله يخليكي 
 هديل ولاكأنها سامعته تطالع فيه وعينها مليانه دموع وترجع تطالع في امها 
 مخلينها مشتته 
 ام هديل تبا تبـكي وتعبانه وكل شي بتمر فيه : مافي شي اقولو غير اللي قلتو والله والله
 هديل سكتت شويا لو ماسمعت كلام سعيد كآن صدقتها 
 لدي الدرجه 
 بتهدد امها بنفسها وكمان متمسكه بكذبتها 
 ارتخى صوتها ويدها من على السكين بعدتها شويا من رقبتها وقالت بضعف : لدي الدرجه مو خايفه عليا 
 ام هديل نزلت دموعها : والله خايفه ماباكي تسوي شي بنفسك بس قلتلك الصراحه
 هديل حركت راسها وهرجت بكل ضعف بكل جنون وباين من اسلوبها انها بتقول اخر شي عندها : لا ماقلتيلي ..انا مو مسامحتك على اللي سار فيا _ صوتها رجف _ مو مسامحتك ولا على لحظه اتهنت فيها بحياتي اتذكري انو انتي اللي حببتيني بالحياه وخليتيني اعيش سنين عمري كلها وانا عندي امل اشوفك وانتي اللي كرهتيني فيها 
 شدت يدها على السكييين وفللحظه كآنت تبا تسوي شي ينههههي كل حاجه 
 ينهي نبضات قلبها الضعيفه 
 ينهي تنفسـها السريـع 
 ينهي الوجـع اللي بتحسـه 
 خالتها بكل صوتها وبكل خووف ورعب : انننننا اقووولك بس نزلي السكين والله حقوولك 
 ام هديل طالعت فيها بخووف وصدرها يطلع وينزل 
 وعين هديل جات على خالتها 
 امـآ بشاار لللحظه حسها حتقتل نفسها وهوا يتفرج عليها 
 قلبه حيووقف
 اعصاابه مشدوده
 خالتها اخدت نفسها وقالت بتردد : كآنت امك متزوجه اخو سعيد وخيرها بينك وبينه 
 بشاار يطالع في خالتها مصدوووم 
 وهديـــل 
 هديل ايش موقفها !!
لسى مو قادره تستوعب الجمله 
 خالتها ماوقفت هنا كملت وام هديل جلست على الكنبه وغطت وجهها بيدها وبكيت : في البدايه مارضيت وبعدها سارت مشاكل في حياته وجاته ديون وكنآ محتاجين اي مبلغ عشان نقدر نخرجه شويا من الاأزمه اللي هوا فيـه _ طالعت في اختها ورجعت تطالع في هديل _ سعيد قلها على جاسم وهيا باعتك 
_ تبا تبرر _ والله تعبت كتير بس ماروحتي
 بشار يطالع في هديـل وقلبه يوجعه 
 الكلام وجعه هوآ 
 الكلام حرقه هوآ 
 وفجأه ارتخت يدها ونزلتها 
 وفجأه صوت السكين خبط في الارض
 تطالع فيـهم ودا اخر شي كآنت مستنيه تسمعه 
 حطت احتمالات كتير براسها وكلها لها شي يشفه لأمها ولو بشي بسيط 
 بس دا لا 
 دا مرا مايشفع 
 دا مرا قتلها 
 قتل كل شي حلو فيها 
 قتل كل احلامها
 قتتتل كل طفولتها اللي بنتها وهيا تحاول توصلها 
 مسكت بالكنبه اللي جمبها جلست بالارض وبكيييت بصوتها 
 حطت راسها على الكنبه ويدها على قلبها وتبــــكي 
 تبككي 
 هدموها 
 قتلوها 
 دمروها 
 وهمـآ لسى مكملين حياتهم بدا المكآن 
 ام هديـل مازالت تبكي 
 خالتها بكل ضعف قالت : انا اسفه لأني كنت اللي بينكم 
 هديل ولا سمعتها 
 بشااار اتوجهلها على طول نزل لمستواها كآن بيمسكها ويرفعها الا صرخت ودفتو : بععععععد
_ رفعت اياديها وماتبى احد يقرب منها وتبكي بسهتريا _ بععععددو عني كلكم مااابى احد مااابى
 بشار يحاول يمسكها وهيا تدفو تضــربو ولا كأنه كل اللي يقوله : حبيبي والله ماحسويلك شي 
 صوتها الرايق صوتها النـآعم اللي دايما يسمعو بكل دلع 
 اختففى وسار بس صوت وحده منهـآره وبتصرخ بكل صوتها 
 هديـل من قلللبها تصرخ: اككككرهككم اكرررهكمم 
 خالتها جات تقرب وبشاار طالع فيها وعيونه محممره : لاتتتتقررربي
 وقفت مكـآنها 
 وهوا يمسك يدها وترجع تضربه , وتصرخ
 مو مستوعبه خلاص بشار امها خالتها سعيد كل شي اتلم عليها 
 اخر همه عيلتها
 مسك اياديها وضغط عليها مايبى يعورها بس اضطر يمسكها بقوه : أهدي ياقلبي _ بيده التانيه حطها على خدها وهوا يهرج بهدوء _ محد حيقرب منك تعالي معايا 
 تطـآلع فيه وحده بدون وعي
 بدون عقـل 
 خلاص دي اللحظه عرفت انو ماعندها اهل بجد
 امها باعتها عشان واحد ولما رجعتها تبا تبيع جسمها لكدا واحد 
 ايش اللي يجلسها هنـآ 
 سحبت جسمها بدون اي كلمه بااتجاه حضنه تخبي نفسها 
 ماشافتهم ماتبى تشوفهم 
 حوط يده حوليها ورفعها وقفت على رجولها بالقوه 
 مغطيه جسمها كلو بحضنه وتمشي بسبب مسكتو ليها 
 اما هيـآ بعالم تآني انها تخرج من الغرفه دي ألم لوحده 
 انها بتمر من عند الغرفه اللي كلها رقص دا ألم تاني 
 انها تشوف الدم وهيا خارجه دا ألم تآلت 



 في الغرفـه ام هديــل تبكي بصوتها ولا رفعت يدها من على وجهها 
 انها تسمع ايش سوت بنفسها وتشوف ردة فعل بنتها 
 قتتتتلها 
 اختها طالعت فيها : ااابكي وارتاااحي اصحك ترسلينلي في يوم ادورلك عليها 
 ام هديل مسحت دموعها : والله اباها 
 اختها صرخت عليها : استتتتحي استتتحي على وجهك انا ماليا صلاااح سويت كل شي عشانك بس اكتر من كدا ماحسوي 
 ام هديـل اشرت على نفسها : والله قلبي يوجعني ليش مو حاسه فيا 
 اختها : حاسه فيكي واللي اعرفه انو بنتك مو زينا سيبيها في عالمها 
 ام هديل سكتت وبعد صمت سئلت : مين اللي كآن معاها 
 اختها : اتوقع ولد جآسم

بــرا قبال الدباب وقف قبالها ويطالع بوجهها يمسح دموعها 
 يعدل شعرها يطالع فيها بحب باانكسار بضعف ورجع حضنها 
 حاطه راسها على صدره ودموعها تنزل بصمت 
 ماتحركت 
 مصدومـه 
 والكلام صعب تستوعبـه
 كسروها 
 مو قادر يخليها تركب وراه يكلمها مابترد 
 خلاها تركب قدآمه عشان يطمن عليها 
 صمتها واجعه 
 مآكان يسوق بسـرعه 
 والمشوار اللي كآن سبعه دقايق سار 20 دقيقه
 اول ماوقف دبآبه نزل مسك يدها ونزلها ناداها: حبيبي
 مو قادر يقول هديل ولا قادر يقول عهود 
 طالعت فيه وكأنه مستنيته يهرج قال : لاتوجعيلي قلبي بسكوتك
 ماردت ماعلقت 
 دموعها بعينها بس حاليا مو قادره تبكي اكتر من اللي بكته هنآك 
 تبا تتكلم بس شي خانقها ومو قادر يطلع صوتها 
 كل اللي عارفه انو قلبه يوجعه ومو عارف يتعامل معاها يبا سميـه 
 يبا سميـه تجلس معاها 
 مسكها من يدها وطلعها معاه لبيتـه جلسها على الكنبه ودخل لغرفتـه 
 يتصل على روان مرا مرتييين تلاته ولا ترد : اووف فينها دي التانيه 
 ارسلها رساله " اباكي ضروري "
اتوقعها نآيمه لسى مو مستوعب انها ماتعرف تقرا 
 خرج لقاها جالسه بركنيه الكنبـه رافعه رجولها لحضنها وف عالم تآني
 شعرها مفتوح ومغطي اكتآفها وظهرها 
 اتوجه للتلاجه اخد قاروره مويآ وجا لعندها ..جلس جمبها ووفك القاروره 
 قربها منها وهيا اشرت براسها ماتبى : شويا بس
 اشرت براسها بدون تعليق
 رجع حط القاروره 
 مسك يدها ويمرر يدو عليها : حبيبي انا جمبك وسميه دحين حتجيكي 
 ماعلقت 
 مسكها وقربها لحضنه يمرر يدو على شعرها يحاول يطمنها 
 بس صمتها يفجع 
 صمتها يقتل
 صمتها مخليه مو عارف باإيش تفكر مخليه متوتر وخايف بس عليها
 حاطه راسها عليه سامعه صوت دقآت قلبه السريعه 
 مدموج بكلام خالتها 
 مدموج بصوت اأمها وهيا تسحبها للرجال
 راسها عند ذقنـه يرخي راسه كل شويا ويبوسها ويمرر يده على ذراعها يباها تهدى 
 بس مآزال هدوئها سيد الموقف ... 
مسامحها مو مسامحها دا اخر همه حاليا ..
حتى لو عقلـو بيخليه يفكر بمنطقيه 
 قلبـه وكل خليه بجسمه حيحارب دا الشي وحيحضنها ويغمض عينه ...




في المطعم الرآيـق .. جايبها لسبب انو يباها تعشششقه اكتر 
 واثق بنفسـه 
 عمره ماتحط بدا الموقف
 بس مو حاسس بصعوبه معاها 
 كل تفكيره محصور عند ديك البنت الغريبه اللي عايشه قصه كأنها خرافيه براسه 
 محفوررره بشكل غريـــب 
 ووكأنه يعرفها له فتره طويله 
 بيحاول يركز مع سلمى وكل شويـه يتشتت 
 سلمى كالعاده تتكلم عن نفسها بس دي المرا عن مشاعرها : لدحين مو قادره اصدق اني جالسه معاك
 قرب للطاوله كآن بيهرج الا هيا قالت بكل ارتباك : انا مرا احبك _ صوتها رجف وهيا تتكلم بكل صراحه _ حبيتك من اول يوم دخلت الشركه وشوفتك _ ضحكت _ مع انك كنت مكشر ومعصب على واحد بس من داك الوقت وانا ماسرت اشوف احد غيرك 
 عبــرت بكل جرأه 
 عبرت عن مشاعرها بكل صرآحه 
 مو شايفه انو فيها شي لما تتكلم عن مشـآعرها 
 ارتبك 
 اكيد ارتبك 
 ايش يرد 
 مو عارف 
 رده لها بدا الموقف حيغير حآجات كتيـر 
 كلمه وانا احبك مو قادره تطلع من فمه 
 يبا يوصف اللي يحس فيه 
 لازم يووصف حاجه يحس فيها 
 بس مو لها ممكن لأحد غيرها : انا مو عارف ايش بسوي معاكي _ طالع بعينها _ احس اني ابا اجلس معاكي اطول فتره واسمع كل شي عنك فضول ولا حابب اسمع صوتك مدري .. كل اللي اعرفه اني ادور اي فرصه عشان اشوفك 
 دقــآت قلبه كآنت سريعه وكأنه الكلام لها هيـآ
 خاف من نفسـه 
 من اللي يحسـه 
 اكيد مو لها 
 اكيد اكيــد مو لها هوا عارف مين اللي معشعشه جوت راسه بهرجتها 
 بس اللي مخليه في صراع انو مو عارف البنت ولا قصتها اللي مخليته كدا
 ابتسمت بخجل .. كفتها دي الجمله 
 كفتها انو تخليها مبسوطه يومها كلو 
 دا تآمر 
 دا حلمها 
 دآ فارس احلامها
 كيف ماتنبسط 
 حكته عن العيـله عن كل شي لين ماوصل الموضوع لسآمي ... 
وهنآ هوا بدأ ملامح وجهه تتغير 
 وسلمى تهرج كدا وكأنها مو متقبلته : انا مو حابه افتح سيرة اختك والله ب
 تامر قاطعها وهوا يحرك رجوله : لا افتحيها عادي ماتعنيلي شي اساسا 
 سلمى شربت شويا من العصير واتكلمت : احس ولدها غريب يعني بنحاول نكون كويسين معاه بس التربيه اللي اترباها عندها شكلو مرا بيئه لدرجه الولد بس يصرخ ويرمي كل اغراضه في الغرفه _ اشرت على نفسها _ انا عن نفسي في البدايه صعب عليا مرا بس بدأت حاليا اتنرفز اكره الطفل الجحود اللي مهما تديه مايشبع
 تامر يلف الكآسه وعينه عليها 
 قد ايش ماسك نفسسه من اسلوبها المستفز : وقاسم ايش وضعه 
 سلمى : ابوه في النهايه مسكين بيتحمل 
 تامر رفع حاجبه :انا ماعرفته اساسا الا من كلامك ولا واضح قاسم مايباني اعرف مين هوا
 سلمى ارتبكت : اكيد مايبى مشاكل انتو سبتو الولد في الميتم وماسئلتو عنو لو تبوه كآن اخدتوه ليش حيقولكم دحين 
 تامر سكت وبيحاول يهددددى وبعدها سئل : هوا ليش ماأخدو ؟ انا خاله نقول اني وسخ وحاقد على اختي _ ضغط على الكلمه _ ابوه ليش ماأخدو
 سلمى : مدري هوا كآن يزور اختـ
 قاطعها بحقد : لاتقوليلي اختك الكلمه تحرقني
 سلمى بتعاطف : طيب ماحقول... كآن يزورها كل بعد فتره وعلى اساس متفقين لما تخرج ياخدوه مع بعض 
 يبا يضحك 
 بجد يبا يضحك من القهر 
 من الكلام الفاضي اللي يبا يسمعه :ماأتخيل لو اني اب ممكن استنى لين ماتخرج ماحيهون عليا ولدي
 سلمى بتردد : قبل لايتوفى بابا الله يرحمه كآن مانعو ياخدو تعرف عشان الناس بس بعد ماتوفى اول شي انشغل بالاعمال والورث والمشاكل اللي سارت مع اعمامي اخد الموضوع سنه وبعدها راح يدور عليه هما مختفين .._ رفعت اكتافها _ يعني الله واعلم في اي خرابه عاشت هيا وولدها سمعت انو يالطيف _ سكتت لما استوعبت انو مايبى يسمع سيرتها _ معليش نسيت انك ماتبى سيرتها 
 ولعتـــه 
 سند جسمه على الكرسي 
 يطالع فيـها 
 مرر يده على ذقنه 
 يبا يهددددى
 يبا يهددددى
 يبا يهددددى
 يبا يهددددى 
 قال بشويــش : ايش سمعتي .؟
 سلمى حركت راسها : لا والله مابا اضايقك ي
 تامر على نفس وضعه ونفس نبرته : ايش سمعتـي ..؟
 سلمى : قول والله ماتزعل
 تامر : ماحزعل
 سلمى : قول والله 
 تامر بحده : قلنا ماحزعل
 سلمى مرا خافت حست نفسها بنص هرجه حتسكت حيعصب حتتكلم ماتدري ايش ردة فعلو قالت باارتباك : يعني يقولو يقولو انو نفس حركاتها وهيا يعني صغيره 
 يقتلـها ..؟
 ولا اتغير اي تعبير بوجهه 
 لساتها عينه مثبته عليها 
 مآكفاهم بللي سوه زمان لسى بيشوهه سمعتها لدحين 
 جسمه كلو يحسو زي النــآر
 سلمى بخوف : خلاص نقفل الموضوع انا اسفه لأ
 قرب للطاوله وقال بهدوء بهدووء يفجع: مين اللي قال .؟ 
 سلمى : الناس مد
 تامر قاطعها : اذا اخوكي دوبو عرف فين بيتها مين الناس دول .؟
 سلمى ارتبكت مرا رجعت شعرها ورا اذنها : قاسم قلي مدري من مين سمع ا
 تامر قاطعها : تبي تنهي كل شي بيننا بكلامك ..؟
 سلمى مرا انفجعت : لا لا والله مابى ازعلك اخدت راحتي بالكلام 
 تامر : انا مخنووق وانتي قاعده تزيديني بكلامك 
 سلمى شويا وتبكي : انا اسفه والله مو قصدي وعد ماحجيب سيرتها ولا سيرة ولدها 
 تامر اخد نفسه ومازال ساند جسمه ويطالع فيها ورجع شتت نظره لبعيــد 
 وباين انو مضايق 
 بس من جوته مو مضايق من جوته واحد يبا يححرق بيتهم كلو فوق راسه 
 انسان يخووف كيف شكلو الظاهري مايدل ولا على شي جوتـه 
 سلمى : تامر والله اسفه ...
بدون مايطالع فيها وهوا عينه على العـآمل اللي ماشي ويدف عربيه الأكل : مو مشكله اساسا انا مضايق من كدا شغله مالك صلاح
 قالت بضعف : ايش اللي مضايقك 
 تامر ولا طالع فيها لسى يهرج : شغلي كلو واقف على الاوراق اللي ابا قاسم يوقعها سارتلي مشاكل كتير ودحين بتقوليلي حايس مع ولدو _ طالع فيها وعدل جلسته _ ابا اخرج معاكي عشان اغير جو العمل والكلام اللي مابى اسمعه طول الوقت 
 سكتــت 
 سكتت 
 قلبها ضعيف جمبـه 
 بس قاسم حاليا في مشاكل لو اخدت الاوراق واتدخلت تخاف يعصب 
 قالت بتردد : الاوراق اللي تباه يو
 تامر قاطعها لما مسك راسه وسوا نفسه مصدع : قلتلك مني جاي اهرج عن العمل لاتصدعيلي راسي الله يخليكي
 سلمى انقهرت مرا عليه : طيب والله بس بسالك اذا هيـآ عندك بالمكتب ولا لا 

 ووصــل للي يبـآه .. }



مسدوحـه على السرريرها وتحت لحآفها مو قادره تستوعب 
 الجملـه اللي سمعتها من امها 
 بعدت عن جسمها اللحاف بشويش
 وقلبها يدق بسـرعه 
 جلست وطالعت في امها 
 فزت لما قالتلها : يلااا شوفي ايش يبااا 
 وقفت تبا امها تخرج تبا تعدل شكلها بالمرايه 
 بس واقفه عند الباب وتطالع فيها اشرت براسها : طيب دحين جيا 
 وقتها مشيت 
 لمى حطت يدها على قلبها : ايش يبااا دا 
 اتوجهت للمرايه تعدل شعرها 
 رسمت حوآجبها سوت روج خفيف 
 كآنت بتغير البجامه بس على انها زعلانه ابتسمت كدا بشـر لما حست البجامه كيوت
 فكت شعرها اتعطرت وخرجت بسـرعه الا شافت امها بالصاله 
 قلبها طاح قالت بصوت يادوب طلع : فينو
 امها طالعت بشكلها من فوق لتحت : في مجلس الرجال قوليلو مرا تانيه يدي خبر محنا وكاله من غير بواب
 لمى : ان شالله 

 مشيت ابتسمت وهيا في السيب ولما وصلت للمجلس اختفت ابتسامتها وكأنه تبا تديه درس على كلامه اللي قاله 
 بس مبسوطه لأنه جآ مبسوطه لأنه مهتم فيها ويهمو زعلها
 فجأه كشرت حوآجبها لما مالقت احد 
 دوبها بتدير وطلع من وراها كآآنت بتتتصرخ الا حط يدو على فمها وهوا يضحك : ههههههه اووص يابلهه
 دفتو وتاخد نفسها ورا بعض قالت بخوف :فجعتتتني
 عدي غمزلها : اشتقتيلي شكلك 
 عقدت حوآجبها زياده : بقولك فجعتيني 
 قرب خطوه وهوا يغمز برضو : ماشتقتيلي طيب
 لمى رجعت على ورا : انتا سامعني 
 وهوا يستهبل على نفس النبره ويغمز ويتكلم : الم تشتاقي إلى حضني
 لمى انفحجعت وضحكت من بلاهته دفتو : امممشي يااعدي
 عدي رجع يقرب ويغمز : طيب مايجي بوسه ياهوو
 لمى ماقدرت تمسك نفسها ضحكت من قلبها : هههههههههههههه عدددي بلا هبل
 اختفت ابتسامته لما ضحكت مسك يدها وقلها : انا اسف
 لمى خلاص سامحته انتهى الموضوع على طول بسبب حركاته العبيطه 
 ابتسمت وحركت جسمها بدلع وقالت بزعل : خليتني ابكي
 اترخت ملامحه على طول وقال بخرفنه : اعضو دا عدي اللي مايستحي
 لمى : هههههههههههههه لا حبو
 عدي ضغط على اسنانه ومسك خدها ويتكلم : اكككككل ابوو شكلك يااشيخه 
 لمى : ههههههههههههههه
 حوارتهم عبيطه سخيفه بلهه زي وضعهم 
 وفوق دا كلو اسعد اتنين حاليا وهما بتكلمو بدا الاسلوب 
 بس تضحك تحب تشوفه تحبببه تحببه وماتتخيل انها تعيش بدونه خلاص
 مرسومه على وجهها ابتسامه ولساتها تطـآلع فيها
 سارت تحب تجننه 
 رفعت يدها ومسكت ذقنه : مو قلتلي حتحلق
 طالع فيـها وابتسم وبعدها سوا نفسه حزين : كلهم طردوني
 لمى : ههههههه مين دول 
 عدي على نفس النبره :الحلاقين
 لمى كشرت وهيا مبتسمه وكأنها تطالع في بيبي قالتلو : اقتلهم انا
 سارت تتكلم زيه مات ضحك : ههههههههههه بسررررعه جهزي شنطتك وتعالي معايا البيت 
 لمى : ههههههههههههه 
 ودخلــت امها ونزلت يدها على طول واختفت ضحكت لمى وابتسامتها وكل شي 
 اصلا تحس قلبها طاح مع الفجعه اول ماشافتها 
 داخله بتوب انيـق 
 مرتبـه حتى لما تقعد في بيتها 
 لمى مرا بعدت باارتباك عن عدي 
: عدي : كيفك ياعمتي 
 ام لمى دخلت وجلست على الكنبـه وهوا جلس في الكنبه اللي قبالها 
 ولمى جلست مرا بعيد عنهم اصلا طالع فيها مفجوع ورجع طالع في امها 
: الحمدالله 
 جلسـو يتكلمو كلام سطحي عن الاهل 
 ويطالع في لمى اللي راخيه راسها وتلعب بيدها باارتباك 
 ينقهر لما يشوفها زي كدا 
 مو قادر يستوعب انو فيه احد يعيش بين اهله ومايكون بطبيعته 
 وكأنه معاه انسانه ولما تكون بين اهلها وحده تآنيه 
 اول ماسكتت ام لمى طالع هوا ف لمى وقلها : لمى ممكن تجيبلي مويا 
 لمى طالعت فيه وقامت : طيب 
 دوبها بتخرج ناداها : تعالي 
 قلبها يدق بسرعه
 شايف وجهها متغير لونه وكأنه عيب تقرب جمبه وفيه امها 
 جات جمبـه بالقوه ومد جواله وقال بصوت عالي : اشحنيلي جوالي طفى _ دوبها بتاخد الجوال الا همسلها _ اتاخري لاتجي 
 انفجعــت 
 مرا انفجعــت 
 تطالع بعينه وباين الخوف بوجهها نفسها تققوله لاتسوي شي مع ماما 
 ولا تهرج معاها في اي شي 
 بس ماقدرت
 سحبت الجوال وخرجت بدون عقــل 
 اما هوآ قام من مكآنه وراح جلس جمب امها 

 ابتسملها ابتسامته العبيطه وهيا ابتسمت بتوتر 
 رجع قرب وباس راسها وجلس : والله ياعمتي من كتر لمى ماتمدحك حبيتك مع اني ماجلست معاكي لدحين 
 وجهها كدا عليه الف علامه استفاهم 
 من نطته المفاجئه وهوا يبوسها
 ومن الجمله اللي ماتخيلت انها تسمعها ف يوم
 رفعت حوآجبها الاتنين تبا تتكلم بس استحت 
 ماعرفت ايش تقول 
 عدي بسطاوته : من دحين اقولك بكرا الغدى عندك استنيتك تعزميني بنفسك ولا عزمتيني 
 وجهها حمر وسارت تهرج باارتباك :احسبك مشغول وبع
 عدي قاطعها عكس اولادها اللي كلهم يستنوها تخلص كلامها ويهرجو بهدوء : انا انجرحت انتهى الموضوع فاوصلت لقرار اني حعزم نفسي 
 ام لمى : هههههههه الله يحيك البيت بيتك 
 عدي كآن مبتسم وملامحه سارت جديـه قال بتردد : ابا اكلمك في موضوع ياعمتي
 ام لمى : خير ان شالله .؟
 عدي بكذب سار يهرج: انا مو عارف اتعامل مع لمى 
 ام لمى : من اي ناحيه 
 عدي : من كل شي مرا تستحي وماتحكيني شي عن نفسها 
 ام لمى بدون ماتحس قالت : مع اني سامعتها من اول تضحك 
 عدي : بسسس .بس تضحك ماعندها اي تعليق ماعندها اي موضوع يرضيكي يعني 
 ام لمى ماعرفت ايش تقول وعدي كمل : انا قلت انتي امها واكيد قريبه منها اباكي تتكلمي معاها تقوليلها دا زوجك مايسير تطنشيه _ بدأ يدق بالكلام _ مايسير لما يتصل ماتردي عليه مايسير طول يومك مشغوله عنه وكأنه مو متزوج صح ولا لا ياعمتي انا غلطان بالأشياء اللي اباها 
 ام لمى باارتباك : لا من حقك 
 عدي : كلامها مرا قليل وكل اللي فهمته منها انها ماتحب تزعلك وماتحب تسوي شي مايرضيكي فاعرفت انك قريبه لها اكتر من اخوانها فاجيت اتفاهم معاكي خلاص اعتبر الموضوع محلول ولاحترديني
 ام لمى لأول مرا ماتعرف تعلق وتتكلم : ان شالله ان شالله اكلمها 
 عدي لساته خايف عليها : كلميها بهدوء شكلها مرا تستحي 
 ام لمى : ححاول
 عدي : المهم نسيب لمى ياست الكل وقوليلي ايش نفسك بكرا اجبلك معايا 
 لسانه معسوول وبلاهته مخليه ام لمى ترتبك وتنحرج وحست انو دخل قلبها 
 مع انها كآنت كارهته 
 بس يتغزل فيها 
 ويمدحها وكأنه مو اول تاني مرا يجلس معاها
 ولمى دخلت بتردد وهوا اشرلها براسه سمعت امها تضحك وانصدمت 
 سارت تمشي بشويش لين ماجلست 
 وعدي يطالع فيها يبا يسئلها فين المويا !! بس قال مالو دآعي
 الا امها فجأه بصوت حااد : فيين المويا
 كآنت بتطالع لمى بعدي وفجأه فزت وطالعت باأمها حتى عدي انفجع 
 وقفت باارتباك : حطيتها برا دحين حجيبها 
 وخرجت من غير ماتسمع شي 
 اما عدي رمش كدا مرا ووسع عينه لأمها وغمزلها : مو قلنا بهدووء 
 امها كآنت بتهرج وعدي يقاطعها للمرا الألف :ماباها تسير تخاف مني ترا حلي الوحيد ياعمتي انتي ماعندي غيرك 
 ام لمى ضايع الكلام منها 
 دخلت لمى بااتجاهه وشايله التبسي الصغير وعليها كآسه المويآ
 وقفت قباله وشاف يدها تتنافض 
 مو شايف امها بسبب لمى اللي قباله رفع عينه عليها وهوا ياخد الكآسه 
 وارسلها بوسه 
 نفسها تضربه بالتبسي بدا الوقت 
 راحت جلست وتلعب بيدها حاسس انها تبا تبـكي 
 يطالع برجلها اللي تحركها كل شويـآ
 ولما امها خرجت من الغرفـه على طول قام وجلس جمبها مسك يدها وباسها ورا بعض كدا مرا : ليش كنتي خايفه 
 لمى بدون ماتطالع فيه : ماكنت خايفه 
 عدي قلب لموضوع تاني : عارفه اني احبك .؟
 لمى وجهها حمر رفعت عدسه عينها عليه نفسها تقولها بس تستحي
 عدي ضغط على يدها : اكره اشوفك خايفه وربي ماتدري قد ايش قلبي يحرقني 
 لمى بهدوء : انا ماخاف من احد وانتا جمبي 
 عدي ابتسم : اجل ليش حسيتك خايفه 
 لمى مسكت يده باأياديها الاتنين وتلعب باصابيعه وتهرج وهيا مبتسمه : بس انفجعت 
 عدي يطالع في يدها ويرجع يطآلع بوجهها : ايش الفرق كلهم واحد 
 لمى مازالت تلعب بالخاتم اللي في صباعه وتهرج : لا فيه فرق 
 عدي ماسار عارف ايش يهرج بس كدا يرمي اي موضوع وهوا متنح فيها : ايش الفرق
 لمى طالعت فيه : اممممم الفرق _ سكتت سكتت وشايفته متنح بوجهها وخلتو كدا حق دقيقه ولافتتتح فمه تبا تموت ضحك وفجأه من وضعيه الدلـع وانها بتفكر 
 الا صرخت بوجهه وهوا فزز 
 لمى : ههههههههههههههه _اشرت عليه _ دي فجعه 
 وهوا يطــآلع فيها مصدوم 
 فجعته بجد 
 ولا اتوقع حركه كدا منــها 
 لمى ملامح وجهه مضحكتـها : ههههههههه
 عدي يهرج بشويش وكأنه واحد منبهههههر : انتي نصفي الثاني خلاص 
 لمى ميلت جسمها عليه وميته ضحك وماتبى صوتها يطلع لبراا 
 انســآنه تانيه 
 اللي يشوفها كيف معاه وكأنه مو لمى اللي الكل يعرفها 
 هيا سارت زيو ولا دي طبايعها وكآنت مو قادره تطلعها 
 مو عارف بس كل اللي عارفه انو متجنن عليــــها


 ماقدر يطول بسبب امهـآ واضطر يخرج بعد مادتو جواله
 نفسه يجلس معاها 
 سارت تحب تدلع عليه 
 تحب النظره اللي تشوفها بعينه لما تقرب منو ولا لما تمسك يدو 
 دوبها بتروح لغرفتها الا امها نادتها : لمى تعآلي _ لمى وقفت وعرفت انو فيه مصيبه جايه دوبها بتمشي الا امها كملت _ ولااقولك جاني النوم بكرا نتفاهم 
 وقامت دخلت لغرفتها وقفلت على نفسها الباب 
 مو عارفه تتكلم مع بنتـها 
 شردت على طول من الموقف 
 بكرا بكرا حتحاول 
 حاليا ماتقدر ... 
اما لمى ماستوعبت وكالعاده خافت انو ممكن تضربها او تهزأها على موضوع جديد 
 اكيد سمعتها تضحك 
 ولا جيت عدي ماعجبتها 
 وبدأت تحط مية سبب 
 وبمجرد مادخلت غرفتها ابتسمت قفلت الباب ورمت نفسها على السرير 
 سحبت الجوال ودوبها بتفتح الواتس الا اتصـل 
 ردت وعلى وجهها ابتسامه وحده تعشق صوته وكل شي فيه 
 انتبهت للدبوب مرمي في الارض اخدتو ورجعت جلست واتكلمت معــآه لين مانامت ... 
وارسلها صورة سن لؤي والاتنين فاصلييــن ضحك 
 يحكيها عن نفسه وتحكيه عن نفسها يمر الوقت 
 ومو حاسين بشي 
 ولو خلص الكلام فجأه يغني ولا يستهبل ويموتها ضحك
 اهداها خلال التلات ساعات 4 اغاني بصوته المزعج يغنيلها وكأنه على مسرح وقدامه جمهوور 
 ماشي في البيت ويغني والكل يطالع فيه 
 مايستحي من احد 
 الثقــه اللي جوته قويـه بشكل محد يقدر يتخيلها 
 تسمع امو تقول بس يولدد 
 تسمع عزآم يصرخ 
 علا الكيوت اللي الفاظها مافي زيها ومحترمه في السنابات ماتسمعها الا تسب لما عدي يجيها
 حتى نانا مايرحمها 
 عايشه معاه بالجوال حابه عيلته تحسمهم طيبين
 تحس انو يحبهم وعفوي معاهم وهيا ماعندها غير اخوانها الاتنين 
 وبسبب امهم مايقدرو يتكلمو وياخدو راحتهم 

 مو بس هيا عايشه حـآله حب 
 حتى اخوها جالس في العياده ويستنى المريض يخرج عشان ياخد جواله ويكلمها 
 وقبـل لايتصل افتح محادثته مع تامر اخد رقم ترف وحفظه بجواله 
 ارسل لتـرف رساله 
" كيفك .. مو عارف متى اقدر اشوفك اي وقت ماتكوني فاضيه كلميني ... وكنت بقولك كمان انو يوم السبت رايح اجلس مع ابو رشآ _ ابتسم وهوا يكتب _ عروستي ان شالله "
واتصـل على رشآ
 محد قده 
 يحس بسعااده مو طبيعيه وبنفس الوقت نفسه يروح يجلس مع ترف 
 يبا يخليها تحس انو هيا منهم يباها تنبسط معاه ... 
وبدأ يفكر بلمى 
 كيف حيخليها تتقبل ترف
 امهم حاطينها على جمب اكيـد 
 يبو يبدأو بلمى وهوسها بكرهها لترف ... 


طفوله ملوثه 


 جـآلسه في الغرفه ومو مستوعبه انو اتصل تآني
 ايش يبا منها 
 حاطه الجوال على اذنها وتسمع لكلامـه : دا الجوال اباه يكون معاكي طول الوقت 
 روآن : حسوي اللي تباه ليش بتتصل
 جلال : عادي نتكلم ماجات فرصه اتعرف عليكي فاحابب انك تعرفيني اكتر 
 روان محروقه من كلامه بلعت ريقها وقالت : مابى اتعرف على احد
 جلال : ههههههه بشار قهرك لما سحب عليكي
 روان وسعت عينها بصدمه 
 وجلال من صمتها عرف انها مفجوعه : اعرفي انو عيني عليكم بكل مكآن لاتستهوني بكلامي المهم انا حقوم اتعشى ولو فضيت حرجع اتكلم معاكي دام انا وانتي فاضين 
 روان : انا حنام 
 جلال : حصحيكي مو مشكله يلا سلام
 وقفــل بوجهها !!!!
محبووس في بيت لوحده مو قادر يخرج ويدخل ومو ملاقي غيرها 
 يبا يرعبها يباها خاتم بصبآعه 
 لو قدر يأثر عليها اكتر من بشار حيضمن اخوه حيخرج 
 اما بنسبه له هوا متورط متورط 
 لكن فيه شي برآسه مخليه متطمن ويتكلم بكل دي الأراحيه .. 

امآ هيا حطت الجوال جمبـها وتطالع فييه ودموعها مغرقه عينها 
 كيف حيجيها النـوم مع الرعب اللي معيشها هوا جلال 
 وقفت واتوجهت لباب الشقـه فتحتـه وراحت لباب العماره 
 انتبهت لنفس السياره اللي وقفت فطريقها مجنبـه ومو شايفه ايش جوتها من التظليل 
 بس متأكده انها نفس السياره ..
حاسه انها مكتومه ماتبى تجلس في الشقـه 
 خرجت واول مامشيت السياره اشتغلت 
 خافت 
 ماقدرت تكمل طريقها 
 مشيت بخطوات سريعه ودخلت العماره 
 مو قادره تقعد في المكآن دا لوحدها
 حاسه انو خانقها زياده تبا هوى
 تبا مكآن وسيــع
 طلعت للسطوح لما اتذكرت انو ترف دايما تنزل من هنآك
 الباب الحديد الاسود مقفـل مسكت عامود الزرفونه " مدري ايش تسموها " 
وحاولت تفكو بس طلع صوت مززعج فجعها 
 حاولت بكل قوتها وبرضو مافتح معاها
 نزلت بكل استسلام لبيتها ..قفلت الباب بعصبيه وجلست 
 شويه تآكل اظافرها ..شويا تمرر يدها على شفايفها 
 خايفه ..متوتره وكل اللي بتسويه باين في حركات يدها 
 غمضت عينها بتعب لما دق الجرس مرا تانيه 
 ووقفت تبا تشوف ايش يبو منها 
 فتحت الباب ولانت كل ملامحها لما شافته واقف قدآمها
 ورجعت شدت يدها على الباب لما اتذكرت كلام جلال

 واقف قبالها وبرضها كآنت تبكي 
 دي المرا باإيش تفكر ..؟
 جايبلها اشياء بسيطه اشترى لترف وجبلها معاها 
 مو عشان يباها تاكل لا ماحيجي في باله انها جيعانه 
 بس كآن يبا يمر .. يبا يدق الباب 
 يبا يوقف قدآمها ويحس بالفوضى الغريبه اللي جوته
 يبا يطالع بنظرتها الجريئه 
 اول مامد الكيس ووكآن حيهرج الا هيا اتكلمت : لاتكلف على نفسك 
 فرق السما عن الارض بينها وبين سلمى 
 ديك كآنت قدامه بكل انآقه بشعرها المموج 
 ولونـه اللي يجذب
 ومكيآجها الناعم ولبسها الانيـق 
 ودي لامه شعرها على ورى 
 مافي شي بوجهها غير علامات البكى 
 لبسها الوسيـع المبهدل
 كآن بيعلق الا انتبه لرقبتها اللي كلها محمره 
 علقت ورفعت يدها وقالتلو لاتكلف على نفسك 
 وشاف يدها كلها خربشه وجروح
 اترخت يدو من غير مايديها الكيس وقلها : سرلك شي ؟
 روان حست بنظراته غطت يدها بيدها التانيه واشرت براسها : لا 
 انتبهت لأحد مر عند باب العماره وطالعت بخوف وبعدها فيه 
 ماتباه يدخل في مشاكل : خلاص انا بنام
 وترته 
 لاشعوريا طالع وراه ورجع طالع فيها 
: فيه احد بيأذيكي .؟
 روان اشرت براسها : لا 
 باين انها كذابه عدسه عينها كل شويا تطالع في باب العماره 
 لو تدري انو هوا ماكان فتحت : مع سلامه 
 وجات تقفل الباب من غير اي مقدمآت وبدون مايحس حط يدو على الباب 
 طالعت فيه ودموعها اتجمعت بعينها 
 لوحدها تبا احد يكون جمبها 
 وبنفس الوقت خايفه على الكل 
 ماتعرفه كتير بس تعرف انو طيب وهوا الوحيد اللي قلها كلام ريحها 
 تامر : لو فيه احد خايفه منو قوليلي 
 روان بحده : قلتلك مافي احد 
 تامر نزل يدو وبدأ يستوعب انو بيتعدا حدوده : على العموم لو احتجتي شي انا فوق
 نسي مايديها الكيس وكأنه بجد كآن عذر عشان جاي يشوفها لاأكتر 
 تطالع فيه تباه يمشي وتباه يقعد 
 وطلـع بعد كلامـه 

 تشوفه يبـعد 
 نقلت عدسة عينها على باب العماره مو شايفه احد 
 ورجعت طالعت فيه ونادته : تامر
 طالع فيها وبرضو عينها مشتته
 دخلت اخدت جوالها اللي اداها هوا جلال واول ماشافت مافي احد في الشارع طلعت الدرج 
 جات لعنده :تقدر تفكلي باب السطوحِ
 تامر : طيب
 مشيو الاتنين ساكتيـن 
 فتحلها الباب وهيا دخلت تطآلع في السطوح 
 هووووووى 
 اهم شي مكآن تحسو وسيـع وترفع راسها تشوف السمآ
 دارت جسمها وجات لعنده : حتنزل دحين ؟
 معنآها اجلس
 بطريقه غير مباشره 
 تطالع بعينه وتباه يقول لا 
 وقال لا
 قالها بطريقه تانيه : تبيني انزل ؟
 نفس سؤال سلمى له 
 ماتكلمت اشرت براسها ب " لا " وعلى نفس نظرتها 
 جس قلبه يدق بسرعه شتت نفسـه واتوجه لعند الجدار وحط الاكيـآس : طيب
 مشيت وراه لين ماوصلت لعند الجدار وجلست وسند ظهرها عليه 
 طالعت فيه : اجلس
 جلس بنفس وضعيتها بس بينهم مسافـه 
 متكي على الجداار 
 بثوبـه الاسود ..
رفعت راسها تطالع في السمآ :الجو حلو 
 تامر : برد اليوم 
 روان : عشان كدا حلو .. 
نزلت راسها وطالعت فيه من غير ماتهرج 
 توترته لما تسوي دي الحركه 
 غصبا عنو يتكلم باارتباك : ايش بك زعلانه
 روان : مو زعلانه
 تامر : برضو صحبتك كانت تبكي وانتي بكيتي معاها 
 روان ابتسمت : ايوا
 تامر : ههههههه _ عاد سؤاله بجديه _ مين مزعلك
 يطالع في يدها وكيف مجرحه 
 وقبل لاتهرج انفجعت لما دق الجوال بنغمه الرساله بيدها 
 طالعت في الجوال 
 ماتعرفلو 
 مدته لتـآمر : شوف ايش دا 
 تامر استغرب من الجوال بس حسبها اشترت اخيرا اخدو : رساله
 روان : ايش مكتوب 
 تامر قبل لايفتح طالع فيها ودي تاني مرا تخليه يسوي دي الحركه : نظرك ضعيف ؟
 روان : لا ؟ ليش
 تامر : اخر مرا خليتيني اكتبلك ودي المرا اقرأ ف
 روان قاطعته : ماعرف اقرأ 
 انسـآن متععلــم 
 ماسار رئيس القطاع المالي من فرآغ
 نسي فجأه الرساله وطالع فيها : مرا ماتعرفي تقرأي .؟
 روان مقهوره مع انها مانقهرت يوم لؤي ماعرف بالعكس هزأته 
 بس نظرت تامر قهرتها : لا اصلا ماحب الدراسه 
 تامر عقد حوآجبه : ايش دخل الدراسه 
 روان ماتبى تتكلم اشرت على الجوال : شوف الرساله 
 تامر دوبو بيقرا بصوت عالي الا كمل الرساله مع الصدمه بينه وبين نفسـه 
 ورجع طالع فيها !
روان اتوترت من نظرته : ايش فيه ؟
 تامر : مين بيهددك ؟
 روان بتوتر مدت يدها : هات اشوف 
 بينهم بزبـط متـر 
 تامر : مين اللي بيهددك ؟
 روان دقات قلبها سارت سريعه اشرت بيدها : هات طيب الجوال
 تامر ولاحرك يده وروان وقفت وجات لفوق راسه : هات الجوال 
 تامر رافع راسه يطالع فيها ورجع دخل الجوال بجيبو : مين دول ؟
 روان انفاسها زادت وقالت بنرفزه : تااامر هات الجوال 
 تامر من نظراتها عارف انو الرساله مو استهبال : روحي بلغي الشرطه 
 روان : مالك صلااح بقولك اديني الجوال 
 تامر دخل يده بجيبه وقلها باأمر : اجلسي
 روان نزلت على ركبها ومتوقعه يديها الجوال
 تامر خرج الجوال وقرألها الرساله " ووالله طلعتي مو هينه عجبتيني عجبتيني اديني خمسه دقايق وحتصل عليكي نتفاهم وصدقيني لو مارديتي رجالي اللي برا ماحيقصرو معاكي "
رفع عدسه عينه عليها وهيا عينها على الجوال مو فاهمه ايش يقصد جلال
 جات بتسحب الجوال الا هوا بعد يده 
 وكأنه دي الحركه جرحتها دموعها نزلت على طول وقالت : تااامر بقولك هات الجوال 
 تامر يطالع بعينها وقال بقهر : اختي اللي تحت دفنت نفسها عشان واحد هددها أصحك تكوني زيها 
 خوفـها 
 تامر شافها مشتته يحرك الجوال وكمل كلامه : فيه الف حل الا الحل اللي يديكي هوا دا استبعديه دايما
 كيف تستبعده دا هددها بالقتـل 
 رجاله ضربوها في الشارع ولا أحد درا عنها
 بكيت وعلى طول وقفت بعدت عنه وهيا تبـكي وتمسح دموعها 
 ايش تسـوي مو عارفه 
 سايره ضعيفه 
 اهلها اللي قاعدين يعذبوها 
 اهلها اللي كرهوها في الحيآه 
 قام ومشي بخطوات تقيله باتجاهها 
 وصل وراها ناداها بصوت هادي : روآن
 شهقاتها ورا بعض تمسح دموعها تبا تتكلم بس مو قادره 
 تامر :طيب قولي لأخوكي ايش بيسير معاكي 
 روان بالقوه خرجت من فمها : مآقدر
 مسحت دموعها ودارت عليه ووجهها محمر قالت بتعب وتبا احد يسمعها : قلي حيقتل هديل _ سكتت وبتردد قالت _ او انتا 
 تامر عقد حوآجبه بصدمه : مين دا
 روان : اخو جاسم 
 تامر لحظه صمت يبا يستوعب وبعدها قال بصدمه اكتر : عمك ؟
 روان رجعت تبكي وتمسح دموعها اشرت براسها بدون ماترد
 نفسه يعرف ايش دخل اهله في الهرجه بس بيحاول يعرف اساس الموضوع : بيهددك ليش ايش يبا منك 
 روآن تبا تعرف اللي بتسويه صح ولا لا 
 قالتلـه 
 قالتله انو هيا وبشار سجنو جآسم 
 انو بشار كآن بيسجن عمو بس شرد 
 انو جو رجآال مسكوها وبعدها بدأ جلال تهديد 
 تامر يطـآلع فيها مصدوووم ... 
حاولت يتكلم حاول ينطق باأي شي : يعني لو انكرتي ماعليكي شي صح ؟
 روان بحرقه قلب تهرج : حيخرج جاسم وانا ماحعيش يوم واحد وهوا برا السجن ..مني عارفه ايش اسوي مو قادره اروح اتكلم خايفه يسير شي واندم طول عمري 
 يطـآلع فيها ومو عارف باإيش ينصحها
 عيلتتها مجنونه زي قآسم بزبط
 قاسم عندهم القتل سهل عشان يحمو سمعتهم 
 ودا اللي مورط نفسه فيه تامر عشان كدا مخرج تميم وترف من الهرجه
 دق الجوال بيده طالع في الشاشه ورجع حطه قدامها : دا هوا ؟
 روان ملامحها باين انها تعبانه ماتبى تكلمو: مدري
 تامر : طنشيه خلاص
 روان : ماقدر فيه سياره برا عند العماره دول رجاله حيدخلو يدقو الباب
 تامر بلل شفايفه وحاسس انو متورط معاها 
 يحس كأنها مشكلته 
 رد وفتح اسبكر واشرلها براسه تتتكلم 
 مررت يدها على عينها تمسح دموعها قبل لاتنزل واتكلمت بهدوء : نعم 
 جلال بصوتو المستفز : سنه عشان تردي 
 تامر عينه على الجوال وهوا بيسمعه .. 
روان : كنت في الحمام
 اشرت لتامر تبا تجلس ورآحت لمكآنهم تآني 
 ماخدت الجوال من يده جلست قريب منـو 
 وفجأه اتشتت يباها تمسك الجوال ولا كأنه 
 جلال : قالولي انك اتهجمتي عليهم بسكين 
 روان مو عارفه ايش يبا : طيب ؟
 جلال : ههههههههه والله شكلك عشتي حياه وسخه لدرجه انك تمشي بسكين 
 تامر قفــل الاسبكر على طول ومدلها الجوال تهرج 



اخر شي فكر انو يسمعو اهااانات 
 اتوقع تهديد 
 بس وســـآخه كمآن
 هيا حرقتها الكلمه بس حتى مارمشت 
 يسمعها تقولو فيا نوم ... طيب ... ايش تبا ... وتسكت فجأه 
 يعرف انو بينقلها شي يحرقها 
 ليش متصل ...!
ماعنده هدف 
 بس حرق قلبها واول ماقفلت نزلت الجوال على الارض 
 مابكيت 
 سندت جسمها على الجدار وتطالع قدآمها 
 تمرر يدها على شفايفها وساكتته
 وتامر بعد الجمله اللي سمعها ضاع الكلام منو 
 دا بس اللي سمعو 
 ايش شافت من رجالو
 ايش بتمر كل يوم 
 ليش بيعاملوها كدا
 نسي تتترف اللي تحت ونسي كل شي
 بيسمع بس اشياء بسيطه من حياتها 
 وجننتـه 
 كيف قادره تكمل حياتها 
 كيف قادره توقف على رجلها 
 ولو بكيت تبكي شويا وبعدها تبتسم 
 ودا اللي يفجعه فيها اكتـر 
 لما مدحها ماينسى كيف نظرتها ماينسى ابتسامتها 
 عارفين لما تحسو انكم منجذبين لشخـص
 شي قاعد يسحبك لدا الشخص من غير اي مبرر
 وفجأه تعرف انو مكسور 
 يبدأ الصراع اللي جوتك 
 ماتقدر تمشي وتخليه بدي الحاله 
 طيب بس لو ابتسم انتا حترتاح 
 طيب الدمعه اللي بعينه دي مخليتك مو على بعضك 
 يبدأ الوجع جوتك انت مو جوتـه 
 تبدأ تخرج عن شخصيتك اللي ممكن محد قدر يزحزحها في يوم 
 عشان الشخص اللي قدآمك يبتسـم ...
لالا
 مو شرط يبتسم 
 شويا يرتآح 
 عشان انتا تقدر ترتاح .. 
دا احساس حاليآ تامر ....

يطالع فيها كل شويـآ وهيا ساكته مو عارف ايش يقول 
 صعب ينصحها انو تروح تتكلم وممكن يسير شي وتجي على راسه هوا
 ويعيشها بهم تآني
 بلع ريقـه عايش بفوضى جوته مو طبيعيه 
 لين دحين قاهرته كلمه جلال فاتكلم بعد صمت بدون مايطالع فيها : انا لين ماوصللت الجامعه وانا مامشي الا وفشنطتي سكين 
 طالعت فيه وهوا طالع فيها 
 كلامـه لطيف تحب تسمعلو : ليش 
 تامر : عشان ادافع عن اخويآ 
 لاشعوريا ابتسمت : حتى انا اشتريتها وانا صغيره عشان ادافع عن اخواتي
 ابتسسسسامتتتها قتلته 
 ايش البسسساطه اللي عايشتها دي البنت مو عارف 
 يبا يقعد معاها طول اليوم 
 يبا يشوف ابتسامتها دي 
 ونظرتها لما تبتسم
 تامر ابتسم معاها : مين اخواتك 
 روان : اللي عاشو معايا بس ماعندي دحين الا هديل 
 تامر : شكلها طيبه 
 روان اشرت براسها : ايوا يكفي انها مستحملتني
 تامر : هههههه ليش ايش مسويتلها 
 روان : مدري احس انو محد يقدر يستحملني ويفهمني غيرها
 تامربعفويه هرج : انتي اكتر وحده شوفتها بحياتي بسيطه ومو صعب الواحد يفهمك
 روان ابتسمت تآني ودق جوآله صمتـه ووقف : خليني انزل لترف من اول قلتلها جي

 نـزل وكآن نفسـه يجلس معاهآ
 دق الباب على ترف
 ورفع حوآجبه الاتنين : تميم !
تميم : من اول بنستنآك
 ددخلو الاتنين وتـرف جالسه في الصاله وتطالع فيهم 
 مو قادره تستوعب انو الاتنين في بيتها 
 جلسو وحست بتوتر غريـب 
 كيف حيتكلمو ..؟
 كيف علاقتهم مع بعض ..؟
 اسئله كدا بلهه بس تبا تعرفها 
 تميم جلس : فينك من اول
 تامر : كآنت عندي كدا شغله _ طالع في ترف _ اتعشيتي ؟
 ترف : ايوا... تباني اعبيلك شي ؟
 تامر : لا الله يديكي العافيه _ رجع طالع في تميم _ نقول مبروك ولا ايش هرجة الرساله
 تميم ابتسم ابتسامه من قلبه غصبا عنها تترف ابتسمت معاه : ان شاءلله بس يحددو اليوم جهز نفسك معايا 
 تامر : مالو داعي اجي روح لوحدك 
 تميم وسع عينيه : ايش منظري وانا داخل لوحدي
 تامر : عادي بتتعرف على الاب 
 تميم : لا والله ماينفع افرض ماعرفت اتعامل معاه
 تامر : هههههه ايش حسويلك يعني _ طالع في ترف واشر على تميم _ عارف نفسه انو ح يجيب العيد
 ترف : ههههههههههه
 تميم رفع حاجبه : هيا لاتخليني اروح 
 تامر : لو رجال روح لوحدك 
 تميم : طيب ياتااامر _ سكت شويا وبعدها _ والله ماينفع 
 تامر : ههههههههههههه
 تميم بااستغراب : هوا سامي دايما كدا يقعد عند اصحابه وانتي لوحدك .؟
 ترف فاجئها بالسؤال اللي جاه فجأه : لا بس عارف انو في تامر 
 تميم : آها
 تامر يبا يجلس وبنفس الوقت بالو فوق 
 جلسته جلسة واحد وراه حاجه 
 ضحكـه اتكلمه 
 ترف غيرت جوو وكلو عشآن سامي حيجي خلاص
 تطالع في اخوآنها وهما يتكلمو مع بعض 
 وماتبى تهرج معاهم مبسوطه وهيا تشوفهم 
 من بعد ماكآنت اخر جمعه تجمعهم وهمآ اطفال وبس يتضاربو معاها 
 اليوم رجآل ومو قادره تستوعب
 بعد تامر ماخلى سامي يكلمها تحسها حبتو من قلبها 
 مافكرت انو ممكن يكون كذاب 
 ولا كيف قاسم اتنازل بدي السهوله 
 اهم شي سآمي حيرجع وخلاص

 تامر وقف والاتنين طالعه فيه : انا لازم امشي يسير امر عليكي في الظهر بعد الدوآم
 ترف : إن شالله 
 تامر : يلا مع سلامه 
 دوبو بيمشي وترف بتوقف الا قلها : خليكي خلاص 

 جلست مع تميـم وهوا خرج وقفـل الباب وابتسم على طول 
 وطلع وقف عند باب السطوح وماقدر يتحرك 
 منزله راسها تطالع بيدها وفعااالم تـآني
 سار وآقف ويتأملها
 يبا يعرف ايش عآجبه فيها 
 لابسـه تيششيرت عادي مع الجو اللي كل مالو يبرد 
 مارضي يدخـل 
 نزل واتوجه لسيارته اخد الجآكيت حقو الرسمي 
 ورجـع طلـع 


 امـآ تميم وتـرف .. 
واقف عند باب الشقـه : لا دوآمي من 10 بس اصحى قبلها اوصل لمى الجامعه
 ترف : اها ماتخيلتك في يوم تسير دكتور اسنان 
 تميم ابتسملها : كنت ابا طب بس مع الظروف وتامر شايل مسئوليه البيت لوحده اضطريت ادخل اسنان عشان اخلص بدري بس الحمدالله مرتاح
 ترف : كويسس دا اهم شي 
 تميم حط يدو على الباب سمع صوت احد طـآلع لاشعوريا قرب يشوف بالعين 
 عشان يعرف يفتح الباب وفجأه عقـد حوآجبه 
 تـآمر طالع لفوق !!!!!
لين ماختفى بعد ونقل عينه لترف وهوا مصدوم : مين ساكن فوق !
ترف استغربت من السؤال : ناس ماعرفهم 
 تميم : وليش تامر طالع !
ترف انفجعت اكتر منو : تامر !!! شكلك ملخبط 
 تميم : والله تامر 

 يطالعو الاتنين في بعض ومو مستوعبين ايش الهرجه 
 تميم فك الباب : دقيقه اشوف فين راح 
 خرج وترف وراه ماشيه طالع فيها ورفعت اكتافها : حتى انا بشوف
 ماكان عندو مانع تجي 
 بس ماستوعب انها خارجه بلبسها كدا
 حاول يتغاضى 
 حاول مايعلق 
 طلع وهيا ماشيه وراه الشقتين اللي فوق مقفله 
 ترف : يمكن طلع السطوح !
ورجعو طلعو فوووق... 



امـآ تآمر دخل واول ماشافته داخل ابتسمت : ماتوقعتك ترجع 
 تامر ابتسملها ماشي لناحيتها ويتكلم : قلت اجلس شويا معاكي لاأمشي 
 وقف قبالها ومد الجآكيت : اللبسي لاتبردي
 طالعت في الجاكيت وفيه 
 استحت 
 مرا استحت
 دقآت قلبها سارت تدق بطريقه غغغريبه 
 مدت يدها وسحبت الجآكيت 
 وجـلس في نفس مكآنه الاول ..

ترف وتميم يطالعو وهما مو مستوعبين الهرجه ..
رجع على ورى تميم وهيا كمان : مين دي !!
ترف على وجهها ابتسامه كدا بلهه 
 تحسهم يستهبلو على راسها !!! : جارتي اللي تحت
 تميم مفجوووووووع ماتوقع تامر كدا
 هوا ياخد ويدي مع الحريـم 
 عادي طبيعه عمله خلتو ماينكسف 
 لما سار موقفه مع رشآ مآكآن مستحي منها بالعكس اعجب فيها وهيا اللي مشيت 
 بس ماجاتو الجرأه انو يطلب يخرج معاها 
 ماجاتو الجرأه يسوي حاجات كتير 
 وتامر اللي دايما ينتقده بااسلوبه حاليا ختم كل شي 
 جالس مع بنت في سطوح بيتها !!!
ترف رجعت شعرها ماعرفت ايش تقول اشرتلو بيدها وهمست : امشي ننزل
 نزلو الاتنين وتميم ماشي وراها وكأنه احد صافخه كفف
 المحتتتتتتتتتتترم تاااامر دا
 المحتتتترم اللي ينادي البنات كلهم ياأختي 
 ووقفـو عند باب شقه ترف 
 وترف ضحكت :ههههه ترا انا مصدومه ماعرف شي
 تميم ياشرلها على فوق يبا يتكلم فتح فمو يبا تعليق ورجع سكت ونزل يده 
 وترف ضحكت : هههههههههه ايش بكك
 تميم يبررلو : تراه محترم والله و
 ترف ضحكت ضحكه وكأنه تقولو وااااضح: ههههههههه
 تميم : هههههههههه مدري ايش سرلو 
 ترف : روح البيت ولو وصلت اتصل قلو فينك 
 تميم : هههههههههههههه وانتي خليكي عند الباب لو نزل فكي الباب 
 ترف وسعت عينها : لاااااا ماليا صلاااح والله حستحي اطالع فيه 
 تميم : هههههه طيب انا اللي حجلسلو 
 ترف : خلاص سيبو ف حالو كنت امزح 
 تميم رفع حوآجبه الاتنين : مسسستحيل ..يععني بلله ماجا ف بالو اني حشوف سيارتو لو نزلت
 ترف : ههههههههههه شكلو فعالم تاني 


 في السـطوح ... 
مو غبــي راح وقف سيارته بعيد وبعدها طلـع .. 
امـآ روآن لبست الجآكيت اللي طلع مرا كبيـر عليها واياديها ضايعه فيـه 
 ابتسمت من قلبها لما شمت ريحة عطرو اللي في الجآكيت 
 ماتدري ليش دا الشي مخلي دقات قلبها على نفس الدقآت الغريبه 
 رفعت الاكمآم 
 وتامر يطالع فيها : كبير بس يفي بالغرض 
 روان : ايوا اصلا من اول ابا انزل بردانه بس نفسي اجلس 
 تامر : في ايش تفكري
 روان مررت يدها على خصله شعرها وهيا ترجعها ورا اذنها : فمليون شي 
 تامر : انا جيت عشان ماخليكي تفكري ف حاجه
 روآن رمشت بعينها بهدوء
 شدت على الجآكيت وشتت نظرها لما سرحت في ملامح وجهه لدقيقه 
 شكلو جميـل وعاجبها 
 طريقه كلامه توترها 
 ولا خلاص مشاكلها مع جاسم وجلال مخليها تلتفت لأي شخص يقولها كلام يريحها 
 شاده يدها على الجآكيت وسايره تحس البروده اكتر بجسمها 
 رجعت طالعت فيه وتبا تلعب لعبه بسيطه معاه 
 ماتدري ليش بس تبا تأذيه 
 تحب تشوفه مرتبك ولا تبا تخرج من المود اللي هيا فيه مو مهم 
: انتا طيب كدا مع الكل .؟
 تامر رفع حاجبه وماعرف ايش يرد : ماتصل عليكي ؟
 روان : هههه لا ليش شردت من السؤال
 تامر : ماشردت بس اختي مرت بمواقف وممآكآن فيه احد جمبها فاحاليا لما اشوفك تجي دايما ف بالي 
 روان تحس جوابه حطمها اتمنت شي فيه يكون هيا 
 سكتت 
 وبعدها استوعبت لما كآن يكلم ديك البنت بجوآله 
 شهقت ودارت جسمها عليه فجعتو 
 جلست متربعه تطالع فيـه : انتا مستحيل تكون خاطب ولا متزوج صح !!!
تامر : لا ايش السؤال دا
 روان مدت يدها وضربتو على ذراعه : فجعتتني 
 لساته ساند جسمو على الجدار 
 وداير راسه لها 
 صننم من حركتها 
 روان كملت : ذكرتني بجارتنا اللي تحت شافت مرا زوجها يتكلم معايا وجات تحسبني اتغزل فيه فاعشان كدا ماحب اللغوصه
 تااامر ولا عـــلق بس بيطالع فيها 
 شكت بنفسها انو فيه شي : ايش بك 
 تامر ابتسم : انتي مرا غريبه
 روآن كل مايبتسم تبتسم معاه وهيا مو فاهمه الهرجه : ليش
 تامر : لما تسرلي مشكله في العمل اقعد طول يومي مكشر ومابى احد يكلمني وانكد على المكان كلو وانتي ماشالله عليكي رغم كل اللي فيكي بلقاكي مبتسمه 
 روآن تدريجيها اختفت ابتسامتها 
 وهوا بردة فعل سريعه : حابب دا الش_ ارتبك ووجهه حمر _ قصدي انو صفه حلوه 
 روآن هوا يتكلم وهيا تلعب بكم الجآكيت الطويل وتطالع فيه 
 قالت بصوت راخي : يعني انا مو طبيعيه صح 
 تامر بتفاجئ : بقولك شي حلو و
 روان قاطعته بنفس النبره : اليوم لأول مرا اسئل نفسي لين متى حكون كدا
 تامر : وخلي جوابك دايما انك حتكوني كدا طول العمر 
 روان حركت راسها بالنفي وتهرج بتعب : ماقدر كل الكلام اللي كنت اقوله من وانا صغيره احس ماقدر اقولو من بعد اليوم 
 كآن بيتكلم الا حسها قاعده تفضفض وسارت بس عينه تتأمل ملامحها
 وتسمع نبرة صوتها الهاديه 
 اما هيـآ تبا تهرج اللي بنفسها 
 شي حلو انك تتكلمي مع شخص ماتعرفيه بعز انهيارك ..خلاص ماتبي احد يحكم عليكي : عارف لما تكبر وانتا ماعندك اهل مافرق معاك الموضوع عندي اخوات ومبسوطه فيهم احبهم من قلبي _ عقدت حوآجبها _ ونكره اخر الاسبوع عشان يجينا جاسم كنت راضيه بكل حاجه بحياتي راضيه باإنو انضرب ولا اسرق ولا امد يدي اطلب فلوس _ نزلت عدسه عينها على يدها _ ماكان الموضوع يخليني استحي كبرت على دا الشي بس لما شوفت بنته استحيت 
 لما شوفت كيف عايشه لابسه احسن للبس وانا استنى الناس يدونا ملابسهم المستعمله تركب احسن سياره وانا رجولي توجعني من كتر المشي مدري مدري البنت ماتت وانا لدحين اقارن نفسي فيها ودي الفكره لوحدها تخليني اكره جاسم _ طالعت فيه _ ماحتفهم شعوري بس بعد ماسجنته _ اشرت على قلبها _ حسيت فيه شي هنآ مو مريحني شي خانقني قلت لو قابلتو حرتاح اكيد حيندم بس وقف قدآمي وجلس يهددني وقلي انا مانقصت عليكي بشي ! مستوعب كيف عينو قويه ؟! والله احس انو حرق كل شي فيا وانصدمت اكتر من صدمتي يوم ماقلي بشار وبعده جاني جلال كمل عليا _ رفعت كتفها _ مجنونه لما اضحك وابتسم بعد دي المواقف _ اتغيرت نبرة صوتها _ مو شي حلو اللي بتقولو سرت خايفه من نفسي ابا ابكي ابا اتكلم بس مابلقى احد هديل سابتني وبشار نفس الشي اكتشفت انو عندي عيله وياريتني ماعرفتها _ بس قالت دي الجمله تحس انها انقهرت من جد رفعت يدها وغطت وجهها وسارت تبـكي _

بيحـآول يضبط انفآسه 
 صوتها وهيا تهرج نظره عينها 
 اسلوبها لما تتكلم وموجهتله الكلام 
 كل شي ربكه وتره 
 خلاها تبـكي وعينه مانزلت من عليها 
 مامد يدو مايبى يلمسها بس نفسه يهديـها .. 

كلامه الشي الوحيد اللي ممكن يهديها : لساتي مصمم انو شي حلو لما تبتسمي كلامك يخليكي تكبري بعيني زياده بس منتي مجنونه ... عارفه كيف اشوفك انا ؟
 تمسح دموعها وتطالع فيه وهوا يهرج 
 ومستنيته يكمل الجمله 
 كدا بجمله وحده سارت مابتفكر باأي حاجه وتبا تسمع كلامه 
 بيتجرأ بالكلام بس عشان تبطل بكى 
 جوتــه احسساس مو طبيعي 
 شي مجنننون 
 بيعبر 
 يحب يعبرلها عشان تبتسم 
 وفعلا ابتسمت بعد كلامه 
 تـآمر : احس كل البنآت في كفه وانتي في كفه لوحدك كدا انسانه غريبه من اول يوم جيتي ضربتيني فيه 
 روان ضحكت بين دموعها وهوا ابتسم وكمل : وبعيني انا الكفه اللي انتي فيها اثقل بمليون مرا من اللي فيها بقيه البنات كلهم _ اشر على راسه _ البنت اللي تفكر بعقلها بعز بكاها تعرف ايش تقول تعرف ايش تبا دي بنسبه ليا عن مليون بنت 
 روآن سحبت نفسها وسندت جسمها على الجدار ابتسمت بين دموعها وقالتلو : ابا اخدك بجيبي ممكن ؟
 تامر : ههههههههههههه 
 روان رفعت يدها وتمسح دموها : بجد كل مابى ابكي ومخنوقه اخرجك واقولك امممدحني
 تامر : ههههههههههه كل ماتبيني حتلقيني
 روان لعبت بطرف الجآكيت ودقات قلبها ورا بعـض ... 
حاولت تخفي الابتسامه 
 حاولت ماتفكر في كلامـه 
 صوتـه وهوا يعبرلها اصلا لوحده اخدها لعالم تآني
 حاسه نفسها مدلعه ومجغه لما تفكر زي كدا
 بس ماتقكر تنكر انو احساس حلو ومخليها مبتسمه رغم كل اللي فيها .. 
مو مبتسمه من برا لا من جوآ كمان في شي قاعد ينجبر 
 وانتهــى يومهم .. 
نزلو مع بعض دخلت للباب قلها تصبحي على خير 
 خرج وومتوجه لسيارته وهوا مبتسم زيها بزببط 
 ابتسااامتها مجننته 

 خرج جواله من جيبـه لقى اربع مكآلمات من تميم 
 وهيا خرجت جوالها من جيبها لقت 11 مكالمه من بشار 


 سابت الجوال على جمب " مع نفسـو " 
وانسدحت ووسعت عينها لما استوعبت انها لابسه الجاكيت
 تامر كآن مركز 
 بس ماحب يقولها وهيا من كتر ماكانت تلعب بطرف الكم ومستنيته يمشي نسيت المووضوع
 رفعت الجاكيت لخشمها وابتسمت 
 غمضت عينها ونـآآآآمت 




 في بيته وعلى الكنبـه حاطه راسها على حضنه لها ساعتيـن ولا اتحركت
 رفع شعرها من على وجهها بشويش ولقاها نايمه 
 يده منمله مرا توجعه نفسه يعدلها بس مايبى يصحيها 
 غمض عينه باألم لما حرك يده بشويش واول ماحركت راسها
 صنم جسمه مايباها تصحى يباها ترتاح 
 استسلم اهم شي راحتها ..
باس راسها وغمض عيـونه 
 يحس في شي مريحه حاليا 
 هيا بحضنه هيا عنده اناني مايدري 
 محروق ومقهور عليها بس كآن تعبان بدونها 
 يحس حاليا روح ورجعتلو 
 شد على عينه لما اتذكر كيف كآنت ماسكه السكين 
 كيف كآنت تبكي 
 كيف كآنت منهاره 
 يبا يخرج كل دا من راسه 
 مسك جواله وفتح الواتس .. لقى امه مكلمتـه 
" بشار فينك "
 " هلا ياقبي " 
 " امس ليش ماجيتني "
بشار ايش يقولها كنت محبوس ! 
 " معليش حبيبي انشغلت مع عمي "
امه " انتا كويس ؟ "
بشار طالع في سؤالها لدقيقه وبعدها كتبت " ايوا انتي مرتاحه عندك ؟ "
امه" ناقصني انتا بس "
بشار " نامي وارتاحي ولما تصحي حكون عندك "
امه " لا اباك تجي تجلس هنا " 
بشار غمض عينه " الله يخليكي لاتفتحي دي السيره "
امه " ايش حتسوي لوحدك " 
بشار " تعاليلي انتي انا ماحرتاح وانتي عارفتني "
امه " لما تجي نتكلم "
بشار " طيب " 
امه " انتبه على نفسك ياولدي " 
بشار " ان شالله "
امه على سجادتها وكآنت تصلي الوتر كتبتلو ودموعها تنزل " الله يحفظك ويخليك ليا "
بشار بالقوه علق على جملتها عارف ليش قالتها ... 

امـآ امـه مو قادره تجي تقعد عنده لسبب واحد حتتجنن لو خرج وسابها في اي وقت 
 هنآ اهلها حوليها شاغلينها عن التفكير 

 خرج من محادثتها وفتح محادثه عمه جميل 
 وقلبه زادت دقــآته 
 يقرا الجمله كدا مرا مو مستوعب 
"بعد بكرا اول جلسه لأبوك ادي سميه خبر "

رمى جوآله جمبـو وغمض عينه يبا يشرد من التفكير 
 ونام بدون مايحس وفتح عينه لما حس باألم يده 
 عدلس جلسته على طول 
 شافها رجعت جلست في ركنيه الكنبه 
 وضامه رجولها بس مابتبكي 
 كدا نظرتها مالها معنى 
 بلل شفايفه بلسانه : عهـ .._ سكت وبعدها اتكلم _ ليش ماصحيتيني
 ماردت عليـه 
 سحب جسمه باإتجاهها حط يدو على ذراعها 
 ووهيا بدات تحرك رجولها : قوليلي ايش بك 
 نقلت عدسه عينها عليه ورجعت تطالع بعشوائيـه 
 قالت بهدووء يخووف : طلعت ماما اوسخ من جآسم _ اترخى صوتها اكتر وهيا تشد على الكلمه _ اووسسخ منو بكتتتتيير
 بلع ريقه 
 بيحاول يفهمها بس لابد من انو الكلمه تجرحو 
 بس فاهمها 
 وبنفس الوقت انقهر 
 لكن عاذرها 
 مستوعبين التشتت اللي عايشو بدي اللحظه البسيطه 
 ضغط على يدها : خرجيها من راسك 
 هديل : اخرجها ؟ عمري مانسيتها وهيا بعيده حجي اخرجها من راسي دحين .. جاسم كآن يدخل راسي في المويه لين ماينقطع نفسي ولما ارفع راسي يقولي امك باعتك وعارف اني مو مصدقتو ويرجع يدخل راسي في المويه لين ماشوف الموت بعيني بس برضو ماصدقتو _ تتكلم بصوت هادي وعينها مو عليه مرا مو عليه _ مسكني في ركنيه البيت ويضربني بالحزآم لين ماجسمي كلو سار يوجعني حتى ماقدرت انام من كتر الالم ماكنت قادره امشي ماكنت قادره اسوي شي وتقولي اخرجها !!! جاسم ودآني عـ
 بشار ماقدر يسمع قاطعها بصوت انفاسه اللي زادت : حوقف جمبك حكون معاكي منتي لوحدك 
 اشرت براسها وهرجت تاني : ابا ماما
 صدمــــته 
 بجد صدمتـه 
 طالعت فيه وقالت بترجي : قولها تجي انا اباها
 يرمش بعينه بصدمـه مستحيل تكون بعقلها 
 خرجت بنفسها معاه 
 كآنت ديك اللحظه عارفه ايش تبا : ايش تبيبها ؟
 هديل : ق قـولها هديل تباكي وهيا حتجيني 
 دقات قلبه كل مالها تزيد سكت 
 وبعدها حط يدو على خدها ويتكلم :حبيبي انتي خرجتي من عندها وماكنتي تبيها 
 هديل اشرت على نفسها : انا ؟!!
بشار نزل يدو بهدووء 
 انفـــفجع 
 هديل : انا اباها 
 بشار حرك راسه : طيب ياقلبي
 خرج صوت تنفسـه العالم وهوا مو عارف ايش يسوي !
اخد جوآله اتصـل على سميه وعينه على هديل 
 واول ماردت عليه وقف بسـرعه وبعد عن هديل : انتتتي فينك 
 روآن تهرج وصوتها كلو نوم : ايش تبا 
 بشار يطالع في هديل من بعيد ويرجع يدير جسمه : من امس بتتصل عهود عندي و
 روان قاطعته : مين عهود 
 بشار بننرفززه : هددديل قوومي شوفيلك تاكسي وتعالي بسرعه 
 روان عقدت حوآجبها وجلست : ايش بها ؟!
بشايمرر يدو على شعره : مدري امس _ ماعرف ايش يقول _ تعالي وانا افهمك 
 روان : هيا كويسا طيب ؟
 بشار بضعف : مددري تعالي انتي كلميها 
 روان مرا انفجعت : ماعندي فلوس للتاكسي
 بشار : مو مشكله اوصلي هنا واتصلي 
 روان : طيب 
 خرجت روان الساعه 8 الصباح مفجوووعه حتى باب شقتها مانقفل عدل . .
وطبعا اول مامشيت السياره اللي برا حركت وراها .. 
كآنت حاسه فيها بس بتحاول ماتركز قلبها حيخرج من كتر مايدق 
 بس عارفه انهم بيراقبوها وبس .. 

امـآ بشار راح جلس جمبها ونادى اسمها لأول مرا : هديل 
 قالها بصعوبه 
 بصعوبـه 
 بس عشانها 
 طالعت فيه وحط يده على رجلها عشان تبطل تهزها : أهدي حبيبي
 ماردت بس بطلت تهزها 
 كآن بيقوم الا مسكت يدو : بشار ابا ماما
 يبااا يبكي 
 دوبها بتقولو جاسم احسن منها 
 ميل راسه يبا كلمه تخرج منو مو قادر 
 يطالع بعيونها وحاسس انو مكسور بكلامها
 قرب وحضنها واتكلم بااسلوبها : شويا وحتجي

 رجعت لصمتها اللي مو طبيعي ورجع هوا يطالع فيها ومو عارف ايش يسوي
 واول مادق الباب على طوول قـآم لقاها سميـه 
 كآنت بتدخل الا مسك يدها وسحبها برى : ايش بببك 
 بشار سابها وسـآر يحكيها وهيا تطالع فيـه مفجوع 
 لين مانزلت دموعها وكأنه هيا اللي سرلها كدا مو هديـل : واللله كنت حاسه 
 بشار : المشكله صحيت تقولي ابا ماما ايش اسوويلها !
روان بصدمه : ااااايش تستهبل دي
 بشار اتنرفز : اهجددي انا اباها تستوعب عارف لو استوعبت انها ماتبى تشوفها حتى 
 روان : ايش اسوي طيب 
 بشار : انا حنزل ادفع للرجال دحين المهم ادخلي قوليليها اني حكيتك حاولي تذكريها حاولي تفهميها انك انتي جمبها 
 روان حركت راسها : طيب 
 كآنت حتمشي الا رجع مسك يدها وقال بترجي : سميه بشويش عليها 
 روان اترخى صوتها : طيب
 اتوجه للمصاعد وهيا دخلـت بهدوء مسحت دموعها وجات جلست جمبها 
 حست كأنو الزمن رجع لورى نفس ردة فعلها لما رجعت من عند جآسم 
 مسكت يدها : هديل _ ضاع الكلام منها ماعرفت ايش بتقول _ 
سكتت سكتت وبعدها قالتلها وهيا تبا تبكي : لو رفعتي السكين مرا تانيه وتبي تقتلي نفسك والله ماسامحك انا ماعندي غيرك 
 هديل طالعت فيها بدون تعليق 
 روان : بشار قلي ايش سار مع امك خلاص الحمدالله ماعشتي معاها بداك المكآن كآن سرتي زيها وزي هدى وانتي انظف من كدا 
 هديل : ايش قلك ؟
 روان بخوف هرجت : اللي سار مع امك .. 
هديل لحظـآت مرت عليها ونزلت دموعها نزلت رجولها من على الكنبـه وقامت 
 وروان تطالـع فيها 
 بشار دخل وقفـل الباب وكلهم عينهم عليها 
 اتوجهت للطآقه القزاز اللي اخده حيز كبير في الجداار وطالعت في البحـر 
 بشار قرب لين ماوصـل لعند روآن وهديل هرجت : عارفه ايش أحس
 روان ولا علقت 
 وهديل كملت :أحسها اخدت روحي وراحت _ نزلت دموعها _ مااما باعتني عشان واحد لدي الدرجه انا رخيصه 
 روان وقفت وجات تمسكها الا هديل بعدت عنها وصرخت بصووتها : مااابى اعيشش مابى شي خلاااص 
 روان بكيت معاها : هديل ياقلبي والله ماتستاهل والله 
 هديل اشرت على نفسها وصرخت بكل صوتها : دييي مااامااا عااارفه ايش يعني ام عارفه ايش يعني امك تبيعك عشان واحد طلعت متزوجته وانا اصلا مدري 
 روان حاولت تقرب منها الا هديل خلتها توقف لما صرخت تاني : سييييبيني مابى احد يقرب مابى احد يمممسكني _ مسكت بلوزتها _ابااا اموت وافتتتك 
 روان : تبي تسيبيني ياهديل انا ماعندي غيرك والله
 هديل اشرتلها على بشار اللي واقف مصدوم مكآنه : عندك بشار أهو عند أخ ..عمو كمان واحد طيب عندك أهل حتى لو ماتبيهم كنت اتوقع انو انتي بجد ماعندك احد _ اشرت على نفسها _ طلعت انا اللي ماعندي احد حتى لما جات ببالي هدى وحده وسخه طلعت ماما اللي وسخه ..تبيني اكمل حياتي لممين ها لممممين
 روان مسحت دموعها : مو انا اختك ؟
 هديل اشرت براسها : لا احنا ضحكنا على بعض بدا الكلام _ اشرتلها للمرا التانيه على بشار _ دا اخوكي رضيتي ولا مارضيتي دا اخوكي _ ضغطت على كلامها _ انا ماعننندي احد مااااعندي اححددد
 روآن : طيب اهدي تعالي اجلسي وبـ
 هديل دفت كرررسي الطعام اللي كآن جمبها واترمى بالارض: سيييييبيني
 رون انفجعت تطالع في بشار الساكت وبعدها ف هديل : خلاص طيب 
 بشار : عـ ..هديل ان
 هديل قاطعته : سمعتها انتا صح ؟ سمعتها كيف قالت انو ماما باعتني _ اشرت على روان _ على الاقل جاسم ماكان يباكي بس عيشك عندو تحت عينو دي لاااا _ اشرت بيدها وتهرج بدون عقل _ رمممتني بدون ماتتهتم رممتني عشان رجال عشان تحميه بس مافكرت تحميني اناا عادي مافرقت معاها فحريقه اهم شي زوجهااا ودحين جات بكل برود تحضني _ تتكلم وصوتها يتقطع مع شهقتها _ والله كانت تحضني وتبكي والله والله كنت مصدقه انها تحبني لو تشوفو كيف نظرتها ليا ماتصدقو انها سوت كدا 
 مشيت بشويش والاتنين يطالعو فيها وبشار دموعه بعينه وروان تبــكي
 مو قادره ترتاخ 
 تبا ماتحس بشي خلاص
 اذا روان عندها القدره انها تمسك نفسها اكتر امها هيا حاليا 
 ماتقــدر
 امها روحها حياتها كل شي باعتها 
 والسبب يقتل يقتللل
 ياريت كآنت محتاجه الفلوس عشان نفسها 
 كآن عذرتها هديل بلهه ممكن تعذرها 
 بس عشان رجآل
 عشان وآحد اتزوجتـه !!
مشيت باإتجاه المطبـخ وبشاار على طول راح وراها جات بتمد يدها للدرج 
 الا مسكككه ورفع صووته : اااايش بككك 
 هديل : بععععد مالكم صللااح فيا والله لاأنزل الشارع وارمي نفسي قدام اي سيااره 
 بشار يطالع فيها مفجوع : عـ ..هدددديل فووقي شووفي جاسم ايش سووا فينا ومابنسوي زيك 
 هديل : كنتو عارفين انو وسخ انا كنت احس
 بشار مسكها من يدها : لاتطلعي اعذااار كل شي نقدر نستحملو 
 هديل حركت راسها بالنفي وتهرج بتعب : ماقدر استحمل ماقدر والله اتحمل
 بشار : انا جمبك سميه فيه 
 روان : هديل لاتكوني ضعيفه تبي تبكي ابكي تبي تصرخي صرخي سوي اي شي يريحك حستحمل اي شي منك هزأيني طول اليوم بس لاتجيبي ديك السيره 
 بشار حوط وجهها بيده اتكلم بكل حب بكل ضعف : وربي ماحقدر اعيش بدونك لو أمك ماتعرف قيمتك انا اشيلك طول العمر فوق راسي واعوضك وربي حعوضك 
 تطالع بعينه عارفه انو يحبها 
 عارفه روان تحبها بس لساتها مصدومه 
 قربت منـه وحضنته وبكيت بصوتها 
 حضنها بكل قوتــه : والله ياقلبي حعوضك 
 روآن تطـآلع فيه تحسه وآحد تآني 
 صوتـه نظرته كل شي ...... 
جلس هديـل وروان جات جمبها وهوا باس يدها وقآم 
 راح يطلبلها اكـل ورجع جلس بس بعيد شويا 
 روآن كآنت جمبها وقاعده تهددها : شوفي مرا تتآنيه تتكلمي زي كدا والله انا اللي حقتلك 
 باست خدها بالقوه وهديل دفتها : ايي 
 روان : حتى بوسي عنيف مابالك لو فكرت بالقتل والله مرا حتتعوري
 بشار ضحك : هبله 
 روان طالعت فيه وهيا مميله جسمها على هديل وشمقت بوجهه : لو سمحت لاتتكلم معايا 
 بشار مو فاهم ليش اشر لهديل واشرلها جمبه :اخصريكي منها وتعالي جمبي
 روان مسكت يد هديل : اسسسري يلا نمشي البيت 
 بشار : امشي انتي وسيبيها 
 روان وسعتلو عينها : مع نفسسسك رجلي على رجلها 
 هديل ابتسمت غصبا عنها مو قادره تستوعب اشكالهم وهما يتضاربو : خلاص راسي يوجعني 
 روان : اسرلك بنادول ياقلبي
 بشار : ههههههههههههه نعم يااخت متخلفه ؟ 
 روان رجعت تبوس خد هددديل وبشار رافع حآجبه بنرفزه 
 هديل رجعت تدفها : وربي فكي يوجعني سار 
 روان : هههههههه برضو عشان تتذكري ماتتكلمي بديك البلاهه مرا تانيه

 جآ الفطور وروان مو مخليه بشار يلمس هديــل لدرجه العصير هيا تديها 
 وهديل تدفها كل شويا وروان مرا لاصقه فيها : روان تعالي اجلسي ف حضني
 روان : من عيوني ياعمري
 هديل : ههههههههههه 
 بشار يحرك رجلو ومرا متنرفز من روان وروان تبا تموت ضحك مو قادره تستوعب 
 انو غيران منها بس مستمره باسلوبها 
 اما هديـل لساتها بعالم تآني 
 حط عسل على البان كيك وقطعلها جزء صغير وبشوكتـه مد لهديـل : ذوقي
 روان سحبت الشوكه منو : شككرا _ واكلت _ اممم لزيز _ ورجعتلو الشوكه _ 
بشار رمى الشوكه بصحن : حتطولي هنا ؟
 روان :لما هديل تقولي يلا حمشي _ ورفعتلو حاجبها بنرفزه _
مااافي اي كرااامه ... شويا واستسلم لما شاف هديل بتضحك 
 بس مو قادر ماينقهر لما يشوف روان تبوسها 
 دق جوآله رد وهوا مبتسم لإبتسامه هديل وبلاهة روآن 
 وبدأت تختفي ابتسامتـه تدريجيا .. 
كلامه كآن بسيط " فين .. طيب .. ارسلي واتس ..سلام "
قفل وهديل وروان يهرجو 
 رفع جسمه بالقوه من على الكنبه اتوجه لغرفه النوم وقفل الباب 
 غير ملابسـه يسوي كل شي بهدوووء مرا 
 بهدوء يفجع .. 
دوبه بيفتح باب الغرفـه الا رفع يده على صدره وهوا يحاول يضبط انفآسه 
 غمض عينه وشد على بلوزتـه وكل ماله بيزيد تنفسـه 
 فتح عينه وفتح الباب مشي بااتجاه الباب الا روان اتكلمت : فينن راايح 
 ولا طالع فيهم فتح الباب : مشوار وراجع 
 هوا خــرج واتوجه للمصـعد الا روآن خرجت تبا تكلمو : بشـ
 وانفجعت لما شآفت لون وجهه متغير ومعرق 
 مرر يدو على جبينه
 روان اتكلمت بخوف : ايش بك
 بشار: ولاشي روحي لعهود
 مرا انفجعت مرا خااافت 
 افنتح باب المصعد وكآن حينقفل الا حطت يدها ودخلت : ايش بك 
 بشار : سميه ارجعي بقولك 
 انقفل باب المصعد ونزل
 روان : حرجع لما تقولي ايش بكك 
 بشار ولا رد عليها ... وروان مقهوره تبا تخصره بعد موقف اخر مرا بس مفجوعه 
: انا بتكلم معاك 
 بشار : وانا قلتلك ارجعي 
 اول مانفتح باب المصعد خرررج 
 خرج لبرا وركب دبـآبه امـآ هيا تطالع فيـه 
 شافت تآكسي بس تفكيرها بهديـل 


 نهايه الفصـــل السادس والعشرون ... 


السلااااااام علييييكم 
 اباااا ارجع لتعليقاااتكم دوبني فتحت وشوفت سعاد اكرم وهموووسا ولسى ماقرات كلامكم
 بس بنزل الفصصصل واستمتع برااايكم ان شالله 

 اتمنى من كل قلللبي يعجبكم دا الفصل 
 اكتر مرا كتبت نهايه الفصل وانا متحمسه بدا الشكل 
 المهم لاتتاخرو بتعليقاتكم وتحبطووني




 الفصل السابع والعشرون ..

بدأت اميـل لتلك الفتآة ام اصابني الفضول لقصتها لاأعلم ولا أهتم 


 لكني احببت التنآقض 
 بين قوتها ودموعها 
 حزنها وضحكاتها 
 احباطها واملها 

 تلك الفتاة صاحبة النظرة الجريئـه 
 آه كم تقتلني تلك النظره .. 


صبـآح جميـــل فتح عينه واتذكر امس وابتسم ..
ابتسم وهوا لساته مسدوح ... جلس واتمطع وهوا برضو مبتسم .. 
ملامحها محفوره براسه 
 شكلها وهيا لابسه الجآكيت وواقفه عند باب شقتها وهوا قبالها 
 عن الف احساس 
 نظراااتها مجنونه 
 فتح باب غرفته واول ماشاف تميم بالصاله اختفت ابتسامته 
 اما تميم عكسه زادت ابتسامته على طول : صباااح الخير
 تتامر هرج بدون نفس : يااخي انتا متى تنام ومتى تصحى 
 تميم : ههههههههه صاحي لعيونك في كل الاوقات 
 تامر شمق بوجهه ودخل الحمام وتميم ضحك من قلبه 
 حالف يمين مايسيبو ف حالو اليوم ... 
وومسوي الشخصيه عليهم وطلع جايب العيد
 تميم لابس ملابس العياده وساند جسمو على الكنبه 
 نومه مرا قليل ويصحى رااااايق ومحد قدو 
 طبيعي مرا طبيعي ينام بس اربع ساعات ولا خمسه ساعات في اليوم 
 خرج تـآمر وتميم ابتسم ديك الابتسامه المستفزه ورفعلو حوآجبه الاتنين كأنو يسلم !!
تامر كآن داخل غرفته الا وقف مفجوع من نظراته : خير !!
تميم : جبتلك عروسه
 تامر مو قادر يستوعب انو دا الادمي صاحي من النوم حتى صوته لسى كلو نوم : تتعاطى انتا ؟
 تميم : هههههههههه _ هرج بجديه _ تعال تعال 
 تامر ولا أتحرك : بروح الدوآم 
 تميم وقف : طيب مو مشكله انتا اللبس وانا اكلمك بالموضوع 
 تامر اتننرفز : موضووع ايش انتا اهبل
 تميم حط يدو حولين كتف تامر ويمشي : انتا اللبس وانا حتكلم لاتشيل هم مجرد اقتراح
 تامر دف يدوو وقال بنرفزه : تميم ماحب احد يلمسني كم مرررا اقولك 
 تميم : هههههههههههه يااخي لازم تتعود 
 تامر مرا عصب : ااايش باأهلللك انتا اليوم
 تميم : ههههههههههههههه _ مد يدو فك باب غرفه تامر _ تعال تعال جوا واقولك ايش بي
 تامر طالع فيه بنص عين واشر على خشمه : تميم ترا اخلاقي في خشمي 
 تميم سحبو : الموضوع حيهديك تعال بس 
 دخل الغرفه وقفل تميم الباب وراح جلس على السرير وتامر لسى واقف عند الباب ويطالع فيه 
 تميم : اسمع اسمع لقيتلك دكتوره نفس مواصفاتك محترررررررمه يااخي اول ماشوفتها حسيتها تنفعلك
 تامر يطالع فيه وتميم يبا يموت ضحك على شكله بس لساته مسوي جدي مرا 
 تامر : احد قلك اني ابا اتزوج
 تميم بتعاطف : مو هاين عليا اخطب قبلك انتا اخويا الكبير و
 تامر قاطعه : تميم اطلع برا 
 تميم : هههههههههههههه ايش بك خلي امي تشوف البنت و
 تميم لساته يقاطعه : وليش حتزوج وحده انتا اخترتلي هيا خير ايش باااهلك انتا من صباااااح ربنا 
 تميم : ههههههههههههههه ليش متنرفز والله حسيتها مواصفاتك ومن امس بكلمك بس رجعت مالقيتك _ رفع حاجبه _ ايوا صح انتا امس مشيت قبلي من عند ترف فين روحت ؟
 تامر ولا كأنه مسوي شي : عندي شغل شايفني واحد فاااضي يعني 
 تميم لو ماشافو بعينه كآن صدقو وهوا يتكلم بدا الاسلوب : عارف انك مرا مشغول 
 تامر : خلصت ..؟
 تميم : لا ...مو مشكله _ ياأشرلو _ اتجهز اتجهز وانا بتكلم 
 تامر جا لعندو وياأشرلو بيدو : انتا تستهبل على رااسي !
تميم : هههههههههههه ايش بك 
 تامر : شايفني واحد لما يصحى يححب يطقطق مع احدد !!!!
تميم : ماقلتلك اتكلم انتا اسمع بس شووف البنت اخلاق انتا ايش خسرااان 
 تامر : ياااخي مابى اتزوووج 
 تميم : باقيلك سنه ولا سنتين وتدخل التلاتين يعني لين متى 
 تامر بقله صبر : تميم اطططلع براا 
 تميم اشرلو : شايف وصلت لمرحله سن اليأس 
 تامر بكل وعيد : وربي لو ماخرجت
 تميم وقف وقاطعه : اهو خارجين براحتك _ يمشي ويتكلم _ انتا الخسران 
 وفتح الباب وخـرج 
 تامر يطالع فيه مفجووع !! وراح غيـر ملابسـه واتجهز وخرج من البيت 
 وكالعاده يمر يشتريلو قهوه ويكيف في السياره وبعدين يروح للدوآم ... 
اليـوم يومه مع سلمـى ولو زبـط اللي في راسه بكرا حيرجع سآمي .. 



مسدوحـه على سريرها بين الصحيان والنوم ماتوقعت تحس بكل دا الفراغ 
 بعد سآمي .. 
يمكن لأنو ماسار لها نفس تسوي شي التلفزيون مطفي الاب توب مطفي 
 دوآم مابتروح 
 كدا تقعد طول اليوم ياتكلم براء ياتتفرج على صور سامي ياتستنى تامر 
 دا يومها .. 
تغصب نفسها على النوم ... مسكت جوآلها لما احد كلمها واتس 
 ابتسمت لما شافت اسم " تميم "
فكت المحادثه وهوا راسلها مقطع صوتـي 
 شغلـتو وسارت تضحك بصوتها 
 مسجلها كل اللي سار بينه وبين تامر ... 
 " هههههههههههههه طبعا مشغول مو فاضي "
تميم " شايفه كيف عينو قويه "
ترف انسدحت على ظهرها ورافعه الجوال وتكتب " لو انتا مكانه كان قلتلو ؟ "
تميم " والله انا ماليا بالحركات دي بس ممكن كآن لمحتلو مو لدرجه اسوي اني كنت اشتغل "
ترف " ههههههههههههه بريئ ...شايف الجرح اللي براسه "
تميم : ايوا ؟ "
ترف " انضرب بسببها "
تميم " هههههههههههههه تمزززحي "
ترف تضحك وتكتب " والله "
تميم " ليش ؟ "
ترف " مدري كل ماجاب سيرتها اصلا يقول انها مو عاجبته وادخل في جدال معاه عشان كدا مصدومه "
تميم " دا تمويه عشان لاتشكي "

براء " تكلمي مين "
ترف زادت ابتسامتها وجلست " تميم ...صح النوم "
براء اتصل عليها 
 حطت الجوال على اذنها 
 براء يتكلم وصوته كلو نوم وبكل حب : حلمت اليوم فيكي 
 ترف تمرر يدها على اللحاف : ايش حلمت 
 براء : والله الحلم مرا طووويل بس اهم شي كنتي مرتي 
 ترف وجهها حمر وتلعب باللحاف : ينفع اشوفك اليوم 
 براء كآن مسدوح ويهرج بكل نوم وفجأه فاق اول مرا تطلب هيا اللي تشوف : طبببعا 
 ترف : هههههههههه ايش الحماس دا
 براء : اخخخيرا حسيت انك اشتقتيلي 
 ترف وجهها محمر وتتكلم وكالعاده لازم سامي في الموضوع : عشان سامي بكرا جاي وحنشغل اليومين الجيه احتمال حتى ماقدر اكلمك
 براء : اجل ابا طول اليوم اكون معاكي 
 ترف : ماحقدر تعرف تامر يجيني لازم ارجع بدري 
 براء : اها طيب بس شوفي متى تفضي وكلميني ..._ بتردد _ ترف 
 ترف : ايوا ؟
 براء : ايش سار معاكي على الموضوع اللي اتكلمنا فيه 
 ترف عرفت على طول ايش يقصد بس من يوم ماتامر قلها سامي جي ماطلعت السطوح : لين دحين ماشربت وامرا
 براء ابتسم : كويس فيه سؤال براسي 
 ترف : ايش هوا ؟
 براء : انتي من فين تجيبيه ؟
 ترف سندت جسمها على المخدات ومكسوفه ترد 
 براء : ترف !
ترف : معاك 
 براء : من فين تجيبيه
 ترف بلعت ريقها : خلاص قلتلك حبطلو 
 براء باين من وجهه انو مو عاجبه الموضوع وإلا يبا يعرف : طيب ابا اعرف 
 ترف سكتت وقالت بتردد : وحده تجي لبيتي
 براء سكت سكت يبا يحاول يستوعب وبعدين قال بصدمه وبصوت راخي : لبيتك ياترف !
ترف تحرك يدها بتوتر على الجينز : خلاص قلتلك بطلت 
 براء : بطلتي عشان سامي راجع عشان ماعندك مشكله 
 ترف لأول مرا احد يحاسبها مكسوفه ومقهوره مشاعر ملخبطه 
 بس تبا تبكي 
 براء : اوعديني انك ماتتصلي عليها بعد كدا
 ترف بصوت هادي : طيب
 براء : اوعديني
 ترف وجهها محمر ومستحيه من نفسها : وعد



 تطـآلع فيـه وهوا بيركب الدبـآب بيحاول يشغله ويده تتنـآفض 
 اتوجهت للتآكسي : خليك هنآ
 ماتقدر تسيب هديـل 
 بدي الحآله محد يثق فيها .. 
راحت بخطوآت سريعه للمصعد وتضغط بصـربعه وعلى طول انفتحلها 
 دخلت وطلع للدور اللي اختارته 
 بخطوات سـريعه دخلت لعند هديل : هددديل بسسرعه تعالي 
 هديل كآنت مسرحه طالعت فيها وقالت بهدوء : ايش فيه 
 روان : بقولككك بسرعه 
 هديل قامت مفجوعه ولحقتها قفلو الباب وراهم ومسكت يد هديل وتسحبها بسرعه 
 وهديل مفجوعه : ايش بكك
 روان : دحين دحين اقولك بس بسرعه امشي 
 ومن المصعد على التآكسي وقالتلو يممشي 
 الطريـق حاليا مساار واحد تطالع وتدعي انو تلقاه بالطــريق

 هديل : روان ايش بك 
 روان جالسه في النص وتطالع قدآم : ولاشي بشار يباني اجي معاه 
 هديل : فين ؟
 روان : مدري دحين بشوف قلي تعالي وبس _ وجهت كلامها للسواق _ لو سمحت ممكن تسرع الخط فااضي
 زاد شويه سرعتـه لين ماشافت بشـآر 
 ماكان مسـرع بالقوه بيشوف طريـقه : خليك وراه 
 سندت جسمها على الكنبه وهيا عينها عليـه 
 وهديل دارت راسها تطالع في الطآقه وراحت بععاااالم تاني وهيا تفكر 


 في بيت جميـل ... 
جالو اتصآل وهوا بيفطر مع مرتـه 
 رد : وعليكم السلام ... طيب اديني العنوآن .. انا قلتلك ارسلو لبشار .!؟!! _ بعد كرسيه واتكلم بعصبيه _ انا قلتلكم بشااار مالو صلاح في اي موضوع يخص دي القضيه .. تستهههبل كلامي ولا كلامه اللي حيمشي يعني ... متى ارسلتلو ؟ ...طيب قوولي فين العنوان 

 مشي بااتجاه غرفتـه يغير ملابسه
 ومرته تلحق وراه : ايش بك يااجميل 
 جميل هرج بعصبيه : دا الوووولد حيجنني 
 رمى جواله على السرير وفتح دولاب الملابس 
 مرته : ايش سااير كمان 
 خرج ثوبـه : يعني بالعقل انا حقولهم ادوه عنوان اللي قتل ا ختك 
 مرته : لاحول ولاقوه الا بلله 
 لبس ثووبه وخرج بصربـعه مستحيل يخرج بدون شمآغ لكن مع الفجعه اللي فيه خرج
 سمعة العيله قاعده تندمر 
 من جابر لجلال لجآسم كآن شايف الوحيد اللي طالع عاقل بشـآر
 واهو اتجنن منهم التلاته .. 
اذا ابوه حاول يقتله ايش حيسوي للي قتـل حور .. 
اول شي جا ف باله جميـل المسدس حقت بشار كآن المفروض يسحبه من يوم ماوقفه عن العمل .. طول الطريـق زي المجنون يفكر يمشي بكل سـرعه 

 بعكس بشـآر اللي مو قادر يمشي من كتر الطريـق مابيغبش بعينه 
 بيحاول يركز 
 بيحاول يشتت تفكيره عن الموضوع 
 يبا يووصل 
 يبا ياخد حق اختـو 
 الرساله اللي ارسلها الولد لدحين ححارقته 
 وهوا يوصف كيف كآنت تصرخ 
 كيف كآنت تنادي بابا 
 دي لوحدها مخليتو طول الوقت يتخيل صوتها 
 دي الدلوعه دي اللي عمرها ماأذت احد 
 عمرها ماجرحت احد 
 كآن بيحاول يشتتت من راسه الموضوع بس ماقدر ..
البيت بعيـــد 
 بس حيوصــل حيبرد قلبه 
 ووًـل وقف دبابه ويطالع في الواتس يقرا الوصف تآني 
 دخل لأحد الشووارع ووقف التـآكسي جات هديل تفك الباب الا روان قالتلها : خليكي دحين جيه 
 هديل : حجي معاكي 
 روان فكت الباب : اصبببري بقولك 
 ونزلت وقفلت الباب ..جلست هديل بكل استسلام مو عارفه ايش هرجتهم .. بس فجأه اختفت روان
 دخل للعمـآره وروان مشيت بخطوآت سـريعه بتحاول توصـل
 طلع الدرج واول ماوصل للشقـه سااارد يدددق بيددده بككل قوووه 
 يدق ووورا بععض بصوت مرررا مزعــج 
 بس مسك كلون الباب ونزله الا انفتح !
انفتح بكل سهـوله 
 مشي لنص الصـآله وانفاسه ورا بعض وعقد حوآجبه لما شم ريحه كتمتـه من قوتها
 دوبه بيدخل الغرفـه الا وقف عند الباب 
 يطـــآلع مفجووع 
 ودار راسه لما نادته : بشاار ايش تسوي 
 حطت يدها عند خشمها : ايش الريحه دي
 رجع دار راسـه لللمكآن اللي يطـآلع فيـه 
 كل شي هادي فيه 
 دقات قلبه صوت تنفسـه كل شي سار طبيعي 
 ايش جاب روان اخر همـه حاليا دا السؤال 
 روان قدمت لعنده تبا تشوف في ايش يطالع فاجعتها نظرته 
 وصرخت بصوتها ورفعت يدها على عينها لما شاافت المنظظظر :ياألللله
 كل جسسسمها يتنـآفض واحد شانـق نفسـه بالمروحه 
 وجهه متغير لونه 
 الذبان حولينـه 
 الكرسي الخشبي مرمي في الارض 
 جا يدخل الا روان مسكتو من بلوزته ودارت جسمها قالت بخوف : بشااار امشي نطلـع
 حط يدو على يدها وودف يدها بدون اي تعليــق دخل وعينه على مكآن واحد 
 اما روان دارت تطالـع واول ماجات عينها على الولد 
 رجعت خرجت بسرعه لباب الشقه وهيا تبـكي 
 مو قادره مو قادره تطــآلع مو عارفه ايش تسسسوي 
 مو عارفه مين دا ولا ليش بشششار داخل 
 رفعت يدها اللي تتنافض على قلبها ودموعها تنزل قالت بخوف : ياااربي 
 تبا احد يطللع تنزل تنادي اي رجال ولا كيف تتتصرف !!!!!
امـآ جوت الغرفـه عدى من جمب الولد 
 نزل على ركبتـه للفرشه اللي محطوطه على الارض واللحاف مطبق بطريقه منظمه والمخده فوقها وبعده جوال حور 
 جوالها الوردي 
 اللي نازل منـو عروستها الفرو الصغيره 
 مد يدو اللي تتنفض واخد الجوال 
 طلع صوت جرس اول مارفعو من اللعروسه 
 نزلت دموعه 
 دا الصوت كآن يسمعو كل ماتمشي وهيا تكتب ومبتسمه بالجوال
 انتبه للورقه اللي محطوطه اخدها 
 كتب فآرس اخر كلام عنده 
 مو انسان سيئ الحيآه خلتو متوحــش
 حقده على جاسم عمآه وماخلاه يفكر 
 وماتوقع انها حتموت 
 يعرفها له فتره طويله عمرها ماقالتلو انها مريضـه 
 يقرأ بينه وبين نفسـه كلمه كلمه 
 والورقه تنهز بيده وبيده التانيه ضاغط على جوالها 

" عارف انك حتجيبني ياجاسم عارف انك حتنتقم لبنتك 
 لما ارسلتلك الرساله كتبتها وانا ابكي ومفجوع 
 انا عندي ضمير احسن منك انا كنت بريئ في دي الدنيا وانتا اللي شوهت كل شي فيا 
 كنت ابا اقهرك ف بنتك ... كآنت طيبه مرا ماتشبهك ماستوعبت انها دي بنتك 
 بس كل مرا اتذكر انتا ايش سويت فينا احاول ماتعاطف معاها
 في كل مرا ابدأ احزن عليها اطالع في جسمي المحروق واتذكر كل لحظه عذبتني فيها 
 ماكنت اتوقع انها حتموت عشت دي الايام زي المجنون خليتني بدون عقــل 
 وماحقدر اكممل وانا مو قادر اخرج صوتها من راسي 
 ابا اخرج كل شي من رااسي ودا الحل .. زي ماعذبتنا بنتك اتعذبت لين مـاماتت 

 الجممله الاخيره دمرتوو جلس ودار جسمه وهوا يطـآلع في الانسـآن اللي معلق بدون اي روح
 يطـآلع فيه ودموعه تنزل 
 دا اللي قتل اختـه
 موت نفسه من كتر ضميره ماأنبه !!
ليش كيف اتألمت كيف طلعت روحها 
 كيف اتعذبت 
 بشار شكلو واحد بدون عقــل خلاص
 يطالع في انسـآن ميت ومو قادر ينزل عينه من عليـه
 شعره نآزل عل ى جبينه من كتر وجهه مو معرق .. 
ياخد تنفسـه بشووويش بس بصوت مسموع 
 مميل راسه وقاعد يتخيـل صوتها 
 يحس انو سامعها تصررخ 


 روآن واقفه برا مو عارفه ايش تسوي ماتبى ماتبى تدخل تشوف المنظر تاني
 نزلت لنص الدرج ورجعت طلعت وقفت عند الباب حاولت تدخل
 بس خطوتين دخلتها ورجعت خرجت بخووف
 رفعت يدها على شفايفها وتحاول تفكر بحاجه 
 مافي براسها شي 
 نزلت الدرج وخرجت برا العماره وتطالع في الرايح والجاي 
 تنادي اي احد ...؟!
خايفه تدخلو بمشكله 
 تسيبو ينزل لوحدو .؟
 الادمي ميت كدا ولا كدا
 طيب مين دا ؟!!!
ماتدري عشره دقايق ولا ربع ساااعه وهيا تستتنى بشـآر 
 بس وسعت عينها اول ماشافت جميــل
 لأول مرا تنبسسط لما تشوفو 
 جاها بخطوات سريـعه وقبل لاتهرج اتكلم : فيين بشار 
 اشرت بيدها : فووق 
 على طول مشي من شكل روان عرف انو فيه مصيبـه 
 طلع جررري الدرج وروان مشيت وراه لين ماوصل لللشقه وملامحه كشرت من الريحه 
 بس ووصل للغرفه وقف للحظه يطـآلع مفجوع 
 وروان في الصـآله ماقدرت تقرب اكتـر ولا تبا تشوف ايش وسط الغرفه تاني 
 نقل عدسه عينه لبشار واتوجهله بخطوآت سـريعه : بشاار 
 جميل نزل بجسمو وحاول يتكلم معاه : قووم خلينا نخرج 
 بشار طالع فجميل وقال بترجي : لاتخليني اشوف ابويا 
 جميل اشر براسه وقلبه محروق : طيب ياولدي ... قوم من هنآ 
 بشار رجع يطالع في فارس وياخد نفسـه بشويش بس بصوت عآلي
 جميل شد على يده وهوا مفجوع : بقولك قووم 
 بشار بككي واتكلم باانهيار: حور ايش ذنبها وربي ماتستاههل ياعمي والله ماتستاهل 
 جميل قاطعه : استغفر ربككك ياابشار _ شد على يده مرا تانيه ووقفـه بالقوه _
بشار كل شي سود بعينه اول ماوقــف
 واول ماشاف طريقه سحب يده من عمـو ومشي
 بس خرج للصآله 
 روان انفجعت من شكلو
 عدى من جمبـها وبيده الورقه وجوال حور 
 خرج من البيت بعكس الجنان اللي كآن داخل فيـه 
 جميل وروان وراه ينزل بشوويشش
 وحاسس قلبه يوجعه من القهر 
 بنتك اتعذبت لين مـاماتت 
 بنتك اتعذبت لين مـاماتت 
 بنتك اتعذبت لين مـاماتت 
 وفجأه اترخى جسمو وجلس في الدرج وبكككي
 محروووق محرووق على الطريقه اللي مآتت فيها اختتو 
 خررجت كلمــه آآآه منو آه الوجــع 
 آه الغبنه والقهر 
 على الـف شي رآح ويتمنآه يرجع
 اتذكر لما شافها تهرج بالجوال 
 وكآن يبا يسحبو منها وبيشوف مين تكلم 
 بس قال مايبى يزعلها 
 ندمان لأنو ماسحبو يمكن كآن شاف محادثتها معاه 
 يمكن كآن اتضارب معاه وقطعت علاقتها معاه 
 سار يحط اللوم على نفسـه 
 يحس الايام اللي فاتتت قاعد يتناسى انها ماتت خلاص
 وكأنها مع امـه وهوا بعيــد 
 الرساله كآنت زي الصفعه رجعتلو كل شي 
 خلتو يفكر بشي مايبى يفكر فيه
 إنها صرخت صرخت صرخخخخت لين ماروحها طلعت 
 دا الوجـع لوحده مدمره
 دا الشي قاتله قاااتله وبقووه 
 جسسمه يتنــآفض عمو نزل الدرجتين على طول ونزل لمستواه 
 دموعه بعينه ويتكلم جميل بضعف : الله يرضى عليك خلينا نمشي 
 يبا يمشي قبل الرجال لايجو مايى احد يشوف بشاار 
 خلاص الكلام ياكتره اللي قاعد يطلـع
 روآن واقفه وراهم وتبكي معاه صوته وهوا يبكي قشعرلها جسمها 
 قااال بكل قهر : كلللو مني مانتبهتلهاا كنت ابا اقهر ابووويا وسبتلهم البيت 
 جميل مو عارف يتكلم معاه وكأنه دوبو وصلو خبر وفاتها تاني : حرام تتكلم زي كدا ادعيلها إنتا مالك صلااح
 بشار ولارد عليه بكككي وعمو يحاول يكلمو يحاول يقومو ولا كأنه 
 روان ماتحركت كدا مصنمه ف مكآنها 




 في التآكسي دار راسه عليها : ياأختي معليش انا لازم امشي
 هديل مو عارفه ايش بهم اتأخرو : طيب _ نزلت يدها على جيبها فاكره انو عندها فلوس وخرجتهم _ خد فتحت باب السياره ونزلت وهوا مشي .. 
واقفه على الرصيـف وتستنـآهم وبعدها طالعت في السيارات المسـرعه ...
راح بالها لبعيـــد
 اللحظآت اللي وقفت فيها قبال جآسم وكآنت مصره انو امها طيبه 
 طول دي السنين كآنت حاقده على جآسم
 جاسم ماسوالها شي 
 اذا امها مارحمتها حيجي الغريب يرحمها 
 اذا امها رمتها حيجي الغريب تباه يهتم فيها 
 جاسم سار مو اخد حيز بتفكيرها زي زمان 
 كل اللي كاسرها حاليا امها وبــس
 احساس انو باعتها شي وآجعها ... 
باعتها عشان واحد .!
تكذب على مين انها ممكن تعيش بدا الألم 
 وهنآك بشآر مو قادر يتحمل الم عذاب اختو 
 مو قادر يتحمل الفكـره 
 انها صرخت 
 انها مغتصبه
 انها اتعذبت لين روحها ماطلعت 
 قدمت خطوتيـن لطرف الرصيـف 
 وبشـآر اختفى صوت بكـآه 
 نزلت رجلها عن الرصيـف 
 وهوآ رفــع يده على صدره
 تطـآلع في السيارات المسرعه 
 وبدأ ياخد انفاسـه بصوت مسموع 
 تسمــع اصوات السيارات والناس حولينها 
 اسمو اللي قاعد يسمعوو من جميل 
 غمضت عينها ودموعها نزلت 
 وهوا دموعه بعينه ويفتح فمو يحاول ياخد انفآسه
 تبـآ تموت وتــرتاح 
 خـآيف من الموت وشايفه بعينه 
 ماهمـها شي حـآليا 
 مو قادر يحس باأي هوى حوليه 
 شدت على عينها وكآنت حترمي نفسها قدآم السياااره 
 رفع جميـل جوال بشار قدامه وبيدق ومكتوب " امي "
شعرها اتحررك من قوة السياره اللي عدت قدآمها 
 جميـل : كلم امــك
 رجعت بخوف على ورى وطلعت الرصيــف 
 بشار يحرك وجهه يبا يقلو ماقدر
 جا في بالها روآن جا ف باآلها بشار دموعها تنزل وتبا تكون قوويـه
 بس مو قادره 
 يطـآلع بالجوال شعره نازل على وجهه عيونه سهتـآنه ومو قادر يتنفس
 عمو : الا تقدر 
 روان تطالع في جميل ومو عارفه ايش قااعد يسوي 
 عمو بيدير الجوال عشان يرد الا بشار رفع يده اللي تتنافض ومسك يد عمو 
 وصوت تنفسـه هوا اللي طاغي على المكآن 
 يبا يتكلم 
 يبا ينطق بشي 
 مو قادر مو قادر يخرج من فمو غير الهوى اللي ياخدو بالقوه
 عمو بيحاول يخليه يفكر : امك تباك جمبها فكر فيها 
 شــآيف الموت بعينه 
 الشعور دا يقتله يخووفـه لما مايقدر يتنفـس
 لما يشوف كل اللي حوليه طبيعين الا هوى مايقدر ياخد نفسـه
 وكأننه بعالم تآني
 كل اللي يفكر فيه انو حيموت حيموت دي الفكره اللي المفروض مايخلوه يفكر فيها 
: امك ماعندها غيرك اوقف جمبها وعوضها 
 سار يفكر في امو 
 امس مارحلها 
 اليوم المفروض يشوفها
 هيا مستنيته 
 مايباها تزعل 
 جميل : اضغط على نفسك يااولدي اضغط على نفسك عشان امك 
 بشار بدأت تخف انفاسه قال بصعوبه وبكل ضعف : انا تعبان
 جميل مرر يدو على ذراع بشار وحاسس انو حيبكي : قوم الله يرضى عليك
 مدو يدو بشار للجدار ووقف بصعوبـه 
 رفع يدو التآنيه على صدرو 
 جميل كآن بيمسكو الا بشار اتكلم : خلاص 
 جميل نزل يدو وبشار ينزل درجه درجه وهوا يمسك الجدار كل شويـآ
 لدحين مكتوم لدحين حاسس انو بالقوه بيتنفس
 بس احسن من اول قادر يضغط على نفسه
 جميل طالع في روان 
 قطعتلو قلبها بنظرتها 
 تطالع في بشار مفجوعه
 طلع درجه وحوط يده حولين كتفها وسار ينزل وهيا تنزل معاه بدون ماتحس
 اتكلم بصوت راخي : لاتخافي يابنتي انا معاكم 
 منكمشه على نفسها وعينها على البشار وبتسمع لجميـل
 تطمن مو عارفه .؟!
اسللوب جميل وترها مسكته ليها بدي الطريقه وترتها اكتر 
 قالت وهيا بتحاول تشتت نفسها قالت : ايش بو 
 جميل : مافيه شي ليش خايفه دحين 
 روان اشرت براسها : مو خايفه 
 جميل سلم على راسـها وهوا مكمل مشي
 امـآ هيا الحركه خلتها تتصلب 
 تمشي وجسمها كلو مشدود 
 صوته فيه حنيـه مو طبيعيه
 اسلوبه نظرتو ليها ولبشار 
 نفسها تسحب نفسها منو بس مو قادره 
 وقفو مشي لما بشار وقف 
 يكره احساس الضعف دا اللي يجيـه 
 يحاول مايحتاج لأحد بس نفسه يسند جسمه على اي شي
 بيمشي بصعوبـه
 وقبل جميل لايهرج بشار كمل طريقـه
 اول ماخرجه من العمآره جميل اشر لبشار : سيارتي هنـآك 
 عارف انو ماحيقدر يركب دبابه ماحيجادل 
 جميل بعد عن روآن والتلاته سارو ماشين بنفس الاتجاه 
 واول ماخرجو لقت هديل واقفـه 

 هديل واقفـه تستناهم مسحت دموعها وبتفكر بس
 بكلام روآن وبشار .. 
هما اللي يخافو عليها 
 وطـآح قلبها اول ماشافت بشـآر 
 كآنت حتروحله بس ماتحركت لما جميل قرب منو وحط يدو على كتفو 
 قلبها يدق ورا بععععض بطريقه مجنووونه 
 وفزت بفجعه لما روان كلمتها : هديل
 طالعت فيها : ايش بوو
 روان مو عارفه مين داك ولا ايش اللي بزبط سار رفعت كتفها : مدري
 جميل ضغط على سويتش السياره وبشار فتح الباب وماصدق يجلس 
 كآن حيروح يركب الا انتبه لروان بعدت : سممميه 
 روان طالعت فيه وبعدها سابت هديل وجاته : نعم
 جميل يحسبها جيه مع بشار : يلا امشي 
 روان ماعرفت ايش ترد اشرت على هديـل : صحبتي معايا
 جميل : ناديها طيب تركب 
 اكيد ماحيسيب بنت اخوه تركب تاكسي قدامه ويمشي ..
يكفي انو لدحين مو قادر يعرف هيا فين عايشه ولا ايش بتسوي 
 وسايب دا الموضوع شويا عشان يخرج من المليون موضوع اللي بيعيشو 
 روان راحت لهديـل اللي تطالع في بشاار ودموعها بعينها 
 مسكت يد هديـل وسحبتها : تعاالي 
 هديل تمشي بعد استيعااب ونسيت فجأه موضوع امها 
 فتحتلها الباب روان : ادخلي
 دخلت بتردد وبتسوي كل شي روان تطلبه ومابتفكر 
 مين دا 
 ايش الهرجه كل شي محصور في بشااار وبس .. 
وروان دخلت بعدها واضطرت هديـل تسير جالسه ورا جميـل 
 وعينها على بشـآر
 بشار اللي اول مادخل رجع شويا المقعده على ورا وفك الطـآقه 
 وغمض عينه 
 مقهوره انها مو قادره تمسكو مو قادره تسويلو اي شي ... 
اما روان برضو جلست في النص 
 جميل طالع في بشار شايفـه اهدى دحيـن 
 عارف يتصـرف معاه مو اول مرا يشوفو بدي الحآله 
 دام هدأ شويـه كل شي يهون بعـده
 طالع في المرآيه على هديل وبعدها على سميـه 
: كيفك يابنتي
 هديل ماستوعبت انو بيكلمها الا لما شافتو بيطالع فيها بالمرايه ويرجع يطالع في الطريق 
: تمآم
 جميل طبعا سؤاله مو مباشر بس عشان يعرف انها من بنات جاسم ولا لا : ماشالله من متى انتي وسميه صحبات 
 هديل : من زمآن 
 سككـت جاسم وروان وهديـل على نياتهم 
 بشار سامع كلامهم بس مافيلو حيل يههرج عرف عمو ايش كان يبا من السؤال
 لين ماوصلـو لأقرب عيـآده .. 
وقف السياره : بشار ...بشار 
 بشار فتح عينه : ها 
 جميل : يلا انزل 
 بشار طالع في العيـآده ماعارضه 
 يبا يرتآح شويا 
 جميل : حخليلكم السياره مفتوحه 
 روان طالعت في هديل وهيا عينها تلحق بشار عارفتها تبا تروح معاه : لا مايحتاج حنجي معاكم 
 جميل : خليكم مرتاحين هنا 
 روان فكت الباب : مو مشكله 
 هديل على طول نزلت معاهآ 
 تبا تتكلم مع بشار تبا توقف جمبو مو قادره مستحيه من جميل .. ت
 تطآلع فيه هوا بعالللم مرا مو بعالمهم كدا لوحدو 
 دخل الغرفه ادتو السستر الكمآمه وجلس على طرف السرير 
 عمو جميل واقف يطـآلع فيه وبعدها خرج لروان وهديل اللي جالسين برا في كراسي الانتظار 
 هديل همستلها : ايش ساار عندكم .؟
 روان تهرج بنفس نبرة صوت هديل : لقيتو في شقه واحد شانق نفسه 
 هديل وسعت عينها : ايشش !
روان جسمها اتقشعر وغمضت عينها : اتذككرت شكلو استغفرالله 
 هديل : مين دا !
روان : مدري مو عارفه والله ولاشي 
 هديل دموعها اتجمعت بعينها : روان ابا ادخل عندو 
 روان : طيب عادي ادخلي
 هديل : مستحيه منن الرجال اللي معانا
 روان وقفت : تعالي 
 وجميل طالع فيهم لما دخلو الغرفه ورجع جلس واتصـل يبا يشوف ايش سار ف موضوع فآرس
 اما هديل اول مادخلت وشافتو اتوجهت لعنده وقفت قباله : حبيبي ايش بك 
 اشر براسه بالنفي ومارد 
 مررت يدها على خدو وهيا تتامل ملامحه عارفه ومتأكده انو فيه مصيبه 
 شافت وجهه دا يوم وفاة حوور
 بس تباه يرتاح : طيب انسدح عشان ترتاح 
 عارض ..؟
 لا للمرا التالته 
 انسدح وهديـل تمرر يدها على شعره لين ماغمض عينه 
 انتبهت للجوال والورقه اللي بيده 
 سحبتها بشويش من يده وفتحت الورقه وانفجععت من الكلام .. 
قلبها سار يدق بسـرعه وتبببا تبـــكي 
 ايش حرقه القلب دي اللي قراها 
 دارت جسمها وسحبت روان وخرجتها من الغرفه : داك اللي قتل حور اللي جاسم كآن مربيه 
 روان وسعت عينها : تمزززحي !
هديل رفعت الورقه : شووفي دا هوآ كاتبه _ نزلت دموعها وماعرفت ايش تقول _ استغفررالله ياااربي
 روان : ايش مكتوب فيها 
 هديـل قالتلها كل شي خلتها مصدومه زيها دحين قدرت تستوعب ردة فعلو ديـك 
 روان : هاتي طيب الورقه اديها لعمو 
 هديل ادتها : خدي دا كمان مدري حق مين 
 روان اخدت الجوال والورقـه واتوجهت لجميل اللي جالس وبيتكلم بالجوال ومكشر 
 اشر لروان بيده انو ثواني واول ماقفل ادتو الورقــه 
 اول ماقرا الكلام قال بقهر : لأاحول ولاقوة الا بلله لاحول ولاقوة الا بلله 
 التلاته سارو واقفيـن في الممر 
 وجميل ماسك جوال بشار وحور .. 
وام بشار بس بتتصل على ولدها 
 ماعندها غيرو وحاسه انو فيه شي 
 يطالع بالجوال ايش يقولها مو عارف ..
يبا بشار يقوم عشان يكلمها ويطمنها ... لو رد وصرفها حتعرف انو فيـه شي 
 ومضطر يصمت الجوال كل ماتتصل ... 
بشار من كتر التعب غفـى لين ماعمو نـآدآه 
 ايش يفكر محد عآرف
 كدا هاااادي
 اخد جواله وماتصل على امه مو قادر يكلمها حاليا ..
هديل بتتجنن عشان يوصـلو 
 روان نسيت نفسها وجلال ومشكلتها كالعاده 
 واول ماوصلـو نزلو التلاته وجميل مو عارف ايش وضع دي البنت معاهم 
 مو معقول حتطلع البيت !!!
بس هديـل بعدت شايفه نظراته 
 حاسه بشي غريـب 
 دول اهل وهيا حاشره نفسها بينهم
 بدأت تسير حساسه 
 اللي قاعده تسويه غلط 
 بس ماعندها حسيب ورقيب خلاص
 جميل فتح الطـآقه ونادى : سمممميه 
 سميه دوبها كآنت داخله الا رجعــت انتبهت لهديل واقفه بعيد 
 مو مستوعبه شي بس راحت لجميـل : اييوا 
 مدلها بطاقته : خدي دا رقمي اي شي تحتاجيه كلميني طيب ..وقوليلو يكلم امو لاينسى 
: ان شالله 
 بس مشي هديل دخلت بسـرعه 
 وراحت للمصعد تضغط ورا بعــض اول مادخلت جات روان تجري : هيييي دقيقه 
 ودخلت بسرعه قبل لايقفل 
 وكآنت اقل من دقيقه ووقف المصعد في الدور اللي اختاروه .. 
وبخطوات سـريعه دخلو بعد مالقو الباب مفتوح 
 بس هوا مو في الصاله 
 هديل اتوجهت لغرفه النوم ودوبها بتدق الباب سمعت صوت بكآه ونزلت يدها 



 في الشـركـه جالس ورا مكتبه مستغرب ماشافها لدحيـن ..
معقول ماحتجي
 كل شي مرتبـه ومزبـطه 
 لو بس ركزت ممكن تكشف كل كذبه 
 ووقتها حينهدم كل شي 
 رجع خرج الاوراق ويفتحها ورقه ورقه .. 
ترف معتمده عليه 
 دي اليومين مبسوطه 
 دي اليومين مبتسمه 
 وبتآكل 
 وبتتكلم
 كسرتو لما شافها منظفه غرفه سامي
 لو تدري بس انو قآسم ماحيتنازل عنو الا لو لوى ذراعه .. 
وواحد زي قآسم مجنون ومتأكد انو ماحيسكت عن حقه 
 غمض عينه وسند جسمه على الكرسي 
 زفر بضيـق 
 ايش الجنآن اللي حيحط نفسـه فيه 
 مايبى يفكر 
 همآ ظلموها وهما يستاهلو اي شي يسرلهم 
 زي ماحرموها من سعادتها طول دي السنين 
 هما ملزومين يرجعولها هيا لو على حسآب نفسهم ..
موضوع ليـث اللي في السجن 
 موضوع امه وكيف حتتقببل ترف 
 موضوع لمى وترف 
 موضوع سامي وقاسم وسلمى 
 وموضوع روآن 
 يحاول مايفكر في هرجه تجيه هرجه تـآنيه 

 امس بالقوه نآم 
 مايدري كيف حيعدي اليوم 
 بس نفسه يشوف روآن هيا اللي تخليه يشوف الدنيآ كدا ماتستاهل
 وكل شي حيعدي وكل شي حيمر 
 بساااااااااااااطه 
 دا اللي يحسو لما يكون معاها 

 جلس بااعتدال دخل الاوراق وطلبلو قهوه للمره التانيه 
 وبدأ يشتغـل ... 
لين مادقت الباب غمض عينه لما حس انو حيبدأ يدخل بالدوآمه الجديده 
 وفتحها اول مافتحت الباب .. 
دخلت راسها وقالت بدلعها المعتاد : صبااح الخيـر
 ابتسم ديك الابتسامه اللي تحبها 
 ساب اللي بيده وكأنه ماصدق يشوفها 
 سند جسمو على الكرسي : صبااح النور 
 سلمى دخلت وقفلت الباب : اتاخرت عليك 
 تامر :قلت بعد ماجننتيني امس جيتي تسحبي عليا تاني يوم 
 وقفت مشي صدمها بالجمله 
 مرا صدمها 
 بعدها ابتسمت بخجل
 حاولت تكمل طريقها وتوصل للكرسي اللي جمبو وماتغير مكآنه 
 جلست وهوا دار كرسيه بااتجاهها
 عارف انها جآيه عشان تختملو الاوراق 
 بس ماسابلها مجال يهرج
 بيتكلم معاهآ بيتغزل فيها بطريقه مو مباشره 
 وجآت قوهتـه ومارضي يشربها 
 وكأنه جوه زبط لما هيا جآت ومو محتاج شي تآني
 كل ماتبا تفتح السيره يقاطعها بموضوع عن نفسه 
 لأول مرا يقول أنا
 جآت اللحظه اللي تطلب منو الاورآق ..
زعل 
 طبعا زعل 
 وقلها اقفـلي الموضوع 
 اترجتو بااسلوبها المعتآد 

 بدأ يكشـر خصـرها ورجع يشتغل 
 ورجعت تحآول 
 وهوآ بملامحه الجديه اللي مخليتها خايفه وبنفس الوقت 
 مستحيل تخليه بهمو 
 دار كرسيه وقال بكل جديه : انا ابا اخوكي يقرا كل كلمه في العقد عشان لايجي في يوم ويق
 قاطعته على طول : ماحيقول شي انا واثقه فيك وكل اللي بتطلبو مننا شي بسيط دي الشركه كبرت بسبب امانتك والكل يشهد بللي سويتو وجا الوقت اللي تبدأ مشروعك الخاص واحنا اقل شي حنسويه انو نوقف معاك _ طالع فيها بصمت وهيا ابتسمت _ ماحخرج من هنآ الا وانا موقعتلك على كل حآجه 
 وخرج الورق خلاها تقرا اول ورقتيـن وبعدين بسبب اسلوبه 
 وانها تبى تحسسه سارت ماتقرأ 
 وجات لأخر ورقتين وقلها يباها تبصم مايبى توقيـع قاسم 
 وقرات اول ورقه وتـآني ورقه ماقرأتها ..
وقفلت كل شي وطالعت فيـه ..سند جسمه بعد مابعد الاوراق من قدامها 
 ايتسملها وكدا اول هم انزآح منو 
 سامي راجع راجع 
 لا لا 
 ماحيهددم باأملاكهم بس 
 لا في راااسه شي حقيــر 
 ماحيستخدم اسلوب السن بالسن 
 وزي ماسوا قاسم حيسوي هوا 
 اخلاقه ماتسمحلو 
 ماتسمحلو انو يوصل نفسه لدي الدنآئه 
 بس اخلاقه تسمحلو انو يسوي حاجه تآنيه 
 حآجه تانيه حتجنن قآسم ... 
حآجه تانيه حترد اعتبار اخته
 ودق جوآالـه واول ماشاف " جنتي " : دقيقه 
 رد عليها : هلا ياأمي 
 امـو : كيفك 
 تامر : تمام الحمدالله 
 امو : متى حتجي ؟
 تامر : العصر فيه شي ؟
 امو : حاول تجي قبل عدي جاي اليوم على الغدى
 تامر : طيب ان شالله شوفي لو تبي شي اجيبو بطريقي اكتبيلي على الواتس 
 امو : طيب 
 تامر : مع سلامه 
 حط جواله على المكتب وقلبو احتياط لاتتصل ترف ولاتتكلم بالواتس وتشوف سلمى 
 سلمى : ايش فيه 
 تامر : ولاشي بتقولي لاتتأخر 
 سلمى وقفت : اجل انا لازم امشي كمان دحين عندي كدا مشوار بسـويه حشوفك في الليل ؟
 تامر طبعا ماحيستحمل يجلس معاها اكتر من بعد مااخد اللي يباه ة: بيننا كلام 
 كآنت خارجه الا قلها : انتبهي على نفسك ... 
دي اخر كلمه عدله حيقولها هيا بوجهها ...؟ 
 لا باقي شي بسيط ...بسيط مرا 


 امـآ عـدي مسدوح على الكنبه في نص الصاله 
 ويضحك بصوت راخي باين انو بيسوي مصيبـه 
 امـه جلست في الكنبه اللي قبالة : ايش بتسوي 
 دار راسه وطالع فيها وهوا مبتسم : ولاشي _ ورجع طالع في الشاشه ويكتب _
خلاص عارفه ولدها مليون بالميه قاعد يسوي حاجه 
 وفجأه ييضحككك بكل صووته ويجلس ويرجع يكتب بحمااس
 امه : عدددي ااايش بتتسوي مصيبه 
 عدي طالع فيها وبنفس الابتسامه : بجنن حماتي
 ورجع يكتب 
 امه مع الصدمه ماستوعبت 
 يبا يجن مرته هوا حر
 يبا يجنن اخوانها رجال وف بعض برضو حر 
 بس وصل الموضوع لحمآآآآته !!!
لسى امس بتقول ولدي كبببر اليوم اثبتلها انو مازال مجنون 
 بالقوه قدرت تتكلم : ياولد انتا اهبل 
 عدي طالع فيها : ههههههههههههه والله طلعت عسل مدري ليش محد فاهمها 
 ماستوعبت ايش الهرجه : انتا ايش بتسوي 
 عدي : بتواصل مع حمآتي طفشت من بنتها وقلت اشبك الأم دامها ارمله وعندها ورث و
 كآن بيكمل الا صرخت : عدددددددددددي
 عدي : هههههههههههههه ياامي ايش بسسوي يعني بكلم حمآتي
 امه : بقله صبر : ضحكتك واحد وراه مصيبه 
 عدي : لا والله جالس ارسلها نكت وفجأه ارسلتلي نكته سرت مو عارف اضحك على النكته ولا اني بتخيل شكلها وهيا راسلتلي النكته 
 امه ماضحكت بس فسخت نظارتها الطبيه وطالعت فيه وهوا مات ضحك : والله الموضوع مضحكني _ رفع يدو _ دقيقه 
 قرب الجوال من عند فمو وهوا يسجل : ذكريتيني بفلم عادل امآم لما قال _ هرج بالمصري _ امشو زي الجززم في الدننيا ههههههه
 امه : هههههههههههه عدي !!
عدي يبرر : راسلتلي نكته عن الجزم واتذكرت الفلم _ بتملل _ ياأمي ايش بك سيبيني افلها مع الحرمه 
 امه : طيب خليك محترم 
 عدي : اولادها محترمين ماينفع كلنا محترمين 
 امه : انتا ايش تبا منها 
 عدي طالع في الشاشه لما كتبتلو ورجع سجل : افااا عليكي اليوم نسهر على فلم لعادل امام انتي بس غديني وانا ازبطلك بعدها الجو
 نزل جواله وطالع في امو اللي لسى مانزلت عينها من عليه 
 ضحك وغمزلها : تغاري ؟
 طالعت حولينها بفجعه وشالت الركزه ورمتها بوجهه : امممشي يااامتخلف
 عدي : هههههههههههههه _ جلس بااهتمام _ اقولك ايش ابا منها بعد ماكلمتيني جلست افكر بيني وبين نفسي ماحستحمل انها تقعد عند اهلها شهر وامها كدا تفصل عليها اخوها لو خرج من السجن في بيتو يعني اقدر اطمن كل شويا اما دي امها طول وقتها معاها _ رفع صباعه على راسه وغمز _ وهنا عدي الذكي بدأت تجيه الافكار 
 امه لسى ماستوعب ايش يبا يسوي : ايوا ؟
 عدي : اول شي حخليها تعتبرني واحد من اولادها حخليها تستشريني بكل حاجه والله لااخليها تسحب على اولادها 
 امه : ههههههههههه عدددي من جدك 
 عدي : هههههههه بس بحاجه طيبه يععني انا اقولك ليش 
 امه : ايوا ليش ؟
 عدي رجع عاد الحركه وحط صباعه على راسه وغمز : وهنا عددي الذكي بدأت تجيه الافكار 
 امه بتملل : خلصنننني يااللذكي انتا 
 عدي : ههههههههههه قلت حسير اشتكيلها من بنتها 
 امه وسعت عينها وهوا على طول اتكلم: لا بشي طيب يعني لمى تخاف انو امها تعرف اني اقابلها بالجامعه انا مو عاجبني دا الحال او انها تخرج معايا واخوانها يصرفو الموضوع لأمهم انها مع واحد فيهم شغل الحراميه مايعجبني انا بدخل بعين الكل انها لمى المسكينه وماترضى تسوي شي وانا انخنق وانتي اتفاهمي مع بنتك لأنها ماعندها غيرك ..حتى على موضوع الضرب بس حبه حبه دام طلعت فله وتضحك يعني جوي عارفتني 
 رفعت حوآجبها الاتنين وتبا تقول كلمه ماعرفت ايش تقول لولدها 
 سندت جسمها على الكنبه وابتسمتلو : الله يديك على قد نيتك ياولدي
 عدي وقف : والله احس اني ابا ارقص فيا طاقه للرقص فينو لؤي ماصدق قالتلو موافقه وماسرنا نشوفه هنا
 امه : هههه واختك حابسه نفسها وعلى الجوال
 عدي : زوجو عزآم وحده مننا وفينا ولا حينجلط زيي
 امه : انتا المجنون اللي تبا كل شي بسرعه 
 عدي : اخويا انا حفهمو زوجيه بنت اخوكي _ قال بقرف _ يعني حيكونو مملين بس كدا نفتك منهم الاتنين حتيمشكلو لين ماينعزلو عن العالم ونتخلص منهم 
 امه : اللله واكبر عليك يااشيخ سيب اخوك في حالو 
 عدي : بجد ياأمي ماقد فكرتي انو هوا عايش كدا لوحدو وغامض والله لو يوم عشت مكانه حموت من الطفش كدا تلقوني في الحمام مرمي وميت ليش واحد طفشان من حياه عزآم
 امه :ههههههههه بقوولك سيب اخوك في حالو
 عدي : ماليا صلاح انا نبهتكم _ دوبو صاحي عزام ونازل في الدرج ووعدي ضحك واشر عليه _ هيا المحروسه صحيت 





 اضطـر تامر يخرج قبل موعده الأساسي عشان يروح لترف يتطمن عليها 
 وبعدها يرجع لأمه وقبل لايتطمن على ترف لازم يمـر على اللي اكله مخو طول اليوم 
 دخـل للعماره اتوجه للبابها ايش حيقول مو عارف 
 بس لأول مرا مايكون منحرج عادي ايش فيها لو قلها كيفك 
 مايدري ساير جريئ بعد اللي سواه مع سلمى والكلام اللي قالو 
 ولا بعد جلستهم في السطوح 
 بيمد يدو ويدق الباب انتبه انو الباب مردود 
 بس قال ممكن تكون جوآ 
 فادق الجرس واستنى 
 ورجع دق مرا تآنيه واستنى 
 خرج للشارع والسياره اللي وصفتلو هيا امس مو فيه !
اتوووووووتر
 شاف بنات داخلين العمماره صغار مايتعدو ال 12 سنـه 
 طلب منهم بس يطالعو في احد وسط دي الشقه 
 وقالولو الشقه فاضيه 
 فضل وآقف في مكآنه مفجوع بمعنى مفجوع 
 وكل شي سيئ قاعد يمر قدآم عينه 
 مايستهون بحكاويها 
 اللي بتمر فيه مو بسيط مرا مو بسيط 
 طلع الدرج وعقله مو معآه 
 ايش ممكن سار 
 هيا كويسا 
 ليش حتسيب الباب مفتوح 
 يحلل يحلل وماحس متى وصل لترف ومتى دق الجرس الا لما نادته للمرا التانيه : تامر !!!
طالع فيها وابتسم بتشت : ايوا 
 ترف فكتلو الباب : ايش بك كدا 
 تامر حرك راسه : لا ولاشي 
 ودخـلو للصآله وهوا شايل كالعاده غدى لها .. 
ترف : جيت بدري اليوم 
 تامر : ايوا عشان شويا ماشي 
 ترف جلست : ليش 
 تامر : خطيب لمى جاي يتغدى 
 حركت راسها من غير ماتعلق 
 ندم انو قلها 
 رايحه العيله تتلم وهيا جالسه لوحدها حتى ولدها مو معاها 
 ابتسم تامر وجلس جمبها : بكرا زي دا الوقت ان شالله سامي يكون جمبك 
 دي الجمله كفيله انها تمحي اي شي جوووتها 
 ابتسامه مو من القلب 
 لا ابتسامه من اعماق اعماق قلبها 
 الابتسامه ديك اللي تجي فجأه وبدموع في عينها : بجد
 وجعتتتتتتو نبرة صوتها 
 حرك راسه : ان شاللله 
 كدا سكتت شويا ومو قادره تصدق نزلت دموعها ورفعت يدها اليسار وغطت عيونها
 ماتدري مبسوطه ولا خايفه من بكرا 
 مسحت دموعها وحركت راسها :ولاشي
 جلس جمبها : ليش بتبكي 
 ترف : فيه شي جوتي كدا مو مخليني استوعب انو قاسم حيسبلي سامي بدون شروط وفيه شي تاني مخليني مابى افكر خلاص اهم شي يرجع وبعدها يهون كل حاجه 
 تامر : قاسم حيسبلك هوا بدون مايفتح فمو بكلمه وانا عند وعدي 
 طالعت فيه وقلبها يدق بسرعه ودموعها بعينها : تامر ايش سار 
 تامر : ماسار شي ولدك حيرجع نقطه نهايه السطر 
 ترف : حيرجع من غير اي مشكله ؟
 تامر : من غير اي حاجه 
 ترف بعدم استعياب : كككيف !
تامر سكت سكت وبعدها ابتسم : فاكره لما مرا جبتيلي كيس حلاوه وقلتيلي اباك تجبلي نفس دي الحلاوه 
 ترف كشرت وهيا مو متذكره : لا 
 تامر : طيب المهم اخدت الكيس وخرجت ساعتين اشـ
 ترف ضحكت بين دموعها قبل لاتخلص وهوا زادت ابتسامته : ساعتين الف من مكآن لمكآن ورجعت وامي صرخت عليا عشان اتأخرت وجيتك واقولك مالقيتها وانتي تضحكي _ ضحك _ والله لدحين مانسى جلستك قاعده تاكلي فصفص وحاطه رجل على رجل وتقوليلي هيا اشترتها لما سافرت لندن لااا ياااشيخه
 ترف : ههههههههههههههههه 
 تامر : ههههههه كنتي شي صغير وقصير وشرير المهم انو تاني يوم جبتلك الحلاوه 
 ترف بين ضحكها : ايوا من فين جبتها 
 تامر : على انك قهرتيني بس جبتلك هيا ولما سئلتيني من فين جبتلك هيا ايش كآن ردي
 ترف عقدت حوآجبها وتحاول تتذكر ضيقت على عينها وتحس الجمله في راسها بس مو عارفه كيف انقالت ودوبو بيهرج الا قالت : لما تبي شي لاتقوليلي كيف جبتو 
 تامر : خلاص وصلت المعلومه ولا لسى ؟
 ترف : هههههههه لا لسى ابا اعرف 
 تامر : اجل استني لبكرا وحقولك حاليا ماحتكلم 
 ترف سكتت واختفت ابتسامتها واتكلمت : كنت احسب انو بس انا اللي متذكره كل شي سويناه واحنا صغار ووانتو نسيتوني 
 تامر : انتي كنتي بلهه 
 لأول مرا واحد فيهم يسبها 
 تامر كمل :مسويه جو في البيت وجايبه المشاكل يوم تلعبي معانا ويوم تشتكي علينا ويوم تسوي طيبه وتحبينا مالك صاحب مرا 
 ترف : هههههههههههه كنت حبوبه 
 تامر بهدوء :كنتي شي حلو ولما روحتي راح كل شي معاه خلي دي الجمله دايما براسك احنا اللي ضعنا ربي عوضك بولدك يسوى الف رجال 
 ترف حاليا نفسها تقولو انا احبك نفسها تعبرله قد ايش هوا مخليها مبسوطه دي الفتره 
 حاسه انو عندها اخ بجد 
 وقبل لاتهرج : ابا اتكلم معاكي بموضوع 
 مو ضامن ايش يسير معاه بكـرا فاليوم يبا يفاتحها بالموضوع .. 
ترف كآنت مبتسمه على كلامه الاخير : اتكلم 
 تامر : بعد مايرجع سامي طبعا حيكون دا الموضوع لكن حابب افتحو من دحين انتي عندك مشكله مع لمى .؟
 ترف ماتدري اذا عندها مشكله ولا لا بس اشرت براسها بلا وخلاص 
 تامر : هيا عندها مشكله معاكي 
 ترف كآنت حتتكلم 
 الا تامر وقفها : اسمعيني للنهايه انا مقدر وضعك بس احنا ياترف وصلتيلنا شي عنك غلط او بالاصح ابويا الله يرحمه _ انقلب وجهها اول ماقال ابويا _ اعرف انك تكرهيه بس دا ابويا حاحطلو الف مبرر على اللي سواه ابويا كآن عمرو كبير ياترف كآن ضعيف دول رجال كبار في البلد لو ذراعه ماتدري ولا احنا ندري ايش اللي سار معاه راح وراح سره معاه لقبره بس انا اعرفو وتربيتو لينا وليكي انتي ولمى تثبت انو مو واحد حيبيع بنته بسهوله المهم حقفل موضوع ابويا بس حبيت اقولك وجهة نظري _ اتنهد _ نرجع لموضوع لمى .. لمى مو تكرهك لمى تخاف منك يعني انا خايف من اللحظه اللي انتي توقفي قدامها لأني مو عارف ايش ردة فعلها ولا اقول نتكلم معاها قبل لاتشوفكط بس انا عارف انها اول ماحتسمع اسمك حتبدأ تبكي زي اخر مرا 
 رفعت ترف حوآجبها الاتنين وكأنه ماستوعبت 
 تامر : طلبي ليكي انو لو هيا مارضيت تسمعلنا اباكي تعتبريها زي زمان اختك الصغيره اللي ممكن تسوي اي شي عشان تسمع كلامك مابطلب دا الشي منك دحين بعد ماتجلسي مع سامي بعد ماتفوقي وقتها فكري بلمى والله هيا طيبه وعلى نياتها بس امي وليث رعبوها فيكي 
 ترف قالت بهدء : ان شالله 
 ماتدري لوقتها يسير خيــر .. وسكت وبعدها جات في باله روآن .. 
ترف عندها رقمها 
 كيف ممكن ياخدو .. ؟
 خرج جواله وبيشتت نفسه باأي حاجه وبيحاول يفكر كيف ممكن يصيغ الجمله . 
لو قلها شوفتي روان ... ممكن يكون جوابها ايوا وحيطمن وبنفس الوقت ممكن يكون لا 
 وماحيقدر بعدها ياخد رقمها 
 يجيبها من النهايه ويطلب الرقم 
 طيب ليش ؟
 عادي انو هيا طلبت منو موضوع انو تبا تنقل بيتها وسئلتو عن شقق !
لا لا مو حلوه كدا حيطلع بعينها واحد اخد وادى معاها لدرجه انو وصلت معاها تطلب منو شي زي كدا
 لازم يحافظ على صورتو ...لا مو مرتين وصلها هيا جريئه ممكن تطلب شي زي كدا 
 مارفع عينه من على الشاشه : ترف 
 يتككككلم بكل جديـه 
 طالعت فيه : اديني رقم روان 
 مادى مبرر 
 المبرر من البدايه دليل على الكذب 
 ترف تنحت كدا جابها من النهايه سحبت جوالها من على الطاوله وقالت بهدوء وهيا بتدور الرقم : ليش ؟
 تامر ولا كأنه بنفس النبره وبنفس التكشيره اللي جات على وجهه وهوا مندمج بحاجه بجواله : برسلها رقم واحد تبا تنقل من هنا
 شي مو واضح مو مبرر طويـل 
 ترف ولساتها تدور على الرقم وهوا قدام عينها : متى اخر مرا شوفتها 
 تامر طالع فيها : يوم ماجات هنآ وقالتلي اوصلها 
 ترف تبا تضحك يعني حتى لو حاولت تخلي الموضوع بريئ مع انو مايجي بعد ردو دا محى كل 
 النيات الحسنه اللي ممكن تجي ببالها : طيب خد 
 اخد الرقم وسجلو وشويا وصـرف نفسه وخرج على طول .. 

اول مانزل اتصل مرتيـن ولا ردد وهنــآ بدأ يفصـل ... 



امـآ سـآمي .. 
جالس في الحديقـه اللي عشبها الاخضر على امتداد بصره 
 اطول يومين مر عليـه 
 بكرا خلاص بكرا اليوم اللي يستناه 
 ماسار بينه وبين قآسم اي موقف غير نظرات قاسم اللي تحسس سامي انو ولاشي
 حتى لما بيسوي اللي يطلبو ماسار عاجبـه 
 طلع كدا مرا لفوق وشافو خارج من ديك الغرفه وهوا مو على بعضه 
 لازم اخر الليل يشـرب
 وامس ضرب وحده من حريمـه كف قدام الكل لما قالت ماحتعرفنا على امو .. 
مالهم حق يسئلو..مالهم حق يتكلمو 
 دا ولد وحده كآن متزوجها من زمان قبل لايتزوجهم 
 ايش هرجتو مالكم صلاح 
 فين امو مالكم صلاح 
 مابيتكلم مع احد غير الخدم لما يجوه لغرفته 
 او لما يمشو من جمبـه 
 هما الوحيدين اللي يشوفهم طبيعين
 ممع انو اول مايدخل اي مكان حتى لو يتكلمو ويضحكو يسكتو ويتشعترو 
 لكن لما يكلم احد فيهم يحس الابتسامه طبيعيه 
 يحس نفوسهم صافيه 
 نفسو يجلس معاهم 
 طالع في الحرس مو عارف ليش دول الحرس كلهم 
 هما كدا كل اللي بمستوى قاسم ولا قاسم لوحدو مسوي كدا
 مايعرف عن دا العالم شي وفجأه طاح عليهم 
 ومو قادر يتقبـله ... 
اكتر من كدا مافي شي بيومــه الهدوء هوا اللي يعبر عن يومه ..
ووجبات الفطور والغدى والعشـآ هيا اكتر لحظآت ترعبـه .. 
ابتسم لما جات في باله امـه 
 يبا البساطه راحة البال 
 البلاهه والمضاربه 
 ضحك لما اتذكر هرجه انفآل اخر موقف يتذكره بينهم .. 



 كميـه القهر اللي يحسها مو طبيعيه 
 كميـه الألم 
 كميه الضعف 
 الغبنه حرقه القلب كل شي ملموم 
 كل شي انقلب عليـه 
 من صغره مايقدر ياخد حقـه 
 شخصيته هيئـته وظيفته دايما تدل على هيبته بس مو دا اللي يحسه
 او بالتحديد مع اهله مو دا اللي يحسـه 
 انك تروح بكل حقدد بكل قههرك تبا تخرج شوويا من اللي بنفسك وفجأه توقف
 وتشوف الانسـآن ميت بديك الطريقـه 
 بسبب مين ابـوك 
 ايش اللي خلاه ينتحر بسبب اختك اللي ماتت بيده 
 الولد قتل نفسـه لأنو اختك اتعذبت بطريقه مو قادر يتحملها 
 الولد قتل نفسـه لأنو هيا طيبه وهوا عارف بس يبا ينتقم من ابوك 
 وترجع كل عصبيتك لنفسك كل قهرك لنفسك برضو 
 ويرجع كل شي ينكبت زي مانكبت جوتـه الف شي 
 زي جآبر لما شافه يقتل غاليـه وهوا يتفرج 
 زي جلال لما هدده باإنو يسكت ومايتكلم 
 زي جآسم لمآ رماه بين اخوانه وهوا عارف وساختهم ... 
زي لما اخوان غاليه عرفو انو الشاهد على الخيانه ومسكوه وضربوه 
 ايوا خلاه جآسم وجلال يشهد على انو يشوف واحد بس لابس كآب دايما ومايشوف هيئته 
 بس يسمع صوته 
 زي بزبط مابيسوي جلال حاليا بسميـه 
 من صغره اللي يشوفه ياقتل ياتهديد ياضـرب 
 وكل مايبى يعبر كآن مايقدر لأنو المفروض مايهرج 
 لأنه بيتهدد 
 حتى لما انضرب من اخوآن غاليه ابوه وداه عند جلال عشان امو لاتعرف
 واللي يسمعو لاتتتتهرج لأمك
 لما جآبر مسكوو وصرخ عليه 
 جاسسم اول شي قالو لاتتهرج لأمك 
 ولما جآه اليوم اللي يسجنو
 النآس سارت تطالع فيه بالولد العآق
 حتى عمو جميل اللي يعرف كل شي طلعو مجنون لأنه ضرب ابوه 
 مايعرف هوآ بجد مجنون ؟! في دي اللحظه سار يفكر بدا الشي 
 جالس على سريره وماسك راسه باأياديه الللي تتنافض ويبـــكي بصوتته 
 سار يدخل كل المواضيع في بعـــض 
 اختــه 
 فارس 
 ابوه 
 جابر جلال
 جاسم 
 يحس كلهم السبب في موت اخته 
 وهوا كدا يتفرج بصمــت 
 شكل الولد مو راضي يخرج من راسـه وكأنه كآن يعبر عن كل طفل ابوه ربآه 
 يعبر عن هديـل لما شافها تصرخ بداك الجنان 
 يعبر عن روآن لما مسكتو وكآنت تقنعو انو يسجن جآسم 
 ابوه وصلهم لللجنـآن 
 والضحيـه حور ... 
هوآ ولد داك المجرم 
 راضي انو يكون ولد داك المجرم بس اختو عآيشه 
 اختو اللي سآبها واهملها ومآكآن يسئل عنها 
 دا الشي يقهررررر
 لما تبدأ تتذكر تفاصيل التفاصيل عن كل لحظه كآنت تناديك فيها 
 وانتا تخصرها 
 وتقول بكرا ولا بعدو 
 ويجي الموت ياخد دا الشخص ولما تتذكر الفتره الاخيره انتا ماديت 
 دا الانسان شي حللو 
 يبا كلمه حلوه يقولها 
 يبا لحظه يجلسها معاها 
 يبا الوقت يرجع 
 يرجــع شويا 

 دا التشتت انك منتا عارف بتبكي لأنك قصرت بحقها ولا من طريقه موتها ولا من حياتك اللي مافيها شي عدل ولا من ابووك المجرم اللي الكل حيهرج عنو ..
غمض عينه بكككل قوته ودموعه تنزل مايبى يفككر خلااااص 


 امآ برا هديل رايحه وجايه قبال الغرفه ودموعها تنزل 
 صوته واجعها 
 بكآه حارقها 
 وروآن جالسه على الكنبه ودموعها بعينها بس مابكيت 
 تفكر في حالها وحال هديل وبشـآر 
 ايش الحيآه دي !
شي طبيعي اللي بيعيششوه !
ليش كل شي ورا بعض من يوم ماماتت حور وهما مو شايفيبن يوم عدل
 يوم طبيعي
 تبا تنام يوم واحد مرتاحه البال وتصحى 
 بس يوم وآحد 
 طالعت في هديـل اللي بتدق الباب على بشار وتبكي : بشاار فك البآب
 روان : سيبيه 
 هديل جات لعندها : له ساااعه 
 روان على نفس الهدوء : سيبيه طيب
 هديل خصرتها وراحت لعند الباب 
 روان بتتعامل معاه بجد كاأخ وبتحترم انو مايبى احد 
 وهديـل لا بتتعامل كإنسان تحبـه وتبا تكون جمبـه
 تدق الباب وتتكلم بكل ترجي : ياعمري الله يخليك فك الباب ...لاتقعد لوحدك لو ماتبى تتكلم لاتتكلم بس خليني جمبك 

 روآن تطـآلع فيها وهيا مازالت تحاول فيـه 
 ماتوقعت انو يفتح البآب 
 واول ماسمعت صوت المفتاح وهديل رفعت يدها تمسح دموعها 
 وانفتح الباب بس ماخرج هديل اللي دخلت وحضنته 
 ورجع صوته يبكــي
 هنـآ سميه بكيت 
 بس ماتدري ليش بكيت على نفسها 
 ماتدري ليش وقفـت وفكت الباب وخرجت 
 حست بجد انو دول الاتنين بيوقفو جمب بعض وهيا ماعندها احد
 مو حاقده عليهم او غيرانه 
 بس شي يخليها تحزن على نفسـها 
 انو في شي يهون عليهم وهيا مو لاقيـه دا الشي 
 خـرجت من المكآن بكبـره واول ماشافت السياره اللي فيها الرجال موقفه في الشارع التاني

 جلست على الكراسي اللي برا ومو فارق معاها شايفينها ولا لا
 جلال ماتصل عشان عارف انو فيه احد حوليها .. 
تبا تبكي وترتاح شوويا قبل لاتطلـع 
 خرجت جوالها وهيا تشوف نفس الرقم يتصـل مو عارفه مين دا ردت بعصبيه : نعم 


 جآ من دوآمه واول مافتح الباب وشم ريحه الغدى : اللللله 
 اتوجه للصاله وشاف امه معاها الجوال وتضحك سلم على راسها : تكلمي مين 
 رمى جسمه بتعب على الكنبه 
 وامه ردت : عدي
 كآن دوبو بيمسك جيبه ويخرج محفظته وجواله الا طالع فيها بااستغراب : عدي عدي ؟
 امه بتطالع في الصوره اللي ارسلها عدي : هههههههههههههه _ وبعدها طالعت في تميم _ يعني كم عندنا بالعيله عدي 
 تميم وقف بدوون تعليق واتوجه للمطبـخ واول ماشاف لمى حآيسه وتسوي الاكل : ايش بها امك ماشالله 
 لمى طالعت فيه واخلاقها بخشمها : مدري رووح اسئلها 
 تميم : هههههه ليش معصبه 
 لمى : المكيف انخرب اللي هنا وحر وقررف وماما مطنشتني 
 تميم : مو فاضيه بتكلم العرييس
 لمى : عارفه سامعتها تضحك من اول
 تميم : هههههه ايش يبا بزبط
 لمى تقطع الخضـآر وتتكلم : مدري والله لها ساعه تتكلم معاه 
 تميم جا عندها وياكل الخيـآر وهيا تقطع : هههههه الغيره قاتلتك 
 لمى استحت : مابغار مستغربه يعني 
 تميم مازال ياكل ويتكلم : عشان نكون صريحين انا ماطيقه 
 لممى : عارفه 
 تميم : كويس 
 لمى : حتى هوا مايطيقك 
 مرررررررررا مافي اسلووووب 
 المفروض تخلي العلاقات تتحسن بس مع النرفزه اللي فيها 
 رمتها بوجه تميم 
 تميم وبرضو ياكل : انتي ايش تقوليلو لما يقولك انا ماطيق اخوكي 
 رفع حآجبه وهوا يطالع ومستنيها ترد 
 لمى : اقلو اها
 تميم انخنق كآن مستنيها تدافع سار يضرب على صدره وبعدها طالع فيها : تستهبلي 
 لمى : ههههههه ايش بك 
 تميم : بلله تقوليلو اها
 لمى طبعا تحقد على عدي بس ماتبى تهرج : اجل ايش تباني اقلو 
 تميم مصدوم : والله لو رشا تتكلم عنك ولا عن ترف بكلمه
 وانكتتتم وبعدها سار يحاول يعدل الموضوع : قصدي لو هرجت عنك بكلمه 
 سار مو قادر يكمل الجمله من وجه لمى اللي تطالع فيه 
 عارفه اخوانها وراهم هرجه 
 دايمما كآنو يجو اول مايخلصو دوآمهم 
 بذات تامر حاليا دا مختتفي اغلب يومه 
 لساتها تطالع فيه : كمل ؟
 تميم : بروح اغير ملابسي
 لمى : انتا بتشوفها ؟
 تميم طالع فيها للحظـآت وبعدها خرج من غير مايرد عليها 
 قهررهااا 
 كملت تقطيع ودموعها بعينها 
" لا لا مستحيل يشوفوها "
 " يمكن حكاها عنها ومايحبها تفتح الموضوع تاني "
 " طيب ليش طنشني ؟ "
 " طيب فين تامر اغلب يومه "
 " يمكن مع اصحابه " 
خرجت الموضوع من راسها قبل لايجننها واول ماخلصت من السلطه 
 راحت استحمت واتجهزت .. شايله هم اليوم دا 
 اخوانها وامها وعدي تحس بتوتر وماحتكون بطبيعتها .. 

استشورت شعرها واتمكيجت ولبست جينز وتيشيـرت وردي وكل تفكيرها
 محصور على ترف اتعطرت وخرجت من الغرفـه 
 وشافتهم جالسين في الصاله حتى تامر جآه 
 سارت تهتم بنفسها دي الفتره لأول مرا يشوفوها كدآ 
 بس مابيعلقو اما تامر بعالم تآني وكل شويا يجي تحليل براسو 
 سولها شي 
 تكون اتكلمت وعرف 
 اكيد عمها ورا الهرجه خرج جواله واتصـل ماكتملت الرنات وقفل
 خايف يكون مافي شي حيحس منظرو غبـي 
 لا مو غبي 
 اليبنت صارحته بكل شي 
 طبيعي يعني حيفكر بدي الافكار بعد ماشاف شقتها مفتوحه ومافي احد 
 وآحد وسط راسه يقلو اثقــــل 
 وواحد يقلوو البنت في مصيبـه
: تااامر !
تامر طالع في امو : هلا
 امه : ها ايش رايك 
 تامر : في ايش !
تميم سحب نفسه بهدووء وابتسامه على وجهه اول ماكتبتلو رشا " اتصل "
راح للمجالس وقفل الباب : هلااا بعيون ريري
 رشا : هههههههههه
 تميم : ايش ساار معاكي 
 رشا تمشي بغرفتها وتتكلم : احتمالبعد بكرا ماما تتصل 
 تميم : اوووف وليش مو اليوم 
 رشا : مدري 
 تميم !!: انا على اعصابي وانتي تقوليلي مدري
 رشا جلست وبااحراج هرجت : يقولو مايسير نرد بسرعه وكأنه ماصدقنا يجيكي عريس 
 تميم : لااا بللهي 
 رشا : هههههههههه ايش اسوي ماقدر افتح فمي
 تميم : افتحي فمك ياعمري في دي المواضيع قولي رايك اقترحي 
 رشا : لا والله استحي 
 تميم : تستحي من ااايش قوليلهم انا استخرت وحاسه انو دا فاارس احلامي 
 رشا : ههههههههههه الله واكككبر 
 تميم : هههههههههه والله بجد يومين كتتير
 رشا : دا بعد التخفيض كآنت حتردلكم بعد اسبوع بس بابا مشغول 
 تميم : عرفت ليش ابوكي طلقها 
 رشا وسعت عينها وتميم استوعب : معليش والله مآكان قصدي
 رشا مفجوعه بين الصدمه والضحكه !! 
تميم انحرج وحب يغير الموضوع خلاص راضي لو بعد اسبوع يردو ماحيعلق بعد كلامه الاهبل : وحشتيني
 رشا ترمش بهدوء 
 ايش تسوي مو عارفه 
 امها ايش ماكان امها الكلمه ماعجبتها : تميم 
 قاطعها قبل لاتهرج من نبرة صوتها عرف انها حتعلق : اسف والله ماكان قصدي بجد بجد اسف
 رشا بهدوء : اووك 
 تميم كآن مبسووط وحاليا مو عارف يتكلم 
 رشا : المهم حبيت بس اقولك انو عمي وولدو كمان حيجو يومتها 
 تميم حافظ الاسم من كتر مايكرهه : براء صح 
 رشا : ايوا 
 تميم : يلا اخيرا حنشوفو 
 رشا كآنت بتقول والله حبوب بس خلاص سارت عارفه انو دي الجمله تنرفزه : ان شالله تتفقو 
 تميم ولا علق على الجمله : المهم حقدر اشوفك يومتها ؟
 رشا : ههههههههههه لا بس حتتعرفو 
 تميم : ايش الملل داا ومتى حنوصل للشوفه 
 رشا : لما مامتك تشوفني وبابتي يشوفك وي ليش محسسني انو لمى مامرت بدا كلو 
 تميم : ياخي فرق بيني وبينهاا انا شوفتك وقلت لأمي انك عاجبتني 
 رشا : ههههههههه طيب وانا ؟ وبابا ؟ مالنا رأيي
 تميم : افرضي ماعجبت ابوكي لأيي سبب كآن ايش حتسوي 
 رشا : خيره 
 تميم وسع عينه :نعم !! 
رشا بعدت الجوال عن اذنها وهيا تضحك ورجعت تتكلم بهدوء : ايش حسوي يعني 
 تميم بصدمه : تحاولي فيه 
 رشا شهقت : كيف احاول فيه والله بابا يديني كفف وقتها 
 تميم : مو مشكله حجبيبي استحملي كف وبعدين يرضى 
 رشا : هههههههههههههههه لا بلله
 تميم : والله وترتيني دحين 
 رشا : هههههههه ايوا الموضوع عليك مو عليا لو قلي لاا انتهى الموضوع لو جا خيرني حتكلم وقتها 
 تميم رافع حوآجبه الاتنين : حسبيه الله ونعم الوكيل 
 رشا : هههههههههههههههههه
 تميم :ترا انا انسان افكر كتير دحين ايش ينومني 
 رشا : هههههههههه اتفائل 
 تميم : ماعرف اتفائل _ كست وبعدها قال بجديه _ بلله لو قلك لا خلاص انتهى كل شي
 رشا فجعتو مضحكتها : ههههههههههههه خلاص ان شالله مايقول شي 
 تميم بااسلوب واحد لساته مفجوع : ترا انتي مرا بارده 
 رشا : مو بارده ا نا حاسه براحه الحمدالله وخلاص 
 دق جرس البيت : عدي شكلو جآ بعدين نتفآهم 
 رشا لدحين ماتستوعب كل مايقول عدي .. كبرت هيا وياه وطاحو على نفس العيله : طيب 
 والاتنين بسبب علا .. عدي لو ماشافها في المعهد مآكان راح كلمها في الجامعه ورمتلو الجوال
 ورشا لو ماراحت لعلا ماكان سار موقفها مع تميم 


 لمى رآحت تفك البـآب واول ماشافها اترسمت على وجهه ديك الابتسامه 
 االلي واحد شايف انسانه يعشقها قدآمه قرب وسلم عليها واداها الاكيآس : وحشتيني
 لمى ا بتسمتلووكآنت حتهرج الا بعدت لما تآمر جآ
 استقبلوه في المجلـس 
 وبعددها دخل تميم ولمى .. وكالعاده لمى لصقه عند تميم 
 لمى تهمس لتميم : ماجاوبتني اول 
 تميم ددار راسه عليها : ايش تبي تعرفي
 لمى : ليش ماجاوبتني كلامي صح 
 تميم : انتي شايفه انو دا وقت تفتحي الموضوع ؟
 لمى : ابا اعرف 
 تميم : بكرا يسير خير
 لمى : تميمم

 تميم : خلاص بس يخرج عدي نتفاهم 
 لمى : انتا قلت لماما انك حتخرج بعد الغدى
 تميم : ايش حروح اجاهد ماحرجع يعني في الليل نتكلم 
 لمى ضمت يدها تحت صدرها بنرفزه وطالعت في عدي اللي كآن بيطالع فيها كل شويا 
 وبعدها يتكلم مع امها وتآمر .. مايطيق تميم 
 ولا تميم يطيقه 
 عدي بكل صوته هرج للمى واشرلها : تعالي هنآ
 اشرلها جمبـو 
 ودي بدآيتها عارفه اساسا انو عدي حيستهبل كتيـر 
 بالقوه قآمت وامها تطالع فيها وتامر شتت نظره 
 وتميم ساند جسمه ويطالع في عدي ولا نزل عينه 
 ماعليه من احد عددي 
 اول ماجلست جمبو رجع طالع في امها : شووفي ياعمتي باخد رايك في حآجه انا اليوم حبدأ أأثث لبيتي بقول للمى اباكي تختاري كل شي على زوقك تقولي انتا اشتري اللي تباه بلله انا رجال انزل لوحدي واختار اثاث بيت !
امها : لا روح مع امك او اختك 
 عدي : هما اللي حيعيشو فيه ولا هيآ !
امها : لا بس اكيد يفهمو في الزوق ي
 عدي قاطعها : برضو اباها هيا اللي تختار ممكن تقوليلها اليوم تجي معايا بس نختار غرفه النوم وارجعلك هيا 
 تامر وتميم يطالعووو فيه 
 عارفين امهم ماحتتترضى 
 لمى تحرك رجولها بتوتر ونفسها تقتله ..
ام تامر : ماشوف له داعي صورلها وهيا تختار 
 عدي : دي الجمله والله تقهرني لاتكوني انتي وبنتك عليا 
 ام تامر : ههههههههه دام فيه حلول تانيه ليش لازم تخرج 
 عدي : وايش فيها لو خرجت انا انسان غريب وماتستئمنوني 
 ام تامر : لا وي محشوم 
 عدي : خلاص اكسري خشمها وقوليلها تجي 
 لمى وسعت عينها 
 عدي طالع في لمى وبعدها بعمتو :هههههه بللله قوليلها تجي
 ام لمى اتورطت شايفتو يضحك ومتحمس قالت بااستسلام : طيب بس لاتطولو 
 اوووووووووووووووووووووه 
 تامر وتمييييييم طالعو في بعض 
 لمى وجهها حمـر وقآمت تجهز الغدى 
 وعدي جلس جمب امها ويتكلم ويضحك هوا ويآها 
 وتامر وتميم مرا مصدومين منها 
 امهم ماتحب تداخل مع الاغراب 
 تفسر كل شي غلط 
 لوهله سار يفكر تآمر انو لو ماقدر على موضوع ترف مافي غير عدي يقنع لمى 
 وسار عدي يهررج مع امو وتامر 
 خلاااااص حسسس بجد داا الحل الوحيـد 
 الولد كدا ولا كدا عارف هرجتهم كلها 
 حيمسكو ويفهمو وخلاص
 متى يفهمو اليوم .؟
 لا يحاول اول مع لمى ..؟
 لسى دوبو بنص تفكيره الا تميم جلس جمبه : ترا انا شويا ماشي يادوبك بتغدى
 تامر : طيب 
 تميم همسلو : لمى جننتني على موضوع ترف فتحت سيرتها بالغلط وسارت تسئلني اذا بشوفها ولا لا
 تاممممر جات لعنده : خلاص مو مشكله سيب الموضوع عليا وبعدين حقولك ايش الهرجه 
 تميم : طيب يااخي ترف عايشه لوحدها من غير ولدها 
 تامر : بكرا حيجي
 تميم كشر : والله مرا مو عاجبني الوضع 
 تامر دوبو بيهرج الا عدي كلمو واخدهم الهـرج لين مالمى دخلت ونادتهم على الغدى اتغدو 
 وهنآ تميم مشي بعدها على طول .. جلسو في الصآله 
 جلسسه عفويـه 
 تآمر يشوف كيف عدي يتعامل مع لمى 
 مبسووط 
 حاسين براحه انو الحمدالله طلع انسان طيب 
 صح لسى ماعاشو مع بعض 
 بس يقدرو يقولو انو محتـرم ويتمنو يفضل كدا
 من بعد الغدى شغلو فلـم 
 وكلهم بتفرجو ويضحكو .. الا تآمر اللي جات في باله روآن 
 يتصل مايتصل 
 لو اتصل تالت مرا حيبآن واحد قلقان عليها 
 حيوضح شي هوا مايباه يوضح 
 وبين الصراع دا كلو بعدها سحب نفسه لغرفتـه واتصـل ... 
ومادرت 
 جلس على سريره ونفس الموضوع اتعاد على راسه جلال ورجاله 
 وبعد ربـع ساعه اتصل وهوا متوتر واول ماسمع صوتها 
 معصبه ولا تبكي مو عارف : رووان !
سكتت شويا وبعدها قالت : مين ؟
 تامر : انا تامر 
 مسحت دموعها ومفجوووووعه من اتصاله : ايش فييه !
تامر وترته نبرة صوتها باين انها بتبكي : ايش بك 
 ماتدري من فين يطلعلها كل ماتبكي : ولاشي
 تامر : روان فيكي شي ؟
 ترمش بعينها بهدوء سؤاله نبرة صوته كل شي مخليها متنحه : مافيا شي
 تامر سكت وهوا عارف انها كذابه وبعدها قال بجديه : روان باب شقتك طول وقته مفتوح وانتي مو فيه لو سرلك شي قوليلي 
 ليش تقوله دا اول سؤال جا ببالها 
 تاني سؤال ليش مهتم !
زي لؤي وفجأه يختفي 
 هيا عارفه انها بدون اهل محد حيطالع فيها باأكتر من نظره وحده مسكينه 
 او زي لؤي وحده كآنت تضحكه تغيرلو جوو وبنفس الوقت وقف معاها لأنو طيب
 ليش تفتح لنفسها مجال تنحط مرا تانيه بدا الموقف
 تخلي الناس يجرحوها ويمشو وكأنو ماسو شي :
لما طول سكوتاتها ناداها بااستغراب : روان ؟
 روان : نعم 
 تامر بهدوء : ايش بك ؟
 روان : انا مافيا شي انتا اللي ايش بك 
 وترته بالسؤال مافهمها بس اسلوبها وهيا تسئل وتره : مافهمتك !
رجعت شعرها ورا اذنها : خلاص
 تامر : انتي كويسا ؟
 ماتباااه يسئل ماتبا تجااوب 
 ولاردت 
 تامر : روان !!!!!!
روان بهجوميـه وبصوت وحده تبا تبكي : مابى اجاوبك
 على بالها كدا جرحتو ولا قهرتو 
 حزززززززن عليها وهيا متنرفزه 
 بنفس الاسلوب الهادي : ليش 
 روان تقدر تقفل لو معصبه بس ماتبى تقفل تقدر تكون عندها ردة فعل اقوى بس اختارت 
 انها تتكلم : بس انا حره
 تامر : مو قلتيلي كل مازعلتي تبي تكلميني عشان امدحك 
 روان جالسه على الكرسي وماحست بنفسها وهيا تحرك رجلها على الارض وتتكلم بقهر : ايوا عشان اسير دايما اكلمك وبعدين فجأه تختفي زي البقيه لييييش _ اتكلمت بااسلوب وحده بتشردح _ عشششان انا ماعندي اهل عادي الواحد يستهبل على رااسي 
 تامر ضحك : مين مزعلك 
 روان اتنرفت : مابقول شي يضحك 
 تامر : مابضحك على كلامك 
 روان : اجل !
تامر : اسلوبك بالكلام وانتي معصبه حلو
 انكتتتتتتتتتتتمت 
 طبعا بالجوال ياخد راحتو ماحيشوف نظراتها اللي توتره 
 حركاتها اللي تربكه 
 وجهها مع انها تبا تبـكي بس اتلخبطت مشاعر تانيه 
 بلعت ريقها وقالت باارتباك : لاتستهبل عليا 
 تامر بنفس هدوئـه: مابستهبل
 روان قلبها سار يدق بسرعه 
 خافت من دا الشعور
 ايوا ماتبى تحسو 
 ماتبى تكون ضعيفه بيوم 
 خاففففت بشكل مو طبيعي : ليش بتتصل عليا 
 تامر : قلقتيني
 نزلت دموعها مع الكلمـه 
 فجأه اتحولت الطفله اللي تبا احد يهتم فيها 
 رفعت يدها التانيه كعادتها وتمررها على شفايفها 
 وصلته صوت شهقاتها الهاديه 
 بنفس الهدوء قلها : روان ايش بك
 روان : لاتعاملني زي كدا
 تامر مافهم : كيف بعاملك 
 روان تبكي وتتكلم : انك بتسئل عني وتهتم 
 تاممر سكتتتت ماعرف ايش يجاوب ومافهم ايش مقصدها 
 صوت بكاها بس هوا اللي سامعه قال بعد صمت : ليش ؟
 روآن بجرئتها وبصوتها اللي يبكي: بعدين حتعود عليك وحتحرقلي قلبي لو ماسرت تسئل
 بتتكلم بشكل عآم 
 البنات اللي كآنت تحبهم وشردو 
 وبعدها البنات اللي اتمسكو 
 جآسم اللي كآن سيئ معاهم مآكنت تبا تسيبو بسهوله لين ماهديل سحبتها 
 دا طبعها وماتتحمل احد تآني يقهرها ..
اما هوآ موقفــــه ضعيف
 بين انو يرد 
 وبين انو يسكت 
 مايبى يلعب عليها 
 مو حاسس انو بيلعب عليها بس دا تامر 
 دا العاقل 
 دي البنت في ايش مرت بحياتها 
 مايعرف شي عنها !
اوك معجب ومتجنن عليها 
 عارف انو متجنننننننن واكله مخو 
 بس برضوو هوا مو حق حب وبلاهات 
 هوا لو اهتم بيفكر بحاجه تآنيه 
 لو ادى كلمه دحين يخاف انو مايقدر يرجع لورى 
 وبنفس الوقت صوتها لساتها بتبـكي
 قاعد لوحدو بالغرفه وحاتط الجوال بااذنو ويسمعلها تبكي 
 والف تحليل في ثووواني يجي براااسه 
 الف رد الف تعليق 
 ايش ايش يقووول مو عارف 
 لين ماتكلمت هيا : خلاص لاعاد تتصل مـ
 قاطعها : اصبري
 قلببببه يدق بطريقه مجنونه ..مرر لسانه على شفايفه ...وقف وهوا مايبى ينطقها 
 ماااايبى 
 بس حزنآآآن عليها 
 مو قادر مايقولها 
 مايبى يفكر ببكرا :..غمض عينه وقال بكل تردد : ومين قال اني ماحسير اسئل
 مغمض عينه لسى ومايبى يفككر مايبى خلاص اي فكره تجي بااله 
 مايبى عقله يوديه لأي مكآن 
 عارف انو حيخليه يروح لطريق بعيد عنها 
 بس قلبه قااااعد يسحبببو ليها وبقووه 
 بدأ يخف صوت بكاها فتح عينه وجلس على السرير 
 تهدى بسرعه 
 كيف مايتجنن عليها 
 قالت بعد لحظه صمت : ليش اتصلت 
 تامر فوضى جوته حاليا : باب شقتك وانتي مو فيه وبتصل مابتردي
 روان رجعت سكتت 
 تامر : فينك
 روان مو عارفه ليش متوتره تمسح دموعها اللي بطرف عينها وتهرج : عند بشار
 تامر : سامع صوت سياررات 
 روان : ايوا خرجت شويا امشي وراجعتلو 
 تامر :طيب مين مزعلك 
 ابتسمت تحب دي الجمله منو تحس نفسها تخليه يلطش اللي يزعلوها : محد زعلني
 تامر ضحك : حنرجع لموال اول 
 روان تحرك رجلها بااحراج ووجهها محمر : هههههه ايوا 
 تامربجديه : شوفي انا ساحب على خطيب اختي برا بسببك
 روان زادت ابتسامتها كدا انبسطت من الجمله مع انو وجهها كلو اثار البكى : ترف انخطبت ؟
 تامر عقد حواجبه : لا اختي التانيه 
 روان : ماكنت ادري انو 
 تامر قاطعها : لاتغيري الموضوع وقوليلي ايش بك 
 روان : ولاشي موضوع تافه بس قهرني
 تامر : اللي هوا ؟
 روان : اني سرت مبسوطه انو عندي اخ واحسه مو مهتم مدري ولا مع مشاكله ولا انا سرت حساسه يعني اكيد ماحيهتم وحيعاملني زي اختو التانيه ..انا اصلا بلهه ومابطل الطبع دا 
 تامر : طبع ايش ؟
 روان : اني اتعلق باأي احد
 تامر : عشانك طيبه 
 روان : عممرها ماكانت الطيبه بلاهه 
 تامر : لو بلهه ماكان كلمتك لدحين 
 روان : هههههههه مدري والله استحي ولا ايش اسوي
 تامر : ههههههههه _ دوبو بيهرج الا تميم فتح الباب وتامر عقد حوآجبه _ ايش جابك !
روان ماستوعبت : ها !
تميم جا لعندو : بطاقتي حق الصرافه فيها مشكله ابا بطاقتك 
 تامر : طيب جيب محفظتي 
 روان ساكتـه 
 تميم راح لمكتبه وتااامر ساكت 
 عرف تميم انو بيكلمها 
 ولا ماحيسكت ويستناه يخرج 
 جاب المحفظه وادالو هيا : مين بتكلم 
 تامر ماسك الجوال بكتفو ويفك محفظتو : أنور
 تميم وسع عينه : ههاااتو يااشيخ اباه ف هرررجه
 تامر رفع عدسه عينه : بعددين مو وقتك 
 تميم : دقيقه بس 
 تامر حط المحفظه على السرير ومد البطاقه : خددد بقولك بعددين 
 تميم خلاص عرف انو مو انور اخد البطاقه وضحك : سلملي بس عليه 
 وخررج وتامر رافع حوآجبه وماقدر يعلق عشان روان : ايوا هلا
 روان : ههههههههه ايوا ياكذاب
 تامر ابتسم : ايش تبي
 روان : ليش ماتقلو الصراحه 
 تامر بااستغراب : اقلو اني بكلم وحده ؟
 روان : ايش فيها !
تامر : هههههههه والله مو عارف ارد بس خلينا نتناقش بدا الموضوع بوقت تاني لأنو اهلي برا مجتمعين 
 روان : طيب
 تامر : اهم شي انتي دحين لاتزعلي نفسك طيب ؟
 روان ابتسمت وحركت راسـها وكأنه شايفها : طيب
 تامر : انتبهي على نفسك 
 روان بنفس التناحه والرد : طيب
 تامر : مع سلامه 
 قفـلأت منو كآنت منهاااره 
 كآنت مخنوووقه 
 بس كدا تحس فيه شي ريحها شويه 
 في شي يخليها دحين تقدر تطـلع 


 آمآ فووق مخليتو يبـكي وبعدها بعدت جسمها عنو رفعت اياديها وتمررها على وجهه و تمسح دموعه
: كل شي حيعدي كل شي ياعمري
 تقولها وهيا بجد محتاجه دي الجملـه 
 التلاته ضايعين التلاته كل وآحد بوجـع 
 مسكت يدو وخرجتو للصاله وجلسه على الكنبه سند جسمو وراسه على الكنبه وغمض عينه 
 يحس بصددداع مو طبيعي 
 اما هديل تمرر يدو على شعره وساكتـه 
 مافي كلام ينقآل 
 لين مادق جواله قامت وراحت اخدتو وجات جمبه : حبيبي مامتك من الصباح بتتصل 
 شد على عينه وزفر بضيـق اخر حاجه يبا يسويها انو يكلم امه 
 اكتر حآجه تخليه ضعيف عدل جلستـه واخد الجوال منها 
 رد وهوا بيحاول يعدل صوته : هلا ياأمي
 على طول صوتها اللي وحده على وشك الجنان : انتا فينننك من الصبااح 
 بشار : نسيت جوالي في البيت وروحت عند عمي
: حراام عليك والله العظيم جننتني 
 سكت وقال بالقوه : معليش
 جلست وجسمها يتنآفض : ماحتجي
 بشار : الا شويا جاي
: فيك شي 
 بشار نزلت دموعه كلمتين ماقدر يقاومها بصوت امه : لا ياقلبي
 بخوف : بشار فيك شي ؟
 بشار بعد الجوال وبكي وهديل مررت يدها على ذراعه رجع الجوال : لا ياأمي انا في المكتب شويا جيك
 ماصدق قفل وهديل اخدت الجوال منو : كيف حتروحلها وانتا كدا
 بشار مرر يدو على عينه : لو ماروحت حتعرف انو فيه شي _ وقف _ حروح استحمى واتجهز _ 
ومشي على طول وهيا جالسه مكآنها 
 ماتباه يروح لوحدو 
 هوآ دخل غرفته وقفل الباب للمرا التآنيه وروان دخلت اتووجهت لهديل : فينو 
 هديل :دخل يلبس رايح لأمه 
 روان : دحين !!!
هديل رفعت كتفها : ايش حقلو 
 روان جلست : والاتنين سكتو 
 واول ماجا شكل الولد في بال روان اتقشعر جسمها وغمضت عينها تباه يخرج من راسها 
 هديل : ايش بك 
 روان : اتذكرت شكل الولد 
 دخل استحمــى وقف تحت المويآ الدآفيييه لفتتتره وغمض عينه 
 يبا يرتاح شويا يبا يروح لأمه ويطمنها مو يخليها تقلق زياده ..
للبس بلوزه بنيـه وجينز وخرج وهما يطالعو فيـه جا لعندهم : سميه 
: نعم 
 جلس وكآنت هيا في النص وبعدها هديل : بكرا محاكمه ابويآ
 مايدري ليش رجع يناديه ابويا بس خلاص مو بعقلو يفصل الاسم دحين 
 روان مافهمت : ايش يعني
 بشار : يعني حنروح الصباح خليكي هنا اليوم 
 روان مرا انفجعت لسانها تقيل ماعرفت تنطق ومن بين صدمتها فجأه بشار مسك يدها : ايش داا
 طالعت بتناحه بيدها المجروحه وبعدين فيه وماعرفت تتكلم 
 كل اللي في راسها كلام جلال 
 بكرا حتقولو !!!!
بشار بصوت فوقها وهوا ماسك يدها : سممميه 
: ها 
: انتي اتضاربتي مع احد !!!
روان تطالع في يدها واشرت براسها : ايوا 
 هديل :روان كم مرا اقولك لاتتضاربي مع احد 
 كل واحد بيناديها باإسم 
 الاتنين بيهزأوها عشان خايفين عليها 
 روان سحبت يدها : خلاص موضوع وسار 
 بشااار ولع طالع فيها ماعرف ايش يتكلم وقف ومــشي لنص الصاله رجع مرا تانيه وقف قدامها ورفع صباعه بتهديد : والله لو عرفت انك اتمشكلتي مع احددد بعد كد ياووويلك 
 روان تمرر يدها على الاجراح ونزلت راسها قالت بصوت يادوب طلع : مالك صلاح 
 مرر لسانه على اسنانه حررركته لما يتننرفز وكأنه نااقصها 
 مرا مقهور من شكل يدها 
 هديل قربت منها وبهدوء تهرج : توجعك يدك 
 روان اشرت براسها : لا 
 هديل : ايش سار
 روان : اتضارب مع واحد 
 بشار كان مااشي بس كلمه واحد جننته زيااده : اايش !! _ اشر على يدها _ رجال اللي سوا فيكي كدا
 هديل تباه يخرج خلاص ماتباه يسمع شي تاني 
 روان طالعت فيه : خلاص انتا مالك صلااح 
 هديل مفجوعه من رد روان 
 بشار بنرفززه وبالقوه خرجت الكلمات منو : مين دا
 روان : مالك صلاااح
 بشااار كآن حيمسكها من يدها ويقومها ويخليها تتكلم بالقوه 
 الا هديل قامت مفجوعه ووقفت بينهم :بشاااار ايش بكك
 بشار : عهووود بعددي
 هديل رفعت اياديها : خلاص ياعمري روح لمامتك _ همستلو _ انا اتفاهم معاها
 روآن وقفت وبعدت ضمت يدها تحت صدرها وماقدرت ماتتكلم : مسوي دحين فيها الاخ اللي بتدافع مو امس وانتا خارج بلحقك زي الهبله وانتا صرخت عليا وقلتلي انتتي ايش لك فياا 
 هديل تطالع فيها وشايفه انو مو وقت الجدااال
 بس محد عارف روان ايش بتمر ... 
بشار : اهاا تبيني اقولك يعني _ اشر على هدديل _ اتصلت عليا تبكي واخوفك معايا _ اشر على يدها _ لما ارجع حتفاهم معاكي
 وسححب مفاتيح سيارته وجواله وخــرج قفل الباب باأقوى ماعندو .. 
قدآمه مشااااوير يروح يجيب سيارته من اخر الدنيا ويرجع يروح لأمه 
 وحيروح يشتري للبس لروان لأنو ملاحظ انها مابتلبس غير اللي عليها 
 بكرة محاكمه ابوه 
 دي لوحدها الجمله راعبتـه 
 روان مو مستوعبه ايش مستنيها هنآك
 روآن مو داريه انو الخبر دا حينكتب عنو بكل مكآن 



 بـرآء .. ×
جآلس مع اهله اللي بيتكلمو عن العريس اللي جآي لرشآ
 واخر همه الموضوع 
 قام وخرج جلس في مكآنه المعتآد قبال المسبـح وخرج بكت الدخآن 
 امه وابوه مايخلوه يدحن وسط البييت 
 او هوآ بالاصح كمان ينكسف يدخن قدآمهم فايضطر يخرج 
 ومابين استكنآنه بسجارته اتصلت عليـه : ايش بتسوي
 براء : بدخن وافكر فيكي 
 ترف : هههههه طيب بلاشي تفكر وتعال نتقابل
 براء طفى سجارته : يسعدلي جوك ياشيخه 
 ترف : هههههههههههه آخواني اليوم مو فاضين فاقولي فين تبانا نتقابل وحجي
 براء : انا اجي اخدك 
 ترف بردة فعل سريعه : لا مالو داعي انا حجيك قولي فين 
 براء : طيب .. 

واتجهزت ولأول مرا تلبس زي كدا من يوم سامي ماراح واتمكيجت 
 وشالت شنطتها وخرجت 
 اخدتلها سياره واتوجهت للمكآن 
 مايبى يجلس في مكآن يبى يمشي وهيا جمبـه 
 اشترت قهوتها وهوا اخدلو عصيـر ومشيـو جمب بعض .. 
براء طالع فيها : احسك كأنك بنتي 
 ترف : هههههههههه المرا التانيه حلبس كعب 
 براء :احبك كدا صصغيره 
 ترف وجهها حمر : عشان برستيجي بس 
 براء : ههههههه همك نظرة الناس وماهمتك نظرتي 
 ترف تقرب المصاص لفمها وتشرب وهيا تطال قدامها وهوا داير راسه ويطالع فيها : لاتردي
 ترف بعدت المصاص وضحكت 
 براء : والله وحشتني ضحكتك وغمازاتك
 ترف وججها محمر مو عارفه ايش بو جااي فااصل
 من كتر ماسحبت عليه ويستنا مكالماتها وهيا بعالم تاني 
 بس خلاص مع ميسا اتعلم الصبر يمكن دا الشي اللي خرجو بفايده من علاقتها معاه
 ترف : ان شالله يومين وحرجع للدوآم 
 براء يقلد نفس نبرتها : ان شالله يومين وتديني رقم تامر وترحمي اهل ابو ابو جد اممممي
 قالها بااسلوب واحد وصلــتت معاه للنهايه 
 ترف : هههههههههههههههه
 براء : اضحكي اضحكي والله خلاص نفسيتي ماتستحمل اكتر
 ترف مو قادره تعلق من الموضوع 
 براء اختفت ابتسامتـه : ترف
 طالعت فيه من غير ماترد 
 براء : انتي عارفه انو فيه موضوع مستنيه منك 
 ترف حركت راسها ورفعت المصاص لفمها تخفي توترها .. 
براء : مو قصدي تفتحيه دحين بس انا كمان عندي موضوع اكلمك فيه 
 طالعت فيه ترف وهوا هنا شتت نظره : انا اخترت مكآن نمشي فيه عشان مابا اطالع فيكي وانا اهرج
 مرا اتوترت اتوقعت موضوع يخصها 
 براء : اليوم اللي تتصلي عليا فيه وتقوليلي ايش سار معاكي انا وقتها حعرف انك تبيني وراضيه فيا 
 كدا الموضوع مايخصها !!!
قلبها يدق مرا بسرعه : ايش فيه 
 براء : انتي في النهآيـه حتتمني انو يكون طفـل وانا ماقدر احرمك من دا الاحساس 
 ترف شدت على حبل شنطتها وطالعت قدآمها وهوا كمل : اذا رضيتي فيا سامي حيكون ولدك الوحيـد
 ماععععرف يجيب الجمله بطريقه تآنيه 
 اصلا انو يقول موضوع زي كدآ شي تقييييييييييل على قلبه 
 تقيــل لدرجه انو تهيــن رجولته 
 لكن مايقدر يضحك عليها مايقدر بعد ماترضى فيـه يقولها المرض اللي عندهـ 
 لحظــه صمــت ... 


 طفوله ملوثه بالواقع 

 اتحجبت عند باب الشقـه وعدي باس راس امها وهيا سلمت على يد امها وخرجت 
 واول مانزلت الدرج وسعت عينها : قللللللللللللللبي
 عدي : هههههههههههههههه شوفتي امك بنفسها خرجتك 
 لمى شاده على يده : والله قلبي كآن حيخرج احسها حتسحبني من طرحتي باأي لحظه 
 عدي بس اتخيل شكلها مات ضحك : هبله انتي هههههههههههه 
 لمى قربت منو اكتر وهيا تمشي : مدري كدا حسيت المهم من فين حنروح نشتري
 عدي رفع حوآجبه : رايحين لأهلي
 لمى وقفت مشي : ايش !
عدي : اهلي يبو يشوفوكي
 لمى رجعت لورا وتبا تطالع البيت وهوا مسكها : فيننن 
 لمى : مع نفسك مو رايحه 
 عدي : ههههههههه مو على كيفك ياعمري
 لمى وسعت عينها : عددي والله عيب 
 عدي سحبها من يدها : اممشي 
 لمى تسحب يدها : ماااحرووح 
 عدي : طططيب انا اوريكي _ شااالها وهيا تبا تصرخ وخايفه الجيران يخرجو سارت تهممس بعصبيه _ عدددي نزلني 
 عدي : ههههههه مو انا اللي تقوليلي لا
 لمى حطت راسها على كتفهه : امااانه عدي لحد يشووفني
 عد : مافي احد _ حاتط يده اليمين تحت رجولها والتانيه تحت ظهرها _ يسعدها الريشه حقتي 
 لمى : ههههههههههه
 بس وصلو لباب العماره نزلها وطالع فيها : حتمشي للسياره ولا كيف 
 لمى تعدل طرحتها: طيب حمشي 
 عدي : ماتجي الا بالعين الحمرا 
 لمى : والله مستحيه 
 عدي فتحلها باب السياره : والله اهلي كيوت حتحبيهم 






 بشـآر وصل لأمه بيحاول يكون طبيعي قد مايقدر 
 سئلتو الف مرا ايش بــك وكل اللي يقوله تعبان ومضغوط في العمل
 وهوا اساسآ ولايشتغل ...جلست معاه وبعدها بكيـت 
 سارت تشتكيلو من الناس ومن كلام الناس ومن الكلام اللي بيترسل على جاسم وعلى بنتها 
 بس مو حارقها الكلام الي على جاسم حاااقده عليـه وكارهته 
 بس بنتهااا 
 يسمعلها ونفسه هوا اللي يشتكيلها نفسه هوا اللي يبكي وتحضنه 
 بس حضنها وباس راسها وبكيــت زي كل مرا يجلس فيها معاها 
 يسمعلها يسمعلها يسمعلها ويخرررج من عندها 
 جلس ساعتين على قد مايبى امه على قد ماكان يشرد من نظراتها 
 ومن كلامها 



 خلي الوقـــت يوقف لهنآ ونممممشي بســـرعه لبعد 12 ســآعه ...




وتآآمر بتوبـه الابيـض داخل اسوآر القصــر ...وسلمى تستقبـله وقف سيارته ونزل .. 
وجات بلبسها الصبـآحي الرايق : صباح الخير
: صباح النور 
 سلمى اشرتلو : قاسم يستنـآك 
 مشي معــآهآ ليـن ماوصـل لقآسم ماستقبلو جوت البيت 
 في الجلسـآت الخارجيه المظلله .. اول ماشافو قـآسم ابتسم 
 وتـآمر طالع في الرجال اللي ورا قـآسم وطبـعا كآن مسلح .. 
بس دا اللي كآن متوقع يشوفـه 
 وقف قبال قـآسم نفسه يضـربه بس مد يدو وسلم
: هلااا كيفكك 
 تامر ماسك يد قـآسم : تمام 
 كآن بيسحب يده بس تامر شد عليها 
 وهنآ قاسم عقد حوآجبه 
 خرجت كلمــآت من فم تــآمر خلت قـآسم وسلمى مايستوعبـه للحظه ايش بيقول 
: حط في راســك ابويا ساب ورا ترف رجال ياخذو بحقها ..



جالسـه في المحكمـه الاصوآت داخله في بعض لسى ماستوعبت 
 كل اللي شافته فجأه هجوم من الصحافه وهيا خارجه من السياره وبشار يمشي ويغطيها 
 انفجععععت اسئله تسمعها غررريبه 
 دموعها بعينها وكل اللي كآنت تسويه انها غمضت عينها وماسكه في بشااار 
 ودحيـن هيا جآلسه وحتقول الكلام اللي المفروض جلال حفظها هوآ 
 عشان هديل وتامر ..
وقبـل لايدخلو جآسم هنآ بشار كآن بيخرج بس طلب انو يكلم روآن 
 اتوجهلها وقرب راسه من راسها وهوا يمهسلها باأذنها : جلال ماحيقدر يسويلك شي اتكلمي انا معاكي
 بعد عنها وهيا تطالع فيه ودموعها بعينها صدرها يطلــع وينززل اشرلها براسـه 


 دقيـــقه 

 قبلـــها ب 10 سـآعات بشار ركب سيارته واخد محفظته اخيرا من البقاله 
 دوبـه بيفك المحفظه انتبه لورقه غريبه خارجه منها خرج الورقـه 
 وفكها وقرأ اول سطر 
" عمك بيهدد اختك "


نهـــآيه الفصل السابع والعشرون
 وكدا نقول باقي ثلاث فصول على نهايه الروآيــــه 




الفصـل الثـآمن والعشـرون ... 

لحظآت تمر كالأحلام 
 ضحكات ترتسم على شفتاي في كل حلـم 
 حلم اراها تضحك دون تعآسه 
 حلم اراها تتكلم دون توقف 
 وحلـم اراها تجري وتلعب كالأطفآل

 كل ماأشعر به بقربها 
 نسمآت هوآء بارده 
 وأشجآر ذات فوآكه ملونه 
 وورود ذات اورآق متفتحـه 
 أرى الدنيآ بألوان ساطعه جميله 
 اشعر بأني على غيم يدآعب أحاسيسي 
 وأني تحت تأثير شراب يجعلني أتمآيل فرحآ ... 


نــرجع 12 ســآعه وللوضــع الطبيعي .. 



في السيآره مآسك يدها وفآتح آغآني اجنبيه رايقه 
 كل شويا يطالع فيها وفي الطريـق ... 

شويآ رومنسي 
 شويـآ يضحك ويتكلم 
 وشويـآ يوترها بكلامه الجريئ 

 لين ماوقفـت سيارته قدآم كراج بيتهم .. 
وطالع فيها وابتسامه شريره مرسومه على شفايفه ونظرتو اللي قتلتها .. 
لمى ملامحها شويا وتبكي : والله ياعدي خآيفه 
 عدي : هههههههههههه احساس جميل وانا حدخل بنت على ابويا وامي 
 لمى وسعت عينها : عدددي 
 عدي فتح باب السياره :هههههههههه يلا يلا


 امـآ وسط البيت من يوم مارسلهم عدي في الوآتس 
" انا جاي مع لمى " 
محد صدقو لين ماصور وهوا ماسك يدها في السياره وكتبلهم 
" مزتي جيتكم "
هنآ عرفو انو مايمززح 
 وفجأه كنيسسس تمسييح والبخوور وكأنو البيت مو نظيف 
 وعلا تلبس وامو تلبس وابوهم جآلس بكل روقانه وسط المعمعه ديك كلها يتفرج الاخبآر
 وخرج عزآم من غرفته مو داري عن الدنيآ .. نزل وشاف ابوه وامه متشيكه وجالسه : خارجه ؟
 امه عينها على الاسوره اللي بيدها وتحاول تقفلها : انتا كالعاده مو داري عن الدنيا 
 عزآم : ايش فيه ؟
 امه : عدي ولمى جآيين 
 عزآم : اوه ماشالله 
 ابوه : انتا فين رايح 
 عزآم : لطلال 
 ابوه : كيفو ابوه 
 عزآم : لساته في المستشفى 
 ابوه : الله يشفيه 
 امه : مو وقتك تخرج دحين خليك معانا 
 عزآم : ياأمي الولد برا يستناني له يومين يباني اجي اساعده
 امه : طيب انتبه على نفسك 


 في الحــوش .. 

عدي مسك يدها ويسحبها وهيا شاده جسمها : مااابى بطلت 
 وجهها محمر وقلبها يدق بسرعه وتبا تبكي من كتر مو مستحيه 
 عدي ساب يدها وجا قدآمها : اووووف ياالمى ليا ساعه اطمنك في السياره
 لمى تطالع بعينه وشويا وتترجاه : واطمنت بس خوفت تاني 
 عدي : والله اهلي كائنات لطيفه والله ماحيسولك شي 
 مسك يددها وطلع الدرجتين بالقوه ودوبه بيفتح الباي الا سحبت يدها تاني 
 ودموعها بعينها : واللله قلبي حيوقف 
 عدي مسك وجهها باأيآديه الاتنين : حبيبي والله ماحيسير شي بس بيتعرفو عليكي
 لمى : ماابى احد يتعرف عليا ابا ارجع 
 عدي : هههههههههه 
 لمى بجديه :عدي ماأمزح ابا ارجع 
 عدي قرب وحضنها ويتكلم بهدوء : كيف تخآفي وانتي معايا 
 لمى : مستحيه مو خايفه 
 عدي : شوفي وعد لو شوفتيهم وماحسيتي انك مرتاحه بس كلميني وانا حخرجك بس اباكي تسلمي عليهم دحين طيب ؟
 وقبـل لاترد عدي حاضنها ويمرر يدو على ظهرها وهيا عينها وجهها بناحيـه الباب 
 الا عزآم يفكك الباب ويووســع عينه بصدممه 
 رجع برده فعل سريعه يبا يقفل الباب بوجههم مدري حس انو كأنه هوا اللي داخل عليهم 
 الا مسك الباب التآني 
 موقفه غغغغببي مو عارف ايش يسوي 
 اما عدي على طول سآب لمى ولمممى قلبها وقف اصلا عزآم وسع عينه وهيا وسعت عينها معاه 
 لمى شتت عينها وعدي مو حآسس انو كآن بيسوي شي غلط 
 بس مع ردة فعل عزآم اتربش اشر على لمى : دي لمى ودآ آخويآ عزآم
 عزآم : ااهليين 
 لمى اشرت براسها من غير ماترد مستحيه من الموقف من كل حآآجه 
 عدي مسك يدهاوقربها منو : المهم فين راايح 
 عزآم : صاحبي براا 
 وخرج على طول عززآم بعد الجمله ... 
امـآ لما ضربتو : انا حموت هنآ اليوم 
 عدي : ههههههههه امشي يادلوعتي ماحيسرلك شي 
 دخـلو وقلبها خلااااص يدق ورااا بعض 
 كل ماتقرب للأصوات اللي سامعتها كل ماتحس انها حطيح من طولها 
 شاده على يدو وبنفس الوقت مكسوفه ونفسها ماتدخل وهيا ماسكه يدو 
 بس مو قادره مع الفجعه تسيبها 
 عدي بكل صوتــه : جيييييييننناكم 
 لمىىىىى بس شافت امو وابوه جالسين كدا باان التفاجئ من وجههم 
 ولدهم دآخل وماسك وحده شعوور غريببب 
 ولدهم كبــر 
 ابوه كآن ساند جسمو بعدو بشووويش من على الكنبه 
 امه وقفتت وابتسامه اترسمت ابتسامه وحده مفجوعه وبعدها ابتسمت من قلبهاا
 اذا دي ردة فعلهم كيف لمى حتتتكون جسمها يتنآآآفض 
 تمشي لأنو ساحبها بس
 واول ماوصل لعندهم وقف وهيا وقفت سحبت يدها من يدو 
 شكلهاا يحززن باين انها تبا تبكي تبا تشرد 
 الام مدت يدها : كيف ياقلبي 
 بالقوه قربت بالقوه طلع صوتها سلمت : تمآم
 وعدي مبتسسسم ابتسسسامه واحد محد قده 
 ابوه شاف صورها بس اول مرا يشوفها قدآمه مد يدو وهيا بس مدت يدها 
 ماقدرت تقرب وتسلم مرا مستحيه وعدي حاول مايعلق عارف انها مستحيـه : كيف بس مزه صح 
 لمى طالعت فيه مفجوعه 
 امه : ههههههههه استحي على وجهك .._ مدت يدها _ هاتي عبايتك 
 تبا تجلس بالعبايه ماتبى تفسخها مستحيه من ابوه : لا عادي 
 امه بتفاجئ : وي ياابنتي اجلسي براحتك هاتي 
 عدي مد يدو ونزلها الطرحه من راسها : يلا حتخلي امي واقفه كتير 
 امه : عدددي 
 لمى خلاص هنا حتبكي مايستحي قال ايش لو مارتحتي قولليلي وانا اخرجك 
 خليه يسكت وهيا ترتاح 
 ابوه جلس وهوا يسب عدي في قلبه اول دقيقه وكدا مسوي فيها 
 لمى ويدها تتنآفض فسخت عبايتها وسحبتها طرحتها من على كتفها وادتها لأمه 
 تعدل شعرها بااحراج وجلست لما عدي سحبها ومخليها جمبـو .. 
ابوه : كيفو عدي معاكي
 لمى بااحراج طالعت في ابوه : تمآم 
 ابوه : لو طفشك يابنتي في اي حاجه قويلي وانا اخد حقك 
 عدي رفعلها حآجبه وبصوت تهديد : انا مطفشك ؟
 لمى ابتسمتلو وابوه على طول علق : على اساس حتتكلم كدا 
 عدي :هههههه والله لو تدري ايش سوتلي قبل لاندخل
 لمى بصوت وآطي : عدددي
 عدي ولا كأنه سامعها : طول الطريق انا مستحيه وتبا تبكي وايش ماأقلها مو راضيه تقتنع 
 امه دخلت وجلست : هههههههههه من ايش تستحي ترا احنا كلنا هادين وف حالنا بس دا اللي جمبك مدري من فين جآي 
 لمى : ههههههه
 عدي : ههههههههههه لله يسعدك ياأمي 
 امه : ههههههه بقولها عشان لاتتفاجئ فيك 
 عدي : مو مشكله انا اعرف اعبر عن نفسي فينـ
 ولسى دوبه بيسئل عن علا الا وهيا نازله من الدرج واول ماجات لعندهم ابتسمت من قلبها : اهلييين 
 لمى وقفت وسلمت عليها على نفس ابسماتها البسيطه 
 ججلست علا ومضيقه على عينها تبا تضحك : ينااسو اخويآ كبر
 مشــي الوقت وهيا تسمعهم يضحكو يتكلمـو حاسه ببساطتهم بس لساتها متوتره 
 علا :لمى بس خلصي جامعه وتعالي اشتغل انا وانتي 
 عدي حط يدو حولين لمى وقربها منه: مرتي ماشتغل تحت احد 
 لمى منحرجعه من حركتو قدآم اهلو وماعلقت 
 علا وسعت عينها : شراااكه ماتشتغل تحت احد وبعدين هيا فنانه ماشالله 
 عدي : برضو تفتح صالونها الخاص ناقصني يد ولا رجل عشا
 علا قاطعته : انتا اشلك انا بتكلم مع البنت 
 لمى : ههههههه
 عدي طالع في لمى : تبي تشتغلي معاها ؟ 
 وقبل لاتعلق طالع في علا : لا برضو 
 علا : برضو مالك رايي لو وافقت هيا حنشتغل مع بعض 
 عدي طالع في لمى : لموشتي تقدري تسوي شي يزعلني ؟
 لمى تبا تدفن نفسها فمكانها وخلاص 
 المفروض ايش تعلق تقول لا وكأنها كدا تتغزل فيه قدآم اهله 
 ولا تقول ايوا عشانن لاتحرج اختو وبنفس الوقت حيكون اسلوبها مو حلوو 
 ورحمها ابوه من التعليق لما اتكلم : حتتضاربو والبنت بينكم 
 علا : والله مستفز ههههههههه
 عدي : يااخي حر مرتتتي _ وقف واشر للمى _ شوويا حنجييكم 
 امه : على فين 
 عدي : بطلعها فووق ابا اوريها كدا شغله _ اشر بيدو تاني _ يلا قومي 
 وقفت بااحراج وهيا تعدل بلوزتها 
 وامه وابوووه ماعلقووووو موديها فووق لغرف النوم !!
يمشي معاها في البيت وطلعو لفوق وعلا على طول طالعت فيهم : نعم انتو ساكتين !


امـآ عدي بيطلع الدرج وبيكلمها : ها بعدتك شايفك متوتره 
 لمى : شويا مكسوفه من بابتك 
 عدي :لاتكبري الموضوع خدي راحتك 
 لمى : طيبين حبيتهم بس استنى عليا 
 بس وصلـو للأربعه الغرف اللي فوق ... وهيا مو مستوعبه فين موديها 
 فتح بآب غرفتـه ودخل : دي غرفتي شغل التكيف وبعدها راح للدولاب اللي قبال السرير 
 ومحطوط غليه البلاستيشن .. شغل الشاشه المعلقه وواخد اليد وضغط عليها واشتغل البلاستيشن
: تعاالي 
 مدلها يد البلاستيشن التـآنيه : تعالي نلعب
 لمى طالعت وراها وبعدين : هههههه من جدك 
 عدي اتربع على طرف سريره : فيفا ؟
 لمى دخلت بخطوات متردده : طيب 
 جلست على طرف السرير ومنزله رجلها وجالسه جلسه كيوتيـه لسىىى : ترا ماعرف اللعب 
 عدي : اعلمك ياقلبي 
 لمى : ههههههه جايبني بيتك عشان نلعب 
 عدي : امنية حياتي بنت تلعب معايا 
 لمى : هههههههههههههههههه
 عدي : والله بجد من وانا صغير اقول للكل لما اتزوج حخلي مرتي مدمنه بلاي ستيشن زيي
 لمى : انا اطفش بسرعه 
 عدي : انا اعرف ااثر عليكي مو مشكله 
 وكآآنت ربــع ساعه وبدأت لمى تتربع زيــو 
 وزآدت ربـع ساعه وهوا وقــف بحمـآس وبعدها هيا وقفت 
: لللممممى لااا 
 لمى شويا وتدخل في الشاشه وتضغط بسررعه : ههههه حددددخل هدددف
 عدي دفها بكتفو : اهههجدي
 لمى : ههههههه ياغشااااش بعد 
 ودخلت هدددف وعدي صرررخ بصوووته : لااااااااااا
 ولمى ضحكت من قلببها : ههههههههههه دي بدايتها كدا 
 عدي : ههههههههه طيب ياالمى والله ماحترجعي بيتك الا وانا فاايز عليكي
 لمى بااستهزاء رفعت كتفها : نشوف 
 عدي رفع حآجبه : يووولد طيببب _ طالع في الشـآشه _ يلاا يااامزتي 
 والاتنين ســآرو واقفين ومايبو يجلسو 
 وفجأه ساار يمشي في الغرفه بااتجاه الباب وعينو على الباب 
 لمى طالعت فيه ورجعت طالعت في الشاشه بسرعه : فين راايح 
 عدي : اصبري _ وقف عند الباب وصرخ بكل صوته _ نااااانااااا نااااانااا 


 طبـعا وصلهم صوتـه لتحت ... 
علا : لاحول ولاقوة الا بلله دا مايستحي 
 امه : روحيلو يااشيخه الآدميه بتكوي تحت 
 علا وقفت : طيب 
 طلعت علاا لين ماوصلت واتفاجئت لما شافتهم يلعبو بلاستيشن لمى على طول جلست 
 عدي بدون مايطالع في علا : جيبيلنا شي باارد نشربو 
 علا رمشت عينها ورا بعض وخرجت بهدوء بتحاول تكون كيوت عشان مرته فيـه 
 ودوبها نزلت في نص الدرج سمعت عدي : ههههههههه لللمى والله لأأقتتتلك _ وزاد صوتو بنرفزه _ لمممى اهجدي 
 لمى : هههههههههههه حكسرر رااسك 

 رجعت كمللت نزول الدرج وراحت لأمها وابوها تأشر على فوق : الاتنين مجانين قاعدين يلعبو بلايستيشن 
 علا ولؤؤؤؤؤي جوووهم غيـــر مرا غيــر ... 
امه: ههههههه لا يااشيخه 
 علا : والله قومي بلله اوقفي عند الدرج وانتي تسمعي اصواتهم 
 ثوواني امه قاامت وراحت وقفــت وماكآنت سامعه شي وبعدها صرخة عدي وصلها : تتتتتتقوليلي ماتعرفي تلعبببي هاا
 لمى : هههههههههههه كنت اللعب مع تميم وتامر بعض الاحيان

 امـه رجعت لأبوه : ههههههه الله يسعدهم 
 علا صبتلهم عصيـر وحطتلهم وخـرجت وعدي بس خلصو اول قيـم قفل بآب غرفتـه 
 وجلس هوا وياها بروآآآآق حق سـآعه وبعدين نزلو .. 

ولمى اللي معاه غير اللي مع الكـل ..اول مانزلت رجع الارتبآك اللي فيها 
 بس ماطولت مشيـو على طول .. بس خرجوالحوش مسك يدها وجابها قدآمه : تبي تجننيني ؟
 لمى ابتسمت بااحراج : ايش بك 
 عدي طالع بعينها بعدها ابتسم باس جبينها : ولاشي _ سكت شويا وبعدها قال _اعرفي اني مبسوط لأنك جلستي مع اهلي
 لمى : وانا كمان انبسطت 
 عدي رفع يده بيحركها على رموشها الا هيا غمضت عينها وبعدت راسها : ايش بك 
 عدي كدا وااحد هيماااان : احب رموشك ماشالله مرا كتير وطويله
 لمى : هههههههه ايش بك 
 عدي رفع اكتافه الاتنين وعارف انو فاااصل " مدري بس مرا احبك 
 لمى وجهها محمر قالت بالقوه : وانا كمآن
 عدي ضحك كدا بهدوووء : تحبيني ؟
 لمى زادت ابتسامتها واشرت براسها بدون ماتتكلم 
 عدي بنفس صوتـه اللي ماتسمعه الا فين وفييين داك الهااادي الراايق اللي ياخدها لعالم تآني : وربي حاسد نفسي عليكي احس اني في نعمه واخاف ف يوم تروح مني 
 لمى يمكن خوفها من دا الاحساس اضعاف اضعافه لأنو حياتها كلها عباره 
 عن خوف قلق توتر امــآ دحين راااحه راااحه ضحك راااحه لو تكرر كلمه رااحه مليون مرا ماحتوقف
 ماعرفت ايش تعلق ماعرفت ا يش تقول قربت وحضنتو وقاللت لأول مرا : احبك 
 كآنت تبا تعبر وتتكلم 
 الا انفتح باب الشـآرع ودخل عزآم ورجع خررج بسررعه 
 لمى بعدت مفجووعه وعدددي بنرفززه اتكلم بصووت عااالي : ايش تتتتتباااا نععععم نعععععععععععم
 عزآم بس سمع صوت عدي شــرد سار يمشي على الرصيــف ويبا يبعد من البيـت 
 لمى دفت عدي : اوصصص ايش بكك
 عدي كآن عااايش في عالم تآني : طالعلي من كل مكااان

 لمى لساتها مفجوعه بس لاشعوريا ضحكت على عدي : مو من جدك 
 عدي : اممشي يااشيخه امك تستناكي نكد على ابو جووي
 لمى رفعت يدها على فمها وتضضضحك وبجددد عدي متنرفزز 
 حوآجبه عقدت جآيه تخرج الا اشرتلو بااحراج : فيه اخوك ؟
 عدي طالع في الشارع :لا 
 لمى خرجت فتحلها باب السياره وركبت وراح شغل السياره وحركـه ...
لمى تطالع فيه : عددي 
 عدي : ها
 لمى : ههههههههههههههه خلاااص 
 عدي : والله منرفزني 
 لمى : ههههه كمان هوا الغلطان 
 عدي : والله مدري مين الغلطان بس مستفزني 
 لمى ابتسمتلو وطالعت في يدها اللي في النص وبعدين فيه 
 وهوا زيها بتناآحه طالع في يدها وبعدين في الطريـق 
 لسى بيعللق بس ضحكك ورجع مسك يدها : فهمتتك 
 لمى : هههههه ايش حقول لماما 
 عدي : حنقولها مالقينا شي دخل مزآجنا
 لمى : لنا ساعتين 
 عدي : ماعليكي انا حطلع واكلمها حسبسب في كل المحلات لو ماخليتها تحزن علينا ماكون عدي 
 لمى : هههههههههه 


 وطلــع عدي وقلها انه اكتر مرا مشي في حياته اليـوم 
 وانو لمى اتمرمطت معاه وانو المرآ الجيه يبوها تجي معاهم عشان ياخدو بزوقها 
 ونززل بعد ماتأكد انو امها ماحتعصب عليـها .. 

اختــها في وضـع تآني 
 ف وضـع انه صعب ماتاخد قرارها بدي اللحظـه 
 يباها تفكـر بس التفكير تحس انها اهانه له 
 هوآ اعترفلها بحبه وماكآن فاهم قصتها 
 ومآزال واقف حاليا معاها وبرضو مو عارف تفاصيل قصتها 
 كفتـه كلمه انا مظلومـه 
 واخوانها ماكفتهم 
 وقف جمبها ف وقت ماكآنت لاقيـه احد 
 حاول يسمعها واقرب النآس ليها ماسمعوها 
 بعد اللي عانته في حيآتها كلها اكيـد حتشتري الانسان اللي يثق فيها عن مليون شي تآني
 دقآيق بسيطه عايشه بصرااع يمشو حولين النآس 
 بس كأنهم في عآلم لوحدهم 
 كآنت مآسكه الكوب باأياديها الاتنين 
 نزلت يدها اليسـآر اللي نآحيته 
 ومسكت يدو 

 امـآ هوآ كآن الف احساس جوتـه وكلها اشياء توجعه 
 الكلمه مو سهله 
 على انه ماطول صمتها بس حس الوقت تقيــل
 مو عارف ايش يقول يغير الموضوع هوا قلها فكري ويحقلها تفـكر و المفـ
 وف نص مواضيعه فجأه حس بيدها البارده وفجأه شدت على يدو دار راسه وهيا تطالع قدآمها
 وغمازتها بارزه 
 قلبـــه يدددق بسـرعه 
 ردها كآن بصمـت 
 بحركه بسيطه 
 بس برضو ماستوعب 
 مانزلت عينه من عليها : ترف 
 كآنت بتسحب يدها الا هوا مسكها 
 ماتبى تطالع فيـه عارفه انها جريئه 
 بس ماتحب تشوفه نآقص 
 ماتباه يفكر ف نفسه انو ناقصه شي 
 ماحتفكر في الموضوع وتجرحه 
 وقـف مشي بس ماساب يدها جآ قدآمها : اباكي تفكري لا
 اشرت براسها وقاطعته : ماحيتغير جوابي 
 براء ماحيتحمل في يوم يشوف بعينها نظره تكسرو 
 نظرة انها تبا اطفال يحسها حنونه وماحيقدر يديها دا الشي : برضو فكري يوم يومين حستنآكي
 ترف قلبها يدق بجنون تطالع فيه ونظرتو وهوا يطلب منها انها تفكر قاهرتها 
 ماتخيلت تشوفو فيوم كدا عارفه انها تحبـه : طول عمري افكر ف كل حآجه قبل لاأسويها الا دا الشي عارفه جوآبي من غير مافكر 
 براء عينه بعينها ونفسه برضو ماترد عليه دحين 
 من كتر مايحبها محروق انو حيحرمها من الاطفـآل
 خآيف من اللحظه اللي يشوف بعينها ديك النظره اللي شافها بعين ميسآ
 سحبت يدو ومشيت تآني وهوا يمشي جمبـها قطعت تفكييره بكلامها وهيا تنهي الموضوع : مني عارفه ايش ممكن يسير مع اخوآني بعد مايرجع سآمي خلاص يعني حيسيرو يجوني دايما ! حتى لما يجو _ دارت راسها بتطالع فيه وهيا تكلمو الا شافتو يطالع فيها وبعدها شتت نظره _

ابتسمت : ايش بك 
 براء: ولاشي بسمعك 
 ترف : ايش كنت اقول ؟
 براء طالع فيها وبعدها ضحك لما ماعرف ايش يقول ..
ترف : هههههه من نظرتك عرفت 
 براء : ماأتخيل انو ممكن يجي يوم وتكوني ليا 
 ترف لأول مرا ماتستحي من كلامه بالعكس حاسه بتضارب ومو قادره تفهم اللي تحسه : عارف انا لدحين مو مستوعبه الموضوع كلو _ ضحكت بخجل _ مااعرف ايش الاحساسس دا احساس الحب احساس انك تعيشي وخلاص تعتمدي على رجآل دي الحياه السهله اللي يعيشوها الناس اللي حوليا وانا ماعشتها ... _ طالعت فيه _ ابا انام ومافكر كيف ممكن اصرف بكرا ..مابى اخاف انو سآمي يعرف عن ابوه طيب سامي لايعرف اني كذبت .. اخواني لايطلعو فجأه بحياتي .. كآن الف موضوع براسي وحاليا قاعد يتحل كل شي _ حست انها حتبكي صوتها اتغير _ ودا الشي موترني لما ماتعرف ايش يعني امان في حياتك وفجأه تحس انو خلاص انتا وصلت لنهايه الطريق وحتحس بدا الاحساس اخيرا اخيرا بعد 11 سنـه مو قادره اصدق ..مو قادره اصدق انو في انسان واقف جمبي حاليا مو عارف تفاصيل حياتي اللي عشتها وبرضو ماسك يدي ومو متردد ومو خايف من كلام النآس مو مصدقه انو اخوااني يجو بيتي ويمزحو ويضحكو وفعينهم اشوف انهم مو عارفين كيف يعوضوني ... اشوف بعينهم انه مستعدين يسو اي شي عشان يرضوني _ رفعت يدها تمسح دمعتها قبل لاتنزل وابتسمت _ لدحين كآبته جوتي ومابى استوعب شي وعارفه انو حتجي لحظه حبكي وانفجر فيها 

 رجع مسك يدها وضآع الكلام منـه سكت للحظآت وبعدها اتكلم :كلامك دا يخليني احس بمسئوليـه وافكر طول وقتي كيف ممكن اعوضك كيف ممكن اسعدك وتجي لحظه اقول خلاص ابا اغمض عيني وافتحها وانا مملك عليكي ووقتها اخلي العالم كلو بين يدك وتجي لحظه تانيه اقول _ بتوتر اتكلم _ ممكن اسعدك سنه سنتين تلاته وبعدين ححرمك من حآجه اي وحده تتمنآها وحترجعي لحياتك النآقصه اللي ك
 قاطعته لما طالعت فيه ووقفت مشي : برااء 
 براء دار جسمه عليها حرك راسه بتشتت : معللليش بس الموضوع ساير افكر كتير فيه 
 ترف بعد ماسابت يده اتكلمت بهدووء : لاتفكر انا عندي سآمي بالدنيا كلها ربي اداني اللي اباه _ سكتت وبعدها قالت بتردد ووجهها محمر _ دام معايا سامي وانتا فمستحيل تكون حيآتي نآقصه دا اكتر شي حيفرحني _ استحت رمت الجمله كدا بدون ماتفكر اشرت على المحل اللي وراها ورجعت خطوى لورا _ بروح اشتريلي مويآ
 دارت جسمها ومشيت وهيا عارفه انو اتجنن من كلامها 
 انكتتتم ولا عرف يعلللق 
 قلبها يدق بسـرعه
 ماتدري حبستها لوحدها دي الفتره وبعد سامي عنها كل شي مخليها تتغير 
 مستحيل تتخلى عن براء 
 مستحيل تسيب الاحساس اللي لأول مرا تحسو وحآبتو من كل قلبها 
 ابتسمت اول مادخلت البقاله وخرجت ضحكه هاديه وهيا ناسيه ليش دخلت 
 اما هوا واقف مكآنه 
 يطآلع فيها لين ماختفت عن عينـه 
 ملامح ههآآآديه 
 كدآآ كآن شعوور قاتله وبكلامها خلتو يبتسم 
 رفع يدو ومررهآ لشعره لين ماوصل لنهايه رقبتـه 
 خرجت منه تنهيده تعبر عن احساسه
 مايبى يروحلها لأنو لو رحلها يحس حيخربها ويحضنها 
 ماحيكتفي انو يمسك يدها
 شافها مرت من عند الباب وطالعت فيه وهيا شايله قاروره مويا ورايحه تحاسب
 ابتسمتلو واختفت تآني
 تبا تجننـه 
 بدأت تستهبل
 ضحك واتوجـه للمآركت 
 سحبتو ليها بنظره 
 دخلل وشافها عند الكآشير واقفه ورا وحده ومستنيه دورها ... 
وقف وراها ونزل راسه وهوا يهمسلها : احبك
 ضحكت بهدوء ووجهها محمر وقالت من غير ماتدير جسمها ولا راسها : عيب دا الكلام 
 ضحك ورجع وقف بااستقامه دار راسه على اليمين وشاف انعكـآسه هوا وتـرف رجع طالع فيها 
 وقرب وهوا يهمسلها تاني بس دي المرا قشعرلها جسمها قال بكل هدوء : كلها كم يوم وححرق كل ملابسك دي 
 دارت جسمها وهيا موسععه عينها وتضحك : ههههههه لا بلله 
 براء رجع عدل وقفته ورفع كتفه وحاجبه وكأنه ماحيغير كلامه
 ترف ماسكه معاها ضحك ماتدري ليش :ههههه عارفني ماحب دا لاسلوب 
 براء بنفس الصوت االهادي: الا بدا الموضوع ماحيتغير اسلوبي
 ترف : طيب ياابراء 
 كآنت بتدير جسمها الا وقفها كلامه : انا رومنسي لما اطلبك منك دا الشي
 ترف : ههههههه فين الرومنسيه في الموضوع 
 براء : رومنسي لما ماأبى احد يطالع في جسمك غيري لما مابى احد يلفته غيري
 ترف اختفت ابتسامتها وحست وجهها كلو محممر 
 دارت جسمها وعلى حظها الحرمه خلصت حساب 
 قربت باارتباك وحطت قاروره المويآ ومسكت شنطتها وبتخرج المحفظه 
 وهوا ضحك وراها : تجيبي الكلام لنفسك 
 ترف تبا تشــرد ماتبى يخلص حسابها اشرت للرجال وراه : جبلي وآحد من دا لا لا اتنين 
 خرجت الفلوس من المحفظه واخدت الكيـس ومشيت ولا كأنه شايفه براء 
 وهوا خرج معـآها 
 ماتبى تطالع فيـه 
 وهوا كل شويا يطالع فيها ويضحك ويرجع يطالع قدآمه 
 مو عارفين فين مآشين 
 بس مستمتعين باللحظه 
 ساكتيـن 
 بس برضو مبسوطين 
 ليش !
مايدرو 
 قلها نـروح السينمآ بس ماراحو بسيـآرته يبو يمشو مع بعض بين النآس 
 راحو بالمتـرو .. 
جلست وهوا واقف قبالها 
 طالعت فيه : ايش بك 
 براء ابتسم : تتذكري اول موقف سار بيننا
 ترف : لما حسبتك حيوان 
 براء : هههههههههه لا لما كبيتيني بالقهوه !
ترف : هههههههه طيب هوا نفسه رميت عليك القهوه لأني حسبتك حيوان 
 براء : الجمله مستفزه خلينا على كبت القهوه وبس 
 ترف : هههههههههه طيب على فكره انتا اكتر انسان استفزني بحياتي 
 براء : واضح كبيتي قهوه عليا وكبيتي مويا وانتي معصبه ورميتيني بقاروره ف وجهي 
 ترف ضحكت من قلبها : هههههههههههههههه القاروره بالغلط وبعدين انتا ماقصرت فاكر لما لحقتني بالسياره وفجعتني 
 براء رفع حآجبه :والله عينك قويه _ عقد حوآجبه وهوا بيتذكر الكلمه القويه اللي قالتها _ ايش قلتيلي يومتها 
 ترف طبعا اتذكرت: هههههههههههه
 براء من قوة الكلمه ناسيها : ايش ايش قلتيلي 
 ترف : ههههههههه ولاشي _ مستحيه حاليا تنطقها وكأنها انسانه تانيه _
براء : بلله ايش قلتي 
 ترف : دام ناسي خلاص
 برااء : فاكره انك صدمتيني وفحياتي ماسمعت بنت تقولها 
 ترف : ههههههههه
 براء مضيق على عينه ومو قادر يتذككر : ايش قلللتي
 ترف وجهها محمر قالت بصوت راخي : مآباقي الا رجال بنص شنب يجي ي
 برا ماخلاها تكمل الجمله لما اشر عليها وقال بحقد : ايييوااا وطلعتيني انا الحقير 
 ترف : ههههههههههه فجعتني 
 براء بصدمه : يااشيخه !!! وربي انا اللي انصدمت من كلمتك
 واخدهم الطـريق كلو وهمآ يتذكرو موآقفهـم 
 لين ماسئلتو عن اكتر شي ماينسآه .. 
براء سكت بعدها ابتسم بحقاره وبعدها ضحك وهيا رفعت حآجبها : اتككلم !
براء : هههههههه اخاف تندمي على سؤالك 
 ترف عقدت حوآجبها : ههههههههه اندم ليش ! ايش ساار موقف وانا مدري 
 براء : حتنكتمي عارفه وماحتعلقي
 ترف نااااسيه وبتحاول تتذكر ومافراسها غير مواقف المحل : ماسار شي عشان 
 قاطعا : طيب حتكلم 
 تطالع فيه ومستنيته يهرج
 براء : لما سامي خلاني اشيلك 
 ترف ماوسعت عينها مرا بس وسعت عينها شويا 
 وجهها مصدوم مافي اي ردة فعل غير عينها اللي تطالع فيه 
 وهوا مات ضحك : قلتلك حتنكتمي
 نزلت راسها مررت يدها على رقبتها بااحراج 
 وبعدها طالعت في الناس اللي حوليها 
 مكسسسوفه دا اليوم دفنت وجهها وسط الكنبه وصرخت على سآمي 
 وبعدها سوت نفسها مجنونه لما قابلت براء .. 
براء : ماحتطالعي فيا 
 ترف ضمت يدها تحت صدرها وعينها على النآس : لا 
 براء : هههههههه زعلتي 
 ترف : اييوا 
 براء : كنت شايلك وولدك معايا احلى شعور 
 ترف وسعت عينها وطالعت فيه بصدمه : برااااء 
 براء ضحك بكل صوته ضحكته العاليه اللي تخلي الكل يطاللع ويرجعو يشغلو نفسهم .. : ههههههه
 ترف : كنت تعبانه اس
 براء قاطعها : وانا كنت شايلك 
 ترف بين اسنانها : كنت تعبانه ومو حاسه بشي 
 براء : وانا كنتت شايلك 
 ترف وقفت : بععد
 براء : مو بعد 
 فرق الطوول بينننهم مرا شي كبيـر رجعت جلست بااستسلام وضمت يدها ودارت راسها 
 براء : هههههههههه تبيني اقفل الموضوع ؟
 ترف : ايش رايك انتا 
 براء : قلتلك من البدايه مابى اتكلم وانتي خليتيني افتحه 
 ترف : ماجا في بالي دي الهرجه 
 براء : كيف تنسي شي زي كدا ؟
 ترف رجعت تطالع فيه بصدمه وهوا ضحك : خلاص خلاص

 نسيت نفسها ترف معآه ضحكت 
 فيه شي نآقص جوتها بس كل مايسوي براء حركه او يقول كلمه فجأه تروح لعآآآلم تآني
 احساس الحب شي جميــل ماحسته لأنه ببساطه انحرمت من الحيآه وانحبست طول عمرها 
 واول ماخرجت كآنت تحاول تحمي نفسها من كل الرجآل
 حتى براء كآنت تحاول تحمي نفسها مننـو بس ضعفت 
 اهتمآمه نظراته ابتسامته كل شي بدأ يوترها ...
انه وقف قدام اخوها وحمت نفسها فيه دا كآن اول شعور تحسـه حلو نآحيته ..


 طفـوله ملوثه بالوآقع ... 

وآقف قبآل البقآله والورقه بيده 
 ومتردد بللي حيسـويه صح ولا غلـط مايدري ... 
اتوكل على الله ودخـل



 امـآ روآن وهديـل بعد ماخرج بشآر وسآبهم ... 
هديل طالعت في روآن : روان مع مين اتضاربتي 
 روان جلست على النبه : واحد في الشارع
 هديل : ايش سوا
 روان بنرفزه طالعت فيها وصرخت : يعني ايش حيكون سوا زي اي مضاربه تسير 
 هديل رمشت بهدوء ماتبى صوت عآلي 
 ماتبى تتمشكل تحس قلبها ضعيف مايستحمل نقآش حاد اشرت براسها : طيب لاتزعلي نفسك 
 وسندت جسمها على الكنبه بدون ماتعلق اي تعليق تآني
 ردت فعل هديل خلت روان تبا تبـكي 
 حست نفسها حقيـره 
 سندت جسمها كمان على الكنبه وضمت يدها تحت صدرها .. 
الاتنيـن سآكتين 
 هديل مسـرحه وكلام خالتها يدور في رآسها وشويـه تفكر في حآل بشار وبالها ينشغل عليه 
 روآن تطالع كل شويه في هديل 
 ماتعرف تعتذر مو من حقها تصرخ عليها 
 اللي فيها هيا مكفيها ماقدرت تعتذر وسكتت وسارت تفكر في كلام جلال ...
كل وآحد بعآلم ... كل وآحد بهم ... كل وآحد باألم يهد جبـل
 كل وآحد بوجع مستحيــل في يوم ينسووه 

 وقف التآكسي وهوآ نزل مشي من عند سيآرته ورآح للبقآله 
 اخد محفظتـه ورجع شغل سيارته وجلـس ...
كل شي قاعد يسويـه بكل جمووود 
 مخنووووق
 والف هرجه شاغله باله ..
فتح المحفظه تآني وهوا يبا يتأكد كل شي فيـها .. 
انتبه للورقـه ..عقد حوآجبه 
 سحبها وحط المحفظه على جمب وفك الورقـه 
 مو صغيره الورقه كبيــره الكلام كتير ...
 " عمك بيهدد اختك " 
قرأ اول سطـر 
 كدا رمش بهدووء 
 قرا الجمله واتمنى انو ماقرأها 
 تعبــآن ومايبى يتحمل اي موضوع تآني 
 كمل قرأه 
" طلب منها انها تغير اقوالها في المحكمـه وتخرج ابوك من الهرجه 
 ماعرف ايش الموضوع بزبـط لكن هيا موافقه .. فيه سياره حتلقاها وراها بكل مكآن 
 ومعاها جوآال برضو عمك مديها هوآ ...حاول بنفسك تخرجها من الموضوع انا ماقدر اسوي شي 
 عرفت الموضوع بصدفه بعد ماشوفت الاجراح اللي بيدها وعرفت انو هددها بصحبتها هديل وفيا 
 وهيا حتسوي اللي يباه ... على العموم انا تآمر مراد لو احتجت شي كلمني "

خلص قرأه بس رجع قرأ تآني الورقه تنهزز بيده 
 من فجعه لفجعه يكره الرسآآآيل 
 من رسآله جلال لما قلو انتا مو ولد جآسم 
 لرسآله فآرس يوم العزأ 
 ورساله الانتحار وبنفس اليوم يجيه دا الكلام 
 ايش يسوي مو عارف 
 يطالع بالورقه 
 ويقراها مرا مرتين تلاته ولأول مرا مايعرف يفكر
 مو قادر يفكر بولا موضوع 
 ينحرق قلبه على روآن 
 ولايخاف على هديـل 
 ودا ميين كمان !!!!
رفع جوآله واتصـل ودقآت قلبـه على نفس الهدووء ..
تبـــلد ولا ايش مايدري ايش يحس 
 بس حاسس برجفه بجسمو 
 اول ماجالو صوت الطرف التآني قال بصوت يادوب طلع : عمي انتا فين ..؟
 عمـه : دوبي وصلت البيت خير فيه شي ؟
 بشار سكت شويا وهوا يطالع بالورقه وبعددها قال : ابا اجيك 
 عمه بخوف : بشار فيه شي ؟!
بشار : نتفاهم لما اجي 
 قفـل وخلى عمو زي المجنون يضرب اخماس في اسداس 
 الف موضوع جآه براااسه 
 بشار ماحيجيه الا لو إنو في مصيبه مو قادر عليها ..
لا مو مصيبه اكبر من المصيبه 
 وكآن اطول وقت مر على جميـل لين ماقالولو بشـآر جآه 
 استقبلو بمجلس الرجال وهوا لابس ثوب البيت ...
جلس جميـل وبشار ماقدر يجلس مدلـو الرسآله 
 وجميل عقد حوآجبه سحبه من يدها وبدأ يقرا وبشـآر رايح جآي قدامه 

 يفتح يده و يرجع يقبضها يفتح يده و يرجع يقبضها 
 جميل عرف بوساخه اخوانه لكن عارف انهم مستحيل يضرو بعض نزل الرساله وطالع في بشار : ايش الكلام الفآضي دا

 بشار وقف مشي ماتوقع ردة الفعل دي ! قال بعدم استيعاب: فين الكلام الفاضي بالموضوع !
جميل رمى الورقه جنبه : جلال ماحتوصل فيه الدنآئه انو يهدد البنت 
 بشار قاطعه : ليش ماسمعت جآسم لما هددها قدآم عينك ! 
جميـل فجأه نسي الموضوع دا
 بشار علي صوته : قااعدديين يلعبو فيهاا وهيا ساكته ومو قادره تتكلم شوفت بعيني يدها كيف كلها مجرحه
 جميـل وقف وراح قفل الباب ورجع جلس : طيب أهدى 
 بشار : كيف تبببانني اهدى الزززفت دا جلال فينو محد ملاقيه 
 جميل رجع اخد الورقه وقرأها تآني وبيركز بكلمه كلمه 
 بشار اشر على الورقه : دا اللي اسمو تآمر كتب الورقه عشان عارف انو احنا مراقبين حتى حط بس اسمو لأنو عارف ماينفع يحط رقمو الغريب عرف بوساخته وانتا ياعمي مو راضي تستوعب اخوانك كيـ
 جميل طالع فيه وصرخ : بسسس يااابشاار ترا اللي بمر فيه بسبايبهم مو بسيط تباني استوعب في يوم ولليله كل شي 
 بشار : ماسجنتو انا من فراغ ماضربتو ا
 جميل قاطعه للمرا التانيه : لاتفتح سيرة الضرب لأني ماحقوم اصفقلك على اللي سويته دا ابووك 
 بشار بحقد : وربي لو جبتوه قدآمي تاني لاأقتله ولايفرق عندي
 جميل الورقه بيده بس بيطالع في بشار ومستصيب : انا بحاول أقدر كل شي بتمر فيه عشان كدا ماحعلق على كلامك 
 بشار : مني مجنون ياعمي عشان تمشيني على قد عقلي
 جميل طالع في الورقه وكأنه بيحاول يمسك اعصابه ورجع وقف بسـرعه لما ماقدر 
 جا لعند بشار ووقف قبآله : ابوك لو دآس عليك تسكت وماترفع يدك عاارف ايش يعني اب 
 بشار وجهه محمر : دا لما يكون اب 
 جميل : اسكت يابشاار وخلينا في مصيبتنا 
 بشار قال بقهر : انا ماشي ححل كل شي بنفسي 
 مشي وعمو مسكو من يدو : اهجددد وخلينا نتكلم 
 بشار سحب يده بعصبيه : ايش تععرف عن جآسم هاا ايش تعرف عشان تطلعني انا الغلطان 
 جميل رفع يده الاتنين : خلاص اهجد بقولك وقفل الموضوع دا 
 بشار : مننني هآجد 
 جميل بعد عنو : لا حولا ولاقوه الا بلله يااولدي انا مابى احد يهرج عنك خلاص دام تبا تسجنه اسجنه بس لاترفع يدك دا اللي بتكلم عنه عمك جلال تبا تسجنه نفس الشي اسجنه بس لاتفكر تسوي شي تآني
 بشار سكت ورجع جلس على الكنبه طالع في عمه وماسك نفسه لايبكي : تباني اصدمك فاأخوانك ؟ تباني اقولك انا ايش اعرف عنهم من وانا صغير _ رفع حآجبه _ قولي تبا تسمع 
 جميل واقف يطالع فيه وقلبه يدق بسـرعه 
 بعض الاحيآن نبا نشرد من الحقيقه 
 دول اخوانه دول جزء منـه 
 واليوم واقف ضدهم كآن يعرف وراهم مصايب بس ماتوصل لمواضيع ممكن ينعدمو او انهم ينسجنو مؤبـد
 جميل بلل شفايفه بلسانه 
 مو قآدر يتحرك قال بكل هدوء : ايش تعرف ؟
 ضغط على فكه قبـل لايهرج وبعدها اتكلم مايدري ليش اتكلم 
 يمكن يبا عمو يآخد الموضوع بجديـه 
 عمو بيهدد سميـه وبيهدد هديـل وعارف انو قد تهديده 
 بشار ماياخد كلام جلال بااستهتار كلل كلمه عارف انو قدها : تتوقع مين قتل عمي جآبر ؟
 عمو جميل عقد حوآجبه وقال : اللي معاه في السجن 
 بشار بااستهزاء : فعلا عمي جآبر مشكلجي لدرجه انو ينقتل بديك الطريقه 
 جميل : دي حيآه السجون طبيعي ممكن 
 بشار قآطعه : وممكن يكون جلال ارسل الرجال يقتلوه كآن باقي لعمي يوم ويخرج مين اللي له مصلحه مايخرجه 
 جميـل مو عارف يضحك ولا ايش يسوي بس حس بششار مجنون :ايش دخل جلال !!! انتا عارف انو اكتر واحد انهار لما دخل جابر السجن 
 بشار ضحك وجميل يطالع فيه مفجوع : هههههههههههه هوآ كآن منهار بس مو على عمي جآبر عشان غاليه ماتت
 جميل لسى ماوصلتلو المعلومه وبشار اسلوبه يحرق كدا يرمي نص هرجه : كلنا انفجعنا من طريقه موتها بس 
 بشار قاطعه : لا لا جلال هوا اللي كآن يجي بيت عمي جآبر ... كآن يستنى عمي يخرج عشان يدخل يجلس مع مرته _ قال بشويشش _ جلال كآن يعشق غاليه وغاليه نفس الشي 
 جميل حس انو عايش بعالم تآآآآآني
 بعآلم بعيد عن اخوانه 
 مشي بخطوات مهزوزه وجلس بيحاول يستوعب كيف انهيار جلال 
 كآن منهااار بشكل يفجع 
 همآ كآنو مفجوعين وخايفين على جابر بس هوا لا كآن يبكي 
 بشار جالس على طرف الكنبه وبالقوه يتكلم : جلال كآن يهددني لو فتحت فمي لأحد حيقتلني سرت افكر انو ابويا يمكن كآن يعرف بعلاقتهم 
 جميل يحس بهبووط وتعب : لا مو لدي الدرجه 
 بشار سار يستنتج مو متأكد بس خلاص مايثق فيهم : هما غصبوني اروح اشهد واقول انو بشوف واحد يدخل البيت _ سكت شويا وبعدها اتكلم _ او جلال اقنع ابويا انو يخلوني اشهد عشان يخرج عمي جآبر
 جميل حس المبرر التآني مقنع : ممكن ايوا 
 بشار : وابويا سووا دا الشي وهوآ عارف انو حتحمل عوآقبه عارف انو اهل غاليه حيتجننو لو قلت دا الكلام بس مافرقت معاه انتا شوفت بعينك ايش كآن يسرلي _ قال بكل قهر _ عمي ..جآسم لو خرج والله لاأقتله والله حعيش طول عمري في السجن بس اكون مرتتاح 
 جميل : ماحيخرج 
 بشار : وسميه !
جميل مفجووع وضايع كل الكلام منـه: حشوف انا حدبر الموضوع 
 بشار : لا لا انا ماحمشي من عندك على الكلمتين دي 
 جميل : بشار انتا عارف اني قد كلامي بس مو عارف افكر دحين الكلام اللي قلته مشتتني 
 بشار حزن عليـه بس ماحيجازف بسميه وهديل وعارف انو عمو حيحسب تهديد عشان يخوفها : ماكنت بكلمك على دا الموضوع بس كنت اباك تعرف انو الوضع اللي احنا فيه مو بسيط 
 جميـل دموعه اتجمعت بعينه 
 بيحمي بنت اخوه من ابوها واخوه
 يبا يحمي ولد اخوه برضو من ابوه واخوه 
 ايش العيله دي !!

فينهم لمآ كآنو اطفال ويجرو في الحوش ويلعبو 
 فين البرائه اللي كآنت فيهم 
 فين امهم وابوهم لما يعاقبوهم عشان دا رفع صوته على التآني ولا دا كذب على التآني
 سارو يهددو حاليا بالقتـل ..!
ماقدر يمسك نفسه وبكـي 
 بكككي لأنه قاعد يفكر بعد دا العمر كيف يسجن اخوآنه 
 يبكي لأنو الموضوع مو سهل عليه 
 وكل تفكيره باأمه وابوه اللي اصلا ميتين بس جوه ف باله 
 جوه ف باله وهوا مو عارف الشي اللي حيسويه حيرضيهم !!
اكيد ماحيرضيهم ودا بكآه زياده
 كل شريط حيآته مع اخوانه بيمر قدآم عينه 
 وهوا يدافع عن جلال في الشارع 
 وهما يلعبو كوره في الحآره 
 جآسم كآن الحارس
 وجابر اسرع واحد فيهم وجميل اللي يناور ومحد يقدر ياخد الكوره منو 
 وجلال الصغير اللي دايما يرموه في الارض ومايعرف يلعب
 وفي النهايه كلهم يضاربو وكالعاده عيلـه الرآيد محد يوقف قدآمها 
 كأنو 4 اخوآن سمعتهم وحبهم لبعض محد يقدر يوصـفها 
 واليوم كأنهم نآس تآنيه 
 راح اللي كآن يربطهم 
 راحت الام اللي خلتهم متواصلين مع بعض 
 راح الاب اللي كأنو يجرو عليه كل ماقال اه 
 ودحيـن سارو نآس ماعندهم اي رحمه 
 هل فعلا يكون جآبر انقتل من جلال !!
هل جلال حبو لمرت اخوه توصله لقتل اخوه ..!
رفع يده وهوا يغطي عينه ويبـكي 
 كسره بشار بكلامه 
 ودا الشي حرق قلب بشار 
 ياريته ماتكلم بس كآن لازم يعرف دام وصل للتهديـد 
 ماينكر خآيف على سميه والجرح اللي بيدها حآرقه ايش سوالها جلال ! 
ومرعوب على هديـل لأنو لو سرلها شي مايتوقع انو حيقدر يكمل حيآته طبيعي 
 ماتحرك بشار من مكآنه قال وهوا بالقوه ماسك نفسه لايبكي : انا اسـف ياعمي
 يتأسف على ايش ..؟ 
 هوا اللي كآن بيعاني طول دي السنين منهم 
 جميل مسح دموعه واتكلم ورجع يبكي : بعد 60 سنـه تكتشف انك ماتعرف اخوآنك دي تكسر ياولدي ..ربي عالم انو قلبي محروق عليك وعلى سميه لكن _ اشر على نفسه _ دا اخوياا دمعته تهزني حتى لما اعرف انو غلطآن 
 رفع يده يغطي عيونه تآني 
 بشار قام وراح بااتجاهه باس راسـه جلس جمبه اتكلم بصوت مهزوز : انا ماليا غيرك ياعمي مآكنت اتمنى اقولك دا الكلام وا
 جميل قاطعه حط يده على فخذ بشار :انتا قلت الكلام اللي لازم اعرفه ..


ومرت سـآعه تآنيه وبشار وجميـل يتكلمو خرج بشآر لعند امـه 
 وساب عمـه مصجوم في اخوانـه ماقدر ينآم الليل

 بعدهآ بشـآر راح السوق اخد كم قطعه لروآن ومانسي هديـل .. يشتري من راسه المقآس وماله خلق يركز في التطقيم بس اللي كآنو معروض على بعض كآن ياخدو 
 عكس تآمر وتميم وعدي وبراء اللي ممكن يركز في اللبس محشم ولا لا 
 هوآ مايركز كتيـر في دي المواضيع 



 وبعدهـآ اتوجه للبيـت ... سار ايامه كلها طويـله من بدايتها لنهايتها احدآث
 من الصبآح لأخر لحظه يرمي فيها جسمه على السرير مشآكل .. وقف سيـآرته 
 ونزل اخد الاكيآس لمح وحده واقفه في الشارع بعيد حسبها سميـه بس فجأه اختفت 
 مايتوقع هيا الساعه 2 الليل ..
طلـع للبيت فتح الباب .. وكل شي في جسمه ارتخى اول ماشاف هديـل نآيمه على الكنبه 
 حط الاكيـآس واتوجه بخطوآت هآآديـه وعينه عليـها ..
كآنت تعباانه نوم من بعد هرجه امها مانامت عدل 
 لاشعوريا اترسمت على وجهه ابتسامه بسيطه 
 وصل لعندها نزل على ركبـه ويطآآلع فيها
 يحبـــها 
 نسي فجأه كل اللي بيسرله وبيفكر يوم ماروان ادتها الجوال 
 وسارت تبكي وتنآدي امها 
 قد ايش كآنت مبسوطه وتبكي بعدم استيعاب 
 وكيف وقفت قدآم امها وهيا معاها السكين وسارت تهددهم 
 طول عمره يشوفها عآقله وداك اليوم جننوها 
 رفع يده وبعد خصلت شعرها عن عينها ..عقدت حوآجبها وهوا ابتسم زياده 
 يطآلع في كل ملامح وجهها 
 دا اللي ناقصه جلال يهدد فيها 
 والله لايدفنه بساابع ارض قبـل لحد يقرب منها 
 مرر يدو على خدها وقال بصوت هادي : حبيبي _ ماردت رجع ناداها تاني بعد تفكير_ هديل 
 عاجبه اسمها بس كآرهه بنفس الوقت .. يحسه لايق عليها بس متعود على عهود اكتر 
 فتحت عينها بشويش وعقدت حوآجبها لما ماستوعبت مين اللي قدآمها 
 وبعدها جلست بفجعه وهيا تعدل شعرها 
 بشار ضحك وجلس على الكنبه : ايش بك 
 هديل تعدل بلوزتها : متى جيت 
 بشار : دوبني 
 هديل تبا تنآم على نفسها : اها 
 بشار : فين سميه 
 هديل : كآنت هنا مسدوحه 
 بشار استوعب انو هيا اللي تحت 
 وقف ومد يدو : تعالي 
 هديل احساسها احساس وحده قايمه على فجعه قلبها يدق بسـرعه 
 وجسمها مو شايلها : فين 
 بشار اشر بيدو تاني :قومي 
 مدت يدها له وسحبها وقربها لحضنه ومشي :لا تنامي مرا تانيه على الكنبه 
 هديل : غفيت فجأه 
 وقف عند باب غرفه نومـه : ادخلي نآني
 هديل وسعت عينها : لا وي اص
 بشار قاطعها : انتي وسميه حتنآمو هنآ انا رايح لأمي
 هديل : لا امانه يابشار ن
 بشار رجع يقاطعها : امي بقولك تباني 
 هديل في عينها النوم مرا 
 بشار : دقيقه 
 اتوجه للأكيآس خرجلها بجآمه وجا اداها : ادخلي اللبسي ونآمي 
 تطالع في البجامه وبعدها فيه 
 هوا بيمر بمليون شي ورايح يشتريلهم ملابس !!!
ماعرفت ايش تقول وفوقها لما مسك يدها وحط البجآمه اللي لأول مرا تلبس بجامه بنعومتها 
 شي انثووووي شي مريييح 
 رفع يدو ومررها على شعرها : اباكي تنآمي مزبوط 
 اشرت براسها بدون ماتعلق كمل كلامه : ماباكي تفكري بشي _ مسك خدها _ انا بس اللي تفكري فيا 
 هديل ابتسمت بااحراج وهوا جآتو لحظه 
 خآف من بكرا مايدري ليش 
 ومايبى يفكر 
 قرب وحضنها وغمض عينه بقوه : عارفه اني ماقدر اعيش بدونك صح ؟
 هديل خآفت حطت يدها على ظهره : ايش بك حبيبي
 تجسو شويا ويدخلها جوتـه من كتر مو حاضنها بكل قوته 
 الفكره بس الفكره فجعته 
 بشار مارد وهيا بعدت عنو وطالعت فيه : وانتا عارف انو انا ماعندي غيرك انتا وروان 
 بشار نسي كل شي للحظه وقال بقهر : بديت ماحبها 
 هديل عقدت حوآجبها : ييش !
بشار : لاصقه فيكي وبس تبوسك استفزتني 
 هديل تطالع بتنآحه وبعدين ضحكت : من جدك !!
بشار يرخي صوته وكأنه فيه غيرهم : والله حسيت حريقه جوت قلبي وانا اطالع فيها 
 هديل : هههههههههه بشاار حرام عليك من يومها روان كدا!!
بشار : طيب قوليلها تبطل عشان لاأتمشكل معاها 
 هديل لاشعوريا ضحكت بكل صوتها : هههههههههههههههه ماحتبطل 
 بشار : اصلا حاسس انها تبا تقهرني 
 هديل : لا والله هيا من يومها كدا
 بشار : من دحين هيا اقولك ابدأي قوليلها انك تتضايقي
 هديل وسعت عينها بصدمه : ههههههه مستحححيل حرام عليك 
 بشار مسك يدها وهوا يحرك يده بين يدها ويمسك صباع صباع ويتكلم بقهر : والله ماأستحمل حاولي تفهميها 
 هديل : هههههههههههههه خليني انا افهم بعدين اروح افهمها 
 بشار : ايش تبي تفهمي 
 هديل تطالع فيه وعينها مضيقتها : انتا تغار ؟
 بشار سحب يدو بهدوء ويبرر بكذب : مو اغار يعني ماحب دي الحركات مالها داعي 
 هديل دفتو بكتفو : ههههههههههه دي اختتي 
 بشار : عارف واختي كمان وابا
 هديل قاطعته : بجد ؟ 
 بشار في نص هرجته سكت وعقد حوآجبه : ايش هوا 
 هديل فجأه اختفت ابتسامتها وقالت : بجد تحس انها اختك ؟
 بشار بلع ريقـه ماقد فكر بدا السؤال رفع كتفه وكأنه يقول مدري
 هديل : يعني لما روان عصبت عليك قبل لاتمشي عرفت انها تعتبرك اخوها بجد لأنو دا اسلوبها ماتتمشكل الا مع الناس اللي تحبهم بس انتا مو عارفه باايش تفكر
 بشار رجع يفكر بالرساله بيدها بكلام جآسم معاها بكل شي قال بدون تفكير : مدري احس اني اخاف يسرلها شي _ سكت شويا وهديل لسى تطالع فيه وبعدها قال _ قلبي محروق على اللي سواه ابويا فيها ومقهور انو انا اللي قلتلها انو ابوها لو عاشت بدون ماتدري احسن 
 هديل : مصيرها كآنت تدري
 بشآر : عارف 
 هديل : اوعدني 
 بشار : باايش ؟
 هديل : انك تعتبرها زي حور الله يرحمها 
 بشار لحظآت يطالع فيها وبعدها حرك راسه 
 هديل مسكت يدو : اوعدني
 بشار بلع ريقه وبعدها قال : وعد _ اشر براسه _ خليني انزل اشوف ليش جالسه تحت _ قرب وباس جبينها _ تصبحي على خير 


 وخلاها تدخـل وهوآ نزل لروآن .. ايش مجلسها تحت لدا الوقت .. .. 
خرج ولقآها جالسه على الكرآسي اللي قبآل الفندق ..
مابتسوي شي ..وقبل لايروحلها انتبه للسياره الجمس السودا اللي واقفه في نهايه الشارع ..
اتوجهه لروان وجلس جمبها : ايش بتسوي لوحدك 
 روان : ولاشي هديل نآمت ونزلت 
 بشار : الساعه 2 !
روان طالعت فيه : ايش يعني 
 بشار باأمر: يعني ماتنزلي الوحدك بدا الوقت 
 روان ضحكت : مين حيمنعني ؟
 بشار رفعلها حآجبه : احس بعض الاحيان ماقدر اتفق معاكي 
 روان : مو لازم نتفق 
 بشار : ليش كارهتني دحين قلتلك داك اليوم صرخت عليكي عشان ماقدرت احكيكي 
 روان ضمت يدها تحت صدرها وسندت جسمها : عادي 
 بشار طالع في يدها يموت ويعرف جلال ايش سوالها حاول مايعلق : كنت بتكلم معاكي على بكرا 
 روان : ايش فيه ؟
 بشار بتردد : بكرا الصباح المحآكمه 
 فجعهآآآ
 محد اداها خبـر حتى جلال بعد اتصاله امس مختفي 
 قلبها طآآح 
 بشار : لاتخافي انا معاكي 
 روان ايش تقول !!!
بكرا ايش حيكون موقفها
 كل الكلام ضااع 
 دموعها اتجمعت بعينها ودارا راسها وهيا تطالع قدآمها 
 كآنت للحظآت ماتبى تفكر بالمووضوع وجا بشار ربالها القنبله .. 
بشار لو كآن شاكك بكلام دا تآمر دحيـن متأكد من ردة فعلها : من ايش خايفه ؟
 روان رفعت يدها اللي تتنافض وترجع شعرها ورا اذنها :ولاشي بس مابى اشوف جآسم 
 بشار : لاتطالعي فيه قولي اللي عندك وبس
 روان حركت براسها وشويا ودموعها نزلت 
 ميتتته رعــب
 كآنت بتقوم الا مسك يدها وجلسها 
 مايباها تتكلم مو واثق جلال فينو ولا يسمعهم ولا ايش الوضع بس خلاص اخد احتياطه 
 باإنو يغير الموضوع وخلاص .. : سميـه 
 طالعت فيه 
 وهوا يبا يجيب موضوع : من االيوم وطالع انتي حتنامي هنآ
 روان مو عارفه ايش الموضوع دا : م
 بشار قاطعها : حطي في بالك اني اخوكي لو احتجتي شي تكلميني 
 روان رفعت يدها تمسح دموعها 
 بشار : ماحتقدري تشردي مني دامنا شايلين نفس الاسم 
 روان : انا مو شايله اسمو وزي مايباني انا مآباه
 بشار : عشان تعيشي لازم يكون لكي اسم 
 روان : انا عايشه أهو 
 بشار : تعيشي زي النآس تكملي دراسه تشتغلي 
 روآن سكتت 
 وبشار يكمل : أنا شايل اسمو والشي اللي يقهر انو ابا اتزوج وحده تكره شي اسمو جآسم واللي يضحك انو اولادها حيكونو كلهم شايلين اسمو في حآجات مانقدر نشرد منها بس نقدر نخليها في راسنا عشان تذكرنا احنا ايش شوفنا بحياننا 
 روآن قالت بقهر : مابى احد ينآديني سميه جآسم
 بشار : اسمك سميه الرآيد كل شي حرمك منو حترجعي تآخديه حخليكي تبني مستقبلك 
 روآن تطالع فيه جسمها اتقشعر لما قلها " حخليكي " 
اخوها دا اللي بتحسو من اسلوبه ..مرا متغير اليوم !
وفجأه عقدت حوآجبها واستوعبت كلامه فرصعت عينها : تبا تتزوج هديل !!
فجأأأه من موود النكد لمود وحده مفجوعه 
 بشار : ايش رايك يـ
 شهقت قبل لايكمل كلامه ووقفت 
 بشار انفجع : ايش بك 
 رجعت شهقت تآني وهيا تتخيل وحطت يدها على فمها 
 بشار لساته مفجوع : ههههههه ايش بك 
 روآن نزلت يدها : والله ماتتزوجها 
 بشار : نعععم !!!
روآن مشاعرها تلخبطت : اختي دي ماحخليك تاخدها 
 بشار : حتقعدلك يعني طول العمر
 روان شهقت بصوت عالي لما حستو من جد يهرج : ياااربي ماتمزح !!!
بشار : ههههههههههه هبله انتي !!
روان وقفت قباله وهوا جالس : احنا اتفقنا انو ماحنتزوج طول العمر 
 بشار : طيب اهوا حتزوجها واخليكي تزفيها بنفسك 
 روان تطالع حولينها تبا ترميه باأي شي رجعت تطالع فيه وبقهر قالت : والله مااتتزوجها 
 بشار : هههههههه يااابت لاتحلفي 
 روان اشرت على نفسها : انا فين اروح 
 بشار : اشوفلك عريس مو م
 وقبل لايكممل كلامه روان ضربتتتو على رااااسه
 مسك رااسه مفجوع : تتستتتهبلي !!!
روان رفعت صباعها : ماأمزح انا بدي المواضيع 
 بشار : والله لو مديتي يدك تاني لاأكسرلك هيـآ
 روان : وانتا لو تتكلم كدا عني ولا عن هديل لاأقطعلك لسااانك قله ادب 
 بشار : ههههههههههههههه اطلعي نآمي وراكي قومه من 7 الصباح 
 روان فجأه ملامحها سارت مفجوعه لما اتذكرت جآسم : الله ينكد عليك تبا توقف قلبي 
 بشار كآن منككد كآن مخنوق بس حركاتها تموته ضحك : ههههههههههههه سميه اطلعي نآمي _ وقف _ شوفي في آكياس عند الباب اشتريتلك ملابس
 روان بكل ثقه ربنا اداها هيا : ليش ملابسي مو عاجبتك 
 بشار دفها من كتفها :ياشيخه روحي كمان واثقه 
 روان بالقووه مسكت نفسها لاتطيح : بشوويش عليا 
 مشيت وطالعت فيه : منتا جي .؟
 بشار : لا رايح لاأمي حجيكم الصباح _ اشرلها _ يلا اطلعي 
 طلعــت وهوا راح لسيـآرته شغلها ... وسدح المقعده على ورآ 
 حينآم في السياره .. لما شاف نظرة هديل وهيا تقوم مفجوعه عرف انها ماحتنآم عدل 
 لو قلها حنآم على الكنبه برا وانتو جوآ كدا صرفلها هرجه انو حيروح لأمــه 
 ورجع كل وآحد لهمه ...
اختفت ابتسامتـه 
 رجع الوجـع اللي بقلبه 
 رجع احساس انو مخنووق ومكتوم 
 يتخيل حور وبــس 
 دموعـه بعينه ويغمض عينه يبا ينآم بس مو قادر فتح باب السياره وخرج وهوا يبا يتنفـس 
 انكتم في السياره 


 فــوق طلعت لبست البجآمه اللي لونها سمآوي مررت يدها عليها وماتخيلت انها بيوم حتكون كدا لابسـه 
 اتووجهت للمرآيه وتطالع في نفسها ودموعها نزلت 
 راحت جلست على الكنبه وسارت تبـكي بصوت مكتووم ماتبى تدخل غرفه النوم 
 تبا تكون لوحدها .. مو قادره تنآم مرعوبـه من الصبآح مسكت جوآلها تتصل على تآمر ؟!
ليش جآ ف بالها تباه يهديها ؟
 ولا صوته يطمنها ؟
 سابت الجوال لما اتذكرت انو ماعندها رصيـد ..


اما اللي نايمه على السرير المريـح نومها كلـو كوآبيس دموعها تنزل وهيا بتبكي بالحلم 
 محروووق قلبـها وبجد تحس قلبها يوجعها ووكأنه صاحيه 
 تحلم انو امها بين رجآل وهيا تحاول تسحبها ومو قاآدره 
 تحلم انو امها تقولها انا بعتك عشان الفلوس اهم منك 
 ولما احتجت فلوس برضو جيت اخدك انتي ولاشي ...
حلمت انو سعيـد دخل عليها الغرفه بس دي المرا بشار مآجآ 
 رفعت جسمها من على السرير وهيا تاخد انفاسها بسـرعه 
 دموعها تنزل نزلت رجولها من على السرير وقامت بخطوآت مهزوزه وهيا تدور بصوت عالي : روووان 
 روووان 
 كآنت مسدوحه على الكنبه جلست مفجوعه مسحت دموعها واول ماوقفت هديل خرجت تبكي 
 اتوحهتلها هديل على طول وحضنتها تبا تحس باإنو احد جمبها 
 وبدي اللحظه بكيـو الاتنيــن ... 
مين اشتكت للتآنيه 
 محد اشتكى اكتفو باإنو يكونو جمب بعض وبس ..



تــرف مو أحسن منهم كدآ حست نفسها مخنووقه باأخر الليل 
 مع انو يومها كآن جميل مع برااء 
 تمرر يدها على صدرها وحآسه فيه شي خانقها 
 خآفت على سآمي 
 خآفت من بكرا مع انو تآمر مطمنها بس مو مرتآحه : اعووذ بلله 
 الاحسـآس مارضي يخف بيزيد وتحس انها تبا تبـكي 
 شآفت القرآن على التسـريحه راحت اخدتو ورجعت جلست وتقرأ وتبــكي 
 خآيفه على ولدها ليش ماتدري بس خآيفه عليـه ... 



بنــفس الوقـت واقف على سجآدته وبيصلي الوتـر ... 
واول ماخلص جلس على سريره 
 قآلأ لسلمى ابا اشوف اخوكي .. قالها باإسلوب وكأنو واحد يبا يخطب 
 بس اللي فجعها الوقت ليش الصباح !
لكن ماردته هيا مسدوحه على فرشتها وبتحلم احلام ورديه 
 وهوا جالس على سريره والنوم مو قادر يجيـه .. 
يبا يرضي تـرف يبا يرجع ولدها 
 كيف مو مهم اهم شي يسيـر .. 



جآسم في الزنزانـه اللي تضم كدا سـرير جالس على سريره 
 مو قادر يجيه النــوم وقـف وطلع صوت مزعـج وجاه صوت اللي ينام فوقه 
 وهوا يتكلم مع جاااسم بكل اهاااانه : اقوول لاتزعجننا ونآم لاتخليني اطلع شياطيني فوقك 
 جآسم ايش سوآ 
 جلس بكل هدوء على سريره 
 ايوا انضــرب في المكآن ... وماحيتحمل الاهانه دي اكتـر .. 




ساعه ساعتين تلاته وماقدر ينآم ..يتصل عليها بدا الوقت ساب الجوال 
 اكيد نآيمه 
 ورجع اتصل بدون مايفكر كتير ... 
رنه رنتين 



 وهيـآ مسدوحه على السرير مع هديـل عقدت حوآجبها اول ماسمعت صوت الجوال سحبت جسمها من على السرير بهدوء ومشيت بخطوات سريعه للجوال وردت على طول بصوت راخي : الو 
 تامر غمض عينه بااحراج : صحيتك ؟
 روان : لا صاحيه 
 جلست على الكنبه وهوا وقف باارتباك : معليش لأني بتصل بدا الوقت 
 روان : لا عادي اصلا كنت بتصل عليك بس ماعندي رصيد 
 تآمر ابتسم وجلس :كويس اجل اتصلت 
 روآن : ايوا من اول ابا انآم ومو قادره 
 تامر : ليش 
 روان : بكرا محاكمه جآسم ومتوتره 
 تآآمر وسع عينه مايدري بشار اخد المحفظه ولا لا : ايش حتسوي ؟
 روان : اللي قالو جلال
 تامر سكت شويا وبعدها قال : واخوكي فينو ؟
 روان بااستغراب : دوبو راح لأمو 
 تامر : بسيارته ؟
 روان : ايوا ؟! ايش السؤال دا 
 تامر : لا بس روحت لترف وبرضو انتبهت لسيارته و
 روان قاطعته : اها ايوا راح اخد السياره والمحفظه اتوقع 
 تامر : طيب كويس وكيفه معاكي بعد اخر موقف 
 روان : مدري غريب حاسته طيب 
 تامر خلاص وصلو الموضوع شاف الرساله : يمكن هوا طيب بس انتي شريره ماكنتي شايفه 
 روان : هههههههه لا حرام عليك والله انا نسمه 
 تامر : عشان كدا تقوليلي محد يستحملني الا هديل 
 روان : بس لما اعصب 
 تامر انسدح على السرير : ابا اشوفك يوم وانتي معصبه 
 روان : يوم ماضربتك 
 تامر : ههههههههههه ااخخ لو يرجع داك اليوم والله كآن بالي مو معاكي 
 روان : نرفزني وهوا حيرجع 
 تامر : ههههههههه 
 روان سكتت شويا وبعدها قالت : نفسي انام بس مو قادره 
 تامر : انسدحي وانا حتكلم لين متنآمي 
 روان : ههههههه وحنام ؟
 تامر : غمضي عينك وحتنآمي
 روان : والله راسي يوجعني ماتوقع حقدر 
 تامر : جربي طيب منتي خسرانه شي 
 روان قآمت وراحت لعند هديل انسدحت وغمضت عينها قالت بصوت راخي : انسدحت 
 تامر ابتسم المفروض يكلها عشان يخرج من المود اللي هوا فيـه 
 بس قرر انو يخليها تنآم وترتاح : احكيكي انا ايش اسوي في يومي من اول مااصحى 
 روان : طيب ي
 تامر قاطعها : لاتتكلمي غمضي عينك بس 
 وفعـــلا كآنت عشـره دقايق وهوا يهرج وهيا نآآآآمت 
 وهوا يتكلم ويمشي في البيت وراح يسويله شآهي بدا الوقت ورجع لغرفتـه 
 وسكت لما ماحس باأي صوت نادى : روان !
لما ماجاه رد ابتسم وقفل الجوال وحطو جمبـه 
 ماقدر ينآم لين الموعـــد .. 


 وجآآآ الصبـــآح ... 

محد نآم مرتـآح غفوآت تتخللها الف لحظه خوف من المجهول ..
رفع جسمه من على الكرسي ومسك ظهره باألم بزبط 
 نزل من السياره وقفـل الباب وجسمه كلو يوجعه 
 دخـل واتوجه للمصعد وشاف انعكآسه وكيف شكلو دوبه صاحي من النوم 
 ايش يقـلهم دحين !!
مرر يدو على شعره وهوا يعدلو ودخل المصعد 
 واول ماوقف قبآل بابهم .. يفتح الباب بمفتاحه ولا يدق !
رفع يده ودق كدا مرا ولما ماأحد رد فتح الباب ودخل 
 هدووء نآآآيمين ..
الحمآم الوحيد جوآ بغرفتهم فاتوجه للمطبـخ شطف وجهه وطلب فطور 
 ودوبـه بيرفع يده ويدق الباب الا روان فتحته والاتنين انفجعو 
: بسم الله 
: اعوذ بللله 
 كأنهم شايفين الاتنين جنــي 
 روآن حاطه يدها على قلبها : متى جيت 
 بشار : دوبي كنت حصحيكي عشان نمشي بعد الفطور 
 بلعت ريقها واشرت راسها بهدوء ماقدرت تنطق بشي 
 دوبها بتمشي الا قلها : صحي هديل عشان تفطر معانا 
 روآن بكل صمت دخلت صحتها ونسيت ماتقولها بشار براا بس صحتها وقالتلها تعآلي وخرجت 
 اتوجهت للكنبه وجلست وبشار جلس يطالع فيها كل شويا ومو عارف ايش يقول 
 ححزنآن عليها وبآين انها مفجوعه ..
نفسه يطمنها بس مو وقته .. مايبى يستعجل 
 وقف واتوجه للتلاجه فتحها وخرجلو قآروره مويآ
 امآ روان بدون تآمر ماتدري كيف كآن قدرت تنآم بس ماأخد حيز كتير في تفكيرها حاليا من كتر الخوف اللي تحسـه جوتها 
 وكلهم اتنقلت عينهم على اللي خآرجه وهيا شبه نآيمه 
 تمشي بخطوآت مهزوزه وشعرها مغطي نص وجهها مغمضه عينها وتتمطع بكل تعب
 وقفت مشي ومو داريه عن بشـآر اللي اول ماشافها كل شي فيه ارتخى 
 حتى يدو اللي رافعه القاروره وكآن حيشرب نزلت على طول 
: آآه يااجسمي
 البجآآمه وشعرها وحركآتها نستو للحظآت ايش عايش ولا ايش يحس 
 كدا تآخدو بلحظه لعااااالم تآآني نفسه يعيش فيه وينسى كل اللي حوله 
 لابسه برجلها السلبر حقتوو مرا كبيـر عليها بس الارض بارده ماقدرت تخرج بدون شي 
 روان : صح النوم 
 هديل : ماقدرت والله انآم 
 روان : حسيت فيكي ايش بك 
 هديل تعدل شعرها وبشار ابتسم وهوا بيقرب من وراها بشويش ويبا يفجعها وروان تتفرج بس 
 هديل وصوتها كلو نـوم وتهرج عادي بس بنسبه لبشاار مرا كآن اسلوبها دلع : بشار ووحشني
 وقف لسى دوبو بيمد يدو ويفجعها الا ماتحرك 
 وروان رفعت حوآجبها الااتنين مااااتوقعت تجيب سيرته قالت بعدم استيعاب : دوبك شايفته
 هديل ضيقت على عينها وابتسمت : اعرف بس ريحة الغرفه كلها عطرو حلمت اني 
 روووان خافت تجيب العيدد اشرت على بشااار وصرخت بصوتها: بشاااااااار هناااا
 اسلوبها فجع حتى بشار 
 بشار انفجع لأنو هنآآ ...!
مالمحت 
 ماغيرت الهرجه 
 لااا خلاص ردة فعل غبيه وسريعه كعادتها 
 هديل دارت وانفجعت لأنو وراها رجعت على ورا بصدمه وبسبب السلبر اللي برجلها طآحت في الارض 
 روان شهقت : وااا
 هديل صرخت لأنها ماقدرت توازن نفسها وطآحت في الارض 
 بشاار انفججع 
 انفجججع بمعنى انفجع
 رمى القاروره من يده ونزل لمستتتواها بسـرعه : اتعووورتي
 هديل مالحقت تتكلم بسببه تبا تعلق وشايفه بعينه كيف اترعب عليها 
 اتزحلقت !!!
بس اتزحلقت !!
مرر يدو على رجلها على يدها : فين اتعورتي
 روان ترمش بعينها وقفت بهدووء : هههههه مافيها شي ايش بكك
 هديل تطالع في عينه ماتدري ليش ماتحركت 
 نظرتوو ليها تجنن وهوا خايف 
 حبت الاحسآس
 تبتسم ولا ايش تسوي مو عارفه !
بس في حآله بلاهه شديده
 بشار طالع في روان بنرفه ورجع نقل عينه على هديل : بلله فيه شي يوجعك
 هديل اشرت براسها : لا 
 مد يدو ووقفها وروان فاتحه شويا فمها 
 نفسها تقولها لااااااااا ياااشيخه 
 فينك لما كنتي تطيحي بالحاره وتقومي تجرري وعيال ابو مسعود يلحقونا بالحجاره 
 تطيح عشره مرات وتقوم تهرول دحين بقدرة قاادر طآحت ومو قادره تقوم هوا اللي وقفها 
 لا وبشـآر في عينو طبعا ارق كآئن على وجه الارض هديـل 
 جلسها على الكنبه وجلس جمبها ومصمم يعرف فين اتعورت 
 وروان لساتها واقفه وتتفرج عليهم 
 وهديل تأشرلو على يدها هنـآ وهوا باس يدها : انا اسف حبيبي 
 رووان مآزالت تطالع على الفلم الهندي اللي بيسير قدامها !!!!!!!!!!!!

نبرة صوته حتى غير مو زي لما يهرج مع روان 
 ياااخي نظرتو واحد جابت رااسه وبقوه 
 وهديل تدلـع بنبرة صوتها اللي تطلع تلقائي لما تكون معاه 
 روآن طالعت بعلبه المنآديل وبعدها فيهم : شوفو والله لو مارجعتو طبيعين وتتكلمو زي الاوادم حرميكم بدي العلبببه 
 بشار طالع في روان : البنت اتعوورت 
 روان : والله شوفتها مرا تطيح من جبل وماسرلها زي اللي سرلها دحين 
 هديل وسعت عينها : ههههههههههههههه رووان !
روان اشرت عليها : قله ادب مابى _ جات لعندهم ودفت بشاار _ بعدد بعد من جمبها 
 بشار زحف جسمو شويا لبعيد وهيا جلست بينهم : والله لو ماتحترمو نفسكم انتو الاتنين حروح ابلغ عليكم 
 بشار ضربها على قفاها : يااابت تبلغي على مين انا اللي ابلغ عليكي واسجنك 
 روان : اسسري 
 بشار يصرفها : قومي يلا اللبسي
 روان : انا لابسه 
 بشار اشرلها على الكيس : لا جبتلك ملابس هنآك
 روان : انتا حتروح بلبس دا 
 بشار : اتجهزي وبعدها انا حتجهز 
 روان ضمت يدها : انتا اتجهز وبعدها انا 
 بشار : لاحول ولاقوه الا بلله 
 روان رفعت عدسه عينها لفوق ولا كأنه يتكلم ومتمسكه برايها 
 قام بنرفزه ودخل لغرفه النوم وقفـل الباب 
 هديل : هههههههههه ايش بك 
 روان دارت عليها على طول وضربتها ورا بعض خمسه مرات على ذراعها وتهرج كل بعد ضربه : وسااخه عيني عينك احترمي نفسك
 هديل مسكت يدها باألم : ااااه ايش سويت انا 
 روان تقلدها لما طاحت : آآآه ايش الصوت دا اللي طلع 
 هديل : ههههههههه بجد اتعورت 
 روان : اقووول لما اتفقشتي داك اليوم ماصرختي زي كدا 
 هديل : هههههههههههههههههه روان لاتتكلمي عن فضايح زمان 
 روان : وانتي اتعدلي
 هديل : والله مابسوي شي ايش بك 
 روان مسكتها من اذنها :ماأعرفك ها ماأعرفك انا بقره امس اتعرفت عليكي 
 هديل حاطه يدها على يد روان وتضحك وتتألم : آآ هههههههه سيبي ياحقيره 
 روان تهمسلها : استحي على وجهك لاأجي اديكي كف دحين افوقك طيب
 هديل : ههههههههههههههه طيب خلاصص والله خلاص 
 روآن سابتها وطالعتلها بنص عين : لو جآ لاتتكلمي معاه 
 هديل : هههههههه من جدك 
 روان رفعت صباعها وهديل انفجعت : والله ماأمزح
 هديل ببرائه : حاضر خلاص
 وبشـآر لبس شي رسمي وفتح الباب اخد الكـيس ونادى روان : تعالي 
 هديل دوبها استوعبت : ايش بكم 
 روان وقفت وطالعت فيها قالت بهمس : طبعا دوبك فوقتي من الوساخه 
 وطنشتها وراحت لبشار اللي دخل الغرفه 
 خرجلها ملابسها من الكيس وحطلها هيا على السرير 
: ليش اللبس كدا 
 عارف الكلام اللي حيطلع عليها مايبى احد يشوفها مبهدله .. 
وقف قبآلها وهوا يبا يفهمها : سميه 
 بس لما قال اسمها باين انو فيه موضوع وترها 
 بشار : الموضوع اللي سار الكل حيهرج فيه هنآك حنلقى صحافه وهمهم بس يسمعو اي تصريح منك على جآسم 
 روان لسى مو فاهمه ماستوعبت ايش يعني : مافهمت 
 بشار حط يدو على كتفها : اللبسي وانا افهمك في السياره 
 خرج من الغرفـه وخلاص رجع لجو النكد رآح لهديـل وهيا على طول سئلت : فين رايحين !
وقلها وسكتـو الاتنين فجأه المشاعر اللي كآنت بينهم اتبخرت 
 وكأنه دي السيره تذكرهم بكل حآجه مرو فيـها 
 وشويا وبشار اتكلم : اباكي تقعدي هنآ وماتخرجي لأي مكآن 
 هديل بااستغراب : ليش !
بشار طالع بااتجاه الغرفه اللي فيها روان وبعدها هرج : ححطلك رجال عند الباب عشان اطمن عليكي 
 هديل انفجعت : لليششش دا كلو 
 بشار : احتياط لين مانمسك جلال اهم شي لاتهرجي شي لسميه وخلي بالي مرتاح عليكي ولاتتحركي من هنـآ
 وفعــلا بس فطـرو نزل روآن للسياره واخد جوالها ودخل تآني لقى الرجال في اللوبي طلعهم لعند الغرفه ودخل لهديـل تاني اداها جوال روان عشان يطمن عليها كل شويآ
 والرجال المسلحين واقفين براا في لممر سلم عليها وحضنها مايقدر يبعد على طول كدا يأخد شويا قوه عشان يقدر يكمـل يومـه طبيعي ...

ووصلـو وقف سيـآرتو نزل وروان نزلت جا لعندها مسك يدها ومشي بس وصلـو للدرجات وجا واحد اول ماشاف بشار ويعرف شكلو والنآس اللي بعدو جاات وكلهم اتمدت اياديهم والاسئله ورى بعـض 
 جا فلاش بوجه رووان فجعها وغطت نففسها ببشاار 
 اسئئئله فجعتها 
 يبو يعرفو كيـف عاشت 
 هل جآسم اذاها 
 جآسم كم بنت عيشها بدي الطريقـه
 كنتي تشحتي ولا كنتس تسرقي ولا ايش وظيفتك بزبـط 
 مسكت في بلوزه بشار وغطت وجهها بجسمه وماتبى تسسمع شي 
 بشار كآن يبعدهم وباين العصبيـه بوجهه اخر سؤال خرجو عن طوره 
 دوبــه دووبه بيخربها الا جميــل جآه ودخلهم وهنآ اختفت فجأه اصواتهم 
 وجهه محممر وجسمه يتنآفض مقهور انو النآس بيهرجو عن ابوه دار على روان : خرجي من راسك اللي سمعتيه 
 روان تطالع فيه مصدومـه تحس لسانها تقيـل
 بعض الاحيان لما تسمعي دا الكلام من غريب تحسيه زي الصعفه اللي تذكرك انتي قد ايش ولاشي
 ماتدري جسمها ولا قلبها ولا ايش اللي يتنآفض فيها 
 بس كل شي وقف بعينها دموعها اتجمعت اشرت براسها : مابى ادخل
 بشار محرووق قلبه : حتددخلي لاتخافي انا فيه طيب ؟
 جميل حط يدو على كتفها : يابنتي احنا معاكي 
 تطالع فيهم الاتنين مو عارفه تعلق 
 حتدخل تفجع الكلام اللي حتقـوله 
 سكتت ماتكلمت تمشي وراه جميل وحاسه بنظرات بشار اتجاهها كل شويـآ
 دخلو للقـآعه وجلست جمب جميل والمحآمي اللي قابلتو في مركز الشرطه 
 وجا بشار قرب منها وهمسلها باأذنها : جلال ماحيقدر يسويلك شي اتكلمي انا معاكي 
 بعد جسمه وهيا تطالع فيه صدرها يطلع وينزل من كتر مااتتنفس بطريقه واضحه 
 وقفت على طول بخوف ومسكت فيه : لا لا ان
 بشار قاطعها وهوا يتكلم بصوت راخي : رجال جلال اللي يلحقوكي الشرطه مسكتهم من يوم مادخلنا وهديل لاتخافي عليها الفندق كلو مأمن 
 جسمها مو شايلها ايش عرفففو سكتت وباين انها مشتته قالت : تامر 
 بشار مو عارف مين دا بس جميل من اسمو قدر يجيبو خلال فتره بسيطه مسك يدها : مالك صلاح قلتلك الموضوع محلول 
 دخـل القـآضي وهنآ عم الهدووء 
 بشـآر خرج على طول ماحيقدر يشوف لما يدخلو ابوه فين رآح دخل للحمـآمآت 
 يبلع ريقه الف مرررا 
 يمرر يده على جبينه على رقبتـه 
 مخنوووق 
 مو شي بسيط الموقف دآ
 اببوه دخل واحد الحمام وهوا خرج 
 مو عارف فين يشـرد 
 من مين يشـرد من نفسه ولا من النآس
 ايش قاعد يسوي !! 
اتذكر رسآله الولد 

 وراح جلس على اقرب كـرسي ويحرك رجوله الاتنين ووجهه باين واحد ماسك 
 الف غصـه جوتـه 
 الممر اللي هوآ فااضي 
 راح لأكتر مكآن بعيد عن عيون النـآس 
 كل شي يدور براسه واولهم لو خرج من دا المكآن سمعتهم بجد حتكون على كل لسان 
 صح ولا غلط صح ولا غلط 
 سؤال يتكرر في راسه وحيقربه للجنون 
 اختي مآتت 
 اختي اغتصبها واحد بسبب ابويا 
 انتحر الولد بسبب ابويا 
 حور راحت 
 يكرر الكلام وسط راسـه عشان يقنع نفسه انو مو غلطان 
 رفع جواله ودق على هديل يبا يكلمها يبا يخرج الموضوع من رآسـه 
 بس اول ماوصلها صوتـه سكتت ودموعه تنزل بصمت 
 قد ايش هوآ ضعيف دي الفتره بس غصبا عنه اخته ماكملها تلات اسابيع متوفيه 
 وقاعد يمر بشي كبيـر
 هديل تنآدي كدا مرا ومو واصلها اي صوت : الوو بشار !! .. الو !
بشار بالقوه اتكلم بعد مامسح دموعه : ايش تسوي
 هديل ماستوعبت صوته في البدايه : ولاشي مسدوحه 
 بشار : اها _ سكت وبعدها قال _ انا غلطت في شي ؟
 هديل كآنت مسدوحه رفعت جسمها وجلست : في ايش ياعمري
 بشار بكي وقال بكل ضعف : انا بسجن ابويا ..._ قال بكل قهر _ ابوويا داا
 وبكككي وكأنه الكلمه خلتو يفووق وينسى ايش سار لحور 
 وكلمه " اب " تكفي انو حتى لو انسان سيئ قلبك يحرقك عليه ويفضل ابوك 
 في أبااء اولادهم مايدوهم شي في حيآتهم ولكن مايتغير حبهم يضلو اولادهم حتى لو كآنو سيئين 
 وفي العكــس
 اولاد يشيلو اسامي ابائهم بس كمسمى الاب مايحس مايقدرهم لكن يفضلو محترمينو وشايلينو فوق راسهم 
 فجأه حس قلبه يوجعه من الفكره 
 ضاغط على الجوال بيده وهوا يبكي 
 هديل ايش تقوله حاليا مقدره الوضع شافت امها على غلط وكآنت متمسكه فيها لأخر لحظه 
 ماعرفت تقوله غير جمله وحده : حبيبي لاتبكي
 اكتتر انسآن شافتو بحياتها مستهتر وكيف كآن يطقطق على ابوه ويضحك 
 وعايش حيآته ودي الفتره شايفته مدموووووور



 جوآ في القآعـه دخلو جآسم وهنـآ روان كل شي اتتلخبط فيها 
 حست باليد الدآفيه اللي جآت على يدها وطالعت في جميل 
 حتى جميل له نصيب من الألم 
 له نصيب من السمعه 
 له نصيب من كل شي 
 قلها بكل حنيه : ربي مايرضى بظلم قولي كل اللي عندك 
 اشرت براسها ودموعها كل شويا تغطي كل حآجه تشوفها 
 وترفع يدها وتمسح دموعها 
 وفجأه انقآل اسمها 
 اسسم غريب فجعها " سميـه جآسم محمد الرآيد "
الجمله لوحدها دي كفيله انها تدمر كل شي جوتها 
 كفيله انها ماتخلي شي يتحرك فيها 
 جميل يناديها وطالعت فيه ويأشرلها تقوم 
 تطالع في النآس في نظراتهم وقالت بكل صعوبه :ماقدر
 يدها تتتنآفض قلبها يدق بسـرعه ترفع عينها تشوف جآسم واقف بكل شمووخ ويطالع فيها
 انفآسها ورا بعض 
 نزلت راسها لما كل شي دآر بعينها 
 جميل انفجع حط يدو على ظهرها : سميه فيكي شي 
 كآنت تتنفض بشكل ملللحوظ 

 يبوها تطلع تتكلم عن حيآتها والكل يطآلع فيها كيف ماتخاف 
 كيف ماتترعب 
 كيف ماتحس انو قلبها حيوقف
 النآس برا يسئلووها جاسم اذاكي ايش كنتي تشتغلي النآس وصلهم الموضوع ؟
 من ميــن !!!
خآيفه من كل شي 
 جميل وقــف ورفع صوتـه : بلله مويـه جابولو مويـآ ويفتحلها ويحاول يدها ترفع يدها بالقوه تمسكها 
 وجآآسم يتفرج على بنتـه 
 يحزن ولا مايحزن ..!
مشاعر متبلده 
 اي احد يطـآلع فيه وبهيأته من برا يقول مو مهتم 
 بس فيه شي حزن عليها من جوتـه 
 لكن مستنيها تتكلم عشان يحكمولو برآئه ويقدر يخرج من دا المكآن 
 واثق بجـلآل
 ورجع كل شي طبيعي وقامت روآن اتوجهت للكرسي اللي اشرلوها عليه
 بصف القآضي وعيون الكل عليـهآ .. حلفت انها مآتتكلم غير بالصدق 
 وتطالع بجميل كل شويا ويأشرلها براسه وكأنه يطمنها 
 ليش تحس انها تبـآ بشار 
 سئلوها عن عمرها قالتلهم ماتدري 
 وبدأ السؤال اللي الكل مستنيـه
" ممكن تقوليلنا بتفصيل ايش علاقتك بجآسم "
طالعت في جآسم وهوا يمرر يدو على ذقنو ويطآلع فيها 
 قالت بصوت يادوب طلع " علاقتي فيه قبل موت بنته ولا بعد ؟"
جـآسم انجلللط 
 باين ملامح وجهه وتوتره 
 صوتها مهزوز 
" ايش يختلف قبل موتها عن بعد "
روان طالعت في جآسم " قبل مآكنت ادري انو بنتو _ اختفى صوتها بللت شفايفها اهتز صوتها _ بعد عرفت اني بنتو "
جميل راخي صوته ومو قادر يطالع فيها ولا فجآسم 
 جآسم عرف انو رآح فيها 
 وجهه بدأ يحممر بدأت عروق وجهه تبرزز 
" كيف كآنت حياتك قبل ؟ "
روآن تضغط على يدها عشان تخفف رجفتها 
:امم نصحى الصبـآح نتجهز انا والبنآت ونـروح نبيع في الاسـ
 وصرخه جآسم بككل صوته قبل لاتتكلم : كككككذااابه 
 روآن فز جسسمها من الفجعه دموعها في ثواني نزلت 
 وسارت تنزل ورا بعض وقفت تبا تمشي ماتبى تتكلم خلاص
 الا القاضي طلب من جآسم يسكت ومايفتح فمه بكلمـه
 جاسم واقف وضاغط على فكه ويطالع بروآن 
 روآآن شكلها يقطع القلب 
 الكل يطالع فيها وحزنآن عليها طلبو منها تجلس 
 وجلست لأنو مو قادره تمشي 
" كملي "
تكممل ايش تقول 
 ضاع الكلام 
 ترفع يدها تمسح دموعها 
 ومو قادره تنطـق بشي 
 القآضي لأول مرا يتعاطف بدا الشكل مع وحده 
 طلب يدوها نص ساعه ترتاح وحيرجعو يكمـلو سحبو جآسم 
 وجميل على طول قاام ورحلها : يابنتي ايش بك تعالي 
 ماقدرت تقوم لو مامسكها ورفعها بنفسه مآكآن اتحركت 
 خرج جواله واتصل على بشـآر 
 اللي كآن ثواني وهوا عند الباب الكبيـر ... 
واول ماخرج جميل وهوا ماسك روان بشار مو مستوعب شي 
 مالهم كتير جوا !
طالع في روان مفجوع : ايش فيه !
جميل اشرلو براسه انو امسكها وفهم من شكلها انو مفجوعه 
 دوبه بيمسكها الا روان حضنتو وبكيت 
 على طول جآ في باله كلام هديل لما قالتلو هيا تعتبرك اخوها 
 تبكي بصوتها ودي تالت مرا يشوفها كدا منهاره 
 اول مرا كآنت علقته معاها ماتسمح انو يقرب منها ماكان مهتم لبكاها لأنو هوا مفجوع بموت اخته
 وانها ماتعرف شي عن جآسم 
 تاني مرا ف مركز الشرطه لما اعترفت وقرب بس منها وحاول يمسكها بس ماحضنها 
 لكن دحين فيه شي جوته اتغيـر
 اصلا انها اول ماشافته جاته وكأنه تستنجد فيه غير عن الكل 
 دي كآن لها الف شعور انها تغيرو جوتـه 
 رفع يده على ظهرها : ايش بك 
 هرجت بصوت راايح : اكرهه مابى اشووفه 
 كل مايبى يحس انو ابوه احد يذكره بوساخته 
 جميل حط يدو على شعرها : بس مرا وحده يابنتي قولي اللي عندك وبعدها ماحتشوفيه 
 ولابعدت عن بشار ولاعلقت بكييت وبس 
 خايفه 
 بشار اشر لعمه وسحب روان بعيد لعند كراسي الانتظار جلسها وجلس جمبـها .. 
غطت وجهها باأياديها 
 مرر يدو على ذراعها : تبيني ادخل معاكي ؟
 على طول نزلت يدها واشرت براسها 
 مرر لسانه على شفايفه ماحتكون حالته اسوء منها يقدر يتحكم بنفسه 
 هوآ رجآل هيا بنت قلبها ضعيف مايتحمل : خلاص حدخل معاكي وقولي كل شي سوالك هوآ _ بلع ريقه ويتكلم من ورا قلبه _ حكيه عن كل وحده عانت عندو عن كل شي تعرفيه 
 تنآآآقض اللي يحسو يوم يبا يقتله يوم يضعف 
 يووم حاااقد حآول يتذكر الرساله حاول يتذكرها كلمه كلللمـه 
 عشـآن يدخل وهوا مو حآسس بتأنيب بضميره 
 وفعلا حس بدي اللحظه انو ابوه مايستاهل الحيآه .. 

جلـس معآهآ ودخل بعد نـص ساعه لما رجع القاضي ..
جالس جمب روآن الا دخــل جآسم 
 بس لمحه بشار وشتت نظره 
 جآسم يطالع فيهم الاتنين ودمـو فآآآير .. 
انحكم عليه بالسجن المؤبد ولا بالاعدآم مو عارف 
 بس عرف انو نهيآيته هنآ 
 يطالع في بشـآر كيف مرر يدو على روان ويطمنها وقامت رجعت تجلس في مكآنها 
 بسبب جآسم سارو قرآب 
 بسببه فرقها عنهم وبسببه قويت علاقتهم 
 رجعت جلسـت تطالع في بشار كل شويا وتتكلم 
 بيحاول ماتنزل عينه من عليها عشان لايطالع في ابوه 
 شعور يقتل انو متوآجدين بنفس الممكآن ومايبى يشوفه خلاص
 روآن تتكلم بااسلوب حزن الكل 
 الكل دموعه بعينه بسبب صوتها الهزوز 
 بسبب الكلام اللي يفجع 
 جآسم كل شي اندممر فعينه 
 مآكآن يسمع لكلامها اكتر من انو بيشوف نهايته بدا المكآن 
 خلاص جآسم اللي كآن عايش يسرح ويمرح بكل مكآن رااحت سمعته 
 رااحت حيآته 
 حيتسجن ويتهااان 
 انضرب من ولده وانضرب من مسآجين لأنو ببساطه عرفه انو كآن يعذب اطفآل
 كلهم ممكت يتاجرو بالمخدرات 
 قتل واحد بالغلط 
 بس اللي يعذب طفـل دا يكون اتعداهم بمرآحل
 كل شي بدأ يسود بعينه صوت روان يروح ويجي 
 يسمعها تكمـل 
" نهايه الاسبوع يجي يشوف كم صرفنا وياخد الفلوس "
حكت عن هدى لما ضربهاا 
 حكت عن سعاد 
 نعيمه 
 وجآت اللحظه اللي تحكي عن هديـل 
 طالعت في بشار وسكتت ماتكلمت 
 غيرت الموضوع 
" كم طفله عشتي معاها من يوم ماجابك مع البنات "
روآن : خلال دي السنوآت كلها تقريبا 30 بنت 
" فينهم حاليا "
روان : مدري
" دي السنوات كلها ماكنتي تعرفي يعني انك بنتو "
نفس السؤال عاده للتأكيد للكل
 روان اشرت براسها بلا ودموعها بعينها 
" ممكن تجاوبي بصوتك "
روان " لا "
 " ولا كآن يعاملك معامله غير "
روان : بنسبه ليا ماكنت شايفه اني مميزه وحتى لو كنت في النهايه سابني في الشارع زي البقيه 
" في مرضكم ايش كنتو تسو "
روان :نعالج نفسنا نمرض لين مانقدر نوقف تاني 
" ماداكم اي رعايه صحيه يعني "
روان : لا
 اسئله عامه اسئله شخصيـه شويا تهدى شويا يقلب المواجع ودااك واقف على رجلو 
 ليـن ماسود كل شي بعينه بس دي المرا مو قادر يمسك نفسـه 
 فجآه وبشار لامحــه من الجنب ومايبى يطالع ويحسس بحآجه اختفت من نظرو لاشعوريا دار راسه 
 وجسم ابوه خبط في الارض والشرطي بسرعه اتوجه له يحس نبضه وقاام مفجوع يناادي المسعفيــن .. 

روآن كل شي صنم فيـها مااتحركت بس دقآآآت قلبها اللي تعبر عن فجعتها ليش خاايفه ..؟
 جميـل الاخ اخخخ في عز اللي بيسويه لأخوه قام بسـرعه من مكآنه بدون تفكير واتوجه لأخوه 
 ولده ..!؟



 تـآمر وضعه مختلف مانام من الاسـآس .. ندمآن لأنو ماتكلم مع عدي لكن متأكد انو فيه خيـر 
 ولو سآر ماحيقصـر ... 
للبس ثوبـه ومسك جواله لقى رسايل من ترف على الوآتس 
 بعد مانامت روان وهيا معاه رما جواله ولا مسكه 
 مبسوط انها نآمت على الاقل واحد منهم يكون مرتآح ..
نفسه يعرف ايش سـآر معاها ..
فتح محادثة ترف 
" تامر مرا مخنوقه لما تصحى كلمني "
 " امانه لاتكذب عليا سامي كويس ؟ "
 " والله مو مرتاحه حاسه انو فيه شي " 
 " الله يخلييك لو سامي فيه شي قولي قاسم حيرجعو ليا ليش سار شي ؟ "
اتصل عليها ..وعلى طول ردت وهيا نآيمه 
 جلست بكل فجعه : ايوا تآمر
 تامر : ايش الكلام دا اللي راسلته 
 ترف بصوت وحده مدموره من التفكير : ايش اسوي خايفه 
 تامر يهرج بكل هدآوه : اهدي خلاص تلات ساعات احسبيلي وسامي عندك ان شالله 
 ماتدري تنبسط ولا تخااف :سامي طيب ؟
 تامر : ليش بتفاولي على ولدك دحين !
ترف : الله يحفظه بس مدري جاتني ضيقه طول الليل 
 تامر : نكديه عشنك .. قلتلك تلات ساعات ايش لزمه الأوفر حقتك دا "
اسلوووبه حقير يحسس الواحد بجد انو قاعد يتوهم 
 قفـل منها بعد ماخلاها تحس بجد انو مافي شي 
 واكتر كلمه حسستها انو صادق لما قلها بس ييركب السياره اخليه يكلمك 
 ياألللله دي الكلمه خلتها تقوم من السرير ويطير النوم 
 قفلت منو ودموعها تنزل 
 حتشوووف سامممي
 حطت يدها اللي تتنافض على قلبها 
 تحس كأنو حللم 
 حلللم واخيرا بيتحقق 
 اطول ايام مرت عليها 
 اسوء ايام 
 ولدها حيرجع لحضنها 
 حتتعدل 
 حتسير احسن انسانه 
 حتبطل حشيش عشان خايفه يقارنها باأحد تاني زي ماقال برااء 
 تباه يحبهاا عشان لايروح لأبوه مرا تانيه 
 لو يوم يبا يروح رحله مع اصحابه ماحتمنعه 
 تباه يرجع وحيتغير كل شي وأول شي هيا 
 دي المرا غير 
 كل مرا تسيب الحشيش وترجعلو وعارفه سامي مستحيل يسيبها 
 بس دي المرا حست باايش يعني يروح من يدها وعارفه انو فتره ويبدأ يستوعب 
 اول ماكان عنده خيار غيرها 
 حاليا عنده خيآر تاني وهوا قآسم ... 
اللي يشوفها كيف تمشي بالبيت ومو عارفه ايش تسوي بزبط 
 باين وحده مو عارفه تنبسط ولا تبكي
 ايش حتقوله لما يجي ماتعرف 
 بس تبا تحضنه 



 امـآ تآمر خرج من غرفته راح فتح الباب على امه لقاها نآيمه 
 وخرج من البيت مايدري ليش راح يشوفها قبل لايخرج بس مو مرتاح لروحتـه دي 
 وترف وترته بكلامها وبصوتها 
 وكأنه كآن ناقص
 عدا الوقت بسـرعه وماحس الا وهوا موقف قبآل بوابه القصـر .. 
انفتح الباب ودخل بسيارته للموآقف .. 
وخرج لقـى سلمى بوجهه 
 ابتسامه خفيفه كآنت بتسلم بس ماسلـم عليها وهيا اشرتلو بتوتر يدخل جوآ .. اخد الملف الاسود من السياره ومشي وراها 
 وصـل لعند قـآسم ومـد يدو يسـلم 
 كآن قآسم بيسحب يدو الا تآمر شد عليها ... 
ورمآ الكلام اللي صدمـه هوا وسلمـى : حط في راسك ابويا ساب ورا ترف رجال ياخدو بحقها
 هنآ قآسم ارتخى يدو لما قال دا الكلام .... ماستوووعب 
 تامر سحب يدو ومشي بخطووات هـآديه لحد الكـرسي جلـس والاتنين يطـآلعو فيـه رمى الملف قبـآله 
 والاتنين يطـآلعو فيـه ولا واحد فيهم قدر يتحرك
 تآمر وكأنه صآحب البيت اشرلهم : اجلسو ايش بكم واقفين ... 
قآسمم ولا جـلس وسلمى قلبها يدق بســرعه كآنت متوقعه حيجي يخطبها اتأمللت فيـه 
 تـآمر بااستهزاء : ايش بكم مفجوعين !! ... _ ساند جسمو ويتكلم بااسلوب لأول مرا يشوفوه فيه _ دي اختــي تآج راسك انتا على هيآ 
 قاسم رفع يده : هييي خيير انتا نسيت نفسسسك 
 تآمر : لا طبعا _ رفع حآجبه وقال بحقد _ اسمك يرن في أذني من يوم ماعرفت ايش سويت باأختي 
 قآسم ضحك : ههههههههههه حلللو طيب وايش المطلوب مني 
 سلمى لساتها واقفه مو مستوعبـه شي .. 
تآمر اخد الملف ويفتحو ويخرج الاوراق ويرتبها 
 ورقه رقه قبآآله وسلمى على طول جآ ق بالها التوقيـع 
 من قبل لايتكلم بس مو قادره تهرررج 
 قآسم : مني فاااضي انا ليـ
 تامر بدون مايطالع فيه وهوا عينه على الورقه : استنى على رزقك ليش مستعجل 
 قاااسم مولللللللللع 
 مررا مولع 
 تامر بس خلص وقف طآلع في سلمى : اول شي اقولك شكرا من قلبي بدونك مدري ايش كآن سويت 
 قلبها كآن حيووقف اتأكدت انو هيا السبب
 تامر أشر على الورقه الاولى وعينه على قآسم : دي الورقه نقل ملكيه باأسامي عمايرك ومكتوبه باإسم اختي طبعا اختك موقعه باسمك _ رفعلو الورقه يوريـه _ لازم اخلي شي لأختي لأني عارفك مجنون وماأضمن ايش تسويلي ... باقي الاوراق _ طالع في سلمى _ دي نسخ لأوراق تدل على انك داخله في غسيل اموآل _يتكلم زي ماكانت تتكلم عن ترف _ يقولو النآس يقولو انا مدري انو وصل البلاغ للشرطه ومسأله وقت وانتي محبوسه 
 ماحط شي على قآآآسم ورط اخته بكل حآجه 
 سلمى تبا تعلق تبا تقول ومازال الكلام ضايع منها 
 قاسم يهرج بكل ثقه :وربي حتى لو اختي اللي موقعه عليها اقدر اقلب الموضوع عليك واخرجها زي الشعره من العجين 
 تآمر : عارف عشان كدا كميرات المكتب مصورتها من كل جهه وهيا توقع وعلى فكره انا مو بآين وفي كميره مسويلها زوم على الاوراق يعني عشان تبآن انها بتوقع على نفس الاوراق وماطلع كذاب 
 قآسم مرر اسنانه على شفآيفه : انتا عارف اني اقدر ادفنك هنآ
 تامر : برضو عارف والموضوع مو فارق معايا اختك حتتسجن وصدقني اقل شي ممكن تضيعه من عمرها 7 سنوآت الا _ طالع في سلمى _ عندك حل واااحد عشان اخرجك من دا الموضوع 
 مخليييييهم زي الالعاااب بيدو 
 يطالعو فيـه ويبو يعرفو بجد ايش نهايته !!!
تآمر : اول شي حرجع افتح قضيه ترف وحرفع عليك دعوه باإنو اختي اتسجنت تحت تهديد منك ومن عيلتك وحثبت نسب ولدها لك بالقانون _ طالع في سلمى _ لو تبيني اخرجك من دا الموضوع كلو روحي بنفسك واشتكي على اخوكي وافتحي انتي قضيه ترف وتوريهم المقطع اللي ارسلتيه ليا وولا ترا كمان اقدر اوريهم المقطع انك ارسلتيه من جوآلك وحرفع عليكي قضيه قذف والكلام اللي بيننا لسى موجود
 يطـــآلعو فيه الاتنين وهوا رفع صباعو على راسو : حررر انا اباا امرمطكم ابا سمعتكم تنداسس 
..مابى انا ارفع عليك القضيه _ اشر على سلمى _ انتي حتروحي بنفسك تشتكي عليه وتبرأي اسم عيلتنا كللها ولا لو حسبتي مجموع القضايا اللي حتترفع عليكي اقل شي حتتسجني 10 سنوآت وقتها حتححسي اكيد بللي مرت فيه تــرف 
 سلمى : انتتتا حقيــر 
 تآمر للمره التآلته بااسلوب مستفز يعيد الجميـله : برضو عآرف
 يحرك اياديه في بعض ويطالع في قآسم : ايش بك سآكت ! خلاص دا نهاية كلامي اختك احتمال بمزآجي _ يعيد بنبرة صوت قآسم _ ممكن اخرجها من الموضوع زي الشعره من العجين بس انتا مسجون مسجون 
 الولد بكل سهوله اخده وفي يومين يطلع التحليل وانتهى كل شي 
 قآسم بين اسنانه قااال وبدأ وجهه يحممر : ولا حتقدر تلمسه 
 تامر : ماحخرج بدونه _ اشر على رقبته _ لو قطعت رقبتي سامي حيرجع لأختي يعني حيرجعلها
 قااااسم ولـــع 
 اتجنن 
 والشي اللي متوقعـه تآمر ساار
 لما سحب المسدس من الحارس اللي وراه ورفعه على تآمر
 سلمى رفعت يدها على فمها بس ايش تسوي ماتدري 
 خايفه على نفسها 
 وخايفه من الموقف 
 تآمر : ماحيغير شي سواء قتلتني ولا لا ابويا ساب اتنين غيري والله حينهشو بعظمك ولا حترتاح
 قآسم بحححقد : موووو انااا الللي واحد يوقف قدآمي ويهددني ... فوووق على نفسك زي مادفنت ابوك اخوانك حيدفنووك
 تآمر : حيدفنوني وراسهم مرفووع دست عليك وعلى عيلتك كلها كل شي عند اخويـآ ماحيفرق ايش حتسوي معايااا .. 




في غــرفه تميم ... مسدوح على سريره ويتكلم مع رشآ وهوا مغمض عينه : دوبي صحيت ياقلبي .. بس افوق اكلمك .. لا حكلمك في الطريق لمى ماعندها دوام طيب احبك ..باي
 قآم اتمطع امس نآم على حظ تآمر متأخر 
 دايما يكون صاحي دا الوقت ورااايق 
 جلس واتمطعع 
 وقف مشي بخطوات تقيله وقبل لايخرج من الغرفه انتبه لأوراق على الكومدينه 
 اخدهاا وعقد حوآجبه مافهم شي 
 يشوف اسم قاسم داود واوراق سلمى داود 
 ومو مستوعب ولاااا حآآآآجه
 رجع اخد جوآله اللي على السرير 
 وفتح محادثه تآمر وكآن قبل نص ساعه بزبـط كآتبله 
" الاوراق اللي على الكومدينه حطها بعينك لو ماكلمتك بعد سآعه حتلقى ورقه بين الاوراق مكتوبلك بزبط ايش حتسوي في كل ورقـه وعن ايش حتبلغ بزبـط "
تميم دقآت قلبه بتزيـد ولساته مو فاهم شي بس انفجع 
 اتوجه للاوراق تآني ويقلب فيهم وقرا الكلام اللي مكتوب بخط تآمر 
 نفس الكلام اللي قالو لقآسم وسلمى بس طلب منو يآخدو لو ماقدر هوآ يجيبـه 
 وكآتب عنوآن بيت قآسم وطلب انو يبلغ اول مايشوف الرسآله ... 
اتصل على تآمر زي المجنووون بدون تفككير بس ماررد 
 ورجع اتصـل عشان يبلغ ويده تتنآفض
 اخد مفاتيحه وفتح باب الشقه ونززل 
 خآرج بشورت وبلوزه بيـت اخر همه بس كآن ايش لابس بدي اللحظه 



 في القصــر 

 زي دا الوقـت يتمشى بالبيت من الطفـش ويروح لقسم الخدم 
 طبعا القسم برا القصـر .. فتح الباب ومشي ومشــي وسمع اصووآت 
 راح بااتجاه الصوت ومآت رعب لما شاف ابوه رافع مسدس بااتجاه تــآمر 
 جرررري بااتجاااهههم ووقف عند ابوه كآن بيمسكو الا قـآسم دفو وصرخ عليييه : ارررجع ادخخل
 سـآمي طاح في الارض وقف : الله يخليك لاتسويلو شي 
 كآن بيقرب الا الحارس حق قآسم مسسسكو 
 قآسم : تعرفو بعض كمااان 
 تآمر : وحاخدوو لأختي 
 قآسم على جثتي ... مالو خرجه من دا المكآن لاإنتا ولا اختك تحلمو انكم تآخدوه 
 سااامي بس سمع الكلام دموعه نززلت اتبخرت كل احلامه 
 تآمر : شكلك ماسمعت كل اللي قلتو اوول 
 قآسم : اعرف اخرج نفسي من الموضوع 
 تآمر _ طالع في سلمى _ :حيتنآزل عنك بسهوله وانتي تقدري تتنازلي عنو وترفعي شكوى وصدقيني ماحيسرلك شي 
 قآسم : اننننكتمم والله لو فتحت فمك 
 تآمر قاطعه : خليني امشي انا وولد اختي بسلام قبل لاتجي الشرطه تسحبكم وتذلكم قدام عيننا
 سلمى بكككيت بصووتها : قااااسمم اممماانه لاتخلي احد يقرب مني 
 قااسم : لو قتلتلك انتا واخوانك محد حيدري عن شي 
 تآمر : اوووه مشووار على بال توصل لأخواني 
 سآمي عينو تتنقل بين الاتنين : ابوويا الله يخليك ابا اروح معاه
 تآمر : حتجي لاتترجآه 
 قآسم عارف انو مو قادر ياخد حقو وواحد قاعد يذلوو 
 عارف انو متورط ومو قادر بنفس الوقت يستحمل الاهانه وبرود تآمر 
 رافع المسدس قدآمه و لساته يهرررج 
 لساته يتكلم 
 سلمى تبكي بصوتها وخاايفه 
 سامي يبكي ويبا يروح معآه 
 وتآمر قاال بكل استفزاز : والله حتنحرررق زي ماحرقت قلب اختي واللله لاأدفنك انتا واختك زي مادفنتو اختي 10 سنوآآآت 
 وطلقـــه مسدسسس 
 رجعت جسمـه لوورى وخبط في الكررسي
 صرررخه سآآآمي 
 صرخه سلللمى 
 نظرات تآمر اللي نزلت على تحت وهوا يشووف توبـه الابيض بطريقـه سريعه بيندمج بللون الاحمـر ..
نزلت يدو اللي تتنآفض لتحت صدره 
 وقآسم مشي بخطوات واحد حآقد بااتجاهه : مو انا اللي اتهدد ببيتي 
 سآآآمي يصرخ يحاول يدف اللي ماسسكه بس كآن ماسككه بكل قوه 



 بـــرا القصـر ... 
رجآل جميــل اول ماسمعو طلـق النآر وآحد نزززل والتآني قدم بلاغ ولحقـو بسـرعه 
 اسوار القصـر انفتحلهم على طول ودخلـو بخطوآت سـريعه وهما يدورو على مصــدر صوت سآمي وسلمى .. 
وكآنت لحظآت سريــعه لما وقفو قبآل قآسم وقالولو يرفع يدو يونززل للأرض

 ســآمي ... !
يطـآلع في خآلو اللي كآن يحاول يوقف بالقوه ساند اياديـه على الطآوله بس لحظات واترمى جسمه على الارض 

 ويتنقـل لأبووه وهوا يرمي المسدس ويرفع يده بكل استسلااام 
 يرجع يطـآلع في خآله اللي يفتح عينه ويقفلها وصوت تنفسـه ورا بعض 
 وعمتــه اللي تبكي بكككل صوتها ومنهــآره 

 تــآمر اول ماترمى جسمه بالارض يحس انو روحـه بتطلع 
 خلاص شاف الموت بعينــه بدي اللحظآت مو داري ايش بيسير حوليـه 
 بس حس برجآل الشرطه 
 واحد جلس على ركبـه جمبـه وسار ضاغط على الجرح بيحاول يخلي تآمر 
 مايغيب عن الوعي بيحاول يخليه يتكلم يسـئلو عن اسمو 
 بس تآمر كل شي بيغبش بعيونـه 
 ايش يقول اللي قدآمه سامعه بس لسانه تقيـل مو قادر يتكلم 
 الشرطي يمسك وجه تامر ويسئلو بصوت عآلي للمرا التانيه : ايششش اسمك
 يباه يركزز 
 يبا يستوعـب
 بس غمض عينه 
 وهنا الشرطي رجع يخبطه على خده كدا مرا : خليييك معااايا 
 ورجع فتح عينــه 

 وكدا قآسم اول قضيـه اتمسك عليها زي ماكان تامر يباه وحيخرج سامي غصبا عنه من بيته سواء عاش ولا ماعاش


 نهايه الفصــل الثامن والعشرون ...


السلام عليكم ورحمه الله وبركــآته 
 اتمنى من كل قلبي انكم تستمتعو بدا الفصـــل ... 



الفصــل التـآسع والعشرون ... 




من انــآ .. ؟
 ذلك الطفـل المنسوب لتلك الدوله اللتي احتضنتني
 ولم أجد غيـرها 
 اخبروني بين يوم ولليله بأني مختلف عن بقيه الاطفآل
 فلدي ام لكن تعيش في مكآن لاأستطيع الوصول لها ..
اخبروني ايضآ ان باإمكآني رؤيتها لمده سآعه 
 لم استطيـع ذلك اليوم النوم من السعاده 
 واتى ذالك الصباح وابتسامتي لم تفارقني 
 كنت جآهزآ قبل الموعـد بساعات 
 فاأنا مختلف عن البقيـه 
 انا لدي ام 
 لكن ظروفها لاتسمح لها باأن تأخذني 
 لم تهمني تلك المعلومه باأنها محتجزه 
 فايكفيني باأن لدي ماكآن ينقصني 
 لكن عندمآ رأيتها 
 اختفت ابتسآمتي 
 لم استطع التحرك 
 تلك الكلبشـآت المزعجه صوتها يتردد في مسامعي 
 في كل لحظه اريد ان اغمض عينآي
 كنت في السآبعه عندمآ علمت بوجود والدتـي 
 وفي العاشـره عندما رجعت إلى احضآنها وايضا اخبرتني باأن ابي متوفي 
 وفي العاشره والنصف عندمآ بدأت تسلك طريـق غريب وتخرج بكثرة من المنزل لأسباب غريبه 
 وفي العشره والنصف ايضـآ عندمآ وجدتها تستمتع بتلك السجآئر 
 وفي الحآديه عشـر عندمآ اكتشفت كذبآتها 
 فلدي اب يريد ان يحضني 
 يرد ان يعوضني 
 فتركـتها وحيـده 
 وانا اعلم باأن ليس لديـها أحد 
 واليـوم اقف في موقـف 
 لاأستطيـع استيعابـه .. 


صرخـآت سلمى ×
دخخوول رجآل الشرطه ×
نظرآت قآسم المفجوعه ×
سقــوط تآمر في الارض ×

وسآب حاارس قآسم فجأه سآمي مع الموقف ... 
دموعه تنزل وقلبه يدق بـسـرعه 
 يروح لميــن !!!
لأبوه اللي بيسلم نفسـه وبينفذ كلام الشرطه وينزل المسدس بالارض ويرجع اياديه ورا راسـه وينزل 

 بركبه للأرض 
 ويرجـع يطآلع في تآمر اللي توبه مغرق دم والشرطي نزل لمستوآه وسآر يحاول يتكلم معآه 
 رآسه يحركه بذهووول كل شويـآ 
 مفجوووع 
 مر في حيآته بحآجآت كتير وهوا بعمـر صغير
 بس اكتر من دا الموقـف ماحيمر عليـه
 انسحب قآسم وهوا يصرررخ ويقول لسلمى تتصـل على المحآمي حقو 
 رفع مسدس واطلق على شخص ولسى يصرخ على الشرطي ويقولو : والله لاأخليييك تندممم
 والشرطي يسحبو بقووه ويمشيه باإتجاه السيـآره 
 والشرطي التآني دي اول مرآ يشوف فيها انسآن ينزف قدآمه 
 ويحسه بيممووت 
 سآب صاحبه يتعامل مع قآسم بدون تفكيـر 
 بيحاول يطبق الاشياء اللي يعرفها انو يضغط على الجرح ويتكلم معـآه 
 يضغط على الجرح ويده ماسار شايفـها من كتر مو مغطى لونها بالاحممر 
.يرفع يدو التآنيه ويمررها على خد تآمر وهوا يباه يفووق 
 وتآمر يفتح عينـه ويغمضـها 
 فجأه الاصوآت ماسار سامعها ...
شايف اضائااات وشويه يرجع يشوفهم مزبــوط 
 دقآت قلببه ســـريعه التنفـس اللي ياخدو كأنه سكآكين في قلبـه
 دار رآسه على اليمين وهوا يطآلع في قآسم ينسحب لبــعييد
 ارتـآآآآح
 وغمـض عينه بكل استسلام .... 
وسـآر زي الجثـه على العشب الاخضـر
 بدون اي حـركه 
 الشرطي ماشال يدو مستني سياره الاسعاف رفع يده على رقبـة تآمر وهوا يحس نبضه 
 مرآ ضعيـــف 
 بس فيـه لسى نبض
 ورفع عدسـه عينه على سآمي اللي نزل لمستوآه ودموعه تنزل بصمت 
 الشرطي : ماحيسرلو شي 
 سآمي رفع يدو على كتـف تآمر وناداه بصوت هادي : خآلي 
 ومالقى اي رد ... وبكككي وهوا يطآلع في الدم 
 بنسبه لسآمي دآ وآحد ميــت 
 مستحيل يعــيش 
 سلمــى ... ؟ 
 بس انسحب قآسم دخلت جري للقصــر
 الحآرس نفس الشي انسحب قبل لايتهموه باأي حآجه 

 اطول دقآيق بتمر على سـآمي اللي مو قادر يتحرك 
 لين مآجآت سيـآره الاسعاف وقتها وقف غضبـآ عنه ..
نزلو رجآلين من السياره مأكشفو عليـه كتير سحبو السرير ورفعوه على طوول 
 وطــآح جواله في الارض ومفاتيحه من جيبه 
 الشرطي ادى الاغراض لسآمي .... واخيرا طلعت ردة فعل منـه ودخل سياره الاسعاف قبـل لاتمشي .. 


تميــم ... 
عينه على الطريـق وبيسوق بكل جنـون 
 الكلام يفجع 
 الكلام يخــوف 
 يباه يجيب سآمي لو هوا ماقدر !!!
بيحلل كل كلمه في الرساله 
 رفع جوآله يتصل مرا مرتيـن تلاته ولا فيـه رد 
 ومآزال يعيد الاتصـآل
 لين مآجالو صوت فجعـو ... 
 : الوو ..! مين معايا ...سآآمي ! ..ايش بك تبكي فين تآمر
 سئلو بعد مانفجع من الاصوات اللي جمبـه الاسعاف والاجهزه اللي في السياره
 بس سمع كلام سآمي في لحظه دارت فيه الدنيآ
 الكلمه مو قادره تخـرج ممنو 
 انتبه لسياره الاسعاف اللي خآرجه من نفس الحي اللي بيدخلو : انتو فين !
وقفـل منو اول ماقلو احنا رايحين للمستشفى 
 فجأه عكس الطريق وسار يلحق السياره 
 كلام سآمي .. بكى تميم كل شي فجعه 
 بيحاول يتمآلك نفسـه 
 وكل اللي بيردده 
 مافي شي يخوف ..يمكن شي بسيط 
 سآمي صغير طفل اكيد خآيف
 واول ماوقف ورا سياره الاسعاف 
 نزل من سيارتو بدون مايطفيها دوبو بيقفل الباب الا سحبو الرجال
 السرير .. اول ماشاف تامر ساب باب السياره ولا قفلها 
 مشي بدون عقل بخطوات سريعه بااتجاهه 
 اتجنن من كميـه الدم ولا من انو اخوه مو داري عن شي 
 يلحقهم وهوا يناديه بعدم استيعااب يمشي معاهم في المستشفى 
 ووقف لما سستر وقفت قبآله 
 واختفى اخوه عن نظره 
 رفع يده على جبينه ومررها على شعره 
 دموعه تنزل 
 اتحرك بعدم استيعاب 
 جسمه يتنآفض
 في راسه حاليا انو تآمر مآت 
 تآمر مستحيل يعيـش 
 المنظر الللي شافه لوآحد شبه ميت 
 ايش الضعف اللي بيمر فيـه 
 كلمممه خرجت من فموو بصوته المهزوز تعبر عن موقفه وبــس : يآآآرب
 من غير اي كلمه بعدهااا 
 سآمي جآ لعنده وهنآ تميم اتكلم على طول : ايش ساار 
 سآمي بالقوه واقف على رجله 
 وجهه شآآآحب 
 وجهه وآحد مغجوع : ابويا اللي سوا فيه كدا _ ودخل في دوآمه بكىى _ 
تميم غمض عينه بقوه ورجع فتحها وهوا بيحاول يستوعب : قاسم قاسم صح ؟
 سآمي اشر براسه وبعدها اتكلم : مسكوه الشرطه 
 تميم مو عارف يحزن عليه ولا ايش يسوي بزبط 
 بس ماقدر يوقف قدآمه وسآببو وسار رايح جآي بالممر 
 سآمي الضآيع سآمي المشتت طالع في الجوال الصامت اللي ينور بيده وقرأ ترف
 وسعت عينه رد على طووول بدون ترددد : مااامااا 

 في بيتـها ... 
كآنت تمشي وتآكل اظافرها من كتر التوتر والجوال في اذنها ونزلت يدها اول ماوصلها صوت سآمي : 

سااااامي 
 سآمي اتوجه لكراسي الانتظار وجلس ويبكي ...
ترف انفجععت : حبيبييي ايش بككك ... سآآآآمي ... ياعمري فينننك
 سآمي مو قادر يهرج ..صوووتها اخيرا يسمعه : تعاااليلي
 ترف : فيننك حبيبي قولي فينك وانا اجيك
 سآمي حاول يتكلم بين شهقاته : في مستشفى ×××××
ترف : ايـ ايش تسوي هنآك
 سآمي هنآ طفـل هنآ ماحيفكر اذا حتنفجع ولا ايش وضعها هوا مفجوع ويباها : خالي هنآ 
 ترف ماستوعبت انو سار شي لتامر :حبيبي انتا طيب ؟ 
 سامي : ايوا مافيا شي 
 ترف نزلت دموعها لأنها م رعوبه من امس 
 قلبها حاسس انو حيسير شي ...تتكلم وهويا تلبس جزمتها باارتباك : فينو تآمر
 سآمي رجع يبكي وبعدها قال : مدري ابويا كآن بيقتلو 
 ترف اترخت يدها وسابت جزمتها : تآمر فينو ؟
 سآمي : اخدوه الدكآتره ماشفتو
 ترف رمشت عينها كدا مرا نزلت يدها ولست جزمتها 
 وقفـت قالت بصوت يادوب طلع : دحين جيه حبيبي لاتخاف طيب ؟ لاتخاف شويا واكون عندك 
 تقولو لاتخاف وهيا خآيفه 
 تطمنو وهيا مرعووبـه 
 امس الضيقه اللي جآتها عشان اخوها 
 الاحساس اللي خنقها عشان تآمر مو عشآن سآمي 
 ووزي ماقلها تآمر حتكلمي ولدك بالجوال وتطمني ..
وفعلا اطمنت على ولدها بس خايفـه على تآمر
 فتحت باب الشقـه 
 وتنزل وتوقف تآكسي وكلو وهيا بين الفجعه وانها ماتبى تستوعب 
 دآ قآآآسم 
 عارفه ايش يعني قآسم 
 كلمه يبا يقتلو دي تستوعبها مزبوووط 
 لحظآآت بطيئه تمر وهيا على اعصابها وتبا توصـل ونزلت تدور ورجعت تتصـل 
 تسئلو فينكك 
 واول مالمحت سآمي دموعها نزلت 
 سآمي ساب الجوال على الكرسي وقآم يمشي بااتجاهها 
 وحضنها ويبككككي بصوووته 
 لحظه ماهمهم فيها احد مين بيطآلع 
 تحضنه وماتبا تسيبو 
 يبكي ومايبى يوقف بكــى
 تميم شآفهم ومو مستووعب اي حآجه 
 ترف بعدت عنو تمرر يدها على خدو على شعره تحسو كبـر
 اسبوعين بس اتغير عليها وكآنت بتهرج 
 الا سآمي قلها : انا اسسف انا اسف لأني سبتك
 رجعت حضنتو : خلاص ياعمري 
 سامي يتكلم باانهيار : ابويا اخدوه الشرطه وخالي يمكن يموت بسببه 
 ترف غمضت عينها : ماحيسرلو شي 
 سامي : ماشوفتيه انا شوفتو
 ترف رجعت تطالع فيه مو عارفه ايش ساار تمرر يدها اللي تتنافض على خدوو : خلاص حبيبي ان شالله 

 مايسير شي لاتبكي 
 سحبتو وجلستو على الكرسي تمر يدها على ظهره : أهدى طيب _ تبوسـه وترجع تتكلم _ لاتبكي ياقلبي
 وبرضو تطلب حآجه منو وهيا حاليا بتسويها .. 
اشر براسـه بدون مايتكلم طالعت في تميم واتوجهتلو بسـرعه 
 تميم المفجوع تميم اللي عيونه محمره وساند جسمه على الجدار : ايش سار
 رفع اكتافه الاتنين بدون مايعلق 
 ترف : فين تآمر
 تميم طالع فيها وقال بصوت هاادي بس مليان حقد : لو سار شي لتآمر والله لأأقتله
 ترف بخوف : ماحيسير شي ان شالله 
 تميم اشر براسه وكأنه عارف انو حيسير شي 
 وترف شايفتهم الاتنين مفجوعين 
 ليش ايش شاافو 
 بس ماتبى تسئل حتستنى 
 راحت لولدها واول ماجلست ميل جسمو بااتجاهها وهيا حوطت يدها عليـه 
 تبوس رآسه وحاستو يبـكي بدون صوت
 ماتبى تفكر غير انو ولدها معاها ... وتآمر حتشوفه تآني . 

سـآعات بتمــر عليهم 
 ترف وسآمي على ديك الكرآسي .. ولدها جمبها وماسكته بس مو حآسه انو طبيعي 
 قلبها يوجعها كل ماتطآلع فيه 
 تميم يروح ويجي زي المجنــون 
 شويا وجهه يحمر ويحس انو يبا يبكي 
 شويا يتمآلك نفسـه 
 شويا تطلع منـو دعوه بصوت عآلي تعبر عن خوفـه 
 وعلى توتر الاعصــآب جلسسسو لين ماخرج الدكتور 

________________________________________

بعد مآكآن صوتها اللي طآغي على المكآن 
 بعد مآكآن الكل يطآلع فيها وبــس
 فجأه 
 صرخت جميــل باإسم اخووه 
 الشرطي وهوا ينآدي المسعفين 
 اصوات همسآت النآس 
 وووقفتهم عشآن يعرفو اللي سـآر 
 هنآآك اتنين في عآلم تآني
 روآن وبشـآر وقفو بس كل واحد فمكآن ولا اتحرك
 عينهم على التجمهر البسيط اللي قدآم ابوهـم ...
ليش خآييف مو هوآ كآن يبا يقتلو 
 ليش مفجوعه مو هيآ تتمنى انو يموت ..
جميل قال للنآس يبعدو عشـآن جميل يتنفـس 
 ووقتها روان وبشآر شافو شكل جآسم الجبروت كيف قد ايش ضعيف
 بشـآر يبا يروحلهم 
 مو قآدر يتحرك
 دار جسمـه واتوجـه للبآب الكبيـر
 بيشرد من كل حآجه شايفها
 بيشرد من التنآقض اللي عايشه 

 اول ماخرج وقف في مكآنه اخد تنفسـه بصوت مسموع 

 روآن عكس بشـآر اذا هوآ وصل لمرحله انو يشـرد عشان ينقذ نفسـه
 هيا ماسارت تقدر
 تتأمل الشي ولو إنو قاعد يدمرها 
 تباه يموت ..؟
 ماتدري 
 تطالع فيه والناس خآيفه 
 وهيا تسئل تباه يفتح عينه ولا لا 
 ببرود 
 بهدآوه 
 كل الموقف اللي عايشته حاليا اكبر منها 
 انها تحكي عن نفسها والكل يسمعلها دا شي حررقها 
 فتــح عينه جآسم وجمميل غصبا عنه ابتسم بخوف 
 جلــس والمسعف يحاول يتكلم معاه ويقسلو الضغط 

 روآن ... 
ماتدري خاب املها لما فتح عينه 
 ماتدري ماتدري ايش تحس 
 بس اول مافتح عينه ماسار شي جوتها 
 ماحست بشي بس رجعت جلست بكل هدآوه وطالعت قدآمها .. 
ترمش بهدووء وتستنى الوضـع يـرجع زي مآكآن 
 وقف جآسم 
 سئله القاضي اذا هوا كويس واشر برآسه 
 روآن ماكان عندها كلام اكتر من اللي قالته 
 بس مانتهت الجلسه هنـآ وماصدر الحكم ...حدد موعد الجلسـه التآنيه وقآم القآضي 
 وجآسم انسحب 
 وروان مشيـت جات جميل يمسكها بعدت جسمها 
 فكرة انو كآن مهتم في جآسم مو متقبلتها دحين 
 اخوه ايش مآكآن اخوه 
 بشـآر كآن للحظآت حيروحلو ..
كآن يبا يروح 
 بس الضيقـه اللي جآتو خلتو يخرج ويبعد عن الكل 
 جميـل ماشي جمبها مو مستوعب ايش بها 
 يمكن اتأثرت بعد الكلام اللي قالته دا تفسيـره 
 خرج ولقـى بشـآر ساند كوعه على ركبه ومخلل يدده في شعره 
 جميـل جآ لحده وروان جمبـه قالو بهدوء : ابوك كويس 
 محد شآييف تعآبير وجهه بس غمض عينه برآحه 
 بلل شفايفه بلسانه وجلس بااستقامه بدون مايعلق
 مسوي نفسه مو مهتم ..
مقل عينه لروآن مو قادر يفسر ملامحها بس قبل لاتمشي طلبت انها تدخل الحمآم
 واشرلها جميـل فين تروح .. 
جميل رفع جوآله يتصل على رجآله وبدأ بالرجال اللي مع تآمر ... 
وبشار سند جسو على الكراسي وعينو على روآن لين ماختفت عن نظره ..
وطالع في جميل على طول لما قاال : ااايش سااار !!... طيب خلص واتصل فهمنني 
 قفـل وبشار على طول سئله : ايش فيه !
جميل بتشتت : دا تآمر في المستشفى 
 بشار :ليش 
 جميل : بيقولو دخلنا وفيه اطلاق نآر ومسكو ال
 بشار وقف في نص كلامه واول كلمه قالها : عهووود
 ينزل يده بسرعه لجيبه وجميل مامر عليه اسم عهود : ميين دي !!
بشار دموو نشف 
 اترعبب مع انو متأكد انو الفندق كلو أمآن الرجال على بوابه الفندق
 ووسط اللوبي 
 وعند غرفتها 
 مارضي يمشي بسهوله ويسيبها الا وهوا مخلي جميـل يضمنلو انها حتكون في أمآن 
 ولدحين جميل مو عارف هوا بيهتم ليش ..؟ والسبب الوحيد اللي حطو في رآسـه انها صحبه سميه 
 بشاار يتصل مرا مرتين وماترد بعد عن جميل وقلبه شويا ويوقف 
 ورجع قال لجميل اتصل على اي احد في الفنندق مابترد 
 جميل : مين عهوود 
 بشار : هدديل هديل اقصد 
 رجع اتصـل وهوا قبـآ جميل وجميل على طول بيتصل على واحد من الرجال
 وقبل لايرد على جميل هديل ردت وبشـآر بدون استيعاب بدون تفكككير مشي وقال : حبيبي انتا 

 كويسـآ 
 وجميـــل انصدمم !!!!
دا الولـد مو قآدر يستوعبـه ...!!!!
امـآ بشار ولا يدري انو عمو سمعوو مايدري اصلا ايش قااال 
\قآت قلبه والافكار اللي في راسه خلتو مايفكر وجات الكلمه تلقائي ... 
هديل كآنت تبكي وفعالم غير عشان كدا ماردت على طول .. 
عارفه انو من صوتها حيعرف ..



اللهم هدنـه مع مشاعرنا المشتته مع صدرونا المرتجفه 
 مع قلوبنـآ اللتي اتعبتها قلة الحيله .. 
سميــه الرآيـد 
 دخلت للحمآم النسآئي مآفي احد طالعت في المرآيه اللي فوق المغسلـه .. 
وأتأملت نفسها بجمود 
 عارفه انها ممكن تنهآر بس مو قآدره تبـكي
 مو قادره تنزل دمعه 
 مو قادره تحس باأي شي جموووود 
 بس الجمود واجعها 
 احساس غريب انك ماتبي تبكي ولا تبي تتكلمي ولا في اي تعبير
 بس في شي وآجعك ... قاتلك ... بس مخليكي كأنك جسد بدون روح 
 تتخاف لما توصل لدا الاحساس فكت المويآ .. 
ودخلت يدها تحتها مرت لحظآت وبعدها استوعبت ورفعت يدها على وجهها 
 كآنت تبا تقعد لوحدها عشان تبـكي بس على نفس المود 
 جلستها حتى لوحدها مو مخليتها تخرج اللي بنفسها 
 وخرجت بكل هدووء زي مادخلت 
 الصمـت طآغي على السياره لين ماوصـله 
 شي جميـل وخلى رجآله برضو في المكآن عشان يطمن ولدحين مو مستوعب 
 دي البنت هديـل ايش وضعها
 معقول بشار معيشها عندو بالبيت !
يحب بنت ابوه كآن يعذبها !!
زفر بضيـق وخلاص راسه مصدعه ورايح يعرف موضوع قآسم داود بنفسـه 
 موضوعيــن بدأ ينتشر بالمدينـه وكل واحد اقوى من التآني 
 قآسم داود اتمسك ومحححد عارف ليش 
 وجآسم الرايد اللي كتير اول مرا يعرفو اسمو بس سار الكل يردده 
 متآجر بالاطفآل وبنتـه وحده منهم ...



 الأخ [ من يضـر نفسـه لينفعك ....
ماهمو ولا كلمه قالها الدكتور الا انو اخوه عآيش
 تعبان مو تعبــآن مو مشكله حيقوم بسلامه ان شالله 
 دمووع الرااحه ف عينه 
 خلاص كآن على حآفه الانهيآر لأنو كل اللي ف راسه انو حيموت 
 طمــن ترف وراح يكمل الاجرائات وحجزلو غرفـه على بال يخرجوه من الافآقه .. 


تآمرر ... 
بعد سآعات طويـله 
 وهوا بغرفه العمليـآت 
 فتح عينـه اللممرضه جمبو مو مستوعب ولاشي 
 جات تتكلم معاه ومافهم ولاشي ورجع غمض عينه 
 حس باانو السرير اتحرك الاضائـه تتغير
 صوت مصعد
 انتبه لترف 
 بيحلم هوا ولا لا 
 شاف جمبها سآمي 
 ايش سـآر !
خرجو من المصعد اتوجهه للغرفه الخآصه فيه 
 وطلعت آآه منووو اول مارفعو جسمو بينقلوه للسرير التآني
 حسس شي وجعه بقللبه كل شي سود بعينه ورجع غمض عينه باألم 
 تميم وقف على رآسه وشايف اخوه وجهه وجسمو كلو مصفــر 
 لابس لبس العمليـآت ..سلم على راسه ودموعه بعينه 
 جات السستر تحط المحلول بيده وبعدها خرجت وهيا مبتسمه وتحاول تطمنهم ..
ترف واقفه بعيد ودموعها تنزل مو قادره تقرب منـو 
 وسآمي جمبها 
 تميم واقف جمبه ونزلت دموعه لما تآمر غمض عينه ورجع للنوم وسار يتكلم كلام مو مفهوم 
 وكلو عن قآسم وسآمي 
 ترف عينها عليه وتسمعوو
 قربت مننو وقفت جمب تميم حطت يدها على يد تآمر 
 وهوا من بروده يدها عقد حوآجبه 
 وكأنها وجعته 
 فتح عينه 
 يطااالع فيــها بتمعن وكأنو يبا يستوعب اللي سار معاه وبعدها قلها
 بصوت مبحووح : قآسم ماحيقدر يقرب منك
 ترف اخر شي تفكر فيه دا الشي مررت يدها على يده ودموعها تنزل : قوم بسلامه وهوا ماحيقدر 

 يقرب مني
 تآمر كآن بيعلق كآن بيقولها سواء قومت ولا ماقومت 
 سواء اخواني وقفو جمبك ولا ماوقفو 
 انتي محد يقدر يقرب منك 
 يبا يقولها انا اسف لأني دفعتلك ايجار شقتك وماكنت اسئل عنك 
 بس دحين سار عندها دخل خآص عشان لاتنحوج لأحد 
 ضمممن انو قآسم مايقدر يقرب منها وضمنلها انو سمعتها بترجعلها وفوق دا كلوو 
 مستقبل لها ولولدها 
 ورجـع غمض عينه ... جات السستر ودي المرا حينقلولو دم سولو تحآليل والدم مرا نآقص 
 دا وهمآ نقلولو في غرفه العمليات .. 
السستر مسكت يدو اللي مثبته عليها الابره وركبتلو المحلول .. واتأكدت انو بيمشي 
 وكالعاده ابتسمت وخـرجت 
 هدووء بالغرفه ترف جالسه جمب سآمي وكلهم يطالعو في تآمر اللي مو حآسس بشي 
 يانآيم 
 يايفتح عينه يتألم ويرجع ينآم ... 

كآنت فتره بسيطه وتآمر ينادي تميم ويقلو : بررد
 جسمو كلو يتنآفض 
 تميم يمرر يدو على ذراع تآمر ويحسها زي النآر 
 انو تشوف اخوك الكبيـر بدا الضععف وماتقدر تسوي حآجه 
 شي يقتـل ...طلب الستتر على طول عشان تقيس حرارته 
 واول ماجات وقاست وقفت نقـل الدم وادتو خآفض حراره 
 وحاولت تطمنهم انو طبيعي ومافي شي يخوف 
 تميم قفل التكيف وترف تغطيه بالشرشف الابيض التآني : دحين حتدفى 

 جآ من قسم التحقيق يبـو يحققو مع تآمر وهنآ تميم اتجنن وفصل عليهم 
 طلبو يشوفو سآمي 
 تميم هرج بصوت واطي عشان لايوصلهم : انتو شايفين الوضع اللي احنا فيـه 
: اخويا غصبا عننا الدنيا مقلوبه دا قااسم داود
: الولد نفسيتو ماتسمح انو يتكلم ادونا شوية وقت 


 دخل تميم بعد ماقنعهم انهم يمشو وطالع في سآمي اللي على نفس وضعه من يوم ماجا 
 جالس على الكنبه اللي قبال تآمر ويطالع فيه 
 ترف بين نآرين ولدها واخوها 
 وتميم بين انو يطلع مبررات كل شويه لأمو 
 ايش حيقولها فين تآمر 
 ليش ماحيرجع البيت ..يمرر يدو على ذقنو وشايل هم المحققين 
 اتوجه لترف وسحبها لبرا الغرفه : اسمعي انا ماحقدر اقول لأمي ايش سار
 ترف ضمت يدها تحت صدرها واشرت براسها بدون تعليق مو عارفه ايش تقول
 تميم : في الليل تقدري تجلسي معاه ؟
 ترف : وسآمي ؟
 تميم مايدري ايش الخطه الحقيره دي بس خلاص هيا اللي جات في باله : خليه يجي معايا حقول لأمي 

 انو اخو صآحبي 
 ترف وسعت عينها : مسسستحيل 
 تميم بترجي : الله يسعدك ماقدر اسيب امي ولمى لوحدهم 
 ترف بصوت مخنوق : انتا شايف كيف ولدي شايف كيف حالتو انا مو قادره اتكلم معاه تبو تجننوه 

 ايش حتقولو اوديك بس لاتقولهم انك ولد ترف_ اشرت على نفسها _ انا لدحين مو عارفه ايش سرلو 
 تميم : خليه معايا 
 ترف حركت راسها : لا لا معليش خليه هنآ وانتا روح وجبلهم اي هرجه عشان ترجع 
 تميم زفر بضيـق : طيب 
 ترف : ايش ساار مع الشرطي اللي جآ
 تميم : يبو يحقوو مع تآمر _ سكت وبعدها قال _ وسامي 
 ترف بهجوميه على طول : ايش دخل سامي 
 تميم : مدري يمكن شاهد 
 ترف صوتها اهتز : ولاأحد حيقرب من ولدي حاليا 
 تميم حرك راسـه : عارفة ايش سار مع قآسم 
 ترف : كل اللي اعرفو انو واعدني تآمر يرجعلي سامي 
 تميم ماستوعب : من فين يرجعو !!
ترف سكتت وبعدها قالت بتردد : قآسم قبل اسبوعين جا بيتي واخد سآمي ... وتآمر وعدني انو 

 يرجعو ليا مدري ايش سار بينهم بس _ قالت بعدم استيعاب _ كآن يقولي انو قآسم حيرجعلي سآمي 

 ومتأكده انو مستحيل قاسم يتنازل بسهوله مدري مدري ايش سار
 تميم : سايب اوراق ليا بس ماسلمتها للشرطه عن قاسم واختو مو فاهم في ايش ورط العيله بس 

 هددهم اكيـد 
 ترف رفعت حوآجبها الاتنين وقلبها يدق بسرعه 
 مو قادره تستوعب انو ورط نفسه مع قآآسم 
 قآسم المجنووون 
 تميم : ليش كذبتي عليا ؟
 ترف : هوا طلب ماتكلم لأحد 
 تميم زفر بضيـق ...: يسير خير خليه بس يرتاح ووقتها حفهم الموضوع ... ابا اروح دحيـن اجبلو 

 ملابس وححاول اطلع تصريفه لأمي واجيكي 
 ترف اشرت براسها : طيب 
 تميم مشي وهيا دخلـت لقت سآمي نايم على الكنبه 
 نظرة عييينه مخليتها تبا تبـكي 
 دارت راسها على تآمر وكآن نفس الشي نآيم ..
خففت الاضائــه 
 واخدت المخده الزايده وحطتها تحت راس سامي وجلست 
 تلعب بشـعره وتنزل راسها وتبوسه 
 وفجأه سامي فتح عينه ومسك يدها : تعالي جمبي 
 قالها بخووف 
 رفعت جسمها وجلست قدامه وهوا دخل على جوى بالكنبـه سبلها مسآحه ... 
طالعت فيـه وهوا غمض عينه وماسك يدها 
 رفعت يدها التانيه على خده وهمستلو : ايش بك حبيبي
 مافتح عينه 
 مارد 
 دقيقه 
 دقيقتين 
 وسارت تنزل دموعه وهوا مغمض عينه 
 قطعللها قلبـها قالت بكل قههر : حبيبي ايش بك 
 برضو مافتح عينه وحرك راسه بولاشي ولارد ... 
مسحتلو دموعه حاولت تكلمه تآني ولايرد عليها بس ماسكها 
 ماسكها بقووه 
 مو قادره تتفاهم معاه هنآ حاليا عشان كدا حتمرر يدها على شعره زي مايحب لين ماينآم ... 
 !

تميـم ... 
يطالع في الطريق وفتح الانستقرام بالغلط 
 كدا يمرر يدو بدون عقـل واصلا تفكيره كلو ايش حيقول لأمو 
 تآمر ليش ماحيجي في الليل !
كآن فاتح حساب رشـآ وفتح الصور اللي مسويلها تاق 
 واتجنننننننن 
 مالها ربـع ساعه صوره نآزله 
 من حسآب اختها ميسـآ 
 صورة رشـآ وميسـآ وابوها وعمها وبراااء 
 ماستوعب دا ايش يقربلهاا 
 عاارف انو الزفت اللي شافو في المحل 
 ليشش متصوره معاه 
 وكأنه نااااقص شي يولعه تآني 
 يعتبرها خلاص خطيبتو ... 
اتصل بدون تفكير واخلاقـه في خشممه 
 رشا ردت وهيا بين ازعاج وبتتسوق في المول مع علا : هلا 
 تميم على طوول دخل في الموضوع : مين اللي معاكي في الصوره 
 رشا فجعها : وي بسم الله ايش بك 
 تميم ببصغط على كلامه بنرفزه : بقولك مين اللي معاكي في الصوره 
 رشا : ايت صوره !!
تمبم بتأفف : ياأللللله 
 رشا بعدت عن علا وقالت بنرفزه : خيير ياتميم ايش بك بتهرج كدا 
 تميم :ممكن تجاوبيني على السؤال 
 رشا : موو اوول خليني افهم ايت صووره 
 تميم : اختك عاملتلك تاق على صوره في الانستقرام 
 رشا انفجعت مع انو مو طبعها حاجات غلط لكن ماتثق في ميسا 
 رشا : دقيقه 
 نزلت جوالها وفتحت الانستقرام 
 وعلى جاها اشعار فتحتو وهيا استغربت من بلاهه اختها رجعت كلمتو : اييوا شوفتها 
 برودها نرفزو : ايوا !! طيب ؟
 رشا : ايش طيب ؟
 تميم عينه على الطريق ومووولع : مين دا 
 رشا : ولد عمي برااء 
 تمييم سكت 
 ولد عمها هوا نفســه اللي يشتغل مع اخته !!
هوا نفسه اللي يلعب مع اختـه ومطلق دوبـه 
 ويقعد مع رشــآ !!!
كرهههههههه 
 كرهه من قبــل لايشوفه 
: متى دي الصوره ماشالله 
 رشـآ تهرج بقهر : والله لو قرات الكلام اللي تحت الصوره حتعرف من متى 
 تميم : عادي يعني اختك حسابها مفتوح للكل ومنزله صوورتك وصورة الكلب دا اللي معاكي 
 رشاا سكتت سكتت وبعدها قالت : اول شي انا محجبه ومو باين شي فيا تآني شي الكلب دا ولد عمي 

 ولو ملاحظ كل واحد قاعد في نآحيه واتوقع صورة الرجالين الكبار واضحه قدآمك مني جالسه بديسكو 

 معاه عشان تتكلم معايا بدا الاسلوب 
 ولعتتتتتتتته هيا طيبه بس تكره الناس المتسرعه 
 تكره الرجال اللي اول مايشوف شي يجي بهجوميـه مايجي بتفهم .. 
تميم مع الضغط اللي فيه ومع كرهه لدا الادمي من يوم ماشافه يلعب مع اختـه حااااقد علييـه : 

اووه ماشالله خلاص خليه ينفعك اجل ..ٍسلام
 وقفــل بوجهها ..!!!! 
رمى جواله جمبـه 
 غلطان ولا مو غلطان ماااااايدري 
 يتنفس بصووت مسموع واخر شي حاليا يباه انو يتضارب مع رشآ
 بكرا المفروض الشـوفه !! كيف حيروح وتآمر كدا 
 اتذكر لما تآمر قلو حتروح لوحدك 
 بس مالو وجه اصلا يروح واخوه بدي الحآله ... 

امـآ رشـآ انقهرت بجد انقهرت ولا حتتصل ولا حتكلمو 
 لين مايعتذرلها 
 استحملت غيرته مرا من برااء 
 بس الوضع زآآد 
 رمت جوالها في الشنطه واتوجهت لعلا وبتحاول ماتبين انو فيها شي . 


وصـل البيت السآعه 7 المغـرب .. 
دخل وامو على طول كتمت صوت التلفزيون وطالعت فيه : اخخخيرا شرفت 
 تميم : معليش ياقلبي 
 دخل سلم على راسها وجلس طالعت فيه وعلى طول قالتلو بشك : ايش بك خارج بدي الملابس !!!
مااعرف ايش يرد بنفس الملابس اللي نآم فيها يعني ماكان في الدوآم 
 تميم بتوتر سار يهرج : اصحاب تآمر سرلهم حآدث وصحيت على الخبر مفجوع روحت 
 امه : وي بسم الله ايش سار 
 تميم : الاتنين في المستشفى وحالتهم صعبه ..تآمر جالس مع واحد فيهم ادعيلهم ياأمي
 امه : الله يشفي كل مريــض الله يطمن قلب اهلهم عليهم 
 تميم بلع ريقـه : امين 
 امه : وليش اخوك مايرد عليا 
 تميم : مدري عنو حتى انا اتصلت عليه قبل لاأروح مارد صاحبو اللي كلمني 
 امه سكتت وبعدها قالت: تميم اخوك فيه شي 
 نفسسسسو يقووولها 
 بس حتكره تررف 
 حتحقد عليها 
 مايضمن ردات فعلها : ياأمي لاتفاولي عليه دحين ارسلي اجبلو ملابس بس اوصل حقلو يكلمك وحصورلك 

 هوا عشان تطمني
 امه : احلف انو مافيه شي 
 تميم اضطر يحلف اضطر يضحك عشآن يشككها بنفسها 
 وسار يحكيها عن تفاصيل الحآدث ويألف هرج لين ماقتنعت انو صآدق 
 وقف : خليني اروح اجبلو لبس طفش من الثوب 
 امه : قلوو يكلمني
 تميم : طيب 
 راح لغرفـه تآمر اخد شنطه سودا صغيره واخدلو ملابس مريحـه حق بيت 
 وللبس خروج عشان لما يكتبولو خروج .. 
حط الشنطه عند باب الشقـه ودخل غرفتـه جواله دق لقـى ترف .. رد عليها على طول 
 لمى انتبهت للشنطه وعقدت حوآجبها 
 اتوجهت لغرفـه تآمر لقتو مو فيه راحت لغرفـه تميم وهوا مديها ظهرو وبيطالع في الاوراق اللي 

 حطلو هيا تآمر مرا تانيه 
: ايوا ترف 
 دي الكلمه تخلي لمى ماتقدر تتحرك من مكآنها ... 
فجعتو بنبره صوتها : ايش بك .. مني فاهمك ايش بو تامر ؟ ... طيب ناديلو الممرضه يدوه مسكن 

... _ رمى الاوراق اللي بيدة _ خلاص لاتبكي انا جي دحين 
 دار جسمه وانصدم لما شافها ... 
كلامه واضح مرا واضح مافيلو الغاز او انها تستنتج 
 اخوها فيه شي وترف معاه 
 وقبـل لاتنطق بشي تميم مشي من جمبها وخرج بدون اي تعليق 
 مالو نفس يدخل بجدال معاها 
 وسمعت صوت باب الشقـه ينقفـل
 ايش بيسيـر مااتدري !!
ليش ترف معاهم !!!
ليش بيتكلم معاها عاااادي وكأنه يتكلم معاها هيا 
 ليش تامر فيه شي وهما مايدروو 
 خرجت من غرفه تميم وهيا تمشي بتنآآحه وصلت لعند امها وقالت : تميم فين راح ؟
 امها بتطالع في التلفزيون وتتكلم : اصحاب تآمر سو حآدث ورايحلهم 
 لمى استوعبت انو تآمر سوا الحادث 
 بس ليييششش ترف ترف ليش معاهم وهما لااا
 تبا تبككي ...تبا تطمن هيا كمان على تآمر 
 كآنت حتدخل غرفتها الا امها نادتها : لمى 
 لمى رجعت تطالع فيها : ايوا 
 امها بتردد : تعالي اجلسي 
 لا لا لا مرررا لا 
 اخوانها مو فيــه 
 اترعبت 
 لو سرلها شي ماحتسامحهم 
 ماتحركت من مكآنها 
 عمرها ماقالتلها تعآلي الا وانتهى الموضوع بضـرب
 نادتها مرا تانيه بصرامه : بقولك تعالي 
 لمى اتحركت بتوتر وجلست وجسمها كلو يتنآفض ... 
تستنى كلام امها 
 تستنى الكلام اللي مو منطقي كالعاده عشان تنهيه بمشكله وضـرب 
 امها : كيف عدي
 سؤؤؤال غريب 
 رفعت عدسه عينها عليها وقالت بتردد : تمآم
 امها سكتت مو عارفه تتكلم مو متعوده تتكلم مع بنتها 
 بتحال تقنع نفسها انو مستحيل خلاص تفضحهم دي سارت متزوجه .. 
حتفضحهم لو اطلقت ورجعتلهم :ليش ماتتكلمي معاه 
 لمى رفعت حوآجبها الاتنين بعدم استيعاب : ها !
امها فجعتها : ايش هااا بقولك ليش مابتتكلمي معاه 
 لمى انفجعت : كيف ماتكلم معاه 
 امها حاولت تهدى عدي قلها تهرج بهداوه يكلمها بالواتس كل شويا وبدأ يغسل مخها انو بنتها 

 ماتمشي الا بالهداوه 
: يعني ماينفع تكوني بس سآكته 
 لمى استغربت من النبره !!
استغربت من الموضوع اصلا !!
اشررت براسها لمى وهيا مو فاهمه وفجأه موضوع ترف اتبخر مع الفجعه اللي بتمر فيها حاليا .. 
امها :ايش يعني _ تقلدها وتأشر براسها _ 
لمى مع الفجعه والبكى اللي فيها ضحكت على حركه امها وكتمت الضحكه بخوف لما استوعبت 
 لا هيا ماتضحك مع امها اخوانها يضحكو عآآدي 
 هيا تضحك وفيه امها بس مع اخونها 
 امها حزنت عليها بس كالعاده ماتعبر : حاولي تتكلمي عن نفسك وتفهميه انتي ايش تحبي وايش 

 تكرهي الرجال مايحب يتكلم ومايلقى جوآب
 وكأنو بيكلم نفسو 
 لمى : ان شالله 
 ام لمى حست مو قادره تقول اكتر من كدا : خلاص روحي 
 لمى وقفت على طول ودخلت غرفتها ولقت جوآلها ينور وصاامت 
 سحححححححبت على عدددي ونسيتو 
 جريت بسرعه للجوال وردت : ايوا 
 عدي : لااا ياااشيخه 
 لمى : هههههه معللليش والله 
 عدي : من اول واقف في المحل ايش طلعت النكهه 
 لمى : لسى ماشوفت 
 عدي وطى صوته : تستهبلي !
لمى : معليش بس ماما كلمتني وسارت هرجه غريبه دحين اشوف 
 عدي : لاتقومي خلاص جبتلك كل النكهات اتنرفز من الوقفه 
 لمى : اما ايش حسوي فيهم كلهم 
 عدي : عادي جربيهم اجبلك هيا دحين 
 لمى بخوف : لا ماما صاحيه 
 عدي : اجل حجبلك هيا 
 لمى : عععععدي
 عدي : وحشتني مامتك 
 لمى عقدت حوآجبها : دوبها كلمتني كلام غريب 
 عدي : اللي هوا ؟!
لمى : انو المفروض اتكلم معاك واعبرلك لدحين مفجوعه انها اصلا اتكلمت معايا 
 عدي : لدي الدرجه ماتتكلم معاكي 
 لمى : تتكلم بس انو نظفي واطبخي بس يعني مانتناقش مع بعض 
 لممى دي الكلمتيـن اعتبرتها نقآش .. 
عدي ماعلق ولا قلها انو هوا اللي خلاها تهرج 
 لمى مبسوطه بللي سار بس بنفس الوقت اتنكدت لما اتذكرت موضوع تآمر وترف
 مارضيت تتكلم لعدي شويـآ بعد ساعه قالتلو ابا انـآم 
 وقفلت .... 
انسدحت على سريرها ونزلت دموعها 
 ترف اهم منها 
 تآمر فيـه شي 
 وجه تميم اصلا غريب 
 مستحيل الموضوع يكون عآدي 
 ايش تسـوي تستنى تميم وتآمر اكيد حيرجعو اخر الليل ... 

امـآ عدي ارسل لأم لمى : شكرا حمآتي شكلك اتكلمتي مع لمى اليوم اول مرا تتكلم معايا عدل 

 ام لمى طالعت في الكلام مااااتوقعت انها حتأثر بلمى على طول 
 او انها حتسمع كلامها بدي السرعه 
 تطالع في الكلام ومو عارفه ترد 
 من كتر مو مصدومه بالسرعه اللي سار فيها الموضوع 



 دقـآيق ...ووصلت رساله على جوال لمى من تميم .. 
فكتها 
" لمى خلي عدي يجيكي وروحي اتنازلي على موضوع ليـث ...لو امي سئلتك قوليلها انا تحت 

 ومستنيكي تجي معايا 
 دحين حديها خبـر اني احتمال امر عليكي ... " 

تقرا كلامه كدا مرا ومستغربببببببه !!!!
بس سوت زي ماطلبو وعدي جآها راحت معآه 
____________


بعـد ماوصـل بشار وروآن ... طلعوو الاتنين مايتكلمو 

 هديـل بينهم حاولت تتكلم مع روان بس مكشره وماتبى تتكلـم 
 وبشـآر على جوآله ماقدر يجلس بينهم 
 يمكن روان تتكلم مع هديـل لو هوآ خرج من يوم ماجات ومودها غريب
 وقف وكالعاده صرف نفسـه بهرج بروح لأمي ... وهوا راح لليخت يجلس لوحده ..
هديل جلست جمب روآن : ايش بك
 روان طالعت فيه وقالت بهجوميه : قلتلك ولاشي خلااص
 هديل : روان ماتلاحظي انك ماسرتي تتكلمي معايا 
 روان : في ايش تبيني اهرج 
 هديل : قوليلي اللي ف نفسك 
 روان بااسلوبها المستفز اللي كالعاده ماتراعي فيه مساعر هديل : اووه على اساس انتي عبرتيني 

 لما كآنت امك زفت معاكي وجيتي حكيتيني _ شدت على الكلمه وهيا تعيد كلام هديل _ صحح نسيت انتي 

 شايفه جاسم احسن من امك 
 هديل سكتت تحسها جرحتها ماعلقت عليها رمشت بهدووء وبس وبعدها
 قآمت مشيت بااتجاه الغرفه فتحت الباب وراحت للحمآم 
 قفلت على نفسها ماتدري ليش دخلت هنآ 
 بس دموعها نزلت على طوول 
 قهرتها 
 سيره امها ماتبى تسمعها 
 امـآ روان تطالع في هديل لين مادخلت 
 حتصالحها 
 لا طبـعا مالها خلق
 مالها خلق لشي 
 خلاااص المفروض هديل تراعي مشاعرها وماتتكلم معاها بالأساس 
 مشيت بااتجاه الباب وفكتو والحارس اللي برا جا يناديها صرخت عليه : خيييرر
 سكت الرجال وهيا فتحت المصعد ودخلت 
 اما الحآرس على طول اتصل على جميـل وادالو خبـر ... 
نزلت لتحت وجلست لوحدها ... رجعت دخلت الفندق وطلبت سياره 
 كالعاده رآحت للمكآن اللي كبرت فيه تطالع في البيت 
 ماتدري ليش تتفرج عليه الناس تشرد من الواقع اللي عاشوه وهيا تتأمل كل شي مرت فيه 
 مو ساعه ولا ساعتيــن مر عليها 9 سآاعآت وهيا تروح من مكآن لمكآن الاسواق 
 هنا انضربت هنا كانت تندس هيا وهديـل 
 هنآ كل ماهديل تزعل تروح تجلس 
 هنآك هدى دايما تأذي النآس 
 هنآك نعيمه تجلس لما تتعب من المشي 
 اماني تبيع المويا جمب المكيف اللي ينقط 
 زينب مرا سرقت للعبه من داك المحل .. 
ذككككريااات 
 ذككريات تحرقها 
 خرجت للحديقـه اللي بعد الاسواق 
 وجلست تطالع في النآس 
 في كل عيله مبسوطه 
 بس ماطولت 
 وصلت لمرحله انها خايفه تحسدهم 
 ماتبى تطالع في احد لأنو اول كآنت تحاول تقنع نفسها باأي حاجه 
 حاليا مو مقتنعه بحياتها تبا تكون عندها عيله 
 تبا اب 
 تبا ام 
 تبا كل شي ماقد اتمنتو وهيا صغيره 
 خرجت جوالها وتطالع فيـه عارفه مافيه رصيـد .. تمشي على الرصيف 
 وضغت على رقم تآمر وانفجعت لما دق قفلت وشافت رصيدها 
 ماتدري مين شحنـو ..طبعا مافي غير بشـآر
 رجعت اتصلت تآني على تآمر مرا مرتيـن تلاته ...
حتصحيه من النوم مو مهتمه تبا يكلمها 
 هوا قلها انو دايما حيكون فيـه 
 تمشي وتطالع في الشاشه وبعدها شافت الثواني اتحركت رفعت الجوال 
 وجاها صوت تـرف ..




قبلـها بخمسه سـآعات ... 

تميم وصـل المستشفى ودخل لقى تآمر وسـآمي نايمين ... وترف قآمت وجات لعنده همسلها : ايش بك 

 فجعتيني 
 ترف خلاص نفسيتها محطمه من تآمر وسآمي : خلاص نآم
 تميم : ايش فيه 
 ترف : كآن بيتألم وهوا نايم حزني مني عارفه ايش اسويلو 
 تميم نقل عدسه عينه عليـه واتنهد بضيـق .. 
جلسو بصمت الاتنين لين مافتح عينه تآمر ... وتميم قام وجا بااتجاهه : ها كيفك 
 تآمر يطالع فيــه وكل مايصحى كل ماينسى ايش جابو هنـآ .. حرك رآسـه من غير مايعلق 
 قال بصوت يادوب طلع : أمي فينها
 تميم : في البيت قلتلها انك مع صاحبك في المستشفى لما تفوق حخليك تكلمها 
 تآمر : طيب 
 اطوول يوم ممكن يمر عليـه 
 حس بنعمه الصحه كيف وهوا مو قادر يميل جسمه حتـى من قوه الالم 
 مسدووح ويومه بيروح بين الصحيان والنوم 

 راح تميم وقال لتـرف حيجي الصبـآح .. 
مرت السـآعات وهيا لوحدها لين ماسامي شهق بكل صوتـه وجلس مفجوع 
 تامر فتح عينه ترف كآنت واقفه وبتاخدلها قاروره مويـآ رجعتو على الطاوله بخوف وراحتلو 

 بسـرعه 
 جلست جمبه: ايشش بك يااقلبي
 سامي طالع في المكآن وبعدها فيه قال بكل خوف : ابا ارجع البيت 
 ترف مو فاهمه شي مو عارفه ايش اللي بيسير لولدها : قولي ايش بك 
 سآمي مخنووق والمكآن الكئيب دا حيجننه زياده : ابا ارجع الله يخليكي 
 كأنه مو ولدها 
 طالعت وراها لما تآمر ناداها 
 اشرلها براسه وهيا مررت يدها على سامي عشان تطمنو وقامت بعدم استيعاب لتآمر
 تامر همسلها : رجعيه البيت 
 ترف : وانتا 
 تامر : حطي الجهاز جمبي لو احتجت شي حنادي الممرضه 
 ترف بين نآآآرين 
 تسيب اخوها بدي الحآله وتمشي 
 ولا تخلي ولدها وهوا مو طبيعي 
 اشرت براسها بلا حتحاول تفهم ولدها 
 تامر غمض عينه ورجه فتحها قال باارهاق واضح وهوا يهمسلها : قآسم كآن يضربه ويهدده رجعيه 

 لبيتك خليكي جمبه 
 ترف وسعت عينها بصدمـــه !!!
يضررب ولدهاا !!!
اخر شي اتوقعت انو يسويه 
 تامر كملها : خدي ولدك وارجعي البيت 
 ترف اكيد حتآخده بعد الكلام دا : طيب حتصل على تميم 
 تآمر : مايحتاج 
 ترف وبالها مع سآمي : ماينفع تقعد لوحدك انا حستنى تميم لي
 تامر قاطعها : ترف لاتسوي شي انتي ماتبيه 
 ترف نزلت دموعها لأنه مو عارفه بجد ايش تبا تسوي 
 تبا ولدهاا وحاسه بقهر انو تآمر هنا بسببها 
 ترف : بطمن والله عليك
 تامر : اطمني على ولدك اول انا كويس الممرضات برا لو احتجت شي حيجو 
 ترف اشرت برآسها دارت تطالع بولدها ورجعت تطآلع في تآمر .. 
اشرلها براسه تروح 
 وهيا راحت لسامي : تعال حبيبي
 وقـف على طول ...طالعت في تآمر وقلبها مو مطاوعها تسيبـو .. 
حطتلو الجهآز جمبو لو احتاج شي يضغط عليه عشان تجيه الممرضـه .. 
بس مارتاحت ترف اول ماخرجت اتصلت على تميم بس رد عليها ومو قادر يهرج 
 قالتلو تعال بسرعه لتامر واديهم صرفـه ... وجننها لما قال ماقدر اجي الا بعد سآعه 
 اتنين من اعمامه وصلهم موضوع ليث وجوه البيت وخايف امه تدري .. 
تمشي وتطالع في سآمي .. وقفت تآكسي وقلبها مو مطاوعها وبنفس الوقت مو قادره ترجع عشان سآمي 
 جلست في السياره وحست بشي يهزز في شنطتها 
 فكت الشنطه واستوعبت جوآال تآمر معاها 
" روآن "
قرات الاسم ورجعت حطت الجوال في الشنطه 
 مرا مرتين تلاته 
 وهيا مستمره 
 ترف خرجت الجوال مستحيل وحده تتصـل كدا الا لو علاقتها قويـه معاه 
 تطالع في الوقت وفي الجوال ... 
لو بجد بينهم شي يمكن تجيه 
 يمكن توقف معاه على بال تميم يجي 
 ردت بتردد : الو ..
روآن سكتت بصدمه 
 ترف : الو روان ؟
 روآن بشك : ترف !
ترف : ايوا 
 روان مرررا استحت : معليش ا
 ترف قاطعتها وهيا موطيـه صوتها بس برضو سآمي سامعها : لا عادي
 روان بتردد : فينو تآمر
 ترف مو عارفه ايش تقولها ولا كيف تفتح الموضوع : تآمر _ رجعت سكتت _ 
روان وقفت مشي وهيا مستنيه ردها ولما طول سكوتها قالت : فيه شي 
 ترف :تامر متنوم في المستشفى 
 روان ب صدمة : ايش بو !!
ترف تدعي بس اللي بتسويه حيكون كويس وعشان تطمن ع تآمر
 قالتلها انو أتمشكل مع وآحد بس ماجابت تفآصيـل 
 قالتلها انو سوا عمليـه .. وفهمتها انو هيا دوبها خرجت من عندو 
 روآن مو شايفه فيها شي لو راحتلو طلبت اسم المستشفى ورقم الغرفـه 
 التآكسي اللي طلبتو من الفندق صرفتو من اول مو عارفه كيف حترجع 
 دخلت الجوال بجيبها وحست بشي خرجتو ولقتو فلـوس 
 مو مبلغ بسيـط 
 لا مبلــغ يعيشها شههر 
 بشار هوا اللي عبالها ملابسـها 
 مو قادر يديها بيدها عشان لاتنكسف 
 حولها رصيـد برضو من غير مايقولها .. 
كدا مرت بلحظه وهيا مو مستوعبه انه بيدها كل دي الفلوس 
 وبعدها مشيت ووقفتلها سياره
 ايش المشكله اللي دخل فيـها 
 يكون السبب جلال 
 سارلو الموضوع اليوم وقت ماهيا اتكلمت اكيـد 
 بدأت دقات قلبها تزيد بشكل مو طبيعي 
 وصلت المستشفى .. اتوجهت تدور ومو فاهمه شي تسئل كل شويـآ 
 وترجع تتصل على تـرف وبعدها تسئل لين ماوصلت للغرفـه 
 وقفت قبـآل الباب 
 دموعها بعينها 
 تبا تدخل وخايفه تدخل 
 حتى مادقت الباب فكتـو بكل تردد 
 الاضائـه خآآآفته 
 الجو بآرد 
 دخلت بخطوات خفيفـه وشافتو مغمض عينه ومعقد حوآجبه 
 وقفت مكآنها 
 يبا يحرك شويا جسمو بدأ يتألم من نفس السدحه .. 
بس اتحرك اتألم بصووته وهيا دموعها نزلت 
 فتح عينه ورجع غمضها بسرعه وهوا مستني الألم يفكك 
 ندددم انو اتحرررك 
 كل شي داار بعينه بس من حركه بسيـطه 
 حط يدو على مكآن العمليه ورجع فتح عينه 
 وحتى صوت تنفسـه العالي اختفى 
 يتووهم ولا لا
 نفسها روآن 
 بس لبسها متغير ... لبس انثوي رسمي بنطلون هاي وست وقميص شيفون اكمام طويلة تحت البنطلون 

 وكلهم نفس اللون "الأسود "
مو لابسه شي وسيـع كعادتها ومخبص
 لا شكلها مرتـب بس لسى دموعها اللي يعرفها على خدها 
 مو مستوعب انها عنده 
 للحظـه بدأ يحس انو يهلوس مع حرارة جسمو ... 
يطالع فيها بدون مايتكلــم ...
وهيا تبـكي في مكآنها 
 ولاجاتـه 
 تحسب انو هيا السبب 
 لين ماطلعت شهقاتها منها 
 واخيــرا بكيت 
:روان !
قال اسمها وهيا بكيت زيآده 
 ولافكرت تسئل عنو اخدت بكلام بشـآر وانتهينا .. 
وبشـآر عرف بس لما وصلهم موضوع انو مو جلال خلاص جميل قال حيعرف ايش الهرجه وانتهى الموضوع 

 هنآ
 نفسه يقوملها : روان تعالي 
 يناديها بأمر كالعاده وهيا تحب دا الشي منو 
 قلها للمرا التآنيه : تعاالي
 رفعت يدها ومسحت دموعها 
 قرربت من السرير وقبل لاتتكلم هوا اتكلم: مين مزعلك 
 يسئلها سؤال كل مرا وكأنه هوا مافيه شي 
 روان : مين سوا فيك كدا
 تامر ضيق على عينه لما استوعب انها بتبكي عليه قال بمزح : جلال
 مافي اي ردة فعل ورجعت دموعها تآني تنزل 
 رفعت يدها لوجهها وبكيييييت 
 انفجع 
 يهرجج بشويش لأنو مو قادر يتكلم باانفعال : امزح 
 مو سامعته بشهقات وكأنو ماصدقت شي يخليها تنفجر 
 تآمر : رووان ...روووان
 نزلت يدها وتهرج بين شهقاتها : والله لو ادري ماكان اتكلمت وا
 تامر قاطعها : امزح معاكي
 روان : كداب
 تامر : والله امزح 
 روان : ايش اللي جاب جلال في راسك يعني و
 تامر يهرج بهدوء : عمك جميـل كلمني 
 روان صنمت وماستوعبت !!
تآمر : كلهم يحسبو انو جلال
 روان : انتا ايش عرفك فيهم 
 تآمر عقد حوآجبه مافيه حيل يتكلم بس بيتكلم عشانها : ليش اتكلمتي في المحكمه ؟
 روان : عشان بشار قلي ا _ سكتت وبعدها وسعت عينها بصدمه تمسح دموعها للمرا التانيه _ انتا 

 قلتلهم !
تامر مميل راسه على المخده البيضـآ وهوا يطالع فيها رفعلها حاجبه وكأنه يقولها ايوا بدون 

 مايعلق 
 ميـة سؤاال في راسها 
 كيف ومتى ولــيش سوا كدا 
 بس مع وضعه ماسئلت قالت بكل قهر : مين سوا فيك كدا
 تآمر : قصه طويله بعدين احكيكي 
 قربت للسرير اكتر ...
يطالع بعينها وعلى قد تعبـه يحسها هيا كمآن تعبانه : ايش بك 
 نزلت عينها على السرير وتحرك يدها عليه . اشرت براسها بولاشي بدون ماتعلق
 اخد الجهاز الصغيـر ورفـع السرير وهوا مضيـق شويا على عينه 
 اترفع من ورآ وسار كأنو جالس .. 
وبتردد اشرلها على الفراغ اللي جمبـو : اجلسي
 طالعت في المكآن وماترددت رفعت جسمها بشويـش وجلست .. 
سارو قبآل بعض بس هوآ مادد رجوله على السرير وهيا منزلتها ... 
نزلت عدسه عينها على يدها وهيا تلعب باأظافيرها اللي عمرها ماخلتها تطول 
 من نفسيتها ... 
نفسها تسئل عنو وتعرف ايش سرلو بس مخنوووقــه 
 كل الي في راسها كميه الاسئله اللي انسئلتها 
" دا ابوكي " 
 " يعني انتي بنتو " 
 " ككيف كآن يعاملك " 
 " ايش كنتي تشتغلي " 
وكلام المحآمي لما اتوجه للقآضي واشر عليها 
" دي بنتو واهانها وخلاها في الشوارع دي بنتو ومارحمها بآقي الاطفآل كيف حآلمهم 
 دا انسان منزوع من قلبه اي انسآنيـه بنته انضربت في الشوارع حطلب كمآن كشف طبي يثبت العنف
 اللي شافتـه .." 
الكلام لما يتسمع بلسان الغير يووجع 
 يقتتــل 
 لما يسير الموضوع مو قضيتها لا قضيه مجتمع 
 والكل يهرج فيـه وتشوفي الشفقه بعيونهم 



 يطآلع فيها عارف انها تبا تبكي 
 فيه شي جوتها فيه كلام كتيـر : روان 
 رفعت راسها 
 طالعت فيه 
 لاتهرجي 
 لاتتكلمي 
 فيه اللي مكفيـه 
 تكرر دا الكلام جوت راسها 
: مو خلاص جاسم راح 
 سمعت جملته 
 بس ماعلقت 
 راح بعد ايششش !
بعد مادمرها مزبــوط !
بعد ماقتتلها وقتل كل احساس حلو جوتها 
 تعبآآنه 
 تعبآنه وماتبى تفكر اذا هوا تعبان ولا لا 
 تباه يستحملها زي ماهديل تستحملها 
 دا طبعها 
 مافكرتت خلاص 
 قربت منوو وحضنتتو وبكيــت 
 دي المرا مو عشآنه تعبان 
 مو عشان خايفه عليه 
 بكيت بسبب اللي مرت فيه اليوم 
 ليش تباه هوا ماتدري 
 ليش شايفه حق من حقوقه انو بعز تعبـه المفروض تشتكي ويسمعلها برضو ماتدري 
 انانيه عارفه نفسها انانيه بعض الاحيآن 

 تآآآمر 
 مجبــس وجعتـه اول شي بس مع الفجعه اللي مر فيـها 
 ولا طلع صوت منـو 
 يدهها حولين رقبتـه وكتفه حااسس بدموعها 
 صوت بكآآآها يووجع 
 مو متعود بنت تكون قريبه منو هوا يد ومايرضى يمسك 
 تجي كدا تحضنـه ! 
ضاع الكلام منو ودوبـه بيفكر انها انسانه جريئه ومابتاحسب ومايحب البنت اللي كدا
 الا اتبخرر كل شي يفكر فيه لما هرجت بكل انهيار: تآمر ابا اشرد من الكل ..انا تعبت 
 قلبــه سااار يدق بجنووون وهيا تهرج كدا وحاسس باانفاسها السريعه وشهقاتها 
 بين التعب اللي يحس فيه 
 مشاااعر غريبه 
 مشاعر قاعده تطغى على تفكيره العقلاني 
 يقدر يبعدها بس مابعدها 
 ماقدر بنفس الوقت يرفع يده ويمسكها 
 بس مخليها ف حضنه زي ماتبى ولا هوا يبى برضو مابيفكر بدي النقطه 
 لكن طلع صوت بالقوه ... بالقوه قدر ينطق وهوا بيمر بمرحله التشتت دي : ايش بك 
 قالها بعدم استيعاب المفروض يكون رده احسن 
 لكن ماعرف يرد 
 تتذكر كل كلمه في المحآكمه 
 ماردت عليـه ..تبا تبكي وبس
 تبا تخرج اللي بنفسها ولو شويـه 
 تآمر بيحاول يتكلم بس كل شي موتره : روآن ل
 بعدت جسمها عنو ورفعت يدها تمسح دموعه قاطعته بنص كلامه : اسمي سميـه 
 تآمر يهرج بهدووء عكس كل شي يحسه : الاسم اللي انتي تبيه انا حناديكي فيه 
 روآن سكتت 
 تآمر حاجه عابره عارفه دا الشي 
 نظرتو ليها وحده مسكينه زيو زي لؤي زي الناس اللي كانو موجودين في المحكمه 
 ماعلقت على كلامه ...كلامه دا اللي يلمس دايما حاجات كتير جوتها ...
 :انا خلاص ابا اروح اي منطقه بعيده 
 تآمر ماستوعب وبجمله خرجتو من الفوضى اللي كآنت فيه : فين تبي تروحي 
 روان تهرج بصوت مخنوق : مدري ابا اعيش لوحدي خلاص مابى هديل وبشار مابى احد اعرفو ... ابا 

 اعيش بااسم روان وبس مابى لقب الرايد مابى اسم جآسم مابى شي يذكرني بحآجه عشتها 
 تآمر : رووان اهدي ولاتفكري بجنان 
 روآن اتكلمت وكأنها بتبكي :ماشوفت انتا الناس كيف يطالعو فيا عارف ايش سئلوني 
 يطالع فيها ومستنيها تكمل ... 
كملت بنفس النبره : قالولي ايش كنتي تشتغلي لما كبرتي قالها بااسلوب حرقلي قلبي _ رفعت يدها 

 وهيا تفك شعرها وهوا يطالع بصدمه _ شوووف شووف كيف شعري مقصوص .. انا قصيتو بنفسي عشان 

 اللبس قبعه واشتغل مع الرجال لبست ملابس رجال عشان لحد يطالع فيا بنظره مو كويسا ولا اسمع كلام 

 يحرقلي قلبي ويجيك وااحد مايدري انا ايش عشت يسئلني اسئله عشان يثبت للكل انو جآسم ظآلم 

 والمفروض اجاوب حطوني في موقف تبي تحرقي قلب جآسم احرقي نفسك قدآم الكل _ مسكت بلوزتها 

 وقالت بكل تعب _ خلااااص استحملللت كتتتير والله كتييير
 كلامهآآآ صوتهااا 
 هرجه ايش سوت عشان ماترضى لأحد يتعرضلها دا دا بزززبط اللي كآن يفكر فيـه 
 ونفسه يعرف تفكيرهآ
 نص البنآآآت اللي حوليه تحاول تلفت بصوتها العالي ولا ضحكتها ولا بلبسها ودي حتى لما مآكآنت 

 تشتغل ويشوفها تمشي في الشارع 
 غييير عن بقيـــه البنآت 
 ضآآآيع وهوا يطآلع بعينها 
 كيف يهديها !!
بيحاول يركز معاها ولو تدري بكميـه الألم اللي يحسها بدي اللحظه مآكآن هرجت 
 تآمر : وصلتي للنهايه ياروان لاترمي كل شي و
 روان قاطعته : ماهمني شي انا من جوتي ماعاد ابا شي 
 تآمر :يعني وصل لشي اللي هوا يباه 
 روان حركت راسها بالنفي وعيونها محمره : لا جآسم مايبى شي مني هوا مايحبني ولا يكرهني زيي زي 

 اي كلب في الشارع ت
 تامر قاطعها : روان خلاص اسكتي لاتفكري بشي 
 روان : والله بجد
 وقفـت وهوا يطالع فيها .. وقلبه يدق ورا بعض : دي الفتره حقفل كمآن جوالي لو ف يوم حسيت اني 

 ابا ارجع حديك خبر _ غيرت الموضوع وضمت يدها تحت صدرها وماتبى تبكي _ محد حيجي يجلس معاك ؟
 يرمش بهدووء 
 مايباها تروح 
 كلامها اللي قالتو قبـل شويـه مرا اثر فيـه 
 يبا يتعرف عليها 
 يبا يعرف كيف عاشت 
 باايش مرت 
 يحسها نظيفه من جوتها 
 بغض النظر عن حركاتها 
 مو قادر ماينجذب ليها 
 شتت نظره وكأنه ماكلمته 
 طالع بالجهاز رجع السرير على ورا وانسدح 
 دار راسه بااتجاهها 
 مد يدو لبرا السرير وقال بدون مايتردد : هاتي يدك
 روآن ماعرفت ايش يبا .. 
بس مع صوته ونظرته كل شي وترها ... : ايش فيه 
 تآمر عاد بصوته المبحوح : تعالي
 قلبها يدق بسـرعه ....قربت بس مامدت يدها وهوا حرك يده تآني ورفعت يدها وحطتها على يدو 
 سحب يدو على السرير وهوا ضاغط على يدها غمض عينه وقال : لما اقوم بسلامه وقتها روحي فين ماتبي 


" طفوله ملوثه بالواقع " 


بعـد ماخلصت من رشآ اللي مودها انقلب من غير سبب خرجت من المول وابتسمت لما شافتـه واقف 

 يستنآهآ
 اتوجهت له وكالعآده بكآمل اناقتها من شعر رآسها لشنطتها وجزمتـها .. 
كل ماتقرب كل مايبتسم زيآده قربت منو وسلم عليها واخد الاكياس من يدها : كيفك 
 علا : تمام 
 فتحلها باب السياره وركبت 
 وهوا اتوجه لنآحيته وشغل السياره وحـرك .. :غريبه اتصلتي مو قلتي حتسهري مع رشا 
 علا : مدري ايش بها تقولي تبا تنآم وماعرف ايش ..ٌقلت اسهر معاك احسن 
 لؤي ابتسم وعينه على الطريق : كويس حاطتني خيار ثاني 
 علا مسكت يدو على طول وهيا تضحك : هههههه لا والله حبيبي بس عشان وعدتها 
 لؤي يحرك راسه : لا لا عادي لاترقعيها 
 علا : ههههههه يعني كآن لازم انزل انزل اشتري اغراض انتا ماتفهم بدي الحاجات 
 طالع فيها : كل شويه هرجه اول وعدتيها ودحين 
 وقبل لايكممل علا سابت يدو وضربتو على كتفو بنرفزه : بطل بطططل دا الاسلوب 
 لؤي : هههههههه انا اشلي خليكي على رايي واحد 
 علا : ضمت يدها تحت صدرها وسندت جسمها على الكنبه : هيا انا حررره ايش رايك 
 لؤي : ههههههههههههههه ليش معصبه دحين 
 علا : مستفزز وربي
 لؤي : ماسرت احب رشا كل شويا تتصل 
 علا : رجعنا لموال اول
 لؤي رفع حاجبه : فاكره صاحبي كيف طلعتي عيني فيه 
 علا : فيه فرق صاحبك قليل ادب ومارحم ولابنت في حالها
 لؤي : ايش لي انا طيب 
 علا طالعت فيه : قفل الموضوع بما انو الادمي سافر فماحتجادل معاك 
 لؤي : طيب ايش هرجه امك 
 علا : جننتني يالؤي تبانا نسوي ملكه 
 لؤي : مالو داعي 
 علا : قلتلها والله خلاص ايش لزمه الهرج الزايد ويقولو دي ملكتها التآنيه 
 لؤي : ماعليكي لاتزعلي نفسك 
 علا : حاولت افهمها واقنعها مارضيت يعني احنا انفصلنا ورجعنا ايش لزمه نعيد دا الشي خلاص يكفي 

 الفرح 
 لؤي : ماعليكي انا حتكلم معاها _ سكت وبعدها قال _ بخلي الذكرى الوحيده لملكتنا وامي معانا 

 خلاص نعقد بعد بكـرا زي اتفاقي مع ابوكي 
 علا تتوتر لما يجيب سيرة امو اشرت براسها: ان شالله حبيبي
 وقف سيـآرته : تبيني اجبلك شي معايا 
 علا : لا شكرا 
 نزل من السياره وعينها عليه لين مادخل المآركت .. 
ابتسمت تحس حياتها حاليا رجعت طبيعيه اخيرا 
 انتبهت لجواله واخدتـو .. 
تبا تشوف نفس الباسورد اللي هيا حطتلو هوآ زمان ولا لا
 وزااادت ابتسامتها لما انفتح : حييياتي انا
 دوبها بتسيبه بس اتذكرت صورتهم حق امس تبا ترسلها لجوالها 
 وفتحت الاستديو كلللو صورها واختفت ابتسامتها لما شافت صوره وحده 
 كبرت الصوره وقلبها يدق بسـرعه ... 
دي الفتره اللي كآنو منفصلين فيها 
 قلبت الصوره اللي بعدها وكبرت الصووره وقالت بصدمه : هديل !!!
قفلت الجوال ورمتو مكآنه ...تحرك رجلها بقههررر
 عندها الاسنااب انقلب على هديـل لما كآنت تصورها 
 عارفه انها تجنن وملفته 
 البنت اللي معاها مو واضحه مرا 
 صورتهم عامتا مو واضحه لكن شافت هديل قدام عينها 
 عارفه قد ايش جميـله ... 
مو طبعها تغار 
 بس الصوره مرا مستفززززه 
 فتح الباب لؤي وركب وهوا بيده علبه عصيـر وجبلها معآه .. 
خدي 
 علا : قلتلك مابى 
 لؤي : من يوم ماعرفتك تقولي مابى وتروحي تشربي عصيري
 قفل باب السياره وحط العصيرات في النص وهيا ماعلقت
 حرك السياره وعقد حوآجبه : ايش بك 
 ماقدرت تسكت : ايش عرفك بهديل
 لؤي ماستوعب : مين هديل !
علا : اووه سبحان الله نسيت اسها 
 لؤي سكت وبعدها قالت : هديل صحبه روان .؟!
علا : مددري ايش عرفني دي البنت كانت تشتغل عندنا 
 لؤي : عارف 
 علا رفعت حوآجبها الاتنين : اها وكنت تخرج معاها ؟!!!!
لؤي بتردد : مو حكيتك على صحبتها روان 
 علا : يعني عارف انو هديل تشتغل عندنا وماقلتلي دي المعلومه 
 لؤي : ماجا ف بالي حكيتك على روآن عشان سمعتيني اهرج معاها وماباكي تفهمي غلط وبعدين هديل 

 ماشوفتها غير 4 مرات او 3
علا : ليش محسسني انو قعدنا سنه منفصلين !!! صحبتها ماشالله كم مرا كنت تشوفها باليوم 
 لؤي يطالع في الطريــق رجااال لازم يلف ويدوور 
 ايش حيقلها يوميـآ كنت اقابلها ويجلطها 
 كان يطالع في روان بنظرات اعجاب 
 بس يحب علا 
 روان بنسبه له انسانه شافت كتير بحياتها بس مايتخيل انو يتربط فيها .. بسبب ظروفها 
 لؤي بتردد : يعني كل متسرلها مشكله زي ماحكيتك كنت اقابلها 
 علا : بس في مشاكلها يعني ؟
 لؤي : ايوا 
 علا : وفين كنتو تتقابلو 
 لؤي : في اي حديقه جمب بيتها و
 علا قاطعته : سبحان الله الصور اللي بجوالك مرا مو ف حديقــه 
 صدمتــــه 
 علا تعرفه لما يكذب 
 بيكذب عشان لايزعلها 
 اكيد ماحيفتح على نفسه ابواب ويحكيها بتفصيل كيف كآن يضحك هوا وران 
 ويستهبلو ... سكت وبعدها قال : داك اليوم خرجتهم بعد الموقف اللي سار لهديل مع كريم 
 علااا ولعتت : اهااا انتا من ديك الفتره تعرفهم لين مارجعتلي ! كوويس يعني كنت تطبطب عليها 

 وعلى صحبتهاا 
 لؤي في موووقف غببيييي ..ضحك ضحكه غبيه : والله داك اليوم اول مرا اشوف هديل
 علا : لاتتتضحك ماافي شي يضحك 
 لؤي مايبى يمسك خط انو غلطان عشان لايكبر راسها وتذلو على الموقف دا : ههههههههههه طيب اهجدي 

 ولاتزعلي نفسك طيب ؟ الصوره و
 قاطعته بنرفزه : للليش اصلا محتفظ بالصوره لدحين 
 لؤي : نسيتها _ جا يمد يدو يمسك يدها الا سحبت يدها بعصبيه _ 
علا قالت وشويا وتبكي : سيبني بجد الموضوع مو داخل مزآجي وبدأ يضايقني 
 لؤي : عارفتني بحاول ماضايقك وسرت ماتصل عليها 
 علا : لا بلله الله يخليك اتصل 
 لؤي ضحك : ههههههههههه 
 علا مرا ولعت من ضحكته وهوا كمل كلامه : موإنتي ماشالله بتتعاملي مع مية واحد شايفتني مو واثق 

 فيكي 
 علا ماسكه نفسها لاتبكي حتى لو الموضوع عادي بعد الصوره ماسار عادي 
 ماتدري ليش كآنت متخيله شكل لروان معين وبالصوره عكست كل التصورات : قلتها بيننا عمل يالؤي 

 لما انتا كنت زمان موظف بداك المكآن اللي كلو بنات ماشالله مدري كيف بس سكت وماتدخلت ولاكنت 

 اعلق على اتصالاتهم وماحدثاتكم بالواتس بس فيه فرق بين دا ووحده خارج تمشيها وكل ماتضايقت 

 رفعت سماعه عليك وانتا الحبيب المطاوع رايح تجري عليها وتهديها خلاص قلت فلووس مو مشكله 

 اديتهم اللي تقدر عليه بس مو لدرجه تهتم بنفسيتهم جا كريم اتحرش فيها ورفعو سماعه عليك 

 وانتاااا ماقصرت روحت مشيتهم مع انو في الصوره مو واضح ماشالله انو نفسيتهم مكسوره 
 محد يقدر يلووومهــآ
 كلامه مو منطقي ومستفز 
 اسلوبه مالو اي مبرر 
 علا كآنت متعاطفعه اول مع روان بس خلاص الموضوع اوفر زودها لؤي مو كدا الواحد يساعد احد 
 فتح على نفسـه ابواب وبسببه علااا كرهت هديــل وروان ... بدون ماتحس وهيا في الطريق فتحت 

 الانستا 
 وسارت تحذف مقاطع هديـل ... 
كل الكومنتآت غزل فيها وفي النهايه طلع الاخ لؤي يمشيها ويبسطها 
 دموعها بعينها 
 غيرة انثـى 
 تحس انها حقيـره انه متعاطفه مع دول البنات 
 بس بنفس الوقت كارهتهم بسبب لؤي 
 دي هيا الغيره انك ماتسيري تفرقي 
 خلاص تنعمي وبــس 
 يطالع فيها كل شويآ وهيا تمرر يدها على جوالها وباين انها تبا تبكي ...
مايحب يشوف دي النظره 
 بس برضو ماتكلم .. 
يباها تهدى شويا وبعدين يتكلمو .. 
كآن متوجه للبيت بس عكس طريقـه وعلا ولا ركزت .. 
ومآزال الصمت سيد الموقـف 
 ولا طالعت فيه وهوا عينه على الطريـق 
 سارو يعرفو يتعاملو مع بعض 
 مو فتره بسيطه اللي عاشوها مع بعض 
 ماينفع تتكلم وهيا معصبه 
 تسسسكت لين ماتهدى 
 وهوا نفس الشي ... 
فجأه ركزت بالطريق وطالعت فيه : فين رايح 
 لؤي : اصبري
 وقــف سيارته في مكآن يفجع ظلااام ماافي احد 
 طفى السياره ونزل ...
مو خايفه منو طبعا 
 بس وترها بحركته وجا فك الباب ومد يدو : انزلي
 زعلانه ماحتمدلو يدها سابت شنطتها ونزلت : ايش فيه 
 قفل الباب 
 ووقف جمبها يطآلع قدآمه 
 مكآآن فااااااااضي وظلام يفجع 
 سند جسمه على السياره ودخل اياديه في جيبو : ايش شايفه قدآمك 
 علا طالعت فيه وقالت بنرفزه : انتا شااايف شي !
لؤي : انا بسئلك 
 علا : مو شايفه شي يالؤي
 لؤي : من يوم ماتوفت امي وانتي سبتيني وانا اجي كل يوم هنآ اجلس 7 ساعات 8 ساعات مقفل 

 جوالي ولما افتحو مالقى احد سئل عني كآن شعور يقتل لأنو لو امي فيه كآن خلال دا الوقت اتصلت 

 عليا كل ساعتين وانتي كل ساعه وفجأه اختفيتو الاتنين 
 نقطه ضعفففها دا الموضوع صوتها المتنرفز غيرتها اتبخرت مع انو مو فاهمه ليش فتح دا الموضوع 
 ماقدرت تعلق 
 اما هوآ كمل لما طول سكوتها : البنات دول مستوعبه انهم عايشين دا الاحساس بس من هما صغار انه 

 مافي احد يسئل عنهم او يساعدهم ورب البيت ياعلا ماكانت نيتي وسخه معاهم والله جآت بظروفها وكنت 

 اساعدهم وانا نيتي شريفه 
 دار جسمه عليها : انتي عارفه انو مافي احد بعدك انتي البنت الوحيده اللي كآمله ف عيني ... 

اوك دخلت وخرجت معاهم بس خلاص حسبت انا وانتي انتهينا وكل اللي استوعبته انو مافي احد يتقارن 

 فيكي لو كنت معجب في وحده فيهم مآكنت حاليا واقف قدامك حطي دا الشي في راسك 
 علا ضمت يدها تحت صدرها : برضو مانسى كلامك معاها داك اليوم 
 لؤي مسك خدها : انا اسف ..اخدت راحتي معاها وانتي عارفه انا اتجرأت وجيت اكلمك بسبايبها 

 يعني البنت مافراسها بجد شي وانا مافراسي حاجه فابلاشي تكوني انتي اللي تتوهمي حآجآت سخيفه 
 علا زمت شفايفها وهيا مشتته من كلامه 
 مستنيها تعلق ترد بس ولا هرجت دفهاا بنرفزه من كتفها : ترا اديتك وجه 
 علا انفجعت 
 لؤي : خلاص بقولك اسف وبقولك نسيت الصوره وانو مافراسي كآن شي 
 علا : طيب ممكن لحظه افكر 
 لؤي : ثلاث ثواني لو ماجيتي حضنتنيني انا اللي حزعل 
 علا : ههههههههههههههه لا بلله 
 لؤي : 3 
علا وسعت عينها 
 لؤي : 2
علا : ههههههههه لؤؤي 
 لؤي : 1
علا ولا اتحركت ومازالت تضحك 
 لؤي رفع حآجبه وقال وهوا يضغط على كلمه كلمه : طيييب ياعلاااا
 كآن بيمشي الا مسكت يدو وهيا تضضضحك زي عدي لما يفصل لو مسكه خط ضحك مايقدرو يتكلمو ولا يسوو 

 شي 
 لؤي : بعددي اقولك 
 شاده على يدو وتضحكك تبا تتكلم مو قادره 
 لؤي من كتر ماتضحك ابتسم : ايش الفصله الغبيه دي
 حتى هيا مو عارفه ليش بتضحكك كدا : ههههههههههههههه مدددري 
 سابت يده وهيا تمسح دموعها اللي نزلت من كتر الضحك : كم مرا اقولك حركة العد التنآزلي 

 تخليني انفجع وماعرف اتحرك 
 لؤي : هههههههههههههههه فاكره لما فجأه عديت وانتي شايله الكوره والمفروض ترميها عليا 

 ورميتها بوجه ستي وطآحت 
 من نص الهرجه وعلا تضضضحك : ههههههههههههه ربشتوني انتا تعد وعزآم يجججري وجاي ياخد الكوره
 لؤي اشر على نفسه : ارميها عليا ياعمري ايش البلاهه اللي سويتيها 
 علا بننننرفزه : ماععععرف افكر انفجع والله بدي اللحظات 
 لؤي : ههههههههههههه بلهه 
 علا ضربتو : للللؤؤي 
 لؤي : طيب افرضي افرضي يوم كنت حموووت وفيه احد وراكي يقولك علا يلا يلااااا ويجلس يربشك كدا 

 ايش حتسوي 
 علا بتفكير : يعني اكيد محد يموت قبل يومه ياعمري ب
 لؤؤي ضحك بصدمه : ههههههههههههههههههههههه _ اشر عليها _ اتذككري دا الموقف طيب 
 علا : ههههههههههههه يعني حكون انا السبب في موتك وحعيش ندمانه وممكن اموت وراك 
 لؤي يطلع صوت يشبه صوتها بنرفزه :حعيش ندمانه وممكن اموت _ اتكلم بصوته بحده _ لاترقعي 

 اقووووووول 
 علا : ههههههههههه والله حبيبي عارفه نفسي اني ماحنقذك ليش حكذب عليك 
 لؤي : اكذبي مو مشكله انا احب الكذب بدي المواضيع 



 مسدوح على ســريره وبنآته الخمسه حولينـه ... ومرته جالسه على الكنبـه اللي في نفس الغرفه 

.. 
كل وحده من بنآته تقوله شي عشان يهدى 
 نفسيته من بعد محآكمه جآسم مدموره ... مابيرد ولا على احد 
 الاتصالات هالكته ... طفى جوآاله وسايب بس جوآله التآني اللي تقريبا محد يعرفو الا كم شخص
 بنآته كلهم متزوجيـن .. 
كل وحده تحاول تهرج في موضوع عشان يشتت باله بس يشوفوه فجأه يسـرح 
 لين مادق جوآاله وكلهم طالعو في بعض 
 رفع جسمه : جيبلي الجوال 
 محد يباه يرد ...مايبو موضوع تآني ينكد عليه 
 بس غصبا عنها وحده منهم قآمت وجابتو من جيب ثوبـه 
 وادتو هوآ سند جسمه على المخدآت ورد : ايوا عمآر
 عمار : السلام عليكم 
 جميل :وعليكم السلام 
 عمآر : معليش على الازعاج بس فيه موضوع لازم تعرفو 
 جميل : خير ان شالله ؟
 عمآر سكت وبعدها قال : فارس ... الورقه اللي كآتبها مو بخط يدو 
 جميل عقــد حوآجبه : متأكد!
عمآر : وصلنا للبيت التآني اللي يعيش فيه مع مجموعه من الشباب اللي بنفس حالته وطلبنا كل 

 الاشياء اللي تخصه لققينا مذكره يكتب فيها كل شي بيسير معاه _ سكت وبعدها قال _ انتا اقرأها 

 كمآن لكن اختلاف الخط جدآ كبير بين الورقتين 
 جميل ماخلى احد يشوف دي الورقه الا عمآر ...الكلام اللي طلع على حور كتتير 
 يبو النآس تترحم عليها ...كآنت طيبه وبريئه ومآتت بطريقه تفجــع كيف الواحد بيوم وليله ومن 

 غير يحسب حسآب 
 لبكرا كدا يسـرله ... 
كل يوم جميل يسئل اخر فرض صلتـه 
 كآنت تصلي من الاساس ولا لا 
 خآيف عليها من عذاب القبـر بسبب اللي سرلها يحسها بنته : صورلي الورقه بسرعه 
 عمار : الرساله حق فارس
 جميـل : ايوا 
 عمار : ثواني وهيا عندك 
 جميل قفـل وحوآجبه معقده قام من على السرير وكلهم بنبرات متفاوته : بابا فين راايح 
 جميـل : شويا جي 
 خرج من الغرفــه 
 امهم : لاحول ولا قوة الا بلله 
 بنته الكبيـره : والله المفروض يطفي جواله 
 بنته 2 بفضول : نفسي اشوف دي سميه 
 كلهم طالعو فيها الصور اللي شوفتها وجهها مو باين وبشار مغطيها 
: اصلا بشار متى لحق يتعرف عليها 
 امهم : والله مدري بس ابوكم قلبو محروق عليهم بس يشوفهم يجي متنكد بذات على البنت واللي مسكته 

 انها حاليا عند بشار ساكنه 
: كيف تسكن عند واحد دوبها عرفت انها اختو بلله افرضو انو مو طيب 
: على اساس سمعته حلوا 
 امهم وسعت عينها : شوووق 
 شوق ضحكت : والله معليش ياماما معروف بشار لعاب والبنات كلهم في جيبو 
 امهم : وطي صوتك ابوكي لايسمع دا الكلام 
 سكتـو وروابي قربت من شوق وهمست : شوفتي شكلو في الصوره كيف 
 شوق طالعت فيها مفجوعه وتهرج بنفس النبره الوآطيه : استحي على وجهك فينو فهد عنك 
 روابي بقرف : خليه يسرري مو فااضي الا لأصحابه 
 شوق : هههههههههه 
 روابي : هبله انتي تهرجي عن بشار كدا
 شوق : والله ياروابي مشبك كآن نص البنات نفسي اعرف متى يفضى للدوآم ومتى كآن يخرج معاهم 
 روابي :ههههههههههه تمرس يااقلبي 
 شوق : عندي فضول اشوف دي سميه وعندي فضول اعرف ليش سحب على البنات 
 روابي قربت اكتر : ياحقيره انتي مين بيوصلك دي الاخبار 
 شوق رفعت اصابعها الخمسه قبال وجه روابي : اعرف خمسه يعرفهم وربي خمسه اللي اعترفولي مابالك 

 اللي ساترين على نفسهم 
 روابي : هههههههههههههههههههه انتي اجتماعيه زياده عن اللزوم 
 شوق : والله هوا اللي وسخ زياده عن اللزوم كل وحده تحكيني ايش كآن يسوي وربي انفجع يابت 

 جوالاتهم كلها صورو وهما خارجين مع بعض حتى مو خايف على سمعته ولا إنو احد ينشر صورو 
 روابي ابتسسسمت بحقاره : امااااا _ ضربت على خدها _ يابختهم مز الكلب مززز 
 امهم : انتتتو الاتننين ايش عندكم 
 شوق مفجوعه من روابي وضحكت وطالعت في امها مفجوعه : ههههههههههه ولاشي ياماما _ رجعت طالعت 

 في روابي وقرصتها _ وربي لأشتكي لفهد اهجددددي
 روابي : هههههههههههههههههه طيب خلاص _ سكتت وبعدها قالت _ حاسه انو حيتزوج وحده وحشه دايما 

 كدا الحلوين يوجعه القلب بدي الحركه المستفزه
 شوق : هههههههه وربي شكلو فيوزك ضاربه من زوجك 
 روابي : ليا تلاته ايام ماتكلم معاه
 شوق : مين الغلطان 
 روابي : هوا الكلب طبعا 
 شوق ماتت ضحك وكأنها اختها قالت نكته : هههههههههههه بلله ايش سوا 
 روابي وطت صوتها : رجع يشرب ويحشش زي اول 
 شوق اتمحت ابتسامتها تحسب زي مضارباتهم حق دايما : اوه !


في المجلــس ... 
يقرا الرساله مرا ومرتيـــن وتلاته ... 
اتصل على بشـآر وهوا عارف فيـنو بسبب رجآله وقلو يجيـه ...



بشـآر كآن على اليخــت مو غبي انو ماينتبه بالسياره اللي تلحقو بس مالو خـلق يتجادل 
 ماكان يبا يقعد لوحدو ... بس روآن محزنتو عشان كدا سبلهم البيت 
 قال يمكن هديـل تقدر تكون جمبها 
 مايدري انو روآن اول وحده تجرحها هديل لما تكون زعلانه .. 
اتصل على امه وعرف انو عندها نآس فاسكت وماقلها ابا اجي 
 جلس لوحده ... وكل شي خآنقه 
 واتوجه لسيارته اول ماجاه اتصال جميـل 
 ماقلو ايش فيه بس يباه في موضوع ... 
مجهز خلاص نفسيته لخبـر زفت 
 مو متوقع شي عــدل ... 
وربـع ساعه وهوا عند عمـو ... واستقبله طبعا في قسم الرجآل
 جلس عمو على الكنبـه المنفرده وبشار في الكنبه الطويله اللي على يمينـه ..: ايش فيه ..
جميل زفر بضيق ومو عارف كيف يبدأ الموضوع ...: اباك تهدى وتفكر معايا مين اللي له مصلحه في 

 الموضوع 
 بشار حرك راسه من غير مايطلع اي صوت 
 جميل قدم جسمه لطرف الكنبه واتكلم بكل اهتمام : فآرس مانتحر
 بشار رفع حوآجبه الاتنين : مين قال
 جميل : جآنا تقرير كآمل بحالته والرساله كمان مو خط يده بتجنن مو عارف مين اللي له مصلحه 

 يسوي دا كلو _ يتكلم بتفكير _ الرساله فيها اسم جآسم يعني لو نقول واحد من الشباب اللي 

 يشتغلو معاه وسوا حركه الرساله عشان يحرق دمنا طيب ليش حيقتلو ! ولو فرضنا
 بشـآر وقف وبآين انو فيه احد برآسه سار يروح ويجي وهوا بيربط كل شي وعمو سكت وبيطالع فيه 

 دوبو نطق بكلمه الا بشار رفع يده ومايباه يقطع حبـل افكاره
 وقف قبال عمه : جلال 
 جميل : لاحول ولاقوه الا بلله ايش دخل ياولدي جلال بالموضوع لا تخلي حقدك 
 بشار بنرفزه قاطعه : انتا ياعمي اللي فووق وحاول تربط كل شي في بعضه 
 جميل : اايش دخل دا في دا جلال يبا يخرج جاسم من السجن حيحط اثبات انو جآسم هوا اللي سوا 
 بشار : جلال مو غبي .. ماحط الشي الا وهوا عارف اني ماحخليه 
 جميل رفع حآجبه : اييوا !!!
مو مقتتتتتتتتتنع بكلام بشااار بس يبا يشوف نهايته وحقده على جلال اللي عاميه 
 بشار : الورقه اللي محطوطه ليا ... جلال عارف اني انا بحاول اوصل للولد وعارف لو وصلت انا 

 ماحخلي الشرطه تشوف الورقه وحآخد الدليل عشان الكلام اللي على اختتي .... شلنا الدليل اللي 

 على ابويا ... سويناها ولا لا ياعمي ؟؟؟!
جميل : سويناها بس
 بشار قاطعه : اصبرررر .... الولد مقتول والطب الشرعي اثبت انو مقتول خلال يومين جلال مو غبي 

 عشان مايعرف دي النقطه 
 جميل مافهم : مافهمت !
بشار : دقيقه دقيقه سميه ايش قالتلك عني لما جلال هددها 
 جميل بتردد قال : انو حيخليك تمشي بين الناس بدون عقل 
 بشار كمل : زي ماسوى فيا من صغري صح .... جلال قتلو عشان ياخد بحق ابويا كآن يقدر ينهي 

 الموضوع هنا بس خلاه منتحر عشان انا اللي حوصله عارف انو الشي اللي يقتلني اللحظه اللي ماقدر 

 اخد حقي فيها من احد عارف انو دا الشي اللي يتعبني وحيخليني ماسير افكر بشي غير بالموضوع دا 

... قبل وفاة حور جآ اتبلى على امي وقال انها جابتني من واحد تآني عشان كآنت عندو عمليه 

 تهريب مع صآلح وقدر يشتتني ودحين عادها 
 جمممميلللل انفجع مايددري انو جلال وبشـآر بينهم حـــرب ... اتبلى على امو !!!!!
دا الولد يجي يججلطه بكلام كل مرررره ويمشي !
معقـول جلال قآعد يجنن بشآر بدي الطريقه !!! 
ليش !!
ايش هدفـه !!
كتب كلام عن اختـه عشان يخليه يمر بديك الحآله 
 وبجد وصـل للي يباه جلال
 جميل قال بعدم استيعاب : ايش حيضمنلو انك انتا اللي حتوصـل
 بشار سكت وهوا مآزال واقف قبال جميل وبعدها قال : اللي يشتغل عندك 
 جميل وسع عينه هناااااا حسسس بجددد الموضوع 
 لأنو محرص على الكل الموضوع مايطلع لبرا ودا اتصل على بشــآر 
 حتى بشار انصدم انو وصلـه الموضوع اول واحد قال بصدمه : ثآبت !!!
بشار : اجل هوا الكلب اللي يشتغل مع جلال وخلاه يشـرد يوم ماتمسك ابويا 
 جميــل مصدووووووووم !!!
هوا اللي عرف ثابت على جلال 
 بس مره وحده وماسار بينهم اي للقاء تآني !!
ببششار انخننننق 
 خلاااص تعب من البكى 
 من احسساس الغبنه 
 من انو جلال طالعلو من كل مكآآن يحرق في دمو
 الرساله جننتو مرا جننتو 
 ودحين عرف انها من جلال
 شكل الولد وهوا منتحر قتتتلو الف مرا 
 ودا اللي يباه جلال ... 
ينبسط لما يشوف بشـآر محروق 
 كأنو يشفي غليله بموت غاليه 
 على انو كآن طفل ومالو ذنب بس مو قادر يسامحه 
 ضغط على قبضـه يده : انا ماااشي 
 جميل مو قادر يوقف من صدمتو في جلال وثآبت : خليك ياولدي
 بشار : ببكرا اجيـك 
 وماسبلوو مجآآآل مشي على طول مو قادر يوقف قدآم عمو 
 فتح الباب وخرج من بيــت عمـــه 
 وف دآآ الشآرع اللي مافيـه احد 
 البعيد عن عيوون كل النآآس 
 صرررخ بكل صووتـــه 
 وعروووق رقبتـه وجبينه كلها بااارزه 
 حط حرته بيدددده زي كل مرآآآآ 
 مجنون مو مجنوون 
 هوا مو حاسس انو سآير اصلا طبيعي 
 الشي اللي جوته لا بالصراخ حيخخرج ولا بالضرب
 ولا انو ينتقممم ولا انو يسجن جآسم 
 ولا ينتقم لأختو 
 ولا حآآآآجه 
 خلاص اللي جوتـه ساير يحسه ابتلااء من ربنآ
 تلاته اسابيع كل يوم يبـكي 
 كل يوووم !!!!
كل يووم هرجه جديده تقلب حياته كلها 
 بيتجنن 
 وكلها في اخته البريئه 
 لليش !!!
عشان البنات اللي غلط عليهم 
 ولا ابتلاء لأبوه عشآن اللي سواه بالاطفآل
 ولا همآ الاتنين !!!!
ايوا هما الاتنين 
 وجلال !!! وصلت فيه انو يكتب شي عن حور بديك الطريقـه 
 اتوجه للسياره ومو قادر يفك الباب ويحرك يده 
 فتح الباب بيده اليسـآر وطلع السياره 
 سند جسمه على الكرسي وغمض عينه وانفاسـه ورا بعض 
 ايش يسوي !!!
الشي الوحيد اللي يخليه متمسك بدي الحياه امه وهديـل
 مافي شي يخليه طبيعي غيرهم 
 راسه حينفجججر 
 يحرك رجوله الاتنين وعارف انو لو ماهجد حيسوي شي اهبل
 اخد محفظتـه وفتحها .. 
دخل يده بالجيب الصغير وخرج حبـه صغيره 
 يطالع فيها 
 تعتبـر مخدر قووي حيخليه ينآم 
 هوا خايف من نفسـه 
 هوا مو واثق بنفسـه 
 وكآنت ثوآني وبلعها وشغل السيـآره وحرك 
 كل شي بيسويـه بيده اليسار وبــس 
 طول الطريـق يحاول يفتح قبضـه يده اليمين ويرجع يقفلها باألم 
 وفنص الطريـق بدأ يحس مفعول الحبه 
 بالقوه كمل الطريـق وصـل للفندق 
 المفروض كآن حيحجزله غرفـه لوحده لكن طلـع لفوق لقى رجال جميل عند الباب 
 بس ماكلم ولا واحد فيهم 
 من غير مايدق الباب فتحه وخلاص ببطاقتـه مو شايف طريٌقـه 
 حينآم 
 كل شي يتحرك تحتـه 
 الارض مو مستويـه 
 بس بيمشي لأنو حآفظ الطريـق
 قفل الباب ومشي خطوتين وشهقت بفجعه : بسم الله 
 حطت يدها على قلبها ونزلتها بشويش اول مانتبهت لعيونه المحمره : بشاار ايش بك 
 الصوووووووووت دا اللي يباااه 
 لحظظه مو شايف شي بعينه 
 بس عآشق دي اللحظه لأنو مابيفكر في شي 
 كدا الحبـه مخليه موووده يرككز في حآجآت تافهه 
 زي انو يركز في طريقـه ولا يطيح 
 اتوجه للكنبه وجلس وهيا لحقتو بصدمـه : بشار فيه شي ساار !!
رفع راسه وهيا تهرج تهرج وهوا يحاول يركز بملامحها 
 بصوتها اللي يسمعه ويختفي
 قال بضعف وكأنو يشتكي بس الجمله عاديه : ابا انآم
 قالها بااسلوب خلاها تحزن وكأنه قلها انا مكسور انا تعبان 
 جلست على الكنبـه دوبها بتتكلم الا نزل راسـه وحطـه على فخذها ورفع رجوله على الكنبـه 
 حتى الجزمـه لابسـها 
 مخشبــه جسمها 
 كآنت بتتكلم وفجأه انسدح وغمض عينه 
 بلعت ريقها طالعت في وجهه 
 ودقيقه وهوآ في سآبع نومه 
 نآآآآيم بدون اي حلللم 
 بدون مايفكر الف مرا قبل لاينآم
 رفعت يدها وهيا تمرر يدها على شعره 
 وانتبهت ليده على طول لانت ملامحها ومسكت يده 
 ايش ساار معاه مو عارفه 
 لما كآن حيخرج مارضيت تلحق وراه عشان روان لاتنقهر وتشوفها مهتمه فيه وخاصرتها 
 قلبها كآن يحرقها وهيا سايبتو يخرج من غير ماتتكلم معاه 
 سايبينها مشتته 
 تحاول ترضي روآن وفي النهايه تغلط عليها وتمشي
 وتحاول ترضي في بشار 
 دموعها نزلت تتمنى لو يسوي كدا بيده وفي النهايه يقدر يخرج اللي بنفسه ويرتاح
 دوبها سوت شي مجنون ... كآنت تفكر انها تنتحر مررت الشفره الحاده على معصم يدها واول ماخرج 

 دم خفيف
 خآفت ورمتها 
 حتى بدا الشي ضعيفه 
 سابوها الاتنين لوحدها وخرجو ومحد سئل عنها وماعندها اي جوال تتواصل معاهم ... 
كلهم على هآويـه الجنآآن من جآسم ... 
لو سعيد ماكآن يعرف جآسم هل امها كآنت حتبيعها ..؟
 بشـآر لو ابوه جميـل هل كآن مر بدي الظروف كلهاا حتى لو اعمامه مو طيبين !؟؟

 حطت يده بهدووء عشآن لايصحى ماتدري انو نآيم بعمممق ومستحيل شي يصحيه حاليا 
 لعبت في شعره شويا تنزل دموعها 
 شويا تدعيلهم التلاته انو ربي يعوضهم 
 نفسها تتصل على روان بدأت تخاف عليها 
 نآدت بشآر كدا مرا ولا رد عليها 
 طالعت في الساعه وتقول ان شالله مافيها شي وحتستناها كمان سآعه ... 




تكمله الفصل التاسع والشعرون 
 بدايه الفصل في الصفحه اللي قبلها 


 الأم الضعيفـه اللي وصلت للشي اللي تبآه بس خايفه مرعوبـه على ولدها 
 سآآآكت طول الطريـق 
 تعليقاته كلها ياأشر براسه ايوا او لا .. 
ماااتوقعت ولا خطر في بالها انو قآسم يرفع يده 
 لللليش !!!!
تعرف ولدها محترررم 
 محترم والكل يشهد على دا الشي ايش اللي سار عشان يرفع يده 
 وجآ ف بالها انو يكون زي ابوها 
 اللي سابها واتخلى عنها 
 اكيد ممكن قآسم مزآجي وحيضرب من غير سبب
 تفكر تفككر 
 لين ماوقف التآكسي 
 تباه يطلع ينام ويرتاح 
 خرج قبلها وقفل الباب عادتا هوا اللي يحاسب ويتعامل مع الرجال 
 عادتآ مايخرج قبلها 
 دخل العمآره ووقف بنص السيب
 هنآ كآنت امه تبكي ويباه يرجعلها 
 كآن بديك اللحظه بدأ يضعف وقاسم بكلامه خلاه يقسى عليها 
 مشي وطلع الدرج وهنا دخل بحضن قآسم عشان امو ماتمسكو وكآن يبكي 
 يمممشي كل خطوه ويتذككر كل شي 
 يتمنى انو قآسم ماطلع في حيآته 
 وقف عند باب الشقـه بدون اي تعبير بوجهه .. 
يستنى ترف تجي واول ماوصلت فك البـآب
 ودخل خطوووتين 
 راااااااحه 
 دا المكآن اللي يباه 
 دا المكآن الصغير اللي فيه تلاته غرف 
 واثاثه بسيـط 
 دا المكآن اللي فيه مشاعر حقيقه 
 ام حتى لو تغلط بس عارف انها تحبـه 
 هنآ هوآ سآآآمي 
 سآمي اللي يشيل مسئوليه امه ويخاف عليها 
 مو ذاك المذلول في القصـر الكبير وعايش تحت قوانين مجنونه 
 حاجزينه بغرفه 
 في الميتم ماعاش بداك الشكل 
 في الميتـم اهتمو في مشاعره وشالوه فوق رااسهم 
 وابووه في اسبوعبن خلاه يكره وجوده في الحيآه 

 اتوجــه لغرفته 
 جلس جمب سريره وبببككككي وبصـوته دخلت ترف وراااه مفجوعه 
 سابت كل شي من يدها مفاتيحها جوالها 
 نزلت لمستواه : حححبيبي ايش بكك
 كآن ساند جسمو على السرير ويمينه الكومدينـه ويساره ترف 
 حضنها وساار يبكي في حضنها 
 يبا يبكي في حضن امو وبغرفتـه 
 بعيد عن عيون الكل 
 ترف بكيت معااه : لاتوجعلي قلبي ياعمري
 سامي يهرج بين شهقاته : كنت خآيف يسويلك شي قلي انو حيقتلك لو قلت ابا اجيكي
 ترف انفجعت ..يعني مآكآن قآسي بس معاها 
 حتى ولده دا طبعه
 سامي سار يتكلم باانهيار : لما شوفت خالي تآمر طايح حسبت اني ماحقدر خلاص اشوفك 
 ترف حاطه راسه على صدرها وتبكي معآه : ماحيقدر يقرب منك ياعمري 
 سآمي جسمه يتنآآفض : مابى اشوفو حتى 
 شاف ابوه رافع مسدس وبدون ماترمشلو عين كآن حيقتل وآحد 
 وبكل قوه عين هدده باإنو يقتل امه 
 كيف حيعيش مرتاح مع واحد بدا القلب .. !
ترف تحاول تمسك نفسها : اهدى حبيبي 
 سآمي بعد عنها وطالع فيها : ليش ماقلتيلي من زمآن عنو 
 ترف : والله مآحتفهمني انا انمك اعرف تفكيرك عارفه انك تحتاجه وحتقول حتتحمل عيوبه 
 سآمي : ديك مو عيوب 
 ترف رفعت يدها تمسح دموع سآمي : اهم شي رجعتلي بسلامه اخواني ماحيخلوه يقرب منك تآني
 سآمي سكتت وبعدها قال : ابا اجلس لوحدي
 ترف لآنت ملامحها : ماحسيبك لوحدك 
 سآمي وجهه كلو محمر قال بترجي بدون مايطالع فيها : الله يخليكي بجلس لوحدي
 سندت جسمها على السرير جمبه : ماحتكلم ولا حقول اعتبرني مو فيه 
 سآمي طالع فيها 
 ورجع طآالع قدآمه 
 فرق بينها وبين قآسم !
عمره 11 سنه ونص ومر بحآجآت كتتير 
 مكسوور
 محروق قلبـه لأنه طلع له اب 
 يتمنى انو كآن يعيش مشتت ويدور عليه طول العمر 
 ولا يطلع وآحد بقساوه القلب دي 
 يفكر بصوت الرصاااصه وشكل خاله 
 يفككر باأمه وكيف سابها تبكي ولو مآكآن فيه اخوانها مو عارف ايش كآن سرلها 
 بس وصل لدي المرحله دار راسه عليها وقال بصوت مهزوز : خيلاني كآنو جمبك ؟
 ترف اشرت براسها 
 نزلت دموعه ورجع طالع قدآمه قال بهدوء : احسن مني
 ترف رفعت يدها على ذراعه : انتا ماسويت شي غلط 
 سآمي يهرج بدون مايطالع فيها : سبتك وانا عارف انو ماعندك احد وعارف انو ممكن تمرضي ولافكرت 

 بس فكرت بنفسي ..لو هما مآكآنو جمبك ايش كآن سار فيكي !
ترف شدت على يده : للليش بتفكر دحين بدي المواضيع اهو انا وانتا مع بعض لاتفكر بشي تآني انا 

 مو زعلانه منك انا كذبت عليك و
 سآمي : كذبتي عليا عشان خايفه اني حروحله 
 ترف شايفته لسى مصدوم ويهرج بعدم استيعاب : خلاااص الله يخليك _قربته لحضنها _ امانه خلاص 

 لاتوجعلي قلب

 سآمي رجع يبــكي في حضنها لين مانآآم ...وكأنه طفل صغيـر .. 
قومتـه وخلته ينآم على سريرها 
 خلال 6 سـآعات صحي 10 مرآت يطالع فيها يمسكها 
 تنزل دموعه بصمت وعلى دا الحآل ..
امآ هيا ساعتيـن بس قدرت تفوق من دوآمه البكى 
 ومن رعب سآمي وكيف ماسك يدها 
 اول مارخت يدو ..اخدت جوآلها واتصلت على روآن ... 

 __________________________________

بـعد ماتنآزلت عن اللي سواه فيها ليـث ... 
عدي موقف سيارته وعينه على البوآبـه المفتوحـه .. 
لمى : عدي خلاص خلينا نمشي .. 
عدي ولا يطالع فيـها جننته لما اتصلت وقالتله تعال نروح نتنازل ... 
مع انو كآن متوقع بس عفاريته ركبت رآسـه .: قلت شويا 
 تكره موده دا 
 بيمشي لتآمر وتميم يحاول يحاااول يبلعهم 
 لكن ليــث 
 لو يبووس رجل لمىى ويعتذرلها دا اخر انسآن ممكن يأتمنو عليها 
 مو هوآاللي مرته تترمي في الشارع بداك المنظظظر 
 لو تدري بكميه الحريقــه اللي جوته مآكآن علقت تآني
 لمى : طيب فهمني 
 عدي طالع فيها بنننظره فجعتها : لمممى قلتت شوويا
 عينها مانزلت من عليه 
 فجعها 
 دارت راسـها للناحيه التآنيه بكل صمت 
 اما هوآ طالع فيها انقهر انو رفع صوته بس برضو ماتأسف ولا اعتذر
 مو وقتــه 
 وبس شآفـه خررج عين عدي تلحقـه وبعدها فتح باب السياره ونزل 



 قبـلها بدقـآيق
 بوجهه الشاحب
 باللحيه اللي مغطيه ذقنو .. 
قآم بصعوبـه 
 جسمو يوجعه من الارض الصلبه اللي جالس عليها 
 اول ماوصلـه موضوع انها اتنازلت مآكآن فيه معالم بوجهه 
 بيسوي كل شي يطلبوه منـو بكل صمـت 
 اصعب ايام مرت 
 انسجن فتـــره وخرج مشتت 
 كيـف اختو اللي ضاعت 10 سنوآت وهيا محبوسـه 
 يكذب انها ماجات في راسه بس مو حزنآن هيا تستاهل 
 بس يبا يعرف كيف عااشت 
 كيف قدرت تتحمل العذااب دا 
 شي يخننق
 شي يكككبت 
 شي يتعب النفسيه اكتر 
 مع الصمت اللي تقعد فيـه 
 تفكر بكككل شي 
 تفاصيل التفااصيل 
 راسك شويا وينفجر 
 تحاول ماتفكر تسمع مضاربات 
 مصايب نآس .. 
اصوات عاليه بعد صمممت طويل يخليك خلااص ماتتحمل 
 اول ماخرج وشاف الشـآرع وكأنه له شهووووور محبوووس
 يطآلع بكل شي وحاسس بقيمته 
 خرج وهوا يبا يمشي شويا على رجله .. 
بعد عن المكآن وفجأه احد يمسكككه ويدفه على الجدااار 
 دوبه بيتحرك 
 السكين الصغيره الحااده جآت على رقبتـه 
 نفس اللي سواه بتـرف
 هوا انفجــع 
 ووسع عينه اول ماستوعب انو دا زوج اخته 
 ماقدر ينطق بشي 
 بس عددي 
 عدي اللي يضحك ويمززح والحياه اخدها بسطيحه 
 ملامحــه المشدوده هيا اللي تعبر عن حقده بدا الموقف 
 ماهمو احد يشوفـه 
 اللي حيقرب من مرتــه حيدآفع عنها لو الموضوع فيه قتـل 
 دام همآ يبو يقتلوها فاهوآ حيهددهم بنفـس الشي .. 
لليث مرعووب قال بصعوبه : ايش بكك 
 عدي ضغط على السكين برقبـه ليث وليث رفع رآسه بخووف 
 حاسس بحدة السكين 
 اتكلم عدي بكل حقــد بكل تهديد : يدك ترفعها على مرتي مرآ تآنيه حقتلك وادفنك بنفسي ياوووسخ 

_ جا ليث يتحرك وهوا ثبته بعصبيه _ ماحتمشي لين ماخلص كلامي ... لو مو لمى اللي قالتلي 

 اتنازل والله لكآن مرمطك ومارحمتك ..._ قال بااسلوب مستفزز _ مرتي لو جآت قدآمك ترخي رااسك 

 وعينك وتحترمممها تهينها بككلمه بس بكلمه حتشوفني قدددآمك ..خليك رجآآآل واوقف قدآم زوجها 

 مو ترفع يدك على حرممه يااجبآآن _ يطالع بعينه _ حاقد عشان كنت اعرف اختك قبل الزوآج ؟؟ 

 الرجال اللي يشك بتربيه اهلو دا مو رجآآل _ بعد عنو وليث يطططآلع فيه لييش مو قادر يهرج 
 ليش مو قادر يتتكلم فين راحت قوتـه 
 مو داري 
 عدي مشي من قدآمه ..برد قلبه ؟
 لا مايحس انو شفى غليله بس اهم شي وصله انو وراها زووج 
 اخوانها حيسكتو عن حقها هوا ماحيسكت 
 لو رفع بس صوته عليها ماحيرحمه ....
لو طالعلها بس بنظرة وعيد برضو ماحسيبو ف حالو 
 لو قهرها لو لقحها بالكلام 
 اي شي ممكن يحرق قلبها حيكون عدي بوجهه .. 
رجع للسيـآره وعلى طول حرك السياره .. لمى ماشافت شي كآنو بعيـد
 طالع فيها : ايش بك 
 ساااكته ولا رضيت تهرج 
 دايره راسها على الطآقه وبـس ... ماتبى تطالع فيـه 
 مد يدو وهوا يمسك كتفها ويأذيها : حبيبي
 سحبت نفسها بااتجاه الباب وهوا ضحك : هههههه طيب يالمووش ماتبيني امسكك حتى
 ولا كأنها موجوده بالسياره 
 عدي : ياابت لاتخليني اوقف السياره وانزلك بكلمك انا 
 لمى بالقوه هرجت : مابى اكلمك 
 عدي انفجع : انتي تبكي ؟
 لمي : لا 
 عدي مد جسمو بااتجاهها ومسكها : طالعي فيييا
 لمى عينها على الطاقه : مابى 
 عدي : والله يالمى لو ماطالعتي فيا حسوي شي اخليكي تنحرجي منو و
 قاطعته لما اتكلمت وطالعت فيه ودموعها بعينها : كممان تهدد لاتستفزني يااعدي
 عدي لانت ملامحه : وا يااقلبي على البكايه حقتي
 لمى رفعت يدها تمسح دموعها قبل لاتنزل : مابمزح معاك بجد زعلتني
 عدي : ههههههههههه طيب انا اسف
 لمى انقهرت من ضحكته ومبتسم ولا كأنها تبكي ... : طييب ياعدي 
 ودارت راسها مرا تآنيه 
 عدي : ههههههههههههههه حبيبي انتي كمان اقولك شويه شويه ماتفهمي 
 لمى ولا ردت عليه 
 عدي مد صباعه ونغزها في خصرها وهيا صرخت وطالعت فيه وموسعه عينها : عدي بلا بلاهه 
 عدي : قوليلي احبك 
 لمى : مابى 
 عدي رجع تغزها وهيا صرخت وملصقه نفسها بالبابب : عععععدي
 عدي : ههههههههه قوليلي احبك وانا حسيبك 
 عدي عينه على الطريق ويمد جسمه لناحيته وينغزها 
 مره ومرتين وتلاته صرخت وصرخت وبعدها سااارت تضحك : هههههه خلاااص خلاااص احببك 
 عدي جلس عدل وهوا مبتسم رفعلها حاجبه بشر : كالعاده ماتمشي الا بالعين الحمرا 
 لمى ماسكه خصرها : هههههههههههه والله عورتني 
 عدي : امشي باأدب وانتي ماحتتعوري
 لمى بصوت حزين : لاترفع صوتك تآني عليا 
 عدي : ياعمري والله مارفعت صوتي بس اتنرفزت 
 لمى : حتى ولو 
 عدي ابتسم دي لو شافته يوم وهوا معصب ايش حتسوي : تستنآكي ايام قميله واللهي 
 لمى : هههههههههههه قصدك ايام سودا ها
 عدي مايقدر مايلمس كل شويـه رجع مسك خدها: مافي منك حبتين 
 لمى رفعت حآجبها: تكفيك وحده
 عدي : وحده وجايبه أجلي لو اتنين ايش حيسرلي 
 لمى : هههههههه
 عدي : المهم خلينا نروح نلعــب
 مو كأنه الانسان اللي دوبه كآن ماسك واحد ويهدده 
 شايف انو مالو دآعي تعرف شي زي كدا 
 يباها تحس بالأمآن 
 اي شي بينه وبين اخوانها حيفضل بينهم ... 
لمى ابتسمت ونفس الشي كأنه مو كآنت حاقده عليه 
 قلبها ابيض مو متعوده اصلا انو فيه احد يراضيها بدا الشكل 
 كلمه وحده ولا حركه وحده كفيله انها تنسى ليش كآنت زعلانه وفعلا ابتسمت من قلبها : فين نروح 
 عدي : ههههههههههه لو اول كآن قلتي _ يقلدها _ يوووه ماما لاتعصب رجعني البيت ...لا مابى العب 

 الناس ايش يقولو 
 لمى : ههههههههههه ماما تحسبني مع تميم 
 عدي على طول دار راسه وسار وجهه كدا يفجع كأنو وآحد مايستحي غمزلها : حلو مافكرت فيها ... _ 

غمز تاني _ ايش رايك ؟
 لمى غمزت زيو وتقلد نبرة صوته : في ايش ؟!
عدي يبا يموت ضحك على حركتها رجع يغمز : نجلس لوحدينا والشيطان ثالثنا
 لمى ضحكت من قلبها : هههههههههههههههه اسكت بلله انتا اكبر شيطان 
 عدي : ههههههههههههه طيب يالمى ...يلا بجد فين نروح 
 لمى بتفكير : اممم _ وسعت عينها _ ابا اللعب بالتلج 
 عدي رفع يده يطالع في الوقت وبعدها مد يدو باتجاهها عشان تشوف الوقت 
 ماحط يدو قدآمها لا شويا ويدخلها بوجهها ويقول : شايفه الوقت انتي ولا لا
 لمى ترجع راسها لين مالصقت بالكنبه دفت يدو وهيا تضحك :هههههههههه بعععععد خلاااص ماركززت 
 عدي : طيب فكري
 لمى سكتت وهيا تفكــر 
 ولما طول صمتها فجأه صرخ وهوا يغني ويطالع فيها : قللللي ياحلو منين اللله جااابك 
 لمى فززت بفجعه : بسممم اللله 
 وهوا كمل يغني ويضحك : هههههههههه قلي وش شففت مني اذيــه
 ومآراحو مكآن جلسو في السياره يلفلفو ويضحكو ويتكلمـو ... حتى هيا نفسيتها تتغير معاه 
 وسارت مالها نفس ترجع البيت ... بس رجعها غصبا عنو لما اتصل تميم وقلها فينك انا راجع وعمي جاي 

 طفوله ملوثه بالواقع 





 مشـآعر ملخبــطه في وقت حسآس بنسبه لها .. 
مآسك يدها ومغمض عينـه ... ايش اللي سواه مو عآرف
 مايبى يفكـر تعبآآآن 
 واخر شي يباها تسـويه انها تروح بدون مايتفاهمو بدون مايفهم مشاعره 
 بذات لما قالتلو ايش تسوي عشان محد ياأذيها وكيف ققصت شعرها 
 صوتها وهيا تحكيـه 
 انها جآت تشتكي اصلا بدون ماتحس
 كل شي وتره 
 بدأت تدخل مزآجه
 يحسها خليط من البنت اللي يتمنآهآ بس البيئه اللي عاشتها مخليتها 
 انسآنه تآنيه 
 مشوهه فيها حآجآت 
 مع انو تقليدي ولأنو تقليدي مايحب يدخل بدي المواضيع 
 بس سحبتو بدون مايحس . ورمتو في عالمها ومخليته يتقبلها
 وبعز تعبـه مسكها ومايباها تخـرج .. 

انفتح باب الغرفـه كآنت بتسحب يدها ب سهوآ شد عليها سمع صوت العربيه 
 عآرف انها الممرضه فتح عينه وطالع فيها : فين تبي تشردي
 وجهها كلو محمـر 
 دقآت قلبها مو طبيعيه 
 ايش يبا منها 
 مالو حق يعيشها دا الاحساس وهيا عارفه انو حيسحب عليها 
 ماحتتحمل حاليا شي تآني 
 ماعندها قوه تتحمل حآجه .. 
ماقدرت تعلق ودارت رآسها تطآلع في الممرضه 
 وفي العربيه الصغيره اللي تدفهآ .. 
وقفت لعند يدو التآنيه واخدت جهآز الضغط مدلها يدها وتقيس الضغط 
 وقآست حرارته وابتسمتلـو .. 
وبعدها ركبتلو المحلول التآني .. 
وترجع تمسـك يدو المحلول مو راضي يمشـي تمرر يدها على يده وهوا عقد حوآجبه
 وترجع ترفع عينها على المحلول وتزيد سرعته وتنقصـه وبرضو يمشي بشوووويش
 طالعت في روان وابتسمتلها واشرتلها تجي 
 روان سحبت يدها من يد تآمر وحاسه بعينه عليها لين مآجآت عند الممرضه 
 لأول مرا تحس انو متوتره وهيا تمشي وتبا توصل بسرعه لمكآن 
 مافهمت ايش تقول الممرضه بس استوعبت من حركآت يدها وهيا تقولها تمرر يدها على يده
 عشان المحلول يمشي .. 
خلتها تمسك يده وخرجت بعد مابتسمتلهم ابتسامتها المريحه اللي بوقت غلط بنسبه لهم 
 تآمر يطالع في روآن 
 وروان عينها على يده وبتمرر يدها عليها مو عارفه ليش 
 بس خلاص مرتبكه 
: شوفتي قلتلك ماينفع تمشي
 رفعت عدسه عينها عليه 
 مشاعر ملخبطه 
 منحرجه منووو روان مستحيه من رجآل ولأول مرا 
 وتبا تبكي لأنها خايفه من دا الاحساس
 اتكلمت بتشتت : ليش كدا تسوي
 تآمر مافهمها وقبل لايتكلم هيا اتكلمت : حتى لو كآنت نيتك طيبه حتجي لحظه وحتعرف اللي قاعد 

 تسويه غلط 
 تتكلم وهيا تحرك يدها على يده ماتبى تسيبها اساسا 
 تآمر :ايش الغلط في الموضوع ؟
 روآن : انا 
 تآمر : مو فاهمك ياروان _ كآنت تبا تهرج الا هوا كمل _ ولا ابا افهمك
 روآن رفعت حوآجبها الاتنين 
: انا مو طفل تعلميني ايش ابا ف حياتي 
 نزلت عينها على يده وماعلقت .. وهوا يطآلع فيها 
 لو تشوف نفسها بعينه يمكن تستوعب 
 غمض عينه بتعب وهيا بتحرك يدها الدآفيـه وبين الف فكره نآم بدون مايحس
 تطآالع بملامحـه وحاسه بشعور غريب جوتها .. 
المحلول الي ياخد نص ساعه ... مرت سآعه وهوا لسى ماخلص 
 فتح عينه وشافها واقفـه جمبه وماسكه يده 
 رفع عينه على الساعه المعلقه وسحب يده : انتي من اول واقفه
 روآن رجولها توجعها وبدي الجهه مافي مسآحه تقعد جمبـه 
 ماهتمت اصلا بنفسها 
 كل ماكآن يعقد حوآجبه وهوا نآيم تنسى الم رجلها : لسى ماخلص _ مدت يدها _ هاات يدك
 تآمر منحررج منها : لا اجلسي 
 روان : شويا باقي 
 تآمر : خلاص اجلسي




 امآ بــرا تميم له نـص ساعه فتح الباب وانتبـه لوحده ماسكه يد اخوه وخرج بكل هدوء 
 مفجووع مرا 
 مو قادر يدخل 
 فاجلس على الكرآسي ... فجأه سار مو عارف اخوه 
 موضوع قآسم وحركاته مع دي البنت خلاه يحس انو تآمر عايش حياه محد داري عنها 
 سند جسه على الكرسي وراسه على الجدار ونآم بدون مايحس .. 



في الغرفـه ... 

روآن ماتبى تبينلو انو تعب ت : عادي ايش تحسبني عجوزه متعوده انا على الوقفه 
 تآمر : ايش بها عيونك محمره
 رآن : صاحيه من 7 الصباح
 تآمر : خلاص ارجعي البيت اصلا الوقت اتاخر
 روآن : حجلس معاك لين مايجيك احد
 تآمر : دحين بتسويلي زي ترف ارجعي ياروان انا ف مسشفى مو ف شارع
 روان قلبها يدق بسـرعه من الارهاق والنوم 
 تآمر : ارجعي وطمنيني عليكي اول ماتوصلي 
 روآن : اتصلت على جوالك اول مابترد 
 تآمر دوبه استوعب انو جواله مايدري فين : مو مشكله اكتبيلي رقمك 
 روان : انا حجيك في الصباح
 تامر : طيب اكتبيلي رقمك يسير اطمن عليكي 
 الساعه 3 الليل مو مستوعب انو فيه بنآت بدا الوقت يكونو لوحدهم 
 اختو لمى عمرها ماخرجت الا وفي واحد منهم جمبها 
 روان انتبهت لورقه وقلم جمب التلفون .. كتبتلو الرقم الي حافظتو . .
دا بس اللي تعرف تكتبو الارقآم ..
قربت من السرير وداتو الورقـه قالت بتردد : متأكد عادي تقعد لوحدك ؟
 تآمر : اصلا حنآم
 روان نفس شعور تـرف مابين نارين 
 هيا حاسه مو قادره تقعد اكتر من كدا وخلاص حتنآم وبنفس الوقت شكلو محزنها 
 بس بعد كلامه اضطرت تمـشي 
 ورجعت تفكر في عآلمها وبكل شي مرت فيه اليـوم لين ماتصلت ترف 
 واتطمنت على تآمر منها لأنه تتصل على تميم مايرد ... وصلت للبيت 
 واول مادخلت هديل بعد ماكآنت سانده جسمه على الكنبه جلست مزبوط 
 طالعت في بشار اللي نآيم على نفس وضعيته
 انصدمت من شكله وكيف نآيم على رجل هديــل 
 جات لعندهم وهديل على طول هرجت بصوت هادي : انتي فيننك
 روآن : كنت في بيتنا
 هديل لو اختفت روان في وقت عادي يمكن حتخآف اكتر من دحين 
 حاليا عارفه انو دا اللي حتسويه انها حتجلس لوحدها وترجع وقت ماترتاح 
: خوفتيني عليكي
 روان نزلت عينها على الجوال اللي تحركه بين يدها : اتصلت عليكي واستوعبت انو ماعندك جوال
 عارفه انو روان ماحتعتذر 
 وماتباها اصلا تعتذر حاليا مراعيه نفسيتها : مو مشكله 
 روآن طالعت في بشار وشافتو نآيم بالجزمه : ايش بو !
هديل مستغربه اصلا انهم بيهرجو وهوا ولا اتحرك حتى رفعت كتفها : مدري
 روآن بلعت ريقها واشرت على الغرفه : حدخل انسدح
 وراحت على طول .. هديل نزلت عينها على بشار مررت يدها على شعره 
 نزلت راسها سلمت على خده .. وبشويش سحبت نفسها 
 حتحاول لأخر لحظه تراعي مشاعر روآن 
 مو بس تراعي لا هيا من جوتها تبا تطمن عليها 
 حطت راسه بشويش على الكنبه ووقفت كآنت بتمشي بس ماقدرت 
 نزلت جسمها وتطالع في ملامحـه 
 تعشقـو
 تحبـو 
 زفرت بضيـق تتمنى تشوفه بشـآر اللي اول ماتعرفت عليه 
 نفسها يرجع داك الانسـآن 
 مو المستهتر لا اللي يضحك وكل يوم يبا يخرج مكآن ويغير جو 
 وقفت واتوجهت لروآن الي كآنت تغير ملابسها ... اول مالبست البجامه 
 هديل قربت منها وحضنتها من غير اي مقدمه 
 هديل اللي بكيت مو روان قالتلها بكل ضعف : احبك 
 روآن سكتت شويا وبعدها قالت : وانا كمان ايش بك 
 هديل : مافيا شي بس لو سرلك شي وكنتي مقهوره خديني معاكي _ بعدت عن حضنها _ لاتخوفيني عليكي
 روان اشرت براسها : طيب 
 هديل عارفه انها كذابه 
 عارفه انها ماتبى تبـكي وبتشرد من دا الكلام 
 بس تبا تقوله ماتحب تخليه لنفسها 
 اللي خلتو بنفسها شي واحد " كلامك جرحني " 
دا خلتو لنفسها لأنو مو وقت انها تعاتبها ف شي .. 
ماعندها اخت ولا أهل غير روآن حتستحمل تجريحها 

 هديل مابين انها تخرج لعند بشار ولا تنآم مع روآن ... 
بس اول مانسدحت روآن وشافت دموعها تنزل بصمت على المخده ماقدرت تسيبها ... 



امــآ تميم اول ماخرجت روآن عينها لحقتها لين ماختفت 
 مو قادر يستوعب انو دي جايبه راس اخوه 
 تآمر مو حق بلاهات 
 لدرجه انها تجي المستشفى واحتمال يكونو فيه اهله !!!!
ولبسها !!!
هوا رشآ واول شي عجبه فيها حجآبها 
 ودا تآمر متشدد اكتر منو 
 الموضوع مو رااضي يركب راسه مرا 
 كآن بيدخل بس قال يستنى شويا وبعدها يقولو دوبني جيـت 
 عشره دقايـق ودخل لقـآه نآيم خفف الاضائـه 
 وجلس على الكنبه ... 


 _________

ليــث حآآآآقد على عدي ... 
ماقدر يتكلم لليش
 محروق انو ماعلق 
 مارد اعتباره
 بس حساابهم كلهم بعديـن حتى اخوانه محد كلف نفسه يجيـه 
 مازال مو شايف نفسـه غلطآن 
 وقفلـو سياره وصل لبيـته 
 طلع بكل تعب واول مافتح الباب ... البيت هدووووءءء
 دخل غرفه النوم الاضائه خافته 
 الجو باااارد 
 لقاها واقفه على سجادتها لابسه مسفع الصلاه وتبــكي
 تدعي من قلبها انو ربي يفرج عنـه 
 انو يرجعلها ويرجع لبزورتها
 رافعه يدها وتدعي وتبكي بصوتها 
 تدعي انو ربي يهديه 
 ربي يسخرلها هوا 
 تدعي انو الله يحميـه ويبعد عنـو اي شخص ممكن يأذيـه 
 دعاويها خلتو واقف عند الباب ولا قدر يتحررك 
 نزلت سجدت وبعد ماسلمت لمحت احد دارت مفجوعه 
 وشهقت بصدممــه وقفت بســرعه واتوجهتللله على طول 
 جسمه اندفع شوية لورى اول ماترمت في حضنه وبكيييييت 
 بكيييت بصوتها 
 ايش اداها شي طيب دي عشان تستنآه بدا الشكــل ؟؟!!!
حتى الكلمه الحلوه بخيـل فيـه معاها ؟!
ايش الشي اللي مخليها متمسكه فيه وبدال ماتدعي انو ربي يفكها منـه جالسه تدعي انو يرجع 

 بسلامه 
 وانو يهديلها هوا 
 ويسخرلها هوآ
11 سنــه عمرها مآتعبت 
11 سنـه تدعي وعندها امل يرجعلها زوجها اللي حبتو 
 الطيب 
 الحنون 
 عارفه انو ربي حيديها الشي دا في يوم 
 ولو ربي أخره حيأخره لسبب
 بس ماحتقعد محرومه طول العمـر ... 
اسمها امــل وفعلا متمسكه باأمل بنسبه لكتيـر حلم ومستحيل يكون حقيقه .. 
ماتحرك من مكآنه مصدوووم 
 اييوا كآن متوقع انها افتكت منــو ومن صوته العالي في البيت 
 عارف نفسـه واسلوبه ونكده 
 كســـرته بدعااويها 
 كل يوم كآنت كدا .؟!؟! دا اول سؤال جا في باله 
 بعدت عنو وهيا تمسح دموعها وتطالع حولينها : تعال حبيبي ارتاح 

 اتوجهت بدون تفكير تزيـد الاضائه ورجعت وقفت قباله : اجبلك مويـآ ؟ 
 مو عارف ايش يبـآ 
 مو عارف يعبرلها 
 طالعت في شكله مبهدل ونزلت دموعها تآني قالت بضعف : اعبيلك ملابس طيب تبا تستحمى ؟
 تتكلم وهوا عينه عليها 
 وفوق دا كلو مكسوره من نظرته تحسب انو مقهور ولا سرله شي هنآك 
 مو داريه انو مفجوع منهااا 
 ايش يقلها دي ؟؟؟؟!!
بس ماقدر يقول شي هيا سحبتو من يدو هيا فتحت المويـآ 
 وعبتلو ملابسـه 
 دخل استحمى ولقتو مستنيتو ومجهزتلو اكــل 
 كل شي يسويـه بصمتت 
 وماسئلتو عن شي 
 تبآه يرتاااح 
 دايما يصرخ عليها لما يرجع من الدوآم لما تبا شي ويقولها " كممم مرا اقولك لما اكون تعبان 

 لاتهررجي "
ماتبى تهرج 
 مستوعب ليش سآكتـه 
 مستوعب ليش ماعلقت 
 بذات لما دق جوآالها وطالعت في مفجوعه وقالتلو : معلليش 
 هنآ عرف ليش سآكته 
 صمتت جوآالها شالت الاكل وماقالتلو ليش اكلت بس لقمتيـن 
 جلست جمبو 
 انتبهت لأظافره وقامت راحت جابت قصـآصه الاظآفر ومسكت يدو وقصتلو اظافره 
 دوبو قعد يفككر انها معاملته احسن معآمله 
 دوبو بيسأل نفسه ليش قاعده تسوي كدا !
انا ايش استآهل ؟
 واول ماخلصت انسحب على السرير 
 قدر يتكلم ؟
 ولا قدر يقووول اي حرررف
 انسدح وهيا انسدحت على الجنب التآني 
 كالعاده المسـآفه بينهم كبيـره 
 مو زعلانه على دي المسآفه 
 سنيييين مرتتت واتعودت خلاص كل وآحد ينآم في نآحيه 
 حسها تبكي بصوت رآخي 
 وهوا مسدوح على الجنب وعلى طرف السرير وكأنه صاحبه اللي في نهايه السرير 
 متعود برضو يسمع بكآها 
 ويطنشهاا 
 نكديه كآن يقولها 
 خلتو زيي المجنووووون 
 بتبكي لأنه رجعلها !!!!
مايعرف يتكلم ماسار يعرف يعبـر 
 بس في الظلام دا يقدر يسوي شي بسيـط 
 دار جسمــه وجا لناحيتها وحضنـها وماتتتتكلم 
 موســــــعه عينها بصدممه 
 حتى نفسها ماأخدتو ... حابستو جوتهااا 
 ليث حاضنها !!!!
ليش 
 ايش شـآف هنآك عشان يرجع يحضنها 
 مستحيل يجي في بالها بسبب حركاتها 
 غمضت عينها وهيا مبتسمه حطت يدها على يده اللي على بطنها واكتفت بدي الحركــه 
 ونــآآآآمت ... 

 ______________________________

في صبــآح يوم جديد مآزالت كل شخصية تعيش في عآلمها الخاص ... 
لمى ِ[ بدأ الخوف يتسلل الى اعمآقها وكلمـه ترف كففيله باأن تجعل دموعها تسقط ]
ترف [ لم يعد الخوف من المستقبل هآجسها لكن خوفها على ولدها هوا مايكسرها ... ومافعله تآمر 

 شي لاتستطيع نسيآنه ]
روآن [ تلك المحآكمه كسرت كل ما بدآخلها ]
هديل [ تحاول ان تتقبل الوآقع ان تقتنع باأن ليست كل الأحلام يمكن تحقيقها ]
سآمي [ خوف , انكسآر , قلق , توتر ذالك الطفل الصغير يحمل ألم أكبر من عمره ] 
بشآر [ ويتمنى بهذه اللحظآت ان يكون أحد الأطفال اللذين تربو تحت يد جآسم ولا أن يعيش تحت اسم 

 بشار جاسم الرايد ]
تآمر [ آلم متفاوت ..نغزآت ... ذالك الوميض الابيض ... والنوم هوا المخدر الأول ]
عدي [ ومن الحب مايدفع الشخص للقتـل ..تلك المشآعر اللتي يحملها للمى لو أحد تعرض لطريقــها 

]
براء [ وتحقق مايتمنآه ]
تميم [ سآعات قليله في النوم فتلك الآلام من اخيه الاكبـر تجعل النوم يهرب من عينآه كم يتمنى 

 لو بيده ويعطيه جزأ من صحته ]
رشآ [ مابين الحب والتردد ]
لؤي وعلا [ في عآلم البساطه ]
ليث [ وبدأ بالضعف امآم تلك المرأه الفآتنه اللتي لم تذق طعم الرآحه بجواره ]
امل [ زوجـه محبه مخلصه وتعلم ان الله لايخيب رجاء أحد ]


صآحيه من الصبـآح بدري في المطبخ وبتعبي فطور لولدها .. حاطه الجوال على اذنها : طيب كيفه 

 دحين 
 تميم : المفروض يقوم يمشي شويا بس رجع نآم
 ترف : ماتكلم معاك في حآجه 
 تميم : لا على موضوع امس طلب مني اخلي لمى تتنازل وبس _ اتذكر _ ايوا وفي واحد اسمو جميل هوا 

 اللي موقف الكل عن التحقيق لين مايخرج تآمر بسلامه 
 ترف : كويس فيه الخير 
 تميم : كيف سامي 
 ترف تصب المويا الحآره في براد الشاهي هرجت بصوت راخي : مدري مرا خايفه عليه ابا اجي لتآمر 

 وبنفس الوقت مابى اسيبو لوحدو مو قادره ابعد عنو قلبي يوجعني 
 تميم : ماعليكي تآمر عندي ..بس كنت بطلب طلب 
 ترف : ايش فيه 
 تميم : ينفع لو خرج من المستشفى يجي تآمر عندك كم يوم لين مايقدر ي
 ترف قاطعته والابتسامه شقت وجهها : وي ايييوا اكيد اصلا عندي غرفه نوم زايده حرتبلو هيا 
 تميم لاشعوريا ابتسم من نبرة صوتها : الله يديكي العافيه 
 ترف : خلاص بروح اصحي سآمي دحين وحتصل كل شويا اطمن على تآمر 
 تميم : تمآم
 قفـلت منـو وعبت الفطور في الصآله ودخلت غرفتها لقتـه صآحي
 اختفت ابتسامتها ورجعت حاولت تبتسم ودخلت عندو وباستتتو بكل قوتها على خدوووو 
 انفجججع يحاول يبعدها : آآآآآ 
 بعدت عنو وهيا تضحك : هههههههه يلا تعال افطر معايا 
 جلس وهوا ماسك خدووو 
 كآآن متضـآيق 
 يطالع فيها وكأنه نسي فجأه بلاهات امـو 
 مدت يدها : بسرررررعه 
 لساته متنح قال : عورتيني
 ترف نزلت يدها بتملل : قوم ولا حبوسك تآني
 سحب جسمه من على السرير ونزل : أهوو
 بس وقف جات حضنته 
 بس بعفااااشه : ايش بكك ياماما 
 ترف : ههههههههه وحشتني ايش اسوي 
 حركاته غصبا عنه بتخليه يتكلم تعرف تستفزه مو صعب انها تتعامل مع ولدها 
 صعب تتعامل مع الكل 
 بس مافي ام ماتعرف كيف تتكلم وتتواصل مع ولدها .. 
سامي : عورتيني طيب 
 ترف : خير انتا ايش بك ساير مدلع 
 سامي رفع حاجبه : مني مدلع 
 مسكت يدو وسحبتو : تعااال بس _ سابتو على طول وطالعت فيه _ لايكون بس عورتك 
 سامي انفجع : مااااامااا !!!
ترف : ههههههههههه تعاال 
 خرجت قبـلو وهوا لحقها جلس جمبها على الكنبـه وهيا شالت براد الشاهي وتصب في كوبـها
 نسيت ماتجيب شي تمسك في مقبض البراد تصــب وهيا تتألم ومستمره مو راضيه تنزل البراد : آي 

..آي آآي .. اتعبى بســرعه .. ياااكلب يلاااا
 وحطتو على طوول اول ماتعبى الفنجان وبتآكل وكأنو ماسار شي 
 يطالع فيها ومسك ضحكته 
 عبيطططه 
 يحس في مواقف هوا اعقل منها 
 قلب الكوب الفاضي ويبا يشوف ايش نهايتها : صبيلي ياماما 
 رجعت كررت نفس الحرركه بس دي المره وهيا عاضه شفايفها وبدون ماتعلق واول ماخلصصت سابت 

 البرااد وحركت يدها بالهوى : آآح 
 سامي لاشعوريا ضحكك وعلق بدون مايحس : هههههههههههههههههههههه والله انك عويله معليش بس مرا 

 عويله 
 ترف : ههههههههههه اسري مالك دخل 
 سامي : ايش كآن سرلك لو 
 ترف قاطعته : ماااالك دخللل كل وانتا سااكت 
 سامي مد يدو وهوا يتكلم من غير مايطالع فيها : مدري متى حتكبري 


 اذا لمى احتآجت رجل عشآن تكون على طبيعتها فاتـرف الشي الوحيـد اللي يخليها على طبيعتها 

 ولدها .. 
نفسها تحضنه نفسها بس تطالع فيه بس عارفه انو ماحيمشي معاه دا الاسلوب حاليا 
 عشان ماتخليه يفكر لازم تشتته 
 لازم تنرفزه 
 تأذيـه 
 ودا اللي قاعده تسويـه 
 لين ماسألها بجديه : ماما مو قلتيلي انو خالي تآمر وتميم مو طيبين 
 ترف معاها ريموت التلفزيون دوبها بتفتحو الا نزلت يدها وطالعت فيه سكتت شويها وبعدين جلست 

 بااهتمام : انا كذبت عليك مرا وماحكذب عليك تآني
 حس بتوتر مو من الكلام اللي حتقوله لا حس بتوتر لأنه مايتخيل فيه ام زي اموو 
 حس بتوتر لأنه ابووه مايستاهلها لو ايش 
 اول مارحلو كآن يفكر يخليهم يرجعو لبعض بس بعد ماهددو فيها 
 مستحيل يخليه يقرب منها 
 ترف دايره جسمها عليه : مابى اقولك تفاصيل بس كل اللي اقولك هوا انو قآسم ضحك على الكل خلى 

 اخواني يكرهوني وكرهني فيهم 
 سامي : كرههم فيكي لدرجه انو يسيبو
 ترف قاطعته ومسكت يدو : اييوا انتا عارفني لو هما اللي غلطو في حقي مآكآن سامحتهم بس هما 

 كآنو لعبه عند قاسم زيي زيهم ويكفي انو تآمر رجعك ليا مدري ايش سار بينهم بس ماحنسالو اللي 

 سواه _ شدت على يده _ الكلام اللي قرأتو انساه قلتلك غصبا عنهم اللي سار سامحهم عشاني
 سامي حرك رآسه 
 ترف : مو طول عمرك تتمنى انو يكون عندك احد 
 سامي : ماسرت ابا الا انتي 
 ترف ماتدري تحزن ولا تنبسط وتحس بالأمآن ...وباللحظة أتذكرت اخر موضوع سـآر 
 قلبها سار يدق بسـرعه قالت تمهدلو وتقول له 
 عشآن لاينفجع ويقول انها كذبت عليــه ..... 


 روآن اللي نومها اثقـل منـ الكل صحيت اليوم اول وحده وهديل نايمه جمبها ... 
طالعت فيها وسحبت جسمها من على السرير دخلت استحمت وخرجت وهيا لابسه الروب .. 
قفلت الباب على طول .. نسيت انو فيه احد معاهم بالبيت 
 شافت الملابس الجديده المرصوصه 
 دورت على لبسها القديم مالقتو !
اضطرت تلبس جينز مو عاجبها ماسك على جسمها تحب الشي الوسط 
 البلايز المطبقه تفتح وحده وحده لين مالقت اوسع وحده ولبستها 
 هيا عكس هديـل 
 ماتحب شي لاصق على جسمها تتضايق 
 تحب كل شي وسيع ترتاح في حركتها اكتـر 
 البلوزه ورديـه ماقد لبست دا اللون الانثوي بس تيشيرت موديله وسيـع
 خلت شعرها مفتوح وخرجت من الغرفه لقت بشار نايم نفس النومه على الكنبـه 
 جلست في الكنبه اللي على يميـنه وتطالع فيـه 
 تتذكر اول مرا قابلته 
 كآن نايم نفس النومه حتى بنفس التعب وبالجزمـه 
 وكآنت تتأمله وتقول كيف دا ولد جآسم 
 دحين تقول كيف انا اختو 
 كيف انا بنت جآسم 
 اتذكرت كل مره كآنت تقول الله يحرق قلب بزورته 
 تكون حور ماتت بسبب دعاويها 
 يكون بشار قآعد يعاني بسبب دعاويها هيا والبنآت 
 حتى هديـل اول مرا قابلت بشار قالت عنو نفس الجمله 
 الله يحرق قلب جآسم في اولاده 
 وانحرق قلب اولاده بس قلب جآسم مانحرق
 تآمر جآ ف بالها وماتدري كيف حآله اليوم سندت جسها على الكنبـه 
 وتتذكر كيف مسك يدها امس 
 تتذكر كلامـه 
 طول عمرها تتعامل مع رجآل ليش دا مخليها مو على بعضها 
 ليش دا قالب كل كيانها 
 اخد مساحه فتفكيرها 
 كلام ترف فجعها بعد ماخرجت من عندو لما عرفت انو اللي سرلو طلـق نآر
 كآنت حترجع واللي خلاها ماترجع انو اخوه حيجيه 
 تشتكيلو ولا مره سئلتو عن حيآته 
 ايش بيعيش ... ايش بيسوي
 حتى ماتعرف ايش يشتغل 
 ليش بيروح لترف ووبعدها يختفي
 طيب البنت اللي اتغزل فيها بالجوال وسمعته 
 ليش ماقد فتح سيرتها 
 يكون متزوج وهيا حتخرب حياة احد 
 ماتبى احد يدعي عليها 
 تبا تعرف ايش هرجتـه 
 عشان تعرف تسحب نفسها من حياته زي ماسوت مع لؤي
 مع انو لؤي كآن مجرد صديـق
 انسان وقف معاهم ومستتتتحيل تنسى وقفته
 دا اللي بتحسو معاه غيررر 
 والاحسآس مخوفها مو مخليها مبسوطه 
 وفلحظه كل اللي بتفكر فيـه وقف في ثواني لما خرجت هديل اتوجهت لعندها وهمست : بشار لدحين 

 نآيم !
روان طالعت فيه ورفعت كتفها 
 جلست هديل جمب راسه وحطت يدها على شعره : بشاار
 وروان تطالع بحركات هديـل 
 عااارفه انو الاتنين دول يعشقو بعــض مو هبله ماتعرف صحبتها 
 وبشـآر نظرتو لهديل تكفي انها تعرف انو مجنون فيها 
 اصلا فكرة انو مسامحها على اللي سوته فيه دا اكبر دليل على ضعفه اتجاه هديل 
 هديل : حبيبي _حطت يدها على خدو _ بشااار
 هديل طالعت في روان ونادته بعدها بنبرة صوت وحده بدأت تخاف : بشار !!!
هديل قلبها سار يدق بسـرعه : بشااار حبيبي !!بشاار !
تحرك يدها على خدو وتباه يتحرك ولا اتحرك ولا كآنت منو اي ردة فعــل 
 طالعت تآني في روان وروان سحبت نفسها لطرف الكنبه 
 قلبهم طآح الاتنين 
 هديل ولا قدرت تناديه تآننني اتررررعبت اصلا امس وهوا داخل ماكآن طبيعي 
 روان قامت ونزلت على ركبها قدامه ونادته بس بصوت اعلى من هديـل : بشااااار ...بشااار قوووم
 هدديل دموعها بعينها 
 روان يدها بدأت تتنافض بس نبرة صوتها جامده زي ماهيا : بشااااار
 طالعت حولينها كآنت جمبها كاسه مويـآ بس مدت يدها للطاوله وبدون تفكير ماكشت شويا لا كبت 

 نصها بوجهه 
 هوووا شهههههق 
 وهديل شهقت وحطت يدها على فمها 
 وروان نفس الشي : معلللليشش
 ججججلسسسسسس مفجوووووووووووع ووجهه وشعره كلللووو مويـــآ 
 صدره يطلللع وينزززل يطالع في روووان اللي قباله 
 لحظظه يبااا يستوووعب وبعدين صررخ بصووته : هبللللله انتتتي !!!
روان مفجوعه بس اللي طلع منها ضحكه ورفعت يدها الاتنين : والله معللليشش 
 هديل مغطيه على فمها وموسعه عينها 
 بشاااار قااام اتوجه لعلبه المناااديل بعصبيه وسار يمسح وجهه 
 روان وقفت : هههههههه من اول نصحي
 قاطعها بننررفزه لما طالع فيها : تتتستتتهبلي 
 روان : هههههههههههه _ اشرت على هديل _ ماليا صلاح دي هديل 
 طالع في هديل وهديل بفجعه اشرت على روان : والله هيا اللي كبت المويا 
 روان : هههههههههههههه ايوا انا كبيت المويا بس هيا اللي فجعتني 
 هديل : بناديك من اول ماترد
 روان : عشان كدا كنت بنقذك هههههه
 بشار عينه تتنقل على كل وحده لما تتكلم 
 وروان مستتتتفزه تقول تعليق وتضحككك 
 غبيه جوتها الف احساس وموقف يضحكها وكأنه مافي شي 
 انفاسه سريعه مع الفجعه مرر لسانه على شفايفه 
 مو عارف ايش يقولهم 
 ورجع جلسسس من الصدااع والدوخخخه اللي حسها : استتتتغفرالله بسسس
 ماعرف يعلق عليهم 
 مو متعود يرفع صوتتـه على هديـل 
 وروان محزنتو من امس فابيحاول مايعصب عليها 
 هديل قامت وجلست جمبه وهيا ماسكه ضحكتها مسكت يدو : حبيبي والله من اول نصحيك ماترد 
 بشار معقد حوآجبه : طيب خلاص 
 هديل طالعت في روان وروان ضحكت ..هديل وسعتلها عينها يعني اسكتي 
 وروان ضحكت زياده 
 بشار طالع فيها وهيا كتمت ضحكتها 
 نظرته فجعتها 
 شويا وسارت تبرر : والله من اول نصحيك 
 لو يدري انو مالهم 3 دقايق وفجأه سوت روان الحركه الخطيره 
 يرفع شعره عن جبينه ويتكلم بحقد : خلاص فهمنا 
 سند جسمه على الكنبه وغمض عينه : محد حيموتني غير دي الهبله سميه 
 روان : ههههههههههههه والله كنت حنقذك 
 بشار : واضح
 هديل : ههههههههههه على الاقل عندها رده فعل 
 دار راسه بااتجاه هديل وفتح عينه : خليكي ساكته ياعمري
 هديل : هههههههههههه طيب
 روان تقلدو : خليكي ساكته ياعمري ليا السب ولها الدلع
 بشار : مني فاهم تبيني ادلعك يعني ؟
 روان : لا دا النآقص 
 بشار ولا رفع جسمه ضحك وهوا يتخيل انو يدلعها 
 بس حيفوق يوريها شغلها 
 هديل مسكت يدو وهوا سحبها باألم على طول : بشوويش
 كلهم طالعو في يدو المجرحه 
 روآن : ايش بها يدك 
 بشار قابض على يده ولا قادر يفتحها : ولاشي 
 روان رفعت حآجبها وسكتت شافته يوم هديـل ويوم عزا اخته ايش سووا عرفت انو سارتله مصيبـه 
 وهديل نفس الشي اكتفت بالصمت 
 الرجال لما يفرغ قهره مو زي البنت تصرخ تبـكي 
 يفرغه ياعلى نفسه ياعلى شخص قبـآله ... 
وهما ماعمرهم اتعاملو مع احد يمر بدي الحآله 
 الصمت سآآد بالغرفه 
 وكلهم جلسـو 
: حبيبي جيبيلي مويا 
 هديل طالعت فيه بس عينه ماكانت عليها 
 روآن كانت تطالع بجوالها وتفكر بتآمر وفجاه رفعت راسها لما الاتنين يطالعو فيها : ها !!
بشار : جيبيل يياقلبي مويا 
 روان رفعت حآجبها: خير !!!!
بشار : لو مافيكي حيل اقوم بنفسي مو مشكله 
 روان ضحكت ببلاهه : ههههه اقول اتكلم عدددل 
 بشار اشرلها : تعالي تعالي 
 روان موسعه عينها وهديل تضحك : ااااقول اسسسري لاألطشك كف هاا
 بشار : نعم !!
روآن : مو هديل انا 
 بشار بعد جسمو من على الكنبه ووقف وروان خآفت رفعت صباعها بتحذيـر : والله العظيم تراني 

 قوويــه والله 
 ووقفت بســرعه بخوف لما قدم خطوووتين ببعدت عنو مرا وهيا تحذره : بشااار ترا حقتتتلك اهجد 
 بشار يمشي بخطوات هاديه : تعالي اقتليني 
 وهيا ترجع لورا وتطالع في هديل : هددديل شيليه عني 
 هديل : هههههههههههههه 
 بشار : ليش خااايفه مو تبي تلطشيني كف تعالي وريني 
 روان : انتا اللي حتندم 
 وبس قآآآلت دي الكلمه قدم بخطوووات سريــعه وهيا انفجعت كآنت بتشرد الا مسك يددها 
 وهيا بعده جسمها عنو ورافعه يدها التآنيه : تترا بجد ماتعرفني 
 بشاار : ها ماحسوي شي وريني ايش حتسوي 
 روان تسحب يدها : طيب سيب يدي
 بشار : مو سايبها لو قد كلمتك 
 وقبل لايكمل جات تضربه بيدها التآنيه ومسك يدهاا رفعت رجلها بتضــربه في رجله ولا سرللله شي 

 هيا اللي تعوورت : آآآآي
 بشار سابها : ههههههههه هبله امشي بس من قدآمي 
 روان : جدااار ول عليك 
 بشار : هههههههههه بقولك انا لو حموت حيكون من عينك مو من يدك 
 روان : هههههههههه 
 بشار مد يدو : هاتي يدك 
 روان : حتعورني ها
 بشار : لا ياهبله 
 مدت يدها وهوا مسك يدها ويدخل صباعها الابهآم تحت اصابعها الباقيه : لما تبي تضربي احد 

 تضربيـه كدا عشآن لااتتعوري وبعدين ايش الوقفه العبيطه دي
 روان : وقفت الدفاع عن النفس 
 بشار : فين الدفاع بزبــط 
 روان : اجل كيف تباني اوقف 
 بشار : رجلك اليمين دايما تقدميها عن اليسار وتحطي ثقلك على اليسار عشان لو هجم عليكي شخص 

 تقدري ترجعي على ورا بسـرعه ...سوي هيا 
 روان سوت زي مااقال وبيمد يده يضربها وهيا رجعت لورا وضحكت : فنااانه انا 
 بشار : ههههههههههه مشكلجيه انتي 
 روان : ههههه طيب ليش ادخل صباعي دا _ رفعت الابهام _ تحت الباقي 
 بشار : عشان لو ضربتيه لاتتعوري صباعك دا حيحمي يدك 
 هديــل تطالع فيهم وهما صاحين من النوم الاتنين وقاعدين يتعلمو كيف يتضاربو 
 مو مستوعبــــه !!!!
بيعلم اختو كيف تدافع عن نفسها !
وفجأه سار يمسك يدها ويقولها كيف تضــرب 
 ويعلمها لكمـه front punsh ويشرحلها كيف ممكن تضربـها 
 وكروس بانش وبرضو يشـرحلها وروان متحمســه 
 وتضـربه لين ماعلمها راوند هاوس كيك وبس سارت ترفع رجلها وتضـربه : لا شدي على رجلك لما 

 تضربي حطي قوتك كلها عليها 
 وهيا ترفع رجلها وتضــربه لين ماحس بقوة ضربـتها : اييييوا كدااا 
 هديــل لساتها تتفرج : طيب علمووني 
 طالعو فيها الاتنين ماعرفو ايش يقولولها ومحد رد عليها ورجعو يتكلمو 
 بشار يكلم روان : اسمعي في اماكن حساسه بالوجه 
 هديل انصدمت وقاطعتهم : ههههههههه بكلمكم انا 
 بشار : حبيبي انتي ماينفع تضربي احد نادي واحد فينا احنا ندافع عنك 
 روان :اصلا حتى لو اتعلمت حتبكي وماحتسوي شي 
 هديل شمقت : مع نفسكم 
 روان طالعت في بشـآر : اخصرك منها المهم فين اضرب 
 بشار ضحك وطالع في هديل ارسلها بوسه : حياتي انتي _ ورجع كمل ولا كأنه فيه شي 
 وبس خلــص دخل لغرفه النوم بعد ماقلهم اذا عادي يدخل ولا لا 
 واتوجه للحمآم فتح المويـه ودخل يددده وغممض عينه باألم 
 بيحاول يحركها غصبا عنـه ... بيحاول يتغاضى عن الألم الي يحسو 
 الحبـه حقت امـس خلتو بججججد ينآم برااحه بآل بآل وكأنه ماعنده هموم 
 اول ماخرج قلهم أنه حيمشي فين رآيح مايدري 
 بس كل تفكيـره بجلال وكيف ممكن يوصـله 
 واول ماخرج روان اخدت شنطتها وجوالها وراحت لهديـل : انا ماشيه 
 هديل وقفت : بجي معاكي 
 روآن : لا مايحتاج بروح مشوار بسـرعه واجيكي 
 وماخلت لهديـل مجآل تتكلم وخرجت ..!
وكالعاده سابوها لوحدها ..والشي الوحيد اللي يفرحها روآن وبشآر 
 خرجو واخدو ابتسامتها معآهم ... 
وبشآر مآزال يحسب روآن وهديـل يقعدو مع بعض طول دي الفتره ... 
اول ماشافت سياره بشار راحت
 طلبت سيـآره وجلست تستنى 
 مو قادره تقول لبشار شكرا على الفلوس او الملابس
 اساسا مخنوقه انها مارجعتلو هيا بس غصبا عنها اخدتها ... 
اشترتلها اكـل 
 وبشار في نص طريـقه نفس الشي اكل 
 ونسيـو هديـل اللي ماعندها فلوس حاليآ لوحدها وبدون شي 



 امـآ في المستشفــى .. وجههه مصفــر جالس على طـرف السرير 
 وبالقوه قدر يجلـس وتميم خلاه يلبـس 
 مايحب كتير الجينزآت والتيشرتات لكن كل اللي جبلو هوآ تميم كدا 
 تميم مدلو يدو : يلا قوم 
 شييي صعــــب
 كل مايوقف يجيه نفـس الاحسآس 
 غير الألم اللي يقتــل
 تميم : اسند نفسك عليا 
 تآمر مسك يد اخووه يووقف بشووويش وهوا مغممض عينــه 
 شادد على يد تمميم بكل قوتـه واول ماوقف 
 كل شي سوود بعينه
 تميم ماسكـه وبخوف نآدآه : تآمر ؟
 تآمر مغمض عيننه وفتح عينه وهوا بدأ يشوف طريـقه 
 تميم : تبا تجلس ؟
 تامر قال بصعوبه : لا خلاص 
 تعبب من السدحه يبا يقوم يمـشي 
 ولو خطوتيـن
 سحب يدو من تميم 
 وتميم يطآلع فيـه 
 حاتط يدو على مكآن العمليـه وملامحه مشدوده ويمشي بشويـش
 بيحاول يتكلم عشان يشتت نفسـه : اباك تروح لليث
 تميم قاعد يسوي كل الطلبات اللي بيطلبلو هيا من امس : تميم ارتاح لاحق على ليث وقاااسم والكل 
 تامر طالع فيه وكمل ولا كأنه تميم يهرج بس باأمر يقول كلمتين ويسكت وكلمتين ويسكت : حتروح 

 لليث وحتحكيه عن كل شي ..عن ترف ..عن قآسم 
 تميم قاطعه : انا لدحين مو فاهم هرجه قاسم هوا ليش اتسجن 
 تآمر وقف مشي وهوا ياخد نفسه ورا بعـض وبعدها قال : كنت حسجن اختو ... دخلتها بقضيه غسيل 

 اموآل
 تميم مرا انفجع 
 تآمر مافيه يحكي بتفاصيل : المهم انو عصب لما قلتلو حثبت نسب ولدك ومع الهرج عصب وس
 تميم قاطعه : دقيقه دحين هوا مسجون عشان اللي سواه فيك صح !
تآمر : ايوا 
 تميم : واختو !؟
 تآمر : اختو انتا حتروحلها بكرآ حتقولها تروح تشتكي على اهلها عشان لاتنسجن مع اخوها 
 تميم مآزال مفجوع : تشتكي على موضوع ترف؟!
تامر مد يدو مسك السرير : اييوا حتقولهم انو ترف كآنت تحت تهديد وحتى لو استهبلت حتنسجن 

 وحنقدر ننسب الولد له بالتحاليل مو صعبه 
 تميم : دحين هوا كيف اخدو بكل ثقه وبيقول الولد مو ولده ... حاليا الولد بااسم مين ..؟
 تآمر بقهر : لساته على اسم الدوله ولا رضي ينسبه له 
 تميم وسع عينه : تمزززح !
تآمر : واحد وسخ يبا يحرق قلب ترف وبـس الولد له اسبوعين عندو ويعرفو على النآس على اساس 

 انو ولدو مدري ايش قصدو انو اتبناه !ولا ايش بس انو مانسبو له دا اكبر دليل انو مو مهتم 

 ولساته مايبى فضايح
 تميم : ابن ال"""" 
تآمر : حتروح دحين حتقول كل شي لليث ولو حاول يسكتك لاتسكت ماحتخرج الا وانتا متأكد انو 

 ماحيفتح فمو على ترف
 تميم اشر براسه : طيب
 تآمر جا بيجلس على السرير وتميم جا الا رفع يده : خليك _ رفع جسمه بالقوه على السرير وجلس 

 على طرف السرير _ وفي الليل حتروح لأهل البنت اللي تبا تخطبها 
 تميم انفجع ماتوقعه متذكر : مو مشكله دحين حروح اقول لأمي ل
 تآمر قاطعه : تبا تجننها انتا يكفي انها شاكه انو في شي
 تميم كشر : مو وقته ياتآمر
 تآمر : ايش اللي مو وقته كل ماسار شي حوليك دخلتو في بنت النآس خلاص اديتهم كلمه حتروح 

 وانتهينا
 تميم طبعا مو عشان مشكلتهم الاخيره 
 هوا يباها وعارف انو مشكله تآفهه وحتعدي ... : تباني ارفعلك رجلك ؟
 تآمر : يااخي سيبني ف حالي 
 تميم : جزآتي بحاول اساعدك 
 تآمر : روح دحين للييث 
 تميم : يااخي ماحيطير
 تآمر بقله حيله : ياتميم الكل متجنن ليش قاسم في السجـن خليه في الصوره 
 تميم : مين دا جميل اللي مسكت الكل
 تآمر يحس امو دعتلو ... كيف اتعرف على روآن وبسببها هوآ جالس حآليا ومامات 
 كآن بيسآعدها وربي سآعده وارسله رجآل جميل في لحظه مستحيل ينساها 
 تآمر مارد عليه لما بدأ يحاول ينسدح على السرير واخد الموضوع منـو وقــت عشان يسند 
 ظهره على المخدآت ويغمض عييينه ثواني ورجع فتحها تآني : روح دحين ولما ترجع يسير خير


 وخـرج تميم واتــوجه لليـث ... طول الطريق بيفكر كيف ممكن يفتحله الموضوع 
 كيف ممكن يتنآقش معاه ...



امآ ليـث صحي من النوم على اصوات عاليه في البيت 
 مافي احد جمبـه رفع جسمه واخخيرا نآم على مكآن مريح 
 حاسس بقيمه كل شي بعد ماخرج .. 
خرج من غرفته اشتاق لأولاده سامع اصواتهم وضحكم 
 بس دآنه واحمـد اول ماشافوه .. كآنت ردة فعلهم بارده 
 قاموو واتوجهه سلمو عليه ورجعو جلسو ..
كسررررررررررتو ردة الفعل كآن متوقع يكونو زي امهم 
 حتى مالحق يحضنهم انسحبو بسـرعه سلمو على يدو ومشـيو 
 وكأنو امس كآن معاهم 
 لدي الدرجه مو فارق عندهم !!!
ايش الفرق بينهم وبين امل ...!
اطفـآل دول لو ماتديهم الحب ماحتلقى مقابـل
 لو ماتديهم احساس انك تكون لهم اب بدال الشخص اللي واقف بعصايته ويستنى الغلطه عشان يعاقبهم 
 ماشافو منـو شي طيب 
 حياتهم عباره عن عقـآب
 بذات دانه .. 
لأنها البنت ... من صغرها يحاسبها على مشيتها وكأنها مو طفله تبا تلعب وتجري
 مافتقدوه بالعكس كآنو ينامو ويصحو مرتاحين 
 امهم تبـكي وهما مو عارفين ليش تبكي 
 رجع احمد على البلاستيشن بس كتم الصوت ... ودانه بعد مآكآنت تشجعو على الكوره ماتدخلت لأنها 

 بنت 
 وليث يقولها لاتحشري نفسك بدي المواضيع ...

جلس على الكنبه ووقتها خرجت امل من المطبـخ وابتسمت اول ماشافتـو : صباح الخير ياقلبي
 طالع فيـها : صباح النور
 جلست معاه بس وهيا سآكتـه وتطالع في احمد اللي يلعب بلاي ستيشن وبعد ماكان يلعب بصوت عالي 
 صار راخي الصوت عشان ابوه لايعصب كالعاده ويطفي عليـه 
 بعد ماكان ينطنط قدام الشاشه جلس على طرف الكنبـه وباين انو يبا يتحمس بس يرجع يجلس بعد 

 مايدي نظره لليث
 وكأنه خايف يتهزأ
 واول مادخل هدف طالع في دانه اللي ابتسمتلو قربت منو وهمستلو باأذنه وضحكه الاتنين بصووت 

 هااادي
 يطـآلللع فيهم !!!!!
ايش سووا فيهم !!!!
ليش صحي وصوت البيت عالي وفجأه اختفى 
 ليش كآن سامع دانه تضحك بكل صوتها ودحين مو سامع شي 
 ليش احمد كآن يصرخ بصوته وينطنط ودحيـن جالسس وباين في عينه قد ايش نفسه يتفاعل
 امل شايفته بيطالع فيهم بس تحسبو مسـرح وف عالم تآني
 كأنه احد اداه كــف وبدأ يستوعب انو اولاده مايبوه 
 اقســى شعور للأب لما تعرف انو وجودك اسوء من عدمك 
 هما طبيعين بدونـه 
 مآكآن كدا يعامل تميم وتآمر
 ليش مايعامل ولده زيهم .؟!
لحظات تردد 
 تتخيلو انو نفسـه يقول لولده ابا اللعب معاك بس مكسوف ومو قادر
 مكسوف لأنه يلعب مع اصحابه لأنو اخوانه كبرو وهوا يعلمهم كيف يلعبو 
 وولدو ماسوالو شي ..!!!
لحظآت تردد 
 بالقوه طلع صوته بس عينه على الشآشه : اديني اللعب معاك 
 التلاتـه طالعو فيــه !!!!
فجعععععععهم !!!
حيصرخ اكيد 
 ورا الموضوع عصبيه 
 يمكن يبا يوصلهم شي 
 يطالع احمد في الاسلاك حق البلاستيشن لا مرتبـه دايما مايحب يشوفها مخبصه وجايه من قدآم الدولاب 
 ورجع طالع في ابوه : تلعب معايا ؟
 قالها بشكك !
بصوت خايف 
 ليث نقل عينه على احمد ومد يدو : يلا هات 
 رفع جسمه بكل تردد اتوجه وادالو ورجع جلس جمب دانه .. 
شغل قيـم على الصآآآمت 
 احمد مرعووب الوضع بنسبه له مو ممتع مرا 
 دانه همستلو : لو فزت حيهزأك
 ليث وعينه على الشاشه : سمعتك بطلي فلسفه 
 دانه قلبها وقف 
 اما ليـــث قآم ولأنو بعيد عن الشـآشه جلس جمب دآنه اللي متخشبه بين احمد وابوها 
 وسجل هدف ليـث وطالع في احمد : اهبل ماتعرف تلعب ! طول يوم قدام الشاشه وبرضك مو فالح 
 مو عارفين يمزح ولا من جدوو 
 اصلا امل لدحين مفجووووعه 
 اما هوآ يتعامل معاه زي مع اصحابه وكأنه فجأه نسي كيف يتعامل مع الصغار 
 احمد باارتباك : الا اعرف اللعب 
 دانه بصوت واطي وهيا مبتسمه : كداب
 ليث ابتسم : قوليلي ايش احسن فريق عشان اختارو 
 دانه طالعت في امها تجاوب ولا لا تخاف تجاوب وتتهزا
 ليث يطالع فيها 
 اشرتلو يرخي راسـه 
 رفع حوآجبه الاتنين ونزل راسـه وهيا همستلو : بابا لاتكون زي احمد 
 ليث زادت ابتسامته : في ايش 
 دانه رجعت قربت وتكمل : هوا يحسب الفريق اللي يفوزو 
 ليث : هههههههههه 
 امل لاشعوريا ابتسمت من قلبها لو تدري انو حيرجعلهم كدا ككان سجنتو من زمآن 
 احمد نغزها بكوعه : ترا سامعك _ طالع في ليث وهوا يقدم جسمه عشان دانه مغطيتو _ بابا دانه 

 تلعب كل يوم وانتا مو فيه 
 دانه وسعت عينها وقالت : لااا بس مرا وحده 
 احمد : لاتكدبي حتدخلي جهنم 
 ليث : ههههههههههه خليها تلعب معانا 
 دانه كآنت لسى تبا تقول ماتلعب وحتحلف عشان لاتتهزأ الا طالعت في ليث مفجوعه : اللعب معاكم ؟
 ليث : ابا اشوف مين فيكم احسن 
 دانه ابتسمت : والله انا مرا فنانه 
 ليث رفع حاجبه : مو قلتي مرا وحده بس لعبتي
 دانه اختفت ابتسامتها : لا يعني 
 احمد قاطعها : جهنم جهنم
 ليث : هههههههههههههههه
 وبدأت تطلع اصوااات اولاده ... رجعت دانـه تضحك ... صح متوترين وكل شويا يطالعو فيه 
 حيتهزأو ولا حيخليهم بس ياخدو راحتهم على طول لما يشوفوووه مبتسم 
 لين مافاز عليهم ليث : متخلفين والله 
 احمد وهوا واقف قدام ليث : ههههههههههه اسمع بابا في شريط بلاستيشن جديده مرا حلو 
 بسرعه بدأ يطلب 
 ليث : يكفيك اللي عندك 
 احمد : بس واحد عشان نلعبو التلاته مع بعض 


 دق جــرس البيت وامل وقــفت تحسب جارتها بس اول ماسمعت صوت تميم 
 قالتلو دقيقـه 
 لبسها مايسمح انها تلبس طرحتها وتفكلو كالعاده 
: ليث ...تميم عند الباب 
 ليث مرا استغرب من جيته ... ماكلف واحد فيهم يجيه هنآك 
 وجاينو للبيـت ...وقف بدون تعليق 
 واتوجه للباب فتحلو 
 كآن تميم زمآن يسلم على راس اخوه 
 بس ليث ولا حتى مد يدو : هلا ؟
 تميم كآن بيسلم بس مع حركته ماسلم : حمدالله على السلامه 
 ليث : ايش فيه ؟
 تميم : ابا اتكلم معاك حتسيبني واقف
 ليث : لا ماشالله عينك قويه جآي وتباني استقبلك 
 تميم سكت للحظآت ايش يقوله !!!
ضاارب اختهم بداك المنظر وكمان هما الغلطانين !!!
تميم : ليث اس
 ليث قاطعه بصرامه : مابى اشوف لاوجهك ولا وجه تآآآمر
 كآن بيقفل الباب الا تميم مسك الباب : تآمر في المستشفى 
 وهنـــآآآ يوقف كل شي
 لو زعل لو عصــب 
 لو ايش ماسار 
 مستحيل دي الكلمه ماتخلي قلبه يدق بنبضات سـريعه 

 اتـرخى يدو من على الباب ...قال بخوف : ايش بو .؟
 تميم : خلينا ندخل نتكلم وانا حفهمك
 ليث استقبلو في المجلس فتح اللمبآت ونسي حتى يفك المكيف 
 تميم جلس وليث قفل الباب وجلس قبآله : ايش فيه 
 تميم : حتسمعني بدون ماتعلق لأنو عارف الموضوع حيولعك 
 ليث : لاتنشفلي دمي ياتميم وادخل في الموضوع بسرعه 
 تميم : الموضوع يخص ترف
 ليث بااستغراب : ايش دخلها قولي اول كيف اخوك 
 تميم : ان شالله يكون احسن بس خليني اهرج من البدايه 
 ليث : طمن
 تميم قاطعه : خليني اهرج 
 ليث سكت 
 تميم : تآمر وصلو من اخت قآسم مقطع لترف وهيا في المحكمه 
 ليث عقد حوآجبه 
 تميم : لما اعترفت وقالت انو 
 ليث قاطعه : فاااكر طيب ؟
 تميم : تآمر اتجنن من الكلام راح لترف بيتضآرب معاها ووقتها عرف الموضوع كلو 
 ليث : ضحكت عليه بموضوع ابويا اللي دخلها السجن !
تميم : ايوا ياليث بس ماضحكت عليه دا هوا الموضوع 
 ليث : لاتجو تستهبلو على راسي وتتوقعو اني اصدقكم 
 تميم : اسمعني للنهايه ابويا اضطر يسكت فاكر لما راحت ترف بيت اهل قاسم مع ابويا ... سيبك 

 من دا كلللو ليش ماتكلمت يوم المحكمه وقالت انو قاسم 
 ليث : حتستر عليه طبعا 
 تميم : حتستر عليه وتقول انو بتخرج مع كدا واحد ؟! كآن استهبلت كآن قالت غصبا عني سار وقدرت 

 تبرا نفسها 
 ليث بعصبيه : تمممميم لاتستفزني انتا كمان 
 تميم : وانتا لاتعصب واسمعنني للنهايه ترف اضطرت تقول كدا بسبب الحادث اللي سرلك 
 وهنآآآ ليث انكتتتم 
 تميم : داود قال لأبويا خلي البنت تخرج ولدي من الموضوع وهددو فينا ولما مارضي سرلك الحادث 

 قبلها وابويا من خوفه على لمى واحنا اضطر يخلي ترف تقول داك الكلام 
 مااافي اي ردة فعــــل 
 تميم : تآمر مو بس عرف الموضوع منها تآمر وقف قدام قاسم واختـو واتأكد من الموضوع .. بسببك 

 قاسم قدر ياخد ولدها منها وبسببك اضطر تامر يروح ياخد ولدها وابن ال"""" ماتردد لحظه من انو 

 يرفع مسدسه 
 ليث قاااطعه بصرااامه : لاتتتتستهبل ياااتميم لاتتستتهبل
 تميم يبااه يستوعب يبااه ينحررق كل شي سار بسببو هوا : اخوك كآن حيمووت روح شوفه بعينك في 

 المستشفى ..وقاسم في السجن والحمدالله انو ولد ترف كوويس اخدو ابوه حتى الولد كآن حيتجنن منو 

... مابقولك روح اعتذر لترف لأنو اخر واحد تبا تشوفه انتا بس بسببك هيا اتكلمت في المحكمه 

 بداك الكلام وبسببك ولدها انأخد منها وبسببك اخوك كآن حيموت مو بس اخوك حتى لمى اتذكر كم مرا 

 كآنت حتموت بيدك عشان ايش ؟ عشان ترف الللي عقدتك وخلتك ماتفكر وفي النهايه طلعت مظلومه .. 

ليث خآف من ربك ..عندك بنت بكرة النهار يتزوجها واحد وقلبك ينحرق عليها من معاملته ليها 

 الدنيا سلف ودين كبرتنا وعلمتنا كل شي بس احنا مانسحبنا منك بسهوله .. احنا مو قليلين اصل 

 عشان ننسى اللي كبرنا على يدو وخلانا رجآل وعلمنا الصح من الغلط ... انتا اللي اتغيرت 

 الانسانه الوحيد اللي قادره تتحملك ومو عارفين ليش مرتك ... بس احنا مو ملزومين اخوآتك 

 الاتنين سارو يترعبو من اسمك ..اسمك لوحدو مايبو يسمعوه ...لمى حتى اختها مو قادره تشوفها من 

 كتر ماكبرت وهيا تنضرب بسببها ... على العموم قضيه ترف حتنفتح من جديد والكل حيعرف اللي سار 

 لها تحت تهديد وولدها حيتنسب لأبوه ووقتها حتشوف بعينك 
 ليث ملامح وجهه مو طاغي عليها الا الجمود 
 تميم استنى منو ردة فعل بس مالقى شي منـو ...اضطر يوقف ويقلو انا حمشي 
 ليث اشر براسـه وتميم خرج من البيـت ..
وليث على نفس الكنبه يدو اليمين على ركبته اليمين ويدو اليشار على ركبت اليسار
 وعينه مثبته بعشوائيـه على مكآن مو مركز فيـه 
 شد على اياديـه وهوا يضغط على ركبـه 
 يفكككر بكل لكمه 
 ابوه في المحكمـه 
 ابوه بعد المحكمـه 
 ليش بدأ الموصوع يسير صح بعينه 
 ترف مظلومه !!!
11 سنــه 
 بسببه !!!
كآن عندو اخت رامينها !!!
دي الجمله خلت دموعـه تنزل على ثوب البيت 
 يضغط على ركبـه ويبا يخفف رجفته وعرووق وجهه باااارزه 
 ودمووعه تنززل زياااده 
 اتذكر لما خنقها 
 وكآنت تترجاه وتبا تقلو 
 لااااا هوا مو متوحش وهمجي لدي الدرجه 
 همجي !!!قبل كم ساعه زوج اختـو جا يتهجم عليه 
 الغريب عرف انو همجي ومو واثق انو يخليه يقرب جمب مرته 
 ضحكة بنتـه لما خافت ووطت صوتها ونظرتها 
 نظرات اولاوده 
 نظرات تررف
 ضربــه للمى 
 ترف 
 ترف 
 ترف 
 ترف
 نظرتها 
 صوتها 
 بكاها 
 خوفها
 عاشت لوحدها 
 رموها 
 سجنوها 
 وقدددم جسسسسمووو على قدامم وصرررخ ببككلمه آآآآه هزت فيها اركآآن البيت 
 ودموووعه تنززززل
 لااااا لا مايبى يصدق 
 يبا يعيش الكذبه اللي يعرفها 
 صعععب لما تعرف انك ظظظالم وحقيــــر
 لا مو حقيــر 
 انتا نجـــس
 انتا اوسخ من انو ينقالك حقيــر
 انتا حرمت انسانه من ولدها 
 حرمتها من الحياه 
 انتا اختك التآنيه كنت تبا تموتها بسبب عقليتك المتخلفه 
 كآن يغسل يدو من دم لمىىى بكل بساااطه 
 كييييييف 
 كيف اتحول لدا الجبروووت 
 فين ليــث زمآن وفين ليث دحين 
 كلام اببوووه وكأنو امس يتردد في رآسـه 
" لاتقول لأحد من أخوانك " 
كلامه قبـل لايمووت ليش دحين يحس انه فهمه 
 ليش تلميحاته كآنت كلها تدل انو انتو سند حتكونو لديك اللي انحرمت من الحيآه 
 امممل دخلت الغرفـه وليث لسسسى دموعه تنزززل 
" ياوولدي الظفر عمرو مايطلع من اللحم "
 " انا ربيتكم وآحد من كبيركم لصغيركم " 
 " المظلوم ربي يرجع بحقه ولو بعد فتره والعشم فيك وباأخوانك " 
لا لااااا الكلام وااااضح مرررا واااضح 
 قاال بكل انهياار : لااا ياااربي لاااا ... حراااام عليك ياأبووويا حرااام
 اممل مرا خافت 
 اخوانه ندمو الاتنين انهارو بس هوآآآ يندم على ايش ولا اااايش
 هوا اتعدى مرحله انو يكون جبآآآر كآن حيقتل ترف 
 لو قتلها !!!
لو قتلها ايش كآن سار !!!!
بخطوات سريعه جات جمبه وجلسست دوعها بعينها 
 زوجها يبكي السبب عرفتو ولا لا دا كفيل انو يبكيها 
 مرتين شافتو منهااار يوم اعتراف ترف ويوم وفاة ابووه 
 ودي تآلت مرررا بس عن الف لحظه ندم 
 رفعت يدها اللي تتنافض ورا ظهره : حبيبي ايششش بك ايش سااار
 ايش يقولها 
 يبا يدفن نفسو في سااابع اررررض !!!
ليث الجبروووت 
 ليث المجنننون 
 في دي اللحظه مالقى غير حضن مرتـه 
 ميل جسسمه بااتجاهها وساار يبــكي 
 يبكي بككل صوته وكأنه طفل 
 الزمن يرجع ؟
 لا طبببعا 
 اللي سواه مستحيل احد ينسااه 
 حفر في قلب كل وحده من اخواته جرح مستحيل ينسوه 
 لو لمى سامحته 
 ترف حتقدر تسامحه ؟
 حاتط وجهه على كتفها ويبكــي : اننا ااايش سوويت الله يااااخدننني الله ياااخدني
 امل مرا خاافت سارت تبكي وهيا تحضنه : حبيبي ايش بك لاتخووفني 
 بكككي بكككي واولاده يطالعه فيـه من عند الباب مفجوعيـن 
 ماقال شي 
 كآن يبكككي بكل انهيآآر
 يبكي بكل صوتـه وفجأه حس بيدها الصغيره عليه وحضنته مع امهاا : بابا لاتبكي
 ولدها بعمر بنتــه 
 ايش عااش دا الولد بسبايبهم كآن باامكآنه يعيش طول عمره معاها 
 لو همآ خرجوها 
 لو هما راحو سمعولها مآكآن حيعيش في ميتم ..
هوا مو بس اذى اخواته 
 حتى ولد اختـه ماسلم منـه 
 بنتـه خلته ينهاار زياده 
 كيفها حنننونه 
 دي البنت اللي اول ماجات كآن نفسه يدفنها عشان البنات عااار
 جالسه تبكي عشان هوا يبكي وماهمها ايش الموضوع 
 مرته تبكي نفس الشي لبكاه ومحد عارف ايش بوو 
 وولده واقف عند الباب مغطي نص وجهه بالباب ويبكي معاهم
 بس دمعته غاليـه عندهم وهوا مادآهم في حياتهم اي اهميـه 



 روآن في التآكسي قالتلو يروح كالعاده الحاره 
 بس تفكيرها عند تآمر
ماتستحي انها تتصل على ترف تسئل عنـه اول ماقالتلها انه لوحده ومو قادره حاليا تروح 
 على طووول قالت للسواق يغير اتجاهه 
 وراحت للمستشفى 
 دقت باب الغرفه ودخلت ..كآنت الممرضه قبآله وتتضارب هوا ويآه 
 مديتو الحبوب لها تلات ساعات ودوبها دخلت وانصدمت لما شاففتها مكآنها 
 تآمر قلها انو حياخدها وروان دخلت بخطوات بشويش 
 وسارت الممرضه تقولها بالانجليزي انو لازم ياخد حبوبه وهيا مو فاااهمه شي 
 خرجت معصبه من اسلوب تآمر
 استفزها مرا وهوا يسلكلها 
 وهوا اتنرفز اول مارفعت صوتها عليه
 روان طالعت في الممرضه لين ماختفت : هههههه ايش بها دي 
 تآمر على طول ابتسم لضحكتها 
 مازااال دا الشي اللي يجننو فيها : مدري 
 روان طالعت في الطاوله اللي حاطينها قدامه وهوا مسدوح : تباك تاخد حبوبك ؟؟
 تآمر شال الحبوب وحطها على الطاوله المرتفعه اللي جمب راسـه : ايوا 
 روان : طيب 
 تامر : بعدين 
 روان : الحرمه كآنت حتنشل وانتا تقولي بعدين 
 تامر ضحك بشوويش : ههههه شويا بقولها مو راضيه تستوعبت 
 روان : اخصرك منها 
 تامر اخيرا في احد بصفه اصلا يكفي انها جات تاني دا الشي لوحده خلاه مبتسم : كيفك 
 دخلت الممرضه تآني وتامر اتنرفز طالعت في الحبوب ورجعت تطالع فيه 
 وسارت تتكلم بحده لين ماطردها تآمر 
 يتكلم بهدووء وطردها بهدوء وروان مو فاهمه شي 
 رجعت طالعت فيه : كم لها تقولك خدها 
 تامر : من 8 الصباح
 روان طالعت في الساعه مصدومه : من جدك !! كمان تقولي مدري ايش بها 
 تامر : خلاص انا وحبوبي نصطفل 
 روان : ههههههههه _ اخدت الحبوب _ خدها دحين 
 تآمر يطالع في يدها وبعدين في وجهها : حطيها مكآنها لما احتاجها حاخدها 
 روان : بديك سجااره انا !! تراه دوا
 تآمر كآتم ضحكته مضيق على عينه ويطالع فيها : برضو رجعيها 
 رةآن رفعت حآجبها : لاتستفزني ترا اعصب
 تآمر : اهجدي وتعالي اجلسي قوليل
 روان قاطعته : طيب جبتها لنفسك اخدت قاروره المويآ
 وجلست على السرير جمبـه مدت يدها للمرا التآنيه : خد 
 تآمر اخد الحبوب : طيب حاخدها 
 روان : هههههههه دحين حتبلعها 
 تآمر : انتتي ايش بك
 روان : ولاشي ... _ تطالع فيه مستنيتو يبلعها عشان تديه المويا وهوا ولا كأنه ضيقت على عينها 

 بتملل 
 وقالت : يلااا ياااتامر
 مابتدلع 
 مرررا مابتدلع 
 بس هوا شافها دلع 
 اساسا اسمو لوحدو وهيا تنطقه بدا الاسلوب عجبه 
 حيبلعها 
 لا طبببعا مو عشان مايحب 
 لااا عشان عاجبتو وهيا تتكلم كدا 
: خلاص بقولك شويا 
 روان اتكلمت بهداوه : حتاخد الحبوب بالطيب ولا اوريك الوجه التآني
 تآمر ابتسم كدا شي صغير جمبه قاعد يهدد من اول ومايسوي شي : ايش حتسوي 
 روآن رجعت لنفس الاسلوب اللي يوتر كآن لؤي : والله اعضك حتقعد خمسه ايام تتألم منها اكتر من 

 العمليه نفسها 
 تآمر ولا قلها انو مسوي عمليه ولا يدري كيف عرفت وبنفس الوقت 
 ماركززز : قويه ماشالله 
 روان رفعت حوآجبها الاتنين بسرعه ونزلتها وهيا مبتسمه : ترا اخووف لايغرك شكلي والبلوزه 

 الورديه دا تمويه بس عشان الناس اللي زيك 
 تآمر لساته مبتسم ويطالع فيـها مو قادر يستوعب شخصيتها مرررا 
 يعلق بكلمتين بتنآحه وهوا يباها تهررج بس :ضميرك مايأنبك ؟
 روان : ليش ؟
 تآمر : قاعده تستقوي على واحد مريض
 روان : ههههههههههههههه على اساس جايب نتيجه ولا رمشت رمششه وانا اهدد
 تآمر : مو لايق عليكي التهديد 
 روان عدلت جلستها : ترا والله كتير يخافو مني 
 تامر ضحك : يستهبلو عليكي
 روان اتنرفزت : كيف يستهبلو اشوف بعينهم الخوف 


 خلينـــآ نوقــف الوقــت شويـه لهنــآ
 ونقدم عقآرب السـآعه ل12 سـآعه قدآم 
 للجو الممطر ... للجو اللي يشرح الصدر .. 
مقتطفــآت سريـعه 


 تـرف واقفـه في الصآله وسامعه محموود بعبآطتـه يهرج مع سآمي 
 ماتباه يجلس لوحده ومو قادره ماتروح تشوف تآمر مالقت غير محمود ينقــذها 
 لها 12 سـآعه تحاول بس تشتته تبسطه تكلمه 
 اخدت شنطتها دخلت عليهم الغرفه : لاتستهبلو طيب
 سامي يطالع فيها ايش لا تستهبلو بدال ماتقول انتهبو على نفسكم !!!: طيب ياماما !
محمود ضحك من غير مايعلق وهيا خارجه بكل ثقـه 
 قفلت الباب وراها ونزلت لقت سياره براء ابتسمت 
 مارضي لمحمود يجي بالسواق عشان هوا يوصلـها واول ماركبت مسك يدها وكآنت ديك النـظره كفيله 
 باأنها توصـله احســآسـه 



 في البيت 
 بيلم الاوراق اللي طلبها منو تآمر وماسك الجوال بكتفـو : ايوا ليث ؟ ... ايوا انا رايح لتآمر 

 دحين .. في مستشفى """" الدور 4 غرفه رقم 201 ... شويا واكون عندك 

 خرج من الغرفـه وعلى طول على بآب الشقـه .. 
اما لمى راحت لغرفتـها قبل لايخرج من يوم مادخل وهيا وراه 
 بتنحرررق وتعرف ايش الموضوع 
 واتأكدت انو اخوها في المستشفى ومتأكده انو فيه شي يفجـع 
 لاشعوريا اتصلت على عدي تبـكي : عدددي


 في غرفـه تآمر خرجت روآن تبـكي وهوا ينآديـها ... وماقدر يتحرك ماقدر يلحقـها .. 
ماكآنت فتره طويـله وترف دخلت عليـه وانفجعت لما شافتـه بيتألم : تآمر ايش بك 


 في بيـت جميـل .. 
جآه اتصآل من رقـم غريب .. واول مارد وصلـه صوت جلال : كيفك ياأخويآ .... والله وجا الزمن اللي 

 نوقف قدآم بعض عشان اطففال ..؟المهم روح قول لولد اخوك يريح راسـه ولاينبش كتير انا فباريس _ 

ضحك _ ٌقلو طلبت لجوء سياسي ولاأحد يقدر يلمسني



 وآقف على اليخخخت وشكككلو يعبر عن تعبـه 
 وبآقيلو الشخص الوحيـد اللي ممكن يفرغ فيه غضبـه 
 رفع جوآله لما جآ برضو اتصآل من رقم غريب رد وسمع صوت حرمـه : الو .. انتا بشار ولد جآســم 

.... طيب _ بتردد وبصوت مهزوز _ انا ام سميـه 


 طفشت طفشششت من الغرفه 
 مو معقول الاتنين ساحبين عليها طول دا الوووقت 
 حتنننفججر 
 خرجت وطالعت في الرجال اللي واقف عند الباب ومشيت للمصعد 
 مالحقها متأكد انو فيه رجآل تحت 
 نزلت ولا أحد انتبهلها
 خررجت ومدت يدها وقطرات المطر تنزل عليها ابتسسسمت اخيرا 
 مشيت تحت المطر تبااا تمشي وتنسى نفسها 
 تمشي لين شعرها كلو ماتبلبل وسارت دموعها تنزل 
 مو مهتمه 
 تمشي في الشارع وماتدري لو بشاار وروان سحبو عليها اكتر من كدا ايش ممكن تسوي 
 وفجأه حست احد يمشي وراها 
 دارت جسمها وشهههقت بصدمــه 
 وقفت بمكآنها وهيا تطالع في سعيد




 في المستشــفى ...

طلـع معاها وهوا مو فاااهم ولاشي .. قالتلو يستناها بنفس الدور 
 واتووجهت للغرفـه 
 واول مافتحت باب الغرفـه جات عينها على تآمر اللي في السرير وبعدها انتقلت عينها 
 للبنت اللي ماسكه يد اخوها وجمبها رجآل غريـب
 تآمر : لمى ؟!
عينها مانزلت من على تــرف
 رجعت تطالع في تآمر ليش مايبو يقولولها
 وتطالع في ترف وهيا ماسكه يد تآمر
 نزلت دموعها وبس تتخيل انو دي دخلت حيآتهم تآني
 تتكلم ماتقدر ضعيفــه 
 انحرقت اتهااانت طول عمرها وفي النهايه اخوانها سايبينها ومع ترف 
 تآمر : لمى تعآلي
 دارت جسمها وخرجت من الغرفـه 
 طالع في تـرف : روحيلها الله يخليكي 
 تقدر ترفض حاليا طلب لتآمر ماتقدر
 خرجت ورا لممى ومو قادره تستوعب انو دي اختها الصغيره 
 تمشي وراها بخطوات بطيئة وحتى هيا دموعها بعينهاا نفسها تنسحب
 وقبـل لاتوصـل لمى لعدي شايفته بعينها بس تــرف مسكت يدها : لمى
 صرررخت صرخه حتى تررف انفجعت : لاااتمسكيني 
 الكل طآآلع فيهمم 
 نظرتها 
 صرختها رجفه جسمها فجعت عدددي جاااها مفجووع : للللمى
 ترف تطــآلع في اختها مو مستوعبه 
 وتطالع في اللي معاها ومو عارفه ايش جاااب عدي هنا !!!




ليــث وتميم طلعو بالمصآعد من الجهه التآنيه 
 اتأخرو عشآن الاوراق والاشياء اللي طلبها تآمر ... 
اتوجهه للغرفـه والاتنين انصدمو من الرجآل اللي وآقف عند تآآمر ... 
تميم انصصصصدم 
 ليث حتى هوآ يعرفـــه ...يعرفه وماينسى كيف وقف بوجهه 
 تميم قدم بخطوات هاديه واشر على الشخص اللي واقف : دا ايش يسوي هنآ !!
تآمر بكل بروود : دا زوج تـرف ... 


نهايه الفصل التاسع والعشرون


السلام عليكم ورحمه الله وبركـآته 
المفروض يكون دا اخر فصــل
 بس بسبب الاحداث انقســـم 
 ان شالله يعجبكم مع انو الفصــل اللي فات كآنت اقل تعليقات قد جآتني 
 لكن احاول مافكر كتيــر بدا الموضوع ..




الفصــل الثلاثيــن والأخيــر ... 


وعندمآ تقدمت بالوقت 12 سـآعه فمن الطبيعي ان ارجـع للوضـع الطبيعي 
 الآن ... 
لكن ... 
هنـآك لحظـه لم اشارككم بها 
 لحظـآت سريـعه عندمآ اعترف برآء لتـرف باأنه لايستطيع الانجاب 
 لحظآت توتر 
 لحظـآت 
 حــب
 مشاعر صادقـه 
 برائـه 
 ابتسامه انثى 
 نظرة رجــل
 لم تشعر بالوقت وهيا بجوآره ... وحآن وقت الودآع ... 



وآقفيـن الاتنين على الرصيـف ومايبى يسيبها : تعالي اوصلك بسيارتي
 ترف ضحكت : دي عاشر مرا تقولي نفس الجمله 
 براء مسك يدها وسحبها : خلاص اجل نص ساعه نمشي وبعدين ارجعي 
 ترف تمشي وتضحك بصوته : هههههههههه برااء رجلي توجعني
 براء شاف كرآسي : نروح نقعد هنآك _ دار راسه عليها _ ماورانا شي اليوم ليش مستعجله 
 ترف : من الساعه 3 احنا مع بعض 
 براء ابتسم مو حاسس بالوقت .. جلسو على الكرآسي .. : اديني رقم تآمر
 ترف رفععت حاجبها : هههههه ايش تبا فيه 
 براء : اديني رقمو يسير اصبر نفسي فيه لين ماربنا يفرجها
 ترف اختفت ابتسامتها 
 براء : ايش بك 
 ترف : مو مستني تعرف التفاصيل ؟ يمكن يتغير رايك
 براء :انا ابا اعرف التفاصيل عشان ماقدر ارتبط مع وحده انا مو عارف ماضيها ... تهمني التفاصييل واكيد ابا اعرف ايش عشتي لكن 

 اني ممكن اسيبك لا ..عارف انك مظلومه وردة فعل اخوانك دي تكفيني 
 ترف تلعب باأظافيرها ومابتطالع فيه متوتره وقلبها يدق بسـرعه 
 قالت بتردد : اباك تسمعني وماتقاطعني .مابى اطالع فيك حتى وانا اهرج _ رفعت كتفها _ مدري مابى اشوف ردة فعلك او اسمع نبرة 

 صوتك بس بقول اللي عندي 
 براااء انفجــع 
 ماتوقع حتتكلم دحين 
 اكيييد متجنن ونفسـه يعرف
 بس بيحاول كآن مايضغط عليها 
 ترف بلعت ريقها ..جسمها اتقشعر بس بمجرد انها افتكرت ديك المواضيع ..
ماطالعت فيـه حتقول اللي عندها 
 حتقول الكلام اللي عمرها ماقالته لأحد 
 حتقولو التفآصيــل
 التفاصيل اللي مانطقتها قبـل كدا 
 قالت لتآمر كلام مخبص وهوا سار يستنتج 
 زادت توتر وبتلعب في اظافيرها : بابا _ سكتت شويا وبعدها كملت _ بابا كآن دايما في العصريه يروح لدآود _ دقآت قلبها سريـعه 

 وحركه يدها تزيــد _ المهم مرآ شافني متضاربه ممع تميم وتآمر ومابيكلموني فقلي اللبسي وتعالي معايا ..ماما ماعجبها الوضـع 

 قالتلو مالو داعي وفين تجي بس بابا كآن الا يبا ياخدني وقلها عادي وحتقعد تلعب في الحديقه مع بنتو المهم اتذكر داك اليوم 

 اتضـآربو بس بابا مشى اللي في راسه واخدني معآه ... لدحين مانسى وجه ماما وهيا مو عاجبها الموضوع مدري يمكن كآنت مو مرتاحه 

 حاسه انو حيسير شي بس كبر الموضوع لدرجه انو انا سرت مابى اروح وبابا بسبب صوتها اخدني معاه غصبا عنها .. _ سكتت للمرا 

 التانيه وكأنها تحاول تقوي نفسها وترجع تتكلم _ وصلنا هنآك بنت داود مآكآنت فيه بس سارو يدوني حآجآت اسلي نفسي فيها لين 

 ماخرجت الحديقه_ بللت شفايفها بلسانها دموعها اتجمعت ودقات قلبها كل مالها تزززيد تحس بشي خانقها ... 
عمرها ماقالت دا الكلام بصوت عآلي يدها تتنافض 
 وبرااء عينه عليها 
 نفسه يقولها خلاص مابى اعرف
 بس بنفس الوقت مو قااادر يبا يسمع 

 مارفعت عينها على نفس النظره نبرة صوتها اتغيرت : وقتها جآني قآسم _ اتحولت ملامحها لوحده بتتذكر وتبا تبـكي معقده حوآجبها 

 وتتكلم بقهر _ سار يسئلني كم عمرك ويقولي انو هوا اكبر مني بخمسه سنوآت ويقولي ايش تحبي وانا زي الهبله ا تكلم معاه كأنو واحد 

 من اخواني ...لين ماقلي تعالي نلعب وانا روحت وراه .. ودآني لقسم الخدم محد كآن فيه وانا مو فاهمه شي قفل الباب ..._ سكتت 

 طول دي المره سكوتها وصدرها يطلع وينزل وبعدها نزلت دموعها وقالت بصوت هادي _ صرخت ضربته سويت كل شي بس ماقدرت كتمني بالمخده 

 وماقدرت اتحرك وهددني ماأفتح فمي لأحد 
 من الخوف سرت اقولو طيب مرت ساعه وانا اصلا مو قادره اتحرك ولما خرجت ... وشوفت بابا وابوه بكككيت وفضحته قدامهم مدري ايش كنت 

 اقول بس من كتر ماأبكي الكل عررف وقآسم سار مفجوع ويقولي كذاابه ..الكل صدقني بابا سار يصرخ ومسك قاسم وضـربه وداود وقتها عصب 

 من بابا وهددو وقلو شيل بنتك واطلع برااا ولاحخلي رجالي يتصرفو معاك ولو فكيت فمك لأأقتتل بناتك الاتنين ووريني ايش حتسوي وقتها 

..بابا ماسكت وبرضو انفعل و ورمونا برا كأنه احنا اللي غلطنا عليهم _ رفعت يدها تمسح دموعها _ وربي داك اليوم اتذكره وكأنه 

 سار امس كيف كتمني وكيف اترمينا وبابا حط يدو على صدرو ويقولي عشان خاطري يابنتي لاتقولي لأحد لاتفتحي فمك لأحد _ بكيت باإنهيآر _ 

دموعه بديك اللحظه كآنت عن الف لحظه ألم حسيتها عمري ماشفتو يبكي وسكت ماتوقعت انو دي اللحظه حتآخد 11 سنه من عمري وانا 

 منهانه سكت عشان دمعتو ماهانت عليا ودمعتي هانت عليه _ رفعت يدها على صدرها وقالت باألم _ ياألله ياابراء قد ااايش الظلم 

 يووجعععع...بعد تلاته اسابيع اغمى عليا في المدرسه وودوني المستشفى وعرفو اني حآمل انتشر الخبر في كل مكآن على بال اهلي يجو 

 وبس سارت فضيحتي على كل لساان كنت متوقعه بابا حيوقف معاايا بس هددوه بليث وصدموه بالسياره وجآ وقتها بابا يقولي .._ رفعت 

 عينها اخيرا عليه وقالت بعدم استيعاب تتخيلو انو 11 سنه مرت ولين دحين مو قادره تستوعب اللي طلبو ابوها منها !! _ قولي انك 

 ماتعرفي مين .. والمحامي حق قآسم حفظني الكلام وبابا وراه يبكي .. بس كآن يبكي ! وكأنه دا الشي حيشفعلو _ تطالع فيه بكل ضعف _ 

والله ظلمووني كلهم اهلي رموني هنآك 10 سنوات محد زارني محد عبرني كنت ارسلهم رسايل وتجي السجانه ترميها بوجهي وتقولي انتي عار 

 عليهم انضربت من بنات مرسولين من قآسم عشان اطيح اللي ف بطني ..ولدت عند دكتوره ماعندها اي رحمه رموني بعد الولاده ولاشوفت اي 

 اهتمام ... ربيت ولدي سنتييين _ اشرت على نفسها _ دوبني كنت حنبسططط دوبني حاسه انو عندي شي حلو الا اخدوه مني ورموه في الميتم 

 تتخيل لما يسحبو قطعه منك ويرموها في مكآن انتا عارف انو بيعاني فيه وماتقدر تسوي اي شي ... كنتت اصرررخ بصووتي كل يوم 

 ويرموني بالحبس الانفراادي اقولهم ابا ولدددي وتجي تضربني السجانه عشان اسكت .. كنت احاول انتحرر وتزيد فتره عقاابي ماخلوني 

 اعيش ولا خلوني اموووت خلوووني زي الميته اجلس في الاركآن مااضحك ولا اتكلم ولا حااسه باأي شي 
 لاأهل ولا طفـل ولاشي في حيآتي عددل ..انك تعيش مظلووم شي يقتل والله بذات لما يكونو اهلك اللي ظالمينك وربي الناس كلهم يهونو الا 

 الأهل .. ومآمـآ
 كآنت تبا تكمل بس كلمه " ماما " وجعتتتها 
 كلمه تحرررق
 لو تعدي الف سنـــه مستحيل الوحده تنسى امها 
 مابالكم وهيا عااايشه 
 عايشه ومو قادره تكلمها ولا تحضنها 
 بكيييت بانهيــآآآآر
 خلاص ماحتقدر تقول ولا كلمه بعد دي الكلمه 
 ضااع كل شي 

 بــرآآآء .!
لأول مرا في حيآته يحس انو دموعه محجره بعينننه 
 لأول مرا يحس بشعور دا اللي لا لا لاتتتبكي 
 امسك نفسسك 
 بس مووو قادددر
 صوووتها 
 كلمتها لمما قاللتلو " ياألله ياابراء قد ااايش الظلم يووجعععع"
كلامها دممره وكأنه هوا اللي ككآن يعاني 
 عارفين لما تسمعو كلام من شخص تحببوه 
 وتحسو بالحرقه 
 وبالقهر 
 وبالغبنه 
 وكل شييي كأنو انتو في الموقف مو همآ 
 مو كبرت بعينه وبــس الا ندمآآآآن على كل مرا حرق قلبها 
 ندمان لما قلها خريجه سجووون 
 بجد نحكم على النآس من غير مانعرف ظروفهم 
 حضنها في المكآآآن الهاادي اساسا مو حاسس بولاأحد وكأنو المكآن مافيه غيررها 
 بكيييت بووجع 
 باألم لو تمر 30 سنه تآنيه الألم دا ماحيتغير
 ترف هرجت بضعف وهيا مغمضه عينها وفي حضنه : ماأحس اقدر استحمل اي شي يابراء ولدي لو مارجعلي والله حتجنن 
 براء بصوته المهزوز : حيرجع ياقلبي حيرجع ان شالله 
 رفعت يدها اليسار وهيا تضغط على ذراعها اليمين بعدت عنو ومعقده حوآجبها 
 براء رفع يدو يمسحلها دموعها : ايش بك 
 ترف هرجت باألم : احس يدي منمله
 فجعتــــو 
 من لحظه قلبو يوجعو عليـها للحظـه حس انو خآيف : اول مرا يجيكي 
 ترف تهرج ودموعها تنزل مع انو اتغيرت الهرجه : لا دايما يجيني 
 براء قلبه يدق بسـرعه نفس اللي سار لأبوه 
 بدايه الجلطـآت دي الألام 
 مررا خاف عليها 
 بس حاول يهرج بهدو بعد مامسك يدها : احسن تروحي المستشفى تكشفي
 لما شاف نظرتها المشتته حاول يغير الموضوع عشان لايزيد عليها : مو دحين حبيبي لما ترتاحي _ ضغط على يدها _ مو عارف ايش اقولك 

 غير انو اللي راح انتهى وانا اوعدك لو اهلك ماكانو معاكي انا حكون لكي كل شي حتى لسآمي 
 دا اللي قدر يقوله ماعندو اكتر من دا يقولو 
 لدحين مصدوم من كلامها
 وكأنه مو مستوعب انو دي البنت الصغيره بعينه مرت بدا كللو 

 قآلت الكلام وكأنها قلبت على نفسها الموآجع 
 شايفها تمسك كل شويا يدها قلها اوديكي المستشفى مارضيت 
 رآحت لبيتها بهمهآ وهوا في سيارته 
 بيتجننن 
 مو قادر يستحمل 
 لحظه يحس انه انغبن لحظظه دموعه نزلت فيها 
 وهوا حابسها من اول اكتر شي يهد ويوجع الظظظلم 
 حرقتلو قلبـــه 
 دموعه تنزل ورا بعععض ومو قادر يمسك نفسه 
 اجل كيف هيــآ ..!!!
فتح الوآتس ومحادثه ترف 
" ارسليلي رقم تآمر ماحسيبك في حآلك "
ترف جلست على السرير وابتسمت وهيا تقرا كلامه 
" خلاص لوقتها يسير خير "
براء 
" ايش خسرانه خليه عندي "
ترف 
" طيب "
وارسلتلو رقم تآمر
 وسابت جوالها بدون ماتشوف ايش كتب 
 سرحت فجأه ونزلت الجوال من يدها بدون ماتحس
 بتمر موااقف بعينها بتخلي قلبها يوجعها 
 تفاااصيل 
 عن المعامله اللي عاشتها 
 عن نظره ساامي وهوا صغير اول مرا شاافها 
 عن اللحظه اللي سحبو فيها سامي من حضنها وهيا تصرخ وتبكي 
 نفس لما سحبو قآسم منها 
 موااااقف تخلي دموعها تنزل وبـس ... 

امـآ براء يطالع كل شويا بالوقت 
 لسى مرا بددري ليش مايتصل 
 بعد كلامها مو قادر يستحمل 
 وماأخد الموضوع كتيـر ورفع الجوال على اذنه وهوا يسمع الرنآت .. 
ووصلو صوت تآمر 
 وهنا اتكلم براء : السلام عليكم .. 
تآمر : وعليكم السلام !
براء : تآمر ؟
 تآمر : ايوا هلا مين معايا ؟
 براء مآكآن في صوته اي تردد عارف ايش يباا : انا براء _ سكت شويا وبعدها قال _ اشتغل مع اختك ترف
 تآمرر كآن في البقاله بيحط لبشار الورقـه : دقيقه _ حط الورقه بالمحفظه ورجعها للرجآل وخرج وعقله مو معاه _ ايوا معاك !!
يمشي باإتجاه سيارته ومستني براء يتكلم !
براء : حجبلك الموضوع من أخره ومالو داعي المقدمآت ...انا متصل اخطب اختك ترف 
 تآآمر ايش يقووول !!!
صمممت 
 ضاع الكلام 
 دي اختهم لها سوااابق 
 مين اللي يبا يخطبها 
 اكيد واحد مو عارف باايش تمر !!!
اذا هما ظلموها كيف النآس حتكون نظرتهم لها .. : اول شي انتا كيف جايب رقمي 
 دخل السياره تامر وقفل الباب ومستني الجوآب
 براء : من ترف 
 تآمر يفتح فمو يبا يهرج ويرجع يسكت : والله مـ
 براء قاطعه : اسمعني اعرف ايش حيجي في بالك لكن انا مو إنسان للعاب داخل على زوآج واعرف موضوع ترف من بدايته لنهايته واعرف 

 انك بتحاول ترجع سامي من قآسم .. واعرف انو صعب انك تسمع دا الكلام لكن انا مابى أأذيها وقفت معاها من يوم ليث ماتهجم عليها 

 ومستعد اوقف معاها طول العمر لكن هيا مستنيه سامي يرجع عشان اكلمك وانا ماقدرت استحمل ... 
تآمر موقفه صعب !!!!
يبلع ريقـه 
 ومو عارف ياخد ويدي مع واحد يبا اختته ومن كلامه واضح انها بتدخل وتخرج معاه !!!
يحترم انو متصل يباها زوجه ... بعد الكلام كلو اللي سمعه عنها وبرضو يباها !!
تآمر كأنو احد اداه كــف ملامح وجهه تدل على تفاجئه 
 قال بتردد : هيا موافقه !!
براء : اكيد مادتني رقمك الا عشان اكلمك 
 تآمر دوبه استوعب سؤاله الغبي
 لأول مرا الكلام يضيع منـو 
 لازم يسيرو يتعاملو مع ترف وكأنها من بيئه تآنيه 
 يتقبلو كل حيآتها وهما ساكتين غصبا عنهم 
 واحد يقوله انا اعرف اختك !
والمفروض يمشي الموضوع 
 واللي شافعله انو يبا يتزوجها 
 طيب ترف اختارت الانسان الصح !!!
يحس بتشتت وجا الموضوع بوقت غلط !! بوقت هوا مافراسه الا ايش حيسوي مع قآسم بكرا 
 تآمر يهرج بشويش وبكلام ماتوقع في يوم يقوله : دام هيا قالتلك موافقه فاأنا اكيد ماعندي اعتراض
 براء بجديه : هوا سامي حيرجع !
تآمر مع السؤال حس قلبه طآآح 
 كدا قالها باسلووب شككه بنفسه 
 سامي حيقدر يرجعه 
 حيقدر يوفي وعده لترف !!!
تآمر عقد حوآجبه : ان شالله !
براء سكت وبعدها قال : اسمع ... انا عارف اني بتعدى حدودي لكن انا متأكد لو سامي مارجع بكرا ترف حيسرلها شي وماحتقدر تستحمل 

 الوضع ..اذا من دحين وفكره بس انو ماحيرجع يدها ماتقدر تحركها وبتجيها اعراض غريبه لو فيه شي كل اللي اطلبو منك انك تخليني في 

 الصوره انا ماأبى اللعب على اختك وربي عالم بنيتي ولايهمني الا إني اسعدها
 جريئئئئئئئئئ
 جرأتـــه موتره تآمر
 جرأتـــه مخليه تآمر مو عارف ايش يرد عليـه 
 جريئ بس محترم اسلوبـه 
 تآمر للحظه بين نآرين 
 يقول لوآحد غريب متصل يقولو ابا اختك ايش حيسوي 
 ولا يقفل مننو وخلاص
 لحظـــه تفكيـر 
 لحظه تــردد
 ايوا هوآ رايح يستفز قاسم 
 حيستفز قآسم لين مايخليه يرفع مسدسـه لأنو متأكد قآسم حولينه رجآله مسلحين 
 يباه يتمسك بقضيـه تسجنـه ومافي غير انو يهددو باأخته 
 عشان ينعمي 
 بلع ريـقه لو مآت وتميم ماقدر يسوي شي !
وليث ماقدر يسـوي شي 
 هل دا الانسآن ممكن يوقف جمب اختهم !!
لو سآمي ماقدر يرجع !!!
ايش حيسير بجد لترف !!!
كآنو متمسكين برجولتهم ورمو اختهم ...وحاليا ماحيقدر يعيد نفس الموقف 
 لازم يتنآآزل
 اللي بيمر فيه اكبر من انو يخلي غيرته على اختـه تعميه 
 قال بتردد : مستعد توقف معاها حتى لو سارت سيرتها على كل لسآن ؟!!
براء انفجع من الجمله وتااامر قلبه يدق بسـرعه 
 بيسوي شي صح ولا غلـط !!
بيأتمن واحد غريب على سره عشان تـرف
 لأخر لحظه حيعيشها حيسوي اي شي عشان ترف 
 براء : سيرة ايش بزبـط ؟!!!
تآمر سند جسمه على الكرسي : شووف انا مابى اتكلم معاك بتفآصيـل بس شي واحد ابا اعرفو لو ترف انفتحت قضيتها تآني والكل سار 

 يهرج بسمعتها انتا ايش حيكون موقفك ؟
 براء : حتنفتح القضيه على اي اساس !!!
تآمر : على اساس انها مظلومه
 براء : دقيقه دقيقه انتا بكرا حترجعلها سامي ولا لا 
 تآمر بيحااول مايركز وبيدقق بموضوع براء وعلاقته مع ترف وبيهرج : ان شالله 
 براء فتح باب السياره ونزل اتوتر بس من فكره انو سآمي ماحيرجع 
 ايش حيسيررررر لترف : ايش حتسوي بزبـط
 تآمر : شووف كل اللي اباك تعرفو انو ترف حتدخل على مواضيع كتير وحيرجعو النآس يتكلمو اكتر من زمآن لأنه الموضوع فيه قاسم داود 

 اذا انتا مو قد دا الشي فاأسحب نفسك لأنو بكرا حيكون ثقيل على الكل 
 براء سكت بصدمــه 
 بكررا !!!
لو الكل هرج عنها متأكد انو اهله حيوقفه بطريقـه 
 الناس حيسيرو يهرجو عنها على الاقل يكون وراها سندد 
 زوووج 
 مايبى يكون وضعه دا اللي يتفرج عليها من بعيد ومالو حق يفتح فمو 
 ولا يقرب منها 
 عارف انها حتسحب نفسها 
 عارف انو احتمال تكنسل فكرة الزواج كلها 
 مزآجيـــه 
 ودا اكتر طبع يكرهه فيـها : ترف ماحتدخل على دي المواضيع الا وهيا على ذمتي 
 ردد فجــع تآمر
 فجعه بشكل مو طبيعي !!!!
دي اللحظه اتأكد بجد انو الانسان دا غايته شريفه 
 بس مهما كآن الموضوع صعب عليه 
 تآمر : الموضوع بقولك بكرا !!
براء رفع يده وهوا يطالع في الساعه واتكلم باارتباك : اسمع لو قدرت اقنع ترف انو أملك عليها بدي الساعتين انتا موافق ؟!!! _ 

ماجالو اي رد من تآمر مصدوم رجع براء اتكلم _ انا شااري اختك وربي ماباها تعاني مابى احد يهرج في سمعتها لما يكون وراها زوج 

 مو زي لما تكون وحده مالها احد _ اتراجع عن كلامه _ والنعم فيكم متأكد انكم ماتقصرو بس في النهايه دي بنت ..زوجها دي الكلمه 

 اللي حتخلي الكل يسكت 
 تآمر مايتخيل انو فيه انسان بعقله ممكن يسوي دا الشي
 مجنننون !!
دا اللي يقدر يقوله عنـه 
 ولا ربي بيعوض اختـه المظلومه في انسان يحبها بالجنان دا!!!
بيعوضها بواحد يبا يتزوجها عشان سمعتها تكون من سمعته !!!!
كم رجآل بدا العالم ممكن يسوي حركه كدا !!
واحد ولا اتنين ولا عشـره رجال من بين المليارات 
 تآمر مآزال ملامح وجهه تدل على تفآجئه من دا الانسآن !!!! : مدددري 
 براء : ماعليك قول موافق وانا حقدر ادبر المأذون وححاول في تـرف لين ماتوافق
 تآمر بدأ يشك اكيد الرجال دا عندو مصآيب !!!
لايروح يورط اخته باإنسان مو طيب هيا مو ناقصه 
 مو قادر يقتنع انو انسان طبيعي !!!

 " رجــوله أم لحظــه جنان ..؟؟ "


تآمر بتردد : والله مو عارف ايش اقولك 
 براء : يااخي كل اللي اطلبه منك انك توافق انا اباها زوجه ليا ابا اكون واقف معاها لو لاقدر الله سار شي 
 تآمر يمرر يدو على جبينه قرااار صعععب ..صعب انو ياخدو لوحدو: دا زوااج تباني احدد مصير اختي بثواني 
 براء : انتا ضامن بكرا ايش حيسير ؟! سامي حيرجع ولا لا ؟؟ الناس ايش حيقولو عليها ؟!؟ تباها تمر بدا كلو لوحدها _ كآن تامر 

 بيهرج الا براء قاطعه _ ولاتتوقع انو ترف حتخليكم في حياتها لو مارجع سامي انتو اخر نآس تتمنآكم لو سار دا الشي ...ماحسيبها 

 تعيش دا كلو لوحدها انتو فتحتو عليها دي الابواب كلها من البدايه ودحين راجع تعيد نفس الموضوع والقضيه كلها وتقولي مو قادر 

 تحدد مصيرها بثواني اجل انتا ايش رايح بكرا تسوي ؟!!!!...انا عارف انك ماتعرفني لكن اختك عاشت عشره سنين ومالقت شخص يثق فيها 

 فماستحيل تدخلني بحياتها ولا تثق فيا بدون سبب مابقولك احكم عليا بقولك فكر بقرارها هيآ وانتا حتقدر تجاوبني ترف عقلها مو 

 صغيـر 

 كلامــه شتت تآمر 
 خلاه بجد يفكر بعقل تـرف واسلوبها 
 وقال بكل صعوبـه : اتصل عليا لو قالت موافقه 
 سند جسمه تآمر على الكرسي وغمممض عينننه 
 موقـففف مجننووون 
 بس مؤخرا كل اللي بيسير معاه جنآآن 
 يكفي انو بكرآ بنسبه له احتمال يكون اخر يوم يمر علـه ... 


 وهنـآ براء قفـل من تآمر وقبل لايتصل على تـرف سار يكلم واحد من اصحابه في الوآتس
 رحييم صاحبه يقدر يملك ومؤذون .. 
وبعدها اتصـل على ترف ... : كيفك 
 ترف جالسه في الصاله بملامحها اللي طآغي عليها البكى .. : تمآم
 براء :شوفي انا سويت شي مجنون 
 ترف عقدت حوآجبها : اللي هوا
 براء : كلمت تآمر
 ترف وسعت عينها وقالت بخوف : تمززح صح !!!
براء : والله ماقدرت اتحمل وكلمتو 
 ترف وقفت بصدمه قالت باارتباك : برااء بلا جنان 
 براء : من النهايه قلي لو ترف موافقه هوا ماعندو اعتراض 
 ترف سكتت لساته وجهها طاغي عليه ملامح الصدمه بس ضحكت وقالت : بتمزح معايا انتا ؟!
براء : لا والله بجد دوبي مقفل منو 
 ترف قلبها بدأ يزيد دقآته وبراء كمل : بس هوا عندو شرط واحد قلي اسئل ترف اذا موافقه ولا لا
 ترف ولا علقت استناها تعلق بس لما طوال سكوتها اتكلم : هوا بكرا حيجبلك سآمي ومسافر فاعادي دحين نملك ؟
 ترف على نفس الصمت وبعدها ضحككككت : هههههههههههه والله فجعتني يابرااء 
 وجلست بكل هدوء على الكنبـه والابتسامه على وجهها 
 براء بنبرتو الجديه : طيب متى حتستوعبي ؟
 ترف عارفين الابتسامه المفجوعه دا اللي مرسوم على وجهها : ايش بك ؟!!
براء : من جد بتكلم
 ترف بشك : انك كلمت تامر ولا انو قلك دحين نملك 
 براء : الاتنين 
 ترف : ههههههههههههههههه طيب طيب
 براء : هههههههه ترف والله مابضحك وربي كلمت تآمر ووصلت معاه لإتفاق اني اقنعك لو رضيتي هوا ماعندو مانع
 ترف فصلت ضحك : ههههههههههه براء من جدك !!!
براء : ايوا !!
ترف : هههههه تستهبل ؟!
براء : والله ماأمزح ولا استهبل ومررا من جدي ايش كمان اقولك عشان تقتنعي
 ترف بدأ تروح ابتسامتها تدريجيها : يعني على باالك حرضى 
 براء : وليش ماترضي
 ترف رفعت حواجبها الاتنين : اول شي سامي ماتكلمت معاه في الموضوع وتاني
 براء قاطعها : سامي انا اللي حتكلم معاه 
 ترف بتصرف الموضوع : خلاص لما يرجع وقتها يسير خير
 براء : لااا ماحتصرفيني ايش خسرانه انتي ليش ماكوني حلالي واخرج وادخل معاكي براحتي اوقف معاكي لو تبيني ليش مصممه تعذبيني 

 واقعد بعيد اتفرج علييكي
 قلبها سار يدق بسرعه من جدو مررا من جدووو : برااء لاحقين على دا الموضوع 
 براء : لا مو لاحقين انا تعبت نملك ولو ولدك جآ نتكلم معاه بشويش لين مانقنعه ماحنغصبه على شي ...وفيه شي تآني _ كذب _ قاسم مو 

 مرتاح انو ولدو يرجع ويعيش معاكي بدون رجال
 ترف عقدت حوآجبها 
 قآسم يباها تتزوج !!!
قاسم يبا ولدو يرجع !!!!
ليش الكلام مو منطقي !!؟
 معقول السنه والنص اللي بعدتها عن قاسم سار مايبى يحرق قلبها 
 سار فعلا يبا يهتم بولده !!

وضغط عليها براء من دي النآحيه ولما حسها بدأت تاخد وتدي بالموضوع 
 سار يقولها كلام مانقآل من الاساس عن قآسم بس من اسلوب تآمر عرف انو في مصيبه جآيه 
 ومستحيل يخليها 
 بدأت تتغير نبرة صوت ترف
 خوفها انو قآسم متردد وخايف على حياة ولدو معاها 
 حاولت تتنآقش وبراء على قد ماقلبه يوجعه وهوا يسمع صوتها يتغير وقاعده تبرر
 وانو حتهتم بسآمي على قد مو حآسس لا حيضغط عليها حيخيرها توآفق ولا سآمي ممكن مايرجع بكرا 
 وبس قآلت طيب قفـل منها وادى خبـر لتآمر ....


لحظـه غريبــه كآنت تمـر 
 براء راح لبيته فجر القنبله على اهله امه عصبت ابوه ا نفججـع 
 بس حاول يرضيـهم سلم على راس امه قال لأبوه دا قراري 
 كدا ولا كدا انتو ماتبو الموضوع ينتشر خلاص خلونا حاليا مملكين بين بعض 
 امه ماعجبها الوضع 
 ابوه ماقدر عليه عارف انو حيسويها يعني حيسويها دام وصل لدي المرحله 
 فأختار انو يسكت 
 سلم على راس امه وخــرج 
 جلسو الاتنين بذهووووول ..!!!!
مع انو كآنو راضين بالموضوع بس بطريقه الموضوع اكيد ماحيرضو .. 
امـآ تآمر شعورو غبـي .. مو عارف ايش اللي بيسويه 
 بس بيحترم قرار ترف وبجد شي طيـب انو جمبها حيكون رجآل وزوج 
 راح تآمر للمكآن اللي حددو براء في بيت المأذون نفسـه 
 واتنين من اصحابه 
 اول ماشاف براء حس براحه شكلو مريـح خايف انو يبيع اخته بدي السهوله 
 الموضوع بكبرو حاسو اصلا كأنو بيع وبدي السرعه 
 وبـس تم العقـد وخرج تآمر وبراء معاه الا قلو : صدقني حهتم فيها 
 تآمر من وجهه باين انو مضآيق
 مايبى يرخص بترف : انا سويت دا الشي لأني خايف عليها ولا هيا ماتستاهل انو تملك عليها بدي الطريقه 
 براء : عارف قدرها اكبر من كدا لكن كل همي انو اقدر اوقف جمبـها 
 تآمر سكت عينه على براء 
 يتمنى احساسه مايطلـع غلط 
 يتمنى انو دا هوا اللي يعوض اختـه قال بخوف : اختي امانه في رقبتك


 وبـس مشيـو وتـرف في البيت تحووس 
 ياااربي ايش سسووت !!!!
اصلا اتصال تآمر وانو يآخد رايها دا الشي لوحدو كآن حيوقف قلبها 
 وجا اخد بطآقتها واول ماشافتو كآنت تشتت نظرها عنو 
 راحت لغرفه نومها جلست على السرير 
 خرجت تطالع في الساعه اللي في الصاله 
 اتوجهت للمطبـخ تشرب مويا 
 دخلت الحمام تستحمى عشان يمر الوقت 
 خرجت غيرت ملابسها 
 جلست على الكنبـه 
 قامت وبيدها الجوال ونفسها تتصل على براء بس مو قادره 
 لحظآآآت تقيـــــله !!!!
تحوس حولين نفسها تبا الوقت يعدي بس مو راضي 
 لين مادق الجــرس وقلبها طآآح 
 كيف كيف حتطالع بتآمر دحين 
 اتوجهت للبآب ويدها تتننافض 
 فكتو ولانت ملامحها 
 مبتسسسم من قلبه : هلا يامرتي
 فجععههها 
 وجهها حممر دقات قلبها سريـعه نفسها تقفل بوجهه 
 بكل ثقــه جآ على طوووول ..!!!
 : ماحتقوليلي ادخل
 ترف ماسكه الباب وتطالع فيه
 ليش صنمت مو عارفه 
 براء : ترف !
ترف : ها 
 براء : حتخليني واقف !
ترف وجهها حممر ..خلاص ينفع يدخل دحين !!! دا زوجها !!
ايش الجننااان الللي سار دا !!!!
براء ضحك على تنآحتها : ترررف !!!
ترف : ها
 براء لما عادت الكلمه مات ضحك : ههههههههههههههههههه ايش بكك !!!
ترف من ضحكته تحس انها فاقت : ولا شي
 براء : طيب ممكن ادخل وتجيبلي مويا ولا صعبه 
 ترف : ايوا تآمر ممكن يجي
 براء : هههههههههههههههه قلتلو اني جيك عادي يجي يقعد معانا
 ترف رفعت حوآجبها الاتنين 
 لا مااااتبى !!!!
وهوا رجع يضحك : هههههههههه امززح ماحيجي 
 تبا تبكي لأول مرا تحس بدا الاحراج 
 لسانها تقيـل جسمها تقيـل 
 تبا ردة فعل اشرلها : ممكن ادخل !!!!!!!
ترف فتحت الباب وهوا دخل ...وهوا اللي قفل الباب وعينه عليها ومبتسم 
 قالت بخوف : براااء !
قرب منها وحضنها وهيا الصدمه طاغي عليكي اتنهد بصوتـه : حاسس اني بحلم 
 لحظــآت غريبه انو يدخل ويقعد في الصاله وياأشرلها تجي جمبو 
 انو قاعد في نص بيتها وعاااادي 
 انو تجلس ويمسك يدها ويدو يمررها على شعرها 
 نظرتو لوحدها وترتها 
 قلها الكلام اللي في نفسو 
 قلها انو يحبها ويبا يكون جمبـها انو حيعوضها 
 وموضوع سآمي متكفل فيه وحيقنعه .. 
قلها كلام خلاها تبـكي وبـس وسند جسمو على الكنبه وخلاها عليــه لييين 2 الليل 
 ووقتها مِشــي ... 
كآنت لحظه بنسبه ليها عمرها ماحستها 
 الحنآآآن ...الأمــآن ... راااحه انك في حضن شخص عارفه اننو يعشقك .. 
بس اول ماخرج 
 هيا بدات تجيها الضيقـه 
 بدأت تحس انو فيه حآجه 
 معقول قآسم دا اللي يباه 
 ولدها كويس ولا لا !
حاولت تنآم وصحيت بعد نص ساعه ودموعها بعينها اخدت القرآن وتقراا وتبــكي .. 

 ____________________________

حاليــآ نــرجع للوضـع الطبيعي وهوا الصبـآح .. 


في الغرفـه الخاصه بالمستشفى ... 
تتكلم وهوا يطـآلع بملامحها .بتعابيرها .لما تبتسم ..لما تعقد حوآجبها 
 وكل اللي يجي في راسه جنآن برااء 
 هل ممكن الحـب يخليك تخرج عن مبادئك وافكارك اللي بنيتها طول عمرك 
 تآمر اللي يتفلسف عن البنت اللي يباها 
 اليوم معجب بوحده عآشت في الشوارع 
 كيف قآدر يرضى بدا الشي مو عارف !!!
يطـآلع فيها ويبا يعرف ايش الشي اللي مخليه متمسك فيها 
 مو سطحي عشان الجمآل اللي يجذبو حولينه كآنت الف بنت 
 لا دي جاذبتو بطريقـه مخليتو مو عارف ايش يبا منها
 بس ينبسط لما توقف جمبـه 
 على قد ماقلبه يوجعه لما يشوفها تبـكي 
 بس سار يحب انها توقف قدآمه وتبكي عشان يقول اللي في قلبه 
 عشان في ديك اللحظه دآيما يقول اللي يحسه ووقتها يستوعب ايش يبا 
 موقف برااء خلاااه يتمسك بالاحساس دا
 انو يمسك يدها ومعنى كلامه لاتروحي دا ماجا من فرااغ
 بس مايبى يجرحها ودا اللي مخوفه 
 مخوفه انو تكون بس مسأله اعجآب وحزنآن عليها 
 هيا ماتستاهل دا الشي 
 اللي بتمر فيه يكفيها 
 بيفكر والابتسامه تترسم على وجهه اول ماتبتسم 
 وتختفي اول ماتعقد حوآجبها وتحكيه موقف مستفز 
 مين يصدق انو دي نفسها اللي كآنت قبل كم سآعه منهاره وتبكـي .. 
ودحين تضحك !!!
نفسو يعرف من جوتها ايش تحس
 هل معقول بتضحك من قلبها 
 ولامجرد قنآع حاطتو تصبر فيه نفسها وبتغير جوها بكلامها السطحي 
 ضيقت على عينها وقالت بشك : انتا معايا ولا اقوم امشي
 فااق من من كل الافكآر : لا لا معاكي
 روان رفعت يدها وبترجع شعرها ورا اذنها : متى حتخرج من المستشفى 
 تآمر : لسى مدري
 نزلت عدسة عينها ليدها تسئلو ولا كدا حتفتح لنفسها ابوآب
 تسكت وتمشي وخلاص .!؟؟!
لا تبا تعرف 
 رجعت طالعت فيه : فاكر لما دخلت المطبخ وانتا تتكلم بالجوال
 تآمر عقد حوآجبه وروان كملت : عند ترف
 تآمر طبعا اتذكر يتذككر كل موقف سار معاها : ايوا ؟
 روان قلبها يدق بسرعه حست انها اتورطت : خلاص ولاشي
 تآمر يطالع فيها ومو احسن منها عرف ايش تبا تعرف 
 ليش تبا تعرف ؟؟!
دا اول شي جا في باله 
 حيعلق بنت النآس وهوا مو داري ايش يبا 
 لحظه صممت 
 مع انها ماكملت بس اتوتره الاتنين 
 وكأنهم مو عارفين ايش يبو من بعض 
 وكل واحد يبا يتقدم خطوه بس بنفس الوقت يبا يشرد من دا الاحساس 
 سحبت نفسها من على السرير ووقفت : انا اتأخرت 
 تآمر : دوبك جيـه 
 روان باارتباك : خلاص اجيك بوقت تآني
 تامر : ايش عندك ؟
 روان مو عارفه فين حتروح : بدورلي مكآن اشتغل فيه 
 تامر : مايحتاج تشتغلي عندك اخ و
 روان قاطعته : ماحب اعتمد على احد
 تآمر : فين تبي تشتغلي طيب ؟
 روان رفعت كتفها : مدري حشوف في الاسواق 
 تامر رفع حوآجبه : مالو دآعي ياروان 
 روان سكتت وبعدها قالت : ايش اللي مالو داعي بزبط ؟ الشغل مو عيب 
 تامر : ماقلت انو عيب بقولك مالو داعي 
 روان دخلت جوالها في جيبها وقالت من غير ماتطالع فيـه : انتا سئلتني ايش حتسوي ورديت عليك - طالعت فيه _ المهم ان شالله تكون 

 احسن لبكرا 
 تآمر : يعني رايحه ؟
 روان يضيع الكلام منها وتسكت للحظآت وترجع تتكلم بتوتر : ايوا طبعا انتا زي البقيه كل اللي حتفكر فيه ان
 تامر قاطعها : انا مابفكر زي بقيه النآس ابا مصلحتك لاتعيشي الحياه اللي ابوكي اداكي هيا 
 روان كانو اداها كككف قالت بحده : لا تتتتقول ابووكي 
 تامر ماحس لما نطق الكلمه عاد صياغه كلامه : لاتعيشي نفس حياتك الاولى 
 روان تبا تبكي : ايش تباني اسوي ؟ فين اشتغل بزبط قولي ها وحده زيي فين حيخلوها تشتغل وايش تشتغل بزبط 
 تآمر : فيه مية شغله خلي اخوكي يساعدك حا
 روان قاطعته : مااابى اطلب من احد 
 تاآمر : مو طيب معاكي ؟
 روان : برضو ماحطلب
 تآمر : حتعاندي يعني ؟
 اول جدددال بينهم 
 روان :ماحعاند حعيش الحياه اللي انا اباها حرجع لنفس الاسوواااق وحعيش نفس الحيآه .. داك المكآن اللي احس فيه براحه 
 تآمر : محد يرمي نفسو بالنار ويقول انو مرتاح 
 روان : انا مرتاحه بقولك 
 تآمر عكسها يهرج بهدوء مو عشآنه هادي بالعكس متنرفز من عباطتها بس تعببان : ترا حنقعد نهرج طول اليوم انتي اكتر وحده شوفتها 

 كذابه 
 روان فجأه لانت ملامحها 
 تامر : روحي لنفس حياتك الاولى واتذككري كل شي مريتي فيه عشان تعيشي بنفس القوقعه ..دمري نفسك بنفسسك كنتي تقولي لترف لاتنتحري 

 إنتي قاعده تسوي نفس اللي كانت تبا تسويه بس بطريقه تآنيه 
 كلامه دااايمما يريحها 
 بس لأول مرا واقفه قدامه وماتبى تبكككي 
 بلعت ريقها 
 كاسرتوو نظرتهاا 
 حاسس بنغزآآت جوته وهوا يتأمل نظرتها 
 بس ماحيطبطب عليها بدي المواضيع 
 روان : حسوي الشي اللي يريحني 
 تآمر : اها ! طيب روحي 
 روان ماتوقعت داا ردو ماتدري ايش تتتبا 
 كلامه اقنعها بس فجأه قلها رووحي
 قهرها 
 اصلا تنبا ترووح 
 ماتباااه حتى هوا 
 ماتباه لأنها سارت تحس انها تبآآآه 
 اصعب شي لما تشردي من مشاعرك 
 لما تشردي من مكآن تحسي فيه براااااحه بس متأكده انو حيكون مؤقت
 والاشياء المؤقته حتضرها وماحتضر غيرها 
 دموعها في ثانيه اتجمعت بعينها بس برضو ماتبى تبكي 
 دارت جسمها خارجه الا ناداها ووقفت : رووان
 طالعت فيه تباه يقولها شي 
 بس اشرلها على المنديل : جيبلي منديل قبل لاتخرجي
 نفسها تخصررره 
 نفسسسها تاخد علبه المنديل وترميها بوجهه
 راحت لحد المنديل وسحبت اتنين ومن بعييد مدت يدها 
 ووسعت عينها لما ماسحب المنديل سحبها من يدها وقربها للسرير وقلها باأمر : اجلسي ولاتستفزيني
 ايش حس بدي اللحظه وهوا يسحبها 
 بلحظظه ألم باين على التجاعيد اللي سارت حولين عينه بس كمل كلامه بنرفزه 
 ليش اتدخل ..؟
 عذره لأنه هيا مدخلته بحياتها 
 روان مرا انفجعت شاده عى يدها وتطالع فيه بصدمه : سيبنني
 تآمر بااسلوب حاد لأول مرا يكلمها فيه : بقولك اجججلسي
 قلبها يدق ورا بعض قالت بضعف عكس شخصيتها : انتا اللي قلتلي روحي
 تآمر : كنت اباكي تبكي
 روان انصدمت زياده بس مالحقت تعلق لما ساب يدها يدها وقال : مااعرف اتعامل معاكي الا وانتي تبكي اسلوب النرفزه واللي ماتبي 

 تسمعي الا كلامك مايمشي معايا وماأطيق اتناقش مع وحده ماتسمع 
 جفــــص
 بس دا اسلووبه 
 حنون معاها لو بكيت 
 متعاطف اكيييد مع كل شي بتمر فيه 
 بس لو تبا تسوي مجنون حيكون مجنون 
 وفعــلا طلع دا الاسلوب اللي يمشي معاها 
 ضمت يدها تحت صدرها 
 شتتت نظرها عنـو 
 ماتكلمت بس بنفس الوقت ماخرجت 
 قال تامر بهدوء :لاتحكيني شي مستفز وتتوقعي اني ماحديكي رايي
 روان على طول طالعت فيه : انتا ماديتيني رايك انتا بتغصبني
 تآمر : لأنك مو راضيه تسمعي لو هجدتي وفكرتي حتستوعبي بس سايره تبي تمشي وتسوي اي شي بدون عقل
 روان بحده : مني مجنونه انا عشان امشي بدون عقل
 تآمر ساند جسمه على المخدات زفرر وهوا بيحاول يمسك نفسه وبعدها قال : روان لاتتكلمي معايا بدا الاسلوب
 روان : انتا ليش بتدخل ؟
 تآمر : وانتي ليش بتجيني ؟
 كل وآحد رمى سؤال بدون مايفكرو فيـه 
 مين الأجرء فيهم ..طبعا روآن .. 
قالت بقهر وبصوت مهزوز : عشان ماعندي احد يسمعلي 
 تآمر بنفس هدوئـه : تبيني اسمعلك وبس وماديكي رايي من بعد اليوم ؟ 
 قالت بتردد : لا 
 تآمر : طيب ياروان اهدي ولاتتكلمي بعصبيه انا مو ضدك لكن ضد الشي اللي تبي تسويه ابا مصلحتك مابى اضرك 
 روان اشرت براسها يعني طيب 
 وهوا ابتسم بتعب ناااحلته ولو تدري قد ايش تعببان ماكان فكت فمها بكلمه 
 اشر براسه : تعالي اجلسي _ ماتحركت قال بقله حيله _ يلا ياروان تعالي 
 قدمت خطوتيـن جلست على السرير غمض عينه وقال : بديتي تطلعي على حقيقتك 
 ابتسمت بين دموعها اللي بعينها : وانتا كمان 
 تآمر : صدقيني حتكرهيني 
 تطالع فيه وهوا مغمض عينه وشكلو يبا ينام : وانتا حتكرهني 
 فتح عينه وابتسملها ورجع غمضها تآني 
 وكآنت دقــآيق ودخل في نووووووووومه بعد نقآآآآش متعب مرهق بنسبه له ... 
تتأمله وهوا نآيم .. وقلبها يدق بطريقه غريبـه 
 كآنت تبا تشرد وتقوم واول ماتحركت وكآنت حتنزلو قال بصووته النآيم : خليكي
 وقفلـــهاااا قلللبها 
 صنمتتتت في مكآنها 
 بلعت ريقها وجلست زي ماطلب 
 بس دقايق وسارت دموعها تنزل بصمممت 
 نفسها تقولو خلاص لاتعاملني زي كدا
 بدأت تحب اسلووبه 
 وكلامه 
 تباه هوا لما تزعل 
 تباه هوا لما تبكي 
 ماتبى احد تآني ... 
مرت نـص ساعه وقآمت مفجوعه لما دخل تميـم 
 هوا انفجـع اكتر منها كآن بينسحب بس ماقدر 
 وقفت وابتسمت بهدوء 
 مستحيه لأنها ككآنت تبكي بس 
 بس مو شايفه انو فيه شي تاني يخليها تستحي 
 مررت يدها بسـرعه على عينها : انا خارجه 
 تميم طآلع في تآمر اللي نايم ورجع يطالع في روان ابتسم باارتباك واشر راسه : طيب
 مشيــت وتميم نفسه يهببببد تآآآمر
 ايش قووووايه العييين اللي في دا الادمي 
 افرض ليث اللي دخل !!!
افرض احد عرف بالمووضوع !!!
والبنت مافيها اي ذره حيآآآ !!!
ماستحتتتت جالسه على نفس السرير !!!!
من متى اخوه كدا !!
جلس تميــم وحآول يخرج الموضوع من راسه جاي بلبس العيآده وقال لأمو رايح الدوآم .. 
رفع جوآاله وارسل رساله لرشآ .. 
 " مابى اتناقش في الموضوع لأنو انا تفكيري غير عن تفكيرك لكن كل اللي اعرفه اني احبك 
 وحنوصل لقرار يرضي الطرفين مو حابب انكد على نفسي بدا اليوم اللي مستنيه من يوم ماشوفتك 
 انا احبك ياارشا واسلوبي امس بسبب الضغط اللي عايشه اعرف اني مابحكيكي بس خلي موضوعنا يتم 
 ووعد مني اني اعوضك عن الايام دي اللي بتمر.. انتي في بالي طول اليوم يكفيني بعز انشغالي لما تجي في بالي واحس كل شي يهووووون 

 عليا .. احبك ياعيون ريري "


في غرفتها شايفه كلامه من براا بس مو راضيه تفتح المحآدثـه 
 مقهوره منـو 
 دوبه فكر يتكلم والله واعلم ايش كاتب
 رمت جوآلها 
 وغطت نفسها باللحاف
 جايين اهله يشوفوها وهما متضاربين 
 ايش فيه نكككد اكتر من كدا ... 
تحاول تنام مو قااادره 
 اصلا متوتره خلقه من انو حتوقف قدام امـه ... 


تميم كتب كلامـه ورمى الجوال جمبـه ..سند جسمه وهوا يطـآلع في تآمر .. 
لين دحين ماحددولو موعد خروج 

 امـآ في بيـــت امــل 
 طلـع الصباح وليث مارضي ينام في غرفه النوم 
 جالس بالمجلس لوحده اشعه الشمس هيا اللي منوره المكآن .. 
ساند جسمه على الكنبـه وعينه وملامحه كلها منفخه من كتـر البكى 
 راسـه بينفجر
 مو قادر يغفاله عيـن 
 كل شي مر قدآم عينـه
 يهدى شويـآ ويرجع يبـكي
 اتذكر لما ترف جاتهم البيت بعد ماأخد قآسم سآمي
 قد ااايش كآن وووقح وهيا تبكي وتصرخ وهوا يضحكك
 كلمـتها وهيا تقولو الله يحرررق قللبك
 قلللبه محروووق 
 مالو عين يوقف قدامها

 امـل نامت على الكنبه اللي في الصاله بدون ماتحـس .. صحيت وراحت لليـث
 اتنهدت بضيق لما شافتو على نفس الضعييه 
 بدأت تخاف ونفسها تعرف ايش بوو 
 بس ولا كلمـه نطقها 
 اتوجهت بخطوات هاديـه بااتجاهه 
 جلست جمبـه 
 مررت يدها على ذراعه : حبيبي اعبيلك فطور 
 ليث اشر براسه بدون مايعلق : مايسير ياقلبي تسوي كدا بنفسك مافي شي يستاااهل
 سمع جملتهاا 
 شويا ودموعه نزلت 
 ايش اللي مااايستاهل !!!
طالع فيها وقال بصوت يادوب طلع منـو : خدي الاولاد وروحي لأهلك 
 امل انفجعت : ليش !
ليث رجع دار راسه وطالع قدامه : ابا اقعد لوحدي روحي اقعدي عندهم يومين 
 امل : ماحسيبك دانه واحمد حيجلسو بغرفتهم ولا حيخرجو ماحخلي احد يجي هنآ ... 
ليث سكت وماعلق
 امل : قولي ايش بك تميم ايش قلك 
 رفع يده ومسح دموعه والجموود طاغي عليه 
 يرمش بهدووء 
 واحد تعب من البكى 
 من الندمم 
 والندم جآ بوقت متأخر 
 قال بتردد : ترف مظلومه ...ابو الولد كآن يهددها ويهدد ابويا وخلوها تقول انها ماتعرف مين الاب _ طالع في امل وقال بكل ضعف _ 

كنت حقتلها والله كنت حقتلها 
 امممل مفجووعه اكتر انسانه كمان بتعاني من موضوع تـرف
 زوجها راااح منها بسبب دا الموضوع 
 تطالع فيه مصدووومه 
 وقلبها يدق بسـرعه : كيف عرفو 
 ليث سكت وبعدها قال : كآنو رجآل احسن مني وراحو يسمعولها ! 
دموعها بعينها مو مستوعبه الكلام 
 دوبها عذرت لييث دوبها فهمت ليش منهار ويحقلــه !!!
اذا هيا بدأت تحس بوجع بقلبها 
 مو عارفه تررف ايش مرت بس عارفه انها انسجنت ديك الفتره لكها 
 ديك الطفله اللي بعيون الكل 
 اللي فجأه سارو يهرجو عنها بكلام مايدخل العقــل 
 طالع فيها ليث من نظرة امل انكسر زياده قال بكل ضعف : اخرجي ياأمل مابى اشوف احد ..أخرجي واقفلي الباب 
 كآنت تبا تهديه بس ماقدرت هيا تبا تهدى 
 اشرت براسها ودموعها محبوســه 
 مشيت بخطوات مهزوزه واول مماقفلت الباب دموعها نزلت 
 رفعت يدها اللي تتنافض لفمها وبتكتم شهقاته 
 اتوجهت لغرفتها وبكككيت من قلبببها 
 حرررام حرررام فين حيروحو من ربببهم دول
 ايش سوو باأختهم 



 امـآ تــرف كل العالم بين يدها حآليــآ 
 متزوجه من اكتر انسان واثقـه فيه 
 وولدها في حضنها 
 سـآمي بنرفزه سحب جسمـه لطرف الكنبه : ماما خلاااص 
 ترف : ههههههههههههه طيب بسئلك انفآل ماكلمتك 
 سامي طالع فيها مفجوع وهوا دوبه شاحن جواله ومشغله : والله لاأدخل غرفتي
 ترف : حفصل عليك النت 
 سامي وسع عينه وقال بتصريف : ماما ممكن تسويلي حلى مشتهي مرا حلى 
 ترف : مافيا حيل
 سامي عارف انها تبا تطالع في جواله : حتقعدي كدا لمتى ؟
 ترف رفعت كتفها من غير ماترد وهوا طفى الجوال ورماه قدامه : هاا ارتحتي 
 ترف : ليش ماتباني اطالع 
 سامي : ليش تطالعي يعني كلام بيني وبين محمود 
 ترف : من متى تخبي عليا 
 سامي : مابخبي عليكي الولد راسل كلام عن اهله مشاكل بين اخوه ومرته ليش اقولك
 ترف مرا انفجعت : ايش المشاكل ؟
 بدون ماتحس سئلت
 وسامي بتناحه رد : ماما مالنا صلاح هوا يفضفض ليا ويكره المشاكل الي تسير والله ماقرات حتى عدل ايش كآتب 
 ترف قلبها يدق بسـرعه : مسرع اصلا بدأ يحكيك 
 سامي : لا كآن يكتبلي طول دي الفتره وجوالي مقفل
 ترف : اها 
 حاولت تقعــد ماقدرت سحبت جوالها ودخلت الغرفـه 
 الغيره قاتلتها 
 ليش ماحكاها 
 ليش ماقلها شي 
 اتصلت عليـه على طول .. رد عليها وهوا نايم ومبتسسسم : هلا حبيبي
 ترف قالت بكل بجموود : اهلييين 
 عقد حوآجبـه : ايش بك ..؟
 ترف مو عارفه كيف تفتح الموضوع سكتت شويا وبعدها قالت : ميساا لسى بتتكلم معاها 
 براء : بتكلم معاها كيف ؟
 ترف : سؤؤؤالي واضح 
 براء : بنت عمي اكيد بتكلم معاها 
 ترف رفعت حوآجبها الاتنين : لا بللهه !!!!!
براء ابتسم : ايش بك حبيبي
 ترف دا وهيا بتحاول تمسك نفسها : شكرا والله لأنو عندي خلفيه عن الموضوع 
 براء : هههههههههههههههههه هوا انا بلحق اتكلم معاكي
 ترف بعصبيه : مااافي شي يضحككك طيب
 ترف قلبــت تميم 
 براء : هههههههههه حبيبي مابيني وبينها كلام الا لو شوفتها كيف السلام وانتهت الهرجه 
 ترف : وليش اخوك بيقول انك بتتمشكل مع مرتك اساسااا ليش يقول انها مررتك 
 براء لحظه صمت منو وبعدها مااات ضحك .. رفع جسمه ويضحكك 
 يضحك من قلببببه 
 وهيا مووولعه : برااء مابستهبل
 براء مو قادر يوقف ضحكك 
 اما ترف مقفله على نفسها الباب وجالسه على طرف السرير ووجهها وحده تبا مشااكل
 براء : هههههههههه اسمعي ياقلبي ...ميسا كل يوم حتسويلنا مشاكل الحياه معاها اكشن حننبسط 
 ترف وهيا تمط الكلام : لااا ياااشيخ انا الحركات الهبله دي مااحبها انتا عارفننني لو وقفت قدامي واتفلسفت ماحرحمها يابراء
 براااء يعششششششق لما تطلع المجنونه اللي جوتها : هههههههههههههههه ليش عشان تحبيني ؟
 ترف بنرفزه : لااا لأنو اسلوبها لايطااق مرا وحده شوفتها ومسكت نفسي بالقوه ماسويلها شي 
 براء : كآن قلتي ايوا وكملتي جملتك ماكان خسرتي شي 
 ترف ولا كانه كلمها : فهمني دحين ايش تبا دي بزبط !!
براء : دا محمود ايش قااال
 ترف بااستهزاء : اووه شكلو الهروج كتير لدرجه مو عارف من فين تبدأ
 براء : هههههههههههههههههههه ترف ايش بك !!!!
ترف حاولت تمسك نفسها : عصبتني من السيره الغبيه دي
 براء مبتسسم ومبسوووط مافي زيو اليوم : ياعمري والله مواضيعها هبـله تبانا نرجع وعارف لو رجعنا تبانا نطلق ميسا دي انسانه 

 متناقضه ومو عارفه ايش تبا بحياتها 
 ترف تعيد جملته : وعارف لو رجعنا تبانا نطلق .؟ يعني لو قالتلك تبا ترجع وماتبى الطلاق عادي !
براء : اول شي انا طلقتها بالتلاتـه تاني شي انتي شااربه شي اليوم ؟!
ترف فجأه حست بنفسها ليش موضوع انها مرتــه مخليتها 
 خلاص اندفااعيــه : المهم حخرج اجلس مع سآمي
 براء مبتسم : قلتيلو ؟
 ترف وسعت عينها : لا طبببعا 
 براء : ههههههه طيب سيبيه عليا انا حتكلم معاه 
 ترف قلبها يدق بسـرعه : لا وي اخاف يزعل و
 براء قاطعها : ماعليكي حجيب محمود يلطف الجو ومع عباطه محمود حيمشي الموضوع 
 ترف : تبا تطقطق على راس ولدي
 براء : هههههههه لا ياعمري خلاص ماعليكي بقولك سيبي الهرجه عليا 
 ترف : اباه يرتاح شويا وبعدين اتكلم معاه 
 براء : تمام مو مشكله ... شوفيلي وقت اقدر اروح لتامر اتصلت عليه مابيرد 
 ترف لساتها تحس نفسها بحلم ومو قادره تستوعب انو براء زوجها خلاص قالت بتوتر : جوالو معايا 
 براء : اقدر اروحلو باأي وقت ؟
 ترف : والله مدري انا نفسي كمآن اروح بس مابا سامي يرجع يشوفو دحين 
 براء : طيب ايش رايك اجيب محمود عند سآمي يشغلو ونروح مع بعض
 ترف قلبها بيخرج قالت باارتباك : مع بعض ندخل !!!
براء : ترف تراكي مرتي
 ترف تمرر يدها على رقبتها : يعني مستصعبه الموضوع 
 براء انهى الهرجه : شوفيلي وقت يافاصله انتي وحتقدري تستوعبي الموضوع مع الايام 
 ترف : انا مستوعبته بس مستصعبته فيه فرق
 براء : ههههههههههههههه ارحميني يااشيخه ترا صاحي من النوم ومافيا حيل افكر باللغز دا طيب حنروح مع بعض نزور اخوكي وخلاص 
 فهمتي ؟!
ترف سمعت صوت سامي : طيب سامي يباني 

 قفــلت منــه ...وبراء خرج من غرفته اتمطع من عند الباب وهوا مبتسم ... 
نزل لقـى اهله تحــت رمى جسمه على الكنبه ومازال مبتسم 
 بس ملامح امــه مرا مو زيو اول ماشافت كشـرت 
 ابـوه على جواله ولا طـآلع فيه 
 ومحمود مبسووووط انو سـآمي رجع ولسى ماعندو خبـر عن شي ..
براء : ايش ببكم ؟ _ ميل جسمو لأمه وهوا يهمسلها _ لساتك زعلانه 
 امه تدقه بالكلام : ليش ازعل مو دي حياتك وانتا حر فيها 
 براء : انا ماقلت كدا
 امه بنفس نبرة صوته بس تضغط على الكلام : لا بلله اجل اللي سويتو ايشش 
 براء : انا اخدت رايكم من قبلها وانتو وافقتو 
 امه : وتروح تخطبها كأنها وحده جايه من الشارع بيوم ولليله بدون اهلك بدون ناااسك 
 براء :مو انتو اللي قلتولي تبو الموضوع بيننا خلاص سار بيننا وجود ابويا يكفي 
 امه بقله صبـر : برااء خلااص لاتعصبني ولاتخليني اشوفها او اشوف ولدها دي الفتره كلها عشان لاأغلط عليها 
 براء : اللي تبيه ياأمي فكري في الموضوع عارف اني اتسرعت بس قلتلك انو بتمر بمشاكل 
 امه رفعت صوتها : كأنه احنا نااااقصين نتورط بمشاااكل النآس جااايبلنا وحده من
 زوجها طالع فيها وقاطعها : بسسس خلاااص 
 تتنفس بصوت مسموع من العصبيه 
 عماها براااء يوم ماخطبها خرج وهيا مو مستوعبـه انو من جدو ... 
واللي قهرها انو ابوه راح معاه !!! 
وقفت ومشيت بخطوات وحده معصبــه 
 اما ابــوه ماسار عـآرف اللي سار صح ولا غلــط 
 ادوه كلمـه انو اتزوجها 
 شاف بعين براء داك اليوم انو حيتزوجها بس كآن يبا رضااهم 
 مايبا يزعلهم 
 لكن عارف ولده زيــو 
 عارف انو دام وصـل لدي المرحله ممكن يروح يتزوجها ويحطهم قدام الامر الواقع 
 ماحب ينحط بدا الموقف وراح معــآه 
 مرتـه ماحتحب وهوا اصلا مو متقـبل اللي سار بس اللي كاسرو انو ولدو نسختو ونفس طبايعه ... 
يشوف نفسه فيـه 
 محموود سامعهم بس عينه على الجوال ويكتــب لسامي بحمآس 
 براء : ايش اسوي معاها ؟
 ابوه : سيبها انا حتفاهم معاها 
 براء ابتسملــو ... وهنا براء طالع في محمود : محمود تروح عند سآمي 
 محمود مستغرب الطيبه دي فجأه : اييوا ! ابا اشوفو .. 
براء : طيب لما اقولك اللبس قوم اتجهز على طول ولا تتاخر 
 ابوه سـآب اليل بيده وراح ورا مرتـه دخل عليها الغرفه وهيا واقفه قبال التسريحه 
 تشيل اي شي وترجع تحطو باين انو مو مستوعبه ايش اللي بيدها 
 قفل الباب وقال بهدوء : وبعدين معاكي 
 سابت على طول اللي بيدها بانفعال : لاتتتفتح معايا المووضوع 
 زوجها : حاولي تهدي مايسير كل ماشفتيه رميتيه بالكلام موضوع سار وانتهى
: مو عشان سار وانتهى اانا قلبي محروق انا مو طااايقتها مو طايقه حتى سيرتها 
 زوجها : دي مرت ولدكك يعني خلاص حلاولي تتقبليها حاولي تستوعبي انها وحده من العيله دحين 
: دددا اللي باقي ..في يوم ولليله لهفت ولدي وحطتو بجيبه ..وبيوم وليله اقنعتو بالزواج عشان تستر على نفسهها ...وبيوم ولليه 

 حتخرجني انا وانتا من دا البيت وتقولي وحده من العيله 
 زوجها : لاحول ولاقوه الا بللله انتي ليش بتظلمي البنت 
: دي خريجه سجون دي عاشت بين اسوء خلللق ربي وولدي جاي يستر عليها 
: براء مو طفل عشان وحده حتجي تستغفلو وتضحك عليه 
: لا طفففل اللي سواااه قبل يومين خلاني اعرف انو ماعندو عقــل لو ساار الكلام اللي قالو انا فين اروح من الناس ايششش اقولهم دي 

 خريجه السجون مرت ولدددي _ مسكت راسها بس لما اتخيلت الكلام _ ياأأأأألله في ايششش حطنننا براااء فين نروح من ميساا وامهاا آآآه 

 ياااربي
 زوجها عارف انو مو سهل الموضوع : الكلام اللي حيطلع حيبرئ البنت وولدك مأجور على اللي 
 قاطعته لما طالعت فيييه بعصبيه : ماأجوووور في اااايه فهممممني الناااس حيهرجو عنو مو عنننها
 الناس حيقولو اخد وحده ولد الوزززير مغتصبهااا ورموها في السجون وجاا ولدي الفااارس انقذها فهمنني فين الاجر بالموضوع 
:: استغفررري ربك ياااحرمه انتي اتجننتي
: ولددددك ماحيخلي فيا عققل حسبيه الله ونعممم الوكيـل



 وبتعــدي السـآعات ... 
هديــل مسدوحه على الكنبـه ودموعها تنزل على خدها بكل هدوء 
 روآن تمشي في الشـآرع ومو عـآرفه ايش تسوي بحيآتها 
 بشـآر على اليخت وبعيد عن عيون الكل ... الم وجع قهـر دا كل اللي يحسـه 
 تـرف روح وردتلها تطالع فيـه بس تختفي ابتسامتها اول ماتشوفـه مسرح 
 اول مايجي يحضنها فجأه ويبكي من غير سبب
 سـآمي ساعتين مبسوط ساعه يكتئب مرتااااح انو عند امـه بس ساير خآيف ويحس بالقلق مو عارف ليش
 لمــى على قد عدي مابيحاول يسعدها بس بتتكلم معاه وبالها مع تآمر وتميم ... 
تآمر بدأ يحس باألام غريبـه مخليتو مرهـق ومايبى يتكلم 
 تميـم تلات سـآعات وحيروح لأهل رشـآ صح ماردت عليه بس يكفي انو حيقعد مع اهلها ... 



بدأ اليــوم اللي حيكون مرهق للكـل ... 
الموآجهه 
 الاعتـراف 
 الهروب من المشـآعر
 الخوف 
 القلق
 لحظه الحقيقـه 
 ويتبعه الانكسـآر 
 هل يستطيعو الوقوف والمواجهه مرة اخرى ... ؟



 في ذالك المكـآن ريحه السجاير والدخان طاغيـه على المكآن ... 
تحرك رجلها بتوتر : خايفه خايفه تسوي شي زي اخر مرا 
 قدم لطرف الكنبه وهوا يطفى سجارته في الطاوله اللي قدامه : ماحيسير شي _ اخد الجريده ورماها قدامها _ بنتك طاايحه على بنك دا 

 ولللد جآسم ليا كم يوم اراقبها ماشالله عايشه في احسن مكآن وكمان معاه !!! لاتحسبيها شريفه االدمعتين اللي نزلتها لأنها مصدومه 

 لاأكتر 
: سعييد الولد مجننون كيف نضمنها انها ماتتكلم 
 سعيد : اووه ايش بكك حعدلك الموضوع الف مرا _ اشر على المسدس _ المسدس عندي اخلي واحد من رجاالي يسحبو من اي مكآن ونرميه جمب 

 جثه ومعاه مسدسه يعني غصبا عنها لما اقولها دا الكلام ماحتتكلم تقدر تحل الموضوع بهدووء وكمان انا حديها خيارين ماحضغط عليها 

..يابنت الناس ياترجعي لأمك .. ياتجيبيلها كل بعد فتره مبلغ محتتترم منوو 
 امها : مني مرتااحه دا واحد جر ابوه السجنن مو صعب يجرني انا وانتا 
 سعيـد : ماحيقدر يلمسني وبنتك ترا هبله وانتي عارفتها لو هددتها وخوفتها عليه حتسوي اللي نباه
 امها : والصوره اللي انتا جبتها 
 سعيد :لو قالتلي ماحتجبلي الفلوس او ترجعلك وقتها حوريها نجاسته
 امها اتاففت : مو عاجبني الموضوع وماليا نفس اتواجه معاها وتتكلم بداك الاسلوب وتقهرني
 سعيد : لاتخاافي ماحيسير شي وانا فيـه 


 وهنــآ أم منزوعـه الرحمـه مازالت الفلوس هآجسها 
 إبنتها مجرد بضاعه ومازالت بضاعه تسآوم بها 
 تكسرها تلك النظره لكن عندمـآ تستوعب المقـآبل تحاول ان تستعيد قوتـها 
 فالنطفـه اللتي كبـرت بداخلها حتى اخبرها الدكتور ذالك اليوم باأنها فتآة 
 لم تكن تعلم باأن تلك الدمعات اللتي انهمرت على خدها بسعاده 
 مع الايام لن يعني شي ذالك الموقف 
 هل فعــلا الزمن كفيـل باأن يجعلنا منزوعي الضمير
 هل الزمن يغير مابداخلنا ويشوهنا بهذا القدددر 
 أي قلب تحملـه هذه المرأه ..؟

 هديـل اخدت جمآال امهـآ لكن اخدت عطف وحنآن ابوها 
 ابوها اللي انحرمت منو وهيا في سن الخآمسـه 
 مآت في حآدث وجآت الفاجعه على ام هديـل 
 ماعندها اهل ماعندها سنـد
 زوجها ماكان يخليها تخرج من البيـت بسبب الحآره اللي عايشين فيها 
 الكل عآرف مدى بشاعه زوجها ومدى جمآالها 
 لكن في جمآل يكون من الدآخل ويطغى على كل شي ودا كآن ابو هديــل
 الكل يحبـه 
 طيــب بشكل ضعععيف مايجرح مايحقد مايزعل احدد
 بدأت الأيام تسود في عين ام هديـل 
 العيون كتيـر عليها 
 تنزل تدور شغله وكل اللي بيجيها مساومآت على جسمها 
 الكبـآريه قريب من بيتهآ
 اضطرت تخرج اخر الليل عشـآن تشتري دوآ لهديـل 
 واتحرشو فيـها شباب 
 وهنـآ اتعرفت على اخو سعيـد 
 كآن الملاك اللي نازل من السما بديك اللحظه 
 بعدها عنهم وعجبتو من اول نظره 
 بدأ يطلعلها في كل مكآن تروحه 
 كآن الموضوع في البدايه يخوف 
 بعدين سارت تبتسم 
 وبعدها اختفى اول ماتخرج تطالع حولينها وماتلقاه 
 بعدها بدأت تتضايق لأنو اختفى ببساطه 
 وفجأه طلع تآني قدآمها وهنآ حست قلبها طآح 
 حست باإححساس حلللو انها كآنت تباه 
 شعور ماحستو من زمـآن 
 خرجت ودخلت معآه 
 بدأ يمدح جسمها وشكلها وبدأ يغريها باألف موضوع
 وكلها اشياء تدور حول الفلوس 
 كآن شايف بعينها حبها للفلوس 
 بذات لأنو ابو هديل كآن ماعندو دخل الا بسيطط 
 بدأت تنغري بالذهب للي يجبلها هوآ 
 وهنـآ بدأت تتعلم الرقص وكآن لوحدو 
 بعدها جا صاحبـه 
 وبعدها صاحبه وصاحبه التآني
 وبعدها سارت مجموعــه 
 ببببسسس ايش يغاار عليها 
 الشغل شغللل 
 وبرا الشغل هيا ملكوو 
 لين مااكلم اخوه سعيـد عنها وهديل بعمر التمنيه سنوآت 
 امها قفلت عليها الباب 
 وجلست مع سعيـد تساوم على رقصها وعلى جسمها وعلى خرجاتها وعلى كل شي
 واضطر سعيـد يخضعلها لأنو اخوه ماحيأشرلو على وحده الا وهوا عارف انو حتجبلهم ذهب
 وفعلا جاابتلهم ذهب
 ودخلت في العمل مع سعيـد وبعدها اتزوجت مسيار اخوه ... 
عاشت هديل امها مستغفلتها بوظيفه مألفتها من راسها اربع سنــوآت 
 لين ماأقنعوها تبيعها لأنها ببساطه سايره واقفه بطريقـهم هديل 
 سايره امها لازم ترجع بدري
 وعندها التزآمآت 
 اصلا كل مآكآنت تكبر هديل كل مآكنت تشوف طبايع زوجها فيها 
 وتتنرفز وتتضايق 
 ماتبى تشوف اي شي يذكرها فيـه 
 وهيا نسسسسخته 
 وقفو على راس امها زي الشياطيـــن ومع الايام وصلـو للي يبوه 
 وباعت بنتها بقلب جآمد
 بقلب ام ...لا لا ... مو ام .. بقلب شيطان على هيئـه ام 
 ومآزالت لليـوم ماكتفت بللي سوتـه لبنتها 

 امـآ هديـل الانسـآنه الضعيفه لوحدها كالعاده
 روآن فيها اللي مكفيـها 
 بشار مو داري انها لوحدها يحسبهم طول اليوم مع بعض
 مايتصل لأنو مخنووق وهديل حتعرف من صوتـه انو منهاار فمايبى يضايقها 
 وهيا مو لاقيـه احد جمبها واقفه على الطـآقه الكبيـره وتطالع في الغرووب
 ترفع يدها وتمررها على عينها لما يتغبش كل شي بعينها 
 احسـآسها ..!؟
 باايش تفكــر ..؟!
فيه شي يوجعها ..؟!
ماتدري 
 قههر لما الناس اللي تحبيهم يجرحوكي بكلامهم ويمشو 
 روآن كل شي بحياتها وتغلط تغلط تغلط عليها وهيا ماتبى الا تحضنها 
 بشـآر له يومين مايسئئئل ساعه وحده باليوم ويمشي .ّ!!
هيا ايش بنسبه لهم .!؟
 اوك يحبوها طيب وبعدين ؟؟!!؟!
يخرجو يشوفو حياتهم وهيا محبوووسه لوحدها 
 عارفه بمعاناتهم عارفه بوجعهم بس ليش مايكونو مع بعض 
 هيا مو زيهم تحب تقعد لوحدها 
 هيا تتجنن لما تكون لوحدها 
 تحاول تعذر تصرفاتهم بس تباااهم 
 ماعندها احححد
 بتفكر بكرة النهار لو اتضاربت مع بشار لو سار اي شي .... روآن حتبقالها بس .؟
 طيب لو روآن في يوم بعدت لو روآن اضطرت تروح ..؟! او اتزوجت او حبت عيلتها الجديده 
 هيا ماعندها اححححد ...!!!!
تتخيلو انكم تدورو اسسم بس واحد انو يكون جزء من عيلتك ماافي
 هيا كدا شي اترمى في دا العالم وبسسس
 اترمى بكل وحشييييه 
 حتضمن بشار وروان يحبوها لمتى يهتمو فيها لمتى 
 اتوجهت وجلست على الكنبه ودموعها تنزل تبكي وشهقاتها عاليه بالمكآآآن
 صعــب تكوني بدون عيـــله 
 حتى لو كآن فيه انسان يحبك 
 حتى لو لقيتي وحده تعتبر زي اختك 
 العيلللله عيللله دي اللي تبقالك 
 وسارت تخاف من بكـرا 
 مرا خااايفه 
 مسحت دموعها واتوجهت تآني للطآقه انتبهت قطرات المطر اللي سارت على القزاز 
 على طول اتوجهت للبـآب وفكتـو ونززلت 
 محد كآن مركـز معاها 
 اول ماخرجت وجات القطرت على يدها ابتسسمت غصبا عنها رفعت راسـها وغمضت عييينها 
 تعععشق دا الجوو
 الدنيــآ فاااضيه كالعاده 
 المكآن بعيد عن عيون الكل 
 مشيت على الرصيـف ومو مهتمه تبا تمشي وبس
 كل مالز بيزيد المطر بس برضو مبسسوطه ومو شي مضايقها 
 بردد .. بس برضوو ماتبى تطلع 
 فكت شعرها ودخلت الربطه زي الاسوره بيدها 
 وبدأت الافكار تجي براسها 
 ديك الافكار اللي تقتلها وتخوفها انها تعيش بدون بشار وروان 
 دموعها تنزل ووقفت مشي لما شافت ظل وراها دارت جسمها 
 واول ماشافتو شهههقت بصدمــه 
 شي مرعب شي يخوووف
 مااافي احد مشيت خطوه بخوف جا قدامها
 رجعت تبا تمشي من الناحيه التانيه جا قدامها هرج بهدووء : ليش الحلو لوحدو 
 هديل نزلت وماتبا تطالع فيه : بعددد عننني
 مع البرررد مع الخووف قلبها وجسمها كل شي بيتنااافض
 سعيد : لاتخاافي جاي اتكلم معاكي وحمشي 
 رفعت يدها ورجعت شعرها ورا اذنها طالعت فيه والشواارع ضائتها خفييفه 
 يادوب يادوب شايفه ملامح وجهه عدل : ايش تبى 
 رفع يده بااستسلام : مابى شي يخووفك ابا شي بسيط تسمعيني للنهايه وامشي .؟
 تطالع فيه وقلبها حيخرج صمتها كآن يدل على انو مستنيتو يقول اللي عندو 
 سعيـد : خليني ادخل على الموضوع على طول عشان _ رفع الكيس الشفاف _ شايفه المسدس دا 
 هديل عدسه عينها اتحركت على الكيس وبعدها عليـه بخوف 
 اترعبت من قبل لايكممل
 سعيـد : دا مسدس بشار
 هديل مو فاهمه ايش يعني !!!
سعيد حس انها مو مستوعبه : انتي عارفه بمسدسه دا اقدر ادخلو في مصيبه اقدر اضيع عمرو كلو بالسجن زي ماسجن ابوه الدنيا دواره 

 يجي اللي يسجنه
 هديل بالقوه قدرت تنطق : ايش تبا منو
 سعيد نزل يدو : لا لا مايهمني هوا انا اباكي انتي ... عشآن لاتقولي اني حظلمك حخيرك بحاجتين وحسبلك القرار
 ماردت ماعلقت 
 بالقوه واقفه على رجلها
 سعيـد مكمل ولا عليه منها : عندك خيارك الاول انك ترجعي لأمك وتشتغلي معاها .. خيارك التآني اني اسيبك في حآلك وترجعي تعيشي معاه 

 بس شرط صغيير امك شهريا تبا مبلغ عشان تتنازل عنك ولاتسويلك فضايح ولا انا اورط اللي معاكي بمصيبه _ ضمم يدو وقال بدون احساس _ 

ايش الحل اللي يناسبك 
 تبكي ولا ايش تسوي مو عارفه 
 تطالع فيـه 
 بككل صدمه 
 امها لسسى ماكفاها اللي سار اخر مراا !!!!
امها ..كيف كيف دي امها !!! 
نسيت تهديده لبشار وكل اللي واجعها دحين االموضوع نفسـه 
 رجعت تهددها
 رجعت وماهمها غير الفلوس 
 برضووو تفكيرها كلو فلوس 
 وهيا ايش بنسبه لها لدي الدرجه مو مهتمه لمشاعرها 
 كآنت حتقتل نفسها قدامها ...!!!
بورضو رااجعه 
 نزلت دموعها اول ماستوعبت قالت بقهر : انا ايش سويتلها 
 سعيد : لاتاخدي الموضوع شخصي انتي في النهايه بنتها والمفروض ترضي امك بكل الطرق
!!!!!!!!!!!!
ايشششش يقووول دااا !!!!!
هيديل عقدت حوآجبها ودموعها تنزل اشرت براسها بلا : ماحديها شي ماحجي معاك ولا حديها فلللس واااحد 
 سعيد ضحك : لا سرتي قوويه ماشالله ...أجل مو مشكله شوفي الحبيب اللي بيدافع عنك وهوا مسححوب قدام عينك ومتهم بقضيه قتل _ دار 

 جسمه بيمشي الا هديل بسرعه مست يدو 
 قالت بقههر : ايش دخلللو هوا دحيين 
 سعيد بااسلوبه اللي يخوف وخلى هديل على طول تسيب يدو : دخللو إنو حشر نفسوو بيننا وبيدو رمما سلاحه ومشي ..عندك حلييين 

 ومارضيتي تختاري فيهم فاارضي بللي حيسير
 هديل واااقفه قدامه ومو عارفه ايش تختتار 
 جسمها يتنااافض : دقيقه دقيقه الله يخلييككك _ اشرت على نفسها _ اطلبو اي شي مننني بس الا دا الطللبيين مااقدر والله ماقدر
 سعيد قرب منها خطوه وهيا رجعت لورى : ماعندك حل تالت اختاري ولاحمشي
 اشرت براسها وهيا تبكي وتهرج بصووت ضعيف : ماأقدر
 سعيد : اجل براحتك عارفه ايش عقااب القااتل الاعداام دا انتي اخترتيه
 هديل صدرها يطلع وينزززل رعببها قالت بخوف : حجي معاك _ استوعبت _ لا لا اجبلك اللي تباه حجبلك كل شههر _ حست الاتنين صعــبه 

 بكككيت باانهياار وتتكلم ومو عارفه ايش تببا بس خايفه على بشار _ مدري مدري الله يخليكك لاتسول
 سعيد قاطعها : لاتتترجي لاأنا ولا امك حنهتم بالدموع دي دام ماتبي ترجعيلها فادا قرارك انتي حرره ودام ماتبي تصرفي على المسكينه 

 اللي ضيعت عمرها وهيا تأكلك وتشربك ربتك 11 سنه وعشان 14 سنه عشتيها بدونها خلاص بعتيها 
 مازال كلامه يشتت الواحد كلام مايدخل العقل 
 مين اللي باع ميين !!!
مين اللي ضيع عمرو وهوا يدور على التآني 
 هديل حطت يدها على صدرها : الله يخليكم سيبوني في حالي قولها تكوون ام لمره وحده بحياتها وترحمني وتسيبني ف حالي 
 سعيد مايحززن لأنو دا المجال اللي يشتغل فيه 
 اي وحده تدخل دا الطريق لازم تبكي 
 لازم تنهار 
 وهوا يغصبهم لين مايخليهم بنـآت متبلدين المشاعر
 سعيد مسكها من يدها وقربها منو وهيا انكمشت على نفسها بخووف : شوووفي انا ماالليا خللق للكلام الطويل داا تبي تختاري ولا انا 

 اختتتار 
 هديل ماتبا تطالع فيه شعرها مغطي وجهها قالت بصعوبه : كم تبى حقولو يديك
 وضغط على يدها بعصبيه : تفتتتحي فمك بكككلمه والله واللي خلقني على دي الارض لاأدفنه وادفن امك قدام عينككك
 تاخد انفاسها السريعه المممططر كل مالوو يزيد تغمض عينها 
 من كتر الدموع ولا المطر مو عاارفه بس مرعووبه قالت بضعف : كيف تباني اجبلك الفلوس ؟
سعيد قرب راسه وهوا يهمس باأذنها وهيا منكمممشه ودموعها تنزل : بطريقتك اللي خلاه يسكنك بدا المكآن يخليه يجبلك اكتر من 
ما تتخيلي خليكي شاطره زي امك وتعرف كيف تلعب بعقول الرجال _ دفهاا على وراا كآنت بتحاول تمسك نفسها وطاحت بالارض _ بعد يومين 

 حجي اخد منك طبعا في البدايه انتي وشطارتك كم تقدري تجيبي ...اتفقنا .؟ .._ عاد كلامه بصرامه _ اتتتفقنا 
 اشرت براااسها ورخت راسها وشعرها مغطي جسمها 
 بكككيت وجا لحدها ورفعها بالقوه من الارض : لاتتتبكي وتفضحينا 
 هديل تحاول تهرج مو قادره مع شهقاتــها 
 سحبها من يدها وهوا يدخل على الرمــل ويبعد عن الرصيـف ودفاها تآني : لما تهدددي وقتها ارجععي ولو احد شاافك الفي اي موضوع 

 مشي من قدآمهـآ ..وسابها مو على الرممل ..على الطين اللي عدم ملابسـها 
 جالسه في الارض واول ماختفى من عينها بكككيتتتت بكل صووتها 

 لأول مرا تكون في مكآن يفجع وماتخااف 
 ضاغطه باأياديها الاتنين على الارض وتبــــكي 
 تبكي بصوووت عااالي وكأنه تباا تخرج اللي بنفهسا 
 ليش لللليش امها كدددا
 ايش سوتلها عشان تتعامل دي المعامله 
 خرجت منها كلمممه آآآه بس من صغرها لما تبكي تقول آآه ياماما 
 بس دحين ايـــش تقووول
 لما الأم تكون اقسسسى النآس هنآ خلاص ينتهي كل شي .. 



في الفنـدق وقبلها بعشـره دقـآيق نزل اللي كآن واقف عند الباب 
 مافي احد عشان يوقف مكآنه نزل ومالقى احد تحت اتصـل على صاحببه 
 وهنــآ انفجع لما قلو احنا روحنا نتعشــآ 
 خرج زي المجنون يطـآلع برااا اتصل على جميـل على طوول .. 
جممميل كآن في سياارتو انفلت علييه بعصبيته : اننننااا جااايبكم للليش يعنني
:اتكلم بخوف بعكس جسمه اللي يدل على قوتـه : انا حدور على البنت 
 جمميل : طلعووها من تحت الاااارض _ كآن بيقفل _ ااااقول انا عشره دقـآيق واكون عندكك لو سار شي كلمننني 
 وقفــل وهوا يسبهم كلهم مايهتمد على رجآله رااايحين يتعشو وهمـآ مو عارفين فين جلال
 اول وحده هددها دي البنت !!!!
وزي مـآقال كآنت عشره دقـآيق وقققفف سيارته وهزأ رجججاله اللي اتجمعوو 
 كلهم راخين رااسهم 
 كلهم مافتحو فمهم بكلمـه 
 كلمه وحده ماقدرو ينطقوووها
 قلهم يدورو عليها اول شي حولييين المكــآن 
 وكلهم اتشعترو يدورو عليــها 
 لو مآجابوها حتطلع عينهم 
 عارفين جميــل مايستهبل 
 عارفييينه الا باأوامره مايحب احد يستهتر ولا يقلل من قيمه الوضع اللي هما فيــه 
 مآكآنت فتره طوويـله 
 لما واحد منهم سمـع صوت بنت تبــكي 
 اتوجهلها بسـرعه مو شايفها دي هيا ولا لا شعرها مفتووح ظلام مو باين شي فيها 
 قال الرجال : هديل !
رفعت راسها بخووف رجولها جينزها يدها كلها طيــن
 المطر بدأ يخخخف 
 اما هيا اترعبببت طالعت فيه بخوف جا لعندها بيمسكها الا صررخت : سيبببببني
 الرجال رفع جسمه ووقف : طيب لاتخافي ماحسويلك شي 
 ورجعت تبكككي بجننننآآن مو عارفه مين دا وماتبى تعررف 
 الرجال : تعالي ارجعك الفندق
 بس ولا كأنها سامعته تبببكي وبس رفع جوآله واتصل على جميـل يجيها 
 جا جميــل بخطوات ســـــريعه
 واول ماوصل عندها وقف طالع في اللي يشتغل عندو وهوا رخى راسـه ورجع بخطوات على ورا 
 جميـل مشي بخطوات هاديـه 
 مصدووووم 
 ايش الللي بيسييير
 اخووانه ايش سوو بدول البنـآتتت
 البنت تبكي بشككل يفجععع 
 نزل لمستواها وهيا راخيه راسه ومنكمشه على نفسها : بعددددو بعدووو عننني
 جميل جسمو يتنآفض دموعه بعينه : يابنتي انا عمك جممميل
 ماتسمع 
 ماحتفهم وهيا بدي الحـآله مد يدو ودفففتو وصررخت : قلتتتت بعددو
 بعد يدو بس ماوقف يتكلم بهداوه : الله يحفظك يابنتي قومي ...محد حيقرب منكك 
 مد يدو بس دي المرا مادفتوو : خلينا نرجع البيت طيب ؟ لاتخافي محد حيقرب منك 
 كلامــه هادي طمنها 
 بالقوه وقفت على رجلها 
 مستحيل يدخلها الفنددق دحين 
 وكل اللي في راسه جلال سوالها شي 
 اهم شي انها عآيشــه دا المهم 
 هوا اللي يمشيها مو شايفه طريقها مو شاايفه شي
 تمشي وتبككي 
 بردانه وتعببببانه ومدمووره 
 ماسكها بكل قوتـه وهوا بيحاول يوصـل لسيـآرته 
 ركبت من غير ماتعااارض 
 مو مستوعبه شي اول ماقفل الباب طالع في الرجال ورفع صبااعه بتهديد : حسااابي معاكم بعددين ..اباكم تفتشو الفندق كلو وحولينه 

 اي واحد مسلح اي واااحد تشبهو علييه تجيبولي هووا 
 واتوجه لنآحيته وركبت وطالع على طول فيها 
 سانده جسمها على الباب وسار مو شايف وجهها 
 ايش يسوي مو عارف 
 فين يوديــها !!!!
يتصل على بشـآر مو عارف بشار ايش علاقته بدي البنت 
 يقولو ويجننو ولا يحل الموضوع بنفسه ولا ايششش يسوي : يابنتي احد سوالك شي 
 ولا كأنها سامعته 
 تنفسها العالي 
 شكلها المبهدل
 طينن وملابسها مبلبله ولاصقه فيها 
 شكككلها يحرق القلب وبـس
 شغل سيارته وقفل التكيــف 
 يوديها بيته 
 يخليها تغير ملابسها ويفهم ايش سـرلها .. 
طول الطريق وهوا يستغفر
 طول الطريق وهوا قلبه يحرقه من اخوانه 
 مااايبى يبككي نفسه يعرف من فين جايبين دي القلووب !!
وهيـآ مآزالت على نفس الوضـع 
 ليــن ماوصل وهيا تبـكي وبـس اول مانزلها من السياره طالعت في العمـآره 
 وسحبت نفسها منوو وهوا رجع على طول يكلمها : لاتخافي دحين حقول لسميه تجي 
: ماابى ماابى احد 
 جا يمسكها تآني الا هيا بعدت : خلاص سيبببني
 كآنت بتمشي الا مسكها : فييين حترووحي 
 مو عارفه هيا ايش تبببا تطـآلع حولينها في الشوارع الغريبه 
 بس هما ينتمو لدي الأماكن همآ بنات شواارع 
 جميل : الله يرضى عليكي الله يرضى عليكي بس تعالي ارتاحي شويا وبتكلم معاكي لاتخااافي كل اللي بسويه انو بتكلم معـآكي 
 تطالع فيه ودموعها تنزل ودي هديــل شويا ضعيفـه شويا تنهـآر
 وبالقوه خلاها تدخــل فتح باب بيتـه ودخلها 
 سمع اصوات بنـآته مجموعين كلهم 
 مو عارف ايش يقوول
 بلع ريقـه الف مرررا ومشي بخطوات مهزوزه وهوا مـآسكها ووقفت مشي لما شافت خمسه بنـآت وامهم 
 هما انكتتتتمووو 
 من شكلها ولا من انهيارها ولا انو ابوهم دااخل وجايب بنت في عمرهم معاه !!!
كلهم يطــآلعو وهيا تطــآلع فيـهم 
 موقففففها زززفت جميل نادى بنته الكبيـره : شههد دخليها غرفتك 

 هديل طالعت فيــه وسحبببت نفسسسها ومشيــت تدور علي بااب الخرووج 
 فججججعهااا 
 نظرات البنات لها حرقتها 
: يااابنتي 
 الكلمه صدمتهم 
 لحق وراها ومرتتتو جات والبنات متخشبيـن كلهم في مكآنهم 
 كآنت بتفتح الباب الا حط يدو على الباب : ااااهدي الله يصلحك اهدددي 
 هديل في الركنيـه وهوا واقف قبـآلها : والله ماحنسويلك شي 
 انعمممت ماتبى تفكككر ماتبى تعرف اذا هما نآس طيبه ولا لا
 بس مو مخليها تخرج نززل جسمها في مكآنها في الركنيـه وبكككيت بككل صووتها : اااابااا اطلللع
 جميل طالع في مرتــه بناته من يوم ماسمعو صوتـها جوو يطالعو من بعيــد
 اتوجه لمرته : هديها كلميييها 
 مرته مو فاهمه شي بس ماكسرت بكلامه نزلت لمستواها ومو عارفه ايش تقوولها :لاتخاافي _ سكتت وبعدها قالت _ اعتبريني زي اممك تعالي 

 معايا 
 بس قااالت دي الكلمه 
 هدديل غطت اذانيها و ساارت تحرررك رجوولها وجسمها وتكرر كلامها ورا بععض بطططريقه تخووف : 
بعدوو بعدو بعدوو بعدووووو عننننيييي
 كتممت الكل 
 جميــل نزلت دموعه 
 وحده على وششك الجنــآن او تجننت خلاااص
 البنــآت الخمســه مفجوووووعينننن 
 جميــل اتوجه لها ونزل بمستواه جمب مرتـه : أهدي يابنتي والله محد يقدر يأذيكي وانتي هنــآ
 صرررخت بكل صووتها وهيا شويا وتدخل في الحجدااار من كتتتر ماتلصق نفسها فييه : ااباااا اخرررج ااااباااااا اخرررررج

 جميل وقفف ومرته لسـى جالسه جمبها مع الفجعه ماتحركت صعبت عليها 
 جميل يمرر يده على جبينــه : حسبيه الله ونعم الوكيـــل
 وسوا الشي اللي مـآكآن يبا يســويه رفع جوآله واتصـل على بشـآر .. 


في مكآن تـآني يومـه عباره عن انو يتنقــل من مكآن لمكآن 
 زي المجنون يدور على جلال
 هنا رجاال كآن جلال يتعامل معاهم وهوا يراقبهم 
 هنـآك جلال دايما يجي ويقابل صـالح 
 داك بيته 
 وداك امآكن تخزين بضايعه 
 ماساب مكآن 
 ماساب احد ماضارب معاه عشان يخليهم يهرجو عن جلال
 بس فص وذاااب 
 مالو اثـــر 
 رجــع للمكـآن اللي يرتآح فيه 
 بعيد عن الكل على اليخـت 
 ازعآج ولا مو ازعـآج هوا يحس انو بعيد عن الكل 
 هوا يرتب افكاره ويهدى هنآآ
 جلس وعينه على باقي القوارب المرصوصـه باانتظآم 
 وباله في مكآن تآني 
 يبا يفكر في اكتـر مكآن جلال ممكن يروحلو ..
متأكد انو صآلح الوحيد اللي يعرف فينه 
 بس مو اهبل انو يروح يسئـله 
 علاقة جلال وصآلح محد يدري عنها ومايتقابلو الا في العمليات الكبيره اللي بينهم 
 لو راح حيثبت لصاله انو بدأو يشكو فيـه 
 اتنهد وسند جسسمو 
 وخرج من عالمـه لما دق جوآاله برقم غريب
 رفـع ورد ... 
 :الو 
 جالو صوت غريب صوت وحده متوتره ::آآ الو ..إنتا بشار ولد جآسم
 صمت جآها من بشار اسمو سار يكرهه قال بهدوء : ايوا .. مين معايا ؟
 في الغرفه الصغيه جلست على اقرب كنبه وهيا بتحاول تتمآلك نفسها قالت بصوت مهزوز : ظيب .._ غمضت عينها وقالت بصعوبه _ انا ام 

 سميه 
 بتكلم انسآآن باارد
 مو بآرد عشان هوا مو مهتم 
 باارد لأنو خلاص تعب : اها !!
ماعرف ايش يقول !!!
ناااقصه البننت كمان
 هوا اللي قلها على ابوها وهوا اللي قال لهديل على امها
 وكلهم طلعو اخس من بعض ودخلهم الاتنين في حالات نفسيه 
 وحتجي دي تستهبل على راسه كمان !!!
انصدمت من ردو قالت بصعوبه : ابا اشوفها الله يخليك بالقوه قدرت اوصل لأحد فيكم
 بشار يسكت قبل لايعلق مخليها تحس بتوتر زياده : والله شوفي _ سكت وبعدها قال _ اقول .. ماليا نفس اتناقش معاكي بدا الموضوع اتصلي 

 في وقت تاني لو لساتك مهتمه
 تتتصل في وقت تاااني ايش !!!!
الادميه جسمها يتنااافض !!!
الادميـه لها يومين زي المجنونه تحاول توصل لأي احد 
 وصلت لرقم جميـل بس ماررد قالت باانهيار : الله يستر علييك لاتقفلها بوجههي الله يستر عليك وربي أنا ام قلبها محروق على بنتها 
 اتذكر خاله هديـل 
 اتذكر ميه حرمه يجيبوها القسم وسلاح المرأه في دي المواقف دموعها ودعاويها 
 عشان تكسب التعاطف
 ماحزن 
 ماهتم 
 مافرق معاه : وانا والله فيه مليون شي فوق راسي واخر همي موضوع تآفه كدا
 وسعت عينها ودموعها تنززل 
 حست انها تتعامل مع جآسم 
 نفس اببببوه في القساوه لما كآنت تبكيلو 
 كأنها تبكي قدام حجججر
 جمااد 
 لو ماشافتها بالصور ماسك بنتها مآكآن اتكلمت معاه
 رفعت يدها اللي تتنافض وتمسح دموعها حاولت تخليه مايقفل : اسمع انا جبت سميه وانتا عمرك اتوقع 3 سنوآت كنت تتصل على ابوك 

 تقولو يجبلك الطيـآره اللي بريموت زي اللي عند ولد جآركم 
 فاكرها ؟!
مايتذكر طبـعا
 بس ماقفل بنفس الوقت 
 كملت : انا اتزوجت ابوك بس مسيـآر ابويا واهلي على قد حآلهم وعايشين في قريـه والله ابوك سحبها من حضني وماعرف شي عنو واللي 

 يحفظلي بنتتتي واللي ياخد رووحي اني عايشه طول دا العمر وانا مو عارفه فينه ولا اعرف في اي منطقه يعيش
 مايبى يضععف
 مايبى يدخل سميـه بحكآيه تآنيه ويجننها 
 ماحيستحمل انو يتحط اللوم عليه بشي تآني
 وهيا مسكينه اصلا ماحتتحمل عارف انو باقيلها تكه للججنون 
 ومو هوا اللي حيوصلها لدي المرحله 
 دي اختـــه 
 قالت بضعف : انحررق قلبي لما عرفت ايش سووا فيها حسبيه الله علللليييه 
 نزل عدسـه عينه وهوا يطـآلع ببمكآن عشوائي : تبي تفهميني انك احسن منو ؟
 اشرت على نفسها وكأنه شايفها : انأ أم.. فيييه ام تسوي ف بنتها كدا ؟؟؟ 
 بشار : فيه
 جننها وقفت وهيا تتحرك في الغرفـه السماويه 
 والمروحه صوتها مزعــج 
 والكرآسي مصنوعـه من خشب 
 تلفوزيـون قديـم عليـه مزهريه صغيـره محطوطه على تكـآيتين في ركنيـه الغرفه 
 الطيـق زي الابواب الصغيره الخشبيه تنفتـح
 الصوف ادوآت الخيـآطه دي حيلتها عشان تعيـش ..
جوآلها مو احسن من جوآل بنتها 
 لبسـها التنوره الطويـله والبلوزه الوسيعه 
 وشعرها ملموم على ورا 
: انا مو كداا اديها رووحي لو تبآ والله العظييم مانومت من يوم ماعرفت ايش سرلها لاتحرقلي قلبي ببكلامك
 بشار عقد حوآجبه مو عارف ايش يسوي معاها : ابويا ليش حيسوي كدا ليش حيسحب بنت من امها وبعدين من متى انتو متزوجيين !!!!
تاخد انفاسها بصوت مسموع تبا تهدى رجعت تجلس وجسمها يتنـآفض 
 موتررها شويا توقف شويا تجللس وحالتها تصعب على الكآفر
 جلست على طرف الكرسي وتبا تقوله كل شي تباااه يعرف انو مالها ذنب 
 زيها زي بنتها كآنت لعبه عند جآسم دام وقف ضذ ابوه ممكن يتفهمها : اسمعني انا حاليا مو على ذممتـه طلقني بعد سنتين من زوآجنا 

_ سكتت وبعدعها قالت باارتبـآك _ ابوك اشتراني زي مايشتري اي شي بفلوسه والله العظيم ماعرفت انو متزوج الا بعد زوآجه وعرفت انو 

 عندو ولد بسبب اتصالاتك واسمعو يكلمك 
 بشار بدأ يحرك رجله : امي كآنت تدري ؟
: لا مآكنت ابا ااذي احد وابوك كآن طيييب معايا ماسوالي شي يضرني في البدايه ... عرفت اني حآمل وقلت خلاص كفآيه ابا اعيش زي 

 باقي الحريم ابا زوج يكون عندي والله لو ادري انو حيسوي كدا فيا مآكآن دخلت معاه بدي المشاكل _ دخلت في دوآمه بكـى _ 
وهوا ساااكت تدرو ايش اللي يدور في راسـه 
 ماكآن متأثر من بكآها 
 اكتر من جملتها " بسبب اتصالاتك واسمعو يكلمك "
كل وآحد بهم 
 كل وآحد بحرقه قلب
 هيا تبــكي على بنتها وذكرياتها
 وهوا دموعه بعينه ونفسه يرجع داك الطفـل اللي يستنى ابوه 
 ويجري لحضنه اول مايجي من سفراته 
 دي السفره 
 جبلو طيــآره 
 والسفره اللي بعدها جاب سيااره 
 وكل مرا ماينساه بشي
 يبا يرجع الطفل اللي يجلس في نص ساحه المدرسه 
 ويحكي كل الاطفال مغآمرات ابوه المجنونه وسفراته واعماله 
 كآن الكل يحسدووو
 كآن مغرووور وشايف نفسـه 
 وابوه خلااه بدا الشكل
 خلاه لما احد يسئلو ايش إسمك 
 مايقول بس بشاار 
 لا يقوول بشار ولد جآسم الرايد 
 واليوم يتمنى يتمحي دا الاسم من بعد اسمــه 
 اليوم ينطق اسمه بصوت مهزوووز 
 لأنه مايبى يقول هوا ولد ميــن 
 بلع ريقـه وحاول يتكلم : كيف اخدها منك ؟!
ماتكلمت على طول حاولت تهدى حاولت بس مو قادره 
 سابها زي ماتبى لين ماقدرت تكمل :ماكآن يدري انها بنتو 
 بشار انفجع !! 
وهيا حاولت ماتنط بالهروج عشان تكون واضحه من البدايه : مو ذنبي الكل سار يعايرني بالقريه بعد مآكنت البنت المحظوظه سرت اللي 

 زوجها يجيها مرا ولا مرتين في الشهر متأكده كنت من حبو ليا وقلت مو مشكله ححاول اضغط عليه باأخواني اتكلمت معاهم بدون مايوصل 

 شي لاأبويا لأنو حيرغمني اتحمل اخواني وقفو بصفي ولما جا انهو الموضوع .,بمرتك تروح معاك وتعيش مع ضرتها ولو ماعجبك كلامنا سيبها 

 وامشي ..اضطر يطلقني لأنو اخواني هددوه باإنو حيوصل الموضوع لمرتك وانتا اختار ..واختار انو يسيبني على انو يهدم حيآته مع امك 

...
بشار : لما طلقك مآكآن يدري انك حآمل ؟!
 : لا كنت متوقعه حيروح ويرجع بس راح وارسلي ورقه طلاقي وماشفتو ...بعد العده اتزوجت واحد من القريـه 
 بشار راسـه صددددددددع : دقيقه دقيقه ... دحين اللي يهمني كيف اخدههها دي التفاصيل بعدين اسمعها 
 يكلمها وكأنها مو حرمه في عمر امـه 
 بس حس الموضوع طووووووويل وهوا مايبى يسمع 
 سمعا وطآعه دا اللي بتسويه لو يبا تفاصيل حتقول تفاصيل
 لو يبا اختصار عادي اهم شي مايقفل : طيب ... مو هوا لما وصلو الموضوع بدأ يكون انسآن غريب عمري ماشفتو.. يجيني في كل مكآن 

 لدرجه مرا جا البيت لما زوجي يخرج ... كآن راعبني ووترني بحياتي واللي جننو انو عندي بنت صغيره دوبها مولوده قلي دي بنت مين 

 قلتلو بنتي من زوجي قلتلو اني كنت اخونك بسبب بعدك عشان ماياخدها عشان يسيبها ليااا ..وهددتو باأخواني ولو احد عرف انو ييجي 

 ماحيرحمووه بسسس مشي داك اليوم ...وبعد شهر خرجت اجيب مويآ وبنتي نايمه رجعت وهيا مو فيـه _ اتكلمت بكل انهيار _ والله ماأكذب 

 عليك بشييي والله اخد رووحي منني احنا مانعرف فين عاايش زوجي واخواني ماسابو مكآن ومستعده اجي المحكممه ومستعده يكونو اخواني 

 شاهدين وعندي ورقه طلاقي بس ابا بنتتي 
 وقف بشـآر لما سار يدخلو المططر بسبب انعكاس الهوآ
 مشي بخطوات واحد مشتت معقد حوآجبه 
 ايش يرررد عليها !!!
سميه حتنبسط ولا لا !! دا اللي يهمه حتكون مرتاحه ولا لا !
 : الوو !! 
 :معاكي معاكي
: ابا بنتي بس اباها ترجع تعيش معايا 
 هنا علق على طول اتكلم : لا ... معليش بس حتى _ شد على الكلمه _ حتتتتتتى لو اتقبلتك انتي اللي حتعيشي معاها .._ قال الكلمه 

 بصعوبـه _ سميـه حتعيش تحت عيني 
 قالت بصدمه : ددددي بنتتتي
: ودي اختتي واللي مرت فيه بسبب ابوويا كفآيييه تبيني اخليكي توصليلها حتوصليلها بشروطي
: انا انسانه متزوجه وا
 بشار قاطعها : تعيشي انتي وزوجك هنآ ماحخليها ترووح قريييه الله واعلم فينها وتعيش حياه مدري عنها 
 غمضت عينها وفتحتها بسرعه : مو وقته دا الكلام اهم شي اشوفها 
 بشار : اللي بدايته شرط نهايته نووور لا أنا ولا عمممي حنخليها تمشي معاكي ...تبي تشوفيها حتجي تعيشي معاها في بيتها هيـآ ... 

وزوجك دا له هرجه تآنيه 
 مصدوووومه !!!!!
عيله الرااايد 
 سواء طيبين ولا مو طيبين فيهم نجاسه 
 بتقولو انا امها 
 انا احق وحده فيها 
 وهوا بكل ثقـه يتكلم إنو مالها حق فيها !!!!
تقولو البنت انسحبت من حضني ويقولها ماحتروح معاكي !!!
ماتبى تضيعها تآني ..حتسوي اي شي عشان تاخدها .. حتحاول تقنع زوجها انو يجو :طيب اهم شي اشوفها 
 بشار يمشي على المرسى بخطوات سريعه وبيحاول يوصل لسيارته : لما أفضى حكلمك تآني حتشوفيها لو اتأكدت من كلامك وحسيت انو هيا 

 عندها استعداد تشوفــك 
 قفــل منها وهوا يديها امل بسيــط 
 هيا قفـلت وتبببكي قلبها محرووق من اسلوبـه 
 تبا توصل لبنتها 
 كل وآحد وله جآنب مختتتلف 
 هوا ماعندو استعداد يعيد اللي سواه بهديـل في سميـه 
 ماعندو استعداد يخلي سميـه تعاني اكتر 

 وهيــآ جارتها جاتها واختها وكلهم يدعو عليـه 
 واحد ماعندو احســآس
 واحد ماعندو ضميــر 
 بس محد عآرف في ايش مــر
 وبنفس الوقت الام اللي مرت فيـه كتير 
 ترف انسحب منها سآمي اسبوعين وحيآتها ماسار لها معنى
 ودي انسحبت منها بنتها سننننيننننن 
 الام ماتنسسسى الام حتعيش كل يوم على امل انه طفلها يرجعلها 
 ماحتمل من الانتظاار حتدعي وحتدعععي لييين ماترجع ضالتها 
 ببسآطه ونهايه الكلام 
 الاتنين مظلوميــن ولهم وجهة نظر مختلفه .. 

فتح باب سيارته ودخل ..مرر يدو على شعره لما اتبلل بشي
 بسيــط.. .. حيشوف يخلي جميـل يتفاهم مع الام 
 حيوصل لأخوانها ولكل شخص بالقريـه 
 حيتأكد اول من انو بنتها بجد انخطفت 
 دا اول إثبات انو الام مظلومـه 
 ماحيجازفو بسميـه ويدوها لوحده على طول 
 رفع جوآله واتصل على سميـه كدا مرا ماترد 
 اتنرفز وساب الجوال 
 يدور في الشوارع بعشوائيـه وكلام امها في رآسـه 
 ابوه لما خطفها طيب .. كآن شاكك انها بنته ولا يبا يحرق قلبها !!!!
دا السؤال !
طيب هيا ليش مابلغت عليـه !!
معقول سنتين متزوجته وماعرفت توصلـو من اي معلومه !!!
اتأفف وكأنه ناقص موضووع يزيـد عليـه 
 مايدري كم عدى من الوقـت وهوا يلفلف في الشوآرع بس اتصـآل جميـل فوقـه 
: ايوا هلا عمـي رايح للبيت اجيك دحين طيب بس بروح اطمن على سميه لانو مابترد وبعدها اجيك .. ساير شي .!؟!!؟ 
خلاص طيب مسافه الطريق واكون عنندك
 يســوق وهوا معقـد حوآجبــه 
 مصيبـه في الطريــق دا اللي متأكد منو ...


 قبلها بكم سـآعه وفي المستشفـى .. 
تآمر يطـآلع في تميم ... اللي بيتكلم ومتحمــس قلبه يدق بسـرعه 
 والابتسامه طاغيه على وجهه : الحمدالله 
 تآمر : طيب خلاص روح دحيـن
 تميم : ملابسي جآهزه بس حوصل اللبس واحرك انا وامي
 تآمر : لمى ماحتروح ؟
 تميم : لا ماتبى تخاف تنحط في موقف بايخ وانا قلت لأمي انو البنت صحبتها
 تآمر : كويس لاتفتح عليها ابواب
 تميم : الحمدالله امي هاديه دي الفتره _ سكت شويا وبعدها قال _ ياخوفي من هدوئها 
 تآمر ماعلق كآن بيمرر يدو على مكآن العمليـه 
 بعدها سند رآسه على المخدآت وغمض عينه وكآنت بزبـط ربع سـآعه لما فتح عينه 
 وبيحاول يقوم من على السرير 
 تميم جآ لعندو : ايش بك 
 تآمر جلس على طرف السرير : مغثي _ مد يدو لتآمر وتآمر مسكو _ 
وقف بشـويش وكالعاده اول مايوقف يستنى للحظآت عشان يقدر يكمـل طريـقه 
 مشي بخطوآت بشوويش وتآمر يطالع فيـه وسايبه 
 مو عارف اذا طبيعي انو يجيه غثيـآن وهوا بدي الحآله 
 بس وصـل للحمـآم وتآمر واقف عند الباب : انادي الممرضه ؟
 تآمر رففع يده وسكت تآمر
 يغمض عينه وهوا مستني الغثيـآن يرووح 
 بدأت تزيــد دقـآت قلبـه بطريقـه غريبـه 
 بس اللي موقفه على حيله مسككتو للحديده المثبته على الجدآر ..
تميم طـآلع بالوقت ربـع سـآعه وحيحرك 
 مو قادر يبتسـم لما يشوف تآمر بدي الحآله .. 
بس خلاص اخيــرا حتكون رشـآ من نصيبـه متفااائل ومن جوته حاسس بسعااااده 
 بعكس مشاعر اخووه اللي قدآمــه
 اللي رخى راسـه وغمض عينــه 
 لساته عند امـل يفك منـه الدوخـه والغثيآن
 وكآنت دقايق وتترخي يدو من على الحديد ويرجع يشد يده 
 يسود كل شي بعينه ويرجع يوضــح
 يبا ينآدي تميم بس بيقول لا دحيين حرتـآح
 ببس بلحظه كل شـــي زززاد علييـه
 بلحظـه وباأقل من دقيقه دقآآت قلبببه ,رجفه جسمو , وماشاف شي 
 اترخت يدو وضــرب جسمو في الارض 
 تميــم مانفــجع من طيحته اكتتتر من اللحظه اللي بدأ يتشنج فيـها 
 قال : تآآآم
 وماقدر يكمــلها 
 دخل بااتجاه اخووه وماعرف ايش يسووي
 خرج بنفس الســرعه وهوا مرعععوووب 
 فتح باب الغرفه وسار ينادي اي احد قدآمــه 
 الدكتور اللي في نهايه الممر والممرضيـتين اللي حوليه جووه على طوول
 دخلو قبـل تميم 
 كآنت لحظـه بنسبه لتميم تفججججع 
 تررعب 
 مو عارف ايش سـآير 
 دقيقتين وفك من التشنج بس كآنت اطول دقيقتييـن بنسبـه لتميم 
 نآدو ممرضيـن ورفعوه من الارض 

 تميــم خرج من الغرفـه ودموعه بعينه يطالـع حولينه وانفاسه ورا بعــض 
 مـآيبى يشووف ايش اللي بيسير جوآ 
 هوآ اساس انسان ضعيـف كيف اجل بدي الموآقف
 نسي في لحظه رشـآ واهلها اللي مستنينه
 نسي كل شي وكل تفكيـره باأخووه 


 امـآ تآمر كل اللي ياألمه حاليا العمليه وبـس
 ايش سرله مو متذككر 
 طلب الدكتور اول شي من الممرضه تقيس نسبه السكـر في الد
 واول ماقالتلو النتيجه كآن دآ اول سبب بنسبه له عشان يسـرلو التشنجآت
 مارضيو يدووه مسكـن لين مايعادلو نسبـه السككر
 وكآنت دي اطول لحظه بنسبه لتآمر وهوا بيتأألم ويبوه يآكل .. 
دخل عليـه تميم وقـف عند راسـه وهوا يمرر يده على كتفـه 
 ودموعه بالقوه حآبسـها جواله يدق ومو دااري او داري 
 بس الموقف اللي فيه مخليه مايرد 
 مايعرف ايش بيمر بس ألم اخوه واجعه وبس
 دقــآيق تقيـله بتمر عليهم الاتنيـن 
 ليـن ماقدر تآمر يغمض عينه وينآم 
 وتامر من كتر جواله مايدق وقتها استوعب نزل عدسـه عينه لجيبه ودموعه على طول نزلت 
 رفع شاف " امي "
يطالع في الشاشه وكأنه احد ادااه كــف
 المفرووض يممشي من اوول
 المفروض يخررج 
 رد على امـه وعينه على تآمر ... وجاها صوتها العآلي : انتتتتا فينك لابترد وجوال اخوك مقفل ايش بكممم
 مرر لسانه على شفايفـه حاول يتكلم طبيعي : جوال تآمر انخرب
 امه : خيير ان شالله لما يجي حتفاااهم معاه وانتا مو شايف الساعه كم 
 تآمر سكتت للحظـآت 
 وسار يبكي على نفسه وعلى اخوه 
 مستحيل يقدر يخررج
 لو خرج من قبلها وسابو لوحدو !!
ايش كآن ساار !!!!
انخفاض السكر الحآد ممكن يخلي الشخص يموت في لحظآت 
 حيسيب اخوه بكل برود بدي الحآله ويروح عشان خطوبـه !
ورشـآ !
بس جا اسمها في راسـه قلبه وجعه : ابوها اعتذر
 امه : كيففف !
تميم رمش مرتين ورا بعض وهوا بيكذب زي اليومين اللي فاتت : احد من اهله تعب وهما معاه مافهمت مزبوط بس اتصل يعتذر
 امـه : يستهبلو دوول !
تميم بنفس الهدوء : ايش اسوي !
امه : يلااا خيره كأنو مافي غيرها عذر وجا لعندنا 
 تميم رفع يده ومسح دموعه : ان شالله خير 
 امه : لو اتصلت الام حصرفهاا وانتهينا
 تميم : مالنا صلاح دام ماحتجبلك سيره لاتجيبيلها يمكن ماعندها خبر
 امه : ايش بك كدا بتتكلم تررا ماوقفت على دي البنت 
 تميم : مو مشكله ياأمي حشوف ايش يسير مع ابوها 
 امه : لاتشوف ولاااشي ياتميم خلاص خييره والحمدالله
 تميم : طيب 
 امه : انا طالعه للجيران دامني جاهزه وماعندي شي
 تميم : اللي يريحك 
 امه كآنت تبا تهزأه مقهوره حاسته زعلان بس قفــلت .. 
امـآ هوا اتوجه للكنبـه ويطالع في الجوال 
 ايش يقووول !!!
يتصل يعتذر للأب ..!

سند جسمه واتصل وقال الشي اللي سـآر اخويـآ مريض وامي ماعندها خبـر
 واعذروني على القصور ..قفل وهوا منحرج 
 فتح الوآتس يطالع في محادثـه وكآنت دقـآيق وشافها online 
بكييت اول ماعرفت 
 حست انو بيصرفها 
 دخلللت غرفتها عشان تشرد من عيون الكل 
 خافت تفضح نفسها 
 مخنوووقه وكتتير كدا
 ماقرات حتى رسايل الاعتذار اللي كتبها 
 على طول بهجوميـه كتبتلو " تميم انتا ماتباااني !!! ..دا موقف انا امر فيـه !!! خليتني ابا ابكي قداام بابا "
تميم ماقدر يرد رفع جوآله وصورلها اخوه 
 ارسلها وكتبلها انا اسف
 ساب جواله وقدم لطرف الكنبه غطى على عيونه وبكــي
 ايش كتبتلو مو عارف 
 بس مالو خلللق يشوف ويضعف زياده 
 لسى مفجوع من اللي ساار لسى جسمه يتنآفض


 امـآ رشـآ اول ماشافت الصوره تكتب وتحذف
 ندمت على انها اتسـرعت 
 بس خلاص من كتر مشاكله اللي تشوفها مو مقنعه حست انو بدأ يتلكلك وكأنو خايف من الارتباط
 دا اللي فسرتـه
 ايش تكتب مو عارفه اصلا انو خرج من الوآتس دا الشي لوحده بكآها 
 مو قادره تتصل 
 خايفه انو تزعجهم 
 طلعت لفوق وهيا تقرا اعتذاره 
 وزاد بكآها 
 كتبت بصعوبـه : انا اللي اسفه ..طمني ايش يسير معاك
 وجوالها مانزل من يدها وهيا مستنيـه تعليقـه 
 بس ماعـلق .. 

يقوم يتوجه لحد السرير يوقف للحظـآت ويرجع يجـلس .. 
لين مادق البـآب ودخل وآحد غريب : السلام عليكم
 تميم : وعليكم السلام
 طالع الرجال في تآمر وماحب يزعجه : انتا اخو تآمر ؟ 
 تميم : ايوا ؟
 الرجال : تعال لو سمحت برآ 
 خرج وتميم مشي وراه واول ماوقف قبـآله قلو : انا من طرف اللوا جميـل 
 تميم : هلا اخويآ
: جوال اخوك مو قادرين نوصلـه فاجيت بنفسي عشان اتكلم معاه او معآك 
 تميم : اتفضل فيه شي
: اللوا جميـل محتآج الاوراق اللي عندكم قآسم متهمكم انكم خاطفين الولد
 تميم عقد حوآجبه : قرر يعني انو يعترف انو دا ولدو 
 سكت الرجال وبعدها قال بصعوبـه الكلام اللي صدم تميم 
 بيقلب عليهم الموضوع كلـو قآسم 
 بيتهم ترف باانها كآنت على كدا علاقه وهوا منهم 
 واول ماخرجت جآلو خبـر منها انها ولدو عشان يكتبو باإسمو وتضمن ورثة ولدها !!
والي سواه في تآمر كآن مجرد دفآع لأنها راسله اخوانها يتهجمو عليه 
 قال كلام مجنننننووون 
 بس مآكآن في صآلحه لأنو تميم شاف الشياطين قدآمه 
 دخل اول ماراح الرجال اخد جوآله ورجع خرج في الممر اتصـل على تـرف : ترف فينك 
 ترف : مع سآمي
 تميم : حاولي تجي بسـرعه
 ترف : حجي بعد ساعه فيه شي 
 تميم : لازم ارجع البيت ومو قادر اسيب تآمر
 ترف : طيب ايش بو صوتك فيه حآجه 
 تميم بعد صمت قال : ترف انتي عندك اثبـآت انو قآسم كآن يعرف انو سامي ولدو من قبل لاتخرجي من السجن 
 ترف قلبها بدأ يدق بسـرعه : ليش 
 تميم : جاوبيني 
 ترف : مدري
 تميم : فكككري في اي حاجه ممكن ولا اقووول مانبى اثبات حاولي حاولي تجي بسـرعه 
 ترف : خووفتني ايش فيـه 
 تميم : خلاص حاولي تجي وبــس 
 قفـل منها وهوا دوبـه يستوعب 
 اللي سواه تآمر 
 حتى لو يبا يلوي ذراعهم قآسم 
 اللي سواه تآمر في سلمى 
 حيقدر يضمنها بصفهم بس يبالها قرصـه اذن 
 كلام قاسم كلو حيتبخر بالهوى لو اختو وقفت ضده .. 
رجع دخل الغرفـه 
 وبيفكر بزبــط ايش يسوي 
 حيكمل اللي سواه تآمر وبعدها حيروح لجميـل 

 وكآنت نــص سـآعه عشآن يوقف برآء سيـآرته 
 مآسك يدها طول الطريـق والابتسامه مرسوومه على وجهه : خلاص عندي مشوار هنا قريب لو صحي تآمر اتصلي عليا 
 اشرت براسـها ونزلت وعلى وجهها نفس ابتسـآمته 
 صمت برااء في مواقف كتير يخليها تستحي اكتر من كلامه
 نظررراته من يوم مافتحت الباب لين مانزلت وهيا تمشي ويطـآلع فيها بنفس النظره 
 اللي توتر 
 وبين احلامها الورديـه ماستوعبت الا وتميم واقف قبـآلها واختفت ابتسامتها على طول
 تميم وقبـل لايخليها تدخل قلها ايش سار معاه وملامح وجهها طغى عليها الوف 
 حرص عليها تنتبه عليـه ومشي وباله معاه بس غصبا عنـه

 دخلت الغرفـه حآسه انها السبب 
 اتوقعت حتجي اليوم وحيكون مرا كوويس 
 بس وجهه مايدل على كدا


 تميـم وقبـل لايوصـل للبيـت جالو اتصآل من امل ..
مرا استغرب رد عليـها ... 
 : السلام عليكم
: وعليكم السلام
 ماقدرت تمسك نفسها بكيت : تميم تعال اتكلم مع ليث
: ف ايش
 امل : عارفه انو الموضوع صعب بس والله من امس وحابس نفسه في الغرفه ...ادق الباب من الظهر ولا يفتح حتى اولاده بس ابا اطمن عليه لو 

 ماتبى تجي اتصل عليه دا اخوك الكبيـر في النهايه
 من اسلوبها واضح انو وصلـها الموضوع 
 ومن اسلوبها عرف انو ليث منهار وندممم
 صعب لما تشوف اخوانك الكبـآر بيمرو بدي الحاله وانتا بينهم 
 واحد منهار والتآني مريض وبيحاول يمسك نفسـه وبس
: خلاص دحين حكلمو
 ماحيفكر كم مرا ليث خلى ترف منهاره 
 كم مرا ليث خلى لمى تبكي ومحبوسه في غرفتها من المها 
 اتصـل عليه بدون تفكيـر وخلاص ... 
وحيعرف كيف يخرجو من الغرفـه 
 اتصل مرا مرتين وبعدها رد 
 صوتـه بس متغيير : هلا تميم
 تميم وقف سيارته ونزل : اهلين ..كيفك 
 ليث سكت فيه مليون رد على دا السؤال بس بعدها قال : الحمدالله
 تميم : اتوقعتك تجي لتآمر
 يتكلم معاه وهوا طالع البيـت .. 
ليـث : حجيه ان شالله 
 تميم : متى 
 ليث : بعدين 
 تميم سكت كمان وبعدها اتكلم : تراه تعبان اليوم اتشنج وفجعني 
 ليث مرا اتوتر : مو قلتلي سار تمام 
 تميم : ايوا وفجأه تعب اليوم انا بس بروح اجيب الاوراق من البيت وبحاول اقابل اخت قاسم وبعدها ارجعلـه
 ليث بدأ يهرج ويتعدل صوته : ايش تبا بااخت قاسم 
 تميم فتح باب الشقه ودخل اتكلم بصوت راخي : قاسم يبا يقلب الموضوع على ترف انو تآمر خاطف الولد وهوا ماكان يدري بوجوده الا 

 قريب
 ليث : اايششش !
تميم : وسخ بيحاول يخرج من الموضوع 
 ليث حريقـه يحس جوت قلبه قال بحقد : على جثتي لو خررج
 تميمم دي الكلمه بس خلتو يرتاح انو ليث بجد طبيعي 
 دخل غرفتـه وبيدور بالاوراق ويهرج : تجي معايا ولا تبا تروح لتآمر ؟
 ليث : لا حجي معاك وبعدها نروح مرا وحده .. هوا ف اي مستشفى .؟


 وهنـآ انسحبت لمـى ودخلت غرفـتها تبـكي
 ملجأها وحلها الوحيـد عدي بس رفعت جوالها ونادته باانهيار 
 وقام من على طاوله الطعآم واهله كلهم يطـآلعو فيه بعد عنهم : لمى ايش بك ؟
 لمى : تآمر في المستشفى 
 عدي : سلامته ايش بو 
 لمى تبكي وتهرج : مدري له يومين وتميم مخبي على ماما وبيقولو صاحبو سرلو حآدث 
 عدي : طيب يمكن بجد مع صاحبه 
 لمى : لا انا متأكده سمعت تميم يكلم ترف تخيل ترف معاااه وانا محد قلي 
 عدي : طيب ياقلبي يمكن مايبو يخوفو امك او
 لمى قاطعته : يعني اكيد سايرلو شي كبير
 عدي حس انو زادها : او انو شي بسيط وممكن بس يرتاح ويرجع 
 لمى ؟: لللليش طيب ليش ترف معااه 
 عدي ماعرف ايش يرد 
 وهيا كمملت : اباا ارووح المستشفى 
 عدي : حتروحي واخوانك مايبوكي تجي ؟!
دي الجمله بكتتتتها 
 يحاول يكلمها 
 يحاول يهديها بس مو راضيه تسمع 
 مقهوره انو اخوانها يبو تـرف 
 لمى هرجت بين شهقاتها : اباك توديني
 عدي : ياقلبي ماينفع عيبه ف حقي والله انتي اهدي في البيت واستنيهم خلاص
 لمى : مابى استنآهم ابا اروح 
 عدي : طيب شوفي انا عندي استعدادد اوديكي بس اتصلي على واحد فيهم وقوليلهم انك عرفتي خلاص وقتها مستعد اوديكي
 لمى : طيب بس حتصل على تآمر مابى اكلم تميم 
 عدي : وانا كدا ولا كدا حجيكي حتى لو ماروحتي ابا اشوفك 
 لمى : ماما عند الجيران ايش حقولها لو خرجت 
 عدي : ماعليكي كم مرا اقولك امك انا اتصرف معاها 
 لمى ارتاحت قفـلت منه واتصلت على تآمر 
 واول ماجاها جواله مقفـل جلست تبـكي
 تكذب على عدي ..؟
 تميم لو كلمته وقلها لا 
 محروووقه وماتبى تقعد تبا تروح تبا تطمن 
 ماحيستغفلوها زي امهم 
 وكآنت دي اول مرا تكذب على عــدي


 في غرفـه تآمر فتح عينه ولقى تـرف واقفه جمبـه ماتصلت على براء على طول 
 شـرب مويـآ رفع شويا السرير 
 خلتو يرتآح وبعدها اتصلت على براء .. 
تآمر : كيف سآمي
 ترف : الحمدالله سبتو مع صاحبه وجيت ..انتا كيفك
 تآمر : تمام 
 ترف فكت شنطتها : خد جوالك طفى وشحنتو 
 تآمر اخد الجوال وحطو جمبـه : فين تميم 
 ترف : مدري قلي شويا جاي
 الاتنين عندهم كــلام كتيـر 
 بس هوا مافيه حيل يهرج 
 وهيا مو قادره تسئل 
 ودقآيــق ودخل براء وترف كأنها اول مرا تشوفه 
 وجهها حمر 
 ضمت يدها تحت صدرها باارتباك 
 مو عارفه تبتسم ولا ايش بزبـط
 بس قلبها حيووقف نفسها تشــرد من المكآن 
 تآمر كآن بيعدل جلسته الا براء حط يدو على كتفـه : خليييك مرتآح _ سلم عليه _ الحمدالله ع سلامه 
 تآمر : الله يسلمك 
 براء وقف بااستقامه وجمو واقفه ترف طالع فيها وهيا شتت نظرها 
 مسك نفسـه لايضحك ورجع يكلم تآمر ...وترف كآن وضعها اخيرا زي ميرنآ مزهريييييييييه
 مو عارفه حتى تتنفس زي النآس
 انو تشوف براء مع تآمر ويتكلمو دا الشي مررا يوتتر
 اصلا لدحين مو قادره تستوعب انو زوجها 
 طالعت في براء لما ناداها : ايوا 
 براء مبتسم : ايش بك 
 ترف حركت راسها : ولاشي _ طالعت في تآمر بتوتر _ تباني اقول لتميم يجبلك شي معاه ؟
 بتصررررف اي هرررجه 
 تآمر ابتسم : لا شكرا
 رفعت يدها ترجع شعرها ورا اذنها كل شويـه 
 براء : يلا بس تقوم بسلامه ححدد يوم الفرح
 ترف تبا تقتله بدي اللحظه
 تآمر : ان شالله _ نقل عينه على ترف _ ولا مو عاجبك الوضع ؟
 ترف رفعت حوآجبها الاتنين وكأنه انصدمت من سؤال : لا _ استوعبت ردها _ قصدي ...انو _ ماعرفت ايش تقول فاردت بهجوميـه _ ااايش 

 اللسؤال داا
 تآمر ابتسامته زادت وبراء ضحك 
 رفع يده وحركه على شعر ترف وكأنها صغيره وقال لتآمر : سيبها لسى مو قادره تستوعب
 اتنررررررررفزت 
 الاتنين بيطقطقو على راسها
 اصلا ردها لوحده كسفها ماعرفت ايش تقول 
 طالعت في براء وهوا زادت ضحكته ونزل يده : خلاص طيب 
 براء بيحاول مايحرجهاا 
 بيحاول يتكلم مع تآمر ودي اول مرا يتكلم معاه 
 بس كلام عآمي .. مآكآن مهم 
 لين مادخلت الممرضه تقسـلو السكر وخرجت وترف وقتها مسكت يدو : كل شي سرلك بسببي 
 تآآمر طالع فيـها 
 ماعندو رد عليها اذا هوا حيمرض يوم ولا يوميـن هيا بسببهم عاشت سنننييين مكسـوره 
 تآمر : مو وقت الكلام دا 
 ترف حست انها تبا تبكي اشـرت براسها ..
ويعد خمسـه دقآيق فتحت لمى الباب ... وتــرف لحقتها لما طلب تآمر منها
 وبراء مو فاهم شي ..!!!
طالع في تآمر ..وتامر على طول قلـو : اختها
 نفسو يروح معاها .. ترف لسا اول مرا حتقابل اختها دي
 قلبـــه معاها 
 يطالع في تآمر وكل شي فيـه برا 
 بعد حكآيتها سار مايبى احد يبكيها او يزعلها 
 اللي شافتو كفآيه 


 بس صـرخت لمــى اول مالمستـها تـرف : لاااتمسكييني
 فجعت تــرف
 فجعت عدددي
 الكــل طالع فيـهم 
 دارت جسمها اول مالمسها عدي : لمى ايش بك 
 دموعها على خدها ومسكت في بلوزه عدي : اباا امشي
 ترف تطالع فيـها مصدومه مغمممضه عينها ولا تبا تشوفها حتتتى 
 وعدددي ايش جابو مع اختها 
 عدي رفع عينه على ترف وانصدم شتت نظره 
 وهيا برضو مافكرت بالموضوع كتتير قربت خطوى : لمى اسمعيني 
 رجع جسم عدي لورى لما لمى كآنت شويا وتدخل فيهه وخافت من ترف : عددي رجعني رجعني البيت 
 عدي طالع حولينه : طيب 
 مشيــو من قدآم ترف 
 وقلببها يوجعهاا 
 تميم مهدلها 
 تامر مهدلها 
 بس برضووو ماتوقعت انها اختها تترعب منها 
 ليش ؟؟!!
دموع ترف نزلت بقهر 
 اخوانها يظلموها عادي بس هيا تظلم احد 
 تخلي احد يكرهها 
 الشي دا وجعها 
 دخلو المصعد ودوبو بينقفــل الا ترف دخللت 
 وهنا لممى رجعت تمسك في عددي 
 مآكآن فيه غيرهم ترف انفاسها سريـعه قالت بقهر : لمى والله ماليا صلاح 
 لمى مو باينه حتى ..واقفه ورا عدي : مااابى اسمعك 
 عدي مووو عارف اللي بيسير
 كل اللي همو مرتـو وبـس 
 ترف : انا ماسويتلك شي ليش خايفه مني
 ولا ردت عليها صووت بكآها هوا طاغي على المكآن 
 عدي طالع في ترف : خلاص سيبيها 
 يبا يجيبها قدآمه وماتبى تتحرك من ركنيـه المصعد عشان لاتشوف تـرف
 وترف تطالع في حركاتها ومو مستوعبــه !!!!
واول مانفتح الصعد لمى على طوول خرجــت عدي بيلحقها الا ترف نادته : عددددي
 طالع في ترف ورجع طالع في لمى اللي متوجهه لبوابه المستشفى : انتا خطيبها صح
 عدي طالع في ترف تآني واشر براسه استوعب خلاص انها اختها 
 ترف : خليني اتكلم معاها 
 عدي : خليها تهدى
 ترف رفعت يدها مسحت دموعها قبل لاتنزل : روح هديها وشويا حجيها 
 عدي خرج بخطوات سـريعه 
 مصدوووووم كيييف دي اخت لمىى 
 دي لو فكررت بس تتكلم عن حركآته 
 حتخلي لمى تكرهه
 عدي جنن اهله من كل شي 
 مرحله بنآت ومر فيها 
 مرحله ادمـآن ومر فيـها 
 مر بكل شي 
 من عمرو 18 سنـه وبدأ يجننهم ومن مصيبه لمصيبـه 
 ودوبـه بدأ يهدى ومين اللي سحبو لدي السكـه 
 خلوود .. اتعرفت عليه احتاجت واحد عندو فلوس 
 عشان يشتريلها مو بس حشيش حتى الهيروين كآن لها بدي السكه 
 وسحبتو معـآه 
 شاف تـرف مرتيـن وكلها كآنت في مصـآيب من خخلود
 لكن تتذكره مزبوطط لأنه اكتر سيره سمعت عنو اول ماخرجت من السجن 
 وبعدها بتلاته شهور انقطــع وحتى خلود ماقدرت توصلـه
 لقـى لمى واقفـه عند السياره رااح ومسكها : حبيبي ايش بك 
 لمى وجهها محمر ومنهااره وكأنها شافت قااتل : اكره اخوواني اكرههم
 رفع يده ومسح دموعها : طيب أهدي ياقلبي مو لازم تسمعيلهها؟
 لمى وسعت عينها : مااااابى اشووفها حتى _ اشرت بعشوائيه _ لقيتها واقفه عند تآمر وانا مخليني في البيت ومحد معبرني
 عدي : طيب اعرفي الموضوع ليشش مشيتي كدا ؟!!
لمى تطالع فيه مصدومه : مااابى اعرف شي لاتسير زي اخوواني امانه ياعدي اماانه 
 عدددي انقهررر : طيب اللي يريحك ياقلبي _ مرر يدو على طرحتها _ لاتبكي طيب ؟ 
 لمى اشرت براسـها وهوا فتحلها باب السياره وقلها شويـآ جاي .
دخل تآني لترف : كلميها في وقت تآني انتي عآ
 ترف قاطعته : خلللود حكتك ايش سار معايا صح ولا لا 
 عدي قلبه يدق بسـرعه كيف مايتذكرررها قصتها محفوره براسه من كتر مانصدم : ايوا 
 ترف دموعها مغرقه عينها قالت بصوت مهزوز : موضوعي عندك اجل
 عدي بردة فعل سريعه : لا لا تدخليني بدي المواضيع معاها 
 ترف : اجل حروح اتكلم معاها دحين 
 عدي : اسسسمعي ماحتاخدي منها لاحق ولا بااطل 
 ترف : حقول الكلام اللي في نفسي وخلااص 
 عدي حط يدو على صدرو : وعد انا حجبلك هيا بنفسي بس خليها تهدى .. اديها يوم ولا يومين 
 ترف اشرت براسها وبعدها مشيت للمصـعد . .
قهررتهااا مرا قهرررتها 
 كمان ماتبى تسسسمع 
 خرجت من المصعد بس وقفت في المممر الفآضي وببكككيت 
 الخوف اللي بعينها حستو زي لما هيا شافت ليــث
 اهلها مايتقبلوها يكرههوها عادي بس انها تخاف منها وكأنها اذتها ف يوم .. 



في غرفـه تآمر .. 
تآمر : شوف لدحين طريقه الزوآج اللي سارت قاهرتني 
 براء : محد كآن يتمنى يسير كدا لكن ماكنت حجازف فيها 
 تآمر اشر براسه : فيك الخير
 الكلمه عاديه بنسبه لبراء لكن بنسبه لتآمر لها الف معنى ..
وانفتح البـآب تآني الاتنين يحسبو تـرف رجعت 
 بس تميم وليث اللي دخلو .. 
ووقفـو تآني بصدمه قبـل لايكملو ... 
كلهم عينهم مثبـه على الشخص اللي واقف .. 
تميم مشي بشوويش وقال لتآمر : دا ايش يسوي هنآ 
 تامر طالع فير براء وبعدها بتميم : دا زوج تـرف
 كأنو احد اداااه كــف
 اما ليـث مو داري دا زوجها قبل لايتهجم على ترف ولا بعــد.!
اتوجه لأخوه وتميم واقف بصدمتـه 
 سلم على تآمر وكأنه ماسمع ايش قال دوبـه : ماتشوف شر
 تآمر طالع في ليث واااضح علييه قد ايش منهـآر : الشر مايجيك
 تميم : دقيقه دقيقه دا متى اتزوجها 
 برااء اتنرفز من اسلوبه 
 دا ايش يسوي هنا 
 دا متى اتزوجها وكأنه حشره : اتوقع انك تعرف اسمي 
 تآمر اول مرا يدري انهم يعرفو بعض
 اما تميم ضيق على عينه : ومن مين خطبت اختي من ولدها ؟
 براء: والله الرجال الوحيد اللي لقيتو تآمر لو كنت موجود مآكآن نقصت بترف 
 تممييم كأنو ناقصو في لحظظه كآن بيندفع وبيضربوو الا ليث مسسكو : تممميم 
 وتآمر : اااهجد
 تميم وجهه محمممر رفع صبـآعه واشر على براء : اووزن كلاامك قبـل لاتهرج
 براء بااااااارد ابتسم : ماعليك اعرف ايش بقول

 حريقه جووت تميم دف يد لييث وعينه على براء
 براء طالع في تآمر : يلا أجيك بوقت تآني
 دوبـه بيخـرج الا ينفتح الباب وتدخـل تـرف ... 
وقلببببها طآآآآح اول ماشافت ليث
 تكررررررهههه
 مو خاايفه منه حاليا 
 بس تكررههه 
 دار جسمه ليث لما حس الكل بيطالع وراه وهنـآ ضااع كل شي 
 نظرة عينه باااين الانكسار فيها 
 وقفتـه 
 تعابيره 
 بس ماهمها دا كللو كآنت شايفه بعينها انسآن ماعندو ضمير وبس
 وهوا شاايف بعينه وحده ممظللومه 
 وحده شافت كل شي بعينها 
 للليث بدي اللحظه ماهمو حتى طريقـه للبسها 
 ماهمو شي نفسه يقولها سامحيني 
 بس مو قادر
 الكلمه صعبه عليه 
 هوت مو تميم وتآمر 
 هوا اوسـخ منهم
 اصلا مو قادر يقولها لأنه اي وحده مكآنها ماحتسمعها 
 طالعت في برااء وبتحاول ماترجع تبكي 
 مع انو وجهها محمر 
 مع انو الدموع واضحه : براء ابا امشي
 شعور انو يكون عندها سنــد غير الاخ 
 شي حللللو 
 شي قواها بدي اللحظه انها ماتخرج مكسووره 
 تامر : تتترف اصبري
 ترف : اجيك بوقت تآني ... _ طالعت في ليث _ انا ماحجلس في مكآن مع واحد مارحمني ف يوم
 ليث هزززته بالكلمه : ترف ل
 ترف قاطعته : لاتتتكلم رجآآئااا _ نزلت دموعها وبرااء واقف جمبها قالت بصوت مهزوز وهيا تأشر عليه وتشد على كل كلمه _ انتا انتا 

 بذاااات اخر واحد اباه يهررج ... انا قادره اسامح تامر وتميم لأنهم حاولو يسمعو ولو بعد فتره طويله بس حنووو _ اشرت على نفسها 

_ يااخي حسو انو في شي من عرضهم بعيد عنهم بس انتااا قلللبك من اايش انتا كييف قااارد تعيششش كككيف كيفف قادر تنآآآم بعد 

 ماكنت تهددني وتبا تقتلني طيب طيب لو انا بنتتتت كلب زي مابتقول 
 براء مسسك يدها مايباها تنفلت عليهم 
 مهي لمممى دي 
 ترف ولا عليها كمملت : اختتتك التآنيه عادي اللي سويتو فيها ؟!!؟! ولددددي طيب ولدددي ايش ذنبو انك خلييتو يعيش عند قآسم ايش 

 ذنبو انك كنت حتقتل امو واببوه بس والله ربي حيجااازيك حتشوفها ببزورتك يااللليث لما قلبك ينحررق عليهم وقتها تعرف بللي خليتني 

 اعيشه
 برااء : تررف خلاص 
 ترف طالعت فيه وبكيت : لااا مو خلاااص _ نقلت عينها لليث _ انتا حرااام انك تكون اب حررام انك تعيش من الاساس والله مو مهتمه على اي 

 شي سويتلو هوآ مو مهتمه انك مسكتني في اخر الليل وكنت خانقني وشوفت الموت بعيني ولا بتهديدك ولا بضررربك ورميتني في الشارع بس 

 قللبي محرووق على ولدي لما انسحب مننني 
 ليث دار جسمـه وخلاااص مايبى يسمعلههاا 
 كدا داره على الجدااار وبسسس
 بس صووتها واصلــه : محروووق لما دخلو عليا رجااال ييلمو ملابس ولدددي في نص اللليل ..وربي الناس اللي في الشارع كآنو ارحم 

 عليا منك 
 تتكلم وبرااء قلبــه محرووق 
 لو بيده يمسك ليث ويضربـــه عشآن تبرد حرقة قلبـها 
 بس مخليها تتكلم 
 مخليها تخرج اللي بنفسها واول مايكتت وسارت تبـكي 
 سحبها من بينهم . 
وســآبهم التلاتـــه 
 تميم وتآمر بالقوه ماسكين نفسـهم 
 ايش سووا فيها ليــث !!!!!!
كلامها فجعهم 
 اما ليـث رافع يده اللي تتنافض على عينه 
 اول ماخرجت كآن بيحاول مايخرج منو اي صوت 
 يبا يبكي بدون صووت لأنو مو قادر يمسك نفسـه 
 بس خرجت شهقــه فجعت تآمر وتميم 
 بككي بصوتــه وهوا مديهم ظهره ومو قادر يطالع فيهم 
 يكرررررره نفســـه 
 يحاول يكتم شهقااته بس مو قاااادر 
 كسرتو بكلامها
 حس نفسـه حقيــــر 
 ودا الشي يوووجع 
 لما تعيش طول عمرك وانتا تحسب انك بتسوي شي صح 
 وفي النهايه تطلـع جبروووت 
 مقهوريـن على اختهم بس صوت بكآه حرقلهم قلبـهم
 تميم حط يدو على كتف ليـث : خلاص ياليـث
 جا اليوم اللي هما يهدووه ... 
ماقدر يوقف بينهم كتيـر 
 يبا يطمن على تآمر بس بنفس الوقت 
 كلام تــرف لدحححين حارقه 
 خرج من الغرفـه من غير اي كلمــه 
 خرج وهوا بيحاول يشـرد من عيون النآس
 اللي يطالع فيـه يقول احد مآت عنده .. وفعلا ليــث الجبروت مآآت بدي اللحظه


 تــرف .. 
تمشي لأنو برااء ماسكها ترفع يدها كل شويا تمسح دمووعها 
 ااول ماوصلـه لمكآن مافيه احد وقف مشي ووقف قبالها 
 كانت تحسبو بيهرج الا حضنها : لو ماتبي تشوفيه بعد كدا بس قوليلي 
 ترف على طول قالتلو : مابى اسمع حتى سيرته 
 براء : خلاص حبيبي _ يمرر يده على شعرها وهيا تبــكي واول ماشافت دكتوره جآت بعدت عن براء _
ورجعو مشيـو تحس فيه شي مرتاح جوتها لما انفجرت فوقه 
 لما شافت ديك النظره 
 لما شاافت دمووعه بعينه 
 قويــه 
 ايييوا 
 الا ولدهاا هنا ماحتتنافض هنا حتووقف بدي اللحظه 
 بكل قوه وحتاخد حقها 
 ليــث ماتتخيل في يوم انها حتسامحـه 




 امــآ روآن اللي عايشـه في عالم لوحدها .. 
لو تمشي لبككرا ماحتطفش
 تشرد من الوآقـع
 تبا توصـل للمرحله اللي ممكن تخليها ترتاح 
 بس تحس حياتها ومعاناتها زي الشوارع دي مالها نهايه 
 تنبسط يومين بس في النهايه ماحتقدر تشرد من حقيقتها 
 هيا ناكره
 ودا ينهي الف شي 
 تخرج من الصبـآح لأخر الليل 
 ناسيه انو فيه ووحده ماعندها احد غيرها 
 خرجت جوالها لما شافت بشار يتصل بس ماردت
 تحلل من راسها وانو اكيد رجـع ومالقاها ..
طنشتو .. 
مالها خلق لأحد 
 جلست ساعه ساعتين تـآنيـه في الحديقـه اللي مافيها احد غيرها
 على الكراسي الخشبيـه وتطالع بالالعاب 
 فاقت من سرحانها لما دق جوآالها اول ماشافت الاسم ابتسمت 
 دا اللي تبـآه 
 ردت بدون تفكيـر : الو 
: لو ماتصللت مآكآن سئلتي
 زادت ابتسامتها وكأنه احد اداها كل شي حلو بالكلمه دي : ايوا يعني كل مرا انا اجيك وانا اسئل 
: ايوا ايش عندك 
 رفعت حواجبها الاتنين وضحكت : عندي مسئوليات وقضايا احلها 
 تآآمر واحد نفس حالتها بيشـرد من كل شي بصوتها 
 ماصدق تميم نزل يجبلو اكل يهرج بهدوء وهوا مسدوح : ومتى حتحلي قضيتك معايا 
 روان : هههههه اووه لا دي مطوله 
 تامر ابتسم : لين متى ؟
 روان ماتدري ليش حست السؤال وترها بس برضو بتحاول تمزح : لين ماألقالك وقت
 تامر رفع حاجبه : ألله يادنيا سار انا ماليا وقت 
 روان : ههههههههههههه شايف خلي المستشفى تنفعك 
 تامر : ههههه بتذليني على مرضي 
 روان : ههههههههه 
 تامر : شكلك رايقه 
 روان بتريقه : ايش عندي عشان ماروق لازم فصلات بكى وفصلات ضحك اوازن النفسيه عندي 
 تامر سكت قهرتو بجملتها مع انها بتقولها وهيا تضحك قال بتردد : ابا اشوفك
 وترررررررهااا 
 فصل فجأه
 تآمر مو عارف كيف يصرف تميم بس يباها تجي نفسو يشوفها مع انها كآنت في الصباح عندو 
 لكن سار مايكفيه مرا وحده باليوم 
 روان قلبها يدق : ليش ؟ جيتك في الصباح حلاوه هيا 
 تامر ضحك : لو ماتبي تشوفيني براحتك
 روان ابتسمت : ياناس على النفسيه
 تامر :ههههههه مني نفسيه بس مابى اضغط عليكي 
 روان : ماتعرف تتمسك برايك 
 تامر : اغصبك يعني ؟!
روان : ههههههه ايوا اتعلم تفرض الشي اللي تباه 
 تامر : هههه بس ياهووو
 روان : ههههههههههههههه يعني شوف انا دحين ابا اشوفك وحقولك ابا اجي اشوفك 
 تامر قلب الموضوع : ليش ؟ حلاوه هيا 
 روان : ايوا حلاوه عندك مآنع ؟!
تآمر : انا مو فاضي 
 روان : ماطلبت انك تكون فاضي
 تآمر : وليش جيـه طيب
 روان : عشان اشوفك واطمن عليك وامشي
 تآمر : اطمنتي في الصباح 
 روان في دا الظلام تبا تجننه اتربعت على الكراسي الخشبيه 
 ونفسها تشوف وجهه لما يسمع كلامه : ايش تباني اقولك _ بااستهزاء _ وحشتني ونفسي اشوف
 فجعتتتتتتته 
 طبعا وجهه حمـر وكأنها قالتها من جدها 
 روان تبا تضحك خلاص متخيله وجهه : المهم بجد لو ماتباني ماحجي
 تآمر مجنننون عشان يقول لا : ترا انا اللي قلتلك تعالي من البدايه 
 روان : ايوا بس ماكنت متمسك فيا وانا ماحب اللي مايتمسك بكلامه
 تآمر : هههههههه انتي ايش وراكي اليوم بضحكك دا
 روان : هههههههههههههههههه شر البلية مايضحك 
 تآمر سكت شويا وبعدها قال : قلتيلي دي الجمله في اول يوم شوفتك 
 روان : لما انضربت براسك 
 تامر : ايوا تصدقي مرا كرهتك 
 روان اتفاجئت : اما 
 تامر : ليش مصدومه هوا فيه احد حبك اول ماشافك 
 روان : والله كل النآس
 تامر : هههههههه سبحان الله ماحسك شخصيته تنحبي في اول نظره
 روان انفجعت : حررام عليك والله احس لو العالم كلو انا العالم حيكون بخير 
 تامر ضحكك : ههههههههههه مو عشان كدا لما عرفتك حبيتك
 قال الكلمـه واتورط فيـها : يعني الغلط منك مو مني 
 تآمر : لا منك انتي كاأول انطبااع وحده مجنووونه بنسبه ليا 
 روان : ههههههههههههه تآني انطباع طيب 
 تآمر سككتت 
 وروان : هاا هبله حتقول صح 
 تآمر ابتسم : لا 
 روان : طيب ؟
 تامر : احسك ماترضي تخرجي من راسي
 صممممممممممت الاتنيننن 
 بس بجد دا اللي حسو من بعد ماشافها تآني مرا 
 وهيا بس براسه 
 حكاااايتها مخليته يفكر فيها طول الوقت 
 لكن حاليا يفكر فيها هيا كشخخخص مو كحككــآيه 
 بنبرة صوتها 
 بملامحها
 حتى لما حضنته 
 جننتــه 
 لما تمسك يدوو 
 لما تشتكيلو وكأنه ماعندها احد غيرو 
 دا الاحساس لوحدو يخليه انو يباها جمبـو .. 
دقـآت قلبها ورا بعـَض وقفت بتوتر تحاول 
 تاخد الموضوع بطريقه عاديه : ماعندي حل وسط ياأخلي الناس يحبوني من اول نظره يابعدها اخد كل عقلهم 
 تآمر ابتسسسم ودا اللي سوته حاليا : تنبسطي كدا ؟
 روان تمشي وتهرج : اييوا احب لما اعرف انو فيه احد يحبني 
 تآمر : ماقلت اني احبك 
 روان ضحكت : الا
 تامر : هههههه لا قلت بفكر فيكي عشانك مجنونه 
 روان : ههههههه لا لا لاتشرد من الحقيقه 
 تامر : ههههههه حقيقه ايشش
 روان : انك تحبني خلاص حاول تصارح نفسك 
 تامر : هههههههههه اصارح نفسي باايش
 روان تبا تموت ضضحك : ليش تباني اجي دحين ؟
 تامر : عشان طفشان 
 روان : دي اجابه غللط 
 تامر : ههههه ايش الاجابه الصح 
 روان : انك تحبني وتبا تجلس معايا 
 تامر : ههههههههه طيب حمشيكي بالموضوع 
 روان سكتت 
 وبعدها بااسلوب هادي 
 بااسلوب وحده مكسوره : والله عادي اصلا اعرف انك تناديني لأنك طفشان 
 برده فعل سريـعه واحد مافكر بس قهرتو كآن بيقولها احب اجلس معاكي الا قلها : لا والله احبك ب
 روان : هههههه شاايف شاايف سحبتك بالكلام والله اروح ابوس راس بشار على الاسلوب دا اللي علمني عليه 
 تآمر سكت وهوا يستوعب وبعدها خرج :تستهبلي ها
 روان : هههههههههه خليك انسان صرييح ايش فيها لو قلتلي من البدايه
 تامر : هههههههههههه انتي ايش تبببي
 روان توقف سياره : دحين دحين اجي اتفاهم معاك
 تآمر : رووقانك دا اليوم مخوفني
 روان : هههههههههههههههههههه والله ترا لما افصل مرا محد يحب يقعد معايا صحبتي هديل لما ابا اطفشها اقعد ابوسها ابوسها ليين 

 ماتشرد من البيت 
 تآمر ابتسم وماعرف ايش يقول 
 هبله ولا ايش مو فاهم
 روان كملت : المهم انتا لو خايف سوي نفسك نايم وانا ماحسويلك شي 
 تامر : ههههه ليش الاسلوب دا مااقولك لاتجي وخلاص
 روان : لا مو عشان انتا تحبني فماتقدر تقولي لاتجي 
 تامر : هههههههههههه طيب ياااروان 
 روان : ههههههههههه انا ضميرك اللي يوجهك لطريق الصح 
 تامر : وحبي ليكي هوا الطريق الصح ؟
 روان : هههههههه لااا طبعااا مو انا جايه اتفاهم معاك عشان تسيبني في حالي 
 تامر : اهااا دحين انا اللي مطفشك 
 روان : لاااا اووووف ياتاامر سنه عشان تفهم 
 تامر مبتسم وبسسس اسمو لوحدو يجنن : فهميني طيب 
 روان :لا انا اسوي كدا لمصلحتك عشاني احبك واباك تنبسط بحياتك 
 تامر : ههههه فيه احد يحب شخص ويسيبو لوحدو 
 روان : فيه اغنيه زمان سمعتها ناسيه ايش هيا بس بمعنى الكلام انو لما تحب شخص لاتضره 
 تامر : هههههههههه ايش الحكمه دي الفخمه اللي في الاغنيه 
 روان : هههههه المهم اني وصلتلك الكلام 
 تامر : وكيف حتضريني 
 روان : انا شريره وانتا طيب ماينفع نكون مع بعض 
 تآمر : طيب لو الطيب دا كآن شرير وانتي منخدعه فيه 
 روان : هههههههههههههه ححبو طبعا 
 تآمر : ههههههه طيب انا شرير 
 روان : هههههههههههههه مافي شرير يقول عن نفسه شرير الشرير يشوف نفسه طيب وحبوب 
 تآمر : مو دوبك بتقولي عن نفسك كدا
 روان : خدعتك انا ههههههههههه
 تامر : ههههه يااارون تعالللي وبطلي بلاهه 
 روان : ههههههههه شايف انا معاك على حقيقتي دحين وانتا طفشت مني
 تامر :نرفزتيني بنقاشك الغبي
 روان : شكررا 
 تامر : لا حول ولا قوه الا بلله 
 روان : بلله بلله انتا جربت تضحك بصوت مرا عالي وتسوي شي مجنون
 تامر ابتسم : خيررر ايش تبي
 روان : دقيقه ..
اتكلمت مع صاحب السياره وركبت بعدها 
: المهم جربت ولا لا 
 تآمر : مجنون كيف 
 روان : يعني تأذي ناسس او عادي اي شي تسوي عشان تضحك من قلبك
 تآمر : وليش حاأذي ناس عشان اضحك من قلبي
 روان : عشان ننبسط ؟!
تآمر : هبله انتي يابت ؟
 روان : مو نأذيهم يعني نقهرهم لا فيه دعابات ا
 تامر قاطعها : بديت اكرهك 
 روان : هههههههههههههههههههههه نفسي اخرج يوم معاك 
 تامر : حاليا نظرتي ليكي بدأت تتغير
 روان تضحك بشششر وتامر يضحك لضحكتها : والله ياااتامر لو خرجت معايا بيوم اوعدك تضحك من قلببك 
 تامر : اهو انا بضحك تررا 
 روان : ههههههههههه لا لا تضحكك لأنك بتسوي شي مجنووون مو عشان كلام وهرج فاضي

 وآخدهم الكلام ليــن ماوصلـت 

 فتحت البـآب ودخلت ... جات لحد سريره وهوآ جآلس بالقوه صرف تميم 
 اصلا تميم تحت عارف انو وراه هرجه ولما شاف روان جايه للمصـآعد عرف هرجته
 تآمر مبتسسم من قلبببه مو حاسس بنفسه من يوم مادخلت 
 وهيا تمشي بااتجاهه وهوا كل شي انقلب فيه 
 روان رفعت حوآجبها الاتنين : ها مدلعتك وجيتك وانتا لساتك ف مككآنك
 تآمر : ههههه لما اخرج ان شالله اسير انا اللي اطفشك واجيكي
 روان : حتجي بالوقت الضايع 
 تامر : ههههه انتي ايش بك اليوم 
 روان : هههههههههههه مدري بس اليوم مريت بكل العواصف خرجت من عندك جاتني ضربـه شمس بعدين جاا هوا وغبره حسيت عيوني حتنفقع والله 

 وبعده جآ مطرر والحمدالله الجو هدي دحين 
 تآمر : انتي من الصباح برا البيت !؟
 روان : ايوا 
 تامر اشرلها تجلس وكمل كلامه : ايش بتسوي
 روان جلست على طرف السرير : امشي في ارض الله الواسعه 
 تامر : من الصباااح لدحين !!
روان : ايوا 
 تامر : محد بيدور عليكي !
روان : الا بشار بس مارديت عليه 
 تآمر سكت وبعدها قال : روآن مو حلو طول يومك وانتي في الشارع 
 رفعت عدسه عينها بتملل : اووف 
 تآمر : من جد بتكلم 
 روان : ايش تباني اسوي اقعد محبوسه طول اليوم 
 تامر : لا خير الامور اوسطها ماقلتلك احبسي نفسي وبنفسك الوقت ماتجلسي في الشارع طول يومك كأنك واحد من العيال
 روان فااااصله اليوم : عادي مافرق بنت ولا ولد 
 تامر:بنسبه لكي مو بنسبه لرجال حيطالع فيكي وبعدين سيبيكي من نظرة النآس انا بتكلم عشان نفسك روان : خلاص ياتامر انا مارديت 

 على بشار عشان لايكلمني ويعرف اني برا 
 تامر : كويسس عندو عقل احسن منك
 روان ابتسمت : عادي مو لازم يكون عندي عقل 
 تآمر ابتسم معاها : والله الكلام معاكي ضايع بس اصبري عليا 
 روان : شوف انا محد يقدر عليا عشان لاتطفشني واطفشك خلينا كدا اصحاب وحبايب سيبني في حالي وانا اسيبك ف حالك
 تآآمر يطــآلع فيـها 
 تآمر ابتسملها : طيب حللو ... اجل ينفع اقولك شي ..؟
 روآن : ايش ..؟ 
 تآمر : انا متزوج والي سمعتيني اكلمها مرتي 
 روان تطالع فيه لا ترف ماكان قالتلتها روحيلو لو متزوج : كذاب
 تآمر : ليش بكذب سمعتيني بااذنك انا يومي مقسم كآن بيت ترف وبيتي 
 روان قلبها يدق بسـرعه : برضك كذاب
 تامر : ههههه ليش حكذب 
 روان : ماحتزعل لو عرفت انك تقعد معايا 
 تامر : هيا مسافره لما ترجع يسير خير
 روان تطالع فييه ملامحها ماعليها اي معنى 
 احساس انه واحد قاعد يتسلى معاها 
 عشان مرته مسافره 
 قهرررتها 
 هيا بدأت تحس بااحساس حلو قالت ببرود : طيب 
 تامر رفع حأجبه شايفها تكآبر 
 شايف بعينها حاجه عجبتو 
 انها مقهوره 
 مايدري ليش ماقلها امزح 
 بس نظرات عينها مخليه قلبه يدق بسـرعه : ايش طيب ؟
 روان : اصطفل منك ليها انا اشلي
 تامر : تمام المهم انتي كيفك
 روآن : تمام 
 تبببا تبكي 
 يتكلللم وتطالع فيه وماتبى تقعـــد
 بس لا ماحتبكي 
 حتكابر
 بترد على كلامـه 
 بتسمعلو وعقلها مو معاه 
 بتتذكر كيف كآن يكلم ديك البنت 
 بتتذكر لما كآن يحاول يبعد عنها 
 وهيا بنفسها اللي كآنت تسحبو ليها 
 هيا اللي خلتو يجلس معاها 
 هيا اللي تطلب انو يوصلها 
 هوا ماتعرضلها 
 يتكلم يتكلم وشايف انها مو معاه 
 حاسس بدموعها اللي بتتجمع في عينها 
 وقفـت ودارت راسها : ابا مويـآ 
 راحت اخدت قاروره مويـآ مديته ظهرها تحاول تفك القاروره 
 بس دموعها نزلت 
 حطت القاروره على الطـآوله وخرجت على طـــول من المكآن ..

 ________


وصــل بشار لبيت عمـه .. ومولــع من روآن ... اتصل قبل لايطلع وبرضو ماردت عليه ... 
يكون ساير شي ..؟!
عشان كدا عمي جميل يباني .!؟
 افكاار وافكــآر ووصـل لعند الباب دق البـآب اللي يفتح لقسم الرجآل .. 
جميـل هوا ومرتـه في نفس المدخــل وهديل على نفس الوضعيـه 
 ولا رفعت راسها 
 خف صوت بكآتها 
 اما بنـآته دخلو الخمسـه جوآ وكلهم متوقعين انها سميـه 

 جميـل اول ماسمع صوت الجرس راح لمرتـه : خلاص ادخلي
 مرته : مين جا
 جميـل : بعدين اقولك ادخلي .. 
اول مادخلت وقفلت الباب .. جميـل اضطر يفتحلو من الباب التـآني 
: ايوا عمي 
 جميل بلع ريقـه :تعال معايا 
 مشي قبـآله وخرجو من القسـم التآني دوبـه في ببدايه اللمر شافها في الركنبه 
 عمو طالع فيه : حاول تكلمها 
 كأنه احد ادى لبشار كــف وهوا شايف هدديل كدا 
 هرفها من لبسها من شعرهاا 
 اتوجهلها وانفـآسه ودقات قلبه سريـعه نزل لمستواها : هديل
 بشار مو عارف يسوي شي: هديل طالعي فيا 
 هديل مافي اي رده فعل منها الا انها بكيت زياده وتهز رجولها 
 بشار طالع في عموو : عمممي ايش سااار
 عمو : مدري مو راضيه تتكلم 
 بشار مسكها : قوومي من هنآ 
 هديل وقفت بالقوه طالع بوجهها وحاسس انو ضايف 
 مو قادر يسوي شي وفيه عمـه 
 بيحاول يهديها بكلامه وبس : فيه احد لمسك 
 اشرت براسها بلا
 بشار قلبه شويا ويوقف وهوا مفجوع عليها : طيب من مين تبكي
 هديل شهقات متتاليه عشان تقدر تنطق الاسم اللي وجعها : ما ما
 دي اللحظه انسكككب مويا بااارده على قلب جمميل وبشار 
 كأنو يحسبو جلال سوالها شي 
 بشار طالع في عمو وبعدها عمو انسحب على طول 
 رفع يده ويمسحلها دموعها : حبيبي ايش ساار
 وهديل ماصدقت حضنته وبكيييت : ليش سبببتني 
 بشآر: امآنه لاتفجعيني ايش سرلك 
 هديل حتسكت ..؟
 لا واااثقه فيه اكتر من اي شخص
 ماحيلو ذراعها اللي شافتو كتيــر 
 وف عينها بش.ار اللي حيحميها ويقدر يحمي نفسـه من الكل 
 بعدت عنو وطالعت فيه تحاول تنطق الاسم كدا مرا مو قادره تهرج 
 بشار حوط يده حولين وجهها : اهدددي وبعدها اهرجي طيب لاتخاافي محد يقدر يقرب منك 
 مسك يدها وسحبها للمجلس جلسها وجلس جمبها مرر يدو على ذراعها 
 وحسها زي التلج 
 مو عارف ياخدها بدا الشكل ولا يطلب جاكيت ولاشي يدفيها ولا ايش بزبط 
: تبينا نمشي من هنا
 اشرت براسها : طيب دحين اجيكي



 امـآ جوآ لما دخلت امهم كلهم على طول سئلوها : ماما دي سميـه 
 امهم على نار بس مو قادره تفتح فمها وزوجها بدا المود : لا 
 شهد : اجل مين ؟!
امهم : اسمها هديل 
 روابي: ايش جابها 
 امهم اتنرفزت : ااايش عرفننني دحين زيي زيكم 
 جلست بين بنآتها وابـوهم بعد دقـآيق دخلل وقبل اي وحده تتكلم دخل لغرفتـه 
 وكآنت برضو دقآيق تآنيه لما بشار وقف في الفاصل كآن بيدق الباب وبطل
 ورجع اتصل على جوآال عمـه وجآه على طول 
 بشار بتوتر : انا ماشي بس عندك جآكيت ياعمي ولا اي شي تدفى فيه 
 جميل : دحين حكلم البنات المهم ايش الموضوع 
 بشار : مدري بس الهرجه فيها امها
 جميل عقد حوآجبه وبشار كمل : امها باعتها لأبويا ودحين رجعت تباها تآني 
 جميل : طيب الحمدالله يمكن ربي هداها 
 بشار بالو مع هديل : ححكيك ياعمي كل شي مرا تآنيه بس خليني امشي 
 عمو رمش بهدوء الموضوع بكبره صعب بس غصبا عنـه بيسويه 
 دخل والبنـآت كلهم عينهم على ابــوهم : وحده منكم تجيب للبنت للبس ولا جاكيت طويل 
 شووق قامت وجابتلها جآكيت اسود وادتو لأبوها وراح اداه عند الباب دوبو بيمشي الا بشار ناداه : عمممي
 عمو رجـعلو : ايوا ؟
 بشار : شكرا
 عمو اشر براسه وبشار راح لهديـل 

 امـآ جميـل اول ماعرف انو البنات استوعبـه انو بشـآر رفع صبـآعه : وحده منكم تقول لزوجها ايش شافت ولا ايش سمعت ماحتلوم الا 

 نفســها ...فاااهمين ؟

 روآبي وشــوق اول نآس مصدوميـن ...رروابي همست : نروح الطآقه 
 شوق : اسري ماما حتقتلنا 
 روابي : تكون تقرب لأمه ؟
 شوق : دحين ماما حتفهم الهرجه وتفهمنا .. 



امـآ بشـآر اول مادخل عليها لبسـها الجآكيت مسك يدها ووقفـها قربها وخــرجو .. 
قلبه يووجعه بس يباها تهدى .. 
يباها ترتاح 
 نزلـو الدررج وخرج فلاتها من رجلها نزل على طول جسمـه ولبسـها هوا 
 يسوي كل شي بدون تفكيـر
 وهيا واقفه وتطـآلع فيـه خرجها لبرا العمــآره ركبها السيـآره واول مابعد عن الحي 
 وقف سيـآرته وجا لناحيتها فك الباب 
 سااااااااكتــه 
 عينها مثبته بس على الطريق ونقلت عينها عليه لما فك الباب 
 مد يدو : تعالي حبيبي
 مسكت يدو بدون ماتسئل ونزلت حضنها وباس جبينها رفع يدها وهوا يدفيها بين يدو ويتكلم معاها : لاتخاافي 
 هديل تطالع بيدها وبعدين اتكلمت ودموعها بعينها : بيهددوني فيك عارفين اني لقيت شي مخليني مرتاحه وسارت هددني فيه
 بشار وقف حركه يدو : باايش هددتك 
 حركت راسها بنفي ودموعها نزلت : مو هيا ..سعيد مسكني
 بشاار وسعت عيينه : دا الكلللب مااااتااب
 هديل : همهم الفلوس وبس فاكر مسدسك جابوه لعندي ويقولي حيورطوك بااي هرجه 
 بشآر واااحد بينحرق من جوآآ بس ماسك نفسه عشانهاا 
 ماسك نفسه عشان نفسيتها رفع يده ويمسح دموعها : ماعليكي من احد والله محد حيقرب منك 
 هديل : بشار انا تعباانه انا سرت مابى اعيش والله مو مبسوطه مو مبسسسوطططه ف حآجه 
 اترخت يده من على خدها 
 كل شي بعينه اتحطم فجأه 
 قاعد يصبر نفسـه فيها وبأمه دي حيلته 
 بشار بصعوبه قال : مو مبسوطه معايا 
 وهنــآ انفجرت : انتتا طول يومك ساايبني انا لوحدددي بقعد من الصبح لأخرر الليل خلاااص وربي مخنوووقه 
 بشار : بسيبك مع سميه 
 هديل : سميه مو في البيت بتخرج معاااك وترجع بعض الاحيان بعدك 
 بشار انفجع : فين بتروح 
 هديل : مدري .. بشار انا ماأتحممل اكون محبوسه عششت طول عمري برااا وتجو تحبسوني بهمممي كرهتوني بنفسي 
 بشار يطالع فيها رفع يده يعدلها شعرها اتكلم بصوت غريب ..بصوت واحد ساير مهووس فيها: انا اسف حسوي اللي تبه ...حسوي اللي 

 يرضيكي
 مو دا بشــآر 
 مو دا الطبيعي اللي كآن قبـل كم شهر



 دخلها البيــت خلاها تغيـر ملابسـها وتجيـه ..جلس جمبـها لين مانـآمت يمرر يدو على شعرها 
 وكل تفكيره بسعيــد 
 يبا يقتله ومايبى عشان لايبعد عن هديـل 
 كل تفكيره محصور عليها 
 وشويا يفكر بسممييه وفين مختفيـه 
 ومابترد عليـه كمان 
 ولو مادتو مشغول اخر مرا كآن فكر باأشياء مجنونه ... 
دق جوآاله ورد : ايوا بشـآر 
 جميل : فينك 
 بشار : خلاص وصلت 
 جميـل : ايش سار معاها 
 بشار : قلتلك امها وجو هددوها مسدسي عندهم 
 جميل انفجع : ننننعم !!
بشار : نسيتو اخر مرا 
 جميل فصصصل : في احد ينسى سلاااحه مجنننون انتا 
 بشار : مدري ياعمي ماتذكر اصلا كيف نسيتو 
 جميل : اسغفررالله العلي العظيمم ارسلي كل شي عنهم بســرعه 
 بشار : ان شالله 
 جميـل : جلاللل في فرنسا 
 بشار ملامحه كلها لانت : كيف قدر يسافر !
جميل : اكيد تهريب وطلب للجوء سياسي يعني انسى شي اسمو جلال خلاااص 
 للجوء سيــآسي يعني ممنوع انو يدخل دي البلد مرررا 
 يعني هوآ هنآك محد يقدر يلمســه 
 يعني ببساطه خرج من الموضوع بسهوووووووله ولاأحد يقدر يوصــله 
 قفــل من عمــو وهوا يلعب بشعر هديـل : جلال راح .! .. جلال سافر ! 
يقولها ومو مستوعــب انو خلاص كل شي اللي بنفسه ماحينطفي ومستحييل ينطفي 
 يلعب بشعر هديـل وكل اللي في راسـه دا الموضوع ... 




امــآ روآن تمشي في ممر المستشفى ودموعها تنزل مقهوره من نفسها مقهوره لأنه طلع متزوج وكانو كان يملي فراغ على حسها
 وصلت للمصعد ودق جوآلها 
 رفعتـه وشافت اسم تآمر 
 ردت ماقدرت ماترد وقبل لاتتكلم هوا اتكلم : روان تعالي 
 روان : شويا حجي
 ماتبى تمشي وهيا زعلانه من الموقف ماتبى ينمسك عليها الموقف
 تآمر : تعااالي دحين لاتخليني اخرجلك 
 روآن : قلتلك ماحجي دحين 
 تآمر سكت وبعدها قـآل : دقييقتين بس وامشي 
 روان بنرفزه : دقيقتين وماشيه 
 تآمر : طيب
 قفلت وهيا تسب نفسسها غبيه راجعتله 
 مسحت دموعها 
 ملامحها جامده دخلت جوالها بجيبها 
 ورجعتــلو الغرفـه تآني اول مافتحت الباب قدمت لحد سريره 
 قالت بكل جفاصه : ايش تباا 
 تآمر : ليش بكيتي 
 روآن : اتذكرت هرجه .. وقالت مابكيت ياعبيط 
 تآمر رفع جسمـه بشويش ومسك يدها وسحبها خبطت برجولها على السرير : نعمم 
 تامر : انا مو حقير عشان اخون لو حبيت 
 روآن : ايش يعني ماتحب مرتك 
 تآمر ضحك : مو متزوج بمزح 
 روان دارت وجهها : بكيفك اصلا 
 تآمر : تبي تبكي بسبب النآس حتلقيني اول واحد معاكي بس لاتبكي بسببي
 روآن طالعت فيه ودموعها بعينها قالت بقهر : مزحك تقيـل 
 تآمر : ليش زعلتي طيب
 روان : عشان مابى ووحده تدعي عليا وبعدين كانو وضعك واحد بيملي فراغ مرتو اللي مسافرة تباني افرح يعني 
 تآمر : طيب تعالي اجلسي
 روان : ابا امشي 
 تآمر : وتسيبيني 
 روان : احسسن شكلك وانتا لوحدك يبسطني وانا قلتلك دقيقتين وماشيه 
 كآنت بتسحب يدها الا هوا شد على يدها 
 روان رفعت حآجبها : تامر ابا امشي 
 تآمر عاد الجملـه بنفس اسلوبها : تآمر يبـآكي .. 


نهايه الفصـــل ...



 الفصــل الحآدي والثلاثون .. 

معآنآه ... لازمتهم منذ الصغــر
 ألم .. حرمآن ... وحده .. ظلم ..دمووع 
 احلام مزيـفه كي يكملو مشوارهم 
 الانكسـآر جزء من يومهم 
 لكن هنآلك قوه بداخلهم تجعلهم متمسكين بالحيآه 
 فتلـك الطفلــه اللتي بدأت روآيتي بها .. 
روآن .. اللتي كآنت تجري في الشوارع 
 حافية القدميـن 
 تسـرق تضحك تلعـب
 بسيطه تلك الطفلـه 
 اليوم تحممل اسم اكبـر طآغيه في البلد 
" سميـه جآسسم الرآيد "
هديـل تلك المدلله كآن الجميـع ينظر لها 
 بنظره الحسـد 
 فاجميعهم اطفـآل لم ينطقـه كلمـه " امي " 
وهي الوحيـده اللتي كآنت تتباهى بوجود امها 
 وتسرد لهم قصصها 
 واليــوم اكتشفت ان أمها مجرد " عاهره "
وهيا آداة تستخدمها لكسب المآل .. 





لابـٍس نفس الملابـس 
 جالس لوحده ..مخنووق ..من يوم ماشافها رجعتلو كل ذكرى عآشـها 
 قبـل سنـه ونـص .. . 
نفـس الشخص 
 لكن كل شي متغير فيـه 
 شاحب ..
سواد تحت عينـه 
 معقد حوآجبه اغلب وقـته
 جآلس في شقـه مستأجرها وجمبـه وحده
 يسمعلها وهوا مو مهتم يحرك رجوله بتوتر .. 
قال : طيب ادوها ولدها ولا لسى 
 خلود : لسى ..عشان كدا ماقدرت اجيك عارف كيف النفسيه وماضمن ايش تسوي بنفسها 
 عدي قدم جسمه لطرف الكنبه وهوا ياخد الكيس الشفاف الصغير : كآن قلتيلها تجي
 خلود : حاولت فيها كدا مرا ماتحب ..المهم سيبك منها انتا ايش مزعلك 
 عدي فتح الكيس وحط البودره على المرايه الصغيره : ابويا قلي لاترجع البيت
 خلود بقرف : بالناااقص مع نفسهم ليش تقهر نفسك 
 عدي مارد عليها رفع المرآيه وقربها لخشمه 
 وسحب البوودره 
 غمض عيوونه مرر يددو على خشمه بسرعه 
 ورجـع عآد الحركه ورمى نفسه على الكنبـه 
 وخلود ابتسمت دا مصدر رزقها قربت جسمها لناحيته وتمرر يدها على شعره : مبسووط 
 رفع حوآجبه الاتنين من غير مايرد
 وهيا زادت ابتسامتها : ايش تبا باأهلك انا عنهم كلهم 
 عدي ابتسم وهوا مبسوووووط بالاحســآس اللي عايشـه
 فتح عينه ويطالع فيها : انتي تاج راسهم كلهم
 خلود : هههههههه
 سحبت جسمها لطـرف الكنبه وسوت نفس الشـي 
 طلب بيتزا ورد على لؤي لما اتصـل عليه يتككلم وهوا يحس 
 جسمه كلو مخدر 
 لؤي : عدددي فينك
 عدي بصوت رايق : ايش تبى 
 لؤي : مجننننون قلبت البيت حريقه وممشيت 
 عدي : ياخلي خليهم يسيبوني ف حالي
 لؤي : حرررام عليك والله خاله دعيت عليييك ماتخااف انتا
 عدي : لؤي وربي ماليا للكلام الفاضي دا 
 ودوبـه بيسمع لؤي ايش يرد الا خلود سحبت الجوال وقفلـتو : لاتوجع راسك بهرجهم 
 مو شآيف انو احد من اهله يستآهل يضيع لحظات الاستكنآن دي
 مرت لحظـآت وهوا حولينـه كل الممنوعآت 
 كل الاشياء اللي تخليه في عآآآآلم تآآني 
 عالمـه الخآص
 خلود ايش بنسبه له ولاشييي
 مجرد انسانه تدبرلو كل شي يبآه
 واستمتع بسحبه تآنيه للبورده المنتشره على الطآوله 
 وسند جسممه بااستممتاع ... لحظآآت 
 بدأ كل شي يغبـش بعينه بدأت دقآت قلبه تضعف
 واستسلم للنــوم .. 
دق الجـرس طالعت في عدي اخدت الفلوس اللي على الطآوله واتوجهت تفتح الباب .. 
ادت للرجال الفلوس واخدت كرتون البيتزآ حطتو على الطاوله وجلست جمب عدي : عدددي
 فكت الكرتوون وحراره البيتزآ شهتها اكتر
 مدت يدها لعدي وهزتو من كتفو ومـآل جسمو على النآحيه التآنيه
 سابت اللي بيدها 
 نادت بخوف : عدي !
وقفت مشيت خطوتيـن باإتجآهه نزلت جسمها للارض نادت بخووف اكتتر : عدددي !!
رفعت يدها لعند وجهه ولما حستو مايتنفس وقفــت بسرعه 
 طالعت حوليـنها 
 سحبت شنطتـها 
 ورجعت بتشتت لباب الشقـه فتحتو وحتى ماقفـلت دوبـها بتنزل صدمـت بوآحد : معليشش
 رفعتلو يدها وكملت طريقها بسـرعه 
 امـآ عزآم شاف الباب مفتــوح وكآنت ديك لحظـه انهيـآر للعيله كلـها 
 كآنت فجعــه للكــل
 وأولهم عــدي لما فآق وهوا بالمستشفى ويشوف الأجهزه حوليـه وكل اللي يتذكره 
 دعوة امـه لما حرقلها قلبـها وهوا خـآرج وقالتله " رووح الله لايرددك "


حالـيآ جالس على سريره فك ازارا البلوزه ووقــف يحس الغرفـه خانقته 
 دموعه بعينه 
 يككككره نفسـه زمآن 
 يكره كل شي كآن عايشه 
 البيت دا كآن كل يوم مشآكل 
 ابوه يصررخ 
 امه تبــكي 
 كآن قالب حيآتهم جحيم 
 كآن عارف انو هوا الغلطه بدي العيله 
 هوا الصغير واللي ندمانين لأنهم جابوه 
 شايف بعينهم دا الشي
 وفوق دا كلو عمرو ابوه ماضربو 
 عمرهم ماستخدمو اي وسيله فيها عنننف معاه 
 ماينسى اليوم اللي دف امــه وصرخ عليـها عشان وقفت قدآم الباب وقالتلو ماحتخرج
 وجه تــرف رجعلو كل ذككرى 
 ضعف امه 
 نظره ابوه 
 عصبيه عزآم 
 خوف علا 
 فتـح باب غرفـته واتوجه بدون تفكيـر لغرفه امو وابـوه فتح البآب 
 ولقاها واقفه عند الدولاب وبترتب ملابسـها 
 وابوه مسدوح على سريره ومتغطي بلحاف يبا ينآم 
 دارت عليـه وهوا مشي باإتجاهها دوبها بتهرج الا حضنهـآ
 بدأ وجهه يحمــر
 حط راسـه على كتفها 
 بدأت دموعه تتجمع بعينه 
 وفلحظه سار يبكي وكل اللي سامعه ابوه صوت تنفس ولده اللي يدل على بكآه 
 فجعـــهم 
 ابوه جلسس 
 وامه متخشبه 
 وهوا يبكي
 ندمآآآآآآآن ..ندمآآن على كل لحظه بكآهم 
 على كل لحظه حرقلهم قلبـهم 
 على كل لحظه سهرو فيها لوجه الفجر وهما مو عارفين فينو 
 امه بكل رعببب : عدي ايش بببك
 ابوه ماقدر ينطق بكلمـه وجلسته تدل على فجعتـه
 كل اللي قدر يقوله بين بكآه : انا .._اخد نفسه بالقوه _. انا آسف
 بنت النآآآآس
 دا اللي جا ف بالهم 
 سوالها شي 
 من يوم ماخطبها هوا كل شي بيسرله متعلق فيها وبــس
 ابوه : عدددي ااايش فييه 
 امه تبا تبكي وهيا مو فاهمه شي : لاتوقفلي قلبي
 ماطلع منـه اي كلمـه 
 ابوه بعد لحآفه ووقف : انا بككككلمك اهههرج
 مايبكي بس لما يبكي مايعرف يهــرج 
 كدا يبككي وبسسس 
 يكلموه ولا كأنه لين ابوه ماجلسه على السرير وجلس جمبـه 
 وهوا يمسح دموعه ومابيطالع فيهم 
 ابوه : ياولددي ايش ساااير بنت الناس فيها شي

 عدي حاول بهدى وبالقوه قال :لا
 امه واقفه قباله : انتا سويت حآجه ؟ _ لما ماارد قالت بعصبيه _ عدددددي اتكلم وارحمني
 عدي : والله مافي شي بس كنت مخنوق
 ابوه : قولي وانا حوقف معاك 
 عدي : والله مافي شي 
 محد مصدقو 
 امـه : احنا اهللك لاتفجعنا وتقولنا مافي شي 
 عدي سكت ... سكت وعيونهم الاتنين عليه قال وهوا يطآلع في امه : مقهور من نفسي
 امه : ليش ؟!
عدي شتت نظره : من اللي كنت اسويه زمآن فيكم
 سكتتتو الاتننيييين !!!!
يطالعو فيه وبلحظه كآنو حيقولو بيغير الموضوع ومايبى يفتح الهرجه الاساسيه 
 بس كمــل 
: استحملتوني وانا ماعمري اديتكم شي عدل 
 امه نزلت دموعها على طول 
 مو عشآن كلامه اكتر من انها بتحاول دايما تنسـى دعوتها عليـه اللي بعد تلات ساعات جآهآ
 اتصال عزآم فجعهم ... تحس انها السبب
 ومن داك اليوم عمرها مادعت على أحد 
 الله يهديهم 
 الله يصلحهم 
 دي هيا الدعوه اللي يستاهلها ولدك ولا بنتك حتى في عز طيشهم 
 ابوه: انتا ولدي انا مو مستني شي منك 
 جملـة ابوه 
 ماهدتو اكتر من إنها خلتو يبكي زيآآده 
 وبكــي عندهم 
 خرج اللي في نفسه 
 عمرهم ماتكلممو عن الموضوع 
 فجأه اندفن 
 وانشغلو بعلاجه من الادمآن وكيف يحاولو يوفرولو كل شي بس مع لؤي وعزآم 
 ماعتذرلهم 
 ماقلهم انو إنتو تآج رآآسي مو ديك اللي جلست جمببها
 واليــوم عبرلهم 
 سنــه ونــص 
 بس الاعتراف حتى لو متأخر 
 الام والأب حيقبلووه وكأنه قلتها بلحظتـها .... 
شاف لمى مضطهده وتنضرب على اسباب مالها داعي 
 ترف مرميـه من اهلها 
 وهوا اهله دلعوووووه 
 في عز وساااخته كل اللي سوه انهم يبكوو ... وهنا حس بقيمتهم 

_________________

لانستطيـع ان نهرب من مشآعرنآ دآئمآ
 هنآك لحظـه ضعـف
 هنآك كلمآت تخرج دون ان تشعر 
 هل هي الفتآة اللتي يحلم بها من صغــره 
 لا 
 بل هيا الفتآة اللتي رأها في تلك الليلـه 
 واستحوذت على تفكيـره دون إرادتـه
 اين مبـآدئـه 
 اين تفكيره الشرقـي
 كله ذهب في مهب الريـح 


 غرفـه صغيـره .. 
صمـت, نظرآت . توتر , دقآت قلب سريعه 
 انفآس متتآليه 
 ومآزال موقف براء مع اختـه اثر كتيـر في نفسيتـه
 اول ماترخت يدو سحبت يدها منو 
 مو قادره تاخد المووضع بمزح 
 ملامح وجهه جديــه 
 مو قادره تضبط انفآسها 
 بدأت تنجذب لكل شي فيـه 
 لكل لحظه يمسك فيها يدها ويسحبها له باأمر
 لكلامه 
 لملامحـه 
 لصوته 

 قالت بخوف : انا مـآبآه 
 يقدر يسحب نفسـه 
 ادتو الضوء الاخضر انو يتراجع عن كلامـه
 بس مو قآدر
 بثقه هزتها : كذابه
 روان بتوتر : جبتني لهنآ عشان تقولي دي الكلمتين 
 تآمر :ايوا 
 روان : كان قلتها بالجوال
 تآمر : كآن ضحكتي عليا بردك وماشوفت ملامح وجههك 
 وترها .. اكتر فتره تبكي فيها وهيا معاه 
 حاسه نفسها تاااافهه 

 قالت بنرفزه : ترا بجدد الموضوع مستفزني 
 تآمر : ايت موضوع المزحه ولا
 قاطعته : الاتنننين
 مستفزها لأنو يهرجج بهدووء
 وهوا هاادي لأنو مرتبك من جوآ
 بس بعد اللي سرله عند قآسم يبا يتمسك باأي شي يحسو حلو لنفسـه 
 طول عمره عايش على حساب امه واختته ومشاكلهم 
 ونآسي نفسـه
 حابب دا الشعور 
 ايش نهايته مايدري
 بس حاليا يبا يتمسك فيه
 رفع جسمـه من على المخده بشوويش 
 روان : ايش بك 
 مارد عليها 
 جلس بااستقآمه ..نزل رجولـه الاتنين 
 اتنهد بتعـب وهيا ضمت يدها تحت صدرها بتوتر

 تبا تتكلم بس مو قادره واقفه قبـآله وهوا جـآلس على طرف السرير
 وفجأه ضغط على يده ع سرير ووقــف
 بينهم مسآفه بسيطـه 
 لها كم يوم تشوفه بس مسدوح 
 طوله وترها 
 قربه منها 
 حط يدو اليسار على مكآن العمليه ويدو اليميـن مسك يدها ومشي بخطوآت هاديـه
 وهيا مشيت معاها مو قادره تسحب يده عشان لاتعوره بس 
: تآآمر ايش تبا 
 جآ لعند الباب : فكي الباب 
 مدت يدها الللي تتنافض وفكتـه وخرج وهيا معآه 
 تمشي جمبـو 
 في الممر الطويـل طالعت فيه : خلاص ارتاح وادخل
 تآمر : المفروض امشي
 روان شتت نظرها 
 تآمر مستني بس نبضات قلبه تهدى 
 انفاسه السريعه 
 وبعدها قال : شمي هوى يانفسيه
 طالعت فيه بسـرعه : نعم ؟!
قاايم من غرفتـه وساحبها لبراا عشان تغير جو من الغرفه الكئيبه 
 عشان يتكلمو في مكآن فيه احد غيرهم 
 تآمر يطالع قدآمه ويهرج : ليش تبي تبكي
 روآن : ماببكي
 تآمر طالع فيها وهيا عينها على اي احد يمشي : انتي لازم تتعلمي كيف تكذبي
 روان هنآ طالعت فيه : اعرف اكذب 
 تامر ابتسم : يعني عارفه نفسك كذابه 
 روآن رفعت حاجبها : ماأقصد على دا الموقف عآمتآ يعني
 تامر : انتي مرا مفتخره بصفاتتك السيئه 
 روان بحقد : هيا اللي معيشتني 
 تآمر : انتي اللي تبي تعيشي كدا
 روان تبا تتكلم بس حركه يدو الهاديه على يدها تخلي الكلام يضيع
 يضغط على صباع صباع وكأنه بيلعب بيدها 
 مو قادره تفكر ايش تقول 
 موتتترها وبــس
 تحس مخها كلوو مشغول في يده وبس : مدري
 تآمر مبسووط حاسس بشعور غريب وعاجبـه 
 ملمس يدها عااجبه 
 برودتـه نعومتـه
 بيخلي يده تتحرك بدوت تفكيـر : ايش اللي ماتدري تبي تكملي حياتك كدا
 روآن : انا مبسوطه
 تآمر : يألله على الكذب
 روآن : ترا احنا سايرين نتضارب على نفس الهرجه من امس
 تآمر : لا إحنا كنآ نهرج عن موضوع واتغير بسبب كذبك 
 روآن : تااامر ايش تبا
 تامر : اباكي تكوني صريحه مو إنتي اللي طلبتي دا الشي
 روان : كنت بمزح
 تامر ضحك بشويش : يعني تبينا نكذب . طيب ياروان .. _ شاف كرآسي مع انو مامشي كتير بس يبا يقعد 
 اتوجهو للكراسي وجـلس وساب يدها وهيا طالعت فيـه وواقفه قباله 
 تامر كمل ويهرج بصوت وتررها: انا اكتر شي اكرهه لما اشوفك ..اكره نظرتك اكره صوتك اكره لما تجيني وتبكي .. اكره ابتسامتك بين بكآكي ..واكره فصلاتك في الضحك ..الشي الوحيد اللي احبو فيكي لما تبي تمشي كلامك عليا _ عقد حوآجبه _ انا هنآ اسير رجآل واعشقك زيآده 
 عكسسسسس كلامـــه كلللله 
 روآن ايش موقفها ماتدري
 بالقوه واقفه على رجولها 
 دقآآآت قلبها خلاص وصلت حدها 
 مو عارفه ايش تسوي 
 نفسها تبكي وخلاص عشان يتغير لموضوع 
 ولا عشان ماتفكر في كلامه 
 سمعتــه صح 
 سمعته وكأنه يقولها احبـك 
 حاولت تجيب كلمه تقوله 
 تبا تتنرفز عليه 
 تبا تغير الموضوع 
 عادي حتسوي اي شي عشان تشرد من دا كلو 
 بس بكيـــت للمرا الكم معاه ماتدري
 بس خلاص عرفت انو الوحده تضعف عند الشخص اللي تحبو 
 تقدر تشيل كل الهموم عليها 
 بس اول ماتوقف قدآم تآمر 
 تعبرله عن تعبها
 تبكي تنهااار
 وماتحس انها تقدر تتحمل
 ضعيفه جمبـه وبس 
 قالت بصعوبـه وهيا تحاول تهرج : تآمر لاتستغلني عشان ماعندي احد
 قهرته الكملـه سكتت للحظآت وبعدها قلها : اجلسي
 روان دارت راسها : مابى 
 ورجعت طالعت فيه وعرفت انو حيمشي كلامه
 جلست 
 بحركتها دي لوحدها جننتو 
 بتشرد وتبآه 
 احساس مجنون يعيشـه 
 انو يتجرأ
 انو يكون واضح 
 تامر طالع فيها وبينهم كرسي فاضي : ليش بتبكي
 روآن مسحت دموعها : انتا عارف
 تآمر : ماتبيني اكرهك ؟
 روان طالعت فيه : مافي احد يكرهني اصلا 
 بجمله غيرت ام الججو اللي بينهم ضحك : انا مو اي احد وحطي في بالك انا مستحيل استغلك ف يوم
 روان : بطل كذب 
 تامر : هههههه ايش عندك شي عدل عشان استغلك 
 طالعت فيه مفجوعه وجهها محمر : ترا بجد مابمزح
 تامر : طيب انتي خايفه اني استغلك دحين صح ؟
 روان مسحت دمعتها اللي بطرف عينها : ايوا 
 تامر ضحك وكأنه مو شايف بجد شي فيها وهيا ملامح الصدمه طاغي عليها
 قالت بنرفزه : تااامر ترا والله امشي
 تامر : هههههه طيب خلاص عشان ترتاحي سوي نفسك ماسمعتي شي قلتو _ رفع حوآجبه _ خلاص ؟
 روان حركت راسها برضى 
 تامر : شايفه مافي شي حستغلو فيكي وانتي تبي تسوي نفسك مجنونه وكأنك ماسمعتي حآجه
 روان رفعت يدها : بطل تجرحني ترا واللله اضربك
 تآمر طالع في يدها ورجع سند جسمـه 
 كدا استحقرررررهااا وكأنه ماتقدر تسويلو شي 
 روان نزلت يدها وضيقت على عينها واتكلمت : والله بس عشانك تعبان ربي رحمك مني
 ششمقت بوجهه وملامحها كلو بكى ولسى تهدد
 تآمر : طيب ياقويه انتي ايش كنا نقول 
 روان ماتباه يفتح الموضوع تآني : ماكنا نقول شي
 تامر : ههههههه _ اختفت ابتسامته فجأه لما جا في بالو تميم _
له ساعتين معاه ولافكرر يسئلو ايش سار معاه 
 اصلا متى راااح !!!
وهوا جالس معاه طول اليوم 
 كآن بيقوم الا روان حطت يدها على ذراعه : فين قايم 
 تآمر : بروح اجيب جوالي 
 روان وقفت : انا اجبلك هوا
 تآمر : مو مشكله انا حروح 
 رون تهرج وتشد على كل كلمه : على بااال توصل وتاخدو وتررجع حكون انا مشيت 
 تآمر : هههههههه والله انتي وحده ماتستحي
 روان ابتسمتلو : دحين حجيـك بسـرعه
 ومشيـت بخطوآت سريعه وهوا يطـآلع فيها 
 ماحس بنفسه انو مبتسسم الا لما اختفت عن عينه وحس بوحده تطالع فيـه 
 طالع فيـها وشتت نظره 
 شكلو كآن وآضح انو هيمآآآن 
 رآحت روان للغرفه اخد الجوآل ورجعـت تمشي باإتجااهه وقفت مشـي 
 لما لمحت البنت من ورا كمبيوترها تطآلع في تآمر
 وهوا في عآآلم تآآآآآني
 شتت نظرها تبا تطنش بس كآنت خطوه مشيتها ورجعت وقفت 
 البنت تبتسم بتحاول تلفته 
 واقفه روان بمكآنها وبس تطآلع في حركات البنت وصحبتها جمبها 
 غآرت .؟
 ولا تحس انو دول البنآت احسن منها .؟
 يمكن لهم اسم ووظيفـه وهيا ولاشي
 فآقت ومشيت بااتجااهه جلست جمبـه ومن غير ماطالع مدتلو الجوال 
 رجعت طالعت في البنت والبنت نزلت عينها 
 نفسها تقتلها 
 دا اللي تحسو 
 هيا طبعها غيوره بس على هديـل من بشار 
 لأنها اختها من صغرها وماعندها غيرها 
 دا ليش في يوم ولليله حتغار عليه 
 تآمر طالع فيها : ايش بك ساكته
 روان دارت راسها عليه وقالت بجفاصه : ولاشي
 تآمر كان بيتصل الا نزل جواله : يابت انتي بمية موود في الدقيقه
 روآن ضمت يدها وبجد قفـلت كدا نكدت عليها البنت 
 تحس انها مشتته ومو مرتاحه تقعد هنا 
 البنت موترتها 
 مو معقول تآمر مو ملاحظها : جآني النوم
 تآمر : تبي تروحي ؟
 روان : ايوا
 تآمر : طيب خلاص حنآدي اجل تميم
 روآن وقفـت وطالعت فيه : انتا حتقعد هنآ
 تآمر : حستني تميم يجي
 نزل عينه على الجوال وروان دارت راسها والبنت برضها كآنت تطالع ونزلت عينها 
 رجعت تطالع في تآمر : متى حتخرج من المستشفى 
 روان تدقو بالكلام : حتروح بيت مرتك ولا ترف
 رفع عينه وابتسملها : ههه حااقده ها
 روان رفعت كتفها : ليش احقد
 تآمر كآن بيعلق وجآت عينه على البنت اللي ورا روان عقـد حوآجبه 
 وروان دارت راسها ورجعت تطالع في تآمر : حتاكلك من اول روحلها روحلها 
 تآمر رفع حاجبه : ياشيخه ! مستنيكي والله من اول تديني الضوء الاخضر عشان اروحلها 
 روان شمقت : مدري عنك 
 تامر يطالع فيها نظره وراها الف شي وترتها قالت باارتباك : ايش بك 
 تامر : حشوفك لو خرجت من هنآ ؟
 روان : مو انتا قلت حتجيني 
 تآمر : يعني ماحترجعي بيتك ؟
 روان رفعت كتفها : مدري لين متى حيكون كدا الوضع وبشار حابسنا 
 تامر : خافي ربك حابسك وانتي طول يومك برا البيت 
 روان : من وراه جوالي حرقو من كتر الاتصالات 
 تآمر : حلال فيكي
 روان رفعت حواجبها دوبها بتعلق الا تآمر طالع في البنت اللي وراها ورجع طالع فيها 
 روان على طول دارت وشافت برضو البنت بتطااالع اتنرررررفزتتت 
 المكآن فاااضي مافي غير هيا وصحبتها وبيدهم الملفات ويشتغلو 
 دارت جسمها : تعاالي تبي تتكلمي معاه تعااالي 
 تامر بصدمه : روانن 
 روان على طول طالعت فيه وصوتها واصل للبنت: هاا .. خلاص اشغللللتني 
 تامر شد على كلامه : اهجدددي 
 روان حؤكت يدها : انا مااشيه اصلااا 
 ومشيييت من غير ماتستنى منو اي رددد 
 اتنين مايتفقوو طبايعهم عكككس بعض 
 هوا هادي ورايق ويحسب للكلمه الف حساب قبل لايقولها 
 وهيا عصبيـه وتتنرفز بسرعه وماتحااسب على كلامها 
 كل مايجلسو اكتر كل مايعرفو انهم عكسس بعــض
 روآآن ...]
كارهه نفسـها 
 دي الساعه بس خلاها تحس باألف احساس 
 جرحها بهرجه مرتـه 
 غارت من دي البنت 
 تحس انها تباه بس مو قادره تصارحه

 الحب شي صعـب في حيآتها 
 لأنه لو اتعلقت فيه عارفه انها ماحتقدر تسيبـه لو ايش ماسار 
 وواضح اختلاف البيئـآت بينهم ..
الساعه دي بكيت مرتيـن ليششش شخصيتها تسير بلهه كدا معاه 



 تـآمر ..]
عينـه لحقتها لين ماراحت من قدآمه سند جسمه ووقـف 
 يمشي بخطووات هآديـه 
 ونسي تتميم للمرا التآنيه
 قهرتـه لما صرخت بصوتها 
 قهرته لما حاول يكلمها خصرتـه ومشيت 
 مو قهرته ولعتــه
 بس دخل الغرفـه وانسدح .. وهوا مشاعره مخبصـه 
 ليش صرخت على البنت 
 تغار .؟؟؟
 دي الكلمه مخليته بين انو ينقهر من اسلوبها 
 وبين انو تغااار عليا !!
شعور ليش رفعت صووتها 
 وشعوور دا طبعها وماحست بنفسها 
 يدي مبررر ويسحب المبرر 
 وعلى دا الحآل لين تميم مادخل بنفسـه بشويش
 واول مالمح المكآن فااضي اتقدم : صاحي 
 تآمر : كنت دوبـي حتصـل عليك ... 

وكآنت دقـآيق وانصدم تآمر باإنو تميم ماراح وأجل الموضوع عشانه ..
وبرضو انصدم من قواية عيـن قآسم بس دحين تلاته اخوان وزوجها بصفها 
 قآسم ماحيترحم .. 



 [ كلآنـآ يحآول تخفيف الألم عن الآخر 
 ونـحن الأثنيـن بائسيـن جدآ ]


حالـة سكون مفجعه يعيشـها بدي اللحظآت
 صوت عمه وهوا يردد انو جلآل رآح
 مو راضيه تخرج من رآسـه
 طيب هوآ ..!
طيب الألم اللي يعيشـه 
 طيب صراعاته من صغره 
 من ايام غاليـه للرساله اللي كتبها عن اختـه !!
خلاص راحت في الهوى 
 كأنو ماسار شي
 كأنو مامسك سميـه وهددها 
 كأنو ماكان يبا يقتل هديـل ولا هـرج في سمعة امـه
 كأنو ماخلاه بدا التعب النفسي ويمرض كل بعد فتره 
 بسبب الحاله النفسيه اللي عاشها من صغره 
 خــلاص !!!!
انتهى كل شي !
المفروض يعيش هوا بكككل دي الذكريات 


 امـآ هديل على اساس بتآخد غفوه بس 
 لو بتشرد من الوآقع بيلحقوها لأحلامها
 امهـآ وسعيد وهما بيدهم فلوس وبيساومو فيها 
 وبشار يتفرج عليها ومايسوي شي
 تنآدي روآن بس واقفه في الركنيـه ومدخله يدها بجيبها ومو راضيه تقرب منها
 تصرررخ بكل صوووتها 
 بس امها تضحك وكأنها مو ساامعه 
 وسعيد يطالع فيها بملامح مقرفــه
 طالعت في بشار ونادته
 بس بشاار بدأ ينشغل في عملـه 
 وروان فجأه مشيت بدون هدددف
 مكآآن غريب 
 مكآن يفججع 
 الظلام بيزيـد
 تصرررخ بكل صوتها 
 شافت ابوها 
 داك اللي ماتتذكره الا بالصور 
 شافتو واقف مدت يدها 
 مدت يدها ودموعها تنزل قالت بصعوبـه : باااباا
 يمكن لو رآحت لداك العالم حتعيش معآه 
 تمشي باإتجااهه دوبها بترمي نفسها عليه دوبها بتحضنه 
 بس اختفى وطاحت في الارض
 طالعت حولينهاا ودموعها تنزل 
 وشهقاتها تزيــد 
 امها تجي باإتجاهها
 وهيا تسحب جسمها لورا 
 تحس قلبها حيوقف من الخووف وهيا مو عارفه ايش بيسرلها 
 بس بشار وروان سابوها 
 وفي النهايه راحت للي مستحيل تنكرها أمها .. دوبها بتلسمها 
 الا رفعتتت جسمها وشهقت بكل صووتها 
 فجعتتتو 
 طالعت في بشار وصدرها يطلع وينززل 
 ودموعها بعينها وكأنها مآكآنت تحلم 
 مد يدو بيمسكها الا وقفــت وبعدت عنو 
 مسكت بلوزتها من فووق وبتحاول تاخد نفسـها 
 وقف معاها جآه يقرب منها الا رفعت يدها : سيبننني شويا _ تاخد نفسها وترجع تتكلم _ سيبني الله يخليك
 كأنو مايسمعها 
 جا باإتجاهها ودوبو بيمسكها الا دفتوو وقالت باانهيااار : مخننوووقه مخننننوقه بعععد عنني يابشار 
 وقف مكآنه نظرتـه لوحدها كآنت توجع كل واحد عندو هم 
 مو قادر يلومها
 بس بيلومها لأنو قلبو يوجعه زياده لما تبكي 
 لما تنهار وتصـرخ تهدمممه تكسره من جوآآ
 تمممشي قدآمه وهيا تتنفس بصوت مسموع 
 ترجع شعرها على ورااا 
 ودموعها تنزززل
 وهوا يطـآلع فيها مكآنه
 طالعت فيـه بينهم مسافه طويـله قالت بقهر : بشاار والله ماحقدر اتحمل ... ماحس اني اقدر اعيش وانا خايفه من بكرا انتا لاتسيبني روان لاتسيبني 
 مشيييت كم خطوه ورجعت طالعت تآني لما استوعبت شي تآني 
 تهرج بجنآن : ماما باعتني انتو ماحتبوعوني في يوم ؟ اذا ماما ماقدرت تتحملني انتو حتستحملوني
 رد عليه ..؟
 لا 
 يسمعلها وبـس
 مسحت دموعها : بشار انا ابا امشي من هنآ 
 قال بصدمه : فين تروحي 
 رفعت كتفها : مدددري بس مني قاادره اتحمل اشوفكم وانا خايفه منكم _ اشرت على نفسها _ قلبي يووجعني والله يووجعني مابى اكمل حياتي عارفه اني ماحقدر اكمل 
 هنــآ وببس 
 مشي باإتجااههها وقف قدامها وهيا رفعت يدها ودارت راسها : بشار والله ماحتفهمني
 بهدوء يهرج : فاهمك انا
 رجعت خطوى لورى وماقدرت تتحرك بسبب الكنبه لصقت فيـها :والله ماحتفهم محد حيحس بللي امر فيه _ تطالع فيه وقالت اللي تحسو من النهايه عيونها محمرره وجهها كل شي يدل على تعبها _ بشار انا ابا اموت وارتااح انا مابى اعييش مني قاادره اتحمل قلبي يوجعني كل شي فيا يوجعني
 بشار : وانا ؟
 هديل : عيش حياتك تقدر تعيشها انا ماحقدر
 بشار بعدم استيعاب : هديل بلا جننان 
 هديل : الجنان اللي قاعده اعيشه الاحساس اللي جوته الجنان اني اضحك واقولك انا مبسوطه واجلس معاك وانا عارفه انو يوم حتصحى وماتلقاني 
 بشار قلببه يدق بطريقـه مجنونه رفع يده وهوا يمررها على شعرها : حبيبي بس تهدي حيتغير كلامك ان
 هديل قاطعته : وانا هاديه افكر كل مررا كيف انام وماأصحى _ حركت راسها بالنفي _ ابا امشي 
 كآنت بتتحرك الا بشار مسكها وهوا مو قااااادر يستوعب كلامها :هددديل لاتخلي امك تلعب بعقلك كل ماشوفتيها ترجعي لنفس المووال انا فاهمه وربي فاااهمك بس لاتجننيني بكلامك 
 هديل دفت يدو : لااا مو فاااهم محد بيلعب بعقلللي اناا تعبت انا مابى حاجه ماتفهم تبا تخليني عندك حتصحى يوم وماحتلقاااني ولا حتلقااني يابشار بس وانا مرتاحه من دي الحياه وسويت اللي اباه 
 ضغط على قبضـه يده 
 رمش بعينه كدا مراا 
 قتتتتتلته 
 قتللته بكلامها
 رفعت اياديها الاتنين ورخت راسها بمستوى يدها وبكيييت 
 وهوا يطـآلع فيها ويتفرج على ا نهيــآرهاا 
 صآآحب الــف مبدأ
 صاجــب الف كبريـآء
 بشـآر الرآيد 
 هنآ تعــب
 حلمـه الوحيـد يبا يتمسك فيه ومو قادرر
 فآكريـن داك الشخصيـه اللي عرفتوه بالبدايه 
 اللي مية بنت تبآه 
 اللي سمعتـه النظيفه لها رنـه بين الرجآل
 بس سمعتـه بين البنآت معروفه نسونجي ويعشق البنات 
 من البيضا للسمرا من الطويلـه للقصيـرا 
 يعشــق الجنس الانثوي من النهآيه 
 داك الشخصيه الهيبه اللي لما دخل مجلس الرجآل
 بين عمه وابـوه الكل قآم يسلم عليه 


 هيبتـه 
 شخصيتـه 
 ابتسامته 
 ردود افعآله اللي يفكر فيها الف مرا 
 كلللل شي اتغيـر حاليآ
 كأنو انسآن تآني
 التسرع العصبيـه الخوف القلق التوتتتر 
 بكرررا 
 بكككرا دا شي مرعب بنسبه له 
 هوا يبا يشرد من الكل في حضن هديــل
 بس هيا ماتباه 
 هيا تبا تسبلو العآلم كلو وتروح لأختو حــور 
 وصــل لأي مرحلـه بشـآر ...؟
 وصــل انو ينزل على ركبــه ويمسك يدها اول مارختها
 وصــل لمرحله انو يترجآها ماتسيبـه 
 ماسك يدها بكل ضعــف وبككي 
 كلامه لوحده حبس جوتها صوتها ودموعها وكل حآآآجه 
 نبرة صوتــه شهقته من بين كل كلمـه 
: أمآنه ... أمــآنه ... لاتسيبني .. أمآنه ياهديل
 جسمها كلو يتنآآآفض
 اخر شي ممكن تتخيل فيه بشاار بدا الموووقف
 لا لا ماتباااه كدا
 ماتببباه يترجاها 
 ماتباه يبكي كدا
 ويتكلم بضعف
 ماتخيلت انو يباها لدي الدرجه 
 تحس صفـعه جات على وجهها من ردة فعلــو 
 تباه يقوووم مو قادره تسحب يدها منـو مو قادره تنطــق
 رجلها لصقه في الكنبـه جلست على طوول وسارت بمستوآه 
 حاولت تتكلم بس هوا نزل راسـه على طول لفخذهاا 
 رفعت يدها لشعره ونزلت دموع الصدمـه : بشـ آر قــ وم 
 ولا كأنه يسمعها يبــكي وبـس 
 قالت بقهر وهيا منزله راسـها وتباه يسمعها : انا اسفه على كلامي ...انا ماعندي غيركم وخايفه تسيبوني
 بعيــنه الف واحد يتمنآهآ
 بعينه عن بنآت العالم كلههمم 
 هوا يضيع بدونها 
 هوا ولاشي بدونها 
: بشاار حبيبي قووم 
 تتوقعـه جلال وصـل للي يباه ولا لسـى ..؟
 بالقوه رفع جسمـه وبععد عنـهآ
 وهيا على طول وقفت ومسكتو من بلوزتـه بيحاول يشرد من نظراتها 
 وهيا تشد على بلوزته : طالع فيا
 بشار طالع فيها : انا ااحببك 
 حرك راسـه وحضنها قال بصوت يادوب طلـع : عارف انك تعبانه ... عارف انك بتستحملي حآجه صعبه بس انا معآكي لو قصرت بحقك قوليلي لاتسكتي
 اسلووووبـــه غريب 
 بعدت عنو وتمسحلو دموعـه : انا اسفه 
 هوا بيحاول يهديـها وهيا بتهديــه ... 


بيحــآولو يتمكسو في بعض بيحاولو يرممو الأجزاء المتبقيـه فيهم عشآن يقدرو يكملو 
 ببسآطه الاتنين منهآريــن 
 بس هيآ هديـل الضعيفه وانهآرت 
 وهوآ بشـآر اللي كآن جبــل واتهــد ...

بعـــد صمــت طويـــل ... 

جلسو على الكنبـه وهوا مسك يدها مو قادره تطالع بوجهه من كتر مو كآسرها : عادي اعرفك على امي
 طالعت فيه مصدومـه ضاع الكلام منها 
 بيسوي كدا لأسباب كتيـر 
 اولهم عشان يرتاح نفسيا من التفكير لما يخرج ويسيبهم 
 واخرهم عشان لو رآح راحت لأمها تكون هيا اتعودت على امه 
 بشار : حقولها تجي تتعرف على سميـه وانتي صحبتها ومنها تغير جو وتبعد عن اهلها شويا
 هديل بصدمه : وانتا 
 بشار : مآحجي هنآ حستاجر اي غرفه جمبكم 
 هديل قلبها يدق بسرعه : وليش يعني 
 بشار : انا اباكي تتعرفي على امي 
 هديل :حترضى تجلس معانا ؟
 بشار : امي مستحيل تجي تجلس معايا لأنو ماتتحمل تقعد لوحدها لما اخرج.. عشان كدا حقولها تجي تنتبهلكم واعرف ماحتقول لا دام عمي جميل يبا احد مع سميه دي الفتره 
 هديل رفعت حوآجبها الاتنين : تنتبهلنا ؟!!!
بشار مسك راسها وقربـه لحضنـه : عشان كمان اطمن عليكي لو جآني شغل واضطريت اخرج 
 هديل رفعت يدها على صدره : الرجال اللي برا مايكفو 
 بشار : لا عارف اني حكون قلقان 
 هديل : وليش المصاريف دي كلها وتستاجر مكآن تاني احنا عندنا بيت و
 بشار قاطعها : ماحتروحو تقعدو بداك المكآن ادوني بس كم يوم ووقتها كل وحده فيكم تكمل دراستها هديل رفعت جسمها مفجوعه : تمززح !!!!!! ترا عمري و
 بشار رجع سحبها تآني ورجعها لعنده وقاطعها: لساتك صغيره 
 سكت وببعدها رجع اتكلم : حتعيشو احسن من زمآن دا وعدي ليكم 
 مرت سـآعه وسـآعتين
 بدأو يهدوو 
 بدأ يرتآآح 
 بدأت تحس انو دا الانسآن مستحيل يسيبها في يوم 
 اللي سواه لدحين مو قادره تستوعبـه 
 تبا تتأمل فيـه 
 ودا الشي الوحيد اللي لو كسـرها حينهدم كل شي بعينها 
 روآن فتحـت الباب .. 
قام بااتجاهها وقبل لاتدخل سحبها من يدها وخرج وقفــل الباب 
 طالع في الرجآل اللي واقف عند الباب واشرلو يمشـي 
 وال ماختفى طالع في روان : تتتتستتتهبلي انتي 
 صوتــه فجعها 
 شدت على الشنطته اللي على كتفـها : ايش تببا ؟
 بشـآر رفع يده وهوا يوريها الساعه ويتكلم بنبرة صوت عاليه : شاااايفه السآآآعه كم !!!
روآن ضمت يدها : عارفه 
 بشـآر : شووفي اللي راحمك انو عمي مخلي واحد وراكي وقلي انك كويسسسا _ اشر على رااسه _ لاتجننيني انتي التآنيه وتطلعيني عن طووري 
 روآن مرا اتوترت من هرجة دا اللي يلحقها بلعت ريقها : كنت بشتغل
 بشار رفع حآجبه : اوه ماشالله ايش تشتغلي 
 روان خايفه يكفشها بس ماتدري ليش بتبرر وماتدخل بعينه وتقولو مالك صلاح : خياطه 
 بشار : من الصبااح لي اخر الليل 
 روان : لا خرجت الصباح لأني طفشانه وبدأ دوامي العصر
 بشار يطالع فيها وبيحاول يمسك نفسـه زفر بضيـق وقال : سميـه لما اتصل عليكي ردددي طيب ؟؟ كل اللي اطلبه منك انك تردددي 
 روان حركت رآسـها : طيب خلاص ايش بك معصب 
 بشار : انا اقولك ليش معصب _ اشر على الباب وهوا يهرج بصوت راخي _ لأنو دي لوحدها طول اليوم على بالي انتي معاها تدري ايش سرلها .؟؟؟؟ سعيييد الكلب جا هددها عمي لقاها في الشارع وخلاني اروح اخدهاا من بيتوو تبيني اقولك كيف كآن شككلها كمان ؟؟؟! سمميه انتي مو عايشه بعالم لوحدك تبي تخرجي اتصلي قوليلي ... تبي تعيشي يومك مابى اخنقك بس ردي علياا وطمنيني 
 اتوقعت يصـرخ عليها 
 اتوةقعت يوصل الموضوع فيهم انها حترجع لدآك البيت 
: كيفها هديل
: صحيت قبـل ساعتين وقالت نفس كلام اخر مرا _ هرج بضعف _ خليكم مع بعض وريحوني 
 روآن نفسها تدخل تحضنها بس اخر يومين مرا كآنت قاسيه معاها 
 بس تصرخ عليها اشرت براسها : طيب 
: انا حروح اشتري عشـآ ولا حطلب من اي مكآن حسيبكم شويا ...

دخلــت روآن بس هديل دي المرآ مابكيت جلست جمبـها وحطت يدها على ظهرها 
 واعتذرتلها روآن من غير مايسير بينهم نقآش حآد 
 من غير ماتجرحها بكلامها : انا اسفه 
 هديل طالعت فيها وقالت بصوت مخنوق : كان عشنا غبي ولا عرفنا شي ياروان احسن من الوجع دا
 لحظه صمــت بينهم هديل جآبت كلامها على الجرح 
 روآن نزلت دموعها : مصيرنا كان لازم نعرف
 هديل بصوت مهزوز: الفضوول بعض الاحيان يقتلك تكوني هبله وعميـه وربي بيحاول يرأف بيكي واحنا لااا إلا نبا ندور عليهم نحسببب انو حنلقى اهل زي البقيييه و
 روان قاطعتها : هدددديل لاتهرجي كدا _ حطت يدها على كتفها _ خلاص بكيفهم مانباهم 
 هديل رجعت تبـكي وروان تباها تضحك قربت منها :نحاول نطالع الشي الطيب من المووضوع بسبب جآسم اتعرفت على واحد عبيط وانتي بسببه اتعرفتي على بشار 
 هديل دارت راسها بشويش وهيا تبكي 
 وروان رفعت يدها تمسح دموعها وقالت بعد ماطالعت على الباب : دوبني اتضاربت كمان معاه 
 هديل كل شي صننم فيـها 
 دموعها تنزل وتطالع في روان مصدومــه 
 تشوووف العالم كلو يحب الا دي الهبله اللي جالسه قدامها
 روآن ضحكت بصون مخنوق : ايش بك كدا تطالعي 
 هديل دموعها تنزل وبنفس صوت البكى تتكلم : رووان اسرري بلله مو وقت بلاهتك 
 روان خشمها محمر من البكى وضضحكت : فاكره تآمر اخو ترف
 هديل وسعت عينها بصدمه هنا حست الموضوع من جد : ايوا !!
روان : ههههههههه والله مرا كلامه حقير 
 هديل دفتها وبجد لسى اخلاققها مقفله : بلاااا هباااله 
 روان اتعوررت جلست بصدمه : آآآآه عورتيني 
 هديل تمسح دموعها: من جد من جددد ؟ ؟!!!
روان : مافي شي يعني هوا لمحلي اليوم وانا مارضيتلو يكمل 
 هديل مسكت راسها باألم : وربي رااسي وجعني مدري ليششش
 روان : هههههههههههههه _ تعرف كيف تشتت هديل _ اتضاربت مع وحده كآنت تطالع فيه و الله ياهديل حسيت اني حديها بالجزمه 
 هديل رفعت يدها التانيه ومسكت راسها : روووان اسكتتتي وربي راااسي مرا بيوجعني 
 روان : ههههههههههههه
 هديل : انتي حاليا قاعده تطيحي من عيني 
 روان : لا يااااشيخههه شوف مين اللي بيهرج 
 هديل فتحت عينها وتطالع فيها وبعدها اتكلمت : قولي والله 
 روان وسعت عينها : ايش تبي انتي
 هديل وطت صوتها وكأنه فيه احد وكأنه ماكانت تبككي : يعني تحبيه ؟!
روان ضربتها : اسري 
 هديل مسكت يدها : مو قلتي تغاري عليه 
 روآن : انا ماااقلت اغار
 هديل : اجل تبي تضربي الحرمه ليش
 روان : عشنها قليله ادب
 هديل واخيرا ضحكت : هههههههه انتي متخلفه ؟
 روآن حست انها استحت : مدري ياهديل ايش ابا منو بس _ ضحكت وماعرفت ايش تقول _ 
وهديل صرخت وفجعت رواان : لاااا دي الحركككات ماتناااسبك 
 روآن تبا تخرجها مرا من المود : حسيتو اليوم حيصارحني فاقلتلو خلينا نكذب علي بعض المهم سار يقولي انو هوا يكرهني ويكره صوتي ويكره نظرتي ويكره فصلاتي في الضحك اصلا يتكلم وانا نفسي اقولو اخرسسس خااالص
 هديل دوبها لانت ملامحها الا انفجعت : روان انتي متى تتعلمي الرومنسيه 
 روان : ههههههههههههههههههههههه والله استحيت وبكيت 
 هديل دفتها : اسري ياكدابه 
 روان مارجعت تقولها انها بكيت عشان لاتتمسك عليها : المهم انو زعلان دحين مني
 هديل : وليش زعلان 
 روان : عشان صرخت على البنت يختي هوا كمان محترم زياده عن اللزوم احس اني ماتفق معاه بس احب اقعد معاه 
 هديل : يعني زي لؤي 
 روان على طول كشرت : لاااا طبببعا 
 هديل : ههههههههههه اتذكره اصلا مرا محتررم حتى مرا جآ عند الباب _ شهقت _ واا لا يكون كان يباكي وانا وقفت بطريقه 
 روان : متى 
 هديل : مرا جا دق الباب وانا رديت عليه وقلتلو انك منتي فيه وحكيتو عنك مدري ليش حكيتو 
 روان : هههههههههه
 هديل : مرا ناسيه ايش قلتلو المهم ايش النهايه يعني 
 روان رفعت كتفها : مدري بس شكلو حنتضارب لين مايكرهني وكل واحد يروح بطريقه 
 هديل وسعت عينها : حرام عليكي ليش كدا
 روان ماتبى تقول لهديل انها سارت تحبو وبس تروح تشتكيلو عشآن لو سآبتو لاتحزن عليها 
 تبكي لووحدها وخلاص : ترا مرا مانتفق يعني لؤي من النآس اللي فتره وخليتو نفس جوي دا تحسيه مايتغير شخصيته قويـه مدري مدري انا عارفه انو دي المشكله حتفتح وراها مية مشكله وكل واحد يروح بطريقه
 هديل ماعلقت تطالع فيها وبس
 روان : ايش بك 
 هديل : مفتخره فيكي احس اول مرا اعرف انو عندك قلب
 روان : هههههههههههههههه طيب يااهديل شككرا انا غلطانه بحكيكي
 هديل ولا كأنها مدت يدها : اقرصيني بلله 
 روان مسكت يدها بسرررعه وعضتها من قلبها وهددديل صرررخت وتحاول تسحب يدها : آآآآه ياااحيووانه

 روان سابتها وهديل مسكت يدها وتطالع بمكآن العضه : وررربي ماتستحي شووفي كيف 
 روان : احححسن 
 هديل حاولت تمسكهاا عشان تردلها العضـه وروان تدفها لين ماحشرتها في ركنية الكنبه 
 وراميه جسمها على روآن وماسكه يدها ودوبها بتعض الا روان 
 دفتها بكل قوتها وانسدحت هديل على الكنبـه 
 على طول طلعت فوووقها وجلســت وماسكه اياديها الاتنين وتضحك : بلههه تحسبيني 
 هدديل تحاول تحرك جسمها وتسحب يدها وروان تضحك بكل شر : ههههههههههه والله حعضضك فخدك 
 هديل موسعه عينها : اممااانه ياااروان بطلي هببل 
 روان تقرب راسهاا وهددديل تصرررخ وتضحكك :هههههههه روووان ههههههه كنت امززح والله ياروووان خلااص اما

 وصرخخخخخت بككل صووتها وروان تعضــها 
 وهنــآك واحد فتتتح الباب زي المجنننوووون 
 وروان رفعت راسـها ولساتها ماسكه هددديل اول مابتسكت هوا اخد نفسـه 
 فجعووووه بااصواتهم 
 قفــل الباب : ايش داا الهبــل
 هديل : بشااار خليييها تقووم 
 روان تهرج بصوت يفجع : محد حيرحمك مني
 بشااار جاا وسحب روووان من فوق هديل وبيده التآنيه هديل مسكت فيه ووقفت : حيووانه والله 
 روان بعدت وهيا تضحك : ههههههههههههه مو انا اللي تدفيني كدا طيب
 هديل رفعت راسها لبشار وتوديه يدها : شوووف ايش سوتلي _ وميلت وجهها توريه خدها _ حتى هنا عضتني
 بشار طالع في روان مفجووع : سمممميه ايش بك !!!! _ مسك يد هديل _ حرام عليكي 
 روان انقهرت بس تعرف تقهره : محد قلها تسير لزيزه كدا
 بشار وسـع عينه 
 وهديل ضحكت عرفت انها بتستفزه : خلاص مسامحتها انا 
 بشار بتحذير : جربي تلمسيها تتآني
 روان : انا حرره اسوي اللي اباه 
 بشار : سميه لاتستفزيني 
 روان : هههههههههههه ليش استفزك انتا مين عشان تقولي لاامسكها 
 هديل عرفت انهم حيضاربو : خلااااص بقووولكم كنا بنمزح
 بشار ساب يد هديل :انا مين ؟؟؟ 
 هديل رجعت مسكتو : بشااار اهجد 
 وروان مبتسمه وتطالع فيه : ايوا انتا مين 
 بشار بعد يد هديـل وقدم خطوتيــن لين ماوصل لروآن وهيا رافعه حآجبها وتطالع فيه 
 تعشششق تستفززه 
 زي هديــل اول ماتعرفت عليـه 
 وجهه يبان فييه النرفزه على طول 
 همس لروان : تبيني اسوي اللي قلتلك عليه اخر مرا 
 روان مسعت عينها ودفتو : والله اقتتتتتلك 
 بشار ضحك ومشي من قدآمها : اتكلمي عدل معايا مرا تآنيه
 روآن رفعت صباعها : ترررا والله من جد اهررج 
 هديل : ايشش بكم 
 روان طالعت فيها وبنرفزه ردت عليها :لاتتتحشري نفسك 
 وبشار رفع حآجبه وروان رجعت طالعت في هديل : يعني بعدين اقولك 
 بشار رفع حاااجبه زياده وروان عدلت الجمله : شي بيني وبين بشار 
 بشار ضحككك : الواحد مايمشي معاكي الا بدا الاسلوب 
 روان جات لعنده وتهمسلو : زواج وقله ادب مانبى طيب ؟
 بشار اخد الشبس اللي على الطاوله ويفكو ويهرج بنفس صوتها : خرجه من البيت قبل موعد شغلك مافي طيب ؟
 روان : قولي ماحتزوجها وانا حقولك طيب 
 بشار : ههههههههههههههههه ليش عندك اعتراض 
 روان همستلو وهيا شاده على كلامها : لانك انتا واحد وسخ 
 بشار دخل يدو بالشبس : طيب دا الوسخ يحبها ايش يسوي يعني 
 روان : سيبها عشان لاتقهرها 
 بشار : هههههههه ليش ماسير محترم لعيونها
 روان : مو مرتاحتلك صراحه 
 بشار ياكل وبعدها اتكلم : لو سبتها هيا حتبكي 
 روان رفعت يدها وهيا جابتلو نهايه الموضوع : انا عندي حل فكرت فيه ليا كم يوم وانا افكر كيف ممكن تسيبو بعض 
 بشار : هههههههههههههه لدي الدرجه مو مقتنعه بعلاقتنا
 روان : لا مو مقتنعه فيك انتا اما هيا غلبانه عارفه انو مية واحد حيباها 
 بشار ولللع : عيدي الجمله دي مرا تآنيه وشوفي ايش يسرلك 


 وجـآ عشـآهم يتكلمو يضحكو وكأنه مافي شي كأنه مو كل شخص من جوته الف حآجه 
 بس تقدري تنسي نص ساعه ساعه الشي اللي بتمري فيه لكن مصير باقي الوقـت 
 يرجع الالم اللي جوتك 
 ويرجـع احساس القهر
 الظلم 
 المعآنآه 
 ترجع الدموع ديك اللي يجي قبلها الف سؤال 
 وأولهم 
 ليش انـآ ..؟


____________________

في السيـآره ماسك يدها ...وهيا بتحاول ماتبـكي تتكلم بقهر 
: مني عارفه مقهوره على اني شوفت ليث ولا من ردة فعل لمى 
 براء : خلاص دا شي منتهي ماتبيه في حيآتك خرجيه هوا كدا ولا كدا ماحيتعرضلك شوفتي ردة فعلو 
 ترف طالعت فيه : ولمى ؟؟ وماما اللي محد راضي يجبلي سيرتها 
 براء ضغط على يدها : حبيبي حبه حبه تجي المواضيع ...خلي امك اخوانك هما يكلموها اما اختك سوي معاها الشي اللي يريحك 
 براء اشرت براسها 
 وبراء ابتسملها ودار راسه يطالع فيها : قولي الحمدالله الشي اللي بتعيشيه ياترف دا حلمك ربي بينصرك على الكل ولدك ومافي قوه دحين تقدر تأخدو منك ايش تبي اكتر من كدا اخوكي ليث مو قادر يطالع فيكي امك لو كرهتك وعرفت بللي سار والله حتضعف دي أم ياترف وانتي ادرى بالكلمه 
 ترف : الحمدالله والله شايفه كيف حياتي خلال كم يوم اتغيرت كليآ انتا وسامي وتميم وتآمر .. بس يابراء لأني أم افكر دايما ليش ماما ماجاتني اخواني قسيو لأنهم رجآل هيا ليش قست طيب ليش زارتني مرا وخرجت بدون ماتتكلم هيا الوحيده اللي ماعندي اي مبرر ليها لمى انقهرت انها خايفه مني بس من اول بحاول استوعب كلام تآمر وتميم ممكن بجد كارهتني لأنها ماعاشت بسببي او لأنها انضربت 
 براء : قآسم أذى الكل _ كآن بيعلق على موضوع ليث وسكت _ مصيرك تعرفي اسبابها ومصيرها تسامحك 
 ترف : إن شالله 
 براء ماوقف سيارته قدام العمآره بيدور موقف وترف تطالع فيه : ايش بك 
 براء : بدور موقف !
ترف : ليش !
براء : عشان انزل ! حسيب السياره في نص الشارع يعني !!
ترف : وليش نآزل 
 براء : هههههههههه بااخد اخويا اخاف عليه ينزل لوحدو 
 ترف عارفه ايش يباا : برااء ترا سامي 
 براء قاطعها : ماحيعرف شي الا في الوقت اللي تبيه 
 ترف : طيب 
 وقف سيـآرته ونزل معاه جا بيمسك يدها الا سحبت يدها ووسعت عينها 
 براء : ههههههههههه فين سامي دحين 
 ترف : افرض يطالع من الطآقه 
 براء طالع في طيق العمآره الكتيــر : يعني انتو في الدور الخآآآمس حينتبه انو يدك في يدي
 ترف دخلت العماره : احتياط برضو 
 براء : تجيبي اعذار لنفسك بالقوه 
 ترف : ههههههههههه 
 طلعـو الدرج وهوا وقـف عند العمآره 
 سامعين اصوات محمود وسآمي لعند الباب بيلعبو بلاستيشن وكالعاده يضاربو 
 تررف محد قدها بدي اللحظه مبسوطه انو سآمي ناسي نفسه وبيلعب 
 كآنت بتمد يدها وتدخل المفاتيح الا براء مسك يدها : سيبيهم يلعبو 
 لصقت جسمها بالجدار ووجهها محمر : خلاص ا
 براء قاطعها : كل مرا تشردي مني 
 ترف : مابشرد بس 
 براء يبرضو يقاطعها : اهو ولدك جوآ وبيلعب
 ترف قلبها حيخرج : احنا في العماره ايش تبا يابراء
 براء : قوليلي شي عدل يصبرني 
 ترف وسعت عينها مو عارفه فين تشرد : برااء سامي لايجي
 براء مانزل عينه من عليها : سامع صوته 
 ترف : لاأحد ينزل ويشوفنا
 براء : حلالي انا حر
 ترف ضحكت بتوتر وقالت بضعف : برااء 
 براء : عيوني
 ترف مو عارفه تتصرف تضحك وبس : هههههه لاتوقفلي قلبي ترا مرعوبه من سامي 
 براء كأنها تكلم نفسها قدم خطوه وهيا شدت على جسمها وشويا وتدخل في الجدار : براء ابش تباا
 براء رفع يدو ومسك ذقنها : قلتلك ايش ابا 
 ترف : مو عارفه ايش اقولك 
 براء ضحك بهدوووء : لا لا بطلت ماباكي تقوليلي شي 
 ترف وجهها محمر : اجل ؟
 براء دار راسـه ومديها خده : بوسيني
 ترف دفته ولا اتحرك : اسري
 براء : هههههه خلاص حقعد وآقف كدا لين ماتبوسي 
 ترف موسعه عينها : براااء ترا ححضربك بجد حضربك 
 براء ولا يطالع فيها : حنطول كدا مو مشكله 
 ترف سمعت احد طالع : براااء فيه احد جآي
 براء : براحته واقف مع مرتي
 ترف قلبها حيوقف تدفو وهوا مايبعد وتشد على كلامها وتهرج : براااء الله يخليك بعد 
 براء : حتسوي اللي اباه ولا ماحينتهي اليوم 
 ترف تطالع في الدرج : والله شكلو اولاد جارنا اللي فوق
 براء : طيب دي المعلومات ماتهمني قلتلك ايش ابا 
 ترف حست الصوت بيقرب تهرج بتوتر : براء حضربببك 
 براء : اضربيني 
 ترف تطالع بااتجاه الدرج : ياااااربي براااء بعد بعدددد
 براء : هههههههههه _ اشر على خده _ هنااا
 ترف طالعت فيالدرج شافت الظظظل وقفت على اطراف اصابعها دا وهوا راخي نفسـه 
 باستـه وبعــد على طول 
 دارت جسمه للبـآب وجهها محمر قلبها حيخررج 
 تمد يدها وتدخل المفتآآح ومع الارتباك تدخل بالغلط ومو قادره تفك 
 وهوا واقف جمبـها مبتسسسسسسسسم 
 والرجآل وراهم بيطـلـع 
 براء حط يدو على يدها : هاتي ياقلبي
 كيف سابت المفاتيح بس تبا الرجال يطـلع براء دخل المفآتيـح 
 وفتح الباب 
 واول ماختفى الرجآل بدون ماتفكككر
 دارت جسمها ورجعت رجلها على ورا وضربببت براااء بنص ســآقه بكل قوتها : دي الحركات ماحببها 
 قلبي كآن حيوقفف
 بنص كلامها رخى يدو ويمسسسك رجلللو ويتأأللم مد يدو التآنيه بيسند يدو على الباب وانفففك وهوا 
 بالقوه ثبت جسسمه ووقف
 انصقع الباب بالجدااار 
 وترف انفجعت سارت تدفو : انزززل انزززل 
 براء بين الالم والضحكك : تتترف رجلي رجلي ههههههه
 ترف ماهمها غير انو سآمي يخرج تدفو من ظهرو : رجال اتحمل انزززل بللله سامي لايجيي
 براء ضحكتـه العاليه حتجلط تــرف عورته مرا بجزمتها وخوفها مضحكه : هههههههههههههههه 
 تتترف : والله اطعنننك يابرااء اسكت 
 براء : ههههههههههههههههههه
 ترف رفعت شنطكتها وتضربو وهيا تهمس: انننننكتم اسسسكت 
 براء وجهه محممر ويضحك بضمير صدى ضحكتـه في العماره كلللها 
 سمعت صوت سـآمي : ماما !!!
وهيا بعدت مرا عن برااء دوبها بتدخل الشقـه الا سامي وقـف 
 وبراء يمسح دموعه ويضحك لسى في نهايه ضحكته 
 سامي : ايش فيه 
 ترف اتوترت وبراء هرج على طول : طحت في الدررج وامك مشيت من جمبي ولا كأنه شافت شي 
 سامي طالع في ترف وترف هرجت باارتباك : ايش حسويلو يعني 
 براء رجع ضحك وهيا دخلت على طوول تبا تقتتتله 
 قال ايش ماحيعرف سامي الا بالوقت اللي تبيه 
 شافت محمود في الصـآله دوبها بتقولو براء برى 
 الا سمعت سـآمي يقولو : ادخل ادخل 
 ارت راسـها وشااافته داخل 
 عااادي داخل يبا يججلطهاا 
 دخلت غرفتها رمت شنطتها على السرير : والله حقتلك ياابراء 
 اخدت نفسـها وخرجت وهوا بيقعد على الكنبـه وسامي يقولو : اجبلك تلج
 براء طالع في ترف وهوا يدقها بالكلام : ايوا بلله _ مشي سامي وهوا رفع صوته وطالع في ترف _ فيك الخخخير ياسامي
 ترف رفعت حوآجبها الاتنين وجلطها براء لما اشر لمحمود : رووح مع سامي 
 محمود !!!! مشي بدون تعللليق 
 وترف جات لحد الطآوله :تبا تموتني ها
 براء : هههههههههههههههههههههههه
 ترف شالت كيس المناديل ورمتو بوجهه بفججعه وهيا تهمس : لاتضضضضحكككك اكتم ضحككتك 
 وهوا يزيــد وجهه محمــر ماعندو مستوى صوت لضحكتـه 

 خلاص لما يسطططحح ضحك اعلى من ضحكته مافي 
 من صغره يتهزأ بسببها 
 في المدارس بين اهله في الجامعه 
 مؤدب كآن بس دي نقطه ضعفه الضحكه 

 رجعت خطوتين لورى وهيا سامعه صوت سامي محمود جايين 
 ضمت يدها تحت صدرها جاااامده 
 وبراء سند جسمه على الكنبـه ونطق بآآه دي اللي تنقآل بعد ماقلبك يوجعك 
 من كتتر الضحك
 ومحمود سئل براء كيف طحت بس قلـــو مات ضحك التآآآني 
 صوت ضحكته زي اخوووه 
 دلو اللي ضحكتهم تحشيش 
 تضحكي لضحكتهم حتى لو مو فاهمه الهرجه 
 محمود جلس : ههههههههههههههههههههه يااااريتني شوووفتك 
 سآمي : ههههههههه لازم يتشمت 
 ترف هنآ خلاص ابتسمت يكفي انو سآمي ضحك 
 براء حط التلج على رجلـو ويطالع فيها 
 ليش يغاار من ولدها 
 نظرتها له اول ماضحك ابتسمت بدون تفكير 
 نظرتها فيها الف كلمـه 
 يحححس الحب بعينها لما تطالع في سآمي
 يتمنى دي النظره له 
 وجا السؤال اللي شتته 
 هل في يوم حيكون عندي ولد واحس بدا الاحساس 
 هل انا اغار لأني ماعندي طفـل ومو قادر افهم نظرتها .!؟
 حط كيس التلج على الطآوله ووقـف : يلا محمود ؟
 الكل انفجع من الفصـله 
 بنص هرجه محمود وقف 
 حتى مالحق يحط التلج عدل 
 محمود : طيب بس بجيب شنطتي 
 دخل جآ عفشه وبراء واقف ... 
خرج محموود : سامي تعال بكرا 
 سآمي : والله ماليا نفس غير انو ماعندي ولا كتآب يعني حتدخل بمية موضوع مع 
 ترف قاطعته : انا اروح معاك اتفاهم مع مدرسك والمدير
 براء طالع فيها : مايحتاج انتي تروحي _ طالع في سامي _ بكرا اجي اخدك مع محمود في الصباح وانا اتفاهم معاهم 
 مدرستهم اغلب مدرسينهم رجآل اغلبهم شباب في التلاتيـن 
 مايبى ترف ترووح 
 سآمي مرا انحرج : لاتتعب نفسك خلاص
 بعكس محمود اللي ابتسم : ايوا الله يخليك ياابراء انا طفشت بدونه 
 براء رفع كتفه : اخويا طفشان مايرضيني 
 سامي : هههههههههه طيب 
 براء : خليك جاهز بدري ماحب احد يلطعني 
 ترف رفعت حوآجبها مفجوعه 
 ومحمود قال بجديه : والله يعصب ترا 
 سامي بتوتر : قبل لاتوصل كلمني وانا انزل 
 يمزح ..؟
 لا مرااا مايمزح ..؟
 دينه ودين اللي ياأخرو في السياره 
 براء : طيب تمآم 
 خــرج وتـرف مرا متوتره كدا حبت الجلسـه ومتفائله وخايفه وكل شي 
 جلست جمب سآمي 
 وعلى طول سامي سئلها : ايش بو كآن يضحك واحنا في المطبخ !
ترف : بيتذكر الطيحه ويضحك 
 سآمي : اهاا
 ترف : بكرا خلاص حتداوم 
 سآمي بتردد : ايوا اديته كلمه خلاص مع انو ماليا نفس ب
 ترف قاطعته : غير جو ياعمري
 سامي : طيب .._ سكت وبعدها قال _ كيف خالي 
 ترف اشرت براسها : الحمدالله يمكن بكرا يخرج 
 كآن بيسئلها ايش سار مع ابويآ 
 وسكت مايبى يعرف ايش حيسير معاه 
 يبا يخرجه من راسه 
 كأنه ماعرفه في يوم 
 كأنه ماشافـه حتى 
 يبا يتناسى وجوده 


 طفوله ملوثه بالواقع 


 صبـآح اليـوم التآني .. في الغرفـه اللي مستأجرها امس الليل ... 
قام استحمـى ولبس تيشيرت ابيض وجينزه
 جلس على الكنبـه لبس جزمتـه سحب كوب القهوه شرب شويـآ .. 
ورجعه على الطـآوله اخد جواله ونظارته الشمسيـه ومفاتيحه وخرج 
 اتوجه لغرفتـهم مايبى يصحيهم .. دخل الورقـه بس من تحت البـآب 
 ونزل طلبلهم فطور وقلهم بعد سـآعتين يطلعوه 
 ركـب سيآرتـه وقبل لايتوجه لعمـه 
 رآح لأمه اللي اول ماستقبلتو كالعاده بحضنها 
 وكأنه تدور على كل شي راح منها 
 جلس جمبـها يسمعها تتكلم وكيف بدأت تتضايق ومو مرتاحه بحيآتها
 محتار معاها ماتبى تجي تعيش معاه عشان لايخرج ويسيبها لوحدها ولا مرتاحه سارت هنآ 
: أمي هوا حلي اللي كويس اانك تجيني واول ماأخرج لأي مكآن اجيبك هنآ 
 امه : لا ماحب انا دي المرمطه
 بشار : طيب ممكن اتكلم معاكي في موضوع وماتآخديه بشخصيه
 امه : موضوع ايش 
 بشار بتردد : سميه
 امه لانت ملامحها 
 وبشار : اعرف الموضوع صعب عليكي وهيا من بنت 
 قاطعته : مايهمني اساسا ابوك ايش كآن يسوي _ اشرت عليه _ انتو السبب الوحيد اللي جلست عشانه
 بشار مسك يدها وباسها رفع رآسه وطالع فيها وقال بصوت مخنوق : من بعد وفاة حور وانا مع سميـه ..البنت وربي مالها احد ... حاولت ماتدخل بس موضوع ابويا خلاني اجتمع معاها كتير ..حاسس بمسئوليه ومو قادر اسيبها لوحدها .._ كانت بتسحب يدها الاا شد عليه _ عايشه كآنت في بيت والله ياأمي مافي غير الابواب والله فرشه مافي في الارض وبتنآم وتآكل هنآك 
 امه : ايش تبا مني 
 بشار : انا دا الاسبوع مشغول لو عآدي عندك تجلسي معاها بس كم يوم 
 وسعت عينها بصدمه : نعممم ! دي دخلت بيتي واستغفلتنا
 بشار عدلها الجمله : دخلت بيت ابوها وقعدت تنظفو وهيا ماتدري انو بيتو امي طالعي في الموضوع من نآحيه تآنيه البنت بتعيش حاجه اكبر منها 
: انا عارفه والله يجبر قلبها بس مابى اشوفها 
 بشار : ليش ؟ اديني سبب ووقتها حقتنع وماحفتح الموضوع 
: اديني انتا سبب عشان اسوي دا الشي
 بشار سكت وبعدها قال بهدوء : دي اختي 
 رمشت عينها ودموعها نزلت سحبت يدها منو : انتا ماعندك غير حوور وحور راااحت 
 رفع يده ومررها على رقبته ..رجع سند جسمـه على الكنبـه : اللي يرضيكي ياأمي خلاص
 مسحت دموعها طالعت فيـه وهوا ساير مشتت مابيطالع بعينها بس يبا يخرج : عمي جميل يستنآني عندي كدا موضوع معاه 
 مدت يدها وحطتها على ذراعه وهوا ولا دقيقه الا نزلت دموعه رفع يده ومسحها على طول : خلاص ياامي _ ككآن بيوقف الا مسكتـو :خلييك 
 جلس وراخي راسـه : انا عارف انو الموضوع صعب عليكي بس تعببان من كتر مافكر في كل شي ... مو سميـه ولا وحده غيرها حتاخد مكآن حوور... وبنفس الوقت دي اختي وماقدر ارميها في الشارع واخليها ترجع للحيآه اللي كآنت عايشتها ..ابويا دمرنآ كلنا وماحقعد في مكآني وماسوي شي 
 امـه ماعلقت وهوا طالع فيها : والله البنت طيبـه والله صعبانه عليا ياأمي مو متخيل ابويا قاسي لدرجه انو يرمي بنتـه _ قال بصوت مهزوز _ ابــويا مارحم بنتـه ومارحم بنآت الناسس
 قالت بتردد :ابوك قآسي من يوم مااخدته اللي سواه ماصدمني فيه 
 بشار ماعلــق ..مايبى يسئلها ايش شوفتي منـو عشان لاينصدم 
 مو دحين يبا يسئل 
 ماعنده طآقه انو يعععرف شي 
 امـآ امـه بعد صمت قالت : هيا فين عايشـه .؟


 انتهـى الموضوع على انو العصـر حتجي معاه ولو ماعجبها الوضـع حتمشي 
 ماجبلها سيرة هديـل ... لأنه عارف انها حترفـض 
 مو عارف كيف يفتحلها سيرتها ومتى ..؟مرر يدو على جبينه وبيحآول يركز في الطريـق
 روحة امــه للبنآت حتخليــه يرتآآآح كتيـر 
 يبا يقدر يفكـر برآحــه 
 دحيـن حينهي موضوع سعيــد 
 عشان يقدر يتفاهم مع ام روآن 
 عشان بعدها يوصـل لجلال ... 
وبعدها يتكلم مع روآن ويفتحلها سيره امهـآ
 بعدها حيرجعو لقضيـه ابوهم 
!!!!!!!!!!!!!
من النهــآيه بيعيش في دوآمــه يحس مالها نهآيه ... 
وقف عند الصيدليـه اخدلو حبوب عشان يفك الم رآسـه 
 ورجع كمل طريقـه بس وصـل لعمـه 
 جلس على الكنبه وبدأ يحرك رجلـه 
 عمه جلس في الكنبه اللي قباله : شويا حيجيبوه ايش الموضوع اللي تباني فيـه 
 بشار : ام سميـه كلمتني 
 جميل غير جلسه : اييوا !!
بشا حكآه كل شــي ... جميل : ااافتكر الا جاسم قد قلي اتزوجت 
 بشار انفجع وجميل بيراعي مشاعره في النهايه مو راضي على امه اللي سار : كآنت ديك الفتره امك عندها اهلها وطالبه الطلاق وجآسم راح هوا وجلال لواحد اتوقع ورجع قال اتزوجت ..وكآن حيطلقها بمجرد ماتصالح مع امك بس مدري بعدها اللي سار ...الوضع اتغير بيننا وسار هوا وجلال مع بعض وساحبين نفسهم عن الكل 

 بشار : يعني تتوقع صادقه ؟
 جميل : مو صعب نتأكد انها امها 
 بشار : عمي البنت اللي كآنت عندك امـس سار نفس الشي معاها وانا اللي جبتلها امها ..وفي النهايه طلعت امها حق كباريهات ورجعتهاعشان تشتغل عندها مابى الوضع يتعاد مع سميـه 
 جميـل انصدم من كلامه : كل اللي اعرفه انو ابوك يعشق الحرمه الضعيفه واللي ماتقدر تقول لا لأي حاجه يقولها واتزوجها لأنه محترمه ومتدينه
 بشار ضحك : سبحان الله دايما الوســخ يدور اطهر شي 
 جميل شتت نظره وماعلق 
 بشار : اكذب عليك لو اقولك انا سرت عارف اتصـرف جيتك عشان تتعامل مع الام وتتأكد من الموضوع بس استنى ردك وانا حتكلم مع سميـه اذا وافقت حخلي الام تجي وتقابلها 
 جميل : طيب وبعدها ؟
 بشار : بعدها قلت لأمها حتجي تعيش مع سميـه 
 جميل : يمكن وضعها المادي مايسمح 
 بشار : انا حصرف عليهم 
 وهنـــآ جميـــل اخيرا انفتحله السؤال اللي له فتره يبا يسئلـه 
 جميـل : بشار انتا من فيلك دي الفلوس ؟!!!
بشار متوقع دا السؤال من عموو بذات لأنو مابياخد راتب دي الفتره : تتوقع انا كيف بديت اشك في ابويا ؟
 جميل عقد حوآجبه ومستنيه يكمل 
 بشار : الدخل اللي بيجي لأبويا من مشاريعه بتتحول عليا ابويا مو حاتط ولاشي باإسمو 
 جميـل وسع عينه : ليش !!!
بشار رفع كتفـه : مدري هوا خايف من جلال ولا حاسب حساب لليوم اللي حيتسجن فيه بس كل اللي اعرفو انو سوا دي الحركه عشان يضمن فلوسـه ...وفلوسه حتعيش بنتـه العيشه اللي مارضي يديها هيا
 جميـل سند جسمه على الكنبـه وبعدها اتكلم : ارسلي رقمها واي شي تعرفـه
 بشار اداه كــل شـي وعمه رجـع على مكتبـه ... ودقـآيق الا دخـل الشرطـي ومآسك سعيـد 
 سعيـد بس شاف بشار اتــرعب 
 الشرطي سآبه وقفـل البآب .. وهنـآ بشار وقــف وعمو ناداه بصرآمه : بشااار 
 بشار طالع فيـه وهرج بصوت رآخي : ماحسويلو شي 
 جملته اصلا اللي قالها مرعبــه وكأنه بيقول عكسها 
 مشي بخطوات هاديـه وسعيـد صدره يطلع وينززل 
 عارف دا المجنون ايش سوآله ا خر مرا 
 وبس وصـل قدآمه بشار حاول يمسك نفســه 
 حاليا هوآ ماسك نفسـه 
 شكل هديــل 
 كلامهااا 
 انها تبا تمووت بسباايبهم 
 ضغط على فكــه 
 عيووونه محممــره 
 عروقـه بارزه
 كل عضــله في جسمه شاددها 
 ميـل راسـه بسرعه وطق رقبـته 
 وهنآ سعيـد رجع خطوى لورى وقال بخوف : اصببببر 
 وقبل لايكممل بشـــآر مسكــه وررجعـه للبــآب 
 سعيـد ياخد نفسـه بسسسـرعه 
 ماتألم مع الفجعععه لاصــق في الباب الخشبي وعينه على بشــآر وبس 
 جميل قام من ورا مكتبـه 
 بشـآر هرج بحقـد : تتوقع كنت حتنآم اخر الليل في سريرك بعد ماهددتها 
 سعيـد يهرج بخوف : انا ماقلت شي امها امها اللي 
 بشار ماخلاه يكمل لما بعد جسمه و خبططططه مرا تآنيه على الباب وقااال : جاااااوبني
 جمميل جآ وحط يدو على بلوزه الرجال : بشاار اااااهدى
 بشار طالع في جميـل : انا هادي والله هادي
 جميل اترخت يدوو 
 وبشار طالع في سعيييد انخفضت نبرة صوتـه بس يده لساته مشدومه وماسك بلوزه سعيـده : جاوبني 
 سعيد حرك رآسـه : لا انا انا قلت بس اسوي اللي 
 بشاار قاطعه : جاااااوبني
 سعيد انفجع : لا لا 
 بشار : اجل كيف جآتك الجرأه تجيها ؟
 يعني ايش يبا بيساله اسئله مو عارف يجاوبها سعيــد : قلتلك انا سويت اللي طلبتو امها 
 وبشار ضيق على عينه : سبحان الله انتا واحد بتطالب بفلوسك منها وفجأه سرت تشتغل تحتها ؟ !
كتمووووو 
 جميـل مو عارف شي بس مسكو سعيـد ولقو سلاح بشار معآه .. ورموه بالحبس من غير اي كلمه 
 بشار : امها ايش تبا بس فلووس ؟!
سعيد اشر براسـه : ايييوا 
 بشار : كم تبى ؟
 سعيــد قلو المبلغ 
 وبشار قرب راسـه وهمسلو في اذانه وهوا ينطق كلمه كلمـه : قلها لو تبوسي رجل بنتك ماحتاخدي فلس
 ورجع طالع في سعيــد : ايش حتقولها 
 سعيــد يطالع فيـه مرعوب 
 وجميــل مو عارف يتصــرف بس بععد ...شايفه بيهددد بسسس وسار مايقدر يطالع في بشـآر وهوا كدا 
 بشـآر مخليه مذلول وبس : ايش حتقووولها 
 سعيـد يكرر كلامه : لو تبوسي ... لو تبوسي ..رجل بنتك ماحتاخدي فلس 
 بشار اشر براسه : اييووا ... قولها بشار الرآيد لو عرف بس انك فكرتي تتصلي على هديـل حسجنكك عندي والله عننندي 
 سعييد يطاللع فيه مررررعوووب وبسس يااشر براسه وبسس
 بشار كمــل : كدا خلصنا من امها تتوقع ماحتقرب منها تآني صح ؟
 سعيــد اشر براسه ورا بشار زي الاهبــل : ايوا ايوا ماحتقرب 
 بشار :ولو قربت 
 سعيد : انا انا ماحخليييها 
 بشار : طيب حلللو ...نرجع لموضوعي معآك 
 وفي ثآآآنيـــه سحببو من بلوزتـه كآن في دولاب بنــي وواجهتـه قزاز 
 وصــل بس لعنــده مسسسك راااس سعيـــد وبكل قوووتتته ضــربه بالقزاز وطاااح في الارض 
 ججممممميل اتتتترعب 
 سعيييـــد جلسسسس ومو شايف شي بعيـــنه 
 وبشاار صــرخ بكل صوووته : وااللله تتتتفكر تهدددها تآآآني لاأقتتتلك 
 جمميل جأ قداامه وبشار ولا كأنه لسآتتتته يصرخ : توووقف قدددامها بسسس لو وقفت قدددامها وربي ماااحيوقفننني الا قتتتلك واللي خلقننني لاأقتلللك وووربي ماافي قووه حتمنعني من قتتلك
 جميــل صرخ عليه ودفففو 
 وبشار وجهه محممر رفع اياديه الاتنين وقبل عمو لايكلمه قال : اننناا هااادي ماحسويلووو شي

 الرججال جـآلس ورآآســه ينززف 
 جميل مفجوووع صرخ عليه : اطططلع براا يااابشااار 
 بشار انفاسه ورا بعض وعينه على سعييد وبعدها طالع في جميــل : طاالع طاالع 
 دار جسمــه ويمشي بــدونن تفكير فتح الباب وخــرج 
 مشي من بين الازعـآج ليــن ماخرج من المكآن بكبــره 
 ظهرر وحــر وصل لسيارته وركــب سند جسمــه وغمض عيونــه ... 
كل شي في جسمـــه يتنآآفض 
 كأنو هوا اللي ككآن مذلووول 
 قدم جسمه بســرعه وحط رآســه على الدركسون بيحاول يضبطط انفآآسه وبــس 


 امـآ الوضـع عند تـرف تتكلم مع براء وهيا في المطبـخ وبتعبي فطور لسآمي 
: كدا تكلم ولدي بلله 
 براء : ههههههه خير كيف اهرج يعني 
: من اول مرا تقولو لاتتاخر 
 براء مو شايف انو سوا شي غلط : طيب عشان لايتاخر 
 ترف : ولدي مو محمود ترا يستحي شوفو صاحي قبلها بساعه 
 براء : هههههههههههههه اوفر دا يلا كويس ماحتعب معاه 
 ترف وسعت عينها وطالعت وراها ورجعت تتكلم بصوت واطي : برااء ترا انقهر
 براء : ههههههههههه حاسس انو انا وانتي حنسير نتمشكل بسبب سامي 
 ترف : لاتقهرني فيه 
 براء : حطي شي في راسك علاقتي معاه مالك صلاح انتي فيها
 ترف قالت بعدم استيعاب : نعم !
براء: انا حعامله زي محمود 
 ترف ماحست بنفسها : محمود اهبل ولدي 
 براء قاطعها : روقي ياتتترف ولاتخافي عليه لو يوم اشتكالك وقتها اهرجي
 ترف تحاول بجد ترووق 
 خايفه تظلم سامي زي ماظلمته طول عمرها 
 خايفه انها تكون جريت ورا سعادتها وفي النهايه سامي مايكون مبسوط 
 مو متوقعه مرا ردة فعلــو .. 
وخلص فطور ونزل سـآمي قبل لايتصل حتى براء 
 وترف مقهوره 
 استناهم تحــت لين ماوصلـو وركب 
 ودخل معاه المدرسـه واتفاهم مع الكـل 
 ورجـع براء 
 امـآ سآمي اول مادخل هوآ ومحمود انفــآل شافتهم من بعيــد 
 وشهههقت بكل صوووتها جااتهم جري
 واول ماوصلت مسكت يد سامي وسااارت تنطنططط : ااااا اخيييرا جييييت 
 سحب يدو سآمي ودخلها جيبـو قال بهدوء : كيفك 
 طالعت فيه شويا ومسكت يدو التآنيه وسحبتوووو ولا كأنو : تعاال اعرفكك على صحبتي الجديده 
 وماخلتو يتكلم ولا كلمــه ولا يفكر باأي فكككره 
 تهرج تهرج تهرررج تهررررج 
 من يوم ماجا ليــن وقت خروجهم شافها واقفــه عــند البوآبه ودا كآن اخر موقف بينهم 
 راحلها : حتستني اختك ؟
 انفآل : ايوا سامي شايل هم ترف لو قلها حيتأخر حتسويلو زي اخر مرا 
 وبنفس الوقت تحزنو مررا لما تسير خدودها حممره وشعرها بعد مايكون منفوش من جنانها 
 يسير هاابط ولاصق فيها مع الحر
 جا قدآمها وهوا يغطيها بظله ومد يده : هاتي شنطتك




 امــآ في بيــت تـرف مبسووطه مبتسمـه .. اخوانها الاتنين عندها
 طالعت في تآمر وهيا واقفه في نص الصاله : اجبلك مخده تحطها وراك 
 تامر : لا لا مرتآح 
 تميم طالع فيه : ترا لازم امي تشوفك والله خلاص حتحطك في البلاك ليست 
 تآمر : هههههه ايش اسويلها اربع مرات اكلمها وتقولي صورلي صاحبك 
 ترف : ههههههههههه اما 
 تآمر مسك بطنـه وهوا كآتم ضحكتـه ومايبى يتكلم 
 تميم : هههههههههههههه روحت صورت مريض من الغرفه اللي جمبنا وهوا نآيم وارسلتلها 
 ترف : هههههههههههه من جدكم 
 تميم : ايش اسووي والله كآنت خلاص بدأت تشك وكل ماتتصل على دا نآيم وبس انا اللي استلم محاضره 
 ترف جلست : ههههههههه محد شافك وانتا تصور 
 تميم : لا الباب كآن مفتوح ودوبهم مدخللينو جايبنو من غرفه العمليات دخلت صورتو على طول اصلا من اول امي بتدعيلو مرا حزنت 
 ترف : هههههههههههه يلا كسبلو كم دعوه 
 تآمر : هههههه نصيبو 
 تميم : حدك يوم ولا يوميين ياتامر ولازم ترجع 
 ترف : مو خلاص صدقت 
 تميم : برضو حتقول مايمر عليا ساعه ولا ساعتين اعرف امي 
 تامر : مو مشكله حجي ان شالله
 تميم : يلا انا رايح 
 ترف : خليك 
 تميم : ورايا كدا شغله خليني اخلص وارجع البيت يادوب 
 خــرج تميم وتـرف تطالع في الساعه اللي بيدها .. 
تآمر : لسى ماقلتي لسامي 
 ترف : على براء ؟
 تامر : ايوا 
 ترف : لسى 
 تآمر : لاتتاخري مو حلوه 
 ترف اشرت براسها 
 تامر : متى حيرجع 
 ترف : ألمفروض يكون في البيت _ مسكت جوالها واتصلت _ ايوا سامي ...فينك .؟ .. طيب فينك ؟ .. وليش اتاخرت دا كلو !! اهاا مع سلامه 
 حطت الجوال وضحكت 
 تآمر : ايش بك 
 ترف : مايبى يرد عليا فين كآن 
 تامر : طيب مافهمت فين حيكون !
ترف : وحده معاه في المدرسه يستناها لين ماتمشي ووقتها يرجع 
 تامر رفع حوآجبه الاتنين وترف كملت : ولدي يحزن وطيب مع الكل 
 تامر ضحك : ههههههه طيب يابريئه 
 ترف : ههههههه ايش اسوي بحاول اكون بريئه عشان لايطيح ولدي من عيني 
 تامر : وانتي كيف عرفتي 
 ترف : هوا قلي في البدايه كذب عليا وقال انو مع صاحبه واكتشفت انو صاحبه في البيت 
 تااامر : ماحيكذب الا لو بيسوي مصيبه
 ترف : والله مدري في البدايه كان بيحكيني عنها عادي لدرجه انو يكرهها _ سكتت ترف وفجأه حست انها بتهرج عن تآمر وروان وحست بشر جوتها وكملت _ بيشتكيلي منها لأنه يكره تصرفاتها ولدي هادي وهيا البنت رجه وتحب تلعب 
 تآمر بدأت تلين ملامحه 
 ترف : وفجأه مدري سار مايتكلم وبيكذب ولحست مخوو شكلها نشوف نهايته ..دا ماخرج من البيضه وكدا بيسوي
 تامر بلع ريقـه وقال : حيطلع عينك شويا بذات مع الجيل دا 
 ترف : الله يهديـه 
 ترف من يوم مافتحت سيرة انفآل وروان في رآسـها 
 مو قادره ماتسوي شي رفعت جوآالها ودقت بدون تردد 
 يبا يستهبل تامر حتى هيا حتستهبل ... 
وبعد رنتين ردت روآن : هلا روان 
 تآآآمر فضضح نفسـه بنظرته 
 على طول طالع .. ترف قلبها طآح 
 روان : ايوا ترف 
 ترف : كيفك 
 روان : تمام الحمدالله وانتي كيفك 
 ترف : كويسا مالك حس ماحترجعي هنا
 روان : لا شكلو ماحرجع 
 ترف : اهاا
 روان على طول سئلت : تامر خرج ؟
 ترف : ايوا 
 روان : كويس
 ترف : ليش 
 روان على نياتها : عادي مضاربه معاه ومابى اسئلو 
 ترف ابتسمت :ايش سار
 روان تهرج بصوت راخي مرا : ولاشي موضوع تافه اخوكي سطحي 
 ترف : ههههههههه طيب ايش بك كدا تهرجي لايكون صحيتك !
روان : لا لا بس هديل جمبي وتعبانه مابى اصحيها
 ترف سكتت شويا كانت بتقول سلامتها بس نذالتها اشتغلت : اووه سلامتك 
 تآمر رخى عينه وهوا يلعب بجواله 
 روان : لا مو انا بقولك هديل 
 ترف : ايش سار
 روان : شكلو امس اخدت برد مع المطر 
 ترف : اهاا ...ماتشوفي شر
 روان عقدت حوآجبها : بقولك هديل مو انا 
 ترف شايفه تامر بدأ يحرك رجوله وكملت : طيب طمنيني عليكي 
 روان مو مستوعبه شي : ترف انتي سامعتني !!! 
ترف :ايوا .. خلاص حسيبك ترتاحي حتصل عليكي في وقت تآني
 روان ساكتـه لأنو استوعبت ترف بتكلم وحده غيرها 
 ولا صووتها بيقطع ولا ايش الهرجه ماتدري
 وفجأه قالت مع سلامه 
 وفجأه انقفلت المكآآآلمه ... 
جلست بتنآحه تطالع في الجوال وبعدها وسعت عينها 
 وبعدها شهقققت بصوووتها 
 تآآآمر جمبها اكككيد تآمر جمبها !!!
حقيييييييييييييييييره 


 تــرف سوووســـه 
 تعرف تقلب المواضيع 
 تحس روان وهديل زيها وبما انها بنت اتعذبت بسبب رجآآل
 حتطلع عين تامر شويا 
 سابت جوالها واتنهدت بقهر : مسكينه 
 يسكت ؟ 
 ماقدر
 ماقدر حتى يرفع عينه : ايش بها 
 ترف طالعت فيه : مين ؟
 تامر طالع فيها واتنرفز من بلاهتها : مو بتقولي مسكينه 
 ترف : اها رووان .. بتقولي تعبانه و _ وشهقت بنص كلامها _ وااا الاكككل
 ودخلت جـــري للمطبـــخ 
 وهوا بيووووولع 
 يباهها تكمل 
 روان شخصيتها قويه ماحتقول تعبانه على الفاضي
 يكون بسببه 
 هوا ماطمن عليها 
 خلاها تخرج اخر الليل لوحدها 
 يكون سرلها شي
 جلالل !!
لا لا 
 ليش لا 
 بنت لوحدها في اخر الليل اكيد سرلها شي 
 اتوتتتر
 بجدد اتوووتر وبدأ ينقلب موده 
 قلبـه يدق بسرررعه كل مايتذكر انو سابها وماسئل عنها امس
 لما صرخت على البنت امس 
 ايش فيها هيا عاشت بيئه غير عن بيئتي ليش الومها 
 هنا الرجآل لما يحط مبررر 
 يعني خلاص بيدي نفسـه مساحه انو يتنآزل 
 هنا الحــب يديك اسباب عشان تتغاضى عن حركآت كنت تنتقدها 
 في مية وحده وانتا حاليا رضيت فيها 
 اتصــل عليها 

 وروان اول ماشافت رقمو صمتت الجوال ورمتو 
" الوووسخخخه والله كآن جمبها "
موسعه عينها ومو قادره تستوعب ترف ايش سوت 
 ومو مستوعبه اتصال تآمر اللي ماأخد دقيقتين 
 تطالع في الجوال وماتبى تـرد
 قلبها يدددق اكتر منوو وخايفه انها ترد 
 بتشرد من الاحساس دا كالعاده 
 خاف عليها دا اللي عرفتــو 
 تطـآلع في الجوال لين ماطفــى
 وثواني ورجع دق تآني ورجعت صمتتو
 بس دي المرا ماردت عشان هديـل نادتها ... 

امــآ هوآآ خلاااص اتجنن 
 اكيد هوا السبب 
 عشان كدا ردت على ترف وماردت عليـه 
 ايش بها 
 ايش حيكون سرلها 
 افكاار كلها مجنونه تجيــه زي روآن 
 مايتوقع شي منها طبيعي عشان كدا مو اخد الموضوع بسطحيـه 
 وانفتـح باب الشقـه ودخل سآمي على طول المطبـخ لما شم ريحة الاكل 
 ابتسم لاشعووريا 
 دي الأجوووااء اللي يباها 
 طبخ امو 
 رجوعه من المدرسـه وهوا حران وطفشان 
 انو يترمي قدام المكيـف على طول وترف تبدأ تهزأه 
 واقفـه قبال الفـرن وماسكه جوالها ومبتسمه 
 باين انها في عآلم تآني
 مشي بخطوآت هآديه يبا يفجعها ... 
خطوه
 خطوتيـن 
 وهيا ضحكت بهدوء
 وسامي ابتسم زياده 
 كمل خطوآتــه 
 وفجأه صرررخ 
 وهيا صررخت بكل صوتتها 
 كيــف طار الجوا ل
 كيييف دخل في القددر ماتدري 
 بس شهقت بكل صووتها 
 وسامي قلبه طآآآح 
: جوووووووووووووووالللللللي
 سامي : اانا والله ااااسف
 ترررف مسكت الملعقـه الكبيره باارتباك وتتكلم وتحاول تخارجو :لاااا ياااااربي
 خرجتو وهوا مغرق في الايدام حطتو على الطاوووله ودارت بسـرعه لسامي وضربتو : يااااغبي ياااحيوووان 
 سامي : هههههه ماما والله اسف والله مدري انك حترميه 
 ترف اشرت على نفسها ووجهها محممر من القهر : شااايفني بلهه رميتو بالعنيه 
 سامي : ههههههههههه برضو ماتوقعت انو حيطير 
 تــآمر جا على اصواتهم مفجوع ودوبـه بيهرج الا تـرف رفعت يدها وسارت تضــربو : يااامتخلللف والله لاأخد جوووالك انا اوووريك 
 سامي رافع اياديه ويضحك : ههههههههههه اسرري ياماما ماتاخديه 
 ترف رجعت تمسك الجوال وتتكلم باانهيار 
 سامي اختفت ابتسامتـه اول ماشاف تآمر ..
تامر مايدري ينفجع من هبــل ترف ولا من سامي وهوا يقولها اســري ..!!
بس شكلهم مرا ماكان يدل على انها ام وولدها : فجعتوني حسبت مصيبه سارت 
 ترف طالعت فيـه : جوالي طاح في القــدر بسبب دا الاهبل 
 سامي دار راسه على طول عليها : محد قلك ارميه 
 اتنررفزت رفعت الجوال : والله لاأدخلو بعييييينك لو ماسكت 
 سآمي مشي : اهم شي مو انا الغلطان 
 ترف طالعت فيه ويحمد ربه بس انو تآمر واقف 
 مشي من جمب تآمر وحتى ماسلم عليـه 
 راح لغرفتـه على طول 
 اصلا وجود تآمر فجعـه 
 جلس على سريره وكآنت لحظآت لين مانزلت دموعـه 
 شكل تآمر خلاه يتذكر كل شي سار داك اليـوم 
 اصلا طول ماهوا في المستشفى اي شي يطيــح في الارض 
 كآن ينفجـع وكأنها صوت الطلقـه داك اليـوم 
 مسـح دموعه اول مادخلت تـرف كآنت لسى حتتضارب معاه بس دخلت مفجوعه وجلست جمبـه : سامي ايش بك 
 اشر براسـه : ولاشي
 ترف : معليش حبيبي ماكان قصدي اصرخ
 سامي قاطعها : والله مو منك
 ترف : طيب ايش بك
 سامي : بكرا عليا اختبـآر رياضيات وانا مو فاهم شي 
 ترف اتنهدت : فجعتني والله 
 سامي : اخدو دروس كتيـر وكلها صعبـه 
 ترف : طيب كآن قلتلهم ياأجلولك الاختبار 
 سامي : ماحب 
 ترف : طيب كآن قلت لمحمود يفهمك
 سامي طالعلها بنص عين : محمود ! ابوه يجبلي مدرس خصوصي في الرياضيات وبرضو مايحل
 ترف : هههههههههه طيب انا افهمك 
 سامي قام من على السرير : خليكي في حالك ياماما انا ححاول افهم نفسي
 ترف : هههههههههه تشك في قدراتي 
 سامي : انا عارف اني حسير كل ماتجيني اي مساله حتى لو عارف حلها حتذكر حلك الغلط واكتبو 
 ترف : ههههههههههههههه انتا بتذلني على داك اليوم 
 سامي : طبببعاا نقصت درجه بسببك والله لساتي حاقد
 ترف : صدقني دي المره حعجبك وحخليك تجيب فل مارك جربني
 سامي : ابا اغير ملابسي ممكن 
 ترف وقفت وشمقت : انتا الخسران 
 خرجت وتآمر جالس برا سامعهم ومبتســم ..اول ماجلست اتكلم : قوليلو يجيني اذاكرلو 
 ترف دوبها استوعبت تخصص تآمر وكيف يعشق الرياضيات من صغره : لا ويي ارتااح 
 تآمر : خليني اشغل نفسي باأي حاجه
 ترف : دوبك خارج ياتآمر خلاص هوا يحاول 
 تآمر : ناديه ناديــه 
 ترف : اهجد 
 تآمر : بقوولك ناديـه 
 ترف سكتت شويا وبعدها قالت : ساااامي 
 سامي خرج من الغرفـه : نعم 
 صوتـه هادي محترم عينو ماجات على تآمر حتى .. 
تآمر : لما تفضى جيب كتآبك وانا اذاكرلك 
 سامي طالع فيه وقال باارتباك : لا لا انا حذاكر مايحتاج
 تآمر : انا قلتلك لما تفضى جيب الكتآب ماسئلتك 
 سامي يطالع فيه وماعرف يعلق وترف ضحكت دا تآني واحد يستلم ولدها : ههههههههههه تااامر بشويش عليه 


 وكآنت دقـآيق والهدوء طآغي في المكآن .. 
تـرف جآلسه وبيدها جوالين وبتحط شريحتها بالجوال القديـم 
 سامي ادى الكتآب لتآمر وشرد لغرفتـه بيشغل نفسـه باأي شي
 وتـآمر يتصفح الكتآب وكل شويا يرفع عينه على تـرف ومو عارف يسئلها ولا يسكـت .. 
وقرر يدي روان مهله ساعه او سـآعتين ولو ماردت وقتها يسئــل .. 
قفـل الكتآب : انا حاخدلي غفوه ولما اصحى حذاكرلو ..
تـرف :طيب ولو حسيت نفسك تعبآن خلاص هوا يضغط على نفسـه 
 تآمر : مو مشكله 
 ترف وقـفت واتوجهت قبـله للغرفه اللي مجهزتلو هيا حق خلود .. شغلت المكيـف .. : تعال هنآ
 اخد جوآلــه دخل الغرفـه قفل الباب وانسدح على المكآن المريـح 
 في المستشفى حتى لو المكآن مريــح مستشفى في النهايه 
 مافيها الراحــه 
 يكفي كل ماينام تجي ممرضـه تصحيـه 

 ونـآم تلات سـآعات وقـآم مفجــوع مسك جوآله واتصـل على روآن واول ماوصلـه صوتها
 رفع جسـمه وسنده على المخده : روان 
 صوتـــه نآآآيم 





 امــآ في الجـآمعه وفي الممر اللي فيه ابــواب خشبيـه 
 الكل بيدخل المحـآضره وهيا سانده جسمها على الجدار وعدي واقف قبـآلها ... 
 : لمى حتقعدي منكده لمتى
 لمى رفعت كتفـها 
 عدي اتنهد بضيـق : خلاص خرجيها من راسك 
 لمى : اخواني ماسارو يقعدو في البيت ليا فتره ماشوفهم كانو الوحيدين اللي يجلسو معايا دحين مافي احد
 عدي : ايش دخلها هيا هما مشغولين عشان تآمر تعبان
 لمى : مو سارت هيا الاهم هيا تعرف واحنا 
 عدي قاطعها لما مسك يدها : اكيد ماقالولك عشان امك مو عشانك 
 لمى دارت راسـها وعدي مسك ذقنها وخلاها تطالع فيه : حبيبي والله يومي كلو ينقفل لما تكوني كدا .. وبعدين انتي ليش ماتحاولي تتفاهمي معاها خرجي اللي في نفسك تبي تصرخي سوي الي تبيه بس لاتشردي 
 لمى : مابى اشوفها ولا ابا اسسسمع صوتها اللي شوفته بسببها كفآيه عدي انا دوبني بديت افررح ورجعت هيا لحياتنا _ وطت صوتها _ من يوم ماشوفتها وانا مو قادره انآم والله صاحيه من امس 
 عدي متعاطف مع الاتنين بس مهما كآن دي مرتــه نفسيتها اهم بس شايف انها فاهمه اختها غلــط 
 ديك برضو مظلومه لو جلسو حيتفاهمو : اسمعي ياقلبي 
 قرب وباس خدها وهيا دفتو بصدمه وطالعت حوليها 
 وهوا ضحك : معليش ماستوعبت والله 
 لمى خرجت من مودها بصدمــه : عددي ايش بك 
 عدي : هههههههههههههههه والله معلليش قهرتيني عليكي 
 لمى : البوسه اللي حتحل الموضوع!!!!
عدي : ههههههههههههه بنسبه ليا اييوا 
 لمى حركت راسها : والله مستحيل الواحد يعبر عن نفسيته وهوا معاك 
 عدي : هههههههههههههه سامعك ياقلبي حتى كنت حقولك نصيحه حلوه بس مدري فجأه فصلت 
 لمى لاشعوريا ضحكت : ههههههههههه شوف حل لحياتك وفصلاتك دي
 عدي : يااااصبااح الخيــر
 لمى عقدت حوآجبها وهوا ابتسم من قلبــه : دوبو بدأ صباحي
 لمى دوبها استوعبت انو قصدي عشان ضحكت : هههههههههههههههه عدي انا ف عالم وانتا فعالم 
 عدي يتكلم بااسلوب واحد قاعد يشبك وحده : والله ياحلوه كلنا بنفس العاالم بس الحلو شايف نفسه علينا 
 لمى دفتو : امممشي ياعدي 
 عدي : هههههههههههههه ماينفع اشبك بنات ؟
 لمى رفعت حاجبها : جرب وشوف
 عدي رجع يغمز بااسلوب اهبل : مين مزعل الحلو 
 لمى : ههههههههههه حسبت تبا تشبك احد غيري
 عدي : مو انا ادرب عليكي عشان اطبق على البقيه 
 لمى وسعت عينها وقالت بتهديد : والله لاأقتلكم كلكم 
 عدي : ههههههههههههههههههههههههههه لمى بجد لو شوفتيني يوم ماسك يد وحده ايش حتسوي 
 لمى سكتت وبعدها قالت بحقد باين في عينها : حقتلك واقتلها 
 عدي ضيق على عينه : من جددد هياا 
 لمى : والله اقتلكم 
 عدي : هههههههههه 
 لمى انقهرت مسكته من بلوزته : جرب وشوف 
 وســآبته ومشيت لمحاضرتها وهوا ضحححك من قلبــه 
 مبسووط طبــعا انها سارت متعلقـه فيـه .... انو تغار وتحبـه بدا الشكل .. 
وبدأت تختفي ابتسامتـه تدريجيا وهوا يمشي في الممر .. 
ماقد جلــس مع تـرف .. يعرف انها تحشش 
 بس مهما خلود كآنت تحاول تناديها لجلساتهم مآكآنت ترضى .. شافها مرتيـن وكلها ماتتعدى السآعه 
 بسبب مشاكل خلود ... لكن طول وقته يسمع عنها لأنه بيهرج مع خلود في الجوال 
 يعني حياتها بالتفصيــل ديك الفتره عارفها... 
البنت مظلومــه 
 كآن نفسـه يعرف مين اهلها الجبروت دول 
 وللأســف عرفهم ... ساير موقفـه في النص ومو عارف ايش يسـوي .. 


رفــع جوآاله واتصـل بدون تفكيــر لتآمر ..



امـآ بشــآر .. وبعد صـلاه العصـر .. 
أخــد امو في السيـآره وبيوديـها عند البنآت 
 امـه : ماجبتلي للبس عشان لو ماعجبني الوضـع امشي وخلاص
 بشـآر : اللي يريحك اهم شي حاولتي 
 امه مو عاجبها الوضـع بس بتسوي عشان راحة بال ولدها ... 
فتحت جوآلها وهيا تقرأ محادثـة جميل اللي قبل ساعه 
" كيفك ياأم بشـآر 
 السموحه على تقصيرنا معاكي 
 اذا احتجتي اي شي لايردك اتصآلك
 حبيت اتكلم معاكي بخصوص بشار 
 حاولي دي الفتره تكوني معاه 
 مو قصدي اخوفك لكن عصبيته مو عاجبتني 
 خليه يهدى ولو سوا اي شي كلميني "
طفت الجوال ونقلت عدسـه عينها على ولدها 
 تشوف بعينه لما يعصب انو يسير زي جآسم 
 نسخـه ابــوه لما يكسر اي شي قدآمه 
 لما يسير يتحرك بعصبيـه ومايقدر يمسك اعصآبه 
 نفس جآسم 
 بس الفرق اللي بينهم انو بشـآر قلبه ضعيـف 
 ياأذي الشخص اللي اذاه 
 ياأذي نفسـه 
 بس ماياأذي انسآن ماسواله شي 
 بشار طالع فيها : ايش بك 
 وهيا شتت نظرها : ولاشي 



 روآن . جالسـه في الصآله ودوبها هديـل دخلت تنآم
 فجأه بشار اتصـل عليهم وخلاهم يبدلـو الغرف واخدو مكآن فيه غرفتين نوم ..
وفجأه فجعها بخبـر انو امه حتجي تجلس معاها 
 تحرك رجولها بتوتر 
 ماتبى تشوفها 
 منحرجه 
 مشاعر متضـآربه 
 وجوالها دق ماتبى تفكر لأنها ماحترد لو فكرت 
 رررردت وبس 
: الو 
: روان
 ماردت 
 تآمر سكت شويا وهوا بيعدل جلستـه وهرج بصوت كلو نوم : فينك مابتردي
 روآن نفسه تقوله ليش ماتصلت امس : كنت مشغوله 
 تآمر : ترف قالتلي انك تعبانه
 روآن : مافيا شي
 تآمر عرف انها ماتبى تقوله : امس رجعتي البيت على طول ؟
 روآن : ايش رايك ؟
 تآمر رفع حآجبه مايباها تستخدم دا الاسلوب عشان لايقفل : بقولك ترف قالتلي انك تعبانه وكل اللي جا في بالي انو سرلك شي امس
 روآن : لا ماسار شي 
 تآمر : اها
 روان : ارتاح لساتني عايشه 
 تآمر : انتي ليش بتهرجي كدا وكأني انا اللي غلطت عليكي امس
 روآن : محد غلط على التآني
 تآمر : لا انتي صرختي بكل صوووتك على وحده ماسوت ولا حآجه 
 روان حركت رجولها بنرفزه : انا حره 
 تآمر : دامك معايا منتي حره حاسببي على تصرفاتك 
 روان : اممم معليش شكلك اول مرا تجلس مع وحده محد رباها
 تآمر سكتتتتت وبعدها قال : لاتدخلي بنقاشاتنا من دا الباب
 روان : ليش ؟ انا كدااا ماسويت شي والبنت استفزتني اصرخ عليها واصرخ على اهلها كلهم لو ابا 
 مرررررررا اتنرفز 
 هيا ليش بتتكلم كدا ؟؟؟ 
 تبا تشوف حيتحملها ولا لا 
 تتكلم ودمعتها بعينها عشان عارفه طبايعها الوسخــه 
 تعرف نفسها انه عندها الف شي تامر لسى مايعرفه عنها 
 ومن موقف بسيط امس خصرها ولا اتصـل
 وكلامه دا اكبر دليل انو ماحيقدر يتقبل شخصيتها 
 هوا اتقبـل الانسآنه المكسوره اللي جوتها وبـس 
 تآمر : اتوقعتك اعقل من كدآ
 روان : لا ابشرك مجنوونه 
 تآمر !!!!!!!!!!!!!!!!!!
مصدووم وكلمه صدمتـه فيها قليــل : روآن _ قال اسمها وسكت وكأنه بيحاول يمسك نفسه بس ماقدر _ لاتتكلمي معايا بدا الاسلوب ...أصحككك تحاولي تقللي ادبك عليا 
 يقول كلامـه بشويش وهوا بجددد عارف نفسـه حيبيعها لو استمرت بدا الاسلوب 
 مايتتتحمل 
 حاسس حاليا بحريقـه جوتـه 
 روآن : ماقللت ادبي انتا متصل 
 تامر قاطعها : انا متصل اسئل عنك 
 روان : وقلتلك انا طيبـه مافيا شي وطلعتني قليله ادب عشان رفعت صوتي على وحده وقلتلك انا حرره وماعجبك كلامي ايش تباني اسويلك 
 تآمر لحظـه صمت وبعدها قال : مستغرب مو منك مستغرب من نفسي كيف ماقدرت اشوف عقلك الصغير دا من اول ماجلست معاكي
 روآن جموووود بالقوه بلعت ريقها بالقوه قدرت تنطق : دحين لو ماعرفت اني تعبانه من ترف ماكآن اتصلت صح ؟ 
 تآمر ايش يرد مو عارف بس محروق منها : ايوا وكنت احسبك حتعتذري 
 روان عقدت حوآجبها : اعتتتذر ليش انا اتكلمت اساسا معاااك عشان اعتذرلك 
 تامر : النقاش معاكي ضايع تبي تسوي حركاتك دي لما تكوني لوحدك بكيفك قلتلك لما تكوني معايا احترمي نفسك وبس
 روان : جبتها من النهايه انا وحده مو محترمه اصلا ومنتا ملزوم تشوفني حتى 
 وصلــو لنقــاش مايبــوه
 تآمر : دا اللي تبيه ؟
 روان : دا اللي انتا تباه
 تآمر : طيب براحتك على العموم ا
 روان قاطعتـه : لاعاد تتصل عليا 
 لحظـه صمـت 
 تباه يكآبر
 تبآه يقول حتصـل 
 يهزاها 
 تباه يهزأها 
 بس مايقفل
 مايتنازل عنها بسهوله 
 تامر جملتـها خلتو مايفكر بشي كدا هدمت كل شي
 هدمت كل احساس حلو قاعد يعيشـه حاليا 
 ليش بتبعده كدا 
 دا اسلوبها !؟! 
يمكن فعلا حياة الشوارع مخليتها كدا 
 دا موقف تآفه ..تآفه وداخله بعينه لا وكمـآن مو راضيه تسمع 
 تآمر : طيب سلام 
 نزل الجوال وقــفل وضغط على قبضــه يده
 ليش حاسس بوجع جوتــه 
 ليش مقهوور 
 ليش يبا يتصــل 

 روآن لسى حاطه الجوال على اذنها اول ماقفل نزلت دموعها كآنت بتناديـه 
 اتوقعت انو حيتمسك شويا 
 نزلت الجوال وطالعت في الشـآشه وبكيــت 
 كآنت حاسه امس وهيا تكلم هديـل انه شي مؤقت وحيجرحها 
 كآنت تتكلم وتحكيها عنه بس عشان تخرجها من الضيقـه اللي تحسها 
 متأكده انو مستحيل يكون في شي حلو بحيآتها زي الاحساس اللي حستو معآه .. 
هيـآ ماتستــآهل ..
حطت جوالها جمبـها تحاول تكتم بكاها مو قادره 
 وكأنه لما قفــل ..قفل كل شي بوجهها 
 الضيقـه اللي تحسها خلت كل المواضيع تنقــلب جوتها 
 كآن احساسها الحلو مع تآمر بيشتتها عن الـف وجع 
 عن المحآكمــه 
 عن جآسم عن جلال
 عن حيآه هديــل
 هيا تبكي على نفسها وتبكي على هديل 
 تبكي على حظهم واحلامهم 
 كآنو ينسدحو في الحدايق العامه ويطالعو في السمآ ويتخيلو حيآتهم لما يكبرو 
 وهديـل اول شي تقولو مـآمآ حترجع وحتشوفي كيف تحبني 
 وروآن ترســم احلامها اللي بدون اهل كالعاده 
 بس سار العكس رجعت امها بس طلعت اوسـخ أم ممكن احد يتخيلها وكسرت قلب ديك الصغيره 
 وروآن طلعو عندها اهللللل عيلللله 
 اخ واخت واب واعمــآآآمم
 وطلــع الموضوع يوجــع 
 وياريت تكون طفلـه 
 ماتعرف مين امها وابوها 
 تآمر مآكآن يتوقع انو كلمـه سلام حتخليها تنفجر بدي الطريقــه 
 ماكآن متوقع انو كلامه بجددد يأثر بنفسيتها 
 انو كآن السبب بهدوئـها وهوا السبب في انفجآرها حآليــآ ...
كلام المحآمي كلام الصحفيــن مقابلتها مع جاسم 
 كل شي مدمر نفسيتها مسكت جوآلها تبا تتصل عليـه 
 تبكي وتشهق بصوتها 
 مو قادره تتحمل 
 بس ماقدرت ايش الفايده تسحب شخص لها وهوا مايقدر يتحملها
 دق الجوال بيدها وعرفت انو رقـم بشـآر
 سابت الجوال جمبـها وماردت 
 مو قادره توقـف بكــى 
 مخنوقه من المكآن وتبــآ تخرج اتوجهت للبـآب فكتـو 
 وهيـآ بالممر اللي يوجهها للمصـآعد لقت بشـآر وامـه وجايين باإتجاهها ...

رفعت يدها بسرعه تمسـح دموعها تحاول تكتم شهقـآتها بس ماقدرت 
 امـآ بشار جا باإتجاهها على طول : ايش بك 
 روان تبا تشرد من نظرات امه قبل نظرات بشـآر
 مع انها ماجات بينهم مسـآفه بس برضو ماتبى تكون بنفس المكآن : سيبني ابا انزل
 جات تبـعد الا مسك يدها : سممميه ايش ففييه ساار شي
 روآن وطت صوتها وهيا تهرج بقهر : يعني ايش حيسير اكتر من اللي سااار بعد ياابشار 
 بشار : تعالي جوا 
 روان سحبت يدها : ماااابى بقولك ابا انزل 
 بشار : ماحتنزلي لوحدك خلاص اهدي وتعالي كلميني 
 روان : ياااااربي بشااار بعد بععععد بجد مابى اتضارب معاك 
 بشار سحبها من يدها : اممشي جوآ 
 تحاول تسحب يدها ولا كأنه ماسكه بقوه هيا اللي ببتألم ومو قادره تفلت يدها : اممي تعالي 
 امــه من بدايتها حست الوضــع غريب ومارتاحت بس بمجرد مادخلو الغرفـه 
 بمجرد مانقفـل الباب وساب يدها روآن دخلت للغرفه الفاضيـه وكانت حتقفل الباب الا بشـآر مسك الباب ودخل : ااايش بككك
 وساارت تسمــع صوت بكآهآ ســآرت تسسمع صوت وحده محرووقه 
 تصرخ على ولدها وتبـكي 
 مشيت بخطوات مهزوووزه وكل شويـآـ ماتشوف بوضوح من كتر دموعها جلست على الكنبـه وسامعه روآن تدعي على جآسم 
 الله ياااخده الله يااااخده 
 انننا اكككره
 ليش سووا فيا كدا انا ايش سويتلللو 
 اباااك بس تسئلو انا ايش سويتلو عشان اعرف وارتاااح 
 وسـآمعه صوت بشـآر 
 يحاول يكلمها يحاول يهديــها 
 ماتدري تفكر في البنت اللي مهما كآنت بتحاول تستوعب المها ماخطر في بالها انها بتكون كدا
 ولا في ولدها اللي حستو بعآلم تآني وماتدري ايش كآن عايــش 


 امـأ في الغرفــه جلست على السرير واستسلمت للبكى وخلاصصص 
 بشار جلس جمبـها : سميـه 
 سميه قاطعته قبل لايهرج : انااا تعبببت ساكته ساااكته بسسس خلاااص مني قاادره اتحمل 
 بشار : عارف والله عارف وبحاول اسوي اي شي عشان اوقف جمبـك 
 سميه طالعت فيـه : مافي شي تقدر تسويــه اللي سواه جاسم ماحيتغير الوجع اللي احسو ماحيتغير حتى النآس يكرهووني 
 بشار سكت وبعدها قال : هديل تحبك 
 سميـه : بس هديــل وهبله مهما اصرخ عليها تحبني مني عارفه ليش 
 بشار : عشانك طيبـه ومين قال انو ببس هديل فيه انا وعمي جميـل كلنا معاكي ياسميـه 
 سميـه رجعت تبـكي : طيب بجلس لوحدي لو ارتحت حخرج 
 بشـآر : طيب استناكي 
 سميـه حركت راسـها وبشـآر خرج راح لأمـه .. وهوا مو عارف فين هديـل بس طالع في الغرفه التآنيه اتوقع انها هنآك .. 
جلس عند امـه : ايش بك 
 رفعت يدها وهيا تمررها على عينها : ولاشي 
 بشار : دحين حتجي
: ايش بها 
 بشار : ولاشي مخنوقه كآنت 
 استنى روآن تخرج بس ماخرجت سمع صوت بكاها زاد حاولت تكتم بس خلاص مو قادره 
 لما توصل لدي المرحله لازم تخرج اللي بنفسها 
 بشار كآن حيرجعلها الا امو مسكت يدو ووقفـت : خليني اتكلم معاها 
 لابسـه بنطلون اسود مو ضيـق وبلوزه بيضـآ اكمام طويلـه
 شعرها 
 وجهها
 كل شي يدل على انها تعبـآنه نفسيـآ .. 
دخلت الغرفـه على روان جلست على السرير وبينهم مسـآفه 
 صعــب تتكلم مع شخص ماتعرفه باانهياره 
 بس لما يكون الوجــع مشترك هنآ يتغير الوضـع 
 روآن تمسح دموعــها وبتحاول تكتم شهقاتها 
 ام بشـآر : سمعتك تسئلي بشار ليش سوا جاسم فيكي كدا تبي تعرفي عشان ترتاحي 
 روان على طول طالعت فيها 
 ام بشار : مو كل شي الواحد يبا يسمعه بس فيه حاجات واضحه قدام عيننا ... الشي الواضح انو جآسم ماعندو قلب عشان يسوي في بنته البريئه كدا والشي الواضح انو هوا اتعدى مرحله انو مايكون فيه اي ذرة انسآننيه وبدأها مع اطفال الناس ووصل لمرحله انو يعامل بنته بنفس لشي ولاتقولي ايش معنى دول عاشو احسن منــي ربي عالم انو بنتي عاشت طول عمرها في معاناه ومرضها _ دموعها نزلت _ والله مارتاحت في حياتها ربي اداكي الصحه بس اخد من بنتو التآنيه اللي كآن يحاول يعوضها صحتها وراحتها واخد روحها بسببه كمان 
 روآآآن تطالــع فيـها ومانطقت بشي
 كملت وهيا تهرج بصوت مهزوز : عارفه باايش تفكري لأنو انا فكرت بالموضوع بس ربي ابتلى جآسم في بزورتــه بنتي ماكانت تجري وتلعب زي باقي الاطفـآل كبرت وهيا ممنوعه من كل شي ودا الشي اللي خلاني اعيش مع جآسم ماكانت ابا اكسر قلبها واعيش بعيد عن ابوها ... واخوها نفس الشي انشغلنا مع اختـه ورجعت مراا وولدي مايتكلم وبس احد يعصبـه مايقدر يتنفس ونوديه للمستشفيات ومن دكتور نفسي لدكتور نفسي وشي يشيب الراس والله ... عارفه انك عانيتي يابنتي بس اللحظه اللي ربى عمــى جآسم وخلاه يسوي فيكي كدا هيا الحظه اللي اخد فيها ربي صحه اولادي مني .. قولي الحمدالله كل ماتبي تبكي وتصرخي قولي الحمدالله خلي ذكر الله على لسانك وانتي حترتاحي لاتقعدي تسئلي وتقولي ليششش وليش وليششش حتتعبي وماحتخرجي بشي _ اشرت على نفسها _ انا كنت حتجنن وانا اسئل ليش بنتي ليش سرلها كدا ليش الكل يهرج عنها ايش سوووت ديك البريئه اللي عمرها ماأذت احد طيب كيف ماتت قد ايش اتألمت عشان تطلع روحها _ تمسح دموعها _ بس تعبت وكل سؤال يدممممرني ويقتلني لين ماحلمت فيها وعرفت انو بديك اللحظه الدعاء هوا اللي حيفيدها كلامي واسئلتي ماحتسوي شي كل مااتعب وابا ابكي واتذكر كيف ماتت ادعيلها وادعيلها لين مارتااح _ مدت يدها اللي تتنافض ومسكت يد روان _ دا الشي انتي سويــه كل ماتحسي انك محروقه ادعي تبي تبكي ابكككي بس ادعي وانتي تبكككي ربي حيربط على قلبك ..طيب ؟
[ كــل وآحد يتألم بطريقـه مختلفه 
 دا اللي استوعبـته روآن وهيا تسمع لأم بشـآر 
 بس الشي الوحيد اللي يكون بيـدك قرارك كيـف تستقبـلي الصدمه اللي بتعيشيها 
 اشرت براسـها روآن وام بشار ابتسمتلها رغم ألمها : تعالي معانا لاتجلسي لوحدك 
 وقفت وطالعت في روان 
 روان رفعت يدها مسحت دموعها وبعدها وقـفت 
 مشيت جمب امـه وخرجت من الغرفـه 
 بشـآر انبسط لما شافها خـرجت وانبسط إنو امـه اصلا راحتلها
 جلســو التلاته وام حور تطالع كل شويـا بروان وقلبها يوجعها ماتوقعت في يوم بنتها تروح ويكون مكآنها بنت تآنيـه
 بشـآر : سميه جيعانه 
 روان : لا فطرت الظهر 
 بشار : تمآم بكرا الصبـآح اباكي تفضي عشان تروحي تتصوري واكملك اوراقك 
 روان : اوراق ايش 
 بشار : عشان اخرجلك بطآقه وبعدين بلاشي تروحي اليوم تشتغلي 
 روان : اصلا ماليا نفس
 بشار : طيب 
 ام بشـآر : ايش تشتغلي 
 روان : كنت اخيط ماليا كم يوم اصلا اشتغل 
 ام بشار : ماشالله تعرفي تشتغلي على المكينه 
 روآن : لا انا بس اثبت القماش وهما يخيطو على المكآين 
 ام بشار : اهاا .. حتقدر في يوم تخلصلها كل اوراقها 
 بشار : والله مدري لسى ايش الاجرائات بس نشوف بكرا _ بالو في مكآن تآني _ سميـه هيا صحبتك فيـه 
 روان رفعت حآجبها من الاسلوب
 فين حبيبي وقلبي !!! : هديل !
بشار : ايوا !
روان سكتت تنآحه شويا : نآيمه
 بشار مستغرب من نومتها طول اليوم ! : طيب 
 اول ماأمو دارت سار ياأشر لروان تروح مو فاهمتــه بس قامت على طول وقالت : دقيقه 
 صرفت نفسـها 
 وامـه قبل لايهرج هيا اتكلمت : صحبتها هنا ؟
 بشار ماحب يقولها قبل لاتجي عشان لاتبطل :مو صحبتها بس تعتبرها اختها عشان كدا قلتلها خليها معاكي يساعدو بعض 
 امـه سارت مو عارفه تعـلق : طيب وبعدددين !! حتصرف عليهم انتا ولا ايش حتسوي 
 بشار : مدري نسيب دي المواضيع لوقتها 
 امه : ايش اللي تسيب
 بشار قاطعها : امي كدا ولا كدا انا حأمن مستقبل سميـه وهيا مالها احد ماحيفرق عليا لو خليت احد معاها عشان نفسيتها 
 امه : لاتكون البنت مو طيبه ول
 بشار بدون مايحس : والله مرا طيبه
 امه : انتا تعرفها ؟
 بشار : يعني من سميه اعرفها بشوفها دايما معاها 
 امه : ياألله ايش المصايب دي اللي تجي ورا بعض بشاااار مو كل بنت عاشت مع سميه يعني حتدخل نفسك بدي المواضيع 
 بشار : اساسا دي البنت الوحيده اللي سميه معاها الباقي كآنو اطفال واتمسكو



 امـآ روآن حايسه ومو عارفه فين تروح دخلت على هديــل وجلست على طـرف السرير وهيا تتذكر كلام ام بشـآر
 ريحهـآ شويا 
 ماتبى تفكر في تآمر عشان لاتبــكي موضوعه يفجر كل المواضيع اللي جوتها 
 ملامح وجهها يدل على انكسآرها 
 مابتبتسم
 عيونها منفخه 
 خشمها محمر
 اتنهدت ورفعت يدها تمسح دموعها 
: رووان 
 طالعت فيها بالظلام وماشافتها : ايوا 
: قفلي المكيف 
 روآن : مقفل _ قامت وجات لعندها _ ايش بك 
 هديـل : برداانه مرا 
 روآن حطت يدها على جبينها : ليش ماناديتيني من اول 
 هديل : ناديتك مارديتي 
 روآن اتوجهت للمبـآت فكتهم وجـآت لعندها جلست جمبها : بس مسخنه .؟
 هديل اشرت براسـها باايوا
 روآن تهرج بهدوء : طيب دحين اسويلك كمآدآت 
 هديل شويا وتبكي : لا ماابى ابا انام مافي لحاف تآني
 روآن : حتقعدي بردانه لين ماتفك السخونه منك 
 قامت وخصـرتها...خرجت وبشار وامـه طالعه فيـها اتوجهت للتلاجه الصغيره فكتها مافي تلج مافي مويـآ بارده 
 وراحت لبشار : بشار ابا مويـآ بارده 
 بشار : اكيد حتلقي عندك 
 روان : مو مرا بارده هديـل مسخنه وبسويلها كمادات
 بشار سكت شويا ماعرف يرررد وبعدها وقف : دحين اروح اشتري . .. ايش بها 
 روان : من الصباح تعبانه بس مكسله وماتبى تقوم وبس مسدوحه لكن دحين مرا مسخنـه 
 بشار : طيب اوديها احسن المستشفى 
 روان : لأا مالو داعي عارفتها ماحتقوم 
 بشار مايبى يبين توتر لأمـه 
 امـه : روح الصيدليه جبلها خافض حراره ... من ايش مسخنه 
 روان : مع الجو يمكن 
 امه : خلاص اشتري خافض حراره وان شالله ترتاح 
 بشار اخد مفآتيــحه ومشي ونفسـه بس كآن يشوفها قبل لايخرج ...
روآن : مااسويلها شي 
 امـه : لا بلاشي ان شالله مع الدوآ تنخفض حرارتها

 وقآمت ام بشـآر لما شافت روآن متوتره وكل شويا تتصـل على بشـآر ...: اخلاص اهدي 
 روآن : مرا اتاخر 
 ام بشار : مافي هنا صيدليه قريبـه
 روآن : اووف كآن سويتلها كمادات على بال 
 ام بشـآر : فينها هيآ 
 روان اشرتلها على الغرفـه ومن اول كآنت ماتبا تدخل بس سارت حزنـآنه على روآن 
 دخلت واتقدمت بخطوآت هاديه لين ماجات لعند السرير روان جلست جمب هديـل اللي مغطيـه جسمها ونص وجهها باللحاف 
 روان تمرر يدها على شعرها : هديل 
 هديل ولا فتحت عينها : همم
 روان : دحين جآي بشار .. كلها كم دقيقه ويكون هنا 
 هديل ولا ردت عليــها ... 
امـآ ام روآن تطالع بدول البنتين وبتحاول تستوعــب حياتهم 
 ولدها ايش وضعه خلاص سار مسئول عنهم !!!!
بشار دخل بس يدو ودق الباب المفتوح امه راحتـله اخدت كرتون الدوآ وقاروره المويـآ 
 وادتو لروآن وخرجــت 

 امـآ بشار حاايس وبــس اضطر يمشــي عشان امـه لاتقول دا قاعد وفيه بنت غريبـه 
 وروان بس ادت الحبوب لهديـل وخرجت جلست مع ام بشـآر : متأكده حتتعافى 
 ام بشار : ان شالله 
 روآن معقده حوآجبها : مارتاح للحبوب دي متعودين على الكمآدآت وخلاص
 ام بشـآر : كل ستـه ساعات اديها وصدقيني ان شالله تتعافى 
 روآن : معليش جيتي وحنطفشك وحده تعبانه و
 ام بشار قاطعتها : عادي بالعكس _ سكتت شويا وبعدها قالت _ .. قلتي اسمها هديل ؟
 روان : ايوا بس تقـوم حتشوفيها _ ابتسمت _ مرا طيبـه حتحبيها 
 ام بشار ابتسمت : من متى تعرفيها 
 روآن : ماتذكر بزبط بس من واحنا صغار _ دق جوآل روان شافت رقم بشار قامت وردت عليـه _ ايوا 
 بشار : امي جمبك 
 روان : لا ايش فيه 
 بشار : ايش بها هديل ماتفهمي لما اشرلك اخرجي ورايا 
 روان : ماركزت 
 بشار : المهم ايش بها 
 روان :مسخنه بس وترا ماأكلت شي حتى الفطور مارضيت 
 بشار : طيب دحين حطلبلها شوربه تدفيها مرا وحده وحاولي معاهآ ياسميه بلله 
 روان : ان شالله 
 بشار : طمنيني عليها كل شويا 
 روان : طيب
 قفــلت منـو وراحت شافت هديل ورجعت جلست مع ام بشـآر .. 
شاغلتها عن التفكيـر في تآمر .. 
وبـس وصل الاكل روان اخدتو وراحت تتضـآرب مع هديل لين ماأكلت وقومتها من السرير : يلا قومي 
 هديل جالسه على طرف السرير وتعدل شعرها : والله السخونه هدت حيلي 
 روآن ماتبى تقولها انو فيه احد برا : عدلي شعرك وتعالي 
 هديل ابتسمتلها : لدي الدرجه افجع 
 روان : ههههههههه يلا ياشيخه 
 هديل : بشار برا 
 روان : ايوا 
 هديل صدقتها راحت قدام المرآيـه لمت شعرها وغيرت بجآمتها 
 نفسها تستحمى بس ماتبى مويا تجي على جسمها 
 لبست بنطلون وتيشيرت وخرجت ولما شافت ام بشـآر وقفت في نص الصاله مو عارفه مين دي 
 بس انفجعت 
 روان ضحكت وراحت لحد الكنبـه : تعاالي 
 هديل كملت مشي وام بشـآر تطالع فيها خافت على ولدها طبــعا 
 تعرفــوو من غير شي وسيرته مع البنات ماتنتهي كيف لما تكون البنت جميلـه 
 هديل مدت يدها بااحراج : هلا 
 ام بشـآر : اهلين سلاامتك 
 هديل سحبت يدها وجلست بتوتر : الله يسلمك 
 روان : دي ام بشـآر
 كآنت شاكه بس لما اتاكدت تحس قلبها طآح جلست بتوتر 
 ام بشار : كيفك دحين 
 هديل حركت : كويسا 
 ام بشار ابتسمتلها : شكلك امس انبسطي بالمطر
 هديل طالعت في روان وبعده في امـو بتوتر : ايوا 
 روان تبا تغير الهرجه : واحنا صغار كل مايجي المطر لازم نروح نجري تحتو الناس تشرد الا احنا 
 هديل ابتسمت 
 ام بشـآر : هههههه على ايامنا كنا ساكنين في مدينه صغيره اول مانعرف انو حيجي المطر كل بيت يحفرو حفره جمب بيتهم ويخرجو الاطفال يرمو نفسهم فيها 
 روان : هههههههههه فين المتعه بالموضوع 
 ام بشار : مدري .. طين وقرررف والناس الشاطره اللي تكون حفرتهم عميقــه لدرجه الواحد لما يدخل مايبان الا راسـه 
 هديل اتحولت ملامها لقرف : حمدالله ماوصلنا لدي المرحله 
 ام بشار : هههههههههه 
 روان طالعت في هديل : لا وصلنا فاكره لما طلعنا سطوح البيت وسدينا الفتحه عشان نبا نغرق 
 هديل : ههههههههههههههههههه رووان 
 ام بشار : ههههههههههه ليش تبي تغرقي
 روان : مدري اكبر وحده فينا كآن اسمها هدى 
 ام بشار اختفت ابتسامتها وروان كملت : شكلها كانت تبا تقتلنا قالت نشوف مين يغرق اول وكلنا انبسطنا بس المويـآ ماتعدت نص ساقنا 
 كيـف يتكلمو تطـآلع في هديــل وشويا في روآن ... 
ضحككت على كلامهم 
 على بساطتهم 
 كأنه مافيهم شـــي 

 سميــه طيبـه في بعض الحركات تحس فيها من بشـآر
 ودا الشي يخليها تسرح كتيـر فيها 
 وهديل عاجبتها ملامحها بذات لما تبتسم .. 
مرت سـآعه ... روآن ناطه كل شويـآ بهرجه عشان تامر لايجي في بالها وتضعف وتتصل ... 
وقطــع نقاشهم صوت جوال روآن ..
 : ايوا 
 بشار : حاولي تقولي لهديل تخرجلي بعد خمسه دقايق 
 روان : طيب 
 قفــلت منـه .. 
وشويــآ وقـآلت لهديـل تخرج ... وهديــل خرجت وعلى طول مسكها : فجعتني بسم الله 
 بشار ابتسم : كيفك دحين 
 هديــل : كويسا ليش ماقلتلي انو مامتك جايه قلبي كآن حيوقف 
 بشار : ههههههه حبوبه اهم شي ؟
 هديل ابتسمت : ايوا مغيرتلنا جو روان مو سايبتها في حالها ترا ماتنعطي وجه 
 بشار : هههههههههه يبالي اجيب لأمي بنادول لو صدعت منها 
 هديل ضربتو : ههههههههه مو لدي الدرجه 
 بشار : دام اصلا مالها حس عرفت انو مبسوطه معاكم 
 هديل : احنا مدري ايش كآن سوينا بدونك 
 بشار ابتسملها : انا اللي مدري ايش كآن سويت بدونك _ اختفت ابتسامته _ هديل الكلام اللي سمعتو في الصباح مابى اسمعو تآني
 هديل : ماحتسمعو كل اللي قلتو من خوفي انك تسيبني في يوم 
 بشار يرجعلها شعرها ورا اذنها ويتكلم : اهتمي بنفسك وبصحتــك ولاتفكري بشي تآني انتي عارفه اني مو شايف غيرك 
 هديل اشرت براسـها 
 بشار : انا فيا اللي مكفيني بس وربي لما اطالع بعينك تخليني انسى كل شي .. انتي راحتي 
 قرب وباسها في خدها في جبينها بيدها : اعشقك ياقلبي 
 هديل وجهها حمــر وهوا كمل : يلا كملي وروحي اغري امي 
 هديل وسعت عينها وصدمها : نعم !
بشار : هههههههههه اجل جايبها ليش انا 
 هديل بعدت عنو مصدومه اول مرا يلمحلها بشي : امشي يابشار 
 بشار رجع مسك يدها وسحبها قدامه : على فين 
 هديل باارتباك : مو انتا قلتلي روحي 
 بشار : اتحمستي ها 
 هديل مرا وجهها محمــر دفتــو ودخلت على طول ... 
امـآ هوا ابتسم مايباها تفكر في اهلها عشان كدا لمحلها 
 عارف انها حتقعد متوتره وخآيفه طول الوقــت وحيشتت بالها 


 امــآ تـآمر وضعــه بعد المكآلمه قلبت كل شي جوتــه 
 بس دآ تآآمر 
 يقدر يكبت جوتـه ولا أحد يدري
 خرج بعد نــص سـآعه واكــل وبدأ يذاكر لسـآمي 
 حاسس بتوتر سآمي مــرا 
 بس كآن مكمـل عآدي 
 سآمي في البدآيه كآن مستحــي 
 بس بعدها سار مستمتع بالشرح 
 يحب الدرآسـه 
 بس مدرس الرياضيات مايشرح عدل 
 تآمر متعتـه المعادلات ويشرحلو هيـآ كأنها لعبـه 
 خلى كل شي تآفه بعينــه 
 تامر كتبلو مسأله وكل شويـآ يغيرلو الأرقام 
 سامي : ترا الاستاذ يجيب نفس الارقام 
 تامر : ايش حلاوة الحل دام انتا حافظ ايش حتكتب جرب تغير الارقام وحتنبسط كل شويا 
 واخدت المذاكره منهم 3 ســآعات بسبب لكآعة تآمر ويفهمو كل شي 
 حتى لو سامي يقلو دا ماحيجبلنا دام في الدرس اللي شرحو حيخليه يطبقــه 
 لين ماوصلو للوحده اللي بعدها وسامي مو متاكد دي داخله في الاختبار ولا لا 
 اتصــل على محمود مارد 
 وكآن بيكتب لأنفال عرف انها بلهه وحتاخد 10 دقايق عشان تقرا 
 ارسلها مقطع صوتـي " انفـآل الوحده التآنيه معانا في الاختبار ؟ " 
واول ماجا المقطع فتحـه وهوا يطالع في الكتـآب وتامر يطالع فيه " حقولك بس كم تديني "
نزل جواله بتوتر وكتبلها " هيا بسرعه وهيا ترسل مقاطع صوتيـه 
 مارضي يفتحها جمب تآمر وراح المطبـخ 
 تآمر بالقوه مسك نفسـه لايضحك 


 في المطبــخ 
 ارسلها مقطع صوت " ماتبطلي دي التفاهه خالي سمعك "
 " ههههههههههههه ايش يعني "
سامي " انفال حتردي ولا لا "
 " طيب طيببب لا مو معانا انبسط هيا وبعدين لاتقول خلصت "
سامي " مالك صلاح "
ارسلتلو " طيب اصلا انا ماذاكرت كدا ولا كدا مو فاهمه "
سامي " مهمله "
سمعت كلامه وماردت 
 خرج لنص السيب ورجع مرا تآنيه دخل المطبـخ 
" تعالي بكرا بدري وانا حشرحلك "
وخرج من غير مايستنى ردها 


 مـــر اسبــوع ... كآن تقيــل على عيـلة الرآيــد 

 انـآ سميــه الرآيـــد .. 
اتسجلت بدا الاسـم في الهويـه مدري ليش ..؟
 كآن باإمكآني احط روآن بس اتمسكت بالاسم بدون سبب
 بشـآر سرت احس باإهتمامه كتير من ناحيتي وحابه وجوده بحيآتي 
 كل همـه انو اكمل دراسه ودا الشي مستفزني 
 حتى محفظتي الجديده حط فيها فلوس ماتخيلت في حيآتي اني حمشي بدا المبلــغ 
 وديك البطآقه اللي فجأه وانا باأي محل اقدر اطلعها واشتري فيها 
 لدحين ماستخدمتها موترتني البطاقه دي ومو مخليتني احس باأمان 
 هوا يضحك عليا ولا من جدو لدحين ماعرفت 
 يباني انزل السوق كمان اشتريلي ملابــس 
 امــه انبسطنا معاها جلست عندنا تلاته ايـآم 
 مرا طيبه وعلى نياتها مدري كيف كآنت دي زوجه جآسم في يوم من الايام 
 حزنت عليها من قلبــي
 بشار مو زيـها وللأمانه انا مو طيبه زيـها 
 احسها قريبه اكتر لهديــل 
 اوووه هديــــل 
 اموت ضحك لما اشوف نظرات امـه لهديـل 
 احسها عاجبتها مرا بس مو متقبلتها بسبب حيآتها 
 بس عينها ماتنزل من على هديـل 
 بذات لما تتكلم يبان في اسلوب هديل انها هاديه زيها ورايقه 
 دخلت مزآجها بس اكيـد دام بشار ماكلمها ماحتفكر هيا بالموضوع .. 
تــآمر ...]
دا قصـه تآنيه اقدر اقول الشي اللي متأكده اني احبـه 
 بس ماشفتو من بعد المستشفى 
 يوم انا اتصل اخر الليل لما اكون مخنوقه ويوم هوا يتصل
 نتكلم كلمتين ونتضـآرب ونقفل ..
شخصيتو قويــه ومايتنازل لما اعصب ولا لما ارفع صوتي 
 مايتحمل بنت تصرخ عليه ولا تقلل من احترامه 
 وانا مع الوضع اللي انا فيه انفجر فوقــه وخلاص 
 مافي احد حيتحملني زي هديل حسيت بقيمتها اكتـر دي الفتره 
 المشكله نتضارب واول مااجي انسدح اشتـآق لصوته واتصل علشان اتمشكل معاه 
 انام وانا مبتسمه لأني سمعت صوتـه كيف انتهت المكآلمه ماهتم اهم شي كلمتـه ....
علاقتنآ غريبـه 
 كم دقيقه باليــوم تخليني مبسوطه دا كل اللي اعرفـه .. 


هديــل رآشــد ... 
روان رجعت تجلس معايا دي الفتـره ودا الشي مريحني كتيـر
 تجيها لحظات غريبـه لازم تقعد لوحدها وفجأه تصـرخ وتعصب بس احاول اسحب نفسي 
 واديها الشي اللي تباه مقدره وضعها لسى سيرة جآسم تنفتح يوميا ودا الشي يخرجها عن طورها 
 المفروض تتعايش مع موضوعه وكأنه شي عادي 
 انا محد بيجيب سيرة ماما وبتعب نفسيا كل ماحط راسي على المخده كيف لو سيرتها تتعاد كل يوم 
 جا لبشار كدا اتصـآل كلهم يبو يسو للقاء معاه ومع روآن واضطر يغير رقمــو للمرا التانيه
 بسبب رقمو اللي انتشر فجأه 
 ام بشـآر حبيتها من قلبي لأني حسيتها ام 
 كنت متوقعه دي المشاعر اللي القاها لما القى ماما 
 طيبتها حنيتها حبها لبشار وخوفها عليــه دي اللي الواحد يقولها ماما 
 بس كآنت توترني بنظراتها لأول مرا ماعرف اتكلم واحد يطالع فيها 
 بشـآر ..؟
 ايش اقــول 
 اسبوع غغريــب 
 بعد ماكنت انا خايفه انو يسيبني في يوم اشوفـه طول وقتـه يحاول يرضيني 
 عارفين لما تحسو نفسكم ولا شي
 تحسي نفسك حاجه تافهه مالها قيمه بدي الحيآه 
 ويجي واحد يخليكي تحسي انك انتي اهم شي بدي الدنيـآ
 اشوف بعينو قد ايــش يحبني 
 يخاف عليا من اي خدش من نسمة الهوى روان مرا بعض الاحيان تتنرفز 
 وانا بديت اتدلع زياده 
 لاشعوريا والله 
 حابه اهتمامه 
 لما اتذكر اول يوم شفتو ودحيـن ماتوقعت دا الانسـآن لو حب في يوم يكون كدا 
 يحب من قلبــه بضميــر
 او بسبب اللي بيسير حوليـه هوا كدا مو عارفه 
 هوا اتغيـر كتيــر 
 تجيه اوقـآت يختفي لفترات طويـله 

 بنسبه لماما .. 
فص وذاب مجرد احلام تجي توجعلي قلبــي وتختفي 



 بشـآر الرآيــد .. ]

ضغوطــآت فوق طآقتي .. صححت وضـع سميـه 
 ووضـع هديـل كلهم سار لهم هويـآت 
 ام سميـه دخلنا معاها في مشآكل ولدحين ماتكلمت مع سميـه ولا عندها خبـر
 زوجها يباها تاخد بنتها وترجع القريـه 
 وانا فصلت عليهم 
 خيلانها حقانين ومتفهمين لكن زوجها مو عاجبني ومو طايقـه 
 افكر شويا واقول يحقلـو بس عرضت عليه وظيفـه حتى هنآ لكن مو راضي 
 بنسبه للقصه اللي قالتلي هيا فاهيا فعلا صــح 
 ابويـآ خطف بنتـه بنفسـه 
 ومازال السؤال هل كآن يعرف انها بنته ولا صدق كلامها وحسبها كآنت تخونـه 
 بنسبـه لأبويــآ لسى القضايا مستمره وكل شويـآ احد يرفع عليـه قضيه 
 كلهم عرفو انه محد يقدر يهددهم ومحد سار خايف منـه ... 
امي ... شايف بعينها انها حبت هديـل بس ماجابتلي سيرتها مرا 
 عارف انها حتستصعب الموضوع لو فتحتلها السيره اني اباها 
 لكن ماحتوقف بطريقــي 
 سميـه ... اختي اللي بحاول اعوضـها عن اللي سواه ابويـآ فيها 
 كل همـي انو يكون عندها كل شي انحرمت منـو 
 مو راضيه تكمل دراسـه بس لساتي وراها لين ماتقتنع واخليها تتوظف 
 وقتها حرتآح 
 دي اليـومين حروح ابيـع بيت اهلي .. والفلوس حقسمها على امي وسميـه
 هديــل ...
آآه دا الشي نقطه ضعفي في دي الدنيـآ 
 احبـها ودا الشي مخفف عني كتيـر 
 جلال ... 
انا زي المجنون لدحيـن ومو مرتآح لين ماأخد حقي منـو 
 جميـل 
 متحملني كتيـر
 سيرة جلال تخليني اتجنن وماتقبل اي نقـآش معاه 
 بنسبه ليوم سعيــد لدحين مصدوم منـي 
 ولدحين مو مخليني ارجع العمـل 
 بس بسبب انشغالي مو فارق معايا 
 انـآ ... سرت مانام الا على الحبوب او صوت هديـل بدون دول الاتنين انا ماقدر انآم ..


تــرف مــراد ...
اقدر اقــول مو قادره اصــدق الحياه اللي انا عايشتها 
 سآمي وبــراء .. احلى شي في حيآتي حاليا 
 اليوم براء حيتكلم مع سـآمي واحس قلبـي حيوقف 
 مو عارفه كيف حيتقبــلو بس خلاص لازم يعرف
 تآمر قبل يومين رجـع بيتـو ... بيتي مرا سار فاضي بدونـه 
 مدري ليش سـآمي مازال يتحاشاه ومايتكلم معاه كتيـر
 حتى لما يجي تميـم نفس الشي 
 كآن مجنون يبا يتعرف عليهم بس فجأه سار يسحب نفسـه 
 ايش اللي اتغير بتفكيره بعد ماأخده قاسم مدري
 مع انو لما يتكلم تامر وتميم ويشوفني اضحك معاهم القاه يبتسم معـآنآ بس كأنو يكآبر
 ومايبا يديهم مجآل يتدخلو في حيآته 
 نفسي اتكلم معاه بس بنفس الوقت ابا اسيبو على راحته 
 لمى رافضه اي فكـره فيها انـآ بس بما انو براء حياخد سآمي اليوم 
 تآمر حيجيب لمى عندي ودا الشي راعبني مرا احس حآجتين حتسير بنفس اليوم ومو عارفه 
 ايش ردة الفعل 
 عدي كآن همني اعرف اذا اتغير ولا لا بس عرفت انو مرا طيب والكل يتكلم عن اخلاقـه 
 سبحان الله في سنـه كيف ربي بدل حآله 
 ليث انقطع كليـآ حتى عن اخوانـه مايرد على احد
 ماما محد يجبلي سيرتها ويقفلو الموضوع لمـآ افتحه
 تميم مازال مستنــي ابو رشآ يفضى عشان يستقبلوهم تآني ... 


 تـآمر مـراد ..]
رجعت لحيـآتي اللي مالها طعــم 
 اشتاق لداك الصووت اللي يربك كل شي فيـآ
 اشتقت لعيونها وملامحها 
 اشتقت لكل شي فيها ماتوقعت انو حتسيب فراغ كتيـر بحياتي 
 كيف خلال كم يوم اخدت حيز كبير 
 كيف خلت لحيآتي طعــم ..؟ وانسحبت ورجع كل شي لزمآن 
 وماسرت متقبــلـه 
 تجيني لحظات ومن كتر مااصدع وانا افكر فيها اتصــل عليها 
 بس اسمع صوتها ارتآح 
 ابتسم 
 وتختفي الابتسامه اول مانتمشكل 
 ماتتنآزل عن اي شي 
 وانا ماتنآزل 
 مستحيل اقدر اتقبـل عباطتها 
 ممكن مع الايام ينتهي كل شي بس مر اسبــوع ولدحين مشاعري اول ماسمع صوتــها 
 زي ماهيا 
 لدحيــن اشتاق ولدحين نفسي اوقف تآني قدآمها .. 
بحاول اركز في اخوآتي وبقضيـه قآسم 
 الوســخ كآن يبا يلعب فينا 
 بس اللي يضحك انو سلمى رايحــه تعترف بكل شي عشان ماأبلغ عليها 
 دا اكبـر انتصـآر احسو بحيـآتي 
 امـآ امي مو مصلحت ترف انها توقف قدآم امي 
 متأكد الخبـر حينتشر وهنا وقتها لازم امي تسمــع ...


لمــى مراد ..]
ماما اتغيرت معـآيا بسبب عدي 
 مابيني وبينها نقاشات كتيــر او نضحك لكن سرت ارتاح شويـآ 
 ماسرت اخاف من ظلها 
 ماسرت اخاف لما تقول ياااالمى 
 عدي شي حلو بحيـآتي 
 تميم جا يكلمني بموضوع تـرف عمآني خرجتو من غرفتي وقفـلت الباب 
 مو راضين يستوعبو اني مابى اسمع شي عنها 
 تآمر اليوم يباني اخرج معاه خايفه يفتح سيرتها 
 مع انو قال موضوع يخص عدي وعدي حيكون فيه مدري ايش الهرجه
 بـآقي تلات اسابيع على فرحي
 قلبي يطيـح كل ماقول الكلمـه دا الاسبوع كلو راح وانا في الســوق ...وعدي نفس الشي 
 مشغول في البيت وتأثيثه بيأثث كل شي على زوقــه والكذاب اول مايجي يقول لماما لازم لمى تجي عشان اخد ذوقها 
 ويلفلفني كل مكآآن 
 اصلا ارجع احس قلبي يوجعني من كتر مايضحكني 
 امس ستـو كآنت تعبـآنه لأول مرا ماعرفت اتصـرف معاه 
 جآني بس وحضني وهوا مضـآيق
 ماتكلم ماشتكى بس كسرني شكلو 
 متعوده على ضحكتـه 
 بكيت عليه وهوا مابكي 
 وهنا سار يضحك 
 بس بجد شكلو يحزن وهوا مكتئب جبلي الهم خرج من عندي وانا كملت بكى 

 تميم مرآد ..]
سرت تعبـآن من علاقتي مع رشــآ انقفلت بوجهي وابوها سـآفر
 سرت اقول المواضيع بتتعكس بوجهنا يمكن خيره 
 بس احبــها 
 وماقدر اسيبها 
 بنسبه لولد عمــها 
 مو قادر اتقبــله 
 بس تامر قلي محترم حكآني ايش سووا عشـآن يوقف مع ترف 
 ماقدرت اعلق 
 اللي سواه مو شي بسيط 
 موقــف حيخليني ماقلل من احترآمه 


 سـآمي قآسم داود ..]
مو متقبـل خيلانــي لسى اعرف انهم طيبين 
 وبسببهم اتعدلت حيآتي 
 بس عادي اني ابكي واقولهم ليش ماخدتوني من وانا صغيـر ؟
 ليش دحين تبو تهتمـو فيـآ ؟
 بس استحي اسئل دا السؤال وانا ابويا ماكلف نفسـه يسوي دا الشي 
 امس شردت من المدرسـه 
 كنت مخنوق وابا اخرج من البيت 
 ابا ابكــــي
 قالولي انو حيتغير اسمــي 
 كيف حروح في يوم ولليله للمدرسه وانا باإسم تآني .؟!
كيف يقولولي شي زي كدا وكأنه شي عادي ..؟
 بعض الاحيـآن احس محد مهتم بنفسيتي واركز بتصرفات ماما 
 واعرف انها اتغيرت كتيـر متأكد انها ماسارت تحشش 
 متأكد انو خايفه عليا من كل شي 
 بس برضو الحقيقه خلتني مكسـور من جوآ
 اني اشوف ابويـآ بالجبروت انو يرفع مسدسـه ويبا يقتل خالي قدامي ومايهتم بللي احسـو 
 انو يمسكني ويهددني انو يقتــل ماما وهوا عارف انو انا ماعندي غيرها بدي الدنيـآ 
 هنـآ عرفت انو انا ولاشي بعيــنه ... 
محمود وانفـآل يخلوني اضحك ويغيرولي جو ...
بس انفـآل قبل يومين عصبت عليها ومن ديك اللحظه ماكلمتني لأول مرا اغلط عليها 
 بس تتكلم عن ابـوها وقلتلها خلاص فكيني من سيـــرته
 عارف انو ميـت وبرضو قلتلها دي الجملـه 
 عارف انو بتحاول تجيب سيرتـه زي باقي البنآت وكأنو موجود وانا جرحتها 
 كرهت نفــسي مارضيت احضـر كمان تاني يوم بسبب دي السيره 

 علا ولؤي ... ]
قصــه حب اخدت مجراها الطبيــعي رجعت خطيبـة لؤي .. 
مشاكل ...غزل ... مضاربـه ... دلع ... همسـآت .. ضحكه ... صوت حاد ... بوسه تنهي الجدآل والف شي تآني 
 وصــلو موضوع جآسم بسبب مواقع التوآصل 
 مرا انفــجع اسم سميـه لوحده فجعه فجأه عرف انها بنتـه 
 ياأللله مايتخيل ايش تعيــش دحين 
 قال لعلا وهيا اتصـلت على هديـل عشان تطمن بس كلهم ارقامهم اتغيـرت .. 
وقـآبل امس تآمر ومآكآن يتوقـع انو دا الشخص الوحيد اللي عنده رقـم روآن الجديد ..
علاقتهم سطحيـه وقابله بالصدفه وهوا يتكلم مع عــدي ... عند باب البيت .


 [ موآجهه منتظره من سنيــن .. ترف دقآت قلبها مو طبيعيه ... لمى مو مرتاحه لليوم ]
 [ اعتــراف ... هل حيتقبـل سآمي زوآج امــه ...؟ ]
 [ كشـف الحقآئـق ... بشـآر متوتــر كل شويا يرفع يده وينزلها ايش حيقول لسميــه ايش حتكون ردة فعلها ..؟! ]


تجهز اشياء سـآمي وهيا متوتر وخآيفـه ايش اللي حيسير خلاص ماعندها اي ردة فعل 
 تآمر وبراء لهم اسبوع يقولولها لازم يعرف وهيا تمآطل محد حيعرف ولدها اكتــر منها 
 حاستو مو طبيعي ...بس برضو ماحتجازف وتكدب اكتــر 


 امــآ براء في السيـآره .. 
ومحمود لسى مو فاهم شي طالع فيــه : والله انا مبسوط انك سرت اخ حنون بس بنفس الوقت خايف منك 
 براء : هههههههههههههه يلا كويس فتخت الموضوع بنفسك
 محمود عدل جلسـته : وربي كنت حاسس انو فيه حاجه ولا ليش حتمشيني وتدور راحتي 
 براء : ياوسخ لو طلبت شي مني ماحرفض
 محمود : قلتها لو طلبت مو تجي انتا تقترح عليا 
 براء : اسمع يافيلسوف واسكت طيب 
 محمود : يلا اصدمني 
 براء : انا مو خارج عشانك ابا سامي 
 محمود وسع عينه : ايش تبا في صاحبي _ سكت وقبل براء لايتكلم هوا اتكلم _ انتا ليش دايما تسئل عنو 
 براء انفجع من كلامه : ليش حسئل يعني 
 محمود بشك : مدري عنك فاكر لما جيت اخدتو من عند المدرسه واختفيتو 
 براء : هههههههههههههههههههههههههه انتا لإيش تبا توصل
 محمود : انتا قولي ايش تبا منو 
 براء : ايش ابا منننو يعني انا اتزوجت امو وابا اقلو 
 محمود سكـــت 
 لما براء ماقال شي رجع دخل صباعه في اذنه وحركها بسرعه ونزل يده : ايش قلت 
 براء : ليا اسبوع متزوج ترف ... يعني هيا زوجتي يعني سآمي يسير ولد زوجتي ولساتو ماعندو خبــر
 محمود سكت زي اول وبعدها قال : برضو مافهمت 
 براء عصب : تتتستهبببل ايش اللي مافهمت بزبط 
 محمود : انتا متزوج ميسااا 
 برا مد يدو وقرصه بكل قوته : كلمممتك دي ياااكلب توديني في مشاكل طيب ميسا طلقتتتها 
 محممممود : آآآآآآآآآآآآآه يددددي 
 براء سابـه ومحمود هرج بنرفزه : ايش عرفني يعني وبعدين ماينفع تتزوج ام صاااحبي 
 براء : انتا ماتسمع ياأهبل بقولك هيا زوجتي انا ماباخد رااايك انا بديك خبرر
 محمود رفع يده : والله مااااينفع كنسل كنننسل صديق 
 براء : ههههههههههههههههههههه محموود انا مابستهبل 
 محمود مالت ملامحه لجديه : من جدك ؟!
براء فتح محفظته وخرج هويـة ترف : شوف ها معايا كل شي يخصها صدقت ولا كمان 
 محمود وســع عينه 
 طالع في براء : والله عيب والله عيب تتزج ام صاحبي والله اهااانه لسامي 
 براء : فين الاهااانه بالموضوع 
 محمود ضرب على جبينه : ياأللللللللهه دحين سامي اخليه يناديني عمي محمود 
 براء !!!!!!!!!!!!!!!!!!
محمود : هههههههههههههه وااااا وربي انا اسير عمو دحيييين الككككلب لو ماذليتو _ طالع في براء واتغيرت نبرة صوته _ من جد انتا حتتزوجها متى ؟
 براء اتنرفز مررا : بقولك الادميــه مرتي خلاااص زوجتي ماتفهم محممود ترا حرمميك من السياره 
 محمود : هههههههههههههههههه امي وابويا يدرو 
 براء : اجل حتزوجها من ورا امي وابويا !!!
محمود : اخصصصص كنت مستنيك تقولهم واشوف وجههم هههههههههه 
 براء !! : محمود اسكت طيب 
 محمود : دحين من جد من جد اتزوجتها 
 براء : محممممممود اهججججد 
 محمود : ههههههههههههههههههه بلله اتزوجت ام سامي 
 براء ولا رد عليــه 
 محمود : هههههههههه ياااخي اوم الفله عادي يعني بكرة النهار اتزوج كدا اي وحده تجي في راسي عندها عيال ولا 
 براء قاطعه : انتا اهببل ! 
محمود : ههههههههه حسبت امه خلاص محد يقدر يتزوجها 
 وبرااء صدع راســه من محمود يسكت شويا ويرجع يضحك 
 الموضوع اخدو ببلاهه ..حتى ردة فعله هبــــله وسامجه !!

وقــف سيـآرته وسـآمي كآن مستنيهم من يوم ماقالو محمود ..
براء يكره احد يتأخر عليه نزل قبلها بربع ساعه ..
ركــب ومحمود وسآمي يتكلمو ..محمود طبعا اخد راحته اكتر في الهرج 
 لين ماوصــلو للمكآن المخصص للألعاب المآئيــه .. 
حطهم وسابهم تلات سـآعات يلعبــو واخدو راحتهم 
 وهوا يتكلــم مع تــرف مو عارفه تتوتر بسبب ولدها ولا اختها اللي في الطريــق ...
واول ماشاف سامي ومحمود جـآين وغيرو ملابسـهم خلاص ... 
وقـف : سامي تعال بتكلم معاك 
 محمود ابتسم من قلبــه 
 سامي مشي معاه جلسه على الطاوله الصغيــره وازعاج النآس حوليـهم ...
براء سند جسمه على الطاوله : اسسمع ياسامي ... عارف انك تتضايق من سيرة ابوك وماحفتحها الا عشان اقولك ايش كآنت نيتي ...
مايتكلم معاه زي مايتكلم مع محمود 
 دا يحسو عقليتو اكبـر 
 انضج ...
براء : قبـل لاترجع من عندو عرفت انو امك حتنفتح قضيـتها تآني واللي اعرفتو انو تآمر مآكآن متأكد انو يقدر يرجعك وانو هوا اساسا احتمال مايرجع يعني امك حتكون لوحدها ..يعني قآسم كآن حيستفرد فيها وماوراها رجآل 
 سـآمي بلع ريقـه وبس يسمعلو 
 براء : دا كلو كآن لاقدر الله حيسيــر وطبعا عرفتـه من خالك تآمر ... انا انسـآن نيتي شريفه وكنت مستنيك ترجع عشان اقولك اني ابا اتزوج ترف
 سـآمي كأنو احد اداه كـــف 
 براء :سئلتها واخدت رايـها بس همها هيا انتا وبس اذا انتا رضيت مستعده ترضى اذا انتا مارضيت حتنهي الشي اللي حابته عشانك .. اللي سار ياسامي مع وضع قاسم وانو احتمال يرجع يهددها اني اضطريت اتزوجها قبل لاترجع .. بس عشان لحد يقرب منها محد يعرف بالموضوع غير خالك وامي وابويا ...وانتا شايف انو مافي شي بيننا حاليا لأو كآن هدفي لايسرلها شي وبسسس 
 سامي قال بصعوبه : انتا متزوجها دحين ؟
 براء : ايوا _ يشد على كلامه _ بس ترف خايفه من ردة فعلك وعارفها لو انتا قلت لا حتطلب الطلاق وتنهي كل شي بيني وبينها 
 سامي دا اللي يحس يبااه قلبه حيووقف من كتر مايدق
 مايبى احد يدخل في حياتهم خلاص
 يبا امه له وبــس 
 براء : ماحتتكلم ؟
 سامي اشر براسه بتشتت : يعني .. يعني انتا حتجي تعيش معانا !
براء : لا انتو حتجو تعيشي في بيتي 
 سامي : لا .. مابى انا وامي مو محتاجين احد 
 براء : انتا كنت محتاج ياسامي عشان كدا روحت لقاسم وسبتها لوحدها 
 سامي اتجمعت دموعه دا الموضوع يحرقــه كل مايتذكر كيف سابها 
 براء : سامي انا ماباك تفكر بنفسك امك ماعاشت امك انحرمت من كل شي 
 سامي وقف بعصبيــه : واااناا كمان انحرمت من كل شي _ اشر على الطاوله _ اتكلم مع اممممي وقفلو دا
 برااء قاطعه بنرفززه : اجلللس يااسامي 
 سامي يتنفس ورا بعض ويطالع فيه 
 براء : اجججلس وخليني اخلص كلامي
 سامي جلسس وعينه على براء 
: انا متفهم وضعــك ولا مآكآن جبتك وبحاول اتكلم معاك عارف انك رجآل وماحتفكر زي الاطفـآل وتبا بس امك ليك ... امك جات اللحظه اللي المفروض تعيش وهيا مرتاحه ياسامي... لاتقفل الموضوع بوجهها اديه فرصه ..ماحيتغير عليك شي ودا وعدي ليك ..
سامي سآكت وكل اللي يعرفه انو يبا يبكي 
 مو جايين ياخدو رايهم هما متزوووجييين !!!
دا زوجها 
 اخو صاحبــه !!!
براء : حتفكر كتير 
 سامي : مابفكر انا مو عاجبني الوضع 
 براء : وضع ايش هوا انتا شوفت شي هوا انتا سئلت اذا امك مبسوطه ولا لا اذا امك تبا دا الشي ولا لا تبا تنهي الموضوع عشان نفسك وبس لين متى امك حتقعد تضحي عشان اهلها وعشانك ياسامي ..دا ابسط شي تديه هوا _ خرج جواله وفتح محادثه الواتس حق ترف _ اقراا شوف ايش كآتبه ...شوف كيف مرعوبــه 
 يطالع في الشاشه من غير مايمسك الجوال 
" برااء لاتضغط عليــه "
 " الله يخليك لو ماعجبه الوضــع كلمني " 
 " لاتقهرو امـآنه "
كآن فيه كلام كتير بس قرا دي الكم جمله وطالع في براء 
 براء طفى جواله وحطو على الطآوله : شايفها انانيه ؟ شايفها قالت حاول تقنعو ..؟ ماتباني حتى اضغط عليك مستعده تتنازل عن الكل عشان سعادتك .. _ رخى صوتـه _ سامي انا ماتقدمتلها من فراغ ادي للموضوع فرصه عشانها هيا حتى لو ماعجبك خلي كل شي بيني وبينك فيه شي ضاييقك لاتحطها بالموضوع ارفع سماعه عليا وقولي انا ماحخدك منها .. عارف انك انتا كل شي بحياتها .. مافي قوه حيغير دا الشي اللي جوتها بس بنفس الوقت جا الوقت اللي انتا كمان تعوضها بس بكلمه ولا باانك تبتسم 
 سامي بتشتت واضح : مدري مو عاجبني 
 براء : ماشوفت شي عشان مايعجبك الفكره بس صعبه شويا لكن برضو بقولك ادي فرصه وفكر فيها
 يتكلم وسـآمي يقفل الموضوع بكلمتين 
 مو راضــي يقتنع 
 وبراء مصمم واتفقــو انو يستنى رد من سـآمي بعد اسبـوع اذا ماعجبو الوضـع هوا اللي حيسحب نفسـه ويسيب تــرف
 وحينتهي كل شــي 
 هنآ حس انو رضـي شويا 
 رفع جوآلــه لقى ترف كتبتلو " لمــى برا " 
كتبلها " احنا شويا جايين " 




وقفـ السيـآره تميم ولمى تطالع في الحـآره :ايش دا المكآن ..
تميم : انزلي يلا 
 لمى : ترا بجد مخوفني 
 تميم : دحين تعرفي من عدي يااشيخه حاكلك يعني 
 لمى : مدري انتو كل شويا بكلمه كآن تامر جاي وبطل و
 تميم قاطعها : مافرقت انا ولا تآمر
 لمى : طيب 
 نزلــو وقلبها يــدق بسـرعه ..دخلو العمــآره اللي بنسبه لها مرا سيئــه 
 تطلع الدرج ورا تميم ومو عارفه ايش النهايه 
 لاتكن دي الشقه اللي استأجرها عدي ..؟
 بس وصلو عند باب الشقــه تميم معاه المفـآتيــح وفتح باب الشقــه : ادخلي
 تطالع في تميم مرعووووووبــــه 
 حتى اخوها الطيب خافت منــو : تميم لاتفجعني 
 تميم مد جسمو وسحبها : ههههههه ادخخخلي والله انك تضحكي 
 لمى بس دخلت طالعت حولينها ورجعت طالعت فيه : دا بيت ميــن 
 تميم : دحين عدي يقولك 
 سارت حتى دي الجملــه راعبتها 
 مشي وهيا تمشي ورااه بخطوات خااايفه مهزوزه ... 
وتـرف مو فيـه 
 ودا عدي اللي طلبــو 
 عارف مرتــه شاف انه اسم ترف وشكلها حيجبلها الرعب 
 قلـهم خلوها تشوف بعينها حياه تــرف 
 لو ترف تقدر تكتب خلوها تقرا احسن من انها تسمـع وكان دا الشي سهل بنسبه لترف 
 انها تخخرج الرسـآيل 
 اسااسا عدي رما دي الجمله عشان عارف بالرسايل 
 خلود حكتــه بس وصلها بطريقه غير مباشره لتآمر عشان ترف تفهم ... 
 : اجلسي
 اثاث جدآ بسيــــط البيت ولا يتقارن ببيتهم ..خايفه دا اللي تحسسو جسمها يتنافض 
 جلست بالقوه وجات عينها على الطاوله الخشبيه كل الاوراق مكتوب عليها من برا لمى 
 رفعت عدسـة عينها على تميم وقلها : اقرايها يالمى 
 مدت يدها وفكت اول رسـآله 
" اليوم عيد ميلاد لمـى ... وحشتيني دحين انتي خامس ابتدائي اكيد اتعودتــي تحتفلي بدوني 
 مع اني انا كنت دايما اطفي الشمعه قبلك وانتي تبكي وتعصبي ..نفسي ارجع معاكم وحخليكي انتي تطفيها 
...ماحخليكي تزعلي ولا ادفك من على السرير لما تحضنيني واعصب عليكي ... ندمآنه على كل ل" 
قفــلت الرساله وقفت وقلبها يدق بسرعه : دا بيت ترف صحح 
 تميم : ماتبي تكملي 
 لمى : لا مابى اقرا شي عنها رجعني البيت يااتميم
 تميم جلس على الكنبـه : اختك بديك الغرفه ماحتمشي الا وانتي متفاهمه معاها 
 لمى دموعها في عينها وتتنفس ورا بعض دوبها استوعبت انو سحب المفتاح من باب الشقـه 
 رعبــوها 
 رفعت صباعها : تميم خرجني خرجني ولا والله لااصرخ بكل صوتي 
 تميم هرج بهدوء : لمى يااقلبي اسمعيني 
 لمى : منننني سامعتك ولا ابا اشوفها والله لو خرجت يااويلك والله ياويلك قولها مابا اشوفها 
 تميم وقــف وجا لعندها : تتوقعي احنا ليش رجعنالها 
 لمى : مااابى اعرف انتو ماعندكم ضممير بكيفكم انتو مانضربتو بسبببها ماسرلكم شي _ اشرت على نفسها _ انا اللي تعبببت انااا بكيت من الألم قوولها ..رووح قوولها كم مرا كنت حموت رووح فهمها انو اللي اختارتو يخليه ينفعها بدي الايام ولا سابها دحين عشان كدا تبانا 
 كآنت بتمشي رجع مسكها : انا ماخلصت كلامي ..ترف مظلوومه .. 
لمى بكل صوتها : ف حرييييقه مظلووومه ولا مو مظلومه اخخخر همي مابى اعرف ماااابى اسمع شي 
 تميم : لمى لاتستفزيني 
 لمى : بكيفك انتا التآني 
 برضوو كآنت بتمشي الا رجع مسكها : لممممى لمممى اهجددي مصيرها حترجع لبيتنا خليها ترجع وانتي عارفه كل شي عنها ولا ترجع غصبا عنك 
 لمى بصوت واطي : عارف انا حروح اتكلم مع ماما اصلا مدري ليش سكت دي الايام كلها بس هيا اللي حتتفاهم معاكم 
 تميم : طيب يالمى _ سحبها من يدها واتوجه لغرفه النوم _ 
ولمى اترععععبت هنا اشرلها وقلها تـرف فيــه 
 دارت جسمها : الله يخليك ياتميم مااابى اشوفها ..ممممابى االله يخليك 
 وهوا ساحبها ولا كأنه بس مسكك الباب سارت تصرخ بكل صووتها وتترجها : اللله يخخخخليك يااتميم
 تميم : حتقراي باقي الكلام ولا تسمعيني 
 لمى بالقوه واقفه على رجلها : خرجني ابا اخرج 
 تميم : ماحتخرجي يالمى اختك انظلمت ماحد حيظلمها زياده اختك واحد مسكها غصبا عنها مو باإرادتها الموضوع 
 لمى دموعها تنزل : انا سمعت لللليث والله ليث قال لماما انها تخرج كآنت من المدرسـه 
 تميم وتــآمر ولا كآنو يدرو عن دا الموضوع ... دوبهم عرفــو بكلامها 
 لمى مسكت يدو : والله ماقدر اشوفها والله ياتميم ماااقدر ماباها 
 تميم هرجها بهدوء وهوا حزنان : لمى تتوقعي لو الكلام صح كآن ليث يباها تسامحه دحين .؟ كآنو يهددوها 
 لمى قاطعته : والله تضحك عليكم 
 تميم : للليش تضحك علينا ... ابو الولد في السجنن اتمسك شوفي بعد كم سنــه ربي مايرضى بظلم احد يالمى لاتظلمي اختك .. _ وطى صوته عشان لايوصل لترف _ بعد يومين حينتشر الخبر وحتسمعي بنفسك بس احنا نبا نكون واقفين جمبها نباكي موجوده 
 لمى تنزل دموعها تصدق ولا ماتصدق 
 بس سارت تسمـع
 وتميم يكمل : والله يالمى مو انا اللي حجي اضحك عليكي بموضوع زي كدا .
قلها كــل شي ..
قلها اختك انظلمت وانضربت زيها زييك 
 بس انتي كآن اخر الليل واحد فينا يوقف جمبك 
 كآن فيه واحد ينقهر عليكي وينام في الصاله عشان لحد يدخل عليكي وانتي نايمه 
 هيا مآكآن عندها دا الشي 
 اختك هددوها وهددو ابـويا وبسببنا انسجنت طول عمرها 
 بسببنا سحبو ولدها واتيتم ولد مالو ذنب 
 اذا انتي انظلمتي الولد الصغير ايش وضعــه .؟
 اذا انتي انظلمتي الانسانه اللي انحبست ايش وضعها ..؟
 زيك زيــها كلنا انظلمنا بسبب قرار ابـويا ..
اختك عاشت لوحدها طول العمر حتى ليث ضربــها وهددها حتى ليــث كآن حيقتلها 
 قلها تفتكري لما قلتلك اجلسي في غرفتك ولاتخرجي عشان تبعدي عن امي 
 جلسي يوم كآمل واتخنقتي وسرتي تبكي وهيا جلست 10 سنــوات محبـوسه 
 يتكككلم يتتتكلم وسااارت تبـــكي من قلبــها 
 امها واخوها عقدوها من تــرف بدون سبب
 هيا زيهاا انظلمت وبــس 
 بعدت عن تميــم مخنوووقــه 
 ماتدري مخنوقه لأنه كآنت اخر الليل تدعي على ترف دايما 
 ولا على انو اختها عاشت حياه اسوء منها بمليون مرا 
 ولا على ابــوها اللي ظلمهم كلهم .. 
جلست على الكنبه ودخلت في دوآمه بكــى .. 
تميم جلس جمبها وسار يهرج بقهر : عرفتي ليش احنا وقفنا جمبها ابو الولد جا بسبب ليث سحب ولدها منها ولو تآمر ماجبلها هوا محد كآن داري ايش كآن سرلها ماعندها يالمى غير ولد عوضها عن كل شي وجا الوقت اللي احنا كمان نعوضها ونوقف جمبها 
 لمى : مابى اشوفها 
 تميم : ايش بك يالمى 
 لمى تمسح دموعها : والله ماحقدر اشوفها 
 تميم : انا اسبوع كآمل شردت منها لما عرفت الموضوع ماقدرت اطالع بعينها بس خلاص عرفت انو دا مو حل 
 لمى ولا ردت 
 تميم : حخليكي معاها و
 وقبل لايكمل مسكت يدو : لا لا ابا امشي معاك ماحقدر اشوفها 
 تميم : ليش خايفه دحين قلتلك انها مالها صلاح في شي اجلسي مع اختك 
 لمى : مو دحيـــن 



 امـآ في الغرفه جالسه على سريرها سمعت كيف لمى راافضه مرا 
 سمعت لما وقفــو عند بـآبها وحكآهآ كــل شي 
 دموعها سارت تنزل 
 سامعه صوت اختها تبــكي من الكلام 
 اجل هيا ايش تســوي بالوجع والذكريـآت 
 تمسح دموعــها وفجأه اختفـى صوتهم ... 
هما قالولها لمى طيبـه تفكر وتفـــكر 
 وقفــت تمشي ولمحت شي وراها اسود يتحرك 
 من الخوف ماطالعت وقالت يمكن يتوهملها 
 مشيت خطوتــين وبرضو اتحرك ..مشيت تلات خطوات بســـرعه وبخطوات متباعده وهوا اتحررك بطريقـه سريعه 
 اترررررررررررعببببت 
 جرررررريت على الباب فكتـــو ولامحتتو وراااها يتحرك يمين ويسار بســرعه 
 شي اسوود يفجــع 
 وتحس انها حتطيــح من طوولها من الفجــعه : فااااااااااااااااررررر
 الاتنيـــن طالعوو فيــها تججججري بســرعه بااتجاههم 
 تميم وقــف مفجووع وهيا نطططت من الاررض على الكنبــه : واللله فاااار والله فااار 
 تميم انتبه لشي دووبه بيأشر الا هيييا جات لناحيته ومسسكت فيه : فيننننوووو فنينووو 
 لمى بعدت مفجووعه 
 تميم يطالـع في الارض : ههههههههههههههههههه
 وطالع في الجينز : شووفي 
 ماكمل كلمتته الا وهيا خانقته من البلووزه : بعدددو ياتتتميممم ولا حرميك عليه وربي حرررميك 
 فوووبيا من الفيرااان 
 تميم : ههههههههههه طيب بشي
 دوبو بيمد يو وهيا فوق الكنبه وماسكتو من بلوزته من ورااا تدفو على قدام وترجع تمسكو: روووح بعدددو فينو فيننننو 
 تميم مسك بلوزته من قدام : تتتترف خنقتيني سيبيني
 لمى قربـت بشـــويش ونزلت جسمها للارض ورجعت وقفت : دي بكره خيط 
 ترف تطالع بللي في يد لمى بدأت تخف على بلوزة تميم 
 تميم اخد نفســه : اباااا اقولها من اول انو خيط لاصق فيكي 
 لمى وجهها محمر طرحتها على كتفها 
 تــرف برستيج اتبخر 
 مافي برستيج بعد نطتها من الارض على الكنبه وماسكه تميم كأنو بقره وتسحب فيه 
 رجعت شعرها ورا اذنها 
 نزلت من على الكنبـه عينها جات على لمى وبعدها على تميم بتوتر : دحين حصبلكم عصيــر 
 وشــردت للمطبــخ 
 حتى الجمله قالتها بكبريـــآء 
 وهيا رافعه راســها 
 تميم : ههههههههههههههههههههه اششرددي 
 بس دخلت المطبــخ غطت وجهها وكتمت الصررخه ديك اللي تطلع بعد موووقف مرا غببببببييييي
 ماتبى تخرجلهم 
 اما لمــى حطت كومة الخيط الاسود على الطاوله وجلست نزلت عينها وتلعب في اظافيرها بتوتــر
 موقــف غبــي سار كآنت ماتبى تشوفها وفجأه طلعت بوجهها 
 تميم يطـآلع فيـها وبعدها قـآم لتــرف اول مادخل كآن بيقولها مانبى عصير بس ضحك : هههههههههه 
 ترف وجهها حمر ورفعت صباعها : قفل الموضوع ولاتفتحه رجاائا 
 تميم : هههههههههههه طيب سيبي العصيـر واخرجي مانبى نشرب شي
 ترف : خليني اصب مو 
 تميم قاطعها : لمى حتموت على نفسها ترا مستحيل تشرب شي امشي 
 ترف سابت العصيـر مشيت خطوتين ورجعت وقفت : خلاص اهم شي عرفت اني مالي صلاح 
 تميم : وبعدين معاكم _ مسك يد ترف _ امممشي يلاا 
 ترف : طيب حمشي بنفسي 
 تميم سابها جلســو مشعتــرين على الكنب كل وحده في ناحيـه 
 محد اتكلم تميم وقـف : انا حمشي لأنو الوضع مو عاجبني 
 الاتنين طالعو فيـه وقبل وحده فيهم تهرج هوا هررج : مني جالس وماحجي اخدك يالمى لين مااتتكلمو حتقعدري هنآ طول اليوم 
 لمى وسعت عينها ودوبو بيمشي الا لمى وقـفت وسارت تهمسلو : تميم بلا بلاهه 
 تميم سحب يدو منها و لاكأنه تتكلم خرج وقفل البـآب
 وهيا رجعت وجلسست بكل استسلام 
 مافي اي كلام يجمعهم 
 ترف طالعت في لمى وكانت تحرك الخاتم الل في صباعها بتوتر 
 ابتسمت : زواجك بعد تلاته اسابيع ؟
 لمى طالعت فيها واشرت براسها من غير مايطلع صوتها 
 ترف اجتمــآعيــه ولمى عكسها انطوائيــه 
 حست الوضع مرا مايفنع انهم يجلســو حياه ترف عكس لمــى .. 
قالتلها بتوتر : ايش رايك نخرج احسن 
 لمى : فين 
 ترف رفعت كتفها : عادي اي مكآن .... تعالي نروح المول اللي اشتغل فيـه 
 لمى ماعندها دا الوضع تبا تخرج وتخرج على طول : طيب اشوف اخواني لو يودوني 
 ترف وقفت : حتصل على تميم لو لساته هنا يوصلنا ولو مشي نروح باأي سياره 
 ماسابتلها مجآل تهرررج 
 لمى انفجعت 
 ترف دخلت واتصلت على تميم وطبـعا حتى لو مشي من كلام ترف قلها انا قريــب : طيب بس وصلنا وامشي 
 تميم هنا عادي ماعندو اشكـآل : طيب كيفها معاكي 
 ترف : اتوترت من كتر مو ساكته قلت يمكن لو نخرج احسن 
 تميم : خلاص خمسـه دقايق وانزلو 
 ترف خرجت للمى : بس اغير ملابـسي واجيكي تميم دحين جي 
 دخلت تــرف لبست جينز ميدي مآسك وبلوزه توب باللون الأخضر فضفاضه وبكم طويــل .. 
وزبــطت شعرها وماخرجت الا لمآ دق جوآلها اخدت شنطتـها وخرجت للمى : يلا تميم تحت 
 لمى وقفت وعدلت طـرحتها اخدت شنطتها وترف مشيت قدآمها 
 لاشعوريا لمى طالعت في لبسـها ..!
حياتها مرا غيــر عنهم ؟!
غير بطريقه مو بسيـطه 
 خرجت من البيـت وتميم تحت ...لمى ركبت ورا وهنا ترف وقفت شويا واقفه وبعدها استوعبت حركتها 
 وركبت قدآم ...
كآن شعوور غريب 
 غريب بطريقـه مو طبيعيــه 
 تميم مبتسم من قلبــه رفع جوآله وفتح السنـآب : لممى تعالي 
 لمى ميلت جسمـها : ايش فيه 
 تميم: خليكي كدا 
 طالع في تــرف : تعالي بصور لتآمر عشان مايشك في قدراتي 
 ترف : هههههههههه _ دخلت وجهها وهيا مبتسسسمه _ ها بسررعه 
 تميم صور وكل وحده عدلت جلستها وسار يكتب " اعتتتذرلي ولا حخليهم يتضاربو دحين " 
وارسلها لتآمر 
 اما تميم بس حط جواله طالع في لبس ترف ... ورجع شتت نظره بيحاول بيحاول مايضيع دا اليوم بسبب غيرته .. 
تميم طالع في المرايه وجات عينه على لمى : ايش كنتي تببي تقوليلي امس 
 لمى : على ايش ؟
 تميم : مدري مو قلتي لما تفضى كلمني 
 لمى : اهااا ايوا كنت بشتريلي كدا شي عشان اخلص من ملابس الدبش
 تميم : معاكي فلوسك ؟
 لمى : ايوا 
 تميم : طيب لو تبي شي اشتري من عندك 
 لمى : تمام 
 ترف دارت راسها : ايش تبي تشتري 
 لمى : ملابس خروج 
 ترف : طيب اوديكي المحل اللي اشتغل فيــه وشوفي لو عجبك شي خخدي
 لمى : طيب

ترف خرجت جوالـها وفتحت محادثتها مع براء وقلبها تحسوو حيخرج لما قرات 
" سامي اتقبــل الموضوع .. كنت حجيبو بس خليه يروح يجلس مع محمود على بال تخلصي "
ترف 
" بجددد اتقبله ولا تحس فيه شي جوته
 ايش قال ؟.؟" 
براء 
" انفجع بالبدايه بس عادي اتقبـله 
 مارفض الفكره تحسيه شويا مصدوم بس سيبيه مع محمود يستوعب " 
ترف 
" حبييييييبي ياااريتني انا اللي كلمتو " 
 " براء يحمد ربه انو هوا اللي اتكلم كآن ترف ضعفت على طول وحاولت ترضيه 
" خليني اتفاهم انا معاه خلاص بدا الموضوع فهمتو وجهة نظرك وليش سويتي كدا فجأه المهم ايش سار معاكي "
ترف 
" وجعتلي قلبي ياابراء "
براء 
" ماتفكري تقوليلي حبيبي ياقلبي ياااعمري برضو ترا زوجك سرت عادي يعني لو دلعتيني "
ترف ابتسمت 
" لساني لسى مو متعود "
براء
" سبحان الله لسانك مايسير عسل الا مع سامي "
ترف
" ههههههه سرت تغار ولا ايش ؟ "
براء 
" حمدالله انك فهمتي " 
ترف 
" هههههههههههه ترا انا رايحه المحل دحين "
براء 
" اماااا واختك !!!!!!1 """
ترف 
" معايا "
براء 
" ؟؟؟؟؟ ايش سار ! "
ترف 
" انتا فينك ؟ "
براء 
" رايح المحل دوبني وصلت سامي ومحمود "
ترف 
" ححاول اصرف تميم "
براء 
" خليه يجي احب اتناقر مع اخوكي دا "
ترف 
" هههههههههه مع نفسك ..لما ارجع البيت احكيك "
نزلت جوالها وطول الطريــق ترف تهرج شويا مع تميم 
 تميم يعلق ويسئل لمى 
 لمى كالعاده هاديـه ورودها خفيفـه 
 اول ماقربو من المول : متأكدين ماأجي معاكم 
 ترف : ايش تجي تسوي 
 تميم : ههههههههه انتبهلكم 
 ترف طالعت فيه وشمقت 
 تميم : لا يااشيخه 
 ترف : ههههههههه ايش تنتبهلنا شايفنا اطفـآل
 تميم حاول مايعلق بقدر الامكآن على لبسها : لا سلامتك طمنوني بس عليكم 
 اول ماوقفــه دي اول مرررا لمى تنزل من غير امها او عــدي 
 متوتره بس كدا احسن من جلستهم بالبيت .. ترف اخده راحتها بالهرج .. 
 : تعالي اوريكي 
 دخلـو المحل : انا هنا اشتغل ولا كنت اشتغل ليا اسب
 وسكتت اول ماميرنا نادتها : تتتتترف !!!
ترف : هلاا 
 ميرنا سلمت عليها: كويس رجعتتي 
 عرفت ميــرنا على لمى وماقدرت تقولها دي اختي الكلمه مرا صعبه على لسانها 
 بس قالتلها دي لمـى 
 وسارو التلاته واقفــين وكل شويـآ يمسكو بلوزه وبنطلون فستـآن .. 
اخدن جينز وتلات بلايز وترف الا الا وتبـآها تاخد فستآن عاجبـها : خلاص طيب دا منني 
 لمى : ههه ماحس حيطلع حلو عليا 
 ترف : والله بالعكس جربيه وبعدين احكمي 
 لمى : طيب بس انـ
 وطالعت وراها اول ماشافت ترف ابتسمت وجا واحد داخــل 
 بس مانصدمــت زي مانصدمت ميرنـآ لما براء قرب وسلــم على تــرف 
 ميرنا وسعت عينها 
 ترف مررت يدها على رقبتها ونسيت ميرنا مرررا قالت للمى : دا براء خطيـ
 براء عدلها : زوجها 
 لمى رفعت حوآجبها 
 ميرنا شهقت كلهم طالعو فيها وبعدها حست بنفسها : معليش كيف ..قصدي مبرووك ..تمزحو صح ؟
 ترف وجهها محممر 
 براء : هههههههه لا مانمزح مو شايفتها اخده اجازه لها فتره 
 ميرنا مرررررا مصدومه : ماشالله الف مبرووك 
 ترف : المهم دي لمى 
 براء : اهليــن 
 لمى ابتسمت بااحراج وهوا سابهم وراح مكآنه كالعاده 
 لمى لأول مرا تسئل : هوا يشتغل هنا ؟
 ترف : ايوا 
 لمى ضحكت فهمت الهرجه 
 ترف : ايش بك 
 لمى : ولاشي
 ميرنا داخله بالهرجه معاهم : ترا انا مصدومه زيي زيك _ تقلد ترف _ لااا ماحب دي الحركات
 تحسبها صحبتها 
 ترف : هههههههههههه 
 وخلصـو من االاشياء اللي تباها لمــى واول ماجو عند بــراء . كآن يرفع الجهاز بس للتسعير 
 وبعدها حط في الاكيـآس : خلاص خلو الاكيـآس عندي 
 لمى ماسكه المحفظه وهمست لترف : طيب بكم اسئليـه 
 براء سمعها : خلاص اعتبريها هديـه من اختك لاترديها
 لمى طالعت فيـه تبا تقول لا 
 بس وجهها محمر 
 عدي بالقوه اخدت وتدي معاه 
 ودا عادي يهرج وكأنه يعرفها 
 مع انو بيهرج عادي بس هيا مو متعوده
 ترف دي الجملـه اللي قالها
 عنتلها كدا شي
 اولها كلمــه اختــك 
 تانيها انو زوجهـآ وبيتصرف بدالها
 تطالع فيـه وضاع الكلام نظرتها لوحدها لها الف معنى 
 وخــرجت هيا ولمـى وراحـو يطلبولهم قهوه وهنـآ اخيرا جلسـو .. 
لمى : كم لكي متزوجه 
 ترف ضحكت : اسبوع ويومين او تلاته 
 لمى : ماشالله دوبك 
 ترف : سار الموضوع بسـرعه فجأه خطبني من تآمر ومشاكل ابو سآمي خلتني اوافق على طول يعني الموضوع محد يعرفه غير تآمر وابو براء وامـه اليوم ولدي عرف 
 لمى مرا اتفاجئت : كيف يعني انتو مو عايشين مع بعض 
 ترف : لا لا بس ملكنا 
 لمى لاشعوريا بتسئل : وليش ماقلتي لولدك
 ترف : عشان سارتلو مشاكل مع ابوه خوفت يتحسس 
 لمى : اها 
 ترف : كم باقيلك وتخلصي الجامعه 
 لمى : سنه
 ترف : ماشالله 
 لمى بتردد ومن غير ماتطالع فيها : انا اسفه لأني ماسمعتك في المستشفى ول
 ترف قاطعتها : خلاص انتهى دا الموضوع انتي اكتر وحده عاذرتها 

 مــر يومــهم خفـيف كدا ابتسامه من القلب لما كل وحده تهرج عن حياتها 
 لسى لمى متوتره 
 وترف اخده راحتها 
 عرفت ايش مقصد اخوانها لما قالولها طيبــه 
 اساسا هرجها وهدوئــها زيي سـآمي لما يجلس مع احد غريــب
 وانتهــى يومهم بديك البسـآطه ... 


امــآ بعـد المغرب ... 
واقف قبـآل الباب كيف حيتكلم معـآها مو عـآرف 
 ايش حيقولها الكلام ضـآيع منـه 
 دق الباب وفتحت هديل وابتسمت لما شافتــه 
 في عز همه يبتسملها برضو : كيفك ياقلبي 
 هديل ماسكه الباب : تمام 
 بشار : اقدر اخد سميـه وتجلسي شاطره لوحدك من غير ماتقلقيني 
 هديل : هههههههههههه طفله عندك ايوا اقدر بس ايش تباباها _ رمشتلو واتكلمت بدلع _ ماأنفع انا 
 بشار : ههههههههه _ على طول قرب وهيا شدت يدها على الباب ووقفت عدل 
 هديل : خلاص كنت امزح 
 بشار : ليش ماسرتي تثقي فيا 
 هديل : هههههههه قول لنفسك ساير زي الفلم المرعب 
 بشار : هههههههههه من كتر ماحبك 
 هديل : لا بلله 
 بشار : ماقتيلي داك اليوم حلمتي فيا باايش 
 هديل : ياااااربي بشاار ماتبى تنسى الموضوع ماحقووولك 
 بشار : مصيري حعرف حدي سميه فلوس وتقولي
 هديل : ههههههههههههه تجيها من نقطه ضعفها 
 بشار : حقيره حتى والفلوس مغرقتها تجمع زياده 
 هديل : ههههههههههههههه ماحتقدر تبطل دا الطبـع ..امس مسدوحه على السرير وتعد فلوسها وتقول حسير مليونيره وادعس بشار 
 بشار : هههههههههههه دي البنت وسخه حاسس بتحدي معاها 
 هديل : ايوا مو عاجبها انو فلوسك اكتر 
 بشار : لاحول ولاقوه الا بلله لو سرلي يوم شي شربيني بلله من وراها
 هديل : هههههههه 
 بشار حط يدو على الباب : ممكن ادخل
 هديل : لاطبعا 
 بشار : خلاص ماتبي تنسي
 هديل : لا طبعا بطل قله ادب وانا انسى 
 بشار : هههههههههههه خلاص غصبا عني وب
 هديل قاطعته : لاتبرر ولاتقول شي 
 بشار نادى بصوته : سمممممميه تعالي دخليني 
 سميـه في غرفه النوم وقالت بصوتها زيو : لا تستاهل عشان تبطططل وساخه 
 بشار طالع في هديل مفجوع : انتي قلتيلها !!!!!!!!
هديل : هههههههههههه ايوا اجل احكي مين 
 بشار : هديل مو منجدك 
 هديل ولا ردت عليـه 
 بشار : استغفرالله هيا بلله ايش تقول عني 
 هديل : ههههههههههه روان من يومها تسبك عادي يعني 
 بشار : المهم لازم اخد سميـه وبروح اتكلم معااها في موضوع 
 هديـل : في ايش 
 بشار : لما ارجع اقولك ناديها حروح معاها مشوار 
 هديـل قفلت بوجهه البـآب ... وهوا ضحــك
 وراحت نـآدت سميـه وسميـه لبست 
 داك اللبس اللي ماعمرها لبست زيــو 
 بنطلون شيفون اسود مقلم بالابيض وبدي ابيض تحتـو وكعب اسوود شبه مرتفع 
 واخدت بس محفظتها ومشيت وهيا رافعه راسها بشموووخ فكت الباب وطالعت في بشار بنص نظره واشرتلو : افكر اني اشتريلي سياره خلاص
 بشار كل ماسار يجلس معاها تتكلم بنبرة غريبـه : هههههههههه ياااسميه ارحممميني وامشي من اول استنآكي
 روآن : طيب السياره بارده ولا حتخليني احر 
 بشار سحبها من بلوزتها ودفها قدامه : اممممشي بلا فله 
 روان : هههههههههههههه البلووووزه بقيمممتك لو سرلها شي ياويلك 
 بشار :هههههههههههههه ياسميه ترا وربي حكرهك 
 روآن وقفت مشي وتأشر على نفسها : انا انسانه احافظ على ممتلكآتي الخاصه والشخصيه 
 بشار بحدده : سممممميه
 روان انفجعت مع المممر طلع صدى صووته : بسممم الله خلااص بمزززح 
 مشيــو ونزلـو وبتحـآول تعدل نفسيتها كالعاده ركبـو السيـآره 
: يلا ماحتقول فين رايحين 
 بشار : والله مدري فين رايحين انتي فين تبي تروحي 
 روآن مسويه مناكير في يدها تحرك اصابعها على ذقنها عشان ينتبه : اممممم
 بشار طالع فيها ورجع طالع قدآمه : استغفرالله العلي العظيم 
 روان : ههههههههه انتا ليش بتتنرفز قاعده افكر 
 بشار : فكري يختتي فككري استخيري سوي اللي تبيه 
 وخصـرها ووداها كـآفي من غير ماتختـآر : تشربي قهوه 
 روان : لا ماحب دي الحاجات 
 بشار : طيب عصير ؟
 روآن : ايوا اطلبلي افخم شي _ وسندت جسمها _ 
بشار قرب للطاوله : انتي مجنونه 
 روان بس يتنرفز تموت ضحك : ههههههههههههه استمتع وانا استفزك 
 بشار : اهجدي لاتخليني اقوم واسيبك دحين 
 روان : ههههههههههه طيب خلاص 
 شرب قهوتــه وروق ويطالع فيها وهيا تشرب العصيـر 
 لين ماخلصتـه قدم للطـآوله : سميـه قبل لاأقولك الموضوع اعرفي اني انا سئلت عن كل شي قبل لاأكلمك 
 مستحيل حجي اقولك دا الشي الا وأنا متأكد انو ماحيسرلك شي وحيأذيكي احد 
 روآن بدأت دقات قلبها تزيـد : ايش فيه ؟!
بشـآر مرا اتوتر : عرفت مين امك 
 ولا اي تعبير بوجهها حتى مارمشــت ...
تطالع فيـه وبس ...
بشار كمل بسـرعه : لاتخافي مو زي ام هديــل انسانه طيبـه وقابلتها مرتيـن ابـويـ ... جآسم اخدكي من عندها وانتي صغيره ..وعرفت عنك بسبب الموضوع لما انتشر 
 اتمنى ردة فعل منـها بس لما ماردت قهرتــه 
 لما مالقى اي ردة فعل منها حزن عليـها : وعد وربي وعد لو ماتبيها ماحتقرب منك بس قابليها واسمعي منها انا وعمي سئلنا عن الموضوع والكل قال انو انخطفتي من بيتها من صغرك ... سميه ؟
 سميـه رجعت جسمها على ورى ...بلعت ريقـها : ايش تبا مني ؟
 بشار : انتي بنتها .!
سميـه لحظه صمت تآنيه وبعدها اتكلمت : انا ماعندي ام وماعندي اب ولو تباني اخرجك من حياتي انتا كمان جيب سيرتها مرا تآنيه 
 بعدت الكــرسي وهوا وقف ومسكها : سمميه قلتلك انا معاكي 
 سميـه ماطالعت فيه سحبت يدها بهدوء : خلاص طيب قولها تروح من فين ماجات 
 خــرجت من المكـآن وبشـآر حط فلوس على الطاوله واخد محفظتها ومشي وراها : خدي 
 اخدت المحفظه وتطالع حولينها كل مالها تنخنــق 
 كانت بتمشي الا رجعت طالعت في بشار : قولي قولي ايش تبا ايش تبا مني 
 طريقه تكرارها للكلآم وتــره : سميه اهدي بقولك لو ماتبيها خلاص
 سميـه : انا بعععرف ليش عندي فضول اعرف ايش تبا مني 
 بشـآر : امك ! بقولك ماتدري هيا عنك شي من زمان 
 سميـه : وانتا صدقتها 
 بشار : ماجيت اكلمك الا وانا متأكد من كلامها 
 سميـه طالعت فيـه ودموعها تتجمع بعينها 
 بشار : هيا تبـآكي ومستعده تسوي اي شي عشان تقابلك انا مو غبي يااسميه مو غبــي عشان وحده تضحك عليا الموضوع له اسبووع وماكلمتك لين ماتأكدت
 سميـه نزلت دموعها : اهااا
 دارت جسمــها وفجأه نزلت الرصيــف
 فجعععت بشــآر بس لما سمــع صووت السيــآرات
 وقفتتتلو قلببببـــو 
 وشاافها بعدين تمشي للرصيـف التآني مجننننونه 
 ولا حتتتى طالعت ولا خاافت لو سيـآره صدمتها ايش كآن سرلها حاول يقطع السكه ويروحلها بس مااقدر اتوجه لسيــآرته وعلى بـآل جاها مو فيــه 
 مرر يده على جبينه بتوتر 
 خرج جواله واتصل عليها ماترد 
 يسيبها تهدى ولا يدور عليها مو عارف 
 بس هديــل دايما تقوله سيبها 
 وترجع كل ماترتاح 




 امــآ سميــه 
 كل شي انندمممر بعينها 
 لا ماتبى تعرف انو عندها ام تدور عليــها 
 فكره انو عندها ام وجعتها 
 بس انها دحين ترجع بحياتها 
 ماحتكون احسن من جاسم ولا من ام هديـل 
 بس بشار يقول انها طيبــه 
 تثق في بشـآر
 لكن تعبـــت
 كلام كتتتتير يعدي براااسها 
 كلو متنــآقض
 بس الشي الوحيــد اللي عارفته انوو بتتألم ممرا 
 الشي الوحيد اللي مو قادره تتحكم فيــه دموعها اللي تنزل 
 وقفتلها سيــآره وكالعاده مكآنها اللي تروحــه دايمـآ حارتها القديمه 
 بس نسيــت انو لبسها مايسمح انها تروح لديك الأمـآكن 
 هيا دحين حتكون بعين اللكل غــرض معرض للسرقــه بدون تفكيــر
 ودا اللي سار اول ماوصــلت كآنت تمشي في ديك الشوارع المظلمه باضائتها الخفيفه ... 
مو خـآيفه بس الجزمه كل شويـآ تدخل في حفــر ومضايقتها .. 
بس مكمــله مشي تمسـح دموعها وتبا توصــل للبيت اللي كبرت فيــه 
 وحست باأحد يمشي وراها طالعت بس الشوارع عاديـه زي دايما اطفــآل وشباب 
 كملــت مشي حاسه بنظرات الكل ومع همها اخر فكره حتجي في بالها لبسها .. 
وبس لفت يســآر بس وصلت لنص المكآن هادي دوبها بتدير الا انسحبببت وطاحت محفظتها 
 حط يدو على فمها والتآآني يطالع في صاحبـه : هاا فيها فلووس 
: اااايوووا ايييوا 
 رووان دفتتتو : بععععد وهاات المحفظه 
: هههههههههههه ايش يااحلوه 
 روان بنبرة صووت وحده مو خاايفه منهم : رجعووولي المحفظه حديك الفلوس اللي تباها 
 صاحبه فك المحفظه سحب الفلوس ورماها بوجهها : هاا اشبعي فيها 
 مسك خدها : اول مرا اشوفك هنــآ ايش تبي 
 روان دفت يدو : اممشي بس 
 رفع حآجبه : حللو حلللو 
 روان نزلت جسمها واخدت المحفظـه طالعت فيه : امممشي من قداامي
 الولد ابتسم : ولو مامشيت 
 روان دفتو ومشيـــت وهوا مسك يدها ودفاها على ورى
 ماقدرت تتوازن اتلووت رجلها وطااحت حست روحها طلعت مع الاألم : آآآ
 الولد : هههههههههههههههههه خلي القوه تنفعككك 
 ومشيـو وســآبووها وهما يضحكوو ... خايفين انو احد يبلغ عليهم ولا مهتميـــن 
 في حارتهم اكتر مكآن امان بنسبه لهم ..هيا اللي المفروض تخاف على نفسها 
 بكككيت على نفسها ومن الألم سندت يدها على الجداار ووقفــت ومو قادره تمشي 
 شالت الجزمه من رجلها ورمتها بالارض 
 مشيت كم خطووه وماقدرت تمشــي اكتر جلست على الدرجــآت 
 سحبت جوالها ماتبى بشــآر
 تبــآه داك الللي بكلمتين يخفف وجعها ... سحبــت جوالها واتصلت عليـه 


 امــآ تـآمر .. اخيرا يحس نفسـه ادمي بعد ماراح وحلق شعــره ولحيتــه 
 استحمــى ومبسووط من قلبه لما شاف صـوره ترف ولمــى
 ضاع نص يومه وهوا يهرج بالجوال مع سلمــى .. 
مو حزنـآن عليها لما تبــكي يحس نفسه قــآسي وجبروت لما تبكي وهوا يلعب الأشياء اللي قدآمه
 لبس ملابسـه ودحين اخيرا حيرتـآح وينسـدح 
 مسك جوآله وكالعاده يجي عند رقمـها ويقعد يتأمله 
 مقهور انها ماتعرف تكتب وتقرا 
 سـآب الجوال وغفــى وصحـي لما دقت 
 جلس على طول اكيد مضـآربه بينهم في الطريــق 
 بس حيرد طبــعا 
 واول مارد قلبــه طــآح 
: تآآآمر
: روان ايش بكك
 روآن رخت راسها على ركبتها وبكيــت : انا تعبببت 
 تآمر : ايش ساار 
 روان : مو انتا قلت ماحتسيبني مو انتا قلت حتستحملننني 
 تـآمر ساكت مو عارف ليش بتبــكي 
 بس متأكد انو وراها مصيبـه ..
روان : بجججد انا اكرررهك اكرهك اكتر من الناس اللي اذووني 
 تامر مو عارف يرد بس هيا مو سايبتلو مجال للرد انفجرت فوقه وخلاص : قلتلك ياتامر لاتسير تهتتم لاتسير تعاملني بدي المعامله بس خصرتني وباأبسط شي رميتني زي الكلبه زي مارموني الككككل
 كل اللي حاسه بوجع من كلامها 
 خلتو هوا غلطـآن ورضي انو يكون غلطان : لاتبكي انا اسف 
 بس ماعلقت اكتفت انها تبــكي 
 سكت 
 وسكــت 
 وبعدها قال : روآن انا احبك 
 روآن : ليش طيب تعاملني كدا 
 تآمر عآد الجمله : لأني احبك 


 انتظروني الفصـــل القادم الاسبــوع الجآي على خيـــر .... 


[ الفصـل الثـآني والثلاثــون .. ]


هل لديـكم بعض الوقت لمن يطلب الغفرآن 


 ليــث مراد .. ]

الألم اللي جوتي كل ماله يزيـد ومايخف
 تأنيب الضمير يقتل الإنسان بشكل بطيئ
 صعب اعيش وكأنه ماسويت شي ...
فكرت بكل لحظـه من يوم ماخرجت من ابواب المحكمـه 
 لليوم اللي تميم خرج فيه من بيتي وقلي الحقيقه 
 كأنها صفعــه 
 لا مو صفعه الصفعه المها وصدمتـها تروح بعد دقـآيق
 بس اللي احسسو كل مايمر يوم كل مايزيد القهر 
 كا ماتجي لحظات كنت ناسيها واتذكرها 
 اتفرج على التلفزيــون واشوف تــرف
 اطالع في اولادي واشوف ترف 
 اخرج من بيتي مخنووق واشوف تررف بكل وجه حرمـه 
 ممكن تكون معصبه 
 زعلانه 
 مقهوره 
 مظلووومه 
 اشوفها بكل مكآآآن 
 اشرد فيـــن ..!
لو حفكـر بحقـآره حقول مليون وآحد كآن حيسوي نفس الشي اللي سويته
 اللي سمعته عن اختي مو قليل ... 
ودا مبرر يشفعلي 
 لكن انآ اخ ..
انا كنت اب لها في يوم 
 صعب اعرف انو بنتي كآنت محتاجتني وانا ماجيتها 
 صعب اني اعرف انها بكيت ظللم وانا السبب
 لا مبرررات الدنيا تشفعلي 
 ولا حتى لو وقفت قدآمي وقالتلي مسامحتك حترضيني الكلمه
 آآآخ لو يرررجع الوقــت 
 ياريتني كنت اعمى ياريتني ماكنت اسمــع 
 وماتغيرت لدا الوحش مسلوب الضميير
 اختي لمى ايش ذنبـها دا وججججع تآني
 صرخاتهااا اسمعها في كل مرا احط راسي على المخده 
 نظرتها في كل مرا تترجاني 
 دمعتها اللي تحبسها اول ماتحس بوجودي 
 تخاف مني بس لأني موجود 
 تخاف من صوووتي !
فين كنت لما اطالع بنظرتها ديك 
 ليش ماكنت اشوفها ؟؟؟!
ليش كآنت عاديـه ودحين سرت انحرق اول ماتترسم صورتها قدآمي 
 ايش سويت باأخواتي انا ..؟!
طيب دولاك اخواتي قسيت عليهم
 اولادددي ..!؟
 بنتي ايش ذنبها تكبـر بدون ماحسسها باأني اب 
 ولدي ليش مافكرت اعامله زي ماأبويا عاملني 
 ليش كنت افكر بس بنفسي ونظرتي وافكاري ونسيتهم 
 عشت احسن طفووله وحرمتها من اولادي بدون سبب ..!
اطالع في ولدي واقول لو انا مكآنه ايش كنت احس 
 وكل اللي عرفتـه اني اتمنى ابويا يموت عشان امي لاعاد تبكي 
 لما جات دي الفكره بس برااسي وهما يضحكو ومبسوطين 
 سحبت نفسي لغرفتي وبككككييييت 
 الشي اللي يقهر انو ماعرف اعتذر 
 ماعرف اعبــر
 اعرف اني غلطت على الكل بس مو قادر اعبر عن ندممي
 مو رجوله والله مو رجوله الموضوع 
 رجولتي دفنتها في اللحظه اللي خرج فيها تميم من عندي 
 بس لما توصل لمرحله تحس انو عيييب تعتذر 
 عييب على نفسك بعد اللي سويته 
 انو تفتح فمك وتقول حتى انا اسف 
 دا اللي يخليني مو قادر اعتذر ... دا بس هوا السبب
 بنسبـه لمرتـي ..
ابا اعوضها لأنه استحملت دا الانسان المتحجر في وقت كآن قدرت تسحب
 نفسها بكل بساطه وتعيش عند ام واب حيشيلوها على كفوف الرآحه 
 في كل لحظه اشوفها تسويلي كل شي من قبل لاأطلبــه 
 اتأملها ليين ماتخلص 
 وعلى كل اللي سويتـه ربي رزقني بشي جميـل 
 ماركزت بجمآلها اللي دفنتو بدي الشقـه ماركزت بجمآل قلبها وروحهآ 
 خليتها تعيش ليا عبــده تشتغل وتكرف واخر الليل اصرخ وتنآم تبكي ومايهمني 
 ياااارب سامحني ياارب سامحني على كل شخص ظلمتـه 
 يارب اديني القوه عشان اعتذر من الكل 
 ولو ماديتني هيا حخرج من حيآتهم بهدوء حسيب اخواتي 
 يعيشو برآحه بسلام ... يارب ابا القوه اللي اقدر اعوض فيها مرتي واولادي
 يارب اجعلني زوج صآلح 
 واب صآلح 
 واخ صآلح 
 يـــآرب ....


هــل لديكم بعضآ من الوقت لتسمعو 
 فضفات شيطـآن على هيئـه انس حصل على عذآبـه في الدنيآ قبل الأخره .؟


 جـآسم الرآيـــد ..؟

 لا لا مستحيــل يختفي جلال كل دي الفتره 
 ليش مارسل احد يكلمني لدحين 
 قال حيخلي سميـه تعتترف 
 يمكن كآن يبا يسجني 
 خاف على نفســه ؟!!!
لو خرجت حيراقبونا
 جلالللل الكلللب
 مو انا اللي حترمي دي الرميـه 
 ماحقدددر اتحمل دي الحيآه 
 النآس بدأت تدووسني ومو خايفين مني 
 بعد ماكنت اهددهم سارو يجو يرفعو قضآيا عليا 
 جلاااال كآن حيسكت الكلل بس ساابني ورآح 
 انآ قاعد اتهآآآن 
 راضي سرت بالحبس الانفرادي عشان لاأنضــرب
 انا بعد دا العمر انضرب
 انا جآسم الرآيد يجي واحد يرمي اكلي في االاررض ويقولي انزل انظفوو
 انا يخلوني اشتغل وانظـف الحمآمآآت بعد دا العمر 
 انا انزل على ركبي في الارض عشان اغسل الارضيه بالفرشه الصغيره !!!
انا بتهآآآن ومو قاددر افك فممي
 القـآتل في دا المكآن يطالع فيا بنظظره اني اوسخ منـو 
 اللي سلب رووح وعرض نآس بيتعامل معآمله احسن منني
 انا الكلب الخسيس اللي الكل عرف اني كنت اعذب اطفـآل صغار 
 بعد دا العممر اخاف من اللحظه اللي تنفتح فيه الزنزآنآت 
 واضطر اخررج 
 جسمي يتنآفض
 بالقوه اوقف على رجووولي
 اخاف من احد يخبطني وانا ماشي
 اول شي اسويه اعتتذر
 لأنو لو ماعتذرت حيدورو مشآكل معاااك 
 امشي وراسي في الارض لأنو لو طالعت في بعض النآس حيجي يهجمم علياا بدون سبب
 عدسه عينه تتحرك يمين ويســآر لو احد جى جمبي اللصق جسمي في الجددار
 عشان لايهجم علياا 
 وفي النهايه يكون غرضـه يخوفنني ويخلوني للعبه عندهم مذلول وبس
 نفسي بشار يجيني نفسي جميــل يزورني ابا اقولهم يسو اي شي عشان اخرج
 ححاول اعدل نفسي بس ماعيش هنآآآ
 لا لا مابى اشوف بشااار هوا اللي رمآني 
 ولدي رمآآني 
 انا ماستاهل دي الحيآه 
 انا ماحرمته من شي عشان القى منو دا الرد ..
سميــه .!؟!!
انا ماظلمتها 
 الا ظلمتـها 
 لا ماظلمتها 
 كآن عاشت في فقر وشافت نفس الاشياء
 لا مو نفس الاشياء كآن حيكون عندها ام 
 كآنت حتعيش في بيت يجيها اكلها لعندها وفلوسها تجي بيدها
 امها اللي ككرهتني فيها 
 هيا اللي خلتني اخدها واحسبها مو بنتي 
 كنننت اعشقها
 لأول مرا احس ايش يعني حب 
 ماحسيتو مع ام بشـآر
 وطلقتها لأني متأكد ماحقدر اربي بشـآر بدون امـه 
 طلقتها عشآن ولدي اللي سجني اليوم 
 وبعدها اعرف انها تخونني 
 بعدها اعرف انها كآنت حامل من واحد تاني وهيا على ذمتي 
 انا ماظلمت سميـه 
 انآ عرفت متأخر انها بنتي 
 بعد ماخليتها تبيع وتسـرق 
 اكرهها
 اكرهها بسبب امها 
 ماقدرت اتصرف معاها زي ماعامل حور وبشـآر
 مو ذنننبي 
 مو ذنبي اني مو قادر اتعاطف معاها 
 احزن عليها دقيقه دقيقتين وبعدها ماقدر
 احس اديتها الحيآه اللي المفروض تعيشها 
 احس اديتها اكتر من ماتستاهل
 مابى يسرلها شي 
 بس بنفس الوقت ماقصرت معاها 
 ليش محد راضي يستوعب مشاعري
 جلال الوحيد اللي عرف جلال الوحيد اللي يحس بللي مريت فيــه 
 الباقي نآس تبا تتعاطف مع اي كلب مرمي في الشارع وتطلعنا كأننا معدوميـن المشاعر
 بس طول ماراسي يششم الهوى 
 حسوي اي شي عشآن اخرج من دا المكآن ... انا ماظلمت احد 
 انا اخدت بنآت وعيشتهم في بيتتت بدل ماكآن الشارع اللي حينامو فيـه 
 انا جبتلهم اكل اخر الليل واجبلهم فطور واأكلهم 
 خطفت بنت بس كآنت جايه بالحرااام دا اللي فهمتو 
 واشتريت التآنيه 
 واخدت التآلته من الشوارع 
 والرابعه والخآمسه والسادسـه مالهم اهآلي 
 ايش يعني لو ضربتهم 
 ايش يعني لو عذبتهم 
 ولا عشان اسمي مو زي اسمهم طلعت متوحححش لما مديت يدي


 وتبقى فضفضات ذالك الشيـطآن الذي يخلي مسئوليته من جميـع 
 الذنوب اللتي ارتكبهآ 
 وتبقى الدوله ظآآآلمه بعينه 
 ويبقى ولده عآآآر عليــه 
 وتلك الإبنـه اعطآهآ كما يشعر اكثر من ماتستحق ..

عـآهآت في مجتمعنـآ ذالك اكبـر مثآل " جآسم الرآيد " 




تلك الدقآئق يسمعها بوضوح 
 تفكككير عميـق 
 لاتناسبني تلك الفتآة يعلم 
 باأنـه لن يرضخ 
 لن يتنآزل 
 كبرياء رجـل ..عادات تقاليـد 
 لايهمه نظرآت احـد 
 بل يواجه مشكله مع ذآته 
 لم يكن يعلم باأن اصعب المسائل 
 مسئله الحب ... 
الاستسلام ام الانسحآب
 لا خيآر اخر
 يشتآق لنبرة صوتها
 يشتاق لتفاصيل التفـآصيـل المتعلقه بها .. 

ويبدأ بالمقـآرنه بصفاتها الجميـله 
 وصفـآتها اللتي لايمكن تحملـها 
 وتنقلب الكفـه عندمآ تخرج كلمه
 آآه تعبـر عن مدى تفآهه الإحساس اللذي يمر به
 عندما العقـل والمنطــق يخبره باأنها لاتناسبه 
 وذالك القلب الغبي ينبض بشده فقط من فكره انه لن يراها مره اخرى 
 تبــآ للمقــآنه 
 تبآ لعاداتي وتقاليدي
 تبآآ لكل شي يقف بطريقي
 قلبي يؤلمني هذا كل ماأعلم
 وعند اول دمـعه 
 عندمآ اخبرته باأنها تكرهه بشده 
 نطقـها دون تردد " روآن آنآ احبك "
نطقهآ وهوا متمسك بها 
 وسيترك الغد للغـد 

 في ذالك المكآن الشبه على تلك الدرجآت 
 حافيـة القدميـن 
 بملابسـها الثمينـه 



 جآسم دمر حيآتها ...البكى هوا الشي اللي بتسويه دي الايام 
 تعبببت 
 تعبت من انها تبـكي ومو لاقيـه احد يطبطب عليها 
 ماتعرف تشتكي لهديـل 
 ماتعرف تقول لبشار ايش تحسس
 بس تعرف تقول لتآمر ... 
عارفه نفسها انها حتتعلق فيه بطريـقه سريعه 
 عارفه انو هيا بلهه 
 ماتدري انو كآن تأثيرها عليـه اقوى 
 انو اول مايسمع صوتها وانهيارها يقولها انا احببك 
 هوا يبا نفسـه قبل لايعرفها 
 كيف بكم اسبوع وحده رمتتتتو لأخر القااع 
 خلتتتو تآآبع لها 
 يستنى اتصآل
 يستنى كلمـه 
 يستنى يسمع صوتها 
 ضحكتها 
 اشياء بسيطه تعدل يومـه 

 تمرر يدها على رجلها وتتكلم :لاتقول كلام وتسيبني اليوم التآني على اتفه حآجه 
:ماحسيبك
 روآن : قلتلي المرا اللي فاتت نفس الكلام 
 تآمر سكت وبعدها قال : حنتمشكل لين مانوصل لحل يرضي واحد فينا تمام ؟
 روآن دا اللي تباه
 بس ماعلقت 
 تآمر : مين مزعلك 
 روآن 
 ولا ردت تبكي وبـس
 تآمر : روآن
 روآن بالقوه نطقت : هآ
 تآمر : ليش بتبكي
 روآن : بشار ... بشار قلي انو 
 وبكيت لأنه مو قادره تقول ماما 
 الكلمه تقيله مرررررا 
 تقيله على قلبها 
 تقيله على لسانها 
 مستنيها تهرج بس ماهرجت قال : تبيني اجيكي ؟
 روآن على طول اتكلمت : ايوا
 تآمر : انتي فينك
 روآن طالعت حوليها : في الحاره 
 تآمر عقد حوآجبه : ايت حآره ؟
 روآن : نفسها اللي مرا وصلتني فيها 
 تآمر : اللي بعد الاسواق 
 روان : ايوا 
 تآمر : خليكي معايا ثواني 
 قـآم من مكآنه مايحب يخرج بشورت البيت وبلوزه بس مايبى يتأخر عليـها 
 متأخر عليها
 اخد مفاتيحه وفتح باب غرفتـه وخرج : ايش تسوي هناك ياروان 
 روآن : مخنووقه
 تبا تجننه بالأمآكن اللي تروحها : انتي لوحدك صح ؟
 روان تهرج بين شهقاتها : ايوا 
 ونزل من الدرج : طيب اول ماوصل تعاليلي فين ماوقفتك اول 
 روان مسحت دموعها : رجولي توجعني مو قادره اوقف
 خطواته هديـت وبعدها وقف بدون مايحس : ليش
 روآن بصوت مهزوز تهرج : واحد كلب جا اخد فلوسي ودفني في الارض 
 ليش مو قادر يحرك رجله ويكمل طريقـه مايدري
 يبا يستوعب الجملـه 
 اول لما رجآل جلال مسكوها كآن احساسه غيــر 
 ودحيــن غير 
 دحين جملتها زي السهم في نص قلبه جآت 
 وفآق على صوتها لما كملت : ابا اخرج من هنآ 
 مشي بلقوه مانطق بكلمـه 
 ثانيـه ثانيتين 
 تلاته اربـعه وبعدها قلبه رجع يدق طبيعي : خليكي معايا طيب لين ماأوصل 
 روآن : طـ طيب
 مايحب يسـرع 
 يمشي بطريقه نظآميه دايما 
 بس هيا ماخلت في عقله اي نظآم 
 ماحكته شي معاه على الخط وتبـكي 
 وبيخليها تكلمه عشان يطمن يسئلها كل شويا كيف رجلك 
 فيه احد حوليكي 
 ومايبى يسئلها ايش سولك 
 بس فكره انو فيه وحده تعيش دي الحيآه كاسرته 
 واللي كاسره انو ساير متعلق فيها 
 مو قادر يسيبها في نص الطريق ولا عارف لو كمل ايش نهايتهم ..
وصـل للحاره .. ودخل بسيارته للحواري الضيقـه ..بيمشي على وصفها 
 يطآلع حوليه ومو عارف ليش دخلللت هنآ 
 هوا مفجووع !!!!
ونزل من سيارته لما شافها جالسـه .. طفى السياره نزل 
 يقفل الباب وعينه عليها
 شكلها المنهااار 
 جلستها نظرتها كل شي مخليه يتوجه لها بدون عقل
 ايش يسوي لو وصل 
 يجلس جمبها يوووقف
 كدا مو عاارف
 لين ماوصل
 ووسندت يدها على الجدار ووقفت دوبـه وقف قبالها وهيا حضنته وبكيت 
 متخشببب مكآنه
 وهيا رجعت انهارت عندووو 
 حاسس بتنفسـها 
 حاسس بيدها اللي شاده على بلوزتـه
 مو عاارف يسوي اي شي 
 بس بعد لحظـآت رفع يده بتردد على شعرها 
 لحظه بتمر عليــه بيحس باأدق التفاااصيل 
 بشهقاتها بتنفسـها 
 بحركه يدها 
 بعكسها هيا اللي خلاص اكتفت انها تكون في حضنه وبكيت
 ايش بيسير مو مهتمه 
 تبا ترتآآآح 
 تعبت من الكل 
 مشااااعر بتكبــر بدي اللحظه 
 مشاعر انو يبا يتمسك فيها يبا يهديها 
 انو للليش دي البنت بتعيش دي الحيآآه 
 ليش محد راضي يرحمها 
 من يوم ماتعرف عليها لدحين هوا يشوفها ولازم تبكي

 رجعت جسمها لورا وهيا حاطه تقلها كلو على رجل وحده 
 رخت راسها ورفعت يدها وهيا تمسح دموعها 

 طالع حولينه
 دوبـه بيتكلم الا تعبت هيا من الوقفه وجلست 
 بس رفعت راسها وطالعت فيه 
 سحبتو بنظرتها 
 وجلس جمببها بعد مآكآن يباها تخرج من دا المكآن
: ايش اللي سار بينك وبين بشار
 مابتطالع فيه عينهها على الارض وجلستها تدل على انكسارها 
 نزل عينه يطالع في رجلها وبعده طالع فيها : روآن 
 ولاردت
 ولا طآلعتت
 المسـآفه اللي بينهم اختفت لما قرب وناداها للمرا التآنيه : رووآن
 ولا كأنه يكلمها 
 حط يدو على يدها : فهميني ايش سار معاكي
 روآن ولا طالعت بس اتكلمت بصوتها المهزوز : تكتشف .. بعد .. فتره ..فتره مرا طويله من عمرك .. كل شي ..كل شي ورا بعض _ طالعت فيه وقاالت بكل ضعف _ قلبي يوجعني مو قادره اسمع شي تآني
 تآمر ضاع الكلام منـو 
 عينه بعينها وقلبه هوا اللي وجعه بس شد على يدها 
 دا اللي قدر يسويـه 
 روآن رجعت تطالع بعشوائيـه وهيا مضيقه على عينها من الصدآع : بشار قلي انو عندي أم .. كنت عارفه .. بس قال انها طيبه .._ نزلت دموعها للمرا المليون بس بدون ماتتغير نبرة صوتها _ مافي ام طيبه كلهم وآحد كلهم يجيبونا على دي الدنيا عشان يرمونآ _ كملت وهيا تناقض نفسها _ بس بشار مايكدب .. يمكن طيبه ..بس انا مو طيبه ... خلوني مو طيبه ... _ ورجعت تربك كل شي فيه لمآ تطالع فيه _ انا ماباها ياتامر ماعندي قووه وربي مااعندي اي قوه ادي لأحد فرصه بحياتي وفي النهايه يسيبني ..ماباقي شي فيا يبو يقتلوني من الهم يبو يقتلوني من كتر ماأبكي ومن كتر قلبي مايوجعني محد راضي يحس فيا
 وشــدت على كلامها واتذمرت بصوت ألم وبكككى : راااسي يووووجعنننني
 كيف حيقدر يسيبها بعد كلامها دا 
 في اخر موقف كآن يحس انو اكبر منها ألف مرآ 
 وعقلها صغيــر
 بس هنآ 
 وف همها وبالألم اللي تمر فيه كل يوم 
 هيا اكبر منو بمرآحل
 لأول مرا مايعرف ينصح احد 
 بتشتت يهرج : تعالي السياره وحروح اشتريلك مسكن 
 اشرت براسها بالنفي: مابى اروح مكآن ابا اجلس هنآ
 يتكلم بنفس نبرة صوتها الهاديه : روان ايش مجلسك بدي الخرابه 
 روآن : خرابه صح ..؟ جاسم هنا خلاني اعيش ...اللله يــآآآآ
 وماكملت كلمتها لما رفع يده لوجهها وقاطعها : رووان خلااص خلااص 
 يمسحلها دموعها : لاتبكي أهدي عشان تقدري تفكري و
 قاطعته : افكككر في ايش _ وسعت عينها وقالت بعدم استيعاب _ قصدم كلام بشار 
 غير كلامها على طول : لا لو ماتبي امك خ
 قاطعته وهيا تفجعه كل مرا : لاتقووولي امك لاتتتكون زي بشااار وتقهرني
 تآمر نزل يده على ذراعها وبس بيهديها : خلاص طييب ...أنسي اللي قالو بشار سوي اللي تبيه سوي اللي يرضيكي
 اشرت براسها انو طيب
 نزل يده من علليها وبعدها قالت : ايش اللي حيرضيني ياتامر .؟ قولي انتا ايش بتسوي بحياتك ومبسوط ؟ _ رفعت يدها وتمسح دموعها _ كل النااس العاديه ايش يسوو عشان يكونو راضين بحياتهم ؟
 كاسرته نظرتها وهيا تستنى جوآب عشان تعرف كيف تعيش
 مرر لسانه على شفايفه مخنووووووق
 يحس كلامها كاابت على نفســه
 مو قادر يجاوبها : كيفها رجلك 
 نزلت عدسه عينها على رجلها ولأنها مابتحركها مو حا سه بشي : تمآم 
 تآمر وقف : قومي من دا المكآن
 ماعارضت سندت يدها على الجدر ووقفـت 
: دحين اجبلك السياره 
 انتبه للحزمـه : دي جزمتك ؟
 روآن اشرت براسها بدون ماتعلق
 راح اخدها ودخل السياره وحطها ... قرب السياره لحدها وهيا فكت الباب ودخلت .. 
حطت محغظتها وجوالها في النص 
 كل شي متغير فيها 
 جوالها لبسـها 
 بس نفسيتها الشي اللي مايتغير .. 
 :اوديكي المستشفى و
 روان قاطعته : مابى اروح مكآن 
 تآمر : بطلي عنآد 
 روآن نزلت عينها لأظافيرها وهيا تقشر المنآكير بعفاشـه ولا ردت 
 وهوا كمــل طريقـه مو عاارف ايش يقولها 
 الصمت طآغي عليــهم 
 نــص سـآعه لين مانتبـه لمحل اديداس وقف سيـآرته اخد جزمتها شاف مقاسها ونزل 
 وهيا ولا رفعت عينها 
 نص سااعه على نفس الوضعيه والجلسه
 راح اخدلها جزمـه مريحه وشراب 
 ورجع للسياره فك الكرتون واداها اللبسي ..
ماعلقت اخدت ولبسـت وهوا رجع وقـف عند صيدليه اخدلها بنادول ومويـآ ورجعلها 
 ومد يدو وللمرا التانيه برضو ماعلقت 
 حاولت تفك الكرتون مو راضي يتفك 
 هيا
 بالها بعيد وبتحاول تفك الكرتون بعفااشه
 وككأنه تبا تطلع حرتها فيـه مد يدو وحطها على يدها : هاتي انا افكو
 سحبت يدها منو و: انا اعرف
 قالتها بهجوميـه 
 عينو على الطريـق ويرجع يطالع فيـها وبرضو مو عارفه لين مارمت الكرتون بعصبيه : ماااابى شي اصلا 
 سندت جسمها على الكنبــه وضمت يدهات تحت صدرها وتتنفس بصوت مسموع 
 بيحاول يكون هادي : روآن أهدي قلتلك ا
 روان قاطعته وتهرج بصوت عالي : انا ااااباهم كلهم يخرجو من حياتي جاااسم وهديل وبشااار والزفت دي اللي جات كمان..مااابى احد .. _ ورجعت تناقض نفسها ورخت صوتها _ لا ابا ا هديل وابا بشار واباك انتا بس مابى احد تآني
 مو عااارف يتعامل معاااهااا 
: روان انا هنآ قلتلك متى ماتبيني حتلقيني بس اباكي تهدي _ مد يدو اخد علبه الدوآ _
وهيا اتكلمت : لاتفكككو مابا شي خلاص 
 ولا كأنو سامعها خرج الشريـط وبيد وحده كآن يضغط على الحبه الاولى وبعدها الحبه التآنيه 
 وبعدها مد يدو : خدي
 اخدت الحبوب وفكت الطآقه ورمتها ولا طالعت فيـه 
 تآمر رمش بعينه كدا مرا !!
بعد استيعاب : روان ! 
روان طالعت فيـه : نعم قلتلك مابااا خلاص ماتفهم
 طالع في الطريق مرر يدو على جبينه يبا يتمآلك نفسـه 
 ومو وقته يفصل عليها 
 ايش بتسوي مو عارف !!!!!
 : لإيش تبي توصلي ؟ 
 روان ردت بسرعه : ولاشي 
: حتاخدي الحبوب عشان ترتاحي 
: قلتلك ماحاخدها
: مو وقت عنآدك 
: انا حررره
 حركة يدو اللي على الدركسون تدل على انو مااااااسك نفسـه
 قال بحده مدموجه بهداوه : روان لاتستفزيني مو عدوك انا 
 تحرك رجلها بتوتر
 تقشر المنآكيرر
 تتنفس بصوت مسموع 
: مو انتا لما تتنرفز تسيبني على طول 
: مو وقت الكلام دا 
 طالعت فيه : اجل متى 
: لااتخرجيني عن طوري قلتلك حنسير نتفاهم 
 زادت حركه رجلها ورجعت تحط حرتها في المناكير اللي بيدها وتطالع بعشوائيـه في الطريـق
 قالت بعد صمـت : كداب .. انا عارفه انو محد يقدر يستحملني ... بشار يبا يوديني عندها عشان انا طفشتو وانتا مو قادر تستحملني .. وهديل تحب بشار .. كلكم تبوني اروحلها 
 كلامها مايدخل العقــل 
 بس حركه جسسمها هيا اللي مخليتو يحس انها مابتفكر اساسا 
 وقــف سيـآرته 
 دار جسمـه .. حط يدو على يدها وسار يضغط عليها : بشوويش على يدك ... روان سبتك مرا بس حجيكي الف مرا .. حاولي تسمعيني لما أكلمك حاولي تخرجي الكلام الاهبل دا من راسك .. 
يدها مابتحركها بسببو بس رجلها لسى تحرركها وبالعكس بتزيدها مع كلامه
 ونزل يده على فخذها : خلاااص ياروان 
 حاولت تنطق الكلمـه بين تنفسـها السريع : انـ انآ انآ خايفـه .. مابى ارجع 
: طيب ماحتروحي مكآن ..حقعد معآكي للوقت اللي تبيه 
 طالعت فيـه : بشار ماحيخليني 
: قوليلو انك عند ترف تبي تهدي وترتاحي وبعدها حترجعي 
 ضيقت على عينها واشرت براسها : طيب
 سحب جسمه واخد الدوآ وبعدها مدلها يدو : خدي ولو رميتيه حرميكي وراه 
 رفعتلو حوآجبها الاتنين وهوا ابتسملها ابتسامه بسيطه : يلا 
 مدت يدها واخدت الحبوب وبعدها شربت مويـآ 
 رفعت يدها وهيا تضغط على عيونها وجبينها ..وبعدهااخدت الجوال : حتصل على بشار
 دوبها ضغطت عليه وبسبب الاضائه بعدتو عنها : اتصلي عليه 
 اخد الجوال وادتو الباسورد ...وكل الارقام عندها محد مسجل : منتي مسجله رقمو ؟
: لا رقمو اغلبو واحد 
 لفته الرقم اساسا وهيا تهـرج اتصل واداها فكت اسبكر وحطت الجوال على رجلها ورجعت تضغط على عينها اليساار وعلى طول رررد : فييينك ياسميه فيينك لاتجنني اهلللي
 تامر سند جسمـه على الكرسي وهيا قالت بهدوء : عند صحبتي
 بشـآر : اهبل انا عشان مااعرف مين صحباتك
 روان : قول لهديل ترف وهيا حتعرفها 
 بشار : ايش تسوي عندها ارجعي و
 روان قاطعته : ماليا نفس سيبني بقعد لوحدي
 بشار : لين متى ؟ عشان اجي اخدك 
 روان : قلتلك سيبني انا متى ماأهدى حجي
 بشار : على اخر الليل يعني تبي تكوني في الشوارع 
 روان : انا في بيتها 
 بشار بهداوه : سميه انا قلتلك ماحيسير الا اللي تبيه حسوي اللي طلبتيه حقولها سميه تقولك ارجعي من فين ماجيتي اهم شي اهدي ماحغصبك على حاجه
 روآن : طيب وقولها لاترجع تآني
 بشار سكت ماتوقع دا ردها بس بعدها قال : اللي يريحك تبي شي تآني ؟ 
 روآن اخدت الجوال وقفلت الاسبكر حطتو على اذنها وقالت : بشار قوولها سميـه انحرقت ماتت اي شي بس ماتجي في يوم توقف قدآمي والله لو شوفتها ماحسامحك والله يابشار
 بشار قفــل منها وكالعـآده هوا في النــص
 كيف حيقول لأم مظلومــه بنتك ماتباكي !!!
وكيف يقنع سميـه باإنو امها طيبـه !!!
اتصـل على هديـل على طول .. : هلا حبيبي .. كيفك ... اكلتي ؟ .. طيب كنت بسألك تعرفي وحده اسمها ترف ؟ ... انتو مرا معاها ..؟ .. من فين تعرفوها ... اهاا .. يعني عادي سميه ممكن تروحلها لو اتضـآيقت ... طيـب كويس .. لا لما اوصل اقولك بس كنت بطمن حسبتها تكدب 


 قفــلت هديل والشي اللي خلاها تقول ايوا لأنو متأكده تآمر بالموضوع
 بس ليش روان مضـآيقه قلبها قبضها على طول 
 اتصلت بدون تفكير بس روآن ماردت 

 امـآ بشـآر راح اشترى اكل لهديـل وراجع مو عارف يرجع ويرتآح شويا 
 ولا روان تبا تشيب راسه اليـوم بجنانها
 بس وصــل بس وقـف سيارته طالع في الكيس اللي جمبـه 
 خرج العلبه العوديـه الصغيره ودخلها في جيب الجآكيت الجلد ..اخد اكياس الاكل ونزل .. 
واول مادخل اللوبي رفع حوآجبه لما شافها جالسـه 
 اتوجه لنآحيتها وقبـلأ لايتكلم وقفت : من اول استنآك 
:كآن قلتيلي انا اجيبك 
: لا خرجت مخنوقه اصلا من البيت وقلت اجي اشوفك بس مالقيتك 
 وماقدر يروح لهديـل بسبب امـه اللي جآت فجأه 
 حسها متضـآيقه فاجلس معاها ... لين ماصرف نفسـه ادى لهديـل بس الاكل ورجع يقعد مع امه 
: كيف حال البنآت 
 بشار : تمآم 
: سميه فيه .
 : لا بس هديل 
 امـه استغربت : انتا دوبك روحتلها 
 بشار باارتباك : جبتلها اكل على طريقي 
 حاولت ماتعلق : وسميه فين 
 بشار يبا يغير موضوع هديل سحب جسمه لطرف الكنبه واخد علبه العصيـر : عند صحبتها 
: مو انتا قلت دي صحبتها الوحيده 
 بشار : دي كبرت معاها ..تعتبرها اختها 
 امـه : اهاا 
 بشار : فيه موضوع بتكلم فيه معاكي حبيت تعرفيه مني قبل لاتسمعيه من برا 
 امه : ايش هوا ؟
 بشار :ام سميـه رجعت _ بهرج بشويش ومايبى يضايقها بس مايباها تسمع من احد _ كآن متزوجها 
 جالسه بجمود قالت بدون ماينهز اي شي فيها : دلال ؟
 بشار انكتتتتم بصدمه 
 بعدها حط علبه العصير على الطاوله : تعرفيها ؟
 ابتسمت بس كل شي جوتها وجعها : تتوقع الوحده لما يخونها زوجها ماتعرف ؟ لما عرفت انو عندو بنت بدا العمر شكيت انها بنتها 
 بشار بلع ريقه قلبه يوجعه على امـه : معلي
 قاطعته : انتا مالك صلاح والموضوع مو فارق معايا انا انجرحت من ابوك ليين خلااص ماسار يقدر ياأثر فيا 
 لحظـه صمت ..وبعدها هرج بشار : حتجي تثبت انو دي بنتها وانو .. ابويا خطفها من صغرها ..بس لدحين مو مستوعب انها ماكآنت تعرف شي عننا
 امـه : ابوك اتزوج قبلها وحده اسمها رنـآ وفي بدايه زواجنا طلعت عيني وكنت حطلب الطلاق بس اتمسك فيا وطلقها لأني حآمل ... وبععدها جابنا دبي نعيش عشان وساخته تكون في مدن تآنيه بس لو يخليني في اخر الدنيآ اعرف اللحظه اللي تدخل في حياه زوجي وحده واعرف اللحظه اللي يسيبهم فيها 
 بشـآر : ليش استحملتيه 
:.جهل ..غباااء ..انا مو ندمآنه لأني صبرت عليه بعد ماجبت حور ..بنتي تستاهل اللي سويته عشانها ..بس ماعرفت ليش صبرت عليه قبل لاأجيبها _ زفرت بضيق _ استغفرالله ..الحمدالله على كل حآل 
 سـآد الصممت بينهم 
 وبعدها استوعبت الموضوع : سميه لو رجعت لأمها هديل حتعيش معاها
 بشار : لا .. امها متزوجه 
 امه : فين اجل حتعيش 
 بشار بكدب : امم مدري سميـه اللي بتصرف عليها 
 امه : وسميه حتخلي البنت عايشه جمبك وانتا جبلها عشا يابشار اهتم فيها يابشار
 بشار : اممي البنت في حالها وانا بحالي ماجات على عشـآ ولا
 امه قاطعته : دي عااشت عند ابووك عارف ايش يعني عاشت عند ابوك 
 يطـآلع فيها وقلبه يدق بسـرعه كأنو ادتو كف بجملتها : ايش يعني !
عقدت حوآجبها : ايشش يعني !!!! الله واعلم ابوك ايش سووا فيـ
 بشار قاطعها على طوول : اممي قفلي الموضوع 
 تطالع في رجله اللي يهزها بسـرعه تعرف ولدها : ليش ..مافكرت ايش ممكن شافت منو ا
 بشار وقف : خـ خلاص امآنه ياأمي 
 واختفــى من قدآمها على طوول 
 كدا حس انو انخنننق 
 تمرر يدها في بعض واخر شي كآنت تتوقعه دا الموضوع 
 مستحيل تقدر تتقبـلها 
 ولدها عآدي يتعرف على مية وحده عارفته وعارفه بلاويـه 
 دي نقطه سودا وحيمحيـها من حياته 
 وقفـت واتوجهت لغرفـته بس لقتو في الحمام جلست على سريره وقالت بصوت عالي : انا هنآ استنآك 
 ولا رررد 
 الموضوع مخليها مرتبـكه بس تبا تهدى 
 طالعت في الجاكيت حق بشار مسكتو وحطتو عليها وتبـآ تطبقـه 
 ودخلت يدها في جيبـه خرجت العلبـه العوديـه اللي مكتوب عليها بالذهبي cartier
وطآح قلبها اول مافكت العلبه وشافت خاتم ألمآس 
 رجعت كل شي مكآنه وخرجت من الغرفه وهيا تاخد نفسها ورا بعض 
 اتجنن 
 متأكده انو اتجنن 
 فيه احد يفكككر بللي يفكر فيه ولدها !!!
ولدها يحب وحده ابوه عذبـها !!!!
البنت كيف رضيت على نفسها !!
اذا هوا اهبـل وانعمى بجمآالها ليش هيا راضيه 
 فلوووس ..؟!! تبا تنتقم !؟!! ايش نيتها 
 مآفي ام حتستوعب الموضوع 
 مافي ام حتبدأ تقول البنت دي طيبه 
 حيكون كل همها ولدها وبــس ..
البنت من اسلوبها بالكلام باين بريئه بس من خووفها 
 مافككرت غير انو الموضوع مجننون ومستححيل يتم ... 
حاولت تجلس على الكنبه حاولت تضبط انفـآسها 
 دا اللي بقالها بشـآر وبــس قد ايش اهتفى ماركزت بسبب الافكـآر اللي بتمر براسها 
 بس خررج وهوا بيحاول يكون طبيعي 
 واضح انو فيه شي بنفسه 
 تعرفه من طريقته لما يلعب بيده في اي شي جمبـه
 يشيلو يوحطو يرجع يمسكو ويطلع اصوات مزعجه كأنو طفــل 
 يوتر اللي حوليـه 
 وهوا بعالم لوحده 
 بعالم انو امه مو متقبـله هديـل وماعنده اسلوب عشان يحاول يقنعها 
 دي المشكله انو مايقدر يقنع احد بالشي اللي يحبو 
 ســـآعه مررت وهيا تتكلم وهوا يرد تعليقات اغلبها تدل على انو عقله مو معـآهآ
 لين ماسكتت 
 ماعجبها 
 ماعجببببها مرا الوضع ... 
اخدت شنطتها : انا حمر اسلم على هديـل وحمشي 
 بشـآر وقف ماحس انو شي غريب 
 اخر مرا امه حبتهم طبيعي حتجي وتمر عليهم .. : طيب
..تبيني انا اوديكي 
 امه : لا جيت بسيارتي 
 بشار حرك راسه : لما توصلي طمنيني 
 قرب وسلم على راسها وهيا خرجت 
 جلس على الكنبـه وكتب لهديـل " امي جايتك اول ماتخرج قوليلي "
ارسلتلو فيسات مفجوعه وهوا ابتسم لاشعوريا
 اتخيل شكلها وهيا مرتبكه خلاص كتبلها : احبك 
 هديل " بشاار انا لوحدي وي دقت دقت "
بشار " ههههههههههههههه يااخي اعشقك وانتي خايفه "
وساب جواله لما ماردت ...اننسدح على الكنبـه 
 ونفس الصدآع اللي روان بتحس فيه هوا بيحسـه 
 بس هوا من كتر التفكير 
 وهيا من كتر البكـى .. 

امـآ ام بشـآر دقت على هديـل وهديل سارت تعدل شعرها وبعدها فكت باارتباك 
 سلمت عليها : كيفك 
 هديل : كويسا _ فكتلها الباب وقالتلها تدخـل 


 لحظـآت توتتتر .. 
جلست هديـل وابتسمت .. وام بشار : سميه حتتاخر ؟
 هديل : مدري والله 
 ام بشـآر : ايش بتسوي لوحدك طول اليوم ؟
 هديل : ولاشي مع سميه بقعد بس اليوم خرجت مع بشار ولسى مارجعت
 ام بشـآر ماتدري انو هديل ماعندها خبر : اها ايوا صح قلي انو راحت لأمها اتوقع 
 هديل لانت ملامح وجهها حست انها مو عارفه تعلـق !
ام بشـآر ماقدرت تسكت بذات لما انتبهت لجزمـه بشار اللي محطوطه عند الباب 
 حريقه سارت جوتها !!
ولدها ايش بيسوي مع البنت 
 حاولت تتكلم بلطافه وجابت الموضوع من ناحيتها : هديـل كلامي دا اعتبريه لمصلحتك عارفه انو سميه حتعيش عند امها وبسبب ابو زوجها انتي مضطره تقعدي لوحدك هنآ لكن اللي بتسويه غلط ...غلط والله انك تعيشي هنآ وتحسبي اللي بتسويه شي طبيعي ..دا ولد جآسم خلي دا الاسم دايما في بالك .. ولدي حيأذيكي اعرفو حتجي لحظه ويسيبك وانتي شوفتي بسبب زوجي حاجات كتيـر فابلاشي ولدي يكمل اللي سواه ابـوه .. حمدالله دحين اتعدل وضعك عندك هويـه تقدري تتوظفي في اي مكآن ..قولي لسميه تستأجرلك اي مكآن بعيد عن بشار ولو ماقدرت انا عندي استعداد ادفعلك بس بعدي عنو 
 تتكلم 
 تتتتكلم 
 وهديــل ايش بتحــس 
 عارفييين لما يكون عندكم اممل وحيـد 
 بشار وروان وتجي وحده بكل بروود 
 تقول انو دول الاتنين اعتبريهم خلاص مافي 
 كلامها كلو تجرييييح 
 من بدايته لنهايته 
 وماسكتت بس هديل ماستوعبت ولا كلمـه بعدها
 تبتسملها وتقرب وتمسك يد هديـل وتحاول تفهمها 
 وكأنه حتقدر تستوعب 
 روآن راحت وماحتقدر تشوفها 
 بشاار امه ماتباها !!!وقفت لاشعوريـآ 
 ام بشـآر طالعت فيـها وقالت باارتباك : انا عارفه انو ماعندك اهل عشان كدا خايفه عليكي 
 هديل صدرها يطلع وينزل قالت وهيا بتحاول تبين انو عندها : انا عندي ماما 
 ام بشار اتفاجئت : مـآكنت ادري ان
 هديل قاطعتها : روان خلاص راحت ؟ 
 ام بشار حست انها دخلت في مواضيع المفروض ماكان تهرج فيها : مدري دا
 وسكتت اول مامشيت هدديل 
 مو عارفه ايش تسوي
 تطالع يمين ويسـآر 
 تاخد جوالها 
 ولا تخرج من دا المكآن 
 فين تررروح!كل عضله بجسمها مشدوده 
 خايفه من العالم اللي برااا 
 خايفه من كل شي 
 بشاار تبا بشـآر

 اتوجهت للبـآب وام بشـآر قامت على طوول ماتوقعت انها حتخرج كداا 
 وقبل لاتفكة حطت يدها على الباب : فيين حتروحي 
 هديل رفعت يدها اللي تتنافض على مقبض الباب : ابا اخرج 
 ام بشار : لاتفهميني غلط 
 هديل رفعت يدها وهيا تمسك بلوزتها : مخنووقه ابا اخرج
 ام بشار خاافت من ردة فعلها : لو ماعندك مكآن تآني اجلسي معليش مآكآن قصدي اضايقك 
 هديل بكدب : رايحه لماما 
 ام بشار جسمها سار يتنافض وهيا مو فاهمه شي : طيب ايش بك زعلتي في حآجه؟
 هديل اشرت براسها : لا
 ام بشار تطالع في البنت وخوفها مخليها تتوتر معاها : طيب اوصلك بطريقي احسن بلاشي تروحي لوحدك 
 هديل تحس الدنيا دارت فيـها 
 دموعها اتجمعت : لا حروح لوحدي 
 ام يشار : عشان خاطري خليها لبكرا طيب لاتروحي دحين واتصلي على امك يم
 هديل نزلت دموعها غصبا عنها: الله يخليكي بعدي ابا اخرج
 نزلت يدها من على الباب 
 مو قصدها تبكييها 
 مو سيئه ام بشـآر بس خوفها خلاها تسوي كدا 
 هديـل فكت الباب وبس عدت من عند ام بشااار وسارت وراها 
 لاشعوريا خرجت شهقتها المسموععــه 
 ماتدري انها دمرتهاا 
 قتلت كل شي كآن مخليها عايشـه 
 سميه سابتها !!! سميه عندها ام وماتقدر تعيش معاها عشان زوجها !!!
بشاااار خلاص ..المفروض تخرجو من حياتها 
 ام بشار واقفه عند الباب وتحس انها طردت البنت 
 ماتوقعت تخرج بدي السهوله
 مشيت وراهاا ودوبها مسكتها الا هديل سحبت يدها : خلاص خلاص ماشيه والله ماشيه 
 ام بشار انقهرت: والله ماباكي تمشي لاتفهميني غلط
 هديل طريقه تنفسها تفــجع 
 ام بشار رفعت اياديها الاتنين :أهدي ليش خايفه وترتيني والله معاكي 
 هديــل بككيت 
 كآن نفسها يكون ععندها كبرياء وماتنزل دمعه قدامها
 تقوم بكل جمود 
 وتخرج 
 ومايجي احد يهزها
 بس صعععب عليها الموضوع 
 سميــه اختتها وبشار روحها 
 سحبتهم منها في ثااانيه ومو قادره تتحكم بردة فعلها 
 حاولت تروح للمصـآعد وتبا تشرد من الكل 
 ماقدرت تسيبها تروح لوحدها كدا وعارفه انها ماحتقدر تسويلها شي 
 راحت لولدها بكل خــوف ودقـت عليه البآب .. 
اول مافتح وشاف تعابير امو : امي ايش بك 
 طالعت في اللممر الطويل واشرت ويدها تتنافض : مو عارفه ايش اسوي _ بلعت ريقها _ هديـل ه
 وماكملت كلمتها
 لما بشــآر رااح بسـرعه وقبـلأ لايدخل الغرفه لمحها عند المصـآعد : هددددديل

 اتوجه بخطوات سريعه ودوبه بيقفل المصــعد حط يدو وبعدها خرجها وهيا منكمشه على نفسها : سيبببني
 بشار : ايش ببك 
 هديل سحبت يدها بالقوه : ولاشي سيبني 
 ام بشــآر جات لعندهم : قلتلك انا اوصلك لأمك 
 بشار طالع فيها مفجوع : وليش توصليها 
 هديل دارت على المصعد وتضغط عليـه عشان يفتح 
 بشار رجع مسكها : فييين تبي ترووحي 
 ام بشار دفت يد بشار : بشوويش على البنت ايش ببك 
 بشار موسع عينه بصدمه : مجنننونه انتي تبي تروحي لأمك 
 ام بشـآر ماسكه هديـلأ : تعالي ادخلي اجلسي
 هديل :لا ابا امشي ابا ارووح 
 ام بشـآر تمشيها للغرفـه : خلاص حتروحي بس شويـآ 
 بشاار وااقف مصدوووم !!!!!!!
تبا تجننه !!! تبا تروح لأمها بعد كل اللي سار
 ام بشـآر دخلتها الغرفـه وجلستها على الكنبه : لاتبكي كدا خلاص سوي اللي يريحك 
 تبا تمسك ولدها وخلاص 
 ماتبى تتحمل ذنب احد انها تجرح وحده
 هيا طيبــه برغم اللي سوتـه 
 هديل بس بتبــكي 
 بشار دخل وسار واقف يكره لما يتحط في موقف يتفرج عليها ومايقدر يسوي شي 
 ام بشـآر : أهدي تبي تقعدي هنآ ا قعدي تبي تروحي لأمك انا بنفسي حود
 بشار قاطعها : يااامي ايش بككك _ قدم لين ماوصل لعندهم _ مالها روحه عند امها 
 ام بشار بصدمه : انتا ايش لك 
 بشار ضاع الكلام : ماحتروح مكآن _ طالع في هديـل _ هدديل اهجددي ططيب
 ام بشـار وقفت وجات لعنده وهيا تهمسلو : اطلع برا 
 بشار قابض على اياديه : امها اتصلت ؟ فهميني ايش ساار
 ام بشار على نفس النبره وندمت انها نادتو : ماسار شي ومالك صلاح 
 هديل هرجت بصوت متقطع :روآن رآ حـ ت ؟ روآن عندها ام 
 بشار على باله روآن كلمتها : لسى ماحتروح حتعيش هنآ 
 هديل كلامـه اكدلها غطت وجهها بيدها وبكككيت بكل صوتها 
 وهنـآ ام بشار استوعبببت الموضوع
 وهديل تاخد شهقاتها ورا بعــض 
 بشاااار وقف في مكآنه يبا يهديها مو قااادر 
 بس كل شي فاضحه 
 نظرة عينه لوحدها فيها الف كلمـه : هديل بقولك ماحتروح 
 هديل ولا كأنها سامعتـه ..مسحت دموعها ..وقفت : أنا ماشيه 
 قالتها بكل جمود 
 بشار : فين تبي تروحي 
: ماما بروح لمآمآ
 بشار جا لعندها ورفع صوووته : لاتجنننيني بقوولك وتجيبيلي سيره امك 
 ام بشار دفتو : بشااار ااايش بك 
 بشار وجهه محمر مع العصبيـه وهديــل مشيييت وهوا ووولع لما شافها مابتديه وجه 
 ولا ترد عليـه 
 ماشيه بكل ثقـه بااتجاه الباااب 
 شاف الشياطين ينطو قدامه مسسكها من يدها وقال وهوا متنننرفز : هددددديل هدددديل لاتتتتعصبيني تراا وربي ماتعرفيني 
 امه تحس انها جابت العيــد 
 ايش اللي قاعد يسير مو عااارفه بس بتحاول تبعد البنت عن ولدها اللي كل مالو يخرج عن طوره 
: للليش تبي ترووحي ايش دخل سمميه في امك دحيين 
 هديل : آآآي يدددي سيبببني 
 ام بشاار : سيب البنت في حآلها 
 بشار ولا كأنه ماسكها من يدها بكل قووته : قوليلي ايشش دخخخل امك في سممميه 
 هديل : مالك صلاااح انا ابا امشي ابا ابا اروح 
 بشار عييونه محمره قال بعصبيه لكن من جوته خايف من كلامها : وووربي مالك خرجه من هنا فهمممتي
 امه : ااننااا بكلممممك سيب الببنت 
 بشار حرك راسه : طيب طيب حسيبها 
 ساب يدها واتوجه للباب قفـــلو بعصبيـه وطالع فيهم : للللليش تبي تروحي لأمككك
 هديـل تطالع في امو وببشـآر 
 محطووطه في موقف غبــي ومقهوره 
 انسحبت بكل هدوء للغرفه وقفــلت على نفسـها وبشار راح يدق الباب وهنا امــه عصبت عليه : اممشي انتا ماتفهم _ وطت صوتها _ انتا باأي حق تدخل هنآ بااي حق تكلمها بدا الاسلوب
 سحب امــه بعيد عن الغرف وقال بتوتر : اممي انتي كنتي معاها ايش ساار 
: البنت قالت مالك صلااح خلاص 
 بشار ضااغط على قبضه يده : تعرفي اللي سار الله يخليكي لو تعرفي قوليلي 
: اااايش تبا تعرف لاتجنني خلاااض وحده تبا تروح لأمها انتا ايش دخلك بينهم اااايش دخلك
 بشار يرفع يده يمررها على جبينه بيمسك اعصاااابه بقدر الامكآن : امـ ي .. امها زي ابويا وحده مالها ضميـر ماحت
 امه قاطعته : امها لو كآنت اقذر مخلووق دي امها ومالك حق تتتكلم معاها كدا 
 بشار : هيا ماكانت تبا تروحلها ايش اللي غير كلامها دحين ايش اللي سار 
 امه : ماسار شي سيب البنت دي في حالها يابشار بس ترتاح حوديها بنفسي لأمها 
 بشار وسع عينه : امممممممممي لاتتتتتجنيني وووربي مالها خرررجه وربي مالها خرجه 
 اممه بصدمه : اسسستحي على وجهههك 
 بشار : افهميني امهـآ ت
 امه قاطعتـه : اطلع من هنآ انا حتفاهم مع البنت 
 بشار : ماحطلع ابا اتكلم معاها 
 امه : بشااار استحي على وجهك واعملي قيمه على الاقل 
 بشار مسك يد امـه : اسمعيني امي انا اباها ماسويت اي غلط وربي معاها .. لاتخليها تـروح لات
 امه قاطعته : تبا تاخد وحده عاشت عند ابووك .. قد سئلتها اذا ابوك لمسها ولا لا
 بشار سحب يده على طوول 
 امه تتكلم بقهر : تتوقع ابوك ماسوا في البنات 
 بشار : امممي بس بس الله يخليكي 
 امه تهمممس بقهر : دي الحقيقه صدقني ديي كآنت لعبه عند ابوك من صغرررها اسئلها كم مرا لمسسسها 
 بشار : ماقد لمسها 
 امه : كل النآآس تهرج عن الموضوع وايش كآن يسوي فيهم الا انتا ماتبا تصدق دا الموضوع 
 بشار يهرج بضعف قهر امه : امي والله مالمسها 
 امه : ياااولدي ايش ببك دي مو من مستواك وربي مو من مستوآك 
 بشاار : لا لا انا ولد جآسم هيا اللي رضيت فيا مو انا اللي راضي فيها 
 امه رفعت يدها بتمسكو الا بعد يدها : محد لمسسها 
 امه رفعت صوووتها : لو ابوك مالمسها عيال الشوارع لمسوها دي كآنت بدون احددد للليش ماتبى تفهم
 بشار بعد عنها وسار يرووح ويجي عارف انو حيكسر اي شي قدامه 
 بس بيمسك نفســه 
 مو شاكك فيـها 
 بس محرووق من الكلام 


 امــآ هديــل 
 تحاول تخفف ألم قلبــها 
 تحاول تستوعب انو كل شي انتهى بعينها 
 واول ماسمعت جملـه ام بشـآر الاخيـره
 رفعت راسها من على ركبتها 
 هنــآ بسسسس
 الجمله حرقتتتتها 
 حرقت قلببها 
 دا كتتتر موضوع تعبت فيــه وهيا تحاول تصوون نفسها 
 وتجي وحده تتهمها فيـه عشان شي الكل بيحلله ويتوقـعه !
ماتباها لولدها بكيفها 
 بس ماتتكلم عن شرفــها 
 رفعت جسمها وفكــت الباب ..ودي كآنت اول لحظـه هديـل تكون فيها بدي القوه 
 الاتنين اتنقلت عينهم عليـها واتكلمت بكل هجوميـه : لو انااا زوجك لمسنني كآن اتقرفت حتى اطالع بوولده ...لو انا خليييت احد لمسني وكنت من بنآت الشوارع اللي بتقولي عنهم كآن اول واحد بشار عرفف مو عشان انا حقوله لا عشااان هوآ ادرى بدول البنآت ... _ طالعت في بشار _ انا حروح لمآمآ ومالك حق توقـف بطريقي 
 بشار : هدديل قوليلي ليش تبي تروحيلها فجأه فهمميني على الاقل 
 هديل : سميـه ورايحه انا ايش اسوي هنآ !؟! 
بشار طالع في امـه نفس الجملـه اللي قالتلو هيا قبل لاتخرج من عنده 
 ام بشار ضمت يدها تحت صدرها وشتت نظرها عن ولدها 
 بشار جا يقرب من هديل وهديل رجعت على ورا : الله يخليك سيبني امشي 
 بشار وطى صوتـه وهوا يهمسلها : ماحتروحي انا حلفت 
 هديل : حتحبسني لمتى .؟ اليوم بكرا بعدو مصيري حروح 
 بشار قلبه يدق بسـرعه : هديل
 هديل شتت نظرها عنه وقالت من ورا قلبها : انا ابا امشي ولو ماخليتني ا مشي حدخل غرفتي واقفل الباب لين ماحتخرررج ووقتها ماحتلقاني 
 بشار جا يمسك يدها وهيا صرخت علييه : بعععععد بقوولك خخخلاص خرجني من راااسك طيب .. افتحلي الباب وخليني اخررج انا ماابا اجلس هنا
: ماحتروحي
 وقبــل لايكمل الكلمـه نزلت دموعها ورجعت دخلت الغرفـه وقفلت الباب بكل قوتـه

 قبــل ان تنتهي تلـك الجلسـه الغريبه بنسبه لهم ... 
مشاعر عفويـه 
 كلام مشتت 
 ولكن يعني الكتير ... 

 : لا لو اتخرجت ححاول اكون ميكب اب ارتست احس دا ميولي 
 ترف ابتسمتلها : ماشالله انا مرا ماليا في المكيآج ..يعني اعرف لنفسي بس
 لمى رجعت كوب القهوه : خليني في يوم اللعب فيكي 
 ترف : هههههههههه لا بلله
 لمى زادت ابتسامتها : اخواني مايخلوني اسويلهم
 ترف : هههههههههههههههه والله حقيرين مايستحو
 لمى : ههههههههههه_ رفعت يدها على الطاوله وصمتت الجوال _ 
ترف :فيه احد بيزعجك 
 لمى : لا دا عدي 
 ترف : طيب ردي ليش مطنشته 
 لمى منحرجه ترد واحد جمبها اصلا ماتحب تكلمه وحوليها احد : طيب
 ماتوقعت ترف انها مستحيـه ترد 
 مؤؤؤؤؤؤؤؤدبــه بشكل فضيــع 
 عكس ترف مرا 
 اصلا اخوانها كلهم تحسهم محترمين بزياده الا هيا ماتدري طالعه على مين بشرها 
 ردت على عدي وبعدت الجوال على طول لما صرخ : مااابااقي الا ابوس يدك عشان تردي عليا
 ترف وصلها صوته وانفجعت ولو لمى مابتسمت كآنت قالت ماتتغير 
 رجعت الجوال وتلعب بطرف الطاوله وتهرج : ماكنت فاضيه 
 عدي : طبببعا انا الوقت الاضافي حقك طفشاانه _ يقلد نبرة صوتها _ اوووه فيه عدي خليني اضيع وقتي معاه
 لمى تضحك بصوت هادي ووجهها محمر : هههههههه لا مو كدا بس
 عدي : اسمعي دي الاغنيه من اول اسمعها وبتصل عليكي عشان اهديكي هيا 
 مو سايبلها مجآل تقوله انا مشغوله : عدي 
 وهوا شغل الاغنيـه 
 الحب شي مر وحلو والحب منه ما قتل
 تباً له ما أجمله، رغم انه أحياناً يذل
 يعني اذا اتعلقت فيك، شك وزعل
 رفقاً ترا قلبي الصغير لا يحتمل، لا يحتمل
: ها حتقتليني لو خنتك ولا زعلتي عليا 
 لمى : هههههههههه جرب وشوف
 عدي : يختي على العنيفه حقتي _ يتكلم وهوا ضاغط على نفسه _ اكككلك يااشيخه
 لمى : ههههههههه عدي انا مو في البيت 
 عدي : اما في السوق ؟
 لمى : في كآفي 
 عدي بتفاجئ : اخصصص ياحركات
 لمى : هههههههههه عدي بعدين اكلمك
 عدي دوبه استتتوعب هرجه تررف :اووه طيب طيب يلا مع سلامه 
 قفل على طوول من غير مايسمع ردها 
 امـآ ترف لاشعوريا كآنت تبتسم لضحكات لمى الهاديـه .. 
اول ماقفـلت ...كل وحده حتبدأ حياه جديده ... حتنسو معاناتهم وحيدخلو للحيآه الزوجيـه 
 خرجو من الكآفي .. ومشيو في المول ولمى بيدها ايس كريم وبتآكل .. 
طالعت في ترف : دي اول مرا اخرج من غير اخواني او ماما 
 ترف : اما 
 لمى : ماما مرا تخاف وعندها وسوسه
 ترف : وحتى مع صحباتك
 لمى : ماعندي صحبات هما اخواني الوحيدين اللي عندي
 ترف استغربت مرا هيا ماعندها صحبات لأنو ماتثق في احد
 وبسبب المشاكل وظروفها كآن اكبر منو انو تدور على صحبات اول ماتخرج من السجن
 خلود اغنتها عن الكل ... بس لو كآنت في حياتها الطبيعيه 
 وتدرس في جامعه
 حتكون مرا اجتماعيه 
 وبعدها استوعبت انو احتمآل لمى كدا بسبب الضرب ..
كلام خفــيف 
 معلومآت بسيطه كل وحده تنصدم فيها من التآنيه 
 فرق الحيآه بينهم وآضح 
 من الشكل الخارجي واضح كيف لما اتعمقـو بالكلام .. 
تميم اخد لمـى وقالتلهم انا حجلـس واتوجهت للمحـل 
 ماتوقعها تـرجع ...وميرننناا اول كآنت تتفرج عليهم مستمتعه 
 بس دحيين الاستمتآآآع زاااد 
 جآت لعنده : ماشتقتلي 
 براء : ههههههه انتي عارفه دا الاسلوب حينقلب عليكي 
 ترف : هههههههههه وي بسئلك انا 
 براء : طيب يابريئه اكيد وحشتيني عارف انك قريبه مني ومو قادر اخرجلك 
 ترف ابتسمت وهوا كمل : كيف الجلسه 
 ترف : انبسطت حسيت برااحه مع اني مااعرفها ولاتعرفني بس _ ماعرفت ايش تقول _ مدري شعور غريب
 براء : ايش مآكآنت اختك 
 ترف : دا اللي مخلي كل شي غريب احسها عكسي في حآجآت كتير بس يمكن لأنها اختي مابدور في ايش نتشابه ابا اعرف كيف طبايعها وهيا نفس الشي 
 براء ابتسملها وفرحتهاا يحسها تفرحـه هوا .. 
وخرج معـآهآ يوصلـها لبيـتها وهمـآ قريـب اتصل عل محمود يسئله فين سآمي ولساته بيلعب معاه 
 قفل منو ووقف سيـآرته عند العماره : خليه يبات اليوم 
 ترف : للليش ! 
براء : تلقيه مكسوف يطالع فيـكي 
 ترف : وي ليش
 براء : ههههههه يعني انك حتتزوجي 
 ترف : يااااربي ا
 براء قاطعها : ياترف بطلي اوفر تراه رجآل 
 ترف شويا وتبكي : مابى ازعلو واقهرو 
 براء : ماعليكي انا دحين حرجع البيت وحجلس معاه و حكون له الاب المثالي ايش تبي اكتر 
 الكلمه وترتها مسكت شنطتها باارتباك : بشويش عليه 
 براء : حصورلك كيف انا محترم معاه 
 ترف انفجعت : ههههههههه براااء بطل كدددب والله لو سويتلو شي ياويلك 
 براء :انا ماعرف اتعامل مع احد معامله خاصه يعني لو سرت عفش لأني كدا مع محمود 
 ترف : اخوك ياااقلبي يستاهل ديك المعامله ولدددي حبيبي مايتحمل لو رفعت صوتك ماينام عشره ايام 
 براء : هههههههههههههههههههه والله انا وسامي مرا ماحنتفق
 ترف بخوف : برااااء 
 براء : هههههههههههه ححاول ححاول ياقلبي
 ترف فكت الباب : يلا خليني انزل وا
 براء طفى السياره وهيا انفجعت : خير ؟!
براء : بطلع اوصلك 
 ترف : ههههههههه لا مشكور مانبى خدماتك 
 براء ولا يطالع فيـها يلم عفشـه : لا وي يااشيخه انا مرتي تطلع لوحدها 
 ترف : هههههههههه برااء اهجد وخليك هنـآ ترا ادل باب بيتي 
 براء : اجل تعالي بقولك هرجه 
 ترف : هههههههههه اجلس مكآآآنك 
 براء فتح باب سيارته واشرلها براسه : انزلي انزلي 
 ونزل وقفل الباب وهيا نزلت مفجوعه واول ماجا لحدها رفعت صباعها : ماحتدخل ترا 
 براء مسك صباعه ونزله : يامجنونه حدخل فيـن قلتلك بوصلك لبابك ونازل
 ترف تطالع فيه وهيا مو مرتاحه : ماصدقك شكلك مايخلي الواحد يرتاح كم مرا اقولك 
 براء : ههههههههههههههههه طيب تعالي اثبتلك 
 مسك يدها ودخلو العمـآره وهيا لساتها مو واثقـه فيه وهوا مبتسم ويتكلم : خلاص ايش بك 
 ترف : قد احد قلك انو وجهك مايطمنك يعني من الناس انتا اللي يطالع فيك ويقول شريررر دا الادمي
 براء : هههههههههههههههههه الا لما اكشر بس وانا مبتسم اسير حبوب 
 ترف : يختتتي على الدلع 
 براء : ههههههههههههههههههههه 
 طلعو الدرج وهمآ يتكلمو وصلت وفكـت الباب دارت عليـه وسارت قبـآله بزبـط : يلا شكرا على التوصيل
 حط يدو على وسطها : حتوحشيني 
 ترف وجهها حمر : جيب بكرا سامي وانتا حتشوفني
 اخـدهم الكلام وبدأ يرتخي الصــوت وبدأت نظرآتــه تركز بكل تفآصيـللها 
 ومع تمتمآته الهاديـه دخل معاها البيت
 وقـفل الباب وراه بكل هدوء ..


لاتعرف ما معنى ان يحبك شخص متعب ..شخص رغم مرارة داخله يحاول ان يحبك بكل حلاوة العآلم


 اجوواء مشحونه .. 
زي الضـآيع بينهم ... عارف انو ساير شي بس مو داري ايش هوآآ 
 خايف عليــها وخايف من نفسـه لايسوي شي مجنننون 

: ايش قلتيلها ياأمي
 امه محرووقه لأنها شايفته مشتت : حررام عليك اللي بتسويه بنفسك البنت ماتباك ا
 بشار قاطعها : ماتباني بسببك ايش قلتيلها 
 ام بشـآر : قلتلها الكلام اللي لازم تستوعبه انتا وهيـآ تضحكه على نفسكم بالكلام الفاضي اللي بتسوه ..وأهو هيا استوعبت وتباك تبعد وانتا مو راضي !!! خلي عندك كرآمه ياولدي وسيب البنت تعيش حياتها 
 بشار : والله ماحتعيش ,,انا عارفها لو خرجت ايش حتسوي 
 ام بشار بعدم استيعااب : كمممان !!! بشاار انتا صااحي !!
بشار : ياأمي ماعندها احددد ارحميها عمرك ماكنتي كدا
 ام بشار : حرحمها بس تبعد عنك وانتا ترجع لعقلك 
 بشار : انا بعقلللي والله لأول مرا اكون بعقلي 
 بشـآر اتوجه للكنب وجلسسس ..مو عارف ايش يسـوي 
 سند اكوآعه على ركبه ومخلل اصابعه في شعععره 
 يحرررك رجلله بطريقه سريـــعه 
 كيف حيخرج ويضمن انها تقعد هنآ 
 حيسجنها عندو !!!
مصيرها تسيبو 
 مصيرها حتخرج 
 عارف انها ماحترضى تجلس بعد كلام امه
 ولو جلست عشان سميـه حتنهي كل شي بينهم 
 جآت جلست جمبـه وتهرج بهدوء : روح لغرفتـك 
 بشار ولا غير وضعيته : لا ماحخرج
 امه : لاحول ولا قوه الا بلله 
 فكره تجيه 
 وفكرره تجننه 
 وكلها انو مسأله وقت وهديل حتختفي من حياته ..
عقد حوآجبه 
 حرر 
 انخنــق
 فجأه ضااق عليه المكآن
 رفع يده يمررها على صدره 
 فجعهآ مسكت يدو ونزلتها وتباه يتكلم معاها : ايش تباا قولي
 بشار على طول طالع فيها : كلميها 
 قالت بضعف : حرام عليك اللي تسويه 
 بشار : اممي 
 كل مايقول اممي يوجعلها قلبـها 
 كمــل بااسلوب فجعها بااسلوب انو يشتكي ومو طبعه يشتكي بدا الاسلوب : طول عمري كنت مخنوق من حيآتي .. من يوم ماشوفت غاليه تموت عمري مانومت مرتاح ...عمري ماعشت مرتاح .. بس حياتي اتغيرت دحين .. مستكثره عليا الفرحه ..؟
 اشرت على نفسها : انا !؟... انا كل اللي اتمناه اني اشوفك مبسوط
 بشار :طيب انتي عمرك شوفتيني مبسوط ؟ عمرك حسيتيني كنت مبسوط ؟ انا دحين على قد مايوجعني انو حوور راحت من حيآتي بس هديل اللي مديتني امل عشان اكممل ..سامعه كيف النآس يهرجو عن اختي .؟ سامعه كيف بيهرجو عن ابـويا ..؟؟ كل يوووم اسمع دي المواضيع كل ييوم ااننحرق ومابى اجي انكد عليكي هيا الوحيده اللي كآنت تسمعني ...لاتوقفي بطريقي محد حيسعدني غيرها وربي ماحتشوفني مبسوط الا معاها
 بس حركت راسها بالنفي وتباه يستوعب 
 الا اتغير صوت تنفسـه 
 نقطططه ضعفهاا 
 نزلت دموعــه : اسمعيني انا سرت اخاف من نفسي _ ياخد انفاسه ورا بعض ويتكلم _ اناا تعببت لو اتغير شي بسيط في حياتي ماحقدر اتحمل لو خرجت من حيآتي ماحدري ايش اسوي
 اتجمعت دموعها بقهر 
 حتقدر تقول لاا !؟
 من صغره بيعاني 
 من صغره كآن مظلوم بقلة الاهتمام 
 وبسبب اعمآمه 
 وبعد اللي سار في حوور دا روحها اللي مصبرها على الحيآه
 ماتوقعت انها ترضى بس لما ولدك فجأه يسير رجآل ودمعتـه تنزل قدآمك 
 صعبه على الأم تشوفها 
 لما يتنفــس بدي الطريقـه تخااف وماتعرف ايش تسوي 
 رفعت يدها ومسحتلو دموعـه وقالت من ورا قلبها : سوي اللي يريحك 
 بشار عقد حوآجبه 
 وهيا تتكلم ويدها تتنافض : كنت اباك مبسوط مابى احد يتكلم عنك زياده
 بشار بيحاول يهدا : امي النآس مو راحمتني من الهرج محد داري هديل ايش حكآيتها انا ولد الكلب اللي بيهرجو عنو 
 اتكلمت بقهر : خلااص انتا اللي سجنتو كلهم عارفين انك مارضيت على اختك ولا على نفسك .
تمرر يدها على شعره وتطالع فيه وكأنه الامل الوحيد بحياتها : سيبك من جآسم .. _ سكتت وبعدها قالت _ايش نهايتك مع دي البنت ؟ 
 بشار : اباها وربي مابغلط معاها بس كل اللي بيسير حوليا مخليني مو قادر اكلمك ولا اكلمها في الموضوع مكسوف اني انبسط واختي 
 قاطعتـه : الله يرحمـها .. 
نزلت عدسـه عينها وماتبى دمعتها تنزل 
 مستصعبه المووضوع : انا ابا امشي .. بس قولها اللي عندك وارجع لغرفتك يابشار
 وقفت وبشار وقـف وحضنها كآنت بتسحب نفسها بس ماخلاها حط راسه على كتفـها وقال : يهمني رضاكي والله يهمني 
 صوتها اهتز وقالت بضعف : ماعندي غيرك ماححرمك من الشي اللي تباه 
 بعدت عنو وهيا حاسه انفـآسه سريـعه مررت يدها على ذراعه : أهدى ..انا تهمني سعادتك خلي دا الشي في بالك 
 بشار حرك رآسـه وهيا خرجت بكل هدوووء بعد ماباس راسـها 
 اتوجهت للمسـآعد نزلت للموآقف واول ماركبت سياره اول ماشغلت السياره بكيــت 
 محد يقدر يلومهآ ...
دا الوحيد اللي عندها 
 تبا تحميـه من الكل 
 خايفه انو ينجرح في يوم .. وخافت اكتر لما شافتو اليـوم 
 بس بتستودعـه الله بتدعيله اذا البنت فيها شر يبعدها عنــو
 واذا حتسعده يتممله على خيــر ... حتى لو كآنت هيا مو راضيه 
 حتى لو على حسآب سعادتها .. اهم شي هوا مرتاح 



 امـآ فوق .. 
راح قفـل الباب اول ماأمه خرجت واتوجه للغرفه دوبــه بيمد الباب ويدق الا وقـف شويا 
 يبا يرتآآح ..ودقـآيق ودق البآب : هدديل ... هددديل
 ولا ردت عليـه 
 فتح البـآب ولقاها مسدوحه ومتغطيـه بلحـآف وشهقاتها الخفيفه سامعها ..
جا لحدهـآ جلس عند راسـها كآن بيرفع اللحاف الا مسكتو : سيبني 
: امي راحت 
: وانا حروح 
: لا ماحتروحي مكآن 
 جلست على طول ووجهها محممر اتكلمت بعصبيـه : حرووووح ومالك كلمه عليا 
: فين تبي تروحي 
: عند ماما 
: عارفه اني حقتلك لو روحتي هنآك 
 دفتو بقهر : مو على كيفك ها .. انا حره اسسوي اللي اباه
 بعد اللحاف عنها ومد يدو : تعالي معايا 
 دفت يدو : رووح ... ترا بجددد مابمززح يابشاار 
: قلت لأمي إني اباكي هديل ايش ماقالتلك هيا ماكانت فاهمه شي 
: اهااا يعني دحين فهمت ؟
 بشار : ايوا وماحتوقف في طريقنا وربي انا قد كلمتي وماحسيبك
 هديل : مااابى يااخي انا عندي كررامه _ اشرت على نفسها بقهههر _ اناااا وحده اتربت في الشاارع سمعتهااا كيف تهرج عنني امك على عيني وعلى راااسي بسس خلاااص انا ماحعيش طول عمري مذلوووله ...كآن بيمسكها الا دفت يدو مرا تانيه _ بشااار انا تعبببت تعببت من الاهاانه سميه بعد دا العمر رايحه وتسيبني .. ووامك تبا تدييني فلوس عشان اسيبك خلاااص هنا كفااايه بجد كفااايه ماعندي اهلل بس عندي احسسساس يااخي عندي مشااعر مني حييوانه جايبينها ومنتو عارفين فين تصرفووها انا اعرف اعيش نفسي بنفسي ...وربي كلااام امك حرقننني 
 مسك يدها وباسها ودموعه بعينه : انا اسف بس والله مآكآنت فاهمه تحسبك نزوه بحياتي هيا عارفتني وربي المشكله مو فيكي فياا .. انا الوووسخ .. عارفه ولدها 
 هديل حركت راسها : لا لا هيا مو واثقه في تتربيي ا
 بشار مايبى يسمعها وقف : قوومي ياهدديل 
 هديل : اطلع برا واقفل الباب انا متى ماارتاح حمشي و
 بشار : ماحتمممشي وربي مالك خرجه من هنآ 
 هديل ولا طالعالت فيـه 
 مد يدو : تعالي 
 هديل : مابى 
: هديل تعالي
 طنشتـه ولا ردت ... 
وفي ثانيــه شالها من على السرير وهيا صــرخت : بشاااار نززلني 
 بشار شالها وخارج لبرا الغرفــه بكل خفه وكأنها لعبه عندو : قلتلك قومي بالطيب 
 هديــل تحاول ينزلها ولا كأنه بيسمعلها واول ماخرج برا الغرفـه انفجعت : بشااار فين راايح 
 بشار : اسكتي ولا تفضحينا 
 خفت حركــة جسمها محوطه يدها حولين رقبته : نزلني 
 بشار ابتسم لأنه ماحسها من قلبها زي اول : دحين حنزلك اصبري 
 ماشي بالممر الطويــل الفـآضي ويباها تهدى : ان شالله في يوم حكون شايلك كدا بس حتكوني لابسـه فستآن ابيض 
 هديل نزلت دموعها :بشااار اسسكتتت 
 بشار : وربي يااهديل دامني عايش حيجي دا اليوم 
 حطت راسها على كتفـو وعلى الوجع اللي تحسو من كلام امـه قالت : امك ماتحبني 
 بشار دخل الغرفـه وقفل الباب برجلو : امي تحبني اكتر من الدنيا كلها واللي سوتـه غصبا عنها لأنه مو عارفه انتي مين ..وانا ايش اعتبرك 
 ماعلقت الا لما دخلها غرفتـه وهنا انفجعت : بشارايش تببا 

 مانزلها الا لما وصـل لحد السرير جلس واشر على فخده : تعالي هنآ
 رفعتلـو حآجبها ومد يدو سحبها وجلسـها : تعالي من كلمه وحده طيب ياعمري
 سحب الجآكيت اللي جمبـه وهيا راخيـه راسها من كتر مو مستحيـه 
 خرج العلبـه : مو انتي دلوعه بشـآر
 طالعت فيه ورجعت رخت عينها 
 رجع شعرها ورا اذنها : انتي رووحي عارفه ايش يعني روحي ..لو تفكري يوم تبعدي عني وربي انا حضيـع لو تحبيني لو تخآفي عليا خليكي جمبي 
 هديل بدون ماتطالع فيـه : مو قادره ا
 بشار قاطعها واتكلم بااسلوب هادي : لو عندك اهل ياهديل كآن رفضوني بسبب ابويا كآن قالو ايش تبي بواحد سمعته وسخه كآن وقفه بطريقنا وماسار نصيب بيننا دول الاهل يخافو علينا من اي شي ممكن يجرحنا ..امي بتمر بحاجات فوق طاقتها اعذريها عارفه انها جرحتك بس كلنا تعباننين كلنا مو عارفين ايش نسوي انا حعوضك عن كلام امي بس اعذريها بججدد اعذريها بنتها وزوجها راحو بنفس اليوم _ رفع يدو ويمررها على شعرها _ امي قالت كلام مو طبعها تقوله بس قالته لأنه خايفه وانا قلتلها اني اباكي وعلاقتنا مستحيل تستمر بدا الشكل _ فتح العلبـه وطالعت في الخاتم وقلبها يدق بسـرعه _ خرج الخـآتم ومسك يدها اليمين ودخلو بصبـآعها وباس يدها _ ككنت ابا اللبسك هوآ يوم خطوبتنآ بس اباكي تعرفي انه انتي كل شي بنسبه ليا ماحيفرق اليوم ولا بكــرا ولا يوم الخطوبـه انا من يوم ماقلتلك احبك نطقتها وانا عارف ليش بقولها لكي.. من يوم مامسكت يدك وخرجتك من عندك امك وانا احس مالو حق احد يجي ياخدك منني .. هدديل عمري ماشتكيت لأمي بس اليوم قلتلها قد ايش انا بدونك ولاشي _ نزلت دموعه _ انا ضعيف عندك وربي اكون اضعف انسان لما اشوفك 
 تسسمع كلامه ودقااات قلبها وراا بعض 
 صوتــه المهزوز في كل مرا يعبرلها عن حبـه 
 قددد ايش صوته يريحها 
 قد ايش تحسسه صاااادق
 يحبها من قلللب لدرجه انها تنسى كل شي يوجعها 
 تنسى كل شي وتفكر فيـه هوا وبـس 
 حوطت يدها حولين رقبتـه وحضنتــه بكل قوتها وبككككيت 
 بكيــت لأنه تحس دا الأمــآن 
 ربي عوضــهابعد مشوووار متعبب طووويل 
 اتهـــدت 
 اتهــــدت 
 ووصلت لنهـآيه الطريــق
 وحست انو خلاص هنـآ نهايتها 
 وجا سحبها دا الانسـآن وبسبب حبـه ليها قاعد 
 يمحي جرح جرح جوتها 
 امــه جرحتها بس لأنها أم سوت كدا 
 ولأنها ام اتنازلت بدي السهولـه 
 وهيا تتمنى انها تلقى ربـع الشي اللي سوتـه ام بشـآر لولدها ..
ومن طيبتـها تفكــر بدي العقليـه 
 تفكر انو بشـآر محظوظ باأمـه وبس 




 حــب بيكبـر في كــل دقيقــه والتنآقض اللي بينهم بيزيــد 
 مشـآعر تربـطهم وتقربــهم وعنـآد بيخليهم مو عارفين يتعاملو مع بعض ..

وقـف سيـآرته وراح فتحلها الباب : تعالي
 نزلت وبعدها مسكتـه تمشي خطوى وتوقـف من الألم وهوا يوقـف معاها 
 وتـرجع تمشي خطوتين وتوقـف 
 ليـن مادخلو المستشفى جلست على اقرب كرسي اخد بطاقتها 
 وراح للرسبشن على بآل جاها الدكتور وبعد الفحـص والاشعـه ..
سرلها تمزق حاد في اربطـه القدم كآن حيعملها جبـس وهنـآ روآن فصـلت ..
 : لا مااابى 
 تآمر واقف جمبـها وهيا على السرير نزلت رجولها وكأنه الدكتور مو موجود : مابى اسوي جبس 
 تآمر ماييييحب دا الاسلوب يبا يتكلم بس الدكتور سبقـه : مو مشكله هوا ياخد فتره اطول العلاج لو ماحسويلك جبس وحتتمنعي من الحركه واي تمآرين ممكن تسويها 
 روآن : طيب عادي
 الدكتور ابتسم متعود يجوه ناس يعاندو بس اغلبهم رجآل يرضو يتحملو الاألم 

 رفعت رجولها تآني على السرير ولبسها زي المشـد حولين القدم وهيا ضغطت على اياديها
 من الألم ...وبدأ يلف عليها الشاش وكتبلها دوا ومرهم تآخدو 
 لبست شرابها وجزمتـها ونزلت من على السرير لما مسكت يد تآمر
 كآن ماسكها بس ســآكت واول ماطلعو السياره ماقدر مايعلق : يعني اذا بالجبس وفتره العلاج كآنت حتاخد ل 4 اسابيـع لو 
 روان قاطعته : دا حيرحني اكتر 
 تآمر :فين الرااحه بالموضوع وانتي سمعتيه يقولك ممنوعه من الحركه وحياخد وقت طويل العلاج
 روان : طيب خلاص فيه حل تآني انا اخدتو 
 تآمر : هوا حل وحيـد وانتي اخترتي انك ماتستخدميه عشان عنآدك
 روان سكتت وبعدها : تآمر ليش تباني اسوي كل شي على كيفك 
 تآمر : مو على كيفي جايبك المستشفى عشان تسوي اللي يقولك هوا الدكتور وانتي مازلتي تعاندي
 روآن : ماحكون مرتاحه 
 تآمر : محد طلب منك انك تكوني مرتاحه قد شوفتي مريض ينبسط لأنو بيتعالج 
 روآن سكتت شويا وبعدها اتكلمت بهدوء وبعد كل جمله يزيد انفعالها : انتا ليش كدا خلاص يكفي اللي فيا تباني كمان اضيق على نفسي واسوي شي في جسمي يخنقني ايش بكك ياتـآمرر ليش تبا تتمشكل معايا بس وتطلعني كأني طفله ماليا راايي اناا ماحستحمل حاجه تخليني مقيييده ماحستحممل اللحظه اللي ابا انفجر فيها عشان لاأموووت من حرقه قلبي وماأقدر اشرد من الكل بسبب حاجه ززفففت في رجلي مخليتني ماأتحرك
 سككت مافكر بالموضوع كدا 
 حسبـه عنآد 
 زي المسكن لما اداها هوآ


 عينه على الطريق وهيا نقـلت عينها على الطريـق 
 هيا انخنقت من كلامـه وهوا حس نفسه اتسـرع 
 وبعد صمت طويـل اتكلم : انا اسف 
 روآن ضمت يدها تحت صدرها وهرجت بهدوء : تآمر انا جايه اجلس معاك عشان ارتاح 
 تآمر : عارف .. وانا كل اللي بسويه لأني خايف عليكي انتي فكرتي بنفسيتك وانا فكرت بصحتك على العموم مو مشكله فين تبينا نروح
 روآن : اي مكآن هادي 
 تآمر بعد خمسـه دقايق بزبـط وقف سيـآرته ..
جمب حديقـه فاضيـه 
 العاب الاطفـآل في المنتصف .. الانارات موزعه بطريقـه منظمـه 
 كراسي خشبيـه طويــله .. كآنت بتفتح الباب الا قلها : خليكي 
 طفى السياره ونزل وجا لعندها فكلها الباب ومد يدو ..
مسكتو ونزلت
 ماتحط تقلها عليـه لأنها عارفه انو تعبآن 
 بس مابتقوله لا عشان لايصـر ... 


مشيـو بخطوآت هاديـه لين ماوصله للكرآسي وجلسـو .. 
الهدووء هوا اللي طاغي عليهم
 هيا تفكر باألف احساس جوتها 
 وهو تفكيره كله محصـور فيـها ... 
الصراااع النفسي اللي يعيشو لما يكون جمبها مو طبيعي 
 طالع في يدها اللي تلعب فيها 
 يعشــق اللحظآت دي اللي اول مرا يحسـها 
 لما تجي تحضنـه 
 لما يلمسس يدها 
 الكلام اللي وراه الف معنى بس مو راضين يوضحوه 
 مشاااعر كتير يحسها لما يكون جمبـها 
 وماقدر يقاوم حركـة يدها يحب فرق الحجم لما تضيع يدها في يده 
 مسك يدها : ف ايش تفكري 
 المكآآآن هااادي 
 الهووى حلوو وخفيــف
 اصوات السيارات بس البعيده هوا اللي يسمعو .. 
روآن : لو إنتا مكآني ايش تسوي تقابلها ولا لا 
 بلع ريقـه وغير جلسـته
 سار قبالها وهيا بنظرتها تستنى اجابتـه 
: صعب انك تكملي حياتك بدون ماتسمعيلها 
: ام بشار قالتلي مو كل شي نبا نسمعه في حآجآت واضحه دا شي واضح 
 تامر :حقولك رايي بس لاتزعلي 
 روآن حركت راسـها 
 تآمر :اول شي قوليلي هيا فين كآنت طول دي الفتره 
 روآن : بشار قال انو جآسم اخدني من عندها 
 تآمر : يعني ماتعرف مكآن جاسم ؟
 روان اشرت براسها بلا 
 تآمر رفعلها حآجبه وكأنه الجواب واضح 
 روآن : افرض كدابه ا
 تآمر قاطعها : روحي اسمعيلها مو عشانها كل اللي يهمني انتي .. ولو انا مكآنك اعرف انو التفكير حيقتلني بس لو روحت سمعت وقتها حيكون قراري بيدي حختار اللي اباه وقتها اصدق ولا ماصدق ..انا سرلي موقف مع اختي وندمآن قد شعر رااسي لأني اخترت اني انسحب وماأروح اسمعلها ..لاتسوي غلطتي ايش مآكآن الموضوع يجرح بس على الاقل حكمتي بعد ماسمعتي مو من رااسك ومو من الكلام اللي سمعتيه منها هيا وبس

 كلامـه صح عارفه دا الشي 
 حتفكر في نفسها عشان تقدر تكممل 
 بس ..!؟
: انا مابا اشوفها ..انا واثقه في بشـآر عارفه دام قال طيبـه فاهيا طيبه بس _ سكتت وبتحاول تعبر بس مافي اي حآجه تخلي احد يفهمها قالت بضعف _ خااايفه وتعببت ماعندي استعداد اعيد لللي سار مع جآسم 
: طيب ماحيتعاد دام انتي عارفه انها طيبه 
 زفرت بضيــق : لااا _ مو عارفه تعبرلو_ خلاص ولاشي
 تامر : وربي فاهمك عارف انك خايفه من نفس اليوم اللي حتوقفي قدامها بس برضو حقولك روحي 
 روآن : طيب لو طلعت طيبـه بس ماقدرت تحبني 
: دي امك !!
روآن : ايش يعني جاسم ب
 تامر قاطعها : سيبيكي من جآسم ...لو هيا طيبـه حتحبك ياروآن لأنها امك مافي سبب اقوى من كدا
 روان مشتتته 
 ضااايعه 
 فيه كلام كتتير خاقنها بس مو عارفه تقوله 
 مقتنعه برضو بكلامه بس حست بالشعور اللي يقتل لما كانت تستنى جاسم يجي 
 خطووواته كآنت تسمعها بصووت عالي من قبل لايدخخل 
 وقلبها تحسو حيوقف بديك اللحظه 
 انها كآنت واقفه طول ديك الفتره على رجلها بالرغم من الرجفه والضعف اللي كآنت تحسو 
 داا شي مستحيل تنسآه 
 كللل شي محفوور جوتها ودحين حيتعاد ...
سندت جسمها على الكرسي واكتفت بالصمت 
 وهوا لساته داير جسمه ويطـآلع فيها 
 سئلت سؤال بكل عفويـه ..سؤال ماتعرف جوآبه لأنه ببساطه ماقد حستو : يعني الام تحب اطفالها بدون سبب ؟ سواء طيبين ولا مو طيبين تحبهم ؟
 في حوار بينهم يحسها كبيررررره 
 وفي حوووار ترررجع كأنه عمرها 7 سنوآت .. : ايوا 
 حركت راسها كأنها فهمت وهوا لانت ملامحه 
 حزززززززن عليها 
 ضعيفـه , قويه , تعاند , ترضى بسـرعه , عصبيـه , هاديه 
 يحسها زي العاصفـه اللي تهدى وفجأه تثور 
: تامر لو تبى تروح عادي روح 
 ابتسم غصبا عنـه : عشان تنكدي عليا بعدين وتقوليلي سبتني وانتا وعدتني تقعد معايا 
 ضحكت بهدوء : كويس تخاف مني
 تآمر : مااخاف منك اخاف عليكي 
 ماعنده حل وســـط 
 يايفصل يااايستحي 
 رخت عينها على اظافيها ولعبت فيها بتوتر ..دقات قلبها تدق بسسسرعه 
 ورجعت تقشر في المناكير عارف انها بتفكر في شي : ايش بك 
 روان بدون ماتطالع فيه قالت : يوم ماصرخت على البنت ماكنت شايفه اني بسوي شي غلط ولساتي مو شايفه اني غلطت .._ زادت حركه يدها وقالت بصوت يرججف _انا محد ربآني ماعرف الصح من الغلط الشي اللي احسو اسويـه على دا الشي كبرت ..اقولك شي غريب .. _ وقبل لاتقول نزلت دموعها وهيا راخيه راسها _ طول عمري اتمنى يكون عندي اب اكتر من انو يكون عندي ام ...نفسي مرا يكون عند اب عمري ماقلت دا الكلام بس لدحيين اطالع في جآسم ونفسي يجي يتأسفلي ويحضني والله حسامحه .. _ رفعت يدها تمسح دموعها _ عارفه حتقول مجنونه بس دا اللي احسو ومو قادره اقولو لبشار وهديل لأنو حينفجعو مني ..بس كلام في نفسي وكنت بقولو لأحد 
 حتى هوآ انفجـع بس شايفها ضعيفه 
 وحده انحرمت من دا الاحسآس . : لاتبكي دي فطرة البني ادم انو يبا اب يحميـه حتى لو كآن سيئ بس يبااه مابتطلبي شي مجنون بس صدقيني يمكن ربي مديكي اخوكي يعوضك عن دا الشي طالعي فيـه بدي النظره دايمآ .... ولو على البنت اللي صرختي عليها انا حقول انك غرتي عليا عشان كدا صرختي وحسامحك 
 وسعععت عينها بين دموعها والانهيار اللي كآنت فيه .. 
قالت باارتباك : مع نفسـك 
 تآمر يباها تخرج من المود اللي هيا فيـه : طيب قوليلي مبرر تآني للي سويتيه 
 روآن : عشنها قليله ادب 
 تامر : طيب افرضي انا عاجبتني كآنت وهيا طالعت عشان انا كنت اطالع فيها من الاساس
 روآن سكتت مررررررا انقهرت 
 ماتبى تقوله اغاار بس دا اللي حاستو 
 بذات بعد جملتو 
 ضمت يدها وسندت جسمها : اجل قدر ولقى غطآه
 تآمر : ههههههههههههههههه
: مافي شي يضحك 
 تامر :طيب خلاص اهم شي مسامحك 
 روآن بهجوميـه اتكلمت : احد قلك سامحني ان
 تامر قرص يدها وهيا اتألمت في نص كلامها : آآآآه 
 تآمر : اهجججدي كل ماتتكلمي معايا بدا الاسلوب والله ياروان لاأعورك 
 روآن تمرر يدها على مكآن القرصه : ترا عورتني 
 تآمر :مو قلتلك حسير اتفاهم معاكي لو ماعجبني شي
 روان ضحكت لاشعوريا : هههههه فين التفاهم في الموضوع انتا قرصتني 
 تآمر : سكتي ولا لا ؟
 روآن رفعت حوآجبها الاتنين : سكت لأني اتعورت 
 تآمر : طيب اهم شي انا ماأزعل واهم شي تسكتي 
 روان بقهر مدت يدها وضربتو : لاتتتكلم كداا مستفززز
 تامر : هههههههههه
 وشويـآ وروآن عقدت حوآجبها وقالت : برد 
 تآمر كأنه ماصدق يعلق على لبسها 
 مالمح 
 ولا دق بالهررج 
 لا رماها كدا على بلاطه : مو لو لابسـه عبايه ماكآن بردتي
 رمشت بعينها كدا مرا طالعت فيه : لو لبست لبس تقيل برضو مآكآن بردت !
تآمر : وحتشمي على قفى يدك انو برد العبايه حل وسطي
 روآن سكتت وبعدها ضحكت : ههههههههه حل وسطي لمين بزبط
 تآمر : لكي يعني 
 روان : انا مابى 
 تآمر : جربتيها ؟
 روان : ايوا وبرضو مابى 
 تامر : ههههههههههه ماحسيتي انك مستحيه لما جربتيها ورجعتي سبتيها 
 روآن سكتت وبعدها قالت : لا 
 تامر مبتسسم ابتسامه واحد غيران بس مو قادر يسوي شي : طيب مو مشكله خلي النقاش دا لوقت تآني
 روان : اوه انتا تبا تفتحو تآني
 تامر :في كل مرا حجلس فيها معاكي وصدقيني عمري ماخرجت خسران من حآجه اباها
 روآن طالعت في الشغاله اللي جات وماسكه ولد صغير وبتخليه تلعب 
 ابتسمت لاشعوريا ورجعت تطالع في تآمر :هههههه الايام بيننا
 تآمر : ههههههه نشوف ياست روان 
 ونقلت عينها على الولـد 
 مبتسمه والشغاله تلعبو ... وبعدها جلست على جوالها والولد يباها تدفو بالمرجحيه وهيا مطنشتو
 مررا انقهرت 
 نقطه ضعفها الاطفـآل
 تعشقققققهم بشكل مجنون 
 وقفت وتآمي بااستغراب : فين رايحه 
: دقيقه 
 وقف معاها : ياابت ايش بك 
 اصبــر 


تمشي خطوه وتوقف تمشي خطوتيـن وترجع توقـف وهوا واقف ويطالع فيها ومو عارف ايش تبآ
 وصلت لعند المرجيحه : تعاال انا ادفك 
 الولد طالع فيها خااف وبعدها ابتسمتلو : بسسسرعه لاأجلس انا وبعدين ماحتلعب
 جا ججججري وجلس وهيا ضحكت 
 وتآمر مشي بخطوآت هااديه لين ناوصل لحدهم وسار يتفـــرج بصمممت 
 اما الشغاله ولا كأنه بتتضارب ومعصبه مع اهلها .. وناسيه الولد 
 روآن تدفو : ايش اسمك 
: روآد
: زززي اسسسمي بس حرف واحد غير 
:ايش اسسمك 
: رووان 
: اييوا اسمك مرا حلو
 روان ترجع تددف بشـويش : انتا الحللو ياحلو 
 تآمر : ههههههههه استحي على وجهك 
 روان طالعت فيه : هههههههه انكسفت لما مدح اسمي 
 تامر : والله ماشوفتك انكسفتي
 روان : والله في قلبي انكفست 
 تآمر : ههههههههههههه 
 روآن رجعت تتكلم مع الولد : انتا ماعندك اخوان ولا اخوات 
 روآد : عندي اخت صغيره عمرها تلاته ايام 
 روان بصوت حمآسي : ووااا ماشاللله 
 رواد الولد اتحمس : ايييوا انا اخوها الكبير يعني 
 روآن : يلا انتبه عليها 
 روآد : بس هيا مو حلوه 
 روان :هههههههههههههه ليش
 رواد : وجهها مفعص مرا صغير 
 روان : هههههههههههههه مو كل الاططفال كدا 
 رواد : مدري وانتي ماعندك اخوات 
 روآن سكتت شويا وبعدها قالت : الا عندي اخ اكبر مني 
 رواد : ينتبه عليكي ؟
 روان : اييوا وانا اسمع كلامه عشاني شاطره 
 رواد سكت وماعلق 
 روان طالعت في تآمر وضحكت : حقير ماعجبه الكلام 
 تآمر : ههههههههههههه 
 روآد : خلاااص بنزل
 روان سابتـ المرجيحه ولما وقفت نط هوآ ووطالع فيها : شووفتي الحركه 
 روان : هههههههه واااو مرا قوي
 رواد مبسوط : اييوا كل اصحابي يقولولي انا قوي اصلا 
 روان : عمري ماشوفت واحد زيك ماشالله 
 رواد رفع كتفه ومرا مبسوط : تعالي تعالي نجري انا مرااا سريع زي اللهب 
 روان : هههههه رجلي توجعني مااقدر اجري _ مدت يدها _ تعال اعلمك على للعبه 
 الولد جآ لعندها وهيا جلسـت على الرمل واتربـعت وقالتلو يجي قدآمها ..
 : هااا ايش اللعبه 
 روان مسكت ااذانيها : شوف انا حغمض عيني وانتا تضربني بيدي وانا حقولك باأيت يد ضربت 
: اووووف مرا قديمه اللعبه مو حلوه 
 روان سابت اذانيها وطالعت فيه بعصبيه : مو انتا طلبت مني اللعبك بالمرجيحه دحين دورك تلعب معايا 
 روآد : هههههه طيب لاتعصبي خلاص
 روآن مسكت اذانيـها وغمضت عينها 
 دقـآيق
 ووصوت ضحكككه الولد ملت المكآن من كتر روان ماتضربـو وتقرصو بقوه 
 وصوت ضحكتها نمجت معاه لما سار يقلد حركآتها 

 امـآ تآمر مصدوووم 
 مصدوم بكل ماتعنيه الكلمـه 
 تعامل الولد وكأنها تعرفه 
 تعصب تمزح تضحك
 وهوا يتأمل كل شي بتسـويه حتى تعابير وجهها 
 بتضحك من قلبها على ضحكتـه
 حتى اسلوبها بالكلام اسلوب وحده متمرسـه تتعامل مع اطفآل
 مو تصنع 
 لا من قلبهاا 
 هوا اتمنى يكون طفل وتستهبل معاه كدآآ 
 تنننننح مرا تنح فيـها لين ماجات الشغاله وقالت : يلاا رواد ماما يتصـل
 رواد بتأفف : مابى ارووح 
: بعدييين ماما عصب يلاا 
 روان : يلا قووم ووروح بوس اختك بدالي 
 رواد خرج لسانه بقرف وروان ضحكت : هههههههه انا اخويا يحبني احسن منك مسكينه اختك
 رواد كدا الكلمه قهرتو لازم هوا يكون احسن من الكل : انا اصلا ساعدت ماما وجبتلها رضاعتها لما كانت تبكي اخوكي يسوي كدا 
 روآن : ايوا اخويا يسوي كل شي ليا 
 روآد وقف ونفض نفسه وهوا رافع راسـه : يلا انا لازم ا روح 
 روان ماسكه نفسها لاتضحك متنرفز : طيب مع سلاامه 
 روآد مشي خطوه ورجع تآني : انتي صديقه طيب 
 روآن ماتت ضحك على الجمله : هههههههههههه وانتا صديق طيب 
 ومشي بعديــن 
 روآن طالعت في تآمر بضعف : آآه مافيا اقوم 
 تآآآمر عشق كلللل كلمه قالتها للولد جا لعندها وهيا مدت اياديها الاتنين : شيلللني
 تآمر لاشعوريا رفعت حوآجبه الاتنين وهيا نزلت يدها : بمزززح ..تعال اجلس 
 تآمر : ايش منظري وانا جالس هنآ 
 روآن جاتها على طبق : قلتلك انتا انسان تقليدي مافي احد يقعد هنا الا اللاطفال خلاص المفروض تقعد 
 تآمر لانت ملامحه : انتي بلهه عارفه ايش يعني كلمه تقليدي
 روان : حسيتها مناسبه للجمله المهم تعال اجلس
 تآمر : ماحجلس في الارض
 روآن : الله يخليك عشاني
 تآمر سسكت يطططالع فيها وهيا رمشت ورا بعض ببلاهه وهوا ضحك : الله يستر عليا 
 جلس واتربـع قدآمها
: يلا نلعبب 
 تامر : هههههههههههههههههه يعني مايكفي منظري الغبي كمان تبيني اللعب
 روآن : ماتبى تفرح قلبي المسكين 
 تامر : ههههههههههههههه روآن لاتجيني من الباب اللي اضعف منو 
 روآن : ههههههههه_ قوست فمها ورمشت بعينها _ 
تامر على طول : هااا ايش تبيني اللعب
 روان : هههههههههههه الله شعور حللو 
 تامر : ههههههههههه طيب استغليني دحين 
 روان نسست نفسـها مع روآد وكملت دحين مع تآمر
 مدت يدها الاتنين : هات يدك 
 تآمر مد يدو وهوا يحرك راسـه باأسف : والله عيب اللي بسويه 
 روان ميته ضحك على وجهه محمر وبجد مستحي : هههههههههههههههههههههه عادي ياااتامر وي 
 تامر : كآن عمري يمكن 10 سنوآت لما اتربعت على الرمل وجمب_ طالع في الالعاب وكأنه يسبها _ الالعاب السخيفه دي
 روان : هههههههههههه تعيد طفولتك معايا دحين 
 تآمر : وانا بدا الحجم
 روان : ههههههههههههههههه مالك في الحجم اهم شي تستمتع باللحظه وبس _ مسكت اياديه_ نلعب سبت احد واللي يخسر يحكم على التآني 
 تامر : ههههههههه والله انتي مرا قديمه 
 روان حركت راسها ببلاهه وقالت بنبره صوت غريبـه وهيا تشد على حرف الياء: قدددديمك ندييييييييييييييييييمك
 تآمر اختفت بتسامته : ايش دا !
روآن ضحكت من قلبببـها 
 بكل صووتها ماحست بنفسها وهيا تهرررج 
 وجهها حمر من كتر مو مكسوفه من اللي االلححن ومن نبرةالصوت : هههههههههههههههه 
 تآمر يطالع فيها مبستم لضحكتها بس لساته مفجوع : ايش بك !!!!
روآن انقطع نفسها من كتر الضحككك حاولت تهرج بس ماقدرت 
 وهوا ضحك : وربي مرا بلهه ههههههه
 روان : هههههههههههههههههههههههههه_ مسكت بطنها من كترماتوجعها من الضحك ووجهها محمممر _ 
واخد الموضوع حق تلات دقـآيق عشان يقدرو يهدوو 
 من فصله الضحك الغبيـه 
 وبس بدأو يلعب طالعت في تآمر وهوا حرك راسـه زي ماسوت سحبت يدها بنرفزه : هههههههه تااامر خلاص 
 تامر : هههههههههههه طيب هاتي يدك يلا 
 وبدأو يلعب 
 سبت 
 احد 
 اتنين 
 تلوت 
 ربووع 
 خميـس
 وكل ماتجي تبا تضرب يده يسحبها : ياممل يلااا 
: انتي ركزززي 
 مرا 
 ويسحب يده 
 مرتين وبرضو 
 تلاته واربعه وخمسسـه وستــه وعصبت وضربتووو على ركبتـو المكشوفـه بسبب الشورت : هههههههههههههههه 
 روان رجعت ضربت مرا تانيه :مستتتتتفز مستتتتتتتتتتتفز بلاااا مرا مو ممتع اللعب معاك
 تامر : هههههههههههههه طيب نقلب الموضوع ونشووف 
 روان بحقد : ايوا كدا ممكن 
 تامر : على اساس حتفوزي دحين 
 ررآن : حووريك 
 سبت 
 احد اتنين 
 تلوت 
 ربوع 
 خميس 

 تشيل يدها وترجعها تشيلها وترجعها 
 بسسسرععععه : يلا يلا يلا وريني كيف
 تآمر : هههههه هبله انتي ؟ 
 كأنها ذبانه مو يد تحركها بسـرعه 
: روان ترا مو كدا اللعبـه 
 روان ضيقت عيني : دا التكتيك اللي انا استخدمو 
 تآمر ابتسم : اووه هوا الموضوع كدا طيب مو مشكله حوريكي تكتيكي اجل 
 روان : هههههههه وريني ياخطير
 تامر مركز مع يدها اللي تحركها بسـرعه وفجأه ضرب يدها التآنيه : جمممعه _ وقف _ هيا فوووزت 
 روآن بتنآحه : ايش دخل يدي التآنيه 
 تآمر يعدل بلوزته وبعدها حط يده على راسه : انا حرر تكتيكي في اللعبه الايادي الاتنين لازم تنتبهي عليها 
 روان رافعه راسها ولساتها تضحك بفجععه: هههههههههههههههههههه لاواللله ماتتتحسب
 تامر مد يدو : قووومي 
 روان دفت يدو : ماأمسك غشاشين انا 
 تامر : هههههههههههههه ماشوفتي نفسك ..محد يحححرك يدو كداا
 روان : الااا انا كنت افوز على الكل بدي الحركه
 تامر : وانا كنت افوز على الكل بحركتي دي 
 روان : هببباله دي
 تامر : على كيفك انتي الموضوع 
 روان : فيه فرق بين تغير قانون اللعبه وبين تستخدم حركه تخصك تخلي اللي يلعب معاك مايعرف يركز 
 تامر مسك راااسـه وكأنه قالت مرا خطييير : اااااووووه صراااحه مرررا ماخليتيني اعرف اركز
 روان : هههههههههههههههههههههه طيب يااتامر اسلوبك اليوم مرا مو عاجبني 
 تامر حرك يدو : ههههههههههه قومي بس
 روان مسك يدو ووقفت ونفضت نفسها من الرمل : ماشوفتني لما اسير حاارس المرمى ويجي احد يسجل هدف اتحرك يمين ويسار بسرررعه بسرعه لين هوا ماينفجع ومايعرف يسجل دايما انطرد من دي الحركه عشان محد يقدر يسجل
 تـآمر اتخيل بس منظرها وضحكككك ضحك من قلببببببببـه 
 وهيا طالعت فيه بقهر : ترا من جدك اهررج 
 تامر : ههههههههههههههههههههه يااخي انتي تفتخري بنفسك في حآجآت المفروض محد يقولها من كتر ماتكسف
 روان : نعمممم !!! تكسف ليش والله والله العظيم اني مرا فنااانه بالالعاااب 
 تامر : ههههههههههههههههههههههههههههه 
 روان : تااااامر لاتستفزني والله بجد بتكلم 
 تامر : ههههههههه سؤال احد قلك انك خطيره وفنانه ولا دا تحليلك 
 روان سكتت وبعدها قالت بااستنتاج : يعني من عيونهم باين كيف يطالعو فيا 
 تامر : هههههههههههههه زي نظرتي اول ماشوفت حركه يدك الخطيره 
 روان ابتسمت ورفعت صباعها وكأنه جااابها : ايييييييوا
 تامر : هههههههههههههههههه ياااقلبي انتتتي صدقيني ديك نظره الناس المفجوعه اللي خانها التعبير 
 روان ضربتو على يدو : اسرررري 

 بس بيهررج بيكون عفووي معاها زي ماهيا على طبيعتها من اول يوم شافها 
 بضحكتها ترفعووو للسمآآ
 وبعباطتها تنزلو للارض 
 فعلا زي ماقالتلو لو خرجت يوم معايا حتضحك من قلبكك 
 مايتذكر متى اخر مرااا حس دا الاحساس جوتـه 
 انو نآآآآآآسي الكل 
 مابيفكككر في حآجه كدا يضحك ويبتسم وبسسسسس
 امآ هيــآ على اللي فيا بس حركات تآمر تخليها تنسى كل شويا ايش سار 
 لما تطلب شي مو حابب يسويه ويتنآزل عشان ابتسمتلو 
 ولا سوت نفسها حزينه وهوا ملامحه تسير زيها وصوته يضعف ويقول خلاااص طيب
 تضحك بدون ماتحس حااااابته 
 حابته من قلبببها 
 قرصها مرا ومرتيــن وتلاته لما رفعت صوتها عليه وتنكتم على طول وتمسك يدها باألم وهوا يقولها تستاهلي 
 ابتسسسم ومايتمنى يومه يخلص معاها 


 امـآ عنـد بشـآروهديـلأ واقفه قبآله وهيا تطالع فيها يدلها وبلمعـة الألمآسه اللي تجذب
 ورجعت طالعت فيـه : روحي اللبسي وتعالي اخرجك 
 هديل : لا ارتاح حبيبي انتا مان
 بشار قاطعها : سآعه كدا ولا كدا مستني سميـه تتصل عشان اجيها 
 هديل : ايش سار معاها .؟
 بشار : قومي اللبسي واحكيكي في الطريق
 راحت تلبس دخلت لغرفــه الملابس 
 وقبل لاتشوف ايش تاخد رفعت يدها تآني وتطالع في الخآتم وابتسمت 
 عارفه انو ماسار شي بينهم ..وعلى قد مو مقهوره من اللي سمعته 
 بس كل شي بيخليها تحس انها ترتاحله اكتــر
 وكأنه بتشوف اثبات كل يوم يخليها ماتخاف انه حيسيبها في يوم
 ماتفكر انها ترتاح من دي الحياه وتنتحر 
 نزلت يدها وطالعت في الملابس كلها جديده 
 مابتخرج كتير زي روآن
 اخدت بنطلون كحلي ..وبلوفر ابيض بس مآيل للفخآمه وفيه اكسسوار فضي
 مشعتر بطريقه عشوائيه تحت الرقبـه .ولبست جزمه فلات 
 رفعت شعرها لفوق وانازل لحد ظهرها .. 
كالعاده ترسم حوآجبها بس والروج وقبل لاتروحله برضو طالعت في الخآتم 
 اول ماشافها ابتسـم يحس دا اللي يليق فيها 
 ونفسـه يكسيها من فوقها لتحتها باغلى شي 
 ويعوضها عن الحياه اللي ابوه عيشـها ...
لابس زيها بلوفر بس رمآدي والجنزز ميت نووم بس 
 حزنآن عليها عشانها بس لوحدها ..اول ماركب سيارته اتصـل على امه وقالتله انا قريب ..
قفل منها وارسلها رسآلـه على الوآتس " انا اسف لو زعلتك ..وعارف انك خايفه عليا واللي بتسويه شي طبيعي ... بس اباكي تنآمي مرتاحه وماتبكي الله يخليكي ..في الصباح حجيكي ان شالله "
وطول الطريـق يحكي هديـل بتفصيـل ايش سار مع ام روآن 
 وايش سوت روآن لما عرفت مرا حست انها تبا تبككي 
 مقهوره لأنها ماردت عليها 
 بس طمنها انو حتكون روآن قريبه منها 
 حتشوفها دايما مافي شي حيتغير الا انهم عايشين في بيت مختلف 
 وداها تتعشى دام لسى مااكلت الاكل اللي جبلها هوا في طريقـه 
 وبعدها وداها تشـرب قهوه وحق ربـع سـآعه واقفين عند الطلب وخاصر الكل وقاعد يعلمها 
 عن انواع القهوه 
 وايش الاضافات 
 تحب لما يجلس يعلمها من يوم ماتعرفت عليـه ولما يحسها ماتفهم في شي كآن يشرحلها وهيا تسمع 
 بشار : هههههههههه انتي مرا حتعبيني 
 طالعت فيه : يعني ايش فهمني بالانجليزي 
 بشار : العمر قدامك ان شالله _ اشرلها على الحمام _ دحين حجيكي 
 امـآ هيا واقفه مكآنها تتفرج على الرسومآت وكيف بيسوي القهوه ..
وبعدها اتوجهت للطآولـه وقلبببها طآح اول ماوقف قدآمها وكآن دوبـه داخل 
: هدييل!
مرا ارتبكت خافت بشـآر يشووفه كآنت بتمشي وكأنه ماصدق يشوفها مرا تآنيه 
 اشتقلها مرررا اشتقلها بسسس لبسها مرا متغغغير 
: اصبري فين رايحه 
: عزام لو سمحت امشي من قدآمي
 عزآم قلببه يدق بطريقه جنونيـه : والله ليا فتره احاول اوصلك جوالك مقفـل 
 رفعت يدها باارتباك ترجع خصلات شعرها ورا اذنها وهوا طالع بالخآتم : انتي انخطبتي ؟
 هديل تبا تمشي بس مو مخليلها مجآل : ابا امشي 
 امـآ بشار بس دخل غسـل يده وخــرج وشاف واحد بيكلمهاا !!
كآن يحسب سار شي بس واضح انو الموضوع مطول مشي بخطوآت هاديـه لين ماوصل لعندهم : خير ؟!
هديل طالعت فيـه ومسكت يده بتوتر :حبيبي تعال نجلسس
 عزآم زي الكف اللي اخدو اول ماشافها مسكت يدو 
 ماكان بينهم اممل 
 عاارف
 بس حبها قال بتصريـف : معلليش على الازعاج 
 واتوجـه لأصحابه اللي دخلو معآه 
 مآكآن يبا شي بس دخل معاهم واحد بيطلب قهوه وخارجين .. 


بشااار لو هديـل ماسحبتو مآكآن اتحرك 
 الموضوع كان فيه نقااش بينهم 
 شاايف نظرته كيف بيطالع في هديــل 
 جلس على الكرسي وحطت اياديه على الطاوله : ميين دا ؟
 هديل بتوتر : خلاص يابشار 
: ابا اعرف مين دا
 هديل تباه يخرج من المكآن عشان تتكلم بس دارت راسها بتشوفه موجود ولا لا
 وبشار اتنرفززززز : هدددديل
 طالعت فيه بخوف : ها
 بشار : داا نفسو االلي حكيتيني عنو صح .!!
فاجعهاااااا 
 مسكت يدو : ليش حيعصبك الموضوع 
 بشار بحده : يعني هوآ 
 هديل ضغطت على يده : بشار مافي شي تخاف منـو
 بشار موولع حريقه يحس بحريقه جووته ونظرة عزآم كيف يطالع بهدديل : ايش كآن يبا منك 
 هديل : اكيد نفس اللي كآن يباه اول انو يتعرف بس خلاص سحب نفس



 عزآم واقف مع اصحابه وكل شويـآ يطالع 
 كيف ماسكـه يده 
 مايكذب بس حبه لها كآن صادق بس مآكآن حيقدر يتجرأ انو يتزوجها 
 يعني في النهايه موقف كريم اكيد اتعاد في حياتها كتير 
 ماحيرضاها على نفسـه 
 سحب نفسـه من المكآن لما شاف هديل سحبت جسمها لعند بشـآروواضح انها بتدلع عليه 

 اما في الكرسي المتصـل في بعضـه .. 
سحبت جسسمها لحده : وربي موضوع مايستاهل ياقلبي وبعدين انا طالعت لأني اباه يمشي خايفه انك تقوم تسوي مشاكل 
 رفعلها حآجبه وهيا عدلت الجمله : خايفه علييك ياعمري 
 يحرك رجووله بنرفززه مبسوطه انو بيغاار 
 وعارفه انو بالقوه ماسك نفسـه عشان لايضرب عزآم : حبيبي احنا خارجين عشان ابا انبسط شويا ليش دحين تنكد
 دي الجملـه البسيطه خلتو يضغط على كل شي يحسـو جوتـه 
 حوط يده حولين كتفها وقربها وباس راسـها وماعلق 
 بس بيحححاول يكون طبيعي .. بيحاول قد مايقدر .




روآن بعد سـآعتين تآنيه من جلستها مع تآمر
 اتصـلت على بشار اللي كآن يتصل كل سآعه عليها ..: نآيم ؟
 بصوت كلو نوم : امم
: خلاص طيب 
 بشار : تبي ترجعي .؟
: ايوا حشوفلي سياره خلاص 
 بشار : مسافه الطريق وانا عندك
 روآن : والله نآم _ طالعت في تآمر _ حوقف اي سيااره 
 بشار رفع جسمـه بكل تعب دوبـه ماله نص ساعه نايم : قلتيلي جارتكم صح في نفس العماره ؟
 روان : ايوا 
 بشار : خلاص بس دقيقتين ونازل 
 روآن : طيب 

 قفـلت من تآمر : هيا مصرر انو يجي كآن ماتصلت احسن 
 تامر : ههههههه والله انتي مو عارفه ايش تبي يعني قلتي حتتصلي عشان لايعصب 
: ماكنت اتوقع انو حيحصى من عز نومه عشان يجيني كأني بزره 
 تامر : ههههههههههههههه بديت اطمن عليكي 
 روان شمقت بوجهه 
 مبسوطه بدا الاحساس انو قام من عز نومـه عشان لاتركب اي سياره بدا الوقـت 
 مبسوطه انو مهتم فيها ووكل مازاد يوم كل ماختلف اهتمآمه 
 وتحس انو بجد اخوهآ

 بشـآر لبس البلوزه اللي كآنت على السرير ومشي وهوا يتثاوب ويفرك عينه 
 ولما وصـل لنص الصاله وحس بالبروده من تحت استوعب انو مو لابس الا البوكسـر والكروكس برجله : استغفرالله منك ياسميه 
 رجع لغرفته للبس الجينز وخــرج يمشي بالممر وكأنه في بيته اهله 
 يتثاوب بصوت مسموووع وماستوعب نفسـه الا لما وصـل للمصـعد 
 اتوجـه لنفس البيت اتصل عليها وشويا وخرجتلـو بس تمشي بخطوآت فجعتـه 
 فك الباب ونزل : ااايش بكك
 مدتلو يدها بتعب ومافيها حيل تنزل من الدرجات 
 طلع التلات درجات وجا لعندها مسك يدها : ايش سااار 
: طحت في الدرج 
:مرا توجعك 
: روحت المستشفى 
 نزلت واتوجه للسياره وفتحلها الباب وماعلللللللق 
 بس ركب : ليش ماتصلتي عليا 
: خلاص طحت واتعورت لساتي بالالم اللي انا فيه حتصل عليك
 بشار اتنرفز من ردها : كنتي لوحدك ؟
: لا معايا ترف 
 سكــت وماعلق .. واللي دايما ينهي النقاشات الوضع اللي همآ فيه والمفروض مايزيدو على بعض ..
عم الصمـت وقف عند اشاره حمـرا 
 سند جسمه على الكنبـه ويطالع في الاشاره لين ماغفت عينه 
 الشوارع فااضيه 
 سارت الاشاره خضرا واستوعبت انو ماتحرك طالعت فيه لقتو نااايم 
 مسكت نفسها لاتتضحك تبا تفجججعه 
 بس كل ماتتخيل ايش ردة فعله تضحك قبل لاتسوي شي 
 رفعت اياديها قدام وجهها وكأنه بتحمي نفسها من شي وصرخت بكل صووتها : لااااااا سياااااااااااااااااررره ياااابشاااااار
 رفع جسسسمه بسرررعه 
 اول شي طططالع في روووان وبعدها اتتتتتربش 
 سار يطالع حولينه ويحرك يدو على الدركسون والسياره واقفه
 بس مو مستوعب ليش واقفه وليش مااافي شي
: فييي فييين فينن
 يطالع يميين يسار قددددام الشوااارع فاااضيه 
 وهيا ضحكت بكل صووتها 
 وجهه صفـــر 
 دار راسه عليها ويبا يستوعب
 كلمته المعتآده لما احد يستفزه : تستتتهبلي انتي 
 روان تنت جسمها على قدام وهيا ماسكه بطنها : ههههههههههههههههههه آآآه يااابطني 
 ععععصببببب 
 صاحي من النوم ومتمرمط اخر الليل عشانها 
 وفي النهايه بددال ماتحزن عليـه تبا توقفله قلبـه 
 طول الطريــق وهيا تكتم ضحكتها وهوا وجهه زي قفآآآه فاجعها 
 وكل بعد خمسـه دقايق : معليش ماكان قصدي 
 ولما مايعلق تحط يدها على فمها عشان لاتنفلت ضصحكتها 
 دي الحركه لوحدها تولـعه 
 بس وصــله ماداها وجه ونزل وهيا نزلت وتنآديــه: بشاار ماحقدر امشي تعال 
 خاصرها ودداااخل 
 واختفى من عينها وروان واقفه مكآنها 
 مابتمزح بجد ماحتقدر تضغط على رجلهها : حقيررر
 وصـل لنص اللوبي وطالع لقاها تمشي خطوه وتوقـف ووهيا معقده حوآجبها 
 مو مدلعه عارفها 
 لما تتألم يعني الموضوع من جد 
 خررج واول ماوصل عندها :افتحي فمك بكلمـه وربي لأسيبك تنآمي في الشارع 
 رفعت يدها على طول لفمها عشان لاتضحك واشرت براسها يعني طيب
 دخل وهوا ماسكها وبتضغط على يدو عشان تمشي ليـن ماوصلـو للمصعد 
 دخلو واول مانفتح مافيه يمشي بداك البططئ 
 يبا ينآآم 
 شـآلها وهيا انفجعتتت : ووااا بسسسم الله
 بشار مشي وخرج من المصعد : سبحان الله فرق لما تشيل حبيبتك ولما تشيل اختك 
 روان : انتا شلت هديل ؟!!!
بشار : ايوا اليوم ومشيننا بنفس دا المكآن و
 وقبل لايكمل رجع راسـه على ورا لما سحبتلو شعررو : يااااقلليل الادب
 بشار : ههههههههه شعري ياحيوانه لاأرميكي وربي ارميكي 
 روآن : كم مرا اقولك لاتستهبل معاها 
 بشار : مااستهبلت حتى قلت لأمي اني اباها خلاص ومسأله وقت وحتسير زوجتي 
 روان رجعت تششد شعرو بس ماسابتو ووهوا مرجع راسه لورا ويضحك : سيبيني هههههههه
 روان : مو انا قلتلك حقتلك 
 بشار : ههههههههه ياحقيره المفروض تنبسطيلينا
 روان : انا حنبسط لهديل بس انتا ياقليل الادب ماانبسطلك 
 وقف عند باب غرفتهم .. نززلت ومسكت في الباب وطالعت فيه وهيا مضيقه عيينها : اتمنىانك تكون كذاب 
 بشار مستنيها تشوف الخآتم في يد هديل عشان تنصرع : ههههههههه تصبححي على خير اقول 
 روآن خرجت البطآقه وفكت الباب : ماحرد عليك 
 بشار مشي من قبل لاترد عليــه اصلا .. 

دخلـت وشـآفت هديل نآيمه برا واول ماحست باإنو احد دخل قامت بسـرعه 
 من يوم بشار ماقلها ايش سـآر مو قادره تنآم وتبا تطمن عليها 
 وطبعا اول شي انفجعت منـو مشيتها قامت بسـرعه بااتجاهها : روان ايش بك 
 روآن : طحت 
: وي سلامتك 
 مسكتها هديـل وخلتها تجلس : فينك طول اليوم 
 روآن : كنت مع تآمر
 هديل : بشار اتصل يسئلني على ترف اصلا
 روآن : كويس رقعتيلي 
 هديل : هههههههه

 وهنـآ آخدهم الكلام .. هديل سئلتها ايش سار معاكي 
 روآن حكتها بس مابكيت بتقولها بفكر بس بجمود 
 مو مهتمه بوجودها
 وبنفس الوقت فيه شي مكسور جوتها 
 وهديل قالتلها انو بشار كلم امـه بس ماقالتلها امه ايش قالت عنها 
 ماتبى روآن تحقـد عليـها 
 روآن تطالع في الخآتم : هديل متأكده انك تحبيه !!
هديل ماتنسى شعورها لما وقفت قدآم عزآم 
 اللحظه اللي قالت فيها الحممممممممدالله 
 الحمدالله انو دا الادمي سحبت نفسها منـه 
 بنسبه لها مافي وجه مقارنه بينهم صح بشار هجومي وعصببي عكسها 
 بس شخصيته دي اللي بتحميها .. : مدري كيف اوصلك احساسي بس ماسرت اتخيل حياتي بدونـه بمجرد التفكير احس كل شي يخنقني وابا ابكي .. اعرف انو كآن قبلي بيغلط بس من مشاعره ليا انا متأكده منها 
 روآن سكتت شايفه بعينها كيف يحبها بس برضو مستصعبـه الموضوع 
 بعد نقـآش بسيط روآن قالتلها بتدخل تنآم وتبا تنآم في غرفه لوحدها
 ماطلبت منها فجأه دخلت وقفلت الباب على نفسها بالمفتآح وهديل اضطرت تروح للغرفه التآنيه
 تراعي نفسيتها مرا 
 امـآ روآن جلست على طرف السرير 
 فسخت جزمتها بشويش ..وسحبت جسمها على المخدات وانسدحت بلبسها 
 مرت سآعه وهيا مسرحه بس 
 تفككككر بكل شي لين ماتصلت على تآمر : تكلمني لين مانام ؟



 صبـآح يوم جديـــد .

كل وآحد له احساس مختلــف
 لمـى صحيت وكل تفكيرها عن تـرف مخنووقه لأنه اختها انظلمت 
 ايش عاشت 
 ايش شافت ..؟
 ونزلت دموعهآ 


 في الغرفـه اللي تبعد كم متـر عنها ..في سآبع نومـه
 بس احلامه كلها " روآن " حتى في همها جايبتلو السعآده 


 روآن عكسـه تمآمآ ساعتين بزبط نآمتها وصحيت من ألم رجلها 
 بس ماتحركت ..رجلها تألمها وهيا تفككر في الموضوع اللي واجعها ..
في الاألم اللي ف قلبـها 


 بشـآر احلامـه كلها جلال .. عارف نفسـه مستحيل يرتآح
 مستحيل يكمل حيآته وداك عآيش

 ترف ..بين نآرين وفيه موضوع يهديهاا كل شويـا
 خوفها من محآكمـه قاسم .. سآمي لو رجع البيت كيف حيعاملها .. 
وموضوع برآء يخليها تبتسم بخجـل ..

سـآمي صحي من نومـه لبس ملابسـه واتوجه للبيت كآنت ترف نآيمه اخد
 شنطتـه وكتبه وغير ملابسـه وراح للمدرسـه ..
مو قادر يدخل لترف المفروض يسلم عليها ويقولها انو رجع وحيخرج بس 
 قرر انو ينسحب وبس 
 امس لما رجع براء وشايفه مسرح ومبتسم مجرد انو دا بيفكر في امه 
 الفكره كآنت صعبه عليه
 واتوجه للمدرسـه 
 واول مادخل انفـآل طالعت فيـه بس ماكلمتو ... مو عارف يعتذرلها 
 محمود ماجا اليوم المدرسـه تعبان بعد للعب امس 
 جلس في مكآنه وهيا ورآه ..لين ماطلبت منها معلمتهم انها تجلس في مكآن محمود
 سحبت كتآبها ومقلميتها وجلست جمب سآمي ..
لأول مرا ماتنزل عينها من على السبوره بس عارفها كذابه مستحيل سامعه شي 
 نفسو يبادر 
 نفسو يسوي شي بس فيه شي مانعه 
 كبريائه 
 دا يخليه مايسوي معاها اي حآجه 
 واكتفى بالصمت 
 اول ماخلص الكلاس رجعت لمكآنها 
 اتوقعها تستغل الجلسه وتقعد جمبـه
 وليـن البريـك همآ على نفس الوضـع 
 نزلو وهوا شايفها 
 كآنت تبا تشتريلها اكل وبسبب الزحمـه خرجت وراحت تجلس 
 حيطنش برضو مالو صلاح بس ماقدر كتيـر
 اشترآلو وبعدها طلبلها العصير اللي تحبـه ودونآت 
 وراح باااتجاهها وهيا متربـعه في الارض وسانده جسمها على الجدار
 جلس جمبـها ومد يدو : خدي
 انفآل : مابى 
: خلاص اشتريتو بالغلط ارميه يعني
 انفال : ارميه 
: خديه بقوله
 انفال جيعانه ماتقدر تكآبر كتير اخدتو وشمقت بوجهه 
 فتحلها العصير وحطو قدآمها .. وومحد اتكلم مع التآني 
 وبعد ماخلصت اكل : ليش محمود ماجا
 سآمي : تعبان
: امس كلمتو ماقلي انو حيغيب كآن ماجيت انا
 سامي طالع فيها ومارد 
 انفآل : اوووف ايش الملل دا
 سآمي برضو ماعلق وقـف : انا ماشي
 انفآل لساتها حاقده : طيب

 هوآ مشي من هنآ وهيا وقــفت الا مر واحد من جمبها وصابع اطراف شعره حمره
 ضحككت بكل صووتها وههوآ طالع فيها وجمبه اصحابه : ايش بك 
 انفآل تاشر على شعره وتضحك من غير ماتعلق : هههههههههههه
 مررا اتنرفزز 
 ووقتها انفآل علقـت : كأنك ديك ليش تسوي نفسك حيوان ههههههههههههههه
 ولا عليها من ااااحد مكمله ضحك ببسس الولد من كتر ماقهرته قدام اصحابه دفها من كتفها : احتتترمي نفسك 
 انفال مسكت كتفها وعقدت حوآجبها : انا اشلي انتا اللي شعرك مخليه كدا
: مااال اومك صلاح فيا 
 انفآل شمقت بوجهه : انا حرره _ كآنت بتمشي الا همست وصوته وصلها _ انتا وشعرك الاهبل
 دففها بالارض : لاتخلييني والله ابكيكي 
: آآآي
 آمـآ سآمي كآن حيطلع الا وقف وبيشوف ايش تسوي 
 لقاها واقف قدآم اولاد وفجأه دف كتفـها وهيا واضح انها اتألمت 
 رجــعلها على طول بس كآن يمشي بخطوآت هاديه لأنو مايدري 
 اذا تعرفهم ولا لا 
 واول ماطــآحت في الارض ججججري بسـرعه واتهجم على الووولد 
 من غير مايعرف ايش الهرجه 
 ووهنآ بدأت مضـآربـه وسآمي اللي مايحب يتمشككل
 لأول مرا هوا اللي يبدأ مشكله 
 بس ماهتم 
 وكأنه ماصدق يخرج القهر اللي فيه بحآجه 
 مكبببوووت 
 وماصدق لقى شي يفرغ قهرررره حق دي الفتره كلها 
 انفآل مفجووعه منـه تحاول تسحبو وهوا يضــرب بالولد بطريـقه جنونيـه
 والكل اتلم حوليـنه وماساب الولد لين ماجا المدرس سحببو بعصبيه 
 يتنننفس بطريقـه جنونيـه 
 دموعه محجره بعينه ولو احد يعرف باايش يفكككر بدي اللحظه 
 حيعذره الكل 
 امـه كذبت وطلع عنده اب 
 ابوه طلع حقيـر
 ابوه ضربـه 
 ابوه هدده باأمه 
 ابوه كآن حيقتل خآله 
 امـه حتتزوج 
 حيتغير اسمـه 
 حيعيش معآهم رجآل غريب
 امه سار عندها اهل ولازم يتقبـلهم كلهم
 ماااسك دموعه بالقوه لاتنزل بسبب نظرات الكل 
 يطالع في الولد اللي انضربو والمدرس يمسكه ويوقفه و الدم خآرج من خشمه 
 بس مو مهتـم 
 انسحب للاداره وانفآل دخلت نفسها بالموضوع ... 
واتصلـو على تـرف ...واتصلو على ام انفآل بس ماردت ..


امـآ ترف انو يتصلـو عليها يقولولها تعآلي 
 دا شي عمرو ماسار اتوقعته تعبـآن بس قالولها انو طيب وفيه مشكله بسيطه سواها 
 قامت من على السرير بدون عقل 
 مو عارفه ايش تسوي 
 رجعت شعرها على ورا 
 ف عشره دقايق بزبـط وهيا جآهزه اتوجهت للباب فتحتو وشهقت بفجعه 
: ايش بك 
: فجعتتتني
 تآمر : فين رايحه 
 ترف رخت راسها وحطت يدها على جبينها 
 مفجوعه وتآمر كمل عليها : اتصلو عليا المدرسه سامي مدري ايش مسوي
:طيب تعالي اوصلك 
 نزلت معآه واتوجه للمدرسه وهوا بياخد الوصف من ترف .. 
مرا واضح انها متوتره 
 تامر : يعني ايش حيكون مسوي ضارب واحد دا كبيرها 
 ترف شهقت : ولدي مايضرب احد 
 تامر : ممكن سار غصبا عنـه
 ترف : لا لا مستحيل اانا اعرف سآمي 
 بس وصلـه للمدرسـه هنآ تامر استغرب كيف قادره تدخل ترف سآمي مدرسه زي ديي .!!
دخلـو مع بعض واتوجهه للاداره سلمت على الحرمه اللي ورا المكتب وقالتلها: انا ام سـآمي
 جلست هيا وتآمر ...
والمديره اتكلمت : هلا فيكي .. شوفي والله احب اتفاهم مع طلابي قبل لاألجأ اني اتصل على اهاليهم لكن وضع سآمي مو عاجبني ودا الكلام بنيابه عن اساتذته
 ترف : معليش هوا مر بظروف صعبه الفتره اللي فاتت عشان كدا ماكان من الاساس يحضر
: وامس برضو ماحضر واتصلنا عليكي مارديتي 
 ترف عقدت حوآجبها : لا امس جا
 المديره : لا مآجآ عشان كدا حبينا نبلغك ونتأكد عن وضعه
 ترف طالعت في تآمر وقلبها يدق بسـرعه 
 تامر عاادي بيسمع وهوا مو متفاجئ ردة فعل سآمي طبيعيه جدآ 
 ترف بتشتت : مدري 
 المديره : واليوم ضرب واحد والولد تلقيه تحت في العياده شوفي سامي ايش سوا فيه 
 ترف تباا تبكي كأنه مو ولدها

 وقفـت المديره : دحين حجيكم ..


ترف طالعت في تآمر : ساامي مو طبيعي والله ماكان كدا 
 تآمر : مخنوق يمكن عادي ترا كلنا لما كنا بعمره شردنا واتضاربنا 
 ترف : بس سامي مو كدا
 تآمر : ترف ترا سامي بيكبر ماحيكون لك الطفـل اللي مايتمشكل واللي في حاله ..خلاص لاتكبري الموضوع وأهدي
 ودقـآيق ودخلت المديره ومستنيه سآمي يجي
 وترف على اعصآبهااااا 
 واول مادخل سآمي وقفــت بسـرعه وراحتلو : ايش ببك حبيبيي
 سآمي طالع فيها وفي المديره وبتآمر وماععلق 
 الا دخلت وراه انفآل لما مالقت اهلها قالت بصوتها العالي : قلتلك ماما ماحترد 
 المديره قربت جسمها لمكتبها : انا ماقلتلك تعالي طلبت بس سامي 
 انفال : انا جيت معاه عشان انتبهله لايضرب احد تآني
 الكل طآلـع فيها حتى سآمي ماكان يباها تجي عشان تعليقاتها السخيفه
 المديره اشرتلها : روحي اجلسي هناك
: حاضر
 راحت جلست وعينها ععليهم 
 المديره : تعالي اجلسي 
 ترف رجعت تجلس وسامي الوحيد اللي واقف 
: سامي ضرب واحد ومو راضي حتى يعتذر 
 ترف طالعت مفجوعه بسامي اللي واضح الحقد بعينه 
 سآمي : انا اعتذرت 
 المديره : ماعجبني اسلوبك بالاعتذار 
 ترف : انا مو فاهمه ايش اللي سار
 المديره : قول لأمك ياسامي اللي سويته وهيا تحكم 
 سآمي سكت وبعد صمت قال : ضربتـه عشان هوا مد يدو على بنت 
 انفال رفع صباعها وهيا مبتسمه : انا هيا البنت
 الكل طالع فيها ونزلت يدها بخوف 
 المديره : طيب انتا ليش بتدخل انفال تقدر تشتكي عليه وبعدين الضرب اللي ضربته مايستاهل عشان بس دفهاا في الارض 
 سآمي مقهوور من الكلام ...وانقهر لما ترف قالتلها حيعتذر للولد وخلاص ماحيتعاد الموضوع ..
خرجو من الغرفـه 
 ترف طالعت فيه : سامي حتنزل تعتذر للولد 
 سامي : ماحعتذرلو 
 انفال حشرت نفسها وضيقت عينها : والله مايستاهل لاتعتذرله
 ترف وسعت عينها مفجوعه...تبا ترد عليها بس مو مستوعبه انها حتتجادل مع وحده بدا الحجم : الا حيعتذرله
 انفآل تحاول تفهمها : اسمعي والله والله هوا مايستحي تخيلي دفني في الارض ومعصصب كمان يستتتاهل الا سواه فيه سامي _ طالعت في سامي وابتسمت _ 
سامي نفسه يديها كــف يباها تمشي من هنآ 
 ترف اتنرفزت منها : انتي ايش دخلك انا بتكلم مع ولدي
 انفآل على طول سكتت وماعلقت .سحبت نفسـها شويا وتامر طالع فيها 
 ترف تتجادل مع سآمي وعصب ومشي في نص كلامها ...كآنت بتروح الا تامر مسك يدها : سيبيه انا حروح اكلمـو
 مشي ورآه تآآمر وكآن متوجه للدرج الا تآمر ناداه : سامي 
 سامي ورواه ووقف في اول درجه 
 تامر جا لعنده : عيب تخصر امك فنص كلامها وتمشي 
 سامي ولا رد 
 تآمر : لاتنزل تعتذر 
 سامي دوبه كآن مو طايقه دوبه بيقول باأي حق جاي يتدخل بيني وبينها دحين 
 الا طالع فيـه مصدوم 
 تآمر : مو اعتذرتلو اول ؟
 سآمي : ايوا وهوا عادي ااتنقبل الموضوع بس لأني مككشر بتقولي اعتذر تآني
 تامر بنرفزه : سيبك من شغل النفاق دا خلاص يحمد ربه اعتذرتلو مرا انزل تحت صرف نفسك وحقولها انك رحتلو 
 الكبرياااااء مقطعهم 
 سامي اخيرا لقى احد يفهموو اشر راسـه بدون مايعلق ومشي ... 

وتآمر رجـع لترف دوبه بيتكلم الا شاف ترف تتضارب مع البنت الصغيره : انتي ايش لك يامفعوصه !
تآمر مفجوع !!!!!!!!!
 : والله ياخاله لو 
 ترف قاطعتها بنرفزه : خاااله في عينك لاتقوليلي خاله 
 انفال : مو انتي امو !!!
ترف ماعمرو احد قلها خاله وكدا الاسم حستو كبير فجعها : قوليلي ابله 
 انفال ابتسمت : اختي تقولي دايما اللي يقولك ناديني ابله قوليلو ابله ياهبله _ مدت يدها بتضربها كفك وتضحك _ 
ترف ضمت يدها تحت صدرها وطالعت في تآمر اللي ماسك ضحكتـه 
 سخخخخخخخخخخخخخخيفه 
 مرا سخخخخيفه ومستتتفزه !!!
دوبها عرفت ليش سامي متنرفز منها 
 انفال نزلت يدها ورجعت شعرها ورا اذنها : ماعجبتك ؟
 ترف : روحي يلا لفصلك 
 تامر : ههههههههه تتترف 
 ترف واضح انو اخلاقها ف خشمها منها 
 البنت مررررا شكلها يجنن بس اسلوبها لايطاااق
 انفال : مابى ارجع عشان ماحليت الواجب
 ترف طالعت فيها وخصرتها ومشيت لتآمر : بعد داك الكآئن عني لاأقتلها 
 تامر : هههههههههههه البنت صغيره 
 ترف تهممس بقهر : مستتتفزززه مرا مستفززه
 تآمر اشر للبنت : تعالي تعالي 
 ترف وسعت عينها : تااامر سيبها 
 تامر : ههههههههههههه 
 انفال : ايوا 
 تآمر : ليش سامي ضرب الولد 
 انفال : عشان الولد ضربني 
 تآمر : انتي قلتيلو يدافع عنك 
 انفال : لا هوا دايما يدافع عني مع انو كنا مضاربين ومانتكلم بس برضو دافع عني 
 ترف دارت وجهها : حاسه اني حماتها بعدها عن وجههي مو طايقتها
 تامر : ههههههههههههههههههه _ مستمتع مع البنت وهوا شايف ترف مو طايقتها _ وليش اضاربتو 
 انفال : عشان هوا صرخ عليا 
 تآمر : خلاص دحين دافع عنك سامحيه 
 انفآل رفعت عدسه عينها لفوق وهيا تفكر انها تسامحه ولا لا 
 وترف تطالع فيها من فوق لتحت : لا بللله حياة ولدي واقفه عليها والله
 تامر : هههههههههههههههههههههههههههه تتترف ايش بك 
 ترف طالعت فيه وتهرج بصوت واطي : وربي حضربها ورربي ياتامر خليها تمشي ...فينو سآآمي
 تامر : نزل يعتذر للولد
 ترف لانت ملامحها : كوويس
 تآمر : هوا ماعندو غيرها في المدرسه ولا كيف 
 ترف : لا فيه محمود اخو براء 
 تامر اتذكر : اها ايوا _ طالع في انفال _ فين محمود 
 انفال : غايب ماجا 
 تامر : يعني بس انتي وسامي اليوم مع بعض 
 انفال : لا انا قلتلك كنت مزاعلته بس هوا اشترالي اكل وجلس معايا 
 ترف : طلع مصروف ولدي يروح عليها كمان 
 تامر : ههههههههههههههههه 
 ترف اشرتلها :] يلا ياماما روحي روحي لفصلك 
 انفال : اقولك شي ياخاله 
 ترف :ها ايش تبي 
 انفال : قولي لسامي لايسير يزعلني ولا خلاص ماعاد حكلمو تآني
 ترف رفعت جوآجبها الاتتنين : اوه ! ...من عيوني حقلو تبي شي تآني
 انفال ابتسمت : لا شكككرا ياخاله 
 ورآحت من قدامهم ... ترف طالعت في تآمر : وووووربي وررررررررربي لاتتتتطاق
 تامر يطالع فيها لين ماختفت : ماشالله مرا لززيزه 
 ترف شمقت 
 وتآمر يتخيل بس لو دي البنت طاحت على روآن ايش كميه التحشيش
 اللي حيسووها

 وخرج سامي من الدوآم معاهم . جالس ورا وتامر مرا رااايق انفال ذكترو بروآن 
 وخلت يومـه مافي زيـو من البدايه ... 
اما تـرف مقهوره انو سآمي عصب وخصرها بس بتحاول تعذره بتحاول تتحمل نفسيـته 
 ماعلق لدحين على هرجتها مع برآء
 تآمر : تبو تفطرو ؟
 ترف : لا فيا نوم 
 تامر طالع في المرايه : سامي اكلت ؟
 سآمي : ايوا
 تآمر : طيب اجل انا عازمكم على الفطور 
 الاتنين طالعو فيــه محد يبااا يفطر !!!
تآمر ولا كأنه قالو مانبا نفطر رفع جوآله واتصل على لمى :ايوا لمى فينك ؟
: في الجامعه 
: عدي انتصر على امي ولا برضو جآت معاكي 
: ههههههه لا ماجات 
: ههههههههههههههه عندك شي دحين ؟
: لا بعد ساعتين 
: طيب دحين حمر عليكي 
 قفــل واتصــل على تميم اللي في دوآمه : تقدر تخرج حق سـآعه ..؟



 توقــف بالوقت شويـآ لهنآ ... 
بعد 24 سـآعه من


 محآآكمـه قآسم .. اجواء متوتره .. ترف تطالع فيه وقلبها حيخرج
 تآمر وتميم وبراءمعاها ..بس برضوو خايفه 
 موقف مآكآنت تتوقع انو في يوم حتعيشـه 
 بعد الظلم بعد الاهــآنه جا اليوم اللي تاخد حقـها 
 وبطريقــه تشفي غليلها 
 تطآلع في سلمى وهيا تقول بزبــط كل اللي سواه ابوها وداود في تــرف
 وبيده البارده مسك يدها لما شافها تتنافض



...



تمشي بخطووآت مهزوزه ..دخلت عليها المجلس ووقفت في مكآنها 
 رجولها تقيـله مو قادره تتحرك ولا تروح تجلس ولاشي 
 وجسمها يتناافض بطريقـه مو طبيععيه 
 امـآ امها بعد دا العممر 
 مو احسن منها 
 وقفت اول ماطالعت فيــها 
 انها تشووف بنتها بعد مآأخر مرا شافتها بالكوفله 
 شي صعبب 
 بعد ماكآنت تقنع نفسها انها ماتت 
 وقبل لاتوصلها شهقاتها سبقتها
 جآت لعند روآن وحضنتها وبكيييت 
 وروآن جسمها متصــلب وبس 
 تبكي باانهيار وكلمه بنتي هيا اللي ترددها
 تبووسها 
 وترجع تحضنها
 وبشار واقف وراهم وكل اللي همه اختـه 
 اللي حاسسها مو متقبله شي


 عوآقب محآكمــة ترف ... 
واقف عند باب شقتها وودق جوآاله ماكان حيرد الا لما ترف شافت الاسم : ايش تبا ميسا .؟
 براء كآن بيدخل الجوال في الجينز : مدري 
 ترف رد عليها 
 براء : مالو داعي ياشيخه 
 ترف قلبت وجهها وهوا مسك يدها وبيده التآنيه رد وفتح اسبكر : الو ؟
 ووصلـو صوت شهقاتها : براااء انتا اتزوجت 
 براء رفع عدسه عينه على ترف : ايش تبي ياميسا
 ميسا مفجوووعه : بدي السهووله 
 براء : احنا موضوعنا منتهي مافرق اتزوج ولا لا
 ميسا : تعال ابا اشوفك 
 ترف رفعت حآجبها وبرا اتوتر : ميسسا استهدي بلله انا متزوج دحين م
 الكلللمه حرقتها زواجه فجعه بنسبه لها : الله يخليييك سيبها انا اسفه حتغير بس ارجعلي
 ترررررف مولعه تحس انها تبا تببكي لأنو خايفه براء يتعاطف معاها 
: لاحول ولاقوه الا بلله 
 ميسا : والله لو ماجيت والله حسوي شي بنفسي ياابراء والله العظظيم ماامزح معاك
 براء بعد عن ترف بتوتر وقفل الاسبكر : ممميسا لاتجننيني اهجججدي بقولك انا متزوج انتهى الللي بيننا 
 ميسا : ماابى والله لو ماجيتني يابراء دحين والله ذنبي في رقبتك
 براء طالع في ترف مقهوره لأنو خاايف 
 تبا تبكككيي 
 حابسه دمعتها بالقوه 
 جا لعندها سلم على يدها ونزل من الدرج وهوا يتكلم بالجوال .!!!
وهيا نززلت دموعهااا 



 في دآك البيـت الكبيـر 
 بتكلم بكل عصبيــه : كمممان له عين يتصل 
 رشآ واقفه قبآله وقالت بتوتر : ايش سار 
: متصل يبا يخططبك داا لااا غير انو اخته متزوجه برااء الفضيححه حقتهم في كل مكآن 
 رشآ دموعها بعينها كل اللي قالته : يمكن بابا هوا محترم 
 ابوها عقد حوآجبه : محتتترم ايشششش خلصو الرجال في حريقه هوا واهله كلهم ..فينها اختك
 ومشي من جممب بنتــه بعد ماهدم كل احلامــها 
 وهنآكك تميم واقف في غرفتـه وجواله بيده 
 مآكآن مستعد نفسيا لدا الكلام 
" مافي نصــيب "
من قبل لايشوفها من قبل لايسير شي رفضووه ..!
رفع يده اللي تتنافض ورجع شعره لورا لين ماوصل لنهايه رقبته ونزلت دمعتــه 



 وقف سآمي قدآمها لأول مرا تشوفـه يتنفس بطريقه فاجعتها قال ووجهه محمر : خليه يسيببك ..مابى اشوووفوو مااابى اشوفوو
 ترف مفجوعـه : سامي حبيبي 
 كآنت بتمسكو الا دفها وساير يرمممي كل شي قدآمه في الارض 



_ مدلها جوآلـه وبتقرأ الخبــر .. اسم قاسم داود لوحده غير كل ملامح وجهها وكأنه رجعلها الف ذكرى 
 قرات للنهايه وترجع تقرا الكلام تآني مدت جوالها له وقالت : مافهمت ؟
 تامر رمش بعينه كدا مرا : امي دي ترف 
 طالعت فيـه وهوا فتحلها صورة بجواله : شوفيها دي هيآ
 مسكت جوآله تطالع في ا لصور هوتامر يكم : امي ترف مظلومه قراتي الكلام بنفسك حقها رجعع باقي ترجعيها لحضنك
 مانزلت عينها من على الجوال لين ماطفت الاضائـه دموعها نزلت ...ادتو الجوال 
 وجلست بدون اي تععليق
 وهووا قرب ومسك يدها : مالها ذنب والله عاشت حياه صعبه خلاص جا الوقت اللي تعوضيها وتسامحيها كلنا غلطنا بحقها
 حركت راسـها : لا انا ماغلطت بحقـها
 تامر : ايوا انتي ماغلطي انتي مافهمتيها بس 
 سكتت وبعدها قالت : انا ماعندي بنت اسمها ترف
 تامر : اممي ا
 قاطعته بعصبيه مفاااجئه فجعتـه : قلتتتتت ماعندي بنت اسمها تتترف 
 وقفت وتطالع في البيت بتحاول تشـرد لأي مكآن بس كل ذكريآاتها رجعت فيـها 
 وكآنت دقايق 
 وطآحت من طوولها في الارض : امممممي 



_ بتكلمها في الانستقرام على الدايركت ومستغربه 
" انتي اخت ترف .."
لمى 
" ايوا مين ؟ " 
 " حبيت اسئلك انتي تعرفي وساخه زوجك ولا اوريكي فضايحه "




نص ســآعه وخرج زي المجنننون من غرفتــه : عددددددي
 نزل الدرج بخطووات سريــعه 
 فتح باب البيييت وركبب سيارته واتوجهلها بدون تفكيــر 
 يطالع في الجوال كل شويـآ ويكتبلها " لمى رددي عليا 
" لممممى "
ويرجع يتصــل ومابترد 




 امـآ ليث جالس في الشاليـه اللي حاجزه لمرته واولاده ..ويطالع في دانه واحمد وهمآ يسحبو 
 جاتـه امل وابتسمتلو : حبيبي انا حروح اخدلي غفوه طيب ؟ تنتبه عليم
 ليث اشر براسـه : طيب
 ودخلت تنآم وربع سـآعه ودانه خرجت وجالو اتصـآل تآمر
 وقف وهوا يكملـه وبعد عن المسبــح 
 مايدري كم مرر عليــه ب نسي نفسسـه بسبب الكلام اللي يقولو تآمر 
 ورجججع شاف ولده طآآفي جسمــه على المسبــح 
 صرختتته هززت المكآن كللو : اااااحممممممد

0


خخارج من عند اصحـآبه اخر الليل يلعب بمفاتيـحه ومتوجه لسيارته 
 وانفجع لما احد مسكو وضرب بجسمه في السياره
 كريم مفجووع : ميـ مين
: أنا بشار الرآيد لو انك رجآل روح بلغ عني 
 وضربــــــــــه بكل حقـــد ماهممه يموت على يددده ولا لا
 بس فكره انو كآن بيلمس هديــل لدحين في رااسه 
 حينسى 
 طبعا ماحينسى ...


نهايه الفصــل .. 

توتا طفوف رووح الحياه وكيلوباترا 
 بسبب انقطاع النت مو قادره اعلق من الاب توب 
 فليا عوده لجمآل تعليقاتكم ... 



الفصل دا مبني احسو على الحوآرات اكتر من اي شي تآني عشان كدا قريب من قلبي لأنو على قد مآكآن متعب انو كل شخصيه اديها ردها المناسب على قد ماستمتعت وانا اكتب 
 ورسميا انا دوبني كملت 24 ساعه صاحيه بسبب الفصــل دا يعني لاتقصرو بتعليقات وعوضوني .. 



الفصــل الثـآلث والثلاثون ... 


لحظــه عمرهم ماتخيــلو انهم حيعيشوووها ... 
صح ناقصها 
 ليث امهم ابـوهم ...
لكن ترف رجعت . ..

تطالع في تآمر اللي يسوق
 ولابس نظارته الشمسيـه وابتسامه بسيطه مرسومه على وجهه
 مشغل اغنيـه ..
جنبك على طول خليني
 ماتغيبش ف يوم عن عيني
 دانا لما بقول يا حبيبي قلبي بيرتاح
 جنبك على طول خليني
 على حلم بعيد وديني
 هنفكر ليه في امبارح ماهو عدى وراح

 تعرف بحس بايه طول مانت ويايا
 احلام حياتي بشوفها فيك حبك واخدني معاه
 قلبي بتسكن فيه يا حبيبي وكفايه
 تفضل في حضني واعيش معاك كل اللي بتمناه


 حاسه انو موده دا وروقـآنه الموضوع فيـه روآن ..
تبا تجيبها تآني بيتها نفسها تشوف نظرة تآمر ليها ..
شررر 
 ماتدري ايش تبا بس تبا تستمتع وهيا تأذي 
 مسكت جوالها وسجلت مقطع من غير مايدري وارسلت لتميم " تآمر اليوم جوه مرا غير "
تميم اول ماسمع المقطع ارسلها " ههههههههه امس الكلب كآن مختفي وجاا اخر الليل دخل البيت كأنو سكران يغني ومبتسم "
ترف مسكت نفسها لاتضحك "ههههههههههههههه ماسكه نفسي ماجيب سيرتها اصلا اخر مرا اتصلت عليها مابى يلاحظ دحين"
تميم " حجبلو سيرة العروسه اللي عندي في العياده حقولو امي شافتها وعجبتها وتبا تكلمك عليها "
ترف " ههههههههههههه عارف لو انا جبت عريس لروان هوا حينجلط "
تميم " ههههههههههههههههههه اسمعي انا حقولك صاحبي يبا يتزوج ماتعرفيلو بنت حلال "
ترف اللي يشوف وجهها بريئئئئئئئه كأنها مابتسوي شي 
 مبتسمه كدا ومن جوتها عفاريتها ترقص " طيب طيب مررا حلو بس والله مسكين مبسوط "
تميم " خلينا نجس النبض هوا يستهبل ولا من جدو انا لدحين مفجوع من هرجه المستشفى " 
ترف " يستهبل ايش وهوا جايبها كل يوم تزوره ويصرفك "
تميم " المشكله ماعندو ضمير يعني يومتها اتكنسلت خطوبتي بسببه وفجأه يصرفني عشان يجلس معاها لا إحساس ولا ضمير وربي "
ترف " معليش معليش امسحها بوجهي البنت لحست مخو "

نزلت جوآلها وطالعت ورا في سآمي وعينه على الطآقه 
 اتنهدت بضيـق 
 ووقـف عند الجآمعـه ..ودوبـه بيتصـل عليها تجي الا شافها واقفه مع عدي 
 وعدي مآسك يدها وبيده التآنيه يلعب في خدها 
 تآمر طالع فيـه حس انو اتنرفز بس نزل عينه وبلاشي ينزل يفجعهم حيسوي نفسه مو شايف
 اما ترف من يوم ماتشوف عدي ماتقدر تنزل عينها من عليـه 
 كأنه لأخر لحظـه تبا تطمن هوا اتغير ولا لا
 لمـى على طول اتوجهـت للسياره وععدي رفع يده من بعيـد يسلم على تآمر
 انتبهت لترف جالسه قدآم ..فتحت الباب اللي ورا ومادخلت فجأه صنمت ومو مستوعبه مين دا !
تآمر : ايش بك ادخلي 
 دخلت وقفلت البآب هوا جالس ناحيه الباب التآني 
 ماستوعبت انو ولدها 
 متخيلته اصغــر
 تآمر : ايش بك 
 لمى باارتتباك : معليش صباح الخير
 ترف : صباح النور _ دارت راسها _ دا سامي ولدي 
 لمى طالعت فيـه : ماشالله
 ترف ابتسمت : سامي 
 سامي مرا متتتوتر مو عاجبه الوضـع : ايوا 
 ترف : دي لمى 
 سامي سكت وبعدها قال بدون مايحس : اللي كل مايجي عيد ميلادها انتي تطفي شموعها وهيا تزعل 
 يبا يذكرها انهم سابوها .. يفكرها بالرساله اللي قرأها 
 ترف تطالع فيه وماعرفت ايش تردد
 دارت جسمها على قدآم ولمى اخدت الموضوع بعفويـه وضحكت بهدوء : ايوا انا 
 سامي طالع فيها كمآن سار عندو خآله وصغيره واضح انها اصغر من ترف 
 وصلـو المطعم وتميـم مستنيهم اول ماشاف سياره تآمر قال لرشا أكلمك لما ارجع الدوام وسحب السماعات من اذنو ونزل من السيـآره 
 وابتسم وهوا متوجـه لنآحيتهم ومحد شايفــه ودوبـه وقف تآمر السياره الا تميم بكل قوته خبط القزاز على تآمرر والكل انفجع : ههههههههههههههههههه _ ياأشر لتتآمر يفك القزاز وهوا يضحك _ 
تامر فتح الطآقه فسخ نظارته وهوا مكشـــر قلب اوم موده بالفجعه الغبيه : غبي انتا 
 تميم : هههههههههههههههههه معليش جاتني ضربـه شمس ووانا استن
 وفي نص هرررجه فتح تآمر الباب بكل قوتـه وخبط راااس تميم : آآآآ
 تآمر خرج راسـه وهوا يطالع في تميم اللي بيتألم ويقلده : معللليش ماشوفتك
 ورجع دخل راسـه وقال بنرفزه : حيووان 
 اخد بحقه في اقل من ثآنيه ..
ترف : ههههههههههههه تآمر حرام عليك 
 لمى : هههههههه والله اتعووور 
 تآمر طفى السيـآره : يستاااهل عارفني ماحب الاستهبال دا 
 اما سآمي حتى ابتسامه ماترسمت على وجهه كدا يطـآلع فيهم وبـس
 لمى فتحت باب السياره وراحت لتميم وهيا تضحك : اتعوورت 
 تميم مغمض عينه وماسسك جبينه جبلو ارتجآج من قوه الضربه : وربي دا الادمي محد يمزح معاه 
 لمى : هههههههههههههههه 
 تميم مرااا حقـد على تآمر ولأنو اخوه الكبيــر مضطر يسككت 
 لكن حيوولعــه بهرجه البنت 
 كآن بيخليها بس سؤال لكن دحيين حيطلع عينـه 
 دخلــو الخمســه مهمآ كآنو مبسوطيــن مستحيل احد حيوصل للمرحله اللي ترف تحسهاا 
 انها تتأملهم وهما يمشو 
 تتأملهم وهما يضحكو 
 تتأمل اختها 
 اخوانها اللي ماشين قدآمهم ..تفاااصيل التفااصيل وكلها بتسيب بصمه حلوه بقلبها 
 بلعت ريقها لما حست نفسها حتبكيحاولت تشتت نفسها وتبتسم ..
كل وآحد سحب كرسسي وجلس 
 الطآوله دائريـه ... 
سامي جلس جمب ترف وجمبـه تميم وبعدها لمى وتآمر جمب ترف من النآحيه التآنيه ..
كل وآحد طلب للي يبآه الا سـآمي
 ترف طالعت فه : ايش بك 
: مابى شي 
 ترف سكتت وبعدها قال بصوت واطي : ولا أقول حطلب بس انا حدفع حق طلبي 
 عينها بعينه ومو عارفه ايش قاعد يسوي !!!
اشرت براسها : سوي اللي يريحك 
 بينكد عليــها 
 بس بنفس الوقت عانت عشان يجيها ماتبى تزعلو 
 وضع جديد بتحاول تفهم دا الشي 
 هيا حاسه بالانتماء هوا اكيد ماحيحس على طول ..
طلبلو موهيتو يبرد على قلبه شويـه 
 تميم طالع في لمى : مبرووووك امي ماجات معاكي اليوم ايش احساسك
 لمى : ههههههه حسيت نفسي خايفه في الجامعه مدري ليش 
 تامر : هيا خدلك 
 لمى : هههههههه مو مستوعبه والله 
 تميم طالع في ترف : تخيلي امي من ايام ماكانت لمى في المدرسه تروح معاها وتجلس لنهايه الدوآم وترجع وفي الجامعه نفس الشي اليوم لأول مرا لمى تروح لوحدها _ مد يدو مسك خد لمى _ وناااس على الكبيره
 لمى مسكت خدها : هههههه اااي 
 ترف : وي ليش يعني ؟!
تآمر ههههههههه عشان لمى طفله ماتعرف تتصرف
 لمى بهجوميـه : حرام علييك _ طالعت في ترف _ والله مو عشان كدا بس هيا توسوس مرا ويتهيألها انو انا ممكن اشرد من المدرسه ومارجعلكم ولا
 تميم لسعه كدا بااطراق اصابعه على ذراعها : احترمي نفسك 
 لمى مسكت يدها : هههههه والله بجدددد
 ترف مو عارفه تركز بالهرجه ولا تميم من اول يضرب في لمى رفعت يدها مفجوعه : انتا ايش بك عليها من اول بتعورها 
 تآمر : تميم زي ابو جلمبو مايقدر يقعد من غير مايأذي بيدو
 تميم : هههههههههههههه ترا بتهان منك من صباح ربننا وانا ساكت 
 تآمر : لو فيك خير رد
 ترف حطت يدها على صدرها : ترا بجد انا متوتره من الجلسه دي
 لمى : ههههههههه ايش بك 
 ترف : ضرب وتهزيئ 
 لمى : هههههههههههه عادي دي جلستنا الطبيعيه تميم يأذي .. تآمر يسب وتميم مايقدر ياخد بحقو عشان تآمر يستخدم كرت احترم اخوك الكبير ويجي يحط حرتو فيا 
 تميم رفع حاجبه وطالع في لمى : والله سايره تهرجي زي الاخ عدي
 اما تآمر مآسمع لمى ايش بتقول عينه على جوال وبيراود نفسـه يتصـل على روآن 
 لمى : ههههههههههههه من يومي اهرج كدا
 تميم : على اساس مو ملاحظك في البيت 
 لمى وجهها حمر وماعلقت 
 امـآ تآمر فجأه قام : شويا جاي . .
تميم اول مامشي قرب للطاوله : ابا ارد اعتباااري
 ترف وسعت عينها : ايش بك 
 تميم : لما يرجع افتحي الموضوع 
 ترف فجعها وهوا يهرج قدآمهم 
 تميم لاحظ تعابير وجهها المفجوعه : لاتخافي ماتستوعب دي البنت _ طالع في لمى _ تآمر طبيعي ؟
 لمى سكتت وبعدها قالت : لا 
 تميم بدون مايطالع فيها ويتكلم بااستهزاء وعينه على ترف وماد يدو على لمى : اديني بعض من التغيرات في تآمر
 لمى ماصدقت احد يسئلها مفجوعه كآنت الصباح : صحي اليوم يبتسملي والله حسيت قلبي حيوقف 
 ترف : ههههههههههههههههه 
 لمى قربت للطاوله وعينها على ترف : ترا تامر لما يصحى من النوم مستحيل يبتسم ومكشر دايما
 ترف طالعت في سآمي :هههههههه زي بعض نآس بس الحمدالله اللي عندي نص ساعه وبعدين يفك لوحده 
 لمى طالعت في سآمي ولدحين مو مستوعبه انو دا ولدها 
 ترف : طيب ايش استنتجتي يعني من موده دا
 لمى بتحليل : جاته وظيفه جديده ؟
 تميم : ههههههههههههههههه شايفه عايشه بعالمها الوردي
 ترف : هههههههههههههههههههه مو من جدك 
 لمى اتوقعت كلامها صح : ها ! 
تميم جابها على بلاطه : يحب وحده 
 ترف وسعت عينها وميلت جسمها على سامي : هييي ولدددي هنااا
 لمى شهقت وحطت يدها على فمها 
 تميم : حب عذري _ طالع في سامي _ خالك محترم 
 ترف : هههههههه لا بلله كدا يعني حليت الموضوع 
 تميم : ههههههههههه سامي اخصرك من امك _ غمزلو _ لو تبا شي بدي المواضيع تعلي
 ترف وسعت عينها : والله ياتميم لو ماتبعد عنو ياوويلك
 سامي ضحكه خفيفه هيا اللي خرجت معاه ولاشعوريا ..
تميم : انا مابشجعو على الغلط بقول لو حبيت يعني بس ازبطو 
 ترف لساتها مصدومه : تزببطو في ايش مننن جدكك !
تميم : يعني اشحنلو جواله لو ماعندو رصيد يعـ
 ترف قاطعته ولمى بس تضحك : اقووولك خليك في نفسسك ترا
 لمى : من جد تتكلم ولا تمزح 
 تميم : يعني حيحصى الصباح مبتسم عشان وظيفه خير يالمى 
 لمى وجهها حمر : يعني ماجا ف بالي شي تآني 
 تميم سكتها بكلمتين : شوفتي وجهك بعد الملكه
 لمى ميلت جسمها بااحراج وانهت الموضوع : خلاص طيب
 تميم : هههههههههههههه_ حاسس انو سآمي مو مرتآح عشان كدا بياخد ويدي معاه _ اسمع اسمع انا لما كنت بعمرك او اكبر منك بسنتين تقريبا حبيت بنت جارتنآ و
 ترف قاطعتـه وهيا مفجووعه : تمممميممم _ تطالع في الطاوله وتبا ترميه باأي حاجه _ اااسكت والله لو ماسكت ياويلك 
 تميم : هههههههههههههههه _ ولا كأنه ترف تكلمه _ اسمها جنى كآنت مرا دلوعه وا
 لمى : هههههههههههههههه 
 ترف مابين انها تباه تسكت ومابين انها تضحك لأنه اتذكرت هرجه البنت وكيف كآن تميم متجنن 
 قربت للطاوله وحاطه يدها على جبينها ومغطيه عينها وتضحكك 
 تميم دار جسمه وهوا يحكي سامي بااهتمام : المهم البنت مزه من النهايه وانا خلااص شغال عنند اهلها اروحلها البقاله ولما اشوفها تكنس الدرج انظف بدالها خرووف كنت خروف عندها 
 سامي : ههههههههههههه
 تميم : وفوق دا كلو هيا مو مديتني وجه لين ماجبت راسها وسارت تلعب معايا نطلع السطوح طول يومنا مع بعض لعببب وضحك ونحل الوآجبات فوق كل شي نسوييه لين مررا كنت اللعب معاها وطاحت على وجهها وانكسرت اسنانها اللي قدآم 
 ترف : هههههههههههههههه انا مو فاهمه ايش تبا توصل فكره لولدي من القصه 
 تميم : هههههههههه الهدف في الطريق اصبري 
 لمى : ههههههههههههه 
 تميم : تخييل اسنانها الاتنين اللي قدآم طاااحت البنت انمحت الحروف سارت تصفر لما تهررج غصبا عنها ترف ماقدرت ماتكمل : خالك اللي مايستحي سحب على البنت بعد ماكسرلها اسنانها 
 سامي طالع في تميم مفجوع وتميم رفع كتفه وهوا شايف نفسه ماغلط : ساااار شكلها يفجع اختفت فجأه البنت الجميله 
 لمى : هههههههههههههههههه حرام اموت واشوفها تآني
 تميم : عقدتني نفسيا ماسرت دكتور اسنان على الفاضي
 سامي : هههههههههههههههه
 ترف : اتذكر مسكينه كل ماتدق الباب تقول فين تميم وتميم ياأشرلنا انو نايم ونصرفها واضطر اجلس معاها عشان حزنانه عليها 
 تميم : هههههههههههههههه _ يهرج بكل جدييييه _ ترا والله الموضوع قلب نفسيتي وربي كنت احللم فيها انها تكلمني وفجأه لسانها يخرج بين اسنانها الفاضيه بسرعه ويبا يخنقني _ اتقشعر جسمه _ استغففرالله
 التلاته سارو يضحكو بصوووتهم وهوا مابيضحك بجددد الموضوع اثر بنفسيته وكان خايف منها 
 لمى : ههههههههههههه ااه يااقلبي ابااا ااشوفهاا
 ترف : هههههههههههههههه بالعكس اخر انسانه اتمنى اشوفها دي من كتتتر ماقطعتلي قلبي 
 تميم : ياشيخه فين قطعت قلبك شكلها كآن يفجع انا اطيب واحد في الحياه واحزن على الكل الا عليها بعد مانكسرت اسنانها
 لمى ضربتو : انتتتتا السبب حرااام عليك 
 تميم : دااا القدر انا اشلللي 
 ترف وسعت عينها : مو انتا الللي مديت رجلك وهيا طاحت على العاموود
 تميم قفل عينه : تتترف لاتذكريني بلله 
 ترف : هههههههههههههه كماااان انتا اللي متأثر 
 سـآمي ماقدر بيضحكك معآهم ويمكن لأول مرا بيتجمع مع امـه وفي احد تآني معاهم وبيضحكو زي كدا
 صح ماقدر ياخد ويدي بس موضوع تميم خلاه من قلب يضحككك ..يطالع كل شويا بترف ووجهها محمر من الضحك وبجد دي اول مرا يشوفها كدا ... 


خـآرج المطـعم .. 
يبا يسمع صوتها ويطمـن عليها بعد امس .. من يوم ماصحى وهوا مايبى يزعجها 
 بس خلاص مو قادر يستحمل .. وكم رنه وردت عليـه 
 جاه صوتها النآيم : الو 
 سكت شويا وبعدها استوعب : ايوا هلا ..صحيتك 
 روآن مغمضه عينها ومبتسمه : ايوا يامزعج
 ابتسم ماتخلي الواحد ضميره ياأنبه : معليش
 روآن : عادي اساسا كل شويا اصحى من ألم رجلي
 تآمر : توجعك 
 روآن : ايوا مرا 
 تآمر : حطيتي الكريم 
 روآن : لا 
 تامر طالع في سآعته : المفروض قبل تلات ساعات تحطيه وتاخدي الحبه كمآن
 روآن : كآن اتصلت عليا 
 تآمر : مدري انك مهمله 
 روآن مو قصدها تدلع بص مع صوت النوم هوا حس انها بتدلع 
 قالت بمزح : انا انسى اهتم في نفسي إنتا اهتم فيا وذكرني
 تآآمر ايش وضعه ؟!
خرفنت ابو عشيرته كلللها 
 ماتدري ليش حست الجمله حيهزأها او حيحضك يعني مافراسها انو شي رومنسي
 ماتفهم في الرومنسيـه مرا 
 تآمر لانت ملامحه قلبه يدق بسـرعه صووته رخي برغم الازعاج اللي حوليـه : من عيوني كم روآن عندي انا
 فتحت عينها بعدت اللحاف عن وجهها وعدسه عينها تتنقل يمين ويسار وتبا تتسوعب 
 ضاع الكلام كآنت تبا تقول بمزح 
 بس انكتمت
: قومي كلي عشان تاخدي الدوآ 
 روآن : اخاف اتحرك ويرجع الألم حنآم شويا دام مو حاسه بشي
: مايسير تلعبي بالمواعيد كدا
 روآن بتعب نوم تهرج : والله ماافيا من اول ابا انآم وماكنت قادره 
 تآمر : ليش ماتصلتي عليا 
 روآن : خلاص طفشت وانا اكلمك وانا ابكي احس زودتها مرا
 تامر اخد الموضوع ضحك بسبب اسلوبها بالكلام : ههههههههههه انا ماطفشت اتعودت عليكي تبكي اكتر من ماتضحكي
 روان : ترا الموضوع مايضحك 
 تامر : هههههههههههه طيب معلليش ... اليوم شوفت وحده صغيره اسلوبها مرا زيـك طول ماهيا تتكلم وانا مو قادر انزل عليني من عليها 
 روان سكتت وبعدها قالت : تخونني ياتامر 
 تامر ماستوعب : ها ! 
روان : مع طفله كمان 
 تامر : هههههههههههه شايفه الرجال مالهم امآن 
 روان : وانا اللي كنت احسبك غير عن البقيه 
 تآمر : انا غير عن البقيه حتى لو طالعت في غيرك 
 روآن هنا وسعت عينها كآنت بتمززح وشكلو حينقلب الموضوع جدي : حركاات عيد الجمله تاني على بال ادور على رد
 تامر : ههههههههههههههههههه نامي نامي 
 روآن : نرفزتني ترا 
 تامر سكت نفسه يقولها وحشتيني ترا الجمله على طرف لسانه بس مسك نفسـه : ارتاحي ونآمي ولما تصحي نكمل نقاش
 روآن : انتا فينك
 تآمر : مع اهلي خرجنا نفطر
 روان : طيب اتصل اسئل عني 
 تامر ابتسم : ان شالله 
 روان غمضت عينها وهيا لسى تتكلم : ولو زعلتك لاتزعلني 
 تامر : ههههههههههههه نامي ياروان 
 روان ابتسمت : طيب 
 تامر : مع سلامه 


 قفـل منها والحياااااه بعينه جميــله 
 من كتر الجمآل قاعد يتأمل الشارع اللي تعدي فيه السيارات وحاسس انو مرا منظررره حلو
 الشمممس تصرررع وهوا وااقف في مكآنه مبتسم وحاسس الجو مافي زيوو ..
خرجت منـه تنهيـده وبعدها استوعب لما حرمه كبيره في السن طالعت فيـه
 فجأه حس بالشمممس وازعاج السيارات 


 دخـل وهمـآ يضحكو وقفـلو الهرجه على طول اكلهم قدآمهم ولا أحد اككل من الفصله الهبله اللي جاتهم .. 
تامر : ايششش بكم 
 تميم : كنت بحكيهم عن جنى وايام الطفوله 
 تامر عقد حوآجبه : ياأللله اللي سارت تفجع صح 
 تميم ماصدددق : اخووووويا حبيبي 
 ترف : والله انكم ماتستحو 
 واخدهم النقـآش وهما يفطرو .. لين ماتميم رفع جوآله وكأنه بيكلم احد بالوآتس 
 يتكلم بصوت عالي وهوا عينه على الجوال : هيا بلله دا ايش ارد عليـه 
 لمى بجد تحسبو يهرج : ايش فيه ؟!
تميم : واحد من اصاحبي _ عينه على الجوال ويكتب _ دقيقه خليني اخلص منو 
 وكتب ورجع حط الجوال على الطاوله وكلهم مصدقينو بجد انو فيه هرجه 
: صاحبي دا مسكين على قد حآلو بيقولي لو امك تعرف وحده بنت حلال اكون شاكر لك ..حاولت اصرفه مو راضي يفهم 
 ترف : حرام طيب منتا خسران 
: انا اعرف امي ماتحب دي المواضيع ولمى اخر وحده برضو تجي تسئليها 
 ترف : اها _ سكتت شويا وبعدها حست نفسها خطابه _ ايش المواصفات اللي يباها 
: ماعنده يباها انسانه طيبـه اهم شي دا همه 
 ترف : مع اني ماحب اتدخل بدي الهروج لكن اعرف وحده مرا طيبه 
 تميم : صحبتك .؟
 ترف : تقريبا ...المهم هما بنتين مدري عاد ايش مواصفاته وحده اسمها هديل والتانيه روآن
 تآمر كآن عينه على جواله وفجأه تنــح مارفع عدسه عينه بس اذنه معاهم 
 تميم : وحده منهم اكلمه عليها وخلاص
 ترف : هديل مو مرا معاهااما روان شوفتها كدا مرا وتقريبا اعرف طبايعها يعني البنت طيبه 
 لمى تبا تحاول تربط المواضيـع ومستمعه زيها زيي تآمر
 تميم : حللو _ على نياته قال _ هيا من بيت مين ؟
 تآمر ساب جواله على االطاوله ويبا يشوف الموضوع دا ايش نهايته 
 ترف : ماعندها اهل اتوقع 
 تميم ولمى بان التفاجئ بوجههم 
 تميم : اهاا يبالي اقولو ..عادي تديني رقمها يسير لو يبا يخلي امه تكلمها و
 تآمر قاطعه لما ضحك : حنقضيها اليوم كدا
 ترف مسكت جوالها : خلاص بس اديه الرقم _ وهيا بتمسك جوالها تامر سحبو من يدها بس مبتسم ولا كأنه مولع من جوآ _ يقولك امشي في جنازه ولا تمشي في جوآزه 
 حط جوالها على الطاوله : بجمع راسين بالجلال _ جات تمسك جوالها الا بعد جوآله لنآحيته _
تآمر : طيب خلوها لوقت تآني لأني انا جامعكم عشان نقعد زي الآوادم مو نجمع راسين بالحلال
 كلهم مآسسكين نفسهم لايضحكو ..يعني لو مو فاهمين الهرجه كآن ماستوعبـه انو بيصرف الموضوع
 تميم نزل جواله : يله مو مشكله لما ارجع البيت اتصل عليكي واديني مواصفاتها كمان عشان لو سئل
 تآمر : ههههههههه يااخي مواصفات ايش هوا مين اللي حيتزوج انتا ولا هوآ
 تميم ماصدق تآمر يسئلو : الولد دا دقيق شويا 
 تآمر : طيب مو امو حتشوفها 
 تميم : انا اشلي هوا يبا مواصفات اقولو روح خلي ا مك تشوفها افرض ماعجبتو 
 ترف دخلت في الهرجه : حتعجبه حتعجبه ماعليك 
 تميم : اعتمد عليكي يني 
 ترف : اييوا صدقني ولو الولد طيب انا اقنعها 
 تآمر رفع حآجبه بعد كرسيـه بهدووء وكلهم طالعو فيـه : فين رايح 
 اخد جوآله ومن غير مايطالع فيهم قال : شويا جآي 
 وخرج للمرآ التآنيه من المطعم بس ددي المرا عشان وجهه لايفضحه 
 وحاسس انو حيفصل على تميم وترف وهما بيوصفو البنت لوآحد 
 واقف عند الباب الخارجي وزفرر بضيــق يبا يتمآلك نفسـه
 عينه على السيارات اللي تمشي وجواله بيده قاعد يحركه بنرفزه 

" ايش انا ابا منها " 
دا سؤال يجي في باله دايما ويصرفـه وبس 
" زوجه !!! "
 "مو مستوعب انو ممكن يرتبط فيها وبنفس الوقت ماستحمل فكره انو رجآل تآني يبا ياخدها


 امـآ جوا اول ماخرج 
 لمى : حرررررررام عليييكم 
 تميم : هههههههههههههههههههه ماقدر يستحمل ها
 ترف : والله حزننت خلاص لاعاد تجيب سيرتها 
 لمى : انتي كيف تعرفيها 
 ترف : كآنت ساكنه تحتي 
 لمى لسى ماستوعبت مارضيت بس تسأل اكتر عشان سآمي فيـه .. 
وخمسه دقايق ودخل تآمر ... ورجعــه يتكلمو وترف فجأه سارت بس تطالع فيهم 
 تميم وفصلاتـــه 
 تآمر شخصيته اللي محد يقدر يتعدآها 
 لمى بريئه ببلاهه ويطقطقو عليها الاتنين 
 اخر جمعه كآنت بينهم وهمآ صغار واليوم اخوآنها رجآل 
 واختها كم اسبوع وتتزوج وهيا عندها ولد ...
قآمت من مكآنها لما حست انها حتبكي اتوجهت للحمآمآت 
 واول مادخلت والمكآن فاضي دمعتها نزلت 
 خرجت شهقتها 
 انها تبكي لأنها مبسوطه دا شي من زمآن ماحستو 
 حاسه انها تبا تسجد شككر لأنو ربنا بيديها حاجآت ماتخيلت انو حترجع 
: ترف 
 مسحت دموعها ودارت : ها
 لمى بتوتر : ايش بك 
 ترف اتوجهت للجهاز المعلق على الجدار واخدت منديـل : ولاشي 
 وقفت قدآم المرايه وهيا تمسح تحت عينها 
 لمى تطآلع فيها وتحس انو هيا تبا تبكي كل ماتتخيل حياه ترف 
 ماتعرف تبادر وتحضن احد مو طبعها 
 بس ماقدرت ماتتكلم بذات لأنو فجأه كأنو ماسار شي بيتكلمو عآدي 
 جات لحدها وترف لساتها تطالع في المرآيه 
 حطت يدها على ذراع ترف وقالت بصوت يرجف : لو ادري انو انتي مظلومه كآن جيتك حتى لو اعرف انهم حيضربوني والله ياترف مآكآن سبتك لوحدك _ نزلت دموعها _ انا كرهتك لأني حسبتك كنتي تعرفيه 
 ترف ماقدرت تطالع فيها قالت وهيا ماسكه نفسها : عادي خلاص يالمى 
 قالتها بالقققوه بصوت مخنوق وحده اكيد مو عادي عندها ... بس عارفه انو الوقت ماحيرجع
 الكلمه قهرت لمى لأنو فهمت مقصدها اذا هيا ضرب ومآكآنت مسامحه ترف لأنها السبب كيف لو عاشت حياتها ..رفعت يدها وغطت وجهها وبكييت ...بكيت لأنه حتى لو ماعاشت مع اختها دي اختها من لحمها ودمها ومو قادره تستوعب انهم ظلموها 
 مو قادره تستوعب اي كلمه تميم قالها 
 كلامه شي كبت على نفسها وروحها وخانقها من يوم ماسمعتـه
 ترف نقلت عدسه عينها بالمرايه للمى مرا صدمتها لما بكيـت 
 دارت جسمها بشويش 
 تبكي بحرقـه قلب .. ترف بهدوء : لمى ايش بك 
 لمى ولا نزلت يدها حركت راسها بولاشي وبس 
 ترف سكتت وبعدها قالت : لمى والله مرا مبسوطه بكيت لأني مبسوطه 
 لمى نزلت يدها: انتي مو كارهتني ؟
 ترف بتفاجئ : لا والله
 لمى مسحت دموعها : يعني حتسيري عادي تتصلي عليا وتكلميني ومنتي شايله عليا 
 ترف صوتها ماطلع من كتر ماحست انها بتبكي بس اشرت براسها يعني ايوا 
 لمى ابتسمت بين دموعها ورخت راسها : اجل حطفشك دايما 
 ترف ضحكت : من يومك كنتي تطفشيني 
 خرجو والاتنين ملامحهم واضح البكى عليها بس محد عــلق بس كلام لمى رييح مرا ترف 
 حستها اختها الصغيره مهمآ يمر الوقــت وبرضها الصغيره حق العيله
 ولمى نفس الشي من يوم ماصحيت وفيه شي خانقها وتحس انزآح شويا لما اتكلمت ..

وجا الحســآب .. سآمي اخد الفاتوره قبل الكل .. 
تآمر ماستوعب ايش يبا يسوي 
 شاف حسابه وحساب امـه وحط الفلوس وادا لتآمر 
 ماطالع في احد سوا حركتـه وبس 
 تـرف ماعلقت ماتبى تضغط عليه
 تآمر خرج فلوس من المحفظـه وحطها وقـآم خـآرج ولما مر من جمب سامي اللي دوبـه وقف 
 رجع فلوس سامي في جيبـه وهمسلو بصوت واطي : استحي على وجهك لو مو عشانك عشان امك
 وخــرج قبلــهم مرررا اضايق من حركه سآمي
 عارف انو حركتـه لها معنى بس مو مستوعب ليش بيسوي كدا 
 اذا ترف خلاص مسامحتهم .. باين انو مو نفس الشخص اللي كآن يقابله زمآن 
 داك اللي يبا يلم العيلـه وهمو يوقف قدآم الكل عشان يسامحو ترف 
 ليش دحين اتغير ..!!!
سآمي وتتتر الجوو وكلهم قآمو بصمـت .. 
تميم راح وصـل لمى للجآمعه ورجـع لدوآمـه وتآمر وصلـهم للبيت 
 وسامي ماتكلم مع ترف غير " انا رايح انام "
ودخل نآم .. بتحاول تنبسط بس مو عارفه تتعامل مع سامي 
 فاتصلت على براء عشان يهديـها ويطمنها انو طبيعي اللي بيسويه سآمي ... 


بعد مرور 24 سـآعه ... 


بشـآر .. 
يوم تقيــل 
 ام سميه بس تتصل وبحاول اصرفها لين ماتديني خبر اكيد سميه ايش تبا بزبط 
 هديــل روووحي كل مالدنيآ تضيق عليا واتذكر حور وابوياا 
 واحس اني مخنووووق اروح بس ادق عليها الباب 
 بس تفتحححلي 
 بس اشوف نظرتها 
 عينها ملامحها كل شي يهوووون 
 روح وتردلي من غير ماتتكلم من غير ماتسوي اي شي انا ارتآح
 امـي اضطريت اكدب عليها اللي سوتـه فيا هديل قلتلها اني انا سويتـه فيها 
 قلتلها عرفتها من قبل لااعرف سميه كنت اعرف انها تشتغل عند ابويا 
 واتعرفت عليها وهيا ماتدري اني ولده 
 كنت ابا اشوف ابويا ايش يسوي فيهم بس مع الايام حبيتها 
 اعرف انو غلطت لكن البنت طيبـه وانا ضعفت
 اضطريت اتكلم كدا لأنو امي خايفه انه هديل تبا تنتقم 
 فاقلتلها عيشتها بكدبه لفتره طويله وحبتني وسبنا بعض لما عرفت الحقيقه 
 ورجعنا تاني بسبب سميـه 
 حسيتها اطمنت كتير ...موضوع الزفت اللي سميه قالتلي عليه زمآن 
 لدحين يدور براسي سئلتها وبعد منآحله ادتني عنوآن بيتهم
 كريم عــآدل 
 امـآ سميه احسها جزء مني احسها حور اللي راحت صح شخصياتهم غير وسميه نسختي في كل شي
 بس مابعاملها معامله اقل من معاملتي لحور بالعكس يمكن كل اللي غلطو بحق حور 
 بحاول اصلحه مع سميـه ...

روآن .. 
تآآآمر واللي يقول عنها بشار انها ماما او دلال ارتاح لما اناديها كدا 
 موضوعين في نفس اليوم متعبني ويجيني اتصآل من تآمر
 يرميني بكم كلمـه ويلمح انو اشتاق لهبلي 
 وانسسسى كل شي 
 ابتسم زي الهبله 
 بجد مكسوفه هديل تشوفني 
 حتى مااخرج بعد مااقفل منو على طول 
 احس وجههي مشدود واخد وضعيه الابتسامه 
 كلامـه حقير
 احس متقصد يقولي هرج يخليني زي البلهه ماعرف ارد وارتبك 
 نزلت الوآتس بس ماستفيد منو مافهم شي بس افتح صوره تآمر اللي حاطتها 
 يختتي نفسي اسحبببو من الصووره واجيبو قدآمي 
 بشار مستفز مو مخليني اخرج 
 قاعده اتناسى موضوع دلال بس تآمر الا يباني اقابلها .. 
هوا اللي بيلعب بعقلي وبشار ماداني اي خيآر
 مستعد يكون معايا في القرارين ..
على قد ماتضارب انا وبشار بس وجوده بحياااااتي نعمه
 تآمر اخاف من بكرآ ايش ممكن يسير بيننا 
 بس الأخ دوبني استوعب انو مشاعر تلقائيه انتي تخافي عليه وهوا يخاف عليكي 
 كيف وللليش مو مهم اخويـآ وبس 

 هديـل ... 
بحاول اتناسى كلام ام بشـآر وتجريحها 
 مستحيل للأمانه انساه بس كدبت على بشار وقلتلو مقدره ظروفها 
 كلنا عندنا ظروف صح عارفه انها طيبه وسوت دا عشان ولدها 
 بس في النهايه الجرح لما يوجعك ايش ماقلتيلو مبرر خلاص وجعك 
 خلاص شوه شي جوتتتك وانحفر فاتضطري انك تبتسمي وتكدبي انو عادي 
 انو انتي متفهمه 
 بس لا مني متفهمه لما انسدح على مخدتي وابكي من كلامها فاأنا كدا مو متفهمه 
 انا كدا انجرحت 
 بس بشار يستاهل انو ماأفتح الموضوع 
 لساتي مو مستوعبه هرجه انو حيخطبني 
 في العصر لما روآن نآمت جا يرسلي على الوآتس 
 صور مكآن اسمو جزر المالديف ماعرف فينه بس مرا اتجننت على المكآن 
 قلي انو حيحجز شهر العسل هنآك 
 مااعرفت ايش اكتب بس فاتحه لصوره ومتنحه وابا استوعب انو دا المكآن حقيقي
 بشار يبا يعيشني احسن عيشه 
 يباني اعتمد على نفسي يباني اتوظف وتكون عندي حياه مستقله عنـو 
 يباني ابني احلامي ومستعد انو يوقف جمبي ويخليني احققها واوصل لأي حاجه في بالي 
 حتى لو كآنت صعبه 
 قد اااايش اعشق شخصيته دي
 لما اشوفه بعز اللي فيه وهوا بيخطط ايش يسويلي 
 احبــه دا الشي الوحيد اللي اقولـه 



 تـرف .. 

ساممممي ..مرا غريب مرا مو قادره اتفاهم معاه 
 بس محاكمه قاسم بكرا وقلبي حيووقف 
 تآمر طمني وقلي سلمى هيا اللي حتعترف بكل شي 
 براء برضو معايا حيجي ... ولمى ضحكتني وهيا تتصل عليا عشان تسئلني 
 لما عدي يجيها مع اللبس الكحلي ايش يناسبه منآكير 
 والله ماستوعبت انها متصله عشان تسئل دا السؤال 
 بس تميم كآن عندي وضحك من قلبه يقول دايما تسئلنا واحنا نصرفها
 حسيتها بجد فاقده احساس انو عندها اخت 
 ودا الشي مررررا حابتو فيـها عفووويه بشكل مو طبيعي 
 تنكسف من حآجآت ومن حآجآت عادي تسويها 
 عرفت ليش عدي حاببها يمكن لأنو عاش في بيئه وسخه وماشاف وحده زيها
 حابب برائتها بس ان شالله ماتكون فتره ويتعود ويرجع للبلاوي اللي كآن يسويها ..



لمى ..
فيه اشيااء كتير باسطتني اول شي تتترف 
 امسك نفسي ماتصل عليها كل شويا احس بديت ازعجها بجد
 يعني موضوع فرححي وتجهيزي كل شي موترني واحب اخد رايي احد 
 وماما ماتديني وجه واخاف تعصب فمافي غيرها اتصلت عليها تلات مرات 
 اسئلها ايت باقه يوم الفرح اسوي 
 وسئلتها عن للون المنآكير لأنو عدي بكرا حيجيني 
 وسئلتها عن اني اصبغ شعري ولا اخليه 
 كدا مواضيع تجي في بالي ومافي احد اكلمو وهيا تخطر على بالي 
 دا بس في يوم سويتلها كدا
 تاني موضوع بكرا عيد ميلاد عدي مررررا مبسوووطه 
 مو عارفه ايش اجبلو هديـه اممم ممكن اتصل على ترف اسئلها 
 بسسس نفسي اعبرلو عن كل شي احبو فيـه 
 عن كل شي اتغير فيا بسببو 
 بجد هوا خلى لحياتي طعم بعد مآكآن كل شي زي بعض
 يكفي انو مآمآ ماسارت تعصب عليا وكل يوم بيكلمها 
 بيسوي دا كلو عشاني 
 تالت ششي مفرحني وموترني وكل شي طبعا فرحي المشكله مدري ايش جونآ
 فرح وبعدو داخخلين على اختبارات بس مو مشكله عدي حالف يمين نذاكر في نفس البيت فانشوف نهايته .. 




 يوم حيكون تقيـل على عيله مرآد 
 كلهم ممتجهزيـن نفسيا 
 صحيت تـرف تلبس ملابسها بتوتر وتجلس كل شويا على السرير 
 جسمها يتنافض وماتدري اذا عندها استعداد انها تشوف قاسم ولا لا 
 بس براء معاها اخوانها حيكونو معـآها 
 وقفت لبست بلوزه رسميـه وبنطلون اسود لمت شعرها 
 مكيآج خفيف تغطي فيه اثار السهر والخوف اللي عاشته بدي الساعات 
 سآمي مارضي يدآوم ماعارضته ماقالتله روح حتسيبه براحتـه دخلت عليه الغرفـه 
 حسبتو نآيم ..لكن مستنيها تخرج وبس ..
قربت لحد سريره ودموعها بعينها باست جبينه وغطتو عدل باللحاف وخرجت 
 اول ماسمع صوت باب غرفته انقفل فتح عينه اول ماسمع صوت باب الشقه 
 بككي 

 نزلت الدرج وتحس قلبها يدق بطريقه جنونيــه 
 حتآخد حقها بعد مامر 11 سنـه 
 ياأأللللله قد ايييش الموضوع مخليها خاايفه 
 مخليها تحس انو ربنا بجد مايرضى بالظلم 
11 سنـه بس حتاخد حقهااا
11 سنـه بس اسمو حيكون على كل لسآن
 شافت سياره براء فتحت الباب وجلست 
 ضغطت على اياديها الاتنين وابتسمت باارتباك : اتأخرت 
 وجهها مصفررر 
 دي الوحيده اللي لو تتااخر عليه على قلبه زي العسـل ..
يستنآهآ العمر كلــو ..
 : لا حبيبي _ حرك السياره وطالع فيها _ خايفه 
 خرجت تنهيده منها واشرت براسها يعني ايوا 
: اشغلك موسيقى حتخليكي تهدي 
 ترف : بلله ايش جوك يابراء 
 براء : هههههههههههههههه اسمعي اليوم حلمت انك مسكتي ابويا وضربتيه 
 ترف انفجعت من دخلته ومن الحلم الغبي : ههههههههههههههههه اما ضربته !!!
براء : المشكله مو هنآ المشكله اني كنت اشجعك والله العظيم صحيت مصدوم وروحت ابوس راس ابويا وابوس يده حسيت اني واحد وسخ وعاق في الحلم 
 ترف : ههههههههههههههههههه ضربته بدون سبب
 براء عقد حوآجبه : مدري ليش فجأه كدا انتي حاشرته بقصرك دا وابويا خايف منك ليش مدري و
 قاطعته بصدمه : بقصرك دا !!! ايش قصدك !
براء بااستغراب : انك قصيره !!
ترف : طيب قولها بااسلوب عدل مو كأنك بتتريق عليا 
 براء : يعني انا طوويل من الاساس وخلصو بنات حواء كلهم عشان اطالع بااقصر وحده ب
 ترف ضربته : براااااء ترا انا قصري طبيعي انتا اللي ماشالله طويل زياده عن اللزوم 
 براء : هههههههه محممود يقولي ماينفع تتزوجها هيا مرا قصيرره لو اتضاربتو تنزل على ركبك عشان تتفاهم معاها 
 تررف مهما سمعت تهزيئ بس اقوى من كدا ماقد سمعت وسعت عينها بصدممه : والله انكم عيله ماتستحي
 براء : هههههههههههههههه قتتتلني وربي
 ترف لساتها مصدومه : كيف تسمحلو يتكلم عني كدا 
 براء : هههههههههههه معليش دا اخو زوجك مانركز احنا بالاعمار 
 ترف سوت نفسها شويا وتبكي : والله قهررني 
 براء مد يدو ومسكها ويتكلم بشهامه : ماعليكي ياعمري اخدت بحقك 
 ترف : ايووا ضربتو ؟
 براء : لا حبيبي قلتلو حسير اشتريلها كعب عالي 
 ترف : وااا ! اشكرك صراااحه اشكرك على رد الاعتبار
 براء يلعب بيدها : حبيبي زوجك ياخد بحقك لاتشيلي هم 
 دفت يدو : رووح ياااشيخ اهنتني اكتر من اخوك
 براء مات ضحكك : هههههههههههههههههههههههههههه وربي قصرك اللي لفتني لما عصبتي عليا وماستوعبت انو دا الصوت منك 
 ترف وسعت عينها : برااااء ايش بك اليوم 
 براء : هههههههههههههههههه 
 ترف مقهوره :على فكرا قصري طبيعي اغلب البنات في طولي
 وخلاها تتنرفز وتعصب عشـآن تتنـآسا موضوع قآسم لين مايوصلو 
 وقـف سيارته وهيا نزلت وقبل لايدخلـه مسك يدها شافت تميم وتآمر
 وتميم سلم على برااء ومآكآن بينهم نقآش لكن محترمين بعض وبس ..
ترف كل اللي تسمعه دقآت قلبها 
 يكلموها تحرك راسها تعلق كلمه وتسكت 
 توتتتتتتر والكل ملاحظ عليها جلسو في الانتظار وبراء جمبـها 
 لو في موقف تآني كآن استحت وسحبت يدها بس مع الخوف اللي فيها 
 مو مستوعبه شي 
 ودخلـو اول مجآ موعدهم ... 
امـآ سلمى قبـل لاتدخل ومعاها المحاميه حقتها 
 مسكها محامي قآسـم : حاولي تقولي اللي قاسم يباه نحتاج شوية وقت 
 سلمى سحبت يدها وهيا تضغط على الكلام بقهر : شويه وقت وهوا عارف انو احتمال كبير اتسجن فيه 
 محآمي قاسم : صدقيني ماحتتسجني قلتلك ا
 سلمى قاطعتـه : انا سويت الشي اللي طلبتوه مني كنت اتصل عليه ابا اسجل مقطع بسيط وهوا يطلب مني طلب واحد بس هوووا حقير فاااهم الللعبه عارف انو نبا نمسك عليه غلطه ترا اللي بنلعب معاه واحد مجنننون ارسلي اخوه امس قللي كلمه وحده تنقصي فيها اعتبري موضوعك انتهى قوول لقاسم انا اسفه بس هوا اللي يتحمل نتيجة غلطو مو انا هوا اللي ظلم بنت النآس مو انا 
 دخلللت وخصرت المحآمـــي 
 ساعه ونص بزبـط 
 سلمى شهدت على اخوها 
 قدمـو اوراق سامي ونسبه الابوه 
 وورتهم سلمى المقطع اللي مسجلينو لترف في المحكمه 
 اتكلمت بتفاصيل التفاصيل اللي كآنت تسمعها في البيت 
 من ابوها لقاسم وكيف هددو ابو ترف وكيف سار الحادث لليث ماسابت شي 
 وتآمر يطالع فيها ومبتسم 
 سوت كل شي طلبهه منها ... ورفعت اول جلسـه 
 وقـآآآسم داود لدحيـن يحاول يدور لنفسه مخرررج مع انو بعد كلام اختـه دمرررته 
 بمعنننى دمرته الخخبر قاعد ينتشر بطريقـه جنونيـه ولسى محد خرج من المكآن
 خرجت اختـه وهيا تشرد من نظراته وتبكي 
 وخرجو التلاته وهمـآ حاسين باإنتصآر 
 بس ترف الصمت وهدوئها هوا سيد الموقـف 
 خرجو من المحكمـه واتوجهه لسياراتهم وقبل لاتطلع السياره وبعيد عن النآس
 مسكها براء : ترف ايش بك 
 حركت راسها بالنفي
: حبيـ
 وقبل لايكمل كلامها بكيــت 
 كآآآنت خااايفه 
 كل لحظآت المحكمه وهيا صغيره في راسها 
 ابببوها ماتنسى شكله وهوا يطالع فيها ويباها تتكلم 
 زي ماتامر سوا في سلمى 
 براء حضنها : حبيبي ايش بك 
 ترف مو قادره تنطق بولاحرف ماصدقت تخرج من المكآن 
 كآن خانننننقها 
 بس مااااسكه نفسـها 
 براء مسك ذقنها ورفع راسها : كنتي خايفه ؟ ولا فيه حآجه
 ترف حاولت تهرج بين شهقاتها: ليش ليش فتحو محاكمتي القديمه
 مع انو القاضي بس اللي شاف المقطع بس كآن صوتها الوآطي طالع في في ارجاء القاعه الهاديه 
 مو مفهوم بس هيا متذكره كل كلمــه 

 براء رجع حضنها : معليش حبيبي دا دليل على اللي سوه 
 ماهمها دليل ولا لا بس جرحها الموضوع 
 خلاها تبــكي وبعدين حـركه وهيا هاديـه 
 امـآ تآمر وتميم شافوها تبكي مع براء 
 اتذكر تآمر لما قلو براء هيا تحتاج زوج يوقف معاها 
 تامر : خلينا نرجع على بيت ترف 
 تميم :انا عندي دوآم 
 تامر : بس ساعه بلاشي تقعد لوحدها 
 تميم : طيب حشوف 
 طول الطريـق ماسك يدها يحاول يكلمها يحاول ياأذيها 
 ضحكت كدا مرا وبصوتها المخنوق قالتله : مو فايقه يابراء 
 براء : ماينفع تصرفي سامي اليوم برا البيت 
 ترف هنا انصدمت : ايش تبا انتا 
 براء : بقعد مع مرتي 
 ترف : ههه أهو قاعدين 
 براء ضحك ضحككــه كدا كأنو قالت نكته : هههههههههه _ وف نص الضحكه وقف ضحك وقال _ بلا بلاهه اقول
 فحعها هيا ضحكت : هههههه فين تباني اصرفو 
 براء : عند محمود ولا اي مكآن قوليلو روح اشتريلي حاجه مو موجوده من الاساس ولو رجعت بدونها حزعل وخلاص كدا صرفناه للأبد 
 ترف بفجعه ضربتو مرا ومرررتين وتلاته على ذراعه وهوا يضحك : ححححسبيه الله عليييك 
 براء : ههههههههههه 
 جلسس ياأذيــها لين ماوصلـه ووقـف سيـآرته اول ماطفاها اصلا حركت راسها : لاحول ولا قوه الا بلله 
 براء : ههههههههه والله ماحطلع يااشيخه 
 نزل بس معاها لحد العمآره وسلم على يدها ومسك خدها : احببك ياعمري لاتبكي وتزعليني 
 ترف اشرت براسها 
: قوليلي احبك 
 ترف ضحكت بهدوء : وقتك ؟
: تصدقي ماقد قلتيلي هيا 
 ترف : الا 
 براء رفع حآجبه : متى 
 ترف بجد ماتتذكر انها قالتو حبيبي ولا عمري ولا احبك : انا جفصه 
 براء : جفصه وجايبه راسي 
 ترف : هههههههههههههه شايف كيف بلاشي اجل ادلعك 
 براء : مو مشكله نتحملك كمان يلا اطلعي 
 كآن ماشي الا ترف مسكت يدو : برااء 
 طالع فيها 
: انتا عارف انا ايش اعتبرك 
 براء مسك خدها : عارف حبيبي مايحتاج ت
 قاطعته : احبك

 امـآ فووق وقبل لايوصـله بربع ساعه 
 من اول يحدث الصفحه 
 وهوا يكتب اسم ابــوه .. 
وجلس على طول لما شاف موآضيـع جديده ...
قاسم دآود اغتصآب وتهديد والضحيه طفل في ال 11
سلمى دآود تفضح حقيقه والدها واخآها قاسم داود 
 مرآهقـه قضت حياتها خلف القضبآن بسبب ظلم اصحاب السلطه
 فتح اول موضوع ويقرا يقرا 
 ودموعـه تنزل 
 يفتح تآني موضوع ويده تتنآفض 
 الحقيقه اللي مايعرفها بالكآمل عرفها دحيـن
 مو مكتوب اسم امه بس التشهير كآن باإسم قاسم داود .. 
ححسس نفسـه مخنوووق 
 كل مايسوي تحديث يشوف صور قاسم والاخبار تزيـد 
 ساب جواله وخرج من البيت نززل وجلس في درج العمـآره 
 خلل يده بشعره وهوا يحرك رجووله بطريقه مو قادر يتحكم فيـها 
 جسمه كلو يتنآآفض 
 ورفع راسه لما سمع صوت برااء 
 محد شايفـه واقفين عند باب العمآره وهوا في الدرج وقف كآن طالع بس كلامـهم وقفـه
 سمع لين ماقالت ترف احبـك ومسك بيده حديد الدربزان طلع درجه لفوق 
 وسمع بعدها " مدري ايش ككآن سويت بدونك "
ودار جسمه وطلع للبيتدخل وقفل الباب راح لغرفته وسار رايح جاي في الغرفه 
 موعه تنزل بصمت ويتنفس بسـرعه 
 حتى امـه يحس الكل بياخدها منـه 
 اهلها 
 وبرااء
 خآيف يرجع زي زمآن اليتيم اللي ماعنده احد 
 طفــل يرجع طفـل في ابسط موووقف
 فتحت باب البيت ...حطت شنطتها وكآنت حتجلس 
 سمعت صوت غريب اتوجهت لغرفه سامي وشافتتو يبكـي
 مرا انفجعت دخلت بهدوء لناحيته عكس اللي جوتها: سامي ايش بك !!
بعد عنـها ..ووجهه كل مالو يحممر من كتر مايتنفس بسـرعه
 ياخد نفسه ورا بعض وكأنه مافي هوى حوليـه قالت بخوف : سامـ
 وهوا اتكلم بهجوميـه :خليه يسيبك .. مااابى اشوفوو مااابى اشوفو 
: سامي حبيبي !
كآنت بتمسكو الا دفههها وانضرب جسمها على الباب 
 مسك كل شي وسار ييرممميه بجنون في الارض حتى البلاستيشن والطاوله اللي مرصوصه عليه الاشرطه كل شي بيشيله ويرميــه ويصررخ 
 وهيا واقفه في مكآنها ودموعها تنززل : ساااامي 
 وانكمشت على نفسها بخوف لما رمى كاسه العصيــر وانتشر القزاز في الغرفــه 

 طالع فيهااا : قووووليلو يسيبك ..حتى حتى حتى اخوانك مابى اشوف احد مابى احد 
 رفعت يدها اللي تتنافض : طيب حبيبي بس اهدى الله يخليك 
 صرخخ وفجعها : كددددابه ماحتسيبهم 
 بكيت باانهيار : والله اسيبهم حبيبي والله لو ماتباني اشوف احد حسيبهم بس لاتبكي اماانه
 جات تدعس بجزمتها على القزاز الا وقفها بصوتـه : حترجعيلهم وترجعيني الميتم صح 
 ترف انفففجعت حست كأنه اداها كككف بكلمتـه : انتا ولددي اسيب الدنيا كلها عشانك
 دق جــرس البيت 
 وسامي طالع بااتجاه باب غرفتـه وبعدها فيه : ناديتهم يجوو ماتقدري تجلسي لوحدك معايا 
 ترف لأول مرا يضيع الكلام منها حاسه انها ماتعرفو لما يتكلم بدا الاسلوب : والله ماناديت احد 
 سااامي مشي بااتجاه الباب وهيا تلحق ورااه 
 واول مافتحو وشااف تامر وتميم دار جسمـه عليها ويأشر عليهم ويصــرخ : رجعتتتي تكدبي رجعتي تكدبي عليا 
 ترف تطالع في اخوانها وترجع تطالع في سامي 
 مسحت دموعها وقبـل لاتتكلم هوآ جآهآ وقلها بصوته : خليهم يمشو قوليلهم مانبااكم 
 تميم وتآمر مصدومين ولما طول سكوت تتترف رجع يتصرف بجنآن 
 مسك الاب توب ورمآآه في الارضضض وكأنه بيطلع كل قهره بكل شي حوليـه
 ترف صرخت بخوووف لما اترمى عند رجلها ورجعت على ورررا قالت بصوت متقطع : سـ آمـ ي
 اتكلم بشكل هستري : مـ ميـ مين سماني سآمي _ صرخ عليها _ هاااا مييين
 داري جسمها وهيا تطالع في اخوانها تبا احد يكلمه مو قادره تتعامل معااه 
 تآمردخــل ودوبـه بيتكلم الا سامي رفع صبـآعه ورجع لورا : قلت اطلعو اطلعو مانباااكم _ طالع في ترف _ قوليلهم مانباكم قوليلهم يروحو 
 تآمر : سااامي اهدى ل
 سامي قاطعــه : ممممالك صلاح فينننا لاتدخلو في حياتنا
 تآمر جا لعنده : عارف احنا قصرنا في حقكم بس غصبا عننا 
 سامي وقف قبآله بزبط : قولي ايش اللي خلاكم ماتاخدوني ايش اللي خلاك دحين تجي 
 تآمر : لما عرفت انو اختي مظلومه 
 سامي اشر على نفسـه : وانا ؟ 
 تامر مااعرف ايش يرد وسامي دفاااه : اخررررجووو 
 كل شي سود بعيين تآمر باقوه ثبت جسمه وماطاح مسك مكآن العمليه باألم وتررف صرخت عليه : سااااامي 
 رفع يده تآمر : سيبيييه 
 سآآمي : اخرررجوو بقولكمم اخرجوو 
 تميم طالع في ترف : ادخلي غرفتتتك 
 ترف تبكي وتطالع في ولدها خايفه عليه : لا خليني اكلمو ل
 تميم رفع صوته عليها : تتترف بقولك ادخخخخلي غرفتــك
 سآمي مو عارف ايش يبا جا يضارب مع تممميم : لاتتتتصرخ عليها لاترفع صووتك عليها
 جا مد يدو وتميم مسكووو وطالع في ترف : ادخخخلي غرفتكك 
 كل اللي عارفه انها واثقه باأخوانها 
 كل اللي عارفته انها مو قادره تطالع في ولدها 
 دخلت بكل خوف لغرفتها قفلت الباب وبككككيت باانهيااار 
 سامعتو يصــرخ ويبكي جلست ورا الباب وسدت اذانيـها 
 بسببها بيسرلو دا كلــو 
 هوا كآن يباهم وبسبب الرسايل اللي قرأتها خلتو يكرههم 
 كل شي عاشه بسببها هييا لو مآكذبت عليه على ابووه مآكآن مر بدي الحآله 
 لو مارتبطت في براء برضو ماكآن مر بدي الحآله 
 سآمي ::: سيبببني 
 تميم ماسك يد سامممي : لو قصرنا بحقك احنا اسفيين بس لاتعامل امك كدا لاتصررخ عليها 
: مممممالكم صلااح 
 دف تميم ودخل لغرفته وتميم دخل وراااه 
 تآمر ولساته واقف في مكآنه بيحاول يرتآح شويا وبعدها يدخلهم 
 تميم : سآمي انتا عااقل لاتكسر الشي اللي قاعدين نسوويه 
: لا لا انا مو عاااقل انا ماباكم تدخلو دا البيت تآني انتو ايش تعرفو عننا
 تميم حط يدو على صدرو : انا ااسف ..انا اسف لأني ماعرفتك من قبل وماجيتك 
 سامي دموعه تنزل وشكللو على الجنآن اللي بيسويه بس مرا محزن تميم 
: تبو تضحكو وتتكلمو معايا كأنكم مارميتوني ورميتو امي طول دي السنين لو زعلانين منها طيب انا ليش محد جاني 
 اتكلم بكككل ضعف وتميم ماعندو جوآب :انا اسف
 سآمي كآن بيبعد عنو ومو منتبه للقزاز اللي في الارض الا تميم سسسحبببو : سااااامي اهججد 
 سامي حاول يدفوو : لاتتتمممسكني بقولك لاتتتمسكننني
 تميم ولا سااابه بيحاول يخليه يستتوعب : طططيطب اسمعني اللي راح وربي ندمانين عليه 
 سآآمي ولا كأنه يسمعه سار يصرخ وهوا يعيد كلامه وبــس : تبووو تاخدو ماما وترمووني تبوو تااخدوها وتررمونني 
: ياااخي وربي محددد حيسيبككك ايش بككك 
: سيببببني سيبببني 
 يضرب في تميم وتميم مو قادر يداركه بالقوه ثبت اياديه وجلسه في الارض : ططططالع فيااا لليش حناخد امك ليش حنخليها ترمميك انتا مجنوون 
: قول لبراء يسيبها وانتو سيبوها خلونا لوحدنا 
" محد حيسيبكم احنا اهلك 
: لا لا ماعندي اهل انا ابا ماما بس 
 ماسسك سآمي وجسمه فجأه سار يتنافض بطريقـه سريـعه تميم مرا انفجع : سآمي والله ماحنأذيكم والله أهدى اهدددى الله يخليييك 
 اشر براسه بالنفي وصوته مو راضي يطلـع 
 تميم ناداه بخوف : سااامي _ طالع وراه _ تاااامر 
 ورجع يكلم سآمي : اسمعنننني امك دي امك مستحيل تسيبك 
 سآمي ياهخد شهقاته ورا بعض : م م
 يبا يتكلم مو قادر 
 تآمر جا لعند الباب ودخل مفجووع اول ماشاف شكل سآمي جلس في الارض : سااامي 
 سامي : ابـ ابا م
 وفنص كلاممه رجع بجسمه على ورى وعدسـه عينه تترفع على فوق وبالقوه يفتح عينه 
 رعبــهم 
 تميم ماسكه وطالع في تآمر : جبللو مويآ
 تآمر قام بســرعه للمممطبــخ
 وتميم يحاول يكلمـه : احنا معااك والله ماحنسوي شي يزعلك 
 ينزل يده يحاول يضغط ععلى اياديه ويرجع يضرب على خده بشويش : سااامي لاتفجعنني 
 سامي يغمض عينه ويفتحهااا يتكلم بحروف متقطعه وكلام مو مفهوووم
 تآمر دخلل وتميم رفعوو وتامر حط مويا بيده ومررها على وجه سآمي : سااامي
 ورجع مرا تآنيه سوآلو 
 وفتح عينه ويرجع يغمضها شــربوه مويـآ وجلسو الاتنين جمبـه 
 تآمر سـآر يقرأ عليـه 
 وتميم نزلت دموعه
 لما يشوفو طفــل كآن باإمكآنهم يساعدوه من صغره بس برضو ماسوو شي
 اذا الام مظلومه ماقدرت تاخد ولدها والاب جبروت 
 الطفـل ايش ذنبو يعيش دي الحيآه 
 مددو جسمو على الارض وراسـه على تميم قام تآمر قفـل الباب عشان ترف لاتشوفـه 
 ورجـعه جلسـه جمبـه والاتنين ماعندهم اي كلمـه
 الولد نسختهم من طبايعه لشكلـه مو حاسين بصعوبـه انهم يفهموه 
 مقدرين وضـعه عشان كدا حيحاولو يعوضـوه عارفين انهم غلطو بحقـو 
 وانو بيحاسبهم دا اكبر دليل انو مديهم حجم كبير في حيآته برغم انو مايعرفهم 
 كمـل تآمر يقرا عليـه 
 زي لما امهم تتعب ويجلس جمبـها لأخر الليل ويقرا عليها لين ماتهدى وتنآم
 ولما حسو سآمي نآم ومو داري عن شي تميم طالع في تآمر وعيونه محمره 
 وقال بصوت مخنووق وراخي صوتـه : ايش ذنبـه ولدها بللي سواه ابويا _ خرجت منو تنهيده _ الله يرحمممك بس
 تآمر شتت نظره و ماسك نفسـه ..رفع جسمـه من الارض وقال وهوا يشرد من كل شي : بروح لترف 
 خرج وسـآب تميم مع سـآمي 
 سامي اللي في قلبه الصغير شي اكبر منـه 
 يسئل اسئله في نفسه ويخليها مايبى يجرح تـرف 
 ايش ذنبي اعيش في الميتم وانا عندي اهل 
 ايش ذنبي لما مآمآ تاخدني تحشش وانا اللي اسير اربيها وخايف عليها 
 ايش ذنبي لما ماقدر انسى صوت الكلبشات وازعاج الحديد كل ماروح ازورها وانا صغير
 ايش ذنبي انو يطلع عندي اب ماعنده قللب 
 ايش ذنبي لما احط راسي على المخده اقوم مفجوع من صوت طلق النآر
 انا طفــل لسى انا لدحين مالقيت سنـه عدت عليا وانا مرتآح 
 ودحين تبا تتزوج ودحين تبا اهلها بعد ماخلتني اكرههم .!
صوت شهقاته الخفيفه تطلع حتى وهوآ نايم 
 سحب تميم المخده من على ا لسرير وحطها تحت رآس سآمي 
 سند جسمه على الجدار وعينـه على سآمي ...



 امـآ تميم او لماخرج الصاله قفل باب غرفه سآمي وسامع ترف تبـكي 
 خرجت منو تنهيييده وآحد مخنوووق 
 سآآمي 
 نظرته صوته 
 كلامـه 
 خلى قلبه ينحرق عليه اذا هما عانو ايش حتجي معاناتهم جمب معاناة سآمي
 اتوجه لغرفـه ترف دوبه بيدق الباب بس حط يده على مقبض الباب ورخى رآسـه
 دموعه بعينه ومسحها قبل لاتنزل
 بس لأنو جآ في باله انو دول الاتنين بسببهم بيعانو 
 مرر لسانه على شفايفه 
 دق الباب بعد مابلع ريقه وبيكبت كل شي جوته
 اختفى صوت ترف وثواني وفتحت الباب
 طالعت على باب سامي : فينو 
: تعالي اكلمك 
 فتحتلو باب الغرفه ودخلت جلست على السرير وهوا وقـف قبـآلها وسند جسمو على التسريحه 
: ايش بو سآمي فجأه سار مو طايقنا 
 ترف رخت عينها وتحرك يدها بتوتر 
 تامر عرف انو سار شي : ايش سار ياترف ؟
 ترف حاولت تتكلم بس بكيت 
 تامر بعد جسمه من التسريحه وجا جلس جمبـها : فهمينا عشان نعرف كيف نتعامل معاه 
 ترف هرجت باانهيار : بسببي انا مابى ازيد عليه قول لبراء انو يروح في حالو وخلاص اللي عاشو سامي بسببي ت
 تامر قاطعها : تتترف المواضيع ماتنحل كدا براء رجآل اصحك تسيبيه عشان حاجه ممكن مع الايام تتعدل
 ترف : عارفه والله عارفه بس بنفس الوقت سامي مو طبيعي والله احسو حيتجنن 
 تآمر : طيب احنا هنآ عشان نخليه يتقبل كل شي انا مستعد اسوي اللي يريحه 
 ترف : اللي يريحه انكم تخرجو من حياتنا وانو براء يسيبني سمعتو انتا بنفسك 
 تآمر : دا طفـل اكيد ماحيتقبل التغيرات مع انو كآن يباها زمآن 
 ترف على طول وضحتله : بعد ماعرفت انك تقابله وانا مدري وريتو كل الرسايل اللي كنت اكتبها عنكم عرف بمعاناتي كلها وانكم سبتوني ومحد سئل عني 
 تآمر اترخت ملامحه ايش يقولها 
 حرام عليكي 
 ليش سويتي كدا !!!
شتت نظره عنها ولما ماعلق 
 ترف قالت بندم : عارفه اني غلطت ماتوقعت في يوم ارجعلكم وكنت خايفه يروحلكم دا الحل الوحيد عشان ابعدو بس كل شي انقلب انا ماعرف ماعرف ياتامر اتعامل معاه كدا.. أنا مو متعوده اشوفو يصرخ احس كل شي كآن يشوفو مني اول ماخرجت وكيف كنت اعصب وارمي الاشياء شوفتـو بعينو اليوم انا السبب وربي انا السبب 
 تتكلم وتتذكر كلام براء عن التحشيش بجججد تصرفاتها انعكست على ولدها 
 كملت كلامها : ماكنت عارفه اربيـه عاملتو كأنو كبيـر وبس 
 تامر حط يدو على يدها : خلاص لاتبكي .. تميم متاكد حيعرف يتصرف معاه حقلو يجلس معاكم اليوم 
 ترف : ماحيرضى سااامي 
 تامر : الا حيرضى هوا مصدوم شويه وحيتقبل_ سكت وبعدها قال _ خليه يروح لدكتور نفسي كمان 
 ترف طالعت فيه مصدومه : للليش 
 تامر : ترف طبيعي الواحد يروح يتعالج نفسيا لما يمر بدي الظروف كلها دا طفل وطبعه كتوم مايتكلم حتتعبي معاه ....وهوا يبكي حسيت اني شايف تميم لمآ كآن يسكت يسكت ويجي بعد فتره ينفجر فوقنا ويصرخ من كتر مو مكبوت دا وهوا مايتقارن بللي عاشه سامي .. خدي بكلامي وصدقيني انو دا احسن حل 
 ترف : ايش حقلو بلله 
 تامر : كل شي في وقته حلو لوقتها حقولك كيف تكلميه ..وموضوع براء برضو حاولي ماتتكلمي كتير فيه معاه او لاتفتحيه من الاسساس خليكي مهتمه فيه لانشغلك ولا براء يشغلك عنو لأنو دا خوفه وتفكيره 
 ترف : بلله من فين جات دي الفكره براااسه _ اشرت على نفسها _ انااانا ممكن اسيبو 
 تآمر : خلاص هوا مو بعقلو ياترف لاتاخدي كلامه بجديه 
 ترف : ولو برضو ماتقبل 
 تآمر : حيتقبل انا وتميم ماحنسيبو حنفرض نفسنا عليه 
 ترف حركت راسها : طيب ..هوا سكت خلاص ؟
 تامر : ايوا نآم 
 ترف بصدمه : نآم !ّّّّّ!!

تآمر : ايوا اتكلم مع تميم لين مانام
 ترف وقفت ومسك يدها : فين رايحه 
 ترف مو مستوعبه انو نآم : ابا اروح اشوفـه 
 تامر : لاتصحيه خلاص بقولك بالقوه هدي 
 ترف سحبت يدها : ابا اشوفو بس 
 خرجت على طول وراحت فتحت الباب لقتو نآيم على الارض !
نقلت عينها على تميم ورجعت تطـآلع في سآمي 
 ولا اتحركت وثواني خرجت وجلست على طول على الكنبـه وبكيت بصمت 
 تآمر جا لعند الباب طالع في تميم اشرلو انو حيروح 
 وتميم اشرلو انو حيقعد هنـآ 
 قفل الباب وخرج عارف اخوه من غير مايكلمه 
 يكره يحس انو ظلم احد لمى يسهر بغرفتها لليوم التآني لو انضربت حتى اكلها يجيبو لعندها.
تآمر قبـل لايمشي حاول يفهم ترف انو لاتجيب سيرة لبراء 
 مو حلو بعد اللي بيسويه وتضحيته يحسك تبي تبيعيه بكل سهوله 
 لاتخليه يكره ولدك 
 تصرفاتك هيا اللي حتعدل الوضع تبي تسوي شي تعالي استشيريني اول ..
علاقه براء وسامي محسومه عليكي 
 لازم تحببي سامي فيه وبنفس الوقت زوجك له حق عليكي 
 وكل اللي سوته انها حركت راسها بالايجاب لأول مرا احد يكلمها بدا الاسلوب 
 مع انو بيحاول مايلومها كتير لكن ماقدر مايوضحلها
 وخرج مو لأنه مشغووول
 خرج لأنه مخنووق ويبا يقعد لوحده .. 

امـآ براء
 اخيراا قالتلو احبك 
 اخيرا عبرتلـو صح كلمـه بس لكن تفرررق كتتير 
 لو من الشخص اللي تحبـه تخليك بدي الكلمه ملكت الدنيا كلها 
 واقف قبآل بيتهم وفاتح الطآقـه وبيدخن قبل لايدخل البيت ..
بس خلص سجارته دخــل كآن مبتسم 
 ككآن مبسوووط 
 صح مضايق عليها لكن كلمه احببك طاغيه على الف احساس تاني 
 وكل شي اتمحى اول ماوصـل لعند امـه اللي قامت وسارت تهرج بعصبيـه :خخخخلاص مبسوووط مرتااح دحيين 
 براء دخل جواله بجيبه : خير ايش فيه ؟
 بتفاجئ : خيير !!! هوا بعد اللي سويته انتا حنلقى منك ومنها خييير
 محمود يطالع في امو وبعدها في براء وخاايف 
 براء عرف انو انتشر الخبر : امممي الله يخليكي بس دي حياتي دي مررتي 
 قاطعتـه : اجججل اطلع من بيتي لما تسير حياااتك تمسنا وتمس سمعتنا فاأنا مابى اشوف وجهك _ اشرت على الباب _ روووح يابراااء عن وجهي انقلللع ولا توقف في وجهي بيوم
 براء : امممي استهدي بلله انا قلتلكم من البدايه وضع البنت ليش كل بعد فتره تنفجري عليا 
: لما امسك جووالي ومالقى غير سيرررة زووجهاا وقتها لازم
 وماكملت كلامها لما هوا قال بقهر : مو زوجههها 
: اووه معليش اللي اغتصبها رضيت دحين عاجبتك الكلمه اخص على الرجوووله اللي تعرفها وتربيتي فيك 
 ولعتـــه دي زوجته 
 امـه اول وحده تستهزأ فيها وبللي سرلها 
 قاالتله الكلمـه بدم باارد " اغتصبها " قدام اخوه الصغير اللي رخى عينه 
 قال وهوا يضغط على كلامه :انا طالع الللم ملابسي وماشي 
 طلع الدرج وهوا يحححس بنااار شابـه جوتـه 
 حريقــه 
 احترم امـه قبل لايخرج وماردد على كلامها 
 دخل لغرفته وسحب شنطتـه وسار يحط كل ملابسـه ورجــع نزل جآ لعندها وهيا جالسه وبتحاول ماتطالع فيـه خرج سويتش السياره وخرج مفتآح بيتهم وحطو قدآم الطاوله اللي قدآمهها 
 قلبها طآح طالعت فيه وقال : اتوقعت اهلي النآس اللي حتوقف جمبي اتوقعت انتي لو سمعتي قصتها حتعرفي انو الظلم يوجع كل اللي اقوله الله لايجعلك في يوم تمري باإحساسها 
 مشي من قدآمها وهيا تطالع في الشنطه حقتو ودموعها بعينها 
 انحرق قلبها وهيا تشوف النآس يتناقشو في الواتس على الموضوع 
 ايش حتقولهم دي مرت ولدددي 
 محمود طالع في امه وطلع يتصـل على ابوه على طول .. 

امـآ براء متوجه لشقتـه وهوا مضاااايق من كلام امه 
 متى حتحاول تضغط على نفسها وماتهتم للنآس وتفكر فيه وخلاص ... 
صعب الموضوع عارف بس على الاقل تحاول 
 في نص الطريـق ابوه اتصـل اتأفف وخلاص مايبى يرجع البيت حاليا 
 ماسك الجوال ويطالع في الشاشه وبعدها الطريـق ورد بتردد :هلا ابويا 
: عيب عليك تسيب البيت وتمشي
 براء :امي اللي قالتلي اطلع 
: معصبببه اتحملها 
 براء ماصدق انفجر : اتحمل انها تقول قدام محمود انو زوجتي مغتصبه ؟ افرض عرف طيب من الاخبار برضو انتو اهههلي انتو المفروض توقفو معايا مو تعايروني وكأنو اتزوجت وحده باعت شرفها بنفسها وربي دي ميسا مآتسوى ظفرها بااحترامها بس امي خلاااص تبا تكون زي بقيه النآس اللي تحكم من برا عندها اهل عندها سند خلاااص دي بنت اصوول وناس ...وحده انظلمت لا احنا كلنا المفرووض نظلمها احنا المفرووض مانخليها تعيش زي البقيه ابووويا بجد انا مخنوق من اسلوب اممي لو ماتبى ترف وربي ماحتدوس بيتكم ولا حتشوفوها خلاص البنت اتهانت بما فيه الكفايه مو اهلي اللي حيجو يهينوها كمآن
 ابويا : صلي على النبي اقووول امك عارفها مشوشه مع كلام النآس مو قادره تستوعب انو ولدها سيرته حتسير على كل لسان 
 براء : سيرتي بشي طيب حتنقال انا زوجههاا ماسويت شي غللط البنت انظلمت وبرضو ماسوت شي غللط شايله هم النآس ليش 
: دا قاسم داود دا الكل يعرفـه اليوم ماجابو اسمها بكرا حيجيبوه ال
 براء قاطعه : حتى لو جااابه اسمها اللي فيه خيير يجي يهرج عنها بشي غلط قد سوتو 
: ياااابراااء ياابراء احنا عارفين البنت ماغلطت البنت اغتصبت البنت جابت ولد بعلاقه محرمه البببنت انسجنت 10 سنوات البنت اهلها رموها وماأخدوها الب
 براء ضاغط بيده على الدركسوون وخلاااص وصلت معاه : ابوويا عارف عارف كل اللي بتقوله مو غبي انا عشان تعيده.. انا ولدكم ردولي ةوم مىتةطاذا تبو توقفو معايا ولا لا اذا ماتبو ..فكره اني متزوج ا نسوها مرتي في بيتي حجيكم زيارات وخلاص كدا ولا كدا لاأجيب عيال ولا حيكون فيه شي تآني تحتاجو تشوفوه ... انا في الطريق وزحمـه مو قادر اتكلم 
 ابوه : اهجددد انا بحاول افهمك وضعننا و
 براء رجع يقاطعه : فاههههم وانا فهمتك وضعي متى ماتبو تردولي ردولي 

 قفـل من ابوه بعد مآكآن ابوه بصفو بس بسبب اسم قاسم اللي فجر الدنيآ
 اتوتر وسار شايل هم النآس ..
اما براء متزوج للمرآ التآنيه خلاص اذا اهله ماتقبلوها ماحيخليها تجي لمكآن وتنجرح فيه
 هوا اتزوجها عشان يحميها من الكل مو عشان يدخلها لمكآن جديد ويأذيها فيه
 بس مهما كآن امه وابووه اتضايق لأنه مو واقفين معآه

 وصـل لشقتـه اخد دور كآمل ابوه باني العمآره دي لأولاده 
 والدور التآني مأجره لين مايكبر محمود ويتزوج
 وقف سيارته في الكرآج خرج من السياره ودخل البيت 
 مغبببببببر
 حرررر 
 كتمممه 
 فتح المكيـفآت في القسمم كلو شال الخداديات ونفض الكنبه وبعدها جلس 
 طالع في البيت 
 فيه مواقف جميـله بينه وبين ميسا
 بس مايحب حتى يتذكرها لأنه السيئ يطغى على كل شي
 اصلا بس دخل البيت حس باانو انخنق زيآده 
 هنا اتضاربـه 
 هنا خرجتو عن طوره 
 هنا حلف عليـها مالها خرجه من البيت 
 هنآ كآن ينام بالايام وهيا تنآم في غرفه النوم 
 حيااااااته جحيم معاها 
 سحب ريموت التلفزيون وشغله ويقلب في القنوآت بتملل 
 ورجع مسك جوآله وقرا كم كلمه عن المواضيع اللي نزلت عن قاسم داود وقفـل
 مايبى يقرا شي عنها حيوقف معاها لأخر لحظـه ف حياته 
 اتصل عليها ماردت .. كتبلها على الوآتس 
" مبسوط لأني كنت جالس اليوم جمبك وفيه اخوآنك عارف الموقف اللي كنتي فيه صعب 
 بس سويت اللي اباه اني اكون جمبـك فااكتر وقت تحتاجيني فيه وحتلقيني جمبك لو كل العالم وقف ضدك احبك ياسنفورتي "



بداية الفصل في الصفحة اللي قبلها



 أحبـك جدآ لأن الأيام ضيق وضحكتك هي المخرج للسلآم ...

صحيت للمره التآنيه على اتصـآله ..
وهوا ضحك اول ماسمع صوتها نآيم : معللليش
 روآن : هههههههه كويس صحيتني من حلم يفجع 
 تامر دخل لغرفته وقفل الباب : بنقذك في الحياه الواقعيه والاحلام بلله ايش تبي اكتر
 روان رفعت جسمها وجلست بشويش : الله يكتر خيرك 
 تآمر جلس على السرير وعلى كل اللي كآن فيه بس مبتسم دحين ومابيفكر بشي 
 قال بدون مايحاسب على كلامه يبا يتكلم وخلاص : وحشني صوتك
 روان رفعت حوآجبها الاتنين 
 دي المواقف هيا فاشله فيها فاشله وبقوووه 
 مسكت اذنها بتوتر 

 تبا تقول حاجه ينفع تتريق طيب ينفع تقلب المووضوع وكأنه ماسمعت 
 نفسها تروح لهديل تسألها الوحده ايش تسوي بدي المواقف 
 انكتمت وبس
 وتآمر ضحك : استحيتي ولا ايش هرجتك
 روآن طالعت حولينها : ها لا يعني كنت احك رجلي مرا توجعني عارف حلمت انو انا كنت ف
 ضحك من قلبه موضوع تافه دخلتو على موضوع غريب 
 ماتوقعها تستحي 
 كآنت تحرجه وطلعت هيا اخس منوو في دي المواقف : روان 
 على طول وقفت هرجتها السخيفه وقالت : ها
 تآمر وقف : انتي عارفه اني احبك ؟
 روان وسعت عينها سحبت المخدده اللي جمبها وحطتها عليها 
 تامر بعد الجوال وهوا يضحك بصوت واطي ورجع اتكلم بجديه : روآن 
 اسسسسسسمها !!! ...نفسها تصرخ تقوله لاتناديني 
 بصوت يادوب يطلع : ها
 تآمر بتردد : ماينفع اشوفك
 نزلت راسه ودفنته بالمخده اللي على فخذها تحس قلبها حيوووقف 
 لما يتكلم كدا وهيا تبببكي عادي تكون منفعله ماتركز بس دحين 
 كل حواسها مركزه 
 بنبرة صوتـه 
 حتى تنفسـه اللي ياخده بين كل كلمه موترها 
 سكت وهوا مستني ردها وبعدين قالت : بشار ماحيخليني
 تامر : يكفي امس ماشوفتك وقبلها اسبوع ماتبي ترحميني 
 روآن الصراع اللي تعيشه جوتها اقوى صرااااع في الحياه 
 وانها تكون تافهه وتقلب الموضوع دا الحل الانسب بنسبه لها : خليك اتعذب شوويا 
 تامر : ههههههههههه تتوقعي لو يوم كنتي مكآني كآن رديت عليكي بدا الرد ؟
 روآن :لا كم مرا اقولك انتا طيب وانا شريره
 تآمر سكت وبعدها قال : طيب ياشريره انتي .. ترف ماكلمتك ؟
 روآن مو عارفه ايش هرجتو من امس يسئلها قالت بكدب : الا 
 تآمر : اما !؟ ايش تبا ؟
 روآن طار النوم منها تلعب بالمخخده وتبا تشوف نهايته : شي بيني وبينها 
 تآمر خلاااص عرف انه كلمتها : متى كلمتك 
 روآن : قبل نص ساعه 
 تآمر عقد حوآجبه معقوله ف اللي هيا فيه تتصل وتفتحلها الموضوع : ايش قالتلك 
 روان ماسكه ضحكتها طبعه مو فضولي : قلتلك شي بيني وبينها
 تامر واقف قبال مكتبه ويقلب بالاوراق وهوا معقد حوآجبه : اهاا _ سكت شويا وماقدر يغير الموضوع _ طيب ايش رديتي 
 روان : ههههههههههههههههههه ايش بك بقولك شي بيني وبينها 
 تآمر : يعني مصره ماتتكلمي ؟
 روآن : ايوا عيب تعرف مواضيع البنات 
 تامر سكت شويا ومو مقتنع انو ترف بدي الحاله اللي فيها حتتصل وتكلمها 
 ولو اتصلت مع انو من سابع المستحيلات مع صوت روان النايم ماحتقولها الهرجه : اها ماحتبطلي كدب ياهبله
 روآن ضحكت من قلبها :ههههههههههههههههه اووف كنت بعرف ايش الموضوع 
 تآمر جلس على السرير ارتااح : هرجه سخيفه 
 روان : ابا اعرفها 
 تامر : مو لازم 
 روآن : عشان نتقابل اليوم 
 تامر : ياااااسلام مو بشار مانعك
 روان : محد يقدر يمنعني عيب عليك
 تامر : هههههههههههههه هيا والله ماحقولك تبتزيني فيكي عشاني ضعيف عندك 
 روان : ههههههههههههههههه وااا لاتتكلم كدا حزنت خلاص نتقابل بدون مااعرف شي 
 تامر : مافي انتي ممنوعه مني 
 روان : ههههههههههههههههههههه خلاص والله بمزح
 تامر : والله معليش الا كرامتي 
 روان : هههههههه تااامر بقولك خلاص
 تامر ابتسم بس برضو قهرتو : انا اسف 
 روان : بلله يهون عليك 
 تامر : وبقوه كمان 
 روان وسعت عينها مقهووره الا تبباه يرضى : خلاص انا حروح اوقف في الشارع واستنآك لين ماتجي 
 تامر : وماحجي وكلاب الشوارع حتنهش عظامك 
 روان : ههههههههههههههههه تاااامر !!!
تامر : مو قولتلك اول ابا اشوفك وقلتيلي بشار ماحيرضى وامس نفس الشي سبحان الله فجاه تقدري دحين 
 روان : اسمع اسمع خلين
 تامر قاطعها : والله محرومه مني انتهتى الموضوع 
 روان ضخكت بصوتها على الجمله : هههههههههههههههههه كبريائك اهم من مشاعري؟
 تامر : لاتحاولي تحزنيني 
 روان : ههههههههههه طيب بلله لو روحت الشارع ووقفت استنآك وانا انسانه تعبانه ومريضه ماحتجي
 تآمر : ماتعرفيني شكلك ؟ 
 روان : لا ماعرفك
 تآمر :ههههههههه والله كبريائي يمشيني بمزآجه بجد ترا الموضوع حازز بنفسي
 روان رجعت تضحك من جد يتكلم : ههههههههههه تاااامر والله مصدومه امانه ماتجيني ؟
 تآمر : لا معليش قلتلك اسف والله
 روان : ههههههههههههههههههه لاتتكلم بجديه هههههههههه اهه يابطني
 تامر : ههههههههه عندي مشكله مع نفسي استحمليني عاد
 روان : وانا عندي مشكله كمان مع نفسي لما ابا الشي يعني اباه 
 تآمر : ايش تبي انتي 
 روان : اباك انتا
 تامر ابتسم : مافي تآمر 
 روآن حتبدأ تستهبل لو دا اللي يخليها تنتصر على كبريائه : جبلي هوآ
 تامر : صدقيني انتهى الموضوع
 روآن بصوت وحده تبا تبكي : لا ماانتهى تامر ابا اشوفك 
 تامر : هههههههه تبي تشوفيني عشان الهرجه عنآد
 روان : لا والله انقهرت انك تمنعني من نفسك محد يقدر يمنعني 
 تامر شد على الكلمه : الا انا 
 روان رفعت حاجبها مو راضي يضعف مرا : تآمر والله ازعل 
 تآمر يدقها بالهرج : طيب مو مشكله خليها بكرا منها بشار مايزعل 
 روان : ههههههههه !!!!
تآمر : خليني اروح لأمي من اول مستنيتني
 روآن موسعه عينها بصدمه : طيب ياتامر والله لاأخرج ولو ماجيت حازعل منك
 تامر :ههههههههههههه روآن لاتتحديني
 روان : نشووف طيب 
 تامر : والله مو فصالحك ددي الحركه 
 روان : طيب احسن خلي جوالك جمبك ولا لو مو مهتم احسن برضو ارميه بعيد وخلي كلاب الشوارع تاكلني 
 تامر : هههههههههههههههههه طيب حخليه جمبي عشان بس اطمن عليكي كل شويا واعرف متى حترجعي البيت
 حققققققققققققققدتتتتت 
 ايش الكبريااااء حقتو ايش الحب الغبي اللي يعرفو 
: طيب ياتامر !!!
تآمر : يلا انتبهي على نفسك 
 روان لسى وجهها طاغي عليه الصدمه :طيب !
تامر : مع سلامه 
 سكتت وماردت : روان ؟!
روان : ها 
 تامر : مع سلامه 
 شويا وعينها تخرج كآن سكت احسن : سلام
 وقفـلت قبلو رمت الجوال
 حتخررج 
 وحتشووف 
 لو ماجاها حتزعل 
 اصلا زعلانه من دحين 
 مو قادره تستوعب انو مو راضي 

 بعدت اللحآف قامت بشويــش وهيا تمشي بخطوآت هاديه وتمسك في الجدار 
 لين ماوصلت للباب وفكتـو 
 شافت هديل قدآم المرايه وتعدل شعرها : هديل
 هديل دارت بسرعه : فجعتيني 
 روآن طالعت بلبس هديل : فين رايحه 
 هديل : ابا انزل طفشانه انتي نايمه وبشار مدري فينو 
 روآن : سبحااااااان الله غريبه ماتعرفي فينو 
 هديل : ههههههههههه جوالو مقفـل 
 روان شمقت بوجهها : مستفزين 
 هديل : حبيبي مو مستفز 
 روان وسعت عينها ورفعت يدها : اقوول اهرجي عدل لاأجي اديكي كف على وجهك
 هديل : ههههههههههه روان انتي ايش لك 
 روان : يااخي ماتخيلكم ماينفع في راسي مو راضين تركبو مع بعض ايش اسوي 
 هديل : حاولي تقنعي نفسك بالقوه
 روآن : مابى حتى لو شوفت بزورتكم منتشرين في المكآن ماحقتنع انو انتي الاتنين اتزوجتو _ رفعت صباعها على راسها _ انا حررره احسكم المفروض تكونو اخوان كدا نكون حلوين انتي اختي وههوا اخويا
 هديل دارت وجهها للمرايـه وقالت بدلع : لا انا ابا احضنو غير عن الكل واباه يدلعني غير عن الكل و
 وقبل لاتكممل روآن رمتها بالخداديـه وضرب راس هديل بالمرايه 
 دارت وهيا ماسكه جبينها ومفجوعه : يااااااكلبه
 روان : هههههههههههه تستاهلي كم مرا اقولك احترمي نفسك دا اخويا 
 هديل : ياأللله ف مواقف فجأه اخوكي وف مواقف تسبيه كأنو عدوك 
 روان حطت يدها على راسها للمره التآنيه : انا حررره اخويا اعامله زي ماأبى 
 هديل : صاحيه بشرك اعوذ بلله منك 
 روان جلست على الكنبه: ههههههههههههه مافي اكل عشان ابا اخرج
 هديل : عشان بشار ي
 روان قاطعتها : يادااااا بشاار مو على كيفه انا حخرج فالوقت اللي اباه 
 هديل : بكيفك فيه اكل _ اشرت براسها على الطاوله _ شوفيه هناك
 روآن : طيب جيبلي هوا مو شايفه رجلي
 هديل : دام تقدري تخرجي فاجيبي اكلك بنفسك 
 روآن : هددددديل !
هديل راحت تجيب الاكل وبنرفزه تهرج : رووان بلله فين تبي تروحي وانتي كدا بطلي جنان 
 روآن : متى بشار جي 
 هديل : هههههههههههه عندك انفصام انتي _ طالعت في الساعه _ شويا 
 روان : اووووف 
 هديل : هههههههههههه 
 روآن : اخر الليل لما ينآم حخرج
 هديل : بلا جنان ياهبله 
 روآن / ماحروح بعيد قريب من الفندق انا حقولك ليش 
 روآن حكتها كل اللي سار بينها وبين تآمر 
 وهديل مفجوعه : مستفزززز 
 روآن : والله مقهوره بلله لو سوا كدا بشار تروحي ولا لا
 هديل : حرووح طبعا بلاااا دا الناقص اقلو تعال ويخصرني 
 روان : هههههههههههه _ ضربتها على كتفها _ ايوا دي هديل اللي اعرفها 
 هديل : مو هوا كيوت ليش اطلع الشريره اللي جوتي 
 روان : هههههههههه طيب اطمنت عليكي خليها احتياط دايما موجوده بدي المواقف
 هديل : ههههههههههههه اهم شي انتي روحي _ سكتت وبتردد _ تخيلي بلله مايجي 
 روان : حقاطعه بجد حزعل
 هديل : هههههههههه اجل اجلسي ولاتجيبي المشاكل 
 روآن : اسلوبه استفزني مو عارفه كيف اردلو هيا طيب لو ماروحت ايش موقفي 
 هديل خلاص كورس عندها من خبرتها مع بشار وكيف جابت راسه : اسمعي ازعلي من دحين 
 روآن عقدت حوآجبها : ليش النفسنه
 هديل : لا مو تزعلي زي ماهوا الموضوع حز في خاطره انتي كمان خليه يحزز بخاطرك نفسني عليه يابت انتي ماتعرفي حركات البنات ادمري ام كبريائه بااسلوبك
 روان : ماااعرف انا دي الحركات 
 هديل : من صوته تعرفي ايش اللحظه اللي يضعف فيها ومايقدر يقاوم كلامك ...اووف هبله وربي بشار من عينه كنت اعرف ايش اللي يعجبه 
 روآن بتردد : برضو مو فاهمه 
 هديل عدلت جلستها بااهتمام : شوفي انا حقولك الشي اللي سار معايا مع بشار وانتي عاد استنتجي تامر ايش وضعه .. مره قابلت بشار في كآفي رمى مفاتيحه على الطاوله قبل لايوصل للطاوله وطلع صوت مرا مزعج وكل اللي حولينا طالعو وهوا ولا كأنه سوا شي انا من حركته دي عرفت انو واحد مايهتتتم لأحد .. تآني شي طريقته واسلوووبه بالهرج عارفه لما الواحد كل اللي حولينه يمدحوه وعارف انو جميـل دا هوا فاكان الحل الوحيد عشان اجيب راسه اني اكسره اني اتأفف من تصرفاته من شكله من صوته 
 روآن : حيوووانه!
هديل : ههههههههه لازم في نقطه ضعف تمسكيه منها يعني ماأنسى لين دحين لما سحبت عليه واتصل عليا بعد فتره وقلتلو انتا مين سويت اني حذفت رقمو اتجننننن مستوعبه واحد مو متعود بنت ترفضو وانا قعدت اسوي دا كلو 
 روان اول مرا تعرف : وي اخويا كسرتي مجاديفه
 هديل : هههههههههههههههههههههه يستاهل كآن وسخ ديك الفتره 
 روان : ههههههههههه طيب تامر مو كدا 
 هديل طالعت فيها بشر : شوفي جمله حطيها في راسك " قوه المرأه ضعفها " ماحتكسري كبريائه الا بضعفك
 روان : ههههههههههههه اقولك حاسه اني مااعرفك بلااا حسيت لو حطيتيني في راسك وتبيني احبك حتخليني احبك 
 هديل : هههههههههههههههههههههههههه ياااحيوانه 
 روآن : والله كنت اقول دايما بشار حبك عشان شكلك بس طلعتي مصيبه 


 امـآ بشار في احد الأماكنن العآمه جمبـه عمه جميـل وقدامه ام سميه وزوجها 
 يحرك رجلـه بنرفزه متكي بيده على الكرسيويمرر يده على ذقنه وباين انو حيقوم يضربـه
 باأي لحظه 
 جميل متوتتتر من حركه بشار اللي اساسا عينه بعييد ولا كأنهم موجودين 
 زوج دلال : الهرررجه مو على كيفكم دي بنتها محد يقدر يوقف قدآمها لو تبا تاخدها
 جميل : يااخي عارفين بس البنت ظروفها صعبه نجي نرغمها على حاجه ه
 زوج دلال يضرب بيده على الطاوله : دي بنتهااا ترغمها زي ماتبى الموضوع زاد عن حده مشاعر ومشااعر وامها هنا قاعده تتقطع بكى كل يوم 
 جميل يهرج بصوت هادي: قلنالكم لاتجو لين ماسميه تدينا كلمه
 زوج دلال :ايش الكلام الفاضي دااا انا جيت معاكم بالزوق بيننا المحآآكم وقتها حتاخد البنت غصب عنها
 بشار قاطعه لما ضحك ضحكخ واحد يبا يضرب : وووربي وربببي لو ماتسحب تهديدك وتهرج مع عمي باإحترام لأ
 جميل قاطعه : بشاااار 
 زوج دلال : انا متحمل اسلوبك من يوم ماشوفتك 
 بشار قرب للطاوله : وحتستحملو غصبا عنك انتا مالك كلمه لاتخليني ماأقابل امها الا لما اخرج برا المكآن بكبره جميل يحرك راسه بقههرر 
 وقف بشــآر وهوا معععصصب طالع ف دلال : حروح اتكلم مع سميـه دحين لو تبا تشوفك حتصل عليكي واديكي خبر ولو ماتبى وربي محد يقدر يلمسها _ طالع بزوجها _ ثمن كلامك المرا الجيـه
 مشي وساب عمـه معاهم وجميل على طول اعتذر : معلليش انت
 زوج دلال : طالع على اببوه 
 دلال بحده : محمممد
 جميـل ولــع مو طبعه يغلط على احد لكن بنفس الوقت مو ملزوم يطبطب عليهم 
 الام مالها ذنب بس زوجها اكل حقها بااسلوبـه وقف : ماعندي كلام اكتر من اللي قالو بشار 
 دلال : معلليش الله يخليك ممكن تجلس بتكلم معاك بموضوع 
 جميل زفر بضيق وجلس : ايوا ؟
 دلال : انا باخد بنتي معايا بشار مو راضي يستوعب انها بنتي وانا حره فيها 
 جميل : بنتك مو صغيره دا قرارها هيا 
 محمد : احنننا فين عايشين ايش اللي مو صغيره خلاص نخليها تعيش مع دا اللي طلع فجأه من العدم اخوها ونأمنو على البنت 
 جميـل قرب للطاوله : اخوها لو فصل عليك وربي لايمرمطك بالمحاكم انتا زوج امها اخرج من الموضوع لاتخليني اشجعه على شي واللله لاتندمو عليه 
 دلال بخوف وشويا وتبكي : محمد خلاص ... هوا مقصده انو يمكن اخوها اللي ضاغط عليها 
 جميل : ايش مصلحتو يضغط عليها ايش مصلحتو انو يباها تجلس هنا وهوا اللي حيصرف عليها !! قولي كلام يدخل الراس انا مقدر وضعك وعارف والله انك مظلومه بس رجائا خلينا نهرج عن مصلحه البنت كمان بعد اللي شافته هيا لها الحق تختار فين تعيش بذات لأنك انسانه متزوجه شوفي بعيد كلامي واقولك انا متعاطف معاكي وعندي بنآت واعرف ايش يعني ضنى ولأني اعرف بقولك ارضي بالخيار اللي اداكي هوا بشار عيشي هنا عشان بنتك مو عشانك ولا عشان زوجك _ طالع في زوجها كآن بيتكلم وسبقه جميل _ لو سمحت خليك برا الموضوع _ ورجع طالع في دلال _ بنتك لو همتك عيشي هنآ خلي بابك دايما مفتوح لها متى ماتجيكي تجيكي انا اسف بس هيا مو حاسه باإيش يعني ام ولا فاهمه الكلمه ولا تباها لأنها خايفه لو تبي تتصرفي زي مابيقول زوجك انتي حتخسريها 
 دلال تطالع في زوجها وهوا مو عاجبـه الكلام 
 جميـل : دا قرارك انتي دي بنتك تبي تعوضيها حيجيكي بيت ووظيفه هنا اهم شي نفسيتها 
 محمد : اوووه رجعنا لنفسيتها ونفسيتها 
 جميل : ايش ظروفك انتا ؟! ماتبى تساعد باأي شكل من الاشكال
 محمد : خلاص قلنا هاتو البنت وكل واحد يروح بطريقه 
 جميـل : بضاعه هيا ولا تحسب البنت مالها اهل 
 محمد : اهلها امها وبس 
 دلال : محمد الله يخليك خلاص
 جميـل : انا عمها غصبا عن خشمك ولو قد كلامك تعال افرض علينا وعليها شي وشوف ايش يسرلك 
 دف كرسيـه وخرج من المكآن ودلال الحلقه الضعيفـه : بس يااامحمد قلتلك بس لاتدخخخل 
 محمد : كمممان هما مزودينها استغفرالله بس  






 بشـآر في سيارته واخلاقه مقفلـه حط جواله في الشاحن ..
هوا ساير مجنووون ولا النآس اللي حوليـه مستفزه ماسار عارف ..
محــمد دا مو طايقهاصلا متأكد انو ماحيطيق اسلوب روآن 
 روآن حتجننهم متأكد حتطلع عينهم 
 امها حتستحمل بس دا كلام وبيعصب
 اشتغل جواله واتصل على هديـل : ايوا حبيبي ...كيفك .. معليش الجوال طفى ..ياهديل مصدددع نفسي اجي انسدح وتلعبي في شعري لين مانآم ... هههههههه خلاص اتعودت مصيبه انا لما اتعود على شي ... _ اتنهد بضيق _ والله نفسي طول يومي احط السماعات واخليكي تهرجي صوتك يريحننني وينسيني كل حاجه ... لا لا فيه مصيبه دحين بطريق .. سميه مروقه .؟ ..طيب انا جاي انكد عليها حاولي تجهزي نفسيتها لأنو انا واصل اخري من زوج امها ... دحين حجي واقولك خليكي مع سميه دحين 

 وكآنت تلت سـآعه وصـل وأخد خمسـه دقايق عشان يجيهم 
 مو عارف ايش يقولها رديلي دحين 
 تبا تشوفك ..!
تبيها ولا لا 

 دخل ووجهه باين انو في مصيبـه مابيستهل جلس والاتنين يطالعو فيـه 
 وقبل لايهرج روآن قالت : تبا تشوفني ؟
 بشـآر : انتي ايش تبي ؟
 روآن سكتت 
 بشار : سميـه هيا مو قادره تتحمل اكتر وبتبكي وضعها صعب وانا متفهم دا الشي وبنففس الوقت حتفهم قرارك قوليلي الكلام اللي تبيه وانا حوصلها هوا ..اذا تبي تشوفيها هيا تستناكي دحين 
 الجمله طيحتلها قلبها طالعت في هديل وهديل مسكت يدها : روآن لو اعرف انو عندي ام وطيبـه ماحفرط فيها دقيقه اديها فرصه وكلميها روحي شوفيها 
 روان اشرت براسها بالنفي : مابى 
: انا معاكي 
 روآن : ولو ماطلعت طيبه 
 هديل : قلك بشار حكايتها من البدايه حسيتي انها ظالمه ف شي ؟ انسانه انظلمت زيك زيها لو ماحسيتي انك مرتاحه عادي حينتهي كل شي 
 وبسبب كلام هديــل وتآمر قالت حتروح مو حااسه ولابشي 
 تكره الجمود دا اللي يجيها بدي المواقف 
 اللي ماتحس بدقات قلبها سريعه ولا بطيئه 
 مماتحس بشي اصلا 
 امـآ هديل كآنت تقنعها وهيا تبا تبكي خايفه تسيبها 
 وبنفس الوقت تتمنالها ام تعوضها عن كل شي 
 دخلت روآن الغرفه 
 بشار : تعالي معاها 
 هديل : لا خلاص انتا تكفي
 بشار قام من مكآنه وجلس جمبـها : ماحيتغير شي حتكون معاكي 
 هديل : حتى لو راحت لو كآنت مبسوطه انا حكون مبسوطه 
 قالتها بصوت يرجف باين انها تقصدها وبنفس الوقت خااايفه 
 بشار قربها وبآس جبينها :تعالي ياقلبي حرتاح لو كنتي معانا 
 هديل : والله ماحقدر اجي مخنووقه لو شوفت امها تبكي حتذكر ماما ويوم ماقابلتها مابى خلاص
 بشار بكلامها شتتو زيآده مايبى يسيبها ومايبى يضغط عليها وتجي : طيب اسمعي _ سكت وبعدها قال _ تحبي تقرأي ؟
 هديل : ايوا 
 بشار : طيب حجبلك كتآب تقرأيه بس توعديني تقرأيه من يوم ماأخرج لين ماأجي
 هديل : دحين ؟!
بشار : ايوا _ مسك خدها _ عشاني والله حيعجبك الكتآب 
 هديل ابتسمت : طيب
 بشار خرج وراح لغرفتـه اخد كتآب هوا الوحيد اللي عنده بدا المكآن ودور قلـم 
 عشان تحدد الكلام اللي يعجبها ويتأكد انها مآكآنت تبكي وتنشغل بالقرائـه
 اتصل على ام روآن اداها خبـر انهم حيجو 
 ورجع لهديـل جلسى جمبـها تآني : شوفي ابا اقرا دا الكتآب بس حقرا الكلام اللي عجبك وبس _ حط القلم في نص الكتاب وقفله _ قلتلك ماحب القرائه بس احب اخد طله مابى اصدع واقرا كتاب كآمل
 هديل اخدت الكتآب : طيب 
 بشار قلبه مقبوض مايباها تقعد لوحدها : اسمعي فيه كافي قريب ايش رايك تروحي تقراي هنآك 
 هديل عقدت حوآجبها : لا حبيبي مابى اخرج لوحدي
 عارفها خايفه من بعد سعيـد : طيب اللي يريحك 

 روآن بالغرفه جلست على طـرف السرير ..
 " ايش حتسوي ياروان "
 " ليش مو مهتمه .؟ "
 " ابكي ..صرخي .. !"
 "ليش حروح اشوفها .؟ ماحس اني اباها ..مافي شي جوتي مخليني ابا اروح "
 " مو خايفه ولا خايفه ماعرف انا نفسي ماعرف ايش احس "
 "اكره لما احس فيه شي خانقني وماقدر اعبر "
 " ايش حقولها روحي .؟ ولا خليكي ؟ ايش الهدف من روحتي دام انا عارفه انها طيبه ومو عارفه ايش حقولها ..؟ "
قامت بنفس الجمود وهيا تمشي بخطوآت هاديـه 
 مافي اي تعابير البرود كآسيها 
 اخدت ملابسـها لبست واخدت جوآلها ولاشعوريا اتصلت على تآمر ..
 : ايوا هلا
 روآن بهدوء تهرج : تآمر .. انا حروح لدلال
 تآمر بتفاجئ : دحين ؟
 روآن : ايوا .. مابى اروحلها بس حسوي اللي قلتلي عليه 
 تامر حس بتوتتر مايبى يتحمل المسئوليـه : ان شالله ربي يعوضك طمنيني عليكي بعد ماتخرجي من عندها
 روآن اشرت براسها :طيب ..مع سلامه
 يكرررره نبرة صوتها الهاديه دي
 اللي تخليه يعرف قد ايش هيا بتبكي من جوآ بس مابتبكي حاليآ : روآن _ سكت شويا _ لو خلصتي بدري من عندها وتبيني اجيكي حجيكي انتي عارفه دا الشي صح ؟
 ابتسمت ابتسامه بسيطه برغم كل اللي فيها :ايوا
 انتصرت عليه بس بنبرتها دي وزي ماقالت هديل " قوه المرأه ضعفها "
تآمر : وعارفه اني احبك ؟
 حاسه انها بتتشتت وبتزيد ابتسامتها : ايوا 
 تامر : وعارفه اني ماباكي تبكي عند احد غيري ؟
 رخت راسها : ايوا
 تآمر : وعارفه انو للبسك اللي حتخرجي فيه ماحيكون عاجبني ؟
 روآن ضحكت بهدوء ايش الفصله دي :ايوا 
 تآمر : طيب ليش خارجه فيه ؟
 روآن مو عارفه ايش تعلق على اللي فيها تبا تضحك 
 بشار دق الباب : سميـه 
 روآن طالعت على الباب : تآمر بشار مستنيني 
 تآمر : طيب مو مشكله نفتح الموضوع في وقت تآني 
 روان مبتسمه بصدمـه !!! متصله تقولو بروح اشوفها وهوا يعلق على لبسها !!!
بس خلاها تبتسم برغم اللي تحسـو 
 قفلت منـو وراحت للباب فكتـو : ايوا
 بشار : ايش بك اتاخرتي
 روآن : كنت اللبس 
 بشار : طيب يلا 
 خـرجو وهوا ماسك يدها وشويـآ تمشي لوحدها 
 مايعارضها ولا على شي 
 يشوف انعكآسه فيها كتيـر 
 عشان كدا هوا الوحيد اللي ماداها رايـه في امها
 ايش مآكآن تباه هوا معاها بقرارها ..

طول الطريـق ساكتين هوا يفكر وهيا تفكـر كلهم بنفس الموضوع 
 لين ماهرجت روآن : متأكد انها طيبه ؟
 بشار طالع فيها ورجع طالع في الطريق سكت شويا وبعدها قال : متأكد انها مظلومه ومتأكد انها تعبت عشان تدور عليكي 
 روآن : ام هديل تعبت عشان تدور على بنتها
 بشار : بس هيا اللي باعتها هيا ظلمتها دي انحرمت منك يكفي انها مايأست طول دي السنين وكآنت برضو تحاول تلقاكي
 روآن رجعت للصمـت 
 لين ماوقـف فالفندق اللي همآ جالسين فيه .. ونزلـو 
 صمممت مفجع 
 كل ماتقرب كل ماتحس قلبها يدق اكتـر 
 شاده على يد بشار مو عشان تسند نفسها اكتر من انها بتخفف الرجفه اللي تحس فيها
 وقفـو عند بـآب الغرفـه
 بشار طالع فيـها دوبه بيهرج الا انفتح الباب زوجها كآن نازل ..
اتفاجئ : اوه ! 
طالع في بشار وبعدها بسميـه ورجع فك الباب بتوتر : اتفضلو _ رفع صوته _ ااتغطي ياحرمه 
 كآنت جالسه دوبهم راجعين طرحتها جمبها 
 سحبتها وحطتها على راسها وماجا ف بالها انها سميـه 
 اتوقعت حتتاخر 
 تمشي في الممر روآن ودقات قلبها في اذنها تحسها 
 اشرلهم على الغرفه 
 ونفسها ماتوصلـها 
 اول مادخلت 
 اول ماشافتها 
 صلبت في مكآنها 
 رجولها تقيله 
 جسمها بكبره تقيل 

 امـآ امها مايحتاج احد يقولها دي بنتك 
 النفس اللي اخدتو بصوت مسموع اول ماشافتها يعببر عن 
 فرحتها 
 ألمها 
 فجعتها
 احاسيس كتتير 
 شدت على يدها وضغطت على الكنبـه ووقفت 
 وقفت وعلى قد مارجولها تتنافض على قد ماتبى توصلها وتحضنها 
 بس حضنتها 
 بس حست روحها رجعتلها 
 بكككيت 
 بكيت بصووتها 
 بشار بعد جسمـه عنـهم 
 يرفع عينه كل شويا ويطالع في سميـه اللي ولاشي اتحرك فيها 
 حتى يدها راخيتها على نفس الوضعيه 
 امها تبكي 
 تبوسها تمسك وجهها وتتأمل ملامحها 
 روآن تبا تبككي 
 هيا بكيت لما شافت ام هديـل تسوي كدا 
 بس ليش مابتبكي وهيا في موقف اقوى حاليا 
 تطالع فيها 
 وكل اللي يدور براسها 
" دي ماما ..دي ماما ! ... دي ماما ! "
الكلمه توجعها وكأنه احد بيطعنها 
 الكلمه مو بسيطه لما تنحرمي طول عمرك من انك تقوليها 
 امها وجهها محمر دموعها هيا اللي تعبر 
 رجفه يدها اللي تمررها على جسم سميـه يدها وجهها برضو تعبر عن موقفها
 مسكت وجه سميـه وتتأمل ملامحها للمرا التالته : ااه يااربي .. كنت طول عمري اعرف اني حشوفك كنت طول عمري اقول يارب قبل لاتآخد روحي بس اشوفها وحكون ملكت الدنيا ومافيها 
 روآن رخت عينها ماتبى تطالع فيها 
 امها كملت بصوتها المتقطع : والله العظيم كل يوم ادعي انو ربي يحفظك كل يوم استودعك الله كل يوم اقول الله يديكي الفرحه اللي ماقدر اديكي هيا 
 روآن خلاص كدا انهارت يمكن لأنه حاسه كلامهاا دخل قلبها 
 نزلت دموعها دارت راسها تستنجد في بشار 
 ايوا تبا تشرد 
 خايفه على قد ماحستها صادقه بكم كلمه 
 على قد ماحست عيونها تنطق بالتعب والحزن 
 بس برضو تبا تممشي نادته بكل خووف : بـ بشاار
 امها ماستوعبت ايش تبا بشار جا لعندها وامها ماسكتها ولا تبا تسيبها :ابا امشي .ابا امشي
 انننصدم 
 انصدمت 
 انصدم زوج امها!!!!!
جملتها نزلت على الكل بفجعه 
 بشار ماتوقع بعد كلام امها دا حتسيبها 
 اتوقعها حتكون تبا تسمع اكتر ..!
امها شدت على ذراع سميـه : فين تبي تروحي ..بنتي انا ماصدقت اشوفك 
 روآن ولا طالعت فيها بكيت زياااده من كلامهاا : بشااار
 بشار بتعاطف كلم امها : سيبيها دحيـن 
 رخت يدها بعدم استيعاب وهيا مسكت في بشار على طول 
 بشار طالع في امها وحركلها راسه بصمت بيهديها بيطمنها 
 يبا يفهمها بس تحتاج شويـة وقت 
 وسحــب سميـه من المكآن وهيا مازالت تبـكي 
 روآن كلها تناقضات 
 مو عارفه ليش خايفه 
 كيف قدرت تتقبل اخوها 
 وامها مو قادره امها اللي المفروض تترمي عندها 
 بس يمكن من كتر ماتباها من كتر ماتحتاجها خايفه تجرحها
 خايفه تشوف فيها جاسم وام هديـل 
 ماتبى تهدم الشي الحلوو زي ماهديل هدمت كل احلامها
 ماتبى تزيد جرح جوتها اكتر من اللي بتعيشه 
 بس تباها كلامها مرا مريـح 
 نبرة صوتها 
 نظرتها 
 لمســتها لها 
 كل شي تبااه 
 بس سابتو ومشيت 
 بشار وقفها في الممر وبين الغرف : سميـه من ايش خاايفه 
 تهرج بين شهقاتها تهرج برعب بخووف : ماباها 
 بشار : اهدي انتي جايه لهنآ عشان تسمعيها فيه شي خوفك فيها فيه شي مخليكي مو مرتاحه ؟
 روآن اشرت براسها يعني ايوا 
 بشار : ايش هوا قوليلي عشان افهمك 
 روان تتكلم بكل تشتت : مدري ماباها تقرب مني قولها تكلمني وهيا بعيد ماباها تحضني ماباها تقول كلام عشان تحزني
 ضاع منو الكلام ..عرف انها ارتاحت عرف انها تباها ..بلع ريقه : طيب وهيا مستعده تسوي اي شي عشانك تبي تسيري تقابليها في اماكن عامه ؟ 
 روآن اشرت براسها يعني ايوا 
 بشار : يعني تبي تتعرفي عليها اول 
 روآن اشرت براسها برضو ايوا وتبكي 
 بشار : طيب تبي تدخلي دحين عندها ؟ 
 روان : لا ابا امشي 
 بشار : طيب ينفع انزلك واطلع اتكلم معاها ؟
 روآن : طيب
 بيحاول بقدر الامكآن يخليها تهدى يسوي اللي تباه بهدووووء 
 مسك يدها ونزلها للسياره 
 وطلـع بشار دق الباب واول مادخلو محمد بس دي المره محترمه 
 والموقف اللي سار مخليه مايفتح فمو بشي .. 
دخل للغرفه اللي فيها كنب وتلفزيون جلس وام روآن تبكي :خليكي هنآ ..تبوني انا ادفع تكاليف الفندق لو ماتقدرو عليه انا مستعد ادفعه بس خليكي .. تبا تتعرف عليكي بس خايفه .. 
دلال قالت بعدم استيعاب : تتعرف على امها ؟!!!
بشار : شوفي هيا عاشت في مجتمع وسخ اهالي يبيعو بناتهم اهالي راضين انو بناتهم ينذلو .. فكرة انها عندها ام طيبه وتباها فاجعتها مافي وحده حتسيب دي النعمه وتمشي بذات لإنسانه محرومه زيها ..ايش خسرانه لو سويتي اللي بقولك عليه ..ايش خسرانه لو مشيتي معايا خطوه خطوه عشان تكسبيها وتعوضيها 
 دلال :انا مراعيه نفسيتها بس ابا بنتي ف حضني ماشبعت منها مالحقت اطالع فيها مشيت 
 بشار : وعدي ليكي بكرا تشوفيها ..مو بس بكرا يوميا تشوفيها 
 محمد واقف : ولين متى حيتسمر دا الوضع
 بشار ماطالع فيه بس رد وعينه على دلال : لين ماسميه تقتنع 
 محمد : انا ماعندي استطاعه اصرف كل دي المصاريف
 بشار طالع فيه : اتوقع سمعتني لما قلت تكاليف الفندق عليا 
 محمد : مو انا اللي امد يدي للغريب
 بشار : ماقلتلك اقعد ارجع من فين ماجيت انا بدفع لأم سميـه _ طالع فيها _ ها ايش قلتي
 محمد : على نهايه عمرك يرجع ولد جاسم اللي يصرف عليكي 
 بشار : شكلك ناسي انو جاسم جايب بنت منها كمان 
 وللللللللع محمممممد جا بهجوميــه عليييه ودلال وووقفت قداامه : محمممد 
 بشار وقف ويمرر للسانه على اسنانه ويطالع في محمد
 عارف انو جملته خلتو يووولع بس مو راضي يهجددد
 دلال : بسس يامحمممد دي بنتتي حسوي اي شي عشانها ... بنتي عاشت تشحت في الشواارع عاشت بدون احد يهتم فيها حسسس يااخي حسسس 
 محمد صدره يطلع وينززل وعينه على بشـآر اللي واقف ولا مهتـم 
 دلال طالعت في بشار : انا حقعد 
: دلااااال
 دلال طالعت في محمد : ياتوقف معايا يامحمد يااااتسيبني وتطلقني ...عشت طول عمري وانا احلم فيها مو انتا ولا احد حيقدر يمنعني عشان ارجعها لحضني
 بشار انفجع تبا تسيب زوجها ..!
محمد انفجع اكتر منه واللي خلاه يسكت انو بشار واقف ..!
بشار : خلاص بيننا اتصـآل 
 وسحب نفسـه من المكآن واول ماقفل الباب وقبل لايهرج ممحمد 
 رفعت صباعها ام دلال وهيا تهدد ولأول مرا تكون بدي القوه قدآم رجآل
 دي الام 
 اللي لما احد يتعدى حدود اطفـآلها تسير زي البسه اللي يدعسو على ذيلها 
: استتتتحملت كل كلامك بس لهنننا وبس انا شوفت بنتي دووبني شوفت بعينها الخوف _ اشرت على نفسها وهيا تبكي _ بنتي خااايفه مني انتا ماعندك احساس ماعندك ضممممير والله حبيع كل العشره اللي بيننا لو وقفت بطريقي الانسان اللي ماحيقدر الوضع اللي بمر فيه انا ماحقدره 
 ودخلت لغرفه النوم وقفلت على نفسها الباب 
 ماتدري تنبسط لأنها شافها ولاتبكي عشان نظرتها وصوتها وكل شي كسرها زياده 
 ياأللله نفسسسها تحضنها نفسها تحلفلها انها ماحتأذيها 
 نفسها تقولها حعيش معاكي ولو على حساب سعادتي
 لو حياخد الموضوع شهر شهرييين حتحاول 
 حتحاول لأنها صبرت اكتتتر من عشريـن سنـه 
" يارب اديني القوه ياارب "
اكتر من 20 سنه مرت بس الساعات اللي بتمر حاليا اتقل بكتتتير
 تبكي وترجع تبتسم بين دموعها كل ماتتذكر ملامحها 



 وقفت السيـآره نزلت واشرت للسواق يشيل الاكيآس اللي بالسياره ودخلـت 
 بعد ماخرجت كل الطفش كالعاده وهيا تتسوق .. دخلت لغرفتها فسخت عبايتها 
 طرحتها وجلست على السرير وهيا تسحب الكعب اللي برجلها وترميه بااهمآل 
 وبعدها قامت مفجوعه تمسكه لما خافت انو ينخدش : وي الحمدالله 
 جلست تآني على السرير بعد مارجعت جزمتها لمكآنها المخصص: آآآه ياظهري 
 فتحت شنطتها خرجت جوالها : اوفف دي ايش تبا 
4 مكآلمآت من ديما
 اتصلت عليها وهيا مالها خلق لكلامها الفاضي بس مو خسرانه شي 
 تطالع في اظافيرها ومستنيتها ترد : السلام عليكم 
 ديما : وعليكم السلام
: كيفك 
 ديما : تمام الحمدالله وانتي كيفك 
 ميسا : تمآم شوفتلك كدا اتصال 
 ديما : من الظهر اتصل عليكي كويس عبرتيني 
 ميسا شافت طبعا بس طنشت :كنت مشغوله
 ديما : المهم انتي الخسرانه 
 ميسا : فيه شي ؟
 ديما : شوفت اليوم براء 
 ميسا رفعت حاجبها : طيب؟
 ديما : تعرفي قضيه قاسم داود اللي اليوم الكل اتكلم عنها
 ميسا بعدم اهتمام : ايوا سمعت كم كلمه 
 ديما : كآنت اليوم عندي قضيه وروحت المهم شوفتلك براء هنآك 
 ميسا ضحكت : طيب ايش دخل مني فاهمه 
 ديما : يعني ماتوقعت انو متزوج 
 ميسا اختفت ابتسامتها تدريجيا : متزوج !!
ديما دا اللي تبا تعرفه ميسا عندها خبر ولا لا تبا تحرق قلبها من كتر ماكانت تتشمت عليها بكل حاجه بحياتها : هوا متزوج ومانشر الخبر !
ميسا بثقه مهزوزه : شكلك غلطانه ولا مشبهه عليه 
 ديما : والله هوا روحت اسااساا سئلت شوفتي اللي يهرجو عنها قاسم اغتصبها هيا مرتو ترف مراد اليآسي في البدايه قلت وحده تقربلو بس ماسك يدها وكمان اخوانها معاها وخرجت بعد المحاكمه لقيتو حاضنها خلصو البنات مالقى غيرها يتزوجها ؟.._ قالت وتبا تحرق قلب ميسا _ يعني هيا جميله ماشالله بس برضو السمعه اهم
 ميسا ساكككته وبعدها قالت ولساتها مصدومه : لو براء اتزوج كآن الكل عرف 
 ديما : والله فاكرتو من كتر ماكنتي تصوريه في السناب مو بلهه ماحعرفو لكن انتي ادرى 

 تتكلم تتكلم ديممما وباين انها واثقه انه براء قالتلها البنت قصيره 
 وبيضا مو محجبه بدأت توصفها ونفس اللي شافتها بالمستشفى 
 قفلت منهآآ ولساته الصدمه طاغي عليها 
 كتبت قاسم داود وطلعت اخبارها عندها وللد اتأكدت انه نفسها هوا صاحب محمود ..
وقفت تروح وتجي بالغرفه وضحكت ببلاهه : لا لا مستحيل يسويها كان عرفنا اساسا دوبنا مطلقين
 زي المجنونه تهرج مع نفسها 
 وتختفي ابتسامتها لما تتذكر الوصف نفس الببببنت !!!!
جلست وقلبها يدق بطريقه مجنوننه 
 ودموعها تنززل 
 مو قادره تستوعب براء مع احد غيرها ودخلت في دوآآآمه بكى مابين انها تحاول تستوعب ومستحيـل تقدر تستوعـب ...


امـآ لمى ...يومها كلو رآح وهيا تخطط كيف تحتفل بعيد ميلاد عدي
 الاوضاع مو منآسبه انهم يتقابلو وتبا تشتريلو شي مو قادره تخرج 
 فالإنستقرام فكلها ازمـه اتعاملت مع وآحد اشترالها الساعه واشترالها شريط بلايستيشن عدي نفسه فيه ونسق الهديـه وقالتلو يمر على البيت عشان تديه الفلوس لأنه ماتقدر تحول حاليا وتبا تحط في الهديـه رسآله .. سوت كل دا من ورا الكل بس تعرف عدي ماعنده مآنع 
 واخوانها خلاص مايتدخلو بحياتها وزوجها هوا الحر فيـها .. 
خرجت للصآله وتآمر يتكلم مع امهم وهيا جلست 
: يعني كل يوم واحد برا البيت جالس 
: ياأمي الولد لساته مريض حرام 
: لاحول ولا قوه الا بلله 
 تآمر مسك يدها وباسها : لاتزعلي نفسك تميم مو طفل
: انتو كلكم لساتكم اطفاال اكره هرجه البيتآن برا البيت 
 تامر : طيب فتره بس استحملي شويا وانا اعوضك عن تميم ايش تبي فيه 
 يعرفو اولادها يراضوها بعكس لمى اللي كلمتين وتسكت 
: اباكم كلكم حوليا 
 تامر : شوفي كيف البيت هادي بدونه يفتح النفس 
 ضربتو بقهر :دا ولدي لو إنو شيطان اباه جمبي
 اختفت ابتسامه تآمر نفسه يقولها " طيب وترف ؟! "
حتى الكلمه حزت بنفس لمى 
 تآمر : خلاص يومين بس 
: اوووف ولو مارجع بعد يومين والله ماله دخله هنا
 تامر : هههههههههههههه لاتخليني اروح اقولو امي تباك ترجع بعد تلات ايام عشان افتك من وجهه 
: هههههههه جرب وروح قلو 
 تامر : حاسس بسعاده وهوا مو فيه 
 لمى : حرام عليك ايش سوالك 
 تامر : اماان احط اكلي في اي مكآن ارجع القاه زي ماهوا يكفي دا الاحساس 
 امه: هههههههههههههههه بسم الله عليه صحه وهنآ 
 تامر : والله انو غتيت 
 لمى تقلده : هههههههههه كل مايشوفني اكل يقولي لقمه لقمه وفجأه نص الساندوتش اختفى 
 تامر اشر على لمى ويطالع في امه : هيا شووفتي آفه الله واكبر عليه 
 امهم : ههههههههههههههه حبيبي ولدي يكسل يقوم يسوي اكله 
 تامر بنرفزه : موووو دي المصيبببه تحسيه طفيلي والله اول مادخل المطبخ اعرف انو حيدخل بس اضرب الملعقه في الصحن وفجأه تميم يطلع من فين ماتدري
 امه: ههههههههههههههههههههه شايف حتى لو مو في البيت سيرته تضحكنا 
 تامر : الموضوع مرا مايضحك انا بهرج عن معآنآه هنا 
 امه : ههههههههههههههههه
 لمى ماتدري كيف اخوانها يتعاملو مع امها تحس بالقوه رمت جمله وهيا تضحك
 ماتتخيل انها تحكي شي كداا تنجلط في نص الكلام ..
وقامت وهيا تبا تامر يجي ولساته يدلع في امـه ويبوسها ويحكيها 
 رضيــن فيها برغم اللي تسويـه 
 فتره ماقعد عند ترف اطول فتره مرت عليه لأنه ماشافها 
 كدا يرتاح لما يشوفها وخلاص .. 
لين ماكتبلها الرجال في الوآتس : انا تحت ..
اشرت لتآمر من بعيد وجآها قالتلو كل شي وهيا مستحيـه ودتو الظرف والفلوس 
 اخد الظرف وسبلها الفلوس ونزل بعد مارمالها تعليق : الله يرزقنا باأحد يتذكرنا
 لمى وجهها حممر ودخلت غرفتها على طول 
 اما عددي متنرفز منها من اول خاصرتـه 
 ولا بتكلمه 
 ورآحت استحمت واكلت وبعدها اتصلت عليه لما قلها الرجآل انا قريب ..
عدي يتكلم بنرفزه وهوا يلعب بلاستيشن :نفسي كآنت تراودني مارد عليكي لكن قلبي كلب 
 لمى : معليش انشغلت 
 عدي : اتوقعت اتعدينا مرحله انك تنشغلي وماتديني خبر وبعدين تلات ساعات ايش قاعده تسوي من اول
 لمى : وي عندي مشاغل انا حقعد ماسكه الجوال طول الوقت 
 عدي رفع حاجبه : حركااات !! ساير لسانك طوويل 
 لمى : انا من يومي كدا
 عدي : هههههههههههههه اقول ايش وراكي ياهبله 
 لمى : ماورايا شي انتا االلي متصل معصب 
 عدي : كدابه ماعرفك _ سكت شويا وهوا يلعب وبعدها كمل _ مو اسلوبك دا المفروض كآن رديتي وقلتيلي _ يقلد صوتها _ اوووه عدددي معلليش والله معللليش ماشوفت الجوال ولا ماما ماخلتني امسكه 
 لمى : ههههههههههههههههه _ بعدت الجوال لما قرات الرجال كتبلها " انا وصلت " _
كتبتلو " مشكور "
عدي : فينك ؟
 لمى : بكلم ترف 
 عدي : اهاا انتي سايره كدا عشان سار عندك اخت وتحكيها وتقولك اخصريه اصحك تكوني خفيفه وحركات البنات دي
 لمى : ههههههههههه ايواا اكتشفت انو اسلوبي غلط معاك 
 عدي : ههههههههههههه اقولك لاتخليني اسحركم واخليكم تقاطعو بعض تاني
 لمى : ههههههههههههه وانا حسحرك واخليك تحبني حتى لما مامديك وجه 
 عدي : مايحتاج تسحريني ليا تلات ساعات مو مديتني وجه وانا برضو بتصل 
 لمى : ههههههههههه لا ابا تلات اسابيع وبرضك تكون تتصل 
 عدي : هههههههههههههه عيبا على الشنااااب
 لمى : شنبك ماحينفعك وانتا مسحور 
 عدي : هههههههههههه اخصصصص يالممممى والله لما تتكلمي كلام قووي احس ابا اسجل صوتك واشغل الجمله كل شويا واضحك هههههههههه .. احساسي زي الام اللي بزرتها دوبه يقول كلمه جديده ومبسوطه فيه 
 لمى : ههههههه طيب ياااعدي
 عدي بحقققد وبكل صووته : ياااااااكلبه الله يااااخدك
 لمى وسعت عينها : نعم !!!!
عدي استوعب : مو انتي حبيبي بلعب مع وحده متخلفه موتتني الله يصيبها 
 لمى قلبها طااح لما سب وجهها علق الابتسامه والصدمه !!!: فجعتني 
 عدي : هههههههههههههههههههه وتبي تسحريني وانتي قويه وردك كآن نعمم !؟؟ يخي انتي كيوت والله كييوت 
 لمى : فجعتني والله قلبي يدق بسرعه 
 عدي :ايوا لساتك ماتعرفيني بعدين حتنصدمي فيا 
 لمى : ههههههههههه 
 فتحت عليه الباب علا بســرعه : عددددددي
 وهوا اتربش ورمى اليددد وجواله طاح في الارض طالع فيها : ككككم مرررا يامتخلفه اقولك لاتفتحي الباب وانتي تصرخخخي 
 علا : هههههههههههههههههههههه معليش والله انسسى 
 عدي اخد جواله من الارض وهوا معصب وقبـل لايكلم لمى علا قالتلو : تعااال شوف ايش جآك
 عدي ماستوعب : ايش جآ
 عدي دخلت وسحبت يدو : اممممشي بسررعه 
 عدي رفع جوآاله : الادميه على الجوال ممكن تخرجي عشان اقولها كلام حلو وبعدين اجيكي 
 علا : ههههههههههههههههههههه اسري ياعدي 
 خرجت وقفلت الباب 
 لمى : ههههههههه ايش بها علا 
 عدي : اتجننت علينا من يوم مارجعت للؤي المشكله حتى هوا ساير عايش عندنا يااخي اوم الفله مالت عليكي اشوفك في السنه حسنه 
 لمى :هههههههههههه دا الكلام الحلو اللي تبا تقولي هوا
 عدي : هههههههههههه معليش حبيبي بس احس اني ابا احسدهم
 لمى : كلها كم اسبوع وانا عندك وحنطفش من بعض 
 عدي : هههههههههههههه الجمله دي تخليني اسعد واحد في الدنيا 
 لمى : ههههههههه
 عدي : اسمعي علا مستنيتني تقول في حآجه جآت بنزل اشوف ايش الهرجه 
 لمى : طيب اووك 
 عدي : احببك 
 لمى : وانا كمآن
 عدي قفـل منها ونزل اول ماوصل لتحت شافهم كلهم متجمعين الا ابوه : خير ياخطيب اختي حتعيش عندنا كتير 
 علا : ههههههههههه ايش لك انتا 
 لؤي اشر على عدي : مرتي تتفاهم مع امثآلك ماحتعب نفسي
 عدي : ههههههههههه خسيس 
 عزآم : انا اللي متضرر ينام على سريري وانا في الارض يعني قوايه عين اكتر من كدا مافي
 امهم : ههههههههه حرام عليكم له يومين محسسيني انو له شهر قاعد 
 لؤي : ليش ياخاله لو قعد شهر حتتضايقي 
 امهم : لا والله عادي وي ياولدي 
 عدي : ههههههههههههههههه مافي اي ذرة حيا 
 لؤي : ههههههههههههه انتو عارفين اني قاعد عشان البنات هنآك 
 عزآم غمزلو : رووح يااخي 
 علا وسعت عينها : انقلع ياعززام قليل ادب
 لؤي : ههههههههههه المزه حقتي تزعل 
 عدي وعزآم يتنرفزو لما يتغزل باأختهم كدا قدآم الكل ولا يهمو 
 وامهم تنبسط طبـعا
 عدي : المهم ايش اللي جآني 
 كلهم نسيو 
 علا وقفت بحمآس : تعااال 
 وسحببتو من يدو لطآوله الطعـآم 
 ابتسسم لاشعوريـآ اول مرا احد يدلعه كدا طالع فيهم : مين جابها 
 حسب احد منهم 
 علا كأنه الهديه جيتها متحمسسه : انتا انتا شوف 
 الهديـه منسقه بالألوان تفتح النفـس 
 زي شخصيتها بالورود البيضـآ واللون الاصفـر 
 تغليف الهديـه وبلالين الهليون 
 شاف الرسآله .. حيفتح الرساله لا طبعا يبا يشوف الهديـه 
 شال العلبـه ولقى تحتها شريط بلاستيشن قال بصدمه : لااااا لاتكون لمى 
 هيا الوحيده اللي قلها 
 علا : فك فك الرساله _ وتدخل وجهها تبا تشوف 
 عدي دفها : خيير يافله 
 علا : ننشوف مين عشان لو ماطلعت لمى حدي خبر للمى تنتبه عليك 
 عدي : هههههههههههههه 
 عدي بس لأنو شك انها لمى طبعا حيفك الرساله قبل الهديـه 
 فك الرسـآله 
 واول ماقرا الجمله الاولى بعد عنهم وهوا مبتسم ويقرا لين ماختفى عنهم 
 ينادوه خااصر الكل .. 
 " زوجي ...
حبيبي ...
روحي ..
ضحكتي 
 انتا اشياء كتير في حيآتي لو حعدد لبكرا ماحخلص 
 فيه كلام كتير جوتي وماحقدر اقولك هوا الا بالكتآبه 
 انا عشت طول عمري وانا احس حياتي مالها داعي
 الخوف والتوتر والقلق وألم جسمي وصوت بكآيا طول الليل دي ذكرياتي 
 بس اول مادخلت حياتي اتغير كل شي بكيت لأني مبسوطه 
 وبكيت لأني ضحكت من قلبي وحسيت باإحساس في حياتي ماجربتو 
 كل اللي اعرفه انو ماحقدر اعيش بدونك لما كنت تقولي لو خنتك ايش تسويلي 
 لاعاد تعيد دي الجمله لأنها مرا توجعني ياعدي انا اخاف من دا الكلام وعارفه اني حسحب 
 نفسي منك بهدوء لأنو لو سار شي زي كدا الألم حيكون منك اكتر من اي الم عشته بحياتي ...
ماحنكد عليك زياده بس بقولك كل عام وانتا بخيــر 
 كل عام ان شالله وانا احتفل معاك لين مانعجز واسير اطفشك وانتا عظآمك توجعك وماتقدر تتحرك 
 كل عام وانتا ليا وانا ليــك 
 الله يخلي ضحكتك ليا وصوتك وعيونك وروحك ..احبببك "

يبا يطلـع يتصل عليها بجد مو مهتم بالهديـه التآنيه 
 يبا يقولها قد ايش هوا يحبببها 
 بس مايبى يكسر في نفسها لو عجبتو الهديه ويقولها ماشوفتها فاراح فتحها 
 ورجـع طلع بسـرعه لغرفتـه اتصل عليها 
 وهيا ردت بس ماتكلمت 
 وهوا قال بصوت وآحد هيمآن : انا احب روحك واحب قلبك واحب عيوونك واحب ام عشيرتك كلهاا يابت 
 لمى : هههههههههههههه عجبتك الهديه 
 عدي : وربي الكلام اللي في الرساله خرفني حاسس اني ابا اجي احضنك مابى اتكلم بالجوال
 لمى وجهها محمر اتكلمت بدلع : كبتبه من قلبي
 عدي :والله اعشقك احس ماعندي كلام حقعد اقولك احبك لين مانام اليوم 
 لمى : ههههههههههههههههه
 عدي : لمى 
 لمى : ايوا حبيبي
 عدي : انتي عارفه انك كل شي ف حيآتي 
 لمى ابتسكت وتلعب توتر في الدبدوب اللي بيدها 
 عدي بجديه يهرج : والله والله على قد ماشوفت بنآت في حيآتي بس زيك ماقد شوفت احسك من كتر منتي بريئه وطيبه كتير عليا انتي نعمه ربي اداني هيا واحس ابا احطك ف عيوني من كتر مو خايف عليكي

 ومــرت سآعتين والمصـآرحه عن مشاعرهم هيا اللي طغت على المكآلمه ...
ماهتم بكلامها عن الخيآنه لأنه اخر شي يفكر انو يخونهآ ...
بس الحركه اللي سوتها حسها كبيـــره منها انها تفكر فيـه 
 انها تسوي دا كلو عشان تبسطه وانهو مكآلمتهم بـ " أحبك " 



______________

بـرآء جـآ العشآ ولاأحد من اهلو اتصل خرج من البيت ويلفلف 
 مخنووووق 
 لما تلقى فرحتك واهلك مو راضين يشاركوك هيآ ..
زي الغصصه حاسسها انو ابوه يقفل منـو 
 ولساته يبرر انه لهم حق ينفعلو بسبب الضجه اللي حوليهم
 دا معنآته انه مو متقبلين لو بكرة النهار قالو براء متزوج البنت 
 ماحيتحملو ..!
همآ كدا واخدين موقف .!
اتنهد بضيـق 
 اخد جوآله واتصل على تـرف ... 



ترف جالسه في الصآله هيا وتميم 
 تميم : ادخلي نآمي 
 ترف : ايش بو لدحين نآيم 
 تميم : خليه مرتاح شكلكم صاحين من امس 
 ترف طالعت في الساعه : له 9 ساعات نايم 
 تميم : طيب مو شي طبيعي !
ترف : لا مو طبيعي لما مايكون موعد نومه 
 تميم : ترف ادخلي نامي وارتاحي انا حقعد معآه لو صحي 
 ترف خلاص بتغفى على نفسها كل شويا من الفجر صآحيه ..
دق جوآلها اخدتو ودخلت غرفتها : هلا براء
: ايوا حبيبي فينك من اول 
 ترف سكتت وبعدها قالت : سامي تعبان 
: ايش بو ؟
 ترف : موضوع قاسم على موضوع اهلي كل شي انقلب عليه وسار يبكي وفجعني 
: كيفه دحين 
 ترف : نايم مدري ايش سار معاه اخواني هدوه لين مانام
 براء : حبيبي معليش استحملي طفلل صعب اللي بيمر فيه وموضوعنا دا كمان حيأثر بنفسيته لكن والله حعوضه وحسوي اي شي عشان يتقبلني 
 ترف اتجمعت دموعها بعينها ماكانت تبا تقوله انو مو متقبلك بس عارف هوا : شكرا يابراء بجد بتستحمل حاجات كتير معايا 
 براء : حبيبي انتي مرتي يعني ظروفنا وحده 
 ترف مسحت دموعها وماعلقت 
 براء : اطلب منك طلب بس ماترديني 
 ترف : اطلب
 براء : ينفع اجي بس اشوفك وامشي 
 ترف استغربت من نبرة صوته في الططلب : فيك شي ؟
 برء : لا بس وحشتيني 
 ترف سكتت وبعدها بشك : براء بجد فيه شي لاتفجعني 
 براء : والله وحشتيني دقيقتين وحمشي 
 ترف خايفه سامي يصحى قالت بتردد : طيب بس عند الباب لأنو تميم هنا وخايفه سامي كمان يصحى 

 ورجعت خرجت مع تميـم اللي بيتكلم مع رشـآ 
" طيب عادي اتصـل عليه نحدد يوم "
رشـآ " ههههههههه دوبه وااصل استنى عليه "
 " حسوي نفسي اهبل عاد يش عرفني متى وصل " 
رشا " تمشي المواضيع على كيفك "
تميم " والله خلاص تعبت يارشا اباكي جمبي ابا اتكلم معاكي في حآجآت كتير انا مو من النآس اللي اخد راحتي بالجوال "
رشآ " ياعمري عارفه ظروفكم دي الفتره صعبه .. خلاص اتصل عليه بعد ساعه احسن "
تميم " طيب حبيبي ..أحبك "

ساب جوآله وطالع في ترف : ماحتنآمي والله لاتشيلي هم حدخل اجلس عنده
 ترف بااحراج : شويا حنآم براء جي 
 تميم : آهآ 
 ماعلق اكتر من كدآ نزل عينه على جواله وفتح الانستقرام لين مادق جوآل ترف تآني 
 واتوجهت فتحت الباب ..
خرجت وردت الباب وراها واول ماطالعت فيه ابتسملها بدون مايعلق 
: ايش بك 
 لحظه يتأمل كل شي فيها وقرب حضنها 
 ماتستاهل اي شي يسرلها 
 ماتستاهل الكلام اللي امه بتقوله عنها 
 ترف مفجوعه اتكلم وهيا بحضنه : براء ايش بك ترا مخوفني 
 بعد عنها : والله وحشتيني ماليا نفس اروح البيت ماليا نفس اسوي شي ابا اقعد معاكي وعارف انك ماتقدري
 ترف ابتسمتلو : لو بيدي كآن خرجت معاك دحين حتى انا مخنوقه 
 براء اتنهد : ان شالله بس تعدي دي الظروف واعوضك 
 ترف اكتفت انها تبتسم وعيونها باين فيها التعب والنوم 
 براء : فيكي نوم 
 ترف اشرت براسها : مرا 
 براء : وتبي تخرجي ها 
 ترف : هههههه اغير جو ماحب جلسه البيت وانا بدا المود
 براء : لاتقهريني اشيلك دحين غصبا عنك واخرجك 
 ترف : ههههههههه اعرف ادافع عن نفسي 
 براء بااستهزاء : روحي بس
 ترف : ههههههههه
 دق جواله خرجه ولما شاف الاسم صمت الجوال 
 ترف شافت الاسم : ايش تبا ميسا .؟
 براء كآن بيدخل الجوال في الجينز : مدري 
 ترف رد عليها 
 براء : مالو داعي ياشيخه 
 ترف قلبت وجهها وهوا مسك يدها وبيده التآنيه رد وفتح اسبكر : الو ؟
 ووصلـو صوت شهقاتها : براااء انتا اتزوجت 
 براء رفع عدسه عينه على ترف : ايش تبي ياميسا
 ميسا مفجوووعه : بدي السهووله 
 براء : احنا موضوعنا منتهي مافرق اتزوج ولا لا
 ميسا : تعال ابا اشوفك 
 ترف رفعت حآجبها وبراء اتوتر : ميسسا استهدي بلله انا متزوج دحين م
 الكلللمه حرقتها زواجه فجعه بنسبه لها : الله يخليييك سيبها انا اسفه حتغير بس ارجعلي
 ترررررف مولعه تحس انها تبا تببكي لأنو خايفه براء يتعاطف معاها 
: لاحول ولاقوه الا بلله 
 ميسا : والله لو ماجيت والله حسوي شي بنفسي ياابراء والله العظظيم ماامزح معاك
 براء بعد عن ترف بتوتر وقفل الاسبكر : ممميسا لاتجننيني اهجججدي بقولك انا متزوج انتهى الللي بيننا 
 ميسا : ماابى والله لو ماجيتني يابراء دحين والله ذنبي في رقبتك
 براء طالع في ترف 
 مقهوره لأنو خاايف 
 تبا تبكككيي 
 حابسه دمعتها بالقوه 
 جا لعندها سلم على يدها ونزل من الدرج وهوا يتكلم بالجوال .!!!
وهيا نززلت دموعهااا بكل سهوووله نززل ..!
طيب هيــآ !!!
ماقدرت تتحرك من الصدمه 
 تحبه تغاار علييه ماتباه حتى يكلمها 
 يومها الشي الوحيد اللي كآن فيه حلوو هوآآ 
 ورآح لغيرها ..! تتوقع لو رجع حتمشي الموضوع !!!
سايبه ولدها بحاله نفسيه وهوا بسهوله رايح يداري على ديك !!
مو قادره تدخل وتميم يشوفها كدا 
 مو قادره توقف دموعها 
 موقف بسيــط قلب كل شي فووقها 
 وكل اللي يجي في بالها سااامي وبراء 


 امـآ براء نززل وقف عند باب العمـآره : صبري ياميسا شويا حكلمك ...
اتنفس بصوت مسموع 
 بلع ريقـه 
 ايش يسوي بدي المجنونه 
 لو رحلها حيدمر الانسانه اللي فوق 
 لو رحلها ميسا حتلوي ذراعه بدا الشي دايما 
 هما انتهو اللي فوق زوجتـه 
 اللي فوق ماتستاهل انو يخرج بدا الشكل ويسيبها 
 وبنت عمـه برضو ماحيطنشها ويتحمل ذنبها ف يوم 
 مهما كآن بينهم عشره 
 اتصــل على ابـوها عارف انو حيدمر الدنيآ وشكلو عمه ماعندو خبـر 
 بس مافي حل تآني : هلا عمي 
 عمه : اههههلللين والله اخيرا سمعنا صوتك 
 براء مرا اتووووتر عرف بجد انو ماعندو خبر : عمي _ سكت _ مو عارف ايش اقولك 
 عمه اختفت ابتسامته خاف على اخوه : فيه شي ؟!!
براء : اا ..انا ااتزوجت 
 عممممه صممممت 
 براء : ماحدخل بتفاصيل بالموضوع لكن ميسا وصلها الموضوع واتصلت عليا دوبها تبكي وتبا تنتحر 
 وانا انسان متزوج حاليا قلت اكلمك انتا تتفاهم معاها احنا انتهى اللي بيننا وزواجي ماحيفرق 
 عمـه :ميسا ! بعدين اكلمك 
 قام بتشتتت لبنتــه 


 وبراء اتنهد بضيـق ايش اللي قاااعد يسير معاه 
 عارف انو عمه حيتصل على ابوه 
 عارف انو اليوم ماحيعدي على خير بسبب ميسا 
 ايش اللي حيفررق هما اطلقوو !!!!! 
طلـع على طول وبنص الدرج سمعها تبكي 
 طلع بخطوات سريـعه واول ماشافتو بكيت زيـآده
 حسبتـه رااح 
 براء جا لعندها مصدوم : ترف !!
انهاارت كآن ناقصلها تكككه وبراء فجعها لما نززل 
 هيا جاته هيا حضنته بكيت وماهمها اذا احد يسمعها 
 دوبــها عرفت ايش يعنيلها برااء 
 دوبها عرفت انو مو سهل تسيبه 
: انا ااسف والله حبيبي بس كلمت ابوها يتصرف معاها 
 ولا علقت بس بتبكككي وكأنه كلامه ماريحها حتى 
 براء : وربي اسسف حبيبي 
 ترف بصعوبه اتكلمت : ماباك تكلمها ماباك ترد عليها 
 براء : طيب ياعمري انا قلتلك ماكنت حرد 
 ترف : حتى لو ماكنت معايا 
 براء بعدها عنو على قد مو مبسوط انها غيرانه بس انهيارها وبدا الوقت كاسره : تترف اخر شي تشيلي همو دحين انااا ...اخر احد حيجرحك انا _ يمسحلها دموعها _ انتي مرتي انتي قبل الكل 
 ترف رخت راسها وهوا رجع حضنها يباها ترتاح : لو ادري انك حتبكي لو جيت ماكان جيت 
 ترف مسكت في بلوزته وغمضت عينها : انا كنت اباك 
 براء ابتسم ابتسامه بسيطه : اخيرا جا اليوم اللي تقوليلي اباك 
 ترف ولا بعدت عنو ولا فتحت عينها 
 رااااااحه 
 تباه جمبـها خرجت منها تنهيده تعبر عن تعبـها 
 والدقيقتين سارت ربـع ساعه عند الباب ..سلم على جبينها على خدها : تصبحي على خير حبيبي
 ترف مضيقه على عينها مع التعب وصوتها سار مبحوح من كتر النوم : وانتا من اهله 
 كآنت بتسحب يدها الا ضغط عليها يباها تدخل ترتاح ويباها عندو 
 سلم على يدها وضحك : خلاص خلاص ادخلي


 دخلت قفلت البباب بالمفتاح وشالتو من على الباب خايفه سامي يصحى ويخرج 
 مالقت تميم في الصـآله راحت لغرفـه سامي
 شافته جالس قبآل سامي 
 اشرتلو فيه شي قلها لا ... وانسحبت لغرفتها واول ماحطت راسها على المخده نآآمت 
 امـآ تميم دخل لما سمع سـآمي يهرج حسبه صاحي لقاه نآيم 
 جلس قبـآله وسند ظهره على الجدار 
 وكل اللي ينطقه سآمي " مآمآ "
تميم مانزل عينه من عليـه وكل اللي يتخيله ايش شاف دا الولد بحيآته
 كم مرا اتعرض ف حياته لموقف احد يقولو نادي امك ولا ابوك 
 كم مرا احتاج اخ كبيـر يدافع عنو 
 صعب انك تعيش بدون شي 
 دا مو زي روآن وهديل 
 اللي انحرمو من كل شي بس عاشو في مجتمع من نفس بيئتهم 
 دا كآن يدرس في احسن مكآن 
 داك سااافر مع ابوه 
 دي امـه مصممه معروفه 
 دا ابوه يسئل عنو دايما في المدرسه 
 دي امه مدلعتـه 
 دا اخويا دي اختتتتي 
 وانتا ولاشي 
 بدون اسم 
 بدون عيله وانتا من امك لأبوك لخوالك لعمتك موجودين على دي الدنيآ
 قطـع تفكيره ترف لما دخلت واول ماخرت رفع جوآله وبيتصفح 
 بعد سآعه تعب حط جواله جمبه وغفـى وهوا جـآلس


 امـآ سـآمي امس مآنآم كآن جالس على سريره ف الظلام بالساعات 
 يحرك جسمـه على قدام وورا وهوا يفكر بكل شي 
 وكل اللي يجي في باله انو امـه حتسسير مشغوله عنـه
 وافكار مجنونه ماتدخل العقل بس دخلت عقله الصغيـر بديك اللحظه ..
صحي بعد سـآعه ..عقد حوآجبه ..دار راسـه وشاف تميم نايم 
 رفع جسمه ومسك راسـه باألم : آآ
 تميم على طول فتح عينه وبعدها عدل جلسته 
 سامي شافه اتحرك بس مادار راسـه 
: راسك يوجعك 
 سامي نزل يده وبرضو ماطالع فيه : لا
 تميم فرك عينه بتعب .. حقهم عارف حيكابر لين اخر رمق 
 سامي سند يده الارض ووقف بس جلس بعدها على السرير على طول 
: اكلت شي انتا اليوم .؟
 سامي ولا رد عليه بس خاف من الدوخه والسواد اللي شافه 
 اول مرا يحس بدا الشعوور 
 تميم وقف : قووم تعال نسوي اي شي 
 سآمي : مو جيعان 
 تميم واقف قباله سكت شويا وبعدها قال : طيب قوم سويلي اكل 
 سامي على طول طالع فيه 
 تميم : ضيف عندك 
 سامي شتت نظره : خلي ماما تسويلك 
 تميم : امك نايمه 
 سامي مايبى يتكلم معاه مو طايقه مايباااهم 
 تميم : حتسيبني كدا جيعان
 سآمي مرا مولع : دايخ مافيا اقوم
 تميم : طيب حط كرسي في المطبخ وانا اسير اسئلك فين الاغراض وانتا قولي
 سامي بنرفزه : حرجع انام 
 تميم : ترا وربي لاأسحبك غصبا عنك 
 سامي يطالع فيه مصدوم
 وتميم بس ضرب برجله الارض الا سامي وقف مفجوع 
 تميم مسك نفسه لايضحك : هيا قومت ومافيك شي تعال انا جيعان 
 سـآمي مشي بنرفزه فتح باب الغرفه طالع بالساعه المعلقه مو عارف ايش مجلسه لدحين عندهم 
 كمان حيبات زي تآمر 
 داك كآن مريضص دا ايش حجته 
 بس وصـل المطبـخ وتامر حطلو كرسي : يلا اقعد 
 سامي واقف سند جسمه على التلاجه : مابى اقعد 
 راااااسه يااابس 
 بس تميم يخصـره : ايش تبا تاكل
: مو جيعان 
: طيب كويس عندكم اندومي ؟
 سامي اشرلو على الدولاب : هنآك 
 تميم خرج تلاته ورجع طآلع في سامي وطلب منـه اغراض الكشنه 
 وسامي ياأشرله وهوا يخرج 
 وبدأ يقطـع وسامي شويا ووجلس على الكرسي بطنه تحرقه من كتر الجوع 
 وتميم يقطع بروقاااان 
 صمـت بينهم 
 بعدها تميم بدون مايطالع فيـه اتكلم : عارف انك ماتبآني اجلس بس جلست مو عشان ترف ..لو عشانها كآن مشيت لأني عارف قد ايش خايفه عليك وماتبى تزعلك ... بس جلست لأنو ظلمتك ومابى اظلمك زياده _ اخد الفلفل الرومي ويقطعه ومكمل هرج _ وانا صغير بعد هرجه ترف كآنو اصحابي يضربوني كنت انقهر لما احد يتكلم عنها واضربهم لين ماطيح في الارض وكل اللي اشوفه رجولهم اللي تدعسني من كل نآحيه وكنت اوقف ابا ابكي وخاايف بس ابا ادافع عنها لأخر لحظه لين مايجي تآمر ويسحبني واليوم اللي بعده نفس الشي اتهزأ من امي وابويا كل يوم.. يبوني اسكت وانا ماقدر عارف اني حنضرب بس كنت اتكلم عارف اني حتألم اليوم التاني من جسمي بس ادافع عنها عارف انو اول ماحيمسكني تآمر ويبعدني عنهم حبكي وانا خايف .._ابويا مات بعد سنه وامي دخلت في حآله نفسيه ..اخويا اخد مرته وفجأه سابنا ..انا وتآمر صغار ولازم نصرف على البيت .. نخرج امي تضرب لمى ..نرجع نلقى لمى مرميه ومانقدر نروح نسوي شي ..ادافع عن لمى تنضرب تاني يوم اتكلم مع امي تزيد حالتها ونقضيها مستشفيات ... اللي سار ماخلى فينا عقل .. لو اخدنآك كآن ظلمنآك .. انا كنت ابا اشرد من اهلي .. _ ساب اللي بيده لما خلص بس ماقدر يكمل دار جسمه وطالع في سامي _ 
كنت انام كل يوم وانا اعرف انو اختي بالغرفه التآنيه تبكي وماتبى تعيش معانا كنت انام وانا عارف اخويا الكبيـر يبكي لأنو لازم يصرف علينا ..لأنو يهدينا كلنا واللحظه الوحيده اللي هوا يكون فيها مع نفسه يبكي لأنه كداب وضعيف وخايف من كل شي .. مابى اتكلم ف ابوك ححترمه عشانك حتى لو انتا مو محترمه ..بس انتا لو عرفتنا كآن كرهت نفسك زياده ..اجي ا زورك واقولك انا خالك وانا عارف ماحقدر اديك اكتر من دي الكلمه ليش اجرحك اكتر ؟ .. ماحقول انا ماغلطت بس قآسم ماخلى فينا عقل انو نفكر . انا حعتذرلك في كل مرا اجلس فيها معاك اعتبرني اخوك الكبير مو خآلك .. خد الفتره اللي تباها عشان تنسى اللي سويناه فيك بس خلال دا الوقت كلو انا حكون معاك 


 سـآمي يطالع فيـه كلامه مرا مرا ريحـه 
 بس مو عارف ايش يرد 
 وتميم ماسابلو مجآل للرد لما حط القدر على النآر وولع النآر ورجع اتكلم : تحبه حار ولا بارد 
 كآن حيقوله مابى بس جيعان : حار
 وبدأ تميم يطبـخ وماتكلم احد فيـهم لين ماخلص وعبى الأكل وخرجو الصـآله 
 جلسو على الكنبه وبياكلو
 تميم فك الانستجرام وفتح صوره واحد وورى سـآمي : شوف دا واحد من اصحابي اللي كآنو يضربوني
 نزل جواله وسامي مو فاهم ايش الهرجه
 تميم يتكلم ويآكل وهوا جيعاااان كمآن : قبل 3 شهور جاني العيآده ناسي اسمي لكن انا متذكره زي اسمي _ ساب الملعقه وطالع في سامي وهوا يتكلم بحقد _ ياأللله على الافكآر المجنونه اللي جات بعقلي من قبل لايدخل بس وانا اسمع الممرضه تنآديه ..داخل مع الالم وخده منفووخ مو مستوعب انا مين أقووولك اجرررمت فيـــه قطعتلو اعصاااب افتريت فيه انا افتري واتذكر كلامه كيف كآن والمشكله انو اوسخ واحد جآني فالنهايه وهوا مبنج قلتلو منتا متذكرني 
 سامي ضحك بجد حس انو لو مكآن الرجآل يترعب :هههههه 
 تميم : هههههههه ومو قادر يهرج اساسا قلتلو انا تميم مراد فاكر اللي كنت تصبح وانتا تضربه 
 فجأه فررصع عينه واحد تحت يدي مبنج وحالته ماتسمح انو يقوم ذللليتو مع انو خايف يوديني بدهيه بس وربي حرقه قلللبي بردتها بداك اليوم 
 سامي بهدوء هرج : انا منو كآن شردت
 تميم : مو انا ماقلتلو مين انا الا وانا عارف انو هوا ماحيقدر يخرج من كتر الرعب لما سمع اسمي وكيف كنت اطالع فيه بعد يدي على طول وكآن بيقوم وسار ينززف ورجع اترمى هههههههههههههههههههه وانا اضححككك 
 سامي : ههههههههههههههه 

 وتميم يهررج بكل عفويـه وسآمي يسمع لساته هادي مو اخد راحتـه لكن بيضحك 
 فيه شي بنفسه بس يمكن وجع بشكل عآم من حيآته ككل .. وفجأه استوعب موضوع رشـآ
 طالع في الساعه وبسـرعه دخل الغرفـه واتصـل وجآته الصدمــه !!!!



في بيــت ميسـآ بعد ماعصب ابوهآ ببكآها اضطر يقول لطليقته تجي تتفاهم مع بنتها 
 ميسا مازالت مصدومه وصدمتها زادت لما اشتكى براء ابوها وماجاها : ماااماا ف ايش احسن مني
: خلااص وطي صوتك وربي ابوكي حيقتلك دا طليقك ماتفهمي
 ميسا : ياماما عرفت من صحبتي عرفت من الناااس انا اتحط بدا المنظر 
 رشا تطالع فيها ومو عارفه متى حينتهي الموضوع دا اللي راعبها 
: ابوكي حيتفاهم مع عمك وهوا بكيفه 
 ميسا تهرج باانهيار : شوفته كيف كآن يطالع فيها بس قلت نزوه ماتوقعت انو بجد حيتزوجها 
 رشـآ كآنت خارجه من الغرفه الا وقفت لما ميسا نطقت اسم ترف بالكآمل
 قلبها طآح 
 وكملت هرجها وهيا تحكي امها صحبتها ايش قالتلها ... 
رشا قلبها بيوقف جسمها يتنافض 
 ورفعت يدها لشفايفها لما امها عقدت حوآجبها : اسمها مو غريب عليا 
 لحظظظه بنسبه لرشاا اكتر من مرعبـه 
 خاااايفه 
 مرا خايفه 
 ميسا : من فين يعني حنعرف دي الناس الواطيه 
 امها : صدقيني الاسم مارر عليا اعرف احد من اهلهم 
 ميسا تمسح دموعها 
 ورشا اضطرت ترمي هرجه عشان لايفكرو بتميم حاليا :اتوقع خطيبه عدي 
 الام : لا لا ولااعرف ايش اسمها اساسا 
 ميسـآ تطالع في امها لين ماوصعت عينها وطالعت في رشا : دا اللي اتقدملك 
 رشا تطالع في امها ولا رمشت حتى كل اللي تبا تسويه انها تروح تقول لتميم لاتتصل 
 ومو قادره تتحرك 
: الا الا والله فاكره الام قالتلي اسمو تميم مراد اليآسي
 ميسا بصدمه : دول ايش عرفهم فينا 
 انك تسمعي ومالفروض ماتعلقي عشان لاتفضحي نفسك دا ااكتر موقف صعب تكوني فيه 
 انك تشاركيهم بالكلام وبصدمتهم وانتي تبي تبكي على نفسك 
 وسخبت نفسها 
 تكلمه واتس تتصل ولا يرددد عليها
 وسـآعتيـن وانقلب البيـت حريقـه باإتصآل تميم
 اتكلم بكل عصبيــه : كمممان له عين يتصل 
 رشآ واقفه قبآله وقالت بتوتر : ايش سار 
: متصل يبا يخططبك داا لااا غير انو اخته متزوجه برااء الفضيححه حقتهم في كل مكآن 
 رشآ دموعها بعينها كل اللي قالته : يمكن بابا هوا محترم 
 ابوها عقد حوآجبه : محتتترم ايشششش خلصو الرجال في حريقه هوا واهله كلهم ..فينها اختك
 ومشي من جممب بنتــه بعد ماهدم كل احلامــها 
 وهنآكك تميم واقف في غرفتـه وجواله بيده 
 مآكآن مستعد نفسيا لدا الكلام 
" مافي نصــيب "
من قبل لايشوفها من قبل لايسير شي رفضووه ..!
رفع يده اللي تتنافض ورجع شعره لورا لين ماوصل لنهايه رقبته ونزلت دمعتــه 
 جلس على السرير ويده تتنافض عشان كدا مكالمآت رشا !!
كآن مايبى يتصل عليها الا لما يقولها كلمت ابوكي 
 فتح محادثتها بالواتس 
" تميم لاتتصل 
 فيننك 
 لاتتصل على بابا دحين 
 بابا عرف انك اخو ترف 
 تمممميم ليش مابترد 
 ميسا قالبه البيت حريقه بسبب زواج براء من اختك 
 يااااربي تميم لاتوقفلي قلبي انتا كمان 
 حاسه اني حنفجر"
قام تميم قفل على نفسو الباب واتصل عليها ولسآته مو قادر يستوعب 
 واول ماسمع صوت شهقاتها 
 جلس على السرير قال بكل هدوء : رشا ايش ساير
 رشـآ هرجت باانهيار : خلااااص بابا مو طايقك ولا طايق اهلك ولا احد فيكم 
 تميم : مو مشكله كم يوم واتصل
 رشا زاد بكاها : والله ماينفع والله انتهى كل شي انتا ماتعرف اهلي 
 تميم بنفس هدوئه : ححاول برضو ا
 رشا خلاص منهاره مو عارفه ايش بتقول : ماااينفع تمييم والله خلاص بابا قلك مافي نصيب وجا رماها بوجهي 
 تميم رخى راسه وهوا لساته يردد كلامه بدون تفكير : خليه يهدى وانـ
 قاطعته رشا : طيب سوي اللي تباه انا قلتلك الرد من قبل لاتحاول 
 تميم : رشا لاتهرجي كدا حستنآكي لو رفضوني لسنه سنتين حستنآكي
 رشا بكييت : مع سلامه ياتميم 
 تميم : فين راايحه 
 رشا : مابى اتكلم مخنوووقه مخنوووقه وربي مرا مخنوقه 
 تميم نزلت دموعه : رشا حستنآكي والله لو ماوافقو حستنآكي 
 رشا تبكي لأنه هيا ادرى باأهلها لو حيحاول لعشره سنين قدآم ماحيرضو : طيب ابا اقفل 
 تميم بصوت مهزوز: خليكي معايا 
 رشا : مابى دا اكتر وقت مابى اكون فيه معاك
 تميم بكــي وهيا ماقدرت تتحمل تبا تبكي لوحدها 
 تبا تنهار بعيييد عنووو : مع سلامه ياتميم 
 قالتها وقفلت على طول وبكت بكل صوووتها بغرفتتتها 
 بنت احلامها معااه 
 تحبـــو 
 تعشقـو 
 لليش ايش لها ذنب بميسا وبتررف 

 امـآ هوآ كلام ابوها براسـه 
 نبرة صوتـه واضححححه انو انهى كل شي ولا يبا يسمع 
 كآنت الشي الحلو اللي غيرت حيآته 
 كآنت مديه لحياته طعمم 
 خلتو يحب يوومـه 
 خلتو يحب يصحى من نومـه عشان يسمع صوتها 
 خلاصصص !!!
تنتهي بكلمتين !!
 " مافي نصيب "
رجع اتصل عليها جوالها مقفل !!! 
مسح دموووعه ووقــف يبا يخرج 
 وجهه محمــر دموعه محجره بعييينه فتح الباب وسامي طالع فيه وانصدمم 
 مشي للحد باب الشه وفك الباب مقفـل !
طالع في سـآمي : فين المفتااح 
 سامي مرا خايف من شكلو : مـ مدري _ استوعب _ يمكن عند ماما 
: جبلي هوا بسـرعه 
 سامي على طول دخل مو شايف شي اضطر يفتح اللمبه وترف صحيت مفجوعه : ايش بك 
 سامي اشر بتوتر على برا : يبا المفتاح 
 ترف مو مستوعبه : مين !
سامي سكت شويا وبعدها قال بدون مايطلب المفتاح: خالي مدري ايش بو روحي شوفيه
 ترف بعدت اللحاف عن جسمها وقلبها يدق بسـرعه 
 مشيت بخطوآت سريعه لين ماوصلت لعنده : تميم ايش بك 
 تميم اشرلها على الباب : جيبيلي الله يخليكي المفتاح 
 تطالع بحركه يدو كيف تتنافض بوجهه المحممر : طيب فهمني فيه شي سار 
: ماسار شي 
 ترف مفجوعه تحسب احد من اهلها فيهم شي : تميم اماانه فهمني 
 تميم مسك بلوزته : تررف وربي مخنوووق جيبلي مفتاح البيت وخليني اخررج 
 تاخد انفاسها ورا بعض 
 خايفه طالعت في سامي : المفتاح بدرج الكومدينه 
 سامي على طول راح لغرفتها 
 وهيا رجعت تطالع في تميم وجات لحده : لاتسيبني كدا وتمشي والله العظيم بالي حينشغل بس قولي ايش بك 
 تميم :موضوع مايهمك 
 ترف : كيف مايهمني وانتا كداا 
 تميم خلاااص واصل حده يحس لو رمش بس دموعه حتنزل : لما ارجع حكلمك
 ترف قالت بضعف : تمميممم
 مرر لسانه على شفايفه : كلمت ابو رشا وقال مافي نصيب خلاص ؟! قلتلك موضوع مايهمك ..._ قال بصوت مهزوز _ موضوع تافهه 
 مايباها تطالع فيه مايبا يكون الضعيف اللي منهار قدام اخته عشان بنت 
 بس هوا محروم كآن من السعاده هوا حس بدي السعاده مع رشآ
 شتت عينه عنها ونادى : ساااامي 
 ترف : طيب مو مشكله اهدى وممكن لو كلمتهم تآ
 قاطعها تميم : ماينفع خلاص قالتلي ماينفع 
 يطالع في الممر وهوا مستني سآمي يجي ولما اتأخر دموعه نزللت 
 الجمله اللي قالها ماكان يبا يستوعبها من رشا بس استوعبها لما نطقها دوبـه
 رفع يده على جبينه وفجأه سار يبكي وكأنه طفل ماقدر يمسك نفسـه
 امـآ سامي بس سمعه يبكي وقف في مكآنه وماجا المفاتيح بيده ..مايباه يروح 
 حزنان عليـه
 ترف ماسكه دمعتها بالقوه مدت يدها ومسكته : على ايش حيرفضوك وانتا اساسا ماشوفتها حتى خلاص اهدى وممكن مع الايام
 مسح دموعه : تررف ...ميسا اخت رشا 
 ترف نزلت يدها من عليه مستوعبه الاسم بس مو مستوعبه الرابط : ميسا مين !
تميم ولا يطالع فيها : اللي كان متزوجها براء ..عرفو اليوم منها انه متزوجك وابوها قلي مافي نصيب 
 ترف اشرت على نفسها : بسببي 
 تميم يطالع في الممر وبعدها فيها : مالك صلاح انتي .. بسببنا احنا أهو ربي بيعاقبنا 
 ترف نزلت دموعها : تميم لاتقول كدا 
 تميم : اجل ؟!!! قوليلي الللي سار ايش هواا _ ضرب على صدره بقهر _ دا جزااة اللي سويناه فيكي ربي بيدينا اللي نستاهله 



 بعد عنها وهوا يبكي وبيشرد من نظراتها 
 ترف رجعت مسكته ومديها ظهره ولا راضي يطالع فيها : تميم انا مسامحتك والله لو ادري انو براء _ سكتت ماعرفت ايش تقول _ مدري يعني انو حكون انا السبب 
 قال من ورا قلبه : خيره ..خيره 
 ترف : امانه لاتخرج خليك هنآ 
: وربي مخنوق ياترف ابا امشي
 ترف : علشان خاطري _ مسكت يدو _ تعال اقعد ..تعاال
 ماعارضـها 
 سـآمي اول ماسمع خطوآتهم دخل الغرفه ورجع المفتاح مكآنه حيقول مالقاه وخــلأاص ..

 _______________
سـآبوها بعد ماشافو مافي امل منها 
 حاسه انها حتتجنن اهلها ضدها ومو ضدها 
 شويا تتهزأ شويا يدارو عليـها 
 قاعده على سريرها وتقطع اظافرها 
 اتصلت على براء مارد 
 مره ومرتين وتلاته 
 تكلمو واتس مايرد 
 فتحت الانستقرام حسابو برايفت !
حذفها ..!
جسمها يتنافض والجنان هوا اللي طاغي على تفكيرها 
 مميين دي ترف !!
دخلت حساب محمود تبا تشوف مين ضايف ماتتذكر اسم ولدها 
 سابت الجوال وكسرت اظافيرها كلها من كتر ماتقطعها 
 وعينها على الجوال
 تميم ..!
سارت تدور على تمييم تكتب اسمه بكدا شكل 
 لين ماتذكرت انو دكتور وكتبت dr وبعدها اسمـه ووسعت عينها اول مالقتـه
 بس صدمتها فيـه لما شافت شكلوو نفســه اللي جا وصلحلهم السياره !! اختهها تعرفــه تكون تعرف كمان ترف !!!
عشان كدا كانت تدافع عنها داك اليوم 
 مجنووونه !!
او ممكن تفكيرها صح لأي وحده حتشوف الموضوع بدا الشكل 
 رشا دايما ضدها دايما تدعي لبراء انو يتزوج وتقهرها بدي الدعوه
 دخلت حساب تميم وتشوف المضافين عندو لقت وحده بنفس اسمو 
 بس اسمها لمى 
 وبرضو انصدمــت 
 حسابها مفتوح وحاطه صورتين 
 صورة دبدوب وصورة عــدي !!
رشا برضو قالت دي المعلومه 
 كارهتهم كلهم 
 اختها دايما ضدها بس ماتوقعتها كدا 
 عيله ترف مستوليه على الكل مو قادره توصل لترف بس حتحرقهم واحد واااحد 
 فرحاانه دي بعدددي " انااا اوريكي "
فتحت الدايركت وارسلتلها رسـآله 
" انتي اخت ترف .؟
 لمى مسدوحه على سريرها الوقت اتأخر بس الابتسامه مرسومه على وجهها من يوم عدي ماوصلته الهديه
 ردة فعلللو مرا حبتها 
 حبت انو قدر كل شي سوتـه 
 اهتمامها 
 كلامها 
 مستنيته يتصـل عشان تنآم ... 
حطت جوالها جمبها وعينها على الدبدوب ومبتسمه 
 جاتها في الاشعار رساله في الانستا !
مرا استغربت ماتعرف احد 
 فتحتو وكمان طلعت وحده مو ضايفتها 
maisaa 
ولما شافت كلامها استغربت زيـآده 
" إيوا مين .؟
" حبيت اسئلك انتي تعرفي وساخه زوجك ولا اوريكي فضايحه "
لمى تقرا الجمله كدا مرا ..تحس الكلام مو لها 
 يمكن زوج ترف وسخ 
 عدي لا 
 قلبها يدق بسـرعه ومو قادره ترد عليها الجوال ينهز بيدها 
 وتقرا اخت ترف يعني مو ترف يعني هيا 
" ايش بك سكتي "
تكتب لمى وتحذف وكل اللي طلع معاها " انتي مين "
ميسا بحقد تكتم وماهمها تهدم بيت احد ولا لا " انا مين ؟! عادي وحده تبا توعيكي على المصيبه اللي حطيحي فيها "
لمى مو قادره تكتب 
 ولم ماعلقت ميسا كتبت وهيا تكبر الموضوع اكبببر من ماهوا كبير 
" عدي اللي فرحآنه فيه دا كآن حق شقق دعاره يعرف بدال الوحده الف "
 ".. حق حشيش ومخدرات "
 "روحي اسئليه ايش اللي خلاه يبعد عن المخدرات "
تقرا كل جمله تترسل ورا بعضها وقلبها يدق بطريقه مجنوننـه
"اسئليه كيف وده للمستشفى وهوا بين الحيا والموت "
 "والبنت اللي معاه شردت وسابته .. "
ومسأله وقت ويرجع لحضن كل وحده كآن يترمي فيها زي مايترمي ف حضنك دحين "
 "..كلامه يضحك صح ..؟ "
 "اسلوبه يخليكي ماتقدري تزعله منو ..؟"
 " عادي كانت مية وحده عاشت دي اللحظه اللي بتعيشيها "
 " انا مو جايه اخرب اللي بينكم بس عدي مبسوط فيكي كلها فتره وحيرجع لبلاويه "
 " حبيت اوعيكي قبل لاتتورطي وتتزوجيـه "
 " مع سلامه "
ردت لمى ..؟
 ولا كتبت شي 
 تطالع في الكلام 
 تقرأ مرا ومرتين وعشره 
 لين مادموعها مانزلت عدي اتصل وادتو مشغول 
 جا كتبلها " مزززتي مين اللي شاغلك "
كارهتتتته 
 وصفتتته مزبووط
 صورت المحادثه وارسلتلو هيا بدون ماتكتب اي شي 


 عــدي جلس على سريره كتبلها وحط الجوال 
 وهوا بيلبس الساعه اللي جابتلو هيآ : يسعدها الزويقه حقتي
 مبتسسسسم وكآنت الابتسامه تختفي تدريجيها ودقات قلبـه تزززيد كل مايقرا الكلام 
 اللي رسلتو 
 قرا اسم ميساا بس ماستوعب مين ميسا 
 ماستوعب مين اللي حاقده عليه عشان تجي تتكلم عن ماضي سابـه من سنـه 
 كان بيكتب ورجع اتصـل مابترد ! مرا ومرتين وتلاته وبرضو ماترد 
 يدور في غرفته زي المجنون 
 يكتبلها وشايفها متصله بس مابتعلق 

" لمى ردددي "
 " لمممى لاتجننيني "
وكل اللي كتبته 
" كنت حشك بسكلامها بس ردة فعلك اثثبتتلي انو صح اللي قالته "
عدي شويا ويكسر الجوال 
" حبيبي صح صح بس والله قبل فتره طويله من حياتي انا اتغيرت من قبل لاأعرفك "
لمى 
" انا ماباك "
 " لممممى لاتستهببلي الله يخليكي بقولك كلام فااضي كلام سار زمان ف حياتي"
لمى تبكي وتكتب وهيا مصدومه 
" انتا لمست بنت غيري ؟! "
 " انتا كنت تراضي احد غيري "
 " كنت تدلع احد غيري ياعدي !؟ "
 " كم وحده ..؟ "
 " كنت اقول انتا جريئ لأنو دي شخصيتك بس مو جريئ لأنك وسخ ومتعود "
 " وربي صدمتي فيك اكتتر من اي موقف مر بحياتي "
 " انا ماباك اتفاهم مع اخواني وطلقني "
صمتت جوالها ورمتو بعيـد عنها 
 كل الانهيارات اللي مرت فيها لمى 
 دي اول مرا تنهااار بدا الشكل 
 جالسه على سريرها ولو مو كآتمه وجهها بمخدتها كآن صوتها وصل لأخر البيت 
 ودي تآني وحده انكسرت والسبب تــرف ...

عدي في غرفته زي المجنون كلامــها فجعه
 عشان كدا ماقلها 
 عارفها بريئه 
 لو بس قلها شي بسيط من بلاويه ماحتتقبل
 يحس انو يبااا يبكككي 
 يتصل يكلم يكتب ولا لها حسسس
 ربع سـآعه مرت وهيا ولا تررد خرج من البيــت وحيروح يتفاهم ممعاها 
 ماحيسيبها تفكر بالموضوع حيحاول يفهمها 
 سمع اسمو بس ولا طــآلع من قوه الصدمه ماستوعب اساسا مين اللي بيناديه
 لساته مستمر يتصـل طول الطريـق 

 امـآ هيا من كتر ماتبكي تحس قلبها يوجعها 
 مصدعــه دآيخه 
 مصدومه 
 احاسيس كتتتير بتمر فيـها مسكت جوالها تقرا كلامه 
 قلها انا في الطريق وسابت الجوال تآني
 ماتبى تشوفه 
 خااايفه 
 ماتبى 
 يبا يراضيها زي مآكآن يراضي اي وحده
 وهيا زي الهبله عمرها مازعلت من شي 
 يعرف يلعب بعقلها 
 متمرس 
 افكاااار ورا بعض بتجيها رخت راسها ومسكته باأللم : آآآه 
 رفعت راسها بسرعه لما شافت جوالها يهز تاني 
 اكيـد وصـل 
 ماتباه 
 ماتباااه 
 وصوت صرخه تآممر فوقتها من كل شي : أممممي
 ولااتحركت لين ماسمعته يناديها تآني 
 قامت بسـرعه من سريرها بس فكت باب غرفتها شافت امها مرميه بالارض
 قلببها طااااح
 ماقدرت تتحررك
 تطالع ودموعها تنــزل 
 تآمر زي المجنننون يحركها يكلمها مابتتترد يطالع حوليـه مو عارف ايش يسوي 
 حاول يرفعها من الارض وحس رووحـه طلعت من الاألم بس مشي خطوتين وماقدر يكمممل 
 مو عشان الألم اكتر من إنو ماسار شايف طريقـه حطها على الكنبهونزل على ركبـه جمبها 
 رخى راسـه وهوا ياخد انفاسـه بسـرعه
 لمى مو عارفه تنفجع على مين 
 امها ولا وضع اخوووها 
 قدمت بخطوآت مهزوزه : ماامااا
 تامر طالع فيـها : اتصلي على الاسعااف _ لما ماتحركت _ بسسسرعه
 كأنو يكلم نفسـه انسانه وقت الصدمه ماتتحرك 

 وتآمر مو قادر يووقف حآليا قال بترجججي وهوا خايف على امـه : لمممى اتتصلللي 
 لمى طالعت فيـه وقالت بصوت متقطع : عدي .. عدي تحت
 تآمر : لمى اتصـلي عليه 
 لمى عينها على امها ..ماتكذب مو قادره تتحرك 
 عارفه انو تآمر تعبان 
 بس شكل امها مخوفـها مابتتحرك مراا 
 ح
 تآمر لما حس انو مافي امل لمى تتحرك شد على نفسـه وقام بصعوبـه
 اخد جوآله ووقـف وغمض عينه ورجع فتحها وبيدور على رقم عدي
 واتصـل عليه 

 عدي تحت طالع بااسم تآمر عرف انو لمى وصلتلهم الخبر 
 يطالع مو قادر يرد ويبا يرددد 
 ياهو معذووور غلط قبل لايعرفها محد معصوم من الغللط !!!
ضيق على عيونه ورد : هلا تآمر
 تآمر ياخد انفاسه ورا بعض : عدي انتا تحت ؟!
عدي حس انو في شي : في شي ؟
 تآمر : امي طاحت ...اغمى عليها ومو قادر اوديها المستشفى 
 عدي فتح باب السياره :طيب دحين اججيك 
 تامر حط جواله بجيبه مشى لحد لمى : لممممى 
 ورجع يطالع في اموو 
 يخاف من ردات فعل لمممى 
 بس مو قادر يفكر فيها كتتير 
 سابها واتوجه بخطوات تقيللـه وهوا يفك باب الشقـه 
 واشر لعدي يدخـل الصـآله واول ماجات عينه على لمى مشي من جمبـها 
 اصعععب لحظه انو يشووفها بدا المنظر والمفروض مايسوي شي !
جا لحد عمتـه وشـآلها وطالع في لمى اللي عينها على الكنبه الفاضيـه ودموعها تنزل 
 حيسيبوها كدا !!!
حيجي معاه تآمر ويسيب لمى بدي الحاله !
موضوعه وموضوع امها !
يمممشي وهوا عقله مو معآه 
 مايدري ايش سـآر وتآمر خرج ووووراه 
 ولا حط طرحه على راس امه ولا حط شي 

 خرج هوا وتآمر على اقرب مستشفى .. وطول الطريق يتصل على لمى 
 واول ماوصلـه برضو يتصل عليها يبا يمشي ويسيب تامر معاها بس شايف تآمر تعبان 
 وجالس على الكرسي ومو قادر يوقف 
 عيب يمشي من غير مايطمن عليها 
 جلس جمب تآمر : ايش بك 
 تآمر مستني الدكتور يجي ويطمنـه : شلت امي 
 عدي : خلي الدكتور يكشف عليك 
 تامر : لا الحمدالله بدأ يخف 

 خرج الدكتور صغير بالعمر وتآمر وقـف وتوجه لعنده 
 الدكتور اشرلو : تعال اتفضل 
 تآمر مو فاهم شي بس مشي ورآه 
 ولقى امـه مفتحه عينها ابتسم غصبا عنو بخوف 
 اتوجه لها مسك يدها باسها وبآس راسها 
 والدكتور وماسك الملف ويطـآلع فيـها 
 امـه سحبت يدها مـنـه وهوا دموعه بعينه : انتا مين .!
تآمر يطالع فيها ..رمش بهدووء ..الجمله صدمتـه 
 امه تقوله انتا مين !!!
طالع في الدكتور 
 وقبل لايتكلم امـه قالت : قلتلكم نادولي زوجي اسمو مرااد انا حافظه رقمو 
 وسارت تدي للمرضه رقمو 
 رقـم ابــوه 
 نفس الرقم اللي كآن كل البيت حافظه 
 رجوله مو شايلته مع الفجعه 
 الدكتور اشرلو يطلع برا لما عرف انو تشخيصه صح : هيا اتعرضت لصدمه نفسيه ولا مجرد ضربـه ف راس 
 تامر يطالع في الدكتور والحروف ضايعه منـو بالقوه قال : صدمه نفسيه
 الدكتور :احنا سوينالها فحص جسدي وتحاليل دم لكن برضو لازم من الاشعه رنين مغناطيسي وتصوير مقطعي فلازم تكون تحت الملاحظه 
 تآمر مو مستوعب شي :امي مو متذكرتني .!؟
 الدكتور : قد تكون اعراض الصدمه ومن 4 ساعات ل 12 احتمال كبير تقدر تستوعب وتسترجع كل اللي سرلها لكن برضو ححكم بعد الاشعـه والفحوصات 
 تآمر : دكتور ابويا متوفي من 10 سنوآت 
 الدكتور اشر راسـه : سئلتها كدا سؤال وواضح انو بعض اشياء من المآضي فقدتها ممكن تكون اسباب نفسيه كآنت متعبتها لكن برضو اقولك مسأله وقت وان شالله تقدر تسترجع كل شي

 يكلم الدكتور والدكتور يجآوبـه سئلها احنا ف عآم كم 
 قالتلو نفس السنه اللي سارت فيها مصيبـه ترف 
 كل شي متوقف ف راسها لداك الوقـت تبا تآمر الصغير وتميم وترف ولمى وليث اللي دوبه اتزوج 
 تسئل عن ابوه كل شـويا وهوا مو قادر يدخل

 ايش يدخل يقولها انا تآمر وابويا اتوفى ...قام وراح تآني للدكتور وقلو حالتها النفسيه اللي سارت من 10 سنوآت مع الصددمه نسي يحكيـه .. 
قلو انو عايشه على المهدئات وبتهلوس طلب كل اسامي الادويـه اللي تستخدمها 
 حاول يديه تاريخها الطبي كآمل ورجع لعدي : ها 
 تآمر : لسى خلاص ارجع الله يديك العافيه 
 عدي : اسمع عادي اروح للمى ؟ 
 تامر استوعب دوبه لمى : اييوا لو نآمت خلاص سيبها ولو صاحيه وديها عند ترف بلاش تقعد لوحدها 
 عدي : طيب وانتا طمني ايش يسير لعمتي 
 تآمر : ان شالله
 عدي مشي بخطوات سريـعه بيتجنن من اول وهوا يبا يمممشي 
 عارف انها لوحدها بالبيت 





 موقف سيـآرته قبـآل الاسترآحـه اصوات اغاني وضحكات الشباب وهوا عينه على الباب الحديد
 اللي ينفتح كل بعد فتره وينقفل : بشار 
 عدل السماعه اللي باأذنه : معاكي حبيبي
 هديل : روآن مو راضيه تتكلم معايا 
 بشار : خليها تهدى 
 هديل : حدخل انام جمبها مع انو ماتباني بس حمسك يدها واحسسها اني معاها 
 بشار نسي ابووو الحقد اللي جوته : نعم يختي ؟!
هديل فهمتو على طول : ايش بك 
 بشار : اقول انتي وهيا علاقتكم دي بدأت ماتعجبني 
 هديل : وي يابشار انتا شايف نفسيتها 
 بشار : يعني نامي جمبها لازم تمسكي يدها 
 هديل : هههههههههههههه مااحرد عليك انتا وهيا نفسيين اجلس معاها تقولي لاتدلعي عليه وانتا تقولي لاتمسكي يدها خييير 
 بشار : هيا مجنونه انا حبيبك ليا حق اتكلم كدا
 هديل : والله الاتنين مجآنين ..المهم انتا فين بتختفي
 بشار : رايح لأمي
 هديل : وحترجع متى 
 بشار : ماحتأخر شويـآ وجاي _ طفى اضائه السياره لما شاف واحد خرج نفس لببس كريم _ حبيبي انا وصلت 
 هديل : انتبه على نفسك 
 بشار : وانتي كمان 
 قفل على طول وعرف انو كريم لما شافـه متوجه لسيارته 
 فك الباب ونزل ومشـي بخطوات عاديه واحد كأنه ماحيسوي شي واول ماقرب كريم من سيارته
 بشار مسكـه ..كريم مزآجه عااالي بيلعب بمفاتيحه ويدندن 
 وفجأه بشااار يهجم عليه 
 كريم انفجع : مي ميــن !!!@؟؟
: انا بشار الرايد لو انك رجآل روح بلغ عني 
 وضربـه بكل حقـد بس مالمسـ وجهه 
 وجهه سليـم لسبب مآ 
 يده رجلـه ف بطنـه 
 مفاااصله كلها توجعه نزل على ركبتــه وهوا ياخد انفاسسه بسرعه 
 ورجع قومـه ولف يده ورا ظهررره وكتمـه بيده 
 يبا يصرررخ من قوه الألم مو قااادر 
 يحس يده حتنكسر 
 وبشار يشد عليييها وهوا يتعصر من الألم 
 لين مابببكي 
 كريم بكـــي وهنـآ بشار رمآه في الارض وطاح على ظهره 
 ورفع بشار رجله اللي كلها تراب على رقبتــه : تباني اموتك هنآ ؟
 كريم مو قادر يتحرك والذل واحد رافع رجله وحاطط جزمته علييه : انا ايش سوويتلك 
: لو قلت دي الكلمه تاني وربي لأقتلك 
 كريم دموعه تنززل : الله يخليك تبا فلوو
 وقبل لايكمل الكلمه بشار دعسس على رقبتتو بكل قوتـه وهوا رفع اياديه ويحاول يبعد رجل بشآر 
 بس جسمه مافيه اي قوه : مو انا اللي تديني فلوس ياااكلب ...انا بفلوسي انفيك برا البلللد 
_ خفف دعسه رجلو _ 
وكريم بككي باانهيار : طيب طيب قولي ايش تباا
 بشار : انا حقولك ولو نقصت حرف واحد حدفنك مكآنك
: طـ طيب
 بشار خرج جواله : ابا لما اشغل الكميرا تقول انا اســف ولو تبيني ابوس رجلك عش_ رفع يده _ لا لا مو انتا اللي تجي تبوس رجلها وتنجسها
 كريم مو فاهم شي بس من الألم اللي يحسه مايبى يسئل
 بشار ساكت وقاعد يفكر بجمله: امم قول ..لالا _ ورجع سكت _ ايوا قولها انا اسـف _ طالع في كريم _ لا برضو مو حلوه انا اسف 
 مستففففففز 
 يلعب باأعصاب الواحد يحب النظره دي اللي يشوفها وهما مذلولين 
 ويبووه يتكلم عشان يشردو من العذااب 
 بشار قال الكلام بس مو عاجبه لكن حيرضى هديل : قولها سامحيني انا غلطت بحقك _ وماقدر مايكمل الجمله بشي يرضيه _ واستاهل اني انذلل واندااس ..ووعد مني لو جيتي يوم قدآمي لأنزل على ركبي واعتذرلك زي الكلب 
 وفجأه شغل تصوير فيديو وصرعو بالفلاشش 
 ضيق كريم على عينه وبشار دعس عليه عشان يهرج 
 دموعه نززلت وقال كلام بشـآر بالحرف الوآحد 
 قال الكلام وهوا يحس يدو مفكوكه من كتر مالوآها 
 ألم مخليييه يسوي اي شي عشان يسيبو ف حالوو 
 سابــو .؟؟
 لا طبعا كلام روآن يتردد في راســه نفسه يقتله 
 رموها اخر الليل في الشارع 
 كآن بيتحرش فيها 
 جلست عند القمايم عشان تشرد من النآس 
 رجعت البيت الفجر وهيا خايفه وتبكي كلام خلاه يبكككي بس واقف دحين بكل جبرووت 
 يشغل المقطع وهوا لساته داعس عليه ويضحك 
 يبا يحححرق دمـه 
 ورجع دخل جوآله بجيبـه ورفعو من بلوزته قام كريم ويدو مو قادر يحركها : عارف مين اللي اعتذرتلها .؟
 كريم اشر براسه بالنفي
 بشار : طيب حقولك مين عشان لو يوم شوفتها بالغلط تكون قد وعدت وتنزل على ركبك وتعتذر 
 كريم يطالع فيه ويباه بس يسيبو ف حآلو 
 بشار : هديـل اللي اشتغلت عندكم فاكرها .؟ 
 كريم اشر براسه انو متذكرها 
 بشار سار يخبط على خد كريم بحقد : من حسن حظك انها سارت مرتتتي _ دفو على ورى _ لاتستقوي على الضعيف حتلقى اللي اقوى منك يستقوي عليك 
 وسابـــه ومشي ومو عـآرف كيف قدر يسيبه هوا حاسس انو خلاه سليم ودا مو طبعه 
 يعني مفتخر حاليا باإنو ماسك اعصابـه عشان هديل ..
اما ليش ماضربو في وجههه عشان لايخوفها من الدم
 عشان يباها تسمع المقطع وتشوف دموعه زي ماخلاها تبكي يباها تشوفـه يبكي .. 


 ________


عدي وصــل لبيتهم ساق بكل جنون عشان يوصلها بسرعه واول ماجا للشقه 
 هما ردو الباب يدعي انها ماقفلت بالمفتاح 
 عارف انو مافي احد غيرها نزل مقبض الباب وانفتح ممعاه 
 دخل بشــويش لين ماسمع صوت بكآها وكل شي وجعه حس انو يبا يبكي قبل لايوصلها 
 اتوجه لغرفتـها وقف عند باب الغرفه وهيا متغطيه بااللحاف وتبكي باانهياار 
 جا لحدها جلس على السرير وصوتها اختفى 
 شالت اللحاف عنها ماهمها ايش جآآبه
 جلست على طول : فين ماما 
 عدي : كويسا 
 لمى حاسته يبا يبكي : كداااب ماما سرلها شي 
 عدي : وربي مافيها شي كويسا الحمدالله اتصلي على تآمر لو تبي
 لمى تحس انها ارتاحت : ايش تبا جااي
 عدي مد يدو وجاي يمسك يدها الا سحبت نفسها بعصبيه : قلتلللك مابى اشوفك مابااااك اطللع
 عدي : حبيبي والله زمآن وربي قبل لاأعرفك 
 لمى اشرت على قلبها : كيف تباني انسى كلامها البنت وصفتك نفس اللي كنت تسويه معايا سويتو معاهم .. زمان ولا دحين انتا كانت في حضنك كدا وحده ف يوم حتشتاق لجوك الووسخ ماحتحمل انا ماحتحمممل اعيش معاك وانا خايفه منك 
 عدي : انا اتغيرت افهميني 
 لمى : سيبني دحين حاليا سيبني يااعدي 
 عدي : ماحخرج الا وانتي راضيه عني 
 لمى : حاليا ماحرضى _ قالت باانهيار _ انتا الكلام اللي تقولي هوا عشان حافظه من كتر ماتقوله 
 عدي مسك يدها : وربي لا يااالمى الشغله مو بلاهه انا مبسوط بحياتي معاكي 
 لمى سحبت يدها وقامت من على السرير : اطلع من بيتنآ ..طلقنننني ماباك ..طلقننني 
 عدي قام : لممى صلي ع نبي مو كدا تنحل المواضيع 
 لمى :مابى اشوفك خليني طيب دحين مابى اطالع بوجهك 
 عدي جا يقرب وهيا صرخت عليه : عددي مااااباك مااباك
 وهوا ولا كأنه بعدت عنو لين مالصقت بالجدار وهوا وقف قبالها 
 لمى طالعت فيه وتقول كلام من ورا قلبها من كتر مو مجروحه: كرهتك والله كرهتك
 لأول مرا تنزل دمعته قدآمها قرب وحضنها وبكي : لمى والله انا اتغيرت والله شوفت الموت بعيني وتوبت انا كنت بين الحيا والموت وربي اداني عمر ماحضيعه بالوساخه تآني 
 كآن يتكلم بصوت متقطع لأنه مايعرف يتكلم وهوا يبــكي ....

نهايه الفصل 

السلام عليكم ورحمه وبركآته 
 اعتذاري للمره التآني على التأخيــر ... 
انتظروني بالفصل القادم .. 




الــفصل الرابع والثلاثون .. 


لحظـآت ندم من المآضي 
 ندفنها بداخلنا ونطلب الغفران 
 لا يريد ان يخبرها عن مآضيه 
 لايريد ان يتذكر تلك التفاصيل 
 هوا شخص اخر 
 لماذا النآس لاتنسى ..؟!
لماذا عندمآ نريد التغير يدفعونا الى الخلف الف مره
 حتى نرى انفسنــآ القديمه .!.
لاأريد ان أتذكر ذالك المآضي 
" هل تساعدوني ..؟! "
لا 
 فنحن مجتمعك 
" انا اصبحت شخص آخر "
لايهمنآ ذالك أنت اخطأت 
" جميعنآ نخطأ .! "
نعم لكن جميعنآ يتذكر خطأ الاخر 
" ماذا تستفيدو عندما تتغاضوا عن توبتي "
ألا تفهم نحن مجتمعك ...لسنا إله كي نقبل توبتك 
 سنذكرك بكل خطوه بمآضيك 
 سنذكرك ماذا فعلت 
 نحن مجتمعك لاتستطيع الهروب منآ 



 سانده جسمها على الجدار ومابتتنفس حتى وهوا يبـكي 
 فحضنها
 الأنثى نقطه ضعفها دمعة رجـل
 ممكن تقول انها سامحت بس هيا اكبر كذابه بديك اللحظه ...
الألم هوا اللي يحدد متى تقدري تسامحي مو إنتي 
 اكرهك 
 احبك 
 سامحتك 
 روحي 
 لاتسيبني 
 كلمآت كلها مبنيه على المشاعر صعب تنقآل بدون احساس 
 لأنك حتدخلي بدوآمه توجعك اكتر
 مو قادره تتكلم .. مو قادره تتحرك 
 صوته وهوا يبكي على انها مجروحه بس حزنها 
 جسمها متصـلب وبس وهوا حاتط راسه على كتفها ومايبى يرفعه 
 قال الكلام اللي عنده وبـكي
 بنسبه له مو سهل اللي قاله 
 ومو سهل انه يسمع منها " انا اكرهك "
قالتهاا بحقد واضح ف عينها 

 صممت مفجـع بدأ يهدي بس مابعد عنها 

 بين ألمها وضعفها
 بعد بس دار جسمه ورفع يده وهوا يمسح دموعه مايباها تشوفـه كدا 
 مو متعود يكون ضعيف عند آحد 
 تطآلع في ظهره ودموعها بعينها 
 مشيت كم خطوه وجلست على سريرها
 تمسك اظافيرها وعينها على الارض

"..كلامه يضحك صح ..؟ "
 "اسلوبه يخليكي ماتقدري تزعله منو ..؟"
 " عادي كانت مية وحده عاشت دي اللحظه اللي بتعيشيها "
 " انا مو جايه اخرب اللي بينكم بس عدي مبسوط فيكي كلها فتره وحيرجع لبلاويه "

راااسها يوجعها وكل اللي يتعاد فيه المحادثـه
 دقآت قلبها ضعيفـه انكسار واضح في شكلها 
 الحقيقه تفجـع 

 هوآ لدحين داير جسمـه اذا هيا منهاره مرا 
 هوا منهار من جوته الف مرا 
 انك تتحاسب على شي من سنين صعععععب 
 شي انتا سبتو وكآره نفسك عليه 
 حاول يتمآلك نفسـه خرجت منـه تنهيده بصوت مسموع 
 طالع فيـها 
 قدم بخطوآت هاديه وجلس جمبـها وكلهم بيطالعو في نفس المكآن
 بعشوائيه وبس 
 ماتبى تسمع 
 مايبى يتكلم 
 كدا صممممت وبس
 كم بيعدي من الوقت مو دارين 
 عدي اللي يضحك 
 عدي المبتسم من جلسته واضح قد ايش مكسور 
 اتكلم بصوت مهزوز : لمى انا اتغيرت .. والله والله _ سكت لما حس انو حيبكي حق كم ثانيه وبعدها كمل _ مسكت يد بنت جلست جمبهم بس ماقد كبر الموضوع اكتر من كدا
 ماقدر يقلها احضنهم 
 يجلسو في حضني ويجرحها زياده 
 عدي كمل : كل اللي كآن براسي دايما الاشياء اللي تزبط مزاجي و
 قاطعته بصوت متقطع : اسـ ـ كــت
 دار جمسه طالع فيها كآن بيمسك يدها الا سحبتها : لمى لاتحاسبيني على شي سار قبل لاأعرفك 
 مابتطالع حتى فيه : مابى احاسبك بس بنفس الوقت مو قادره اطالع فيك ..مابى اظلمك بس بنفس الوقت _ بكيت _ مو متخيله انك تدلع احد غيري وتحضن احد غيري وتراضي احد غيري
 عدي : والله ماقد حبيت احد زيك انتي غير ودولاك 
: لاتجيب سريتهم 
 عدي سكت : طيب طالعي فيا 
 حركت راسها بالنفي 
 وهوا رفع يده بيمسك وجهها الا بعدت يدو : سيبني مابى اشوفك 
 عدي : امآنه لاتظلميني انا ظلمت نفسي زمآن واتغيرت ربي جازاني ليش تحاسبيني عل
 طالعت فيه بقهر وقالت : مابحاااسبك ماتفهم ياعدي مابحاسبك _ اشرت على قلبها _ قللبي يوجعني اني اسمع فجأه دا الكلام وانا متخيله انو انا زي مآكنت اول شي بحياتك انتا نفس الشي زي ماخليتك تمسك يدي اول مرا انتا نفس الشي زي لما نطقت كلمه احبك لك اول مرا انتا نفس الشي ولاتقولي ماقد حبيت احد قبببلي عشان انا مو مجنونه ..تجي وحده تقولي اسلوبه يخليكي ماتقدري تزعلي منه يعني راااضيت احد يعني لما كآنت تبكي انتا تمزح وتضحكها لين ماترضى نفس اسلوبك معايا _ وقفت لما حست انو التفكير بس بيجننها _ خلاصص خلاااص اطلع
 وقف بس ماتحرك من مكآنه : كل كلمه قلتلك هيا اليوم ماقد حسيتها مع احد غيرك ك
 قاطعته : لأني مو وسسخه زيهم لأنك حابب دا الشي بس فتره وحتطفش بعد مانتزوج اكيد حتبدأ ت
 قاطعها لما جا بااتجاهها واتكلم : للمى لا لا وربي مرا لا كآن كل واحد اتزوج طفش وساب مرته الحياه عمرها ماكانت كدا
 لمى : لواحد عاش نفس حياتك الا كداا 
 عدي كسرته زياده بكلمتها طالع بعينها يبا يقول شي بس مو قادر 
 وبعد عنــها وهيا رجعت تجلس على السرير 
 مو قادره توقف على رجولها 
 صممت للمرا التآنيـه صوت بكاها الخفيف هوا اللي يسمعه
 عارف انها بريئه لدرجه انو مستحيل تتقبل ماضيه 
 رجع وقف قبـآلها وهيا على السرير جالسه : سوي اللي يريحك يالمى معايا بس لاتجيبي سيره الطلاق ..ماتبي تردي عليا لاترددي ..ماتبي تكلميني لين ماتهدي لاتكلميني .. حديكي الوقت اللي تحتاجيه عشان ترتاحي 
 سـ
 قاطعته : انا قلتلك كل شي عني عن تتتترف عن اخواني عن ماما وجنانها وانتا ماكلفت نفسك تقولي ولو شي بسيط من حياتتتك شي بسيييط لمحلي على الاقل 
: ماببى اتكلم عن الموضوع اتكلم في حآجه انا دفنتها حاجه خلتني اكره نفسسي واخد فتره طويله عشان اقدر اعيش طبيعي 
 لمى : لو كنت اهمك ايوا
 عدي : سواء قلتلك ولا عرفتي من برا انتي مآكآن اتقبلتي
 لمى سكتت شتت نظرها ليش تكذب 
 صح الكلام جاه بطريقه تفجع من ميسا 
 بس حتى لو هوآ قلها كآن بكيت : يمكن انا غبيه لدرجه اني ماتقبل ماضيك 
 عدي جلس جمبها : مابقولك غبيه عارف الكلام صدمك لكن مو لدرجه انك تطلبي الطلاق انتي عليكي فيا انا ...لمى انا متغير من قبل لاأعرفك بفتره طويله لو كنت ابا الخراب كآن رجعتلو قبل لاأخطبك لمى سكتت عارفين اللي تبا تقتنع 
 بعدين تجي عند نقطـه في وحده حطت راسها بحضنه 
 في وحده باسها بخدها زي مايبوسها كل بعد كلمه 
 في وحده يمسك يدها ويضغط عليها لين ماتوجعها وتصرخ ويرجع يبوس يدها بديك الضحكه الشريره
 في وحده اتغزل بعينها بشعرها بجسممها 
 في وفي وفييييي حاجااات مرا كتتتتتير 
 مجرد التفكير فيهها توجع .. 
 : لمى
: خللاص سيبني لوحدي 
: ابا اقعد معاكي 
: ماباك دحين ياعدي 
 مسك يدها : حقعد لين ماترضي 
: رضيت خلاص
: لاتكدبي 
: قولي ايش اللي تبا تسمعه 
: مابى اسمع شي اباكي تخرجي اللي بنفسك 
 سحبت جسمها على ورى وحطت راسها عل ىالمخده وانسدحت عينه عليـها وهيا مابتطـآلع فيه 
 ترمش بهدووء
 جسمها خدراان ومالها نفس تسوي شي 
 لين ماغمضت عينها 
 وهوا ولا اتحرك لنص سـآعه 
 ألم في قلبه وبس 
 المفروض يمشي خلاص .. يتفاهم معاها لما تصحى تكون هديت
 قرب منها باسها ودوبـه بيمسك يدها ويدخلها تحت اللحاف الا هيا فتحت عينها 
 وسحبت يدها منو
 غطت نفسها ورجعت غمضت عينها
 ومآزالت حركآتها دي تجرحه زياده 
 خرج من الغرفـه اخد مفتاح الشقه قفل الباب من برا ودخلو من تحت البآب
 واتوجـه لبيتهم 
 قبل ساعات كآن بقمه سعاادتـه 
 ودحيـن العكس تمآمآ
 اتوجهه لغرفتـه وكعادتو ف دا الممود يطلع حرته بالنوم ..


أنآ لاأغآر انا أفقـد عقلي ..وانسـى رشـدي .. واتجآهل كبريائي .. وتنفجر براكيـن غضبي
 إن اقتـرب احد منكـي ..هل فهمتي ياأنتي .. 



ماشي في الممر الطويـل حاتط السمآعات وبيتكلم معاها .. : افتحيلي الباب خلاص
: طيب
 طالعت في نفسها بالمرايـه وبعدها فتحت الباب وابتسمت من قلبها 
 دخـل حضننها وهوا مبتسم وكأنه دوبـه ماكآن حيموت واحد على يـدو 
 رفعها من الارض وهيا ضحكت بصوت واطي : روان نايمه
 بشار: وحشتيني
 هديل : وانتا كمان 
 نزلها ..مسك يدها وقفل الباب وراه : قوليلي ايش سويتي اليوم 
 هديل : ولاشي 
 بشار : ماقراتي الكتآب 
 هديل : الا مرا عجبني .. ايش سار مع سميـه 
 بشار جلس على الكنبـه وهيا جلست جمبـو : ماكلمتك ؟
 هديل : لا قالتلي تبا تنآم فتحت الباب كدا مرا وهيا نايمه ولا بتسوي نفسها نايمه مدري حتى ناديتها مابترد
 بشار : قالتلي انو ماتبى امها تحضنها وماتباها تقرب منها
 هديل رفعت حاجبها بصدمه 
 وبشار كمل : وانها تبا تتعرف على امها حبه حبه 
 هديل : وامها ؟
 بشار سكت شويا وبعدها قال : فعلا فعلا امها شاريتها طيبه وبتحاول ترضيها لو على حساب نفسها
 هديل ابتسمت من ورا قلبها : كويس 
 بشار مسك يدها : ماحتبعد عنك 
 هديل : قلتلك اهم شي هيا مبسوطه لو اتقبلت امها فين ماتروح حكون مرتاحه
 بشار : لأنك انتي حتكوني برضو مبسوطه ومشغوله بحياتك معايا 
 سند جسمو على الكنبه ودخل يده بجيبـه خرج جوالـه :فاكره يوم مارسلتي سميه تجبلي الجوال ._ حسها ماستوعبت _.يوم ماروحتي عند امك اول مرا 
 لانت ملامحها سيرة الموضوع بس قبضلها قلبها : ايوا ؟؟
 بشار : اتجادلت انا وسميه وقالتلي على ههرجه سارتلك زمآن
 هديل دقات قلبها بتزيـد وماعلقت 
 بشـآر سكت شويا وبعدها قال : موضوع كريم 
 ولا فيه اي تغيير بملامحها بس من جوتها حست بهبوووط 
 ايش تبااا روآن !.!!!
دارت راسها لما ماقدرت تطالع فيه كآنت حتقوم الا مسك يدها ..سحبها بحضنه 
 كآنت بترفع راسها من عليه الا حط يدو على راسـها : خليكي
 تبا تتكلم بس مو قادره 
 اصعععب شعور في الحيآه انه وحده تتعرض للتحرش 
 حتى لو ربي انقذها ف اخر لحظه 
 بس الاحساس ماتنسآه 
 الترججي اللي كآنت تترجآه 
 نظرته كل شي كآن مقزز 
 كآنت حتبوس رجلـه وهيا تبـكي 
 كآنت حتبوس راسه عشان يسيبها .!
بشار مايدري عن تفاصيل كل للي يعرف انو امه على طول دخلت وهيا تبـكي .. 
دا اللي روآن قالته ماحبت تديه تفاصيل عشان لايتجنن زيآده
 رافع جوآاله وبيفتح الباسورد وهوا يكلمها بهدوء : سواء نسيتي ولا مانسيتي اللي ينزل دمعه منك اجيب حقك لعندك 
 عينها على الجوال ومرعوبـه 
 بشار فتـح المقطـع
 وهيا وسعت عينها ورفعت رااسـها بشووويش 
 عدل جلسته 
 شككل كريـم 
 بس بيبكي 
 صوتــه مهزززوز 
" سامحيـني انـ انآ غلطت بحقـك ..واستآهل إني ..اانذل وآندآس .. ووعد ووعد مني لو جيتي قدآمي لأنزل على ركبي واعتذرلك زي الكـلب "
خلص المقطع واتثبتت على وجهه الصوره ودمعتته بعينه 
 شككككله خآيف ومرعوب شكله بزببببط زي شكلها لما كآنت خايفه منـه
 خلص المقطع بس مانزلت عينها من على الصوره لين مادموعها نزلت 
 دارت راسها وطالعت فيـه..مو عارفه ايش اللي سار .!
بشار حط جواله جمبـه 
 دار جسمـه عليه 
 مرر يده على خدها وهوا يتأمل عيونها : عارفه لو بيدي اقتله عشان انا ارتآح ... بس انتي اهم مني سويت الشي اللي حيخليكي مبسوطه 
 تخاف منــه .!!!
تعشقـه زيااده .!؟!
ااايش موقفها ماتدري
 بس عارفه انو اللي قدآمها وآحد مجنــون 
 بس مجنوون فيـها 
 ومجنون بتصرفاته على غيرها 
 هوا معاها اضعف انسآن 
 كريم ..! ماتوقعت انها ممكن تآخد حقها منه في يوم 
 دعت عليـه وبس 
 ماتوقعت انو الدنيآ حتدور وحتشوفه بنفس شكلها 
 لا مو خايفه من بشاار 
 دوبها استوعبت انها مو خايفه 
 ايش تبآ امآن اكتر من كدا 
 هيا عاشت حياه وسخـه ولقت الانسآن المجنون اللي يقدر يديها انظف حيآه
 بعد ماتبرد قلبها بالكل 
 عشان لايكون في قلبها حسـره 
 قربت وحضنته بكل قوتها 
 بككيت بصوتها : ليش سويت كدا 
 مارد عليها لين مابعدت وطالعت فيه وسئلتو تآني : افرض سرلك شي 
 بشار : ههههه هبله انتي 
 هديل تمسح دموعها : اييوا دا واحد وسخ ايش ت
 بشار قاطعها : اهجدي ..لاتستفزيني لو يوم شافني والله ماحيقدر يرفع عينه بعيني 
 قلبها يدق بسـرعه لما يتكلم كدا
 تحاول تشرد من الشعور اللي يخوفها وتفكر انو دا مستحيل يأذيها 
 مسكت يدو : اوعدني ماتسوي شي كدا تآني
 وقف بشار : اكلتي ؟
 هديل : انا بكلمك 
 بشار بحده بس بصوت هادي : اكلتتي ؟!
ماسبلها مجآل تدخل نفس يوم صآلح وبنتـه
 لحظه صمت وبعدها قالت : ايوا 
 ودا اللي ماحتقدر عليـه لو حقـد مافي قوه تقدر تمنعه من انو يخرج الجنآن اللي براسه ..
حتى هديـل ..
هديل قامت وجات لحده مسكت يده : أحببك 
 بشار ابتسملها اتأملها لثواني وبعدها شال الشباصه اللي بشعرها : خلي شعرك كدا
 هديل ضحكت واختفت ابتسامتها لما قالت : ايش سويتلو 
 بشار : خليتو يعرف انو ورآكي زوج 
 هديل بتفاجئ : منتا زوجي
 بشار : ههههههه قلتلو اني زوجك
 مرا مبسوطه لأنو كريم عرف : احسن 
 بشار : عشاني احبك ومابى ازعلك ماشوهت وجهه عارفه انك ماحتقدري تطالعي في المقطع _ مسك خده _ شايفه قد ايش احبك 
 هديل : هههههههههههههه والله حاسه اني ماعندي ضمير وانا اتناقش معاك بدا الموضوع 
 بشار : اخدتي حقك ماسويت شي غلط 
 هديل ابتسمتلو 
 بشار : تعالي نصحي سميه 
 هديل : هههههه تقوم معصبه دحين 
 بشار : مكسوحه ماحتقدر تستهبل وتسوي شي 
 هديل دفتو : حرام عليك 
 ضحك ومشي قدآمها ومتوجه لغرفـه سميه 
 هديل : بشااار والله نفسيه تراها 
 بشار ولا كأنه يسمعها وصل للباب : ادخلي قبلي شوفي عادي ادخل 
 هديل ضحكت 
 ولما دخلت روان نايمه اشرتلو وهوا فتح اللمبـه
 وصل لحد السرير اتذكر يوم مآكآن نايم في السياره وفجعتـه 
 مشي بخطوآت لين ماوصل لحد رآسها حط ركبتـه على السرير 
 فيه حاجتين براسـه 
 يصــرخ ف ااذنها بكل صوتـه 
 يحس ماحيشفي غليله بالموقف اللي سوتـو فيه 
 وبنفس الوقت 
 خايف يعورها برجلها 
 اللحاف تقيــل ..
لو لفها ماحتقدر تحــرك رجلـها 
 وفجأه جات فكره حقيره براسـه 
 ضحك قبل لاييسويــها 
 بعد ركبته من على السرير ووقف على رجوله ويضحك 
 هديل ضحكت ومو عارفه ايش بــه 
 اييوا كدا حييبرد قلبــه 
 زفرر وهوا بيتمآلك نفسه ومايضحك 
 جا لعندها مسك بدآيــه اللحـآف ولفــها وهيا انفجعتت
 مو شايفه شيييي لفها وشالها من السرير على كتفه 
 وهوا كآتم ضحكته 
 وهديل مفجوعه 
 خررج من الغرفــه 
 والمصيبـه انو خرج من المكآن بكبــره 
 روآن تعااافر وقلبها حيووقف وجهها محمر : مممممين 
 بشار ماقدر مايضحك وصل للمصـعد حطها في الركنيه وطلعت راســها 
 استوعبت انها بالمصعد 
 ضغط انو ينزل على اللوبي : مع سلامه ياقلبي 
 خرج وهوا يطالـع فيها وهيا مفجووعه تبا تخرج من الللحاااف الببببااب حينقفل : ب ببشــــــآر

 وانقفل الباب وسمعها تقوول : ياااااااااااكلب
 ضحك ..ضحككك من قلبـــه 
 متخيـل بس المنظر المصعد واجهته على كل اللوبي 
 وجهه محممممر من كتر الضحكك 
 سار يضحك من غير صووت وهوا بس يتخيــل شكلها 
 ووهديل واقفه مفجوووووعــه مابين الصدمه والضحكــه 
 طالع فيها قال وهوا بالقوه يتكلـم : بــسرررعه ..هاتي جووووالي ههههههههههه
 ماسك بيده الجداار وداخل في دوآمه ضحككك ومية حاجه تخطر في بآلــو 
 ررروآآآن .!!؟؟؟!؟
 مصدووومـه 
 مصدومه 
 صحيت وهيا ملفوفه بلحاف 
 فتحت عينها وهياا تترمي في مصعد 
 المصعد بينزل 
 الارقام بتتغير
 المصعد حيووووقف
 فين حيوقف 
 مين حيشوفها بدا المنظر 
 لحااف ياكبره مرمي في المصعد 
 ووحده جوتـه 
 راسها واكتافها بس اللي باينه 
 تحاول تعاافر وهيا تشوف الارقااام 
 تبا تبكي 
 لأول مرا تحس انها حتنحرج 
 لأول مرا تخاف انها تنحط بموقف بااايخ 
 خرجت اول يد ..ودوبــها خرجت تاني يد 
 والمصعد وقــف
 وقلبها وقف معــآه 
 المصعــد انفتح 
 الساعه 12 الليل 
 بزبــط خمسه اشخاص 
 اضائــه اللوبــي الاصوات داخله في بعض واللي طالع في المصعد ماقدر يتحرررك 
 مو قادر يستوعب المنظر 
 رووان تتمنى تنشق الارض وتبلعها تطالع فيـهم وبصدمتهم
 رمت جسمها على قدددآم ومشيت على ركبها واياديها 
 مدت يدها للأرقام وضغطت اللي يقفل الباب 
 دا كلللو وهيا تزحف والخمسه الاشخاص يطالعو فيها 
 ورجعت ضغطت رقم الدور ورمت جسمها على ورااا : حييييييييييييييوووووان
 وجهها محمممر 
 من كتر مو محمر ومنحرجه تبا تبكي 
 فكت اللحاف بعصبيـه وخرجت رجولها ووقفــت 
 ببجامتها بشعرها الفوضوي وانفتــح الباب وبشار صوت ضحكتــه مستفزززززززززه 
 رافع جواله ويصورها : ههههههههههههههههه صباح الخيــر
 تتنفس بصوووت مسموعع مو عارفه كيف تهجم عليــه 
 وجا ينقفل الباب وهيا ماتحركت وهوا حط يدو : يلا شيلي لحافك وادخلي نامي يلا يلاااا 
 وقف تصوير وهوا مازال يضحك 
 روان اشرت على نفسها وقالت بحقد : انا تسوي فيا كداا !!
بشار : ههههههههههههههههههههه بلله فيه ناس كتير ؟؟؟!
ومن غير ماتجاوب يرجع يضحك ههههههههههههه
 وروان ولا اتحركت تبا تقتتتله 
 عينها لسى مورمه من البكى وودوبها غافيـه 
 مافي اي احترام لمودها الحزيــن 
: حتخرجي ولا أنزلك تآني ههههههههههههههههه
 مشيت خطوتين وهيا تعرج الا وقفت لما ناداها : سميه 
 طالعت فيه وعينها كلها حقـد 
 اشر على اللحاف : شيلي لحافك ياقلبي
 ياأللللله هيا في راسها متخيله انها ماسكته في ركنيه وقاعده تخنقـه 
 خصـرته ورجعت تمشي وخرجت من المصعد ودوبـها بتعدي جمبـه الا قرب وجهه من اذنها بسـرعه 
 ورفع صوتـه : مــ
 وقبــل لايكممل الجملـه انفجعت وكآنت حتتحرك بسـرعه طاحت في الااارض 
 دارت جسمها وصرخت بكل صوتها في المكآن : يااااااااااااحيوووووان 
 اتأثر ..!؟ 
 ماات ضحككك كآن بيقولها " مو ااناااا اللي تصحيني على فجعه " بس مالحق ينطق الجمله 
 ماتوقع تنفجع 
: هههههههههههههههههههههههههههه ااه ياقلبي
 روآن سندت يدها على الارض وووقفت رفعت صباعها بتهديد : وووالله لاتندم والله يابشار 
 بشار : هههههههههههههههههههههههههههه _ فتح اياديه الاتنين وهوا يتكلم بصوت مستفز _ تعالي حضن حضن 
 جا لعندها ودفتتتو : انقللللع اقول 
 بشار : هههههههههههههههههههههههههههههههههههه 
 مشيت بعصبيـه وهيا تهررج وهوا رفع صوتـه : بشووويش على رجلك ههههههههههههههه 
 معصبــه 
 معععععععصبه 
 اخلاقها مقفله بشكل فضيـع 
 نفس موده لما صحته على ديك الفجعه 
 بس موقفها لايقارن بموقفه 


 هديـل اول مارجع المصعد يطلــع جريت على طول للغرفه تعرف رووآن 
 اول مادخلت تضحك بصووتها 
 مايحتاج يشوفو ردة فعلها بمجرد التخيل هما ميتين ضحك ..
اول ماسمعت صوت خطوآتها عدلت شعرها وكتمت ضحكتها ..
روآن دخلت ولما شافت هديل عصبت عليها : وانتتتتي ساكتتلو طبعا 
 هديل رفعت يدها باستسلام : انا مادخل بينكم قلتلو سيبها مارضي ..
بشار دخل وراها وهوا شايل اللحاف : سيبي مزتي ف حالها 
 روان طالعت فيه : والله لاأكرهك ف حيااااتك بس اصبر عليا
 بشار رمى اللحاف بوجهها وقفل الباب : اسرري ياشيخه 
 تخيلي وانتي معصبه يترمي شي بوجههك ويطيح في الارض
 برستيييج مااافي 
 مشي من جمبـها وراح لعند هديـل حوط يده حوليـن كتفها : تعالي حبيبي لاتزعلك المجنونه دي 
 هديل تمشي وهيا منكمشه على نفسها خااااايفه 
 يجيبولها الرعب الاتنين 
 حاسه روان حتجي تسحبها من شعرها 
 ججلس وهيا جلست جمبـه وروان واقفه مكآنها وتطالع فيـه 
 ومازآلت تفكر في مية شي وكلها اشياء ممكن تموتـه فيها من كتر الحقد 
 مشيت وهيا تضغط على رجلها اليسار وتمشي لين ماجات لحدهم 
 وهديل مضيقه عينها وتقولها ماليا صلاح بدون ماتتكلم
 بشار :ارجعي نآمي
: حروح انام بس لمرا التآلته حقولك حتندم 
 بشار : يأللللللللله ماشيه دا كلو وتعرجي وحالتك حاله عشان تعيدي الجمله 
 هديل وسعت عينها مفجوعـه 
 مو ناوي اليوم يعدي على خير
 روآن كل ماتحاول تمسك نفسها بحركاته يستفزها 
 خلاص مافراسها اي فكره 
 غير انها شايفه كوب شاهي جمبـها 
 حار 
 بارد 
 دافي 
 ايش وضعه ماهمها
 بس نظررررررته مستفزززه ابتسامتـه كل شي
 شالت وكبببته بوجهه بدوون تفكيــر 
 شههههق هوا وهديــل 
 وققف وراسه راخيـه وبينقققط 
 الشاهي بارد 
 روآن : مو انا اللي اصحى بداك الشكـل
 بشار مرر يدو على وجهه لين ماوصل لدقنه جا لعنندهاا : انتي اللي بديتي اعرفي مع مين تستهبلي المرا الجايه
 روان : عارفه عارفه والله لاأطلع عينك اصبر عليا 
 نبرتهم حآآآده مو مزح الموضوع 
 هديـل تبا تشرد مالها صلاح فيهم الاتنين 
 بس وقفــت الاتنين طالعو فيها وقالت بخوف وهيا تأشر : كـ كنت بروح الحمآم

 لما ماعلقو جلست تآني : خلاص ماحروح مكآن
 بشـآر : يعني ماتبي تهجدي
 روآن : لا وحردلك هيا 
 بشار : طيب افتحي على نفسك ابواب
 روآن : خلاص ولاتندم لو زعلتك وسويت شي يقهرك 
 بشار : ماحزعل
 مدت يدها وهوا طالع بيدها ومشي يشطف وجهه 
 شمقت روآن وجلست قريب من هديـل : انا جيعانه 
 بشار غسل وجهه واخد مناديل : ايش تبيني اطلببلك 

 وقعدو يتكلمو وكأنو ماسار شي 
 وهديـل لدحين جالسه بزاويـه قائمـه ومن نظرتهم بس مجبسـه 
 تتخيل لو بشار كلمها بدا الاسلوب تقعد يومين تبكي 
 وتقاطعه كمآن 
 روآن تمسك رجلها : رجلي حسبيه الله عليك توجعني 
 بشار : هههههههههههههههههه بلله كيف بس الاحساس 
 روان ماسكه نفسها لاتضحك طالعت فيه : مرا غغغبي والله فيه عجوزه طالعت فيا مفجوعه وقامت تلبس نظارتها مسكينه من بعيد تطآلع ومو مستوعبه
 بشار : ههههههههههههههههههههه انتي لحقتي تتأملي نظراتهم ليكي 
 روآن : هههههههههه والله احس كلهم محفورين براسي وكيف طالعو فيا مع انه اغلبهم العاملين بس برضو اتهنت
 بشار : هههههههههههه _ طالع في هديل _ ايش بك حبيبي
 هديل طالعت فيهم الاتنين : مني فاهمه انتو مسامحين بعض ولا لسى بينكم مشاكل !!
بشار عقد حوآجبه : مشاكل ايش ؟
 روآن : ايش بها النفسيه دي 
 بشار اخدالمنآديل ورماها بوجه روآن : احترمي نفسك 
 روآن مسكت خشمها : آآآ
 هديل : هههههههههههه احساس جميل انك تدافع عني من قبل لاأطلب
 ارسلها بوسه على الهوى وقبل روان لاتهرج : ممكن تطلبلي اكل
 بشار : سؤال نزلتلك التطبيق وعلمتك كيف تطلبي لنفسك وعندك فلوسك ايش تبي منننني
 روآن : سبححححان الله وانتا كل ماكلمت الأميره حقتك تسئلهها ها اكلتي 
 بشار يستفزها : قلتيها اميرتي انآ اكلها بنفسي لو ماهتميت فيها اهتم ف مين انا 
 هديل ابتسمت وميلت جسمها بدلعع : آآآوه
 روآن : وربي تجيبولي القرف جبلي اكل قبل لاتنسد نفسي
 بشار : هههههههههههههههههه 
 هديل : هههههههههههههههه

 سهـرو حـق ساعتيـن .. 
هديـل كل شويـه تسرح وهيا تتذكر شكل كريـم اول شي يترسم في بالها عيونـه ودموعه بتنززل ماتوقعت انها تكون في يوم من الايام قاسيه لدرجه انو منظر كدا يشفي غليها ماتوقعت انها ممكن في يومك تتأمل واحد بدا الذل ونفسها ترجع تعيد المقطـع مستححيل تنسى اللي سواه بشار . 
روآن جلستها معاهم تخليها ماتفكر بشار يستفزها بطريقه تخليها تخرج عن طورها وتنسى باإيش مرت طول اليـوم دخلت غرفتها اتصلت على تآمر ومارد مستغربه ماسئل عنها ورجعت جلست مع هديـل بيتكلمو كلام سطحي بعيد كل البعد عن سيره امها 
 هيا نسيت ولا بتتناسى هديل مو عارفه بس مو حابه تجيب سيرتها اما روآن كدا جمود وبـس تبا تشغل نفسها باأي شي عشان ماتتذكر دموعها ولا صوتهاا ولا حضنها .. 
بشـآر رجـع لغرفتـه انسدح على سريره .. واخر شي ممكن يجيـه النوم بسـهولـه 
 ابوه حيصدر عليه الحكم قريــب عارف انو حيتسجن مؤبـد مع انو سمع بقضيه جديده اترفعت عليه بس مع هرجه كريم وام روآن وجلال اللي بيدور عليـه ماعرف ايش تفاصيـلها .. 
غير انو بيتهم لازم بكرا يروحو بعد مالقى مشتري ..كيف حيدخلو كيف حيشوف اشياء حور بكل مكآن 
 دي الفكره لوحدها خلت قلبـه مقبوض 
 وكالعاده شرد من كل شي بالحبوب المنومـه وكآنت عشره دقآييق وغمض عينـه فيها . 


طفوله ملوثه بالواقع 


 آه من النصيـب ... يأتي على غير هوآنآ.
يسرق تلك الأحلام والقصور اللتي بنيناها
 ويرمينا في طريـق اخر ..
 ..
سـآمي دخل لغرفتـه اول ماشافهم جلسو في الصـآله ...
تميـم ساند اكوآعه على ركبـه ..ورآخي راسـه 
 مايبى يطـآلع فيـها 
 اصلا حركه يده تدل على انو مضاايق من الجلسـه 
 طالعت فيـه مو عارفه ايش تقولـو 
 ايش دخل بميسا وايش عرفو من الأساس برشـآ !!!!
بس مو وقت دي الاسئـله 
 صمت 
 ليـن مااززفر بصوت مسموع وسـآر يقول من ورا قلبه 
 بصوت مخنوووق : الحمدالله ... الحمدالله ... خيره 
 يقولها ويبا يبـكي 
 يقولها وكل كلمه توجعـه
 ترف انخنقت بس وهيا تسمعه حاولت تقول اي شي : ربي يعوضك ان شالله 
 تميم ســكت 
 مو عشان يبا احد غيـرها 
 بس خآف ربي يعوضها باأحد غيره
 بس الفكككره 
 كبتت على نفـــسو 
 مجرد التفكككير انو بجدد انتهى كل شي 
 خلاص هيا ممكن تكون ف يوم لغيره
 اخد جوآله : دحيـن جي
 دخل الغرفـه حقت خلـود وجلس على السرير 
 اتصـل ومتوقـع جوالها مقفـل بس دق 
 رنتين وردت 
 كآنت تبا تقفل جوآلها بس ماقدرت ربع ساعه وفكتـه 
 تبا تسمع صوتـه 
 محد اتكلم
 انها تبـكي دا الشي اللي تقدر تسـويه 
 وهوا يسمعلها ودموعه بعينه وبالقوه قال : خلاص يارشا
 رشآ : خلاص كل شي انتهى يعني ماحسير اكلمك ؟!!
تميم سكت شويا ويتكلم بصوت مو احسن منها : حتكلم مع ابوكي 
 رشا وسعت عينها بصدمه : انتا مجنون 
 تميم : مالك صلاح موضوع بيني 
 رشا قاطعته : تبا تفضحني انتا ايش حيقولو متمسك فيها ليشش
 تميم : ناس محترمه عادي 
 رشآ : بابا كلمك بنفسه و قلك مافي نصيب
 تميم : رشاا خلاص اخرجي من الموضوع انا حتكلم معاهم 
 رشا قلبها حيوقف : انتا ماتعرف بابا والله لو شك بشي والله حيقتلني
 تميم : مو غبي انا حخليه يشك خلا
 رشا قاطعته : تممميم لاتفجعني امااانه
 تميم : ايش تبيني اسوي خلاص راضيه بللي سار
 رشا : مني راضيه بس بنفس الوقت انا ععارفه انو ماحتلقى جوآب تآني اختك مرت طليق اختي 
 تميم : ايش يعنني ا
 رشا بصوت كلو بكى : تمميم خلاص ارحمني لاتزيد اللي فيا 
 تميم : وانتي لاتخلي كلمه وحده تنهي كل شي 
 رشآ : رجائا ياتميم لاتزيد الموضوع عليا وتدخلني بمشاكل مع اهلي اللي فيا مكفيني 
 تميم سكت بصووت هاددي : مو مشكله ... خلاص ... الله يوفقك بحياتك
 بككككيتتت 
: مو عارف كيف اقولك مع سلامه ..حتصل عليكي بكرا ؟؟! ولا خلاص ماحتسيري تردي ؟!! مو عارف ايش اسوي ابا اصحى واسمع صوتك 
 هوا يهرج باانهيار وهيا تبككي من كلامـه
: تمـ يم خلاص الله يخليك خلااص 
: انا ابا افهم حتكلميني بكرا ولا ماحتسيري تردي 
: لو ماقدرنا بتدريج ياتميم نقلل من بعض نقلل مكآلمآت 
 ضحك ودموعه نزلت : حلو .. عادي كدا الواحد يقلل مككآلمات والمفروض ينسى صح ؟
 رشا : خلااااص لاتحسسني انو ليا ذنب انا ماليا صلاح انا زيي زييك ماحقدر اتمسك فيك وانا عارفه انو ماليا نهايه معاك نكدب على بعض يعني !!!
تهرج بهجوميـه وهيا كداااابه تبا تتمسك فيه اكتر منوو 
 ويرجع يهرج بهدووء تآني : طيب ... فاكره لما قلتلك انو حياتي ماكآن لها معنى قبل لاأعرفك .. .. . طيب انا ايش اسوي دحين بدونك

 مكآلمــه تقيـله على الاتنين 
 مكآلمه البكى هوا الشي الوحيد اللي معبر عن قد ايش كآنو متمسكين في بعض 
 كلمـه مع سلامه مو قادرين ينطقوها 
 ساعه 
 ساعتيــن 
 يهدو ويرجعـو مايستوعبـو 
 كيــف قفلت منـه .؟
 قالتله ماما تبآني شويا اكلمك
 كداابه 
 بس ماقدرت تقول مع سلامه 
 ماقدرت تنهي المكآلمه دي 
 نزلت جوآلها وبكيت باانهيااار 
 وهوا جآلس يستنآهآ 
 خمسه دقـآيق
 عشـره دقآيق
 ربع سـآعه 
 نص سـآعه 
 انسدح على المخده ويططـآلع بالجوال ..
ساعه الا ربـع 
 سـآعه
 وغفت عينــه ...والجوال بيده 
 امـآ رشا ولا قدرت تنآم اتصـلت على علا وتبـكي 
 علا اللي ماتعرف ولاشي عن اهـل لمى وفجعتها بكــلام اول مرا تسمعه ... !!!
عدي ولا يفتح فمه بشي !!
مو عارفه تحزن على صحبتها 
 ولا على موضوع قاسم داود اللي طول اليوم يتكلمو فيـه
 وعدي مر من جمبهم ولا كأنه سامع شي

امـآ تآمر .. 
قاعد في مكآنه مو عـآرف ايش يسـوي ..
ماله نفس يتكلم مع احد 
 جـآه الدكتور واتكلم مع تآمر قلو انو حنقولها حالتـهآ
 يطـآلع في الدكتور وقلبه يدق بسـرعه 
 مخنووووق مايبى يكون هنآ 
 مايبى هوا يتحط في الوجـه 
 خرج جوآله واتصـل على تميم مابيرد ورجع اتصـل على ترف قالتله دوبـه دخل الغرفـه 
 كآن بيقولها ناديلي تميم يجي الا قالتله ايش سار معـآه وسكــت 
 قفل منها وماقلهـآ شي ..
تعبب
 تجي لحظظه للوآحد خلاص رااضي انو يكون ضعيف
 هوا مايبى يتحمل مسئوليـه شي
 خلاص موقف امـه لما اغمى عليـها لما جآبها فكرو بكل لحظه بوفـآة ابوه 
 وكيف شالو وكيـف دخلو المستشفى بنفسـه 
 وكيـف قلو الدكتور انو اتوفى 
 كآن للحظآت يحس انو امـه حيسرلها نفس الشي .. 
خرج جوآله ولأول مرا حيتصل على ليـث ويقولو انا تعبــت خلآص



 ليـث .. 
قبلها بسـآعات 
 بيحآول يعوضـهم 
 بيحاول يكون الاب اللي حرمهم منـه 
 صح مو قادر يسوي حآجآت كتير 
 لسى ماحضنهم 
 لسى ماقلهم قد ايش يحبهم 
 في حاجات كتير مو قادر يتعدآهآ
 بس بتصرافاته بيوضحها
 ولأنهم اطفـآله ولأنها مرتـه شايفييين اللي بيسويه 
 شي مرا كبيـر .. 
ودا شي يخليه يكره نفسـه لأنهم بدي البساطه 
 ف طريقـهم للشاليـه وقف سيـآرته : فيه احد يبا ينزل يشتري ؟
 دآنه مافتحت فمها لأنو جملته المعروفه قوليلي وانا اجبلك : لا
 أحمد طفل لساته صغير اخد على تغير ابوه بسـرعه ابتسم من قلبه : اناا 
 ابتسم ليث وفتح باب السياره وقبل لاينزل طالع في امل : تبي شي ؟
 امل : لا ياقلبي 
 ليث : متأكده ؟
 اشرت براسها وهيا مبتسمه برضو عآدتآ يسئلها من مرا ولو قالت لا يقول " كوويس "
نزل وجا احمد على طول مسك يده ويرفع راسـه ويطالع فيـه : انا مرا مبسوط 
 ليث : ليش ؟
 احمد : عشان حنخرج نتمشى معاك وحنلعب 
 ليث لساته ماخرج كليا من شخصيته القديمه : لو ماسمعت كلامي حرجعك ترا 
 احمد : هههههههه والله والله ماأغلط ولا غلطه 
 ليث : ههههههههههههه ايش تبا تشتري
 احمد : حشتري كل الاشياء اللي احبها انا ودانه عشان بعد المسبح ناكل وننبسط
 ليث : هيا ماتبى شي 
 احمد : الا تبا بس خايفه تنزل عشان لاتصـرخ عليها
 دوبـهم دخلـو ووقف ..
مايبى احد يخاف منـه خلاص : خليك هنآ
 خرج واشر لدآنه تجيه من بعيـد
 دانه مفجوعه وماتحرك لين امل ماقلتلها تنزل .. 
نزلت من السياره وراحتلو وقلبها يدق بسرعه 
 ايوا مرعوبه اكيد فيه شي ..
حط يدو ورا ظهرها ومشي لين مارجعو لأحمد : يلا ادخلو خدو اللي تبوه 
 احمد : اي شي اباه اخدو ؟
 ليث : هههههههههه شي حتاكلو مو تلملي المكآن كلو 
 احمد : طيب _ مسك يد دانه بحماس _ يلاا 
 ودانه واقفـه قالت بتردد : ماحتجي معانا 
 ليث : لا حستنآكم هنآ 
 اداها السله : خدي
 زي امهـآ بزبـط ابتسامتها الهاديه اللي تعبر قد ايش مبسوطه 
 مو زي احمد مربوووش وياخد على اي وضع بسـرعه
 هيا لسى ابوها القديم محفور جوتها .. 
مشيـو من قدآمه وهوا اخد سله تآنيـه وبيتذكر ايام الخطوبـه واول زوآجهم 
 اي شي تحبـو امل ياخدو 
 مايعرف ايش تحب حاليآ مآكآن مهتم .. 
يطالع في احمد ودانه وهمآ يمسكو اي شي ودانه تقولو لااا وهوا يقولها عادي عادي 
 ويرميها في السله 
 اهببل يخليه يبتسم وبس 
 لين مانتبه لدانه ماسكه شي وبتطآلع في سعره 
 كل مايشوفها تمسك شي تطآلع في سعره 
 كدا يراااقبهم 
 يبا يشوف هوا لإيش حول اولاده .. 
عمرها 11 سنـه وترجع شي عاجبها عشان سعره 
 ساب اللي بيده وراح لعندهم 
 واخد كل شي رجعتـه وحطها في سلتها :خدي اي شي تبيـه 
 احمد دخل في الهرجه : قلتلها بس مسويه كبيره كأنها مآمآ
 ليث ضربو على راسه : احتررم نفسك 
 احمد مسك راسه وقال بصوت واطي : طيب انا اسف
 ماخلى شي بنفسـهم اشترو كل شي يبـوه وخرجو من المآركت وهما يضحكو وينطنطو جمبـو
 ردة فعلهم جابتلو السعآده 
 مبتسم ويمشي 
 بس فيه هنآك انسانه مبتسمه اكتـر منـه 
 ماسكه بقدر الامكآن انها ماتبكي 
 ماتخيلت في يوم تشوفه كدا 
 وطلعو السياره واحمد يقول ايش اشترى 
 ودانـه تسكتو عشان صوته عالي وتبا تقول لأمها ايش كمآن اخدت
 وعلى دا الحآل مضاربـه لين ماوصلـو الشاليـه 
 دخلو على اصوات حماس دانه واحممد وليث بس بيضحك 
 وامل تقول : وطوو اصواتكم 
 ليث : خليهمم 
 خرج الاغراض من السياره ودخلها
 واحمد من الحماس مو عارف ايش يسوي اول شي : باااااابااا يللا نلعب كوره هنآ 
: طيب دحين اجيـك 
 دانه واحمد على العشب الاخضـر
 وأمل جوآ بتفتح الاكيـآس وترتب الاغراض لين ماشافت الاشياء اللي جبلها هيا ليث
 تخرجهم وهنآ ماقدرت تمسك دموعها ... 
دخل ليث ووقف فمكآنه لما شافها تخرج الاشياء وتبكي واول ماشافته مسحت دموعها
 مايبى يقول عنها نكديـه 
 سارت ترتب بسـرعه وهوا ماتحرك 
 يتمنى انو يسوي شي 
 فيه كلام كتير جوتـه 
 يبا يقول نصـه 
 حيتجرأ
 دي أمل 
 ليش سار باني بينه وبينها حوآجز 
 فين ليث اللي كآنت علاقتهم مبينه على الصراحه 
 ليش دحين جزء صغير من اللي جوته مو قادر يعبرلها عنه ..
حاول يضغط على نفسه مشي باإتجاهها 
 وهيا زادت ارتباكها بالترتيب ..

ادتو ظهرها وهوا جا لعندها تحت الاغراض على الطآووله وحط يدو على يدها : سيبي
 سابت اللي فيدها طالع برا لقى احمد ودانه مشغوليـن وبيلعبو 
 رجع طالع فيها وهيا منزله راسها : ايش بك 
 اشرت براسها بدون ماتتكلم
 جات بتسحب يدها الا هوا شد عليها : اممل
 كلمـه امممل بصوتـه الهاادي
 من غير مايصرخ 
 من غير مايعصب
 بكتتها زيااده
 تشتت نظرها وماتبى تطالع فيه 
: زعلتك في حآجه 
: لا
: طيب ليش بتبكي
 قالت بضعف : انا مبسوطـ ه
 لانت ملامحه 
 وهيا كملـت : ليث لاترجع زي اول لاتخليني انبسط وترجع تكسرني انا وبزورتك تآني
 اشر براسـه يعني طيب ماعرف يتكلم 
 وقال بصعوبـه : لاتبكي
 مسحت دموعها : طيب _ ابتسمتلو بين دموعها _ شكرا على الاغراض 
 مارد بس حركه يدو على يدها وملامحه الهاديه كآنت معبره 
 موقف بسيــط بس بنسبه لهم يعنننننيلهم كتير 
 لها ولــه 
 عارفه انو مايعرف يعبر 
 عارفه انو حاليا بنسبه له بيحاول يرضيـها 
 وهيا حترضى بالقليل ..


بتمر السآعآت 
 وضحكآتهم هيا اللي بتطغى على المكآن 
 وبسبب اسلوب احمد ليث بيتعدى الحدود اللي حاتطها
 يسحبو يلعب معاهم كورهـ 
 ودآنه تكون متوتره وبعدها تبدأ تلعب وتنسى نفسـها 
 نزل سبح معآهم ودانه بس تنآدي أمل لين مانزلت معآهم 
 انقسمو فريقين 
 احمد وليـث ودانه وامـل
 ولعبو كوره في المسبح 
 ضحك من قلبـه 
 دااانه نسخه امل في كل شي 
 خوااافه زيها 
 خلصـو لعب وليث سبح لين ماوصل لأمل وهيا رفعت صبـآعها بتهديد : ليث امانه لاتقرب والله اخاف 
 ليث : هههههههه ماحيسرلك شي 
: انا مبسوطه ف مكآني
 ليث : مابردتي وانتي ماتتحركي
: لا
 ليث ماتحرك ومن نظرته خافت : انا خارجه 
 دوبها بتبعد الا مسكها وهيا صرخت 
 احمد صرخ : ايووووووووووا يابااباا 
 ليث : هههههههه ماتثقي فيا 
 امل متعلقه برقبتـه : امانه لاتروح للغريق والله اخافففف
 ليث : هههههههههههه 
 ولا كأنه تكلمـه
 واستممر صريخ أمل 
 واستمرت ضحكآت ليث واولاده 
 وخرجو كلـهم من المسبـخ واخدولهم غفـوه وصحيـو كملو لعـب 
 وجآ اخر الليل والا تبآ تنزل دانه تسبح تآني
 وهنآ امل واقفه تنتبهلها واحمد اتشجع ونزل تآني 
 وليث جالس على الكرسي خارج اسوار المسبـح 
 ومشغول ف جواله ويقرا عن قآسم داود 
 موووده كله انقلب 
 بيحاول بقدر الامكآن ماينكد عليهم ولما ينادوه يرفع راسه ويبتسم 
 ومن جوتتتته يبا يبكككي
 النآس بتدافع عنها تعليقاتهم هجوم عنيف على قآسم 
 ساب جوآله جمبـه 
 جاتـه امل وابتسمتلو : حبيبي انا حروح اخدلي غفوه طيب ؟ تنتبه عليهم
 ليث اشر براسـه : طيب
 ودخلت تنآم وربع سـآعه ودانه خرجت وجالو اتصـآل من تآمر
 وقـف ويطالع بالجوال قلبه مقبوض مالو نفس يرد 
 بس رد بعد صرااع طويل ..
 : هلا تآمر ..
تآمر : فينك ياليث
 ليث انفجع من صوته : فيه شي ؟!!!
تآمر : امي ف المستشفى 
 ليث طآح قلببه : اااايش !!!!
تآمر : هيا كويسـآ بس مو متذكره شي مو عارفتني وانا خلاص انخنقت 
 ليث ماستوعب شي : كيف كيف مو متذكرتك 
 تآمر جلس على الكرسي وقلـو بالتفصيل كلام الدكتـور : ودحين دخل يقولها حالتها بالتفصيل وانا مابى ادخل 
 ليث : طيب طيب انا جيك دحين عندك احد 
 تآمر : لا ماقلت لأحد 
 ليث : طيب ا
 تامر قاطعه : أهدى مافي شي يخووف هيا طيبه وصحتها تمآم
 ليث : ايش سرلها 
 تآمر : قرأتها موضوع ترف قلت يمكن تستوعب انو احنا ظلمناها بس ماتوقعت انو يسرلها كدا
 ليث : انتا عارف انو دي المواضيع ماتنحل كدا ..امك اللي عندها مرض نفسي تجي تصدمها بمصيبه تآنيه
 تآمر باانفعال : لحدد يقولي انا غلطان دي تاااني مرا اتحط بدا الموقف وتاخد اهلك ياليث وتمشي وانا اتحمل كل شي ترا اللي فيا مكفيني تبا تجي توقف معايا تعال تبا تطلعني غلطان خليك مع اهلك ولاتخليني اشوفك
 ليث سمت ومارد ..لو كآن الوضع طبيعي المفروض يقفل بوجهه تآمر لأنو قلل احترامه 
 بس عارف انو يستاهل اي شي يجيـه وقال بعدم استيعاب : تآمر ! 
تامر مارد 
 ليث عرف انو بيبكي : انا جيك دحين 
: طيب سلام
 وقفــل على طول من غير مايسمع رد ليث
 مضغوطططططين بشكل مو طبيعي 
 كل واحد الي بنفسه شي فوق طاقته احيانا كتر التفكير يدمر يتعببب اكتر من اي موقف 
 حاسين انهم عايشين بس مو مرتاحين من جوآ
 مشي ليـث وهوا مسـرح 
 نظراته على الارض 
 مرتاح انو تآمر قلو انو صحتها كويسا 
 يبا يروح يطمـن بس مكسوف حتى يطالع باأخوانه 
 اتنهـد بضيـق
 ورفع عدسـه عينه : احـ
 واختفى صوتـه لما شاف جسم ولده دوبـه بيترفع على سطح المويـآ
 ف ثآنيـه 
 اتوسعت عينـه 
 نادى بكللل صوتـه : احممممد
 خطوآآآته السريـعه 
 يفتح باب السووور 
 جسمممه يتنآفض
 رمـى نفسه في المسبح بدون تفكككير
 سحببب جسم ولده وخـرج 
 ف نفسس الدقآآيق 
 دانه تخرج على صوت ابـوها وتوقف مكآنها مفجووعه 
 ماتحركت ماسووت اي شييي
 خرج ليث وحط ولدو اللي مافتح عينه ولا أتحرك اي حركــه 
 جسمه ينننقط مويا على العشب الاخضرر 
 ماستوعب الا انو يححرك ولده بخوووف وينادي وقلبه حيوقف مع الفجعه: احمممد احممممد
 امـآ امل صوت المسبـح واصل لعندها ... التكيف مركززي 
 تسمع كل شي حتى خطوآتهم 
 اندمج صوت المسبح مع صوت ليــث 
 صرختته الاولى كآنت مفججعه وحسبت انها تحلم 
 وبعدها سارت تسمع اسم احمد يتكرروصوت المسبح ولما حست انمها مابتحلم 
 جلسسست وطالعت حولينها بس سمعت احممممد تآني
 بعدت اللحاف عن جسمها 
 مالبست شي برجلها 
 خرجت تجري زي المجننونه 
 مانطقت بلاشي شي غير الشهقققه لما شافت ليث بيسويلو تنفس اصطناااعي
 حطت على قلللبها ومممشيت بخطوووات سريعه نزلت على ركببها
 ليث رفع جسمه يطالع فيـه يطالع بعينه بيده 
 يبا اي شي يتحرك 
 يحس نبضات قلبـه 
 ويرجع يسويلو تنفس اصطنـآعي
 أمل مازالت عيونها وتنفسها هوا اللي يعبر
 كلمـه : ولددي ... ولدي ..ولدي
 بصوت متقطع خفيييف 
 رفع ليث جسمه ونزلت دموووعه حط يده على صدر ولده ويضغط عليــه 
 مرا ومرتين وتلاته ويشيل يده 
 ويرجـع يسويلو تنفس اصطنـآعي 
 ويحس نبضـه 
 ورفع يده على صدره ويضغط عليـه مرا ومرتيـ
 وجاااهم صووت تنفسـه
 اللي كأنو واحد رجججع من الحيـــآه 
 صوووت بكككااهم من فجععتتهم 
 امل نزلت جسمها لولدها وتحضنه وتببببكي
 ليث مثبت اياديه في الارض من كتر ماتتنافض ومو قااادر يتحررك 
 يبا يشيله 
 يبا يوديـه المستشفى 
 بس مو قادر يوقف على طووله 
 امـل تطالع بولدها شفايفه مزرقه تحسو بوعيه ومو بوعيه 
 اتكلمت بصوت متقطع : حبيبي ايش بك _ مررت يدها على خدو _ انتا كوويس 
 رفعت يدها التآنيه وضربت ذراع ليث وعينها على ولدها : ليث ايش بوو
 لليث : روحي جيبلي مفتاح السياره _ ماتحركت ولساته تمسح المويا من وجهه ولدها _ قووومي
 وقفت مشيت بخطوات على ورى وهيا تبكي وتطالع في احمد ورجعت دارت 
 جسمها بتشتت 
 امـآ ليث اول مارفع ولده اترمى راسـه الصغير على كتفـه 
 مو عارفين هوآ مرهق ولا ايش اللي بيسرلـه
 بس مرعووبين 
 امل اخدت المفاتيح وعبايتها وخرجت جججري 
 سحبتتت دانه من يدها وخرجو برا الشاليه فتحت السياره وكآنت بتاخد احمد الا ليث صررخ : سيبيييه
 ركــب ومخلي ولده ف حضنــه 
 شغل السيـآره وحررك ودموعه تنزززل 
 هوا غفل عنـه 
 لو سرلو شي لايتجنن 
 اول مرا يعرف اشياء كتير عن ولده 
 مايبى دي الذكريات بس يبا يعوضـه 
 لسى فيه حاجات كتير يبا يسويـها 
 حاجات كتير يبا يقوله هيآ
 يبا يحكيـه 
 مايبى ينحرم من ولده 
 مايبى ينحرم منـه زي مانحرمت ترف من ولدها 
 خرجت شهقـه منـه فجعت امــل
 امــل اللي ماده يدها وتمررها على رجول ولدها وتدعي بتكرار : اللهم اني مسني الضر وانت ارحم الراحمين ..اللهم اني مسني الضر وانت ارحم الراحمين 
 وسكتت اول مابكي ليث بصوتـه
 ليث حوط يده حوليـن راس ولده ومثبتـه على صدررره بكل قوتـه 
 وبيده التآنيه ماسك الدركسون بالقوه 
 وجهه محممممر 
 دمووعه تنزززل 
 امل : للليث ووولدي ماحيسرله شي لاتتتبكي ...بقوووولك لاتتتتبكي
 ولا كأنه تكلموو 
 سندت جسمها على الكنبه وبكيت باننهيااار 
 بس دعائها ماختفى طول الطريق تدعي بصوووتها 
 لدرجه انو ليث بدأ يهدا من بكآه بسبب دعاويـها 
 وبيكرر في قلبه وراها يطالع في الطريق ويرجع ينزل عينه على ولده 
 وكآنت اطول عشره دقايق عشان يوصلـه لأقرب مستشفى 
 بس اول مالمح الستشفى نزل يده على رقبـه ولده لما سار مو حاسس تنفسـه
 ومافي اي نبـض
 عينه على الطريق ويده على رقبه ولدو 
 ومو حاسس بشي 
 مو حاسس انو ولدو يتنفس 
 مو حاسس انو قلبه بيدق
 الصمت 
 الجمووود
 الدمووع اللي بعينه 
 مكممل طريقه وهوا عارف ولده ميت في حضنـه
 ولا فتح فمـه بكلمـه
 اول ماوصـل 
 نزلـه بسـرعه ودانه تلحق وراهم وهيا تبكي بصوتت هادي
 ناسينها وهيا تبا تموت من الخووف
 وسارو يسئلو ليث ايش سرلو 
 وفين غرق بزبـط 
 وقد ايش المده 
 اسئله كآن يجاوب عليـها وبعدها اختفو من قدآمه
 ومممشي في الممر وهواعلى قد ماتتحرك شفايفه من البرد 
 على قد مو حاسس بالبرد اكتتر من الخوف اللي جوت قلبه انو يسير شي لولده 
 امل اتوجهت لليث : ليش مممشي بسـرعه فيه شي يخوف 
 ليث : مددري 
 امل : طيب اتصل على اصحابك الدكاتره قولهم ايش سرلو بعد ماغرق
 ليث : امل امممل اسسسكتتتي الله يخليكي 
 امل وطت صوتها وقالت بقهر : دا الشي الوحيـد اللي اعتمدت عليك ف حياتي ف ساعه ياليث ماقدرت تهتم بولدكك
 ليث شرد من كلامها على طول ماسبلها مجاال تقول كلمـه زااايده 
 انهياره مو من فراااغ عاارف دا الكلام كلللو 
 جلس على اقرب كررسي ومسك راسـه وخلل يده في شعره ويدعي بصوت هادي : اللهم لاتجعل ابتلائي ف اأبناائي اللهم لاتجعل ابتلائي ف اأبنائي اللهم لاتجعل ابتلائي فاأبنائي اللهم استودعتك ابنني 

 يدعععي ويدعـــي والوقت مازال يمر عليهم تقيل 
 لين ماجاه الدكتور وعلى طول قام ليـث ورحلـو وامل جمبـو 
 الدكتور يطالع فيهم مو عارف ايش يقول 
 يكره دي المواقف : الحمدالله سوينآلو انعاش .. لكن 
 عيونهم عليـه
 الصمت دا اللي اخد منو ثانيتين قلوبهم كآنت حتوقف فيهم 
 حاول يكمل الدكتور : دخل في غيبوبه بسبب 
 امل بعدت على طوول وهيا تبـكي وليث واقف يسمعلو 
 الدكتور طالع في امل ورجع طآلع في ليث وكمل :بسبب الغرق الاكسجين ماوصل للمخ بشكل كفايه فافي مناطق بالمخ اتأذت وخلايا المخ ماتتجدد زي باقي الجسم ...فاالله واعلم اذا فاق من الغيبوبه اللي هوا فيها ايش حيكون ناقصه 
 ليث يطالع في الدكتور مو عارف ايش يقول 
 كآن عارف انو ولده احتمال كبيـر يموت 
 وعآش 
 دحين الكلام الي بيقوله برضو صعــب !..رمشش عينه بهدوء ..بلع ريقـه .. قال بصعوبه : ايش حيكون ناقصه .؟
 الدكتور : ممكن لاقدر الله مايقدر يمشي ممكن يفقد حاسه من حوآسه السمع الكلام البصر إحنا مانقدر نحكم لين مايفوق 
 مافي اي رده فعـل من ليـث
 الدكتور ابتسم باألم وحرك يدو على كتف ليـث مرتيـن ومشي من دا الموقف اللي محد يحب ينحط فيـه
 رجولـه مو شايلته 
 الا الضنــى 
 دا اللي يكسـر الوآآآحد بجددد
 امل بتبــكي وهيا مو عارفه تكملة الموضوع 
 عيونهم الاتنيـن تعبر عن وضعهم 
 صمت ليـث وبكاها وبنتها اللي مشتته بينهم 
 شكلهم المبهدل لابسـه عبايتها بالمقلوب 
 ملابسـه البااارده من كتر الهوى مايصقع فيه وبدأت تنشف
 طيب حيقدر يشوف ولده ..؟!!!
رآح يدور على الدكتوور بدون وعي مر من جمبـه بس مانتبهلو 
 يطالع يمين ويسـآر 
 ولدي ممكن مايمشي تآني !
ولدي ماحيتحرك بسببي
 ولدي ممكن ماسمع صوتـه 
 ممكن مايسمع احد 
 ممكن مايشووف النور تآآآني 
 ويمممشي ويدووور 
 لين ماخلاص 
 جلس باانهيااار في مممر النآس رايحين وجاايين فيـه 
 مسسك بيده الحديده اللي عالجدار 
 ونزل على ركبـه وبككككي

 والنــآس تطآلع فيـه



 وامـــل بعيد عنــه حاضنه بنتها وتبــكي .. واول ماخرجو احمـد 
 وشافت ولدها الصغيير على السرير بدون اي حركـه 
 كأنه ميت 
 انهآآآرت تآني 
 وبعدها اتصلت على اهلها تبا امها وابوهاا



 امـآ تآمر سآعه مرت والدكتور سمحلو يدخل لأمـه وهوا مستني ليث 
 يرفع جوآله يبا يتصل بعدين يقول بكيفه عسا عمرو ماجا
 وبعدين يرفع الجوال مو عوايده ليث يدي كلمه ومايسويها 
 مو عوايده يعرف انه امي تعبـآنه كدا ويخصرها ومايجي 
 يكون سآر شي لاقدر الله في الطريق
 اتصـل عليه وجواله مقفـل 
 وهنآ اترعب 
 استنى خمسه دقايق 
 عشره دقايق
 ربع سـآعه 
 نص سـآعه ورجع دق وجواله مقفـل
 لو في الطريق كآن شحن جواله في السياره 
 ماحيخلي جواله مطفي حيسئلو فينكم بزبط 
 عشره دقايق تآنيه عاشها بصراع
 وهوا يطالع بالوقت ويتصل على مرته ولا لا
" لا استحي على وجهك "
 " جواله مقفـل وهوا مديني كلمه انو يجي ايش فيه سبب اقوى من كدا عشان اتصل "
 " بس اطمن لو طلع ساحب علينا وقتها بكيفه ولا أبى شي منـه "
يمرر يدو على ذقنو وبيدو التآنيه الجوال وبيطالع في اسم " امل "
ودق لما قلقه زاد والشيطان يلعب في راسـه
 وجآه صوت امل اللي خلاه يتأكد انو فيه شي : السلام عليكم 
 اخدت نفسها : وعليكم السلام
 تآمر سكت شويا متأكد فيه شي ولا هيا صاحيه من النوم ماعرف ايش يقول : معليش على الازعاج
 قالت بصوت عالي : تعالي يادانه هنا 
 واضح صوتها انها بتبكي ورجعت تتكلم وهيا ماسمعته ايش يقول : ايش قلت 
 تآمر باارتباك : جوال ليث قصدي ليث عندك 
: مدري فينو 
 تآمر بددأ يتوتر سامع اصوات حوليها : معليش بس انتو فينكم 
: احنا في المستشفى _ بككيت وكل ماتقول لأحد تبكي وكأنها مو مستوعبه _ احمد غرق في المسبح ودحين هوا في العنايه المركزه 
 تآمر بعدم استيعاب : ااايش !! ...انتو انتو في اي مستشفى 
 بس قالتله قفـل واتصل على تميم على طـول ..
رد عليه وصوتـه كلو نوم مو مستوعب كيف نآم 
 مو مستوعب ايش سار معاه هوا كآن يحلم 
 هوا بجد حقيقه اللي سار بينه وبين رشـآ 
 بس رد وانتهينا : ايوا 
 تآمر : تممميم قوم وروح لليث 
 تميم : خير ايش فيه 
 تآمر : احمد في العنآيـه المركزه
 تميم رفع جسمه من على السرير : ايش سرلوو 
 تآمر : امل قالتلي انو غرق في المسبح 
 تميم قام من على السرير هوا بيتكلم خرج بصربـعه وانتبه لمفاتيح الشقه 
 حاتطها على طاوله الصآله 
 اخده ولبس جزمـته وخرررج وهوا مفجوووع 

 تآمر جا لحد باب غرفه امه شافها تتكلم وتحكي المريضه اللي تشاركها بنفس الغرفه
 يتكلمو ويضحكــو .. 
ورجع خررج راح لدكتور واول ماوقف قباله قلو : اسئلك بلله امي طيبه ؟
 الدكتور : والله شوفه عينك ماشالله
 تآمر :يعني مافيها شي تآني لاقدر الله 
 الدكتور : لا الحمدالله سليمه وبصحتها ومافيها شي 
 تآمر حرك راسـه بتشتت وقال : طيب شكرا 
 خررج من المستشفى وعقلـه عند امــه وبنفس الوقت مو قادر يسيب اخوه 
 بس مطمن انه في احد شاغلها .. 


كل وآحد في سيارته متوجههين لنفس الاتجاه 
 مفجوعين 
 خايفين 
 حتى لو كارهين اخوهـم 
 ف دي المصـآيب ماحيكون في قلبهم شي عليه 
 وصل تميم قبـل تآمر .. يتصل على جوال ليث مقفل 
 واتصل على امل اهلها معآهآ .. مافهم شي منها 
 حزنآن على دآنه وهيا كدا .. اخدها وجلسها بعيـد عن امل وكلامها 
 عارف انه مو بعقلها بس قلبه ضعيف عند الاطفآل ..
يمرر يده على شعرها ويكلمها : لاتبكي امك خايفه .ان شالله اخوكي مافيه شي طيب ؟ 
 اشرت براسها وهوا مسحلها دموعها : خليكي هنآ
 وقام واتصل على تآمر : ايوا تآمر ...ليث مدري فينـه ... والله مافهمت شي من امل .. طيب حدور عليه .. خلاص انا حنزلك 
 ونزل لتآمر 
 ودورو على ليث في المستشفى كلـها 
 تآمر : متأكد انو ماخرج ؟ يمكن راح يجيب شي !
تميم : والله مدري 
 وخرجو يدورو على سيارته 
 ويمشو ويمشو لين ماشافـو سيارته بس قربـو لقووه جالس
 ساند جسمو على الكرسي وبيطآلع في سرحآن 
 دق الطآقه تميم ودار راسه بفجعه 
 واول ماشاف اخوانه فتح الباب من غير اي تفكيــر 
 نزل دوبـه وتميم بيهرج الا ليث حضنـه وبككي 
 اتكلم على طول باانهيآر : ولدي احتمآل مايمشي .. احتمال مايتكلم ويقولي اللي بنفسـه .. ولددي احتمال مايشوف بعد كداا
..آآآه انا ااايش سويت ااايش سوويت فييه 
 تميم مافتح فمو بكلمـه 
 تامر قرب منـه وحط يدو على ظهرو ومحد سئلو ايش الموضوع بزبـط : اذكر الله ياليث م
 ليث بعد عن تميم وسار يضرب على صدرره بقهرر : كلوو بسببي انا ولدي حيروح مننني 
 وكآآن هنآآك الانهيـآر
 صررخ اتكلم بندم بقههههر 
 نزل بمستوى جسمه للارض وهوا ساند جسمه للسياره وغطى وجهه وبككككي 
 واخوانه جلسه حولينه حاولو يقوموه 
 حاولو يكلموه 
 بس مابيسمع 
 بيتكلم ويقول كلام يحرققققهم 
 محد عارف ايش يعني ولدك من لحمك ودممك بس متصورين ألمه 
 بكيــو معآه لما سار يدعي بصوته " يارب خد من صحتتي واديه لوولدي " 
 " يارب خد سمعي وبصرري "
 " انا مابى شي من الدنياا الا سلامتـه " ويرججع يبككي
 ويرجععع يتكلم لييين ماختفى صوتـه 
 واختفى صوت بكآه
 وبدأت تخاف دموعه 
 بدأت عينه تذبــل ومثبته بمكآن واحد 
 جالس على اللارض والانكسار واضح من جلسته ككل 
 تآمر مسكـو : قوم ياليث خلاص قوم وادعيلو 
 دي الحاله اللي لما توصلها ماتقول لأ لأحد قام وتآمر ماسكـه : تعال تبا تدخل
 ليث هنآ سحب يده : مابى اشوف امل ولا دآنه خلوهم يرجعو البيت 
 تميم : ماحترضى ترجع دحين 
 ليث : ماحقدر اطالع فيهم والله ماقدر
 تآمر : مو مشكله نقعد ف مكآن تاني 
 ودخلـو وجلسوه وتآمر مابين يبا يرجع لأمه 
 مابين مو قادر يسيب ليـث 
 ومرت سـآعه وساعتيـن 
 والوضع مافيه اي جديد امل عرفت من الدكتور كل شي 
 خلت دانه ترجع مع امها وابـوها 
 وجلست لوحدها بقسم مو قادره تمشي قالولها ماحتقدر تشوفه وبرضو مو قادره ترجع البيت 
 وليث في دور تآني اخوانه جمبـه 
 تآمر مسك تميم بعيد عن ليث وفجعه بموضوع امـه 
 واخر شي حيفكر فيه موضوع رشا وهوا مشتت بين فجعته باأمه 
 وخوفـه على احمد 
 ونفسية اخووه المدموره
 اضطر تآمر يرجع ...وتميم مع ليـث لين ماقلو روح اشتري لأمل شي تآكلو واديها 
 وسوا زي ماطلب بس مارضيت تآخد شي 
 لاأمل تبا تشوف ليـث ولا فكرت تدور عليه وتقلو تعال 
 ولا هوآ يبا يطالع بعينها 
 تئنيب الضمير اللي يعيشه اقوى من انو يتحمل نظرتها 

 ورجـع تآمر لقـى امـه نايمه دخل وجلس على الكرسي اللي جمبـها .. وكل شويـا يتصل على تميم 

 انتهـى اليوم لأغلب اللنآس لكن ماحينتهي اليوم لأم وأب ولدهم بحآلة أحمد 
 ماحينتهي لأخوان عقولـهم مشتته بين امهم واخوهم وولد اخوهم 
 ماحينتهي لإنسآنه حطت كل احلامها وامالها وحياتها الجيـه على رجل وطلـع عكس توقعاتها 
 ماحينتهي لوحده خايفه من الانسانه اللي دخلت في حيآتها والمفروض تقولها ماما 

 طفوله ملوثه بالواقع 

 ليـث جالس بنفس مكآنه ... امل ماسكه جوآلها وتقرا قرآن 

 تميم مع ليث بس نايم وهوا جالس بدون مايحس ... لمى على سريرها هدوئها سيد الموقف 
 تآمر على الكنبه المريحه بس مو حاسس من جوته باأي راحه 
 تـرف غير عنهم هيا حاليا صاحيه مبتسمه لما فتحت عينها وسـآمي واقف وشايل ف يدو فطور لها ..
رفعت جسمها 
 حست باإحسساس زمان لما تزعلو وهوا اللي يجي يراضيـها .. 
حط الاكل وجلس جمبـها : ماما زعلانه مني
 عيونها شبه مفتوحه حركت راسها بالنفي 
 وقال على طول : انا اسف _ وكمل بتردد _ امس كنت مرا خايف 
 ودي الجمله تكفيها انها تنسيها كل شي ... 




بشـآر صحـي بالقوه مصددع من تأثير الحبوب اللي ياخدها 
 على قد مايرتاح في نومتـه على قد مايكره شعور اول مايفتح عينـه 
 وتبدأ كل الافكآر تجي برآسـه 
 سميه وامها 
 امـه وهديل 
 جلال 
 محاكمه جآسم 
 بيعة البيت ..إلخ
 قآم واتوجه للتلاجه الصغير اخدلو عصيـر وشربـو وبعدها خرج 
 بشكله اللي يدل لساته انو دوبـه صاحي 
 وعيونه المنفوخه من كتر النوم 
 ولبسـه الشورت الابيض والتيشيرت الأزرق 
 دق عليهم وهوا كالعاده يدور على هديل اول مايفتح عيـنه 
 يبا الحضن اللي يخليه يبدأ يومه 
 بس سميـه فكت الباب وهوا كشـر : اعوذ بلله
 شمقت بوجهه : ست الحسن والجمال نايمه تباني اهلا وسهلا ماتباني حقفل الباب بوجهك 
 لما مارد دوبها بتدف الباب وتقفل وحط يدو : امشي حالي فيكي كيفك
 اتنرفزت وبرضو حاولت تقفل الا ضحك : بمزح معاكي سايره مستفزه 
 دخـل : ايش مصحييكي 
 سميه : الساعه 12 
 : ايش حتسوي طيب 
 جلس على الكنبـه وطالع ففيها 
 سميه : مدري
 بشار بتردد : انتي عارفه انو اليوم دلال تبا تشوفك 
 سميه جلست : ايوا 
 بشار : اختاري المكآن اللي تبيه والوقت 
 سميـه : مو دحين ماليا خلص خليها في اللليل 
 بشار : طيب ..كيف رجلك
 سميه : احسن ... ابا اخرج 
 بشار : على فين .؟
 سميه : مافي مكآن معين بس بخرج مخنوقه من الجلسه 
 بشار : وطبعا تبي لوحدك 
 سميـه : ايوا
 بشار سكت وبعدها قال : طيب على شرط
 سميه رفعت حاجبها : ماجيت استئذن 
 بشار : لو ماتبي تمشي على شرطي والله مالكي خرجه 
 سميه : لا بلله 
 بشار : إنتي عارفه دا الشي 
 سميه : وانتا عارف لو ابا اخرج حخرج 
 بشار : وانتي عارفه لو ماباكي تخرجي فمحاتخرجي 
 سميه : حيطول الحوار دا ؟!
بشار : على كيفك تبي تسمعي شرطي ولا نقفل الموضوع ؟
 سميه ضمت يدها : ايوا ايش هوا شرطك ؟
 بشار : تروحي مع السواق 
 سميه : سواق مين ؟
 بشار مايبى يقول سواق حور : سواق العيله 
 سميـه : وكم دا ياخد 
 بشار : ههههههههههه مالك صلاح ها تبيني اناديه ؟
 سميه حركت عينها بشموخ وهيا ماتبى تطلع خسرانه في النهايه : يلا تريحني من المشاوير
 بشار : اهم شي ياهبله لاتديه فلوس طيب
 سميـه : احسن برضو 
 واتصـل على السوآق اللي قاعد عاطل بـآطل يشتري مقاضي امـه دا حدو .. 
وقعد مع سميـه حق سآعه وبعدها هديل خرجت هوا ابتسم وسميـه وقفت : حرووح استحمى قبل لايترفع ضغطي ..

دخلت لغرفتها وهديل مبتسمه ف مكآنها ولساتها واقفه ..
اشرلها : تعالي ياعمري
 مشيت بخطوآتها الهاديه واول ماجآت عندو وقف وحضنها : يومـي دوبو يبدأ لما اشوفك 
 ضحكت : احب افتح عيني واشوفك قدآمي 
 وأخدهم الكلام وسميـه بغرفتها ... متنرفزه من تآمر ماسكه جوالها ومو عارفه 
 ليش مو مهتم 
 ليش ماتصل يسئل عنها 
 مو قال حيتصل على مواعيد الدوآ 
 مو المفروض يعرف ايش سار مع امها 
 رمت جوالها بقهر لما حست انها حتبكي ودخلت تستحمـى .. 

امآ بشآر . . .
ماسك يد هديل وبيلعب في الخآتم الي بيدها : هديل 
:ايوا حبيبي
: خلاص 
: فيه شي 
 زادت حركتـه وهوا يلعب بخاتمها : لا 
 سحبت يدها بشويش ودارت عليه بااهتمام : بشار ايش فيـه 
 جا يقوم الا مسكت يدو وماخلتو يتحرك : امانه قولي ايش بك 
: كنت بسئلك اذا تقدري تجي معايا 
 هديل : فين ّ؟ّ!
هرج بتوتر : فيه واحد يبا يشتري البيت ولازم اروح ارتب الفوضى اللي سارت في اخر يوم ... ماليا نفس ادخل البيت وغصبا عني حدخل وماليا نفس اشوف شي .. كدا مخنووق وبس 
 هديل مسكت يدو : حجي معاك 
 بشار : على قد ماباكي معايا بس وربي مابى انكد عليكي انا عارف 
 قاطعته : حبيبي لو ماكنت معاك وقت ماتحتاجني متى حوقف جمبـك 
 بشار طالع فيها رفع يدها وبآسـها : بعد نص سآعه ححرك يادوب ارتب قبل لايجو .
هديل : انا حقوم اجل اتجهز 
 حرك راسـه وكآنت حتوقف بس قربت وحضنته : احبك
 وقآمت من غير ماتسـمع رده مادخلت غرفتها راحت لغرفه سميـه .. 
دخلت من غير ماتدق واتوجهت للحمآم : روووان
: هااا
: افك ؟ بتـ
 وبنص كلامها فتحت الباب : ابا استحمى ممكن
 هديل : بلا فجعتيني
 روآن : فيه شي ؟
 هديل : ايوا فاضيه تجي معانا ؟
 روآن : لا انا خارجه 
 هديل : بشار رايح بيت اهله وحيرتبه عشان جاين نآس يشوفو البيت ومايبى يروح لوحده تعالي معانا نساعده ونغيرله جو 
 روآن سكتت كآن نفسها تخرج لوحدها بس بشار دايما واقف معاها : طيب 
 هديل ابتسمت : ان
 وف نص كلامها قفلت الباب فوجهها : ياااحيوانه كنت بهرج 
 روان ضحكت في الحمام بالعنيه قفلــت تحب تنرفزها 
 راحـو اتجهزو وجآهم بشار شافهم الاتنيـن جاهزين 
 حسب روآن نازله للسواق بس لما ركبت ورا دار راسه : نعم !
روآن : بجي معاكم 
 بشار : ولسواق ؟
 روآن : عادي خليه لو اباه قولي يجيني فين ماكون 
 بشار : هههههههههههههههه انتي تعيشي الجو على طول ... كل النآس في ثانيه يسيرو يشتغلو عندك 
 روآن : ههههههههههههه 
 وطــول الطريق عدا عليهم وهمآ يهرجو روان مدخله راسها بين الكنبتين اللي قدآم 
 وححاشره نفسها باأي هـرجه ..حتى لما يمد يدو يمسك هديل تضرب على يدو 
 سوتلهم ازمــه 
 بشار : ههههههه سميـه بلله ماتخليها تسافر 
 سميه : اقول لاشهر عسل ولا شهر بطيـخ وبعدين حتى حتى لو رضيت انا بروح معاكم 
 بشار : هههههههههههههههه يابت اسررري انا بسافر عشان اشرد منك تجي معانا ليش 
 سميه شهقت : بلله تسيبوني لوحدي 
 بشار : لا ححاول اشغلك في اي مصيبه 
 سميه : ههههههههههههههههههه بشار وربي ماحتروحو والله ابكي والله افضحكم واقول للكل انك خاطفها 
 بشار : ههههههههههههههه 
 هديل : ههههههههههه
 بشار : ايش منظري وانا اخدك معانا
 سميه : والله ماطفشكم واقعد عاقله 
 بشار : ههههههههههههههه هيا دي الجمله لوحدها تخليني اعرف انك كذابه 
 سميه : يعني حطفشكم شويا بس 
 بشار : على شرط 
 سميـه : ايوا 
 بشار : مالك صلاح في هديل امسكها اشيلها احضنها انتي اخر وحده تتكلمي 
 هديل طالعت فيه مفجوعه 
 وسميـه : لا بللللللللللللللللله 
 بشار : هيياااا خدلك حتكون مرررتي انا حررر 
 سميـه : خليني خليني افكر 
 بشار : كمااان هوا انتي اللي حتفكري 
 سميـه : طلع الموضوع صعب شويا 
 بشار : هههههههههههههههه
 هديل كالعاده بينهم بس تضحككك 
 ماتحب تحشر نفسها بكلامهم تحب تسمعلهم تتطالع فيهم 
 دول الاتنين اللي يهموها في دي الدنيآ كلها وماعندها غيرهم .. 

واول مادخلـو الحي التلاته بدأت تتمحي منهم الابتسآمه 
 روآن هنآ اكتشفت اكبـر فجعه بحياتها 
 هديـل على انها كآنت كذبه ادتها شي حلو بحيآتها بس تكره تتذكر تفاصيل الحآدث 
 بشـآر هنآ كل شي يوجعه الف والف قصـه 

 وقـف سيآرتـه واتوجه للبـآب الكبير فتحـو وكآنت اكبـر غصـه 
 وكأنها واقفه بنفس داك المكآن 
 عند باب الفلـه وتطالع فيه بديك النظره المقهوره لما رفـع صوته على امـه 
 نننسي كل ملامحها 
 ابتسامتها ضحكتها 
 ودا الشي الوحيد اللي محفور في بآله 
 ديك النظره اللي تدل على قهرها منـه
 شتت نظره وفتحلهم البـآب ودخله 
 هديل اول مرا تدخـل 
 الصمت سيد الموقف مشيـو ورآه وفتح باب الفلـه 
 اشياء حور بكل مكآن 
 على الكنبه بلوزه 
 كتاب لها على الطآوله 
 عروسـه 
 كريم 
 شباصه 
 امها كآنت قبل لاتخرج تمسك اي شي 
 وتقول لأمها حق حور .. حق حور .. ياأمي حق حوور 
 اما بشـآر اشرلهم : خلاص اقعدو بس برتب 
 اخد لبس حور اغراضها اللي على الطاوله وكتآبها لمهم كلهم مرا وحده 
 ووقف عند باب غرفتها 
 ماقدر يدخل
 الغرفففففففه ريحتتها حوور
 اجوااء حووور
 رجلـه تقيله مو قادر يدخل 
 سميـه جات لعنده مدت يدها : هات انا ارتبها 
 سحبت منو الاشياء وهوا اتوجه لغرفتـه 
 جلس على سريره وبكيي 
 اصعب شعور انك تدخل مكآن فيه كل الذكريات لشخص راح وماحيرجع 
 لشخص انتا نقصت بحقوو كتيــر
 ومن بين افكـآره جات على يده ... يدها اللي تهون عليه كل شي 
 حضنتـه ورجع يبكي زي كل مررا يتذكر انها راحت وماحترجع 
 جلست معاآه نص قالتلو يجلس وهما حيسو كل شي رتبـه البيت 
 ونزل البيدروم جاب شنط كبيـره وكآن بيعبي اغراض امـه المهمه 
 وبرضو همآ اللي ساعدوه جالس بينهم ورتبـو كل شي في الشنط 
 مو بس هوا صعب عليه دخول البيت 
 امه رفضت تدخللله لو فيه كنوز الدنيا 
 ماتبى دا البيت لا بخيره ولا بشره 
 راحت حور وبنسبه لها دا البيت راح معاها 

 وجا اللي يبا يشوف البيت مع انو شاف صور بس برضو جآ يطل 
 وهديل وروان في السياره .. عجبـه البيت ودا اول شي اتخلص منـه بشار .. 
حيخلي عمو يصرف اغراض اخته تجي مرته وبناتها ويحاولو يصرفو كل شي 
 هوا مايعرف ماحيقدر ... 

امـآ لمى ... من امس بين الصحآن والنوم تشوف رسايل كل ساعتين من عدي 
 ونفس حالتها هوا يصحى وينآم 
 جووو كئيب كل شي مالو طعممم 
 ثقل في اليوم 
 وجججع 
 مابترد على الكلام تقرا وتبكي وتنآم 
 اتصلـت على تآمر وماعندها اي خبر على احمد محد قلـها اطمنت على امها ..
وبعدها كتبت لعدي كلمه وسابت جوالها ... 


عدي نــزل شافهم ملموميـن تحت ومشي من جمبـهم بكل هدوء
 يعرفووه لما يكون مخنووق بس دي الره عيونه حتى محمره
 امـه : عدي 
 دوبـه طلع اول درجه وطالع فيها : نعم ؟
: ايش فيه
: ولاشي طالع انام 
: مو دوبك _ وسكتت لما زوجها قلها سيبيه _ خلاص طيب 
 وطلـع عدي يفتح الواتس وقرا كلمتها وساب جواله من غير مايرد عليها ولا يتصل 



 امـآ علا جالسه بينهم ومو عارفه ايش تقولهم ..
ابوه : سيبيه خلاص 
 امـه :منتا شايف كيف وجهه 
 ابوه : عشان كدا بقولك سيبيه 
 علا بكل تردد هرجت : بابا تعرف قاسم داود 
 الاتنين طالعو فيـها ومستغربين من الهرجه الشاطحه : مين مايعرفو ..
اعلا قلبها يدق بسرعه لو ماعرفو منها حيعرفو من برا : تعرفو البنت اللي جاب منها الولد واترمت في السجن 
: ايوا ؟!
معقدين حوآجبهم من توترها واضح انو الموضوع يخصها مع انو مالهم اي علاقه بقاااسم ..!!!
علا : البنت دي هيا اخت لمى 
 امها : لمى مين 
 علا : لمى لمى حقتنا
 محد علق عليها ماستوعبو وبـس 
 لما ملامحها ماتغيرت قالت امها :تستهبلي انتي و
 علا قاطعتها : والله من جد زيي زيكم امس عرفت اخر الليل انو همآ 
 ابوها : يااشيخه اخوان لمى ناس عاقله مستحيل مستحيل يسوو اللي سوه اهل ديك البنت 
 علا من رشا فهمت اكتر عن اهلها : اللي فهمتو يابابا انو ماكآنو يدرو عن شي ولما عرفو دحين اخدو حقها 
 يرجعو يسكتو تآني بصدمه 
 صدمـــه مفجوعين
 علا رجعت تحكيهم نفس اللي مكتوب عنهم ووضحتلها انو اهلها ماكآنو يدرو عن شي 
 وانو همآ عانو وتعبو نفسيا كتير بسبب فضيحتها 
 ساعه ونـص ولااتحركو 
 ساعه ونص نقــآش ومصدوميـن 
 الناس ايش حيقولو اكيد دي اول جملـه قالوها
 بس ماأخد حيز كتير لما ابوهم انهى النقاش بجمله " النآس ماترحم احد بلاشي ندخل بدي المواضيع "
فهمو كلهم كآنو خايفين على سمعة عدي زمآن والناس مارحمتهم 
 خرجت منها تنهيده : والله مو عارفه ايش اسوي كيف اتصرف اتصل على الام ولا نسوي نفسنا ماعرفنا شي 
 زوجها : مالنا صلاح لو رفعت سماعه وقالتلك شي اهلا وسهلا ماقالتلك خلاص يمكن مو حآبه 
 علا : ايوا ياماما الله واعلم كيف اصلا نفسيتهم حاليا 
 الأم اتقشعر جسمها :الله يلطف بحآلهم والله مو عارفه احزن على البنت اللي راح عمرها ولا على الام ...مع انو مدري كيف قلبها طاوعها ترمي بنتها دي السنين لو اخوانها انعمو بالشرف وبعرضهم كيف هان على امها تسوي كدا
 علا : السؤال مو هنآ ..عدي كآن يعرف من زمآن ولا دوبـه عرف معانا !!!
ابوها : يكون زعلان عشان دا الموضوع ؟!؟!
علا : مدري مع انو اتوقع لو عرف معانا كآن حيتنرفز منها ماحيكون كدا
 امها وقفت : استغفرالله منك خوفتيني خليني اروح اشوف ايش بو 
 زوجها : سيبيييه خلاص هوا يصطفل منه لها 
: قلبي مو مرتآح
 وطلعت على طول 
 علا : خليها تتكلم معاه 
 ابوها : خلاص هوا متى مايبى يتكلم حيجي يحكينا 
 علا : ههههه يابابا عادي ولدها ايش فيها لو سئلته بنفسها 
 ابوها : ماحب دا الاسلوب مدري متى حتبطلو 
 علا : مو دا اللي نحبو فيكم واحد يسيبنا على راحتنا والتاني مايقدر ويقعد ينكش 


 امـآ ام عدي دقت الباب وبعدها فكتو شال اللحاف عن وجهه : ها 
 فتحت شويا الاضائـه : قوم اجلس عارفه انك ماحتنام 
 عدي : فيه شي ؟
 امه قفلت الباب وراها وسحبت الكرسي المكتبي لجمب السرير : اجلس عشان نتكلم 
 عدي جلس : ها !
امـه : ايش بينك وبين لمى 
 عدي : مافي شي !
امه : طيب مافي شي تبا تقولنا هوا !
عدي : شي زي ايش !
امه : انتا عارف !
عدي حرك راسه : مافي !
امه : وموضوع اختها وقاسم داود ؟
 عدي في باله هرجه ام لمى ولمى نسي موضوع ترف : اهااا 
 امه : عشان كدا زعلان منها دوبك عرفت ؟
 عدي : لا قالتلي من فتره 
 امه لانت ملامحها : اجل ليش مضاربين 
 عدي حرك راسه من غير مايهرج بولاشي
 امه : عدي فيه شي 
 رفع جوآله : لمى دوبها طلبت الطلاق 
 شهقت بصدمممه : اااايش !!!!!
عدي حط لجوال جمبـه ومابيطالع في امه 
 امه : ااايش سار فهمني 
 عدي بصوت مخنوق : ماليا نفس اتكلم 
 امه : ياولدي فرحك بعد بعد تلات اسابيع وتقولي ماتبى تكلم 
 عدي : خلاص وربي مخنووووق 
 امه : البنت وانت مو متفقين يعني لو ماتباها قولنا و
 عدي قاطعها لما رفع عينه عليها : ابااها بقولك هيا طالبه الطلاق ... ماعاد تباني 
 امه مفجوعه : ايش ساار مو مرتاحه معاك ؟ 
 عدي حرك راسه بالنفي : والله يهون عليا الموضوع متفقين ولا مو مرتاحه خلاص كدا كل واحد يروح في حآله وانتهينا
 امه : عدي والله قلبي حيوقف فهمني زي الأودام ايش الهرجه 
 عدي : امس وحده كلمتها وقالتلها كل البلاوي الللي كنت اسويها زمآن 
 امه عقدت حوآجبها : اعوذ بلله منها مين ديي !!
عدي : مددري بس لمى من يوم ماعرفت بتبكي وطلبت الطلاق جلست معاها اخر الليل وخرجت وهيا هاديه قلت حتصحى وحتستوعب الموضوع بس برضها كتبتلي طلقني .. مارديت ولا اتصلت 
 امه : من جدها دي تبا تطلق علشان ماضي هيا مالها علاقه فيه 
 عدي : امي هيا مفجوعه 
 امه : مفجوعه ولا مو مفجوعه ايش الكلام الفاضي دا مين مايغلط في حيآته ايش شغل الاطفآل كل وحده على اتفه موضوع حتنطق كلمه زي كدا 
 عدي : مو انا سايبها تهدى وبعدين البنت قالتلها تفاصيل انا حرقتني لأنه عرفتها لمى ..والله عارف صدمتها لأنها بريئه ولأنو خايفه اني ارجع لكل شي سار زمآن لمى عاشت حياه كلها توتر وتخاف من بكرا دحين رجعتها انا لنفس الشي ..عارفه انو انا حاليا انسان تآني بس خايفه ف يوم ارجع لداك الشخص بذات لأنو اخوها ليث كدا كآن .. فجأه اتغير عليهم 
 امه : انتا ليش بتديها مبررات 
 عدي : لأنو مقدر نفسيتها عارف انها مو علا ولا بنات خالتي .. ليومك دا مستحيل انسى يوم ماشوفتها مضروبه وسرت اتخيل انو حياتها كلها زي كداا تبيها تثق في واحد كآن حق مخدرات وحشيش كآ
 امه قاطعته : عددددي فكر بعققل اوك البنت عاشت حياه صعبه بس الزوآج عمرو مآكآن يتقاس بنفسيه الشخص فيه منطق دا ماضي دا شي ماتحسابيني عليه نقطه نهايه السطر 
 عدي : ايش تبيني يعني اروح اقلها ماحطلقك وغصبا عنك اتقبليني 
 امه : انتا عارف انا ماحب دا الاسلوب لكن لاتجيها بالمسايسه وانك غلطت بحقها لا انتا ماغلطت بحقها حاول تفهمها انو انتا غلطت بحق نفسك فهمها انو تغيرك كآن خوف من ربك مافي اقوى من دا الشي لو عرفت انو انتا تخاف ربك فيها انتهى كل شي بكرا كلنا مو ضامنين ربنا ايش حيبلانا ف حياتنا بس وقفتها جمبـك دا دليل على حبها ... 
عدي : برضو مو عارف ايش حقولها ! مو عارف اتصرف معاها بتبكي وانا بجد ماعرف اتعامل معاها وهيا كدا اتوتر وانخنق 
 امه : قلها طيب حديكي اللي تبيه 
 عدي : امممي ! مستحيـ
 قاطعته : اصبـر لو تحبك حتتمسك فيك قلها الكلام اللي عندك وقلتلك اهم شي انها تفهم انك انتا اتغيرت دينيا وفي النهايه قولها لو مصره على الطلاق طيب 
 عدي : مابى اقهرها 
 امه : ماحتقهرها بعض الاحيان دي الكلمه تفوق الحرمه ف قرارها 
 عدي : ولو برضها خايفه وصممت على الطلاق
 امه : وقتها مابيدك شي عندك دا الحل ولا إنك تسيبها في حالها تهدى يوم يومين تلاته 
 عدي حرك رآسه 
 امه : دحيين مين دي اللي لها مصلحه تسوي شي زي كدا 
 عدي : والله ولا فكرت كلام لمى صدمني بس اتوقع وحده تعرفها وحاقده عليها 
 امه : طيب سئلتها ؟!
عدي مسك جوآله : لا _ فتح الصوره اللي ارسلتلو هيا لمى _ 
انتي اخت ترف 
 الجملـه دي خلتو دوبه يستوعب انو الموضوع فيه ترف !!!
اتغيرت ملامحـه كليا 
 امه : ايش بك ؟!
 : دقيقه 
 كتب اسم ميسا في الانستقرام وحسابها مفتوح شاف صورها 
 مو متذكر مين دي 
 بس شكلها مو غريب 
 شافها اخر مرا قبل 3 سنوآت : شكل البنت مو غريب عليا 
: اشوف 
 دار جوآله 
: وي دي اخت رشا !
 : مين رشا 
: صحبة اختك 
 عددددي تننننح 
 فضيحتتته وصلت من علا دا اللي فهمه ميسا حاقده عليه 
 ليش مايدري بس اكيد الموضوع فيه علا 
 وقف على طوول وفتح باب غرفته وامه وقفت : عددددي فين راايح 
: علااااااا
 نززل الدرج وبعد مآكآن الموضوع فارق معاه انححححرق
 ولللع 
 حققققد 
: علاااااا 
 علا انفجعت في نص هرجها طالعت بعدي اللي متوجه بكل هجوميه وامها تلحقه : ايش بك ؟!
عدي : انتتي متمشكله مع اخت رشا ؟!!
علا : لا بسم الله مابيني وبينها شي
 عدي بعصبيه رفع جووواله : شوووفي شوووفي ايش راحت تقول للمى 
 علا وقفت واخدت الجوال تقرا والصدمه تطغي على ملامحها ورجعت رفعت عينها على عدي : والله مدري متأكد انو هيا ؟!
عدي : ااايوا متأكد 
 ععلا تبا تستوعب جمله انتي اخت ترف 
 ترف على كلام رشا متزوجه طليق ميسا عشان كدا اهلها ماوافقو على تميم 
 تبلع ريقها وقلبها يدق بسـرعه 
 عدددي : علا لاتستهبلي ايش مسوويه للبنت عشان تجي تتكلم عني كدا
 علا : والله العظيم ماليا صلاح 
 امـه : عدي اهدى 
 عدي بعصبيه يهرج : فينننن اهدى البنت وطلعت نعرفها للليش ليششش تبا تسسسوي شي زي كدا
 ابوه : ايش بكككم ياناس ايش قالت للمى 
 عدي طالع فيه : قالتلها اني واحد وسسخ وحق مخدرات وبنات ولمى تبا تتطلق والست علا ماتبى تهرج ا
 علا قاطعته : بقووولك والله ماليا صلاح اخت لمى متزوجه طليق ميسا 
 الكل طالع فيها بصدمـه 
 علا بتوتر : امس ميسا عرفت انو زوجها مو زوجها قصدي طليقها اتزوج 
 عدي : يعننني مو زوجها كممان وسوت تحديد على الكل واختارت اضعف وحده عشان تأذيها 
 علا مفجوعه من عدي : والله مدري عنها وللإيش تبا توصل بحركتها دي
 امه : استغفرالله العلي العظييم 
 عدي : اخوها اخوها مو _ طالع في ابوه _ مو انتا تعرفه 
 ابوه : ايوا ايش دخل اخوها 
 عدي اتوجه لأبوه وسحب جوال ابوه من على الطاوله : ايش اسموو 
 ابوه وقف : هات الجوال ياعدي 
 عدي : وررربي لاأروح اتفاهم مع ابوووها ولو إني مو رجآآآل حقفل الموضوع هنآ
 ابوه : ياولدي المواضيع ماتنحل كدا
 عدي : مرتتتي تباني اطلقها وبنتتت الكلبببب قاعده تبكبك على طليقها على قفففى اهللي الا كدا تنححل تباني اروح افضحها تباني اروح اسئل عنها اصحااابي وافضحلكم هيا زي مافضحتني 
 امه : ياااعدي تبا تنزل نفسك لسمتواها 
 عدي : سيبوني اجل اتفاهم مع اهلها ياتخلوني اتفاهم مع اهلها ولا والله لاأخلي سمعتها تنداس عليها وربيييي
 ابوه : سيبني انا اتكلم مع لمى 
 عدي : حتى لو لمى رضيت انا ماحيشفي غليلي الا لو بردت قلبي
 امه جات تمسكه وهوا بعددد بنرفزه : لاتمممسكيني الله يخليكي ياأمي 
 امه : الله يحفظك اهدى لاتسويلنا مشاكل مع الناس 
 عدي : ماحسوي شي اهلها وحيتفاهمو معاها ..ايش اسم اخوها 
 ابوه مارد 
 وععددي ولللع : اببووويا عارفني صححح عارفني اني ممكن افضح البنت عارفني اني حنزل لسمتواها الووسخ 
 ابوه اتتنهد موتره شكل عدي : مسجل باإسم رامي حامد 
 وهنـآ عدي انسحب على طول وطلع لفوق .. 
 : لا حول لاقوه الا بلله 
 علا محروق قلبها على رشا تحس اللي حيسويه عدي في ميسا حيشفي قلبها شويا 
 ابوه : ايش هررجه لمممى 


 امـآ فوق رايح جاي بغرفتـه ماتوقع انو الموضوع كدآ 
 انو وحده في النهايه يعرفها 
 حسبها من صحبات لمممى 
: السلام عليكم 
 رامي : وعليكم السلام 
:معايا رامي ؟
: ايوا هلا 
: انا عدي ولد
 رامي قاطعه : هلا هلا عاش من سمع صوتك 
 عدي مو متذكره حتى ولا رد على جملته : رامي ابا اتكلم معاك ومع ابوك في موضوع 
 رامي اتغير صوته : خير فيه شي 
 عدي : ابا اقابلكم 
 رامي : والله خوفتني فيه شي ساير
 عدي : لما نتقابل حقولك 
 رامي : طيب حشوف ابويا ومتى يقدر
 عدي : ابا دحين اجي 
 رامي ضحك بخوف : هههههه ايش بك 
 عدي : رامي من النهايه ماعندي رقم ابووك ابا اتفاهم معاكم ومسافه الطريق حكون عندكم 
 رامي عرف انو في مصيبه وكبيــره مايعرف عدي ومتصل يتكلم معاه بدا الاسلوب !! : طيب انا في بيتي حشوف ابويا في عمله ولا في البيت وحقولك فين تجي 
 عدي : طيب لاتتاخر بلله 
 وقفــل منـه غير ملابسـه اخد جواله وجوال ابـوه ومفاتيح سيارتـه وخرج 
 حاااااااااااقد على ميســآ 
 نززل وامه نادته وهوا مممشي طالعت في زوجها : كآن روووحت معااه 
: بلااشي يغلط على الناس واسير انا اعتذرلهم
 علا بعد مآكآنت مبسوطه استوعبت انو ابو رشآ شديد وبدأت تخاف 
 تقول لرشا 
 ولا تسكت 
 ولا ايش تسووي 
 مو عارفه 
 جلست بين اهلها وعقلها مو معاها 
 وامها بدأت تندم : ياريتني ماكلمه ..ياريتني صحيت عزآم يروح معاه ... لايسوو ولدي شي 
 وزوجها هادي عارف انهم نآس محترمه وهوا اللي انغلط عليـه ليش حيسوله شي .. 


امـآ عدي اتوجه للموقـع اللي ارسله هوآ رامي .. 
ورامي سبقه على بيت اهله اللي قريب منـه ... ابو رشآ مرا ماعجبه الموضوع 
 وشايفها قله ادب انو يجي بدا الاسلوب ايش مآكآن عندو مايلزم عليهم شي ... 
واستنوه لين ماتصل على رامي وراح استقبله ودخــل 
 جلس وعيونهم الاتنين عليـه . 
رسميات كيف وكيف الاهل دا الكلام اللي مايبوه بس غصبا عنهم انقـآل 
 عدي بعد مانقل في السياره رقـم رامي لجوآله ..رفع جواله : شووف حرسلك حآجه على جوالك وبعدها حتكلم 
 ارسل لرامي كلام اخته للمى .. 
ورامي يقرا وملامح وجهه تتغير ..شايف اسم ميسا عارف صورتها في الانستقرام ..
رفع عينه على عدي وضايع الكلام منـه 
 وابوه لسى مو فاهم شي 
 عدي : انتو وصلكم هرجتي زمآن لما غلطت وشايفيني قدآمكم انسان تآني واتغيرت والحمدالله 
 رامي مكتووووم 
 ابو رامي : الله يهديك ويهدي الجميع 
 عدي : ان شالله يارب .. زوآجي المفروض _ شد على الكلمه وهوا يعيدها _ المفرووض بعد تلات اسابيع واقل كمآن ..انا دوبني عرفت انو طليق بنتك اتزوج .. ودا نصيب صح ولا لا ياعمي ؟!؟؟!
ابو رامي من ورا قلبه : اكيد !وقبل لايكون طليق بنتي دا ولد اخويا 
 عدي ولا يعرف صلة القرابه اللي بينهم : طيب حلللو ولد اخوك اتزوج اخت مرتي 
 كلهم اتفاجئو 
 عدي يحكيهم حببببه حبببه ورامي بدا خلاص يستوعب الموضوع : انا دوبني عرفت انو زوجها يسير طليق بنتك 
 ابو رامي : طيب انا مو فاهم ايش تبا ؟!
عدي : حقولك ياعمي _ سحب نفسه لطرف الكنبه وهوا يتكلم بهجوميه وبالقوه ماسك نفسه مايغلط _ بنتك لما عرفت راحت اتكلمت مع مرتي اللي ماتعرفها اصلا وقالتلها زوجك وسخ وزوجك زمان كآن حق مخدرات وحق بنات وانتي كيف حتكملي حياتك معاه من النهايه فضحتني وبعد مآ كآنت مرتي مرتاحه معايا اهو طلبت الطلاق مني بسبب بنتك اللي قاعده منهاره على طليقها اللي ما يحقلها من الاساس تنهار عليه بيتها هيا حره هدمته بيدها ولا كآن دا قرارها بس تجي تهدم بيتي باأي حق باأي حق تتكلم مع مرتي عن ماضيا باأي حق تلعب بعقلها مرتي صغيره مو انسانه كبيره عشان بعد دا الكلام تفكر بعقل 


 ابو رآمي ورامي مكتوميـــن انو يجي واحد لبيتهم يقولهم بنتكم وبنتكم وبنتكم 
 شي يسود وجهههم 
 لو ولدهم حيقولو حقك علينا بس بنتنآآآ 
 اتعاطفو اممسس معاها بس يوصل فيها الهوس انها تهدم بيت احد
 عدي طالع في رآمي : انتا يرضيك اني ارسل أختي لمرتك تقول عن شي سويتو ومرتك ماتدري عنو ؟؟ 
 ابو رامي اتكلم بلكلكه : والله ..يمكن .. مو بنتي انا عارفها مو 
 رآمي قاطعه بصوت واطي وباإحراج: الا هيا 
 وعم الصممت 
 عدي : الشي اللي سوته في مرتي انتا ياعمي حتحاسبها عليـه وجيت لعندكم عشان انتو توقفوها عند حدها اكتر من الكلام اللي قالته ماباها تقول ومابى اي علاقه تربطها مع مرتي 

 ماقدرو ينطقو بشي كسرررهم بكلامه 
 وقـف وهوا يعتذرلهم برضو وهمآ هنآ ضاع الكلام منهم زيآده 
 عارف انو رآمي قبل ابوه بياخد بحقـو 
 شايف الحقد بعينه 
 حاسس انهم يبوه يمشي عشان يطلعو العصبيه والاحراج وكل شي 
 وبعد مآكآنو حزنانين 
 بعد ماحقدو على برااء امس 
 اليوم اخر همهم براء 
 انقفـل الباب من هنآ 
 ورامي زي المجنووون ينادي : ميساااااااااااا
 بس محد وقفــه ابـوه كآن وراه 
 وهيا صاحيه من بدري من الهم اللي عايشته 
 وكأنه مافي بنتين بيبكو بسببها 
 اختها ولمى ضحيــه .. وهيا برضو المظلومه بعينها 
 ودخل رآمي زي المجنون ولأول مرا يصرخ بدا الجنون على اختتته قلها كل شي 
 واول ماوقفت ورفعت صوتــها وتبرر لنفسها اداها كــف وهيا رجعت لورا وحاطه يدها على خدها 
 وهوا يدفها من كتفها : اننننناااا ...اناااا تحطيني بدا الموووقف ..انااا وابويا تخلينا مانعرف نتكلم 
 رفعت عينها على ابوها تباه يسحببها بس نظرتو تفجع اكتر من رآمي 
: انتو مو حاسين فياا 
: برضضضك ياككلبــه _ مسكها من شعرها وقربها لعندو _ تجيبي سيررره برااء على فمك والله ادفففنكك دا طليقككك ماتفهممي ايش يعني طليقك 
: سيببببني ياااباباا بعدوو عني 
 ولا اتدخل ابوها 
 ورامي من حركاتها يتنرفز زياده مو شايفه انها غلطانه واول ماقالت : هيا اخدتو مننني 
 وهوا اتجننن ايش دخل اخت البنت في براء 
 وبراااء هيا اللي جاتهم وقالتلهم ماباه هيا الي بدات المشكله 
 هيا اللي قالتلهم كرهت الحياه الزوجيه وطفشششت وانا ابا ارجع البنت اللي حريتها بيدها 
 ضربــها 
 مرا ومرتين وهيا تبببكي 
 رشااا جات مفجوعه واكتفت انها توقف عند الباب وتتفرج والصدمه طاغيه عليها 
 رااامي عمرو مارفع صوتـه عليهم 
 عمرو ماتدخل بحياتهم واليوم مو بس رافع صوته الا بيضربها كمآن كل ماتبررر كل ماتدخل بعينه 
: انتتتي ماتستحي ماتبي تفهمي انك هدمممتي بيت واااحد بسبب تخللفك جا لعندنننا وهاننا ف بيتنا وماقدرنا نفك فمنننا 
 وميسا تببكي بصوتها : اطلللع براااا 
 رفع صباعه بتهديد : وربي مالك خرجه من البييييت الا لما تستوعبي المصيبه اللي سويتيها _ كان خارج الا شاف لاب توبها وجوالها سحبهمم وهيا زاادت بككككا_ 
ميسا : رااااااامي 
 ولا كأنه خررج والعصبيه طاغيه عليه قفل عليها الباب وطالع في رشاا : لو اشوفك تدخلي علييها والله لاأكسرلك رجلك 
 رشا حركت راسها بخوف وطالعت في رامي اللي راح ورا ابــوه ادالو بس اجهزه ميسا 
 ورجع لبيته مععععصب 
 متضااايق متنررفززز 
 اكتر شي يحرق الرجآل الموقف اللي تجيب فيه سيرة اختـه وتكون غلطآآآنه 
 ذل مابعدوو ذلللل 
 اما ميسا بكل صوتها تبكي في الغرفه 
 عارفه انها غلطت وماتوقعت انو اليوم التآني ينكفش الموضوع 
 ماتوقعت انها حتنفضح ويكبر لدي الدرجه من الحقد والعصبية اتمعت
 بكيييت بالساعات خرجت من غرفتها بعد اربع ساعات كآنت بتتغدى معاهم وصرخه ابوها فجعت الكل : ياأنااا ياإنتي على دي الطاااوله 
 وعينه مثبته عليــه 
 ضغطت على رجولها وسحبت الكرسي لوراا
 وقفت ودموعها بعينها 
 واتوجهت لغرفتـها وماخرجت طول اليوم 



 عدددي ماتوقع ماتوقع انو يرتآآآح 
 بس نظره رااامي 
 نظره ابوووها 
 ياأللله كيف يحسس انهم حيبردو قلبـه 
 صح ماحيرجع شي بينه وبين لمى
 لكن 
 فيه شي طفى شويـآ من العصبيه اللي جوتـه 
 رفع جوآله واتصل على تآمر .. يبـآ يطمن على عمته ..
 : ايوا هلا ..كيفك ياتامر .. تمام الحمدالله .. كيف حآل عمتي ؟ ... ياألله يلا اهم شي هيا طيبه .. لمى !! ..لا ماكلمتها فيه شي .. ولد ليث ! ... لاحول ولا قوه الا بلله .. طيب طمني بلله .. الله يشفيــه ... خلاص مو مشكله حجيبها عندك 

 قفـل وماينكر انو قلبه انقبض وحزن على ولد ليث
 صح يكره ليث بس ولده ِطفل ماله ذنب 

 على قد مايبى يشوف لمى على قد مايبى يشوفها 
 كدا تناااقض جوتـه 
 يبا يحضنها 
 ويبا يسيبها تفكر 
 عارف انو كلام امه صح 
 بس لو ماكآن الشخص ضعيف في حبه متى حيكون ضعيف 
 دمعتهااا وكلامها مايستحمملهم 
 لو كآن عندو شي يبا يقولو بنظرتها بدمعتها خلاص يرتبك
 ويقولها انا اسف 
 يفكر يفكر لين ماوصل لبيتهم 
 وطلع واقف قبال البـآب وعارف انها ماحتفكلو ..اخد جوآله 
 واتصل : ايوا تآمر .



عند تآمر وقبلها بسآعات .. 
يصحى وينآم وعلى دا الحآل ...الحرمه اللي مشاركه امه بنفس الغرفه كل شويا تصحيه بصوت جوالها 
 وامه نآيمه بعمممق .. 
ويخرج يتصل على تميم ولما يعرف انو وضعهم اسوء منهم يرجع يدخل الغرفه ويجلس وكل اللي يسويه انو يدعي 
 حالهم يتعدل وبـس ... 
خطرت في باله روآن الف مرررا 
 وبدي الالف مرا كآن يشرد منها 
 لأنو ماحيكتفي انو يسمع صوتها بس 
 ف بعض المواقف الوآحد يقدر يحدد مشاعره 
 لما تمر باألف احساس وانتا برضك تفكر بنفس الشخص 
 هنآ تعرف انو دا الانسان بدأ يستولي على كل شي فيك 
 عقلك وقلبببك وكيآنك .. 
هنا تبدأ تديـه المعامله اللي يستاهلها 
 والمكآنه اللي يستاهلها .. 


فتحت عيونها وكل شي في باله اتبخر ..دقات قلبــه 
 متوتتتتر
 وقف وجا لحدها وهيا طالعت فيـه
 مررت لسانها على شفايفها الجآفه .. 
ولما طول تأملها وسكوتها عرف انها مو متذكرته 
 قال: انا تآمر
 لانت ملامحهآ عرفته من عيونه بس ماكانت قادره تستوعب 
 كيف كل شي متوقف بعينها وبعقلها 
 كيف ولدها واقف قدآمها وفاكرته وهوا لساته طالب ثنوي 
 وشنطته على كتفـه 
 جلس على السرير ومسك يدها : فيه شي يوجعك 
 اشرت راسها بالنفي وبعدها قالت بصوتها اللي كلو نوم : فين اخوانك ابا اشوفكم كلكم 
 تامر : حيجو كلهم حيجو ان شالله 
: ولمى 
 تامر يمرر يدو على يدها ويتكلم : في البيت حقولها تجي 
: هيا مسامحتني مو زعلانه مني ؟!
تامر سكت شويا بعدم استيعاب وبعدها قال : ليش حتزعل منك 
 امه : اتذكر اخر شي اني ضربتها ... مدري كيف ماحسيت بنفسي ... سمعتها اخر الليل تبكي وكنت حدخلها بس سبتها ونوم
 اخر شي متذكرته اول يوم رفعت فيه يدها على لمـى .. 
الللحظه اللي كآنت تقولهم انسو اختكم تــرف 
 وتدخل تبككي 
 اللحظه اللي توقف بشموخ انو هيا غلطططت بس تستنى الكل يخرج عشان تنهار
 لأنها ام 
 ديك القويـه بس بنفس الوقت أم وقلبها عليهم 
 تامر دموعه اتجمعت بعينه قال بهدوء : ديك اول واخر مرا ضربتيها فيها ... وصحيتي اليوم التآني اعتذرتيلها ...عارفه انتي لمى هبله ونسيت الموضوع 
 بس قال جملته الاخيره ابتسمت ودموعها نزلت 
 وهوا كمل بصوته المهزوز : البيت مالو طعم بدونك _ مد يدو ومسح دموعها _ ليش بتبكي 
: صوتك متغير وكل شي فيك متغير 
 تآمر ضحك : كبرنا ياأمي 
 ضحكت معاه وهيا لسى تتأمله بس بنظره حنوونه وكأنه عمرها ماشافتـه :فين ابـوك ..
تآمر اختفت ابتسامته : مسافر 
 قالها بدون مايستوعب ايش بيقول .. ماتكلم مع الدكتور !
خاف يصدمها 
 فاصرف الموضوع 
 مسك جواله بتوتر : خليني اتصل على تميم اشوف فينو .
وشرد من الغرفـه بسـرعه 
 زفر بتوتر ودوبـه بيتصل الا عدي اتصل وكلمه .. ودخل تآني عند امـه بعد ماتكلم مع الدكتور .. 
جلس جمبـها واكلها من الفطور 
 يتكلمو ويحكيها
 هوا ايش يشتغل 
 وتميم ايش يشتغل 
 وليث جاته بنت وولد 
 وكآن بيقولها وضع لمى الا 
 سئلت بتردد : ترف فينها 
 صدمتـــه .. جا يمد يدو يديها العصير الا قالت : الحمدالله شبعت .. 
شال الفطور وهوا يحطو بعيــد 
 وبيفكر ايش يررررد 
 ردوو ممكن يعدل كل شي !
اذاا هيا مو متذكره دي الفتره كلها ايش سار 
 فاكره دخول ترف الاصلاحيه بس مو متذكره شي بعده
 قلبه يدق بسـرعه 
 شال طاوله الاكل المرفوعه وجلس تآني .. 
بلع ريقـه : ترف خرجت .. ومتزوجه ... وعندها ولد 
 انصدممت منها وبعدها بترد اكتر : بتجينا 
 اشر براسه وقال بكدددب وهوا يبا يبكككي ككدا خلااااص كل شي خااانقه الكككذبه 
 وضع اممه كل شي ويبدأ يتكلم عن احلامه : كل اسبوع ..كلنا نتلم نهايه الاسبوع يتغدو ويتعشو عندك 
 امه تسئل بكل صعوبـه : انا سامحتها .؟
 تآمر سكت وبعدها قال : لما تخرجي من هنآ نتك
 امه قاطعته : كمممل ريح قلبي وكملي
 تآمر نزلت دموعه ونزل عينه على يدها وقلها الشي اللي يتمنآه برضو : سامحتيها لأنها مظلومه .. روحتيلها وهيا حكتك كل شي .. وخرجنآهآ ..ورجعنا عشنا مع بعض ... بس غيرنا بيتنآ ..غيرنا كل شي بسبب النآس
: كيف مظلومه ؟
 تآمر ضيق على عينه : امي الله يخليكي لما تخرجي يسير نتكلم بالتفاصيل
: بقولك كيف مظلومه 
 تآمر سكت لثواني وبعدها حكآهآ الحقيقه بس الكذبـتين الوحيده انـه قاسم داود ماقدرنا ناخد حقنا منه الا دحيـن 
 بسبب مشاكل كتير ايش هيا مارضي يحدد خايف يتورط .. 
والشي التآني انو ترف سابوها لمده سنـه 
 وهنآ بكيييت 
 بكيت لأنه مو قادره تستوعب انو بنتها مظلومه وعاشت سنه لوحدها : ياامي انتي عوضتيها لما خرجت 
 بس الجملـه ماريحتها ...تبا تشوفــها وهنــآ تامر مايدري يحس بالفرحه ولا خايف انها تتنكس حالتها 
 وترجع 
 وتتتترف ايش وضعها ..شاف المتصـل عدي 
 قام من مكآنه وحاول يغير نبرة صوته : ايوا عدي معليش دوبي انتبه للجوآال
 عدي : مو مشكله انا من اول تحت تقدر تقول للمى تنزل 
 تآمر عقد حوآجبه : انا ماديتها خبر انك جآي انتا ماكلمتها 
 عدي عاد كلامـه من غير مايرد على تآمر : عارف حستنآهآ اتصل قولها انا تحت 
 تآمر سكت للحظـآت وعرف انو فيه شي بينهم ..لو يدري مآكآن حط اخته بدا الموقف 
 بس مافي احد غيره يجيبها : طيب .. 
قفـل واتصل على لمى .. :ايوا لمى ايش بتسوي 
: جالسه متى حتجو 
 تآمر : ايش بو صوتك 
: دوبي صاحيه
:طيب .. امي تباكي
 لمى كآنت تبا تشوفها بس خافت لأنها طلبتها : فيه شي 
: عدي تحت انزليلو هوا حيجيبك واول ماتوصلي اديني خبر وانا حخرج اتكلم معاكي 
 لمى انكتممممممت 
: طيب ؟
 لمى : فين تميم ؟
: لما تجي حفهمك
 لمى : طيب
 وقفلت من تآمر مو قادره تقوم من مكآنها ...اصلا وجهها مورم من البكى 
 كيف حتنزل كدا ..دخلت الحمام وبعدها غيرت ملابسها ولبس عبايتها 
 رسمت حوآجبها .. حاولت بقدر الامكآن تبين شكلها طبيعي بس مرررا واضح ..
شالت شنطتها وجوالها وخرجت وكل ماتقرب لباب العمآره قلبها دقاته تزيـد
 شافت سيارته اتوجـهت فتحت الباب وركبت بكل صمت وحطت شنطتها عليـها 
 ماطالعت فيه 
 اتوقعت يتكلم بس شغل السياره وحرك 
 فجعها 
 كل مايطول صمتـه تحس انها تبا تبكي 
 مو عارفه ليش مو هيا تبا الطلاق 
 مو دا قرارها اليوم يشوفها ومايتكلم بكره ماحتشوفو من الاساس 
 مرا مرا الوضع يخنق 
 الصمممت من بيتهم ليـــن ماقربت من المستشفى 
 اتصلت على تآمر : انا قريب .. طيب طيب . باي
 نزلت الجوال وعينها على الطريق قالت بهدوء : تآمر يباك تجي
 مارد عليها 
 بس وصل وقف سيارته هيا فتحت الباب ومادري ليش انبسطت لما طفى السياره 
 وبعدها فتح بابـه ..اشرلها ومشي قدامها وهيا تمشي بهدوء ورآه ..
لين مادخلو وشافو تآمر وقلهم حآله امـه بتفصيـل 
 لمى مفجوووووووووووووعه نسيت كل شي سوووته فيها !!!
نسيت انهم سابو ترف سنيييييييين 
 نسيت انو ابوهم مآت .!!!!
تآمر : انا فهمتها انك جآيه مع خطيبك ومنها _ طالع في عدي _ تشوفك مرا وحده 
 لمى لعبت في اصابيعها بتوتر : احس قلبي حيوقف مابى اشوفها 
 عدي ماطالع فيها بس نبرة صوتها دي مايحب يسمعها ومايمسك يدا ولا انو يهديها بكلمه منـه او يأذيها 
 بس ماسوا شي 
 اما تآمر ضحك وهوا اللي مسك يدها : امشي تعالي وبطلي دلـع
 مشي ورآهم بس عينه على لمـى 
 وهيا لاصقه في تآمر 
 مابتسوي شي بس قلبه يوجعه وهوا يطآلع فيها 
 كاااره الوووضع مرا كارهه 
 ودخلو الغرفـه ..
وهنا لمى وقفت في مكآنها تآمر رجع سحبها وجآبها لحد السرير 
 لمى قربت سلمت على راسها 
 وامها تطـآلع فيها بصدمــــه 
 نفس نظرتها لتآمر اول ماشافتو اشرت على المكآن الفاضي جمبـها 
 ولمى جلست بتوتر 
 ابتسمت لمى باارتباك 
 وامها قربت وحضنتها وقالت بااسلوب اول مرا تسمعه : الله يحفظك كبرتتي وسرتي عروسه 
 كأأأأنها انسانه تانيه 
 لمى موسعه عينها ومحد شايفها كلهم شايفين ظهرها وبــس 
 وامها عكسها مبتسسسمه وتبا تبكككي من الفرحه 
 تمرر يدها على ظهر لمى ولمممى جسمها كلو يتناافض 
 شادتو وحاسه انها بحلم ..حاسه انه بحضن وحده غير امهااا 
 كيف نفسيـه شخخص ممكن تدممر انسااان كآمل 
 تدمر علاقاته 
 تدمر حتى علاقتـه مع بزورته 
 بعدت لمى ولساتها تبا تطالع فيـها واختفت ابتسامة امها لما شافت دموع لمى تنزل بصمت : ايش بك بتبكي 
 صوتها بكككى لمى زياده
 متعوده على نبرة صوتها العاليه 
 متعوده تهزأها لما تبـكي 
 رخت راسها ودخلت في دوآمه بكى 
 وتآمر فاهمهاا قرب منها وحط يدو على ظهرها وامها تمسحلها دموعها 
 اما عدي انسسسحب خرج ووقف في اللمر 
 مايستحمل يشوفها كدا .. عارف انها مفجوعه من المعامله 
 امه طلبت منـه يعاملها بجمود ودا الشي الصح دام وضحلها انو ماغلط 
 لكن مايقدددر 
 جلس على اقرب كرسي وخلاهم لوحدهم شويآ .. وسرح في افكاااره 
 وفجاه دار راسه لما جلس جمبـه تامر .. : ايش مسويتلك اختي 
 عدي ضحك غصبا عنه : ولاشي 
 تامر : طيب انتا ايش مسويلها 
 عدي مارد بيدور شي يقوله بس مو عارف كيف 
 تامر : لو فيه شي تباني اتفاهم معاها فيه قولي 
 عدي : لا الموضوع سار ياطلاق يانكمل وهيا براحتها 
 تامر انفففففجع 
 لا كان يبى يسمع شي بسيط 
 عدي :شوف انا حتكلم معاها قبل لاأمشي اذا لساتها مقتنعه حقولك الموضوع من بدايته لنهايته وانتا وقتها اتفاهم معاها اذا مصممه خلاص وقتها انا سويت اللي عليا واتمسكت فيها بما فيه الكفايه 
 تامر خبط على ظهر عدي : قووم تعال معايا دحين 
 عارف انو لمى فصلت فصله غبيه مو عارف متأأأكد 
 دخل عدي سلم على ام لمى ولمى واقفـه مارضي يجلس اكتر من خمسـه دقايق 
 حس الوضع شويا غريب فاسلم وخرج 
 الا تامر طالع في لمى : روحي قوليلو لما يرجع البيت يتصل عليا 
 لمى تنحت ..مو عارفه ايش الموضوع 
 تامر : يلا ؟
 لمى : طيب 
 وخرجت على طول ورااه وهيا مو فاهمه شي : عدي
 طالع فيـها وقف مشي وهيا جات لعنده قالت بتوتر بس بصوت هادي : تامر يقولك لما ترجع البيت اتصل عليه 
 حسب حتقوله حاجه تخصهم : اها ..طيب 
 مامشي بيطالع فيها وهيا مامشيت 
: مصممه على قرارك ؟ 
 زاد توترها لأنه مو عارفه ايش تبا شتت نظرها 
 عدي : تبينا نخرج في اي وقت ونتفاهم تاني ؟
 لمى حركت راسها بالايجاب 
 رجع اتكلم بجموووود : على العموم انا ماحتصل ولا حكلمك واتس الوقت اللي تحسيه مناسب كلميني وحجي اخدك 
 مع انو ماتبى تقول طيب بس قالت : طيب
 ومشي من غير اي ابتسامه 
 من غير اي ضحكه 
 من غير مزآحه 
 تبااااا تبككككي 
 بعد ردة فعلو دي حست انها ماتقدر تسيبو 
 دخلت الغرفه تآني ولمى رجعت جلست جمب امها 
 وامها تتكلم مع تآمر وترجع تتكلم معاها 
 سئلت عن ترف كدا مررا ودا لوحده الموضوع راعبهم 
 تآمر : خلوني انا رايح عندي كدا مشوار وحرجعلكم 
 وراح وسابهم ... يبا يشوف ليـث ويطمن عليـه .
واخر الليل حيمر على ترف ويكلم برضو معاهاا ..

اما في الغرفـه لمى صبت لأمها مويا وجلست ..وبتسئلها بس عن خطيبـها وكيف هيا مبسوطه 
 ولمى ترد باأجوبتها البسيطه
 لين مادتها جوآلها وتوريها صور ملكتها 
 لاشعوريا كآنت تبتسم كل ماتفتح كل صوره 
 تتذكر كلامه ومواقفه الهبله 
 وامها تعللق تعليقات ماتخيلت في يوم تقولها هيا على شعرها على فستانها 
 على مكيآجها جالسه تسمعلها ودمعتها بعينها وبتطالع بس بجوالها وتقلب الصور بيدها اللي تتنافض


_______________________

في أحد المطـآعم .. 
ودآهم عشـآن يتغدو .. 
قال وهيا تحرك الشوكه بالاكل ومابتاكلل من الاساس : خلاص خليها تجي 
 بشار رفع عينه عليها 
 وهيا كملت : ابا اقابلها عشان اخلص واكمل يومي مرتاحه حاستو زي الهم 
 بشار : دحين اتصل !
روآن مقعده حوآجبها وكأنها مغصوبـه : ايوا 
 بشار قبل لايتصل قال : انتي عارفه انها تبا تجلس معاكي لوحدها 
 روآن حركت راسـها بالايجآب 
 بشار : طيب 
 وخلص اكلـه وعلى طول قام واتصل بعيد عنها .. بس قالها نبرررة صوتها مافي زيها 
 يحسها زي امـو . طيبه وعلى نياتها 
 حددلها المكآن في كآفي .. وخلصو غدى وراح وصـل روآن 
 نزل معاها طلبلها حلى ومويآ ورجع لهديـل في السياره : ايش بك مانزلتي 
 هديل : خلاص مالو دآعي 
 بشار مد يدو وهيا حطت يدها عليـه : حأجل اليوم شغلي واقعد معاكي 
 هديل : ههههه حمدالله احد عبرني 
 بشار :هيا عشانك نآكره حكرهك بالخرجه 
 هديل : هههههههههه امزح حبيبي
 بشار مسك جوآله : خلاص راحت عليكي 
 هديل : اما حنرجع البيت 
 بشار : لا حوديكي مكآن تآني 
 عينه على الطريق ويرخي عدسه عينه ويطـآلع بالجوآل 
 هديل : عادي دامك معايا ماحكره المكآن 
 بشار : ههههههههههههه شكرا ياعمري 
_ ورفع جوآله على اذنه واتكلم مع وآحد بالانجليزي مافهمت هديل شي 
 بس واضح انو بيحاول ويطالع في الساعه ويرجع يتكلم _
وزادت ابتسامته لما قفل : كل شي جاهزززلك حتى الجوو يقولولي منآسب 
 هديل لانت ملامحها بخوف : على ايش 
 رفع يدها وباسها : دحين حتعرفي حبيبي 
 هديل : هههههههههه ترا والله مافيا حيل اسوي شي 
 بشار : ههههههههههههه ماحتسوي شي صدقيني
 هديل خافت من جملته : ياااااااااربي 


 امـآ في الكآفي جابتلها البنت الحلى وقاروره المويآ وكآسـه .. 
وهيآ لسى تستنى .
قوه ولا برود ولا ايش موقفها ماتعرف خلاص تبا تقابلها عشان تحس انها تتنفس براااحه 
 وتفكر ايش تسوي ببقيه اليوم 
 مسكت جوآلها وتطالع بااسم تآمر 
 واتصلت بدون تفكير .. ونفس الشي رد ولسى ماكتملت الرنـه 
 فجعها : بسم الله 
 تامر ضحك : هههههه 
 روآن لا سلام ولاشي على طول انفلتت عليه : كويس تعرف ترد بسرعه وماتعرف تتصل 
 تآمر : معلليش انشغلت 
 روآن اتنرفزت : في ايش 
 تامر : سايرتلي ظروف
 روآن لسى تتكلم بااستهزاء : طيب ايش هيا ظروفك عشان اعرف انا وضعي 
 تآمر ف طريقه لليث وبيكلمها : تتوقعي في شي بسيط حيشغلني عنك 
 روآن : قولي وانا ححكم 
 تآمر : امي في المستشفى امس تعبت وبعدها بكم سآعه ولد اخويا غرق في المسبح وحالته مرا حرجه لدحين 
 روآن كل العصبيه اتبخرجت عدلت جلستها بتعاطف : اوه ايش سرلو 
 تآمر : لساته ماافاق لدحين 
 روآن : كبير ولا صغير
 تآمر : عمرو 7 سنوآت 
 روآن : ياقلبي الله يشفيه وامك 
 تآمر : لساتهها برضو في المستشفى لكن الحمدالله صحتها كويسا 
 روآن : ايش سرلها 
 تآمر تفاصيل ماحيقدر يقولها حاليا : اغمى عليها فجأه وطاحت على راسها 
 روآن : سلامتها 
 تامر : الله يسلمك ..انتي فينك 
 روآن : ف كآفي 
 تآمر : لوحدك ؟
 روآن : ايوا 
 تآمر : ايش لابسه 
 روان : هههههههه ماسئلتني كيفك ليش انتي هنآك همك لبسي 
 تآمر : اسئل عن لبسك عشان نفسيتي وبعدين اسئل عنك 
 روآن : ههههههههه ايش دخل لبسي في نفسيتك دحين 
 تآمر : قوليلي ايش لابسه اول 
 روآن : مو حابه ادمر نفسيتك
 تآمر : اووه 
 روآن : ههههههههههه هو اانتا ليش كدا سطحي
 تامر : دحين انا اللي سطحي !
روآن : ايوا ماسئلتني كيفها رجلك ولا مهتم باأي شي فيا
 تآمر ابتسم غصبا عنه : وربي مهتم بس من كتر نفسيتي مو تعبانه حبيت اهتم بنفسي شويا 
 روان : ههههههههههههه اهنيك مو عارفه ايش ارد 
 تآمر : بجد ايش تسوي عندك 
 روآن : دلال جيه 
 تآمر : انتي امس ماشوفتيها 
 روآن : الا بس بنتقابل لين ماتقبل الوضع او ماتقبله 
 تآمر : اهاا .. ايش اللي خلاكي توافقي تشوفيها تآني ؟
 روآن : مدري شوفتها تبكي حزنت 
 تامر : يعني سويتي دا الشي وانتي مو مقتنعه 
 روآن ماتبى تقول انو هيا تبا تشوفها : ايوا 
 تآمر : اهاا _ سكت شويا وبعدها قال _ راسي مصدع من كتر ماتحشري نفسك براسي وسط الف موضوع 
 روآن ماتدري هوا كدا رومنسي ولا ايش الهرجه بس ضحكتها : ههههههههه احب اتعبك عشان اشوف حتستحملني ولا لا
 تآمر : طلع الموضوع مو بيدي
 روآن خفت ابتسامتها ووجهها حمر : بيد مين اجل
تآمر ماعلق على سؤالها : اقولك بزبط ايش اللي كآن يسير انا واقف وعارف انو امي تعبانه وتجي لحظه كدا سريعه روآن رجلها توجعها طيب ولالا وارجع افكر في ولد اخويآ وتجي فكره براسي روآن ايش سوت مع امها .. وارجع اشوف امي وحالتها وابا افكر ايش اسوي معاها وتجيني لحظه افكر انتي تبكي ولا مبسوطه ولا مخنوقه ولا ايش تحسي دحين وامسك جوالي ابا اتصل عليكي واتذكر اخواني واتصل عليهم وانزل الجوال وتجي في بالي اني ماتصلت عليكي ويجي مية شي تشغلني وانتي شاغلتني من الاساس
 روآن ضحكت بهدوء : هههههه كرهت نفسي
 تآمر : شايفه كيف مو مخليتني مرتآح حتى وانتي بعيده 
 روان : لا بلله يعني لما اكون قريبه ايش بسويلك 
 تآمر : لبسك يضايقني
 روان ضحكت من قلبها : يادااا لبسسسي الللي تدخلو في كل موضوع 
 تامر ابتسم : قلتلك نفسيتي متعلقه فيه 
 روآن كآنت بتهرج الا شافت امها داخله قلبها طااح 
 نبرة صوتها اتغيرت : تامر خلاص جآت بعدين اكلمك
: طمنيني عليكي
: طيب 
 وحتى ماقالت مع سلامه مع الفجعه رخت يدها وحطت جوالها على الطآوله
 امها جات قبالها 
 تبا تسلم عليها 
 روآن رجلها مو شايلتها مو عارفه تقوم 
 حاولت تقوم بس ماقدرت 
 اما امها حسبت انها مماتبى تسلم ابتسمت باارتباك وجلست قدآمها ..
 : كيفك
 روآن بالقوه صوتها طلع 
 مرعوووبه مرتبكه متوتره كل شي تحس فيه .: تمام
 رجعت شعرها ورا اذنها وشتت نظرها حولينها
 امها دي اللحظه تكفيها انها تطالع في بنتها بدون ماتكلمها
 تتأمل ملامحها 
 نفسها تجي تجلس جمبها بس حتسوي الكلام اللي قالو بشار :قررت اجلس هنآ
 روآن طالعت فيها وقالت بجمود وهيا ماتبى تكون ساكته : لين متى
 ماحبت ردها بس مازالت مبتسمه : لفتره بسيطه 
: اهاا
 قربت امها للطاوله : انا عايشه بعيد عن هنآ بين اخواني واخواتي نفسي تشوفيهم حتحبيهم 
 روان تطالع فيها وحركت راسسها وواضح انو مرا ممو مهتمه 
 امها مو عارفه كيف تتكلم معاها 
 تبا تكون طبيعيه 
حتى لو ماعجب سميـه ..حتحاول ماتقرب منها بس حتقول الكلام اللي ف قلبها 
الكلام اللي حابسته سنين من حقها تتكلم من حقها تفضفض : سميـه عارفه انك مو حابتني وخايفه اني اكدب عليكي انا مستعده اعيش هنا لو دا شي حيرجعك لحضني مستعده اسوي اي شي تبيه بس حاولي تآخدي راحتك معايا كلميني كأني صحبتك مو امك طيب ؟ عامليني زي الغريبه لو دا الشي حيخليكي تتكلمي معايا 
 مالقت منها اي رد فقالت : طيب .؟
 روآن حركت راسها بالايجاب وامها ابتسمت 
 بسيطــه ودا اللي مجنن تآمر 
 تحسها تبا الشي ومو عارفه كيف توصله 
 امها حست انها اخدت راحتها اشرت على نفسها : انآ مدرسه لغه عربيه اتوقع اكتر ماده كرهتيها بدراستك و
 روآن قاطعتها : انا مادرست
 ماختفت ابتسامه امها : يعني ماتعرفي حتى تكتبي ولا تقراي ؟ولا احد علمك 
 روآن اشرت براسها انو لا
امها : طيب عادي لساتك صغيره امي الله يرحمها اتعلمت القرائه وعمرها 49 سنه كآنت امنيتها تمسك القران وتقراه والحمدالله علمتها انا واخواتي وانتي لو شديتي حيلك حتقدري ان شالله قوليلي اي شي عنك 
 روآن سكتت وبعدها قالت : ماعندي شي اقولو
 امها : طيب مين الشخص اللي قريب مرا منك ؟
 روآن : هديل 
 امها ابتسمت اخيرا اتكلمت : من متى تعرفيها 
 روآن : من واحنا صغار ولدحين معايا 
 امها : تشوفيها كل يوم يعني 
 روآن : احنا عايشين مع بعض 
 امها : اهااا ماشالله ..وكيفها طيبه 
 روآن : ايوا
 امها : المرا التانيه خليني اشوفها 
 وبيمر الوقت وكلامهم سطحـــي مررا 
 الام تسئل وروآن تجاوب لين مادق جوآلها وردت على هديل 
 وهنا ملامح وجهها اتغيرت : ايش بك 
 هديل تصررخ : يباااا يقتلني ياروان 
 روان ضحكت : ههههههههههه ايش بيسوي 
 هديل : الحقييييني والله حموت 
 بشار سحب الجوال وهوا ميت ضحك : ههههههههه معليش على الازعاج نكلمك بعد
 روآن قاطعته : بشااار ايش بتسوي 
 بشار : ولاشي بنلعب انا وهيا 
 روآن : يااكداب 
 هديل تصرخ : رووووآآن يباا 
 وكتم فمها بيده : يلا بعدين اكلمك 
 روآن بهمس بس وهيا تشد على اسمو : بشااار ايش سوويت فيها 
 بشار : هههههههههههههه سلام سلام 
 وقفــل منها وروان مصدومـه وتطالع في الجوال ..
اما امهـآ ععشقتها وهيا تتكلم 
 كدا حستها طبيعيه 
 ماكانت معاها طبيعيه 
: علاقتك مع بشار كويسا 
 روآن : ايوا
: ايش سوا عشان يخليكي تضحكي كدا
 روآن : مو هوا هديل معاه وبيعذبها 
: هديل صحيتك !!!
روآن حستها مرا مفجوعه قالت بتصريف : مو هما حيتزوجو 
: اووه يعني خطيبها 
 روآن عقدت حوآجبها وقالت : ايووا !
وهنا جا ف بال امها سؤال
 اذا هيا صحبت روآن من صغرها يعني عاشت عند جاسم 
 كيف ولده حيتزوجها !!!!
بس ماحبت تحسس وران بااي توتر فاخلت فضولها لنفسها : الله يتممله على خير شكلو طيب 
: بس هيا اطيب منو 
: هههههههه كوويس 

 ومسكت روان شوكتها ودوبها اتذكرت تآكل 
 اما ام روآن تطالع فيها وبعدهها جات في بالها فكره : ايش رايك بكرا تجيني انتي وهديل 
 روآن رفعت عدسه عينها عليها : فين ؟
 ام روآن : انا اليوم حنقل لشقه عشان ابا اخد راحتي بالطبـخ فتعالولي نسوي الغدى مع بعض اي شي ف نفسكم حسويه 
 روآن : طيب

 جلسه مهما حاولت امها تااخد وتدي معاها بالكلام لكن توصل لمرحله الصمت 
 بس بنسبه لها مبسوووطه 
 وروآن بدأ التوتر يخف لكن مع امها غير عن النآس كلهم 
 ماتبى تحكيها 
 ماتبى تتكلم 
 هرجها قليل 
 وكأنها وحده تآنيه 
 ةنص ساعه وروآن قامت امها شافتها تعرج وقـآمت مفجوعه 
 انتبهتلها من اخر مرا شافتها ومع الصدمه ماستوعبت 
 جات لحدها ومسكت يدها : ايش بك 
 روآن طالعت فيها تبا تسحب يدها
: اتعورتي برجلك 
 روآن : طحت 
: لو ادري كآن انا جيتك 
 روآن حاولت تسحب يدها : مو مشك
 امها شدت على يدها : فين رايحه اوصلك عادي 
: السياره برا 
: طيب تعالي 
 طالعت قدامها وماتبى تركز في امها 
 انتبهت للسياره اللي بشار وراها صورتها يعرفها ماحتفهم 
 لو قلها نوع السياره ..اشرت : ديك خلاص
 وبرضو وصلتها للسياره ..فكتلها الباب وروان ركبت وامها 
 دخلت يدها ومسكت خدها : انتبهي على نفسك 
 وبعدت ..روان : طيب
: استودعتك الله 
 قفلت الباب ومشيت ...روان تحس انها تبا تبكي 
 شتت نظرها على جوالها وعقدت حوآجبها لما شافت اتصال لتآمر
 ماتدري متى اتصل 
 اتصلت عليه على طول .. : ايوا هلا تآمر
: لوحدك ولا 
: اييوا 
: اتصلت ياشيخه واستوعبت انك معاها فقفلت على طول 
 روآن :خلاص دوبني مشيت 
: فين رايحه ؟
: مدري 
 تامر : انا روحت لأخويا ورجعت دحين لعند امي بس اختي لمى معاها 
: كيفو ولد اخوك 
 تآمر اتنهد : نفس وضعه والله المشكلـ _ سكت وبعدها قال _ تقدري تجي 
 روآن : فين ؟ 
 تآمر : المستشفى ماقدر اخرج وبنفس الوقت بسيب امي مع اختي شويا 
 روآن طبعا ماعندها مانـع قفلت لما قلها فين تجيـه

 طالب اكل من برآ والفوضى حوليـه ..شغل عزآبيه 
 صور المكآن وارسلها 
" مدري متى حلقى احد يهتم فيا " 
ترف مسكت جوالها لما شافت سامي منشغل 
 وكتمت ضحكتها 
" ههههههههههه ياحرااام حزنتني"
براء " مافي ضممير ولا احساس "
ترف " هههههه "
براء " ترا حدك اسبوع وحتجي تعيشي انتي ولدك هنا "
ترف " لا بلله "
براء " يعني ايش اسويلك زواج وماتبي حنقعد كدا لمتى كل واحد فمكآن "
ترف " شويا كمان "
براء " يختي حخلي محمود يجي كمان عشان نفسيه سامي تبي اوامر تآنيه "
ترف خايفه " لما نتقابل نتكلم لاتوقفلي قلبي دحين "
براء اختفى شويا وبعدها كتبلها "احبك شويا حكلمك "
فتح بـآب البيت ودخل جوآله بجيبه 
 سلم على ابوه .. بس ابوه مافتح فممه بكلمه 
 دخل بكل صمت وهوا يطالع في القربعه وكأنه له اسبوع مو يومين 
 جلس على الكنبـه وبراء جلس : اتوقع عمي كلمك ؟
 ابوه طالع فيه : كآن اديتني خبر انو عرف بدال ماتحطني بدا المنظر
: كنت حتصل وانشغلت
 ابوه بااستهزاء : معذور والله 
 براء ماعلق 
 ابوه :امس اتصل وقال كلام ماينقال واحترمت موقفه لأنه وصلهم من برا والمفروض يكون مننا
 براء : دا اللي انتو طلبتوه مني
 ابوه : الشي اللي شافعلك انو رآمي اتصل دوبه يعتذرلي عن كلام ابوه .. وقالي انو ماقد شافو منك غلط وانتا حر بحياتك صح غلطنا بحقهم لما ماتكلمنا لكن احنا اهل 
 براء : فيه الخير طول عمرو حقاني 
 ابوه : اللي جاي اقولو انو انتا تبا تعرف ايش موقفنا من حياتك مع مرتك 
 براء : ايوا!
ابوه : امك لدحين ماتبى تشوفها وماتباها من الاساس لكن دي زوجتك وماسار لها رايي امك حاليا انا بعد مشكلتي مع اخويا للأمانه ماسار عاجبني الوضع ومو مرتاح وكل مابيزيد هرج النآس قلبي ينقبض واندم على اللحظه اللي وافقت على الموضوع 
 براء: ابوويا انتا جاي تنكد عليا فل
 ابوه قاطعه : انتا الللي جحبتلنا دا الكلام لازم تسمع اي موقفنا ومنظرنا قدام النآس
 براء : ياأبويا والله عارف انتا قبل لايطلع الكلام وقفت معايا وشجعتني حتى امي ماقدرت تتكلم بسببك ودحين بعد ماخلاص سارت زوجتي اتغير كل شي كيف ليش متىىىى ماليا حق اسئل عشان انتو بتتماشو مع كلام النآس والله لو النآس ماهرجو كآن لقيتكم اول ناس واقفين معايا بس لاااا معليش النآس بيقولو ويعيدو فاإحنا لنا حق نسمعلهم ونغير راينا متى مانبى 
 اببوه مرا اتنرفز من اسلوبه : اتكلم بااحترااام 
 براء : انتم مستوعبين ايش بتقولو احترموني على الاقل احترمو رغبتتي وانو دا الشي اللي اباه تبو تزعلو مني ازعلو بس لاتجي امي تهيينها قدام محمود وتقول عنها مغتصبه لاتجي ترفع سماعتك عليا وتقولي البنت انسجنت البنت اترمت البنت والبنت خلاص انا فاااهم ماتبو تكلموني والله لاأجي دايما عندكم واراضيكم لين مايروح اللي فيكم بس لاتخلوني اشرد منكم بسبب كلامكم
 ابوه : المفروض احنا نتحمل الضغط من النآس عشان انتا تعيش مبسوط 
 براء: انتو اهههلي انا قلتلكم بالظروف اللي حعيشها من قبل لاأتزوجها وانتا سكت وماقلتلي لا 
 ابوه زفر بضيق : انا خلاص مو عارف كيف حيستمر دا الوضع 
براء : انا اقولك ترف ماتبى زوآج وامي اتوقع نفس الشي لأنو اكيد البنت مو مشرفتها واهلها مالهم حكم عليها يعني خلال دا الاسبوع على بال اغير الشقه هيا حتجي تعيش معايا ومعاها ولدها حجي ازوركم بدونها لأنو دي رغبتكم احد اتكلم معاكم عن الموضوع قولو البنت مظلومه وربي سخرلها ولدي خلاص جمله تنهي الف موضوع ايش سار كيف سار نصيب كيف رضي برضو البنت مظلومه وربي سخرلها ولدي تبو تدو مبررات لناس حتفتحو على نفسكم ابواب تبو تكونو واثقين فيا وبااختياري عندكم دا الرد وفللحظه اللي انتو تبو تقابلوها برضو انا حخليها تجيكم 

 وهنـآ انهى براء نقـآشه مع ابـوه متمسك بمرته ومتمسك في اهلـه 
 وحيرضى الطرفيـن وهوا اللي حيكون بالنص ... 


ماسكه جولها بغرفتها وتتكلم وتبـكي .. 
لسى ماستوعبت : علاا من امس ولا سئئل شوفي الساعه كم ولا فكر يتصل 
 علا : ياقلبي تلقيه نفس حالتك انتي عارفته انو يباكي وبعدين خلاص ليش تبيه يتصل
 رشا : مدددري مخنوووقه 
 علا : خلينا نخرج حتقعدي كدا بالبيت 
 رشا : تتتوقعي بعد اللي سوته ميسا حقدر اخرج
 علا : طيب اجيكي ؟
 رشا : لا برضو صعبه 
 علا : والله معليش على اللي سواه عدي بس
 رشا قاطعتها : تستاهل كمااان ماكفاها اللي سوته راحت تكلم وحده ماتعرفها اعوذ بلله منها ومن نفسها الوسخه والله ياعلا لما اطالع فيها ماستوعب دايما انو دي اختتي انقهر وربي انقهر عليها ومنها نفسي اخليها تعدل نفسها بس بعد مارامي ضربها وبرضها ممصمه انو هيا ماغلطت انا غسلت يدي منها 
 علا : يااقلبي سيبيها ف حالها ميسا من صغرها كدا ماحتتغير 
 رشا : وتميم ؟!
علا : دا نصيب حاولي تشغلي نفسك باأي شي يارشا عشان لاتفكري واصحك تتصلي عليه 
 رشا رجعت تبـكي تبا تموت وتكلمــه ومحروووقه انو ماتصل .. 
ولدحين ماستوعبت انو تميم مايختفي الا لما تسرله ظرووف اهله 


 قـد يجمع الله كسير قلب بكسيـرِ مثله فيلتئمآ ويكتملا .. 
طول الطريق بتضحك ميلت جسمها وحطت راسها على ذراعه : بشااار ارجوك رجعني 
 بشار : هههههههههه انتي هبله لسى ماعرفتي فين رايحه ومفجوعه 
 هديل رفعت راسها : وجهك مو مريح 
 بشار : ههههههههههههههههه
: لاتتتتضحك ترا وربي بجد اهرج وديني البنت 
: من عيوني ياعمري بس حرميكي من مكآن واخليكي تصرخي بكل صوتك وبعدين نرجع 
 هديل تنحت وهيا تبا تستوعب الجمله 
 وهوا مات ضحك 
 دار راسه عليها : والله شوفي ربي يحببك المفروض احجز من قبلها بس الرجال رد وقلي حيزبطني
 هديل هرجت بشويش : حترميني من فين .؟
 بشار ولا كأنه يسمعها وغنى : بعد مااكنت تاااخدني عن الدنيا ومافيها تنسييني هموم 
 ضربتتو على يدو وهوا يكممل ويضحك : الوقت واعيشك حاضر واتي خلاص ابعدد عن دروبي 
: بشااااار 
" اناااا دنياك مابيها خساره يوم ظنيتك سنع عمري ومسراتي بعددد ماكنت تاخدني عن الدنيااا ومافيها 
: ياااااااربي
: هههههههه تنسييني هموم الوقت واعيشك حاضر واتييي خلاص ابعدد عن دروبي 
 هديل : تباني ابعد هاا
 على طول سكت وطالع فيها : جربي وحكسرلك رجولك
 هديل : هههههههه طيب يلا فين حتوديني 
 بشار : خلاص وصلنا 
 هديل طالعت 
 وتطالع في اللوحـه الكبيره مو فاهمه الكلام بس فيه طياااره 
 وفيه برااشوت وواحد بينط
 وسعت عينها : تمززح صح 
: ههههههههههههههههههههه
 وشويا ووقف سيـآرته وهيا مسكت في المقعد : والله مااااحنزل 
 بشار : ههههههههه لاتحلفي عليا حجي اسحبك 
 هديل : يعننني بجددد من فين انتا تبا ترميني يامجنون 
 بشار وكأنه شي عادي : من الطياره 
 هديل : واللللللللللله مااااانزل واللله 
 بشار ميت ضحككك قفل الباب وجا لجهتها قفلت قفل الباب 
 وهوا يفتح بالسويتش وهيا ترجع تقفل وتصرخ : ابببعد عني يامجنون 
 بشار : هههههههههه هديل والله لاتدخلي بسرعه مافي وقت في ناس مستنين 
 هديل وسعت عينها وتهرج بسرعه : من جدككك !!!! بشااار امانه قول مقلللب اماانه 
 بشار : وربي من جد _ ويفتح بالسويتش وهيا تقفل وتأشر براسها _ 
 :روووح عن وجهههي مابااك
 بشار فتح الباب اللي وراها وهيا صرخت بكل صوتها : بشاااااارررر والله مابى انزل
 دخل يدو ورا ظهرها وهوا بس يضحك ورجع فتح الباب وجاهاا
 رده فعلها بطيئه فتح الباب وهيا مسكتو وسارت تسحبو : روووح لوحدك ماحنزل 
: سيبي الباب ترا لو سحبتو حتطيحي على وجهك 
: اطططيح على وجهي واتشوه و لا اطيح من طياره واموت 
 بشار : ههههههههههههههه يابت الناس مستنين 
: لاااااااااا مااااح
 وف نص كلامها سحب الباب ورجعت بجسمها مسك يدها وسحبها وهيا توسع عينها : اماااانه عشان خاطر امك يااابشار تسيبني الله يخليييك 
 بشار : هههههههههههههههه 
 ولا كأنه نزلها وهيا تضغط بروجولها في الارض : لاااا ماابى ادخل 
 بشار دار جسمه : والله حشيلك 
 جات حضنته على طول وتهرج بصوت كلو بكىى : مو انتا تحبني لاتدخلني 
 بشار يحب حركاتها دي بس بيتسمتع فيها : مو عشاني احبك حخليكي تدخلي
 حضنته بقوه :والله قلبي حيووقف 
 ودخلها بالقوه وهيا تصرخ وانكتمت اول ماشافت المكآآآن الوسيـع 
 واتوجهه لصاحبـه وبيده التآنيه ساحبـه وهيا تمشي بالقوه 
 يسلم على الرجال بيد وبرضو يدو التآنيه ماسكها عشان لاتشرد 
 الرجال يطالع في هديل ويضحك وبشار يتكلم معاه 
 وهيا مو عارفه ولا كلمه غير انها في مكآن كلهم اشراااار 
 جآتها وحده بريطانيه مد يدو بشار سلم عليها وقرب هديل وهديل مدت يدها 
 كلمت هديل وهديل طالعت في بشار : دي مدربـه حتكون معاكي 
 هديل بهمس وسعت عينها : انتا من جدك
 بشار : والله حتطلعي 
 ويسحبها وبدأت تسمع لأنو البنت بس بتضحك مع بشار وواضح انو مو اول مرا يشوفها ويعرفها
 همستلو : ايش تبا الفله دي
 بشار : هههههههه بتقول انك حلوه 
: كداب 
 بشار لانت ملامحه : ليش حكدب 
: مدري عنك قاعد تضحك وتتكلم معاها 
 بشار : دي اعرفها من تلات سنوآت هيا وزوجها 
 هديل : ياألللله 
 بشار ضغط على يدها : بطلي هبااله طيب
 هديل : مستفزه 
 بشار : الحرمه مافراسها عندها بنتين 
 هديل : من اول ايش بتهرج 
 بشار : بقولها انك خطيبتي وسارت تمدحك 
 واخدهم الكلام وهديل المكآن كلو يضحكو عليها لما بدأو يجهزوها وهيا تقولهم 
 لا وبشار حاشرها وويمسك يدها ويلبسها الحبـآل وعلى ظهرها ويزبطها : والله مو مسامحتك 
 ولا كأنه يضحككك وبسسس
 وقبل لايسحبها للطياره اتصلت على روان وماقدرت تقولها بسبب يد بشار اللي جات على فمها وكتمتها 
 وقفـلل من روآن حطو اغراضـهم في الصناديق 
 وجات المدربـه متحمسـه وشايله شنطتها السودا على ظهرها ادو لهديـل النظااره اللي حتلبسها وبشار ااتجهز ..ورجع يسحبها للمرا التآنيه للطيـآره 
 وقلبها طآح اول ماشافتها 
 كل شخص معاه مدرب .رككبت الطياره المقاعد قبال بعد بشار جمبــها ورجولها تتنافض : ياااربي والله لو سرلي شي ياويلك 
 بشار : ماتثقي فيا انتي 
: لا طبببعا بعد دا المكآن مستحيل اثق فيك 
 بشار : ههههههههههههههه لو سميه معانا كآن انقذتك وماخلتك تركبي
 هديل : اااه ياقلبي ياااسميه 
 بشار مات ضحك اول مرا يسمع منها سميه 
 واترفعت الطياره عن الارض وحطت راسها على بشار وهيا تخبي نفسها : بشااار حبكي 
 زنن زن زن طووول المسافه وهيا تزززن وهوا يضحككك 
 وجاتها المدربـه وخلت هديـل قدآمها وزبطت الحبـآل بينهم وهديل تتنااااافض 
 مفجووووعه 
 ووصلت لمرحله وجهها صفففر وماتبى تتكلم 
 لسانها تقيل
 حلقها نااشف
 شفايفه جاافه من الفجعه 
 المدرب التآني ياأشر لهديل انو تحط يدها زي الاكس على كتوفها
 ووانفتح البابببب وهديل بكل صووتها لما الهوى خبببط فيها اتكلمت : بططططططططلتتتت
 المدربـه مشيت خطوتين قبال الباب وهديل تمشي وخايفه انها تندفع على ورا ولا تسوي اي حركه ويطيحه 
 فالاستسلام هوا اانسب حل
 لابسه النظااره 

 مغمضه عينها والباب مفتوح 
 وهيا بالوجه 
 المدربه رافعه اياديه وماسكه بالعامود : ون ... تووو 
 وهديل تفتح عينها تشووف السحاااب وترجع تقفل وتصرررخ : لاااا اماااانه 
: هدددديل احببببك 
 بكل صوتها لما قالت المدربــه " ثررري " قالت : اكررررررررررررر
 واختفففى صوتهااا ونط وراهم اللي شايل الكميرا 
 وبعدها بشار ووراه المدرب حقتـو 
 والرجال الغريب االلي بسببه قدر بشار وهديل يجوو من قبل لايحجزو .. 
هدددديل مغمضه كل عينها 
 الهووا تحسو يخببط بوجهها 
 وجهها كلوو مشدوددد تفك عيينها تبا تصرخ ماتقدر الهوا يدخخخل بفمها 
 رافعه اياديها ورجولها زي ماعلموها ...
فتحت عينها وفيه واحد بالهوووى معااهم بيصوورها ويرفعلها يدو يعني " اوووك " 
كأنهم في الارض وسعيدين ..
شافت بشـآر بدأت تطــآلع 
 بدأت تستوعب المكآآآن والجننااان اللي هيا فيه 
 تطالع في بشاار في الرجآل التآني 
 كلهم مستمتعييين 
 شعوور لايوووصف انك تبي تصرخي وماتتتتقدري 
 المنظظظر 
 الهووووى
 انك طايره في السمآآ
 البححر 
 المباااني 
 كل شي بااين صغغغغير 
 وغمضت عينها بااستمتآآع للحظه وفجأه اتررفع جسمها لفووق وصرخت غصبا عنها
 فتحت البراشوت فابسبب الهوى اترفعو على فوووق ... وهنا سارت كأنها واقفه بالهوى
 تطالع في كل شي تحتها وكيف كل ماتقرب كل مايكككبر
 شعووور ف حياتها ماتخيلت تحسسه 
 وبدأو يقربـه من العشب الاخضر
 وبدأت ترتخي عضلات جسمهااا 
 وواول ماجات رجوولها على الارض ماقدرو يوقفو على طول 
 والمدربـه فتحت الحبال اللي بينهم وهديل مو قادره توقف على رجوولها 
 نزلت على ركبها على طوول 
 حولينها يضحكو ويصوروها وهيا جسمها يتنااافض
 عارفين لما تسوو شي مجننوون 
 اوك انتو حبيتووه 
 بس لسسى في مرحله الصدممه 
 بشار نزل وفك حبـآله وراح بااتجاهها :ههههه ها كيف
 رفعت راسها وهوا مد يدو شعروو واااقف كلو من الهوى
 بالقوه مدت يدها بالقوه شدت رجولها ووقفت بس قربت منه وحضنته : مو قادره اوقف 
 حوط يدو حولين ظهرها : ههههههههههه ندمتي 
 اشرت براسها بلا 
 حاسسها مرعووبه شال النظاره من على وجهها 
 وجهها متغيـر لونـه جلسها في الارض على العشب وجلس قدآمها 
 جابولها مويـآ وشربت نص القاروره وحطتها على الارض : آآآه ياقلبي
 بشار : شايفه لو ماسحبتك بالقوه ماكان جربتي
 هديل: ولاأتخيل اني اجربه تاآني حاسه راسي يوجعني من كتر ماكنت اصرخ وسط مخي
 بشار : هههههههههههههههه
 هديل : ههههه والله بجددد حاسه اني مرتاحه حاليا مدري ليش وكأني خرجت كل اللي جوتي 
 ولحظــآت مجنونه كالعاده تجمعها مع بشـآر
 بعد مافاقت دخلو المبنى واخدو اغراضهم 
 وهيا تحس روح ورجعتلها كدا طاااقه غريبه جااتها 
 ابتسامه على وجهها مجنونه 
 مع انها ماتبى تعيد اللي سار 
 بس احلى شعور جربتو بعد الدبـآب 


 امـآ روآن جوها مرآ غيـر .. جالسه هيا وتآمر 
 تحس كأنها من زمآن ماتشوفه .. مرا اشتاقتلـه
 وهوا وصـل لمرحله انو يقابلها بعز عيلته مو منهـآره 
 جنآآن اخدت عقلـه ولا ايش يسمي اللي بيسويه دحين مو عـآرف


 بتمر السآعات بطيئه ليـن مآجآ الدكتور لليـث : الحمدالله على سلامته 
 ليث وتميم قـآمو على طول من مكآنهم والدكتورابتسم : دحين حينقلوه لغرفتـه وحجي اطمن عليه
 ليث باارتباك يهرج : كيفه طيب يعني _ مرر يدو على جبينه مو عارف كيف يسئل عن صحه ولدو _ 
الدكتور : الحمدالله فتح عينه وكآن بيطالع فيا لكن لساته تعبان فابديه شوية وقت على بال يفوق
 ليث حرك راسـه وجلس على طول لما ماقدر يوقف 
 غطى عينه: الحمدالله ...الحمدالله _ طالع في تميم _ فينها غرفتـه _
ليث هوا اللي حجز وسوا كل شي وناسي حتى الرقم ..تميم ودآه للغرفـه 
 لساتها فاضيـه وراح يدور على امل ويقولـها .. وكآنت دقايق ورجـع وقف
 لما انفتح الباب 
 ودخل سرير ولده وهوا قـرب نقلو ولده للسرير التآني وبقيت الممرضه تعلق المحلول
 وليث واقف في الجهه التآنيه ..قرب لما ولده نزلت دموعه
 جا لحده رخى راسـه ويمررر يده على شعره : احمد
 دار راسـه احمد على ابـوه وهنآ عرف انو يسمعه
 فتح عينه وطالع : بابا
 وهنآ سمـع صوتـه
 ليث بككي : ها حبيبي
 احمد لساته ينآم ويصحى ويتكلم بكلمات متقطعه : يعورني
: ايش هوا 
 مارد بس تنزل دموعه بصمت 
 قللب ليث اتقطع عليـه ومازال مرعووب ولده ايش ممكن يسرلـه 
 ودخلت امــل وليث بعد عن احمد ..
تبووسه تبككي
 اطول وقت مر في حيآآآتها 
 وهوا يطالع فيها وشكلو يبكيهم زيآده لما يتشكي ومايقول ايش اللي يوجعه 
 ينقهرو انو مايقدرو يسوله شي وبس بيتفرجو ورجع نآم 
 ونص سـآعه ودخل الدكتور وتميم معاه ..
ولما جآ لحد السرير ونادى احمد وفتح عينـه : ها كيفك يابطل
 احمد بس بيطالع فيه بدون اي ردة فعل 
 الدكتور ابتسملو : تبا ترجع البيت 
 احمد على طول اشر براسه 
: بس تسير احسن حترجع ان شالله 
 كشـف عليـه ورفع الشرشف اللي على رجولـه : حرك رجولك 
 شويـآ اخد منو الموضوع وكلهم يطـآلعو .. وحـرك رجله اليمين بعدها اليسار
 والدكتور زادت ابتسامته 
 ورجع لعند رآسـه مدلو القلـم : خد 
 احمد مد يدو اليميـن وجا ياخد القلم الا الدكتور قلو : لا بيدك التآنيه 
 يباه يحرك يدو اليسـآر 
 ممدوده على السرير وفيها المغذي 
 كآن بيحآول يرفعها بس ماقدر

 دار راسـه يطالع في يده ونظرررته قتلت امل وليــث
 ورجع طالع في ليث وقال بخوف : بابا خليهم يشيلو الابره 


 نوقــف هنـآ شويـآ ... 

ونمر بالوقت بـ 12 سـآعه .. 
مآزآالت حيآتها مافيها استقرار كل يـوم بيزيـد شي 
 لمى مسكت يدها : لاتخافي 
 ترف طالعا فيها خطوتين وتشوف امها 
 خطوتين بس مو قادره تخطيها 
 تقيله 
 صعببه 
 الخوف واضح فيها 
 تبا تشوفها 
 ومو قادره تشوفها 
 لو لمى ماسحبتها مآكآن اتحركت 
 اخوانها بالغرفه بس عينها على أمها 
 امها اللي اقنعوها انو ترف دايما كنتي تشوفيها 
 بس ردة فعلها ماتدل على كدا 
 قلبها يحس انو لاااا 
 دي غيــر 
 دي ماحضنتها من زمآآآن 
 دي غير عنهم كلــهم 
 ليش ماعندها جواب
 بس من امس تطلبها 
 تباها غير عن الكل 
 وبرضو ماعندها جوآب 
 هيا اللي راحت تحضنها وبرضو ليش ماعندها جوآب
 ترف بس حست بحضن امها بكككيت 
 هنآآآآآ يووووقف كل شي 
 هنآآآآآ حسست وصلت لأخر شي تتمنآآه
 قالولها لاتبكي 
 بس بكككيت حق العمر كللو اللي انحرمت منها فيه 
 نفسها تتكلم 
 نفسها تقوللها 
 ليشش ياماما سبتيني 
 ليش ماجيتيني 
 ليش سمعتي كلامهم 
 ليش مامشيتي ورا قلببك 
 انا بنتك 
 انا حتى لو غلطت بنتك 
 كيف هان عليكي 
 بس شهقاتها اللي ورا بعض وكلام اخوانها مخليها ماتنطق باأي كلمه 
 تاخد الشهقه من قلبـها 
 ومآزالت تبا تقولها انا مظلومه 
 طول عمرها تتمنى توقف قدامها عشان تقولها ياماما والله مظلومه 
 بس انكتبلها توقف قدامها بس ماتفتح فمها بشي ..
خلاص يندفن كل شي جوتك ياترف كالعاده 
 وتكتفي بالحضن اللي اتمنيتيه 
 اما امها بكككيت معاها وعندها الف مبرر لبكى بنتـها 
 وهنآ الكل بكــي 
 هنـآ موقف استنووه من سنيييييييييين 
 وججآآ بعد تعب بعد صراااع طووووويل
 بعدت عن حضن امها ورفعت يدها تمسح دموعها 
 رخت راسها ومازالت تبـكي 
 بس عقدت حوآجبها ومسكت ذراعها اليمين 
 امها بصوت هادي ودموعها لسى تنزل : ايش بك 
 ترف بكيت مو عارفه من الاألم ولا من صووت امها المهتم ... 

ونقدم للوقـت 12 سـآعه تآنيـه 
 صممممت طول الطريــق 
 القضيـه الاخييره اللي قلو هيآ عمو جميـل موترته 
 مرر لساته على شفايفه " لا لا إن شالله سجن مؤبد "
راسه حينفجر مرعوووب وقاعد يعشم نفسـه 
 سميـه صمت بشار موترها ملامحه ككل شي 
 حتى هيا بتحس بشعور غريب شعور انك عارفه انو ابووكي بس تبيه يتسجن 
 ليش لما سمعت كلام عمهم جميـل خافت " ممكن يحكمو عليه اعدام ! "
 " ايش يعني ..ايش حيفررق حيتسجن فتره ويتعذب وبعدين يقتلوه.. يقتلوه ؟!؟! ..ليش ماباه يموت !! "

بشاار 
" كنت انا حقتلـو ايش حيفرق دحين هوا قتل حوور عادي ليش حتضايق اي حكم ينزل عليه هوا يستاهله دا ابويا ايوا ابويا اللي كنت حقتلـه "

ومشاااااععر محد فاهمها 
 صراع عايشين جوتهم 
 والرعب كاااسي على كل شي يحسـوه .. 
وصلـو ودخلو المحكمـه عمهم جميـل مو احسن منـهم ..
ودخلو للقاعه وجآبو جآسم اللي رون كآنت تطآلع فيه وبشار مارفع عينه وشافـه ..
وانفتحت القضيـه 
 ومستنين الحكم 
 جميـل وجهه مصفر من الرعب 
 جآسم ومن امس بس بيدعي 
 لحظظظظه حتوقف قلوووبهم 
 وبيعدي الوقــت وهنآ القـآضي اتكلم 
 كل العيون عليـه :قررت المحكمه ..الحكم على المدآن جاسم محمد الرايد ..بالإعدام شنقا حتى الموت وذالك لـ

 وســآر يتككككلم وهمآ وقف بنسبه لهم الصوووت 

 انتظروني الفصل القادم .. سولي تقيم عشان يسير لونه اخضر :( 

الفصل الخآمس والثلاثون ... 


يـآآرب ... إن قلبي مآزال يرجف من الخـوف 
 هل أنا في حلم 
 هل تلك النبره اللتي كنت اسمعها من صغري عادت مره اخرى 
 امي 
 اللتي كنت اخبرها بتفاصيل يومي 
 صوتي المزعج لم يتحمله احد سواها 
 وخلال ال 11 سنـه المآضيه الوحيده اللتي لم تتحملني 
 الوحيده اللتي ارى القسوه بعينها 
 ارى الكره 
 وكاأني لست ابنتها ..
يااارب مآزال قلبي يرجف 
 مآزال صوتي يهتـز 
 اشعر بضعـف شديد يسري بكل جسـدي ..

نــرجع للوقـت الطبيـعي ... في المستشـفى .. 

فتحت عيـنها امها ... ولمى قـآمت باارتباك من على الكنبـه وقربت منها 
 امها ابتسمت وهيا مضيقه عينها : معليش نومت من الصدآع 
 ماتدري لمى ليش كل كلمه تقولها امها قلبها ينغزها ويوجعها ..
شي يخننننقها 
 حاجه تخننق لأنك تبي تبكي ومبسوطه 
 هيا بتعتذرلها عشان نآمت فجأه من الألم ..!!!
عمرها ماعتذرتلها لما شتمتها لما رمتها بالارض واهانتها 
 لما كآنت طفله ولسى مفجوعه بخبر وفاه ابوهها وامها تضـربها لين ماتحس جسمها استنزف كل طآقتـه وتنآم بكل ألم 
 لما كآنت طفلـه واول مرا تشوف الدم يخرج من خشمها وتبا تحضنها وتقولها ياماما دم وهيا تكمل ضربها 
 لمآ كآنت طفلـه وتحس بمعنـى الألم المبـرح الصداع اللي يقتـل النوم المفااجئ وجسمها يرتخى بااستسلام 
 ماعتذرتلها على الكدمآت اللي سببتلها هيا 
 من للحظآت الخوف والتوتر 
 من سلبها لحريتها 
 عآشت طفلـه لوحدها ,, مراهقـه لوحدها وحتى بدا السـن لو ربي مارزقها بعدي 
 كآنت حتكمل حيآتها وحيده ومالها صداقات بسبب امها 
 حرمتها من كل شي 
 ودحين تعتذر عشان نآمت فجأه من الصداع 
 لسانها تقيـل
 انفـآسها مضطربـه بس بتحآول بقدر الامكآن تتنفس بشكل طبيعي بس من جوتها مكتووومه 
 وكلمـه مكتتتومه قليل ...
طالعت بتشتت على الأكل : جابولك العشى ماتبي تآكلي 
 تتكلم وصوتها فيه هزه تعبـر عن عدم تعودها 
 ام لمى : لا ماليا نفس 
 ماقدرت تقنعها تآكل....على طول استسلمت : طيب 
 ام لمى : انتي اكلتي 
 لمى اشرت براسها بالنفي : مو جيعانه 
 ام لمى رجعت تأشرلها تقعد جمبـها ..مشيت لمى خطوتين بهدوئها المعتآد اللي تخفي وراه خوفها جلست 
 وعينها على امها 
 ضامه اياديهم لبعض 
 امها على انها دوبها صاحيـه ..على انه لسى الصداع ماسك رآسها بس مو عارفه ايش بها لمى كدا !
فسرت بكاها اول ماشافتها في العصر انها خايفه كآنت عليها
 عشان كدا تتكلم بتوتر
 بس مو حآسه انها طبيعيه زي تآمر !
اي انسآن صاحي حيعرف انو فيه شي مخوفـها 
 شي موترها 
 شي مو مخليها مرتآحه : فيكي شي .؟
 لمى اشرت براسها بالنفي : لا 
: طيب فيه شي مزعلك ..
الاهتمآآم ..نبرة الصــوت ... النظرره اللي تدور جوآب 
 لمى نفسها تبكي تآني ..بس كلام تآمر يدور براسها 
 ابتسمت غصبا عنها ...ابتسمت برغم الضعف اللي حاسـه فيه 
 وكلهم بيعيشو القصـه اللي ألفوهـآ عشان ترجع حيآتهم زي زمآن : بردانـه وانخنقت من الغرفـه 
 امها تطالـع فيـها بصمت وبعدها قالت : قومي 
 ف ثـآنيه وقفـت وكالعاده ماتتأخر في اوامر امها 
 امها لحظـه صمت نسيت ايش تبا من ردة فعل لمى السريـعه وبعدها قالت : فين تآمر .؟
 لمى : نزل تحت قال بيآكل ..
امها بعدت الشرشف الابيـض عن رجولها ولمى بااستغراب : فين حتقومي ؟
 امها طالعت فيها وابتسمتلها : حتى انا انخنقت من الغرفه تعآلي نخرج شويا 
 لمى تبا تقولها ارتاحي بس مو متعوده على الكلام دا معاها قالت : خليكي احسن ماتتحركي 
 امها : مافيا شي الحمدالله _ نزلت رجولها ولمى رخت جسمـها وقربت جزمـه امها من رجلها وامها لبست وهيا مبتسمه _
مافيها امها حيـل تقوم بس لما قالت لمى مخنوقـه حزنت عليها ..
حزنانه عليها اساسا من قبل لاتعرف ايش بها ومو فاهمه ليـش ..؟
 لمى فتحت الشنطه اللي تآمر جابها وخرجت عبايه امها وطرحتها .. 
لبستها وهيا بتتغاضى عن التعـب وألم رآسـها .. 
وخـرجو من الغرفـه ويمشـو بخطوآت هآديه
:كيفها ترف 
 لمى طالعت فيـها ورجعت شتت نظرها 
 الكذبـه توجع بس يقولوها غصبا عنهم : كويسا ..
الام : مبسوطه ؟
 لمى حركت راسها بالايجاب وابتسمت : مرا 
 الام ابتسمت غصبا عنها : ماحتجيني .؟
 لمى بلعت ريقها : إلا لسى ماعندها خبر ولا كآن جات على طول 
 الأم بتشتت : بصدع من كتتتر الاسئله اللي تجي براسي مو عارفه كيف انتو مبسوطين ..انتو مرتاحين ؟ .. 
ليث لساته معصب من ترف ؟ ولساته مجننه باأمل ومايحب احد يزعلها .؟ طيب تآمر لدحين مايتكلم ومايقولي ايش اللي يزعله وايش يحس ..؟
 تميم اللي اخاف عليه من كل شي لساته يتمشكل مع الكل ؟ ..انتي مبسوطه مع خطيبك ؟؟هوا بيعاملك كويس ؟ 
 طيب ترف _ سكتت شويا وبعدها خرجت تنهيييييييده طووووويله وكأنه قلبها حاسس انو دا الاسم ماتنطق على لسانها لسننننننييين بدي النبره بدا الاهتمام بدا الخوف _
الف سؤال يجيني ويوجعلي قلبي .
امها قاعده تفضفضلها ...!!!
الكلام ضااايع 
 عارفين لما يكون شخص مرررا مهم في حياتكم 
 تتمنو دايما يعبركم ولو بس بنظره مو بكلمه حلوه 
 كآنت حتكتفي بس بنظره ...
وفجأه ومن غير سابق انذار دا الشخص المهم اللي انتي تعتبريه كل حــآجه 
 اداكي اكتر من الشي اللي تبيــه 
 فجأه اندفعلك بكلل احاسيسه 
 على قد ماتبيه وتبي تستقبليه بس في شي موقفك ومو مخليكي تعرفي تتصرفي
 خوف ..؟ ارتبـآك ..؟ ماله تفسيـر .. 
بس يخليكي مو على بعضك 
 كلامك مشتت انتي سامعته بس منتي عارفه تردي برد يناسب من فوضة الاحاسيس اللي جوتك :كـ كلنا مبسوطين .. 
 _ قالت بصوت مهزوز _ ماتغير شي عن زمآن بس كبـرنا .._ دموعها اتجمعت _ كبرنا بالعمر بس 
 امها طالعت فيها : ليش احسك مو مبسوطه 
 لمى ماتبا تطالع فيها خايفه تبـكي : بالعكس مرا مبسوطه .._ اشرت على المصعد _ ننزل لتآمر ؟
 مو بلهه دي أم حاولت تجاريها بالكلام واول وحده لمى حست انها ماتعرفها .. 
تآمر كالعاده كتوم ماتعرف ايش فيـه مو شي غريب حيحطها فوق راسـه ويمشي فيها لو الطريـق كلو جمـر وماحيقول حتى آه .

اشكـرك جدآ لأنك سلبتي كل مبادئـي 
 كل معتقدآتي 
 جعلتيني كالطفــل اللذي تغريـه تلك البلونـه الحمرآء 
 ويركض خلفها تآركآ كل شي خلفـه 
 لايهمه الضيـآع 
 واحساس الخوف اللذي سيشعره عندمآ يستوعب انه فقد عائلته 
 بل سيستمر بالركض حتى يمسك الجمآل اللذي يججذبـه 
 اشكرك ايتها السمرآء ...
لأني لم اعد اعرف من أنآ ...بسبب عينـآكي اللتي تأتيني بآكيـه 
 بسبب اندفااعك لي في كل مشكله توآجهك
 لاأريد ان اصبح خآتمآ بين اصبعك 
 لاأريد ان اكون بلا هويـه وشخصيه
 هل يمكنـك ان ترأفي وتتركي لي قليلا مني . فاأنت من جعلتيني مجزء في عآلمك 
 تسرقيني لك حتى اصبحت خائفا ان اتلاشى ... ارحمي ماتبقى منـي 

 جـآلس معآها في الكآفي الموجوده بالمستشفى .. حولين الطاوله الدائريـه الصغيره 
 تتكلم وهوا يطـآلع فيـها 
 سرحآآآآآآآآآآن
 لكن مو ف عالم تآني في عالمها هيآ
 سرحآن فيها وبجنآنه 
 وصـل لدي المرحله !
كاره نفسـه بس مو قادر يقاوم 
 يبى يشوفها 
 بعز هموم اهله هوا يبا بس يشوفها 
 تتكلم وابتسم لاشعوريا برغم كل شي يوجعه جوتـه 
 الهموم لما تترآكم ..المسئوليـه.. تخلي الانسآآآن مخنوووووق وكأنه هموم الدنيآ فوق رآسه 
 بس جآت 
 بس شافها 
 يحس الهوى اللي ياخده ماسار يوجعه 
 لا يقدر ياخده براحـه ..
يحس بساطه الدنيآ فيها ... هوا همومه ايش تساوي جمب همها 
 ومآزالت تبتسم 
 مصايبـه ايش تساوي جمب مصيبتها وفجعتها وألمها 
 ومآزآلت تبتسم ..
وبدأ يحس يسمع صوتها بتدريــج لما فاق من سرحآنه 
: ورمآني الحقير في المصعد تخيل انا يسوي 
 تآمر قاطعها وحس انو انصدم فجأه : مين اللي رمآكي !!
روآن : مو بقولك بشار 
 تآمر قرب للطاوله : عيدي عيدي الهرجه 
 روآن : انتا مو معايا !
تآمر : الا معاكي بس عيدي عشان استوعب 
 روآن رجعت تحكيـه كل شي سواه بشار فيها ...مقهوره مقهوره 
 وتآمر انقهر ... مين دا اخوها اللي طلعلها فجأه وسار يشيلها 
 وماهمه تكون ببجامتها الللي الله واعلم كيف شكلها قدآم النآس !
هوا سار يغار عشان شافـه اخر مره ! 
شافـه مسك يدها وخرجها من العمآره 
 كآن يطـآلع وهوا بسيارته مارضي يمشي للين مايجي بشار ويتأكد انو روآن ركبت معاه ..
اهتمآمه طبيعي ؟؟!!
مايتخيل انو يفكر يشيل تـرف دي وهيا اختو وكآن عايش معاها من صغرها ودوبها بعدت 
 كيف دا يشيل روآن 
 فجأه سار يحس علاقتهم مو عاجبتـه 
 مو منطقيه 
 مو داخله راسـه 
 كيف السرعععه دي في الاندمآج 
 والمزح التقيل اللي بينهم 
 وبدأت روان ترجع تعيد من البدايه وتحكي ليش هوا سوا فيها كدا
 عشان المقلب اللي هيا بدأته
 ماوقفت هنآ تتكلم بقهر انو كآن حيسيبها في الشارع ومو قادره تمشي 
 وراااح 
 ورجــع تآني وشالها وتقوله بككل نرفزه انو شالها وقاعد يذلها 
 شالها تآني .؟!! اول كآن حولين جسمها لحاف بس قبلها شالها من غير شي !!!؟
 ولـــــــــــع 
 نبضـــآت قلبــه تزيـد مع كل كلمه تقولها 
 حركه رجله تحت الطآوله 
 بيحاول يتمآلك نفسـه 
 ليش فجأه المكآن يحس انو حآآآر
 مايكفي انو بيحاول يتحمل لبسها كمآن طلع عايشه مواقف مع اخوها دا اللي دوبها اتعرفت عليـه ..
ايش يقولها ؟!!
مو طبعه يتسرع 
 مو طبعه يبين عصبيتـه 
 بيحاول يتمآلك نفسـه 
 بس مايدري انو الغيره 
 جنننننون 
 الغيره 
 شي مو بيدك 
 لو قلت مليون مرااا ماغااار 
 بس الحريقه اللي جوتك تفضحك 
 تفضحك لنفسـك 
 وتفضحك لشخص اللي قدآمك ..
سند جسمه على الكرسي ..
انفآآسـه الحاره إللي تكويـه من جوآ بيحاول يخرجها بهدووء : كم لكي تعرفيه ؟!
روآن ضيقت على عينها وقالت : شهر ممكن 
 تآمر رفع حوآجبه الاتنين بصدمه اتوقع المده اطول ..رجع قرب للطاوله وهوا يخفي الحريقه اللي جوته بحركآته : انتي واثقه فيه !!
روآن لانت ملامح وجهها من سؤاله الغريب : من اي نآحيه ؟!
تآمر حس بتوتر ويبا يسئلها بطريقه اوضح بطريقه ماتجرحها : يعني احس متداخله معاه بفتره قصيـره وانتي ماتعرفيه من 
 قاطعتـه : اعرف 
 تامر : طيب ؟!
روآن سكتت شويا واتكلمت بهدوء عكس كلامها اول : اللي مرينا فيه مستحيل تفهمه القهر اللي عشنآه الوجع اللي حسيتو محد كآن يقدر يحس فيه غيره 
 لأنـه انا وهوا بنفس المصيبـه على بالك انا كنت مرا حابه اتعرف عليه .؟؟!! بس اكتشفت انو جاسم زي ماأخد روحي لما عرفت بالحقيقه اخد روحـه لما قتل اختـه ..
زي ماحرمني من اني اكون بنتـه ورمآني في الشارع .. هوا بيعيش حآجآت كتير ماتدري انتا عنها .. اول ماتقابلنا كآن اتفاقنا بس نتقابل على موضوع جآسم ..
مشكله هديـل قربتنآ ..بعدها مشكلتـه ..ومشكلتي .. اللي عشناه الفتره الاخيره غصبا عننا خلتو يمد يدو ليا وامد يدي له له لأنو مالنا غير بعض .. وفيه شي يربطنآ ف بعض قبل لايكون الدم ..هديل 
 كآنت تتكلم ودموعها بعينها مو قصده يزعلها بس من غيرته مو قآدر يتحكم 
 بين انو يقتنع ومايقتنع برضو شايف بشار انسان جريئئئئئئ 
 لو مآكآن وســخ ونيته سيئه فاواضح انو دا سيرته مررررررا مشرفه مع البنآت 
: ايش دخل هديل .؟ 
 روآن : مو يحبها 
: اوه ماشالله ! _ سكت وبعدها قال لما استوعب _ هديل عاشت معاكي عند جآسم ؟!!!
روان : ايوا 
 تآمر بصدمه : هيا حترضى تاخد _ سكت وبعدها قال _ افرضي طلع زي جآسم 
 روآن رفعت حاجبها : وانا ليش ماطلعت زيو ؟!
تآمر : انتي ماكبرتي على يده 
 روآن عرفت انها حتدخل بجدآل فقالت تحكيه من البدايه : انا اتعرفت عليه قبل شهر بس هديل اتعرفت عليه قبلي بفتره 
 تآمر يبا يستوعب عقل دي البنت الهبله اللي تعرف انو ولد واحد عذبها وتحبه ؟! : يعني دا مبرر ان
 روآن قاطعته : اصبر اكملك 
 تآمر : ايوا ؟! 
روان : كآنت مقهوره من جاسم سارت تمشي وراه ف كل مكآن لين ماعرفت فين بيته اللي اغلب النآس بالحاره مايعرفوه عرفت انو عندو وعندو بنـت ... وقررت تخلي بشار يتعلق فيـها 
 تآمر : ياااحبيبي !
روان : هههههههه لسى جيتك ..بالمصيبه اللي سوتها .. شافتـه ماشي بسيارته ورمت نفسها قدآم السياره على اساس انو يوقف ..
تآمر رفع حوآجبه وهوا مصدوم 
 روآن : وفجأ لف وقالتلي دخلت السياره اتوقع بشجره واضطرت تنقلـه للمستشفى 
 تآمر : وحبته ؟!
روآن : هههههههههه هباله هيا ايش الشغل دا لا طبعا جا جاسم المستشفى _ قالت بحقد _ شافت كيف قلبه محروق على ولده ويبكي مدري بالتفصيل ايش سرلو 
 بس جلس بالمستشفى كم يوم وبعدها خرج وهديل الحقيره اااايييش معاهااا
 تآمر بااهتمام : ايششش ؟!
روآن : محفظتـه يعني لازم تتقابل معاه وتديه وبس والله وسارت تتقابل معاه وتوقع بينه وبين جآسم اي خبر تعرفـه تروح تديـه هوا زي انو تعرف مكآن شقه جآسم 
 اللي اهله مايدرو عنها قالتلو ابوك اللي في المستشفى شفتو كدا وكدا وسوت مصيبه بينهم 
 وكملـــتـله باقي القصــه وهوا يبا يتجنن ويعرف كيف كفشـها 
 وقالتلو انها اعترفتلو بعد وفاة حور 
 حكتـو عن قد ايش تعبت عشان تقدر تقوله الصراحه 
 حكتـو عن حبها لبشـآر وانها حبتـه من قلب .. 
وجآت اللحظه الللي حكتو عن ردة فعل بشار من اول ماعرف في المطعم ولما جاهم بيتهم 
 ولما روان راحتلو البيت ولما راح لهديل بيت اهلها 
 حكتو بالتفصيـــل كل شي 
 وتــآمر بنسبــه له داااا غلب برااااء في الجنآن 
 لا لا 
 براااء رجآآآل معدنـه مو موجود كتير في دا الووقت 
 بشار مجننننون 
 كيف قااادر يتقبل حقيقه انها اتعذبت تحت يد ابووه 
 هيا البنت نفسها كككككيف قادره !!!!!
معقوول الححب اساسـه الجنآن ..!
براء اتمرد على كل اللي حوليـه 
 بشار وهديل اتمردو على نفسـهم ..!
هوا ليش مو قادر يكون بدا الجنآن ؟!
ليش ماعنده الجرأه انو يتخيل روآن كزوجه له 
 مايقدر يتخيلها ؟!
مايتخيلها تسيبـه بس مايتخيلها زوجـه 
 مو عاااارف ايش يحس بس قصه بشار وهديل جننتـه 
 زي مابراء جننه ..
روآن : ههههههههه ايش بك متنح 
 تامر ابتسم : اسئلي نفسك فاجعتني بقصه ياطولها حسبت الادمي حزن عليها وضميره انبه عشان اللي سواه فيها ابوه فاقرر يتزوجها 
 روآن طالعلته بنرفزه : فين احنا 
 تامر وسع عينه : لا بللله قولي للمجانين اللي تعرفيهم فين احننا 
 روآن : وي حبو بعض 
 تآمر : يختتتي كيف جاتها الجرأه ترمي نفسها قدام سيارته ؟
 روآن قربت للطاوله وسكتت شويا وبعدها اتكلمت : قد حسيت انو انتا ولاشي في دي الدنيآ وتبا تسوي حاجه ولو حتوديك بستين دهيه لكن اهم شي تكمل حياتك بكرآمه وحتى لو ماكملتها انتا حاولت على الاقل 
 تآمر يحس انها تتكلم عنــه لما وقف قبآل قآسم 
 نفس الاحساس : ممكن 
 روآن : جاسم حرق كل وحده بطريقـته مو بس هديل كل وحده شردت من عنده بتعاني _ سكتت شويا وبعدها قالت _ وحاليا احس اني ماقدر اطالع فيهم 
 وكأني انا السبب كنت اهتم في الكل وكأني عارفه انو دا الشخص يقربلي وهوا يأذي وانا احاول اعوضهم 
 تآمر : روآن انتي مالك صلاح بشي انتي زيك زيهم 
 روآن مسكت محفظتها وفكتها .. خرجت صوره صغيره وحطتها على الطاوله وقربتها شويا لتآمر : شوف دا جآسم 
 تآمر ماستوعب انها عندها صورته !! : ايش تبي بصورته 
 روآن رفعت كتفها : مدري اليوم الظهر رحت بيت جآسم ودخلت غرفه حور وشوفت الصوره ماقدرت ماأخدها 
 تآمر : ارميها 
 روآن سحبت الصوره وطالعت فيها وبعدها دخلتها المحفظه وهيا ماتبى تبكي : مابى 
 تآمر : ايش حتستفيدي ..ايش تبي اصلا بالصوره 
 روآن : مدري 
 تآمر :روآن ب
 روآن قاطعته : قفل الموضوع لاتخليني اندم اني وريتك 
 تآمر بااهتمام : والله بطلب دا الشي عشانك ليش تحبي تروحي الحاره اللي عشتي فيها ليش تبي تتذكري شي عشتيه وكآن يأذيكي كيف حتنسي ؟ كيف حتقدري تكملي حياتك 
 روآن قالت بغصه : تآمر مستحيل انسى ... اللي عشته محفور _ اشرت على قلبها _ هنا قبل لايكون هنا _ اشرت على راسـها ..انا اسمي سميه جآسم الرآيد ...
انا عايشه مع ولده بشار جاسم الرايد ... مااقدر انكر اصلي لأني رجعتلو وعايشه بفلوس جاسم تباني ماأروح الحاره وانا عايشه في مية شي يذكرني تباني ارمي الصوره 
 وانا اعرف انو اسمي سار مقرون بااسمه انا كل يوم بنحرق كللل يوم وطلعتلي دلال في حياتي وكأني ناقصه _ حست انها حتبكي فاسحبت القاروره اللي قدامها وفكتـها _ خلاص قفل الموضوع 
 كآنت من اول بتشرد من دا الكلام وهيا تحكيه عن بشار وهديل والمقااالب بس ماتقدر تشرد كتير 
 شرربت المويـآ عشان الغصه اللي حاستها بس تحسس المويا تنزل وتخنقها اكتر 
 تحاول ماتبـكي ..
رجعت القاروره على الطاوله وهوا بدي اللحظه نسي النآآآس 
 ضعف عند دموعها المحجره 
 ضعف عند نبره صوتـها المحروقه 
 سحبت كرسيـه قريب منها حط يدو على يدها : لاتحرقيلي قلبي وتتكلمي كدا 
 روآن قالت بتعب بدون ماتطالع بعينه : المشكله ماعندي غيرك اتكلم ولا كآن هجيت منهم كلهم 
 تآمر : روآن بتقوليلي دلال طيبه اخوكي طيب هديل طيبه فيه نآس بيعوضوكي
 روآن رفعت كتفها لما حست كلامه صح : مدري احسهم جو متأخر عارف احس اللي جوتي زي البيت اللي انحرق مهما حاولت تخلي المكآن جميل 
 بس ماينفع خلاص انحررق كل شي فيه الشي الجميل يسير يشوهه زياده _ طالعت فيه _ فاهمني ؟
 نظرتها دي دايما تقتله .. 
تامر يضغط على يدها وهوا ضععععيف قدام كلامها : مافي انسآن مايقدر يرجع يوقف ياروان مرا تآنيه اديهم فرصه 
 روآن : بشار وهديل ماعندي مشكله معاهم بس دلال مو قادره وربي احسها طيبه بس ماعندي قوه اجلس معاها ماقدر اتكلم تخليني على قد ماباها 
 على قد ماأكره حياتي .._ رفعت يدها تمسح دمعتها قبل لاتنزل _ والله مو فاهمه ايش ابا انا بس مو قادره اتقبلها من كتر مو تعبانه 
 مارد تآمر الكلام ضـآع منـه 
 مافي شي يقدر يواسيها فيـه 
 قد ايش مستحمل قلبــها الصغير دا كلو ..
قد ايش بيتحمـل وجـع 
 روآن بعد صمت قالت : تباني اعاملها كأنها صحبتي تقولي انسي اني امك _ ابتسمت بوجع _ انسى ايش ؟ فجعتي لما جآسم قلي عنها 
 ولا لما بشار جبلي سيرتها ولا لما شوفتها اول مرا طول ماأنا جالسه وكل اللي في راسي دي ماما دي ماما واحس راسي بينفجر لأنه هيا بتهرج وانا قلبي حيوقف ومو قادره استوعب .. 
تآمر : لو انتي مكآنها ايش كآن سويتي 
 روآن : انتا على بالك انا اللي بسويه شي صح ؟ انا عارفه اني غلطانه بس مخنووقه مو قادره اتقبل حياتي الجديده _ نزلت دموعها _ عارفه اني غلطانه بس .. 
 _ سارت تهرج بصوت متقطع وهيا تبكي وتتكلم بصوت واطي _ ياتامر ..ماأتحمل ... احس وصلت ...لمرحله ..بحياتي .. انا بالقوه ..اوقف على رجولي .. احس اني ابا اموت .. 
بس ربي ياخد روحي ...مو انا اللي اسوي شي ... احس اني ابا اشرد من الكل ...امس فكرت ..اني اسيب البيت وامشي .. ودي الفكره كل ماأخرجها ترجع تآني ... كل اللي بقولك هوا ..
 .لو يوم مالقيتوني ..اعتذرلي من هديل .. ت
 قاطعها بنبرته الحاده : رووان روووان اهجدددي _ يشد على يدها _ ماتبي امك قوليلها ماباكي بس 
 قاطعته لما حركت راسها بالنفي : هيا طيبه ماقدر اجرحها ماقدر اجرح كمآن هديل
 تااامر متجنن ايش الفصللله دي دوبها كآنت تتكلم عادي 
 دوبها كآنت تضحك 
 بس روآن انعكآسـه بطريقته لما يكبت كل شي جوتـه بس الفرق اللي جوتها شي اكبـر من اللي هوا بيمر فيـه 
 شي اكبـر من عمرها بكتيييير :ايش حتستفييدي لو روحتي 
: وقتها حعرف انا ايش ابا ... انا ضعت بدونهم ولا مافرق معايا احد خلاص 
 تآمر قلبه يدق بســـرعه من جنانها : اسمعي بطططلي تفكري زي كدا اوعديني انو اول ماتحسي نفسك مخنوقه تتصلي عليا قوليلي ابا اخرج ابا اشرد من الكل وحتلقيني انا اول واحد حياخدك فين ماتبي 
 روآن اكتفت بالبكآء الصآمت دا اللي يجبلك الوجـع جوتك اكتر من انو يريحك ..
في الكآفي اللي واجههتته كلو قزآز .. 
جالس هوا ويـآها وفي الطآوله اللي قريبه منـهم ..بنت اصولها هنديـه ماسكه جوآلها وبتقرا ...واللي يشتغل في المكآن 
 بينظف اجهزه القهوه 
 الهدوووء طاغي على المكآن 
 بكآآآها خلاه زي المجنوون اللي يبا يهديها بس مو عارف كيف 
 جالسه عن يسـآره .. 
يده اليمين حاتطها على يدها ورفـع يده اليسار وحطها حولين كتفها 
 المسـآفه اللي بينهم اختفت 
 بس لمسها خرجت شهقه خفيفه تبين ققد ايش تعبانه 
 صوته الهادي ..نظره عينه ..حركه يده على ذراعها: لاتكوني انانيه وتفكري بنفسك اشردي من الكل بس لاتشردي مني .. 
بالقوه قدرت تنطق : انتا زيهم 
: في ايش زيهم ..
روآن : مددري احبكم واخاف منكم 
 قالتها ودخلت في دوآمه بكـى ودي اول مرا تنطـق دي الكلمـه له 
 الكلمـه اللي خلت كل ملامحه تلين وصوت بكآهآ اللي بيقهرره .. 

 امـآ خارج الكـآفي اللي اخد حيز في المستشفى ..بيمشـو ومتوجهيـن لنفس المكآن ..
لمى : كآن اتصلت عليه قلتله يجينا 
 امها : مو انتي تبي تغيري من جلستك بالغرفـه 
 لمى تعدل طرحتها واترخت يدها ووقفت مشي لما شافت تآمر
 فجأأأه قلبها تحسسسو طاح في نص معدتها وبعدها ماحست بنبضاااته
 هبببوط 
 فجعععه 
 اخوها محوط يده حوليـن ..قريب مرا منها ... كراسيهم جمب بعض . 
رفع يده ومررها على خدها ويمسحلها دموعها 
 رجولها تقيــله لمى 
 ابشع منظر ممكن تشوفيه 
 اخوكي ماسك بنت بدي الطريقـه بنت ماتحلله 
 ماسكها بكل جرأه 
 تبا تمشي بس مو قادره 
 امها طـآلعت في الكآفي وبعدها بلمى كآنت بتكلمها وشافتها وقفت مشي 
 نقلت عينها في المكآن اللي عينها متسمره عليه لمى وعقدت حوآجبـها 
 مين دي !!!! 
دارت راسها تآني على لمى ونادتها 
 ولمى كأنه استوعبت ورخت عينها مشيت بتشتت بااتجاه امها وقالت باارتباك : نرجع الغرفـ
 امها قاطعتها : مين دي اللي مع تآمر 
 ماجا في بالها انها ترف لأنه واضضح انو الجلسه اللي بينهم جلسـه واحد هيمآآآآن 
 تآمر بعد عن روآن وسحب منآديل واداها وهمـآ يبعدو عنهم بمترييـن تقريبـآ عن باب الكآفي
 امها رجعت عادت : مييين دي اللي مع تآمر ؟!!!
لمى تطالع في امها وترجع تطآلع في تآمر
 قلبها يدق بطريـقه مجننننونه 
 ايش الموقف دا 
 دي اللي يحبها ..؟ كدا تقول لأمها ..؟
 دي تربيتك !!!
مقابل وحده في المستشفى وماسكها بدا الشكل
 تــآآآمر دا تآآآمر لو من تميم ممكن بس تآمر لا 
 مو مهتم احد يشوفه..؟ 
 شخص في العمل..؟
 طيب اهلك !!!!
مين دي اللي مخليته بدا الشكككل 
 مخليته ينسى نفسه 
 ودينه 
 واهله 
: لممى !
طالعت فيها لمى : ها 
: مين دي ؟
 قالت بعد ماخرجت كل الهوى اللي جوتها ...بصعووبه نطقتها : خـ طيـ ــبته
 ماتبى تفجع امها زي ماهيـآ مفجوعــه 
 لاشعوريـآ امها ابتسمت 
 وكأنها طفلـه اي احد يقدر يضحك عليـها 
 مسكت يد لمى : طيب تعالي ابا اشوفها 
 لمى ماسحبت يدها بس كآنت تتكلم بسـرعه : لا خلاص خليهم ش
 امها بصوت وحده تبا تبكي وهيا بتمشي : الله يحفظكم كبرتوو والله 
 لمى مسحوبـه بدون اي قووه مو عارفه كيف تدخل 
 وفجأأأه الفجعه شلتتت جسـم تآمر لما شافهم واقفيـن فوقــه 
 ماحس فيهم الا واقفــين ..سحب يدو من يد روآن بشوووويش
 ماتنننفس من الفجـعه 
 يطـآلع باأمه مو قادر ينطــق ولا قادر يتحرك 
 روآن تطالـع فيهم ومو مستوعبـه بس متأكده انو يعرفهم !
تمرر مناديل على عينها وهيا تمسح طرف عينها ..
امـه ابتسمت بحب لروآن : والله ماتصدق قد ايش مبسوطه 
 روآن ماستوعبت تطالع فيها وتكلم تآمر 
 قدمت خطوه وروان قامت لما حست انها تبا تسلم عليـها وسلمت عليها 
 وتاااامر وجهه محممممممممممر
 مو فاهم ايش اللي سار دوبه 
 امه ليش بتسلم !!!
جا في باله انها تحسبها ترف 
 دا التحليل الوحيـد 
 روآن كآنت بتعبد الا ام تآمر ماسكه يدها وشويا وتبـكي ..طالعت في تآمر : امس ماقدرت تحكيني يعني عنها
 تآمر بينجللط في مكآنه مو قادر يتحرك ومو فاهم شي ...ايش يقوول !!!!
امه رجعت تطالع في روان وجلطته زياده بجملتهها : عقبال ماأفرح فيكم يااارب 
 وتملولي البيت باأحفادي_ وخرجت منها تنهيده من قلبها _
روآن وسعت عينها بصدمه 
 تآآمر زي الكف اخدو 
 مارمممش 
 ماتنفسسس
 نقل عينه للمى اللي مابطالع حتى فيـه من كتر مو طايح من عينها 
 ام لمى حست بتوتر الجو محد رااضي ينطق من يوم مادخلت استوعبت وجه روآن اللي كلو بكى
 سحبت يدها من يد روآن : فيكي شي ؟!
روآن بالقوه حركت راسها بالنفي ولساتها مصدومـه 
 وطالعت في تآمر وسارت مو عارفه ايش فيـه : تآمر 
 تآمر بعد كرسيـه ووقف وقلبه حيوقف ..ووقف وسار اطولهم وكلهم طالعو فيـه 
 مو فاهم ..مو عارف ايش ينطق .قال بصعوبـه : هلا 
 امـه عرفت انهم مضاربين : ايش بكم جالسين هنا
 روآن حكت رقبتها بتوتر 
 تامر مرر يده على جبينه اللي سار بيعععرق من التوتتتر : كنت ... _ اخد نفسه وصرف الموضوع _ الله يهديكي ياأمي انتي ليش نزلتي مو المفروض ..ترتاحي 
 امـه : طفشنا من جلسه الغرفه _ ورجعت طالعت في روان وابتسمت _ مدري انك كنت قاعد مع الأموره حقتك 
 روآن وجهها حمممر طلعت اممممه تبا تجري 
 تبا تشششرد 
 قلبها حيوووقف !

تآآمر استوعب ايش تقصــد ...اكيد شافوه وهوا ماسكها ..اكيد امو عارفه تربيتها ..ماحتشك بولدها 
 كره نفســـو 
 خاف من امــه وف لحظـه نسي ربـه 
 ام تآمر طالعت فيـها : ايش اسمك
 روآن لأول مررررا تحس بكميه الاحرااج ..تحس انه حيغمى عليها من كتر الفجعه : ر .روآن
 قالت بمزح ...بمزحها اللي الكل ناسيه : ماشاالله وجيتي تزوريني ولا عشان تشوفيه 
 روآن وتـــآمر وضعهم مززززري
 وجيههم الاتنين حمممرا بشككل واضـح 
 بشكل مللفت 
 روآن بلعت ريقها ..دارت راسها تطالع في تـآمر تباه ينقذها 
 تـآمر حزن عليها ماتخيل في يوم انو حيوقف قدام اهله وهيا جمبـه 
 وهيا ماتربطه فيها اي علاقــه شرعيـه 
 تآمر : لا ..جات ...يعني كآنت طالعه 
 امـه على الفره اللي بقلبها بس عقدت حوآجبها لما حست بصداع تامر عدى روآن ووقف بين امه وروان وبخوف اتكلم : ايش بك 
: مصددعه احس راسي تقيـل
 تامر سحب الكرسي اللي وراها وجلسـها : ارتاحي 
 وقف بااستقامه وهيا اخدت نفسها ورجعت تطـآلع في البنت اللي ضايعه جمـب حجم ولدها : أجلسو ايش بكم 
 روآن تطالع في تآمر وتستنى اوامره .. مو عارفه كيف تتصرف 
 اشرلها براسه انو تقعد وطالع في لمى اللي لساتها واقفـه 
 بلقوه سحب كرسيـه وجلس وروان في النص بينها وبين امـه سارت 
 طالعت ام تآمر في لمى ...ومن غير ماتهرج لمى سحبت كرسي وجلست جمب امها ..
ام تآمر وكل همها روآن : طول عمري احلم اشوف اولادي متزوجيـن ..يعني بناتي عادي اباهم يقعدو على قللبي بس اولادي _ طالعت في تآمر وهيا تبتسم _
ابا اشوف مرته جمبـه واولاده بااذن الله ربي يبلغني واشوف اخوه الصغير كمان عريس
 روآن خلاص تبا تضحك ولا تبكي ولا ايششششش تسوي الحرمه تتكلم معاها 
 على اساس انها مرت ولدها وتااامر سااااااكت !!!!
تامر ماقال لا !!!!
اذا ولدها مجاريها هيا تهرج وتنكر تحس انها مو فاهمه شي 
 وبيسولها مقلب 
 والبنت التآنيه كأنها مو معاهم لا طالعت بروان ولا بتآمر ..
روآن تبا تشرد تبا تقولها الحمدالله على السلامه وتمشي وتامر يحل الموضوع 
 قالت بصوت يرجف : الحمدالله على سلامتك ياخاله و
 قاطعتها : لا تزعليني وتقوليلي خاله زيك زيي امل قوليلي ماما 
 روآن بلعت ريقـها رجعت تطالع في تآمر اللي مو عارف يتحرك بسبب الكراسي اللي قريبه من بعض 
 اشرت براسها بتوتر وبعدها قالت : انا لازم امشي ..
ام تآمر حاستها منحرجه وكأنه اول مرا تجلس معاها اشرت براسها عشان لاتكسفها : انتبهي على نفسك 
 روان سحبت شنطتها واشرت براسها باارتباك : مع سلامه 
 ودوبـها بتمشي الا ام تآمر طالعت في ولدها : روووح وصلها ! 
تامر لانت ملامحه ويحس انو مايستوعب على طول 
 طالعت في روان اللي بتخرج واشرت : سبتها كدا تمشي ولا عبرتها !قووم
 تآمر بعد كرسيه بشـويش ... وخرج وراها والصدمه طاغيه على وجهه .. 
اما ام لمى حز في نفسها للبسها .. ماتوقعت تآمر حيخلي في يوم مرتـه كدا تلبس 
 اقلها تتحجب 
 امـآ تآمر شايفه تبعد بس مانادها لأنو حيشوفوه 
 يباها تخرج من بوابه المستشفى وبعدها يروحلـو وبزبط اول ماخرجت نادى : رووووان 
 روان على طول دارت وكأنه ماصدقت تلقااااه 
 اشرت بصدمـه : اااايش اللي سار دوبـه تامر مرر يده على جبينه : معلللليش وربي معللليش انا اسف
 روان صدرها يطلع وينزل من كتر الفجعه : هيااا على اي اساس تكلمني كدا
 تآمر بلل شفايفه الجآآفه : مدري يمكن شافتني ماسكك حسبتك مرتي ولا ايش بزبط !
روآن : حسبتك !! انتا حتتزوج من وراهم يعني 
 تآمر : مو قلتلك طاحت على راسها حتى انا ماكانت متذكرتني 
 روان وسعت عينها : ننعم !!
تامر اتنهد بصوت مسموع .... موووقف مستحيل ينسآآآه 
 لمممممممى 
 لمى كيف يطالع فيها 
 منظظظره مرا سيئ 
 مكسوف من نفسـه 
 حس الموقف زي الكف اللي فوقـه على نفسه : معلليش انا حفهمها وشكرا بجد لأنك ماتكلمتي 
 روان : والله انا كنت بتكلم بس مع الفجعه ماعرفت ايش اقول 
 تآمر : يلا مو مشكله ومعليش مرا تآنيه 
 روآن ابتسمت وواضح لساتها مفجوعه : يلا خليني ارجع بعد الفجعه دي حنام على طول 
 تآمر ضحك غصبا عنه مسكينه كآنت تبكي وف موووود القهههر وفجأه طبت امـه 
: طمنيني عليكي 
 روآن اشرت براسها : طيب 
 شافها تمشي وتركــب السياره من بعد ماكآن يشوفها تركب تكآسي ولبسها مبهدل
 سارت تلبس احسن للبس وتركب احسن سياره 
 دار جسمـه ومو عارفه ايش حيدخل يقوول 
 يتمنى انو لمى مو فيــه مايدري انو هيا اساس الهرجه كلها 
 دخل بتوتر جلس بتوتر ..مرر يدو على رقبته بتوتر ..
وامه : ايش بها كدا مرا مستحيـه 
 تآمر طالع فيـها ايش يقووول !!!! 
لمى قالت : دوبهم مخطوبين
 تآمر طالع فيها وهيا شتت عينها وباين انها زعلانه ..
ام تآمر : كم لكم ؟
 تآمر مو قادر يستوعب انو حيتماشى معاها بالكدبـه !!!!!
حيقول انو البنت خطيبته !!!
كذب على موضوع لمى وموضوع ابوه وموضوع تـرف 
 وحيجي يقول انو خآطب !!!
يطالع في امه وهيا تستنى جواب 
 مو قادر يجاوب وقف ومد يدو : تعالي اطلعي ارتاحي 
: تعـآلي احسن على سريرك 
 وقفت باستسلام وهوا ماسكها ... ماتحس انو متوتر بالتعامل معاها زي لمـى اما لمى وقفت بصمـت 
 وتمشي بصمـت 
 وكل اللي ف بالها عدي ...
هما الرجآل كلهم كدا !!!
عدي كدا كآن يسوي ..!؟
 قلبها يحرق وحابسه دمعتها بالقوه 
 وام تآمر تحكيه عن روآن عجبها شكلها وحبت كيف مستحيه 
 تآمر على انو منحرج بس بالقوه مسك نفسه لايضحك على انها تستحي ماتدري انها مفجوعه
 جلست على السرير واتنهدت بصوت مسموع : بس مافكرت تقولها تغير لبسها ..تراك زوجها يوم القيامه انتا اللي حتحاسب 
 تآمر بيصرف الموضوع : كل شي بوقته حلو ...انا لازم امشي دحين 
 لمى جالسه على الكنبـه 
 امه : خلاص انا بخرج 
 تآمر : ان شاالله بكرا .. اهم شي انتي خليكي مرتاحه 
 جا قرب من سريرها وهيا مسكت يدو : متى حشوف ترف وتميم وليث فينهم .؟
 تآمر ابتسم : حيجو والله حيجوكي كلهم ...
سلم على راسها وطيحت قلبه لما قالتلو : سلملي على روآن
 دوبـه بدأ يفك ورجع الارتباك يطغى عليه :الله يسلمك 
 وسسسسحب نفسـه من المكآن .. اتوجه لسيـآرته واول ماركب اخد نفسه بصووت عآآآآلي
 ياأأأأأألله كيف حيقدر يطالع بوجه لمممى 
 كيف حينهي دي الهرجه 
 وجهه حمر اول ماتخيل ايش ممكن شافوه ايش يسووي : آآآآه 
 من كتتر مو مستحي من نفسـه ... 


امـآ لمـى امها طلبت منها تخفف الاضائه بسبب الصدآع ..
وجلست على الكنبه وماسكه جوآلها وكل اللي في راسها منظر تآمر ..
فتحت محادثه عدي لقتـو اونلاين ..
وبدات نار الغيره تشتعل جوتها .. ايش ممكن يسوي 
 مين بيكلم 
 لين ماتجمعت دموعها بعينها 
 لين ماحست نفسها مخنوقـــه 
 وصوره تامر في راسها وتتخيل عدي مكآنه 
 كآنت حتكتب الا انفجعت لمـآ شافتو يكتبلها 
 خرجت من الواتس بسـرعه 
 يدها تتنافض ...
ورجعت فتحت لما اتكلم ..
 " في الصباح حجي مع امي "
تطالع بالكلام وتبا تكتب اخد منها تلات دقايق وبدال ماتكتب خرجت من الوآتس 
 الا رجعت فكته ولقت كآتب 
" كويس لاتردي لو امي ماأصرت اكون فيه ماكآن جيت "
تقرا الجمله مرتين تلاته 
 اربعه وخمسـه ونزلت دموعها بصدمــه 
 مو عدي 
 دا مو عـــدي ..
امـآ هوآ بغرفــته الجوال من يوم ماخرج من عندها لدحين بيده 
 هوا اللي قال لأمه اوديكي 
 هوا اللي يبا يجي عشان يشوفها 
 بيتجنن من طنآشها وكأنها ماطلبت الطلاق
 رجوله بتتحرك بشكل تلقائي ومو قادر يوووقفها 
 طناشها له بعد ماقرأت حرقـه زيـآده 
 شافها تكتتتب 
 وقلبببه يدق بطريـقه مجنووونه 
 انفاسه تتسارع واتوقف عن التنفس لما شاف ردها 
 ردها اللي دمره 
 يطـآلع ومو قادر يستوعب انو بعد ماهديت كتبتلو نفس الشي 
" انا اكررهك كل ماتذكر ايش كنت تسوي اكرهك زيآده "
عارفين لما تكتبـو شي من ورا قلبكم 
 لأنكم متمسكين بشي انتو عارفين انو جارحكم 
 جارحها موضوعه بس مو قادره تسيبو تكدب لو تبا الطلاق
 حتتجنن لو سابها 
 بس قهرها بردو وهيا ردتلـو برد اقوى 
 شويا وشافتـو يكتب 
" دام وصلتي لدي المرحله ماتوقع اقدر اتمسك فيكي اكتر .. ماحتمسك بوحده كارهتني ومو راضيه تستوعب الموضوع 
 تبي تنهي كل شي من غير ماتسمعي من غير ماتفهمي لدي الدرجه انا ولاشي يالمى "
وقفـت واتوجهت للحمآم خافت امها تطالع فيها وهيا خايفه تفضح نفسها بصوت بكآها ..
كل واحد بيجرح التآني .. وكلهم بيجرحو من كتر مو محروقين من الصد 
 اشتآق فاجاب مبرر عشان يكملـها .. 
لمى كتبت ويدها تتنافض وترجع تحذف مو عارفه ترد جرررحها بكلامـه حطت الجوال على المغسله 
 حطت يدها على فمها وهيا تكتم شهقاتها وماقدرت تعلق عليـه 
 امـآ هوآ رايح جـآي بالغرفـه يباها ترد 
 يباها تعلق ولما خرجت الوآتتتس رمى الجوال بقهر 
 جسسمه كلو يتنــآفضض 
 عارف انو قلها كلام قوي في النهايه بس كلمه اكرهك زيـآآآده 
 جننتــو ...
يمرر يده على جبينـه ويرجع يجلس ..وشويا ويوقف .. واخد مفاتيح سيـآرته وخرج وهوا نازل صدم في لؤي 
 لؤي : اخخيرا صحييت 
 عدي جا يمشي الا مسكـه لؤي وعزآم وراه : امشـ
 وف نص كلامه عدي سحب يده بعفااشه وقال بكل صوتــه : مننننني فايق لأهلك يالؤؤي 
 وسمعـو صوت بـآب البيــت ينقفل بكل قوتـه ووصـلهم صوت سيـآرته والازعاج اللي طلع لما اتحرك في اقل من ثاانيه 
 واختفــى ....
لؤي : ايش بو الاهبل دا 
 عزآم : من امس ودا وضعـه حاول تتحاشاه 
 وهنــآ كبرياء رجــل يضععع عصبيـته بتلك الطرقـآت وتبقى دعوآت امـه كفيله باأن تحميـه 
 وهنـآك انهيار انثى تكبت بداخلها الف صــرخه كعادتها من صغـرها 



 ربــآه لاتضعني بهذا الموقــف 
 نظره ابني تكسـرني ..
شكوآه تهمش كل شي حي بدآخلي 
 دمعتـه تنزع روحــي بكل قسـوه كأنها رصـآصه غرزت بدآخلي
 يارب انك لطيـف فاألطف بحآلي ..

ف الغرفـه الخاصه باأحد المستشفيآت .. ليـث قريـب من ولده 
 الدكتور في النآحيه التآنيه هوا وتميم 
 وامل ماسكـه في الكنبه وتحس ماعندها قوى تستوعب اللي بيسيــر
 عيونـه تحــرقه من كتر مو راضي يرمــش دموعه محجررره 
 جملـة ولده زي السيــف اللي نزل وقسـمه نصيــن ..
نادى تآني مرا بخووف : بابا 
 صوت بيحاول يتمآسك عشان لايخوف ولده : ايوا 
 احمد يطـآلع بيده : قولهم يشيلو الابـره ...موقادره احرك يدي 
 ليث راخي راسـه بمستوى ولده يحرك يده على شعره : انتا تعبان دحين ... بعدين حتقدر تحركها لاتخاف 
 احمد عيونه معلقه باأبوه ورجع طـآلع بيده 
 انو يبفقد احساسه انو يركز وهوا يحاول يحركها ومو قااادر شي مخوفـه
 رفع يده اليمين وجا يسحب الابره الا الدكتور مسكـه 
 وفجأه بكككي بكل صوتــه ينادي ماما ..ينادي بابا 
 هنـآ امل جلست على الكنبـه وبكيـت 
 ليث يحاول يهديـه رفـع جسمـه على السرير وحضن ولده وسار يقـــرا عليـه 
 يمسك يده ويبوســها ويبوس راسـه 
 جسم احمد الصغيــر اترخخخى ونـآم في حضن ابـوه لأول مرا بحيآته ..
ليث سند جسمه على المخدات ودموعه تنزل بصمـــت 
 تميم خرج مايقدر يطـآلع بليــث بدي الحآله 
 صممممت فضيـع بديك الغرفـه 
 امل مو قادره تتحمل ألم رآسها وخوفها على ولدها 
 ليـث كآن حاسس بذنب اتجاه اخواته وحاليا حاسس بذنب يقتتتتتل كل خليه في جسمــو اتجاه ولدو 
 ولدو اللي فقــد الاحساس بيدو بسبب اهمآلـه 
 فقد حآجه حيعاني منها طول حيآآآته لا الإعتذار ولا اي شي حيرجعــه 
 بعيونـه اللي تدل على تعبــه حط ولده وقام من السرير 
 ماحط عينه بعين امــل 
 انسحب وخرج لقى تميم واقف وبيتكلم بالجوآل 
 يبا يقوله ارجع 
 تعب معــآه 
 بس وقف لما سمع يقول : والله ياترف دا بس اللي سار .. ادعيلـو ..
سكت لمت ليث حط يدو على كتفو دار عليـه وبيدو التآنيه همسلو : اديني اكلمها
 مكسسسسسسسسسسسسسور
 صوتـــه نظرته كل شي 
 تميم قال بعدم استيعاب : دي ترف
 مانزل وماعلق وكأنه يفهمو انو عـآرف 
 ماعنده قووى وتميم اداه بدون مايدي خبـر لترف اللي قاعده تنآديـه ..
حط الجوال على اذنـه وبعد عن تـميم 
: وي تميــم !!!! ..الو !!
بعد عن عيون الكل وجلس على اقرب كرسي : ترف 
: ايوا ياتم
 سكتت لما استوعبت الصوت غيـر 
: انا ليـث 
 رفع يده اللي تتنآفض على جبينه وهوا يغطي عينـه 
 كآن يبى ينسحب لأنو مايقدر يعتذر
 بس خآيف اللي سار بولده بسبب دعوتها 
 ماهمو كبريائه ماهمــه شي حآليآ ..
في غرفتها جبسسست ماقدرت تقفل وبنفس الوقت ماقدرت تتكلم 
 ليث بكل ضعععععف : امآنه ادعي لولدي .._ وصلها صوت شهقـآته وكمل كلامه وهوا يضغط على ىعيونه _ 
انا كلب انا حقييير عااارف ..استاهل كل شي تبي تدعي ادعي عليا ..بس لاتدعي على ولدي 
 ليث لساتها مصدومه من كلام تميم وانهيار ليث فجعها ..جلست على السرير ..
مستحيل تسامحه بس هيا عندها ولد قالت بصعوبـه : عمري مادعيت على ولدك ..أنا 
_ سكتت كآنت تبا تقوله مستحيل اوصل لمستوآك بس صعب تكون بدي القسـوه _ 
قالت بجمود : عندك شي تآني ؟!
 : ادعيلو دا بس اللي اباه منــك 
 نزلت دموعها الانثى ضعيفـه صوت شهقاته كسرتها برغم انها بكيت قدامه ومارمش بعينه 
 وماحححن حتــى ...
قالت وهيا تحاول تكون قويـه : مع سلامه 
: تترف
 ماردت بس ماقفلت برضو 
: الله ياخد بحقــك مني ...الله يبرد قلبك فيا بس مو فعيــآلي ولا فمرتي 
 نفسها تقــوله يووجع صح ..؟ بس مو قادره حاسه انو اللي سار في سآمي وخوفـها عليه 
 قاعد يعيش اضعااف احساسها 
 كلامــه قاعد يبكيـها بس بصممت 
 قالت من ورى قلبـها : آمين 
 قالتها وتحس قلللبها يووجعها ..بس مو قادره تنسـى ايش سوا فيـها ..
 : الله يسعـدك .
وقفـل من غير مايضيـف اي شي تآني 
 بعدت الجوال وبككيت بصوتها 
 ليش ماتقدر تكون قاسيـه زيـه 
 ليش حزنـآنه عليه 
 ليش ندمآنه انها قالت اميـن 
 سمعت صوت باب الشقـه عرفت انو سـآمي جا من بـرا مسحت دموعهـآ على طول ..


 ..... 
واقفيـن قبـآل باب غرفتهآ .. عيونـه السهتآنه 
 صدره اللي يترفع وينزل بطريقـه غير منتظمـه 
 يده اللي يمررها على شعرها 

 سانده جسمها على الباب ولو مافي شي ساندها حتطيـح من طولها 
 نبضـآت قلبها السريـعه بسبب نظراته بسبب صوتـه الرااخي موترها ..

مآتنكر انها تخاف منـه لما يكون بدا المود بس بنفس الوقت تعشق لما تشوفـه ضعيف عندها ..
 : كيف اخليكي تستوعبي اني مجنون فيكي 
 مسكت يده اللي يمررها على ذراعها ..قشعرلها جسمها قالت باارتباك : روح نآم يابشار 
 ابتسم وصوته لساته موترها : ابا انام عندك على الكنبه 
 هديل : هههههههه ماحخليك تدخل 
 بشار : مابى اكون لوحدي 
 هديل تحس انها ضعيفـه بلعت ريقها :حكلمك بالجوال لين ماتنآم
 بشار : لا ابا عندك 
 هديل مسكت يده وسحبتـه وتحاول تتغاضى عن حركآته اللي تجننها : تععااال 
 بشار : ياااربي ياهديل 
 وصلته لحد غرفتـه : يلا ادخل 
 بشار : سايره ممله 
 هديل : هههههههههههه لا ياااشيخ وانتا ساير ماتستحي
 بشـآر : مصيري حدخل وغصبا عنك 
 هديل وجهها حمر : لوقتها يسير خير
 بشار مبتسم : تتوقعي كيف مم
 وقبل لايكمل دفتو : ادخل يابشار 
 بشار : هههههه ايش بك ابا اتكلم 
 هديل : بكرا نكمل نقاش
 بشار : ههههههههه احد قد قلك انك ماتخليني اعبر دايما عن احساسي
 هديل حطت يدها على قلبها : ياعمري انتا وصلني احساسك مايحتاج تعبر
 بشار طالع في الخآتم اللي بيدها وبعدو ف وجهها : نفسي اكسيكي كلك المآس احس دا الشي اللي يليق فيكي
 هديل مستحييه على قد ماتعشق لما يتغزل بس ماتعرف تتكلم ..باارتباك رجعت شعرها ورا اذنها 
 وهوا كالعاده فكلها شعرها ولبس الربطه وكأنها اسوره بيده : خليكي كدا
 هديل : انا حقص شعري في يوم عشان ترتاح
 بشار على طول رفع حآجبـه : وربي لاأخليكي تندمممي ..كل شي فيكي مالك حق تسويه بدون إذني
 هديل ضحكت وخلاص قلبهها من كتر مايدق تحسو حيوقف : بشااار 
: عيوووني
 هديل بضعف : نآآم
: حنآم والله حنآم بس قوليلي احبك
: احبك
: قوليها من قلبك 
: هههههههه والله احبك
 زادت ابتسامتـه : مابى انآم
: طيب ايش تبانا نسوي
: انتي ايش تبيني اسوي
: هههههههههه قلتلك اباك تنآم 
: لا شي تآني
: امممم طيب غنيلي وبعدها انا اللي حدخل انآم
: إنتي تعبانه ؟
 اشرت براسها باايجآب وتبا تنآم عشان تشرد من نظراته بس : ايوا 
: طيب خلاص روحي اجل
: لا غنيلي اول 
: ايش اغنيلك 
 حركت كتفها بدلع : مدري حاجه تخليني انام وانا مبتسمه 
: ههههههههههههههه مايحتآج اغني خلـ
 دفتو لما عرفت انو حيقول شي يحرجها : بشاااار
 بشار : ههههههههه هااا
: غنيلي 
 بشار سند جسمو على الباب ومسك يدها : اغنيلك .؟ _ قاعد يفكر بااغنيه وبعدها بدأ يغني في الممر الفآضي بعد جسمو عن الباب _ حيـــن يكون الحب كبيرآ .. والمحبوبة قمرآ لن يتحول هذا الحب لدمعة حزن يذرفها الحرمآآن ..حيكون الحب كبيرآ والمحبوبه قمرا لن يتحول هذا الحب لدمعه حزن يذرفها الحرمآآآآن ..يكفي أن تعشقني إمرأه مثلك يكفي ان تعشقني امرأه مثللك ..يكككفي يكككفي تعالي تعااالي تعااالي هاتي يدكي اليمنى كي أتخبأ فيها ..تعالي تعالي تعالي هاتي يدكي اليسرى كي استوطن فيها ...قولي اي عبااارة حب حتى تبتدئ الأعيـــآد
 صووووته 
 صووووته ياااخدها لعااالم بعيـــد 
 كلمآت الاغنيه نظرآآته كل شي يخليها تآخد انفآسها باارتباك 
 وانتهت جلستهم لما باسها بخدها ودخلت تنآآم 
 وفين يجيكي النوم يااهديـــل ...الابتسامه مرسومه على وجهها غصبا عنها 
 وكآنت دقآيق ورجع اتصل عليـها اول ماردت قال: خليكي معآيا
 كآن دوبه حيغمض عينـه بس رجعت كل المواضيع تترمي في راسه وحده ورا التآنيه 
 بدأ يحس انو بعدها يخليـه واحد تآني اللي حتى هوآ سار يكره نفسـه 
 واستنجد بصوتـها .


 وبدأ صبـآح اليوم التآني ... 
في المستشفى ليـث على السرير الابيـض
 حاتط ولده بحضنـه اللي كل مايصحى يبكيـهم 
 وامل على الكنبه 
 مو قادره تطـآلع في ليث كارهته بس بنفس الوقت ماقللت من احترامه 
 حتى هوا ماتكلم معاها 
 مكسوف يحط عينه بعينها 
 يكفي الانكسـآر اللي جوته مايبى يتتهدد اكتتتر
 تعبآآآآآآن 
 ووصــل يحس لأخر الطريـق 


 تميم رآح لأمو ولقاها نآيمه ورجع نآم في البيت 
 وتآمر كآن رايح لليث بس تميم قلـو لاتجي وبرضو رجع للبيـت ..
صحي بنص نومـه كتب لرشـآ " احبك "ورجع نآم وصحي بعدها بسآعه شافها ماردت 
 كتبلها " رشا مخنووق ابا اكلمك " 
ماردت اتصل ماردت ونآم للمرا التآالته بهمـه




 رجع البيـت في الصبـآح ..اول مادخل لقى عزآآم ولؤي وامـه وعلا نآيمه على الكنبه
 وعلى طول وقفـه : انتتتا فينك
 عدي : كنت عند صآحبي
 عزآم : تستهبببل ماسبنا احد من اصحآبك ماكلمنآه 
 عدي : عزآم مو فايقلك 
 امـه : اببوك لو يدري انك مو في البيت كآن اتجنن 
 عدي : انا مو صغيير ا
 امه بحده قاطعته: رجعنننا لنفس اسلووبك 
 عدي انكتم ..بلع ريقـه 
 وامـه : حرآآم عليك والله لو ادري انك ماكنت في البيت طول الليل كآن اتجننت انا التآنيه 
 عدي طالع في عزآم ولؤي واضح انها دوبها صاحيه وعرفت منهم 
 مقهور منهم مايقدرو يرقعولو 
 بس بنفس الوقت دا اللي كآنو يسوه زمآن 
 خنقوه زياده لما حس انو الأيام بتتعاد بعينه ..طالع في امه : تبي تروحي
 اامه : هوا انتا نومت ؟
 عدي : ياامي الله يخليكي خلينا نروح دحين مو وقت الكلام دا ... انا طالع اغير ملابسي
 وماساب لأحد مجآل وطلـع لفوق 
 خلاص عرف انو نهايته هوا ولمى قريب
 عارف انو روحتـه اليوم ممكن يكون اخر لقاء بينهم 
 يبا يشوفها 
 مشتاقلها 
 ومو قادر يبررلها اكتـر من كدا
 ققال اللي عنده 
 ورجولته مو سامحتلـه ينذل اكتر 
 بكي ف حضنها
 طلب انو يديها الوقت اللي تباه 
 بس هيا مصممه على موقفها
 حس نفسو ولاشي بنسبه لها 
 وهنآ ينتهي كل شي ..

طلـع استحمـى واتجهـز .. وخرج يستنى امه في السياره 
 ليـن ماجات واتوجـه للمستشى 
 ساكته ساكته وبعدها قالت بقله صبر : على الاقل احترم اخوك ولؤي اللي من امس مانامو بسببك
 رد ..؟
 طالـع ..؟
 عينه على الطريـق ولا نطق بشي
 عينها مثبته عليـه ولما صمته زاد دارت راسها : لاحولا ولاقوه الا بلله
 خلاص مو عارفه عدي ايش يبـآ ..باإيش يفكر 

 امـآ لمـى صحيت بعد بكى طول الليل .. 
مسكت ظهرها باألم من الكنبه ..حاطه طرحتها على كتفها 
: صباح الخير
 لمى : صباح النور
: الكنبه مو مريحه 
 لمى : الا عادي 
 ام لمى وماصدقت : لمى فين ابوكي فين اخوانك وترف ! محد مهتم يتصل ولا يسئل 
 لمى قلبها كآن حيوقف اول مآقالت ابوكي حاولت ماتعلق : ترف اليوم حتجي وتميم جآ امس ولقاكي نايمه وراح 
 ام لمى : وليث ؟
 لمى قالت الكلام اللي قالو تميم لها : ولده تعبانمن امس في المستشفى بس حيخرج حيجيكي
 ام لمى : ايش بو سلامته 
 لمى : طاح في الدرج واتعور 
 ام لمى : يعني مايقدر يتصل طيب ؟
 لمى باارتباك : مدري 
 ام لمى مو مرتاحه لوضع لأولادها : طيب ابوكي ؟
 لمى قلبها يدق بسـرعه : مدري
 ام لمى : عن ايش ماتدرس اتصلي عليه وانا اتفاهم معاه خليني اكلمو
 لمى : مو بدري
 ام لمى اشرتلها على الجوال : اتصليلي من جوالك 
 لمى ولا اتحركت 
 ام لمى خلاص مخنوقه من اهماله واهمال اولادها لها : اتصليلي بقولك 
 لمى وقفت واتوجهت للجوال ..اخدتو ويدها تتنافض
 تمشي في الاسامي البسيطه اللي عندها وسوت نفسها تتصل 
 وحطت الجوال على اذنها وشويه ونزلتو مقفل قالت بصعوبه : مقفل
 اتأففت : مو طبعه كدا يسوي 
 لمى حست انها تبا تبكي ..واقفه وتطالع باأمها بصمت 
 امها عقدت حوآجبها : احنا كنا مضاربين ؟
 لمى لانت ملامحها واشرت براسها بالنفي 
 انتبهت للفطور وراحت اخدتو عشان تقفل الموضوع 
 بالقوه واقفه على رجولها 
 حطتو وطلبت امها انها تآكل معاها 
 اي اكـــل 
 من كتتر مو مخنوقه مو حآسه باأي طعـم 
 تشرب العصيـر بهدووء
 امها : فاكره اخر شي اني اتضاربت مع ابوكي 
 لمى بتحاول تنطق اي شي : ليش
 ام لمى : عشان ضربتك_ بلعت ريقها _ تامر قلي اني اعتذرتلك بس ماتذكر .. ولدحين احس اني مقهوره من نفسي
 لمى رجعت العصيـر مو قادره تتحكم برجفه يدها
 امها : وقتها ابوكي عرف واتضاربت معاه مآكآن يباني اتعامل معاكم كدا .._ ابتسمت _ طول عمرو يدلعكم وانا اللي المفروض اصرخ
 لمى شتت نظرها مو عارفه تتكلم 
 تحاول تنطق بشي
 تبا كلمه 
 بس حاسه لو اتكلمت حتبكي ... 
فيه عتــب 
 فيـه لحظآت كتير ماتتنسالها هيـآ ..
اللي شافتو مو قليل منها 
 صح امها بس اللي سار مو سنه ولا سنتين 
10 سنوآت من الألم النفسي والجسدي 
 ام لمى مو عارفه ايش بها باين عليها انها تبا تبكي: لمى ؟!
لمى طالعت فيها : ها
: ايش بك ؟
 لمى حركت راسها بالنفي : ولاشي 
 ودق جوآلها على طول وقفت وكأنه ماصدقت شي يسحبها 
 ردت على تميم : ايوا 
 تميم : هلا لمى كيفك 
: تمام 
 تميم : امي صاحيه ؟
 لمى : ايوا 
: فيه شي ؟ 
 لمى حآولت تعدل صوتها : لا مافي متى حتجي
 تميم : دوبي حركت 
 لمى بتردد : تآمر جي ؟
 تميم: لا قلي حيروح لليث
 لمى اطمنت : طيب _ رفعت الطرحه على رآسها ومستمره بالكلام خرجت من الغرفه 
 واول ماقفلت خرجت هوى من قلبها 
 جلست على الكراسي ماتبى تدخل 
 وكأنـــه ناااقصه شاافت عدي وامـو جآيين 
 الممر طووويل 
 عينها بعينه ..ورخت راسـها وهيا تآخد انفاسها السريعه وتحاول تتمآلك نفسها 
 وقفـت ولما قربت ام لمى ابتسمت لمى غصبا عنـهآ
 بعدت عنها وعدي حتى ماسلم عليـها ..
دخل يده بجيبـه واكتفى : بكيفك 
:تمام 
: الحمدالله على سلامة مامتك 
: الله يسلمك 
: هيا فين 
 جآت لمى تمشي الا ام عدي حطت يدها على كتفها : خليكي انا حدخلها 
 تباها تجلس مع عدي ..تباهم يتفاهمو
 ودخلـت وسابتهم لما لمى اشرتلها على الغرفـه
 لحظـه صمت 
 لأول مرا توقف جمبـو وتحس بدا الاحساس 
 جموده يقتتتل
 ملامحه تحرقها 
 جلست على الكـرسي وهوا مآزآل واقف رخت راسها وبتلعب بيدها
 وكل مالها تختفي يدها من كتر الدموع اللي بتتجمع بعينها ...

عدي عينه مانزلت من عليها من امس صاحي ومن امس مو عارف لو شافها ايش حيقولها 
 ومافي شي خلاه يتردد انو يجي 
 وكسرتو بدمعتها اللي نزلت على يدها
 وكسرتو زياده بجملتها 
 تتكلم بصوت متقطع ومارفعت راسها حتى: ماتبى تتمسك فيا عشان قلت اكرهك ..وانا المفروض اتمسك فيك بعد اللي عرفتو
 مايبى يضععف : لمى انا ماغلطت بحقك
 حركت راسها بالايجاب وكأنها تأيدهوماعلقت

 مسحت دموعها ووقفت كآنت ماشيه الا مسكها من يدها : فين رايحه 
 لمى : سيبني 
: لين متى
 لمى سحبت يدها بالقوه وقالت بتعب : خلاااص انا تعببانه مو شايف وضعي كيف مو شاايف ماما 
 عدي : شايفها كويسا وبتعاملك احسن من اول
 لمى : والمفروووض انا انسى ...سيبني دي الفتره ياعدي سيبني لأني حاسه اني حتجنن 
 وسابتو ودخلت وقبـل لاتدخلهم مسحت دموعها 
 خلاص ماهمها وجهها فاضحها وجهها واضح عليه البكى 
 بس مافي مكآن تشرد من عدي .. 
ام عدي وامها طالعو فيها بس غصبا عنهم محد علق على شكلها ..
ودقيقتين ودخل عدي وسلـم على امها 
 يتكلمو وهيا واقفه وضامه يدها تحت صدرها 
 تسمع كلامهم وعدي كل شويا بيطآلع فيها .. 
لين مادق جوآلها وطنشتـه 
 مرا ومرتين وبعدها امها قالت : لمى لايكون ابوكي شوفي مين
 كلهم انفجعــو ...
لمى اتوجهت للجوال وقالت بصعوبه بكلمه مانطقتها من سنننين : مـو بـ آبآ
 صمتت الجوال وحطتـو 
 ورجعت ام لمى تتكلم مع ام عدي ...وعدي يطالع في لمى ويرخي عينه 
 عارف انها حتبكككي
 وبككككيــت 
 ماقدر تكبببت اكتر ماقدرت تشرد وتتحرك
 بكيت في مكآنها ودارت جسمها وصدرها يطلع وينزل شهقاتها واصلـه للكل
 امها بعد الشرشف الابيض وكآنت حتقوملها الا عدي اتوجهلها على طول وحوط يده حوليـها
 قال بهدوء : لمى 
 وهيا زادت بكى 
 طالع في امها واشرلها براسه انو ترتاح 
 وسحب لمى لبرآ 
 بس خرجو وقف قدآمها وسار يمسحلها دموعها :حبيبي خلاص
 ماااصدقت يتكلم بحنيتو اللي تعرفها 
 بككيت زياده وسارت تهرج بقهر : قولها لاتجيب سيرتو قول لأخواني يكلموها 
: خلاص طيب انا حكلمهم 
 لمى انفجرت عنده : تعبببت من يوم ماصحييت وهيا تتكلم عنه وتباني اتصل عليه 
 عدي حضنها وهيا ماصدددقت ترجع لدا الحضن 
 تبا تسيب مشاكلهم على جنب 
 تبا احد يفهمها ومحد يفهمها زيـو 
 محد يحس قد ايش هيا تعبانه الا عدي 
 جلسها على الكراسي ومسك يدها : خلاص حتصل على تآمر يجـ
 وقبل لايكمل قالت : لا كلم تميم 
 حرك راسه : طيب بس لاتبكي
 بس مستمره بالبكى 
 رفع يدها وباسها :حبيبي خلاص 
: انا ماأكرهـك 
: مو وقت الكلام دا
 لمى سحبت يدها منـو وطالعت فيه :انا اكره اللي كنت تسويـه اكره كلامك اللي يحسسني انك مقتنع بسكوتك ومآكآن ليا حق اعرف
 عدي سكت للحظآت وبعدها قال : لمى انا من امس مو نآيم .. فكرت الف مرا ايش ممكن اقولك وعرفت انو مافي شي ينقـآل بس اخدت جوالي القديم _ خرج جواله _ ونقلت حآجآت ممكن ترتآحي لو شفتيها 

 تطالع فيه وهوا يفتح جوآله وبعدها الصور ..وحط الجوال قدآمهآ
 انفجعت 
 وراها صورتـه بديك الأيام 
 من شكلو بس قلبها انقبــض 
 وااحد تآآني
 مسممر 
 عيونه حمـرا 
 خشمـه 
 سواد تحت عينـه 
 ابتسامتـه الحقيره 
 جلسته 
 طريقه باللبس
 لو دا بس يعتب عند بابهم اخوانها حيقتلوه 
 بس من شكلو 
 فتح مقطع فيديو له 
 وواحد يصورو وهوا يتكلم 
 نبرة صوتـه 
 كلامـه 
 نظرتـه 
 وحرككآته 
 تطآلع فيـه ومانزلت عينها من على الجوال
 وفتح صورته وهوا بالمستشفى اترخى صوته وهوا يتكلم ويطالع بنفسـه : انا هنآ اخدت جرعه زايده مليون واحد يموت بسببها ولو عاش يعيش معآق او عندو خلل بمخو دخلت في غيبوبه لمده اسبوعين وفوقت منها وانا سليم ...ربي اداني الصحه اداني حياه جديده ليش تبيني ا تذكرها يالمى 
 لمى مآزآلت عينها على الجوال تشوف كيف حوليه الاجهزه 
 كيف نايم ومستسلم لكل شي
 دموعها رجعت تنزل لأنها خافت عليه حتى لو الموضوع قديم 
 سحب جواله باارتباك ويتكلم بصوت مهزوز : اعرف انو اشياء ماتبي تشوفيها لكن دي اشياء تحرقني كل يوم حاولت انساها ورجعتيني ليها بكلامك حاولت ماتذكر شكلي ورجعت ادور على كل شي عشان اوريكي انو دا الانسان اللي قدامك غير .. اعرفي اني قاعد انحرق وانا جالس جمبك واقول دا الكلام بس ولا إني انحرق وانا اديكي ورقه طلاقك 
 مصدووووووومه 
 فعلا فعععععلا انسان تآني
 انسان مقززز مقررف 
 ماتتخيل انو دا نفسه هوا دا 
 استنى جوآب منها بس الصدمه طاغيه عليها 
 حس انو خرب الموضوع زيآده 
 مو عارف يتعااامل معاها 
 ايش يسسسوي بيجرب كل الحلول 
 سند جسمه وزفر وهوا حابس بكآآه كمل كلامه : لمى انا جربت المخدرآت وتجربتي كآنت نهايتها تفجـع جربت اني اخرج مع بنآت وف اول لحظه رموني لو اخويا ماجا مآكنت جالس حاليا هنآ. كلهم عالم وسخـه مجتمع وسـخ ... تغاري من ايش تغاري على مين واحد ماكان بعقله طول الوقت .. خايفه اني ارجع ؟ ..شوفي مافي اغلى من امي اللي جوآ ..وبراسهاا انـو عمرك ماحتخافي من دا الشي وبراس أمي انو اول ماتغيرت اتغيرت نظرتي للبنآت واعامل الكل زي علا وبحترمهم ... لما انتشرت صورك وربي عشت بحآله نفسيه لأني ماكنت ابا اظلمك لو أنا وسـخ لساتي لو انا زي زمآن مآكآن فرق معايا 

 ورجـع سكت لأنو مايبى يبكـي
 يكره انو يبكــي
 خلاص فايسكت لين مايقدر يرتب الفوضى 
 لين مايقدر يكبت كل شي

 المفروض تكون لها رده فعــل
 تطآلع برجله اللي تتحرك 
 تطآلع بيده اللي يمررها على فخدو وتتنآفض 
 ايش ممكن عآش ديك الفتره .!؟
 ماتبى تكون انانيه وتفكر بس بنفسها 
 عمرو ماشتكآالها 
 عمرو ماكآن بدا الضعف 
 لو تحبـه عارفه المفروض تضغط على نفسها 
 المفروض تتنآسى الكلام لو حتى بيجرحها
 وهنآ عرفت انو دا اساس الزوآج 
 تدعسي على نفسك وتضحي بشي يوجعك عشان تتمسكي بالشخص اللي تحبيه 
 مدت يدها بتردد ومسكت يدو اللي كآن يحركها ووقفت على طول 
 دار راسـه لناحيه التآنيه عشان لاتشوف وجهه
 وبلع ريقه 
 قالت بهدوء : عدي
 طالع فيـها بعد ماحآول يمسك نفسـه : قولي وعد إني اكون بعينك دايما الوحيده اللي مرت ف حياتك
 اشر براسه بالايجاب بدون مايعلق
 رفع يده التآنيه عشان مايبكي ومسك دقنها وقال بمزح : مين مزعل مزتي غيري
 يبا يغيــر الموضوع قد مايقدر 
 ضحكت وملامحها كلو بكى اشتاقت لهبلو : ماما
: زعلانه عشان مو متذكره شي
 اشرت براسها 
: قولي الحمدالله ... شوفتيها كيف بطآلع فيكي
: طيب شي حلو انها اتغيرت _ كرت راسها _ خلاص ولاشي
 دار جسمه بااهتمآم :قوليلي ايش اللي مضايقك 
 ابتسمت ورخت راسها قالت بصوت هادي : وحشتني
: جبتيلي حاله نفسيه والله ليا كم يوم ماباكل
 طالعت فيه على طول : ليش
 ضربها على خدها بشويش : حسبتك حتروحي مني_ قال بااسلوبه اللي يضحكها _ كرهت عيدميلادي وابو عيدميلادي ياشيخه دا اليوم محرم عليكي تحتفلي فيه 
 لمى : هههههههههههههه 
 ام عدي دوبـها كآنت خارجه وشافتهم يتكلمو 
 شايفه كيف ولدها مبتسم برغم عيونه السهتآآنه 
 دخلت تآني للغرفـه 

 عدي : تبيني اتكلم مع تميم على هرجه امك ؟
 لمى : ايوا خلاص خنقتني احد يقولها انو _ سكتت 
 عدي مسك يدها : خلاص حبيبي حتصل عليه .. ولو على موضوع مآمتك ومعاملتها ايش حتستفيدي يالمى لو اتذكرت دي رحمه من ربي لكي ولها طالعي في الموضوع من دي النآحيه 
 لمى : مبسوطه انا لأنها كدا بس مو قادره أبطل خووف مو قادره انسى 
 عدي : طبيعي ياقلبي ادي لنفسك وقت عشان تقدري تتعودي 
 وحآول يضحكها وحآول يخليها تشوف الموضوع من نآحيه تآنيـه 
 ومسكها ودخلو تآني ولمى مو عارفه ايش تقول ليش بكيـت 
 فاعدي كالعاده يحطها فيـه .. 
وقف عند امها : بنتك المدلعه تزعل من اي كلمه اقولها 
 لمى وجهها حمـر 
 ام لمى : ههههههههه من يومها دلوعه 
 عدي همسلها : ايش تبي ها بتتغزل فيكي
 لمى ضحكت بهدوء وبعدت عنو من كتر مو مستحيه 
 ام عدي مو شايلتها الارررض اخخخيرا حتقدر تكممل تجهيزات الشقه وهيا مرتآحه 
 اما علا ماعليــها من احد 
 بلكت عدي ولمـــى من السنآب وقاعده تصور التجيهزآت 

 اخدت شنطتها ام عدي وقبل لاتخرج جات سلمت على لمى وقالتلها بصوت وآطي لما خرج عدي
: الله يسعدكم يابنتي ...حطي عدي بعينك وحيخلي دنيتك جنـه ..لاتزعليه عشان دي اليومين اتجننا معاه وانا مو ناقصه جنانه
 لمى مرررا انحررجت ضحكت اسلوبها زي عدي في المزح
 وبنفس الوقت تبا تقتللل عدي
 راح قال لأهله ولا هوا وجهه فاضحه ولا ايش الموضوع مافهمت مزبوط
 امـآ عدي خرج ولأول مرا يكلم تميم شافـو تحت وهوآ ماشي وحكآه كل شي ... 
وبعدها ركب سيارته ..
طول الطريـق يقول لأمه لاتسكتي عشان لاأنآم 
 ومضطره تتكلم وتتكلم وكل شويه بينعس 
 لين ماوصـلو 
 اول مادخل شافهم متجمعين في الكنب اللي متوسط الصآله 
 ظهر الكنبه اللي بوجهه جالس فيها عزآم ولؤي 
 دخل وعيونـه شبه مغمضـه جا ورا لؤي وكأنه بيخنقه بس باااسه بخده فجعه 
 وباس راس عزآم وخبطــه بنفس الوقــت : ااااايش بك يامتخلف فجعتننني
 ولارد ضحك بس اعتذرلهم بطريقته بدون مايتكلم
 واتوجه لأبوه جلس جمبـه وبعدها حط راسـه على فخده واشرلهم : كملو كملو هرج 
 وغمممض عينه ونــآم بنص الازعآآج 
 رووح البيـت عدي
 مهممما يتكلمو مهمآ يضحكـه بس في النهايه 
 موده لو كآن كئيب يقلب البيت 
 لو يبا يمزح البيت كلو يضحك 


 تميــم ..تآمر قلو بزبط كيـف امهم بس برضو انصدم من معاملتها بذات مع لمى 
 حاسس انها وحده تآنيه ..لمى لاشعوريا ضحكت لما تميم جا وقلها بصوت راخي : حاسس اني مستحي منها
 كل ماتتذكر الجمله تضحك بصوتها 
 تميم اتكلم مع الدكتور كتبلوها خروج اشعتها سليمه 
 كل شي فيها سليـم وفقد الذاكره اعتبروه شي نفـسي وحاله صدمه قويـه عاشتها بداك الوقت ..
بنسبه لخبر ابوهم ماضمنلهم الدكتور ايش ممكن تكون ردة فعلها 
 فاختـآرو انهم ياأجلو الموضوع لين ماتقآبل ترف ..


تآمر عايش بتشتت مو عارف يشوف امـه لأنه مكسوف من لمى 
 راح لليث 
 مايسمع إلا لولده مو شايف احد بالغرفه الا ولده شكككلو وجع قلب تآمر
 وشرد من المكآن 


 ورآح تآمر لتــرف يبا يقولها امي رجعت البيت 
 جالس قدآمها وبتسئله بس عن ولد ليـث 
 وحكآهآ بتفصيـل 
 قلبها اتقطــع على ولده حست كأنه سآمي 
 ويحكيها عن وضـع ليـث حسها حتبكي بس بتبينلو انها حزنانه بس على احمد
 ورمآلها الصدمـه لما قلها تجي معايا تشوفي امي ؟
 مو مستوعبـه هوا من جدو يهــرج ..!!!
ورجـع حكآهآ كل شي 
 ايش سرلها من يوم ماقلها خبر ترف لدحين 
 بكيت من طلبات تآمر 
 حاول يفهمها 
 حاول يراعي مشاعرها 
 بس كيف حتقدر توقف قدآمها وماتقولها قد ايش اتألمت فحياتها 
 قد ايش عآنت 
 كيف مايباها تبـكي 
 دي اكتر وحده تبا تشوفها وماتنطق كلمه ماما لأنها توجعها 
 تتناسى وجودها بدي الحيآه لأنه اكتر شي كاسرها 
 ترف طالعت في غرفه سآمي : مدري ياتامر 
 تآمر : حنكون معاكي كلنآ هنآك
 ترف مسحت دموعها : تامر انتا فجعتني 
: معليش كآن المفروض اقولك من امس بس والله مع الضغط نسيت 
 مو مع الضغط بعد فجعته بروآن وامه نسي يروح لترف
 ترف باارتباك : مدري مدري
 تآمر : انا معاكي وربي كلنا معاكي ..امي كآنت اول مريضه كنت ماعرف لو قابلتيها ايش ممكن تكون ردة فعلها بس دحين من يوم مافتحت عينها وهيا تطلبك ..تميم دوبـه موصلها البيت قالتلو لو ترف ماحتجي خليني اروحلها وقلها حتجي ... وشوفيها مستنيتك ..حديكي الوقت اللي تبيه ساعه ساعتين تلاته انا هنآ حتى لو تبي نروح اخر الليل ماعندي مشكله بس صدقيني لو ماروحتيلها هيا حتجيكي
 ترف رخت راسها وحطت يدها على جبينها 
 تحس قلبها يووجعهاا
 فجعوهههها 
 رفعت يدها لما كآن حيهرج : سيبني شويا افكر

 قآمت ودخلت غرفتـها ماسارت تحس تآمر غريب ولا تستحي منـو 
 انو تسيبه لوحده 
 امآ هوا سند جسمه وجآت في باله روآن
 ماسار يفهملها 
 يحس انو شايل همها طول الوقت 
 شخصيتها غريبه 
 هيا من جوتها بركآآآن 
 بس من براا تكون متمآسكه وفي اقل من ثانيه
 وممكن لسبب تآفه تنفجر 
 خرجت منه ضحكه غبيه في نص المكآن وهوا لوحده 
 لما اتذكر المصيبه اللي محطوط فيـهاا
 لما اتذككر شكله اول ماشاف امه ولمى 
 على قول روآن " شر البليه مايضحك "

امـآ ترف كل شي فيها يتنــآفض
 حتى راسها تحسو تقيـــل
 وقفت ورجعت تجلـس لما ماقدرت تمشي
" مو دا اللي تبيه ياترف 
 دا اللي كنتي تستنيه طول عمرك ؟! "
انفاسها بتزيـد
" ليش ابا اشرد 
" لمى واخواني ودحين كمان ماما !!!"
 "حشوف ماما ؟!!؟ "
 " هيا مسامحتني !!! "
دموعها تنزززل من الصدممه
" يعني مايحتاج ابرر مايحتاج اقول شي "
 "المفروض ال 11 سنـه اللي عشتها حلم وكأني ماعشتها !! "
 " دا اللي المفروض اسويه ؟!! "
 " آآآه يااقلبي "
ودخلت في دوآآمه بكككى
 مبسوووطه ومو عارفه كيف حتنكر او تككدب
 تحس دا الموضوع وجععع تآني
 بس له ايجابيااات 
 وشي مرررا تبآآه
 خرجت لتآمر بعد ماهديـت
 غرفـه سامي مقفلـه من يوم ماعرف انو تآمر جا
 اتعلت بدراستـه رجعت جلست : خليها على 9لما سامي ينآم 
 تآمر : ماحتقوليلو انك خارجه 
 ترف : لا اساسا صاحي من امس الليل لو نآم ماحيصحى الا الفجر
 تآمر ماحب فكره انها تسيبه لوحده : ططيب ليش ماتخليه يجي
 ترف بصدمه : مالو داعي 
 تآمر ماتدخل وقفل المموضوع
 لما دخلت تآني ترف غرفتها 
 اتصل على روآن خرج على طــول لما قال ترف ا ول ماينآم سامي كلميني ..
امـآ ف غرفـه سآمي ..
فاتح الكتآب عشان لو فتحت الباب ترف ..
ومسـرح
 يكتب ويمسح 
 قاسم داود..سامي قاسم داود
 ويكتب ويمسـح ..ويكتب ويمسح 
 جا صوت من ورآه : سااامي
 ودار راسه بسـرعه ومالقى احد 
 رجع دار راسه تآني للكتاب بس بحركه بطيئه 
 وانفاسه بتزيـد 
 ودقات قلبـه بتزيـد
 بلع ريقه 
 ويبا يقنع نفسـه انو بيتوهم ..
بس القلم يتحرك بيده ومو قادر يتمآلكه من الخوف ...
وساب القلم 
 حط السماعات في اذنو ومسك جوآله قام من الكرسي واتوجه على السرير 
 سند جسمو على المخده 
 كدا مرتآآح مافي شي ورآآه عشان يتوهم ..
شايف الغرفه كلها 
 وبدأ ينشغل بالمقآطع ... لين ماحس بالنوم ونآم ..


خلـونآ نروح لدآك المكآن الفخــم باأثاثـه وبتصميمه .. 
في الظهر .. هديل جالسه وروان مسدوحـه على الكنبه 
 رفعت رجولها على كتف هديل وهديل مشغوله بالجوال نزلتهم بدون ماتعلق
 رجعت روآن رفعت رجلها تآني 
 وهديل بااندمآج و هيا بتهرج مع بشار قالت : اوووف روآن 
 وروآن رجعت ترفع وهديل مانزلت رجلها مبتسمه على الكلمه اللي كتبها بشار ولما علقت 
 استوعبت رجل روآن على كتفها وعصبــت ودفتها 
 ودقيقتين ورجعت روآن ترفع رجلها على كتفها وهددديل صرخت بككل صوتها : ::ياااااااحيوووانه خلاااص خلاااااص ماتفهمي مستفززه بلا بشكككلك
 روآآن ماتت ضحك من اول مستنيتها تعصب : هههههههههههه 
 هديل غيرت جلستها بنرفزه حست انها فجأه عصبت ولساتها مولعه من جوآ : وربي تقهري 
 روان : ههههه غبيه انتي كمان 
 هديل : انا برضو الللي غـ _ وابتسمت لما شافت محادثتها هيا وبشار وكأنه ماكانت معصبه رجعت تكتب _
روآن لانت ملامحها جلست : بللله ايش يكتبلك والله نفسي اعرف باإيش يضحك عليكي 
 هديل دارت الجوال وبشار راسل صورتـه ولساته على المخده ودوبـه صاحي
 مقرب الكميرا بوجهه ومصورها عشان يثبتلها انو دوبو صاحي : بلله مو يجنن 
 روان دفتها من كتفها : إنتو اكتر نآس وسخه في العالم احسكم ختمتو الحيآه خلاص باقي ربي يسخطكم وترتاحو 
 هديل : ههههههههههه استغفرالله ياحقيره يعني راسلي بس صورته 
 روان : لا بللله يعني مو كأنه مو لابس بلوزته دحين 
 هديل طالعت في الصوره وابتسمت : مو باين بس باين كتفو ايش يعني 
 روآن : مدري هوا انا سايره اتنرفز منكم ولا إنتو مستفزين ؟!
هديل : انقلعي ياخطيبة تامر
 روان وسعت عينها بصدمه وقامت ضربتها على طوول : والله اخر مرا احكيكي شي
 هديل : هههههههه لو انا نفسيه زيك كآن اتنرفزت منك ومن تآمر
 روآن بهجوميـه : ايش بنسوي احنا عادي بنتكلم وكلامنا طبيعي 
 هديل ضحكت : على اساس انتي تحكيني بالتفاصيل 
 روآن وجهها اتغير لونه : ايوا بحكيكي كل شي
 هديل رفعت حوآجبها ورجعت تطالع بجوالها وكأنها تقوله اسري ياكدابه
 روآن : هيييييي انتي ايش قصدك 
 هديل ولا طالعت فيها : اللي على راسه بطحه يحس
 وقبل لاتكمل روآن ضربتها : لاتنرفزززيني ها
 هديل : هههههههههههه اي عورتيني 
 روآن : تستااهلي ..._ غيرت الموضوع على طول _ها ايش قلتي على الخرجه 
 هديل : ماني خارجه معاكي
 روآن : هددديل امانه مابى اروح لوحدي عندها وحتطبخ خلاص ننشغل كلنا
 هديل سابت الجوال : رووآن ايش لزمتي اروح 
 روان : انتي اختي مو 
 هديل : ماحكون مرتااحه
 روآن : طز فيكي انا حكون مرتاحه 
 هديل : ههههههه يختي انتي ماععندك ضمير ماعندك احساس فيه مرحله توصليلها مشاعرك اهم من مشاعر النآس
 روان : ههههههههههه وعشانك تحبيني دايما تقدري دي اللحظات وتسوي اللي اباه 
 هديل : تفاجئيني صراحه لما تتكلمي بااحترام
 روآن : ها حتجي 
 هديل : لا
 روآن : والله اقتلك والله ياهديل
 هديل : هههههههههههههه انتي مجنونه قلتلك مابى 
 روآن : عشااااااني بقولك عشاننني
 هديل : وانا بقولك عشاني سيبيني 
 روآن : انتي عارفه انو كلامي اللي حيمشي وانا اهم 
 هديل : هههههههههه _ مسكت الجوال بتتكلم مع بشار 
 وروان لصقت فيها 
 وسارت تدحلس وها ايش رايك وها متى 
 وهااا عشاااني 
 ماخلت هديل تتكلم 
 حاولت تطنشها حاولت ماترد بس مررررررررا مستفزه 
 زي المكيننننه 
 دفتها بنرفزه : خلاااص خلااص حجي سيبيني اهرج
 روآن ابتسمت باإنتصار : بعد ساعتين حنروح 
 ورمت نفسها على ورا وانسدحت بكل برود وكأنه ماعصبت هددديل

 اما هديل زفرت بنرفزه...طلعتها عن طوووورها
 لما تعلق على شي ماتسكت لين ماتاخده 


 ممكن احد يفسـر روآن ماتهتم بمشاعر هديـل .. 
لكن روآن ماطلبت دا الشي إلا لأنه ماسارت تثق بنفسها 
 سايره تخاف من تصرفاتها 
 سايره دي اليومين مو مرتآحه 
 وجود هديل حيريحها كتيـــر ..
نفس بزبـط بشار وكأنها الملجأ الوحيـد لهم ..
كل ماتتقبل أمها بتجيها افكآر غريبه 
 تخليها تحس انو امها غلطت بحقها 
 وكأنه عقلها البآطن مو مخليها تتقبل وجود امها 
 مع انو كل شي بتشوفه غير كدا 

 ونص سـآعه وهديل مشيت بسرعه بااتجاه البآب وعدلت شعرها ابتسمت 
 وفكت الباب وكأنه ماكآنت تجري 
 وهوا لساته وجهه نووم وحالته حاله 
: ههههههههه بشار ايش الكسل اللي فيك اليوم
 بشار : انتي تنآمي نوم متواصل انا اقوم كل بعد ساعه
: ليش ماتصحيني
 بشار : احزن عليكي
 هديل ابتسمت زياده : عادي المرا التآنيه صحيني 
 بشار : حتندمي والله
 هديل : هههههههه حقفل جوالي لو حسيت انك زودتها
 بشار : لو عودتيني على شي وسحبتيه مني والله انتي الخسرانه 
 هديل : ايش حتسوي حترميني من فوق طياره برضو 
 بشار : ههههههههه ليش خلصت المغامرات 
 هديل : ماتوقع فيه شي اكتر من كد
 بشار : حنشوف ان شالله بالايام الجايه
 هديل : بشااار لاتخليني اصرفك وماسير اخرج معاك 
 بشار : ههههههههههه حتسيبيني واقف عند الباب كتير.
هديل : داخله استحمى تبا تقعد مع روآن .؟
 بشار : ناديها سميه
 هديل : انتا اللي ناديها روان 
 بشار : انا احب اسم سميه
 هديل شمقت بوجهه 
 بشار : ههههههههههه شكلك فاايقه 
 هديل : لا والله روان نكدت عليا تباني اروح عند امها
 بشار : قوليلها انك ماتبي
 هديل : خلاص حزنتني عارفه انها ماتبى تقعد لوحدها 
 بشار لانت ملامحه ..مسك يدها : لما تخلصو قولولي وانا اجيكم 
 هديل حركت راسها بالايجآب 
 دخلــو وهديل انسحبت لغرفتها وهوا اتوجه لروآن 
 على طول جلست : مني فاهمه هوا انتا تفتح عينك على وجهنا ؟!
بشار : واثقه الله يحفظك طبعا مغصوب اشوفك كمان
 روآن : ياارب ياارب لو اتزوجت تجيب عشره اطفال كلهم يشبهوني 
 بشار : فاااولي خير الله واكبر عليكي اجيبهم عليكي للللليش اباهم زي امهم 
 روآن : هههههه صدقني من كلامك دا كلهم حيطلعو يشبهوني
 بشار اداها بس نظره تسكتها وبعدين استوعب : انا ابا طفل واحد يكفيني 
 روآن : ليش كدا انا ابا اجيب عشرين واحد عشان اللعب فيهم 
 بشار : ههههههههههههههه الحماس مقطع وجهك نجبلك عريس مو مشكله
 روان وسعت عينها : اااسررري دا تعبير من كتر حبي للأطفال يعني
 بشار : اما تحبيهم 
 روآن شهقت : اعششقهم كدا احس نفسي اقعد في مكآن كلو اطفااال ححطهم في عيوني
 بشار سند جسمو على الكنبـه وهوا يطالع فيها 
 لحظآت صمت وبعدها رجع قدم جسمه بااهتمام : اخيرا عرفت انتي المفروض ايش تسوي بحياتك
 روان : ياااادي حياتي اللي شاغله ابو تفكيرك ايش تباني اسير فقااااصه اجيب اطفال للناس
 بشار ضحك بكل صوووته : ههههههههههه انتي الواحد مايقدر يتناقش معاكي في امور الحياه
 روان : هههههههه انتا كمان كل ماشوفتني فتحتلي سيره الدراسه
 بشار : غصبا عنك عشان توصلي لحاجه بحياتك لازم تدوري على الشي اللي انتي تحبيه سواء بدراسه ولا بدون اما تعيشي بدون هدف بد
 روان قاطعته : عادي اقدر ادخل اي شغله 
 بشار : وليش تشتغلي شغل ماتحبيه ليش ماتكوني طموحه وتحاولي توصلي لحآجه حلمك تكوني فيها 
 روآن : انا انسانه احلامي على قدي خلاص اهم شي بيت واعيش زي النآس دا طموحي
 بشار : طيب عندي فكره 
 روآن بتملل : بجددد شوفلك حاجه بحياتك تشغلك وسيبني ف حالي
 بشار : هههههه اسمعيني اول 
 روان : ها
 بشار : ليش ماتأسسي حضانه اطفآل
 روآن : كيف يعني 
 بشار يدقها بالكلام : اغلب الحريم اللي يشتغلو عشان عندهم اهداف بحياتهم مايعرفو فين يحطو اطفآلهم فاإنتي تفتحي مشروع خاص بحضانه الأطفال وتجيبي عاملات معاكي وتهتمي منها دخل ليكي ومنها شي انتي تحبيه
 روآن كدا هدوء طغى عليها وبعدها قالت : كيف حيأتمنو على اطفالهم 
 بشار : مو انتي حتاخدي ترخيص طبعا للمكآن وحتصمميه كلو عشان يكون آمن للأطفال وحيخلوكي تسوي اركآن خاصه يعني دي منطقه للعب دي منطقه اكل دي مكتبه وكدا
 روآن ابتسمت لاشعوريآ : وااا
 بشار انبسط اخخخيرا عرف ايش تحب : ها ايش قلتي 
 روآن تهرج بشويش وهيا متخوفه من الفكره : مرا حللو بس برضو يخوف و
 بشار : ماعليكي من ايش حتخآفي حيكونو معاكي ناس تحب الاطفال زيك 
 روآن : بس احسها مسئوليه 
 بشار : طيب عشان كدا لو انتي تحبي الاطفال بجد حتكوني قد المسئوليه 
 بشار شايفها كدا مشتته مسك جوالـه وفتح قوقل على الصور وكتب " حضانه اطفال "
مد يدو : خدي شوفي كيف حيكون المكآن تقريبا
 روآن بس اخدت الجوال وشافت ابتسمت من قلببها 
 هيا فجاه ساارت طفله : واااااااا مررررا حلووو 
 بشار : ههههههه بنت عمي جميل مرا حتفيدك بالتصميم الداخلي انتي قوليلها طلباتك وهيا تسويلك
 روآن قلبها يدق بسـرعه تحس مع بشاار كل شي يسير حقيقه : من جدك دحين 
 بشار : ماتبي انتي ؟
 روآن : لا يعني الا مرا حلو بس قد ايش حيكلف 
 بشار : لو اتباع البيت حديكي نصيبك وابدأي مشروعك الاجرائات حسئلك عليها لو تبي .. هوا المشكله الوحيده مؤهلك الدراسي لكن لو اتعلمتي كتابه وقرائه ححاول ازبطلك الموضوع واكلم عمي جميل مااحيقصر معاكي 
 روان مرررررا اتحمممست بجددد زرع حلللم في راااسها : واسسسمي المكآن _ صرخت بكل صووتها وهيا تمط الكلام _ رواااااانيتووو
 بشار لحظه صمت وبعدهاوقف : انا الغطان حسبت بتكلم مع واحده ادميــه 
 اتووجه للباب وهيا ضحكككت وقامت وراه : بشاااار بشااار تعال والله امززححح


 خصــرها وراح وهيا بس تضضحككك .. كآن مراا جدددي 
 قفلت الباب ومازالت تضحكك بس انبسطت بالفكككره 
 انبسطت انوعلى قد ماكانت متنرفزه من اصراره انو تسوي شي بحياتها 
 طلـع في النهايه كلامـه صح 
 كلنا عندنا حلــم كلنا عندنا شي نحبـه 
 دخلت غرفتها والفكره تكبر وتكبر براسها 
 والصور مو راضيه تنمحي 
 اتخيلت نفسها 
 جلست على السرير بحالميـه وفجأه اختفت ابتسامتها لما اتذكرت دلال
 وقفت تآني واتوجهت للمرايه تطالع بنفسـها 
 اول سؤال جا ف بالها 
" انا نفسيـه .؟!! "
نفسها تعرف كيف تنسسى وتضحك بكل صووتها وفجأه ومن غير اي سااابق انذااار تحس
 الهم يكببت علييها تحس انو الدنيآآ مو شايلتها تحس بشي خانقها 
 تآني سؤال 
" انا طبيعيه ؟؟! "
ليش بدأت تجيها افكار غريبه اتجاه امها ليش تبا تلومها عشان تدي لنفسها مبرر وتسيبها
 ليش مو قادره ترمي نفسها بحضنها وتكون طبيعيه 
 ليش ماتسوي الشي اللي قلبها يبااه وتنسى شويا مخاوفها 
 وجاوبت على السؤاليـن 
" مافيا شي انا اللي بسويه طبيعي "
وبعدت عن المرايه 
 اتجهزت وخرجت لقـت هديل وهنآ موود روآن الصمت 
 جلسـو لين ماروآن قالتلها يلا ..
السواق يستنآهم .. ركبـو وهديل كل شويا تطالع في روآن 
 مزززاجيه لأبعد درجه
 بس وقفت السياره روآن اخدت نفسها بصوت مسموع 
 وترت هديـل معآهآ ... 
اتوجهت للوصـف اللي اخدتو ودقت الجرس 
 وهنآ هديل اللي على اعصآبها 
 تتذكر نفس وقفتهم 
 وهمآ يدقو على امها البـآب
 انفتـح الباب 
 وابتسمت ام روآن من قلبها : اهلييين
 في المطعم روىن ماوقفت فمآسلمت دحيين مو عارفه ايش تسووي
 التفاصيل دي تشيل همهآ 
 هديل لما شافت روآن ماتحركت مسكت يدها وسحبتها بيدها التآنيه سلمت على ام روآن
: انتي هديل صح 
 هديل : ايوا
: اتفضلي ياقلبي
 روآن امها اللي مسكتها وسلمت على خدها وبعدت قفلت البآب 
 مشيت قدآمهم : الله يحيكم 
 وصلـو للصآله وجلسو على الكنب 
 وام روآن جلست ... هدددديل ماتوووقعت انو روآآن حتقعد سااكته كدا
 روآن تجيب اي هرجه 
 مع ايا احد حتى لو شافت واحد في الشارع ماتستحي تتكلم وتفتح موضوع 
 ومع امها صوتها ماطلـع 
: ايش تشربو 
 هديل : ارتاحي لاتعبي نفسك _ طالعت في روآن ورجعت طالعت في دلال _ 
دلال : من كتر ماكنت مبسوطه صحيت من بدري وطبخت وخلصت 
 هديل لاشعوريا ابتسمت : الله يديكي العافيه
 دلال جات عينها على روآن : الله يعافيكي 
 مو عارفه ليش كدا ساكته كأنهم امس ماتقابلو 
 دلال : سميه حكتني عنك 
 هديل حاسه بمسئوليه وهيا جالسه ولازم تعلق : قالتلك قد ايش انا مستحملتها 
 دلال : هههههههه شكلها متعبتك 
 هديل : مررا 
 روان شمقت بوجهها 
 هديل اشرت عليها : ها شووفي والله انبسطت انو حلقى احد اشتكيه منها
 روآن : على اساس حبطل
 رد له مفهوميـن بس حاولت امها تاخدو بنيه حسنه : هههههه خلاص انحكم عليكي انك تستحمليها 
 وقفت دلال بتوتر : خليني اعبيلكم الغدى 

 ومشيـت وهديل على طول طالعت فيها وهمست : ايش بك انتي 
 روآن : ايش بي ؟!
هديل : روان ايش مسويتلك عشان تشوف دا الوجه منك
 روان : ماسوت شي شايفتني زعلتها !
هديل : كمان طبيعي ماحتزعليها ماتبيها لاتقابليها بس لاتجي وتعامليها كدا
 روآن : ليش طبيعي مازعلها !!
هديل : لأنو ماسوتلك شي !
روآن : مين اللي قال ماسوتلي شي ؟
 هديل : كلامها وكلام بشار وك
 روآن قاطعتها : انا عندي اسئله مو داخله مزآجي كلامها مو مقنعني
 هديل لانت ملامحها : من متى دا الكلام ياروان مو قلتي انتي عارفه انها طيبه بس خايفه
 روآن : ايوا بس امس جلست افكر وحسيت انو لا كلامها مو مقنع
 هديل طالعت بااتجاه الباب بتوتر وقربت من روان وهرجت بهداوه : روآن ياقلبي انتي بتدوري عليها الغلطه ولا ا يش 
 روآن : لا طببعا لو الموضوع كدا مآكآن قابلتها من الاساس
 هديل : مو فاهمه ايش تبي بزبط ؟
 روآن : ابا اسئلها 
 هديل : تبي تسئليها على ايش ليش جايبتني دام حتحطيها بموقف باايخ ليش حتحرجيها قدامي
 روآن : اوه انتي خلاص بشار قلك انها مظلومه ومسكينه فاحتصدقيه على طول
 هديل بقله صبر : اسئليها سوي اللي تبيه ياروان 
 روآن : حسئلها مو مستنيه كلمتك 
 هديل مرا اتنرفزت جايه عشانها وفي النهايه تتكلم معاها كدا
 متعاطفه مع ام روآن لأنو بشار قال انها طيبه 
 بشار مو اهبل ولا حيثق بسرعه اكيد حتصدقه لما يقولها طيبه 

 اما ام روآن بتعبي الاكل بسـرعه وهيا مبتسمـه 
 وتحوس في المطبخ لوحدها 
 تشيل دا وتنحرق بدا 
 بس تتألم وترجع تبتسم وتكمل بحمآس 

 جات لعندهم حطت السفره على الطاوله اللي قبالهم 
 وهديل وقفت : عادي اجي ا ساعدك 
 ام روآن : تعالي 
 هديل طالعت في روان عشان تتحرك بس روان دارت راسها للناحيه التآنيه
 حتنجلللللللط هدددديل 
 بجددد مو مقدره النعمه اللي عندها دخلت هديل وهيا ماسكه نفسها لاتبكككي 
 تتمنننى دا الشي 
 وقبل لاتشيل ام روآن قالتلها :والله مو عارفه سميه تحب الرز ولا الايدايمات فاسويت الاتنين 
 هديل تطالع فيها وكيف على اهتمامها بنفسها بس معرقه من حراره المطبخ 
 والمطبخ مخبـص وكلو دليكك ..انخننننقت 
 قالت باارتباك : تآكل ماشالله اي شي 
 اشرت دلال لهديل تعبي الجك مويـآ ..وهديل اخدتو وسارت تعبيه من البراده 
 ام سميـه تعصر الليمون على السلطه : والله ماتدري قد ايش مبسوطه مانومت غير ساعتين 
 هديل الجك كآنت ماسكتو بيد وحده ومسكتو بيدها الاتنين لما حست يدها تتنافض 
 بعض الاحيان تنقهر لما تفكر انو بشار عايش في مكآن وامه في مكآن 
 ودحيـن روآن مسويه نفس الشي 
 حركت عدسه عينها وهيا ماتبى دمعتها تنزل ..قالت بكدب : حتى احنا سهرنا وروآن حكتني كيف جلستكم
 بعدت هديل عن برادة المويآ .. وانسحبت من المطبـخ 
 خرجت ومادت لروآن وجـه حاااااااقده عليها 
 ماتبى تثق في امها لاتثق بس لاتجي لبيتها وتعاملها بقلة احترام 
 عارفه مو طبع روان الضصمت 
 عارفه انو تحب تساعد النآس 
 وقاعده تتفرج على امها كداا 
 عامليها كأنها وحده غريبه على الاقل ..
وعبـو الاكـل دلال : يلا ياسميه 
 روآن : لا كلو انتو انا شبعانه 
 هديل وسعت عينها بصدمه 
 تستتتتتتتتتتهبل !!!!!!!!
هما جااااييين على اساس انهم معزومين على غدى !!!!!!
ايش قلللللة الزوووق 
 هددديل مو عارفه فين تشرد من الاحرااج اللي عايشته 
 من القهر لما شافت دلال ابتسامتها تنمحي تدريجيا
 دلال : كلي لقمتين طيب 
 روآن : ماليا نفس 
 دلال حركت راسها بالايجآب وحتى هيا انسدت نفسها 
 بعد ماكانت معدتها تقرصها من الجوع
 جلسو وهديل بتآكل مع انو روان كرهتها بالاكل بس حزنانه على دلال 
 مدحت اكلها 
 وقالتلها نفسي اتعلم اطبـخ 
 حاولت تجيب اي موضوع 
 بس باين انه دلال مرا حزت بنفسها حركت روآن 
 وقامت وساعدت دلال اللي مافتحت فمها بكلامه تشيل الاكل وتدخلو المطبخ وتغطيـه 
 ورجعـو جلسـو .. 
دلال : سميه فيه شي مزعلك ؟
 روان : لا
 دلال رمشت بهدوء : ايش بك طيب امس كنت مبسوطه 
 روان :مآكنت مبسوطه كنت بسمعلك وبس
 دلال ولا فيه اي رده فعل بوجهها
 هديل :خلاص ياروان
 دلال ماستوعبت اسم روآن بس ماعلقت 
 روآن : فيه حاجات قلتيها ومادخلت مزآجي _ قالت بااستهزاء _ حاولت صدقيني حاولت بس كلامك مايدخل العقل
 دلال دموعها بعينها قالت بضعف : ايش تبي تعرفي وانا حفهمك
 روآن بصوتها الجآمد اللي مخليها تبان انها قااسيه وبس : هرجه جآسم لما جآكي وقلتيلو اني مو بنته _ رفعت اكتافها _ مدري مو داخل مزآجي المواضيع اخدني عشان يقهرك ! لدي الدرجه اهبل ؟!
قاعده تستحقر ذكككرى مستحيل تنسآهآ من كتر مابكيت 
 من كتر ماصرخت 
 من كتر مانجنت والقريـه كلها اتلمت حوليها 
 كآنت تضرب راسها وتصرخ بكل صوتها لما مالقتها 
 ايش فيه اكتر من فجعه طفلتــك تختفي فجأه
 ايش فيه اكتر من دا الألم 
 قالت دلال بعدم استيعاب : اهببل ؟!! هوا عرف كيف يجرحني ! عارف انو مافي شي حيكسرني غيرك ..ايش قصدك يعني انا اديتك هوآ فيه ام تتنآزل عن بنتها فيييه 
 روان : ايوا فيه 
 دلال : وليش بتقارنيني فيهم ايش شوفتي مني 
 روآن : ماشوفت شي عشان ماشوفت شي انا مو مستعده اصدقك 
دلال صدرها يطلع وينزل ومو قادره تصدق اللي تسمعه : ايش تبي تصدقي يعني ؟؟ فهميني ايش الشي اللي حيخليكي تستوعبي ؟
 روآن وقفت : ماباكي انا مو قادره اصدقك ولا اصدق جآسم 
 دلال : هوا قلك شي عشان تصدقيه ؟؟؟ اخدك من عندي ورباااكي مع بقيه البنآآت ايش تبي اكتر من كدا عشان تفهمي 
 روآن : ليششش كذبتي عليه طيب ؟؟ .. لو ماكذبتي كآن يمكن لو اخدني مارباني كدا كآن عاملني احسن 
 دلال : على اساس انو عرف انك بنته لما كبرتي ؟! 
روآن ماسكه نفسها لاتبككي هيا مو قادره تستوعب الكلام اللي بتقوله اصلا بس بترمي اي كلام من القهر :مدري متى عرف بس كذبتك هيا السبب اللي خلتني اعيش دا كلو 
 دلال نزلت دموعها ومو قادره توقف : جاسم دحين ماعليه اي للوم وانا اللي كذبت عليه عشان اصونك واخليكي عندي طلعت بطآله !! طلعت دحين انا السبب !!! _ بكيت باانهيار _ حرام عليكي خافي ربك فيا 
 هديل وقفــت وخلاااااص كلامهم حرقهااا 
 اسلوب روآن 
 كلام امها " فيه ام تتنازل عن بنتها ! "
 : روووان امممشي خلاص 
 روان طالعت بهديل ورجعت طالعت في دلال بقهر : مااابى ... انتو السبب كلكم في اللي عشتو ..انتي وجاسسسم انانيين فكرتو بنفسكم ونسيتووني
 دلال بالقوه وقفت اشرت على نفسها بيد ترجف : انا عشت اسوء ايام حياتي بدونك .. انا كذبت عشان يسيبك عندي .. هوا اللي اخدك بدون سبب هوا اللي ظلم طفله عشان يحرق قلبي
 روآن هنا بكككيت : بكيتي عليا قد ايش ونسيتيني ؟
 دلال مو عارفه ايش تباا سميه بكلامها !! : مافي ام تنسى بنتها ماااافي لو نسيتك ايش اللي خلاني ارجعلك دحين 
 روآن طالعت بتشتت حوليها ورجعت طالعت باأمها : يمكن تبي فلوووس _ طالعت في هديل _ صح 
 تقارنها باأم هديــل وهيا عارفه انو مافي وجه مقارنه 
 هددديل مسكت يد روان : امممممشي بقوولك 
 روان سحبت يدها : ماااحروح _ نقلت عدسه عينها على دلال _ قوووليلي ليش رجعتي تبي فلوس ها
 دلال حست صبرهااا دا السنين كلو اتبخر قالت بتعب واااضح : دعيت ربي كل يوم اني اشوفك قدآمي دعيته انو يحفظظك ويجي اليوم اللي اشوفك وتحضنيني وتقوليلي اخيرا يامااما ..بس لااا _ حركت يدها بالنفي _ لا لا مو دا اللي كنت استاهله مو إنتي اللي اباها _ اشرت على قلبها _ انا ابا اللي كنت احلم فيها كل يوم مو إنتي ... مو وحده تحاسبني على شي انظلمت فيه ..مو وحده تجي بعددد تعببب سنين عمري كللو وانا ابكي عليها وتقولي تبي فلووس !! ..روحي _ اشرتلها على الباب _ رووحي دامك ماتبيني ...روحي وربي معاكي 
 جلست بتعب على الكنبه وبكييت وهيا حاطه يدها على قلبها : ماتوقعت اني اوقف قدامك وانا اللي اقولك رووحي .._ ضاع الكلام منها وقالت وهيا تحاول تخرج بس الوجع اللي تحسه حاليا _ آآآه بس ..آآآه ياااقلبي
 روآن خرجت شهقاتها وانسحببت من البيــت 
 هددديل جآت وراها وبس قفلو الباب 
 مسكتها : رووووان حرام عليكي ادخليها حرررام
 روان : مااااباها مااااباها ماتفهمي مالك صلاااح
 هديل تبكي وتترجآهآ : الله يخليكي دي امك ياروان والله لو ماما ماسيبها حرااام 
 روان : عشنننك بلههه انتي وحده بلهه امك مابكيت لما شافتك اول مرا عشان قالت دا الكلام ال
 وف نص كلامها هدديل ضربتها كــف ..كف يمكن يخليها تفووق على نفسها 
: بستحمل اهانااااتك كتتتير بس وربي من كتر ماحبك بتحملها لكن بعد اللي سويتيه فيها كرهتتتك ...انتي ماعندك ضمممير ..ماعندك احسساسسس ..تبيها تبووس رجلك عشان تصدقيها .. قلك هيا بشاار انها مظلومه ..جالسه زي المسكينه تحاول ترضيكي وبرضك ماحسيتي ؟ ... جاسم الكلللب لما سبتيه وخرجتي من بيته على قد اللي سواه بس كنتي تناديه عمو جآآسم وتدافعي عنو ..كنتي تدي لكل النآس مبرررات الا امكم مابتديها _ دفتها هديل _ روووحي ياااشيخه روحي غيرررك يتمننى دا الاحساس انا عرفت انو ماما باعتني واخدتها بقللبي وسكت لأني اباها قلت يمكن ندممت _ حست انها ماقدرت تكمل فابكييت وسابت روآن ومشيييت _ 
نزلت من الدررج شافت السوآق ..
بس ماركبت السياره تبا تمممشي 
 مخننننننوووقــه 


 امـآ روآن واقفه مكآنها بمجرد هديـل ماختفت سامعه صوت دلال تبككي 
 تبكي بصوووتهاا 
 قدمت خطوتيـن مسكت في الدربزان وهيا تنزل الدرجآت اللي مو شايفتها من الدموع 
 بمجرد ماخرجت من المكآن طالعت في السياره ركبت لأنو مو قادره تمشي مو قادره توقف 
 مو قادره تفكككر
 قدمت راسها وسندتو على الكنبه اللي قدامها ودموعها تنزل بصمممممممت
 السواق ماتكلم 
 مافتح فمو بشي ..بس شغل السياره ومستني تعليمآتها
 قالت للسواق يمشي وبــس وقاعد يحوس في الطرقآآآت زي ماتبى 
 سـآعه مرت ودق جوالها 
 سانده جسمها على الكنبـه بتعب ..بصمت يقتل كل شي جوتها ..
طالعت في الرقم 
 ماتبى ترد 
 ماتباه
 ليش تحسـو دايما يعرف متى تحتآجه
" لا انا ماحتآج احد "
وكآنت دي كذبه من كذباتها اللي تقولها لنفسها دايما 
 وردت لأنها عارفه انها محتآجتـه 
 وجـآهآ بدون تفكير بدون عقــل
 صوتها دموعها يحس كأنه احد يحط على قلبه جمممره لما يسمعها 
 ويكون لها الحضن العريـض اللي تضيع فيه كل مرآ
 بككت بحضنه بطفوله 
 بضيااع 
 بتشتت 
 جمله ايش اسوي ياتآمر 
 خلتـه يححس كأنه أب ليـها 
 قبل لايكون حبيب 
 نسي فجعته امس وانو خلاص لازم يحاسب على تصرفاته 
 ساير اسير عندها 

 ورجــع لترف بعد ماسلبت كل شي فيـه 
 عقله وقلبـه 
 صح هديت صح ماسابها الا لما ابتسمت بس على قوتها قدآم الكل هيا اضعف وحده شافها بحياته
 عارف انها غلطآنه بس لما تقلو انا ماعرف ايش ابااا 
 تحززززززننننو 


 امـآ بشار دوبـه خرج من المصعد ومتوجـه لغرفته 
 مستغرب هديل ماتصلت طول دا الوقـت ... اتصل عليها جوالها مقفـل .. 
رفع عينـه لقاها واقفه قبال بابـه وبتدق 
 ابتتسم قال من بعيد وقبل لايوصل لها : ايش تسـ
 وانقطع صوته لما دارت وشـآف وجهها 
 وقـف في مكآنه ولا اتحرك 
 هيا اللي جآتــه هيا اللي حضنتـه وبكيييت 
 وماقدرت تقلـو شي من اللي قالتو روآن كالعاده 
 جملتها " انخنقــت من القعده واتذكرت مآمآ " دا اللي قالتو 
 هيا كددددا وقلبه وجعه عليها .. 




وهنـآ بدأت الاستعدآدآت لدا اليــوم 
 الككككككل متوتتتر 
 لمىى 
 تميم 
 تآآآمر
 امهم 
 وبالأأأخص ترف 
 صاحبه الشأن 
 من النهايه حاسه انها تحلم 
 كيف الموضوع جا بكل بساطه 
 وخارجه بكل بسااطه
 وفي الطريق بكل بساااطه 
 كأنه حلللللم 
 شي مو قادر يدخل راسـها 
 بس قاعده تسويـه
 ووقفت السياره وتحس الدنيا تدور حوليـها 
 نزلت من السياره 
 تطلع الدرج وقفت قبآل الشقـه ووجهها مصفــر
 تآمر طالع فيـها حط يدو على كتفها : تررف ايش بك 
 حركت راسها بالنفي وبتحاول تضبط انفاسها السريعه
 فجأه انفتح الباب ولمى مبتسمه من قلللبها 
 قالت بحمااس: شووووووفت السياره من الطاقه 
 تآمر كآن دوبه بيعلق ااتذكر موقفـه معاها وسكت وهيا فجأه استوعبت 
 وبدأت ابتسامتها تختفي 
 لمى مدت يدها وسحبت ترف : تعالي تعالي
 تامر دخل وقفل الباب 
 شعوووووووور غغغغغريب 
 هيا في بيت اهلها 
 كممميه وجع تحسها مو طبيعيه 
 تآمر :انا داخل لأمي 
 وصرف نفسه على طول 
 لمى اول مابعد تآمر شويا وتنطنط بس ماسكه نفسها : ايش بك خايفه 
 ترف ضحكت بخوف : ايش رايك انتي 


 اما في الغرفـه تآمر مو عارف ايش حيسوي من لمممى مو شايل هم امـه قد لمى ..
هوا القدوه هوا اخوها الكبيـر 
 هوا اللي يتكلم عن الاحترام وضربها كف بس عشان رفعت صوتها عليـه 
 جلس بتشتت جمب بعد ماسلم عليها : ماجات ؟
 تآمر ابتسم : الا 
 كآنت بتوقف الا مسكها : خليكي بتتكلم مع لمى وجيتك
 يبـآها تتهيأ نفسياا تدخل براحتها 

 مشيت مع لمى ولما سمعت صوت امها وقفت في مكآنها وماقدرت تدخل 
 اخدت نفسها بصوت مسموووع 
 صوووووتها 
 قشعرلللها جسمها 
 صووتها بس خلاها تبا تنهاااار
 من قبل لاتدخخخل 
 جسمها يتنااافض بشكل ملحوووظ
 لمى مرا حزنت عليها مسكت يدها وقال بهدوء : لاتخافي 
 ترف طالعت فيها 
 خطوتين وتشوف امها 
 خطوتين بس مو قادره تخطيها 
 تقيله 
 صعببه 
 الخوف واضح فيها 
 تبا تشوفها 
 ومو قادره تشوفها 
 لو لمى ماسحبتها مآكآن اتحركت 
 اخوانها بالغرفه بس عينها على أمها 
 امها اللي اقنعوها انو ترف دايما كنتي تشوفيها 
 بس ردة فعلها ماتدل على كدا 
 قلبها يحس انو لاااا 
 دي غيــر 
 دي ماحضنتها من زمآآآن 
 دي غير عنهم كلــهم 
 ليش ماعندها جواب
 بس من امس تطلبها 
 تباها غير عن الكل 
 وبرضو ماعندها جوآب 
 هيا اللي راحت تحضنها وبرضو ليش ماعندها جوآب
 ترف بس حست بحضن امها بكككيت 
 هنآآ يووووقف كل شي 
 هنآآ حسست وصلت لأخر شي تتمنآآه
 قالولها لاتبكي 
 بس بكككيت حق العمر كللو اللي انحرمت منها فيه 
 نفسها تتكلم 
 نفسها تقوللها 
 ليشش ياماما سبتيني 
 ليش ماجيتيني 
 ليش سمعتي كلامهم 
 ليش مامشيتي ورا قلببك 
 انا بنتك 
 انا حتى لو غلطت بنتك 
 كيف هان عليكي 
 بس شهقاتها اللي ورا بعض وكلام اخوانها مخليها ماتنطق باأي كلمه 
 تاخد الشهقه من قلبـها 
 ومآزالت تبا تقولها انا مظلومه 
 طول عمرها تتمنى توقف قدامها عشان تقولها ياماما والله مظلومه 
 بس انكتبلها توقف قدامها بس ماتفتح فمها بشي ..
خلاص يندفن كل شي جوتك ياترف كالعاده 
 وتكتفي بالحضن اللي اتمنيتيه 
 اما امها بكككيت معاها وعندها الف مبرر لبكى بنتـها 
 وهنآ الكل بكــي 
 هنـآ موقف استنووه من سنيييييييييين 
 وججآآ بعد تعب بعد صراااع طووووويل
 بعدت عن حضن امها ورفعت يدها تمسح دموعها 
 رخت راسها ومازالت تبـكي 
 بس عقدت حوآجبها ومسكت ذراعها اليمين 
 امها بصوت هادي ودموعها لسى تنزل : ايش بك 
 ترف بكيت مو عارفه من الاألم ولا من صووت امها المهتم ... 
حركت راسها بالنفي وامها قربتها لحضنها تاني وغمضت عينهاا 
 تحس انها ماكتفت 
 اما ترف ولا حتكتفي ولا قادره توقف بكى 
 ياأأأللله ايش الألللم اللي تحسوو 
 ايش الشعووور اللي تمر فيـه 
 تبا تقولها من اول يوم سبتوني فيه 
 اخدو شريطه المدرسه اللي مزينه شعري
 اخدو ذهبي لللي جبتولي هوا لما نجحت 
 وللبسي البريئ
 لبسوني الملابس الموحده 
 جردوني من كل شي يخصني وسرت سجينه بسببكم
 رموني والله لوحدي وانا اخاف اقعد لوحدي
 انضربت 
 اتهنت اشتقت ومالقيت احد فيكم 
 جو اهالي اخدو بناتهم وانا محد عبرني 
 انظلمممت 
 ومريت بحمل وولاده وانا ماعندي ام تدعيلي بديك اللحظه
 سحبو ولددو 
 اتيتم ولدددي وانا موجوده 
 تخيلي ياماما انو ولدي يقولولو يتيم وامه وابوه عايشين 
 تخيلي كميه الوجع لما اشتقلو وممنوع احضنننه 
 تخيلي ولدي يشوفني وانا بمنظظر استحي اني اتذكره 
 آآآه من القهههر 
 وآآه من الظلم لماا ابكي ومالقى ياماما احد يفهمني 
 لما ابا احد يسمعني فيكم ومحد راضي يعترف بوجودي
 آآآه من كلللمه بابا اللي كل مانطقها تكسر جوتي اللف حآجه
 ابا اشتكككيلك 
 ليش ليش بعد السنين دي ماقدر اقولك شي
 لييييش بتحضنيني ومو قادره اتكلللم 
 ليش يسير فيا كددا 
 انا محروووقه من جوآ ماقلت كلام كتتتير لأحد كنت ابا اقولك هوا
 كنت اباكي تسمعييني 
10 سنوآآت وانا محبوسـه 
 سنـه ونص وانا احاول استوعب حيآتي الجديده 
 انتحرت وعيشت ولدي بحآجآت المفروض مايشوفها 
 بس كنت ضعيفه 
 كنت خايفه من المجتمع اللي ماشفتــو سنين 
 كنت خايفه منكم ومن قاسم ومن نفسسي 

 تآمر مسـح دموعه وجا باإتجاهها حط يدو على ظهرها وهيا بحضن امها لسى : تتترف 
 يباها تهدى ..
امها مرا خااافت عليها بكاها مو طبيعي 
 بكاها يخرج من قللبها 
 انسانه محرووقه 
 مظظظلومه 
 بدأ راسها يتقــل وبدأ صوت بكآهآ يخف بس لساتها شاده على بلوزه امها ودافنه وجهها فيها 
 ماتبى ترفع راسها 
 لمى جالسـه على الكنبه وتبككي 
 تميم خرج من الغرفـه وماقدر يسمع صوت بكآهآ 
 تآمر باس راس ترف واتكلم بهدوء : خلاص اهدي 
 بعدت عن حضـن امهها ووجهها محمـر ..طالعت في تآمر ومو قادره تشوفـه من كتر الدوخه
 امها بعدت تجبلها منآديـل 
 تامر : تـ
 وف نــص كلامـه اترمى جسمها بالارض 
 صرخه لمممى صرخه امهاا 
 تميم جاا مفجووع تآمر يحـول يفوقـها 
 رفعها تميم على الكنبـه واتذككر يوم ماجاته تصرخ عليـه وسرلها نفس الشي
 ماتتحمل الضغط النفسي ...
امها قلبها حيوقف مو فاااهمه شي حاولت تفوقـها وجلست جمبها 

 بعد دقــايق بعد ماوقفتلهم قلبـهم فتحت عينها 
 وتحس انها تحلم ترمش بتعب وكل شويـه بتشوفهم بوضوح 
 نزلت دموعها لما عرفت انها مابتحلم 
 دي امها 
 ودي لمـى
 ودا تآمر 
 ودا تميـم 
 همآ حوليـها 
 بكيت تآني بس بتععععب 
: ايش بكك ياتتترف 
 غمضت عينها من ألم راسـها وماستوعبت اصلا امها ايش قآلت 
 تآمر مسك يد امـه : تعالي معايا 
 خرجها للصآله : تامر ايش بهاا لاتجننوني 
 تآمر لساته ماسك يدها : مو قلتلك هرجتها مع قآسم اخد ولدها منها وماخلاها حتى تشوفو ودوبها اخدتو مضغوطه بحياتها مررا والحمدالله أهو كل شي رجعلها بس ماصدقت تحضنك بعد اللي سرلها 
 امها بكيت وحطت يدها على قلبها :حسبيه الله عليه الله ينتقم منـه الله ينتقم منـه

 اما في الغرفه رفعت جسمها بشويش تميم جلس جمبها : تبيني اوديكي المستشفى 
 رفعت يدها وهيا تممرها على شعرها قالت بتعب من وجع راسها : لا مافيا شي

 اما لمى لساتها واقفـه وتبـكي
 مرا انفجعت لما ترف طاحت تحس قلبها طااح معاها 
 تميم طالع في لمى : هيا دحين دي ايش يسكتها 
 ترف ضحكت بهدوء غصبا عنها 
 لمى تمسح دموعها : انفجعت 
 تميم مد يدو : تعالي 
 جات بخطوآتها الهاديه وجلست جمبـه وحط يدو حولين كتفـها : خلاص بطلي دلع 
 ترف رفعت يدها وضغطت على راسـها 
 تميم دار راسـه : تبيني اجبلك مسكن 
 اشرت راسـها بالايجآب وقبل لايقوم امـه دخل
 ولما شافتها جالسه ابتسمت اتوجهتلها وترف حست بتوتتتر 
 تميم قام وهيا جلست مكـانه 
 دارت جسمها عليها بااهتمام ومررت يدها على شعر ترف : ماعاش مين يزعلك 
 تتترف راخيـه راسـها 
 ككل شي في جسمها اتقشعععر 
 كدا منكمشـه على نفسـها 
 وصووت امهها ماتنسآآآه 
 نفس اللي كآنت تحلم فيه كل ماتحط راسها على المخده 

 ماقدرت تتكلم ولا تقول شي 
 وبعد كلام تآمر لأمهم سايره مستوعبه انهيار ترف
 مسكتها وقربتها لحضنها ...
ترف بكل طآآعه مال جسمها واول ماسندت راسها على صدر امها غمضت عينها 

 تبااا الزمن يوقف هنآآ
 ف دا المكآن الدآآآفي 
 ف دا المكآن اللي انحرمت منه ..
ماتحركتت وامها تمرر يدها على شعرها بحنيـه : خلاص ياقلبي مافي شي تخافي منـو
 هيا تتكلم عن حآجه وترف اتكلمت بصوت مهدوود : تعبت والله تعبت
 امها حضنتها اكتتر وترف حطت يدها على ذراع امهاا 
 وهنـآ لمى انسحبــت وسابتلهم المكآآن 
 ساابو تتترف في حضن امهـآ ..
سابوها تبكي تتكلم تسوي اللي تباه ..وهما التلاته جالسين بكل صمت في الصاله
 كآنو متحمممسين 
 بس كسرهم صوت بكآهآ
 كسرهم انهيآرها 

 مــرت سآعه ومحد دخل عليـهم ...مآكآن فيه كلام كتتتير 
 انها مسدوحـه وكأنها الطفله اللي خرجت من مدرستها ومارجعت 
 ماتدري هيا غفـت ولا ايش بس ماحست بالوقــت 
 ماتكلمت صحح بس تحس رووح ردتلهاا 
 فيه شيي من جوووووتها اتغغغير كتتير 
 راااحه 
 آآه من إحساس الرآحه 
 خدودها محممره
 عيونها سهتآنه 
 بس اترسمت ابتسامه متعبه على وجهها 
 جلست بااستقامه وامها ابتسمتلها 
 وقفت ام ترف ومدتلها يدها : تعالي نجلس مع اخوانك
 ترف اشرت براسها بتعب ووقفت وامها مسكت يدها 
 لسى مو متعوده تـرف اللمسه دي تعنيلها كتتتتير
 يمكن امها بعفويـه بتسوي بس هيا ماشيه وكل تركيزها بيد امها ..
اول ماخرجو 
 تميم : ااااااااشهدددد ان لاإله الا الله
 تآمر اتمطع : كنت داخل انام
 تترف ابتسمت من دون ماتعلـق .. وجلسـه 
 جلسو وترف عيونها تتفحصهم كلهم ..
يتكلمو وهيا تردد في قلبها 
" الحمدالله "
 " الحمدالله "
 "الحـمدالله "
تميم وقـف وراح للمطبـخ ..خرج وهوا ياكككل 
 وقف قبـآلهم وامـه طالعت فيـه ..وبعدها استوعبت حآجه 
 طالعت في ترف : شوفت عدي خطيب لمى وشوفت روان خطيبه تآمر باقي اشوف زوجك _ وطالعت بترف _
تميم انخنق ووهوا ياكككل
 تآآآمر جالس بطرف الكنبه ودوبـه بيحط جواله على الطاوله صننننم 
 لمى ضمت يدها وتبا تتفرج بس على منظر تآمر 
 ام تآمر طالعت في تميم اللي بيضرب بصدره : وي بسسسم الله ااشرب موويا 
 رفع يده ووجههه كلممه محمممر قللليل 
 هوا ماستوعب الجمممله ولا امه قالت روآن خطيبه تآمر !!!
تتترف نففس الشي مفجوعه 
 تآمر حرك يده بهدوء وحط جواله ...ووجهه كل شويا يتغير لونـه 
 قاعد يدعي ينقفل الموضوع 
 بس فييييييييين ينقفل عند تممميم ..
 : ماااشالله ..! _ طالع في تآمر وتآمر نزل عينه على جواله ورجع طالع في امه _ متى شوفتي كل دول !
قالها بصدممممه 
: جو زاروني قبلك فيهم الخير
 بصدمه واااضحه : حتى خططيبه تآآآمر !!!!
 : ايوا الله يديها العافيه 
 تميم يطالع في ترف وبعده بتامر 
 اللي متوتر ويمرر يده على رقبتـه 
 قال بكل حقااااره 
 بكل وسااخه عشان يفهم الموضوع : مااشاءالله .. جاتك لغرفتك 
 قاطعتـه : لا كآنت جيه بس انا نزلت وشوفتهم بالكآفي وجلست شويا معاها 
 تميم ضم يدوو وابتسسم قال ولسى كأنو احد مديه كف: لازم يمخمخ ماقدر يطلعها عندك على طول
 لساته مصدوم في اخووه 
 اخووووووووه جاااايب العيد 
 خوووه ختم الحيآآآآآآآآه 
 جايب البنت للمستشفى اللي امو فيها 
 ايش يبااا داااا
 ايش الحب اللي يعرفووو 
 تميم خرجت منو ضحكـه كدا مصدومه ورجع قال : متى زوآجك ياتامر 
 تآمر طالع فيه بتحذير يباه يسكت 
 وتميم وواقف قبااال الكل : اووه شكلو لسى ماحددتو 
 تآمر ملتزم الصمممت وبس 
 ام تآمر : عقبالك ياتميم 
 تميم بدأ يستوعب الموضوع وفصل : ههههههههه انشاالله انشا الله على يد اخويا تآمر الككككبييير ..قدوووتنا ...العاااقل حقناا
 تتترف لسى في حاله صدمــه !!!
ام تآمر : ههههههههههه ..ايوا تامر مافي صور لملكتك ؟ زي عدي ولمى 
 تآمر طالع في امو ويحس مو قادر يتككلم 
 اخووواته هنآآآ 
 مكسووووف 
 تميم ماسبلو مجآل اساسا : لاااا من الحمممماس ياأمي نسي حتى يجيبو مصوره ..كويس انو قلنا اصلا هههههههههههه 
 تآمر طالع في تميم 
 وترف ضحكت ولمى على قد مو متنرفزه من الموضوع بس متشمته بتآمر وهوا بدا الموقف .. 
ايش حيرحمه من تميم 
 تميم : ههههههههههه بلله ياتاامر ايش احساسك وانتا عريس
 تآمر رجع جسمه وسنده على الكنبـه ويطالع في تميم يباه يفهم وينكتم
 وتميم قدم بخطواته وجا جلس جمبــه ويضرب على فخذ تآمر بفخر ويتكلم : الله يخخخخليك لنننا ياامختم الحيآه 
 تآمر على قد مو منحرج 
 على قد مايتمنى الارض تنشق وتبلعه 
 بس مسك نفسه بالقوه مايضحك 
 امهم اتكلمت مع لمـى وتميم دار راسه وهمس لتآمر : ايش الهرجه يافله 
 تآمر بنفس الهدوء : قفلل الموضوع 
 تميم غمزلو : نظام امي فقدت الذاكره وتصحى وتحطها قدآم الامر الواقع ... عجبتني والله من يوم مادخلت الرصاصه فيك وانا احس نفسي مااعرفك 
 تآمر ضحك بصدمه : هههههه يااكلب قفل الموضوع وانا افهمك بعدين 
 لمى ادت لأمها مويـآ وجات تعدي من جمب تآمر وجات عينها بعينه وشمقت 
 الا تميم وسسع عينه : دددي المفعوووصه تعررف صح 
 تآمر ضغط على اسنانه : انكتتتم ياتميم 
 تميم وقف : ياااااااالحوووووب 
 تآمر : تمممميم 
 تميم على طول سحب لمى من يدها : تعااالي اباكي بكلمه راس
 تآمر مرر يده على جبينه خلااااص اخوهم الهيبه اتبخخخر 
 اتبخر وبقوه ..

تميم دخل لمى المطبـخ وهيا ضمت يدها تحت صدرها : ها ايش تبا 
 تميم ابتسم بحقاره : حكيني
 لمى ضحكت غصبا عنها : ههههههههههه ايش احكيك 
 تميم : كيف فجأه سار الموضوع انتي كنتي مع امي صح 
 لمى اختفت ابتسامتها : ايوا 
 تميم رفع حاجبه : طيب ؟
 لمى : قليل ادب خليه يقولك بنفسه 
 تميم دفها : بلا بلاهه اهرجي يلا 
 لمى وجهها حمر : ايش تباني اقولك 
 تميم : اللي سار 
 لمى : مابى ياتميم 
 تميم : وربي لاأصقعك _ يطالع حولينو مالقى شي رفع يدو _ كف على وجهك ترا اهرجي
 لمى : ههههههههههه ياتميم مااابى 
 تميم : تراه مكآآن عااام 
 لمى : هوا ساب فيها عام ماشالله 
 تميم رفع حوآجبه الاتنين :اماا !
لمى : اجل ليش قلت لماما انهم مخطوبين 
 تميم : هوا إنتي اللي قلتي
 لمى : ايوا انصدمت والله فجأه القاه يبوس وحده وماسكـ _ بقهر _ خلاص ياتميم 
 تميم موســع عينه بصدمـه 
 بعد جملتها تنننننننح 
 هوا استحى: طيب البنت اتماشت مع الموضوع ؟
: مو ماما الله يهديها احسها لأنه مو مستوعبه شي صدمتها تقولها عقبال ماشوف عيالكم البنت انكتمت 
 وسارت تبا تصرف نفسها 
 تميم حط يدو على جبينه وهوا منححححرج بس يتخيل شكل تآمر : ياألللللله والله مرا موقف غبي 
 لمى : غبي ؟!! قول فين دا حيروح من ربنننا
 خرجت بنرفززه وتميم واقف مكآنه ومتنح .. ويضحك بصدممه كل مايتخيل رده فعل تآمر اول ماشاف امه 

 خرج وهوا مسـرح ولما شاف تآمر فااق وابتسم ..جلس جمبـه : ايش بك يافله هوا إنتا وصلت لدي المرحله بحياتك خلاص
 تآمر : ترا وربي حدخل انام 
 تميم ميل جسمو بااتجاه تآمر وقال بااسلوب مستفزززز :ههههههه تدخل تنآم ولا تدخل تكلمها 
 تآمر دفوو بنرفزه وقال بحده : تميم اهجد
 تميم : ههههههههه 



 اما ام تـرف عينها على بنتها وبتسئلها 
 ايش اسم ولدك 
 وابا اشوفو 
 طيب زوجك 
 مبسوطه معاه 

 اسئله تبا تعرف اجوبتها عشان تريح قلبـها 
 قلبها اللي بيحسسها انو دي غير عن الكل

 بتمر السآعات ..وترف ابتسامتها البسيطه هيااللي تعبر عن وضعها 
 لمى تجي جمبها وتتكلم معاها تمميم ياأذيهم امهم تضحك
 بس تآآمر ماله وجه حاليا حتى ترف يتكلم معاها قال لتميم هوا اللي يرجعها ..
وبتمر الدقايق سريـعه على الكل
 اضطرت توقف اضطرت تمشي عشان سآمي .. ورجعت لحضن امها قبل لاتخرج 
 خايفه انها ماترجعلو تآني ..بتقدس كل لحظـه حاليا
 ورجعت لبيتها ورجعت لسريرهـآ 
 وااتصلت تحكي برآء ودموعها مستمره ليش حاسه باألم جوتها 
 من كتر مو مبسوطه ..؟
 ولا لساتها مو مستوعبه انو حقيقه .؟

 بشـآر استقبـل عمـه جميـل ...واتصل على روآن تجي 
 جاتهم بخطواتها التقيلـه .. مدت يدها وسلمت وجلست 
 وجهها طاغي عليه الجديه مابتتكلم هيا وهديـل 
 كل نفس تآخده تحسو بيجرحها وبـس .. 
جميـل ملامح وجهه طاغي عليها التعب :سميه انتي تبي تحضري حكم بكرا .؟
 سميه : ايوا 
 جميل : طيب اسمعو ..._ بلع ريقه وقلبه يوجعه خلاص من كتر الكلام _ فاكر الاسبوع اللي فات لما قلتلك اترفعت قضيه على ابوك
 بشار : ايوا ؟
 جميل : وانتا ماهتميت 
 بشار : ماليا خلق اسمع تفاصييل تحرقني
 جميل: بس قلتلك انا تعال وقلتلك الموضوع مو بسيط
 بشار : ايش حسويلو طيب ؟ ايش فايدتي اني اعرف ؟
 جميل سكت شويا وبعدها قال : احتمآل ينحكم عليه بالاعدام
 سميـه طالعت بصدمـه 
 بشار اتغيرت نبرة صوته :. ليش
 جميل : فيه وآحد كآن حارس عند جلال يقول قبل اكتر من 10 سنوآت جاب ابوك بنتين في الاستراحه ..كلهم صغار وحده كآن يضربها والتآنيه ماسوالها شي .. التآنيه اسمها بشرى ..ماتحملت حاولت تشرد وابوك بيمسكها مع الاخد والعطى ضربها على راسها والبنت مآتت على طول يقول كنت شايفه من بعيد يسحب جثتها ورماها في السياره .. بس اختار انو يسوي نفسه ماشاف شي عشان جلال لايقتله ..لما خرجه من الاستراحه لقى هويه البنت وسلملنا هيا 
 ببشار : وايش الدليل في الموضوع ! 
جميل : اول ماخرج جاسم نسخ تسجيل الكميرات ..شوفت جآسم وهوا يرمي بنت صغيره في سيارته _ نزلت عدسه عينه وصوته يهتز _ شوفت كيف قلبه مافي اي رحمـه وكأنه مو اخويا 
 بشار يطالع بععه
 ودقآت قلبه كل مالها تزيـد : يمكن ...يمكن _ مافي اي مبرر _ ايش اللي خلاه دحين يتكلم
 جميل : زي الباقي خاف انو يسرلو
 بشار وسميـه جموووووووووود 
 يطالعو بعمهم وهدوئـهم هوا انكسارهم بدي اللحظه 
 عمهم ماقدر يقعد اكتر من كدا خرج وخرجت سميـه ودخل بشار غرفتـه
 انسدح على السرير 

 ساعه ساعتين 
 خرج منا لغرفه 
 تلاته 
 اربعه خمسـه 
 رجع لغرفته وانسدح
 سته سبعه 
 تمنيـه 

 وطلع الصبــآح وبيعدي الوقت وهوا مو قادر ينآآم 
 الفجععه طاغيـه عليه 

 امـآ سميـه من الفجعه نآمت حست موضوع امها وبعدها جآسم خلاص تشرد من كل شي بالنوم
 وتتمنى انها ماتقوم كآنت امنيه تتمناها من قلب
 بس فتحت عينها على صوت جوآلها 
 وقرأت اسم بشـآر اللي يدل على إنو يستنآهآ ..
قامت لبست وخرجت 
 صممممت طول الطريــق 
 مرر لساته على شفايفه " لا لا إن شالله سجن مؤبد "
راسه حينفجر مرعوووب وقاعد يعشم نفسـه 
 سميـه صمت بشار موترها ملامحه ككل شي 
 حتى هيا بتحس بشعور غريب شعور انك عارفه انو ابووكي بس ماتباه يموت
 ليش لما سمعت كلام عمهم جميـل خافت " ممكن يحكمو عليه اعدام ! "
 " ايش يعني ..ايش حيفررق حيتسجن فتره ويتعذب وبعدين يقتلوه.. يقتلوه ؟!؟! ..ليش ماباه يموت !! "

بشاار 
" كنت انا حقتلـو ! ...ايش حيفرق دحين ... هوا قتل حوور ... عادي ليش حتضايق اي حكم ينزل عليه هوا يستاهله .. دا ابويا ! ... اايوا ابويا اللي كنت حقتلـه "

ومشاااااععر محد فاهمها 
 صراع عايشين جوتهم 
 والرعب كاااسي على كل شي يحسـوه .. 
وصلـو ودخلو المحكمـه عمهم جميـل مو احسن منـهم ..
ودخلو للقاعه وجآبو جآسم اللي روان كآنت تطآلع فيه وبشار مارفع عينه وشافـه ..
وانفتحت القضيـه 
 ومستنين الحكم 
 جميـل وجهه مصفر من الرعب 
 جآسم ومن امس بس بيدعي 
 لحظظظظه حتوقف قلوووبهم 
 وبيعدي الوقــت وهنآ القـآضي اتكلم 
 هنآ وقف جآسم عشان ينتظر حكمـه
 كل العيون عليـه 
 اتكلم القاضي بصوته الجهوري :قررت المحكمه ..الحُكم على المُدَآن جاسم محمد الرايد ..
بالإعدام شنقا حتى الموت وذالك لإرتكآبه القتل العمد كجريمه ضد الانسانيه وفقآلأحكام الماده ...

ويكمــل القاضي وجآسم رجوله ماشالته جلس على طول 
 جميـل مارفع عينه من على القاضي وكأنه ماستوعب مع انو له اسبوع بيأهل نفسه 
 سميـه شتت عينها هنآ رجعت لذكرياتها معاااه سوائ سيئه ولا حلوه بس ربطتها فيه ذكريات كتير
 بشار هنآ رفع عينه هنآ طالع باأبوه 
 باأبوه اللي كآن يطالع فيه وكأنه يلومه 
 باأبوه اللي مكسووور من جلسته من نظرته ودحين من خبر حكمـه 
 ابوه نزلت دموعه وحرك راسه بقهررر هنآآ ندم انو دا ولده 
 ولده اللي دفنـه بيده 
 فيه نظرآآآت توصلك عن مليون جملـه تنقـآل ..وقف القآضي 
 والشرطي مسك جاسم اللي سار يقول بكل صوته : حسبيه الله ونعم الوكيــل حسبيه الله ونعم الوكيــل
 قسمممممة ظظظهرر على الكل 
 سميه قامت اول وحده ....تاخد انفاسها ورا بعــض 
 تمشي بخطوآت سريـعه برغم ألم رجلها
 دموعها بعينها وفتحت ابوا بالمحكمه وحطت يدها على عينها من قوة الشمس 
 مشيت وفجأه تسمع صوت كميرات اسئللله 
 فجأه النآآآس حوليها فجعووها
 كآنت تبكي بس محد عنده ضميـر كلهم يبو يعرفـو دي البنت ايش عاااشت 
" هل صحيح صدر حكم الاعدام على جآسم الرايد "
وسؤال تآني وتالت وراببببع 
 كلها تذكرها باأصلها 
 كلها تذكرها بحيآتها 
 تمشي وهما يمشو معـآهآ تحاول تشـرد تبعدهم بيدها وتزيد شهقاتها 
 لين ماخرج جميـل وبشار وهمآ شافو هنآك فايده اكبـر وسابوها وبخطواتهم السريعه اتوجهه لهم
 بشار اللي مشي بسرعه لسيـآرته وركككب وهوا بيتحاشاهم مو عشآن بيشرد منهم 
 لا لو بيده يمكسهم كلهم ويطلعو حرته فيهم بس كآن بيشرد من نفسـه 
 نفسـه بيضيــق وكل شي براسه نظره ابووه 
 كلام القااضي انحكم عليه بالاعدااام 
 بسببـه 
 يمرر يده على صدره ويحس انو مو شايف طريقـه 
 سامع جوآله يدق بس ولا مهتـم
 صدرره اللي يطلع وينززل صوووت تنفسـه اللي ياخده بالقووه 
 كلهم بيزيدو عليـه ..

امـآ امـه اول ماوصلها الخبر بكككككيت 
 كآنت تباه ينسجن بس ماتوقعت انو دا الحكم اللي حينزل عليه اتصلت على ولدها 
 عارفه ايش ممكن يسرلو بس ماارد اخدت مفاتيح سيارتها بس عارفه انها مو قادره تسوق
 واستنجدت باأخوهـآ يوديـها
 تتصل على جميل ورد عليها بصوته اللي يدل على تعبه : السلام عليكم 
 ام بشـآر : وعليكم السلام ..قولي الله يخليك انو بشار عندك 
 جميل : لامشي على طول 
 ام بشار بككيت : طيب مع سلامه 
 وقفـلت منه لما قلها طمنيني قالها بالقوه وهوا يحس ضغطـه نآزل وحيطيح في اي للحظه
 اتصلت على سميـه ماترد 
 جسمها يتنااافض 
 اتصلت على هديل بتردد واخوها كل شويا يطالع فيها وهديل ماردت على طول مع الفجعه من الاتصال : الو ...هديل بشار مارجع ؟ ... طيب روحي دقي وشوفي واديني خبر
 هديل قفـلت مفجوعه عرفت انو اللي كآن خايف منه بشار سار 
 راحت بااتاجه غرفته ودقت كدا مرا وبعدها اتصلت : لا مافي احد ..طيب انا واقفه عند الباب لو جآ حقولك 
 ام بشـآر قلت واخوها على طول اتكلم : مين دي ؟
: صحبه اختو 
: ايش دخلها طيب 
 ام بشار : ساكنه بنفس المكآن يعني ايش دخلها بخليها تطمنلي على ولدي 
 اخوها سكت على طول اما هديـل خوف امه وترها سارت تتصل على بشار على سميـه ولما محد رد بكييت 
 تروح وتجي زي المجنونـه وكل ماالمصعد يتحرك تحسبو بشـآر ولما يعدي الدور اللي هيا فيه 
 تزيـد بكـى 
 لين ماوقـف في نفس الدور لين مانفتح وشافتته خرجت شهقه من قلبها تعبر عن خوفها 
 خرج وهديل مسكتو : حبيبي ايش بك 
 حاتط يده على صدره وكل شي بوجهه متغير لونه 
 عيونه بشرته شفايفـه : سيبيني
 هديل شدت على يدها : امك جيـه تعال المستشفى عشان ت
 وف نص كلامها سحب يده منها وهوا بيشرد ححتى من هديل
 اتوجهه لغرفتـه وهديل تمشي وراه : بشااار امانه تعاال 
 خرج البطاقه وحطها على الباب وانفتح الباب ودخل وهيا حطت يدها على الباب : بشااار
 دخل وهوا يروح ويجي بالغرفـــه 
 مو معصببب 
 مكسووور
 محروووق
 ندمآآآن 
 تعباان 
 حاجات كتتير يحسها حــآجآت كتتير نفسو يخرجها منـه ودوبها هديل بتقرب الا بدأ يخرج اللي بنفسسه وقلب الطآوله المتوسطه الكنب 
 هديل صرخت بصووتها وبعدت 
 سار يرممي كل شي قدددآآآمه وصرخته اللي تطلع هيا اللي تعبر عن كميه القهرر
 هديل مو قادره تقرب تتتبكي وبس في مكآنها 
 اول مرا تشووفه كداا 
 خااافت 
 ومسك بالكنبه لما بدأ كل شي يسود بعينه 
 هددديل جاته .كآنت بتمسكه الا بعدها بيدو : مااابى احددد ..اخخخرجي 
 هديل : بشاار حرام عليك 
 بشار طالع فيها ويتكلم بصوت متقطع : حرام عليك! ..ابويا حيموت بسببي ..غاليه ماتت بسببي ..حور رااحت وهيا تكرهني ... انا ايش سوويت بحياتي !؟ 
 هديل اول مرا تسمع بااسم غاليه بس ماهتمت : مالك صلاح بشي حبيبي 
: يضرب بيده الكنبه وبيعدد كل شي سواه _ اناا اللي سلمت ابويا للشرطه .. انا الي قلت لعمي لجلال ... انا ماديت وقت لحور 
 وبكككي بصووته وهوا يقول بحرقه : أللللله ياخددد بشااار واللحظه اللي جا فيها بشاار
 هديل تبكي ومو عارفه ايش تسويلوو
 اما هوا جلس على الكنبه ومسك راسـه :حسبيه والله ونعم الوكيــل قالها ليااا قالها لياا 
 هدديـل نقلت عينها على الباب لما شافت امه جـآت وبعدت على طول عنـه 
 ماتبى ترخج بس غصبا عنها خـآرجه
 مشيت باإتجاه الباب وخاله داخل طالع فيها وهيا سحبت نفسها وراحت لغرفتها
 وتبببببببببكييي 

 امه جات بخطواتها السريعه جلست جمبـه واول مامسكتـه طالع فيـها 
 بعد يدو عنها : شايفه ولدك ايش سوا
: دا جآسم مو إنتا 
 حرك راسـه بالنفي وسار يردد بهستريا : جآسم وغاليه وحور ..جاسم وغاليـ
 امه مسكته قاطعته وهيا تبكي : بشااار 
 بشار : طول عمري اتمنى اعتذر لغاليه ودحين ليا فتره بممموت وااناا نفسي اكلم حور نفسي اقولها انا اسسف على وقتي اللي ماديتك هوآ ..وابويا كمآن ! حتحمل ذنب تلاته اشخااص
 امه بقهرر : تتحمل ذننب ايش انتا مالك صلاااح دا قضاء وقدر 
 بشار سند جسمه على ورا ودموعه تنزل مو ملاحظ حتى وجود خاله 
: انا مو قادر اتحمل 
 امه رجعت جسمها وتمرر يدها على وجهه وتمسحلو دموعه : عشان خاطري قوم اوديك المستشفى حترتاح
 بشار يهرج ببصوت راخي : ماففيا شي 
 امه تطالع فيه وهوا يغمض عينه ويرجع يفتحها بتنفسـه السريع وقلبها يووجعها : الله يرضى عليك قوم
 بشار : قولي لأبويا إني اسف ..قولي لغاليه إني اسف ..قولي لحوور إنو انا قصرت معاكي كتير قلوليلها بشار كل يوم ينحححرق كل يوم يقرا محادثاتك معاه _ رفع يده على بلوزته ومسكها بقهر ودموعه تنزل _ اشتقتلها اشتقتلها وكل يوم اقنع نفسي انها جالسه معاكي 
 امه رخت راسها على كتفه وبكيت : خلاااص لاتوجعلي قلللبي لاتجبلي سيرة بنتي
 خاله يطـآلع فيهم من بعيـد ومو قادر يقرب مو قادر يتحرك بككي من حالهم 
 بكي لأنه دايما يستحقر بشار ويكرهه بس صعب عليـه
 بشار بعد جسمه عن الكنبـه وامه رفعت راسها وتطالع فيه 
: انا مو عارف قاعد ابكي على مين عليهم ولا على نفسي 
: انتا مالك ذنب بشي حبيبي ابوك ربي جازاه شي غصبا عني وعنك غاليه نفس الشي ..وحور طول عمرها تحبك وماكآنت شايفه تقصير منك 
: لاا لو ينحكم على ابويا بنفس الحكم بس ماشوف ديك النظره منـو لو تموت غاليه بنفس الطريقه بس ماشوف ديك النظره منها حااجات تخليكي تتحملي عذاابها سنيييييين تنآم وانتا تبككي من جوتك بس مضطر تكمل حيآتك .._ ضحك بقهر _ ؛وحور كل محادثاتي معاها .فينك ..ماحتجينا ..انا طفشانه ..انتا ماسرت تحب تجلس معايا ..؟ ...امانه تعال اليوم .. ليش ماسرت تطول عندنا _ وقف لما حس انو انخنننق طالع في خاله اللي واقف ودوبه انتبهله _ وانتا ايش تسوي هنا ؟ جاي تتشمت _ رفع اياديه الاتنين _ هااا اتفرررج روحح قول لأمكك كلامك صحح روح قلها انو احنا عيله واااطيه 
 امه وقفـت ومسكتو : بشااار خلاااص 
 بشار بعد امو :خلاص خلاص سيبببوني وارجعوو 
 امه : انا ماحسيبك 
 بشار اشر لخـآله : انتا اطلللع طيب 
: بشاااار 
 يشار جا بااتجاه خالـه ودفو : يلااا برا 
 خاله اكبر منو ب 6 سنوآت : بشااار مني جاي اتمشكل معاك 
 بشار : هااا جاااي عشان ااايش قووولي جاااي للليش
 خاله طالع باأختو ورجع طالع فيه : خلاص اهدى انتا 
 بشار كل شي قاعد يزيـد عليـه حتى مشاكله مع اهل امـه 
 حتى كلام خاله له من صغره ..دفو تـآني بكل استحقار : بقووولك اطططلع 
 خاله بالقوه ثبت جسمـه ..ولو مو وضعه دا كآن مارحمـو 
 رجع على ورا : خااارج 
 دار جسمـه وبشا يطالـع فيـه وتنفسه بيزيـد وبينخنق زيـآده 
 فجأه يشوف خاله خارج وفجأه مايشوفو 
 لين مادار راسـه يبا يمسك باأي شي قال بضعف : امـي 
 عرف انو خلاااص اكتر من كدا مو قادر ياخد هووى
 وقبـل لاتوصلـه طـآح من طولـه 
 وخاله اللي كآن دوبـه خارج من الباب انفجع من صووت الطيحه 
 طالع ,,,, اختــو صرخت وهوا مشي بخطوآآت سريعه بااتجاهه 
 استسلم بتتتعببب مرهق وواضح على وجهه ..رفعه وحط ذراع بشار حولين كتفه 
 وامه من النآحيه التآنيه حاطه يدها على ولدها وتبكي وتمشي معاهم خرجو من الغرفـه 
 اتوجهه للمصـعد بس مرت من جمب غرفـه هديل وهديل سمعت صوت بكــى 
 قامت من على الكنبه فكت الباب واتسمرت مكآنهآ
 قلبها من كتر ماوجعها وهيا شايفته بدي الحاله ومالها حق تلحق ورااهم 
 مالها حق تطمن 
 مالها حق تسوي اي شي غير انه تبكي في مكآنها 
 لما انقفل المصعد 
 دخلت بخطوات مهزوزه 
 قفلت الباب وجلست تببببكي 


 امـآ سميـه 
 تمممشي وتتتبكي ... 
تبا تشرد من الكل خلاصصص هيا هنا 
 ماتبى هديل ماتبى بشااار 
 ماتبى احد 
 تبا نفسها 
 تعببببانه 
 تبا تصرررخ 
 تبا تقول دا كآن باباا دا اللي حتقتلوه بابا
 بس خلوني اسئلو كيف هآن عليك ترميني 
 كيف هآن عليك تعاملني زي البقيه 
 كيف هان عليك تشوفني كل يوم وماتحضني 
 لدي الدرجه انا ماأستاهل 
 لدي الدرجه ماكنت تخاف عليا 
 طيب تتذكر لما مرضت وصرخت عليا اقوم اشتغل 
 ماحزنت بلله ؟
 امااانه قلبك مانحرق شويا عليا ؟
 والله رااضيه ولو بالقليل 
 لو حز بنفسك بس شكلي المريض انا حسامحك 
 قولي انا اسف وانا حسامحك 
 قولي انك غلطان وانا حسااامحك 
 طيب لاتقولي شي بس اوقف قدآمي ولاتهينني وانا حسامحك
 اوقف قدآمي واسسسكت وربي راااضيه بسكوتك
 وقفتلها سيـآره واتوجهت بدون تفكيـر ..
طلعت لديك العمـآره وتاخد شهقاتها بصوت مسموع 
 بصوت يخلي اي احد يمر من جمبها يطالع فيها 
 تدق الباب بيد تتنااافض 
 تدق بقووه ومو قادره تووقف خلاص 
 مو قادره تستحمممل 
 فتح الباب بعصبيـه ولانت ملامحه رجع كم خطوه لورى وناجى بكل صوته: دلااااال _ ورجع بااتجاه الباب طالع في سميـه _ تعاالي 
 ولا اتحركت تبككي بشككل يفجــع دلال جات ومحمد بععد وسار وراها 
 روآن 
 مو قادره تتحممل حاسه باألم جوتها ألم يقتلها 
 تحس انها بتموووت بالبطيئئئئئ من كتر الوجـع 
 دلال بكل خووف : ايش بكك 
 سميـه بدون تفكير بدون عقـل اتكلمت : خددديني من هنآ والله حموووت لو جلست اكتر والله ماحستحمل





 وبيــمر الوقت على التلاتـه بكل ألــم .. 
بشار على السرير الابيــض دوبهم بيحطولو الكمـآمه وهوا سار يبعـدها 
 مو داري عن نفسـه يبا يخرج وماستسلم الا لما ادوه مورفيـن ونآم 
 ورجعتلـو الكمـآمه على وجهه ..


سميــه امها بتلم اغراضــها ماحتجلس دقيقه دام بنتـها قالتلها ابا اجي معاكي 
 اما سميه جالسه في الصاله بكل انكساااار 
 مو حاسه شي اتجاه امها لكن بنفس الوقت عارفه انها ماحتأذيها 
 رفعت جوالها لما شافت المتصـل تآمر ردت : ايوا تآمر
:ها ايش سار معاكم 
 روآن : انا حروح مع ماما
: فين تبي تروحي ؟
 روآن :خلاص برجع معاها 
 تآآآمر لحظـه صمت ...قال بعدم استيعاب : ماحترجعي !
روآن : ابا نفسي ياتامر ابا اشرد من الكل 
 تآمر : حتى مني 
 روآن : من الكللل انا بنسبه لكم حاجه حتنسوها مع الايام 
 تآمر مرا صدمتــه ضاع الكلام منـه 
 روآن مالقت رد منـه : مع سلااامه 
 وقفــلت من غير ماتسمع شي منـه 
 تعلق نفسها وايش نهايتهم !!
خلاص كل اللي عارفته انه مو قادره تتحمل احدددد 
 جاسم حيموت بسببها الفكره دي لووحدهااا آآه قد ايش قاتلتها



 هديـل لوحدها رفعت جوآلها وبس تتصل على روآن مرا ومرتيـن وتلاته 
 لين ماردت .. بس مو صوت روآن ..جاها صوت دلال ...
هديل : الو 
 دلال : هلا هديل 
 هديل ماستوعبت الصوت : مين معايا 
 دلال : انا ام سميه 
 هديل عقدت حوآجبها : اهلين ...سميه معاكي ؟
 دلال : احنا في الطريق 
 هديل : جايين هنا
 دلال : لا سميه راجعه معايا 
 هدديل رمشت بهدوء ..جلست على الكنبه .. قالت بصعوبه : ممكن اكلم سميه 
 دلال طالعت في سميه اللي ادتها الجوال وماتبى خلاص ترد على احد : نامت 
 هديل : صحيها بس بكلمها شويا 
 دلال باارتباك : اتصلي بعدين 
 هديل خاافت : لا أمآنه خليني اكلمها دحين 
 دلال مرا حزنت : الله يخليكي لاتحرجيني 
 هديل : تبا تروح من غير ماتسلم عليا !!! 
دلال : لو وصلنا حخليها تكلمك 
 هديل انفاسها بتزيــد دلال صرفتها بااسلوب وقفلـت
 وهديــل هنآ تحس روحهاا انأخدت منهاا 
 روووآآن دي 
 دي امها 
 دي اختــها 
 دي كل شــي 
 تروح كدا وهما متزاعلين 
 ترووح وهيا ماحضنتها ماودعتها 
 ماقالتلها انتبهي على نفســك 
 رجعت تتصل مرا ومرتتتتين وتلاته واربعه وصوت بكاها كل مالو يزيــد 
 ككبرو مع بععض 
 بكيو مع بعض
 تبا تتصل تعتذرلها تبا تقولها انا اسفه لأني هزأتك امس 
 حستحملك 
 ارجعي وانا حستحملك 
 والله ماحزعلك والله 
 انا مين كآن ليا غيرك 
 انا حتى ماما ماتباني
 انتي اللي مستحملتني مو انا 
 ماما اتنازلت عنني بكل سهوله 
 لاتكوني زيـها 
 قوليلي على الاقل مع سلامـه قوليلي كلمه تصبريني فيها عن الايام الجآيه 

 بكيــت لوحدها باألم بقهههر بجنـآن 


 نوقـــف هنآ شويــه 


 بعـد 5 أيــآم ... 

ف فرنســآ ...وبالتحديد بالغرفـه اللي مستأجرها 
 رايح جآي قبال سريره .. يطالع في الرقــم 
 وقلبــه محرووق 
 اقووه حيروح منــو زي ماراحت غاليـه 
 وكلو بسبب ولده 
 كلو بسبب نفس الشخــص 
" والله لاأحرق قلبك " واتصل على الرقـم
 واول ماجاه صوتها : إنتي ام هديل .؟


 متجمعيــن في بيت تـرف وبراء ...
صوت ضحكـهم عالي المكآن .. زوآج لمى باقيلـو يوميــن 
 براء وتـرف وتآمر وتميم وامهم ولمــى اللي متحجبه وقاعده معاهم 
 ماخلتها امها تنآدي عدي عشان لايشوفها خلاص
 مقهوره وحشها .. .

وسآمي ماسك جوآله يقرا الكلام مرا ومرتيـن وتلاته 
 انسحب للغرفـه اللي ينآم فيها انسدح على السرير ..
وقلبه يدق ورا بعض 
: سااامي
 جلس بسـرعه وهوا يطــآلع 
 شاف شي اسود مر من قدآمه دار راسـه ومالقى احد 
 وقــف بخووف 
: سآمي ... ساااامي
 يسمع اسمه من كل مكآآن 
 يمين يساااره من وراااه 
 حط يده على اذنــه
 بيحس باأشياء تعدي من وررراه 
 يبـآ يخخررج 
 مشي بســرعه باإتجاااه الباب وشهق بكل صوتـــه لما وقـف قبـآله قآسم 
 رجع بخطوآته على ورآ وقـآسم يمشي يخطوآته الهاديه : مو قلتلك حقتلها 
 دموووعه نزلــت بخووف
: مو قلتلك احتتترممنني 
 سآمي : بعععد عني 
 قأسـم : حتشرد منني فين انا البلد كلها تحت يدي
 سامي بككي : ماابى اععيش معاك 
 قآسم : ولاحتعيش ممعااها حقتلها عشان اخد حقي منها مو انا اللي ترمي في السجن 
 ســآمي كآن حيشرد الا قـآسم مسكــه ورمآه على السرير 
 مد يدوو وخنقــو 
 وسـآمي صررخ بكــل صوتــه وبدأ صوتــه يختفي كل مابينخنق زيـآده 

 إحتمآآآل كبيــر انو الفصل الاخير الإسبـوع الجــآي حأاكدلكم باليومين الجيـه 
 انتهى الفصــل ... 

الفصـل السادس والثلاثــون ..
مــآزآل في نهايـه عقــده العشــرين ..
يتوسـد المخدآت البيضآء بكل ارهـآق
 ذآلك الشـآب الوسيـم تلك الملآمح الشرقيـه 
 جميـل رغم بشـآعة مابدآخلـه ..
الشعور بالذنـب يقتــل الانسـآن بالتدريـج 
 صرااع تعيشـه مع ذاتــك 
 لقد اهملتـها 
 كآنت تريدني دومآ
 تلك النظره تقتلني 
 ابي سيقتل بسببي
 تلك الطعنـآت بجسدها 
 مازآل صوتها يتردد بمسامعي
 نظرة ابي , نظره اختــي , نظرة تلك الخآئنـه 
 انا السبب ...سامحوني .. الموتـى لايستطيعون سمآعي اعلم ذالك 
 وهذا مايقتلني كل يوم ... 
ولم يكــن قوي حتى ينتصــر على الصراع اللذي يعيشـه 
 استسلــم وانقطعت انفـآسه 
 حتى تسنده كالعاده تلك الكمـآمه 
 رفيقتـه منذ الصغـر 
 رفيقتـه عندمآ يتعب من الحيآه 


 وآقفـه جمب سرير ولدها وضامه يدها تحت صدرهـآ وقبـآلها الدكتور ..: نسبه الأكسجين في الدم منخفضـه
 امه طالعت ف بشـآر باارتباك وبعدها بالدكتور : ايش يعني .؟ مو لو اخد اكسجين دحين حيرتآح ؟
 الدكتور : لازم يستمر على الاقل اسبوعين 
 ام بشار بعدم استيعاب : تباه يقعد هنآ اسبوعين !!
الدكتور : اللي يريحكم تقدرو توفروله الجهاز من الصيدليه او يجي يوميا .. قلة الاكسجين ممكن يسببلو تلف لبعض الاجهزه
 وهنـآ الدكتور كمـل بالكلام اللي ينقـآل لبشار كل مرآ الريـآضه والأكل الصحي مهم لصحتـك ..
خـرج وهيا اتوجهت لولدها ..مسكت يدو 
 اطراف اصابعـه مزرقـه 
 وجهه شـآححب
 طريقه تنفسـه واجعتها . 
نزلت دموعـهآ تعبــت من المعآنآه تعبت من انهآ تخاف على صحة اطفـآلها 
 شي مرهــق بس كل مرا تقول الحمدالله 
 بكيت زيآده لما اتذكرت العذاب النفسي اللي يعيشـو ولدها 
 لدحين موضوع غآليـه براسـه 
 لدحين جآسم مو راضي يريححـه انقهرت لما سمعته يقول لهديل قلي حسبيه الله ونعم الوكيــل 
" آآه ياجاسم .. تبا تجنن ولدك من الذنب .. انتا السبب ربي سخر ولدك عشان يوقف ظلمك على النآس 
 لليش لأخر لحظـه ماتبى ترحمـه 
 ليش لأخر لحظـه تبآه يعيــش بهم وانتا عارف انو ماحيستحمل .."

انهارت لما عرفت الحكم اللي نزل عليـه بس حاليآ كل همها ولدها 
 جآسم حيـروح ويبا ياخد منها كل شي مايكفي حــور 

 جلست على الكنبه بتعــب وعينها على ولدها .. دق جوآلها وردت على مرت جميـل 
 كآنت تبا تطمن عليـهم بعد ماشافت انهيـآر جميـل .. 

ومرت سـآعتين وبدأ بشار يتحرك 
 قلبها قبضـها ..عارفه انو لو قآم ماحيرحم نفسـه 
 تباه يرتآح لو بس اليـوم خرجت من الغرفـه ورآحت تدور على الدكتور .. واول ماشافتـه طلبت منه يدي لولدها مهدئآت 
 اي شي يخليه مايخرج دحيـن 
 الدكتور ابتسم بااحراج : صعبـه والله صحتـه كويسآ 
: حيتنكس حيتعب تآني لو قام 
 الدكتور : احنا سوينا اللي علينا خليه يصحى ووقتها يسير خير
 ام بشـآر بترجي : اسمعني الله يخليـك اختـو مآتت وابوه انحكم عليه اليوم بالاعدام ايش حتتوقع يسوي لو صحي ..طلبتك بس خليه كم سآعه تآنيه يرتآح فيها 
 الدكتور لانت ملامحـه ..سكت شويآ وبعدها قال : دحين حقول للممرضـه 
 وكآنت نظره امتنآن طاغيه عليها الانكسـآر 
 تحس لساتها ماستوعبت انو جآسم حينعدم فجعتها على ولدها مخليتها ماتستوعب لسى 
 العشره ماتهوون 
 اللي بينهم ولو كآن شي يححرق 
 ولو إنو ماعاملها الا بقسسسوه وبجبرووت واهانه لكن دا كآن زوجهـآ
 ابو عيـآلها ..
ربي هوا الوحيـد اللي عالـم بنفسيتها المدموره
 دخلت غرفـه ولدها المشتركه مع مريض تآني ... غطت قسمه بالستآره
 وجلســت شويا تقرا قرآن بجوآلها شويـآ تتأمله 
 شويا تدعــي 
 شويـآ تبكي 
 ومـرت سـآعتيـن وفتح عينـه وكآنت اممه مسـرحه 
 جسمو كلـه خدررران مافيـه حيل يتحررك 
 يده تقيلـه 
 رجولـه تقيله 
 راااسه بينفججر 
 هوا يحلــم ..؟
 يتذكر انو 
 اخر مرا فتح عينـه بدا المكآن وكآنت اختـه ميتـه
 ولا دآك برضو حلـم .رفع يده بتقل ونزل الكمـآمه لرقبته .. قال بصوته المبحوح : أمـي
 فزت من مكآنها على طول ... ابتسمت باارهاق واضـح وجات لعنده : ايوا حبيبي
 يطـآلع فيها للحظآت وبعدها قال : حور فيـن
 طالعت فيـه بصدمـه ..ماعرفت ايش تـرد 
 لما طول سكوتها غمض عينه بتعـب وعرف انو كل اللي بيدور براسـه حقيقه 
 اختـه مآتت
 ابوه حينعدم 
 فتح عينه وامـه تنزل دموعها بصمت وتمرر يدها على شعره 
 سؤاله خنققققققها : كيفك دحين 
: ابا اخرج
 امه : خليك مرتآح
 رفـع جسمه بالقوه جلس وامه تتكلم : بشاار لاحق على الخروج 
 بشار سحب الكمـآمه من حولين رقبتو وحطها على السرير : مافيا شي 
 امه : شووف وجهك كيف لوونو 
 بشاار حاسس بضعف في جسمه مو طبيعي ..مو قادره يوقـف ..فاترخت كل عضله بجسمه 
 واكتفى بالجلووس ..
فجأه سـرح وبيطـآلع في الارض بكل انكسـآر
 الأفكـآر بتجي وحده ورا التآنيه 
 حطت يدها على ركبته : ايش بك حبيبي
 بس مــآرد ..
 " الحُكم على المُدآن جاسم محمد الرايد ..بالإعدام شنقا حتى الموت "
 " حسبيـه الله ونعم الوكيل ...حسبيه الله ونعم الوكيـــل "
 " الحُكم على المُدآن جاسم محمد الرايد ..بالإعدام شنقا حتى الموت "
 " حسبيـه الله ونعم الوكيل ...حسبيه الله ونعم الوكيـــل "
راسـه حينفجر من جمله ابوه وكلام القاضي ..
 : قوولي ايش بـك 
 بشار نسي نفسيه امه اللي دايما يراعيـها : ابويا انحكم عليـه بالإعدام حيشنقوه ..قال القاضي .. _ بلع ريقه ولسى عينه على الارض ويتكلم بهدوء مفجع _ قال يعدم شنقآ حتى الموت _ سكت شويا وبعدها كمـل _ وحور صرخت لين مام
 وقبل لايكمل كلمته قالت بحدده : بشاااار اسككككت
 ماتحرك ولا طالع فيه لحظه مو مستوعب غير الجنان اللي بيسير وسط رآسه : حيحس ابويـآ بالخوف اللي مرت فيه حور 
 امـه سارت تتنفس بسـرعه ماااتحب تفكر بنتها كيف مآتت دفتو من كتفه عشان يستوعب : خلاص بقوولك
 بس ولا اتحركت حتى عدسـه عينه أللللللللم في جسمه كللله وببسسس 
 خلاص الجمووود اللي يقتل 
 الاحبــآط 
 الأفكار المميته 
 امـه بعدت عنـو وادتو ظهرها وبكـــيت 
 جملتتته حرقت قلبـها ..
وهوا ولاسامع صوت بكآها الأصوات اللي براسه طاغيه على كل شي حولـه
 سحب جسمـه من على السرير 
 واتغاضى عن كل الآلام اللي يحسـها 
 الصداع والغثيـآن وتنفسـه اللي لسى مسمووع 
 مشي بخطوآته التقيـله واول ماحست بحركـته 
 اتوجهتله ومسكتو بتعب : ارحمني يابشار واجلس اللي فيا مكفيني
 سحب يده بصمـت 
 وكمل مشـي وكأنها مابتكلمو 
 رجعت للغرفه بسـرعه اخدت شنطتها وجآتــه 
 تمشي معآه ومو عارفه فين بيـروح بس خرجو اشرتلو على السياره : السواق هنآ تعال 
: انتي ارجعي 
: ماااحسيبك _ مسكت يدو _ تتعال البيت 
 سحب يدو للمرا التانيه وطالع فيـها : ابا اقعد لوحدي 
: لاتشغل باالي الله يخليك تعال معايا _ جات تمسك يدو الا رفع صووته عليها 
: سيببببيني بقووولك
 رخت يدها بفجـعه ماهمها النآس اللي طالعـو ..فجعتها فيـه هوآ انو كلمها بدا الاسلووب 
 وهيا بتبكي ومنهـآره وخايفه عليـه 
 نظرره بس تلومــه
 نفس نظره حوور 
 قالت بتشتت وباستسلام على طول: لو تبآني اتصل استنآك
 ومشيـت باإتجآه السيااره وهيا تحآول تمسسك نفسـها 
 ماااقدر
 ماقدر يروووح 
 ماعنده قووه انو يخلي احد زعلان منـه 
 وسار يفكر لو سرلها شي وهيا زعلانه منــي !
جملـه خلتــو يلحقها زي المجنووون وقبل لاتفتح الباب حط يدو وماخلاها تطلـع 
 طالع فيـها 
 وديك الشخصيــه دموعه تنززل 
 وفين هيبتــك عند النآس
 وفين كبريـآئك كلو اتبخخر 
 بصوت مهزوز : آنآ اسف لاتزعلي منــي
 ولدها مايعتذر بدا الاسلوب 
 ولدها مايبكــي كدا وماهمه احدد 
 دمعته عزيزه مو ف الشارع يبــكي 
 ماقدرت تشـوفه كدا : مو زعلانه حبيبي سوي اللي حيخليك مرتآح بس طمني عليك 
 رفع يده ومررها لعينـه ..اشر براسـه 
 نفسها تقـوله تعال معايا بس عارفتـه 
 حاسه انها مجنونه حتسيبو لوحده بس ماعندها حــل
 ولدها مو طفــل 
 ولدها رجآل بعمر ال 27 حتغصبـو يجي معاها ..
ركبت السيـآره وبتستودعـه الله .. ركبت وقلبها معـآه 
 رفعت جوآلها واتصلت على هديل ماتـرد .. 
ماقدرت ترجع بيت اهلها مو لدي الدرجه موأتمنه حركآت ولدها 


 امـآ في السيـآره اللي صوت محركـها مزعج مسكـو الطريـق ومتوجهين للقريـه 
 جالسه ورا وحاطه راسها على الطـآقه ..عيونها ذبلانه من البكى 
 قلبها ضعيييييييييف 
 حاسه نفسها بدون رووح 
 بدون اي احسـآس 
 جوالها بس بيدق 
 وماهمها مين بيتصـل 
 عيونها تحرقها من كتر الدموع اللي متجمعه بعينها وحابستها ..
 " الحُكم على المُدآن جاسم محمد الرايد ..بالإعدام شنقا حتى الموت "
 " الحُكم على المُدآن جاسم محمد الرايد ..بالإعدام شنقا حتى الموت "
 " الحُكم على المُدآن جاسم محمد الرايد ..بالإعدام شنقا حتى الموت "
 " الحُكم على المُدآن جاسم محمد الرايد ..بالإعدام شنقا حتى الموت "
 " الحُكم على المُدآن جاسم محمد الرايد ..بالإعدام شنقا حتى الموت "
 " الحُكم على المُدآن جاسم محمد الرايد ..بالإعدام شنقا حتى الموت "
غمضت عينها بتعععب ودموووعها نززلت 
 ضغطت على عيونها ونفسها الصووت يخرج من راسـها 
 راسها مصدددع وتحسه حينفججر 
 الإحساس بالذنب شي يقتــل 
 شردددت من كل شي 
 شردت لأنه عارفه لو قعدت بدا المكآن يوم واحد هيا اللي حتقتل نفسـها وترتاح من الألم 


 امــآ تآمر في غرفتــه ولسى مو مستوعــب كلامها ...يبا يسيبـها شويا حتهدى 
 شويا حتتراجع 
 عارفها مزآجيـه 
 بس حتستوعب حترجع 
 ماحتكمل الطريـق 
 مستحيـــل تقدر تبعد بكل بسآآطه 
 ساب جوآله لما حــس انها مضغوطه نفسيـآ قالتها جآسم حينعدم 
 وهيـآ ردات فعلها مجنونـه اكيد مصدومـه
 يكفي انها عند امها ولا كآن ماسابها 
 قـآم وغير ملابسـه عنده مقابـله شخصيـه لعملـه الجديد ..
اتصـل عليها قبل لايخرج ماردت ... شي يحرق انو مايقدر يكتبلها شي 
 بيقنع نفسـه بكلام عشان لايتجنن 
 عشان لايخرج عن طوره 
 عشان الوظيـفه اللي كآن يحلم فيـها من زمآن يبا يركزز 
 وخرج ونـص ساعه واتصـل .. مخليته بدون عقــل وللمرا العاشره رجـع 
 يقول " مستتتحيل تتتروح "




هديل جالسه بركنيـه الكنبـه ودموعها تنززل بصمممت 
 صوتها راااح من كتر البكى 
 قلبها يوجعها على بشـآروفجعتهاا بروآن مو بسيطه
 بكيـــت بكيت لين مانآمت ف مكآنها 
 بعد سـآعات دق الباب كآنت تحسب تحلــم وفجأه كل مالو يوضح الصووت 
 لين ماستوعبت وفتحت عينها بسـرعه من وضعيه السدحــه 
 لوحده تووقف بفجــعه : روووان
 دا اول شي خطر في بـآلها ..جسمها يتنااافض تتنفس بسـرعه بس وصلت 
 بس فككت الباب اترخى كتفـها وملامح وجهها 
 ام بشـآر من اول جالسه تحت : معليش على الازعآج
 هديل حركت راسه بشويش وكأنها تقولها لا عادي 
 صوتها ماطلـع 
 ام بشار باارتبآك : بشار ماكلمك ؟
 هديل قلبها وجعها هوا خرج معاكم كآن نفسها تقولها بس برضو حركت راسها بالنفي بدون ماتعلق
 ام بشـآر : طيب لو عرفتي اي شي اديني خبر 
 هديل بالقوه طلع صوتها : طيب
 ام بشار اتذكرت : طيب اتصلي على سميـه ماردت عليا يمكن ترد قوليلها فين بشار
 هديل قللللبها يوجعها 
 بس جآبت سيره رووآن ... وكمآن مو عارفين فين بشـآر 
 شدت على مقبض الباب وتحس دا الشي اللي ساندها ..قالت بصعوبـه 
 بصعوبـه وعينها تنطططق بالألم ..صوت مهزوز يعبر عن وحدتها : روآن راحت .. راحت مع امها 
 خانتها دموعها 
 ضعيفه كالعاده
 ام بشـآر دايما تتوتر قدآمها 
 ضاع منها الكلام 
 شكلها بريئئئئ شكلها يقطــع القلب 
 مدت يدها ام بشـآر ومررتها على ذراع هديـل : لاتزعلي نفسك 
 لاتزعلي نفسـك !!!!
كيف الكلام سهـــل 
 دي كل شي بحياتها وراحت من غير اي كلمه وتقولها لاتزعلي نفسك 
 محد حيفهمها محد حيعرف شعور ماعندك اهل 
 ايش اللذل اللي وصلتلو قاعده تبكي قدام الحرمه اللي هانتها
 مانسيــت طبـعا 
 رفعت يدها بكل كبريـآء 
 ومسحت دموعها حركت راسها وكأنه تأيدها كلامها 
 قالت بصوت متقطـع : ادخـ لي
 ام بشـآر اشرت للسواق اللي كآن واقف عند المصعد يجي 
 وجا لعندهم وشـآيل كيس فيه كرتوون كبيـر ..
واخدتـو منـو 
 دخلت وحطت الكيس عند الباب 
 اتوجهه للكنب .. وهددديل تموت وتسئلها ايش سار مع بشاار 
 تبا تتصل بس مو قادره تتحرك 
 صمممت فضيـع بينهم
 لين ماأم بشـآر اتكلمت : معليش على كلامي اخر مرا 
 هديل عينها عليها ولا عللقت 
 ام بشار باارتباك وهيا مكسسوره من كل شي سرلها : خوفت على ولدي لأني ماكنت اعرفك بس انا واثقه فيه 
 ومآزالت ماتعلق وتحرك راسـها وكأنه اتقبلت كلامها 
 تحس الألم بصدددرها كلو منتشر 
 ورجع الصمت ام بشار ندمت انها دخلت 
 رفعت جوالها وتتصل على بشار 
 الا هديل قالت : جواله مو معاه
 ام بشار طالعت فيها ورجعت قفلت 
 هديل بصعوبه قالت ومن غير ماتطالع فيها : ايش سار
 ام بشار بصوت هادي تهرج : خرج قلي يبا يقعد لوحده 
 دي الجملللللللللله حرررقت هدددديل 
 حتى هوآ مادور عليها حتى هوا ف حزنه مايحتاجها اجل متى يباها ..!
صدرها يطـلع وينززل بهدوووء 
 بس الهوى اللي يدخل يقطططعها 
 يخنقها 
 ام بشار : لو اتاخر اكتر من ساعتين حتصل على عمو يتصرف
 هديل سمعتها : طيب

 ومــرت السـآعتيـن وهديل كابته كل شي وكل مالو يزيـد جوتها وتحس انها حتنفجر ..
ام بشـآر مخليه السواق تحت يستناه ولدحين ماتصل 
 وبدأ التوتــر ..
وقفــت وهيا رايحه وجآيـه 
 تبا تتصل على جميل بس حزنانـه وضعه ماحيكون احسن من بشار .. 
كلهم منهارين تزيـد همه ليــش
 ندمت انها خلتو يروح 
 بدأ التناقض بدأ الهووس 
 بدأت رجولها تتنافض لما حست انها سوت شي مجنننون والمفروض ماتسيبو 
 نزلت دموعها وعينها على شاشه الجوآل اتصلت باستسلام على زوجه جميـل ولما ماردت بكيت : اااه انا ايش سوويت 
 وترررررررررت هددديل 
 جلست على الكنبه ومسكت راسـها : يااارب احفظلي ولدددي 
 هديل دموعها مغرقه عينها ...كلام ام بشار يفجــع 
 وحده دوبها ضاعت منها بنتها بطريقه مجنونه خلاااص سارت تجيها الف فكككره 
 وبعد ايششش بعد ماخلتو بنفسها يرووح 
 هديل باارتباك : حيجي ان شاللله 
 ام بشار زاد بكـآها 
 وهديل وانفاسها بتزيــد 
 ماااتحب دي المواقف 
 الانتظااار 
 تخلييي كل شي مجنون يجي براااسك 
 رجففه جسم ام بشـآر مخووفه هددديل 
 قامت من مكآنها : انا حروح اشوفـه يمكن يكون قريب من هنآ 
 اشرت براسـها : اتصلي عليا انا حستنا في السياره 
 هديل : لا خليكي هنآ 
 مشيت بخطوات مهزوزه بتتتشرد من الافكار المجنوونه اللي بتجي براسها 
 شافت قاروره مويـآ اخدتها ورجعت لأم بشار ادتها 
 مع انها مو احسن منها 
 بس دي وحده كبيره في السن مهما كآن .. : خدي 
 ام بشار رفعت عينها وطالعت فيها بالقوه مدت يدها واخدت القاروره
 شفايفها ججججافه من كتر الفججعه 
 هديل بصوت مهزوز : لاتخـآفي ان شالله مافيـه شي 
 ام بشار : ان شالله ..ان شالله
 هديل بس دارت جسمها ومن قبل لاتخرج دموعها نززلت 
 من اوووووووول بتككككدب 
 بتحاول تخرج خايفه تطلع شهقتها غصبا عنها 
 فتحت الباب 
 واول ماقفلت الباب سارت تمشي بالممر وتبببكي ومو قادره تمسك نفسها 
 مدت يدها وضغطت على المصعد 
 تمسح دموعها تبا تكبت شهقاتها بس مو قادره 
 خلاص وصلـو لمرحله مايهمهم نظرات النـآس نزلت وخرجت قدام الكل 
 والكل بيطـآلع فيها بس كممملت مشي وقفـت على الرصيـف ومو عارفه فين تروح 
 فين بشاار ممكن يكون فيــه 
 قالت دي الجملـه وحست خلاص حتنهاااار 
 جلست على الرصيــف ومسكت راسـها 
" حرررام عليييك حرااام عليك يابشااار "
جسسسمها مو شايلها مع الفجعه اللي فيها 
 مع التقـــل تتقبل فجعة روآآآن ولا بشار اللي مختفـي والكل يعرف جنآنه 
 مرت خمسـه دقايق ودموعها تنزل وهيا ماسكه راسـها 
 خرجججت بس عشان تشـرد من ام بشار 
 ماتعرف فين ممكن يكون 
: آآآآه ياااربي 
 خللت يدها بشعرها وشدت على راسها باألم وبدأت تخف يدها لما تستوعب كلام بشـآر
 رفعت راسـها ووسعت عينها 
 دارت راسها يمين ويسـآربعدها وقفت بااستيعاب 
 مررت يدها بجيبها ماعندها غير جوالها ...انتبهت للسواق .. ماستوعبت انو جا مع ام بشـآر
 تحسبو من اول هنآ وبشار قلهم متى ماتحتاجوه كلموه ...
اشرتلـو وركبت السيـآره وقالتلو يحرك على المكآن 
 نــص سـآعه بزبط عشان توصـل .. نزلت وهيـآ تدعي 
 تحس لو مالقتـو هنآ حتنهار خلاااص ماعندها قووه تدور عليه بمكآن تآني ...
مشيــت لين ماوصلـت للمرسـى .. 
ورآحت لتجمــع اليخوت وبتدور على اليخت اللي دايما بشـآر يروحـه 
 ترفع يدها وتمسح دموعها عشان تشوف بوضوح ..
تطالع يمين ويســآر انتبهت لليخــت واتوجهت بسرـعه بااتجاهه 
 وهنــآآ خاااب املها لما مالقتــو ..وقفت مكآآنها 
 وعلى قوة الهوى وبرودتـه بس مو حـآسـه الا بالألم والحراره ف جسمها كلو ..
اتوجهت للسيـآره ركبت والسواق مستني كلمه منها ..
مو عارفه ايش تقــوله 
 حتى دموعها مو راضيه تنزل خلاص 
 عقدت حوآجبها 
 لو روآن بتشرد دايما تشرد لأكتر مكآن يوجعها 
 اكتر مكآن لها ذكرى فيه تحرقها ليش ماتدري 
 طالعت في السواق وقالتله يروح لبيت اهل بشـآر 
 يمكن زي روآن 
 يمكن رآح لبيتهم ..
دق جوآلها وردت على ام بشآر وقالتلها لسى مو فيه ..
قفلت وهيا متأمله وبنفس الوقت خايفه تتحطــم
 وصلها لعند البيــت مدت يدها للبوابه ونزلت دموعها لما انفتح الباب وواضح انو فيه احد جوآ ..
مجنون هوآ واختــه دا اللي عرفتــه ... مجانين وتعشقـــهم ..
دخلت خطوتيـن ووقفـت لما شافتـه جالس على الدرج 
 على الدرجه نفسها اللي كآنت واقفه فيـها حور وطالعت فيه بديك النظره اللي حارقتتـه 
 كآن مســرح ... شكلو وآآآضح قد ايش منهار 
 مشيت بخطوات مهزوزه رفع راسـه وشافـها طلعت التلات درجـآت وجلست جمبـه 
 تبكي بدون صووت قالت بصوت مهزوز : حبيبي ايش تسووي هنآ 
 مارد عليها 
 مدت يدها ومسكت يدو : حبيبي 
 قال بصوت مهزوز وانفآسه السريعه تخليه مايكمل : اخر مرا.. شوفت حور كآنت واقفه هنآ ..طالعت .. 
طالعت فيا ..بنظره قتلتني ... اليوم ..ابويا طالع ..فيا بنفس النظره 

 دمووع حـآره تنزل على خده وتتخلل في ذقنـه 
 رجآآآل لكن اندمممر 
 سحب يده وهوا يبا يشرد منها كمـآن
 لما ينخنق يبا يبعد عن الكل 
 بس وقــف بس نزل درجتين وهيا وقفت نادتـه 
 طالع فيها وهديل بضعف هرجت : حبيبي لاتروح تبا تبكي تبا تشتكي تعلي ... _ مدت يدها _ الله يخليك لاتروح
 ماقدر يقول لا لنبرة صوتها دي حتى لو على حساب راحتـه 
 قدم خطوتيـن وهيا نزلت وحضنتـو 
 بككككي من قلبــه ..حضنها وحست نفسها ضاعت بحضنـه 
 شهقــآت متتآليـه تعبر عن وجع قلبــه 
 هديل : ليش ماكلمتني ..ليش ماتصلت عليا وقلتلي اكون معآك 
 بشا ولابعد عن حضنها ..ولا حتى رد عليـها 
 هيا اللي بعدت تمرر يدها الصغيره على خده وتمسح دموعه : بشااار لاتحرقلي قلبي فيك 
: ماجيتك عشان مابى احرق قلبـك مابى اقولك ندمآن لأني سجنت ابويا وانتي دا اللي تتمنيـه 
 لحظظظظظظظظظظظه صمممت 
 عينها بعيـنه 
 بعد استيعااب 
 رفعت اياديها الاتنين وحوطتها حول رقبتـه وحضنتـه قالت بتعب واضح بصوتها : مافي شي يحرقلي قلبي غير اني اشوفك تبكي آتنآزل عن كل شي لو دا الشي حيرضيــك 
 حط يدو على ظهرها وغمض عينه : هديل 
: ها حبيبي
 اتكلم بصوت متقطع صوت : انـا .قصدي ..لو يوم... لو يوم زعلتك ...استحمليني.. بغلاة سميه عندك استحمليني
 بكككيت من كلامـــه وبعز اللي فيه برضو يخاف انها تسيبــه 
 سيره سميـه خلتها تبكي زيااااده محرووق قلبها انها سابتها من غير اي كلمـه 
 سابتها وهيا تعرف انو ماعندها احد غيرهاا 
 حضنتو زيـآده : مافي اغلى منك حبيبي
 خلتـو شويـآ ف حضنها يهدى .. 
وبعدت عنــو لما اتذكرت امـه : خليني اطمن مامتك 
 خرجت جوآلها وكآن حيبعد الا مسـكت يده تتكلم مع امـه وهيا تطآلع فيـه 
 قالتلها دحيـن جايين بس مادتها تفاصيـل تآنيـه ...اول ماقفلـت : ايش بك 
 اشر براسـه بالنفي وهيا تطـآلع بوجهه المصفـر باأنفـآسه المتسارعه وكأنو كآن يجري : انتا ماروحت المستشفى 
 بشار عقد حوآجبه : إلا 
 ماعرفت ايش تســوي .. بس مسكت يدو وودتــو للسيـاره ركــب قدآم جمب السواق وهيا ورآ
 سند جسمـه على الكرسي وطول الطريـق عينها عليـه ..
يخوفها لما يتنفـس كدا 
 ماتدري متى حيجي اليوم اللي يرتآح فيـه 
 متى حيكون طبيعي وصلـو وسحبت جسمها للنــص حركت يدها على كتفـو : بشاار
 رفع راسـه بعدر سرحآآآن 
 وبيستوعب المكآن فتحت الباب ونزلت وهوا نـزل 
 مسك يدها واتوجــه للمصـعد سند جسمو على المرآيـآت 
 بس وقف المصعـد قالتلو امك عندي 
 اتوجهه لعندها اول مافتحت الباب حضنتتـه وبكيييت : حراااام عليييك كنت بتوقفلي قلبي 
 بشار : انا اسـف
 يقتتتتلها يقتتتلها لما يتكلم بطريقه ماكآن يتكلم فيها زمآن ..
 : تعال حبيبي 
 دخلتــو وجلس على الكنبـه 
 شكككله مبهدددل ملامحــه شعررره 
 نظره عينـه ..: لساتك تعبـآن 
 اشر براسـه بالنفي وانفاسه فاضحتــه 
 امه دموعها نزلت باارهااق : حبيبي الدكتور قال لازم تهتم بصحتك _ طالعت بهديل اللي واقفه عند الباب _ الله يسعدك جيبلي الكيس 
 ورجعت تكلم بشار : مايسير تهمل نفسك عشــآني ماعندي غيرك 
 هديل تسممع كلامها ...وامس كلام ام روآآن 
 وعرفت انو امـهآ الانسـآنه الوحيده اللي مايطلق عليها ام 
 حطت الكيـس الكبيــر .. وامه سحبتـه وبشار مو فاهم الهرجـه
 خرجت جهـآز الاكسجين وطلبت من هديل مويـآ صحه 
 بشار : اممممي مو منجدكك 
 ولا كأنه يكلمــها شبكت الجهـآز بالكهربـآ ماارضي في البدايه بس بدموعهـآ وترجيهـآ استسلم ..
كآن محتــآجه مرررا يرتـآح اول مايحطـه بس شي يخنننقه لما يحس نفسـه ضعيــف 
 خلتـو ينسدح على فخذها وانفــآسه كل مالها تهدأ ليـــن مانـآم 
 وهديـل جالسه في اخر الغرفـه على طاوله الطعـآم الصغيـره ترفع عينها وتطـآلع فيهم وترخيها 

 امـه في عآلم تآني عآلم ألمها على موت بنتها كلام بشـآر يدور ف راسها 
 ألمها على ولدهـآ اللي عايش بضمير يأنبه وماتدري متى حيرتآح 
 ألمها على داك اللي بسببه ضيــع اطفـآلها لكن برضو ماتبآه يموت بديك الطريقـه ..
اتنهدت من قلبـها ..بتمرر يدها على شعره شافتـه نآيم 
 رفعت عينها على هديل ..اشرتلها بهدوء 
 وهديـل جآت لعندها ..طلبت منهـآ مخده 
 وهديل دخلت الغرفـه وجابتلها حطتها تحت راس بشـآر وسحبت جسمها بهدوء ..
ام بشـآر وقفـت وهديل دوبها ماشيـه الا وقفت لما حست بيدها 
 دارت جسمها وهمست : ايوا .؟
 ام بشـآر قربت منها وحضنتها قالت بكل امتنآن : شكرا 
 راخيـه اياديها الاتنين ..مصنمه ف مكآنها 
 لو تدري كميـه الوجع اللي بقلب دي البنت ماكآن حضنتها 
 لأنه الحصن بيزيد وجعها وبـس 
 بيخليها تقـآرن كل شي باأمها
 بيخليها تتذكر الحضن اللي تحتآجه " روآن "
والإتنين مو فيـه 
 ام بشـآر بعدت عنها وهرجت بهمس دوبها تستوعب انه قاعدين عند هديــل : معليش حنطفشك 
 هديل رفعت اكتـآفها قالت وشكلها وحده تبا تبكي بس ماسكه نفسها : البيت بيتكم 
 سحبت نفسها وجملتـها مو معنآهآ عادي الله يحيكم 
 لا بجججد هيا الدخيــله هيا اللي حاسه نفسها جالسه ف مكآن المفروض ماتقعد فيـه 
 دخلت للغرفـه بعد مآطالعت في بشـآر لاشعوريـآ 
 قفلت على نفسها وضاع جسمها في السرير الكبيــر 
 ضااع فيـه وهيا تتمنى يضيع كل شي يوجعها وترتتتتاح من دي الحيــــآه ...


نغس احسـآس الشخص اللي على الكنبـه كل مايحس برآحه بصدره المرهــق من التنفـس
 كل مايحس انو بيدخل في النــوم 
 يتمنى انو يصحى وكل شي يكون حلــم ... لما استوعب انها امنيـه صعبـه 
 اتمنى انو مايصحـى وخـلاص .. وميل رآسـه لليسـآر وغمض عينـه وهنـآ نآم بدون مايحس بشي حوليـه 



 وقفـللت منـو وخرجت وهيا مبتســمه .. اهلها وبراااء جايبنلها السعاده بشكل مو طبيعي 
 وبعد مآكآن سامي هوا الوحيد اللي يسعدها 
 ويحاول يرضيها 
 ويحاول يكون لها الرجآل اللي تحتآجه 
 السند
 لما تتعب ماتلقى غيره 
 لما تتتجنن هوا يكون العآقل 
 وصل لمرحله تعــب 
 وسار هوا اللي محتآجها لكن لدحين مو فاهمه ..
راحت لغرفه نومها لقتـو نايم وحاتط السمآعات وجوالو منور
 حركت راسها بضيـق ودخلت للحمآم اتوضت ومستنيه الظهر ياأذن ...
جلست على الكنبـه وجوالها جمبها 
 جوالها الللي مآكانت تمسكه الا عشان تتصفح وتتفرج ف السناب والانستا 
 دحين سااار غيـر ...
لمى " تتتتتتتتترف 
 تتتتتتترف "
بس شافت اسمها ابتتتتسمت ورفعت جوالها " ايوا "
لمى " يااربي مرا خايفه "
ترف اختفت ابتسامتها " ايش بك ؟! "
لمى " انا في الجامعه "
ترف مستنيتها تكمل كتآبه بس فجأه خرجت من الواتس 
 اتصلت عليها على طول ..
ولمى ردت : ايوا 
 ترف بفجعه : ايش بكك 
 لمى سكتت باين انها مشتته ورجعت اتكلمت : اسممعي
 ترف : هااا وترتيني ايش فييه 
 لمى : ياااربي
 تررف : لمى ايش بكك ؟!
لمى : ايوا معلليش المهم مو عارفه ايش اسوي 
 ترف خلاص وصلت معاها : في ايش يالمى حيوقف قلبي
 لمى : انا مخطوبه لواحد مجنننون 
 ترف حاستها بتبكي : ايش سووالك !؟
 لمى : قاعده في الحمامات من اول مو عارفه اتكلم مع مين طفشت وتعبت 
 ترف : يااالمى اتكلمممي ايش سوووا
 لمى : شايل بسه ويلحق ورايا في الجامعه كلها والله ابا ابككي مرا خايفه 
 ترف سكتت وبعدها ضحكت بعدم استيعاب 
 بجد ماتستوعب فصلات دي البنت : ههههههههههههههه تستهبلي صح ؟
 لمى وخلاص على وشك انها تبكي : اااستهبل ااايش ياترف رجولي مو شايلتني من الفجعه 
 ترف ضحححكت بكل صوتها في البيت : ههههههههههههههههه هوا فييين ؟!
لمى : واقف عند الحمامات ويناديني افكر اتصل على واحد من اخواني 
 ترف من كتر ماتضحك انقطع نفسسسها 
 تستتتتهبل دي !!!!!!! مو قادره تتتصدق مو قادره تستوعب انها تبا تبكي !
لا واتصــآلها حكايه تآنيه !!!!!!! 
لمى : تتتتتتترف لاتتتضحكي والله حبكي 
 ترف حطت يدها على قلبها وخلاااص مو قادره تتحمل وقفت ضحك : ايش اللي ساار 
 لمى : مدري عنوو جاي فاصل عليا وربي ذلني قدام كل اللي بالجامعه تخيلي انااا انا اجري في الجامعه وتحط من فوق كرررسي ورشاش الزرع يبلبلني على بااالك حزززن الناس تطالع وهوا يجي وشايل البسسسه ويضحك تخيلي زحفت مع الفجعه وقومت بالقوه وسرت اجري وسار يجري ياترف ورايا والله مجنننون بططلت ماباااه 
 هيا تحككي ومو داريه انو ترف ميته ضحكك ومن قوه الضحك مافي صوووت 
 تسمعلها ومتخيله لمى 
 لين ماقالت ترف : آآآآه ياااقلبي هههههههههه
 لمى : انتي بتتتضحكككي !؟؟!!؟!
ترف زادت ضحك تبا تقولها معليش بس مو قادره 
 الا لمى سمعت صوت عدي وقالت بصوتها : والله ياعدي لو دخلت حشتكي عليك الاداره 
 ترف : ههههههههههه
 رجعت لمى تقول : اااايوا اييوا يهون عليا زي ماهان عليك تخلي منظري قدام النآس كدا ....._ وفجاه صرخت _ لاتتتتضحك والله حتصل على اخووواني والله ياعععععدي .... بقوووولك لاتضحكك ...عدي لاتدخل 
 وفجأه قفللت بوجه ترف 
 ترف خلاص وصلت لاأخرها من الضحك ماتدري تمسك قلبها ولا بطنننها بس كل شي سـآر يوجعها من الضحك 




 قبـــلها بنــص ساعه وفي الجـآمعه جآلس معاها ... 
في يدها كتآبها بتذاكر ... وهوا جآلس بهدوء عكس دايما ..
يحس في حآجه بنفسه من اخر موقف 
 مستغرب صااحي كدا مخنووق 
 صورو اللي رجعها بسببها 
 مقاطع الفيديو 
 اسلوبها كيف حسها باعتـه على طول 
 مع إنو عاذرهااا بس ليش شايل في نفسه 
 ليش حاسس فيه حـآجه مخليتو مو طبيعي معاها ...
مايحب الجدالات 
 مايحب النقااش 
 مايبى يفتح الموضوع ويقولها اللي بنفسه لأنه شي حساس بنسبه له 
 خلاص ماصدق انقفل الموضوع 
 وبيتعاملو مع بعض كأنه ماسار شي ..
هيا مع الايام حتتقبل انو داك بجد انسـآن تآني 

 وفجأه فزز لفجعتها لما صرخت ولصقت فيييه : اااايششش بككك
 رمت كتتتابها ومسكت في ذرراعه وغطت وجهها 
 رجولها شبه مرفوعه عن الارض : عدددي بعد البسه _ وكل ماتقرب البسه كل ماترفع رجولها وتشد على يده بكل قوتها وتضغط على اسسسسمو بخوووف _ عدددددي
 ابتتتسم
 انتقاااااااام جا لعنده 
 حقيير 
 الحب عنده على كيفـه 
 لمعه في عينه من كميـه السعاده 
 ميـآآآو 
 البسه جات عند رجل عدي وتمسح ظهرها فيـه 
 ولمممى دافنه وجهها بذراعه ومغمضه عينها : الله يسسسعدك بعدددها
: طيب حبيبي
 يدو التآنيه مدها ومسك البسـه وحطها عند وجهها 
 بس سمعت صوت البسـه فتحت عينها ودارت وشافتها قبــآلها 
 الكرسي مالو شي يسند الظهــر رجعت على ورا وانقلللبت في الارض 
 مـآكآن فيـه احد بدا المكآن
 عدي وقف مفجوع 
 مسك البسـه باأياديه الاتنين خاف يفلتها وتجي عليها 

 لمى جالسه في الارض اتعوورت جا يسئلها كيـفك
 الا هيا زحفت على ورا وشنطتها بحضنها : اممماانه ياعدي لا 
 مآكآن قصدو يفجعها بجد انفجع لما طاحت وفجأه قامت بســرعه وتجري وهوا مآآت ضحكك
 ماساب طبعا البســه 
 جججري وراها وهوا شايلها وخرجو للتجمعـآت 
 والكل يطـآلع بديك البنت الهاديه اللي عمرو محد شافها تصرخ 
 عمرو ماجريت 
 عمرو مانفعلت 
 وبتجججري وتصرخ بكل صوتها 
 والصدمه بالمجنون اللي الكل عارف انو خاطبها 
 ويجري وراها ببسـه ويضحككك بتحشيشه المعتآد
 كآنت بتدخل لأحد المبـآني وجو قروب خارجين دارت بسـرعه وراحت لمكآن ووقفـت في مكآنه لما 
 الجدار كآن نهايته 
 رافعه يدها على جبينها من الشمس وعدي مبتسم بوسـآخه ويقرب خطوه خطوه بشويش
 شايفه نظررات النآس 
 كلهم بمعنننى كلهم يطالعو فيهم ..
رفعت صباعها الللي يرجف : عدي والله ياويلك والله اخااف 
 عدي : هههههههههههههههه _ بصوت واطي لما قرب وبينهم متـر _ البسه تبا بوسه حتى البسه مارحمتيها
 لمى مرا ماحتستحي مرررا مستفزها حاليا : اهجججد وربي ور
 وصرخت بكل صوتها وغطت وجهها لما سوا نفسه بيرمي البسه عليها : لاااااااااااا
 عدي : ههههههههههههههههههههههههههه 
 مييــت ضحكك 
 نزلت يدها من على وجهها وهيا تتنافس ورا بعض : عععدي 
 جا يقرب منها ويقرب البسـه الا هيآ جريت من جمبـه بسرعه 
 والشي الوحيد اللي لقتو الحمآم دخلتو بدون تفككير وهوا جا عند الباب وبنت خرجت 
 وادتو ديك النظره وبعد شويـآ : لمممممى انا استناكي
 لمى اول مادخلت حطت يدها على قلبها 
 وبيدها التآنيه نزلت الطرحه على كتفها 
 رعببب مو طبيعي 
 فوبيا عندها من البساس
 ومتزوجه واحد مجننننون 
 مجنننون وماعاد تببباه 
 نظرررات النآآس ليهااا!!
كآنت تجري وتسمعهم يضحكو !!
جلست بزبـط 25 دقيقـه بالحمام ...ماتدري مع الفجعه كيف ماسكه شنطتها وبتجري فيها 
 خرجت جوالها واتصلت على ترف ..تبا تستنجد باأي احد من المجنون اللي مو راضي يبعد 
 وبنت تدخل وبنت تخرج ..
عدي برا مستنــي يحححس انو شفا غليله لو تدري انو بس حاقد حتكرهه زياده 
 زي علا لما انكسر سن لؤي تحس انها سامحتـه 
 عيله ماتدري ايش تبآ ..

البسـه تعافر بيده وخربشتو واضطر يسيبها ...
واقف عند الباب وكل شويـآ يرفع صوتــه : لمممممممموووووش
 لما المكآن هدي وعرف انو مافي احد جوآ معاها فتح بيده بس مادخل 
 شايفه كفه وبدايه ذراعه اللي مزينه باإسورته الجلد البنيـه ..: لموووشي
 لمى بعصبيـه : والله ياعدي لو دخلت حشتكي عليك الاداره 
 عدي : ههههههه يهون عليكي يفصلوني ويسير مافي روحك بالجامعه
 لمى : اااايوا اييوا يهون عليا زي ماهان عليك تخلي منظري قدام النآس كدا 
 عدي : هههههههههههههههههههه
 لمى صرخت : لاتتتتضحك والله حتصل على اخووواني والله ياعععععدي
 عدي : ههههههههههههههههههه يااعمري انتتي
 لمى بنننرفزه :بقوووولك لاتضحكك 
 وفتح الباب اكتـر ودخل بس نصـو
 لمى بتوتر: عدي لاتدخل 
 عدي طالع فيها ورفع حوآجبه : ها يامزز متى خارج 
 لمى مو شايفه يده التآنيه : عدي لسى معاك ؟؟
 عدي : تبي تشوفيها ؟
 لمى : والله ياويلك والله انتا ماتتتفهم تراك مستتتفز
 عدي : ههههههههههههههه اوريكي دحين مين المستفززز 
 سووا نفسه للمرا التانيه انو حيرمي عليها الا هيا رمممت شنطتـها بوجهها وميدالتها ضربت ف عينه 

 اتأألم بصووته وفجأه اختفى من قدآمها 
 مرررا انفجعت 
 حطت يدها على فمها وشويا ونزلتها " لا يممززح "
 " دي حركاته البلهه عشان يمسكني ويخوفني بالبسه "
مشيت بخطوآت هاديه اخدت شنطتها التقيله من الارض 
 مدت يدها بتردد على الباب 
" افتح ولا حيستهبل ؟؟"
قلبها شويا ويوقف مرا تخاااف من البسس 
 فكت على خفيف بس تحاول تشوف عدي واول مالمحته فكت الباب كلو وخرجت مفجوعه : عدددي
 رافع يده على جبينه ومغطي عيونـه ودممموع بتنزل غصبا عنـه
:معللليش ماكان قصدي 
 عدي : مو قااادر افكها مرا 
 لمى دموعها بعينها حطت يدها على ذقنه وهيا ترفع راسه : اشووف 
 رافع اياديه على جبينه من الشمس 
 وحاول يفتح عينه اليمين وماقددر بس من كتر الدممموع عرفت انو بجد انجرح 
 مررت يدها على خده وشويا وتبكي : حبيبي معليش 
 عدي مع الألم ولا مركز بكلامها : نظارتي عندك 
 على طول فتحت شنطتها وخرجتلو نظارته الشمسيـه لبسها ورجع طلب منآديـل 
 طبقت المنديل على شكل مربع ودخلها تحت النظـآره 
 اتوجه لسيـآرته وهيا نسيت كتآبها وبتلحق وراه وجا لحد السياره فتح الباب وهيا دخلت
: خليكي هنآ فين جيـه 
 لمى : حجي معآك
 عدي : لا بلاشي خليكي خلاص
 لمى بنبره بكى : والله ماحنزل
 عدي استسلم على طول وشغل السياره وبس وصلـو العيـآده 
 بس اخدلو موعد وهيا جالسه جمبو وماسكه دموعها لاتننزل ..
دخل بعد عشره دقايق مآكآن فيه غير مريض قبـلو 
 وبعد ماكشف عليه الدكتور قلو جرح في القرنيـه غطآلو عينـو اليمين ..
واسبوع ياااعدي ابعد عن الاضائـه 
 عدي : بعد اسبوع زواجي ؟
 الدكتور : ماشالله الف مبروك مو مشكله تعال قبلها بيوم وان شالله تكون احسن 
 عدي : ولو لسى ؟
 الدكتور : حتضطر تخلي عينك مغطى 
 عدي يباااااا يرقصصصص يبااا ينبسسسط حيكون بعيين !!!!
طالع في لمى وهيا وقفت على طول وخرجت من الغرفـه 
 وكم دقيقه وخرج وراها الا شافها واقفه وتبكي 
 من يوم ماتعور ماكلمها حسبتو زعلان منها 
 جا من وراها وهمسلها : لعيونك انزف وانا أعور ياشيخه
 كآنت بتبكي وضحكت بنص بكـآها دارت جسمها عليـه وتبا تتكلم 
 تضحك وتمسح دموعها : يوجعك ؟
 اشر على الشاش اللي على عينه ويتكلم زي الاطفال وهوا يشتكي: مرا عور
 ضحكت تآني وخشمها محمر تحبه لما يتكلم كدا
 واختفت ابتسامتها لما قالتلو : والله مآكآن قصدي _ ضربتو على كتفو _ كلو من هبلللك لو تبطل مزح تقيـ
 وف نص كلامها حط يدو على عينه و قاااال : آآآآآآ
 انفجعت وحطت يدها على فمها : ااايش فييه
 وقال باألم وهوا ماسك عيننننه : لاتتتضربيني عورتيني 
 ضربت كتفه !!!!!
ضرررربت كتتتتفه !!!!! اشلها عينه !!!!
تطالع بعدم استيعاب !!!!
نزل يده على قلبـه : آنآ مريض بشويش عليا
 لانت ملامحها ورجعت ضحكت : هههههههههههههه لا بلله 
 عدي : حاسس اني مني قادر اسوق 
 لمى : هههههههههههههههه بس ياأوووفر 
 وبعد ماكان ضميرها مأنبها موتها ضحك لدرجه انها مو حزنانه عليـه ... 
وطول الطريـق يدلععع من اي شي يتأللم وبوسيني بوسيني عشان الجرح لاينتشر 
 لمى : ههههههههههههههههههههههه عنقززز هوووا ولا ايش 
 عدي مات ضحك من تعليقهااا ..يضحك لدرجه انو مو قادر يسووق 
 ونفوووس بريئـه صااافيـه نسيت لمى انها كآنت شايله بنفسها عليه 
 وهوا نفس الشي ... 



 اول مارجعت البيـت كآن احساس غريب امها استقبلتها 
سلمت لمى عليها بتوتر 
 ريحه البيت طبيـخ مو لمى اللي ترجع ولازم تطبـخ ..
 : اخوكي طالع 
 لمى شدت على حبل شنطتها بخوف : لا عدي جابني 
 امها عقدت حوآجبها : ليش مو تميم قلك حيجيكي 
 لمى مرا اتوترت : ايوا بس عدي اتعور في الجامعه وراح العياده اضطريت اروح معاه ولمـ
 لسى تبا تبرر بصوت هادي وكلام متقطع 
 بس هرجه بنص كلامها : وي سلامتـه ايش بـو 
 لمى : اتعور ف عينه 
 امها : طيب كآن قولتيلو يطلع يتغدى دام جا لين هنا ايش يقول علينا دحين 
 لمى لحظه صمت وبعدها قالت : عادي يعني ا
 امها : شوفي لو قريب قوليلو يجي
_ وسابتها ودخلت المطبـخ وهيا تتغاضى عن الصداع اللي براسها _
ولأول مرا لمى تقول لعدي تعآل ويقولها ماقدر ..: بالقوه حبيبي بوصل البيت حتى عيني التآنيه بدأت تحرقني من كتر مو مركز 
 وبدأ ضممير لمى يأنبها تآني وقفلت منـه ..




خرج تآمر من الوظيفـه وهوا حاسس براحه مو طبيعيه ..
وكلهم اتلمو على الغدى وبدأت امهم تسئل عن ليث وليش مختفي وابوهم ليش مابيسئل ..
وبالقوه صرفو االمواضيـع 
 تآمر قام من الكرسي وسحب جواله معاه 
 عقله مو معـآه 
 دخل لغرفته بكل صممت وهما بيهرجو ورجع اتصل تآني ..
مابترد 
 فتح يتصفح عن قضيـه جآسم الرايـد وقلبه طـآح اول ماشاف صوورها 
 يمرر صبـآعه على الشاشه ومو قااادر يستتتوعب 
 يده بدأت تتنافض
 بتبكي وبيصوروها ..!
منتشره الصوره وماهمهم غير الخبر الدسم اللي مسكوه 
 صوره لها وهيا تغطي وجهها 
 صوره لها وهيا بتحاول تبعد 
 وجهها دمووعها نظظرتها 
 قتتلتتتته 
 كآآآن اخد كلامها بسطحيه بس بعد الصوور رجع يتصل تآني 
 وتالت ورابع وخامس ومابترد 
 وووقف ومو عارف يتصرف 
 حااااااااااقد على كل واااحد صورها 
 حاااااقد على اللحظه دي اللي مافي احد جمبها 
 هيا تمر بدا الموقف لوحدها!!!!!
هوا مالووو اي دوور ف حياتها 
 رجع رفع الجوال ويطالع في الصووره وانفاااسه بتزززيد من القهر 
 حس بغبنـــه يبا يبككي عشان بنت !!!
يبا يبككي لأنه من صورتها حس بكميه وحجم الموقف اللي عاشتـه 
 محروق انو امس ماتكلم عدل معاها
 كيف كيف خلاها تقفل بكل سهوووله !!!!
رمى الجوال بعصبيه على السرير مرر يده على راسـه لين ماوصل لنهايه رقبتته 
 انك تكوون مقيــد 
 اسووء شعوور مايتحملـه تآمر
 مايعرف فين عايشه فين امها فين راحت 
 ماحيقدر يووصلها !!!!

رجع جلس على السرير وبيحاول يتمآلك نفسه من العصبيه وجهه كلو اتغير لوونه 
 يحررك رجوله الإتنيننن
 شعوووووور لايوووصف 
 انك تبا تنفجر انك تبا تووصل لشخص وماتعرف كيف ت وصله 
 رجع وووقف ويروح ويجي بالغرفه 
 لا لا ماتوصل فيه انو يروح لترف 
 يقولها كلمي هديل 
 إلا إلا تووصل 
 قد قالتله حتشرد من الكل 
 تعبببت 
 قد قالتله انها تعبت من الحيآه 
 قد قالتله انا وصلت لنهايه الطريق
 جمللللللتهااا يحسها ترن باأذنه 
"اللي جوتي زي البيت اللي أنحرق مهما حاولت تخلي المكآن جميل بس ماينفع خلاص انحرق كل شي فيه ..الشي الجميل يشوهه زيآده "
ويفتكر كلامها التآني لما قالت باانهيار وصوت متقطع 
"احس وصلت ..لمرحله بحيآتي .. انا بالقوه ..اوقف على رجولي ..احس إني ابا اشرد من الكل "
وجملتها اللي وجعتـه بصوتها المرهق 
" انا احبكم بس سرت اخاف منكم "
كلامههها يترمي في راسه واحد ورا التآآني 
 وكل اللي عارفه انو حيتجنن 
 صورتههها 
 صورتها 
 صورتتتتها 
 صووورتها 
 مخليتتو زي المجننون بالغرفــه 
 ياأأأألللله لوو يدددري لوو يدري انها ممكن تتعرض لموقف زي كدا
 عندو استعددداد يقتتل اي واحد يرفع كميرته ويصوورها 
 مآجآ ف بااله انو حيسير كدا 
 محاكمه ترف دا اللي اتخيلو وبس ..
مر يوم عليها يوم كآآمل .!!! ايش ممكن سرلها .!!!
 : تآآآآمر
 بس سمع صوت امـه ماعنده استعدادا يجلس مع احد حاليا 
 غير ملابسـه لبس ثوبـه وخرج والكل طـآلع فيه 
 وجهه فاضحه عارف عشان كدا قال على طول : انا مااشي 
 وممشي وتميم وقف ينآديـه 
 بس لأول مرا مايعرف يمسك نفسـه 
 لأول مرا متأكد لو وقففف ممكن يضارب مع تميم على اتفه شي 
 فتح باب البيت ونزل ...

اتوجهه لسيارته ومو عارف لفييين يروح بيحط حرته في الاتصـآلات وبس ..

امـآ تميم وصل لعند الباب وبس شافه ينزل وقـف ومادخل ..
رجع دخل وامه على طول سئلت : ايش فيه 
 تميم بتصريف : صاحبه اتصل عليه لما يرجع يفهمنا
 وجلس على الكنبـه ومسك جوآله 
 لقى رشآ كتبتله 
 وبعد ماكآن قلبه يفزز من الفرحه لما يشوفها تكتبله 
 دحين يفزز من كتتر الوجع 
 فتح المحادثه 
 رشآ " خلاص ياتميم الله يخليك "
تميم " طيب "
رشا " والله انا احبك والله بس بجد بتعب كل مابكلمك "
تميم " عارفه ايش اللي بيتعبني ..؟ إني قاعد اضحك من امس مع اهلي وكأنه مو ساير شي "
رشا " وانا بحاول ابعد عن الكل عشان لحد يسئلني ايش بك السؤال لوحده يبكيني "
تميم " كيف بيوم ولليله اتغير حالنآ !"
رشا " تميم لاعاد تتصل "
تميم يطالع في الشآشه يقرأ الجمله اكتر من مره 
 ماتخيل في حيآته وحده تقوله كدا 
 ويكون يبا يتصـل ..
مرر اصابعه بصعوبـه على الحروف واخد منـه وقت طويل عشان يكتب " طيب "
وارسلها 
 نزل جواله واصععععب كلممه واكتر كلللمه ماحينساها بحياته كلمه " طيب "
حط الجوال على الشاشه مايبى يشوف شي
 وطالع بالتلفزيون مع امـه 
 وصدره يرتفع وينخفض 
 فووضى جوته برغم الهدوء 
 اعلانات ولا مسلسل مو مستوعب بس مركزز وبس 
 مركز والغصه خانقتـه ... 



صحي من النـوم لما حس بحركـه احمد ..رفع جسمـه من على الكنبه 
 ويطالع في ولده 
 قام وغطـآه بلحآف ورجع انسـدح .. وعينه مانزلت من عليه 
 امـآ امل من يوم مارجعو من المستشفى وليث مو مخليها تلمس احمد 
 حممو وغيرله ملابسـه ونومـه 
 بينآم في نفس الغرفه بس على كنبـه مرا مو مريحه 
 حاسها انها بتلوم ليث بس صمتتته كاسرها 
 تطالع في ولدها تنقهر وتبا تبكي 
 ترجع تطـآلع في تصرفات ليث وهوا ينزل على ركبه ويلبس احمد الشراب والجزمه ويرجع يشيله 
 تضعـف مو عاارفه عايشه بصرااع ومو قادره تتكلم مع ليث غير في طلبات احمد ..

اتوجهت للمجلس واتصلت على امها
 مو قااادره تتحمل واول ماسمعت صوت امها بكيت وفجعتها 
: بسم الله امل ايش بكك 
 وامل تبــكي 
: احمممد فيه شي ..أمممل اتكلمي 
 امل : لا الحمدالله
: طيب ايش بك 
 امل : مو قادره اتكلم مع ليث مو قادره حتى اطالع فيه 
 امها : سار شي بينكم ؟
 امل : لا بس موضوع احمد احس هوا السبب قلبي يوجعني على ولدي لو ماأهمله لو اهتم فيه 
 امها قاطعتها بعد مانفجعت من تفكيرها : لو من الشيطان.. لو حتقدي كدا تتكلمي حتهدمي حياتك بنفسك . كل شي مقدر ومكتوب ياأمل لاتكفري واتعوذي من الشيطآن
 امل مازالت تبكي 
 وامها اتكلمت بهدوء : قولي الحمدالله انو ولدك عايش قولي الحمدالله ياأمل بدال ماتسجدي سجود شكر 
 بتفكري باأشياء تحرق قلبك وتجبلك الهم ..
امل : غصبا عني مو قادره وربي مو قادره 
 امها : اتعوذي من الشيطان واوقفي مع زوجك دا ولده دا من لحمه ودممه لو إنتي دي حرقتك عليه اجل هوا كيف ..شوفي ولدك بعينك كآمل ربي ماأخد منو شي مو له دا نصيبه وانتي أرضي بنصيبك
 واتكلمت مه امها لين مارتآحت 
 تحس شوويا فكت عنها الضيقـه ..
خرجت للصـآله ودانه ضامه رجولها وساند جسمها للركآزات 
 مهملينها من يوم احمد مآدخل المستشفى 
 ماتتكلم من يوم مارجعو ..لساتهها مفجوعه 
 جلست جمبها : بكرا خلاص حتداومي طيب ؟
 اشرت براسها بدون تعليـق 
 سندت جسمها على الكنبه مالها خلف تسوي شي 
 لاتطبخ 
 ولاتنظف
 ولاتتحرك من مكآنها
 وبزبـط سـآعه الا شافت النور انفتح بالغرفه قامت بسـرعه 
 ووقفت عند الباب وليث دوبـه جالس على السرير واحمد صاحي 
 احمد : ابا اقوم
 ليث يباه يعتمد على نفسـه خايف احمد يتحرك ومابيسوي شي 
 مد يدو : امسك يدي وقوم 
 احمد مد يدو اليمين ومسك يد ابوه 
 وليث وقف واحمد شد لى جسمها ووقف ..
رفع عينه ليث وطالع في امل وشتت نظره : فين تبا تروح 
 احمد اشر براسـه : الصاله
 ليث مشي بخطوات بسيـطه وكآن حيسحب يده الا احمد شد عليها 
 دي حركها كآنت جممره على قلب ليث 
 كممل مشي وامل بعدت عن طريقهم خرجو وجلسو ودانه غيرت جلستها ..
احمد جالس على طرف الكنبه ويطالع بالصاله
 جا عينو على البلاستيشن وبعدها طالع في ليث : بابا 
 ليث بس نقلت عينه على احمد وهوا كمل : ماحقدر اللعب بلايستيشن
 صمممممممت مو طبيعي 
 امل واقفه وتحس في ثانيه رجولها مو شايلتهاا 
 نبره صووته تقتلهم
 ليث تعابيره اللي ماتدل على شي وبعدها يعلق بهدوء يقتتل 
 مرر يده على شعر احمد وصرف الموضوع بدون عقل ماكان عنده جوآب : تبانا نخرج ؟
 احمد : فين !
ليث : قولي اي مكآن تباه وانا اوديك
 احمد ابتسم : اممم مددري ابا اروح امآكن كتير 
 ليث : طيب بس اغير ملابسي واجي اخرجك 
 وقام ..واتوجه لغرفتـه واحمد دار بحماس راسه على دانه : يلااا قومي اللبسي
 دانه حركت راسها وهيا تبا تبكي ..
امل جات سلمت عليه : حبيبي دحين اللبسك 
 وراحت لغرفـه ليث دوبها بتدخل دوبها بتضغط على الباب سمعت صوت بكآه 
 وماقدرت تدخل
" دا ولده لو هيا بتموت مرا هوا بيموت من ضميره الف مره "
بس برضها ماقدرت تروحلـه انسحبت ودخلت غرفه ولدها تخرجلو ملابس 
 اخد منها عشره دقايق عشان تخرج ومايبان عليها انها بكيت . 
بس وصلت لاأحمد الا ليث سحب اللي بيدها : انا حلبسو ..
احمممد الطفـل اللي مبتسم برغم كل اللي بيسير حولـه 
 مو فاااهم 
 مبسوط انو ليث بس معاه وبيهتم فيـه 
 وقطع التوتر صوت احمد المتحمس : باااابااا فيه مكآن مرا حلو 
 امل بعدت وليث جلس جمب احمد وبيغيرلو : ايش هوآ 

 وتسمعهم يتكلمـو .. بتحاول تكون طبيعيه بتحاول قدر الإمكآن ..
دخلت الغرفه لما جوالها دق وكآنت ام ليـث 
 وادت الجوال لليث وكلمها وعتاب عتــآب طول الوقت 
 كآن بنسبه لها الوحيد ا للي صوته ماتغير كتير
 صح الهم طاغي على صوته بس النبره ماتغيرت 
 وبررلها وقلها بحـآلة ولده ووضعهم ووعدها لو حتى ماقدر يجي بسبب احمد حيجبلها دانه ..

في القريـه اول ماطلعت الشمس بديك المنطقـه الكل قـآم لاأعمآلهم 
 إالا سميـه هنآ نامت بدون ماتحس 
 امها نفس حالتها بس لأنها متعوده تصحى بدري بالزبط 4 ساعات وقامت 
 اول مافتحت عينها وشافتها نايمه بطرف السرير ابتسمت باألم 
 قامت وصلت الفجر وبعدها خرجت للصآله ..اخده اجازه دي الفتره من التدريس
 همها بنتها وبس .
وكآنت نص ساعه ودق الباب قامت بسرعه وفكتو وابتسمت لما شافت اختها : هلا 
 فاطمه حضنتها : الحمدالله على السلامه 
 دلال : الله يسلمك 
 دخلت وقفلت الباب 
 فاطمه : والله مسكت نفسي بالقوه مااجيكي امس 
 دلال : لو الوضع يسمح كآن انا جيتكم وخليتكم تفرحو معايا 
 فاطمه اختفت ابتسامتها : ايوا عبدالله قلنا 
 دلال : حاولي بلله ماتخلي احد يجيني 
 فاطمه : رباب اول وحده تبا تجي تموت وتشوفها
 دلال كشرت : حسبيه الله عليها اشوفها منها ولا من محمد
 فاطمه : ف حريقه بيتك لاتدخليها 
 دلال : قلت لمحمد وعصب عليا 
 فاطمه : لاحسه عقلو ببزورته 
 دلال : ماهمني والله شي دحين غير بنتي ونفسيتها انا عارفه لو جآت ايش ممكن تتكلم 
 فاطمـه : هيا بس سمعت الخبر وسارت تقول كلام ماينقال اصلا اخوانك فيـه لو فكرت بس تقرب من بنتك شبر والله ماحيرحموها
 دلال : فيهم الخير بس حتسير مشاكل مع محمد 
 فاطمه : ايش يعني 
 دلال : ماهمني ايش مايسير بيني وبينه بس مابى اخواني يدخلو ف مشاكل معاه انتي عارفه عاد حيلتهم الوظيفه اللي ععند محمد ماأظمن يقوم يطردهم 
 فاطمه : اخوانك رجاال يعرفو يدبرو نفسهم لو سمعو دا الكلام منك إنتي عارفه انهم حيزعلو ..
دلال ابتسمت عارفه اخوانها 
 عارفه قد ايش وقفو معاها والبنت دي بنسبه لهم بنتهم حتكون 
 لكن ماحتدخلهم في مشاكل مع محمد .. ماصدقو يستقرو وتكون عندهم وظآيف ..
فاطمه جلست ربع سـآعه وخافت سميـه تصحى ووقفت : خليني امشي
 وكآنت لحظه عفويه لما مسكت دلال وقالتلها : بلله بشوفها من عند الباب 
 وتدخله تطالـع فيها وتطالع باأختها بفررررحه محد قادر يستوعبها 
 بس بعدت خطوتين فاطمه بكيـت
 قلبها دلال كآن طول عمره حاسس 
 والكل يعتبرها مجنونه 
 تقولهم ححضنها في يوم 
 حترجعلي في يوم 
 والكل يسكت يستنآها تخلص هرجتها 
 وقفـو معاها عشان لاتقول في يوم ماوقفتو معايا 
 دا كآن سببهم ولا بنسبه لهم البنت ماتت من يوم ماختفت ..
حضنت اختها من فرحتها وبعدها خرجت 

 ورجعت دلال تجلس وابتسامه بسيطه مرسومه على وجهها 
 وساعتين في التنظيف وغسيل الملابس مستغربه انو سميه لدحين مالها حس ..
دخلت عليها الغرفه لقتها مسدوحه وفاتحه عينها 
 جات لعندها : اخيرا صحيتي
 روآن طالعت فيها ورجعت نزلت عدسه عينها
 دلال : قومي تعالي افطري
 روآن ولاعلقت 

 دلال جلست على طرف السرير وحطت يدها على جسم روآن : حتقعدي مسدوحه كدا لمتى
 وكآنت نظرتها وهدوئها يكسر دلال زيـآده 
 حاولت فيها بس مافي امل 
 وجوال روآن بدأ يدق مرا ومرتين وكآنت هديل صحيت تبا تسمع من روان كلمه بسيطه
 امها جابتلها الجوال جمبها وماهتمت 
 خرجت دلال وبعدها بساعـه بدأ الجوال يدق بطريقه جنونيـه 
 ورا بعععض 
 وهدأ شويـآ
 ورججع يددق تآني
 روآن مدت يدها تبا تطفيه وشافت رقم تآمر
 سارت تتأمل الشاشه وبس 
 جسمها تقيــل 
 من امس مو اكله شي 
 ترمش بهدوء وتبا تشوف متى حيوقف اتصآل ..
وكل مايوقف اتصـآل تقول " يارب يتصل "
ويرجع يتصل وماترد
 وسارت دموعها تنزل على المخده 
 ويطفي ويرجع يتصـل وماقدرت ماترد
 رفعت الجوال على اذنها بيد تتنافض 
 بضعععف عمرها ماوصلتـه ..


في السيـآره بس الرنآت اختفت سمع صوت تنفسها 
 ماستوعب بعد الجوال وشاف الثواني بتعدي عينه على الطريـق : رووآن !!
بس قال اسمها زاد بكآهآ
 ماقدر يسـوق بيحاول يووقف السياره في اي مكآن .. : فينك من اممس 
 وكآنت شهقاته توصلها وبس 
 وقف سيـآرته ومسك جواله وحالته في حياته ماتخيل انو يوصلها 
 مو عااارف ايش يقوول يبا يشووفها وبس قال بنفس ضعفها : حبيبي لاتبكي 
 يسمعلها تبـكي وهوا خلاااص مخنووق وبالقوه ماسك نفسه 
: روآن .. ارجعي ولا قوليلي فينك وانا اجيكي ..خليني اشوفك 
 روآن مسحت دموعها : مابى ارجع 
 تآمر : مو مشكه انا اجيكي
 روآن بصوت مبحووح : مابى ..مابى اشوف احد
 تآمر : ماحسيبك وانتي كدا
 روآن : تآمر خلاص اللي فيا مكفيني
 تآمر : تبيني اتفرج عليكي وانتي كدا
 روآن : لا سيبوني لوحدي انا ماعاد ابا احد
 تآمر :مو على كيفك مو بعد دا كلو تمشي وكأنه مافي شي 
 روآن : مامشيت بدون سبب
 تآمر : تعاليلي قلتلك لما يكون فيكي شي تعاليلي 
 روآن هرجت بتعببب :لين متى؟ ...عارف ياتآمر اللي مخليني اشرد من الكل شي محد حيفهمو ..انا ابا جاسم _ بكيت وصوتها هادي ودموعها تنزل على المخده _ ابا جآسم انا ماعرفت غيرو من صغري .. من صغري الكل كآن يبا يشرد الا أنا الوحيده اللي رضيت بحياتي .. كآن يقولولي رووان ايش تبي بدي الحيآه وانا اقولهم جآسم ماأكلنا ومشربنا ومدينا كل شي ... تآآمر انا احبو 
 وبكيــت لأنه جملة القاضي خلتها تستوعب دي الصدمه 
 تامر رخى راسـه ومسك جبينه يسمع لإنهيـآرها وبس 
 فوووق اللي سوااه فيها لساتها تبـآه دمووعه محجره بعينه 
 ورجعت تتكلم باانهيار :كنت الوحيده اللي ادافع عنو .. كنت اخاف منـو بس احسو امآن محد في الحاره يقدر يأذينا بسببه ...انا ماسبته هديل كذبت عليا ..هديل قالتلي انو يبا يسجنا وسبتو ..والله ماكنت حسيبه ..تآمر انا ماعرفت من صغري الا جآسم فتحت عيني عليه ..ودحين اجازيه بدا الشي 
 ككيف يقنعها انو ماسوت شي غلللط 
 فجأه سارت تتكلم وكأنها ظالمه 
 قال بصعوبه : روآن انتي ماغلطتي 
: انا حقتتتلو بسببي حيموت كيف كيف ماغلطت
 تآمر: بسبب اللي سواه مو بسببك
 روآن : تعال اقنع قلبي بدا الكلام .. عارف ايش الشي اللي يوجع ؟؟ لما نزل الحكم عليه طالع في بشار ماطالع فيا ... مو معترف فيا حتى 
 هنـآ ماقدرت تكمل وبكيت بصووتها 
 وهوا نزلت دمعتـه 
 قطعتلـه قلبـه ..
ماتكلم مخليها تبكي وبس 
 اما دلال واقفه عند الباب وتبكي بصمت من كلامها ..
مو عارفه مين دا اللي بتكلمو بس كلامها صدمها 
 ماتوقعت انها تحب جآسم ..
اتوقعتها خآفت وبس ..
روآن رفعت جسمها وسندتو على المخدآت واول ماحس بدأت تهدى 
 قال : ابا اشوفك 
 روآن : ماحرجع 
 تآمر : لاترجعي انا اجيكي
 روآن بضعف : مابى احد
 تآمر : انا مو اي احد 
 روآن : انتا مين ؟
 تآمر : اللي تبيه بس خليني اشوفك 
 روآن : انتا اكتر واحد ابا اشوفو واكتر واحد بشرد منـو
 تآمر : ليش كدا تسوي بنفسك ايش مستفيده لما تعذبيني وتعذبي نفسك 
 روآن : لا انا خلاص ماسرت احس إنتا بعد عني عشان انا بنت جاسم الرآيـ
 قاطعها :ايش دخللو فيكي دحين 
 روآن تهرج بااستهزاء ودموعها تنزل : فاتك النآس اللي قابلوني بعد المحكمه .. كيف ايش دخل انا بنت الوسخ جااسم الرايد انا البنت اللي بسببي وبسبب شهادتي انسجن ا
 تآمر قاطعها : انتي رحمتي بنآت كتتتتير من انهم يعيشو نفس حياتك 
 روآن : صح ..بس ماتوقعت يكون على حساب سعادتي وعلى حساب نفسي ماتوقعت انو حدفن نفسي وانا حيه عشان محد يعيش حياتي
 تآمر :روآن انتي عندك أم بسبب موضوع جآسم رجعتلك طالعي بالموضوع من دي النآحيه
 روآن : أهو جيتها 
 تآمر : مو بدي الطريقه مو تقطعي الكل وتروحيلها 
 روآن : خلاص ابا اقفل 
 تآمر : لاتجننيني بكلامك دا 
 روآن : ايش تبا مني
 تآمر : ابا اشوفك ابا اطمن عليكي عشان ارتاح شويا 
 روآن : وانا قلتلك مابى اشوف احد 
 تآمر سكتت 
 روآن : خليني اقفل دحين الله يخليك
 تآمر : روآن _ رجع سكت وبعدها قال _ حسيبك بس اوعديني لما اتصل تردي عليا 
 روآن بكدب : وعد
 تآمر : ولو مارديتي ؟
 روآن :ازعل مني
 تآمر : روآآن بجد مابمزح أصحك اتصل وماتردي
 روآن حركت راسها بالايجاب : طيب
 تآمر : لاتقنعي نفسك بحآجآت مالك ذنب فيها .. لو كلنا بنحلل المواضيع كدا كآن القاضي اول واحد ماحينام مرتآح لأنو حكم على مليون شخص بالموت 
 ورجعت نسدحت وهيا تسمعلـو 
 كلامـه مريـح 
 كلامه يهديـها 
 بس برضها ممصمـه على قرارها 

 ووعدتتو اكتر من مرا انها تكلمو وقفلت الجوال وحطتـو ..
مستحيل احد يقدر يخليها تستوعب الصدمـه اللي عايشتها ..
حتى لو كلامه مقنع الألم مو بيدها .. الإنكسار مو بيدها 


 وعدت خمسه ايـآم ... 
تلك الشجـره الشآمخـه 
 جذورها لم يستطع احد ان يقتلعها 
 تهتــز تسقط اوراقها ولكن تبقى شاامخه 
 حتى اتت تلك الصـآعقـه وانقسمت الشجره لنصفيـن ..
شموخ السنين ..
في ثانيـه اصبـح ملقى على الارض 
 لكن مآزالت هنآك جذور في التربـه 
 هل ستنبت مرا اخرى ..ام الصاعقـه انهت كل شي .

روآن الرآيد .. 

لسـآتي عند دلال ..صوتها هوا اللي يخليني انآم 
 من يوم ماجيتها ماشافت يوم عــدل 
 كل يوم بجلس عندها بمرض زيآده 
 بااكل بالقوه بجلس بالقوه ..
تعبت وبتعبها معايا 
 تحاول تكلمني ا بككي
 تحاول ترضيني ابكي 
 تحاول تحضني ابكي 
 حتى هيا حزنت عليها واباها تبعد عنـي
 عارفه انا مجنووونه
 مو انا بنت جآسم الرايد 
 مو إحنا اي شي نسويـه مو طبيعي
 ومالو مبرر 
 اليومين اللي فاتت ماأكلت شي .. 
اشتقت لهددديل
 ابا احضنها واقولها ليش خرجتيني من عند جآسم 
 ابا الومها بس ماباها تزعل مني 
 حااسه بحراره بجسمي كلـو 
 احس إني حنآم وماحصحى 
 دلال اسمعها تبـكي بس نفسي اقولها انا حرتاااح
 سيبيني والله حرتآح
 عارفه انو محد مقتنع بالشي اللي احسو 
 بس والله احب انسان عذبني 
 احبو وابا اقولو بابا 
 احبو واباه يسمعلي يمكن حيحبني 
 حقولو انا بسببك اتعلمت ادافع عن نفسي
 انا بسببك سرت اعرف اصرف على نفسي 
 واعتمد على نفسي 
 لو إنتا ماكنت بحياتي مآكآن سرت كدا ...
بس كل اللي عرفتـه اخر مرا انو هوا مو معتبرني حتى بنتـه
 ودا الشي خلاني احس بهديل مرا 
 نظرته لبشار عرفت وقتها إنو هوا ولده بس انا ولاشي ..
ابا ارجع احضن هديـل لأني عرفت قد ايش بتتألم 
 وابا ارجع اشوف بشار ومابى اشوفـه 
 مو عارفه كيف هوا اتقبل الموضوع ..!
خايفه تكون هديل لوحدها 
 ابا ارجعلهم 
 احس اني خلاص ابا ارجعلهم 
 بس مو قادره اقوم من مكآني 

 بشـآر الرآيــد ...
ماتخيلت في حيـآتي انو تمر عليا ايام ماأخرج فيها من البيت ...
ماستوعب متى انام متى اصحى 
 بس حتى لما اصحى اعرف مواضيع تحرقنني 
 مواضيع فجعتني واولها روحة سميه بدا الصمت 
 اتصلت على امها وقالتلي هيا للي جاتني وقفلت بكل هدوء وقلت لهديل 
 هديل بسبب امي مابشوفها كتيـر 
 بشوفها ساعتين او 3 باليوم ومدري طول اليوم ايش بتسوي ..
جآتني رسايل من اراقام غريبـه يباركولي بللي سويته في ابويآ !!
بنـآم 18 سـآعه في اليوم بسبب الحبوب ..
ماقدر اقووم ..ابويا اتصل عليا 
 اتصل عليا وهوا يبـكي ... اكتر ا تصال كسرني في حيآتي 
 قلي انا خايف 
 قلتلو اذا انتا كدا اجل حور كيف ؟!
بكككي انهااار وتآني مرا اشوفه كدا بعد وفاة حور 
 كلمه انهى فيها كل شي والله مو مسامحك والله مو محللك 
 تعببببببببببت تعببببببت ونفسي اعرف كيف كنت ابا اقتلو 
 ليش موضوع اني اقتله كآن مرا سهههل وانا معصب ليش دحين 
 لما النآس بيقتلوه قدام عيني مو قااادر اتحممل 
 اصحى اخر الليل اخرج واروح لهديـل 
 اروحلها عشان اشرد من كل الكوابيـس 
 والقاها كل يوم تستنآني وكأنه ماتصدق ادق عليها الباب تفتحلي على طول وتحضني قبل لاأحضنها
 عارف انها خايفه عارف انها لوحدها بس مو قادر افكر ولا قادر اسوي شي
 في كل مرا اخرج اعرف انو امي شايفتني 
 اعرف انها بتسوي نفسها نايمه عشان تسيبني اروحلها 
 سارت مو عارفه تتصرف معايا 
 بحـآول اوقف على رجولي عشان امي وعشـآن هديل .. 
تعبتـهم معآيا بحاول اوقف تآني امي مرت بالكتتير وهديل نفس الشي 
 مو أنا اللي حدمرهم زيآده .. 


هديـل ..

آآه ياروآن اخر وحده اتوقعتها تسيبني بدا الشكل
 بشار بعز اللي فيه يجيني انتي ليش ماجيتيني
 ليش مخليتني انآم بخوف واصحى بخووف 
 ليش مخليتني خايفه من بكرا 
 والله تجيني لحظظظات اكرررهك واقول دامك مبسوطه برااحتك 
 بس ابببكي اقولها وانا ابكي لأني اباكي 
 انتي اللي كنتي تقوليلي انا اختك 
 وانا انكسف اقولها 
 انتي اقنعتي كل البنآت انو احنا حنوقف مع بعض 
 احنا اخوات ومايهزنا شي 
 احنا لو الدنيا قلبت علينا احنا ماحنسيب بعض 
 فيننننك دحين .؟!؟!
فينننك سبتيني ؟!! والله خمسسه ايام وانا ابكي على نفس الموضوع 
 عارفه قد ايش انتي دحين تهميني ؟؟!!
ليش مابتردي 
 ليش قفلتي جوالك ؟!!
ليش امك تقول لبشار هيا ماتبى احد ؟!
انا قصرت معاكي بشي ؟؟!
ليش بتعامليني زي ماما وف يوم ولليله تسيبوني من غير مبرر 
 كسرتتتتيني بجد كسررتيني 
 طيب تعالي اطمني على اخوكي مو قلتي انو يهمك 
 انا مو قادره اروحلو 
 مكسوفه من امـه و استنآه يجي بنفسه يطمني 
 خلاص ماسار احد يههمك فينـآ ؟!!
نسيتي ايش مرينا مع بعض ؟!
نسيتي اللي عشنـآه ؟!!
تعبببت والله وانا استنآكي 



 تـآمر مرآد ..

خمسـه ايام 
120 سـآعه 
 كل يوم بيعدي اعرف انو بتجنن عليـها 
 الايام اللي فاتت كنت حاتط في راسي
 احبها بس ماتخيلها شي تآني في حيآتي
 حاليا احسها هيا كلها على بعضها حيـآآآتي
 راحت ومو قادر انبسط 
 عارفين لما يمر عليكم الوقت وكأنو احد خانقكم بس تقولو لا حتتعودو مع الايام
 وحتنســو بس مانسيتها 
 بالعكس احس اللي بيخنقني بيكتمني زياااده وزياااده 
 مو قادر افرح بلمت اهلـي 
 مو قادر افرح باأمي 
 وفرح اختي اللي بعد يوميـن 
 ولا بوظيفتي الجديده 
 بكل سهووله مشيــت 
 طيب بس ابا اطمن عليها مو قااادر 
 ماتخيلت في حيآتي اني حمر بدا الاحساس
 ماتخيلت انو الحب يذلللللللللك 
 يتحكم بحيااتك بكل تفاصيلها 
 تعليقات تسير حوليا تذكرني فيها 
 حتى ياناس الاطفـآل اتخيل لو روان شافتهم ايش ممكن تسوي
 خمسـه ايام ولسى مستني خمســه ايام وانا متأكد انه فيها شي .. عارفها والمشكله اني عارفـها ودا اللي بيجنني 



 تميـم ... 

اربعه ايام مرت وانا ورشا مانتكلم
 كل يوم اشتاقلها 
 كل يوم نفسي اقولها وحشتيني 
 اباها تضعف وتتصل بس من كتر محنا ضعيفين مو قادرين نتكلم 
 جاني اليوم اتصـآل منها 
 قلت بس يمكن سار شي مع اهلها تبا تقولي 
 بس صدمتني بكلامها 
 حتسافر 
 مو قادره تقعد هنـآ حتسافر عشان تدرس وبعد ماكآنت مستبعده الفكره من زمآن
 حاليا شايفتها انسب شي عشان تشغل نفسها وتبعد 
 ماعرفت ايش اقلها 
 دمرتني زيآده بعد مآكآن عندي امل انو يكفي انها قريبه مني 
 كمآن اختارت انو المسافات تبعـد ..
وكأنو مو مكفيها اللي سوتـه فيا اتصلت تدور طريقه تحرقني زيآده 
 الومها ولا احس فيها مدري بس اضطريت اقفل عشان أمي تعبت ووديتها المستشفى ..
طبعا اضطريت اقولها إنو ابويـآ اتوفى داااك اليوم 
 بكككيت فيه كأنه دوبه بجد اتوفى 
 حاولت بقدر الإمكآن اجبلها الموضوع بتدريج بس فجأه حسيت نفسي ضعيف 
 وبكيت وانا واتذكره وهيا بكيت 
 تآمر عصب عليا لأني اتكلمت بس اتمشكلت معاه 
 اخلاقه في خشمممه عمرو مآكآن كدا 
 حاولت اعذرو لما شوفت صور البنت دي اللي يخرج معاها بس بعد ماقرات قصتها انفجعت 
 ومازلت مو عارف اخويا ايش يبا ...


ليـث ..

احمممد اخد يومي كلو حتى دوآمي مابدآوم 
 بسهر معاه وانام ممعـآه 
 بحاول اعوضو مع إنو كلمه وحده ممكن يدمرني فيها 
 بس طول وقته مبتسم 
 بعض الاحيان احسو يخااف لأنو مايعرف يتعامل بيد وحده 
 بس اول مايخلص الموضوع 
 ينسى وييجي يجري ويضحك هوا اكتر واحد مبسوط في البيت 
 انا وامل علاقتنآ سطحيـه 
 ولها تلاته ايام عند اهلها قالتلي بروح كم يوم وماخليتها تآخد احمد 
 عارف انها انصدمت بس احس انا المسئول انا السبب وانا اللي حعوضـه مو احد اللي حيتعب معاه 
 انا اللي حتعب انا اللي حقعد جمبـه لين مايوصل لمرحله مايكون يحتآج فيها لأحد 
 اهلــي .؟!
امي كلمتني وتحكيني عن ترف ولمى ..
ابا اشرد من اتصـآلاتها العفويـه بس لأني اشتقلها ارد واسمعلها 
 لأنها الوحيده من اهلي مو شايله عليا ارد بدون ماتردد
 لكن كل اللي اسمعه 
 تميم 
 ترف تامر لمى 
 اشتقتتتلهم 
 عرفت انو حيتلمو اليوم وأمنتني امي اجي 
 قلتلها احمد تعبان طلبت دآنه وامل 
 وامل صرفت نفسـها ومضطر اوديلهم دآنه 
 حديها هيا من عند الباب ماحتحمل اشوف ترف ولا لمى ..




تـرف ... 
ايام غريبـه بتمر عليا 
 حضن مـآمآ وحشننني بس مو قادره اروحلها بسبب سآمي ..
تخيلو كم مرا يقولي طيب نروح وفجأه يتعلت باأي حاجه 
 ومايخليني اروح
 تلاته ايام كل يوم نفس الحكآيه ..براء تعب مرا من موضوعنا 
 جا بنفسه وبدون مايديني خبر وبدأ يجس نبض سـآمي وسامي سآكت ..
بنسبه ليا مرا اتوتر لما سامي يتجمع مع براء 
 مع انو براء عفووووي بشكل مو طبيعي 
 يعني مايهتم او يفكر انو لازم يرضيه او يلفته
 لا بيتعامل معاه بزبط زي محموود 
 لما خرج براء سامي بدأ يتعامل معايا بعصبيـه 
 وبراء وقتها طلع تاني بياخد جوآله وسمع كيف بيكلمني 
 اتجنننننن 
 دقق الجرسس وسامي دخل لغرفته وانا فتحت الباب 
 بيقولي تربيتك غللط وانتي مديته وجهه 
 صوت ولدك كآن لأخر الدرج
 مررا شلت هم براااءءء 
 حسيت لو سامي يوم رفع صوته قدامه مدري ايش حيسويلوو 
 وهنا مارضي يمشي رجع دخل تآني وجلس 
 وسار موقــف انا لدحين مو مستوعبتـه 
 كنت مع براء بتكلم وفجأه سامي بكي بصوت يفجع
 بس فتحت الباب ماقدرت اروحله 
 مدري ليش جسمي ثقل فجأه سرت اخااااف من ردات فعلو 
 براء رحلو وحاول يمسكو وسار يضرب ف برااء
 مو عارفه ايش بيسير لولدي 
 لو براء مو فيـه لو براء ماحاول يمسكو ويهديــه مآكآن قدرت 
 سامي كبــر وانا جسمي ضعيف جمب جسمو 
 براء اتكلم معاه بس ماكنت سامعه كلام سآمي 
 بس من بعد داك اليوم وبراء مصمم انو ننقل سار اصراره اقوى من قبـل .. 
وورطني لما اتصل وعزم تآمر واهلي ... عآزمهم ف اخر اللي على العشا 
 وانا اهو الصباح بلم ملابسي انا وسـآمي 
 والله مرا مو مستوعبـه اللي بسويـه 
 حاسه اني بحلــم وصمت سآآآمي فاجعني 


 لمــى ..
قلبي قلبي قلبي قلللبي حيوقف 
 يوومين باقي على فرححي 
 حمموت من الخووف 
 عدي فلم مرعب والله يتتتصل اول ماتدق الساعه 12 ويصرخ ويقولي كم باقي
 مررا يوتتتر 
 حبيبي مسكين لدحين عينه مغطى ودا الشي مخليه هادي واحس حيطلع جنانه كلو لما يتعافى
 اللي سرلو مخليني انسى موضوع البنآت كتير 
 مع إنو لما اتصل ولا ادخل الواتس واشوفو موجود ومايكلمني 
 على طول ابدأ افكر مين بيكلم وليش ماتصل 
 وليش انشغل 
 ماسرت زي اول عااادي واديه مبررات إنو مشغول وكدا
 خلاص الشيطآن بيلعب في راسي
 تتتتتتتتترف احبببها مرا مرا احبببهها 
 احس بعض الاحيان نفسي نسكن ببيت واحد قبل لاتروح 
 ماتعودت يكون عندي اخت ونتكلم اخر الليل مع بعض 
 فانفسي قبل لاأتزوج اعيش دا الشي بس خلاص عرفت انها حتروح بيت زوجها 
 لدحين مو مستوعبه كيف حياتهم واليوم برضو حنتقابل في بيتها 
 بنسبه لماما بديت اخد راحتي معاها احسن من اول 
 صح لسى ماوصلت لمرحله اخواني بس على الاقل سرت احبها 
 احب وجودها في الصاله لما تختفي ادخل ادور عليها
 اباها تصحى اشتهي اكل من يدها حااجاات كتتتير 


 براء ..
اتقابلت مع اهلي مرتيـن خلال الخمسه الايام 
 موضوع ترف انفتح كدا مرا بس امي مصمه على موقفها ..
وابويآ ساكت مع انو عمي اتصل عليه وعلاقتهم كويسـآ 
 فجأه بدون سبب عمي اتصل وسار يقول نفس كلام رآمي 
 فجأه استوعبو انو انا اللي استحملت بنتهم !!!
مو عارف ايش ساار ..!
ومين اللي له السبب لكن الحمدالله ..
مرتي ححطها بعين واهلي بعيـن ..
قراري ماحيمس اهلي .. وبنفس الوقت الشي الوحيد اللي طلبته 
 لو يوم شفتـوها
 تعآملوها بكل احترام بذات يوم فرح لمى ..
دا طلبي الوحيد وامي عارفها مستحيل تنقص فيها قدام احد .. 
طبعا فرح لمى دا بعد صراااع طويل وافقه يروحـو
 ســـآمي 
 لما سمعته يرفع صوته على ترف اتجننت 
 بس لما بكي وسرت احاول امسكو فجعنني 
 قلي بابا جا .. طالع فيا ويقولي دوبو خررج دوبو راح
 فجعننني 
 طول وقتي بتصل على ترف اتطمن عليها وعليه !!!
مو عارف ايش اسوي !!
الولد بيتهيألو لدرجه شكيت والله انو قاسم خرج من السجن 
 وروحت اسئل عنو 
 وطلع مسجووون !!!
دوبني بديت استوعب لما ترف تقولي ولدي مو طبيعي


 وبدأ اليــوم الجديد 


 في العصـر الاضائه خافتـه ..صحي من قوه الكحـه ..جلس ومآزال يككح
 وبس خفت الكحه بعد اللحاف عن جسمه وقام من على الكنبه 
 اتوجه لغرفه النوم لقى امـه بتصلي 
 مايدري يستغل الوقت ويروح يسلم على هديل اشتقلها 
 يعني خلاص حتى لو خلصت صلاه موضوعهم مكفووش 
 حاول يهجد ويجلس بس ماقدر 
 بس اتخيل شكل هديل امس راح بدون تفكير ودق عليها 
 فتحتلو البـآب باابتسامه بسيطه باابتسامه فيها مواضيع كتير 
 قرب وحضنها ووسعت عينها بصدمه لما دخلها وقفل الباب 
: بشاااار 
: وحشتيني 
 هديل ضحككت من الفجعه : بشاار ترا بجددد حنشل من كتر مو مرعوبه امك تدور عليك 
 بشار طالع بوجهها : اقولك شي بس لاتنفجعي
 هديل : ها ؟
 بشار : امي تعرف اني اجيكي 
 بشار قلها عشان شايفها مكتئبه فايبى يخرجها من المود 
 وسعت عينها : تمزززح 
 بشار ضيق عينه : معليش بس 
 وقبل لايكمل ضربته بقهههر : انتا مجنننون ...ياااربي يااااربي
 بشار : هههههههههههه اصببري 
 هديل رجعت ضربته : يخخخي ليه تخلي منظظري قدام امك كدا ليه لللللليه
 بشار : هههههههههههههه والله ياهديل كنت اجيكي وانا تعبان مو مركز هيا صا
 وقبل لايكمل قرصتتته وقطعتلو شعر يدده هنا اتأأأألم سحب يددده : آآآآي
 هديل : تستتتتاهل تستتتاهل _ غطت وجهها بااياديها الاتنين _ مابا اطالع فيها 
 بشار : اوفر انتي 
 هديل نزلت يدها : نعم !!!
بشار : ههههههههههههه ترا شايفه هيا الخاتم اللي بيدك 
 هديل كآنت ناسيته شهقت بكل صووتها اتوجهت للباب وفكتو : اطططلع برا
 بشار ولا اتحرك وهيا سارت تدفو : اااامشي ياابشار 
 بشار : هههههههههههه دقيقه نتف _ وقفلت الباب بوجهه دق الباب _ ههههههههههههه حبيبي حبيبيي
_ دوبو بيدق تآني الا دار راسـه ورجع بيطآلع في الباب الا استوعب انه امه واقفه _
اتنحنح وقال بصوت عالي : على العموم _ ماعرف ايش يقول _ لو سميه كلمتني حكلمك 
 ومشي وكأنه امه ماشافت الباب لما ينفتح والبنت تدفه وهوا يضحك 
 ويناديها حبيبي حبيبي
 يمشي بااتجآه امه بكل ثقــه 
 جا لعندها : صح النوم
 مو عارفه تتضارب معاه !!!
من يوم محاكمه جاسم دي اول مرا تشوفـه يضحك 
 دي اول مرا تشوف تعابير بوجهه غير الكئـآبه اللي كآن عايشها ..
بس بنفس الوقت مو قادره تمشي الموضوع كدا ..: ادخل ادخل
 هيا مشيت وبشار وراها رافع حوآجبه الاتنين ومبتسم 
 ابتسامه حقيره مافي احساس ولا ضممير
 تآمر كآن حينشل دا عاادي مرا
 بس جلست على الكنبه هوا اتوجه كالعاده ياخدلو عصيـر وجا لناحيتها ويفك العصير
 وهيا تطآلع فيـه : لين متى حتكونو كدا ؟
 بشار : مافهمت _ ورفع راسه على ورا وهوا بيشرب _
امه : ترا انا شايفتك كم يوم بتروح وبقول عادي واقفين تتكلمو عند الباب الا ماشالله اتاريك داخل كمان عندها
 بشارحط العصير على الطاوله وجلس :مو كآن تسريب في الحمام و
 امـه بحده: بسسس يااااشيخ 
 بشار : ههههههههههههههههههههه مو مقنع ؟
 امـه ضحكته بنسبه لها بالدنيا حاليا بس تبا تتمسك برايها وماتبتسم : بشااار دي المواضيع ماينمزح فيها 
 بشار : والله دوبي صاااحي و
 امه قاطعته : سبحان الله دحين مالك خلق تتكلم وانتا من اول قاعد تتحايل عليها 
 بشار وجهه اتغير لونه اخيرا حس : انتي فاهمه غلط 
 امه : اووه ايوا صح تسريب الحمام خلاك تقولها حبيبي حبيبي
 بشار : هههههههههههههههههه _ بصوت راخي _ امي ايش بك 
 امه : إنتا اللي ايش بك بمشي معاك بالموضوع وساكته بس مو معناتو ماتخاف من ربك 
 بشار : والله ماسويتلها شي 
 امه ضربت على فخذها : ترا لما تلمس يدها لما _ تبا تقول تحضنها بس مسكت نفسها _ داا حرااام 
 بشار : انا عارف 
 امه : دااامك عارف ناطت كل يوم عند البنت ليش 
 بشار : عشانها لوحدها و
 امه : بشااار لاتستفزني 
 بشار : هههههههههههه يعني ايش تبيني اقولك 
 امه : خااف ربك فيها 
 بشار : والله مابغلط 
 امه : لما اقولك خاف ربك فيها يعني روح اخطب البنت ووقتها خد راحتك نطلها اخر الليل على الفجر برااحتك 
 بشار لانت ملامحه قال بعدم استيعاب : اخطبها بدي الظروف
 امه بفجعه رفعت حوآجبها : لا استهبل عادي معاها بدي الظروف بس خطوبه ماينفع

 بشار سحب جسمه لطرف الكنبه : لا بججد انتي ماحتتضايقي ؟
 امه اشرت على الباب : انا اتضايق لما ولدي يسوي دي الحركات لبنت ماوراها اهل ليش اتحمل ذنبك وذنبها
 بشار بتشتت : وعمي جميل ؟
 امه : ايش بو ؟ حيكون حالتو اخس منك ؟ كلنا بنعاني يابشار انتا تبا وحده واقفه جمبـك مالو حق احد يتكلم ولا يعارض
 بشار رمش عينه بهدوء 
 امه : ماقلت دا الكلام عشان اضايقك 
 بشار : مو مضايق بس مو عارف كيف حخطبها كيف حيعقد علينا الشيخ وهيا ماعندها ولي أمر
 امه : تدبر لاتشيل هم 
 بشآرقام ووجلس جمبها مسك يدها وسلم عليها : عارف اني بغلط كتير بس مو بيدي ..مضغوط ومخنوق ال
 امه : عارفه بللي تمر فيه واباك تخطبها عشان توقف جمبك 
 بشار حرك راسـه باايجاب وسند جسمـه على الكنبه 
 وكآنت ربع سـآعه وبدأ يسـرح وبدأت تطغي عليه ديك النظره اللي تحرقلها قلبها ..
كيف ماتخليه يخطبها تعببببت ومو قادره تسوي شي معآه


 امــآ اخته اسوء منـو بمرآحل ..دلال استنزفت كل طآقتها معاها 
 جالسه على الكرسي اللي في الصآله ومنزويه في ركينه وضامه رجوله 
 ودلال جمبها : فهمميني فهميني ايش تبي ..حرام عليكي خمسه ايام ساعه تتكلمي والباقي كلو تبكي ليش تبي تعذبيني
 روآن ساكته ولا بترد عليها 
 دلال : والله حوقف معاكي قوليلي اللي تبيه 
 روآن بهدوء: ابا هديل
 دلال : طيب ليش تحسبيني حبعدك عنها ..تبيني اوديكي اليوم
 روان اشرت براسها بالنفي 
 ودلال لانت ملامحها ومافهمت : طيب بكرا ؟
 روآن نزلت راسها على ركبتها بدون ماتبكي بدون ماتتكلم 
 اننننسانه غريبه 
 انسانه تآنيه 
 ايش اللي سرلها مو عارفه 
 تبا تقعد لوحدها وتباهم 
 الصبر اللي صبرتو كلو خلال دي السنين كلها 
 القوووه 
 كل شي اتلاشى 
 دلال : يااابنتي يااابنتي حرام عليكي فهممميني _ لما ماردت قالت بقله حيله _ طيب قومي كلي 
 روآن ولارفعت راسها دق الباب ودلال زفرت بضيـق وقامت تفك ..
وبس دخل محمد طـآلع في روآن وملامحه كساها الحقـد دخل لغرفتـه ودلال لحقتو واول مادخل ودلال قفلت الباب اتكلم بنرفزه : دي لمتى حتقعد كداا 
 دلال : ابا ارجعها لدبي واقعد كم يوم انا وهيا
 محمد رفع حآجبه وكأنه ماسمع : ااايش !!!
دلال ضمت اياديها لبعض : مو مرتاحه هنآ
 محمد : لا والله عندها اوامر تانيه روحي اسئليها عشان انا ماعندي غير حضرة جنابها
 دلال : محمممد ترا انا حتى بديت انخنق من رباب واهلللك ايش لهم يدخلو في بنتي ليش كل يوم جاين يبو يشوفوها انا كمان مضغوطه معاها حاول تف
 وقبل لاتكمل كلمتها مسك يدها وقربها : شوووفي انا صابر عليكي وعليها .. وفجأه سارو اهلي ومرتي هما الغلطانين _ دفها _ سويت كل شي تبيه وفي النهايه تقوليلي مضغووطه انا مو مسئوول على قراراتك وقفت جمبك واديتك الشي اللي تبيه دا حدك 
 دلال مسكت يدها باألم : اخر طلب حطلبه منك الله يخليك 
 محمد : رجعه لهنآآك مااافي حاولي تتفاهمي مع بنتك ولا والله لاأحرق علييكم البيت بكبره _ سحب شماغه من على السرير _ مو عارف ليش جيت هنا اصلا حروووح لرباب بدل فورة الدممم 
 وخرج من عندها وقفل الباب بكل قووته 
 بكيت في غرفتها 
 روآن انسانه صعب التعامل معاها 
 مهما تحاول ترضيـها بس مو قادره
 دي في شهر عآشت حآآجات اكبر بمليون مرا من عمرها .. 
ومافي زي أمها حتقدر دا شي ..
حتحاول تتحمـل خرجت بعد نص سااعه وبتمر ساعه وساعتين 
 وروآن على نفس وضعها 
 جلست بعيد عنها وهيا تطـآلع فيها
 البنت مو قادره توقف على رجولها 
 حتتفرج عليها كدا لمتى ..؟
 مسكت جوالها وخلاص حتتصل على بشـآر يجيهم وحتروح مع بنتها
 ولما ترجع لو الموضوع وصل انها تبوس راس ويد محمد عشان يسامحها حتبوسهم 
 بس حاليآ صحة بنتها قبل كل شي 
 اتصلت عليه جواله مقفل ..اتصلت على جميل نفس الشي كلهم قفلو جوالاتهم 
 تعبـو من الإتصـآلات تعبو من الأرقام الغريبه اللي تحرق دمهم .. 
قامت لغرفتها اخدت جوال روآن ولقتو مقفـل مافي غير هديل ..
حطتو في الشاحن وخرجت ...
جلست عند روان كلمتها مابترد
 كل اللي سوته روآن انها مالت بجسمها على امها من التعب 
 وهنـآ دلال رجعت دموعها تنزل بضعف 
 لأول مرا تجي بحضنها بس مازالت عارفه انها مو حاسه بللي بتسويه من الإرهاق 




 جالسه لوحدها وكل شويا تطالع في الرقم الغريب .. من خارج الدوله ..
ليش مصر يتصـل .؟
 ردت بتملل بعد ماقفلت صوت التلفزيون .. : نعم ؟
 جلال : ام هديل ؟
 ام هديل جالسه بااهتمال غيرت جلسه على طول : ايوا ..مين ؟
 جلال ابتسم :حزنت انو بنتك سابتك وعايشه مع واحد 
 ام هديل دقات قلبها بتزيد : بقول مين معايا 
 جلال : مين معاكي شي مايهمك بس كلامي مرا حيهمك
 ام هديل :خير ايش تبا 
 جلال : انتي كم تبي
 ام هديل عقدت حوآجبها :انتا متصل تستهبل عليا 
 جلال : لا أبداانا اتصلت عليكي بعد ماعرفت قصتك مع بنتك وانك بعتيها وجآ بشار بكل سهوله اخدها منك لا وكمان مهددك ومو قادره تشوفي بنتك 
 ام هديل مرعوووبه ساااكته 
 جلال : مستعد اديكي 50 الف بس شرطي الواحد تاخدي بنتك 
 ام هديل ماستوعبت وقفت والرقم اغراها طبـعا : انتا ايش تبا ؟
 جلال : سوي طلباتي وانا حكون قد كلامي
 ام هديل : ووايش اللي حيخليني اسوي كدا
 جلال : لأني عارفك ماحترفضي الفلوس 
 ام هديل تتذكر انهيار بنتها وسااكته 
 جلال : شوفي كلمتي ماتنزل الارض وفلوسك بمجرد بنتك ماتآخديها وتبعدي اعتبريها عندك 
 ام هديل : ايش مصلحتك إنتا ؟
 جلال : شي مايخصك
 ام هديل : ولو رفضت .؟
 جلال : ههههههههههههه ماحترفضي 
 واخد منـو النقـآش نص سـآعه اداها عنوآن بنتها ورقم الغرفـه
 وقفـل منها وكلامه يدور في راسها 
" كيف تقنعيها دي مشكلتك مو مشكلتي " 
 " بمجرد ماتكون عندك ... فلوسك في الحساب حتنزل "
 " انتي حره لو أبا حقتلها وارتآح لكن قررت اكون رحيم ولأول مرا "
 " لو جآتك الفلوس اشردي انتي وبنتك فين ماتبي ماحيقدر بشار يلمسك "
وقفت وهيا تدور في الغرفـه بتوتر 
 بشار مو سهـل .!
دا ف دوله تآنيه ؟؟ لو سرلها شي حيساعدها ..؟
 بس مسأله الفلوس جديـه 
 ساااااعتين من الجناان النفسي
 ساعتين وكلمه 50 الف مو راضيه تخرج من راسـها
 اخدت شنطتها وخرجت من البيـت 


 امـآ جلال في الغرفه اللي اضائتها خافـته 
 وبتحديد الفندق اللي على الطرق السريـعه 
 جلس ويحرك رجلــه ابتسم بحقـآره 
 اخخخيرا سار عندو وحده متجنن عليـها 
 عرف بموضوع سعيـد كلو من يوم ماهجم على بيته واخدها لين ماضربو عند جميـل 
 نفسـه يمسكها ويقتلهاا زي مانقتلت غـآليه بس وضعه مايسمح 
 حيجننو بشووويش ..بشووويش لين مايخد روحهـآ ويعيش بشار نفس الحياه اللي عاشها من غير غاليه






 في الطريـق ..سيـآره كبيره بتمشي ورآه ..
طالع في محمود وبعدها في الطريـق : كيف حآل سامي معاك ؟
 محمود رفع كتفه وكأنه يقول مدري 
 براء عقد حوآجبه : ايش بك 
 محمود : ترا ماسرنا نجلس مع بعض في المدرسه يقعد لوحده ولما ننزل السآحه مايرضى يجي
 براء : ليش ؟ اتضاربتو 
 محمود : لا والله حتى دحين ماليا نفس اجي ساير يتنرفز عليا ويقهرني
 براء : صاحبك اتحمله
 محمود : هوآ مآكان كدا _ قال بتردد _ يمكن عشان اتزوجت ام
 براء قاطعه : مالو صلاح 
 محمود : يعني انا قلت يمكن
 براء : حتى لو دا السبب انتا إشلك 
 محمود : ماعرف كل الفصل اصلا ملاحظ عليه ولاأحد يتكلم معاه عشان لايتمشكل
 براء حس موضوع سـآمي حيتعبه كتير 
 ماعلق وكملـو طريقـهم لين ماوصلو لبيت تـرف نزل مع محمود وراحو مع العمآل خرجو عفش 
 ترف وسـآمي 
 شهووووووور يفجججع 
 ترف تشوف اغراضها 
 كراتين شننط بتنسحب وحتعيش خلاص مع وآحد 
 قلبهااا شويا وحيوقف ..
براء واضح انو متحمس وبقوه 
 اما محمود زي الغريب جالس جمب سآمي 
 سامي اللي بيتفرج وبس ...
محمود طفش طفش من الصمت : ترا من دحين اقولك حطططفشك 
 سامي طالع فيه وقال بجمود : جرب وشوف ايش حيسرلك 
 محمود : ههههههههههه ترا دمك ساير تقيل _ قرب من سامي وسار يهمسلو _ بس نوصل هنآك في امآكن كتير قريبه من بيتهم نسحب عليهم ونروح ننبسط انا مرا طفشان امي وابويا بس بيضاربو 
 سامي طالع فيـه يحزن عليه لما يبدأ يشتكي : طول عمرك طفشان 
 محمود : يخخخي ايش اسوي طول يومي ساكت بالبيت محد اتكلم معاه ماصدقت براء يتصل يقولي تعال _ دفو بنرفزه _ انتا كمان لاتقعد تصرفني شوفني متنت خمسه كيلو من الطفش وبس باكل 
 سامي : هههههههههههه 

 بس براء رجعلهم وقـآل خلاص ... هنآ اختفت الابتسامه من وجه ترف وسـآمي
 الاتنين مفجوعين بس كل وآحد فجعتـه غير ..
ترف قامت بصعوبه من المكآن دا المكآن الوحيد اللي عاشت فيه من يوم ماخرجت من الاصلاحيه
 نقلت عدسه عينها على المكآن اللي بس الاثاث موجود
 تودع كل شي 
 تودع تـرف المجنوونه 
 ترف اللي همها الحشيش
 تبا تدفن كل ذكرياتها البشعه هنآ
 تبا تنسى بكآهآ وصراخها وحرقه قلبـها 
 تبا تنسى خوفها من العالم الجديد 
 تبا تنسى اهمآل اهلها وخوفها من قاسم وليث 
 يد حوطتها وقربتها منو طالعت في براء وابتسملها : يلا ياعمري ..
نظره اخيـره .. ومشيت معاه ... 
قلبها قابضها هوا خوف هوا توتر هوا ايش ماتعرف 
 بس احساس صعب لما قفـلت الباب لما نزلت الدرج وعارفه انو اخر مرا حتنزلو 
 لما خرجت من العمآآآره ..
وبعدت عن براء لما شافت سامي واقف عند السياره وبيطـآلع فيها 

 ركبت قدآم وسامي ومحمود ورآ ..اتوجهه على طول للبيـت 
 وهنـآ برااء ابتسم من قلبـه اول ماوقف السياره 

 نزل وفتحلها باب السياره ورجوولها تقيـله 
 حاسه انها بتسوي شي غلط 
 مو قادره تستوعب فجأه لما شافت البيت حسست لا لا ماتتتبى 
 براءبهمس : انزلي ولا حشيلك وادخلك بالقوى 
 ترف لانت ملامحها وقالت بضعف : خايفه
 براء مد يدو : ههههههههههه يلا يااترف
 مدت يدها ومسكت يدو ونزلت كآ،ت حتسحبها الا هوا شد عليـها : بططلي دي الحركآت
 مرا مكسووفه محد حاسس بولدها 
 صعب انو يشوف فجأه امو ماسكه يد وآحد 
 بس محد راضي يستوعب ..
اتوزجه للباب وفتحـو : برجلك اليمين ياحلوه 
 ترف وجهها حمـر ودخلو الاتنيـن ... وكآآآآآآآن احسساس غريب
 ساب العمآآل والسياره وكل شي وقـآعد يعرفها على بيتها 
 دا المطبـخ ودي غرفه النوم ودي الصـآله 
 وسـآمي ساند جسمو على السياره طــآلع فيهم لين ماختفو من عينه ودخلـو 
 اليوم نقلـو لعند براء 
 اليوم امـه وهوا حيعيشه مع واحد غريب
 واليوم حيقابل اهل امـه .!
محمود : يلااا بسـرعه تعال 
 فاق من فاكاره وسحب شنطتـه اللي فيها البلايستيشن واغراضه المهمه 
 ودخل مع محمـود 
 البيت مايتقارن في بيتهم مرآ ...براء ماغير شي غير غرفه نومـه وغرفه نوم لسـآمي ..
كل البيت مصمم على زوق امـه الوآن فرايحيـه وهااااديه 
 طول امس مانآم جاب خدم ينظفو ويكنسو ويمسحو السيراميـك 
 حتى البيت مبخره قبل لايخـرج 
 عارف انو اللي سواه قليل بحقـها 
 بس وضـع سآمي معاهم شويا موتر .. 

محمود سحب سامي لغرفتـه واسلوب محمود مخلي سامي شويا يتقبـل 
 دخلو وقفـل الباب : شوووف دي غرفه المصآيب حقتنا 
 سامي نقلت عدسه عينه في ارجاء الغرفه لو ماعاش مع قااسم كآن اتبهر بالغرفه مقارنه بغرفته 
 محمود : هههههههه تدري ليش قلت لبراء دي هيا الغرفه 
 سامي : ليش ؟
 محمود اتوجه للطـآقه وفكها : نقدر نشرد من هنآ
 سامي انفجع : تستهبل 
 محمود : ههههههههههههه والله لو يوم نبا نخرج وماخلونا من هنا ننط ونخرج
 سامي ابتسم اهبل : مع وزنك دا ماحتقدر تنط 
 محمود : ههههههههههه ماعليك انتا بس دفني من ورا والباقي عليا 


 امـآ براء راح للعمـآل وقال يرصو الاشياء عند الباب وهوا رجع لترف 
 مسك يدها ودخلها غرفة نومهم وقفـل البباب 
 وترف بتموت من الخوف طالعت على الباب : برااء ا
 براء سكتها لما باسها بيدها وبخدها وطالع فيها بنننظره وتررررتها 
 وااحد ماصدق ماصدق انها سارت ف بيته 
 خلااااص كدا هيا بحكمـه 
 هيا له وبــس 
 هيا زوجتـه 
 ترف باارتباك : خلينا نخرج 
 براء : هههههههه حنسير نلعب كتير دي اللعبه 
 ترف ابتسمت : سامي برا و
 براء قاطعه : جبتلو محمود عشان ينشغل ايش تبي اكتر 
 ترف حطت يدها على الباب : برضوو بشويش عليه 
 براء : متى اهلك حيجو 
 ترف : على 8 
براء طالع في سـآعته : طيب حبيبي انا حروح اجيبلك الشغالات ماقدرت اخليهم هنآ لما اخرج لاتسوي شي اليوم هما حيرتبو بس وريهم كل حآجه ويسير بكرا حيمشو ..
ترف : مالو داعي 
 برا مسك خدها : ماحجيبك من اول يوم تنظفي وترتبي وشوفي ايش تبي عشا لليوم واكتبيلي 
 ترف قلبها يدددق 
 يتكلمم بطريقـه جديده عليها 
 متزووجين 
 بيت وآآحد وداخلين على عزيمه 
 وحضنها بنص الافكـآر وواتنهد من قلبـه : الله يقدرني واسعدك
 قالها من قلبه وفتح الباب وخـرج للعمـآل 
 سامعتـو يقولهم بشـويش ..حطو هنـآ ..باقي شي ..
وبعدها خرج وقفل الباب وهيا واااقفه وتطـآلع في البيت 
 بنظره اعجـاب الاثاث السكري داخل معاه البني المحروق 
 الستاير اللي لونها طحيني غمق ...مع الشيفون السكري اللي مغطي الشبابيك الكبيره
 مرا مخليه المكآن شرح اللوحات الكلاسيكيه اللي معطيا للمكآن اناقتو 
 غير التحف الانيقه اللي مجمعها براء من سفرياتو وكل تحفه ترمز للمكآن اللي جاي منو 
 تحت الشبابيك شتلات زرع معطيه للمكآن رووح ..الاضائات موزهخ في المكآن باشكالها الغريبه 
 ججلست على الكنبـه وابتسمت بكككل رااحه 

 وأقل من نص ساعه وجآ براء ومعاه حرمتيـن رتبو معاها 
 وخـرج تآني وهوا باين حااااايس 
 مراااا مكسووفه 
 مو عارفه تتعامل انو دا بيتها خلاص .. 
بس اللي يخليها تستعجل وترتب اهلها اللي حيجو بعد 7 سـآعات ..




وبيعدي الوقـت اتجمعو عيله ليـث على الغدى ..
ليث طالع في دآنه : ساعه واتجهزي 
 امل : مالو داعي خلاص تروح 
 ليث : أمي تباها 
 امل : أجلها لوقت تاني
 ليث مايحب الجدال بدا الموضوع خلاص امو طلبت شي حيسويلها هوآ
: حتروح دانه وإحنا حنروح المرا الجيـه 
 قام واتوجـه لغرفتـه ... وبزبط سـآعه 
 وخرج وهوا ودآنـه ..لساتو عصـر .. مايدري انهم رايحين على بيت ترف
 طلع وهوا يدعي انو مايشوف لمى وماشافها ..
اداها دانه وجلس ساعه معاها ومــشي ..
وبيعدي الوقت تقيل على تآمر على تميــم ..بس لمى الوحيده اللي مبسوطه 
 واول ماشافت دانه اختفت ابتسامتها اخر مرا شافتها لما انضربت 

 ماقدرت تتحرك لثواني وبعدها جات سلمت عليها وحضنتها .. 
بتحآول تتعامل معاها طبيعي 

 واتجهـزو بعد مانصدمو كلهم بجيـة دانه معاهم 
 ماعرفـه ايش يقولو لأمهم ومو عارفين ايش حيقولو لترف
 دي بنت ليث !!!!


ومشيو على اللوكيشن اللي ارسلتلهم هوآ ترف .. 



امـآ ترف بس عرفت انهم خرجو من البيت قلبـها حيوقف ..
براء حيكون جمبها ..امها حتشوفـه 
 جالسـه في الصـآله اللي اضائتها مفخمـه المكآن اكتر ..
وسـآمي ومحمود من يوم ماوصلـو بيلعبو بالغرفـه ..
دقيقتين وخـرج براء من غرفه النوم ودوبـه مستحمي ولابس ملابسـه
 طالعت فيه وشتت عدسه عينها بتوتر 
 وريحـة عطرو اللي متعوده عليها انتشرت في المكآن من اول ماخرج
 جلس جمبـها : ايش بك 
 بدال ماسار موترها موضوع سارت موضوعين : ولاشي 
: دا كلو ولاشي حتكسري اظافيرك
 ترف خففت لعبها باأظافيرها : مرا خايفه من اللمه دي
 براء قرب منها وبهدوء يهرج : حبيبي من ايش تخافي
 ترف ضحكت بتوتر : انتا اول مخوفني
 براء : هههههههههههههههههه 
 بس ضحك بصوته دفتو : شوف حل مع ضحكتك 
 براء : هههههههههه برضو المفروض سامي مايسمعني اضحك ؟
 ترف : هههههههه مدري _ سحبت جسمها شويا بعيد _ كدا خلينا نقعد قدام سامي 
 براء : اي اوامر تآنيه 
 ترف : ولو _ ودق الجرس وهيا فزززت _ وااا لايكونو همـآ
 براء : ههههههههههه _ وقف _ خليني اشوف 
 ترف وقفت معاه : قلللبي حيووقف 
 براء باسها : لاتخافي حبيبي ترا مكبره الموضوع 
 بااااااااااارد مراا بااارد 
 اتوجه للانترفون وسمع صوت تميم وفتح البـآب .. 
ودخلـو وابتسااامه طغت على ام ترف اول ماشافت برااء واقف جمب بنتها ...
سلم عليها وعلى اخوانها ولمى كآنت ماسكه يد دانه .. ترف سلمت عليها وطالعت في البنت 
 وقبل ترف لاتفضحهم لمى همستلها : دي بنت ليث
 كأنو احد اداها كـف 
 حاولت تبتسم مجآمله : ماشالله 
 اكبر من سـآمي بشهر او شهرين 
 سلمت عليها وعلى إنها طفلـه بس ماتدري ليش ماتقبلتها 
 بنت ليـث الجمله بنسبه لها تفجـع ..
ودخلـو وجلسو في المجلس الكبيـر 
 ودخلت المطبـخ وبراء وراها : ايش بك 
 ترف مررت يدها اللي تتنافض على رقبتها : دي بنت ليث
 براء : ايش يعني 
 ترف رفعت كتفها : مدري انفجعت 
 براء : دي طفلـه وإنتي خالتها لاتدخليها في مشاكلكم ياترف
 ترف حركت راسها بالايجاب ونسيت ايش كآنت تبا تسوي 
: تعالي اقعدي
 ترف باارتباك : كنت ابا شي 
 براء : العصير ؟
 ترف ايوا ايوا 
 براء : قولي لوحده منهم تجي تقدم خلاص بقولك اقعدي مع اهلك ولاتتحركي
 حركت راسها بتشتت وهوا مسك ذقنها وغمزلها : مستني السهره تخلص بس
 وسعت عينها تــرف مع الفجعه وخرج بكل برووود 
 يبو يوقفولها قلبها اليوم : ياااربي 
 قالتها بصوت وحده تبا تبـكي ..
اتوجهت لغرفه سـآمي ومحمود وقالتلهم يجو يسلمو 
 محمود : شويا شويا جآي 
 سـآمي وقـف وجآ عندها وهيا ابتسمتلو مسكت يدو 
 اتوجهه للمجـلس وسـآمي وقف عند الباب 
 ام ترف وقفت اول ماشافتـه 

 وترف حطت يدها على ظهره : تعال حبيبي
 دخل وقلبـه يدق بجنووون بس وصل عندها 
 وهيا سلمت عليـه وحضنتـه 
 بعدت عنـو وابتسمت مررت يدها على خدو ...شعووووور حلللو 
 انو تشوفي حفيــددك نسخه اولادك : الله يحميك 
 سـآمي ارتتتبك مرا ارتبك ماعرف يتعامل 

 سلم على تآمر وعلى تميم وجا للمى ..وقفتلو لمى وهوا قرب وسلم عليـها 
 وشاف البنت خصرها ومشي 

 ترف جلست جمـب براء وسامي جلس قريب منهآ ..
تآمر : ها كيفك ياسامي ..
سامي : الحمدالله 
 ام تآمر تطالع في ترف وتبا تضحك زوجها فرق الطول بينهم مو طبيعي
 وسامي بطولها ..
ووضـع تميم مو قادر ياخد ويدي كتير مع برااء بذات مع وضعه حآليا ..

وبيمـر الوقت وكلهم ملمومين 
 ترف جالسه جمب لمى ومتربعه على الكنبه ولمى بتوريها وتوري امها ايش ممكن تسوي تسريحه
 ومكيآج ..وفجأه فجعت ترف: ماشتريتي لسى .!!!؟!!
ترف بتنآحه : حشوف بدي اليومين 
 لمى : ترف مو من جدك 
 ترف : تدبر
 ام ترف : وحتحوسي قبلها يعني ..ولو لقيتي مقاسك وممزبوط يمكن يحتآج تقصير ك 
 وقبـل لاتكمل كلمتها براااء ضحك بكل صووته
 ام ترف مو قصدها تتريق يعني شي طبيعي 
 ترف طالعت في براء ووجهها محمر : اتريق اتريق
 براء : هههههههههههههه والله مو قصدي _ رفع يده _ كملو معللليش
 ترف طالعت في امها : جبتولي الكلام حشتريلي فستان قصير
 ام ترف وجهت كلامها لبراء : ايش فيهم القصيرات إن شالله ؟
 براء : والله على قلبي زي العسل بس هيا حساسه 
 ترف : من كتر ماتتريق
 براء : ههههههههه

 وأخدهم وكلهم خرجو في الحووش يقعدو وتآمر وتميم وبراء بيجهزو اغراض الشوي 
 تميم : اعشق ريحه الشوي جبلي ارقيله بس وانتا كدا زبطت جوي
 براء :والله لو ادري كآن اشتريت بطريقي 
 تميم : لو فيه محل قريب اروح انا اجيب
 تآمر : اووم فصلتك يااشيخ 
 تميم غمزلو : هههههههه استمخ مع الجوو 
 تآمر : وبنسبه لأمي تتوقع بعد اللي سرلها عادي ولا مو عادي
 تميم : ههههههههههههههه ايش التوتر داا 
 براء : شووف انا مهما أدخن بس مستحيل ارفع سجاره قدام امي وابويا 
 تميم : لا ماليا في السجاير المعسل يهوون 
 براء : دي كلمه اي واحد يعسل 
 تميم : سيبنا بجونا 
 تامر واقف يقلب الدجاج 
 تـرف حزنت على دآنه ..مدت يدها : تعالي معايا 
 دانه وقفـت ودخلتها تنبسط مع سامي ومحمود بدآل جلستها هنـآ ..
دقت الباب : خلوها تقعد معاكم 
 دانه مسكت اياديها في بعض من كتر مانكسفت 
 محمود ابتسم : طيب 
 سـآمي طالع في البنت وشتت عينه وترف كملت : دي بنت خالك ليث
 طــآلع فيها وحسس انو كل الحقــد اللي جوتته رجع 
 وترف طالعت في دانه : دا ولدي سامي 
 دانه اشرت براسها ودخلت جلســت وسامي مو قادر حتى يلعب
 ليث اللي خنق امــه 
 ليث اللي كآن يهددها 
 كرهها ومو قادر ينزل عينه من عليها 
 ومحمود على طول عرض عليها تلعب 
 هاااديه مو زي انفـآل
 رضيت انها تلعب بس ضحكتها بشويش 
 حركآتها بسيطه 



 امـآ برااا امهم جالسه على الكرسي وهمـآ فارشين في الارض 
 وبيلعبـو جالسين على شكل حلقـه 
 وكل واحد بيدو ورق وبينزل في النص 
 تميم طالع في ورق لمى وهيا تبا تصرخ بس مستحيه من براء قالت بقهر : تممميم
 تميم : ههههههههه ايش سوويت 
 تآمر مسكو من بلوزته : قووم اقعد عند ترف
 ترف لاشعوريا ميلت جسمها على براء : لا ماااباا ابا برااء جمبي
 تامر : ايش نسسوي في دا يعني
 تميم : ههههههههههه حشره عند اهلك 
 براء : خرجو خررجوو
 تميم : شوف انا في بيتك وماحقدر اغلط عليك 
 وكملـو لعب وتميم زي القلق محد مرتآح جمبـو .. واكبر غشاش عرفته الكره الارضيه 
 فاز اول واحد 
 لمى : والله غشاش 
 تميم : لاتحلفي ولا طالعت في ورقه احد بدا القيم _ قال بنرفه _ استغفرالله
 وفجأه وهوا قايم طاحت اوراق من جيبـه ..
تامر : ياااشيخ ارحمنـآ انتا على جهنم سيده من كذبك 
 ترف : هههههههههههههه 
 وكملـو لعب كملـو ضحــك براء حاول بقدر الامكآن انو الجلسه تكون عفويه عشان كدا خلى الموضوع شوي ويقعدو برا ..بس عشان ترف ماتتوتر ...
وترف خسـرت وتآمر اكتر واحد نقاطـه 
 براء : تامر احترم وجودي 
 تامر : ههههههههههههههههه معللليش من اول تتشمت تستاهل الحكم 
 ام تآمر : هههههههههه سيب اختك 
 تامر : معليش متمسك برايي _ رفع حوآجبه _ قومي يلا 
 ترف طالعت في براء بنظره بريئه تحزن : براااء 
 براء ميل راسه لتآمر لما ضعف من صوتها: حرام علييك 
 تميم : ماتقدر تضحك علينا بدي النظرات
 تآمر وكأنه بينصح براء : اخر وحده تصدقها حرمه تطالع فيك بدي النظره 
 ترف : ههههههههههههههه اقوول سيبونا ف حالنا طيب 
 تامر : قومي يلا سوي حكممي 
 ترف وقفت : ماحسويه بروح اشوف سامي 
 تـآمر بس سوا نفسـه بيقوم وهيا خافت وجات تجري رجلها دخلت في 
 الجزم المتجمعه بطرف البساط وفجأه رجل انسحبت يمين ورجججل يساار 
 وطاااحت ..!
فين حتتتروح منـهم 
 حتى براء اللي خاف وقام يرفعها ضحكته مستتتفززه 
 لمى : ههههههههههههه كان سويتي الحكم بدال الحفله اللي سارت دي
 ترف مسكت يد براء ووقفت بقهر 
 مكسوفه من الفشله قدام براء اكتر منهم 



 امـأ في الغرفـه سامعينهم يضحكو ومبسوطيـن ..
وسامي مولــع 
 كأنه ماسولو شي 
 ليش محد اخده ليش محد اهتم فيه وهوا عندو اهــل ..؟!
ليش يعيش يتييم واهل امه واهل ابوه تارسين البلد ..
يسمع اسئله محمود واجوبه دانه
 عندها اخو اسمو احمد 
 طلعت في عمرهم 
 يحبوها لدرجه انهم يجيبوها حتى لو اهلها مو جايين 
 وهوا محد فكر فيـه ..
دخلت ام تــرف عليهم الغرفه بس تبا تطالع في سآمي 
 شافتو جالس على السرير ومحمود ودانه بيلعبو جلست جمبـو ..: شكلك طفشان
 سامي حرك راسـه بالنفي 
: طيب ايش بك 
 سامي : فيا نوم 
 ام ترف : دحين العشا خلاص قرب يجهز 
 وجلست بصمت تطـآلع فيه وهوا سوا نفسه بيتفرج على محود ودانه وهما بيلعبو 
 كآنت الدقيقه دي تكفيها انها تحس بسعاده وبتتأمل ولد بنتـها ..
وجآ وقت العشـآ ودخلو كلهم يتعشـو 
 تعليقـآت اصواتهم العـآليه 
 تميم وبراء وتـآمر نسو نفسهم بيتكلمو في مواضيع عمـل 
 مواضيع عـآمه 
 صوت ترف ناطتلهم كل شـويا 
 جلسه محد كآن يتوقعها انها حتكون بدي العفويـه 
 خلصو عشـآ وجلسو في الصـآله .. وسـآمي عينو تمر على الكل 
 يحس نفسـه مخنووق
 دآ خالي تآمر اللي خرج امي من السجن بس مافكر يسوي شي 
 دا خالي تميم اللي مشي ورا الكل وماعبرنآ
 دي خالتي لمى برضو ماهتمت ولا عبرتنآ
 دي جدتي برضو ماكآن لها شي في حيآتنآ 
 دا براء اول ماعرفتو على ماما اتزوجها .!
دي بنت خـآلي ليـث اللي عاشت احسن منـي ..

نزل عينه على جوآله وقلبه يدق بسـرعه 
 فتح الانستقرام وكل صور البحث اول مافتح ابوه 
 يقرا خبر ورا خبر 
 هرجه ورا هرجه 
 اشاعات والكلام بيزيـد 
 دا مو اي واحد دا " قااسم داود "
دوبـه استوعب ااببوه ايش بعد الاخبار دي .
قام من مكآنه
 انسحب للغرفـه اللي ينآم فيها انسدح على السرير ..
وقلبه يدق ورا بعض 
: سااامي
 جلس بسـرعه وهوا يطــآلع على الستآره اللي بتتحرك
 شاف شي اسود مر من قدآمه دار راسـه ومالقى احد 
 وقــف بخووف 
: سآمي ... ساااامي
 يسمع اسمه من كل مكآآن 
 يمين يساااره من وراااه 
 حط يده على اذنــه
 بيحس باأشياء تعدي من وررراه 
 يبـآ يخخررج 
 مشي بســرعه باإتجاااه الباب وشهق بكل صوتـــه لما وقـف قبـآله قآسم 
 رجع بخطوآته على ورآ وقـآسم يمشي يخطوآته الهاديه : مو قلتلك حقتلها 
 دموووعه نزلــت بخووف
: مو قلتلك احتتترممنني 
 سآمي : بعععد عني 
 قأسـم : حتشرد منني فين انا البلد كلها تحت يدي
 سامي بككي : ماابى اععيش معاك 
 قآسم : ولاحتعيش ممعااها حقتلها عشان اخد حقي منها مو انا اللي ترمي في السجن 
 ســآمي كآن حيشرد الا قـآسم مسكــه ورمآه على السرير 
 مد يدوو وخنقــو 
 وسـآمي صررخ بكــل صوتــه وبدأ صوتــه يختفي كل مابينخنق زيـآده 

 امـآ في الصـآله كلهم وصلتهم صرخـه سـآمي ..
ترف وبرااء اول نآس قــآمو بسـرعه ولحقــوهم كلهم لما صوتـه زاد وفجأه اختفـى 
 ترف بس دخلت 
 بس شافت ولدها مسدوح ويمسك بلوزته من فوق ومو قاادر يتنفـس 
 موسـع عينه وجسمه مو قادر يحركـه وكأنه احد فووقه 
 عقله الباااطن موهمـه لدرجه انو مو قادر يحرك يده ولا رجلـه 
 برااء جلسـه ولسى سـآمي كأنو احد بيخنقو ووجههو محمر بطريقه تفجـع 
 تآمر وتميم جو لحده وبرااء مفجووووووع
 يضربه على وجهه يحررك جسممو وعينه بدأت تترفع عدسـه عينه 
 تترف بكككيت بكل صووتها جسممها يتناافض روحها داا روحهـآ
 امها مسكتها وهيييا تقوول بس : آآآه ياااربييي آآآه ياااربي 
 مو قادره تقررب تشوف برااء يكلمو تـآمر نفس الشي 
 وتميم لما حسـه خلاص حيغيب عن الوعـي سحب ســآمي وشـآلو وهوا يسئل فين الحمـآم 
 دخلـو وبدون تفكييير فتح المويـآ 
 مويا زي التللج انكبت عليـه وتميم بيتبلبل معـآه بس ماهتم 
 سار يخبط وجهه : سامي 
 سامي دار راسـه يطالع فيـه وهوا مو مستوعب ايش سرلـو
 تميم : إنتا كويس 
 سامي يطالع في الحمام مو مستوعب انو جآلس على الارض وكلو مبلبل 
 كل اللي استوعبه قـآسم كآن حيقتله وبعدها مايدري ايش سار 
 قال بخوف ودموعه كلها بعينه : بابا ...بابا حيجيني 
 تميم انفجع طالع في تآمر وبرااء اللي وراه ورجع طالـع في سامي قرب راسـه من كتفه : لاتخاف احنا معاك 
 سامعين صووت ترف تبكي بشكل هستيري فجعت محمود فجعت دانه ..
وامها تهديها ولا كأنها 
 تميم مسك يد سـآمي واتكلم معاه وكأنه طفل : قوم حبيبي قوم
 سـآمي رجوله من كتر مآكآن شاددها مو قادر يوقف عليها 
 بالقوه وقف خرج وهوا ينقط مويـآ ودخلو على اقرب غرفـه عشان لحد يشوفـه 
 براء اتوجه لترف ومسكها : تتترف مافيه شي كوويس
 ترف ولا كأنها تسمعو 
 براء مسكها : تعااالي شوفيه بنفسسك 
 ماسكه في ذراع برااء وهيا مع الفجعه مو قادره كمـآن تمشي
 اصلا نسيت مداخل البيت ومو عارفه كيف توصله 
 بس شافتـه جالس دخلللت حضنتــه 
 من يوم مارجع من عند قاسم وبتقولهم ولدي مو طبيعي ومحد مصدقهااا 
 شافـو بعينهم دحيـن ..
وانتهت ديك السهـره بفجـعه سـآمي 
 ام تآمر بس فهموها سارت تدعي على قـآسم 
 لمى كل ماتتذكر شكله تبـكي 
 دانه مازالت الفجعـآت بتتلم عليها 
 تميم وتـآمر حاسين بمسئوليه ومخنوقيـن
 براء بعد مآكآن يغاار من سـآمي دحين مو عارف يتعامل معاه 
 بدأ يليـن قلبه عليه عارف انو يبالو اهتمام 
 غير ملابسـه سآمي وتـرف مسدوحه جمبـه وداخل في حضنها 
 ماسكها بطريـقه تبين قد ايش خـآيف 
 ويدخل براء يطالع فيهم ويخـرج ..





أم روآن ...عايشه بصراع نفسي واقفه برا عند الباب مع اختها فاطمـه : فهميني ايش ا سوي 
 فاطمـه :يعني ماتبي تدخلي اابراهيم وعبدالله ماعندك حل غير تتحايلي على محمد تآني
 دلال : ولو مارضي 
 فاطمـه بضعف : مدري يادلال لاتجننيني معاكي فكره انك تروحي وهوا مو راضي صعبه 
 دلال : ايش اسسوي بنتي ماقدر احبسها هنآ هيا شردت لأنها خايفه بس ماتبى تعيش هنا ..اديتها فرصه بس خلاااص بتتعب وتعبني معاها
 فاطمـه : روحي كلمي محمد واترجيـه 
 دلال : طيب خليكي هنآ انا حروح 
 فاطمـه اشرتلها 
 ودلال زبطت طرحتها و مشيت للبيت اللي جمبها بيت ضرتها 
 دقت الباب كدا مرا وقلبها حيوقف ..
فتحت ربـآب وزادت ابتسامتها : هلا والله _ بااستفزاز _ حياكي حياااكي البيت بيتك 
 عارفه دلال انها بتتكلم كدا عشان محمد يسمعها ..دخلت دلال وقالت بدون نفس : ناديلي محمد
 رباب: وه بس مين مزعلك من يوم ماجات بنتك وانتي مو على بعضك بجددد ربي رحمك من الخلفه وحده مو مخليه فيكي عقل
 دلال بقله صبرر : رباااب ناديلي محمد
 رباب نادت بصوت عالي بس مايل للدلع : محمممممممممد . . حمممممودي
 خرج محمد وهوا متنرفز : هااا هاااا
 رباب ولا كأنه اشرت على دلال : كلم المحروسه 
 محمد جلس : ها خير
 دلال مسكت اياديها في بعض : ممكن نتكلم لوحدنا
 رباب رفعت حاجبها 
 محمد طالع في رباب : ادخلي غرفتك
 رباب مررا اتنرفففزت 
 شالت بنتها اللي تلعب بعصبيـه ودخلت 
 دلال : ممكن تهدى عشان نتكلم 
 محمد : ف موضوع بنتك ماليا كلام فيه
 دلال : ليش كدا شايف حالتها يامحمد 
 محمد : من الدلللع 
 دلال : دللع ايش حرام عليك انتا سمعت كل شي عاشته 
 محمد : ايش تبيني اسوي مستعد اعوضها مستعد اديكي الفلوس اللي تحتاجيها اكتر من كدا ماعندي 
 دلال : ابا اروح دبي 
 محمد : قلنا مااافي
 دلال بضعف قربت منو وجلست : حبيبي يومين ولو مارضيت ترجع حسيبها واجي 
 محممد : دلاللل دلااللل لاتعصبيني ترا سايرتلي مصايب في الشغل مو نااقصك
 دلال مسكت يده وباستها : معليش اتحملني بس خليني ارو
 محمد ساحب يده وقال بعصبيـه : انتتتي ليش اتغيرتي طول عمرك ماتكسري كلمتي خلاص قلت لا يعني لا
 دلال : انا مابى اكسر كلامك انا بحاول اقنعك
 محمد : ارجعي البييييت بالطيب
 دلال : اتخيلها بنتك يامحمد 
 محمد غير جلسته : لو بنتي كآن اديتها كككف وغصبتها تتعايش مع حياتها 
 حاولت تتكلم بس اشرلها على الباب بعصبيـه : قلتلك روووحي ولاتفتحي دي السيره التآني
 خرجت ضـآيعه مكسوووره 
 محروووقـــه 
 تتمنى انها ماجابتها 
 كآن جلست هنآك معاها 
 اول ماشافتها فاطمـه عرفت ايش رده : خلاص حاولي فيه بعد يومين 
 دلال : ماحقعد يوم تآني
 فاطمـه : اصحكك يادلال تسوي شي مجنون والله حتروحي فيها 
 دلال : لو إنتي مكآني كآن سويتي نفس الشي 
 فاطمه : من فين حتدبري سياره 
 دلال : حتصل على صحبتها وتدبرلنا سيـآره 
 فاطمـه : كلمي عبدالله ولا ابراهيم 
 دلال : لا محمد لو عرف والله ماحيرحمهم انا حتحمل كل شي ..
فاطمه حضنتها وبكيت على حآل اختها 
 مستتتعده توقف قدام الكل بسببب بنتها ..
ودخلت للغرفـه ومسكت جوآل روآن وفتحتــه 
 مافي ارقـآم مرا ومافي اسامي مسجلـه فتحت الرسايل النصيه لما سارت توصلها مكآلمآت
 بس برضو مافي اسامي 
 عرفت من ضمنهم رقم بشـآر 
 اتصلت على رقـم مابيرد 
 على الرقـم التآني دق ودوبـه كآن حيطفي الا رد وآحد بفجعه : رووووان !




هديـل جالسه على السـرير ..وبيدها الجوال وتتكلم ..
 : مامتك فينها 
 بشـآر : في الصـآله 
 هديل : طيب وطي صوتك وانتا تتكلم عشان لاأنجلط
 بشار :إنتي ليش خوآفه 
 هديل : ايش دخل خوآفه دحين منظري قدآمها و
 بشارقاطعها : طيب يادلوعه اصبري دقيقه 
 وخرج للصـآله وهوا ماسك الجوال بكتفـه وبيفتح الأكيـآس وبيخرجلو اكل ..
هديل : مستففزز
 ابتسم بدون مايعلق 
 وسمعت صوت دقـآت الباب : والله ماتستحي يابشار 
 ماقدر مايعلق : ايش سويت دحين 
: انا اقوولك 
 اخدت الركآزه واتوجهت للباب بعصبيـه فكتو وكآنت حترميه بوجهه 
 بس طآآحت الركآزه في الارض مع الفجـعه ولحقها الجوال : هدديل 
 صدرها يترفع ويترخي وعينها موسعه بصدمــه 
 جآت امها تقـرب الا هديل رجعت لورى وقالت / بعععدي عني 


 امـآ بشار من يوم ماسمع صوت وحده تنآدي هديل ساب اللي بيده ومسك الجوال عدل
 ودوبـه بيهرج الا وصـله صوت هدييل وهيا تقول بععععدي عنـو 
 قللللللللبه طـــآح 
 بدوون تفكييير اتوجه للباب وفتحو وامه قامت مفجوعه تنآديه وجااات وراه 


 هديل جسمها كلو يتنآفض : ايش جااابك
 ام هديل : ممكن اتكلم معاكي
 هديل حركت راسها بالنفي وانفاسها ورا بعض : لا لا رووحي رووحي من هنننا 
 ام هديل لانت ملامحها : ماحطول بس اسمع
 هدديل : بقووووولك اممشي ماااباكي 
 واول ماشافت بشــآر خلاااص مافرت مسكت فيه وبككيتتت 
 غطت وجهها بحضنـه وماتبى تشووف امها ولا تبا تسمع صوتها 
 بشـآر حوط بيده هديل ويده التـآنيه اشر على امها : انتتي ايش جابك هنآ
 ام بشـآر اول ماوصلت دخلت بشويش وهيا مو مستوعبه شي جات لحد ولدها ولما شافت الام 
 من شكلها واضح انها تقرب لهديل .. ام هديل : اسمعوني والله جيـ
 بشار قاطعها بنرفززه : بقووولك امممشي من هنآآ
 هديل بس تسمع صوتها تشد على بلوزه بشار وتبكي زيااده

 ام هديل : اااسمعني ماجيت اسوي مشآكل
 بشار : انا قلتتتلك ماتقرب منها صح ولا لا
 ام هديل : طيب جيت اتفاهم معاك مو معاها ..فيه واحد اتصل عليا وعرفت انو رقمو من فرنسا ومو عارفه مين دا
 بشار بدأت ترتخي تعابير وجهه جلااال عارف انو جلال ..
ماتكلم بس بيطـآلع ومستنيها تكمـل
 ام هديل : عرض عليا خمسين الف عشان اخد هديل منك ... بس لما جبلي سيره انو كآن يبا يقتلها والله خوفت مابى يسرلها شي دي بنتي في النهايه 
 هديل اختفى صوت بكآها 
 امها ماباعتها 
 ماهمها فيه احد يبا يقتلها ولا لا بس امها لأول مرا تسوي شي طيب 
 بشار بححححقد وهوا يمسك هديل بكل قووتـه : ايش طلب شي تآني
 ام هديل : بس دا على اساس اني اجي اخدها 
 بشار سكت وبعدها قال : وإنتي كممم تبي .؟
 ام بشاار انفجعت من وسـآآخه ولدهاا !!!
هددديل ماتوقعت يكون دا رده امها كآنت خايفه عليـها 
 ام هديل باارتباك: حقولو اني اخدتها حسوي اللي تباه بس تديني نفس المبلغ اللي عرضو عليا ..

وللمرآ الألف تقتل طفلتها بدم بـآرد ... لحظـآت سريـعه من الفصـل الجآي ...


 _ رهبــه ...صوت الموسيقى في الدور اللي تحت واصله 
 بكآمل هيبـته داخل عليها ووقف لما شافها بفستانها الابيـض
 جمـــآل 
 نعومـــه 
 شعور لايــوصف
 ابتتتسم من قلبــه 
_ في العيـآده مسدوحه وبطنها مكشوفه وبتمرر الدكتوره الجهاز على بطنها 
 ومبتسمه بس اصحـآب الشأن مو مبتسمين مرا 
 تطالع في الشاشه 
 وبعدها في الاب : شوف ماشالله تلاته 
 وووووووووووورطططططه 
 طالعو في بعض الاتنين 
 هما عرفو واحد وقلبهم كآن حيووقف ومو عارفين ايش يسوو 
 دحين ايش الوووضع !!!!!!!


 _ بعد 14 سنــه ... 
مبسوطه بالوظيـفه اللي جآتها ... خارجه في الليل وبتمشي بلبسها الانيق المحتشم 
 والطرحه السماويه اللي مغطيه شعرها 
 وشهقت بكل صوتها لما انسحبت من يدها لأحد الممرات 
 حط يدو على فمها وابتسم بحقــآره 
 طالعت فيه ودموعها بعينها الممر ضيــق لدرجه انهم واقفيـن قبـآل بعض ولاصق فيها 
 دفتو بقهر وضرب في الجدار وضحك : ايش بها المززه
 دآنه دموعها نزلت : انتتتا واحد وسخ
 سامي رجع قرب جسمه منها وهيا لصقت بالجدار : انا وســخ انا حقيـــر انا كككلب تدري ليش .؟ _ رفع صباعه بااستفزاز على راسـه _ انا حرر
 دانه دموعها تنزل : ابا ارججع سيبني
سامي عقد حوآجبه : لاحتجي معاايا 
دانه : والله بابا حيقتلك والله خيلاني لو عرفو ماحيرحموك
سامي : هههههههههههه اعشقك لما تهدددي وتجي توقفي قدامهم وتدافعي عني
دانه : عشاان امك والله عشان امك مو عشانك 
سامي ابتسم عارف إنو البنآت يترمو عندو 
دااا ولدد قآسم داود 
دا من اغنى شبباب دبي مالو كبيــر : ليش تكرهيني 
دانه : من اللي بتسويه فيا _ قالت بضعف _ ساامي الله يخليك سيبني ف حالي
سامي همسلها وهوا يخوفها : عارفه انو ابوكي كدا سوا ف امي عارفه انو خنقها وكآنت تترجاه سيبني ياليث سيبني ياليث وهوا مارحمها ورماها في الارض 
دانه : انا ايش ذنبي فللي سواه بابا 
سامي : وانا ايش ذنننبي بللي سوتو امي 
دانه بكيييت عارفته قااسي عارفته مااايحس ماعندو ضمممير 
سامي رفع يده وهوا يدخل شعرها تحت الطرحه : كم ممرا اقولك شعرك لايطلـع وتحرقيلي دمي
 جنننننننننننننننننهاااا جننننهاااا 


 انتظروني الفصل القادم 


 الفصـل السـآبع والثــلاثون ...

عندمـآ تتشوه طفولـتك 
 تبدأ تمحي بدآخلك معآلم البرائـه
 تسرق مابدآخلك من صفـآت حميده لكـي تزرع 
 الحقـد 
 القلق
 التوتـر
 الإنتقـآم ..
أيـن ذالك الطفـل البريئ ..؟
 من منـكم اللذي دفنـه ..؟
 من منكـم الملام ..؟
 جميـع من حولـه مشتركيـن بتلك الجريمـه 


 سـآمي اليـوم بعمر الـ 25 
ذآلك الطفـل البسيـط لم يعد شكلـه بتلك البسـآطه 
 ملابسـه تعبـر عن مدى رفاهيتـه 
 سيـآرآته سفراتـه اسلوبـه في الحوآر كل شي مختـلف
 وكأن سآمي اليـوم شخص آخر
 للون بشـرته المآئل للبرونزيـه 
 تعبر عن حراره اسبآنيا القادم منها نهايه الاسبـوع
 طوله وعرضـه وملامحه اللذي اكتسبه من خوآله هوا الشي الوحيـد الباقي
 هدوئـه أنقلب لجموح ..
برائتـه دفنت قبل سنوآآت
 العفـو أكبر كذبـه اخبر بها ترف 
 المآل لم يعطـه سوى الحريه والجرأه
 الحقد جزء لايتجزأ من شخصيـته 
 الصدآقه محمود فقـط
 دقآت قلبـه لم تهتز يومآ سوى من قوة الحقـد 
 لإبنه ليـث محبوبه الجميـع
 لم يستطع تقبـلها 
 ولاينكر وجودها 


 وآقف في الممر الضيـق وهيا قبآله ..
دموعها تنزل واكتر شي يعشقه يشوف دموعها
 اكتر شي يحبـو لما تخاف منـه 
 يحب يطآلع بعينها لما تكون ضعيفه قدآمه
 هوآ وصـل لأي مرحلـه مو عآرف ..؟ 
 بس بدأ يستلذ بدا الشي وكأنه مايكمل يومـه لين مايوقف قبآلها ..

سامي رفع يده وهوا يدخل شعرها تحت الطرحه : كم ممرا اقولك شعرك لايطلـع وتحرقيلي دمي
 دآنه دفت يدو ورجعت تمسح دموعها : خلاص لاتتكلم معايا بدا الاسلوب
 ابتسملها سآمي وقال بااستفزاز اسلوبه حقييير: ليش .؟ بديتي تتعودي على اهتمآمي.؟
 دآنه بحقد وبصوت وحده منهاره تعببها ومو قادره تتحمل : الله ياااخدك انتا واهتماامك
 سامي : ههههههههههههههه وصلتي خلاص لمرحه تدعي عليا !!
دانه : من اللي بتسويه فيا خلاص ياسآمي ارحمنني لاعاد تتصل مابى اشوفك قدآمي انا ماصدق اللحظه اللي اعرف انك مسآفر عشان ارتآح منك 
 سآمي : وانا سرت اكره السفر عشان مابشوفك 
 دانه نزلت دموعها وهيا تطآلع فيه يستهزأأ فيها اخدها مصخرره 
 وكأنها مابتتكلم 
 وكأنها معدومه الاحساس 
 وكأنها مابتبكي .؟!
هوا مايشوف ؟!
نفسها تعرف مايتأثر !!
دارت جسمها وكآنت خارجه الا مسكها ورجع ثبتها على الجدار 
 لصقت راسها بالجدار وانفاسها سريعه لما قرب وجهه منها 
 كآنت بتتكلم بس انكتمت مرا من قربــه 
 قلبها حيووقف 
 دموعها مازالت تنزل بصمت 
 عدسه عينها على وجهه اللي مو واثقه ابدآ فيه 
 وغمضت عينها بخوف لما حست باأنفاسه تقرب 
 اتكلمت بكل ضعف بععد ماميلت راسها : الله يخليلك أمك الله يحفظها ياسامي سيبني
 مافي اي ردده فعل لثواني 
 وبعدهآ بدأت تخف مسكته 
 وسحبت نفسها من قدآمه بسـرعه 
 مشيت باإنهيااار وهيا تحاول تلم شتات نفسها 
 وبعدت عنـو ..
اما هوآ واقـف في مكآنه ولااتحرك 
 قلببه وجعه من الجمله 
 اتذكر امـه لما سمعها تحكي خالته لمى وبصوتها المكسور
" كنت اقولو الله يخليلك امك الله يخليلك ابوك سيبني ياقاسم "
بكل ضعـف جلس في مكآنه 
 في مكآن خرآآبه جسمه ومكآنته في المجتمع ماتسمحلو يقعد هنآ
 بس جلس ودموعه كلها تتجمـع بعينه
 جلـس ورجولـه مو شايلته من قوه الألم اللي يحسـه
 ليش سمممع قصـه امه كآمله 
 ليش سمع انهيآرها 
 ويرجـع داك الطفـل اللي يبـكي لوحده 
 اللي يتمنى يخرج اصوات الكل من رآسه 
 اللي يتمنى يعيــش بسلام بين عيله امـه 
 كآره نفسه كآره حياته كآره فلوسه كآره اسمو 
 كآره كل شي عاشـه بس مو قادر 
 يحس على قوتـه اللي موضحه للكل
 بس هوآ ضعيــف 
 هوآ وحيـد 
 هوآ مكســور 
 هوآ الف شي ممكن تقولوه على قلبـه المجبور ..


نرجـع لوقتنـآ الحآلي ..
نآمت باإرهآق بدون ماتحس ..بدأت تسمع كلام بصوت خآفت بس تحسب حلم 
 وبدأت تحس بالحرآره كل مآلها تزيـد قريب منها
 بصوت قريب للهمس : بآبآ ...بآبآ
 فتحت عينها لما استوعبت الكلمـه ..طالعت في ولدها اللي نآيم بحضنها 
 رفعت يدها على وجهه وهيا تحسو مرآ حآر
 مالهم سآعتين نايمين ..
عدلت جلستها باارتباك وتشوف دموعه تنزل ويقول : بابا 
 قلبهااا مو متحممل
 تعبببت 
 مررت يدها على خده: سآآمي
: بابا
 ملامحها طاغي عليها البكى 
 بس خلاص مو قادره تبكي سحبت جوالها من جمبها 
 واتصلت على براء بدون تفكير مو قادره تقـوم ..

اما براء نايم في غرفه النوم ..
نآم لوحده في اول لليله لهم ..فتح عينه على صوت جوآله
 واول ماشاف اسم ترف على طول قـآم وخرج من غرفته 
 ومحمود نآيم في الصآله ومتغطي باللحاف ..
واتوجه لغرفـه سآمي 
 الاضائه خافتـه 
 ترف جالسـه وسآمي مع حرارته مو حاسس بشي ..
زاد الاضائـه وشاف ملامح ترف قال بصوت كلو نوم : ايش فيه 
 ترف مكسسسوفه بس خلاص مو عارفه تتصرف 
 نزلت دموعها بااستسلام : مرا مسخن ..
براء قرب منـه 
 ومن غير لايحط يده عليه شايف خدوده محمره من قوه الحرآره : طيب اوديه المستشفى 
 ترف جسمها يتنافض قالت بتعب : مدري
 برااء مرر يده على شعره باارتباك : دقيقه 
 ورآح للمطبـخ فتح الدولاب وخرج علبه حمرا ومرسوم عليها هلال
 فك العلبـه وخرج مقيـآس حراره ..
ورجـع لترف جلس في النآحيه التآنيـه : لو دوبها مرتفعه حروح اجبله دوآ 
 ترف اشرف راسهآ
 حط مقآس الحراره الليزر على جبين سآامي
 وانفجع لما شافها 39 ونص ...
راح لغرفتـه غير ملابسه واخد مفاتيحه 
 ومحمود صحي شافهم خارجين انفجع ماحيجلس لوحده 
 شاف براء يرفع سـآمي من على السرير : قادر تمشي 
 سامي طالع حوليـه بدأ يستوعب اشر براسـه وهوا بيحآول يتجاهل 
 حراره عيونه وانفآسه 
 ضعف جسمـه 
 برودته ..
ساند جسمه على براء وسامع صوت امه تبكي
 ركبـه ورا ووقتها شافها لما ركبت جمبـه 
 يباها تدفيـه
 ميل جسمه على طول عليهآ
 وهيا باأياديها تمررها على جسمـه وتباه يدفى 
 كتفها سار زي النـآر بسبب راسـه 
 ويرجع يغمض عينه ويرجع يقول كلام واصل للكل 
 واصل للكل وكلهم ساكتيـن ومرعوبين 
 يتكلم بصوت متقطع بصوت واحد مو بوعيه وبيهلوس 
: مآمآ ..بابا ..حيقتلك ..بابا .. يبآني ... خليه ..خليه يروح

 وماصدقت وصلت المستشفى بس حطوه على السرير وادوه خافض حراره والمغذي بيده 
 جاها براء وحضنها وهيا بكيت وصوتها مدفون في حضنه 
: خلاص ياقلبي الحمدالله دحين حتنزل السخونه
 ترف قالت بحرقه قلب : ماهمتني السخونه ولدي بيضيع مني ولدي مو عارف ايش بيسير حوليه 
 براء بعدها عنو : طيب أهدي ياقلبي خليه دحين بس تنزل حرارته ووقتها نفكر ايش ممكن نسوي .
ترف طالعت في سامي اللي مستسلم للنوم : افكر في ايش انو ولدي بدأ يتجنن ويتخيل حاجات مو فيه
 براء : علاجه مو صعب _ رجع شعرها على ورى _ أنا معآكي ومع سآمي حوقف جمبك لين مايرجع زي زمآن
 ترف عيونها عليه مو عارفه بدونه ايش كآن سوت 
 ولدها لما كبر عرفت انو صعبه تربيه لوحدها بذات بالظروف اللي يعيشها 
 حضنتـه وبــس ..

امـآ محمود يطـآلع في صاحبه اللي مايعرفه سـآر
 قبل 3 ساعات شافه بوضع فجـعه و دحين نفس الشي 
 هوآ مريـض ...؟ ولا ايش اللي بيسير معاه ؟؟!
عقـل محمود الصغير لسى مو قادر يستنتج 

 واول مانخفضت الحرآره وخلص المغدى ..جلس باارهآق 
 ويمرر يده على اللصقه بيده ...
براء مدلو يدو ومسكها من غير اعتراض ويمشي وهوا ماسكه 
 دااايخ وحاسس الارض مو مستويه ..
رجع ركب ورا وترف جمبـه ومحمود قدآمه 
 دي المرا ترف سحبتو بهدوء لحضننها وبرضو ماعارض 
 وقف براء في صيدليه وجبلو الادويـه ..ورجعو البيـت سدحتو على السرير 
 وخرجت لبراء لقتو في المطبـخ بيشرب مويآ
 جاته بخطى مهزوزه وقفت قبـآله : انا اسفه
 براء عقد حوآجبه : على ايش ؟
 ترف : من اول يوم بنتعبك معانا
 براء لانت ملامحه ميييت نووم مافيه حيل يهرج قرب ورجع حضنها 
 قال كلمتين بالقوه : سامي ولدي 
 قلبها قبضها ممع الجمله 
 كللمه بنسبه لها تجننن 
 تتمنى انو ولدو 
 بعدت عنو باارتباك لما محمود دخل المطبـخ اشرت على برا : بروح انسدح جمب سآمي
 واانسحبت 
 كلللهم ميتين تعب بعد السهــره 
 ماكان وقت طويل وكلهم نآمو وترف بين الصحيان والنوم بسبب سآمي وهلوسته كل ماترتفع حرارته تآني

___________

إن مستقبـل الطفـل رهيـن باأمـه .. 
شكرآ على مستقبـلي اللذي صنعتيـه لي
 شكـرا على عشقك للمآل 
 وعشقك لذالك الرجل 
 هل مازال في حيـآتك ..؟
 هل يستحق التضحيـه .؟
 يستحق ان تبيعي إبنتك من أجل عشـق خلق في يوم ولليله .؟
 كيف كآن قلبك بهذه الرحمه اتجاهه 
 وكآن بهذه القسـوه لي ..؟
 كيف تضعي رأسك على وسادتك وأنتي لا تعلمي كيف حآلي اليوم ..؟
 أمي انا متعبـه 
 كنت اريد ان اعثر عليكي حتى اخبرك باإنني مرهقه جدآ 
 الآن اريد ان اخبر العالم كلـه 
 كم أنآ متعبه منكي 
 اريد ان اخبر العالم باأنني اتألم 
 وأمي تساوم بالمآل وتبيعني للمرا الثآلثـه
 اجيبيني ..
ارجوكي اجيبيني للمرا الأخيـره 
 هل أنـآ بهذا الرخــص بعينك .؟ 
 اخبرتيهم بأنني إبنتك ولا تتمني موتي 
 ولكن أنتي الوحيده اللتي قتلتيني الف مره .


أتكلمت باإرتبآك :حقولو إني أخدتها .... حسوي اللي تباه ...
بس تديني نفس المبلغ اللي عرضو عليا ..

جملتها نزلت زي الصآعقه على قلب هديل 
 على قلب الطفله المغفله اللي مازالت تستنى كلمه طيبه من امها
 اللي ماآزالت مو مستوعبه القساوه دي كلها 
 لحظه كل قووتها اتلاشت 
 حتى رجولها ضعفت وماقدرت توقف لو يد بشـآر ماشدت عليها 
 طالع فيـها بخووف : هدديل
 وهنا قالت آه وبكككيت باإنهيااار مو طبيعي 
 آآه كلمه تخرررج بسيطه بس تعبر عن كميه الوجععع
 عن الرووح الضعيفه اللي بتتمسك بحآجه مو لها 
 تبا تتمسك باأمها بس امها ترميها للنار وتتفرج عليها 
 تستمتع بتعذيبها 
 حاولت تكون قويـه حاولت تكون زي روآن لما وقفت بوجه جآسم
 بعدت يد بشار بشويش واتكلمت بصوت خافت يادوب طلع : سيبني شويا
 بشار : تعالي اجلسي 
 هديل رجعت تبعد يدو : بس شويا سيبني
 بشار سابها وهيا دارت جسمها وطالعت في امها 
 في امها اللي تبكي معاها !!!
تقتلي القتيـل وتمشي بجنازتـه !!!
ايش القوه اللي عندك !
اتوجهتلها بخطوآته تقيـل وقفت قدامها وهيا تحاول توقف شهقاتها 
 نفسها تصرخ عليها 
 نفسها تخرجها بنفسها من البيت ومن حياتها 
 بس صوتها ماقدرت ترفعه على امه وهنآ دموعها نزلت تآني
 تحآول تقولها بس شويا من الكلام اللي ف قلبها بس ماقدددرت
 ماعرفت من فين تبدأ 
 ماعرفت تعاتب ولا تصرخ ولا تقولها اني اكررهك واباكي 
 وكآنت تبكي بين كل فكره بين كل لحظه ضعف قالت بصعوبـه : ذنبي ف رقبـ تـك 
 امها رفعت يدها على عينها وهيا تبكي وهديل لانت ملامحها 
: ياريت دموعك صادقه يااريت أحس لو يوم انك ماما وتعوضيني لو يوم واحد 
 امها مسحت دموعها : هديل انا حعوضك لو راضيه بحياتي
 هديل سكتت شويا وبعدها قالت وهيا تشد على الكلمه : ياأللله صوووتك على قد ماشتقتلو على قد ماسرت اكرهه .._ شدت على ملامحها وقالت بين شهقاتها _ انآ اكرهك ... انا اكره إني بنتك .. أنا اكره حتى وجودك ف حيآتي .. يااشيخه الله يااخدني عشان ترتاحي مننني 
 امها : لاتقولي كدا امـ _ومدت يدها بتمسكها _ 
الا هديل رجعت لورى ورفعت صووتها وباارتباك : لاتتتتلمسيني 
 امها حاولت تبررلها وتقرب منها ولقت بشار كالعاده في وجهها 
 داك الوووجه الحآآآآآآآقد اللي من نظرته تحس حيدفنها في ساابع ارض
 هديل بس حست بيد بشار عليها رجعت اتكلمت بين بكآها : حححرقتك الكلمـه أنا كنت حمووت قدام عينك وبعدها ارسلتي سعيييد الززفت بطططلي نفاااق بطططلي كدب لاتتتبكي مابى اشوفك تبببكي 
 امها زادت بكـآ
 وهددديل بعصبيـه وباننهيار دارت جسمها في حضنن بشار وقااالت :ياااااربي
 تقرررررها لما تببكي 
 تقهرها لما تسوي نفسها ضعيفـه 
 بشار اشر لأمها : استنيني برااا 
 ام هديل : والله ماجيت اسوي مش
 بشار قاطعها بعصبيـه : بقووولك اطلعي برا 
 رجعت بخطوآت بسيطـه وعينها على بنتها اللي صوتها في المكآن كلو 
 ورجعت دارت جسمها وخــرجت
 اما بشـآر جلس هديل على الكنبهخ 
 اوزل ماجلست ضربت على فخذها بقهههر : مااااابى اشووفها مااابى 
 بشار جلس ومسك يدها : خلاص حبيبي خرجت 
 بس كأنه ماسمعتو بتبكي بكل صوتـها وهنـآ بشار طالع باإتجاه الباب 
 مايبى امها تمشي نقل عدسه عينه لأمـه الواقفـه والصدمـه مخليتها ماتتحرك
 ويرجع يطـآلع بهديل اللي راخيه راسه ومحوطتو باأياديها 
 مو عارف ايش يسوي طل باأمو بضعف وهوا يباها تجلس مع هديـل
 رمشت باارتبباك وقدمت بخطوآت تقيـله بااتجاه هديـل وهوا وقف وخرج على طول ..
شاف امها واقفه في الممر وتبـكي 
 مو حزنآن عليها 
 يعرف ناس كتير زيها يسو المصيبه ويبكـو ..
ام هديل اول ماشافتو جاي بااتتجاهها ضمت يدها باارتباك تحت صدرهآ ..
جآت تتكلمي وهوا قلها : ااااسكتتتي 
 والتزمت الصمــت 
 بيحاول يستوعب اللي سواه عمـو 
 بيحاول يفكر عمو لإيش يبا يوصـل ..
مو غبي عشـآن يتكلم مع وحده مايضمنها اانها تسوي شي زي كدآ 
 عارف انها مالهآ أمآن عشان كدا ارسلها 
 عارف انه بالعنيه قال حيقتلها عشان يهزز بشـآر
 مجآآآنين ويفهمو بعض ..
قال : اسسسمعي لو على بالك جآيه وتحسبي انك حتضحكي عليا وتآخدي فلوس فدا اخر شي ممكن اسويـه هددديل لاإنتي ولا جلال ولاقوه بدي الارض تقدر تقرب منهآ دآمني موجود ... خلي دا الشي في بالك 
 قرب خطوه وهيا اتوترت قال بحقـد : أباكي ترجعي بيتك وتلمي عفشك وعلى اقرب طيآره تحجزي لأي مكآن ولا والللله _ شد على كلامه _ والله لاأدفنك في السجن وماحتخرجي من هنآك إلا على قبرك ..الشي الوحيد اللي حتاخديه مني الحجز حق الطياره
 وسعت عينها بصدمـه 
 وهوا كمـل : جلال ماكآن حيديكي ولا فلــس بمجرد ماتاخديها حيسحب عليكي 
 ام هديـل : شوف انا لالأأعرف جلال ولا أ
 بشار قاطعها : كلامك خليه لنفسك عندك 24 سـآعه ..24 سـآآعه لو ماخرجتي من البلد على اي جهنم والله لاأورطك بقضيه منتي قدهااا _ مد يدو _ اددديني رقمو
 ام هديل خايفه على نفسها : اسسمع والله ماعاد حجـي ولا حشوف هديل بس دخيلك لات
 بشاار رفع صووته : بقوولك هاتي رقمو 
 فزت بفجعه ويدها تتنافض تفتح الشنطه وترجع تطآلع فيه وتبكي : طيب حديك بس لاتدخلني بينكم 
 بشار ولا علـق وملامحه فاجعتها رخت عينها على طول وبتدور جوالها باارتباك فكتو وهوا اخد الرقم واداها الجوال : عندك 24 سـآعه
 ام هديل بترجي : فين تباني ارووح وانا بدا العمر 
 بشار : مو مشكلتي انا ايش قلت لسسسعيد .؟!! اتوقع قلك كلامي ..قلك إنو لو فكرتي بس تقربي منها ايش حيسرلك 
 ام هديل اشرت على نفسها باانهيار : انا ماجيت أأذيها انا جيت احذركم من دا الرجآل
 بشار ضحك بنرفززه وهوا نفسو يدها ككككف : إنتتي جيتي تطلبي فلووس ... مجنونه إنتي ولا مو بعقلك !!!
كآنت بتهرج الا صرخ عليها : خلاااص امشي 
 ام هديل : الله يسعدك الله 
 وانكتمت لما ججا قبااالها وقال بعصبيـه تفججع : إإإإنتي ماتعرفييني عندك حلين ياتقعععدي وتعيشي طول عمرك بالسجن ياتسيبي البلللد اختآآآري واحد منهم وإللي خلقني ماعندك حل غيرهم وإلللي خلقني ماحتعيشي حياة تالته _ ومشيت لما اشرلها على المصاعد _ روووحي من هنآآآ قبل لاأأبلغ عنك 
 مشيت بكل تشتت 
 دا اللي ينحشر بين عيله الرآيد يسير لعبه بيدهم 
 جلال عاارف انها ماحتسوي كلامـه 
 وعارف بشار مو غبي وحيفهم ايش يبا 
 حرق قلبـه في البنت اللي يحبها 
 وهوا حاتط رجل على رجـل في الاجوااء الجميلـه ..
وبنسبه له دي البدايه لكن بنسبه لبشار دي نهآيه جلال ..
ماقدر يروح لهديــل 
 اتوجه لغرفتـه واتصل على طول على الرقم 
 ووصلـته ضحكت جلال ..بيحاول يتمآلك نفسـه بيحاول مايخلي جلال ينبسط بللي سوآه ..
بس لو نبرة صوتـه قدر يكذب فيها انفآسه السريعه الشي الوحيد اللي مايقدر يتحكم فيـها ..
 : هلاااا والله بولد أخويآ 
: والله .... والله يا
 جلال قاطعه وهوا يتكلم بحزن : بشوويش على نفسك برضو مابى يسرلك شي تهمني صحتك
 بشااار ولللع منـه : لو تشرد لأخر الدنيآ محد حيرحمك ...محد حيرحمك مني 
 جلال : اوووه تفكر تقتلني زي ماقتلت ابوك ؟ تبا تخلص على عيله الرآيد 
 بشار حقققققد : زي ماصرخت غآليه ....وهيا تبا احد يرحمها من عمي جآبر حخليك تصررخ 
 جلال : دا كلو عشان المحروسه حقتك زعلت _ ضحك _ ضميرك ماأنبك لما قتلت غآليه ..ماأنبك لما جابر انسجن بسبب كلامك وانقتل هنآك برضو يعني انتا السبب ..ودحين ابووك ..وكمممان تبا تلحق ورايا ..اهنييييك ياحفيد الرآيد 
 بشار بلع ريقـه بيحاول مايهزه بكلامه : دا كلو بسببك مو بسببي أنا إللي كنت بينكم بس والله لاتندم والله لاأخد بحق عمي جآبر وحقي منك 
 جلال : لو إنك رجآل اوصلي .. ولو أنا قد كلامي والله حتشوف هديل مرميه قدآمك ف يوم زي غآليه 
 اسسسسسمها بس اتنطططق على لسانه جننه وهنـآ جلال قفـل
 وبشار رمــآ جوآله باأقوى ماعنده على الجدااار 
 حريييقه 
 حرييييقه جوته 
 مو قادر يروح لهديل وامـه 
 يدور بالغرفـه وكل اللي يعرفه جلال ماحيعيش الا وهوا مذلول 
 كل شي بدأ من جلال بدأ بعلاقته مع غآليه وبدأت معاناة بشـآر 
 هددديل خط احممر ..هديــل الشي اللي مخليه يمشي بعقلـه حآليا 
 وجلال بدأ يستغل دي النقطـه ..

امـآ عندامـه وهديل ..
ام بشـآر جلست جمبـها حطت يدها على ظهرها 
 حاولت تكلمها 
 حاولت تهديها 
 لكن هديل لما توصـل لدي المرحله ماتستوعب شي 
 شي واحد عارفته تبا روآآن 
 وقـآمت بتشتت
 وجهها محمـر 
 دموعها على خدها 
 مشيت بخطوآت مهزوزه
 اتوجهت للسـرير بكل انكسار وانسدحت وهيا تشرد من كل شي 
 سريرها اللي متحمل دموعها دي الفتره 
 سريرها اللي احن عليها من امها ..
حااسه بضعف مو طبيعي ..صوت بكآها خف 
 شهقات خفيفه بتطلـع منها ورجعت لحآله الصمت 
 ام بشار واقفه عند باب الغرفـه ومو قادره تدخلها 
 واول ماشافت بشار اتوجهتلـه : ايش فيييه !
بشار بتشتت يدور على هديل : فينها 
 ام بشار : دخلت تنسدح
 نفسسه يدخلهاااا 
 مرر لسانه على شفايفه : خليكي معاها 
 امـه : فهمنني دحين ايش الموضوع ايش تبا دي وبتطالب كمان بفلوس
 بشـآر مرا خاف انه امه تفهم هديل غلـط 
 مسكها بعيد عن غرفه هديل 
 وقلها كــل شي عن هديل 
 من يوم ماتباعت 
 لين ماوصلت لأمها 
 وغصبتها تشتغل معاها في الكباريه 
 وعرفت انو باعتها امها عشآن واحد 
 تفاصيل التفاصيـل 
 بس عشآن لاتتوقع انو هديل ممكن تطمع بفلوسـه 
 ام بشار شهقه خرجت لما قلها انو باعتها عشان واحد حبتو ..ووسعت عينها بصدمه وهوا يقولها 
 هديل كآنت بتهددها وبتنتحر .. 
قلبها يدق بجننننون 
 ايش البنآت دول اتحملو بحياتهم ..!!!
اب جبرووت تسمع كتيـر 
 بس ام ..!؟!!
الأم مافي احن منها .؟!!
كيف طاوعها قلبها 
 وجآتها الصدمـه لما قلها مرسوله من جلال ويبا ياخد بحق غاليه
: نننعم !!!!
بشار : أمي ماباكم تخرجو مكآن دي الفتره
 امه تطالع بتشتت حولينها ويدها على قلبها : حسبيه الله عليه ايش بوو دا اتجنن 
 بشار : من يومـه دا جلال انتو اللي ماكنتو تعرفوه
 امـه ماقدرت توقف اكتر جلست ويدها تمررها على ركبها : حسبيه الله عليه كل شي سار بسببه وبيقلب الموضوع عليك الله ينتقم منـه الله يحرق قلببه 
 بشار ساند جسمه على الجدار وعينه على الغرفـه اللي فيها هديل ...
امـه تتكلم بعدم استيعاب وهوا شكل هديل برااسه وكلام جلاللل

 في حـآله تآنيه مو أحسن منها ..
الجنون هوا انسب حل عشان تخرج بنتها من دي الفوضى ..
تعبت كتتتتير عشان تآخدها بحضنها بس ماحتاخدها وهيا بدون روح 
 لو الموضوع يطلب طلاقها من محمد 
 لو يطلب اخوانها يقاطعوها 
 حتسويه دام بنتها عندها
 يدها تتنافض وماسكه الجوال
 مرحله ام مجنونه حتضحي باأي شي ..
دقت على الرقم الاخير وهوا املها ...
وكم رنـه وسمعت اسم : روووان 


 اما الطرف التآني .
مسدوح على سريره .. بعد عزيمه ترف كلهم حاولو بقدر الامكآن يكونو طبيعين 
 حآولو مايبينو انو دي اول مرا يتلمو كدا ..
صح جات عليهم بفايده والجلسه عفويه وانبسطو فيها .. بس في البدايه الموضوع يوتر
 وســآمي ..! الفجعه اللي سارت بنهايه ..
اتنهد بضيـق ..حط يده تحت راسه ورفع جوآله 
 وفتح صوره روآن بعد المحكمه ..
دار جسمه لليمين وغير لصوره تآنيه لها
 مو قادر يستوعب انو مرت خمسه ايام مايكلمها ..
اشتقلها ..
يبا بس يسمع صوتها لو هيا طيبه ولا لا
 هيا مبسوطه عند امها .؟
 اكيـد دام امها طيبه حتقدر تعوضها !
بس لمتى حتختفي ..
ومن بين كل الافكااار طااح قلبه لما دق جوآله بااسمها 
 جلس باإرتباك ورد بدون تفكير : رووان !
امها زاد ارتباكها قالت : مين معايا ؟
 تامر اتوتتتر مابين انو يتكلم ولا يسكت 
 لحظه صمت كآنت بنسبه لأم روآن طويله عشان تعلق تآني : الو ؟
 تآمر لحظظه صعبببه انو يتخد قراره ويقول هوآ مين 
 بيحاول يكون طبيعي 
 هيا اللي متصله ! : إنتي مين ؟!
 : انا ام سميـه _ قالت زيهم وصوتها مهزوز _ قصدي ام روآن 
 تآمر حس باارتباكها: طيب ؟!
دلال مالاحظت انو قلب الموضوع عشان مايقول هوا مين : اسمعني لو إنتا تعرف بشار ولا احد من اهلها خليه يكلمني ضروري الله يخليك ..
تآمر قلبه يدق بسسرعه : وليش مابتكلميهم إنتي
 دلال : محد بيرد عليا وسميه تعبانه مو عارفه اتصرف معاها 
 تآمر ضاع الكلام منـه 
 اتصال امها عدم اهتمامها مين بتكلم 
 ارتباكها ورجفه صوتها واضح انو الموضوع مو طبيعي 
 جمله سميه تعبانه خلت فوووضى جوته 
 فتح فمو بيهرج بس ماعرف ايش يقول 
 مرر لسانه على شفايفه ..: طيب ..لو تحتاجي اي شي انا في الخدمه ماحقصر 
 ام روآن مشيت خطوتين وطالعت في بنتها من بعيد 
 قلبها يدق بجنننون رجعت تآني للغرفه وتهرج بصوتها الواطي :كل الي احتاجه سياره لو تقدر تدبرلي سياره تجي تاخدنا حكون شاكره وماحنسالك جميلك
 تآمر لحظات صمت وبعدها بعد اللحاف عن جسمو قال بتردد : طيب اديني العنوآن 
 ام سميه : تعرف احد ممكن يودينا عند اخوها 
 تآمر : ايوا انا ممكن اوصلكم 
 ام سميه : إنتا مين .؟
 تآمر : انا اعرف عمها جميل 
 هنا هوآ صادق بس ليش رقمو بجوآل روآن خلاص مو لازم تعرف 
 وفعلا ماهتمـت تسئل اسم جميـل خلاها تحس بالأمآن
 وأدتو المكآن وانفجع لما عرف المسافه حتآخد 4 سآعات 
 تباه يوصل قبل الفجر 
 ويوقف سيارته بعيد وهمآ يجوه 
 لو دخل للمنطقه حيكون شكلو شبهه 

 قفلت ام روآن ... ودخلت في دوآمه بكى 
 اتوجهت للحمآم واتوضت 
 ولبست مسفع الصلاه ودخلت غرفتها تستخير وتدععي وتبكي 
 دعيـــت من قلبها 
 بكيييت من قلبـها 
 الكل حيوقف ضدها لو عرفه انها راحت بدون رضى زوجها 
 عارفه اخوانها حيزعلو .. بس يزعلو منها ولا يوقفو معاها وتضيع مستقبلهم وعيالهم 

 جهزت شنطتها ..لحظـآت توتتتتتر
 لحظـآت بنسبه لدلال مجنووونه 
 تمسك كل شي بيد تتنافض 
 توودددع كل حآجه ف بيتها 
 حترجع هنـآ تآني .؟!
ولا ماحتقدر ترجع بسبب الجرأه اللي حتسويها 
 بنتها ولا زوجها ..؟
 بنتها بدووون تفكير ..
تكمل تجهيزز وكل اللي بتردده 
" ياااربي انا في قمة ضعفي وفي عز احتياجي فكن معي ياألله "


تـآمر خرج من البيت ومحد يدري عنـه 
 جنآآآآآن 
 دا اللي وصلتـه روآن مو بس هوآ حتى امها بتمر بنفس وضعه ..
قبل فتتتره كآن تآمر شخص ودي الفتره شخص تآني
 هوا مو عارف نفسـه 
 هوا بينتقد تصرفاته 
 عارف انو بيتجاوز حدوده 
 بس مو قاااادر 
 مو قادر يفكر بعقل 
 بيتصررف وبـس
 بيندفع للموقف 
 عشان عينـه مشتاقه لها 
 عشان عقلـه تعععب من التفكير فيها 
 عشان قلبه يبا يرتآآآح ويحس بوجودها جمبـه
 عشــآن كل شي فيـه يباآهآ وخلاص
4 سـآعات وهوا مو مشغل اي صووت 
 بس الاصوات اللي وسط راسـه 
 التناقضات اللي بيعيشها مخليته مايحس بالوقت 
 وبس بدأ يقررب بدأ يشوف المخرج واللوحه اللي قالتله عليه 
 كل شي وسط عقلــه وقففففف
 خلااااص ماسار يفكر بشي
 وقف السياره على جنب 
 ورفع جوآله واتصل ..وبس قالتله اديني شوية وقت واكون عندك 
 هنـآ خلاااااااااااص بدأ التوتتتر 
 السياره بااااارده بس جسمه يحسو حاار
 فتح ياقة التوب من فووق واخد نفسه بصوت مسموع 
 يطآلع بالمرآيه كل شويـآ
 توتر 
 توتر 
 تووووتر مابعده توووتر
 مرآ اتأخرو .. وفتح باب السياره 
 المكآن يفججججع 
 لو مو منور المكآن بسيارته مآكآن شاف شي 
 وبدأ يوسوس ..
لايكون ساير شي 
 لايكون احد عرف بعلاقته معاها 
 يطآلع في اللوحه ويتأكد من الكلمه ايوا نفسس كلامها ..

 اكثر النآس حزنا هم اللذين لايعرفون ماذا يريدون ..
عند دلال حطت شنطتها عند الباب طفت للمبآت البيت وجات للصآله 
 لبست طرحتها على لبسها المحشم وتنورتها الطويله وبلوزتها الفضفاضه ...

واتوجهت لروآن اللي نآيمه على الكنبه في مكآن صغغير جدآ ..
حتى نومتها مو مريحه وماتمد جسمها ..
نادتها بصوت رآخي : سميـه ... سممميـه
 فتحت عينها .. ورمشت بهدوء 
 ابتسمت دلال باإرهاق : قومي اجلسي 
 بصوت يادوب طلـع : ابا انآم
: حتنآمي بس خلينا نخرج من البيت
 روآن عقدت حوآجبها مو مستوعبـه
 بس جلست لما دلال مسكت يدها ورفعتها 
 دلال : لازم نخرج من البيت ..مانقدر نقعد هنآ طيب ؟؟
 حتعارض ..؟
 حتتناقش ..؟
 هيا جايه هنآ وخلاص سايره زي الميته
 ايش ماحتقولهها امها حتسويه من التعب
 اشرت باإيجاآب 
 ودلال رجعت مسكت يدها : قومي يلا
 وقفت روآن وبيدها التآنيه مسكت دلال 
 دااايخه مافيها حيل تمشي
 دلال بس طالعت فيها وماتكلمت 
 عيونها وهيا تتأمل بنتها لوحدها ألم ..
قومتها وخلتها تلبس جزمتها وقفلت اخر شي قبـل لاتخرج 
 انوار الصآلــه 
 فتحت باب البيت وطالعت يمين ويسـآر 
 الدنيآ فاااضيه 
 أصوات كلاب دا الشي الوحيد اللي تسمعه مسكت يد بنتها وخرجتها وقفلت الباب 
 وهنآ روآن اتكلمت : فين رايحين
 دلال ماتبا تقولها : امشي ياقلبي
 ومشيت ومشيــت لأول مرا دلال تخرج بدا الوقت 
 وكل شويا روآن توقف من التعب 
 جسمها مافيه طآقه عشان تمشي كتيـر
 ودلال كل شويا تترجاها تمشي 
 لين مابدأو يمشي بطرقـآت مافيها اي بيوت ..
روآن : فين تبينا نروح 
 دلال : السياره مستنيتنا خلاص الله يسعدك امشي وانا افهمك 
 روآن بدات ماترتاح بس خلاص ممممشيت كتتتير 
 وتحس قلبها حيوقف من التعب
 وجهها مصففر 
 بتضغط على نفسها بشكل مو طبيعي 
 ووقفت 
 وقفت وتحس قلبها حيوقف معاها 
 سيااارة تآمر 
 جسم تآمر 
 مو شايفه شكلو بس متأكده انو هوآ 
 وتآمر اول ماحس باأصوات وراه دار جسمـه ووضعه مو احسن منها
 مو شااااايف ملامممح مو شاايف شكلها بس عارف انو همآ
 هيا شايفته بسبب انوار السياره القريبه منـه
 دلال حاولت تمسكها الا رجعت روآن سحبت يدها وعينها على تآمر
: فين حنروح 
 امها بضعف : ماتبي تشوفي هديل ؟
 روآن نزلت دموعها وبعدت عن امها فين بتمشي مو عارفه 
 دلال : سممميه 
 سابت شنطها واكياسها وبتحاول تلحقها 
 روآن اكتتتر انسانه مو عارفه ايش تبا 
 بس لما شافت تامر تحس زي المويا البارده اللي انكبت عليها وفوقتها
 مششييت بعشوائيـه بس دموعها مو مخليتها تشوف شي 
 وبسبب الارض اللي مو مستويـه طاحت في الارض 
 وماوقفت 
 استسلمت للبكى وخلااااص
 امها جآتها بخطواتها السريعه نزلت لسمتواها وتتكلم بكل ترجي : لاتوجعيلي قلبي انا عارفه انتي ايش تبي لين متى حتشردي ..عارفه انك ماتبيني والله عارفه
 روان تسمعلها وتببكي زيااده 
 امها مسكتها : قوومي الله يخليكي

 تآمر طيحتها في الارض خلتو يقدم خطوى ويرجع يوقف فمكآنه
 ماقدر يتعدى حدوده اكتر من كدا
 ووصلـه صوت بكآها وبرضو مو قادر يتحرك 
 مو عارف ايش بيقولو 
 بس كآنت دقآيق وروآن وقفت بمساعدة امها 
 وجو بااتجاهه وروان مابتطالع حتى فيـه
 مميله جسمها على امها وبتمشي بسبب حركه دلال 
 ووصلـو لعنده وهنآ شاف وجهها 
 مو روآن اللي يعرفها 
 وحده بدون روح وبـس 
 للحظه ماقدر ينزل عينه من عليها واتشتت لما حس بنظره دلال عليه 
 اشرلها تركب السياره 
 وهيا فتحت الباب ودخلت روآن وقفلـته وسارت واقفه قبآله : انا اسفه حنتعبك 
 تآمر بلع ريقـه عشان يقدر يتكلم : مافيها اي تعب 
 دلال كآنت حتروح تجيب اغراضها الا هوا استوعب وقلها اركبي
 وراح اخد الاغراض وحطهاركب سيارته 
 ورفع عدسه عينه على المرايه ماقدر مايطالع فيها 
 ورجع طالع في الطريق .. 
وحرك السيـآره 
 امـآ دلال مسكت روآن : انسدحي ونآمي
 على طول انسدحت على فخد دلال عشان تشرد من تآمر
 مو قادره تطآآلع فيييه مررا 
 ليش مو عارفه 
 بس ريحه السياره تذكره فيه كل ماتحضنه
 غمضت عينها وكآن المهدئ بنسبه لها ريحة عطرو ..
امآ هوآ عكسها مآكآن الموضوع فيه اي مهدئ بنسبه له 
 ايش سررلها خلال دا الاسبوع عشان يكون شكلها كدا
 كآن متوقع انها مرتاحه عند امها
 شردت من الكل عشان تريح راسها 
 بس مو عشآن تسوي بنفسها كدا ..!!!
حاسس بغصه خاااااااااااانقتتته
 والصممت هوا سيد الموقف ...
الطريـق طويـل ..
ودلال بعد ساعه باارهاق نآمت ويدها على راس بنتها ..
كآن حيوقف يشتريلهم اي شي بس شايفهم نايمين فاكمل طريقه وبس ..
وعدت سـآعه تآنيه وصحيت دلال شافت روآن مغمضه عينها
 كآنت صاحيه بس ماتبى ترفع جسمها 
 رفعت عدسه عينها على تآمر وقالت باارهاق : الله يديك العافيـه
: الله يعافيكي .. تبوني اوقف اجبلكم شي ؟
 دلال رخت راسها لروآن : سميـه .. تبي مويآ
 صاحيه ردت على طول بدون ماتفتح عينها :لا
 رفعت راسها وطالعت في تآمر : تسلم 
 إنهم يسمعو اصوات بعض ..انهم بنفس المكآن ومايتكلمو 
 كآن موقف جدآ غريب .. ورجع الصمت وعدت السآعتين ..
تآمر بدون مايسئل وصلها للمكآن اللي يعرف انو روآن هنآك عايشتـه 
 دلال اول ماوقف السياره قالتله باستغراب : هنآ ؟
 روآن رفعت جسمها وطالعت في المكآن وبعدها ف تآمر 
 حركت عدسه عينها بتشتت عنه : ايوا
 تآمر فتح الشنطه وكآن نازل الا دلال نزلت بتجيب الاشياء من ورا 
 يبا ينزل يساعدها بس ماقدر مايتكلم : روآآن 
 روآن ماسكه الباب وبتنزل الا طالعت فيه : ها
 تآمر : طمنيني عليكي 
 دي الجمله اللي خرجت من بين الف شي يبا يقولو 
 ليش ماكلمتيني 
 ليش قفلتي جوالك 
 ايش سويتي بنفسك 
 ليش تبي تعذبيني معاكي 
 ليش مو راضيه ترحمي نفسك 
 بس وجود امها مو مخليه يقول غير ا لضي اللي حيريح قلبه حاليا انو يطمن عليها 
 حركت راسها وننزلت من السياره 
 قفلت الباب ومو عارفه احساسها حاليا 
 تآآآمر
 ودحين هديل وبشار 
 بس تباااهم 
 عارفه انها تباهم ..



امـآ فوق ..بشار جالس مع امـه وهديل في الغرفـه لوحدها 
: امي ادخلي اتطمني عليها 
 ام بشار : يابشار البنت نايمه
: طيب افرضي صحيت !
ام بشار وسعت عينها : دوبني قبل خمسه دقايق دخلتلها 
 بشار بدأ يحرك رجوله بنرفزه امه فيه مو مخليته يقدر يسوي شي 
: روح غرفتك
: حقعد معاكي 
 ام بشار : على اساس مو فاهمه انتا ليش جالس هنآ
 بشار قام بنرفزه واتوجه للباب فكــو وخرج 
 مخنننننووووق 
 عارف باإيش تممر وامه مستحيل تقدر تعوضها ..راح لغرفته كآن حيدخل بس ماقدر
 حيتجنن لو جلس هنآك وهوا عارف طبعها
 عارف انها كآنت حتنتحر
 صح صدمه اول ماتتقارن بدحين بس برضو مو قادر 
 رجعع تآني ووقف قبآل الباب ..سمع صوت المصعد 
 ولسـآته في افكآره 
 ايش حيقول لأمه عشان يرتاح قلبـه 
 اتنهد من قلبـه " فينك يااسميه ."
بجدددد يحس انو محتآآجها حآليا 
 رفع يده بيدق الباب ودار راسه لاشعوريا لما سمع صوت ام سميه وهيا تكلم 
 وارتخت يده اول ماشاف سميـه 
 فججججعه بجددد
 فجأه طلعت بوجهه وهوا كآن يتمنى وجودها 
 دار جسمـه ومو مستوعب كيف شكلها متغير 
 عقد حوآجبـه ومشي بخطوآت هاديـه باإتجاههم 
 وروآن اول ماشافته وقفت مشــي 
 لحظظظظه 

 الشعور اللي حسته لما شافت تآآمر
 غييير
 ولما شافت بشار حاليا غيـر ..
ماقدرت توقف مشيت بخطوآتها اللي بالقوه ساندتها
 واول ماوصلتله حضننننته ورجعت تنفجر للمره الألـف
 فجعتتتته 
 كلهم يحسبو انها راحت تصفي ذهنها
 محد كآن متخيل انو حيشوفها كدا
 عينه على دلال اللي واضح عليها الارهاض
 ورجع رخى رااسه ورفع يده حولينها : سميه ايش بك
 ماتكلمت بككككيت وبكيت وهوا ماسكها 
 لو يدري بس انها بتعاني هنآك ماكآن سابها دقيقه 
 للحظه سار متوقع انو فيه حاجه 
 مستححححيل شكلها كدا بدون سبب
 ماقدر يربط المواضيع وبسبب المصايب اللي بتسرله خلاص حسب انو سار شي جديد
 بعدت عنو وقالت بصعوبه بين شهقاتها : فين هديـل
: فغرفتها _ ساتتوعب _ تعالي 
 ماسئلها وماقدر يقولها على هديل 
 عمرو ماشاف سميـه كدا ..
اتوجه للباب ودقـو وامها دقيقه وفكت بنرفزه الا لانت ملامحها اول ماشافت سميه 
 زيهم كلهم مفجوعه وبس 
 بشار على طول اتكلم : بتشوف هديل 
 امه بعدت عن الباب وفكتـه وهوا حاتط يدو على ظهر سميـه ودلال وراهم
 دخلت دلال ومدت يدها بس لأم بشار وسلمت 
 وهوا وقف عند باب الغرفـه ودخلت روآن وقفل الباب عليـهم 
 كآآآنت لحظظه محد حيفهمها
 لحظه انفجآر 
 لحظه كل وحده عرفت ايش تعني للتآنيه 
 بس قالت هديل هديل رفعت جسمها على طول 
 نفس روان ماكانت نايمه طول الوقت بس مو لاقيه احد 
 جلست 
 وروان ااتوجهت لناحيتها جلست عى السرير وحضنتها 
 وكل وحده بكككيت على نفسها 
 وعلى حظها 
 وعلى قسمتها بدي الدنيآ ...
فين كآآآنو 
 وفين سااارو 
 رضيـو بالقليل 
 اشتاقو للحاره 
 اشتاقو للشحته 
 اشتاقو للمواضيع اللي كآنت تذلهم 
 بس حيرضو بالذل بدل الوجـع دا
 لا لا دا مو وجـــع 
 دا شي قتتتتلهم 
 دا شي مالو اســم 
 دا ألم مايقدرو يقولو لفين حدوده 
 سميه تبا نفسـها الصغيره اللي كآنت تسرق
 اللي كآنت تضحك 
 اللي كآنت تهتم بالاطفال كلهم 
 وتنسى نفسها 
 ماتهتم بمشاعرها وايش تبا هيا 
 همها الكل وهيا اخر شي 
 همها ديك ماتنآم مقهوره 
 ديك ماتزعل 
 طيب ديك فيه احد قهرها 
 وتروح تاخد بحقها حتى لو حتنضرب
 تبا سميـه اللي تبكي شويا بس ساعه وتنسى كل حاجه وتضحك 
 تبا سميـه اللي مافكرت ايش يعني اهل 
 ماتعرف معنى اب وام واهل 
 تبا سميـه اللي تفكر كيف بكرا حتجيب فلوس 
 وفين ممكن تشتغل
 اشياء كتتير اتغيرت ويـآريت ترجع 
 هديــل نفس الشي ..
لو ندمآنه حتندم على انها كذبت على روآن وخرجتها من عند جآسم 
 راضيه انها تعيش بكذبه طول عمرها 
 وإنو امها تباها 
 راضيه بالحلم اللي رسمتو ويكون حللللم وردي 
 يكون شي او ل ماتفتح عينها تبتسم لأنو امها حضنتها بحلمها
 لأنو امها عبتلها فطورها 
 ويكون يومها كلو حلللو لو روان تصرخ عليها لبكرا تروح تحضنها وماتهتم لصوتها العالي
 ويجي تآني يوم تصحى منكده ودمعتها بعينها ماحلمت بصوت امها ماحلمت انها اهتمت فيها 
 وتروح تحضن روآن عشان تقدر تكمل يومها 
 بنت احلامها كلها على انسآنه 
 وطلللعت جبروووووووت ماعندها قلللب 
 مآفي عقل انسان يقدر يستوعب طبايع امها 
 كيف عقلها وقلبها يخليها تستوعب ..


خـآرج الغرفه اول ماقفل الباب اتوجه لدلال وعينه على عفشها وبعدين اتنقلت عليها 
 قال بعدم ااستيعاب : ايش سار
 دلال ماصددددقت تلقى احد ممكن يساعدها
 على طول نزلت دموعها وقالت بتعب : مو قادره اتعامل معاها مو قادره اسويلها شي

 ام بشار استوعبت انو دي كآنت في يوم زوجه جآسم ... 
بس مو قادره تستوعب كميه المشاكل اللي قاعده تطيح على راس ولدها 
 دوبه مخلص من ام هديل وجآته ام سميـه ..
بشار : سار شي هنآك ؟!
دلال : من يوم ماجاتني وهيا كدا .. بس بتبكي واليومين الاخيره والله ماأكلت شي مو عارفه كيف واقفه على رجلها 
 بشار مع الفجعه مو مستوعب ليش سايرلها كدا او لأنو مستحيل يجي في باله إنها تحب جاسم : طيب تعرفي ايش سرلها 
 دلال : بسبب المحآكمه اللي سارت بتقول انو هيا السبب مو قادره تستوعب انو حينعدم
 نفس تفكيـره 
 رمش بهدوءء .. قال بتشتت : طيب ..ادخلي ارتآحي
 دلال تعبببانه بشكل مو طبيعي ماصدقت جلست على الكنبه 
 وبشـآر خرج وامه وراه : بشااار 
 بشار : نعم 
 امه : فين رايح ؟
 بشار : نازل شويا تحت 
 امه : ياولدي شويا ويأذن الفجر ارحم نفسك ونآآم خلاص هديل ومعاها سميه وسميه وعندها امها 
 بشار : شوفتي انتي كيف سميه ولا لا !
امه : ايش حتسويلها يعني ؟!
بشار : ابا اعرف ايش بهاا تبيني اسيبهم واروح انام وكأنو ماشوفت شي 
 امه قربت منه ومدت يدها لكتفه : انا ماقلت كدا بس اباك ترتاح 
 بشار : حرتاح لما اعرف ايش بها _ اشر على المصاعد _ بنزل اقعد تحت شويا 
 ومشـي وهيا اتنهدت بضيـق ..

امـآ بشـآر 
 شكل سميــه قهرررره ..
خرج في الشـآرع ووقف في مكآنـه
 بس يبا ياخد انفاسه في مكآن وسيــع
 الضغط اللي بيعيشه فوق طآقتـه 
 هنآ هوآ لازم ينسى نفسـه شويا 
 لازم مايخلي جلال يلعب براسـه 
 لازم وجعه يكون له لنفسـه 
 سميـه وهديل محتآجينو .. ماحيكون ضعيـف 

 ومــر يوميــن ... 

روآن ...
ضعفـــت وعرفت انو قوتي هديل ..
هيا اضعف مني بس دايما استمد قوتي من ضعفها 
 اول سـآعه شوفت فيها هديل كآن كلو بكـى 
 اشتكيت وقلت اللي بنفسي ومن زمآن ماشتكيلها 
 وصدمتني لما عرفت انو امها جات 
 حسييييت بقيمه دلااااال هيا تكلمني 
 وانا افكر دا الاسبوع كلو كيف عاشت معايا 
 مدري ليش حسيت لما شوفت تآمر وبشار وهديل كأني فجأه فوقت 
 كأني كنت في غيبوبه وبسوي شي مو حآسه فيه 
 بزبط بشار بعدها دق الباب علينا
 امه راحت وبقيت دلال بس 
 شكلو عرف منها إني ماباكل جا وجايبلي اكل 
 قلتلو مآبى بس بصوت فجعني وكأنو مابيخريني قلي كلي 
 نفسي مسدوده حسيت انو ريحة الاكل قلبتلي معدتي 
 اكلت لقمتين وقلتلو مو قادره اكمـل ..
وهنآ راح جبلي عصير طبيعي 
 كان يديني وكل شويا عينـو تجي على هديل 
 حاسته مشتت بيني وبينها 
 شربت شويا من العصير وجلس على السرير 
 قال كلام متأكده انو بنصبر نفسنا فيـه 
 كلام من ورا قلبنا بس لازم نقتنع فيه عشان نقدر نكمل
 قال انو جآسم جاب كل شي لنفسه ..إحنا مالنا صلاح 
 لو مآكآن بسببنا كآن بسبب اي احد غيرنآ
 كلاااام كتير عارفه انو كداب فيـه 
 بس سمعتـو .. خرجت من الغرفه ولقيت دلال نايمه على الكنبه 
 لأول مرا احس قلبي وجعني عليها 
 تعبببببت تعبببت بشكل مو طبيعي 
 لدحين مو مستوعبه ايش جاب تآمر وليش خرجنا بنص الليل بداك الشكل
 قلتلها تقوم ودخلتها غرفتها 
 ابتسمت من بين تعبها لما شافتني 
 ونآمت ..وكنت برجع لهديل بس وقفت لما شوفت بشار قاعد جمبها 
 وكأنه ماصدق يلقى وقت معاها 
 حاضنها وبيقولها إنه محد حيقرب منها 
 محد حيقدر يأذيها
 قلها انو امك حتسافر ومستحيل حتوقف في وجهك بيوم ..
سبتو ممعـآهآ
 نومنـآ الصبآح كدا جلسنا التلاته 
 محد عندو كلام 
 هديل شويا تجيني وتحضني وتقعد عندي 
 شويا تروح لبشار ..
بشار كل مايطالع فيها يهزأني على شكلي ولأني ماتصلت عليـه 
 عارفه انو زعلان وحآقد كمآن بس غصبا عني ..
اضطر يقوم ويروح لأمـه .. 
وانا نومت بالغرفه مع هديـل 
 والشي اللي مخليني انآم معاها لأنها ماسكتني ..
مدري ليش حآسه انو الغرفه التآنيه حرتاح فيها اكتر 
 ليا اسبوع انام مع دلال ليا اسبوع فجأه القاها حاضنتني 
 وكآن مرا شي حلو ..



هديـل ..
يوميـن ولو روان وبشار مو فيـه مدري ايش كآن سرلي
 مكسوفه من ام بشار انها عرفت قد ايش امي رخصت فيا 
 دا الشي مرا كاسرني.. شوفتها مرا بس سئلتني كيفك وقلتلها تمآم وانتهى الكلام
 دلال لها يومين معانا وفي الغرفه التآنيه بشار وامه 
 كلهم اطيب من بعض 
 يمكن مو ملاحظين بس انا اطالع في دلال كل ماتتكلم روان اشوفها قد ايش تهتم فيها 
 بشوف ام بشار كيف مهوسه بصحه ولدها بشوفها كيف لما ماتلقاه تدق على طول وتسئل فينو ..
مبسوطه لهم بس دا الشي يوجعني 
 اتمنى بعض الاحيان وحده فيهم تكون ماما 
 لو ليوم 
 لو ليوم القى اهتمام بس 
 روآن اتعدلت باإسلوبها مع امها لكن برضو فيه حدوود
 يعني مو طبيعيه معاها 

 بشـآر ..
أمي طفشت مني رايح جاي على عند هديل وسميه 
 سمعتها امس تتكلم مع عمي وقالتلو على وضعي ووضع هديل ..
الصدمه مو هنآ الصدمه لما قالتلو اباه اليوم قبل بكرا يملك عليهاا
 خلتني اضحك بعز اللي فيا خلاص غسلت يدها مني 
 عايشه متوتره بسبب حركاتي 
 يخخي ايش اسوي ماعرف اسوي نفسي مستحي
 لما تجيب سيره هديل يعني ارمي كلامي على بلاطه وهيا تنفجع 
 خلاص هيا فاهمه نستهبل ليش على بعض
 عارفه انو بحضن هديل وبمسك يدها
 دا بس اللي بسويه .!!
انا حاسس نفسي محترم 
 ليش مصره تطلعني قليل ادب 
 مو قادر اتناقش معاها لأنها تعصب بس دوبها عصبت وقالتلي والله 
 بكرا تملك عليها 
 انا مو عارف هيا بتعاقبني كدا ولا ايش الهرجه !!
لو بيدي ابا اليوم قبل بكرا بس لسى عمي جميل بيشوف هرجه هديل كيف ممكن اعقد عليها 
 بدون ولي أمر ... اول ماحيتم حنملك ...تتخيلو إنو المضاربه دي كلها وهديل ماتدري عنها
 متخيل بس اللحظه اللي اقولها يلا احس إني حضحك كتير احب ملامح وجهها لما تنفجع..
سميـه بدأت نفسيتها تتعدل بجبلها كل وجبـه وهديل تغصبها تآكل
 صح مارجعت زي اول بس برضو احسن من اول يوم ..


تآمر .. 
بس وصلت روآن والنوم ماجآني روحت لدوآمي وانا مواصل ..
ورجعت ولمى عندها اغراض لازم اوديها السوق ..
يوم مرررررهق بشكل مو طبيعي دوبني كنت حنآم الا جآني اتصال منها
 اشتتتتتتتتتتتقت لصوووتها
 قالتلي انا طيبه 
 قالتلي معليش لأني ماكلمتك 
 ووماقدرنا نتكلم اكتر بسبب امها بس ارتتتتتحتتت مرا ارتحت لأني سمعت صوتها 
 نومت وانا مرتآآآح 
 وكلمتني اليوم التاني نفس الشي دقيقتين ..وماقدرت تطول بس برضو صوتها مرا كآن احسن
 المصيبه لما امي قالتلي اديني رقم ام روآن !!!!!!!
فجاه تميم حط رجل على رجل وابتسم 
 حقييييييييييير يستمتع بدي اللحظات 
 احسو يطالع وكأنو يقول ايوا هااا ايش الكدبه الجديده
 قلتلها انهم بالقريـه وروآن مع امها وماحيقدرو يجو .. 
ومشي الموضوع بسلامه واول ماقامت امي ..تميم دخل يدو في فمو وصفر بتشجيع 
 نجس دا الادمي الموضوع مرا ساير مستفزني 
 لدرجه بعض الاحيان لما يكون طفشان ومسرح يدير على امي ويفتح سيرة زوآجي
 كأنو يبا يخرج من موووود خطوبته اللي اتفركشت على حساب اهههلي 
 اكون في حال سبيلي اشرب مويا ولا باكل 
 وفجاه يجيني سؤاااال ينشف دممي
 احسو زي اللغم في البيت اول ماشوفو اشرد منـو 
 بس اللي يخليني ماتضارب معاه واخد الموضوع بجديه واكبر الهرجه 
 لأني شايفه مكسور .. عارف قد ايش كآن يتمنى دي البنت 
 عارف انو ماغلط واتقدملها على طول .. بس كل شي انقلب ضده 

 ترف ..
يومين مرت وانا لساتي انام مع سآمي 
 اصعب يومين مرت عليـا 
 قلت لسامي انو حنوديه عند دكتور واول ماعرف سار يبكي 
 ويقولي انا مو مجنننون 
 حاولت افهمه بس ماقدرت عليه اول ماقلي انتي اصلا ماتبيني 
 قفلت الموضوع عشان نفسيته
 برااااء بيتحملني وبيتحمل سامي بيمر بظروف معانا تكسفني بس ماشتكى 
 انا اعتذرله وهوا ساير يزعل من اعتذاري ..
يقولي انا زوجك وولدك هوآ ولدي 
 كل مايقولي انو سامي ولدي احس بسعاده مو طبيعيه
 بسعاده تخليني ابا ابكي ..
بالقوه نزلت اشتري فستآن للمى وطول اليوم وانا أأمن براء على سامي يوم الفرح 
 مرا خايفه انو ماحيكون جمبي طول اليوم 
 شايله هم ومتوتره 
 اصلا خايفه من اليوم كللو كيف حشوف العيله 
 خلاااااص راااسي تتقيل ومتعبني التفكير .

تميم ..
لدحين ماأنسى جمعتنا في بيت تـرف
 قد ايش كنت بحاول اتكلم مع براء بالقوه 
 وكل مايتكلم اتخنق زيآده 
 اسلوبه فيه من رشآ مدري هوا انا اتوهم ولا خلاص لأني حاتط براسي
 بس فيه مصطلحات كتير سمعتها من رشا وبرضو منـو 
 عارف انهم كبرو مع بعض وعلى كلامها دا اخوهم بس محد كآن حاسس بللي امر فيه
 عشان امي وعشان تـرف حاولت اتغاضى عن اللي احسو 
 وبراء إنسان محترم وكل يوم بيخليني غصبا عني احترمه 
 بس بنفس الوقت غصبا عني اتذكر رشـآ لما اشوفه


 وجــآ اليـوم الموعووود ...
يوم حينتهي وكل شخص فيهم سايب اهله وبيته اللي كبر فيـه
 ويدخلو لبيتهم المشترك ..
حتبدأ حياتهم الزوجيـه هنآ
 حتبدأ لحظآت المشاركه بكل شـي
 اغراضها واغراضـه هيا اللي حتكون مشعتره بالبيت 
 مافي احد بينهم ...
على ديك المغسله محطوطه فرشه اسنانها وفرشه اسنانه 
 على داك السرير محطوط لبسها الابيض ولبسـه 
 عند الباب محطوط السليبر الوردي والسليبر الاسود الكبير
 وفي كل بقعه في البيت شي يدل على إنو دي بدايه حياتكم ..

لمى في الصـآلون لوحدها من الظهر . كأنه مو فرحها ايش مايقولوها تسوي 
 تسووويه بس 
 حاله صدمـه 
 حاله ذهوول
 واول مادق جوالها ابتسمت بخوف وردت وجاها صوتــه : اااااااايششش ب أممممو الوقت مو راضي يمشي
 ضحكككت من قللبها صاحي من 8 الصباح !!
لمى ماده يدها للحرمه وبتتكلم : عععدي ايش بك 
 عدي : خلاااص خلاااص اتنرفزت من اول الساعه 2 
لمى : حبيبي روح نآم وارتاح 
 عدي : فيه احد ينآم بدا اليوم المهم 
 لمى : ههههههههه انا والله نومت 
 عدي : انتي غير نومتي من الفجعه 
 لمى : هههههههههههههههههه ايوا 
 عدي : يااارب متى تسير 2 الليل كل ماتذكر انو باقي 12 ساعه احس انها اطول من الاسبوع اللي مر
 لمى : ههههههههههههه والله إنتا مجنووون _ اتذكرت _ ها ايش قلك الدكتور
 عدي : لسى ياهبله موعدي العصر
 لمى رفعت حاجبها : شككرا حبيبي
 عدي : ههههههههه معليش اتسرعت انا مستني بس نعيش مع بعض عشان استخدم دي المصطلحات
 لمى : هههههههههههههه والله ياويلك 
 عدي : خلاص حبيبي وقتها حتكوني متورطه وحترضي بنصيبك على الفكره انا من الناس اللي ارفس وانا نايم 
 لمى : ههههههههههههههههههه ايش شغل الحمير دا
 عدي من الصدمه ماعلق على طول وبعدها قال : حركآت سايره تسبيني
 لمى : ههههههههههه إنتا اللي بدأت
 عدي : فيه فرق لما اقولك هبله ولما اشبهك بحيوان 
 لمى : لاتقولي هبله عشان لاأشبهك بحيوآن
 عدي رفع حآجبه وقال بتشيجع مصطنع : يوووووولد والله وكبرتي ياافله انتي 
 لمى : هههههههههههههههههههه 
 عدي : مو مشكله اليوم فرحنآ ماحسوي مشكله 
 لمى : الله يديك العافيه 
 عدي : ههههههههههههههه
 لمى لما الحرمه بعدت قالت بصوت واطي : على فكره مين قال إني حنام من اول يوم جمبك 
 عدي كآن دوبو بيرمي نفسه على الكنبه بس جلس بشويش بعدم استيعاب : نعم !!! 
لمى : يعني نتعود على بعض و
 وقبل لاتكمل ضحك بككككككل حقاااااااره وقال بالمصري:زغررررطي ياإننننشراح اللي جاي اوسخ من اللي راح 
 لمى : ههههههههههههههه ايش بك 
 عدي : والله ياعمري احب اقولك مستنيتك ايام سودا ومنيله بستين نيله
 لمى : هههههههههههههه عدي ترا بجد اهرج
 عدي يتكلم معاها زي الاطفال : طيب طيب حبيبي انتي نامي على السرير وانا على الكنبه ولما نصحى نفطر مع بعض ونتفرج التلفزيون ونرجع اخر الليل كل واحد يروح ينآم في مكآآآنه وهيييييي حنعيش بسعاده كددا 
 لمى : تتريق عليا 
 عدي : هههههههههههههههههههه حمدالله استوعبتي روحي روحي اللبسي فستان فرحك بس
 لمى وسعت عينها : عدددي !
عدي : يااابت انتي تستهبلي على قفاا اهلي مسويه انك مصدومه كمآن... هيًا دحين انا حروح اشتكي لأخوانك لو قلتي شي ..اقولك انا ابا اقفل بديتي تحطمي احلامي وانا والله سعيييد وقاعد اتخيل ايش ممكن اسوي فيكي من امس 


 وفعـــلا فعلللا قفــل ..وهيا بججد بجدد كآنت تبا كل واحد ينآم في مكآن 
 حسبتو متفهم ..
ماتوقعت يتجادلو ..

اخوانها كل واحد بيجهز نفسـه ... ليث ومرته وبنته واحمد نفس الشي 


 امـآ اهل عدي او بالاخص اهل العريس دايما همآ السعيدين في الموضوع 
 إلا اهل عدي على قد مو مبسوطيـن بس محد متخيل انو عدي خلاص ماحيعيش معاهم 
 هوا نازززززل جرررري 
 وطالع جرري وصريييخ ويغني ويرقص 
 وكلهم يطالعو فيـه وحاسين انو البيت حيتغير هوا لو نكد كم يوم الكل ينكد معاه 
 ورآح عدي للحلآق واتعدل
 وذقنه اللي له اسبوعين مايمسكها زبطـها اخيرآ وخففها
 كعريس دا خلاص اكبـر همه بنفسـه ورجع البيت استحمى 

 جا المغرب والكل جآهز
 عدي لبس ثوبـه وشماغه وساعته الفضيـه 
 ودبلتـه والمشلح شاله معاه 
 ورجعت طقووس الافراح البخور والعوده 
 وسلم على امه ..وعلا اتصورت هيا ويآه 
 وكالعاده حتشارك متابعينها فرح اخوهآ .. واتوجهه لسياراتهم 
 وسياره عدي اللي مشرعه ببساطه بورود من عند الابوآب ..وفمقدمه السياره ..
وركب قبلهم وماساب لأحد مجآل يلحقه 
 كأنو لو وصل قبلهم خلاص حيشوفها 
 واول ماوقف السياره ابتسم من قلبـه مافي غير لؤي عند القاعه 
 بس فتح الباب لؤي صرخ : ياهووووووووووووووو على الععععريس
 عدي خرج : هههههههههههه ايش جابك بدري 
 لؤي : حاسس انو فرحي صاحي من الصباح 
 عدي : ههههههههه محد يفهمني غيرك 
 لؤي : فين المشلح
 عدي : في السياره لسى بدري ابا اخد راحتي 
 لؤي :طيب كيف عينك دحين 
 عدي : الحمدالله لدحين تمآم خايف من الاضوائ القويه فجأه ادمع ويحسبوني ابكي يعني هيبتي كلها حتروح 
 لؤي : ههههههههههههههههههه لاتشيل هم حبكي معاك وارقعلك 
 عدي يخبط على ظهر لؤي : يخخخي انتا مافي زيك 
 لؤي : قووول عقبااالي يارب انا واختك كل مانجي نحدد يوم الفرح تتعكس بوجهنا
 عدي : ههههههههه شكلك وسخخخ وربي بيقفلها بوجهك
 لؤي دفـه بنرفزه :اسرري ياشيخ 
 عدي : ههههههههههههههه _ رفع يده ويطالع بالوقت _ هيا دحين فجأه الوقت يعلق
 لؤي على طول بعد : انا نسسسسسسسيت القلق اللي حعيشه معاك 
 عدي : هههههههههههه للؤي تعااال ...لللللؤي _ دخل معاه القاعه ودقايق وابوه وعزآم جوه _

امـآ علا وصلت هيا وامها مع سواقـهم كل واحد راح بسيارته عشان المشاوير ..
بس وصلـو وهمآ جاهزين بفخامتـهم المعتـآده 
 دخلت علا وشايله جوالاتها الاتنين وحاطه الطرحه بااهمال على شعرها 
 والعبايـه الرمآديـه ضامتها على جسمها 
 مع الحمـآس مافسخت العبايه دخلت تتفرج على القـآعه واول ماشافتها 
 ابتسمت من قلـب
 المصممــه ابدعــت ... مارضيت تصورلها شي وقالتلها تجي بنفسك 

 تمشي في اللممر الطويـل وتطالع يمينها ويسـآر

 القاعه كاملة ملبسه بالشيفون السكري وعليه الورد منسدل بنعومه وطالع شكلو يجنن 
 الطاولات الشفافه وعليها اواني التقديم الكرستاليه 
 والشمعدانات بالون الدهبي المطفي 
 وعلى كل طاولة باقة متوسطه من ورد الجوسبيليا باللون الابيض
 مخلي المكان ينبض اناقه وجمال 
 الكراسي الخشبيه الانيقه باللون الدهبي وملفوفه عليها شرايط سكرية 
 الممرر الشفاف الطويل جوتو اضائات خفيفه 
 حولينو ع اليمين واليسار شمعدانات باللون الدهبي طبعاً 
 الكوشه عالم تاني عبارة عن اضائات دهبيه مشعتره مغطيه 
 بستان حرير طايح بكل نعومة عليه 
 انواع من الورود البيضا والخضراا منتره بطريقه جميله
 كرسي خشبي باللون الدهبي المطفي نفس درجة الشمعدانات طبعاً 
 وقدامو الطاوله السكريه عليها باقة ورد كبيره من الجوسبيليا 
 حتى العاملات بالطقم السكري 
 عبارة عن تنوره قصير وجاكيت مع ربطات دهبيه وكلهم لامين شعورهم ديل حصين 

 هنــآ هيا ارتاحت دي الحاجآت كلها هيا ماسكتها 
 راحت علقت عبآيتها بالغرفـه المخصصه لهم ورجعت تمشي بين الطآولات 
 وتتفحص كل شي .. بس الإبتسامه طاغيه على وجهها 
 مقتنعه بكل التفااصيل .. 
وشهقت لما حضنها من ورآها مادارت زادت ابتسامتها لأنو استوعبت مين 
 حط ذقنو على كتفها ومازال حآضنها من ورا ويدو على بطنها يميل 
 جسمها بهدوء على اليمين وعلى اليسار وهوا يتكلم بصوته الرآيق : الله يكتبلنا دا اليوم 
 علا حطت يدها على يدو : كل الناس حتتجوز وانا وانتا لسى 
 لؤي : هههههه ماعليكي بس ابويا يخلص مشاكله مع مرتـه حنحدد اليوم 
 دارها عليـها ويطـآلع باإعجااب بفستانها السكري المخصـر على جسمها ومبين تقاسيمه المغريـه
 وطولها مدي للفستآن فخامتـه
 شعرها المفتوح ببساطه والتآج المتشعب منـه القطع الكرستاليه بطريقه عشوائيه مزينـه شعرها 
 لانت ملامحه 
 والنظره اللي واضح قد ايش متجنن على شكلها : تجنني
 علا ابتسمت ورفعت اياديها وهيا تعدلو العقـآل : عيونك إللي تجنن 
 هيا تعدل شماغه وهوا عينه تتفحص ملامح وجهها
 من صغره مجنننونها
 من صغره يعشقها 
 لو يتأملها لبكرا مايطفش منها
 نزلت يدها وبدأت تتوتر من نظراته : ههههه ايش بك 
 اتنهد بتعب : لأول مرا احسد عدي
 علا : إنتا وعدي كل واحد يحسد التآني محد مقتنع بحياته
 لؤي : هههههههههه انا ماحرتآح لين ماجيب عشره اطفآل منك وقتها ححس اني حققت حلمي
 علا : هههههههههه خلينا نبدا بالفرح لاتفكر كتير بالمستقبل توترني كدا
 لؤي طالع في القاعه الفاضيه وبعدها فيها : اقولك شي ..احس لو شوفتك بالفستان الابيض حبكي 
 علا : ههههههههههه حيااااتي انتتا من جدكك
 لؤي : ههههههههه من دحين اقولك لما ادخل مابى يكون فيه احد غيرنا عشان منظري قدام اهلك 
 علا ضحكت وقربت حضنته : احححبك والله احبك 
 لؤي دوبه بيهرج ولمح امها من بعيد وبعد عنها
 وشويـآ وخرج لما عرف انو بنات خالو قريـب .. والسبب اللي خلاه يجي من بدري عشان يشوف علا 
 قبل لحد يجي ..
وسـآعتيـن وجآت المطربـه باأناقـه تناسب فخآمه صوتها وحضورها ..


 اما في بيت اهل لمـى ... امهم بس تصـرخ ورجعت لوضعها الطبيعي ..
تصرخ على الكل إلا لما لمى تتصل هنآ صوتها يتغير وتتكلم بهدووء 
 مهمآ كآن بنتها خلاص حتتزوج ماتبى تنكد عليها 
 وبمجرد ماقفلت منها قالت بكل صوتها : يااااااااتميم

 تميم جالس بغرفه تآمر اتحولت ملامحه لبكى : ترا والله امك اليوم سبتني سب لين مامسحت في كرامتي الارض
 تآمر : ههههههههههههه هيا روحلها عشآن لاتفصل زياده 
 تميم قآم بتملل : مني فاهم هوا مافي غيري بدا البيت 
 تآمر بس بيضحك من يوم ماصحي تميم وهوا يتمشور ويتهزأ مع إنو مابيسوي شي حتى امل ودانه هوا اللي وداهم الصآلون عشان ليث مع احمد ..
ماأترحم طول اليوم وفي النهايه لاجزاء ولا شكورآ
 لكن دا حظ دايماالصغيـر لما يكون في العيله 
 مهما يسوي الكبير اللي يقولو عنـو مسككككككككين وكل شي فوق راسه 
 وتآمر جالس على سريره وبيمسح جزمـته بكل روقآن واول مادخلت عليه امو : ها حبيبي خلاص جآهز 
 تميم وراها بينجلط : يانبع الحنآن هوا التهزيئ ليا ليش !!! قوليلي حبيبي ارأفي بالمسكين اللي صاحي من اذان الفجر عشانك مصدعه 
 امه ضحكت ومشيت ولا كأنه قال شي 
 تميم رفع اكتافه وهوا يطالع في تآمر : سراااب انا ولا ايش !
تآمر : ههههههههههههههه 
 تميم رفع صوته عشان يوصل لأمه : هاااا اقوم الللبس ولا خلاص يكفي تآمر لابس ومتجهز 
 شويا وجآ صوت امه : تعااال أقول قفلي الفستان 
 تميم : هههههههههههههههههههه 
 اما امهم على عصبيتها بس قالت الجمله وهيا تضحك بالغرفه دوبها استوعبت انو من اول يبا يتجهز 
 وبسببها مو مخليته ..
دخل الغرفه قفلها سحاب الفستآن ودوبـه بيتغزل فيها الا مدت يدها : قفلي الاسوره 
 اختفت ابتسامتـه وماتكلم ..

وهنـآ راح اتجهز وخرجت امهم الصاله وشافتهم الاتنين جالسين 
 ابتسمت لاشعوريـآ ... لما الوحده تراقب طفلها يكبر سنه سنه تحت عينها ولما يوصل لدي المرحله 
 انو رجآل بثوبـه وشمـآغه تنسسسسسسى كل المراحل وتتذكر كيف كآن طفل واليوم رجآل
 شعور لايوصـف ...
شتت عينها وهيا تدعي الله يحفظهم ..
واتوجهه لسيارتهم 
 ركبت مع تآمر وتميم راح لوحده
 في سيـآره تآمر ..
 : بلله انتبهو على سآمي ترف حاستها مخنوقه وجيه بالقوه
 تآمر : لاتشيلي هم ياأمي بالعكس حيغير جو 
: إن شالله .. تعرف فينهم ؟
 تآمر : براء قلي خمسه دقايق وحيخرجو _ وقبل لاتسئل جآوب _ واعمامي في الطريق وزوج خاله قدو عند القاعه مستنينا
 امو مررت اياديها في بعض من التوتر وبعدها شهقت : الباقه حق لمى 
 تتآمر : مع تميم 
 امو زفرت بعد مانفجعت : حاسه إني ناسيه شي 
 تآمر : لاتشيلي هم ولو ناسيه شي نرسل السواق تميم يجـ
 وقبل لايكمل ضربتو على يدو وضحكت : هههههههههههه حرااام عليك 
 سكتت شويا وبعدها قالت : كيفك انتا وروآن
 قلبـه طااح تفجعه في كل مرا تجيب سيرتها : تمآم
: كيف بلله ماتجي فرح اختك ؟ يعني انتا ماقلتلها من قبل 
 تآمر : امها تعبانه عشان كدا 
 وهنـآ امو حآولت تتفهم وهوا لدحين مو قادر يتكلم معاها عـدل 
 بدأ يحس بجمود من نآحيتها 
 هوا اتعود على بعدها ولا ايش مو عارف ...




قبلـها بسـآعه .. في بيت ترف بالقوه راحت للصآلون 
 لما براء اقنعها إنو هوا حيقعد مع سآميي
 ولما خلصت كآن سآمي نآيم فاارسلها السواق حق امـه يجيبها وجابها للبيت ..اول ماوقفت عند الباب كآنت بتدق الجرس الا ابتسمت وفتحت شنطتها وفكت الباب بمفتاحها 
 حتى الميداليه هوا جايبلها هيآ 
 عروسه قزززمه استفزها بس كل ماتشوف المفتاح تضحك
 دخلت على طول لغرفه النوم ولما مالقتو استغلت الموضوع وقفلت بالمفتاح عشان تلبس
 فتحت الدولاب وخرجت الفستان اللي وسط قمـآش اسود ومكتوب عليه اسم المصمم بالذهبي ..
فتحت سحـآب الكيس وخرجتو ولبسـت سحبت كرتون الجزمه وخرجتها ولبستها 
 طول الكعععب يفجع
 بس لبستـو اداا للفستـآن ولجسمها اغراااء مو طبيعي ..
وقفت قدآم المرايـه وابتسمت 
 هيا قلبها يدق 
 في حيااااااااااتها ماراحت لصاللون 
 في حياتها ماعرفت غير انها تستشور بنفسها شعرها ومكيآجها المعتـآد
 في حياتها مالبست فستان بدي الفخامه 
 فستان اخضر غامق ملموم من كتف واحد 
 ويدها التانيه برا 
 لابسه فيها اسورره كبيره لمعتها تلفت 
 نفس الحلق الطويل الي واصل لكتفها 
 الفستان ماسك ومفصل جسمها تفصيل 
 مع الفتحه الي واصله نوص فخذها 
 بارز كل شي حلو فيها 
 لابسه كعب عالي بربطة سخيفه وصاير طولها يجنن 
 براء دايم يشوف شعرها مفتوح المرة دي لامتو
 علي فوق بطريقة كلاسيكية باينه رقبتها الي عليها تاتو صغير 
 ولبست خوآتمها ..
وقبل لاتخرج فكت دولاب براء وكآنت تعبيلو اغراضـه وهيا مبسوطه 
 لأول مرا تجهزلو شي وطالعت في الباب اول ماحاول براء يفتحه ومافتح
 دارت جسمها بااتجاه المرايه وبعدها اتوجهت للباب 
 فكتـه وهوا رفع حوآجبه الاتنين باإنبهاار
 اتجنن ؟!؟!!
كلمه قليله توصف وضعه حالياااا 
 خرجت منه ضحكه هاديه لاشعوريا وبعدها قال : ماشالله 
 مرا ارتبكت وكالعاده تصرف بهرجه سآمي : سامي لسى نآيم ؟ 
 مااارد كآنت حتخرج الا دخلها وقفل الباب ..
وترف خافت كالعاده : ايش بك ..متأخرين ترا 
 براء مازال نظراااته تتفحصها وهيا سارت تمرر يدها على شعرها باإرتباك 
 مسك يدها واتوجه للسرير وجلس وهيـآ قبالـه
 براء : تبيني اروح بدون عقـل صح
 ترف ضحكت ووجهها كل مالو يسير احمر
 نزلت عدسه عينه لفتحه الفستان اللي واصله لنص فخذها ورجع طالع فيـها 
 الاخضـــر مبين للون بشرتها بيضـآ بشكل ملفففت 
 حط يدها على وسطـها : لازم نروح الفرح 
 ترف : هههههههه بروح اخلي سا
 وقبـل لاتتكلم سحبها وجلسها فوقـه وهيا خلاص تبا تبكي 
 حطت يدها على كتفه وتبعد جسمها على ورى ومازالت تصرف : ترا ماما كلـ
 وسكتت لما قرب وباس كتفها المكشوف 
 وهيا اترخى بصوتها وقلبها حيوقف : ترا والله متأخرين 
: تقوليلي بعد الفرح سامي تعبان سامي فيه شي والله ماحتنآمي إلا هنآ
 شتت عدسه عينها : طيب 
 وماخلاها تقوم 
 قعد يمدح فيها كل شي من شعرها للبسها لمكيآجهآ واخر شي جسمها اللي مجننه
 والشي اللي رحمها صوت جوالها لما دق وقامت على طول وهوا وقف 
 لو تلبس كعب لبكرا برضو حتطلع قصيره جمبـه 
 واتجهز وهوا كل شويـآ يخرج ويطالع فيها وهيا تضحك 
 صحت سامي وجهزتـه وبراء بيتجهز بنفسه 
 مو شايف انو فيها شي طول عمرها ميسا ماتعبيلو حـآجه 
 شافها كبيره اصلا لما دخل ولقى ملابسـه على السرير ..
وهنـآ سامي سار ماسك شماغه وترف ماتعرف تسويلـه 
 وهوا مايعرف اساسا ..وبراء دخل الغرفه ولما شافـه حايـس 
 اخد منـه الشمـآغ الابيـض ولفلـه هوآ حولين راسـه ..وبعدها عطرو بنفس عطرو 
 سـآمي ساكت وبيشوف بس اهتمآم براء ..
ترف تطـآلع فيهم الاتنين ومبسوطـه 
 براء لأول مرا تشوفـه بثوب وشكلو عاجبها 
 وسـآمي على صغر سنـه بس زاده الشماغ اللي على راسـه وسآمه ..

لبست عبايتها ترف وحطت الطرحه على كتفها وشنطتها الصغيره في يدها الا براء مسكها قبـل لاتخرج
 وحط الطرحه على راسـها وهيا ابتسمت ومآكآنت حتعلق
 بس ماكتفى كدا لفلها هيا وبس شعرها من قدآم واضح شويا مسك خدها : شكلك كدا أحلى 
 له يوميـــــن يلقح بالكلام بس وضع سآمي ماخلاه يتكلم بجديه بالموضوع 
 لكن مستحيل يخليها كدا بدون عبـآيه 

 وخرجو للسيـآره وبدأ توتر ترف 
 حتشوف اهلها 
 خالتها وعمآتها 
 حتشوف اهليتها كلهم 
 حتشوف حتى ام برآء اللي براء اصر عليهم يدخلو مع اهل ترف ..
قلبها حيوووقف
 تآمر فهم أمه انو ترف ماتعرف احد 
 وأمها بدأت تفاصيل تآمر ماتدخل مزاجها 
 صح ادآها مبرر قوي إنو الكل كان يهرج عنها وهيا قطعتهم 
 بس بدأت مواضيع كتير تشبكها وتحس فيه حآجه لكن فرح لمى مشتته شويا ..

ووصلـه وزفرت ترف بصوت مسموع طالع فيها براء وماقدر يعلق 
 عشان سـآمي لايحس انو أمـه مو متقبله وينعكس عليه الموضوع 
 بيراعو نفسيـو مررررا ..
واول ماجا عند مدخل الحريـم وشافت الحريم بينزلو حطت يدها على مقبض الباب
 قالت في قلبها بسـم الله
 ونزلت وبراء عينه عليها اول ماختفت عن عينه ارسلها في الواتس لو تبي تمشي باأي وقت كلميني
 عارف الموضوع مرا صعب 
 اذا هوا مستصعبه كيف هيـآ
 كلام النآس مايرحم واهله اول نآس سمع منهم 
 وهوا وقف سيـآرته 
 ونزل وسـآمي معاه ..
اتوجه لتميم وتآمر وليث
 ودي اول مرا يضطر يسلم على ليث
 سلام بارد 
 اما سـآمي بتردد واضح مد يدو 
 وعينو على ليـث وبعدها على ولدو اللي واقف جمبـه
 كآن لابس ثوبـه اللي على قدو ولابس بيدو زي القماش الازرق وملفوفه على رقبتـه
 وبعدها براء عرفهم على ابـوه وجوه اعمامهم وخالهم 
 وهنـآ الصدمه لما قالو دا زوج ترف ودا ولدها 
 وجهههههم انقللللب
 ماعرفو ينصدمو من زوجها ولا من ولدها 
 بس وجههم فاضحهم سلمو بكل صدمـه وماقدرو ينطقو بحرف واحد 
 براء اتجاهل نظراتهم وسـآمي نفس الشي ..
وبعد ماتجمعو كآنو داخلين واتقدمهم اعمامهم وخالهم وهنـآ ليث قال لأبو براء 
 يدخل قبلهم وابو براء انحرج وسار يقولو لا إنتو تفضلو 
 محد فيهم رضي يتقدم من اخوانها لين ماأبو براء اتقدمهم 
 احرجووه عملولو قيمـه وهوا جاي بالقووه 
 جا عشان منظر ولدو قدآم اهل مرتـه وبس ...
امـآ براء اول مادخل وشـآف عدي ماعرفو لكن عدي عرفـه 
 يومتها كآن عريس ومايتذكر مين جآه 
 بس عدي لأنو مغصوب هوا وعزآم اتذكروووه مزبوووووط


 امـآ عند الحريـم .. 
ترف دخلت مو عارفه احححد ومع الخوف مو شايفه حتى امها 
 انتبهت للحريم اللي يدو عبيهم للعاملات وفسخت عبايتها وسوت زيهم وكآنت حتمشي 
 الا ادوها بطـآقه 
 دي التفاااصيل ماتفهملها 
 في حيـآتها ماحضرت فـرح 
 من مكآن الاستقبـآل منبهره بالفخـآمه ..
وفجأه جات عند تجمعهم الكل طـآلع فيـها 
 ملفتتته 
 بلبسها 
 بجسمها 
 بشكلها 
 وترتها النظرررات 
 وكأنه الكل يقول من دي
 كل بنـآت العيله طالعو فيـها 
 ومحد استوعب انو دي ترف ..
لين ماأمها ابتسمت من قلبها ومعجبه بشكل بنتها : تتترف
 الكل وسـع عينه وصوت الطرب اللي وسط القـآعه ولحد مركز فيـه 
 ومركزين بكلمممه ترف ...
رجولها تتترجف 
 مو شايلتها يدها تتنافض بشكل ملحوظ 
 بالقوه ماسكه نفسها لاتبكي ..
سلمت عليهم كلهم وهيا مو عارفه مين دي ومن يدوول 
 بس مجموووعه حريم بشكل مو طبيعي وبتسلم وتبا تشرد من نظراتهم 
 البنات وقفو قدام المرايات يتعدلو بس كل وحده ترمي جمله للتآنيه
 امها : حصنتي نفسك 
 اشرت براسها بدون ماتعلق 
: فين ام براء ؟
 ترف دوبها استوعبت بتشتت سارت تدور عليها بنظراتها وشافتها بتتعطر
 اشرت : دي
 امها عقدت حوآجبها : طيب ايش بك 
 ترف بلعت ريقها وبتحاول تركز : ولاشي 
 ترف مشيت باإتجاهها وامها معـآها .. وام براء رفعت عدسه عينها ومآكآنت مستوعبه زيهم
 نفس نظرررة الكل بس هيا الجمله اللي جات في بالها " دي مرت ولدي !!!"
فاكرتها يوم ماجاتها بيتها 
 عجبتها يومتها 
 شكلها لزيز ونـآعم 
 بس برضو هنـآ غيـــــــــر
 مرررا غيــر
 ترف سلمت عليها وبتحاول تاخد انفاسها بشكل طبيعي بقدر الإمكآن 
 وامها سلمت على ام برآء ورحبت فيها 
 وام براء تبتسملها .. وكل شويا تطـآلع في ترف ..
ودخلـو وبدأت المطربـه تغني وترحب فيـهم
 وهما يسلمو 
 على اهل عدي عند البوآبـه الذهبيـه الكبيـره
 والكل منبههههر بالقـآععه 
 بنـآت العيله مو مهتمين للمى بس متابعين سنـآبات علا 
 وجاين عشـآن يشوفو ايش مسويـه لأخوهآ 
 وفعلا من المكآن مافيلووو غلطــه من الفخآمه
 المطربـه لوحدها عالم آخر وشايله السهره بضمير وكلو لعيون علا ..
وعلا كالعاده اغلب العيون عليها لما تمشي وجوالاتها بيدها 
 اتصالات اتصالات بشكل مجنننون 


 اما اهل لمى جلسـو ..وترف جمب امها والمطربه بدات الاغنيه التآنيـه
 وهزت المكآن بصووتها ورقصها ..
وترف كل شويا تشوف وحده من العيله تطآلع فيها واول ماتجي عينها عليهم 
 ينزلوها
 بتحرك رجولها ومو قادره تستمتع بشي 
 ماصدقت دق جوآلها وخرجتو اول ماشافت اسم لمى ردت بس مو سامعه شي
 حطت يدها على اذنها التآنيه وووقفــت 
 وخـآرجه لبرا عشان تتكلم 
 إلا عيون ام براء تلحقهها ووبعدين تطـآلع في النآس اللي يطالعو بترف

 اول مامرت ترف جمب علا وامـهآ ..علا جلست وسارت تهمس لأمها : ابا دي البنت حيه ولا ميته
 امها نغزتها بكوها : ههههههه تستهبلي انتي 
 علا : ابا ازوج اخويا التآني ايش فيه
 امها : خلينا نفرح بدا اول 
 علا اتاففف ووقففت : سيبي المهمه دي عليا 
 اما تـرف خرجت برا تشرد من الازعـآج : ايوا لمى 
 لمى : أنا برا من اول ماما مابترد
 ترف مو فاهمه : تبيني اكلمها
 لمى : مو عارفه من اي بوابه ادخل
 ترف : مدري حشوف اسئل واكلمك
 قفلت من لمى ودارت جسمها وانفجعت لما علا جات قبـآلها 
 علا ابتسمت : معليش 
 ترف : لا عادي 
 علا : كيفك 
 ترف مرا مستغربه : تمآم _ وفجاه نسيت تسئلها _
علا : إنتي ايش تقربي لمى .؟
 ترف : اختها 
 علا حاولت ماتبين ملامح الصدمه عرفت انها زوجة براء : اها ماشالله ,,انا اخت عدي
 ترف : اهلين _ اشرت باارتباك على الباب _ لمى من اول برا مو عارفه من فين تدخل
 علا : تدخل من ..انا انا اتصل عليها دحين لو تبي اطلعي إنتي فوق وحتدخل من الباب البني اللي على يمينك
 ترف ماكانت حتروح بس ماصدقت تشرد من الكل 
 طلعت الدرج واستنت لمـى عند الباب 

 علا كلمت لمى ووصفتلها .. ونزلت عينها على جوالها ولانت ملامحها لما شافت رشا كاتبتلها 
 فتحت المحادثه 
" نفسي اكون معاكي "
علا " ياااقلبي وانا كمان "
 " ها حكيني كل شي عشان لاأبكي 
 علا مقهوره عليها بس رشا مو قادره تجي وتشوف احد من اهل تميم 
" شووووفت زوجه براااء مزززززه مرا مرا مزززه "
رشا " ههههههه انا قد شوفتها قبل كدا بس من بعيد "
علا عندها مية شغله بس صعبانه عليها رشا عشان كدا بتحاول تحكيها عن صدمتها 
" اقولك كنت بخطبها لعزآم صدمتني لما قالت اختها "
رشا 
" هههههههههه حسبيه الله عليكي ماتبطلي شغل حماوات "
علا " ههههههههههههه ماما ياشيخه يومها بسنه انا حتكفل بدي المهمه "
رشا " مرت عمي جات ؟ "
علا " والله ماعرف شكلها ..بس حبيت اشاركك بصدمتي "
رشا " مو مصدومه اخوها مزز يعني اكيد هيا حتكون جميله "
علا ماعرفت ايش تعلق تتوتر لما تفتح سيره تميم ماتبا تجرحها " انا دحين حصورلك شكلي اصبري بس "
رشا : اصلا غريبه مانزلتي شكلك سناب 
 علا " حصور بس وجهي الفستان حقير لؤي حينجلط "
رشا "ههههههههههههههه ايوا صحح نسيت "


ترف استقبلت لمى ودخلو للغرفـه الخآصه فيها جنآح كآمل
 وكآنت المصوراتيه مستنيتها من اول وطفشت ..
لابسـه جينز كحلي وروب حرير ابيـض والطرحـه الطويله اللي مزينـه شعرها ..
دخلت ترف معاها تلبسـها الفستآن ..
وابتسمت من قلبـها 
 أميــره تنآسب شخصيتها العفويـه 
 شخصيتـها الدلوعـه ..

فستان لمى كمديل بسيط وناعم وكلاسيكي 
 نازل من الاكتاف مبين نحرها وطول رقبتها 
 الي عليها عقد الماس ينور من فخامتو
 الحكاية كلها في نوعية القماش السكرى 
 الي كلو مفصصص بفصوص صغيرة تطريز يدوى معطيه لمعة جميله للفستان 
 ومخليتو فخم رغم تصميمو الانيق 
 فاتحة شعرها علي ورا مع رفعه بسيطه جدة مثيت عليها التاج الكبير 
 االي الماستو تبرق من ابعد مكان 
 الطرحة نازله علي ضهرها الى نهاية الفستان مطرزة يدوياً كمان من الاطرااف
 في يدها الباقه مكونه من ورد البونيا مع الجوسبيليا .. حجمها متوسط 
 مكياجها درجات البرونززز حتى الروج فاتح ومبرز ملامحها الصغيره

 ولأول مرا تـرف تبا ذكرى لدا اليـوم اتصـورت هيا ولمى بجوالها
 وهنـآ حست بسعاده
 مو تحت 
 ماتبى تنزل تحت 
 اتعطرت لمـى واخدت بـآقه الورد 
 وخلت الصوراتيه تصورها هيا وتـرف اول شي 
 وبعدين بدأت جلسـه تصويرها 
 وترف جالسه على الكرسي وتطـآلع فيها ..كيف الزمن عدآ
 كآنت طفلـه واليوم تشوف اختها عروسـه
 حست للحظـآت انها تبا تبكي 
 بس مسكت نفسها دق جوآلها وردت على براء على طول 
 خافت سامي يكون سرلو شي ..بس كآن بيطمن عليها .

عند الرجآل دوبهم بيجلسو الا تميم يدق جوآله ولمى تقوله تعال 
 تـآمر : ههههههههههههههههه الله يقويك 
 تميم مشي بنرفزه ولا علق 
 كآنت سهره جميـله للرجآل 
 سـآمي .. محمود كالعاده مغيرله جوه 
 كل شويـآ يطالع في ليـث وكيف مهتم بولده محرووووووق
 مرررا محرووق
 ابو برآآء منحرررررج مرررا منحرج من اخلاق اخوانها ..
شويا ليث يتكلم معاه شويـآ تآمر 
 غصبـآ عنه احترمهم 
 غصبا عنه سار يتكلم معاهم 
 اسلوبهم كلامهم حوارهم احترام في احترام كدا رجآل ينشالو على الراس 
 وماتقدر تقلل من قيمتهم وبــس 
 براء مو شايل هم عااارفهم هوا ليث اللي اول مرا يعرفـه 
 ويسمع كلامه لبـق 
 عندو وجهه نظر مخليها لنفسـه عشان لايجرح تـرف
 عارف انو ليث غلط بحقها وعارف اللي سواه شي مجنـون 
 لكن يحطلو مبرر إنو وآحد كآن لعبه بيد قآسم 
 هوا سمع كل شي 
 هوا فهم كل شي من اول الموضوع كيف تبآه يتفهمها 
 كيف ماتباه يحقـد 
 بس مو حابب يدخل بينهم .. كحتفظ بالكلام لنفسـه وخلاص ..

امـآ عيـله عدي عايشه امممممم الطرب 
 رقققص لين مايشكو إنو دا العريــس 
 لؤي وعدي وعزآم واصحاااابه 
 عآآآلم تحب الطرب 
 عآآلم عشقها الاجوااء دي 
 امـآ عدي في نص رقصـو يجي وتاحد بدبوس من وراه ويعوره
 وفجاه بس تشوفو عين عدي حتخرج 
 ويضطر يكمل وويجي التآني والتالت 
 ولازم طقوووس العريس اللي يطزوه بالابره في كل لحظه ف فرحو ...
لؤي اتوجه لكريم وجلس جمبـه : ايش هرجة دا اللي ضربك 
 كريم طالع بحقد ويده مجبسـه : مراد كلمك ها
 لؤي : هههههههههههههههههه بلله كيف مردغك كدا وانتا ساكت 
 كريم : لاتفتحي سيرته عشان لاأفصل عليك إنتا التآني
 لؤي : ههههههههههههههههههههه اسئلللك بلله حكيني 
 كريم سكت وبلع ريقه وبعدها قال : فاكر بنت الكلب اللي اشتغلت زمان عندنا
 لؤي عقد حوآجبه : مين ؟
 كريم : دي اللي اسمها هديل
 لؤي لانت ملامحها : ايوا !!!
كريم : دا زوجها 
 لؤي بصدمه : اماااااا
 كريم : اسمو بشار الرايد والله اسمو محفور براسي من الحقد
 لؤي كأنو احد اداه كــف هوا مصدوم لأنو طلع اخو روآن ..
ودحين اتزوج هديل !!!!!!
يحس كأنو سابهم سنـه مو شهرين ..
وكريم حكآه ايش سوا فيـه 
 ولؤؤؤؤؤؤي مفجووووع 
 واحد حقييير
 ذل كريييم بمعنى الكلمـه 
 اما كريم يحكيه ويأمنو مايتكلم لأحد 
 مو قادر ياخد بحقو لأنو ببساطه خايف من بشار 
 ولؤي ماشجعو يحتك فيه تآني ..
وبدأ يعدي الوقت على الكل وهمـآ مبسوطيـن
 وعدددددي طبعا ماكتمل يومـه لين ماقاللو روح اتصـور 
 هنا نفسو يتشقلب في نص المكآن 
 لبس المشلح حقو اللي فسخو عشان ياخد راحتو بالرقص 
 ورآح بسـرعـه ...فتحتلو علا البـآب وهوا مبتسم 
 وكل اسنانه اللي فوق واضحه من قوه الانشكآآآح
 وعلا مشيت قبـآله وهيا تتميع بمشيتها 
 وصفرر بتشجيع عدي وقـآل : ياأأأأرض أنهدددي ماعليكي قددددي
 علا دارت عليه وهيا تضحككك : امممشي يااغبي احترم المشلح اللي لابسه 
 عدي : هههههههههه ابا مززتي بسرعه 
 علا : بشوف اختها فيـه ولا لا اصبـر
 وراحت لغرفـه وقالت لترف عدي جـآ 
 ووقتها نزلت لما عدي دار جسمه للجدآر
 وهيا نزلت ..

اما علا بس لمحت لمى مرا انبسسسطت 
 تحس دي البنت تبرد قلبـها بزوقها ..
مهمآ كآن مرت اخوها وتبا تفتخر فيها قدآم الكل ..سحبت نفسها وقالت لعدي يدخـل 
 ونزلت ..
عدي ماحسب حسسساب لشكلها 
 كآن يبا يشوفها ومتجنن بس دخل وقف ف مكآنه 
 وبدأت تختفي ابتسامته تدريجيها 
 وبدأت نظره غريبه بعينـه 
 ماتوقع 
 مافكر انو الفستان اللي عليها له هيبـه 
 مافكر انو دقـآت قلبه حيتغير نبضـها 
 مع إنو فيه تلات حريم بالغرفه 
 بس للحظه كل شي وقف بعينه 
 مو شااايف غيرها 
 ابتسمت وهوا ابتسم معاها لاشعوريا 
 وكأنه فوقته باإبتسامتها 
 مشي بخطوآت اتجاهها ووقف قبـآلها 
 مسك يدها وباسها ورجع مسك يدها التآنيه ورفعها وبـآسها 
 وماقدر مايسيب تعليق سخيف يعبر عن حالتـه رلافع حوآجبه الاتنين وكأنه لسى بحآله صدمه : انا متخرفن ترا 
 لمى : هههههههههههه _ قالت بجرئتها اللي اخدتها الفتره 
 الاخيره وهيا تهمسلو _ وانا متجننه على شكلك
 عدي سوا إنو بيبكي وحط راسـه على كتفها : لاتقولي كدا ولا والله اخدك البيت دحين 
 وفجأه ضحكات مدموجه في بعض وهوا رفع راسـه مفجووع 
 بنـآت بنهايه العشريـن مختصين في التصويـر
: اووه معليش 
 المصوره وهيا تحرك عدسـه كميرتها : خد راحتك إحنا حنخرج 
 وخرجو التلاتـه وهمآ مازالو يضحكو على فصلتـه 
 لمى : هههههههههههه يعني مو شايفهم 
 عدي : وربي مانتبهت ماعليكي منهم المهم _ قال ورا بعض _متى الزفه متى حنمشي بيتنآ متى ماحنشوف احد !!!!
لمى : هههههههههههه لسى ياعدي باقي تصوير وبعدين الزفه
: يااااربي
 لمى ابتسمت مسكت مشلحه وسحبته باتجاهها
 وهوا رخى راسـه بكل استسلام بدون مايعرف ايش تبى سلمت على عينه 
 وقالتلو بهدوء : سلامت عيونك حبيبي
 سهتتتتتتتآآآن
 عيونه ذبلانه خدوده حمرت 
 مو لأنو مستحي بس تعبتلو نفسيتـو 
 ودقو البـآب وبيقوللهم يادوب يقدرو يصـورو
 وبدأت جلسه تصويــر
 وفين لمى اول وفينها دحيـن 
 تضحك 
 وهيا اللي تتمايل عليـه بدلع 
 وهوا بالقوه واقف على رجولـه 
 اتصورو بكل الوضعيـآت 
 صوره لعدي بس من ورااه ولمى قدآمه وكل شي مغطى فيها الا اياديها اللي على كتفـو 
 صوره اخدتها من فوق لأياديهم وهمآ ماسكين بعض وباقة الورد في الارض
 صوره وهوا حاضنها 
 صوره وهيا جالسه عليـه 
 صوره وهوا يبوس كتفها
 المصوراتيـه بتبدع من جمآلهم الإتنين 
 متجننه على نظرآت عدي للمى ..
طلبت منها تحط صورهم في الإنستآ لو ماعندهم مآنع 
 بس عدي اختـآر بنفسه الصوره اللي لمى ماتكون واضحه فيها اما اياديهم مع بعض 
 او فستانها بس من تحت ولأنو منفوش مو مبين تقاسيم جسمها 


 وجات ام لمـى ...واتصورت معاهم ولمى بنسبه لها يومها اكتمل 
 لما امها لأول مرا تمدحها بدا الشكل وحصنتها وشافت دموعها بعينها 
 احساس عمرها ماحستـه
 امها خرجت وهيا طالعت في عدي بفرحه 

 وانتهت جلسه التصـوير وبدأت الموسيقـى الكلاسيكيه
 اللي تعبر عن موعد الزفـه 
 وهنـآ ام لمى رجعتلهم تآني ..قالتلهم زي ماعلا قالت بس تبدأ الموسيقى اللي بعدها
 همآ يخرجو ..خرجو في الممر المظلــم الطويـل وام لمى نزلت وووقفـو قبـآل البوآبـه 
 لو انفتحت دي واجهه لكل القـآعه
 لمى بدأ ارتباكها 
 عدي تنى يدو ومدها وهيا دخلت يدها ..وبيدها التآنيه ماسكه الباقه 
 ووراها العاملات يعدلو طرحتها الطويـله بسـرعه قبـل لاتبدأ زفتهم
 واشتغلت اغنيـه خليجيه ملكيـه تنآسب هيبته وفخامتها ..
عدي بدي اللحظه محد حيشوفو المرجوج 
 المشلح مديـه هيبـه وقفتـه نظرته للمى كل شويـآ مخليتو غصبـآ عنو 
 ينسى الهبـل حقو
 انفتحت الأبواب وبينزلو الدرج خطوه خطوه 
 مو شايفين ملامح 
 مو شايفين احد 
 الاضائـه الخافتـه 
 الموووسيقى 
 هدووء القـآعه 
 نبصات قلبـهم الاتنين 
 يد لمى تضغط على ذراعه كل ماتتوترالمصوراتيـه في نهايه الدرج بتصـور
 بينزلو خطوه خطوه 
 على الانغـآم 
 علا وامهـآ اول نـآس دموعهم نزلــت 
 علا مبتسمه وتبكـي
 اخوهـآ الصغير شايفته اليوم عريــس
 مبسوووطه ومو قادره تمسك دموعها 
 امها نفس الشي محد كآن متخيل إنو اصغرهم هوا اللي حيتزوج قبلهم كلهم
 وستــو لحقتهم لما شافتهم يبكـو 
 بس وصلـو لنص الدرج وعدي شافهم جالسين ودموعهم بتنزل عقد حوآجبه بااستغراب
 وحرك راسـه بااستنكـآر
 يبا يقولهم إنو انا مبسووط 

 امـآ اهل لمى محد فارق معاه لمى غيره 
 نظرات تطالعع فيها من فوق لتحت في عريسها 
 محد كآن متوقع دي لمى اللي كآن الكل يتريق عليها 
 دا حيكون في يوم زوآجهآ
 حتى شكلها متغيـــر 
 محد قادر ينزل عينه 
 ويرجعو يطـآلعو بعريسـها اول مايبتسملها 

 ويقربو البنـآت وتبدأ التمتمه : كأنو مافي غيرها بالقاعه
: قولي الله يرزقنا 
: مرااا شكلهم حقيـر الاتنين 

 امـآ ترف سامعتهم ومطنشـه تتأمل اختها ومبسووطه فيها 
 ماحتبكي ليش تبكي !!!
هيا لو بكيت عندها اسباب اقوى من انها تبكي على روحتها لبيت زوجها 
 او انها بدا اللبس ..!
حتبكي على السنين اللي ضاعت قبل لاتشوفها عروسـه 
 حتبكي على حـآجآت كتير بس دحيييييين هيا مبسوووطه بمعنى الكلمـه 
 جالسه باإستقامه وحاطه طرحتها على كتفـها والعبايه بس اللي مغطيه جسمها
 ام برااء تتفحصها كل شـويا 
 اتذكرت لما جات بيتهم بفستان قصيـر ولا لبست شي ورجعت شتت نظرها 
 وتبا تسوي مو مهتمه هيا قالت لبراء جآيـه عشانك ماهمني شي هنآك 
 بس كدااابـه 
 ترف طول ماتروح وتجي عينها عليها ... كآنت متوقعه ولدها السبب اللي مخليها تمشي 
 بدي الفخامه الفستان والطقم الفضي اللي لابسـتو 
 إذا النآس مالاحظوه هيا ملاحظه 
 بس لما شافت اختها لمى عرفت انهم عيلـه تفهم بالزوق 
 ودا شي يخليها تجلس باإستقامه ومو قادره تنكر انها مستمتعه بالفــرح 

 وصلـو لبدايـه الممر 
 وهما التانين بس اللي واقفين والمصوراتيـه 
 مآزال الكل مستمتع وبيتفرج عليـهم ..وبدأ عدي يطالـع في لمى ويتكلم 
: ايش الهرجه حنمشي بالبطيئ كدا لمتى .؟
 لمى ضحكت وهمستلو : مستنيتك من اول تعلق 
 عدي : خوفت اكسر بنفسك بس مرا زودوها 
 لمى ضحكت من غير ماتعلق 
 ورجعو يطـآلعو في الممر وعدي خلاص بدأ يفصل ومو عاجبه الهدوء دا
 بس وصلـو للكيـكه وبدأت اغغاني لبنآنيـه راايقه 
 عبـآره عن خمسـه ادوار 
 بيضـآ ومزخرفه بالذهبـي من الجوآنب 
 فخمـه كفخامه المكآن
 انفتحت الاضواء الصفرررا وهنآ لمى شافت القاعه بوضوح
 المصوراتيه قالت لعدي يأكل لمى ولمى تطالع في المصوراتيه وتقولها لا
 عارفته حقير من اول طفشـآن 
 حيستهبل في اي حآجه 
 وبجد دخلها لقمه اكبر من فمها وحطت يدها على فمها مو عارفه تضحك ولا تمضغ
 ولا ايش تسوي 
 عدي اشر لعلا تجبلو منآديل وهوآ يضحك
 وعلا جآتو : ماتبطططل وساخه
 عدي : هههههههههههه هيا من اول هاجدلكم احمدو ربـكم 
 جا لعند لمى اللي بالقوه مضغت اللقمه وبلعتها ومد يدو يمسحلها الكريمه اللي على فمها ..
وبدأت اغاني رومنسيـه 
 وهنـآ رقصو سلـو 
 حاتط اياديه على وسطها 
 وهيا اياديها على كتفـو 
 لحظـه نسيو فيها الكــل 
 هوا يتأملها ومبسوط وهيا تتأملو 
: تتخيلي إنو خلاص ساعه ونكون لوحدنا
 لمى حركت راسها بالايجاب وقلبها يدق بسـرعه
 عدي: احببك 
: وانا كمان 
 عدي : عارفه باايش افكر دحين 
 لمى : باايش 
 عدي قرب وهمسلها باأذننها وهيا وسعت عينها بصدمه 
 وضربتو على كتفو وهوا ضحك 
 وبعد الاغنيـه غيرو مكآن الدبل .. وجلسـو في مكآنهم وطلعت علا وامـه 
 وارجعت المطربـه تغني وهنـآ عدي فصـل مع علا نزل مشلحو على الكرسي ورقـص 
 وكل الأغاني اللي بتغنيها خليجيه والددددق بمحلـه 
 وسحب لمى معـآه عيله تحب الجنـآن 


 وكالعاده النـآس المنآفقه مازالت تنهش في لحمهم ...
ترف ماسكه نفسها بالقوه يتغزلو عيني عينك بزوجها 
 ولما يطالعو بلمى كلمآت مافيها لاماشالله ولا دعوه لطيفه 
 شايفين سعادة لمى وهمآ مو قادرين يبتسمولها 
 إلا وحده فيهم مبعده جسمها عن بنآت خالتها ومبتسمه للمى 
 ماتعرفها بس مبسوطه لفرحه دي العيله 
 ماتبى تكون مكآنهآ 
 ماتفكر بدي السطحيه 
 دي إنسانه ويحقلها تنبسط بللي ربي كتبلها هوآ
 البساطه نعمـه 
 اللي يرضو بنصيبهم نعمـه
 دعوه الواحد يرددها دايما " ربي لاتجعل في قلبي غلآ للذين امنـو "
وهنـآ ربي يرزقك قنـآآآعه والقنـآعه كنز لايفنى
 حتى حاسدينها على شي مالها صلاح فيهم 
 صحبات علا المشاهير اللي بس جوالاتهم يرفعوها ويصورو نفسهم ويتكلمو ..
وترف تحرك رجولها بنرفزه يعني يحسبو اصواتهم مو واصلتلها ولا إيش !
دي مو لمى ! 
دي تتنرفز بسرعه وتتمشكل مع اي احد بس محترمه المكآن لدحين ..
وبس خرج عـدي اتوجهت النآس للأكل إلا ام لمى وتـرف طلعو للمى 
 وبعدها اهليتها يسلمو عليـها 
 وبعدها صحبـآت علا اللي حافظتهم 
 دي مصممـه ازياء 
 وديك اعلاميـه 
 ودي خبيره مكيـآج
 ودي فاشنيستا 
 حافظتهم من سنآبات علا ..
وكآنت نص سـآعه وعلا قالتلها عدي يستنآكي
 قلبها طآآآح
 امـها لبستها عبايتها
 اللي مفصلتها لمى لونها اوف وآيت ومطرزه من الجوآنب واللولو مزينها ..
قبل لاتخرج امها حضنتها ودعيتلها من قلبها ... 
خرجت من البـآب الخارجي محد فيـه غير سياره عدي وعدي واقف 
 فتحلها باب السياره وراح سلم على ام لمى وهيا تقوله انتبه عليها 
 ركب السيـآره وهنـآآآآ هوا حس خلاص ملك الدنيا ومافيها 
 طالع فيها مسك يدها وسلم عليها : مبروك حبيبي
 لمى ابتسمتلو : الله يبارك فيكي
 ضغط على يدها البارده : خايفه مني 
 لمى : لا خايفه من الحياه الجديده بس مو خايفه منك 
 عدي كالعاده فصلاتو وهوا يتكلم بصوت غريب : وا ياااكلبي انا
 لمى : هههههههههه 
 عدي خرج من المواقف ووقف برا بس لازم يستنآهم 
 لمى شافت اخوانها واقفين بعيد 
 عدي طالع فيها : تآمر قعد يوصيني عليكي الف مرا وتميم خسيس من يومه قلي لو عرفت انك يوم بكيتها حجي افرشك عند باب بيتك 
 لمى : هههههههههه والله طيب بس هوا يخونه التعبير
 عدي : يخخخي يوم زواجي قول كلمه عدله على الاقل 
 لمى : ههههههههههههه ياااقلبي عليهم 
 وابتسمت لما شافتهم جايين باإتجاهها ماقدرت تخرج عشان الرجآل ..بس عدي فكلها الطآقه لما جو من نآحيتها 
 تميم مدلها يدها وهيا خرجتها بس باسها وقلها : مبرووك 
: الله يبارك فيك 
 وتآمر سلم عليها ونفس الشي ..
عدي بس يسمع لتميم و نفسه يحرك السياره ويسحب عليه 
 من يوم مانضرب منـه ولدحين علاقتهم سطحيـه..
تآمر يبا يجلط عدي من اول شايفه مربوش ويبا يمشي: هيا نستناكي بكرا على الغدى 
 عدي : هههههههههههه اقووول عندكم اسبوع اتخيلونا مسافرين وبعدين ابدأو عزايم وإحنا مانقصر
 تامر : تردنا من بدري 
 عدي : هههههههه ايوا دحين حتعرفوني على حقيقتي شغل النفاق حبطلو 
 تامر : هههههههههههههه اختي فيها الخير عارف حتسحبك معاها 
 عدي : اسحب عزيمتك ياتآمر عشان لاتخليني اتمشكل انا وهيا من اول يوم 
 تامر : هههههههههههه الله يهنيكم 
 وحركو على سيـآراتهم لما بدأو الحريم يخرجو من القـآعه 
 وعدي مخفف انوار السياره عشان ياخد راحتو مع لمى ومحد يشوفهم ..
لاشعوريا بس بيتغزل 
 بي بيبوس يدها 
 متجنن على شكلها 
 على نعومتـها 
 وأول ماحرك السيـآره بدأ جنآن لؤي
 جنان اولاد خالتـو 
 وعزآم
 ولمى بس بتضحك 
 وبس وصلـو لبيتها ..هنآ السيارات بعدت ونزلها وامها جـآت معاها طلعتها لشقتها 
 ورجعت سلمت عليها لأخر مرا 
 وعدي قفل وراها الباب ..

ولمى واقفه بنص الصـآله 
 عدي كآن يصورلها البيت كلو 
 بس برضو بالطبيعه احلى ..
ابتسمت بارتباك 
 وعدي رمى شماغو على الكنبـه 
 ووطالعلها بحقـآره : وااااخيرا 
 لمى : هههههههههههههه 
 مو خايفه منـو مو عارفه ليش النآس يتوترو بدا اليوم 
 هيا متوتره من الحياه الجديده بس 
 انسحبت لغرفه النوم 
 اللي ريحتها بسبب الفواحه ترد الرووح 
 قفلت الباب انتبهت للبس الابيض اللي على السرير بس مادتو اهتمام 
 فسخت فستآنها بصعوبـه 
 وعدي برا اتوضى وبيصلي ركعتين
 فتحت لمى دولاب ملابسـها وتطالع في بجايمها الللي اختارتها بعنايه 
 كل شي يناسب زوقها وسحبت بجآمه
 شالت الطرحه والتآج 
 وشعرها مايحتاج تسويلو شي كآن مفتوح بطريقه جميله ..
لبست بجامتها اللي اكمامها طويل والبنطلون طويل وعليه صور افلام كرتون 
 شي كيووت بس بنسبه لعدي مررررررررا مو كيوت حاليا 
 ولا عليها من احـد طالعت باإقتنآع بنفسها شالت فستانها ومو عارفه فين تحطو 
 وخلتو على الكنبه المزويه في الغرفه ..
نقلت عدسه عينها على غرفه نومها قبل ماتخرج 
 وابتسمت كل شي عاجبببببببها ...
فكت باب الغرفـه وهوا كآن جآلس على الكنبه 
 سمع صوت خطواتها وقرب لطرف الكنبه بحمآس
 واختفت ابتسامته لما شاف البجامه
 رجعت اياديها بدلع لورا ظهرها وقالت : اخيرا لبست شي مريح
 عدي صمت صمت وبعدها قال بعدم استيعاب : والله انا اللي مستنيتني ايام منيله بستين نيله

 نرجع شويـآ للوقت لورا ..
وقبل لاتحرك سيـآرة لمى وعدي ..
ترف دق جوآلها ورفعت الطرحه على راسها وخرجت لبراء 
 بس فجأه وحده كلمتها : إنتي دحين اخت لمى ترف !
لما شافت ديك الغتيته 
 نفسها اللي بتحش طول السهره قالت بدون نفس : ايوا !
بنت خالتها قالت : غريبه فين كنتي مختفيه 
 وبنت خالتها التانيه تنغزها تباها تسكت 
 ترف فهمت قصدها : كنت في بيتي !
بنت خالتها: وليش قاطعتنا طول دي الفتره ولا ندري عنك ولا كأننا اهلك
 ترف ضحكت بهدوء وانفلتت عليها على طول بدون اخد وعطى زياده : والله شوفي إنتي تحمدي ربك إني اليوم مادفنتك مكآنك تبيني اقابلكم على اي اساس ! _ شافت براء وقالت باسلوب مستفز _ زوجي يستنآني_ حركت يدها بقرف وهيا تباها تبعد _ بعدي بعدي ابا امشي
 بنت خالتها وسعت فمها وحوآجبها شكلها كيوت ترف 
 بس اسلوبها بالكلام وحددده مستتتتفزززه 
 وبرضو انصدمو من إنها متزوجه ومحد داري عنها !!!
وبراء نزلها وشال الكيس اللي بيدها والباقه وكلهم يطالعو بصدمه
 متتتتتتتى ..!!؟!؟!؟!!!
وفتحلها الباب وهيا ركبت وقفل الباب وحط الاغراض ورا ورجع ركب ..
وهما اتوجهه لأبوهم وركبو السيـآره ..
وماقدرت تمسك نفسها على طول اتكلمت : باباااا شوفت ترف 
 امها دوبها تركب السياره واختها اللي اصفر منها 
 ابوها على طول كشر : ايوا اعرف جا زوجها
 وكأنه ماصدقه يتجمعو عشـآن ينسو الفرح كلو ويتكلمو بترف وزوجها ..
خآل ترف : ليا تفاهم معاهم بس خلي اليوم يمر على خير ..

ام بـراء اللي اضطرت تقعد لنهايه السهره بسبب زوجها ..
ركبت وعلى طول فصلـت : فينك من اول 
 ابو براااء: ماقدرت امشي كآن روحتي مع السواق 
 زوجتـه :خوفت اجيبو اخر الليل ويجيني وهوا نآيم مو شايف طريقه 
 ابو براء زفر بضيـق ومارد
 وهنـآ هيا اتبخرت كل عصبيتها : ايش بك !؟
 ابو براء : ف حياتي مانحرجت زي مانحرجت اليوم 
 زوجته بفجعه ومافهمت عدل : وي ايش سار
 ابو براء وعينه على الطريق : والله اخوانها قدرووني وشالوني فوق راسهم من كبيرهم لصغيرهم رجآآل والله رجآآل
 ام براء : وفيه رجال يبيعو أختهم بدي الطريقه 
 ابو براء دار راسه وانتبه لمحمود نآيم : براء قال بالظروف اللي مرو فيها وشايفه كيف اختها اهل زوجها قدروها وشوفو ايش سولها والله العيبه في وجهنا خلينا ولدنا ياخدها بسكآآت 
 ام براء بصدمه : إحنا ايش دخلنا اذا همآ رضيو 
 ابو براء : هما انجبرو إحنا اللي رضينآ شوفي خلال دي الاسبوعين حعزمهم وحتعزمي كل العيله 
 ام براء : مو إنتا قلتلي 
 ابو براء قال بحده وهوا يقاطعها : مو ولدي اللي أنقص فيه قدآم احد بعد معاملة اخوانها وبعد الفرح اللي حضرتو دا .. البنت ماتستاهل إنو مانقدرها على الاقل قدام اهلها 
 ام براء بلعت ريقها بسكـآت بجدد فرق بين الاختيــن 
 اتوقعت اهل تـرف ضعاف ومشت الموضوع 
 بس بتنصدم وهيا تسمع عن وظيـفه ليث المهندس
 واخوها تآمر محاسب في مكآن معروف
 وتميم دكتور اسنآن
 اما نظرتها عن ام لمى حستها انسانه جديه وقويـه 

 ترف بس ركبت السياره وسامي ساند جسمه على الباب وبالقوه ماسك نفسه ماينآم
 براء مد يدو ومسك ترف وخلاها في النص
 ماقدرت تسحبها بس قلبها يدق بتوتر : ها كيف فرحكم 
 تترف : الحمدالله تمآم
 براء يطالع فيها وبعدها بالطريق مو عارف سار شي معآهآ بس ماحيقدر يسئل اكتر بوجود سآمي
 وكالعاده سامي عارف انو الكل ساكت بسببه ..

بس وصلـه البيت اتوجه لغرفته وغير ملابسـه ونآم
 ترف دخلت عليه لقتو نآيم 
 كآنت حتدخل الغرفه الا براء سحبها وقال بهمس : على فين
 طووووول ماهوا هنآك عقلو معاها ومستني يخلص اليوم 
 اشرت بتوتر : بس كنتي بدفيه 
 براء طالع وشافو متغطي باللحاف رفع حآجبه ورجعت اشرت على غرفتهم : بروح اغير ملابسي

 ابتسملها : روحي
 دخلت للغرفه وكآنت حتقفل الباب الا جا وراها وسابته 
 بس دخل قفل الباب وقلبها كآن حيوقف لما سمعت صوت المفتاح كمان
 بلعت ريقها وهوا سحب توبـه وحطو في سله الغسيـل اللي تعتبر ديكور بنفس الغرفه
 ترف فكت دولابها بتوتر عقلها معاه بس عينها مع الملابس 
 دخل الحمـآم واستحمـى وهنا هيا زفرت بتوتر
 اخدت بجآمتها القصيره وكآنت حتخرج الا شافت المفتاح مو فيه
 وسعت عينها بصدمه
 خلاص عارف انها حتشـرد 
 سامعه صوت المويـآ وفكت سحـآب الفستـآن واترمى بالارض لبست الشورت الابيض الحرير 
 وبلوزتـه الحرير لنفس الشكل بس كآن طايح على جسمها بشكل زايد انوثتها 
 فكت شعرها الملموم ودوبها شالت رموشها الا صوت المويآ اختفى 
 وسعت عينها بصدمـه 
 ايش الاستحمام السريـع دا !!!
اتوقعت نص ساعه عشان يخلص حتكون هيا بسابع نومه 
 مع إنو لابسـه اللبس عشان تشوف نظراته لما تصحى تبا تجننه بس انقلب الموضوع 
 اتربشت في نص المكآن مو قادره تروح للسرير شكلها سار غبي برمش واحد 
 قربت من المرايه وسحبت الرمش التآني وشكلها سار اغبـى 
 الايلاينر اتمح 
 سارت مابين ترسم بسـرعه ولا تمسح ..!
ايش اسرع مو عارفه .!
فتحت الدرج بسـرعه خرجت الايلاينر ومقدمه للمرايه وترسم بســرعه على المكآن المعدوم
 إلا انفتح الباب وكآن بيدندن واختفى صوته اول ماشافها 
 نزل المنشفه اللي كآن ينشف فيها شعره 
 ومنشفه التآنيه لاففها حولين وسطـه
 تبا تبكككي
 نزلت القلم على التسريححه بهدوء 
 ماتبى تدير
 الشورت عباره عن شبــر بزبط
 الهوى يخرج من فمها بتقطـع 
 مرعووبـه 
 دارت جسمها ووجهها حمـر لأنو مو لابس بلوزه دارت راسـها 
 وكلمـه : اوووه 
 بكل اعجــآآآب
 دا بس اللي خرج منـو
 اتقدم بخطوات هاديه اتجاهها 
 رفعت صباعها وتأشر على الدولاب وتبا تبرر ليش لبست كدا : ترا كـنت ا
 وانكتمت لما مسك يدها وضغط عليها قال بهدوء :" كنتي ايش
 اتبخــر الكلام 
 مو قادره ترفع عينها عليـه ..وكآنت بديك اللحظـه زوجـة برآء بكل ماتعنيه الكلمـه 

 اخوان لمـى 
 كل وآحد بسيارته وهدوئـهم يعبر عن وجعهم بخروج لمى من البيت 
 تآمر شايف امو كل شويا تمسح دموعها 
 دي كآنت الشي الطيف عندهم 
 وفجأه خلاص خرجت 
 يدعولها بكل صلاه إنو ربي يعوضها بعدي 
 وإنها تعيش احسن من الحياه اللي ماقدرو يدوها هيـآ
 كلهم يعتبروها بنتهم مسسئولين عنها 
 محاسبين عليها 
 زفر تآمر بضيـق وهوا حابس ضيقه جوتـه 


 امـآ تميم عكسـه .. نزلت دمعته ومسحها على طـول
 عينه على الطريـق 
 لمى بنسبه له كل شي في البيت 
 لو عرف انها انضربت يسهر طول اليوم معاها 
 يجلس في الارض عند سريرها من اول يوم انضـربت فيه لأخر مرا ضربها ليث
 خايف يوم عدي يتعدى حدوده وتكون سآكته عن حقـها 
 خايف إنو مايقدر يكون لها الأخ اللي تحتاجه في اي وقت وهيا بعيده
 حتبكي لوحدها 
 حتحتاج وماحتتكلم 
 حتتحمل حيآه زوجيه ومايتخيل انها كبيره عشان تتحملها 
 لساتها صغيره بعينهم
 مخننننوق وحابس دموعه بالقوه 
 جنب سيـآرته على جنب لما حس مو قادر يسوق 
 خلاص كل شي انقلب عليه 
 رشـآ وروحت لمى 
 مخليتو مو على بعضـه 
 وماصدق خلص الفرح عشـآن يبعد عن الكل 
 عشان مايتكلم ومايضحك 
 مسك جوآله ويفتح محادثة رشا
 ويرجع يفتح رقمها يبا يتصـل
 بس غصبـآ عنو مو قادر
 عمرو ماتخيل إنه بيتواصل معاها الا لغرض واحد يباها بالحلال
 مو قادر يتصل لأنو خايف ربـه فيها 
 خايف يجرحها اكتر من الجرح اللي فيها دحين
 حتقدر تنسآه حتسافر وحتنسى نفسها 
 وهوا حيكمل حيآته 
 بكـي لأنه مشتقلها 
 ولأنه يحبها لدرجه إنو مايبى يتصـل
 يحبها لدرجه إنو حيصونها ويبعد عنـها 
 حبـه شريـف وهوا من جوتـه شريـف 
 دا تميـم باإختصآر ...


امـآ ليث وامـل .. طالعيـن الدرج وصوت كعب امل طاغي بالمكآن
 ليث شايل احمد وهوآ نايم وامل ماسكه دانه بالقوه 
 كلهم سهرو وتعبـو والاطفال مايقاومو السهر ...
وصلت لعند الباب ودخلت يدها بجيب ليث لما اشرلها 
 سحبت المفتاح وفتحت فيـه الباب .. ودخل على طول ليث لغرفت احمد وحطو 
 وفسخلو جزمتـه وشرابه وغطاه باللحاف ... ودانه دخلت وانسدحت على سريرها 
 بلبسها وبجزمتها بس محد عبرها زي احمد 
 غطت جسمها باللحاف وعينها على ليث اللي يسلم على راس احمد
 وبعده دار جسمه وهيا سوت نفسها نايمه ..فتحلهم المكيف وخرج

 دخل غرفتـه شال شماغه وحطو على السرير وامل على الكرسي تشيل جزمتها 
 صممممت كالعاده 
 يطـآلع فيها وهيا راخيـه جسمها وبتحاول تفتح الحديده 
 حق الجزمه اللي في الجنب بس مع اظافرها مو قادره 
 عقدت حوآجبها ورفعت يدها باألم لما اتعورت 
 بس ثانيـه وتحس قلبها طاح لما ماحست فيه وهوا يقرب ونزل بجسمـه لعند رجولها 
 مسك رجلها بصمت 
 وفكلها اول وحده وفكلها التآنيه وقـآم 
 قالت " شكرا " بهدوء ماتدري حتى وصلته ولا لا
 بس بجددد فجعها ..
قامت وغيرت ملابسـها وكل شويـآ تطالع فيـها جلس على طرف السرير وبس 
 وقفت قبال المرايه وشيل الاخراص وتطالع 
 وترجع تكمل 
 مسحت مكيآجها وخلصت كل شي واتوجهت للسرير 
 انسدحت واتغطت وشايفه انعكاس ظهره 
 قلبها يوجعها عارفه ف نفسـو شي ...
قالت بصعوبـه وراسها مارفعتو من على المخده : ايش بك
 هدوووء طاااغي المكآن 
 اضااائه خافتـه 
 ماعلق . مارد .
خمسـه دقايق مرت وبعدها رفعت جسمها وسندتـه على المخدآت 
 ماتقدر تطنـش 
 تحبـو 
 وهدوئـه الفتره الاخيره ساير يقتلها مع إنها مو مديته وجه من بعد اللي سار لأحمد ..
 : ليث ... سار شي هنآك
 استنت يتكلم ولا أتكلم دوبها بتهرج إلا بعدين هرج بكل إنكسآر ولأول مرا يقولها : شوفت ولد ترف ... شوفت اللي ظلمتـو .. شوفت ولدي كيف ساير انسان عاجز مع الاطفـآل... شوفت اختي لمى في سيارة زوجها وماقدرت اباركلها .. شوفت ازواج اخواتي ورخيت عيني وماقدرت اطآلع فيهم _ بكي وهوا يكمل _ والله ندمآن ... والله تعبت من الوجع اللي احسو .. ابا اعتذر لأخواتي ومو قادر _ قال بحرقه _ مو قادر حتى إني اقرب منهم ... احمد كل يوم يقتلني احمد كل ماشوفه يذكرني بجبروتي على أخواتي 
 واختفت كلمـآته وصوت بكآه هوا اللي طغى على المكآن ..
وامل ي من يوم ماقال ولدي كيف ساير انسان عاجز بكيت 
 ليش تكون هيا والزمن عليـه 
 ليش ماتحاول توقف جمبـه
 اتحممملت كل شي منـه لما طآآآح مو قادره تمد يدها 
 مو قادره تهون عليـه
 ومهـآ حآولت تكون قاسيـه 
 ترجـع امل الحنونـه وترجع لطبيعتها 
 سحبت جسمها من على السرير 
 وراحت باإتجاهه وهوا وقف كآن مايباها تطالع فيه وهوا يبكى 
 كآن بيشـرد لممكآن بعيد عن نظراتها 
 الا مسكت يده وقربت وحضنتـه قالت بهدوء : انا اسفه 
 مو عارفه على ايش بتعتذر بس كآن محتآجها طول دي الفتره ومو قادر يقولها اباكي
 ماصدق انها جآته 
 ماصدق حس بحضنها نزل جبينه على كتفها وبكككي وهوا اللي ساير يحضنها 
 هوا كآن يبا احد جمبـه طول دي الفتره 
 اهله وعيلته كلهم فجأه سارو ضدو ...
وأخيرا رجعتلـو اول وحده زوجتـه 
 اول وحده لو انقلب العالم كلو عليـه هيا اللي كآنت توقف جمبـه 
 هنآآ حس بقيمتها 
 هنآ يعرف بعد مآكآن يرخص فيها بكلامه هوا الرخيـص كآن بديك اللحظه 
 لو تدري بس بكميه الحب اللي بقلبه بدي اللحظه مآكآن بعدت عنـو ..
لو تدري قد ايش مستعد يعوضها لو على حسآب نفسـه كآن جاته من قبل لايبكي ..
بعدت عنو ورفعت يدها وهيا تمسح دموعه
 وتقول كلام تصبر نفسها ونفس زوجها : ولدي مو عآجز مسأله وقت وحيتعود على حكمة ربنآ ..أهم شي نو بصحتـه _ ابتسمت بين دموعها _ واهم شي انو بيضحك ومبسوط الطفل رضي ليش احنا مانرضى
 حرك راسه بالإيجاب ومستعد يسمع الكذبه حتى لو إنو مو مقتنع فيها
 مستعد يسمع لأي شي بس يباها تهديه ومعاه
 رجعت يدها على شعره وهيا تمرره بانعكآس : أكلت ولا كنت مع احمد 
 عارفته خلاص دي الفتره يركز باأحمد وينسى نفسـه 
: لا مأكلت 
 امل ابتسمت : طيب قوم غيـر على بال اعبـ
 وقطع كلامها لما حضنها وقال : الله لايحرمني منك
 وسعت عينها بصدمه للمرا التآنيه فجعها 
 مافككككر بس كآن بيعبر 
 يبا يقول الشي اللي تستحق تسمعو 
 تستاهل انو يتغزل فيها تستاهل انو يعبر عن اللي بقلبه 
 حتى لو مايعرف 
 حيرمي الكلام ومايفكر
 ماعلقت ماحضنته يدها مجبسـه 
 بعد عنها وبدون مايطالع قال : لاتعبي شي اغير واروح انا وانتي المطبخ 
 ويبا يساعدها !!!
بعد عنها وكالعاده شافها قبل لاتغير حاطتلو ملابس على جنب 
 ابتسم واخدها وغير ملابسـه ورجع وقف عند الباب واشرلها براسه : ماتبي تجي
 كآن فيها نوم بس طآر النوم 
 وهوآ مخنووووق ومايبى يقعد لوحده دخلت المطبـخ وفجأه بتنآحه نسيت ايش حتعبيلو 
 ولا فين الأمآكن دخلت تحوس وهوا يطـآلع فيها وعينه محمره من البكى 
 فتح التلاجه وطالع فيها : تسويلي بيض ؟
 امل : طيب 
 خرج بيض من التلاجه ومهمآ حاول ييساعدها مو متعود 
 تعب خلاص لما خرج البيض 
 رجع جلس ولازم يكون سي السيد وهيا كملت ويطـآلع فيها تشتغل 
 وموترها 
 تحس كأنه دوبها انخطبت من نظراته الغريبه 
 بهدوء قال : كآنو مبسوطين 
 امل تشتغل وتتكلم : لمى ماشالله طلعت تجنن وشكلو اهل زوجها ناس طيبين ... وترف كبرت واتغيرت _ خرجت ضحكه خفيفه _ بس ابتسامتها زي ماهيا هيا الشي الوحيد اللي ماتغير فيها 
 ليث : ماكلمتيها 
 امل حركت راسها البنفي : لا _ قالت بكدب _ اساسا طول وقتها كآنت مع لمى ماشوفتها الا اول مادخلنا
 امل كآنت مكسوفه منها حتى لمآ سلمو ماقالتلها انا مين ..
سحبت نفسها على طول ..
بس ماتبى تجرح ليث زياده
 ليث : اهم شي كآنو مبسوطين
 امل ماعلقت كدا قالها من قلبه وبنفس الوقت تحسها زي الغصه 
 كآن بيقولها انو شكلك كآن حلو بس ماقدر 
 بس مصمم يقولها حتى لو يكتبلها هيا بالوآتس 
 وعبتلو الاكل وقطعتلو خضـآر وجلست قباله على الطاوله 
 اللي متوسطه المطبـخ ..
وبس اكلـو رجعـو للغرفـه وانسدحو كل واحد في نآحيته هوا مسك جوآله 
 مستغربه انو بيكلم احد دا الوقت 
 بس ماسئلت وماتكلمت 

 ليث ..يعشق الشعر .. كتتبلها شعر حآفظه زي اسمو وابتسم لاشعوريا وهوا يكتب ورا بعض 
 اول ماخطبها كآن اللي يجننها الكلام اللي يرسلها هوا بالاوراق ..
 " أجمل أنثى هي أنتِ
 والأنوثه تكمن داخل عينيكِ
 والرقه تذوب من شفتيكِ
 فذابت القلوب هاويه عند قدميكِ
 وبريق الشوق يشع من مقلتيكٍ
 فصارت الشمس غائبه مادامت تشرق عينيكِ
 أحبيني فأعطيك أضعاف عشق مالديك
 فإن شئت ام أبيت
 أخبريني بأي شي تمنيت 
 فأعطيك اضعاف أضعاف ماتمنيتِ
 فإن شئت ام أبيت 
 فستظل قصائد شعري قبلات على خديك "

حاول ينـآم ماقدر دار جسممه وشافها كعادتها نايمه بطرف السرير 
 يباها قريبـه منـو لهم اسبوع على دا الحال ..مد يدو وسحبها لحضنه 
 صرخت بفجعه من السحبه .. إلا هوا ضحك ..


بعيــد عن دي الاجواء مدخل اياديه في جيبـه ويطآلع فيها من بعيد وهيا جالسه لوحدها 
 خرج من اللوبي واتوجـه لها ..جلس جمبها وطالع في الطريق الفاضي : ايش بتسوي 
 روآن طالعت فيه ورجعت شتت عينها : ايش مصحيـك
 بشار : حترودي السؤال بسؤال
 روآن : عادي قلت اجلس لوحدي شويا
 بشار : انتي كل يوم بتنزلي اول ماتنآم امك وهديل
 روان رفعت حاجبها : مافهمت بتراقبني 
 بشار اتثاوب وبعدها قال : ايوا
 روان ابتسمت وماعلقت
 بشار : لين متى حتكوني بدال الحآل
 روآن سندت جسمها على الكرسي : ايت حآل ؟
 بشار : هدوئك الزايد 
 روان بهدوء تهرج: كل واحد فينا اتغير تبا تفهمني هديل اغلب وقتها نايمه شي طبيعي ؟ ولا إنتا تجينا باأنصاص الليالي تدق علينا مفجوع ! 
بشار بلع ريقـه وماعلق ملاحظ هديل وسآكت وهوا كوابيسه مو راضيه ترحمه 
 ورآن هدوئها هوا انكسارها ..
روآن : السؤال حنكون كدا لمتى ؟
 بشار : لما نشغل وقتنا وقتها حنقدر نتعايش اما كل وحده حابسه نفسها طبيعي ماحتقدرو تكملو 
 روآن : ايش تباني اسوي ؟
 بشار : اشتغلي على بال في اي شي لو حتقعدي طول اليوم لوحدك والله حتتعبي زياده 
 روآن : وهديل ؟
 بشار : ماعليكي من هديل فكري بنفسك دحين 
 روآن : إنتا جبلي وظيفه انا ماعرف غير الاماكن اللي كنت اشتغل فيها ومابى ارجعلها
 بشار مافي شي براسـه بس حيشوفلها : طيب .
روآن بتردد : ماتفكر بعض الاحيان إنو احنا غلطنآ .؟
 بشار سكككككت
 شي نفسي بيعيشو كل يوم ..
ماعنده جوآب وماحيكدب عليها قال بصعوبه : مدري
 وسآد الصمت بينهم وبعدها هيا وقفت وقالتله : طالعه انام 
 اشرلها براسـه وبسؤالها خلتو يسهر في مكآنها 


 امـآ روآن طلعت وجلست على الكنبه ..هيا وتآمر سار الكلام بينهم مرا بارد
 مع انها مشتاقتله وهوا مشتقلها 
 طالعت بالساعه مشكلتها لما تفصل تفصل تتصل عليه حتى وهيا عارفه انو نايم 
 ناسيه انو فرح اختو خلاص مع اللي فيها تنسى كل شي 
 واتصـلت وهوا دوبـه داخل البيت اتوجهه لغرفته وقفـل الباب 
: هلا 
 روآن ابتسمت لما حستو مو نآيم : اهلين ..
تآمر بصوتها بس فتحتلو نفسو مع إنو كآن مخننوق : ايش مصحيكي لدحين
 روآن : إنتا ايش مصحيك
 تآمر : دوبي راجع من فرح لمى 
 روآن : ايوا صح مبرووك .. عقبالك 
 تآمر : ههههههه امي طول الطريق تقولي عقبالك انتا وروان 
 روان وجهها حمر وبتلعب بالجنز باارتباك : متى حتقولها 
 تآمر اتنهد : مو عارف والله متورط بالهرجه واخويا تميم الزفت كل يوم بيورطني زياده 
 روآن : ههههههههههههه ليش 
 تآمر دوبو اهو دوبـو عشان متنكد ويبا يضحك قال بكل صوته ياتآمر مايسير كدا حددو يوم الفرح وخلينا نخلص وامي على طول مسكت خط معاه وربي اتصالك انقذني 
 روان : ههههههههههههههههههههه ايش يبا دا
 تآمر : مممدري عنننو عارفني مو قادر افتح فمي
 روان : هههههههه روح قلها اني طلعت مجنونه وانتا طفشت مني وسبتني 
 تامر : هههههههههههههه على اساس مافكرت فيها 
 روان شهقت : تبا تشوه سمعتي 
 تامر : هههههههههه بطلت ياقلبي
 روان : بعد ايش 
 تآمر الشي اللي خلاه مايتكلم كدا جنانه فيها لما راحت لأمها 
 سار مو قادر ياخد خطوه ويروح يتكلم لأمه عن شي ..غير الموضوع على طول :متى حشوفك ترا والله خلاااااص
 روان مو حاسه بنفسها لما تضحك بس معاه وهيا طول يومها مكتئبه : هههههههههههه خلاص ايش 
 تامر : وصلت معايا ترا خلاص انا حاسس نفسي وصلت لأخر مراحل في قلة الحيا معاكي شوفت امك واهلي يحسبوكي خطيبتي وطحت من عين اخواتي يعني عايش حيااااه زي الزفت وفوق دا كلو لدحين ماشوفتك 
 روآن ضحكت من قلبها وهيا تتذكر شكل تآمر لما انكفش : ههههههههههههههههههههههه تآمر بلله كيف كآن احساسك
 تآمر : بلله لاتذكريني والله قلبي يوجعني كل ماتذكر
 روآن : هههههههههههههههههههه
 تآمر يضحك ويتكلم : عارفه ايش اللي فاجعني 
 روآن نفس الشي بجد موقف مستحيل ينسوه : ايش ؟
 تامر :هههههههههههه _ يبا يقولها بس مو قادر _ ههههه خايف ههههههههه خايف امي تتذكر كل شي وتجي تسئلني انتي مين 
 روآن : هههههههههههههههههههههه
 تآمر : والله مرا مفجووع اول ماتقول رااسي يوجعني وانا ادعي ربي يستر عليا 
 هوا يتكلم وهيا ميتـه ضحك دلال قامت مفجوعه من ضحكتها بس ماخرجت من الغرفه ومو سامعه ايش بتتكلم بس ضحكتها العاليه فجأه تطغى على المكآن ..
روآن : آآآه ياقلبي خلاااص
 تآمر : ههههههههههه إنتي ايش عليكي والله ياروان كنت هيبه والله كنت هيبه قبل لاأعرفك
 روآن : ههههههههههههههههههههه
 ونسيـت نفسـها وهوا نســي نفسه 
 كآن لسى قبل لايروح الفرح يقول بدأ يتعود على غيابها 
 بس صوووتها رجعلو الروح جوتـه صوتها خلاه يضحك من قلبـه لين ماينآم 
 وهيا نفس الشي اتغير مودها على طول المشكله مآكآنت ملاحظه لين ماقفل ووقتها اختفت ابتسامتها
 لحظه حست ايش يعني تآمر بحياتها !قـآمت من مكآنها وراحت لهديل بتفتح البيآب الا لقتو مقفل..
عارفه انها ماتباها تنآم جمبها قالتلها روحي نآمي مع امك 
 مرا انكسرت عارفه انو هديل لما قفلت اكيد بكييت 
 اككيد كآنت تباها بس لأنها تتمنى امها خلت روآن تروح لأمها 
 وقبل لاتدخل على امها اتصلت على بشار وعرفت انو لسى تحت بسبب الهوى 
 قالتلو ايش سوت هديل وقفلت تنآم عند امههـآ 
 مع إنو امها نآيمه بس كآنت روآن تتحرك كل شويا على السرير 
 عشان امها تصحى وتقرب منها بس تحط يدها على ذراعها 
 تقلب شويا يمين وبعد خمسه دقايق 
 وشويا يسـآر وفعلا اول مافتحت عينها دلال وروان مغمضه عينها قربت منها 

 روآن تعودها هوآ اساس علاقاتها اتعودت على حضن دلال إللي كآنت تحضنها وروان ماتباها 
 بس حاليا اتعودت عليه لها يومين بالقوه ماسكه نفسها ماتجيها عشان هديل

 بشـآر تحت مو عارف يتصل على هديل لو نايمه مايبى يصحيها 
 كتبلها بالواتس وماردت اتصل عليها ونفس الشي 
 زفر بضيـق 
 ارسل لعمو جميل .." عمي ايش سار مع موضوع الشيخ .؟"
وطلع لفووق 

 حعدي بالشهور شويا لقدآم ..لسبب واحد ..
ظروف بشار وهديل وروآن .. كآن تحتاج لشويه وقت عشان يقدرو يكونو طبيعين ..
لا اليومين او التلاته 
 ولا الاسبوع او الإسبوعين كآنت حتخليهم يرتآحو .. 
حتى روآن ماحتكفيها جلستين او اربعه مع تآمر عشان تضحك وتنسى اللي بنفسها ..

بعــد 3 شهــور ... 

بشـآر بـآع بيت العيلـه ونقلـو كلهم لأحد عمـآير أبوه
 شقـه لروآن وامها وهديل
 والدور اللي تحت شقـه له ولأمه ... 
له شهـرين ونـص هوا وهديل مخطوبين ... وجاب الجنان للكل بمرتـه 
 يخرجو من العصر ويرجعو الفجر مرررا طبيعي امه حتتجنن منـو وكالعاده يصرف المواضيع
 وهديل مو داريه ايش بيسير ... بدأت تتغير نفسيتها بدأت تتعدل بشار كل يوم هيا وياه في مكآن وبعض الاحيان روآن تجي معاهم ..
روآن بدون سبب بنسبه للكل نفسيتهااتغيرت ..بس بنسبه لها طبيعي تتغير دام تآمر مخصصلها كم سآعه بيومه لازم يتقابلو فيـها ... ساير مايفكر معاها بيدخل من مشكله لمشكله ومازال يكدب 
 تحبـه ومبسوطه ومعااااه تنسى كل شي عاشتـه 
 تحسو الاب اللي انحرمت منـه متى ماتبى تشتكتي تجيه متى ماتبى تبكي تجيه متى ماتبى اي شي تروحلـو على طول ..
تآمر كل يوم وهوا قاعد يغرق لشوشته هيمآآآآن والدنيا بنسبه له روان ي روآن 
 امل وليـث علاقتهم مرآ اتحسنت عيله بسيطه سعيـده 
 لؤي وعلا اتحدد فرحهم بعد شهرين ... 
رشـآ سافرت 
 تميم انهـآر اول ماعرف بس رجع وقف على رجوله تآني 
 امهم كلام النآس بدأ يلعب بعقلـها عارفه ومتأكده إنو اولادها بيكذبو عليها بس ليش !!!
لا العيله عارفه انو ترف كانت مسجونه طول دي الفتره ولا الأم قادره تستنتج 
 كل اللي فهمته ترف مختفيه !
راسها بيوجعها كل يوم من الجنآن اللي تفكر فيـه ...
لمى وعدي عآآآلم آخر 
 جنـآآآآآن مابعده جناااان ربش عيلته فيهااا ..مرا جا جارهم يدق الباب مفجوع 
 حسب احد بيتعرض لهجوم في المكآآآن إلا عدي اعتذرلو ودخل يضحك للمى وهما يلعبو شرعت بالبيت 
 يمسكها ويحشرها بزاويه و هيا تصرخ الالعاب على كيفه بس كل مرا تقول ماحتصرخ وفي النهايه تفضحو بالعماره كلها
 ترف وسـآمي 
 علاقتها مع براء مافي زيـها
 حتى سامي بدأ يتعود عليـه 
 مو قادرين يوده لدكتور نفسي بس بنفس الوقت حاستـو ارتآح عن اول 
 صح بيجلس لوحده اغلب وقته ومابيتكلم بس مو عارفه تتصرف معاه 
 براء اغلب وقته في الدوام يعني مو مقصره مع سآمي 
 ولما يجي براء سامي يكون نآيم عشان المدرسه ...
تروح دايما لجمعآت اهلها وطبعا كل جمعه ليث يصرف نفسـه
 وبرضو امهم ملاحظه وسـآآآآكته 


 في بيــت اهله .. ماسكـه لمـى الطرآطيـع صارووخ وعدي جمبها 
: شوفي لما اقولك حاااي ا انتي ولعيه وحطي بااتجاه الباب 
 لمى عقدت حوآجبها : ليش 
 عدي : عشان بصور من الجنب كيف ممكن يجي الصاروخ
 والبلهه صدقــت 
 وعدي بس مشي من قدآمها ماسك ضحكته بالقوه 
 دخل للصـآله : ااابويا تعااال تعال بسـرعه ..
ابوه : ايش فيه 
 عدي مسك يده : لمى تبآآآك 
 ابوه مشي معـآه وقبل لايوصل قال للمى : ههههي جاااااي 
 لمى تولع والولاعه مو راضيه : دقييييييييقه 
 ابوه مبتسم وعدي ماسكه : اصبر
 إلا لمى قالت : يلا يلا 
 وفلتت الصـآروخ وابـوه خرج وعدي فتـح تصويـــر
 وفجأه ابوه ينطنططط ويصرخخخ 
 وعدي ميت ضحكك 
 ولمى شهقت بكل صوتـها وحاطه يدها على فمها 
 الام جآت جججري علاا وعزآم 
 ولمى مفجوعه وتطآلع فيهم كلهم الا عدي جآ وهوا ماسك لسى تصوير بس راخي يده كلهم قبـآل لمى وابوهم مادد يدو على الجدار وبالقوه ياخد انفاسه مع الفجعه 
: ايش سااار 
 عدي بكل صوته : ايش بك يالمى !!!
لمى وسعت عينها وتبا تبكي : والله ماليا صلاح _ اشرت على عدي _ هوا هوا قلي أ
 عدي : انا بلله حقولك حطيه على ابويآ انـ
 وقبل لايكمل ابوه مسكـه من بلوزته بعصبيـه : إإإإنتتتتا متتتتتى حتكككبر كككنت حتوقف قلبي ياااكللب
 عدي ولا كأنه بيتهزأ قددام مرتـه حتى لما اتزوج جبلهم الجنآن ومخلي مرتـه مساعدته في مصايبه : ههههههههههههههههههههههههه بقولك لمى مو انا 
: تستتتهبل ماااعرفك يعني 
 لمى ضمت يدها تحت صدرها وابتسم بحقـد : تستتتتاهل 
 علا : ههههههههههههه والله عيب عليكك تعالي تعالي يالمى 
 لمى : بلله ياعمي بردلي قلبي فيـه والله قهرني يقولي _ تقلد صوته _ ابا اصور من الجنب كيف ممكن يجي الصاروخ 
 عزام : ههههههههههههههه على اساس الجوال حيبين يعني التصوير
 لمى مافكرت قالت بقهر : مدري مافكرت بالموضوع
 عدي : هههههههههههههههههههههه _ طالع في ابوه _ والله احبها كيوت كييوت 
 كلهم يستحو الا هوآ مايستحي لما يتغزل فيـها 
 دخلو على طول ولمـى جآت تضرب فيـه بقهر : حقيير انتا حقييير
 عدي : هههههههههههههههه كآن البيت متشتت ومشغول شفتي جمعنآهم كلهم 
 لمى : تجمعهم وتحطها بوجهي 
 عدي : حبيبي الكل عارف انك ماحتسوي شي زي كدا _ غمزلها _من باب الدعابه
 لمى بجديه تهرج : ماحترتاح إلا لما توقف قلب احد ووقتها قلي من باب الدعابه 

 روآن تمشي في سطوح العمـآره وحاطه السماعات قريب من اذنها : هاا متى حتوصل 
 تآمر : لسى طيارتي في الفجر حبيبي
 روآن : أحي اني ماسرت اعرفك 
 تامر : هههههه طول وقتك بتكلميني 
 روآن : ايوا بس لك شهر مسافر 
 تآمر : إنتي عارفه اني من المطار حجي عليكي على طول 
 روآن ابتسمت وقالت بكدب واضح في صوتها : لاتتعب نفسك روح نآم وبعدها نتقابل
 تآمر : طيب كويس ا
 وقبل لايكمل رفعت صوتها وبتحذير تتكلم : والله اقتتتلك لو ماجيت
 تآمر : هههههههههههه
 روآن بتردد : ايش سويت مع امك
 تآمر : ولاشي بماطل معاها 
 روآن : الله يرزقني قوه صبرك 
 تامر : هههههههههههههههه ايش تبيني اقولها حتى تميم كل بعد يومين فاتحلي الموضوع واحترم نفسك وقولها اتفركشت الخطوبه بس مو قادر
 روآن :عينك قويـه 
 تآمر : انا انسان افكر بالمستقبل 
 روآن رفعت حاجبها : ياااشيخ
 تامر : هههههههههه صدقيني اللي قاعد اسويه صح بس محد فاهمني
 روآن خدودها حمرت : فهمني طيب
 تآمر : بلاشي دحين كل شي بوقته حلـو ..
روآن : طيب ..ايش سار مع موضوع قاسم 
 تآمر : اتهموه بالقتل العمد وانا اتنازلت فاحكمو عليه سجن مؤبد اليوم 
 روآن : اووف
 تآمر : وإنتي ايش سار مع جآسم 
 روآن : مدري لسى ماحددو موعد القصآص بس ماسار فارق معايا مو مهتم لوجودي ليش انا اهتم 
 تامر : واخوكي ؟
 روآن : على نفس وضعه شايل هم الموعد بذات لأنو حيتحددد بدي اليومين
 تآمر : الله يجبر قلبه
 روآن ماعلقت 
 تآمر : وامك ؟
 روآن ابتسمت : علمتني الحرووف وع
 تامر قاطعها : لا ياقلبي مو من دي النآحيه مع محمد ايش سار معاها 
 روآن انقهرت : طيب خليني اكملك افتخاري بنفسي ..
تامر : هههههههههههههههه طيب كملي معليش 
 روان : ماعاد ابا اكمل كسرت بنفسي
 تامر : هههههههههههههههه امانه كمملي خلاص
 روآن : مااابى ...له اسبوع محمد مابيتصل على نفس الموضوع القديم 
 تآمر : حترفع عليه قضيه خلع 
 روآن : مدري باإيش تفكر لدحين بس اهم شي اخوانها رضيـو عنها 
 تآمر سكت وبعدها قال بهدوء :شايفه كيف بتحارب الكل عشانك ؟
 روآن ابتسمت : شايفه
 تامر : اقتنعتي خلاص ؟
 روآن : هههههههههه بس باقي تخلع محمد وارتاح واقولها احبك
 تامر : وربي ماتستحي 
 روآن : ههههههههههههههههه _ تتكلم باافتخار كعادتها لما تسوي شي يمدحها _ امس انا سويتلها الفطور وصحيتها عليه
 تامر يتكلم معاها زي الاطفال : ماااااااشاللله شااااطره بنننتي 
 روآن : اييوا كمان وهيا تذاكرلي انا كنت اسمعلها وماأضحك كل شويا 
 تآمر : شاااطره حبيبي ايش كمآن سويتي 
 روآن : هههههههههههههه ماتذكر ايـ _ اتذكرت _ ايوا ايوا بكرا حخرج اتغدى انا وهيا لوحدنا
 تآمر : يسعدها الكبيره حقتتتي 
 روآن : ههههههههههههههه لا قولي شااطره بنتي 
 تامر : ههههههههههههههه خلاص مسكت معاكي 
 روآن : ايوا انا اسوي الاشياء اللي تعجبك عشان تقولي شاطره بنتي
 تآمر : طيب باقي شي ماسويـ
 روان قل لايكمل : ااااااااوه يااااربي من موضوع العبآييه 
 تامر : ههههههههههههه قلتلك ماحتنازل 
 روآن : ايوا ارجع ويسير كل وضعنا مشاكل نفس الشهر اللي كنت فيه هنآ 
 تآمر : إنتي عبيطـه ايش اسويلك 
 روآن : وإنتا تبا تفرض عليا كل شي
 ورجعــو يتمشكلو زي الشهرين اللي فاتت .. يومين عسل واربعه ايام مشاااكل


 اما في الدور اللي تحت لبست ملابسها بتعــب وارهآق
 بلوزه بيضآ وبنطلون اسود شي كاجوال بمعنى الكلمه 
 دق الجرس وفتحت الباب لبشـآر : لسى ماتجهزتي 
 اشرتلو على المجلس : ادخل ادخل
 بشار عقد حوآجبه ودخل : ايش بك 
 دخلو للمجآالس وهيا جلست جمبـو : مرا تعبانه 
 بشار : وجهك مصفر اصلا 
 هديل شويا وتبكي : من يوم ماصحيت استفرغ وقرفانه من كل شي 
 بشار : ايش حكآيتك دي الفتره
 هديل : مدري والله بس اليوم مرا تعبت _ نزلت دموعها _ من 6 الصباح وانا رايحه وجايه ومعدتي فاضيه وبرضو بستفرغغ
 بشار بدأ هوا دحين وجهه يصفـر 
 ورجع يقول لا يااولد مستحيل 
 سحبها لحضنـه : تعالي حبيبي ارتآحي خلاص مو لازم نخرج 
 حطت راسها على كتفـه 
 ودقـآيق وسارت تشم ورا بعض 
 بشار : ايش بك !!
رفعت خشمها لرقبتـه وابتسمت : ريحتك تجنن
 بشار اتوتتتر حتى مابيتنفس مع الفجعه
 انما هديل غمضت عينها وهيا مستمتتتتتتعه وكأنو الغصيان وكل شي اخيرا فك منــها ..
وبشار لساتو قلبــه حيوووقف 
 تكون حآآآمل !!!!
ليش لا !!!
لا لا إن شالله لا انا ماليا في الاطفـآل
 انا مابى اطفـآآآل اصلا 

 وعينه موسعه من الصدمـه وقلبـه حيوووقف وهديل نآمت في ثووواني
 نامت وكل شويا تحرك راسـها برقبته 
 مااااقدر 
 مرررا ماقدر
 حس انو قلبه حيووقف
 دا بشااار 
 دا اخر انســآن يفكر إنو يجيب اطفــآل !!!
دا كآن مفكر بعد زوآجه بهديل يجلسو 7 او 8 سنوآت وبعدها يجيب واحد 
 بس عشان يشيل اسمو مو حبآ كمآن في الموضوع 
: هددديل هددديل 
 هديل فتحت عينها : ها 
 بشار : قومي حبيبي خليني اوديكي المستشفى اطمن عليكي 
 هديل رجعت غمضت عينها : لا خلاص ابا انام هنآ
 بشار : يلا عشــآني 
 واتحآيل عليها لين ماقامت وقبل لايخرجو سحبتو من بلوزتـه وهيا ترجع تقرب ارسها من رقبتــه 
 وبشار يبا يبككككككي
 بتتوحم عليييه كمااان ولاايش !!!!
يعني لو يبا ينفي الموضوع قاعده تسوي حركات غريبه !!
حركآت تفجع ..
وركبـو السيـآره وهوا بيفكر لها فتره هديل تشتكي من معدتها 
 ودايما في الصباح !!!
بس ريحتـه دا شي جديد !
يمشي طول الطريق واللي يطالع بوجهه يعرف انو طايح في مصيبه 
 ايش حيروح يقول لأمـه سويت نفس الشي اللي ابويا سواه فيكي 
 واضطريتو تتزوجو بدري ..!!!!!
 " لا لا ماحستبق الاحداث ان شالله مافي شي بلاش افاول "
وهديل على نيـآتها دخلها العيـآده وطلب على طول من الممرضه تسويلها تحليل حمل 
 وجات سحبت دم وهديل مو فاهمه ليش 
 وبشـآر مشالها اي هرجه وجلسو في الانتـظار اطول دقايق مرت عليـه 
 يحرك رجوله الاتنين وهديل على جوالها ولا تدري عن شي 
 شاف الدكتوره خرجت واتوجهلها على طول : مممبروك
 بشار ككككككككككف علىىىى وجههه 
 بلع ريقه وحك رقبته بتوتر وبيده التآنيه ياأشر على الورقه : متأكده من الاسم ..
الدكتوره : مو هديل راشد ؟
 بشار : ايوا 
 الدكتور : ايوا المدام حآمل
 بشار يسكت وبعدها يبا يتكلم ومو عارف ايش يقول ويرجع يفتح فمه وبالقوه قال : مافي تحليل تآني ممكن اسويـه قصدي هيا تسويه عشان نتأكد
 الدكتوره عارفه ياإنهم مستنين الطفل من زمآن ياإنهم متورطين : شوف بما إنو هرمون الحمل مرا عالي ححولك على دكتوره نسا وولاده وتقدر تتأكدو بالسونـآر
 سوناااااااار ايششش 
 مايفهم حآجه 
 بس اشر باإيجاب وهوا راح حجز عند دكتورة نسآ وولاده 
 وبعد عشره دقايق جاها لما قالتلو الممرضه انو دورهم شويآ
 جلس جمب هديل ومو عارف ايش يقولها 
 هديل : ايش بك فينك من اول 
 بشار يقلب بالورقه بيدو ومتوتر : اسمعي _ اتنحنح 
 وهديل خافت دوبها استوعبت ملامح وجهه تعرف بشار لما يكون في مصيبـه : ايش فيه !
بشار : يعني ..._ مرر لسانه على شفايفه وحاول يتكلم _ انو ..يعني مو اكيد بس حنتأكد مع بعض شويا 
 هديل انفجعت : بشار اهرج خوفتني
 بشار مسك يدها : إحتمال ... إحتمال مو اكيد 
 هديل شويا وتبكي 
 وبشار : يمكن تكوني حآمل
 هديل شهقت بصدمه : اااايش !
كل اللي حولينهم طالعو فيـهم وهوا ارتبك زيـآده : حنتأكد مو أكيد لسى 
 هديل : بشار ترا ماحب المزح دا
 بشار : والله مابمزح حتى انا مفجوع 
 هديل : مو إحنا اخ
 بشار قاطعها : حبيبي خلاص لاتتوتري وتوتريني معاكي بس حندخل للدكتور نتأكد 
 وسـآد الصمت ويده بيدها 
 ودخلـو للدكتوره وادوها الورقه ولما قالت مبروك هديل اتجمعت الدموع بعينها 
 ااااااااايش حححححامل لا لا ماتفكر بالاطفــآل مرررا 
 ماتعرف تبري طفـل 
 ماتبى تظلم احد 
 لحظه مافكرو فيها وانحطو بالموقف الدكتوره شايفتهم مصدومين وقالتلها تروح تنسدح على السرير 
 مع إنو التحاليل واضحه والبنت لها فتره حآمل
 هديل اتوجهت للسرير وبشار جمبها ويهمسلها : لأاتخافي 
 وهوا خايف اكتـر منها 
 جات الدكتوروجلست جمبـها على كرسيـها وقبالها الشاشه 
 رفعت بلوزه هديل 
 وهدددديل ررفعت عدسه عينها على بشار وبشار ماسك يدها 
 حطت الكريم على بطنها وبعدها الجهـآز 
: ماشاللله 
 الكلمه رعبتهم 
 وابتسامه الدكتوره ترععععب زيـآده 
 وهما الإتنين وجيههم مصفره 
 طالعت ففي بشار : شوف ماشاللله تلاته 
 بشار طالع في الشاشه ومافهم : تلاته ايش ؟
 الدكتور : ههههههه تلاته اطفـآل _ نقلت عدسه عينها على هديل _ كنتي تسخدمي منشطات ؟
 هديل حركت راسها بالنفي : لا
 الدكتور : ماشاالله الف مبروك تقريبا نقدر نقول لكي شهر ونص 
 هديل تطالع في الدكتور بصدمه 
 تلاااااته اطفــــآل
 مو وآآآحد 
 تلاتتتته !!!!
بشار بينجلط اكتر منها ماااايعرف يتعامل مع طفل كيف تلاته 
 طفل واحد ماكان يبغى اصلا كييييف كييف تلاته !!!!
نزلت دموع هديل واختفت ابتسامه الدكتوره : إنتو متزوجين !
بشار : إيوا 
 الدكتور رجعت ابتسمت : دي نعمة من ربنآ غيركم يجلس على دا المكآن كل شهر وتتمنى طفل واحد قولو الحمدالله 
 بشار تشتت : ألحمدالله
 هديل رفعت يدها بصدمه وتمسح دموعها بصمممت 
 وادت الدكتوره لهديل منآديل تمسح الكريم وهيا رجعت لمكتبـها 
 وتقول لبشار إنو لازملها راااحه تآمه لين مايثبت الحمل 
 وكتبتلها حبوب مثبته ولازم تهتم باأكلها وموعدها الجآي بعد اسبوعين وتقدرو تسمعو نبضهم
 كلااام يفجع 
 خرجو الإتنين من العيـآده زي المجآنين 
 محد يتكلم مع التآني
 هديل تبا تبكي بس مو قادره خلاص
 بشار على نفس المووود 
 ووصلـو البيت ولا واحد اتكلم مع التآني وطلعــو وهوا طلع لشقتهم ومسك يدها ودوبو بيتكلم إلا روان خرجت : بسممم اللله
 شافت وجيههم مقلوبه : ايش بكم ؟ مضاربين !؟ اصرف نفسي ولا ايش 
 الاتنين طالعو فيـها وماعلقو 
 وروان انفجعت زيـآده : هييي ايش بكم 
 هديل هنآ بكيت وبشار دار جسمه باارتباك وبعدها طالع فيها : هددديل خلاص 
 روآن مفجوعه وهيا مو عارفه شي : اااايش فييه !!!
سمعو صوت دلال وبشار قفل الباب وطلعو كالعاده للسطوح 
 وهديل اول مادخلت جلست على الكرسي المصنوع من الخيزران ..
وقبـآله طاوله كبيره وحولينه مجموعه كراسي 
 بشار يمرر يده على جبينه ورايح جااي 
 طالعت بكيس الادويـه اللي بيد بشار ورجعت تطالع فيهم الاتنين : اااايش بكككم 
 هديل مسحت دموعها : انا حآمل
 روآن وسعت عينها بصدمممه : ننننننعم !!!!
هديل تاخد شهقاتها وقفت وقالت بصعوبـه : وتلاته توأم كمان 
 روآن بكل صوتها : اااااااايشششش !!!!!!
تطالع في بشار وبعدها بهديل بصدمـه 
 بشار : خلاص ياهديل لاتبكي 
 روآن : لاااا بللله 
 ضربتو بنرفزه على كتفووو : ارتحت هاااا ارتحتتت دحين 
: سممممميه اهجدي مو فايقلك 
 مسك ت يد هديل : أمششششي تتتعالي
_ وجات تسحبها بكل قوه وبشار بعصبيه سحب هديل منها 
: بقولك البنت حااامل بشويش عللليها 
 هديل الجمله بكتـها زياده وبشار حس انو استوعب دوبـه 
 وروان مازالت فاتحه فمهـآ وعيونها بصدمــــه !!!!



في بيــت براء وترف ..

جالسيـن الإتنين قبـآل التلفزيون بس ولا بيتفرجو ...
براء ماسك يد تـرف : قولي الحمدالله 
 ترف : الحمدالله والله أنبسطت لما عرفت إنو ماحيخرج من السجن 
 براء باس يدها : ربي مايرضى بالظلـم ياعمري 



 في عيـآده الأسنـآن ... 
دخلت عليـه المريضـه ووجلست على الكرسي اللي قبال المكتب 
 وقالتلو إنو تباه يكشف على اسنانها 
 مجرد انسانه تهتم بنفسـها ..
تامر اشرلها وهيا راحت انسدحت وجلس على الكرسي اللي جمبها 
 واسنانها احسن من اسنانه كمآآآن 
 بعد كرسيه لورا : ماشاللله مافيكي شي 
 جلست ورفعت حاجبها : متأكد .؟
 تميم ماستوعب ايش تبا ..!!
ضحك : ايوا متأكد 
 ابتسمت واسنانها البيضا مغريـه ومافيها غلطه : انا جنى
 تميم عقد حوآجبه : مين جنى 
 جنى : اللي كسرتلي اسناني وسحبت عليا 
 تميم صدمـــته بملامحه اللي علقت فجأأأأه !!!!!!!!




اما في غرفتـه رجعت مواضيـع السوشال ميديا تأثر براسـه 
 كلام النآس يلعب بمخـه 
 ناس مو فاهمه يسبو باأمو وشويا يسبو بقـآسم 
 وهوا يقرا تعليقاتهم 
 من الصبـآح للمغرب وهوا بغرفته وبس بيقرا 
 من بعد مانزل الحكم على ابوه
 وبدأت دموعه تتجمع بعينه من قوه التجريح 
 من قوووه الكلام اللي كآن مايناسب سنـه 
 بس محد داري ايش بيقرأ 
 اذا ترف بنفسها ماترضى تقرا شي فيه قاسـم 
 اذا براء نفسه مايرضى يبحث عشان لايشوف كلمه عن مرته تحرقـه
 وسـآمي كل همه يقرا كل صغيره وكبيـره 
 قرأ تعليـــق جننه 
 مرا 
 ومرتيـن 
 وتلاته 
 التعليق دا همـه لأنه يمسـه 
" انا لو ولدو والله مايكفيني الا لو قتلتو "
واحد مراهق كتب التعليـق 
 وكآن اخد حيز في عقـل سـآمي مرا رفع رآسـه وقـآسم قدآمه
 طاح الجوال من يده وانفـآسـه ياخدها ورا بعــض : تعال ا قتلني _ ابتسم بطريقه تفجع _ لو رجال تعال اقتلني ... لو تبا تاخد حق امك تعال اقتلني 
 بدأ جسم سـآمي يتنـآفض وبدأت انفآسـه تزيد 
 قاسم قرب وهوا يقول : بس تصدق حياتك كآن حتتغير لو احد من خيلانك عبرك بس إنتا ولاشي للكل 
 سـآمي رفع يده على اذانيه يسدها 
 بس الصوت كآن وسط راسـه 
 إنتا ولاشششي
 إنتتتا حتى بدا البيت دخيل على الكل 
 محد يبـــآك 
 انا ماباك 
 انتا لو ماجيت امك ماكان انسجنت 
 انتا السبب 
 انتا السبب
 مو انا 
 انتا اللي المفروض تنسجن 
 تعال اقتلني 
 تعاااال 
 سامي طالع فيــها 
 سااااامي
 سااامي حبيبي
 سااااامي
 وبدأت يسمع صوت صريخ تررف داخل بصوت قـآسم 
 يحس قاسم يمسكو بس براااء كآن بيحاول يهديـه وهوا يدفففو : بععععععععععدووووو

 بعــد 14 سنــه 
 جالسين بالاسترآحه الخاصه .. وبالزبط بالحديقه الخارجيه 
 وحولينه خيلانه التلاته ولا واحد جايب مرتـه
 لازم دي اللمه بس الاخوآن 
 وسآآآمي اكببببببببر مناااافق 
 يحترمهم من تميم لليــث 
 مسدوح على الكرسي الطويل وعلى جواله 
 وقدآمه تميم وتآمر وليث .. ولمى وترف جوآ .. 
تميم : سآمي قوم بعد سيارتك من المدخل 
 سآمي على جواله ولابس شورت لنص فخده وتيشيرت اسود 
 مرا ليث يتنرفز من ملابس سآمي يحس كأنو جالس ببيته كأنو بنته مو فيه 
 طيب على الاقل اجلس زي الأوادم 
 بس مايتكلم ولا يتدخل ..
تميم : سااامي انا بكلمك 
 سامي رفع عينه على تميم : اووه معلليش _ دق بجواله على البواب _ تعال خد مفتاحي وبعد السياره
 تآمر : يعني ايش كآن سرلك لو قومت بنفسك 
 سامي : مافيا اتحرك 
 مستتتتتتتتتفززز 
 يحترمهم 
 بس حركاته مستفزه يخلي الكل يشتغل عنده 
 وشاف ولد ليث اللي اصغر من احمد: هييي هييي تعال 
 جالو وسامي رمالو المفتاح : ادي لعطيه دحين حيجي 
 اخد المفتاح ومشي بطاعه : طيب 
 ودقيقه وسـآمي قـآم ويتمطع : والله مع الجو الحلو دا كل شويا بنآم 
 وقـآم وكأنو دوبو قلهم مافيا حيل اتحرك 
 خلاااااص اتعودو على حركــآته 
 لو يبا يستفزهم يستفزهم بطريقه غير مباشره 
 من غير محد يقدر يقول عنـو شي ...
ولا إسلوبه في الهرج
 حبيبي وخالي وعلى عيني ولجل عين تكرم مدينـه 
 كآن رايح للقسم اللي ينآم فيـه 
 وسمع صوت اغانــي ..
اتوجه لصوت وهوا مبتسم عارف مافي غيرها 
 اصلا جآي عشان يستفزها 
 كآنت جلسه في النص مغطـى كلها بقزاز كـآشف 
 والاضائـه خافتـه 
 شايفها ترقص سند جسمو على النخله اللي وراه وعينه 
 على جسمها وهيا تتمآيل وشعرها تحركه بدلع 
 طالع حولينه قبل لايجي احد ورجع يتأملها تآني 
 رفع جوآله واتصـل على صآحبه وقلو : اتصل عليـها 
 وقفــل 
 وهيـآ هنآك قفلت الاغاني وردت على طول وفجأه يشوفها تنطنط ابتسم لاشعوريا معاها 
 وبعدها رجع لعند ليث وتميم وتآمر عارف انها حتجي دحين .. 
وكآنت دقايق وشافها بعد مالبست طرحتها جااايه تجري لناحيتهم : بااااااابااااااا
 واول ماشافت سـآمي بدأت تمشي بشويش وابتسامتها تختفي ..
كأنها شايفه شبـح ..شتت نظرها وجلست جمب ليث : ايش بك 
 دانه : لا خلاص ولاشي
 سامي مسوي انو مشغول كالعاده بجوآله ومستني حبيبة ابوها تقولو الخبـر اللي ماحيرفضو اكيـد
 تآمر : ههههههههههه ديك الصرخه كلها وفي النهايه ولاشي
 دانه ابتسمت : لا موضوع عادي كنت بستشير بابا فيه
 ليث : تستشيريني ولا تحطيني قدآم الأمر الواقع 
 دانه : ههههه لا محشوم انتا عارف رايك يهمني 
 ليث غير جلسته : ايوا !
دانه بتوتر : اتصلو عليا منن العمل واختاروني امثلهم بعد بكرا في مؤتمر توعوي واروح اتكلم بنيابه عن الكل
 ليث : اوه ماشالله 
 دانه بتوتر : بس المكآن شويا بعيد
 ليث رفع حوآجبه وسامي كل مالها تزيد ابتسامتـه 
 هوا اللي موظفها وهوا اللي بيلعب فيها ..
 : يعني بالطياره بس _ رفعت صباعين _ بس ساعتين
 سامي ميل عدسه عينه وهوا يطآلع فيها وبعدها بجوآله 
 يحب مجاغتها على ليث 
 وبدأت تحاول تقنع ليث 
 وسامي قام اتوجه لسريره عارف انه مايترفضلها طلب 
 عارف انو ماحيكسر بنفسها وقبل لايدخل الغرفه سمع صرختها 
 وفهم انو رضي ...رمى جسمه على السرير : ورايا بعد بكرا يوم حآفل ..



 وجـآ اليوم الموعود ... سآمي صرف لأمه خرجه مع اصحـآبـه وسافر 
 بنفس الطيـآره بس هوا بدرجه رجآل الأعمآل .. 
نزل من الطيـآره وسيارته جاهزه ركـب واتوجه للفندق 
 كل شي بسـ{عه مشي معاه بعكسها اللي لسى متمرمطـه 
 ودخل لغرفتـه اللي قبال غرفتـها ..حط شنطته في المكآن المخصص نظارته الشمسيه اترمت على السرير 
 واول ماوصلت تحت وطلبت بطاقه الغرفـه .. جالو اتصآل من تحت 
 استنى تلات دقـآيق وبعدها خرج 


 دآنه ابتسامه طاغيه على وجهها ..مبسوطه لأنه ابوها خلاها تجي .. 
مبسوطه لأنـه حتعيش إحساس سيدآت الأعمآل 
 بس اول ماخرجت من المصعد اول مامشيت في اللممر بدأت تختفي ابتسامتها 
 للحظه شكت انها مشبهه عليـه ..بس صوته وصلها : ياهلاااا ببنت الخآل
 ساحبه شنطتها وراها 
 قلبها حيخرج دا لاحقها في كل مكآن !!!!!!!
يستهبل !!!!
خايفه ..؟
 اذا هيا بين اهلها وتخاف منـه كيف في مدينه تآنيه !
ماعبرتو تطـآلع بالغرف وبتدور غرفتها إلا طلع واقف قبال غرفتها 
 جات لحده وقالت : سامي بعد
: والله اشتقتلك 
 شتتت عينها عنـه بدأ اسلوبه الحقير : قلت ابعد

: طيب ماتبي تسئليني كيف جيت هنا 
 دانه ولا تبا تطالع فيه من بعد اخر موقف : مايهمني
 سامي ملامحه اتحولت لأسى وكأنها جرحتو : للليش كدا تعامليني 
 دانه طالعت فيه : شوف انا لدحين محترمتك والله العظيم محترمتكك
 سامي : ياااشيخه امووت في القويه انا _ مد يدو بيمسك خدها الا دفتها بعصبيه وهوا ضحك _
دانه : بطل تلمسني بطططل تمد يدك وتمسكني كم مرا اقولك 
 سآمي : لو تقوليلي مليون مرآ انا اسوي في النهايه اللي اباه 
 دانه زفرت بضيـق : حتمشي ولا اروح ابدل الغررفه
 سامي بعد : انا حاليا مصدع .. لما اصحى بيننا كلام 
 ورجع مسك خدها زي مايستفزها دايما وهيا دفتو ضحكك ومــشي ونزل لتححت ..
دخلت لغرفتها وبس قفلت الباب راحت جلست على السرير على طول 
 تبا تسند نفسـها 
 انفاسها ورا بعض 
 تتصل على ترف ..؟
 تشتكيلها ؟؟!
ماحتتحمل حركاته 
 رجولها تتنافض ومو عارفه كيف ممكن تخرج من الغرفه 
 رفعت يدها وتطالع في السآعه بعد ساعتين المؤتمر
 ورجعت تدور بالغرفه 
 وجلست شالت جزمتها وراحت انسدحت على السرير 
 بععد ماكانت تبا بدي الساعتين تاخد طله حولين الفندق
 خلاها مسدوحه على سريرها مرعوبـه 
 تمسك جوالها كل شويا 
 تتصل على ترف تتفاهم معاه ..!
كل مالو سار بيتعدى حدوده 
 كل مالو بيقرب منها وبيلمسها ومايحسب حساب لأحد
 رخت جوآلها لما ماقدرت تتصل 
 مو قادره تحطو بدا الموقف 
 غبيه عارفه نفسها .. بس حتديه فرصه 
 فرصه وحده وبعدها تشتكي 
 قامت من مكآنها غيرت ملابسـها 
 ماحتحبس نفسها عشآنه 
 هيا جايه عشان تغير نفسيتها
 وخرجت من الغرفـه
 واتوجهت للمصآعد ونزلت 
 تمشي في الشوارع حولين الفندق ..اشترت ايسكريم ورجعت تكمل مشي ..
كدا ولا كدا هيا جاهزه 
 حترجع على الموعد ... اتنهدت بفرح كل احلامها بدأت تتحقق
 وظيفـه 
 ودحين موضوع المؤتمر مخليها من امس ماتنآم عدل ..
اتوجهت للفندق ومافي احد قد ساعدتها باقي شويـآ ويبدأ 
 تبا تجي قبل الموعد كعادتها ..
وصلت للمصـآعد وقرات الدور الكم قاعات المؤتمر
 ودخلت وضغطت الزر وقلبها يدق بسـرعه بطريقه مجنونه
 كل ماتقرب لرقم الدور كل ماتحس بخوف مو طبيعي ..
تحاول دايما تكون ايجابيـه 
 حتبتسم عشان يخف التوتر ..
وانفتح باب المصعد 
 وشافت ابواب كبيـره والدنيـآ فاضيـه قرات رقم القـآعه وفتحت الباب ورجعت خرجت تتاكد من الرقم 
 لما مالقت احد 
 ودخلت بكل شك وتطالع في المكآن 
 مافي احد ..!
حتى مافي اي تجهيزآت .!
الطاولات ماعليها شي 
 الاضائات خافته ..!
رفعت يدها تطالع بالوقت ومتأكده دحين الموعد 
 دارت جسمها وشهقت بفجعه لما شافتو واقف عند الباب 
 حطت يدها على قلبـها : ايش تسوي انتا هنآ 
 سامي : قلتلك اسئليني ايش جايبني مارضيتي .. مو قلتي مو مهتمه !
كلمه مفجوعه قليل 
 فيه شي مو فاهمته بس ماحتفهمه من سامي وبدا المكآن اللي يفجع ..
اتوجهت لللباب وبتفتحه الا هوا وقف قباله 
 دارت يمين جا قبالها 
 دارت يسار نفس الشي 
 قالت بااسلوب هادي عشان لاتستفزه :لو سمحت ابا اخرج
 سامي ضيق على عينه : حزنتني كنتي تحسبي إنك متوظفه بمجهودك ..؟ ولا حيختاروكي تجي لهنآ وإنتي مالك اسبوع متوظفه .؟ ماتوقعتك غبيه لدي الدرجه
 دآنه عينها عليـه وبالقوه ماسكه دموعها 
 انفاسها هيا اللي فاضحتها من القهر 
 سامي : إنتي بنت ليييث عارفه ايش يعني بنت ليث يعني مالك قيمه بالبلد يعني اي احد حيشوف اسمك وشهادتك حيرميها عند رجلو ومايهتم 
 دانه ماتبى تتكلم عشان حتبكي تبا تخرج وحاولت للمرا التالته تشرد وهوا برضو واقف قبـآلها : فين تبي تروحي لسى ماخلصت كلام 
 دانه : خلااااص ايش تبا تقوول ها ايش تبببا جايبني لين هنآ عشان تضحك عليا .؟ 
 سآمي : لا لسى ماسويت اللي اباه 
 دانه قلبها يدق بسـرعه دفتو بقهر : بععععد ابا اخرج
 سامي ولا اتحرك من مكآنه : هههههههههههه
 ضحكته استفزتها قالت بعد استيعاب : يخخخي ايش تبا منني فهمممني .! والله مو عارفه ايش دخلني مو عارفه ليش بتعاملني كدا روح لبابا اتفاهم معاه انا عمري ماأذيتك حتى لما اوقف قدآم اهلك في حياتي ماقلتلهم ايش بتسويلي عشان لاأحرق قلبهم كل مرا اقول بكرا تحس لكن كل مرا بتتمادى 
 سآمي كالعاده يشرد من دا الهرج : سيبيكي من دا كلو دحين بجد إنتي تتوقعي حتكملي بوظيفتك تتوقعي اني انا في يوم حسوي خير لكي ولأهلك .؟
 دانه هنآ قهرها 
 إلا الاحلام لاتجي تقرب منها 
 إلا مجهودك 
 إلا تعبك وسهرك 
 قالت بذهول :إنتا مجنون .؟ إنتا مريض نفسي .؟!؟!
سامي : معليش سار اللي يبا ياخد حقـه مريض نفسي
 دانه : لما تجي تستقوي على بنت وسايب رجآل العيله ايوا مريض نفسي
 نظرته فجعتها كانت حتبعد الا مسكها وثبتها على الجدار : الفتره الاخيره سايره تستقوي بكلامك 
 دانه نزلت دموعها بخوف 
 سآمي : رجآل العيله ايش سوو لأمي ..؟ رجال العيله ايش سووولي ؟!!! 
دانه بخوف تهرج : روح اوقف قدامهم وقلهم دا الكلام روح حاسبهم ليش تحاسبني انا 
 سامي : انا وإنتي مالنا ذنب بكل شي عشان كدا 
 دانه ماقدرت تستوعب تفكيره تحاول تسحب يدها من يده وهوا ماسكها وواقف قبآلها 
 سآمي : عارفه لو صرختي لبكرا محد حيسمعك هنآ ..حتى الكميرات كلها مقفلـه 
 دانه حست إنو حيتجنن : سامي امـآنه بعد عني
 سامي رفع يده على طرحتها وسحبها لورا وهيا بككيت بصوتها : سامي عشان امك سيبني امانه عشانها 
 طرحتها على كتفها دموعها على خدها 
 نظرررات ترجي
 رجولها تتنافض 
 بس نظراته مالها معنـى ..
كملت تتكلم بصوت متقطع وهيا عارفه انو نهايتها هنآ : تبا ..تبا ..تكون ... زي ابوك ... إنتا مو احسن منو .. على الأقل ...ماكان يعرفها ... بس إنتا وســخ 
 قالت جملتها الاخيره من قللللب 
 رفع حوآجبه الإتنين : انا وسـخ .؟
 ماصدقت ياخد ويدي معاها اشرت براسها بالايجاب ودموعها مازالت تنزل : كيف قآدر تسوي كدا فيآ .. انتا ماتحس ؟؟؟ ... امك نسيت وإنتا لسى حاااقد ! 
سآمي : امي مانسيت _ سكت شويـآ وبعدها قال عشان تستوعب لما مسكها من نص ذراعها _ تعاالي تعااالي 
 داننه خافت ضغطت على رجولها : فين تبا توديني 
 سامي يتكلم بحقد : ابا اطلع ارميكي في المسبـح 
 دانه وسعت عينها وهوا جا يسحبها ورجعت تترجآه : ساااامي أمانه والله اخااااف 
 هنـآ سابها على طوول هنـآ بعععد هنـآ خطوتين 
 دار راسـه وهوا بيحاول يمسك نفســه 
 ورجع طالـع فيها وهيا سانده جسمها على الجدار : خااايفه ها .؟! عشان احمد لما غرق قدامك ..؟ ليش مانسيتي ؟!!_ جا قبالها _ انسي يادانه 14 سنننه مرت للليش ماتنسي 
 دانه صدرها يطلع وينزل فهمت ايش يقصد 
 اشر على نفسـه : انا عشت في ميتتتم 10 سنوآت وتجي تقوليلي حاقد ؟؟ .. انتي موقف ماأخد ساعه بحياتك ومأثر عليكي لدحين _ اشر على نفسه وهوا يهرج بحقددد _ انا عشت يتيم واهلي موجودين ... انا ولد قآآسم داود بعد ماكنت ولد الدوله سرتتت ولد وآحد امي ماتقدر تنآديني فيـه حتى 
 دانه خلاص مو عارفه ايش تتكلم : مو كدا تجازي امك صبرت كتير ل
 قاطعها بحده : ابا للليث يعرف قد ايش ظلمها لما كآن يهددها ..حاسه بخوف صح ..؟ ححخليكي تروحي عندو تبكككي حخليه يشوف بعينه ,,زي كل مرا كنت اشوف امي خايفه
 بس قرب منها وهيا صرخت 
 حااولت تبـعد بس بجسمه العريض شالل حركتها يده اليمين محاصرتها وماسكه وسطها 
 ويدو اليسـآر نفس الشي ...
ووراها الجدار 
 مو عارفه تتروح مكآن 
 رجولها مو شايلتها حطت بتعب راسها على صدرهم سكت بلوزته وتتكلم بكل ترجججي بكل ضعف بين شهقاتها: اسئلك بلله تسيبني ...اسئلك بلله ياسامي ... لو ربي ساب فيك شوية رحمه ترحمني وتخليني امشي
 قال بهدوء عكس الفوضى اللي ججوته : ولو مافقلبي اي رحمه 
 بكككيت باإنهيـآر
 عرفت مافي فايده فيها 
 تتتبكي بكل صوتها 
 وهوا كل مالو بينخنق 
 يبا يعرف ابوه كيف قدر يسوي كدا باأمو ...!؟
 هوا نسخه ابووه حاليا .؟
 ليش قاعد كل يوم يتشبه فيه وفي النهايه يقول اكرهه 
 كلمه جات زي الصفعه منها وهيا تقولها بكلمات متقطعه : لو لمستني الله ...الله يحرق قلبك فاأمك
 فجعتتتتتتتتتتته 
 اتصلب جسمـه من دعوتها
 كآن بيسيبها من بكآها بس دعوتها حرقتو مزبــوط
 ارتخت يده من على جسمها وهيا بالقوه ثبتت نفسها ووقفت 
 مو قصدها تدعي على ترف بس عارفه نقطه ضعف سآمي
 وللمرا التآنيـه تسيبو وتمشي 
 بس دي المرااا خلااااص 
 تعبت 
 حتشتكي 
 حتقول لترف 
 هيا وبراء يتصرفو معاه 
 كل مرا حيسيبها بس حيجي مرا وماحيسيبها 
 وصلت فيه انو يخليها تسافر عشان يستفرد فيـها ..!!!!!
وصلت فيه الحقاره لدا الشي .!!!!
تمسح دموعها ودخلت المصعد وعلى طول على دور الغرفه واتوجهت لغرفتها 
 قفلت على نفسها الباب وبكيت باإنهيـآآآآآآآر 
 شهقاااات متتاليـه 
 قلبها يرجف بطريقه تفجع 
 بالقوه مسكت الجوال
 اتصلت من غير اي تفكير على ترف 
 واول ماوصلها صوت خالتها 
 صوت احد اخيرا حيسمعلها 
 كآنت تقول كل مرا سـآمي مسكين 
 سامي بيعاني وحيتغير 
 بس دا واحد مستحيل يتغير ..
 : خاله 
 ترف انفجعت : دانا ايش بك .؟!
 : انا تعبت من سااامي تعبت منـو
 وصدمــت ترف بكلامها 
 دموعها تنزل وهيا تسمع كلام عن ولدها ماتخيلت تسمعه 
 تقولها بكل مرا نتجمع يخلي احد من الاطفال يناديني ويستفرد فيا بغرفه
 في كل مرا يسافر لازم يجبلي هدآيـه وكلها اشياء لها قصهواحد انتقم ولا واحد اخد بحقو 
 في كل مرا يتصل عليا قبل لاينآم عشان انآم وكوابيس سامي تلحقني
 حتى وظيفتي طلعت من وراه 
 حتى سفري من وراه 
 قالتلها استحملت لأني كنت اشوفـه زمآن كيف بيعاني وبيتعب فجأه بس لا مالو اي مبرر حاليا

 ترف مافي اقسى من دا الكلام مممكن تسمعو 
 ودانه خمسه سنوآآت متحملــه ..
خمسه سنوآت بس اول اتصالات وبينهم مواصيـل دحين وصل لمرحله انو يلمسها كل شويا ..
قفلت من ترف وبكيت زياده تعشق خالتها 
 تحبــها وماتبى تقهرها بولدها 
 بولدها اللي يضحك قدام الكل وحالف يمين انه زمان مو مأثر خلاص فيـه


 ترف كآنت في نص الصـآله وخرجت شهقاتها بصدمـه 
 محمود كآن بالمطبـخ يآكل وفجأه خرج لما سار يسمع صوت ترف كل مالو يعلى وتبكي



 اما في القآعه جلس على الكرآسي
 بجمممممود
 هوا حقيــر
 هوا وسـخ 
 هوا ولد قآسم داود 
 بيحاسب خيلانه وابوه ..؟
 جلس نص سـآعه بدون مايتحرك بكل جمود 
 وجالو اتصـآل من ترف واول مارد سمع كلام في حياته مايتخيل يسمعه منها 
 انا ندمآنه لأنك ولدي ..!
وصلت فيك انك تتحرش ببنت خالك بيننا .!!
حرقت قللبي يسااامي حرقت قلبي ..!
مابى اشوف وجهك بالبيت لين ماتتعدل !!
مابى اسمع صووتك حتى !!
والله قلبي غصبان عليك لو أذيت دانه تآني 
 والله مو رااضيه عليك ياااسامي !!
كآن يبا يتكلم بس قفلت بوجهه وهيا منهاااااره ...صدمتها دانه
 صدمتها بولدها ومستحيل تمرر اللي سار على خير ..اتعدى حدوده مرا اتعدآها 

 سـآمي هنـآ وبس 
 دموعه تنزل 
 وهوا ضععععيف عند امممو 
 هوا الشي اللي يجننو لما ماترد عليه وتكون زعلانه 
 كيف تقولو لاترجع البيت 
 كيف تقولو ندمآنه لأنك ولدي
 سـآمي اتعآلج .؟ 
 لا 
 كل ماينهار تبدأ الأطياف تلاحقـه 
 ووقف وكآن حيشرد من المكآن الا قآسم إللي مات من خمسه سنوآت 
 طيفـه اتكون قبـآل سـآمي ..
بنسبه له مو طيـف
 بنسبه له دا قـآسم بلحمه وعظمـه
 وقف في مكآنه وعينه مثبته على ابوه وانفاسه عآليه
 قـآسم : 
ماقدرت تاخد بحق امك ..؟
 ايش يعني لو اترجتك .؟
 اسحبها 
_ دار جسمه سـآمي وهوا يمشي في المكآن الوسيـع وبيحاول يشرد 
 لكن طيـف قاسم يمشي وراه وهوا يقولو ايش يسوي 
:
اغصبها اكيـد حتصرخ بس مو على كيفها 
 احرق قلب ابوها ... ساااامي ..طططالع فيااا ...لو ابوها ماداني العنوآن ماكان عرفت
 ماكان اخدتك ..ماكان اضطريت ارفع سلاحي على خالك 
 سامي دار جسمه ويطالع فيه ووجهه محمر 
 والجنون واضح على ملامحه 
 قاسم ابتسم : طيب مو قادر ..؟ عندي حل تآني
 سامي جسمه يستنافض يبا حل تآني
 يبا حل تآني عشان يرتآآآح
 قاسم : امك خلاص ماتباك .؟ اصلا انتا عارف انها مبسوطه بحياتها وانتا مشغول بسفرياتك إنتا ماسرت شي بحياتها حتى محمود عايش عندهم اكتر منك شوفت بعينك كيف كآنت تعامله وتبا تزوجه وإنتا ولا فكرت فيك
 سامي زي الطفل نزلت دموعه وهوا يسمع لنفسـه 
 يسمع للجنون اللي يعيشـه 
 للهوس 
 قال بكل شعف وهوا يكلم نفسه : ايش اسوي ؟
 قاسم اشر على جيبـه : فاكر الحبه اللي تاخدها معاك في كل مكآن ..خدها دحين 
 وسامي وسع عينه
 قاسم رفع كتفه : الرجال قلك ماحتحس باألم _ اشر على قلبه _ عشان روحك تخرج بسلام خدها وارتاح
 سامي مازال في مكآنه وقاسم قرب وسار يهمس في اذنه 
 والاصوات تعلى تعلى وسط رآس سآمي 
 خدها وارتاح 
 إنتا محد يباك
 إنتا ولاشي
 امك تعبت منك
 إنتا أنا
 إنتا ولد قآسم 
 امك مبسوطه بحياتها 
 خد الحبه وارتاح 
 خدها وسيب كل شي 
 ماحتحس شي ياسامي
 ويحاول يشرد بس الاصوات تعلى براسه يحوم في المكآن ويضغط على جبينــه باألم 
 ويده تتنافض 
 قالتلك هيا ندمانه لأنك ولدها 
 ليش تتعبها 
 ريحها ياسامي 
 خد الحبه عشان هيا تنبسط وتعيش
 دخل يده بجيبـه وخرجها 
 يطالع بالحبتين البيضا بكيس شفاف
 ويرجع يطالع بقاسم اللي تزيد ابتسامته 
 فتح الكيس وبدأت تخف الاصوات 
 حط الحبه بكف يده وبدون تفكير بلعها ..
وفز بفجعه لما دق جوآله 
 يمكن امه تبا تعتذر ..بس كآن محمود 
 قاسم : لاترررد
 سامي حط الجوال على اذنه : ايوا محمود
 محمود : تستهههبل يااسامي ايش سوويت انتا كم مرا قلتلك بعد عنها
 سامي : قول لأمي انا اسف
 قاسم : لاتعتذر ماحتهتم 
 محمود : بعد ايششش 
 سامي بصوت فجع محمود : انا اسف لأني تعبتكم
 محمود سكت شويآ وبعدها حس بخوف : سامي إنتا فين
 سامي : قول لأمي لاتبكي 
 محمود : تعال اعتذرلها طيب
 سامي : مابى
 محمود : سامي شووف ترا مو ناقصك قولي انتا فين وريحني 
 سامي : انا مع قاسم
 محمود وسع عينه بصدمـه ..
قبل خمسه سنوات قال دي الجمله وبالقوه لحقـو عليه لايسوي شي بنفسه
 محمود : خـخليك معايا على الجوال
 خرج محمود بتشتت وكل اللي عارفه إنو دانه هنآك
 بيدور على جوال ترف واول ماشافـو اخدو ودخل للغرفه 
: سامي انتا معايا
 سامي : فينها امي
 محمود دموعه بعينه صاحبه مو مجنون 
 طبيعي والله طبيعي بس بعض الاحيان مايتحمل : تباك ..تباك ترجع ياسامي حاول تجي
 سامي مارد عليـه 
 محمود عينه على جوال ترف واتصل على رقم دانه 

 في القـآعه صراع بينه وبين نفسـه لين مآطآح الجوال من يده
 قالولو ماحتحس باأي أللم بس انفــآسه كأنو احد يسحبببببلو هيا وتقطع كل شي فيه من جوآ 
 ويرجع طبيعي ..سند يدو على الطآولــه ومافي زي رحمة ربنا لما يسحب الروح 
 يصرررخ بكل صوتــه من الألم 
 جلس على ركبــه وهوا يضرب على صدره وعينـه موسعه
 ويرجع يمرر اياديه على جسمه كل شي في جسمو بدأ ينمل بس بشككل يووووجع 

 امـأ في غرفتها بس جالها رقم ترف ردت 
:الو 
 دانه ماستوعبت الصوت : نعم !
 : اسمعي انا انا محمود 
 دانه : ايش فيه !
 : روحي لسامي الله يخليكي
 دانه مو عارفه سار شي اتصاله من جوآل ترف فاجعها : خاله فيها شي ؟!
 : لا روحي وطمنيني على سااامي بسـرعه _ لما مالقى رد رفع صوته _ ددددانه روووحي 
 دانه بكيت : مابى اروحلو 
 محمود ماقدر يسكت وقلها كلامـه
 دانه قامت بصدمـه ومازالت تمشي بتشتت 
 حتروح تطمن عليـه !
يكون سار شي بسببها !!!
مع الخوف تمشي للمصاعد برجول تتنافض
 حتنزل تدور عليه بنفس المكآآن ..
ايش مايسير فيه يستاهل 
 ليش اصلا نازله بكل استسلام 
 دوبها كآنت بين يده ومارحمها 
 لا لا حرام مايستاهل إلا يستاهل
 تعدل طرحتها باأيادي تتنافض وفصلت المكآلمه مع محمود بسبب المصعد ..
انفتحت الابواب وبعد ماكان الممر مظلم دحين كلو انوار ..
وفيه قـآعه مفتوحـه 
 فتحت القـآعه اللي كآن سـآمي فيها وماشافتـو كآنت حتمشي الا سمعت صوت خفيف
 دخلت خطوتيـن وانتبهت لليدو بس ممدوده على الارض وجسمه مغطى بالكراسي 
 رااااحت جري زي المجنننونــه : ساااامي
 اترمت عنده وهيا تشوفـه قآعد بيتعذب بطريقه تفجـع
 روحـه كأنها بتخررج 
 دموعه بتنزل وجهه معرق
 حراره بجسمه بس بيتنآفض وكأنه بردان
 حطت يدها على كتفـه : ساامي
 يطـآلع فيـها 
 وانفاسه صوتها يفجججع
 دانه تقوم وترجع تجلس نادت بكل صوووتها ومسكت جوالها باارتباك
 مو عارفه ايش تسوووي 
 بس جسمها كلو يتنافض وبتبكي كآنت تبا تخرج بس مسكها 
 مسكها وماقدرت تقوم 
 تطالع بعينـه ولأول مرا تشوفه كدا
 سـآمي الصغيـر
 سامي الضعيــف
 سامممي الللي مو قادر يقول لأحد إنو مدمممووور
 إنو تعببب من كل شي 
 يطـآلع فيها وعارف انو حيموت 
 مايباها تدعي عليه زي ماأمو تدعي على قآسم 
 كل شي بيمر قدآم عينه معاناتاه وحقارته مع دانه حياته مع امه 
 لحظات امه وبراء 
 صوت امه وهيا تحكي للمى كل الموضوع 
 هوا طيب
 هوا حنون 
 هوا مايحب يزعل 
 هوووا انسان كآآآن غير بس عند الموت الواحد يتذكر كل شي
: سـ آ مـ حـ يني 

 سآمي طفولته الملوثه بالوآقع حطمت كل مابدآخله ..

انتظروني بالفصــل الاخير 

الفصــل الثآمن والثلاثون والأخير ...


بنات لاتنسـو إتفاقنا تصورولي جوكم 
 او تصورولي فلتر دولتكم او مقطع فيديو
 اللي تبوه ذكرى بسيطه تسيبولي هيا منكم ..

طفوله ملوثـه بالوآقـع ..
طفل سحب من تلك السجون النسآئيـه في يوم ولليله 
 طفل وضـع في ميتـم وأمه خلف القضبآن تتألم 
 وذآلك الذئب البشري سمعتـه لايريد ان تتلطخ
 طفـل معآنآته كآنت كتآب مفتوح لكم 
 ولكن الآن اصبـح رجل لايستطيع ان يتحكم بتصرفآته
 فكيف يستطيع ان يكذب عينآه اللتي ترى إنسآن قد فارق الحيآه
 كيف يستطيع ان لايستمع للأصوات الصآخبه اللتي تشعره باأن الجميع يسمعها
 تلـك الطفوله الملوثه تمكنت منـه حتى تجسدت اوهآمه كوآقع يعيشـه



 لماذا تزهـق تلك الروح اللتي اكرمك ربي بها ...؟
 صرخـآت متتآليـه
 ألم قـآتل
 شعور بالضعف والعجز
 اوهآمه تمردت عليـه حتى اسقطته 
 واصبحت سراب
 اختفت الأصوآت
 هل لك ان تتخيل أن تشعر بالموت وانت وحيـد 
 صوتك لايصل لأحد
 جسم متهآلك 
 لاتستطيع ان تقف
 ألسنآ ضعفاء عند الموت ..؟
 دمموع تسقط من عينآه 
 بدآخله يطلب الرحمه من الإله
 يطلب منـه ان يخفف ذالك الألم



 وهنـآك أم تقف متجهه على القبله
 حجابها يزينها 
 ودموعها تسبق كل دعـوه
 حتى أصبح لسانها يردد لاشعوريا تلك الدعوه 
" اللهم إنك وهبت لي سآمي من غير حول مني ولا قوه فاأحفظه بحفظك
 وأهدهه لما تحب ,يارب سخر لإبني جنود الأرض وملائكه السمآء
 يارب سخر لإبني جنود الأرض وملائكه السمآء
 يارب سخر لإبني جنود الأرض وملائكه السمآء "
وتصبح أم برغم من كلماتها القاسيه معـه ذهبت ورفعت يدها 
 لمن يرحمنآ دائمآ ..



يارب سخر لإبني جنود الأرض وملائكه السمآء
 وانفتح البـآب الكبير ودخلت دانه بخطوآتها السريـعه
 ونزلت باإتجاهه 
 صرخت بصوتها وهيا تحاول تستنجد باأي احد
 وقفت باارتباك ورجعت جلست جمبـه
 نادته مرا واتنين 
 وهوا يطـآلع فيها 
 بيتألم 
 بس مو قادر يسوي شي
 وجهه المحمر 
 تنفسـو
 دموعه
 هيا اللي تعبر عن وضعـه 
 صوته المتقطع خرج بالقوه وهوا بينطق بصعوبـه : سـآمحيني
 بكيـت
 مهي قآسيه عشان تفكر بدا الموضوع حآليا
: سامي 
 ماعرفت ايش تقول سكتت حاولت تمسكه : قوم حاول تقوم 
 بس جسمها الضعيف مستحيل يقدر يرفعه
 بدأت تخف يده اللي شاده على لبسها 
 بدأت انفآسه تخف
 وجهه سار شااحب بشكل يفجـع
 بس ماغمض عينه
 تحسو صااحي بس بنفس الوقت مو بوعيه 
 حركت يدها على وجهه بخوف 
 ماستوعبت ايش اللي بيمر فيه حآليا
 بس فجأه سار كأنو مخدر ..
قامت من مكآنها 
 تجري لناحيه الباب 
 خبطت بكرسي
 خبطت بطآوله من كتر الفجعه 
 بس بتحاول توصل للباب اللي سار بعينها مرا بعيد
 اول مافكتو شافت التجمهر
 حولين القـآعه البعيده
 مؤتمر للأطبـآء
 يارب سخر لإبني جنود الأرض وملائكه السمآء
 مآزآلت دعوه تـرف تفتح لولدها أبواب الحيآه
 راحتلهم بكل ضعف وتأشر على الباب وتتكلم بدون عقل : حيموت ..حيموت
 بخطوآتهم السريعه سبقوهـآ
 وكآن على نفس وضعه مايتجاوب معاهم بشي
 عينه تتحرك بعشوائيه مو سامع غير اصوات داخله في بعض
 مو قادر يركز بشكل واحد 
 محد عارف ايش اللي بيمر فيـه 
 ايش اللي خلاه بدي الحآله
 وأنتبه وآحد فيـهم على كيس الحبه اللي جمب سآمي
 قرأ الاسم مرتين بصدمـه ووقف 
 طلب انهم يودوه بسـرعه لأقرب مستشفى 

 دآنه جوالها يدق ورا بعض ومو سامعته من الصدمه 
 بس رفعوه وهيا تمشي وراهم وبالقوه شايفه طريقها 
 ركبـو سياره ولحقتهم بسيـآره تآنيه
 لحظآت تمر على سآمي 
 شويا يفقد وعيه وشويا يرجع يفتح عينه
 اول ماوصلـو ودخل معاه الدكتور قلهم حالته بالتفصيـل
 لو نقلو اي شخص تآني مآكآن حيعيش سآمي لسآعه تآنيه وهمـآ بيحاول يستوعبو 
 الأعراض اللي عنده
 في ثـآنيه نقلـوه لغرفه وحطوه على السرير
 رفعو السرير للوضعيه المنآسبه
 حطو قمـآش صغير على صدره
 ودخلو الأنبوب الطويل بفمه
 لين ماوصل لمعدتـه 
 وبدأ عمليه غسيـل المعـده
 معـآنآه
 معـآنآه
 معـآنآه 
 كلها وهوآ صااحي 
 وهوا حاسس بكل شي 
 بكل لحظه 
 عيونه الجـآحظه وهمآ يدخلو الأنبوب
 يحس انو بيتخنق بس مو قادر يتكلم
 ودموعه الحـآره 
 صوته اللي مايطلع
 عروق وجهه البارزه 
 ممرضـه ماسكه يده وتقيس الضغط وتسمع النبض 
 ممرضه ماسكه نهايه الانبوب 
 واول ماأشرلها الدكتور بدأت تكب سوائل 
 بداخل الأنبوب على دفعآت
 وهنـآ بدأ العذاب التآني بنسبه له
 ودقـآيق بتعععدي
 والدكتور اول ماحس إنو يبـآ يخرج اللي في معدتـه 
 رفع جسم سآمي
 وميلـه
 وبدأ يستفرغ من خلال الأنبوب
 ضعف جسمه مخلي الدكتور حاتط كل قوته وهوا ماسكـه
 لين ماحسوه خلاص ارتـآح رجعـو وسدحـه 
 وسحب الأنبوب ودآ كآن أللللم تآني
 بدأ كل شي يسود بعينه وكأنها رصاصه سحبوها من نص قلبه
 واترخت عينه بكل تعب والممرضه سارت تمسحلو وجهه من كتر مابيعرق
 وهنـآ بدا الموضوع ياخد مجرى تآني 
 حبوب ممنوعه دوليآ وحاله انتحآر
 لو اخد الحبه التآنيه اللي في الكيس كآن مات في دقيقه
 وعلى قول الرجآل حتموت بسلام وماتحس بشي ... 

امـآ دآنه جلست اول ماطمنها الدكتور 
 قلها حيقعد كم سآعه تحت الملاحظه ولين ماتطلع تحاليله
 رفعت جوآلها تطمن محمود 
 وخلاص مع الفجعه مو قادره تقوم 
 شايفه سـآمي بينسحب سريره وهوآ كأنو قتيـل
 عضلات جسمها ترجف
 تحرك يدها على فخذها 
 انفاسها سريعه 
 ووجهها مصفر
 ماتخيلت في حياتها يتعاد فيها موقف احمد 
 انو تشوف واحد بيممموت
 وهيا تكون متفرجه 
 ماتقدر تسوي شي ..
قامت بصعوبـه
 وراحتـله دخلت الغرفه وبتشوف الممرضه تركبلو محلول بيده وبعدها خرجت
 وهوا مغمض عينه بكل استسلام 
 جلست على الكرسي البلاستيك اللي جمب السرير 
 مسكت يده ورخت راسها على السرير وبكككيتت
 بكيت من قلبهاا
 وحده خايفه ومفجوعه 
 وفي دوله مو دولتها 
 سامع صوت بكآهآ بس حاسس كأنو بيحلم
 وبدأت تتكلم بصوت متقطع : لـ و ..لو سرلك ..شي ماكآن ..سامحت ..نفسي .. سبتك ..زي ماسبت ..احمد ..لوحده ...أنآ ..اسفه ..أسفه لأني كلمت امك ... أسفه لأني عارفه إنك تكرهني وبوقف بطريقك كل مرا .. انا الغلطانه .. وعد ..ماحسير اجي جمعآتنآ ... بس ..قوم ولاتزعل نفسك
 وكل مالو بيزيد بكآهآ
 قلبها ضعيف زي امها ..
سامي سآمعها سامع كل كلمـه 
 حاول يفتح عينه 
 يبا يستوعب الاضائه 
 نزل عدسه عينه على حجآبها ووجهها المغطى على السرير 
 حاسس بيدها البارده تضغط على يده الحاره 
 حاسس بدموعها تنزل عليه
 بقمـة تعبو ومآزآل مو مستوعب دي الإنسانه كيف تفكر
 غمض عينه وهوا بيشرد منها اول ماحس انها بترفع راسـها
 وسحبت يدها من على يده
 رجعت جسمها على الكرسي وعينها مانزلت من عليها 
 يسمع شهقات خفيفه 
 لين مادخلت الممرضه وراحت وراها تدخل بيانات سامي 
 وبعدها جاها واحد يحقق معاها 
 وهنآ اترعبت لما قالولها اسم الحبـه وممكن يروح بستين دهيه 
 قالتلهم حالته وانو بيتوهم وبيشوف اشياء مو موجوده
 بس لازم الدكتور المختص يكتب بالتقرير انو بيعاني من مرض نفسي لكن مارضي


 وكآنت بس سـآعه وقآم من على سريره 
 دانه في الممر مع الدكتور
 ولساتها بتتكلم معاه عن حاله سامي واول ماشافته 
 اتوجهت له بتردد 
 والدكتور رايح معاها حيقولو يرتآح وممنوع خروجو حاليآ
 بس اول ماوقفت دانه قدآمه وبتسئلو فين رايح 
 قال بضعف وبيحاول مايطالع في مكآن معين 
 بصوت مبحووح بحلق مجروح : خلوه يبعد
 لحظه صمممت 
 يفجعععها 
 مرا تحس برعب لما يتكلم كدا 
 الدكتور شايف سامي مابيطآلع فيه ولا حتى بدآنه وكأنه وراهم واحد : مين هوآ 
 سامي حاول يمشي 
 دانه دوبها بتقول لدكتور لاتمسكوالا الدكتور مسكو 
 وسـآمي بدأ هستريا وكأنو قآسم اللي لمسو ...


قبــل 14 سنـه .. 

نفس الحـآله بس لساته طفـل صوت ترف اللي تنآديه بخوف 
 وهوا يحسـو صوت قآسم 
 اول مالمسو برآء 
 فجأه هآآج
 يدفو يصرررخ بكل صووته
 وبراء بيحاول يمسكه عشان بس لايعور نفسـه بااي شي من جنانه 
 وبالقوه مسكه على السرير مسك وجهه : اناا براااء 
 سامي يقول الكلمه ورا بعض بشكل مجنون وأنفاسه تنقطع كل بعد كلمه: لا لا لا لا
 سامي كآن حيوقف الا براء مسك اياديه الاتنين : أهدى ياسامي انا هنآ إحنا كلنا جمبك
 الجمله اللي بدأت العيله كلها تقوله هيا اول مايدخل بدي الحآله
 لانت ملامح سآمي ودموعه تنزل وكأنه بدأ يستوعب بجد إنو براء
 ترف قالت من ورآه : سآمي
 فزززززززززز
 ولا داار جسمه بس مسك في برااء : خلييه يخرج ..خليه يخخرج 
 جبلهم الجنآن 
 براء : دي أمك 
 مو راضي يسمع مو راضي يستوعب 
 براء عينه على ترف اللي منهاره مع ولدها وسار يأشرلها تخرج 
 ماقدرت تخرج على طول 
 جسمها مشلول عن الحركه 
 ضعف ولدها بيدمرها 
 جنانه بيجننها معاه 
 خرجت بعد ماستوعبت وصوت بكآه بيزيـد
 خرجت للصـآله وماقدرت توصل للكنبه جلست في مكآنها وبكيت

 امـآ براء : خلاص مافي احد ..مافي احد يـآسامي
 سامي دار راسـه بشويش حركه راسـه تفجع وكأنه مايبى يدير ويشوف ايش وراه
 ورجع يدير للناحيه التآنيه وبعدها طالع في براء : قفل الطآقه
 براء طالع في الطـآقه 
 مقفــله !!!
الطاقه مقفله !!!
لحظه غريبه تفجع بنسبـه لبراء
 بس ماقال لا
 قام وراح للطآقه وشاف سامي عينه على الباب 
 ورجع جلس جمبـه : تباني اسوي شي تآني 
 بدأ يتأتأ بكلامه : قـ قلو ..لايجي ..مـ مآابى اشو أشوفو
 براء يحاول يطمنه : دام امك فيه وانا فيه مايقدر يجي
 سامي : إلا يقدر ..
برء مسك يده : سآمي محد يقدر يدخل دا البيت .. قاسم انحبس مستحيل يقدر يخرج من السجن
 سامي حرك راسه بالنفي وكأنهم هما المجانين : لا مانحبس والله مانحبس_ اتذكر جواله ورفع حوآجبه الاتنين بطريقه سريعه : فين جوالي
 براء حرك راسه بتشتت واخد جوال سامي : ايش تبابه
 سامي فتح جواله وسايب الكلام الكبير وانو قاسم انحكم عليه بالسجن المؤبد ويوريه تعليق واحد : شوف ..شوف يقول لو ..لو انا ولده كآن قتلته..وبابا ..هوا جآني ..قلي اقتلني ..دوبه _ اشر بعشوائيه _ دوبه كآن هنآ وقلي اقتلني ..إنتا شفتو صح .؟
 من زمآن مايتكلم مع سامي طول دا الوقت 
 بس فييين سآآمي زمآن وفين دحين
 براء يطآلع فيه ودموعه تتجمع بعينه 
 يبا يبكككي 
 إنك تشوف انسان بكآمل صحته وفجأه تشوفه مدممممور بدا الشكل !!!
المجتمع هوا اللي يسلب عقـل الإنسان هوا اللي ممكن يوديه لطريق الجنون
 ترف واخوانها وقآسم كللللهم السبب
 محددد يقدر ينكر إنو مالهم يد بللي قاعد يسير لدا الطفـل
 وجججع قلب برااء وهوا يتكلم بدون عقـل 
 سامي بعيونه العسليه يطآلع في براء ومستني جوآبه
 وبراء مسك يد سامي وسحبه بشويش اتجاهه وحضنه ونزلت دموعه 

 قال بصعوبه عشان لايبين صوته إنو بيبكي : مايقدر يدخل تآني ..ماحيقدر 
 سآمي لو زمآن كآن اتوتر من حضن براء 
 كآن بعد على طول 
 اما دحين هوآ خايف
 هوآ انسان تآني
3 شهور عاشها مع براء بنفس البيت بدأ يتعود عليه 
 وحاليا بعد كلامه دا حاسو امـآن عشان قاسم مايقرب منـه 
 سآمي ببيده التآنيه ماسك جواله وبيقرأ تآني كلام الولد
 براء سحب الجوال بشويش : سيبك من دا الكلام 
 سامي بعد عن براء وكالعاده بعد الإنهيار دا يحس بخمول فضيـع : ابا انام 
 براء سحب نفسه لطرف السرير: نآم حقعد هنآ
 انسدح وبراء جمبـه نزل عينه على جوآل سامي وبدأ يقرأ التعليقات 
 خرج من التعليقات اللي تحت الصوره
 وبدأ يشوف كل الصور اللي طالعتله في الإنستآ عن قاسم داود
 فتح التطبيقات اللي فاتحها سامي 
 الاستديو .. وكلها مقالات واخبار مصور الشاشه !
فتح المتصفح وعلى السجل وكل شي يجيب الجنآآن !!!
قااااسم في كل مكآن 
 تعليقات النآس اللي يقرأها سآمي 
 قرا كم تعليق براء وضغط بعدها مطول على الزر اللي في الجنب وطفى الجوال بكبره 
 مستحيل يسبلو الجوآل 
 نص سـآعه مرت وبراء مسرح ويفكر وفاق من سرحانه لما ترف وقفت عند الباب 
 وقتها طالع في سامي وغطاه باللحاف وخرج ..
بس خرج حضن ترف وهيا خلاص مابقي فيها دموع ..
مابعدت عنو 
 حضن صـآمت 
 والإتنين بالهم مشغول على نفس الشخص ..
لين ماباسها على راسها وقال بصوت خافت : تعالي الصاله
 مشيت معاه ويده على ظهرها ..
اول ماجلست اتكلم : خليني اتصل على الدكتور 
 ترف بتعب قالت : كيف حنوديه 
 براء : حتى لو غصبا عنه او لو الدكتور يجيه هنآ
 براء خرج جوآله وعلى طول اتصـل
 وكلم الدكتور وترف تسمعه وهوا يقول للدكتور حالة سامي بالتفصبل 
 من يوم ماأبوه اخده... لزواجه من ترف ..
وصدمها لما قال للدكتور انو اغلب وقته على جواله 
 وبيقرأ برضو تعليقات النآس وكلها سلبيه عن ابوه 
 الدكتور سمع سمممع وبعدها اقترح إنو قبل لايجيهم يبعدوه لفتره عن النآس
 عن السوشآل ميديا 
 عن المدرسه 
 يكون تحت عينهم طول الوقت 
 يحسسوه إنو مافي غيره 
 يهتمو فيـه 
 كل شي يكون مشترك بينهم 
 وجمله يكون تحت عينكم يرددها طول الوقت ..
براء واقف قبال ترف يتكلم بالجوال وماسك يدها : طيب الله يديك العافيه بس اديني اسم الادويه 
 وحجبلو هيآ دحين ... ان شالله ..ماتقصر ..مع سلامه
 قفـل وجلس جمب ترف : ايش قلك ؟
 سند جسمو على الكنبه وحاسس بترف لدحين مفجوعه : قال حيجيه بس يبانا نريح نفسيتو شويا نبعدو عن كل اللي حوليـه 
 ترف عقدت حوآجبه : فين نوديه 
 براء سكت وبعدها اتكلم : ايش رايك نسآفر
 ترف : ماباه يتذكر قاسم هوا ماسافر الا معاه 
 براء :طيب مو مشكله نحجز هنآ نروح اتلانتس يومين ابو ظبي يومين نضيع اسبوع واحنا شاغلينه
 ترف : طيب لو رجع سوا نفس الشي 
 براء : احنا حنكون معاه تانيا كاتبلو ادويه مهدئه وقلي يوميا اتصل عليه لو احتجتو بشي 
 ترف خلاص مو عارفه دا الشي صح ولا لا بس خايفه 
 نزلت دموع التعب وحضنها براء 
 صممت مر وهيا مميله جسمها على حضنـه وهوا ساند جسمو على الكنبه ويمرر يده على شعرها ..
لحظه صمت طوويله ولا واحد فيهم قادر ينآم ..
كل تلت ساعه واحد فيهم يقوم يطل عى سآمي ويرجع يجلس 
 ترف كل شويا تضغط يدها على براء لما تغمض عينها 
 تخاف انه وجوده حلم ..
ماتدري بدونه ايش كآن سوت 
 شايفه الاهتمام بعينه 
 مو حاسته مغصوب
 شافت وجهه كيف لما خرج من عند سآمي وكأنه شي منـه كآن يتألم
 ربي بيعوضها صح بتتألم ووجععها على سامي ماينوصف بس حتقول الحمدالله ..
وماينتهي يومها إلا من إتصال من امها واخوانها ولمى يتطمنو ..
كآن عندها ولدها ودول كلهم مو فيه 
 دحين عندها دول كلهم بس ولدهاا مو حاسه بوجوده ..





 _______ 
في سطوح آحد العمآير .. جالس هوا وهديل حولين الطآوله 
 بينهم تلات كراسي ولا احد فيهم فكر يجلس جمب التآني
 صدمه 
 لحظه كل واحد بييفكر في المصيبه اللي همآ فيه 
 هوا مو مستعد 
 وهيا خايفه
 هوا مايعرف يكون اب 
 وهيا حاليا اخر شي انها تبا تكون ام
 وفزو الاتنين على صوت المجنونه اللي رايحه وجايه ومفجوعه اكتر منهم 
 وقفت قبال الطآوله 
 وبصوت عالي تهرج : انننا لدحين مو قادره استوعب _ طالعت في بشار وهيا تأشر عليه _ انتا ياااقليلل الادب ارتحت دحين هاا ارتحت ..ايش عليييك طبعا هيا اللي حتتورط فيهم
 بشار بحده : سميه انززلي وفكيني من صوتك
 روآن : ايييوا طبعااا تباني اكون زي الهبله اللي جمبك ساكته وماهزأك _ طالعت في هديل _ اساسا انتو الاتنين يبالكم تهزيئئ 
 بشار بنرفزه : شوووفي ااسري عن وجهي ....انا يعني كنت ابا دا الشي !
هديل طالعت فيه مصدومه 
 روآن : اووووه هما جوه من ربننا كدا فجأه صحيت هديل حآآآمل 
 بشار دوبو بيقوم ويسكتها الا طالع بهديل لما بعدت الكرسي بشويش ودموعها بعينها 
 ومشيت بكل هدووء بااتجاه الباب الحديد
 بشار زفر بضيق وقام ورااها : هددديل
 ولا ردت عليه وقفت قبال المصعد وضغطت على الزر ..
ودوبها كآنت بتدخل الا مسكها : أنا اسف
 دايره وجهها ولا طالعت فيه : خلاص ابا انزل 
 بشار : والله سميه نرفزتني مآكنت اقصد
 هديل طلت فيه : مو مشكله على اساس انا ابا دا الشي 
 بشار سكت للحظآت وبعدها قال : انا ماخطبتك عشان ازيد همك.. لو ماتبيهم نروح لأي دكتوره تنزلهم
 هديل عقدت حوآجبها قلبها طآح من الجمله : كيف يعني ؟
 بضشار ساير يخبص مع الفجعه اللي فيه : تجهضيهم 
 سحبت يدها منو .. 
فجعه تآنيه ..
يطالعو في بعض 
 ومو عارفين دا حل صح ولا لا
 مافكرو حاليا حلال ولا حرام اساسا ولا واحد يدري فيهم ايش الحكم 
 بس متورطين دا مو واحد دول تلاته ..
هديل بلعت ريقها وقالت باارتباك : ابا انزل انام
 بشارضغط على المصعد : تعالي 
 نزل معاها ولما وقفت عند باب الشقـه طالعت فيه وهيا بس بتفكر بكلامه : يعني حنقتلهم ؟
 وترته مع سؤالها 
 عقد حوآجبه ماعرف ايش يرد قفل الموضوع : روحي نآمي ولما نصحى نتفاهم ..طيب؟
 عيونها معلقه فيه لما يكون الشخص اللي قبالك مو مساعدك عشان تتمسكي بدا الشي 
 حيزيد خوفك
 اشرت براسها خرجت مفتاحها من الشنطه ولأول مرا تدخل وتقفل الباب 
 من غير مايبوسها 
 من غير مايقول كلمه احبك 
 ماستوعب اساسا انها حتقفل فجأه انقفل وهوا مسرح 
 مشي بتشت اتجاه الدرج ماقدر ينزل لأمو ..طلع للمستفزه سميه 
 يتضاربو ويرجع يجلس معاها ..كأنها واحد من اصحابه
 دخل وجلس على الكرسي وروان جالسه قدامه 
 طالع فيها وشمقت بوجهه 
 سحب كيس الادويـه دخل يده وسحب صور التقرير حق السونـآر
 خرج منو الصور المتكرره ..ويطآلع بالسواد ويتذكر الدكتور وهيا تأشرلو على الأطفال
 يخليها تجهض ..؟!
ايش يسووي مو عارف ..؟!!!
روان ماسكه نفسها ماتكمل تهزيئ : ايش دا 
 بشار قرب للطاوله وحط الصوره اشرلها : دا البيبي الاول ودا التآني ..ودا _ كشر _ ايوا اتوقع داالتالت _ ورجع يعقد حوآجبه زياده وميل راسه على اليمين لما حس انو ملخبط رجع ظهره بنرفزه للكرسي _ مدري اتوقع انو همآ دول 
 روآن وسعت عينهابسرعه سحبت الصور : اماااا يبانو 
 طالعت بالصوره ورجعت تطالع فيه بصدمه: ايش داا فينهم 
 بشارب قرب للطاوله وهيا حطت الصوره بينهم : اتوقع دي النقاط 
 روان : وااااااا من جد هما لساتهم نقاط 
 بشار !!!!!!!!!! : هبله انتي ! يعني فجأه حيطلعو أوادم وسط بطنها
 روآن : اايش عرفني يعني _ رجعت تطالع في الصوره_ طيب متى يكون عندهم عيون وخشم 
 بشار كلامها وتره : خلاص قفلي الموضوع 
 روان : كمان زعلان الله يحفظك ...الفله مقطعتك 
 بشار : سميه انتي عمرك شفتي احد مضايق وعرفتي كيف تهديه !!! يعني تبي تزيدي الموضوع عليا ! 
روان : انا مفجوعه زيكم لا انا مفجوعه اكتتتر منكم كمان 
 بشار : اجل انزلي وسيبيني ف حالي _ سكت شويا وبعدها قال _ روحي قولي لهديل تآكل من يوم ماصحيت ماأكلت شي 
 روآن : طيب
 بشار بتردد: جسي نبضها شوفي تبا تنزلهم ولا لا
 روان وسعت عينها : تنزلهم !! 
بشار : ايوا لو ماتباهم خلاص تجهضهم
 روان رمشت بهدوء وقفت بصدمه : سوي انتا المصيبه بعدين تعال خيرها بمصيبتين تانيه 
 مشيت بنرفزه من قدآمه ...وهوا قاام مخنوق 
 مو عااارف ايش يبا
 روآن واقفه عند المصعد وهوا عدا من جمبها ونزل الدرج 
 اتكلمت مع نفسها وهيا دوبها مضاربه مع تآمر : كل الرجال اصلا وسخين

 بشـآر ركب سيـآرته وبيمشي بعشوائيه ..
هوا إنسان البنات طول عمرهم حولينه 
 وقاوووم هديـل لين ماسارت حلاله وماقدر 
 فجعته حاليا مو عشانهم مخطوبين وحآمل
 لا
 هوآ مايبى اطفآل
 هوآ حيظلمهم 
 خايف يكون زي أبـوه 
 وكمآن الموضضوع ماحيكون بتدريج 
 لو واحد ممكن كآن اتقبل الصدمه 
 بس تلاته !!!
اتوقع حيبدأو حياه جميله بينهم 
 حيبدأ يعوضها بس مايورطها ويخليها حآمل



 امـآ هديل دخلت غرفتها وبكككيت مو عارفه مقهوره 
 لأنو قلها تنزليهم !!!
هيا اساسا ماتبى 
 نفس تفكيره ماتتخيل انها تكون ام 
 بس حست انها ماخرجت من صدمتها فجعها بجمله اقوى منها !
سايره بين انها تستوعب حملها ولا خلاص تتناسى 
 وتروح تنزلهم !
بشار خلاها تايهه لأنو ردة فعلو واضحه 
 واضح انو مفجوع ومايباهم 
 شعوور مخليها تايهه 
 لها 3 شهور مبسوطه 
 معيشها ملكه ..
تبا تشرد من البيت 
 يحجزلها باأفخم فندق .. يتفرجو فلم يسهرو لوحدهم 
 بدأ الموضوع لما عرف انو عيد ميلادها ..
وماكانت تبا تروح لمكآن .. تبا تتفرج فلم على السرير 
 دا كآن طلبها وتتكلم بمزح
 وحجز لليله أتعامل مع منسقه تزبط الغرفـه 
 كآنت كلها ورود وبلالين ..وهديتها محطوطه على الطآوله 
 فتحت الباب معاه ولأول مرا كآنت تعيش دا الجو 
 انها تمشي في مكآن ظلام الشموع الموزعه بطريقه منظمه هيا اللي منوره الغرفه
 الموسيقى الهاديه 
 نظرات بشار 
 كلمآته اللي تاخدها لعالم تآني
 دموعها ..
وكآن عند وعدده ديك الليله وخلاها تتفرج فلم ورجعها البيـت ..
كرههو الشوارع 
 كرههو المولات 
 التمآشي 
 الجنآن 
 يباها لوحدها 
 وهيا تباه لوحده 
 وبدأو يتعودو ... 

فوقتها من افكارها روآن وهيا تدق البـآب بس ماردت عليها 
 تسمعها تدق وتدق وهيا مطنشـه 
 روآن قربت فمها من الباب : ياحيوانه عارفه انك صاحيه فكيلي
 هديل ولا فكت 
 روان : بكيفك انا اوريكي 
 مشيت واصلا متنرفزه من هديل 
 دخلت الغرفه لقت امها جالسه على الكنبه وبتخيط ..روان جلست في الكرسي اللي قبالها
 دلال نزلت القماش اللي بيدها وطالعت بروآن :ها تبينا نكمل 
 روان رمت نفسها على الكنبه : لااااا ماابى ماابى طفشت رااسي سار يوجعني 
 دلال : هههههههه هوا كل مااجي اعلمك تعيدي نفس الموال
 روان مسدوحه على الكنبه : يكفي مرا وحده بالاسبوع عقلي مايستحمل معلومات 
 دلال محد يضحكها الا بنتها : هههههههههههه بتتعلمي حروف الهجاء ايش اللي مو قادره تتحمليه
 روآن جلست بسرعه ورفعت اكتافها : فوق طااقتي الموضوع سيبوني اتعلم حبه حبه 
 دلال : لكي تلاته شهور لو في الروضه مداكي تكتبي دحين 
 روآن اشرت على نفسها : تتريقي عليا 
 دلال : ايوا لأنك مدلعه ..قومي يلا جيبي ك
 روان قاطعتها وتصرف الموضوع : مرا مشتهيه الرز اللي تسويه احس ريحته ف خشمي
 دلال : ههههههه سميه قوومي يلا 
 روان : والله والله لو سويتيلي حذاكر اللي تبيه 
 دلال خلاص عرفت حركاتتها : عشان وقتها يجيني النوم وانتي تشردي 
 روان : هههههههههههههههه _ روآن بااسلوب وحده باين الكذب بعينها _ جربيني دي المرا 
 دلال وقفت : مشكلتي اني عارفه انك كدابه وامشي معاكي يلا قدامي ساعديني
 روان فجاه نطت ومشيت وراها وهيا مرجعه اياديها ورا ظهرها : وابا كمان سلطه اللبن 

 وبدأت روان تقطع البصل ودلال بس تضحك على هبالة روآن كلو عشان تلهيها وماتخليها تذاكر 

 اما هديل اول ماوصلتلها ريحه الكشنه عقدت حوآجبها 
 ودقايق جلست بسـرعه وحطت يدها على فمها 
 تردد واضح باإنه راح الغثيان ودوبها بتنزل يدها الا قامت بسرعه وفكت باب غرفتها 
 ودخلت للحمام ريحه الكشنه مخليتها تبا تستفرغ وهيا مو أكله شي اصلا

 قفلت على نفسها باب الحمام 
 وسارت تبكي من الألم مو قادره تخرج من الغثيان ومو قادره تستفرغ
 بشار مايباهم حطت يدها على بطنها حتى الحبوب اللي وصتها عليها الدكتوره ماداها هيا
 حتنزلهم عشان لايكرهها 
 خايفه يسيبها اتوجهت للباب 
 وحست انو من بدايتها ضعف 
 من بدايتها مابتفكر اذا هيا تبا ولا لا 
 بس بتسوي اللي يباه بشار 
 عشان ماعندها غيرو 
 خرجت من الحمام وانسدحت على سريرها ودخلت في دوآمه بكى 
 ومآكآنت عشره دقايق الا رجعت تجري للحمآم تآني
 روآن جاتها لغرفتها ومالقتها شافت الحمام مقفل واستنتها تخرج واول ماخرجت وهيا تبكي 
: هديل ايش بك !!!
هديل مشيت من جمبه ماتبى تتكلم عارفه روان ردها حيكون زي بشار اتوجهت لغرفتها ودوبها روان بتمسك الباب الا هديل قفلتو بالمفتاح 

 روان زفرت بضيـق اتصلت كالعاده على بشار وقالتله 
 وهوا بدأ اتصالات وهديل مطنشـه ..
ورجع يقولها طلعي دلال السطوح 

 روآن دخلت المطبخ وابتسمت : دلال ممكن اطلب طلب صغير مرا مرا صغير
 دلال : ههههههههههه ها ايش تبي كمان 
 روان : ينفع ناكل فوق 
 دلال : وليش يعني 
 روان : مع الهواء الطلق والروقان كدا نفسيتي ت
 وقبل لاتكمل دلال : ياااربي حاسه دا اليوم ماحيخلص من طلباتك 
 روان : هههههههههههه استحمليني اهم شي نفسيتي قبل المذاكره ولا حبكي يكفي اني مشتته من الحروف دي اللي كل ماغيرنا مكان النقطه سبحان الله بقدرة قادر سار حرف تاني 
 دلال : ههههههههههههه عشان كدا نتعلم من واحنا اطفال احسن علمت عجااايز والله ولا وحده طلعتلي الشيب من راسي زي ماإنتي بتسوي
 روان : ههههههههههه
 واول ماخلصو طبيخ اتصلت على بشار وخلت الباب مردود ...
دخل ودق الباب على هديل مرا ومرتين وتلاته : هدددديل ترا ماحمشي قومي فكي ...انتي ماحترتاحي الا لما اسحب دا المفتاح من على بابك. .. هدددديل
 فكت الباب وضمت يدها تحت صدرها وماطالعت فيه 
 بشار قرب منها : حبيبي ليش بتبكي 
 هديل حركت راسها بالنفي
 بشار حط يده على خدها وهوا يهرج بحنآن : لو تبيهم انا اباهم ولو ماتبيهم حكون معاكي 
 هديل عارفه انو بيكذب : طيب
 بشار : ايش اللي طيب ؟
 هديل : ولاشي انا تعبانه دحين مغثيه ومو قادره اكل ولا أنام_ بكيت بتعب _ صاحيه من الفجر وعلى نفس حالي
 بشار قرب وحضنها : سلامتك ياعمري 
 وفجأه رفعت راسـها وهيا تشم ريحته وفجأه كل شي فك منها الغثيان والدوخه 
 بعدت عنو مسكت يدو وسحبتها لعند السرير : خليك جمبي لين مانام
 بشار : ايش بك خايفه ؟
 هديل بس قالتلو انو فك الغثيان لما هوا جا يرجع يحس انو بينجلط 
 تعابير وجهه لما ينفجع واضحــه
 لأول مرا مايعرف يتحكم بنفسه في موضوع معين ..
جلس جمبها وهيا مقربه منو ونآمت ...

يتأملها وبيفكر بالموضوع لين ماتصلت روان وسلم على هديل ووخرج 
 نادى روآن بالدرج : اسمعي لو ماأكلت كلميني طيب
 روآن : طيب
 بشار : سيبيها نايمه دحين اول ماتصحى حاولي معاها 
 روان : اي اوامر تانيه 
 بشار دفها : ارجعي ذاكري
 روان مسكت الدربزان بالقوه : اااه كنت حطططيح
 بشار ولا فرق معاه نزل لتحت وهيا لساتها تطالع فيه مصدومه : حقير والله حقير


 ومرت 10 سـآعات وهديل نايمه من قلبها وران بعد مادلال نامت 
 طلعت للسطوح عشان تكلم تآمر 
 ردت وهيا مسويه انها زعلانه : ايوا 
 تامر : كمآن إنتي الزعلانه 
 روان : ايوا طبعا انا مايحقلي ازعل
 تامر : لا ياست الحسن انتي سوي مشاكل وانا اراضي ؟ دا نظامك صح
 روان : متصل عشان نتضارب ؟
 تامر : لا متصل عشان اقولك حوصل الساعه 9 الصباح اقدر اشوفك ولا كيف
 روان : نتقابل واحنا زعلانين ؟
 تامر : بس احضنك وبعدها نرجع نتمشكل 
 روان بعدت الجوال وهيا تضحك : على فكره انتا مرا انسان قاسي وجفص
 تامر : انا حر اتحمليني زي مابتحمل هبلك 
 روان :" شايف كيف ساير اسلوبك 
 تامر : كيف تبيني اجل اتكلم معاكي وانتي طول اليوم ساحبه ولا فكرتي تسئلي
 روان :اووووووه انتا ماتدري ايش سايره مصيبه 
 تامر : ايش !
روان : هديل حامل
 تامر سكت وبعدها : تستهبلي صح ! 
روان : ههههههههه وربي 
 تامر : مو هما لسى مخطوبين !
روان : هههههههههههههه ايوا
 تامر : انتي بتضحكي ليششش !!! 
روان : من كتر مو مصدومه والله فيهم 
 تامر : ههههههه اخوكي دا مختم الحياه انا كنت حاسس وقلتلك حيجبلكم مصيبه من سهراته للفجر معاها
 روآن : والله حسبت الدنيا لسى بخير 
 تامر : بعد معاشرتي ليكي عرفت انو الدنيا مستحيل تكون فيها خير دامك موجوده انتي واخوكي
 روان : هههههههههههههههههههههههه ايش سووويتلك دحين ليش بتقلب عليا الموضوع 
 تآمر : سلامتك تحسبيني نسيت ا يش سويتي الظهر 
 روان بتغير الموضوع : هههههههههه اسمع اسمع المصيبه التآنيه
 تامر : هاا ايش كمان ماتوقع فيه اكتر من كدا
 روان : لا صدقني فيه 
 تامر : ايوا ؟
 روان : هديل حامل بتلات تواأم
 تامر وسع عينه : اوه ماشالله !!! ماشالله !!!!
روان : المصيبه التالته انو بشار يباها تنزلهم 
 تامر سكت وبعدها قال : يخي دا لو اتزوج اختي مدايا دفنتو والله مدايا دفنتو 
 روان : ههههههههههههههههههههه لساتو تحت الصدمه اصبر عليه لبكرا 
 تامر : شوفي هوا الموضوع يفجع تلات تواأم ولساتهم مو متزوجين يعني اصبري عليها شهر وبطنها ماشللله حتفضحها 
 روان : اماا
 تامر :دول تلاته ماشالله المهم قولي لأخوكي انو حرام دي أرواح حيتحاسب عليهم 
 روان : المشكله لساتي مو قادره استوعب احس ا ني اخده الموضوع سبهلله 
 تامر : سؤال سؤال 
 روان : ها 
 تامر : افرضي اني خطبتك 
 روان ابتسمت : ايوا ؟
 تامر : تتوقعي اخوكي يخليني ااسهر معاكي للفجر
 روان : شوف بشار ماحس عندو غيره زيك يعني خلاص دامني حلالك سوي اللي تباه 
 تامر ابتسم للجمله : دامك حلالي ؟ 
 روان رفعت حواجبها الاتنين لما قالها بهدوء ارتبكت : ايوا يعني دا تفكيرو اتوقع
 تامر خفف اضائـه الغرفه وانسدح على السرير : وانتي ايش تفكيرك 
 روان تمرر يدها على رقبتها : ايش تفكيري يعني مالو داعي سهر للفجر اكيد 
 تامر سند جسمو على المخدات : ليش حتطفشي مني 
 روان " ايوا تخيل نقعد 9 ساعات بلله ايش حنسوي 
 تامر : هههههههه بكرة النهار لما تتزوجي ايش حتسوي 
 روان : اكيد حيكون زوجي في العمل نص اليوم وانا عندي مشروعي الخاص ومني فاضيتلو طول اليوم
 تامر : ماشالله شكلك حتبلطي عند اخوكي
 روان : ههههههههههههههههه شككرا
 تامر : ههههههههه حتقدري تجي الصباح
 روان : قولي انا اسفه يارونتي وانا حجي
 تامر : ماغلطت عشان اقولك
 روان : عارفه بس اباك تعتذر
 تامر همه حاليا بس يحضنها: ههههههههههههههه دام ابا اوصل لشي فاأنا اسف ياستي 
 روان : ههههههه 
 تامر : قوليلي احبك ياتيمو عشان اقدر انآم
 روان وجهها حمر قال بصوت واطي : ههههههههههههههه احبك ياتيمو ..
ونآم على صوتها يححس انو انسان تاني لما يكون معاها 
 دلعها اللي بيزيد مع الايام وهيا تعرف انو ساير نقطعه ضعفه وبتممادى بدا الشي 
 لوحدو بيخرفنو ..
له شهر مايشوفها وخلااص بيتجنن 
 دي المواقف تخليه يتمسك فيها 
 على قد مايتضاربو 
 على قد مو باين للأعمى إنهم حيعيشو طول عمرهم مشاكل بس متمسكين فبعض 

 هبلها لوحدو وهيا تضيع المشكله بهروج عشان لايفتحها دا شي تآآني
 تحكيه عن الكل 
 مشاكل بشار 
 مشاكل هديل 
 دلال ام بشار 
 انسانه مدخلتو بكل فتفوته بحياتها 
 لدرجه انو بدأ يتكلم بتفاصيل تخص اهله وماتخيل في يوم يوصل لدي الدرجه 
 فجأه بس تسئلو لمى ايش كآنت تبا 
 يقول كل المكآلمه زيها بزببببببببط 
 يمشي ويتكلم بكل عفووويه زي مابتتكلم 
 وبعدين يستوعب انو لمى مكلمته هوا لوحده !!!!
بيتفاجئ من التغيرات اللي فيه بسببها 
 شخصيتها تأثر وبقوه على الطرف التآني 
 لكن فيه حآجآت مستحيل تتغير فيه لو قعدت روآن معاه شهور وسنين ...
ودا الشي اللي يخليهم بحرب الاتنين عنآدهم .. 

روان نزلت من السطوح وهيا تمشي ومبتسمه زي الجنيه 
 خدودها محمره تلعب باأظافيرها وقلبها يدق بسـرعه كل مااتذكر انو الصباح حتشوفو ..
نزلت للشقـه راحت لهديل ولقتها نايمه .. وبعدها اتوجهت لغرفه دلال ونآمت ..

وبتعدي السـآعات .. وصحيت هديل على الفجر 
 كملتها اكتر من 24 سـآعه مابتآكل
 ماقدرت ترفع راسها حتى من المخده 
 زمآن مو زي دحيـن 
 جسمها يتنآفض وقلبها تتسارع نبضاته ..
غير الألام اللي تجيها اسفل بطنها
 حاولت تجلس بالقوه وكل شي دار بعينها 
 نزلت دموعها وانسدحت بكل استسلام 
 تبا تحاول تنآم بس ماقدرت 
 ساعه مرت 
 وخلاص ماقدرت تتحمل تحس قلبها حيوقف 
 مسدوحه ومابتتحرك بس كل شي بعينها في الغرفه تحسو يتحرك
 تغمض عينها وبرضو نفس الاحسآس
 مدت يدها للجوال اتصلت على روآن وكالعاده مصمته جوالها عشان دلال ..
واتصلت على بشار 
 ورنتين ورد وهوا بسابع نومه بس كآن مستني اتصالها : ايوا حبيبي
: بشاار
 طيحتلو قلبو بصوتها على طول جلس : ايش فييه 
 بكيت 
 بشار قام من على السرير : هددديل ايش فييه 
: تعبانه مو قادره اقوم 
 مرر يده على شعره وفتح باب غرفته وخرج : دحين طالعلك 
 بكيت لأنو مو عارفه كيف حيدخل حتى الجوال بيدها تحسو تقيل 
 نزلتو باارهاق 
 وهوا خرج مفجوع وطلع الدرجات بسـرعه 
 اتصل على روآن مابترد ودق الجرس وهوا مو مهتم 
 دلال قامت مفجوعه واول ماسمعت صوت بشار اخخدت طرحتها وحطتها على راسها وفكتلو
 قالت وصوتها كلو نوم : خير ساير شي .؟
 بشار : هديل تعبانه ممكن اشوفها 
 دلال فكت الباب ولحقتو مفجوعه دوبها استوعبت انو اليوم كلو ماشافتها .. 
ومهمآ تحاول تكون لها أم بس غصبا عنها كل تفكيرها بس ببنتها
 بشار جلس على السرير ولانت ملامحه وهوا شايف مخددتها كلها دموع
 ووجهها مصفرر : حبيبي ايش بك 
 طالعت فيه ورجعت غمضت عينها بعد اللحاف من جسمها : تعالي اوديكي المستشفى 
 هديل : مابى 
 دلال : طيب ايش اللي متعبك 
 هديل بكيت زياده لأنها مو قادره تقول 
 وبشار باارتباك : خلاص ياخاله انا حوديها المستشفى
 دلال : طيب بس اللبس واج
 بشار قاطعها : لا ارتاحي والله انا حطمنك عليها 
 دلال اشرت براسها وخرجت لما شافت نظرات بشار لهديل 
 هديل : بشار مابى اروح مستشفيات 
 بشار : دا كلو بسبب قلة اكلك قومي كلي طيب لو مارتحتي حنروح المستشفى 
 هديل : والله قرفانه و
 وقبل لاتكمل شالها من على السرير وهيا انفجعتت : بشاار
 بشار مشي وخارج من الغرفه: هنا كلهم نايمين تعالي تحت امي دحين تصحى ونفطر مع بعض
 هدديل حطت راسها على كتفه : امانه لاتحرجني مع امك
 بشار سلم على راسها واكتفى بالصمـت ..
نزل لتحت فك باب الشقـه برجلو وهيا مالها نفس تدخل هنآ
 بس ماعندها قوه تجادل ..
واتوجه لللصـآله اول ماحطها رفعت رجولها على الكنبه وسندت راسها على الخداديات 
 قلبه وجعه : حجبلك عصير تشربيه عشان تفوقي على بال اسوي الفطور
 برضو ماجادلت وهوا دخل المطبخ اول مافك التلاجه دموعه اتجمعت بعينه
 مخنوووووق
 يكره يشوفها كدا
 ندم على اللحظه اللي لمسها ..
سحب علبه عصير ..واخد مصـآص وخرجلها جلس جمبها 
 وبالمضاربـه شربت العصيـر 
 تحس رووح وردتلها لما دخل شي بطنها ..
دخل غرفه امو ولقاها جالسه على السرير : ماشالله موعدك دايما
 ام بشار : ايش مصحيك انتا 
 بشار : هديل برا
 ام بشار طالعت بساعتها وتهرج بصوت كلو نوم : راحت عليا نومـه ولا ايش
 بشار : لا لا لساتنا صباح بس هديل مرا تعبانه بس بتستفرغ ومابتاكل قلت تنزل هنآ تفطر معانا 
 ام بشار وقفت : سلامتها ايش سرلها 
 بشار : شكلو برد 
 ام بشار حركت راسها : طيب دحين اغير ملابسي واجي
 بشار : انا حروح المطبخ على بال اجهزلكم 
 ابتسمت وهوا خرج نفسها تقولو سبحااان الله على النشاااط اللي جيك
 لبست بلوزه صبـآحيه نآعمه وبنطلون اسود وخرجت من غرفتها 
 انصدمت لما شافت هديل جلست بشويش على الكنبه : وي سلاامتك وجهك مرا مصفر
 هديل علاقتها مع ام بشـآر لساتها سطحيـه ..
صح اتحسنت عن اول لكن برضو فيه حدود بينهم ..
هديل جلست بااعتدال ورجعت شعرها ورا اذنها : حمدالله دحين احسن ..
 : طيب ماروحتي المستشفى 
 هديل قلبها طآح بس حيمشو كلههم على نفس الكدبه: إلا امس بس برضو 
: لو معدتك ماتتحمل الأكل خليني اسويلك شوربه احسن 
 هديل : والله انا ماليا نفس بشي وقلت لبشار بس مو راضي يفهم
: لازم تغصبي نفسك 
 وتقولها على اكلات خفيفه 
 وهنـآ هديل تحس بقرف مو طبيعي من يوم ماسارت تجيب سيرة الأكل
 حاولت تمسك نفسها ..حاولت تشتت تفكيرها عن الأكل
 بس ماقدرت في لحظه قامت بسـرعه باإتجااه الحمام تجري 
 ودخلت 
 ام بشار قامت وراها مفجوعه وقفت عند باب الحمام 
 هديل مالحقت تتهنى بالعصيـر بس حتى لما خرجتو مو قادره توقف وتحس انها تبا تستفرغ
 تحس باألم في معدتها وهيا فااضيه 
 دموعها تنزل 
 وبدأ ألم اسفل بطنها يزيـد 
 ام بشار دخلت لحدها ومسكتتها بخوف :بطنك فااضيه 
 هديل بصعوبه تهرج بين تنفسـها : لا احس لسى فيه شي
 وسابتها اول مارجعت تحاول تاني تستفرغ

 وقفت هديل بااعتدال وكل شي بيسود بعينها 
 مشيت خطوتين ومسكت بالمغسله 
 وهيا تحاول تضبط انفآسها...تبا النغزآت اللي اسفل بطنها تخف
 ام بشار مرررررا مفجوعه قلبها وجعها عليها مسكتها للمرا التآنيه : تعالي ارتاحي
 هديل مشيت معاها لين عند الباب وماقدرت مسكت في مقبض الباب : دقيقه 
 حاسه انها حتطيح من طولها 
 تبا تنآدي بشار 
 بس مو قادره تهرج كلمه 
 تضغط على مقبض الباب بكل قوتها وتقفل عينها وتفكها ..
واترمى جسمها في الارض وفي اقل من ثانيه بدأت تنزف 
 ام بشار صرخت بكل صوتـها 

 بشار بس سمع صووت امـه ساب اللي بيده وخرج ووقف جسمه متصـلب
 اول ماشاف هديل
 امه تنآديه 
 تصــرخ 
 وهوا عينه عليها 
 على جسمها المرمي بالارض
 على الدم 
 لحظه ماقدر يتحرك فيها 
 يبا يروحلها بس مو قادر
 دقآت قلبه السريعه هيا الطاغيه على صوت امـه
 شاف امه ترفع راس هديل من الارض وترجع تطـآلع فيه وتتكلم بكل صوتها 
: بشااااار ... ياابشااار اللحق البنت...بشاااار

 اتقدم بخطوات مشتته نزل لمستواها وامـه تقوله شيلها بسـرعه
 رفعها وهيا ماتتحرك بين يده 
 يمشي ويحس قلبه حيوقف
 يحس انو انفاسه بتضيـق عليه 
 يحس انو مو شايف طريقه من كتر الدموع

 امه راحت بسرعه لغرفته اخدت مفتاح سيارته ومحفظتـه ولبست جزمتها ونزلت وراه 
 فتحت باب السياره وبشار حط هديل ورا بس سند جسمها على الكنبـه وطالع بوجهها 
 نزلت دموعه 
 امو بعدتـو : بشااار الله يخليك يلاا
 مايدري لو امو مو معاه ايش كآن سوا 
 بس مو عارف 
 يفكر 
 مو عارف يتحرك 
 مو عارف يسوي اي شي
 امو ركبت جمب هديل وهوا شغل السياره وحـرك ..
صمممت وفجأه ام بشار تصرخ لما تشوف بشاار مسرع بطريقه تفجع :بشووووويش تبا تموتنآ إنتا
 ولا كأنه معاها 
 ولا كأنه سامعها 
: لاحول ولاقوه إلا بللله 
 رخت عينها على هديل : هددديل 
: ياابشار ايش بها البنت 
 لحظه صمت وبعدها قال بصعوبـه:هديل حآمل
 قالها من غير اي مقدمآت 
 شايفه امه النزيف بس مآكآنت تبا تستوعب
 ماقدرت تعلق تحس الجمله خلت كل شي يدور بعينها 
 تصرخ عليه ولا ايش تسوي فيه مو عاااارفه 
 مهما حاولت تقول ولدي مو زي ابوه 
 يجي موقف يثبتلها انو نسخه جآسم ..
بكيت من قهرها 
 بكيت على المسكينه اللي بيدها 
 لايسرلها شي بسبب ولدها ..
وحده ماعندها اهل هما المسئولين عنهاا
 برقبتهم اي شي يسرلها
 صوت بكى امـه وتره زيـآده 
 يرفع عينه على المرايه ويحس قلبـه بيتقطغ الف مرا 
 لما يشوفها في حضن امـه مو حاسه بشي
 شافها مضروبـه من رجآل ابوه
 شافها مهانه عند رجول سعيد
 شافها منهاره في بيت عمو جميل 
 بس بنسبه له هوا هنآ مايعرف يتصرف
 انها مغمضه عينها وماتفتحها دا اككتر موقف ممكن يكسره ا تجاهها
 وبسببه .!
هنآ ينتهي كل شي بنسبه له
 من كتر مانعمى حتى ماوداها للعياده القريبه من بيتهم 
 وداها للمستشفى ....
دخلها واستدعو على طول دكتورة نسا وولاده كشفت عليها 
 وبشار يتفرج لحظه ذهول
 امه واقفه عند رآس هديل وتطآلع في بشار 
 صوت تنفسـه موترها مخليها مشتته بين خوفها على البنت وخوفها على ولدها ..
قامت الدكتوره وخرجت بعد ماطلبت من الممرضه تديها محاليل وابر مثبته للجنين ..
خرج معاها بشار وام بشار 
: حكون واضحه معاكم 
 جمله طيحت قلبهم ..
 : نقدر نقول لدحين الاطفال الحمدالله كويسين ..
ام بشار بصدمه : الاطفآل ؟!
الدكتوره : ايوا ماشالله تلاته 
 ام بشار زي الكف اخدتو ...
بشار : هيا كيفها ؟
 الدكتوره :تمام بس سرلها انفصال بالمشيمه وسببلها النزيف غير انو ارتفع عندها الضغط فحالتها ماتسمح انها تخرج من المستشفى دي الفتره لأنو لاقدر الله اي مجهود ممكن يسببلها اسلاب ومع صحتها دي ماحتتحمل 
 بشار الكلام يخرج منو بعصوبه : كيف يعني ماحتتحمل ؟
 الدكتوره تحاول تجبلو الموضوع بطريقه يقدر يتقبلها : ممكن تأثر على حياتها فاإحنا بنحاول نحافظ عليهم وتكون تحت رعآيتنآ لين مايتثبت حملها ولو لاقدر الله سار إسلاب حنسوي كل اللي نقدر عليه عشان زوجتك تككون بصحه كويسآ

 بعد الكلام بالقوه واقف على رجلـو 
 امـه جات تمسكه الا هوا بعـد ومشي في الممر بتشتت 
 بيروح يحجزلها الغرفه بس ماشي زي الضـآيع 
 عمتو بكلامها 
 وصل للرسبشن ويتكلم معاهم وكلهم بيطآلعو فيه 
 واااضح واااضح واحد ماسك نفسو من الانهيار
 يمد بطاقة هديل من محفظته ويده ترجف 
 الموظفه تاخد منـو وترجع تسئلو 
 ويجاوب بتشتت 
 تلات مرات يعدلهم رقمو وهيا تدخل البيانات بالكمبيوتر
 اتصل على امو وقلها رقم الجناح 
 وكمل الإجرائات معاهم واخدو وقت منـه ..
وطلـع للدور اللي فيه الغرف يمشي ويطالع يمين ويسـآر ويدور الارقام
1029 
يمشي ويدور الرقـم
 امـه كآنت واقفه مر من جمبها ولا حتى ركز فيـها واول مالقى الغرفـه دخل ..
عبـآره زي قسم الاستقبـآل في الواجهه كنب وطآوله والمطبخ الصغير ..
وبعدها القسم اللي فيه السرير وجلسه تآنيه مريحه ..
والقسم التآلت الطاوله الدائريه وحوليها الكرآسي 
 بس عرف انها حتجلس ممكن اسبوع حجزلها جنآح عشان لاتنخنق من المكآن ..
دخل بخطوآته المثقله بلهموم ..صوت الجهاز اللي جمب سريرها 
 نبضات قلبها والضغط ..
رفعت جسمها وجلست اول ماحست بوجوده ...
جلس جمبها ويتأمل ملامحها 
 يبا يقول كلام كتتتير بس مو قادر ينطق باأي كلمه 
 صوت الجهاز موتره
 كلام الدكتوره يدور برااسه 
 ودوبها بتهرج الا خرجت منو شهقه غصبا عنه
 قربها وحضننها 
 حاضنها بكل قوتـه
 خايف عليها 
 يقدر يوقف قدام جلال لو فكر يهدده بهديل
 يقدر يوقف قدآم سعيد وامهـآ
 بس لو ربي قرر ياخد امآنته منـو ايش حيسوي ؟
 ماحيتحمل 
 جسمه يرجججف من الخوف 
 يبككي بصوته وهديل مفجووعه



 امـآ امـو بس دخلت وقفت في القسم الخآرجي لما سمعت صوت بكى ولدها
 وكل مرا تعرف انو ولدها بدون دي البنت حيضيـع ..
جلست على اقرب كرسي وبكيت لبكآه 
 حتتنازل عن المصيبـه دي عشان نفسيته .؟عشان وضع البنت برضو ؟
 كلام الدكتوره فاجعهم لدحيـن ..وكلمة تلات تواأم فاجعتها زيآده ..


هديل بصوت هادي : حبيبي انا طيبه
 بشار بعد عنها ويطـآلع فيها : عارفه لو سرلك شي ايش حيسرلي
 هديل ابتسمت ورفعت يدها تمسحله دموعه : لاتخاف ماحسيبك بدي السهوله
 رجع قـرب حضنها وهيا غمضت عينها ولما حسها ترجع تشم ضحك بين بكآه : هههه تتوحمي عليا
 هديل بعدت عنو وضحكت : مو قادره ابطل ..عارفه ايش حلمت قبل لاأصحى
 بشار : ايش
 هديل ابتسمت بحآلميه : حلمت إني كنت شايلتهم التلاته بيدي وأدور على الناس وانا مرا مبسوطه واقولهم دول أولادي _ نزلت دموعها وبكيت _ كنت مبسوطه فيهم مو متذكره شكلهم بس كنت مبسوطه لأني أم ...الإحساس اللي حسيتو كأنو حقيقه وصحيت وانا احس يدي تقيله و كأني لسى شايلتهم
 بشار : طيب ليش تبكي ياعمري الحلم حلو
 هديل : لأني حسيت إني احبهم مو زي ماما حسيت بشعور اني أم وانا مااعرف ايش يعني دا الشعور 
 بشار رفع رجوله على السرير وقربها لحضنه بس حطت راسها على صدره بكيت زياده
 بشار يمرر يده على شعرها : حتكوني أحسن أم ..وحتربيهم إن شالله التلاته 
 غمضت عينها وهوا دموعه تنزل ويكمل كلامه بهدوء : أي شي منـك أنا اباه امس كنت مصدوم بس اليوم كل اللي همني صحتك وصحتهم .. اباكي ماتبكي دي الفتره وتضايقي نفسك ..واباكي تضغطي على نفسك في الاكل عشان تسيري احسن .. طيب ؟
 حركت راسها من غير ماتتكلم وهوا رفع يده ويمسح دموعه : تتوقعيهم بنات ولا اولاد
 هديل ابتسمت : اباهم بنآت
 بشار : هههههه ليش يعني
 هديل : معرف اتعامل مع الاولاد
 بشار : انا اباهم مشكلين بنتين وولد ولا ولدين وبنت 
 هديل : ههههههههه _ رفعت راسها وقالت بصدمه _ تتوقع يشبهو بعض ؟
 بشار رجع سدحها : امس اخر الليل قعدت اقرا عن دا الموضوع لين مانومت على نفسي
 هديل : ايوا !!!
بشار : دام ماكنتي تاخدي منشطات فاإيوا ان شالله يشبهو بعض ..ححرق كل واحد في ناحيه عشان افرق بينهم 
 هديل : هههههههههههههه احرقك إنتا لو لمستهم 
 بشار : بدأنا 
 هديل : هههههه معليش انا متأثره لسى بااحساسي في الحلم...مامتك عرفت .؟
 بشار : ارتاحي دحين 
 ومن كتر مابيلعب في شعرها ومرتاحه في حضنـه نآمت 
 يتكلمو ووجهيهم الإتنين محمـره بيحاول يتقبل الموضوع عشانها بس
 وهيا من بعد الحلـم تباهم تبا تعيش الاحساس اللي حستـو .
شعور خوفها إنو تكوني أم 
 بس يبكيها كل مااتتذكر انها حبت الشعور وتبا تتمسك فيه 
 وامها ماتمسكت فيها ..


ام بشـآر ابتسمت لكلامهم وهمآ يحلمـو ماقدرت غصبا عنها ابتسمت 
 حزنـآنه على هديل بذات اول مافتحت عينها وهيا تدور بشار ولا سميه وحستها خايفه
 ماتلومها على اللي سار يمكن لأنو في يوم كآنت مكآنها 
 لما ططول هدوئهم 
 قامت ودخلت الغرفـه لقتهم الاتنين نايمين باارهاق 
 خففت الاضائـه ورجعت جلست في القسم التآني
 اتصلت على وحده تعرفها مختصه بالاكل ..
طلبت تسويلها اكل صحي وخفيف وحترسلها السواق اول ماتخلص ..



الإنسآنه الرآيقـه سميـه الرآيد ..
عارفين لما تستنو يوم مهم 
 تصحى وانتو مبتسمين 
 تمشو في البيت وانتو مبتسمين 
 تجلسو وانتو مبتسمين 
 كدا سعااااااااده وماتقدري تخفيها 
 دا وضعها حاليآ ..دلال نايمه اتوجهت لغرفه هديل مالقتها ..
ومآكآن شي جديد طبيعي جدآ تجيها هبقه هيا وبشار من صباح ربنآ 
 ومايلقوهم ..
غرفه هديل فيها ملابسهم الاتنين ..
فتحت الدولاب 
 اغلبها ملابس جديده ..
تدور في البلايز لها شهر ماتشوفو 
 بدأت حركآت البنآت تطلع فيها 
 تبا شي يلفتو بس بنفس الوقت مريح بنسبه لها 
 هديل جريئه اكتر منها بلبسها هيا ماتحب الشي اللي مرا ماسك على جسمها ..
اخدت جينز وبلوزه سكري اكتافها واضحه ونازل كم طويل 
 البلوزه طايحه على جسمها 
 ماتعب نفسها عشان تفكر اخدت الاخراض اللي على التسريحه ولبستها 
 وهنآ سارت تطالع ب نفسها 
 تحس في شي ناقص
 سحبت الربطه من شعرها وحركتها شعرها يمين ويسار 
 شعرها الككيرلي اللي واصل حد كتفها 
 دي الفتره سارو يلعبو بالاستشوار 
 اتعلمت كيف تستشور 
 ليش ماتجننو اليـوم 
 ابتسمت بحقاره 
 طالعت بالوقت 
 لسى بدري
 اتوجهت للبآب وقفلتو .
سحبت الاستشوار والفرشه وبدات بخصله خصله 
 كل ماتسوي خصله شعرها يوصل لتحت كتفها 
 اخد نص ساعه منها ..
شكللللها التغير بطريقه مجنننونه 
 انثثثثى 
 مهما ككآنت تلبس ستايل شعرها ماتغيرو 
 وانوثة المرأه بشعرها 
 بدأت تسوي مكيآج خفيف ترسم حوآجبها بس من طرفها لأنو حواجبها كثيفه ومرسومه ..
عملت مسكرا روج رآيق وكالعاده برز شفايفها 
 وتطالع بنفسها ومبسوطه 
 تميل شعرها كلو على الجنب ورقبتها والخرص يوضحو بطريقه ملفته ..
 : وه يناس ابا اكلني
 كآنت بتخرج الا اتذكرت انها ماتعطرت 
 وتمسك عطر عطر تشمه لين ماتجننت على ريحه عطر زي بودره الاطفآل
 بدون تفكير سوت منـه
 وشويا ولبست خوآتم .. واول مااشافت الوقت راحت جري للبآب
 حيقتلها 
 جاي من سفرو وتعبان ... نزلت لسواق وقالتلو يحرك ..
سانده جسمها على الكنبه اللي لونها جملي 
 سميـه اللي كآن لبسها مبهدل 
 الخوآتم دي المشعتره بيدها الخرص المزين نهايه اذنها 
 البورده اللي رسمت فيها حوآجبها 
 الروج 
 جزمتـها 
 شنطتها الصغيره 
 جوالها 
 لبسها 
 كل شي يدل على انها انسانه تانيه
 حاطه رجل على رجل 
 وميلت راسها بااتجاه القزاز 
 بعد ماكانت توقف على نهايه الرصيف بدا الوقت 
 دحين عندها سواق تحت يدها 
 بعد مآكآنت في ايام الشتا تشتكي من البرد بدا الوقت 
 لابسه احسن لبس على جسمها ومدفيها 
 دمموع تتجمع بعينها 
 ذكريات ماحتنمحي
 وقفت بالاشاره الحمرا ..
الشوارع فاضيه وهاديه بدا الصبآح البارد ..
بس بعيونها تتخيل بنااات كتير مملين دي الشواع
 ماتعرف كيف حيآتهم بس ماتتمنى تعرف عشان لاتنهار
 يكفي هديل وكيف طلعت امها 
 يكفي هيا ماتبى تعرف ماتبى تسمع 
 كل اللي تعرفو انهم اطفآل لناس ظلمه وبس 

 وصلت وقالت للسوآق يوقف ..نزلت وبدأت دقات قلبها تزيد 
 حطت حبل شنطتها الطويل على كتفها 
 ممكآنهم المعتآد 
 بعيد عن عيون الكل 
 مزوي 
 العشب الاخضر
 النخل الموزع في المكآن يغطيهم ..
عرفت إنو لسى ماجا رخت راسا وهيا تفتح الشنطه


 انتبه لسيارتها .. حتى هوا متزبط عشآنها 
 لقائهم مستنينو من شهر
 قبل لاينآم في الليل راح للحلاق 
 ورجع حلق شعرو لزيروو 
 خفف لحيته 
 بس سكسوكته هيا الكثيفه مقارنه بلحيتو ..
ابتسم من قلبه ديك الإبتسامه اللي البنآت نفسهم يشوفوها على وجهه 
 من كتر مو مكشر ..
وبدات تتمحي تدريجيا ودقآت قلبه بجننننون تدق
 لما نزلت روآن
 لما مشيت 
 لما سارت تدير راسها تدور عليه
 وشعرها يحركه الهوى الخفيف
 في كل مرا تغير شي فيها يلاحظه 
 انسان دقيق
 ويركز بالتفاصيل
 مو مع الكل 
 مو زي بشار دا
 لا بس دي 
 سميه اللي بكل مرا بتبهرو بنفسها اكتر
 وكأنها حالفه يمين ماترحمـه 
 اما سميه الهبله 
" اوف شغاله عندو كمان استنآه "
مافي احساس ولا ضميـر
 نسيت انها متشكيه ولازم تكون كيوت 
 رفعت جوالها وهيا تبا تهزأه
 رجع يبتسم ويطآلع في كشريتها 
 اتنرفزت على طول 
 مشي بااتجاهها
 جزمته السودا الرسميه 
 ثوبـه الابيض اللي مايستغنى عنه ..
القلم الفضي البارز جزء منه من الجيب 
 النظاره الشمسيـه السودا اللي مديته جمآل

 انتبهت لظل من وراها وقبل لايوصلها دارت جسمها ونزلت جوالها من على اذنها 
 ابتسمت باارتباك 

 هنآ على مشاكلهم يعرفو انهم يعشقو بعض 
 دي اللحظه اللي لما يتقابلو 
 يمشو بااتجاه بعض 
 ابتسامه خفيفه 
 بس دقات قلبهم شويا وتوقف ..
يبا يكون محترم 
 اليوم طول الطيآره قال حيحط حد لتصرفاته معاها 
 عشان اخواته 
 هوا مايرضى دي الحركآت لأخواته 
 ليش حيرضاها عليها
 يبا يكون تآمر زمآن 
 يبا يكون زي تميم 
 اللي على وجعه بس دايس على نفسه عشان يحبها وبيبعد عن رشآ
 نفسه بدا الحب الطآهر

 لحظه وقفوا قبآل بعض 
 دخلت جوآلها باارتباك بالشنطه ورجعت تطآلع فيه
 وابتسمتلو وضحكت على خفيف لما مانطق بشي : هههههه ايش بك
 لانت ملامحه صوووووتها في الطبيعه غيير 
 مافكر قرب وحضنها وقلب كل كيآنها لما كآن ينطق كلمه كلمه بطريقه واحد مشتاااق : آآه ياااشيخه وحشني كل شي فيـــكي
 تآمر مايحضنها الا وقت البكى وقت الانهيار 
 دحين تحس جسمها متصلب 
 صوته 
 كلللمه اااه لوحدها خلتها ترجف
 اما هوآ يتمنى مايسيبها 
 شهر كآمل بين لو شافها حيحضنها وبين لا استحي وحط حد 
 بس ماقددر 
 لحظه مايبى يبعد 
 يحبها لما تضيع كدا في حضنه 
 يحب دا الشي الصغير اللي يسحبه لحضنه بس على صغره بنسبه له العالم كلو 
 مانطق شي ولا نطقت حاجه بعد كلامه 
 بعدت عنو رجعت اياديها ورا ظهرها باارتباك 
 وجهها متغير لونـه
 بس حاولت تصرف الموضوع : الحمدالله ع سلامه
 رمش بهدوء 
: شكلك يجنن
 روآن قلبها طآح ماتعرف تتصرف بدي المواقف
 ضحكت ببلاهه : من يومي
 تامر : هههههههههههه مدري هوا لأني من زمان ماشوفتك ولا عشان _ مد يدو ومسك شعرها _ شعرك 
 رجعت راسها لورا وانسحبت الخصله من بين يده : هههههههه ترا موترني شيل نظارتك لو سمحت
 تامر شال النظاره وندمت 
 مخليها مرتبكه 
 جاااااي فااااصل 
 مو قادر ينزل عينه 
 يدها لو رفعتها يطالع فيها 
 تحس انها تتكلم ومركز شويا بعينها وشويا بشفايفها 
 ماااااتععععرف تتعامل بدي المواقف
 عمرو ماكان كدا
 دارت جسمها و هيا بتشرد منو : تعال نمشي ..
مشيو جمب بعض بعض ودوبها ببتكلم وانكتممت بنص الجمله 
 لما مسك يدها 
 حركته المعتآده 
 لما يمسك يدها وهيا تهرج ويقعد يحرك صباعه على يدها وهوا يطالع فيها 
 كأنو مابيسوي شي
 حركه تخليها ماتعرف تفكر خير بيده وتحركاتها وبس 
 حاولت تركز حاولت تصرف 
 اتكلمت باارتباك ووجهها محمر : ايش سويت في جده
 تآمر : نفس الكلام اللي قلتلك هوا على الجوال
 عينها تتفرج بعشوائيه على اي شي قدامها 
 روآن : يععني ماحتروح تآني
 تآمر : حروح وقت مايحتاجوني حسير متوظف هنآ وكمان هنآك يعني شهريا حروح بس حق يومين وارجع
 روآن طالعت فيه : حلو
 تآمر بس ابتسملها كدا ابتسامه لها الف معنى وهيا تعبت خلاص دفتو : تااامر خلاص
 تآمر : ههههههههههههه ايش بك 
 روان واقفه قدآمه : موتترني والله ترا ماعرف اتعامل كدا معاك
 تامر : هههههههههههههههههه تبينا نتضارب عشان ترتاحي
 روان : هههههههههه ايووا اما كدا احس انو قلبي حيوقف
 تامر : سلامة قلبك 
 روان وجهها اتغير لونه : تاااامر
 تامر : ههههههههههههههههههه
 روآن سحبت نظارته بقهر ماتدري ليش : والله اكسرلك هيا 
 تامر : فدا راسك
 روان وسعت عينها : هههههههههه تااااامر والله حرجع البيت 
 تامر مايحسها بريئه الا لما يتغزل فيها باين وحده ماتعودت 
 وهنآ يعشقها زياده كالعاده نقطه ضعفه البراائه 
 اتدقدقت في الحياه وعارف انها تعرف تتعامل مع مليون رجآآل
 مو هبله من دي النآحيه 
 بس في دي النقطه هيا غغغغير .. هيا البريئه حقتو ..
تامر : هههههههههههه يعني ليا شهر ماشوفك حجي اتضارب معاكي وامشي ؟
 روان : لا عادي خلينا نلعب ونتحكى اي شي _ شهقت وهيا تغير الموضوع _ ايوا حكيني مثلا شي محرج سرلك هنآك
 تامر ملامحه طغى عليها الملل قال ببرود : ماسار شي !
روان سكتت شويا وتشهق وترفع حوآجبها : طيب موقف مرررا يضحك
 تامر على نفس الملامح : برضو ماسار شي يضحك
 روان لساتها عندها امل : طيب ايش اكتر شي عجبك هنآك
 تآمر : ماكنت اخرج من العمل للفندق وتلاته ايام روحت مكه سويت عمره وقلتلك كل شي وصورتلك كل حاجه
 روان : شهههر وانتا نفس الشي في الفندق!
تآمر ابتسم : عشان اكلمك بروقان
 روآن رجع قلبها يدق بجنون لانت ملامحها وقالت بقهر : تاااامر
 تامر : هههههههههههه خلاص قووليلي ها انتي ايش سويتي 
 روان رجعت تتبسم ابتسامتها المجنونه وتفكر 
 في هروجها الكتير اللي ماتخلص : في ايش ابدأ
 تامر : هههههههههههه مع دلال
 روآن رفعت عدسه عينها : اوووف لا مابى 
 تامر : ليش 
 روآن مالت ملامحها للبكى : تعبببتني والله بس مذااكره _ اشرت على راسها _ماتحمممل راسي بينفجر 
 تامر : الله واكبر ترا بتتعلمي حروف وارقام !
روان : حروف مو حروف شي صدع راسي انا اشتري دماغي وابطل 
 تامر : هههههههههه _ قال بتهديد وهوا يضيق على عينه _والله والله لو إنتي عندي يوم وانتي مختمه كل شي
 روان : لا بلللله 
 تامر : اعرف اتعامل معاكي بس اصبري عليا خليني اخلص شغلي وافضالك 
 روان : هههههههههههه صدقني انتا حترفع رايه الاستسلام
 تامر هنآ يرجع اسلوبهم المشترك مين حيمشي التآني : صدقيني حتندمي على جملتك دي
 روان دق جوالها خرجته وهيا تضحك : دقيقه بس 
 ردت على الرقم الغريب واختفت ابتسامتها لما سمعت الصوت 
 قال وهيا مو متأكده : مين معايا ؟
: اوه نسيتيني ياروآن ولا حآبه اناديكي سميه زي ماالكل يناديكي
 روآن : هدى ؟
: ايوا هدى ..الحمدالله لساتني عايشه اذا همك
 روآن ماتدري كيف تتعامل معاها اخر مرا سرقتهم ومشيت 
 وبنفس الوقت بعد ماعرفت انو جآسم ابوها ماتبى تقابل ولا وحده 
 صمت من ناحيتها وبس 
 هدى : ممكن اقابلك 
 روآن : مشغوله 
 هدى بااستهزاء : اووه معليش ماحاخد من وقتك كتير عشان مابى اعطل حضرة جنابك هيا نص ساعه بس _ حسمت الموضوع -فين اقدر اجيكي ؟
 روآن : خليها مرا تآنيه
 هدى : نص ساعه بقولك ماحاخد من وقتك كتير
 روووآن مو ضعيفه 
 شخصيتها قوووويه 
 بس نقطه ضعفها اخواتها اللي عاشو معاها : طيب
 هدى : فينك ؟
 روآن وصفتلها المكآن وتآمر عقد حوآجبه : قبل لاتقربي اتصلي 
 هدى : طيب
 وقفلت منها وتآمر ملاحظ ملامح روآن للي اتغيرت : ايش بك 
 روآن رفعت كتفها : وحده تبا تشوفني
 تآمر : ماتعرفيها !!
روآن بلعت ريقها حركت راسها بهدوء : إلا ... كآنت تشتغل معانا زمآن
 تآمر اتذكر كلامها زمآن معاه 
 لما قالتلو مكسوفه اشوف احد فيهم 
 احس انا السبب
 مد يدو ومسك يدها : طيب ليش قلتيلها تجي
 روآن : ماعرفت اصرفها 
 تآمر : خلاص انتي قابليها وانا استنآكي في السياره 
 روآن حركت راسها بالايجآب 
 وبدأ هوا يتكلم عشان يغير مودهآ ..
رجع يحكيها انو اهله مايدرو انو جآي
 ومسويلهم مفاجئـه
 وهيا تبتسم وعارف انها مرعوبـه
 يكره ابتسامتها ونظرتها دي اللي ماتعبر عن احساسها ..
بزبط تلت سآعه مرت وهوا بيتكلم وهيا تعليقاتها هاديه 

 واتصلت عليها هدى .. وراح جلس على الكرآسي بعييد عنها
 وهيا واقفـه تستنآها وباين ارتباكها بلمسات يدها على شعرها كل شويا وحبل شنطتها ..
وشاف هدى جايه بااتجـآه روآن ..عينه تراقبهم 


هدى اول مانزلت من السياره اتوجهت للحديقـه ...
ووقفت اول مالمحت روآن 
 او اللبنت الوحيده الموجوده بالمكآن 
 ماقدرت تتحرك من صدمتها بلبسها بشكلها بشعرها 
 مشيت بعدها بخطوات مهزوزه وعينها تطالع بجوال روآن 
 بشنطتها 
 بااكسوارها 
 وجات قبالها وابتسمت ابتسامه تكسسرر 
 قالت بصدمه : اووه ! 
روان اتوتتتتترت من نظراتها 
 ماقدرت تسلم عليها 
 هدى : انصدمت لما عرفت انك بنتو _ ضحكت وواضح عليها الصدمه _ بس وربي صدمتي بشكلك أكتر _ طول سكوت روآن _ ايش بك ساكته ماتبي تقوليلنا انو اخدتي فلوسو وسحبتي علينا
 روآن : ماسحبت عليكم .. انتي بعتينا انت
 هدى قاطعتها بنرفزه : بسبب عممك الكلب هدووني ..!ايش تبيني اسوي .؟؟ حبسوني وضرببوووني كلوو عشان يوصلولك ..._ قربت منها ودموعها بعينها _ ومخليني اراقبك من صغري وانا اشتغل عندك وعند ابوكي
 روان وسعت عينها بصدمه : ماليا صلاح فيه .. انتي شوفتي ايش سوا فيا 
 هدى طالعت بلبسها : شووفت.. وااضح ايش لقيتي بعد التعب بس إحنا !! طيب عممري اللي ضاع ؟! تتوقعي حتى لو لقيت اهلي حقدر ارجعلهم !! ايش اقولهم انا عايشه مع رجآل وانام مع رجآل واسمعو كمان الشي اللي يضحك ياأهلي انا حآمل _ ضحكت ودموعها تنزل _تبي تعرفي من ميين !! _ دفت روان من كتفها وقالت بحقد_ جلااال الووسخ 
 روان : هدى انا اللي شوفتو منهم يكفيني 
 هدى رجعت تدفها وروان ترجع لورا : وادوووكي حياه نظيفه ادوكي فلوووس واسم وعيله سجنتيهم واخدتي حقك بالكااامل _ اشرت على نفسها _ اناا مين يااخد حقي اناا كيف ارجع كراامتي اللي انداسسست منهم 
 روآن : الفلوس ماحتعوضني عن عمري اللي راح ...عمري وانا عايشه جمب جاسم وهوا عارف اني بنتو وماسوا شي ..تبي فلوس ؟ تبي الشي اللي عندي حديكي اللي تبيه حـ
 هدددى دفتها وصرخت عليها بنص كلامها : اااااسكتي ياااشيخه اسكتتتي الله يحرقك ويحرق جاااسم الله يحرقكككم زي ماحرقتونا ...دا كلو التغير اللي فيكي وتعبانه نفسيا_ اتذكرت وقالت بصدمه _ اووووه كمان ماننسى هديل راحت تشبك اخوكي !!! ضمنتو مستقبلكم خلاص ! مبسوطين بنفسكم .؟


 تـآمر اول مرا دفتها وقف وماقدر يتحرك شافها رجعت تتكلم بس اخر مرا دفتها 
 جا بااتجاهها وصوت هدى كل مالو يوضح 

 هدى قربت من روآن ومسكتها من بلوزتها وروان ماتقدر تدافع 
 جاسم ابوها دا الشي كاسرها قدامهم ..: انا حآمل قوليلي ايش اسوي باأهلك وانا مو قادره اخد حقي منهم 
 روآن عيونها كلها ومابعدتها عنها قالتلها بنفس الضعف اللي تهرج فيه هدى : وانا والله ماأخدت حقي 
 هدي دوبها بتهرج الا تآمر سحب روآن : خخخخير 
 هدى انفاسها سريعه
 طالعت في تامر وبيده اللي حاتطها قدام روآن 
 ويطالع بحقد فيها 
 هدى رجعت خطوى لورا ضحكت بتشتت وهيا تشوف كيف تآمر بنسبه لها ولد عزز : ومين دا كمآن _ طالعت في روان _ كمان واحد من اهلك ؟
 تامر دار جسمه ومسك روآن وكأنو مافي احد : تعالي يلا 
 روآن طالعت فيه ورجعت نقلت عينها على هدى اللي اتكلمت باانفعال : ماااحتتتروح مكآن لين ماتردلي اعتبااري 
 تامر مو قادر يدخل بكلامهم لأنو مو فاهم شي بس مو مخليها تلمس روآن ..
روآن : ايش تبيني اسويلك قوليلي ايش تبي وانا والله حسويه 
 هدى بدون عقل مسحت دموعها ضمت يدها تحت صدرها : طيب .. اوك ! حتسويلي اي شي
 روآن اشرت براسها وهرجت بصوت مهزوز : ايوا 
 هدى عاضه على شفتها السفليه وتبا تفكر بحاجه تسويها تنقل عدسه عينها يمين ويسار ودموعها تتجمع زياده وزياده .. نزلت يدها وجات قبال روآن بزبط : قد جربتي احساس انو جآسم يلمسك ؟
 روآن صدرها نززل واترفع مع الجمله اللي قالتها 
 سلمى : تتوقعي اللي ف بطني اخوكي ولا ولد عمك ؟ دقيقه دقيقه حقولك ايش تسويلي ..تقدري ترجعي بالوقت للحظه اللي كنت ساكنه فيها مع بابا وماما وأخواتي ؟!؟ 
 روآن نزلت دموعها 
 تامر مو عارف يحزن على ميــن !!
هدى حركت راسها بالنفي وترجع تهرج بجنون : صح ماتقدري ..طيب طيب تقدري ترجعي سنين عمري اللي راحت وانا انتبه عليكي في الشواع ؟ ولا ترجعي الايام اللي جاسم رفع فيها يدو عليا عشان واحد من الحاره اشتكى عليكي ولا عن مصايبك اللي انا كنت اتحاسب عليها 
 روآن اكتفت 
 ماتبى تسمع 
 قالت بصعوبه : لو احتجتي شي في يوم حتلقيني واقفه جمبك 
 دارت جسمها وهدى رفعت صوتها بااستهزاء : شككراا ماتقصري يابنت جاسم
 روآن وقفت وتامر مسك يدها : سيبيكي منها 
 ماخلالها مجال تفكر شد على يدها ووداها لسيارته فتحلها الباب وركبت 
 وهوا اتوجه لنآحيه التآنيه 
 امـآ هدى كآنت تطالع فيها لين ماختفت من عينها 
 دموعها تنزل وبس 
 مو عارفه ايش تبا ولافكرت بكلامها
 محروووووقه من اللي بيسرلها من الاهانه اللي عاشتها 


 في السياره ولا شغلها عينه عليها وبس..
مابكيت 
 جموود 
 تلعب بااظافر يدها بصمت 
: اي وحده عاشت عند جآسم لاتتكلمي معاها 
 على طول طالعت فيه : عشان حيحطو اللوم عليا ؟!
تآمر : لا ... عشان يبو ينفجرو على احد وانتي الوحيده اللي حيلقوها ..نفس بزبط اللي سوتو هديل في بشار إنتي حاليا بنسبه لهم نفس الشي 
 روآن : إحنا أخوات ! عشنا سنين مع بعض 
 تامر : اخوكي بشار واختك هديل نقطه نهايه السطر.. ياروان لاتحاولي تساعدي احد ولا تحزني على احد 
 محروق لما شافها تحاول ترضيها
 روان سكتت وقالت بعدها بهدوء : طيب انا حاسه فيهم ؟ كيف ماتبآ
 قاطعها لما مسك يدها ودار جسمه بااهتمام : حبيبي لو هيا حاسه فيكي ماكان جات وقالت دا الكلام 
 روآن : قالتلي انها حامل اول مرا تقولي جلال وبعدها جآسم
 تآمر سكت ماهمو الموضوع دا بس ماسك يدها ومحروق عليها 
 وبعدها عقد حوآجبه 
 هدى كآنت لابسه مبينه بدايه بطنها
 بطنها مسطحه مع جسمها!
تامر : كيف حامل من جآسم ولا جلال وهما لهم اربعه شهور محد قادر يوصلهم ؟
 روآن :كدابه يعني !
تامر : مدري بس اذا جلال له اربعه شهور برا البلد وجاسم محبوس يعني لو حامل منهم نقول في الشهر الرابع ولا الخامس او فوق _ رفع حاجبه _ ديك وحده حامل بدي الشهور !؟
 روآن مررت يدها على عينها وهيا تمسح دموعها ومو مستوعبه : ليش حتكدب طيب ؟
 تامر : يمكن بجد لمسوها وحاقده 
 روآن قالت بثقه : جاسم الشي الوحيد اللي مستحيل يسويه انو يلمسنا ...بس جلال ايوا اعرف انها بتخرج معاه من قبل 
 تامر : ويمكن حامل من واححد ماتعرفو وخافت وانفجرت فوقك لاتستبعدي شي ولاتحطي كلامها براسك عمك جميل قد قلك لو فيه وحده تعرفيها عاشت عند جاسم اديهم رقمي وانا حساعدهم ودا الشي اللي اباكي تسويه من بعد اليوم لاتديهم مجآل ماتضمنيهم _ شد على يدها _ شوفتي ايش سو بحور لاتقوليلي دول اخواتي ولا عشنا معاهم الحقد يعمي عين الوآحد
 حركت راسها بالايجاب
 تامر : حتروحي تقولي كل شي سرلك لأخوكي او عمك وتديه رقم البنت وماباكي تديها مجال تكلمك طيب ؟
 حركت راسها تآني وهوا سلم على يدها : حسيت اني كنت بضرب البنت في اي لحظه 
 روان ضحكت غصبا عنها وماعلقت ..
تآمر : مين دي 
 روآن حكتـه كل شي من هما صغار 
 لين مارجعت تقابلها تاني بسبب نعيمه 
 وهوا بيسمعلها ومازآل يحس إنها عن ألف بنت ..
تآمر : كلامها لاتخليه يهزك او يكسرك 
 روآن ابتسمت بصعوبه : صدقني مافي شي جوتي ينكسر عشان تكسرو إللي عشتو مابقى شي فيا 
 صمممممت
 يطالع فيها وردها ضيع الكلام منو 

 ملاحظ برودها 
 طناشها لموضوع جآسم
 تلاته شهور مرت خلتها تستوعب انو جآسم عمرو ماعتبرها بنتو
 تحرق نفسها ليش عشانه .؟
 انكسرت ومافي شي بدي الحياه يقدر يكسرها اكتر من المواقف اللي فاتت
: ايش بك كدا تطالع 
 سحب يده منها قال بتردد : دايما لما اتمشكل معاكي تعليقاتك تستفزني ..احسك صغيره وماتفكري وتبي تفرضي رايك وبس ..وتجيني لحظه _ اتنهد من قلبه _ احس ابا اسمع كيف عشتتي وايش سويتي وايش قلتي واقول اووف لو غيرك عاش حياتك كآن ضاع كآن مشي في سكه تآنيه وقتها استوعب إنك هبله معايا ومع النآس وفحياتك عامتا حمدالله بعقلك 
 روآن على همها بس ضحكت من قلبها : هههههههههههههههههههههه مو عارفه اقولك شكرا ولا ايش 
 تامر : ههههههههههههههه عشان تعرفي قد ايش ساير انسان متناقض بسببك ..طالعي وراكي
 روان دارت راسها للمقعده اللي ورا ورجعت طالعت فيه : ايش فيه ؟!
تامر اشرلها على العلبه الكبيره المغلفه : دي هديتك بس شرطي الوحيد ماتفتحيها الا لما اقولك 
 روان ابتسمت : هههههه مااتحمل انا 
 تامر : الا حتتحملي كم يوم ولا ماحديكي هيا 
 روان : اوووف كمان كم يوم 
 تامر : ههههههههههه يلا عشان يكون لها معنى 
 روان : طيب لمحلي ايش جوتها
 تامر : بدأنا حركاتك ها
 روان : ههههههههههههه
 تامر : شوفي انا حسيت نفسي رومنسي لما جات في بالي فلو سمحتي خليني اكملي رومنسيتي للنهايه ولا حبطل اسوي دي الحركات 
 روان : هههههههههههههههههههه بتهددني كمان 
 تامر : افهميني حبيبي انا يخونني التعبير بعض الاحيان
 روان : هههههههههه عارف لإيش اشتقت 
 تامر : لايش
 روان : لما كنت تقولي تبي شي اختي .. ولا يابنت الناااس ايش بك انتي
 تامر : هههههههههههههههههه والله إنتي اكتر وحده ماطقتها ف حياتي واكتر وحده حاليا مو قادر اخرجها من راسي 
 واخدهم الكلام هيا تحاول تتنآسى كلام هدى ..
وهوا بيحاول مايسكت عشان يشغلها 
 ولسى حياتها فيها فوضى لكن رجعت روآن اللي يعشقها 
 تحاول تتمآسك لأخر رمق فيها ..
روآن : بلله ليش ماديتهم خبر انك جاي
 تامر : قلت افاجئهم وخلاص كنت حطول حق اسبوعين تآنيه بس والله مرا وحشتيني والشي التآني راجع اشوف تميم 
 روان ابتسمت عارفه انها جننته وهوا بعيد عنها : ايش بو تميم 
 تآمر : احسو متغير دي الفتره حتى لمى بتقولي ماسار يجيني ولما اجي ماألقاه ونفس الشي ترف كآن بيكلمها يوميا دحين له اسبوع مالو حس 
 روان : ومامتك ؟
 تامر : لا ماحبيت اسئلها واخليها تركز بس على كلامها انو من العمل للبيت
 ورجع يحكيها عن اهله اللي سارت عارفه طبايع كل واحد فيهم ..
نزلت من السياره وراحت لسيارتها بعد ماداها الهديـه وخلاها تحلف ماتفكها .



امـآ تميم ...
في غرفته لابس السكرآب
 رجع لحياته اللي مالها معنى 
 مالها طـعم 
 ويمكن اسوء من اول
 لا لمى موجوده بالبيت
 ولا تآمر
 وامه مشغوله مع الجيرآن 
 شي يخننق 
3 شهور مرت ولساتها محفوره بقلبه 
 كل ماتجي فباله يبلع غصتـه ويحس بووجع جوتته وكأنه امس سابو بعض 
 طالع بساعته وقام بتملل
 له ساعتين متأخر عن الدوآم 
 وصل لمرحله إنو يكره كل تفاصيل يومـه 
 يفتح عينه من الصباح بتملل 
 إحساس ايش حسوي اليوم .؟!دا اول شي يخطر في باله
 يروح الجيم تضيعه وقت 
 يروح العمل تضيعه وقت 
 يرجع البيت يحاول يتفرج اي شي عشان يضيع وقته 
 بيحاول يمسك نفسه عن طريق الحرآم كتتتير
 بيضيع فلوسـه بعد مآكآن همه مستقبـل وبيبني نفسه
 اشترى سياره جديده 
 اشترى احسن جوال 
 يشتري ملابس بدون تفكير وكلها براندات عالميه 
 مو دا تفكيره 
 بس خلااااص مخنووق وحتى تجميعه للفلوس شايف مالو هدف 
 انسحاب رشا من حياته وانشغال لمى وتآمر خلاه تآيه
 سمع صوت قربـعه 
 لبس الساعه في يده واخد الاب كوت الابيض ..وخرج من غرفته
 مو عارف من فين جا الصوت اتوجه لغرفه امو لقاها نايمه وهنا بدأ يوسوس
 سمع الصوت تآني وسار يمشي بشويش اتجاه المطبخ 
 مالقى ا حد بس كآن فيه صاج كبير حق البيـض سحبـو وسار يمشي وهوا يفتح 
 باب غرفه غرفـه 
 لين ماوصل لغرفه تآمر الباب كآن مقفل بس دحين مردود
 اخد نفسو .
فتح الباب بشويش ورافع الصاج 

 تآمر جاه من وراه ومو عارف ايش بو تميم !!!
استوعب انو شكلو يبا يهجم على احد وسامع صوت جا بزبط وراه وقال : تميـ
 ومالحححق كمل الكلمه لما تميم سوا حركه الضضربه الملتهبه
 داااار جسمو بسرعه وباأقوى ماعنده ضرب وجهه تآمر بالصـآج الحديد
 جآآآت على خده اليمين واذنننه 
 جبلو ارتجااااج وجهه انسحححب مع الصااج لين ماطاح تآمرفي الارض
 كآن بيفاجئهم بس واضح تميم فاجئه 
 اترمى في الارض 
 مو شااايف شي غير انوااار 
 مو سامـع غير طنينننن في اذنننه قوي
 عدسسسه عينه من قوه الضربـه يحسها حذفففت لليمين ورجعت لليسار 
 كل شي مر بسرعه بطريقه تفجـع
 مسك في الكنبه وكل شي يدور بعينه 

 اما تميم مااكتفى مع كبر اللي بيده ماشاف وجه تآمر من الاساس
 جا رففع الصاج على فوق وبيضربه على راسه الا استوعب انو تآمر
 نزل يده وقال بصدمه : تآآآمر!!!
تامر راخي راسه ولا طلع منو اي صوت 
 انضرب واترمى وحاليا كل شي بيدور بعينه وبرضو هوا ساكت 
 تميم نزل على ركبه بصدمه وبدأ يستوعب : ههههههههههههههه عووورتك !! ايش جابك انتا اصلا !!
تامر رفع راسه بيطآلع في تميم ورجع رخااه بسـرعه لما كل شي لف بعينه بسرعه 
 تميم : هههههههههههههههههههههههههه ااايش بك 
 تامر مسك راسـه ومغمض عينه : ياااكلب مو شايف شي
 تميم فين تلقوه ميت ضحك : هههههههههههههههههههههههه آآآه يااابطني
 تآمر رجع مسك اذنه لما حس شي بينزل منها بعد يده وطالع شاف دم 
 وتميم اول ماشاف الدم سار يضرب يده على الكنبه من كتر مايضحك 
 وجهه محمممر
 الصمت اللي عاشه دا الشهر 
 طلعو كلو بضحكتـه 
 حتى انفاسه مو قادر ياخدها 
: هههههههههههههههههههه انتا كوويس ؟
 تآمر طالع فيه وهوا مضيق عينه وحاتط يده على اذنه : انقلع من قدآآمي 
 تميم : ههههههههههههههههههه والله حسبتك حرآمي
 تآمر : ايش 
 تميم ماستوعب فصلته : بقولك حسبتك حرامي 
 تآمر بفجعه وهوا يحرك يده باأذنه : تميم احس اني مااسمعك ممزبوط من دي الأذن 
 فييييييين تلقوو تميم
 رخى راسه على الكنبه وضحككته بكل البيت 
 الضحكه دي اللي تحسو كل شي يوجعكم من جوآ من قوتها 
 قلبك وكليتتك
 وبالقوه تاخدو هوى عشان تكملو هستيريا

 امهم خرجت مفجوعـه : اايش فيـ
 وابتسمت من بعيد ومو شايفه ملامح تآمر مزبوط : انتتتا جييت
 جات بخطوات سريعه واختفت ابتسامتها لما شافت وجهه وتميم يمسح دموعه من كتر الضحك 
: ايش سااير
 تامر : تميم الكلب _ وسكت وطالع في تميم لما زاد صوت ضحكته من قبل لايكمل _
تامر وقف بالقوه وعلى طول جلس على الكنبه 
 صدااع كل مالو يزيييد 
 حتى صوت امه وصوت ضحكه تميم مو واضحه
 تميم رفع اياديه الاتنين وهوا يسويلو " اوك وقال بصوت عالي وكأنو تامر اصنج : فيه يسسسمع مزززبوط ؟؟
 تامر برجله رفسسو :يااااكلب لو انصنجت ماحضيع لهجتي 
 تميم : هههههههههههههههههههههههه 
 وحكــو امهم وتآمر مو قادر يجلس دقيقــه دخل لغرفته وانسدح بملابسـه 
 وامه كل شويا تدخل وتخرج 
 وتميم يضحكك قام بالقوه ودخل لتآمر لما استوعب انو من جد الضربه قوويه
 وقف عند سريره وتامر مغمض عينه ويمرر يده على جبينه من قوة الصداع 
 كتم صوت ضحكتـه تميم 
 له شهر هادي
 يحس انو حياته متعلقه باأخوانه 
 راحو وكل شي سود بعينه 
 له فتره مايستهبل
 فجاه هز تآمر بقوه : هيييي
 تامر فتح عينه مفجوع : نعمم !!
تميم يتكلم بصدمه : هوا إنتا مو سامعني !!!
تآمر : ايش فيه ؟!
تميم : من اول واقف هنآ وبناديك 
 تآمر انفجع هوآ حاسس اذنو فيها شي ودحين رعبو تميم : بلله من جد !
قالها بكل خووف 
 وتميم ماقدر يمسك ضحكتـه : هههههههههههههههههههه وربي وحشتتتني
 تآمر جلس وقال بعصبيه : ياااخي انتا اهببل اطلللع اااقول
 امـه دخلت الغرفه وبيدها كآسه المويا والدوآ : ايش بكم 
 تميم : هههههههههههههههه ولاشي تآمر جاي بشرو 
 تآمر : أنا برضو ولا إنتا اللي مروق من صباح ربنا بدون سبب
 تميم : هههههههههههههههه على إني ماأتفق معاك في شي بس مدري ليش احبك
 امه دفتو : تميم سيب اخوك في حآلو 
 تميم : إيييوا طبعا جا الحب ودحين ابدأ انا اتهزأ بسببو
 امه مدت الحبوب لتآمر وكآسه المويا : اخصرك منو خد البنادول يمكن يفك الصداع 
 تميم : هههههههههههههههه بلله لدحين مصدع 
 الاتنين طالعو فيه وهوا قال بااستسلام : خلاص سلامتك 
 تآمر اخد الدوآ وحطو جمبـو وكالعاده يصرف إنو بعدين حياخدو عشان يشرد من الادويـه
 تميم كآن حيعلق بس سكت لما شاف اخلاص تآمر مقفله
 وقعدت تدلعه امه وايش تباني اطبخلك ووحشتني وتميم متكي على الباب وكل شويا يقول : لنا الله
 خرجت من الغرفه 
 وتامر : خير ماتبى تروح دوامك إنتا وراك مواعيد كيف تتـأخر لدحين 
 تميم : ماعليك مزبطهم _ دخل وقفل الباب _ تخيل مين امس شوفت
 تآمر لساته يهرج من غير نفس معاه : مين ؟
 تميم : جنى ام اسنان ههههههههههه
 تآمر : فين شوفتها
 تميم : جاتني العياده 
 تآمر ابتسم : ايش تبا دي
 تميم : جاتها وظيفه في نفس المكآن رسبشن المهم تقولي شوفت اسمك من ضمن الدكآتره وطلعت اخدت موعد عشان اشوف اسنانها 
 تآمر : هههههههههه لاتقول حاقده
 تميم : وربي مرررررررررا اصلا بس كشفت عليها وبعدها قالتلي انا جنى حسيت اني حنشل في مكآني مو عارف اضحك ولا انصدم وقآمت وطالعت فيا بنظرات وحده حاقده وقالتلي مستحيل انسى اللي سويتو فيا
 تامر : هههههههههههههههههه_ رفع يده ومسك راسه _ حسبيه الله عليك مو قادر اضحك زي الأوادم
 تميم : هههههههههههههههههههه المهم إني مكسوف ومابى اشوفها تآني
 تآمر : حتى لو شوفتها ماتوقع تكلمك تآني
 تميم : في حياتي ماشوفت وحده تطالع فيا بدا الكره فاعشان كدا مو عارف ايش رده فعلها لو شوفتها تآني
 تآمر :إن شالله تاخد حقي منك 
 تميم : ههههههههههههههههههه والله حسبتك حرامي فيه احد يدخل كدا بدون احم ولا دستور 
 تامر : مالقيت سيارتك تحت حسبتك في العمل 
 تميم :اشتريت سياره تآنيه
 تامر عقد حوآجبه: ايش بها سيارتك
 تميم : ولاشي كنت امشي جمب المعارض ودخلت مع الطفش ماحسيت بنفسي الا وانا اسئل بكم التقسيط
 تامر : بجدك انتا 
 تميم عارف انو اتسرع سيارته مافيها شي :يلا مو مشكله كويس انك جيت قبل لاأبيع شي تآني
 تآمر : ههههههههههههه انتا فاهم الطفش غلط !
تميم مرر يده على رقبته وزفر بضيق : المهم انا لازم امشي عندك دوام اليوم
 تآمر كآن حيخرج بس بعد شكل تميم قال لا : ماعندي شي حترجع بدري ؟
 تميم : ايوا اول ماحخلص حرجع 

 خرج تميم وتآمر اخد الحبوب ورماها بدرج المكتب عشان لو جآت امه ..

امـآ تميم اتوجه للعيآده .. دخل وشافها بوجهه على طول 
 بعبايتها وحجآبها اول ماجات عينها بعينه رفعت حآجبها وشمقت 
 تميم !!! 
مشي بصدمـه وهوا متوجه للمصاعد 
 كل اللي جمبها طالعو فيها لما شمقت بوجهه
 طلع لمكتبـه .. 
وبدأ المريض الاول والتانيه والتالت والرابعه 
 لين مامرت تلات ساعات ووقتها قفل القلم اللي بيده ورماه على المكتب بتعب
 اتمطع بكسل وبعدها قام 
 بريك 
 حينزل ياكل اي شي ..
بس خرج من المصعد 
 بس مشي لنص المكآن اللي فيه الاستقبآل
 حاسس بنظراتها 
 شايف انعكاسها بالباب القزاز ..
ممممشي لين مااختفى من عينها 
 وترتتته 
 بجد دي المرا وترته
 راح طلبله اكل وجلس على الكراسي وحط اله على الطاوله اللي قباله وبياكل وشويا يمسك جواله
 لين ماخلص البريك ورجع طآلع 
 ههوا دي المرا طالع فيها
 لاشعوريا طالـع وهيا حركت شفايفها وواضح انها سبته وطالعت في صحبتها وتكمل هرجها معاها !!
يضحك !
ولا ينصدم زياده !
رجع لمكتبه متننح !!!
ايش يسوي مع دي كمان !
كرهته بالاكل حتى البريك اللي اخده تآني مانزل !
لين مادق الباب ودخل عليه دكتور زايد ..
تميم ابتسم ..وجلس في الكرسي اللي قبال مكتب تميم واخدهم الكلام 
 لين ماقلو : ايش هرجتك مع دي الجديده
 تميم رفع حوآجبه الاتننين : جنى !
زايد : ايوا 
 تميم :قالتلك شي ؟!
زايد : لا هيا مع مرتي تحت بتقولي كل مايمر تميم البنت ماتنزل عينها من عليه يعني انا عارف انك ماتستهبل انتا على بنات العياده لكن قلت اجي انصحك بلاشي تدخل بدي الموالات وربي البنات يدفنو سمعتك بسابع ارض إلا مكآن عملك 
 تميم كأنو احد اداه كف : زااايد بلا هببل انتا عارفني مالي بدي الهروج 
 زايد : اجل ايش بكم ؟
 تميم : يااخي هرجه سارت بيني وبينها واحنا عمرنا يمكن 11 سنه او 12 والادميه شافتني تاني وحاقده عليا 
 زايد : بس ياهو
 تميم : والله ماشوفتها من داك الوقت الا امس لما اتوظفت
 زايد : اجل قول لسمعتك السلام مع نظراتها انا قلت خرجت معاها وسويت شي للآدميه
 تميم : لاحول ولاقوه الا بلله ماعندك غير دا التفسير يعني
 زايد : هههههههههه والله مو بس انا اللي فسرت الموضوع كدا 
 تميم : حشوف لو زودتها حكلمها يمكن لسى عشانه اول يوم مو قادره تتحكم بنفسها 
 زايد : هههههههههههههههههههههه ايش سويتلها 


 أمي مآزآل رحيلك يبكيني كالأطفال ... 


في العصـر التلاته في السيآره ..من الصباح وهمآ بيلفلفو ..
عزآم : انا مو عارف ليش جبتوني معاكم 
 لؤي : عشان تشوف اختك كيف مطلعه عيني 
 علا : ههههههههههه وي شقتي بختار الشي اللي يدخل مزآجي كمان تبوني اخد اي حاجه 
 لؤي دار راسه وهوا يطآلع فيها : لا ياعمري لنا اسبوع واحنا ندور شي يدخل مزآجك خخدي راحتك ماورانا إحنا اثاث ولا كماليات 
 علا : هههههههههههههه اوووف الشقه اهم من الكماليات الكماليات حتى لو بعد الزواج سويناها اهم شي اسكن في مكآن يعجبني 
 عزآم : الحمدالله يارب انا كل مالي اقتنع انو حياة العزابيـه احسن 
 علا مدت يدها وهوا بيسوق وضربته : خليك في حالك 
 وكملو تدويـر لين قبل المغرب بزبـط واخيرا رضيت عليهم علا 
 واختآرت شقه تنآسب تخطيطها اللي براسها واقفه تطآلع في المكآن وابتسمت للؤي بدلع : ابااا دي
 لؤي اتنهد : والله محد حيفلسني غير اختك 
 عزآم : ومازالت اكرر حياه العزابيه ارحم 
 علا : ههههههههههههه _ جات لعند لؤي وسحبتو _ تعال تعال اخليك تتخيل معايا كيف ممكن تكون حياتنا
 اصواتهم عاليه بسبب المكآن الفاضي ..
وتمشي وتقلو كيف تتخيل غرفه نومها 
 فين يحطو طاوله الطعام 
 ايش ألوان المطبـخ 
 الصاله تبا ألوانها هاديه المجآلس تباها مايله للفخامه
 ومبتسمه من قلبها طالعت فيه : هاا اتخيلت
 مبتسم ابتسامه بسيطه من اول بيطالع فيها وهيا تأشر وتتكلم بحمآس
: انا لو اسكن معاكي في خرآبه حعيش اسعد واحد
 علا وجهها حمر ماعرفت ايش ترد : ايش يعني ماعجبتك الشقه
 لؤي مسك يدها : المكآن اللي يعجبك أنا اباه والأحلام اللي ترسميها ف راسك هيا الوحيده اللي حنعيشها وتسويها 
 علا ماتعرف تعلق دايما تحس انها تبا تبكي لما يتكلم كدا وخلاص
 دموعها بس اتجمعت وبتطآلع فيه 
 خايفه يسرلهم زي آخر مرا بس جآت دي الفكره براسها هيا شدت على يده 
 وعزآم فوقهم من كل افكارهم لما تطب : ترررا خلاص احترموني ألقاها من عدي ولمى ولا منكم
 علا رفعت يدها تمررها على عينها وضحكت : ههههههههههه مو عشان كدا نبا نزوجك
 عزآم : يارب لاتجعل اخر همي الزوآج
 لؤي :ههههههههههههههههه يااارب يرزقك بوحده 
 عزآم صرخ قبل لايكممل : اسسسسكت انتا ودعاااويك عمرو ماقال دعوه وماسااارت 
 لؤي : ههههههههههههههههه ربي عالم بطهارة قلبي
 عزآم : سبحان الله عشان كدا متمرمط انت وعلا
 علا : ههههههههههههههههههههه 
 لؤي : ههههههههههههه ربي بيختبر صبرنا
 عزآم : الكلام ضايع معاك ها تبو الشقه ولا ترجعوني البيت
 لؤي : خلاص مزتي تباها _ طالع في علا وهوا يخرج محفظته _ واللي تباه أوامر 
 عزآم مشي وهوا متنرفز
 ولؤي دفع عربـون الشقـه ومحد قدو هوآ وعلا اليـوم ..
مبتسمين وطول الطريق غزل ويهديها اغاني ..
لؤي : وديني اول شي بيتي 
 عزآم : حسبتك جاي معانا
 لؤي : جاي بس باخد بطاقه الصرافه اليوم اختك عارفتها حتبدأ تقضي للبيت 
 علا : ههههههههههههههه 
 عزآم : ابوك رجع حرمته صح ؟
 لؤي : ايوا عشان كدا مو قادر اجلس 
 عزآم : يخي ايش المرمطه دي
 لؤي : خليه مسوي عرييس لهم شهر ونص مشاكل 
 عزآم : هههههههههه بلله على ايش يتمشكو 
 لؤي : والله مدري بس ابويا عايش جو المراهقين ومكتئب وجبلي الكئابه معاه قلتلو روح رجعها بيقولي انها طلبت منو حاجات مو قادر يسويها مارضي يقول ايش بس قلتلو خلاص الواحد يتنآزل دام الموضوع جارحها وإنتا تقدر تسيبو سيبو ..
عزآم : ساير كمان تتوسط بينهم 
 لؤي : ايش اسوي طيب الأدميه طيبه وابويا مرتاح معاها وكدا ولا كدا انا حتزوج ليش اكون اناني واسيب ابويا يعيش على ذكرى امي 
 عزآم : الله يرحمها فاهمك انا هيا الفتره اللي حزت بنفسك ولا هوا ماسوى شي غلط 
 لؤي : هوا دا 
 وعم الصمت السياره لين ماوقفـه عند باب البيـت ولؤي نزل يجيب اغراضـه ..
وصل لباب الشقـه ..كآن بيرفع مفاتيحه بس استوعب ودق الجـرس
 ولدحين دا الموضوع يحسه يجرحه 
 امـه راحت سار دا البيت مو بيتـه
 صح بيت ابـوه بس بوجود زوجتـه يعتبر انو سار بيتها 
 دق مرا وحده على الجـرس وهوا يستنى احد يفتح الباب 
 ابتسم لما اتذكر كيف كآن يدق الجرس ورا بعضه 
 ويزعج امـه لين ماتفتح الباب
 اتنهد بصوت مسموع 
 رخى راسـه وهوا يطآلع على عتبه الباب وسامع اصواتهم بس لسى ماجات 
 اخد الموضوع تلات دقايق وجا ابوه فتـح الباب ..
سلم عليه وقلو بس باخد اغراض وماشي ..
بزبط دخل لغرفتـه اخد بطاقته ودخلها بجيبه وخرج 
 مامشي
 وقف عند باب غرفته وهوا يطآلع بالصآله 
 كآنت لوحآت امـه معلقه على الجدآر
 كآنت راسمتـه وهوا صغير وابوه ماسك يده 
 راسمتهم بطريقه احترافيه وكأنها صوره مطبوعه مو رسمـه
 كآنت في رسمه جمبـها لمنظر طبيعي هيا راسمتها 
 ورسمـه تالته 
 الجدار فاااضي ..!
رسوماتها مو فيه 
 لوحه كبيره باأيات قرآنيه استبدلوها بالمكآن
 نقل عينه على الطآوله اللي تحت التلفزيون كل المزهريات الصغيره اللي منسقتها امو اتغيرت 
 مرر لسانه على شفايفه 
 خرجت مرت ابوه وابتسمتلو من زمآن ماتشوفو : كيفك يالؤي
 طالع فيها وحاسس انو مخنوووق اشر براسه وقال بالقوه : تمآم
 اتوجه للغرفه الزايده اللي نقلو فيها ملابس امـه لما جآت مرت ابوه
 اتوقـع هنآك حيلقي اللوحآت ..
حيآخدها اساسا كآن مستني يستأجر شقته عشان حتى لو أمه مو عايشه يحط لها ذكرى 
 ويسيب بصمه ف بيته منها ..
دخل المكآن فاضي فتح الدواليب وهنآ صنم مكآنه 
 دقاااااات قلبه سارت تدق بسـرعه 
 دموعه بثواني غرقت عينه 
 مااافي ولاشي !!!
ملابسها 
 اغراضها 
 كل شي يخصها مو موجود !!!
خرج تآني للصآله وقال لمرت ابوه : فين ابوويا .

مرا ارتبكت اساسا من يوم مادخل الغرفه وقلبها طآح ..
دخلت ونادته
 واول ماخرج ومرته وراه لؤي قال : فين اغرااض امي
 ابوه : ايش تبابها 
 لؤي ماسك بالقوه دمعته بس صوته مرا مهزوز عاد سؤاله : فين اغراض أمي؟
 ابوه : اتصدقت فيها للناس المحتاجه 
 لحظه مافي اي رده فعل للؤي
 يطـآلع في ابوه بنظره تكســر
 فيه احد محتآج اكتر منـه ..!!!
مديها للناس المحتاجه و ولده اكتر واحد محتآج دي الحآجآت
 عاد للمرا التآلته سؤاله بعدم استيعاب بس هنآ دموعه خانته : فين اغراض امي .؟
 ابوه بتفهم : لؤي حنقعد دافنين اشيائها في الغرفه لمتى 
 لؤي : دافنين !! .. _ طالع في مرت ابوه _ دا شرطها عشان ترجعلك صح؟ ماكفاها إنها تاخد بيت امي كمآن ماعجبها إنو تلقى شي لها
 مرت ابوه دخلت الغرفه على طول ماتبى تتحط بدا الموقف ..
ابوه: لو ادري انو الموضوع يهمك ماكان 
 لؤي جا لعنده وقاطعه : ماكان رميتهم صح .؟ لو هميتك ماكان اتزوجت\ماكان دخلت وحده بيت اممي وخليتني انا اللي اخرج
 ابوه : عمممري ماخليتك تخرج من البيت دا بيتك قبل لايكون بيتها 
 لؤي : عشان كدا راضيتها وخرجت اشياء امي ؟
 ابوه سكت 
 لؤي : فين وديتهم 
 ابوه : بقولك اتصدقت فيهم 
 لؤي بقهر : ورضيت ورجعت معاك البيت .؟ وانتا مبسوط وكأنك ماسويت شي ..بعت ذكريات وحده وقفت معاك 35 سنننه عشان وحده عرفتها في 5 شهور 
 ابوه دموعه اتجمعت في عينه : مافي وحده حتاخد مكآن امك
 لؤي رفع يده وخبطها على كتف ابوه : والله اخدتها والله اخدتها وإنتا مو حاسس _ ٍسحب يده _ كل ماشتقلها ارجع البيت عشان اشوف اغراضها حوليا بس ماسار فيه شي يخصها ويخصني من بعد اليوم
 مشي من قدآم ابـوه ..خرج من البيت 
 كل خطوه توجعه وتخلي دموعه تنزل
 كل ذكررياته مع أمه رجعتتت
 حط يدو على حديد الدربزان وينزل ويتذكر امه لما تقوله أمسك يدي رجولي توجعني
 خطواتها التقيله ياليتها ترجع
 يدها اللي كآنت تمسكه في بدايه عمره عشان لايطيح
 وسار هوا يمسكها في نهايه عمرها 
 يدها اللي كآنت كبيره مقارنه بيده و سارت مع العمر تضيع في يده 
 راسه لما يرفعه وهوا صغير عشان يطـآلع فيها ويطلب طلباته وايش نفسه ياكل
 وراسها لما سارت ترفعه عشان تطالع بولدها اللي اتعداها بطوله وتقوله ايش تبا يجبلها
 وحشته كلماتهااا " لؤي ..لاتزعلني ...انتبه على نفسك ... الله يحفظك .. في أمان الله "
شاف سياره عزآم يبا يروح بس مااقدر
 يحس كل قووته راحت 
 واقف على اخر درجه في العماره دي اللي يسيب فيها يد امو دايما وهيا تكمل خطواتها للسياره
 جلس في مكآنه وبببكي


 في السياره شافوه يخرج بس مو منتبهين لملامحه 
 بس اول ماجلس اول مارفع اياديه على جبينه 
 فتحو الباب الاتنين بدون تفكككير 
 مشيو بااتجاهه بخطوات سريعه وقبل لاينطقه بشي 
 ابو لؤي وقف ورا لؤي وناداه بضعف : للؤي
 لؤي يعد يده ووقف طالع في ابوه وحس بيد علا تمسكه وتضغط على ذراعه
 ابو لؤي : اطلع خليني اتفاهم معاك
 لؤي بصوت راخي : نتفاهم في ايش ؟ _ سئله باإنكسار _ تقدر ترجع الاشياء ولا ماحتقدر .؟
 ابوه : ماحقدر مو اغراضها اللي حتخلينا نتذكرها 
 لؤي : اغراضها تخليني احس انها معايا لو تبا تشوفني تاني رجعلي اغراض امي 
 ابوه وقف من غير اي رده فعل وهوا انسحب وعلا وعزآم لحقووه 
 ركب في المقدمه سند اكواعه على ركبه ورخى راسه وسار يبكي بصووته 
 فيه نآس تتصدق بااشخاص الميت عشان تتعبهم نفسيا 
 بس فيه نآس يعيشو على اغراضهم 
 داك اللبس يتذكر كم مرا لبسته وايش قالتلو داك اليوم
 القميص التآني يتذكر اتفرجو فلم وفي النهايه هزأتو لأنو تافه
 البلوزه ديك يومتها سوتلو أكل وانحرقت بيدها 
 هوا يبا يتذكر دي التفاصيل مايبى احد يسلبها منو 
 دي الذكريات تخليه عاايش 
 تخليه يبتسم 
 دا ولدهم الوحيـد 
 عاش مع امـه لو ابوه مشغول في عمله 
 امه الوحيده الموجوده دايما ..
عزآم قفل الباب وطالع فيه 
 وعلاركبت ورا واتوسطت الكنبه مردت يدها له ودموعها نزلت من قبل لاتعرف شي : ايش ساار
 يبكككي بحرقه قلب 
 يسمعو شهقاته المتوآصله وبالقوه قال : اتصدق بكل اغراض امي مابقالي شي ...اتصدق فيها عشان يرضي مرته

 علا بكككيت معاه في كل مره يبكي يخلي الكل يحس بوجععه
 عزآم دموعه بعينه ماحرك السياره لحظه تقيله مرت عليهم 
 لحظه مافي كلام ينقآل عشان يريحه بس يشاركوه حرقه قلبه وبـس 
 وعشره دقايق وحرك عزآم ولؤي سند جسمه على الكنبه 
 يطآلع في الشوارع ودموعه تنزل بصمت 
 بكي بس لساته محرووق 
 لساته مخنووق
 بس وصلـو للبيت نزل وكآن متوجه لسيارته الا علا جاته : فين رايح 
 لؤي شتت نظره عنها : شويا وحجي 
 علا مسكتـه : امانه تعال ادخل 
 لؤي لمستها لوحدها خلت صوته يتغير : ساعه وراجع بس ساعه
 علا دموعها مغرقه عينها : ماحخليك تروح مكآن 
: والله مخنوق 
 علا : ماحخلي احد يدخل الغرفه 
وبعد إلحاح منها دخل ودخلت معاه لغرف الضيوف وقفلت الباب بس دارت جسمها وكآنت حتجي بااتجاهه الا هوا قرب منها وحضنها وسار يبكي بشهقات مسموعه 
 وضـآع بعد امـه إنك تدور فين اخر الليل تنآم اليوم 
 دا شي ينهي الف موضوع ..دا شي يخليه يقول بس 
 لو أمي فيه مآكآن سار كدا ..
ودا الجواب اللي يدمره كل مرا .


 تمشي في ممرآت المستشفى ومو قادره تستوعب كلام ام بشـآر عدل
 هديل منومه بالمستشفى دي الجمله تحس ماخلت فيها عقـل
 تطالع باأرقام الغرف وتمشي بكل تشتت
 جسمها يتناااافض
 انتبهت للغرفه وفتحت الباب على طول ..
لقت ام بشـآر بس جات بااتجاهها : فينها 
 ام بشار اشرتلها وقالت بصوت هادي : نايمه 
 على طول اتوجهت للقسم ووقفت لما شافتهم نايمنين على نفس السرير 
 وهديل حاطه راسها على كتف بشار وهوا يده عليها لحظه بس تطالع فيها وتطمن ورجعت انسحبت 
 وراحت لأم بشار : ايش سرلها
 ام بشار : اجلسي مافي شي يخوف
 روآن سامعه صوت الجهاز حق القلب والضغط موترها بشكل مو طبيعي
 ماقدرت تجلس : ليش حتقعد كم يوم 
 ام بشار متأكده إنو دام بشار وهديل عارفين من امس بالحمل يعني سميه معاهم عارفه 
 قالت الكلمه بصعوبه ولأول مرا تنطقها : عشان يهتمو بصحتها وبصحه الاطفآل
 عارفه إنو حلالــه 
 بس العادات فوق كل شي
 مملك عليها وعقده عند شيـخ بس برضو المفروض مايلمسها الا بعد الفرح
 روان جلست بشويش : يعني شي طبيعي
 ام بشار حركت راسها عشان تطمنها : إن شالله طبيعي
 مر الوقت ولسى روان تحرك رجولها 
 مستحيه تدخل وبشار نايم معاها بدي الطريقه
 سندت جسمها على الكنبه شويا تبعدها 
 حتى اظافيرها ماسابتها ف حآلها 
 لين مادخلت الدكتوره ومعاها الممرضـه 
 ابتسمتلهم واتوجهت لقسم المريضـه واول ماشافتهم نايمين قالت بصوت عآلي : معلليش حنزعجكم 
 بشار فتح عينه على طول 
 واول مانتبه للدكتور ومعاها الممرض جلس وبعدها قام من على السرير 
 وهديل صحيت معاه ..
كآنو نايمين بضمممير ...
والممرضه ركبتلها مغذي بيدها ..والدكتوره بعد ماكشفت عليها 
 سارت تقولها ايش المفروض تسوي 
 تنسدح طول وقتها 
 ممنوعه من الحركه
 لازم تهتم باأكلها 
 اي ألم تحسو تنآدي على الممرضات ..
ونصيحه ورا نصيحه وكلها عشان الأطفآل اللي ف بطنها 
 بس خرجت بشار لحق وراها وروآن وقتها دخلت لهديـل ..
وقف الدكتوره بالقسم اللي فيه امـو : حتقعد فتره طويله كدا ؟
 الدكتوره : ماأقدر احكم حاليا قلتلك ارتفاع الضغط مو طيب لها هوا طبيعي في حالة التوآئم لكن مانباه ياأثر بصحتها فلازملها اهتمام تآم اذا تباها تخرج على مسئوليتك إحنا مو مسئولين عن اي
 بشار برده فعل سريعه : لا لا انا بس كنت بطمن 
 الدكتوره : تمآم الله يقوم زوجتك واطفآلك بسلامه 
 بشار الجمله وترته ابتسم باارتباك وهيا خرجت 
 فضل واقف للحظآت بدون اي رده فعل وبعدها طالع باأمه 
 دارت راسها واتوجهت للطاوله اللي عليها اكل
 واضح من وجهها انها زعلانه منـو ..


اما روآن .. واقفه عند هديل وطفشتها 
 فيه شي يوجعك 
 دا كلو من الكلب بشار
 ارتحتي دحين 
 مبسوطه بللي سرلك "
ماتعرف تهدي الواحد 
 كأنها امهم تهزيئها كلو خوف 

 هديل بصوت هادي : تخيلي مامة بشار عرفت اني حامل
 روآن : اعرف صدمتني اصلا لما قالتلي
 هديل سانده راسها على المخدآت وتطالع بروآن ..: مكسوفه ايش حتقول عني
 روآن : ماعليكي دحين من احد اهم شي تكوني كويسا ولا تبيني اقولك بدري دوبك فككرتي بكلام النآس
 هديل بنرفزه : روان اسرري
 وشويا ودخلت عليهم ام بشـآر 
 بس كآنت مبتسمه ... وف يدها صحن الأكل : ها كيفك دحين 
 هديل رفعت جسمها باارتباك وسندته على المخدآت : تمآم
 ام بشار : يلا الحمدالله على سلامتك اباكي تهتمي بنفسك وتآكلي مزبوط حتى لو مالكي نفس حاولي تغصبي نفسك
 هديل باارتباك حركت راسـها 
 رده فعلها غريبه ..وجودها لدحين بنسبه لهديل شي غريب 
 بشار جاهم وامو تدي الصحن لروان وتوصيها تأكل هديل كل الاكل 
 وروان ابتسمت بشر 
 ام بشار جلست على الكنبه القريبه من السرير 
 وروان جلست على السرير وبيدها الملعقه : يلا يلا فكي فمك
 هديل : هههههههه _ وسعت عينها وتتكلم بهمس _ روان مو كدا
 روان : ههههههههه يلا اقول حديكي بالملعقه بجبينك
 بشار : هههههههههه جربي تسويلها شي وشوفي ايش يسرلك
 روان طالعت فيه : نفسي يوم أهددها وماألقاك ف وجهي _ العت في ام بشار _ خاله شوفي لو مابتآكل بسبب اسلوب بشار 
 ام بشار ولا طالعت في ولدها جات عينها على هديل على طول رده فعلها واااضحه انها زعلانه منو : انا حقعد هنآ معاها ماحتقدر تقولي لا
 روآن ضحكت بشر وطالعت في هديل : ههههههههههه حتمشيكي مزبوط
 هديل مرا انحرجت لا ماتباها تقعد ماحتكون براحتها وعلى طبيعتها 
 بشار : لا ياأمي ارتاحي في البيت انا حقعد معاها 
 ولا كأنه اتكلم : حروح شويا اجبلي ملابس وسميه عبي لهديل كمآن 
 هديل وروآن من تطنيشها لبشار هدووء سار بينهم 
 هديل اخدت الملعقه وبتآكل وعينها على بشار اللي جلس ولا عاد ا تكلم ..





متربعه في غرفتها وتطبق ملابسـها المشعرته حوليها
 قالت بنرفزه : وجددددان لو سمحتي سيبيني ف حالي
 وجدان : والله مو فاهمه ايش تبي شي سار وانتو اطفآل ليش تبي تشوهي سمعة الآدمي
 جنى رمت البلوزه من يدها وطالعت في اختها : انا شوهتها دحين ؟!؟! عارفتني اني مو حق دي الحركات ولا حتكلم عنو بشي الناس هما اللي بيفسرو نظراتي _ قالت ببرائه _ ايش دخلني دحين 
 وجدان : جنى لايكون حقير ويجي يفصل عليكي
 جنى رجعت تمسك البلوزه وتطبق من غير ماتطالع في اختها : بكيفه لو انا اتكلمت عنو بشي وقتها له حق يجي يكلمني عيوني وانا حره فيها اطالع فيه زي ماأبى 
 وجدآن بهداوه : قوليلي بلله ايش حتستفيدي
 جنى : إنتو مو فاهميني ليش حجي اقولك ايش حستفيد
 دخلت ساميه وهيا شايله اكواب القهوه : اهم شي انا في بيتكم وبضايفكم 
 وجدان : هههههههه معليش حبيبي بس خليني اعرف تفكير الهبله دي
 جنى :اوووه ياااربي انا حره انا انسانه حقوده ماحنسى كل اللي اتريقو عليا بسببو ماحنسى في الأماكن العامه الناس كيف كآنت تطالع فيا انتو شايفين الموضوع تافه انا مو شايفتو تآفه اخدينو ضحك وانا كنت اخدتو ضحك طول دي السنين بس معللليش لما اشوفو قدآمي مو ملزومه ابتسملو ولا ملزومه اسوي نفسي مو شايفتو _ وقفت _ انا غلطانه لأني حكيتك اصلا
 وخرجت معصبه من الغرفه ..
وجدان زفرت بضيق: والله هبله وعمرها ماحتكبر
 ساميه : ههههههههه حرام معاناه سنتين على بال ابوكي رضي يزبطلها اسنانها 
 وجدان : ههههههههههههه لو سمعتنا ترا حتقتلنا
 ساميه : خليها تبرد قلبها 
 وجدان : مو عارفه اختي مجنونه اخاف يجي يكلمها معصب وتفصل عليه ايش حيرحمو من لسانها 
 ساميه : لا قالتلي انها ماتبى تتكلم معاه حتى لو جاها معصب حتخليه زي الجدار وتمشي من جمبه
 وجدان ضربت على جبينها وشويا وتبكي : ياااربي حاسه انو جيتنا مشاكل في الطريق






 وتمر سنين وسنين علي يومها ومش ناسين 
 انا شفتك امتي يا حب العمر وشفتك فين 


 صوت الاغنيه يصدح في البورش الرياضيه الي مستاجرها براء جنبو ترف وورا سامي وجالسين ياخدو فره علي اتلانتس دبي الشوار المرتبه والنخيل الحديقة المائيه .. جهة الالعاب الفلل المطله ع الخليج .. واخيراً وقفو عند الفندق 
 نزلت ترف من السيارة لابسة نضارتها الشمسية بلوزة براء اخترلها هيا اكمامها طويله وبنطلون ابيض شكلها مرتب كعادتها شعرها لامتو ببساطه علي ورا 
 وسآمي دور بس على جوآله قبل لايخرج ومو عارف فينه 
 وكالعاده عشان لايأخرهم اضطر يخرج من غير جوآله ..

دخلو ع الفندق متوجهين ع الرسبشين قاعة الاستقابل واللوبي كلو يفتح النفس بداية من الاثاث الفخم الين الموظفين واشكالهم ولبسهم الموحد 
 طلعو علي غرفهم .. سامي دخل الغرفة وفتح الشباك الكبير المطل ع الخليج واخد نفس عميق


 وبس حطو اغراضـهم هنآ براء ماحيسيب مجآل لسامي يفكر بجواله او باأي موضوع تآني ..
 : يلا ننزل 
 ترف جلست على السرير : تعبت من الطريق
 براء : ههههههههه ياألله على كسلك إنتي كم عمرك 
 سامي وقف عند الباب قال بهدوء : طول عمرها مافيها حيل تسوي شي
 ترف : ههههههههههه انا ماقلت دحين ماحنزل بس شويا ارتاح 
 براء : ترتاااحي ليش جايين من المريخ إحنا
 ترف بتأفف وقفت سحبت الشنطه اللي فيها اغراض السباحه: هااا هااا قومت _ ومشيت بقصرها جمب براء ومسويا معصبه ومشيت جمب سامي _ 
براء وسامي طالعو في بعض لاشعوريا ضحكو 
 ترف فتحت باب الغرفه وطالعت فيهم : حتمشو ولا كيف
 براء جا لحدها وحط يدو على راسها من ورا : امشي امشي ياشخصيه


 بس نزلـو واتوجهه لمدينه اكوافنتشر ..
المكآن عباره عن كلو العـآب مائيـه ..تنآسب كل الأعمآر
 أجواء بعيده كل البعد عن دبي وأهلها 
 وكأنهم في هآوآي
 عند كل لعبه نآس بستايلهم الافريقي يغنو ويحاولو يجذبوكي للعبه 
 السيآح أغلبهم أجانب
 الرجآل باالشورت والحريم بالمايوهآت المختلفه اشكآلها 

 دخلت ترف غيرت ملابسها لبست مايوه لبس كآمل وعليه زي التنوره القصيره 
 من نفس القطعه مصنوعـه ..
لمت شعرها على ورآ ..
وبراء نآزل اساسا بالشورت وتيشيرت ابيـض 
 وسامي نفس الشـي ..
كآن شكلهم عيله صغيره كيوت 
 بس فسخ براء وسامي تيشرتاتهم ..وبدأو لعـب هنآ سامي نسي نفسو .
اول شي راحوه الزحليقه اللي ارتفاعها تعتبر كأنها لعمآره تلاته ادوار
 اخدو العوآمآت نفس العوامه مشتركه وتكفي لتلاته اشخاص ورا بعض 
 سـآمي اول واحد وترف في نصهم وبعدها براء اللي يمد يدو وينغز كل شويا تتترف من قبل لاتبدأ 
 ترف : ههههههههههه برااااء 
 وبس نزلت العوآمه ومسرعه بشكككل مجنننون 
 تترف تصرخ بككل صوتها 
 سامي وبراء متحمسييين 
 وهيا تغمض عينها وتصرخ 
 ترف ماتتذكر اذا قد لعبت كدا بحياتها
 شافت اللعبه مجنونه بس برضو ماتخيلتها كدا
 من كتر ماتصرخ من كتر ماتتشهد سارت ضحكه برااء المستفزه تسمعها 
 وفجأه دخلو على الانبوب الزجآآآجي ويمينها قروش ويسارها قرووش
 سامي دار راسه على طول : ههههههههههه أشباهك ياماما
 مدت يدهل على طول وضربتو براسه
 سارت العوآمه تمشي بشويش
 وكل مايقرب اي قرش عند الانبوب هيا الوحيده اللي تصــرخ
: متـأكدين دا مايتكسر ياربي مابى اموت مأكوله من قرووش
 براء : ههههههههههههههه وكمان إنتي احسن قريسه شي صغير بسرعه يتقطع بينهم
 ترف وسعت عينها : خرررجنني امانه 
 وطول الوووقت مزحهم على راس تـرف خرجو وهمآ شويا مبلبلين مع المويآ ..
ورآحو لأحد المسـآبح سـآمي نزل وترف قالتلهم مابى
 وفجأه جسمها يترفع عن الارض وبراء يشيلها : سامي تمسكها 
 سامي ومخرج بس راسه رفع اياديه : هااات
 ترف : واللله اخخخخر مرا اخرج معاااكم _ تطالع في براء وتترجاه _ والله ازعل 
 براء حاتط يده اليمين تحت رجولها والتانيه تحت ظهرها وهيا ماسكه برقبته بقوه 
 يسوي انو بيرميها وصرخت بكل صووتها وهوا يضحك 
 ترف : برااااااااااءءءءء الله يسعدك نزلني والله ماعرف اسبح والله
 سامي : هااااتها هاتها
 ترف طالعت فيه بعصبيه : سااامي اهجد
 سامي : بطلي دلع ياماما
 ترف رخت شويا يدهخا من حولين رقبه براء وقالت لسآمي : مالك صلاح فيا 
 براء بس حرك حوآجبه وسامي فهمو ورمآهــآ وهيا لسى تبا تعبر وتصرخ 
 وصرخت بكل صوووتها 
 ودخل جسمها كلو بالمويـآ وخرجت وهيا تاخد نفسها بالقوه مسكت في سااامي على طول 
 الوحيد اللي تستنجد فيه 
 كأنها مو أمو تغرقو وتدخلو تحت المويا عشان ترفع جسمها وماتغرق
 ودخخل براء معاهم وسحبها من سامي 
 واتعلقت في رقبتـه وقالت بصوت متقطع : خرررجني خررجني
 سامي خرج راسو وهوا بالقوه ياخد انفاااسه 
 يبا يضحك مصدووم فيها : هههههههههههه آآآه ياماما كنت حموت 
 ترف وجهها محمر وشعرها نازل على وجهها وتتنفس بسرعه : تستتاهل _ طالعت في براء _ اخر مرا اسمع كلامك خرجني 
 براء محوط يدو على وسطها : ماحتخرجي ههههههههههههه _ دفها على سامي ورجعت تمسك في سامي وتغطسو تحت المويا وبراء ميت ضحك _
يتفرج على المشهد الصاامت وصوت المويا وتنفس ترف العالي 
 ويرجع يسحبها تآني 
 بيعذبها هيا وولدها 
 بس سامي اول مايخرج راسه من المويا يكحكح ويضحككك
 ضحكه براء اصلا تجيب السعاده للكل واحد بيسوي مصيبه وبيتشمت
 ترف مسكت في رقبه براء بالقوه وتتكلم بصوت عالي بسبب اذانيها اللي انسدت : والله ماحخليك ترميني
 براء : هههههههههههههه حتخنقيني سيبيني_ يحاول يفك يدها مو راااضيه _ 
ترف : اكرررهك
 براء خلاص حزن عليها : ههههههههههههه خلاص طيب تعالي 
 اخدلها عوآمـه في نهـر يآخدها على اتلانتس كلها 
 في يدها عصيـرها 
 راخيـه جسمها 
 تطآلع بالمنآظر والجمآآآل
 عالم تآني
 صووت الأغآني اللي تسمعه 
 والناس اللي حوليها ..

سـآمي مسترخي ولوحده وترف في عآلم تآني
 وبراء جالس على الكراسي الطويله البيضا المخططه بالازرق 
 لبس نظارته الشمسيـه وانسدح ..
عينه مانزلت من على سـآمي واول ماشاف سامي بدأ يسـرح 
 جلس وسحب جسمو لطرف الكرسي : ساااامي
 سامي طالع فيه وبراء اشرلو : تعال 
 سامي سبح بااتجاه براء رفع اياديـه على حوآف المسبح : ايوا 
 براء : ايش تبانا نسوي في الليل 
 سامي رفع كتفه : على كيفكم
 براء : اختار اللي تباه عشان لو رجعنآ كدا ولا كدا ترف حتعاقبك 
 سامي : ههههههههههه ايش سويتلها دحين 
 براء : اسئلها وانتا حتععرف
 سامي عارف لو سئلها حتروح تقولو كماااااااان لك عين تسئل 
 خلاص حافظينها : هههههههههه طيب مافراسي شي
 براء سكت شويا وبعدها قال : تباني اعلمك تسوق ؟
 سامي بصدمه : والله ماما حتقتلك 
 براء : ههههههههههه مو هيا خاربه خاربه خلينا ننبسط 
 سامي : ههههههههههههههه عادي اتعلم لساتي عمري 12 .؟!!!
براء : دام رجولك توصل انتهى الموضوع وبعدين اعلمك ماقلت حخليك تسوق في الشوارع لوحدك
 سامي ابتسم من قلبـه : طيب _ سكت شويا ومع الحماس قال _ ايش رايك دحين نروح
 براء : لازم نرجع نغير ملابسنا 
 سامي بتردد : طيب عادي مو ماما مشغوله نقولها نص ساعه وراجعين
 براء ماحب يكسر ف نفسـه وفعلا دور على ترف وقالولها عندنا مشوااار بسيط
 وهيا محد قدها مستكنه 
 ف حياتها ماحست بدا الاستكنآن 
 الهدووء 
 الراحه النفسيه ولدها في يد برااء
 بنسبه لها في يد امينـه 
 تبا تغمض عيونها
 تبا تنسى ترف ايش عاشت 
 تنسى اهلها انهم سابوها 
 وولدها إنو مريـض
 تبا تفكر بشيين 
 عندها عيلتين يحبوها وبس ..
اهلها 
 وزوجها وولدها ..
ايش سار قبلـو ماتبى تفكر فيه 
 مغمضه عينها ابتسامه بسيطه 
 غرووب الشممس مدي منظر مو طبيعي للمكآن ..


امـآ براء وسامي رجعو الفندق استحمو بسـرعه لبسو ونزلو على طول 
 كأنه عندهم مصيبـه وبدأ يعلمـو وسـآمي متحمس بشكل مجنوون 
 طول عمرو نفسو يسوق سياره 
 وبراء مستودع الله سيارته ...
لكن كل اللي عرفـه انو سآمي انسان حذر مايحب يفكر بشي مجنون 
 او يسوي شي مايعرفو 
 بزبط بيمشي على التعليمات لين ماخلاه يرجعو الفندق واول ماوقف السياره 
 سامي ضحكك : كككككيف بسسس
 براء : هههههههههه أنزل أنزل خليني اوقف شوف السياره كيف مايله
 سامي : هههههههههههه اهم شي السياره سليمه



 ترف لما اكتفت خـرجت وراحت تلبس ملابسها دخلت للأماكن المخصصه 
 جات تحت الدش غسلت جسمها ونشقت نفسها ولبست ... 
حاولت تنشف شعرها قد ماتقدر قبل لاتخرج 
 حطتو كلو على الجنب اليمين ..
وكآن فيه بلل خفيف
 اتصلت على براء وقلها شويـآ جايين 
 وجوها وهمآ مستحمين ومتشيكين ..: ماشااالله 
 براء : ههههه انا ميت جووع
 ورآحو للمطآعم الموجوده بنفس المكآن اكلـو وكملو بقيه يومهم 
 يتمشـو بالمكآن لين ماجا الليل وطلعو براء وترف ميتين نوم 
 وسـآمي واضح إنو مايبى ينآم 
 هنآ بدأو يستخدمو معاه الحبوب اللي كتبها الدكتور . .
حطولو بالعصيـر ..وكآن بيتفرج التلفزيون وبيشرب وبزبـط ربـع سآعه وسار يتثاوب .




دق جرس البيـت ..تآمر اتوجه للباب وفتحو ..الا تميم ابتسم من قلبه : هلاا بالحب
 تآمر شمق بوجهه ودخل للصآلـه وتميم قفل الباب ودخل : ههههههههههه إيش حتقاطعني يعني ولا كيف
 تآمر جلس على الكنبه : شوف لو حتبدأ بلاهه حدخل غرفتي
 تميم رمى الاب كوت على الكنبه: يااخي ماحزن إلا على اللي حتتزوجك فين فين امي
 تامر : بتطبخ
 تميم دخل عليها المطبخ وهيا قبـآل الفرن 
 بوسـه في الرقبـه بدون ماتحس بوجوده خلتها تصرخ وتضربه بالملعقه اللي بيدها 
 خرج من المطبخ يضحك ..اتوجه لتآمر جلس : اسمع انا سايرتلي مصيبه 
 تآمر : خير !
تميم حكآه على جنى وإنو سمعته بدأو النآس يهرجو فيها 
 تآمر : لاتسكت روح اتكلم معاها ايش الدنيا فوضى ماسار سنين واتكسر
 تميم : هههههههههههههه مو انا حاسس انها اخده الموضوع بجديه زياده عن اللزوم والناس بتفسر على كيفها
 تامر : شوف مالك غير سمعتك في مكآن عملك حطلها حدودها عشان لايزيد الموضوع 
 تميم :المشكله ايش اقولها _ قلد البنات _ لاتطالعي فيا ههههههههههه
 تامر : ههههههههه ايوا لأنو نظراتها على قولك غير ولو استهبلت سويلها نفس الموضوع 
 تميم ماستوعب : كيف يعني
 تامر : طالع فيها لين ماترخي عينها 
 تميم : هههههههههه عشان النآس بجد يتكلمو
 تامر : بقولك لو مافاد معاها الكلام وقتها استخدم دا الاسلوب غصبا عنها حتنزل عينها 
 تميم : هوا الموضوع كبير لدرجه تحقد عليا دا الحقد؟
 تامر شايفها اوفر : اخصرك منها هيا تبا تحسسك إنك سويت جريمه بحقها لاتديها وجه 
 تميم : يااخي انتا ماعندك اي ذره احساس والله بجد طول الطريق بفكر يمكن الموضوع اثر بنفسيتها كتير
 تامر : سؤال ..ليش حتفكر بالشي اللي هيا تباك تفكر فيه !
تميم : لأنو بجد دا اللي سار
 تامر : تميم مافي وحده تحقد عشر سنين على موضوع تافه كدا هيا بتستخدم معاك اسلوب حطلع عينك واطلعلك بكل مكآن الخلاصه يعني تبا تكون حمآر ابدأ فكر بموضوعها تبا تديها على راسها روح اتكلم معاها ووقفها عند حدها 
 تميم وتآمر شخصياتهم عكس بعض
 تآمر جدي صارم مايستهبل مع البنآت 
 مكآن عملـه دا خط احممممر 
 تآمر طبيعي جدآ وحده معاه بالعمل اتعدت حدودها 
 ولاغلطت في الشغل يعاملها زي الرجآل تتهزآ 
 تميم عادي ياخد ويدي مع البنآت 
 يمزح ممكن يضحك لكن محترم 
 مايتخيل في يوم يرفع صوته على بنت 
 البنت بنت والرجآل رجآل كل واحد لها فرق بالمعامله 
 تميم غير الموضوع : حشوف ايش هرجتها بكرا المهم _ طالع بااتجاه المطبخ وبعدها قال _ انتا ماتبى تنهي موضوعك
 تآمر : حكلم أمي اليوم
 تميم ابتسم : ااااخيرا انا مرعوب من هرجتك وانتا ولا كأنك
 تآمر : لسى مو عارف ايش اقولها بس حسيب الموضوع لأخر الليل 
 تميم : ايش فيها من صعوبه قولها اتمشكلتو وكل واحد راح بطريقه
 تامر بهدوء سند جسمه على الكنبه : لا أنا اباها
 تميم حس نفسو ماسمع : ها !
تآمر : ابا اخطبها
 تميم رفع حوآجبه الاتنين صمممت وبعدها ضحك ببلاهه : إنتا بعقلك !
تآمر : قلتلك بس عشان احطك بالصوره 
 تميم رجع يطالع بااتجاه المطبخ ويتكلم وهوا مفجوع : كككيف كيف ايش حتقولها انا بخطبها ! وانتو اساسين مخطوبين
 تآمر ولا كأنه بيسوي مصيبه له شهر بيفكر بعممق بالموضوع : هوا كآن فيه حل براسي لكن اليوم حسيت إنو اكون صريح معاها احسن شي
 تميم رمش بعيونه : حتقولها ضحكنا عليكي
 تآمر : لا حقولها إني اتعديت حدودي البنت انا واعدها بالزوآج واتكلمت مع اخوها وعمها بالموضوع ويومتها خرجنا وشفتونا ولمى قالت إني خاطبها لأنها انفجعت بس مابيننا اي شي رسمي
 تميم : فين الصراحه بالموضوع !!!
تامر : ههههههههه الصراحه إنها ماتحللي وانا غلطت بحقها بس لازم ابهر الموضوع واعطي لنفسي مبرر
 تميم :سؤال سؤال إنتا مجنون ..!؟يالبنت ماخلت فيك عقل ولا أنا ماكنت اعرفك
 تآمر : عندك حل تآني ؟!
تميم : شوووف غيرها 
 تامر : غير دا الحل
 تميم : مافي..! انك تكدب الكدبه بكدبه تانيه مصيبه دي
 تامر : ههههههههههه تميم انقلع _ وقف _ حفكر بالموضوع عدل وبعدها اكلمها 
 ومشي وتميم يطـآلع فيه مفجوووع !!!
يستهبببببببببببببببببل !!!
اخووه الكبيـر اتجنن 
 مستحيل دا الكائن طبيعي !
ايش مسويتلو دي البنت عشان مخليتو كدا .!

وبالفعل دخل تآمر المجلس غرفه فاضيه لوحده مسررح 
 يفكر ايش ممكن يقول
 كيف ممكن يرتب الكلام ..
وكل مايتذكر انو كآن شبه حاضنها يحس امو حتعصب
 بس مايقدر يكمل بالكدبه 
 وماحيدخل امو بيت نآس وهيا مو فاهمه الموضوع غلط 
 مهمآ كآن امو قبـل الكل منظرها قدامهم يهمو ..
وجـآ موعد الغدى 
 واتلمو التلاته حولين الطآوله ..
تآمر ياكل بضمممير من زمآن عن اكل امو 
: كل بالعافيه 
 تميم طالع في أمو : صدقيني حتجي لحظآت في حياتك تقولي ياريتني دلعت تميم 
 ضربتو على كتفو وهيا تضحك : اعوذ بلله من كلامك دا 
 تميم : ترا نفسيتي تحتاج دلع 
: تعال ازوجك 
 تميم : يادااا الزوواج ماينفع يعني انتي تعوضينا 
: انا عوضتكم بما فيه الكفايه خلاص بقيتو الإتنين و
 تميم : والله هوا واحد المظلوم بدا البيت مو شايف اتنين 
 تآمر حشر نفسو بالهرجه : على موضوع الزوآج ابا اتكلم معاكي بعد الغدى ياأمي في هرجه 
 تميم كآن دوبو رافع الملعقه لفمو ونزلها دوبو قلو آخر الليل !
دخل وجلس مع عقلو الجني وخرج يبا يتكلم !
أم تآمر : خير فيه شي !!!
تميم غير الهرجه وسار يقولهم انو سـآمي اخدو جوالو لأنو بس بيبحث عن قاسم داود 
 ودحين وودوه يغير جوو بعيد عن الكل 
 تآمر طالع في امو اللي اتشتت : بس تخلصي غدى نتفـآهم 
 تميم بينجلط امهم حتعصب حتعصب ودا الشي عارفه تآمر ..
بس خلاص لازم يحط النقاط على الحروف ..
ورجعت امهم تسئل على سامي وتميم بيحكيها ..
وبس خلصـو
 وبس قامو معاها يشيلو الغدى ورتبت كل شي بالمطبـخ 
 وخرجت في الصآله وتميم انسحب 
 تآمر اتوتر مهما رتب الموضوع بس صعب اللي حيوقولـو ..
 : بقولك اول شي انا اسف لأني حطيتك بدا الموقف 
 امه كآنت مبتسمه اختفت ابتسامتها تدريجيا ..
تآمر : بس مشيت في الموضوع من كتر مو مكسوف منك ومن لمى 
 امه : لاتوقفلي قلبي واهرج عدل

 تامر قرب جسمه منها وهوا يجلس باإهتمآم : اول شي أباكي تسمعي قصه روآن من البدآيه .
دي اول حقيقه لازم تعرفها زيها زيي النآس ..
تآمر حس انو حيقول قصه خيآليه قال باإرتباك : روآن عاشت بدون عيله .._ بلل شفايفه _ آآ كبرت في بيت وآحد يتآجر فيهم 
 امه عقدت حوآجبها وقلبها يدق بسرعه ومو فاهمه ولاشي : كيف يعني
 تآمر : يعني كآن يخليها تبيع وتسرق ومعاها بنآت بنفس عمرها ..برضو ماعندهم أهل
 امه ابتسمت بخوف : تآمر إنتا من جدك
 تآمر يهرج بشويش وبهدووء تآم : اسمعيني للنهايه ... روآن قبل 7 شهور تقريبا او 8 شردت هيا وصحبتها من عند دا الرجآل ..اسمو جآسم ..بعدها بشهر عرفت إنو عندها اهل ..وكل همها تعرف مين همآ عشان كدا رجعت لبيت جآسم ..ووقتها قابلت ولد جآسم .. كآن شاكك فيها بسبب صور لقاها عند ابوه المهم سوالها تحاليل وعرف انها اختو يعني روآن تسير بنت جآسم .
امه بقله صبر : تآآمر لاتستهبل فهمني انا خطبتها لك واحنا عارفين بحكايتها كلها ولالا
 تامر مرا حزن على امه مد يدو ومسك يدها : جيك بالكلام ..روآن لما عرفت إنو جاسم ابوها سجنتو ورفعت عليه قضيه بحكم المتاجره فيهم .. وهنآ عمها بدأ يهددها عشان تسحب القضيه ..وانا قابلتها هيا ساكنه قريب من ترف .. كنت خارج من عند ترف وشوفتها جالسه ورا باب عمآره وخايفه 
 ساعدتها كآن فيه واحد بيحاول يمسكها .. ومر الموضوع بسلام ..ماتوقعت اشوفها تآني ظروفها بتمر كآنت من سيئ لأسوء شوفتها تآني مرا ف بيت ترف .. كآنت ترف تبا تنتحر 
 امه وسعت عينها 
 تآمر يشد على يد امو ويتكلم بنفس الهدوء : تبا ولدها من عند قاسم ديك اللحظه ماعرفت ايش اسوي معاها ووقتها روآن صرخت عليها وقالتلها حكآيتها عشان تخليها تستوعب انو فيه مصايب بالدنيا اكبر من مصيبتها .. ومشيت بكل بساطه ..وقعدت افكر بموضوعها دايما وروحت عند ترف تاني وشوفتها مرا ومرتين وتلاته بس مابيننا اي كلام ...وجات لحظه لقيتها مضروبه ..رجآل عمها مسكوها وهددوها وكآنت حتتنازل بس انا يومتها اتجرأت وارسلت لأخوها الموضوع _ قبل أمو لاتسئلو هوا جآوب _ داك اليوم اول مرا اجلس معاها لأنو انفجعت ..ماكنت اعرف انو فيه بنات بيعانو كدآ ..اشوف بنت بديك الحآله وماوراها اهل ولا احد ومضروبه ماحسيت بنفسي ياأمي وانا اجلس معاها ...ماحسيت بنفسي وانا اسمعلها وهيا تبكي وخايفه .. مآكآنت مهتمه لمين بتتكلم اكتر من إنها تبا تتكلم ..وانا ماكنت قادر امشي ..
امه مو مستوعبه تحس راسها مو راضي يفهم الكلام دا كلو 
 بس لسانها تقيل 
 مو عارفه ترد او تعلق
 تطالع بولدها بصدمـه ولو مو صوته الجدي كآن قالت يستهبـل ..
بس انفاسها سريعه وعينها عليه
 تآمر رخى راسه ويطالع بيد امـه ويتكلم : وبعدها قابلتها لأني كنت بطمن عليها .. من قصتها اللي سمعتها وكيف كآنت صابره لاشعوريا سرت بفكر فيها طول الوقت ..في البدايه الموضوع كآن اعتبرها اختك ياتامر وساعدها بس مع الايام الوضع اتطور وهيا حياتها كآنت بتسوء ودا الشي يقربني بدون ماحس ..عرفت إنو عندها أم ..ابوها انحكم عليه بالاعدام ..خايفه من امها ..ابوها مازال مو معترف فيها أشياء تخليها مشتته وضايعه _ رفع عينه وطالع باأمه _ وانا ضعت معاها أعرف إني كنت اغلط بخروجي معاها بس والله من يوم ماتعرفت عليها كانت بدايتها مصيبه وتاني مقابله مصيبه وتالت مقابله مصيبه عمري ماكنت ابا اجلس معاها لأني ابا اتسلى وفجأه حسيت نفسي مو قادر ابعد _ قال بصعوبه _ انا مو خاطبها رسمي ياأمي ...وإنتي لسى ماكلمتي اهلها ..كل اللي بيننا كلام بيني وبين اخوها .. لما شوفتيها بالمستشفى دآك اليوم قابلت امها وبعدها جاتني
 سحبت امه يدها بصدمه 
 وهوا بدأ يبرر على طول : غلطت عارف إني غلطت لأني كنت لامسها بس ضعفت ماعرف اتصرف لما تبكي ..مافي شي ينقال لوحده تعيش تفاصيل حياتها حاولت اقول شي يهديها بس ماقدرت ومسكتها .. ولمى كآنت خايفه عليكي ومفجوعه مني وقالت انها خطيبتي ولو
 رفعت يده امه وقالت بصعوبه وكلمات متقطعه: خلاص ..اسكت 
 تآمر : أنا اسف عارف والله إني غلطت بحقك ..وكل مرا بتسئليني بشرد من الموضوع مو قادر احط عيني بعينك وانا اقولك هيا مو خطيبتي رضيت بالكدبه عشان لاأطيح من عينك 
 امه بس تتذكر ككيف كآن ماسكها تحس جسمها اتقشعر دي مو تربيتها ..
قالت بصوت مهزوز : وعلى اي اساس متواصل معاها لدحين 
 تآمر : أنا .. ابا اتزوجها .. بس 
: بس إيش ..؟ فيه مصايب تانيه بحياتها مخليتك ماتاخد دي الخطوه ..؟ ولا إنتا جيت تتكلم معايا عشان اصلا تبا تتزوجها
: لا لا وربي ياأمي مكلمك لأني مكسوف منك مو سهل إني اقولك كل دا الكلام وأنا عارف انك ماحتتقبليه 
 امه حركت راسها بتشتت وتمرر اياديها اللي تتنافض على فخوذها مو قادره توقف : مو عارفه انصدم من قوة عينك وإنتا تقولي بعد دا كلو إنك تباها ولا لأنك استغفلتني انتا واخوانك حتتتى البنت ضحكت عليا ...خلاصصصصص تستغلوني عشاني مريضه واخوك تميم اخد الموضوع ضحك وترف ولمى يسمعوك ..قولي هااا ايش كمان مخبينو عليا ..
تآمر كلام امو دمروو : إنتي عارفه إنو 
 قاطعته بنبرة صوت عاليـه : لاااا مو عارفه شي لممممى ليش اخدت فتره طويله عشان تتكلم معايا ..اختتتك ترف ليش الناس مصدومه من وجودها دي الفتره أنا للليش حخبي على اخويا واختتي انو ترف لها فتره طويله عايشه وبنشوفها أخوك ليث ليش بيشرد من عزايمنا _ وقفت بالقوه _ تبببو تجننوني إنتو بكلامكم وجيت انتا كملت النآقص ولدددي تآمر الكبير اللي افتخر فيه جايب بنت وبيمسكها قدآم اختته والنآس لاخوفت من رببببك ولا خوفت على سمعتك _ اشرت على نفسها _ دي تربيتي ..؟ جاوبني دي تربيتبي لأني والله حتى سرت مو عااارفه كيف ربيتكم 
 يبرر ..؟
 موقفه ضعيف .
وقف وكآن بيقرب يبوس راسها الا بعدتو : فيه كلام تاني تبا تقولو .؟ 
 تآمر : كل اللي اباكي تعرفيه إنو خوفت تزعلي مني 
 امه بحده وهيا تطالع فيه بنقص : وماخوفت من اللي خلقك .؟ كيف تسجد لربك وضميرك مرتآح _ اتجمعت دموعها بعينها _ نسيت كل شي بس مانسيت إني كبرت فيكم الدين قبل الإحترام _ مسحت دمعتها قبل لاتنزل _ لاتفككر تفتح فمك معايا بكلمه تآنيه ... البنت دي مابى سيرتها بدا البيت ... وإنتا حاليا مابى اشووفك لين ماتعرف غلطك .._ قالت بجمود وبشخصيتها القويه برغم من الضعف اللي حاسته جوتها _ كنت اتوقع ابوك سابلي رجآل _ حركت راسها باأسف _ بس والله اخواتك ارجل منك

 ودخلت لغرفتها وهوا واقف مكآنه ..
كآن متوقع رده فعلها ..
بس كلامها زي الكف اخدو ..
لحظآت مرت عليـه وبعدها انسحب لغرفتـه ..
مسك جوآله وكتب لتميم " شويا وروح شوف امي "
قفل على نفسه بالمفتاح 
 ومو عارف كيف حينتهي دا الموضوع ...


 امـآ امـه دخلت وجلست على سريرها وبكيــت ...
فكره انهم استغفلوها وكيف كأنو اخدين الموضوع بلاهه وكأنها طفلــه 
 حرقتها الحركـه 
 حرقتها لأنو حاسه انها مريضـه واولادها مستغلين دا الموضوع 
 متأكده إنو مواضيع كتتتير ممشين نفس الهرجه وقاعده تمشيها لهم ..
بس اكبــر من كدا مافي !!!
وتـآمر ..! اللي تحسو غير عن الكل بااحترامه 
 ماسك وحده بداك المنظر قدام الكل .!
أصعب شي لما الواحد يحس انو مستغفل في مرضـه ..
لما الوحده تربــي وتقول مافي زي ولدي 
 وفي النهايه تنصدم فيـه 


 في المستشفى .. 
مافي غيره معـآهآ .. جالس على طرف السرير وبيتأملها وهيا تطآلع في الورود اللي على الطاوله
 ابتسمت ونقلت عدسه عينها عليه : مرا شكرا 
 كالعآده ابتسامتها تخليه يبتسم : حغرقلك الغرفه دي كلها باقات ورد بس اباكي تآكلي عدل
 هديل : ههههههه مامتك ماشالله مو سايبتي ف حالي _ طالعت في بترجي _ خلاص قولها تروح ترتاح والله انكسف
 بشار : إنتي شايفتها مديتني وجه عشان اكلمها
 هديل اختفت ابتسامتها مسكت يدو : بجد مو عارفه ايش اقول احس إني مكسوفه وانا اطالع فيها وبنفس الوقت مكسوفه اقولك روح اعتذرلها كدا مدري مدري الوضع اللي احنا فيه يكسف وبس 
 بشار : أمي زعلانه لأنها عارفه كل همي صحتك ومو شايف إني غلطت _ قال بتردد _ نفس تفكير ابويا إنتي حلالي _ بلع ريقه _ مو عارف ايش اقولها بشرد من نظراتها وبس 
 هديل : طيب مو مشكله يابشار لو كدبت وقلت انك غلطت 
 بشار : وأطلعك انتي غلطانه كمان ؟!
هديل : طيب احنا غلطنا
 بشار شد على الكلمه : إنتي زوجتي 
 هديل مدت يدها وضغطت على الزر الي في السرير سارت شبه جالسه : حبيبي إحنا غلطنا في حق نفسنا وف حق مامتك إحنا مو عايشين هنا لوحدنا انا لساتي خطيبتك .... صح ماعندي اهل ممكن يهزأوني بس مكسوفه دحين من ام روآن لو عرفت بفكر كيف حيمر الموضوع على عمك واهله انا مالي صلاح فيهم وجو ف بالي كيف مامتك .. لاتعاند يابشار اوك حلالك بس إحنا لازم نحترم اللي حوليننا كمان 
 بشار رفع حآجبه بدون اي تعليق 
 هديل ابتسمت : لو جبتهم كلهم راسهم ناشف زيك حنتحر
 بشار : ترا تفجعيني كل ماتفتحي السيره 
 هديل : هههههههههههه مصيرها بطني تكبر وتفجعك
 بشار الكلمه خلت قلبه يدق بسـرعه صح مابين صدمته بوجهه بس لساته عند موقفه ومايباهم 
 لكن اذا صحتهم من صحة هديـل حيبتسم ويمرر الموضوع 

 ومـرت سـآعه ودخلت امه بعدت مااخدت ملابس هديل من روآن ..وجابتلها كمآن ..
تتكلم مع هديل عن صحتها كلام سطحي بس ولا طالعت في بشـآر ..
حاسه هديل بتوتـر وهيا بينهم ..
جات تسحب كنبه منفرده وتقربها من عند سرير هديل الا بشار جا ومسك الكنبه وكآن بيدفها إلا قالت بحده : سيب
 ولاكأنو بشـآر سمعها دف الكنبـه وبعدها مسك يدو امـو : تعالي 
 كآنت تبا تسحب يدها بس ماحبت قدام هديل ومشيت معاه لين ماوداها القسم التآني
 قفل الباب السحـآب وطالع في امو : حتعامليني كدا كتير
 ام بشار : عارف ايش مصيبتك إنك مو شايف نفسك غلطان ولا فكرت تجي تبرر الدنيا عندك فوضى ماشيه بمزآجك 
 بشار بيحاول يكدب: عارف إني غلطـت و
 ام بشار قاطعته : روح اضحك دا الكلام على احد غيري عارفه انك مصدوم بحملها وبصحتها ولا الموضوع الباقي مو فااارق عندك 
 بشار : أكيد مو فارق عندي دام هديل في المستشفى وكل شويا ممرضه داخله وممرضه خارجه حصل اللي حصل
 ام بشار سكتت شويا وبعدها قالت بقهر : اللي راحمك إنو البنت ماعندها اهل .. ودا الشي مخليها ماتفكر ..لكن صدقني لو كآن عندها كآن كرهتك بدي اللحظه
 بشار دار راسه بااتجاه البـآب لثواني ورجع طالع في امه : ايش تبيني اسوي ؟
 ام بشار بقدر الامكان ماتبى تجيب سيرة جاسم بس نفس ابوه لما يمشي اللي براسه 
 ام بشار : ماطلبت منك تسوي شي
 بشار : مو قادر اقعد معاكي بنفس المكآن وانتي ماتكلميني
 ام بشار : طيب اطلع ارجع البيت انا حقعد معاها 
 بشار مو متعود على طبع امو دا : اقصد ماباكي تزعلي مني !
ام بشار : مافكرت قبل لاتسوي مصيبتك .؟ ايش حقول للناس دحين ؟ ايش حقول لعمك ! البنت احتمال تقعد فتره طويله بالمستشفى ممنوعه من المشي يعني حتى احتمال كبير ماتقدر تسوي فرح قبل بطنها لاتبان !!! قوووولي انتا فكرت بدي المواضيع ولا كالعاده ماتهمك لأنو عايش لوحدك بدي الدنيا 
 فعلا مافكر ولا أهتم : خلاص نقولهم مع ظروفنآ ما
 ام بشار :بس بسسس يابشار .. يكفي خطوبـه ومحد من اهلي واهلك شاف البنت لدحين ..لكم تلاته شهور مخطوبين تبوني كمان اقولهم اتزوجتو وفجأه البنت عندها اطفال ليش ليششش تبا تخلي منظري قدام النآس كدا ليش مو حاسب حساب لأهلي ولا لعمك ومرته وبناته
 بشار بتشتت : مافكرت بدا كلو 
 امـه: سبحان الله دايما تفكر بكل خطوه تسويها الا بدا الموضوع ماتفكر
 بشار : طيب .. لو فيه شي اسويه عشان احل الموضوع حسويه 
 امه : على اي اساس ححدد يوم فرح ليكم ..؟ افرض البنت ماكانت طيبه !!! افرض لاقدر الله سرلها شي .!! ..حكنسل الفرح كلو عشان لازم توديها المستشفى ..المشكله مافي حل يشفعلك اللي سويته حاولت طول اليوم افكر في حل بس مااافي ..خلاص حطيتنا قدام الامر الواقع 
 بشار هنآ حس بجد ورطه .. هنآ ماعرف يرد على امـه ..
مشيت من قدامه وفتحت الباب ودخلت على هديـل .. جلست على الكنبه اخدت جوالها عشان ماتبين عصبيتها وزعلها 
 مرااا مخنووقه 
 امـآ بشار خرج من الغرفـه 
 مخنوق اكتر منها مايباها تزعل 
 مايتحممل زعلها ومو عارف يرضيها 
 كلامها خلاه يستوعب إنو فعلا موقفهم صعب 
 هديل حملها حرج ومايضمنو وضعها في اي وقت .. 
ومنظرهم قدام النآس برضو مو حلو لو قالو بعد اسبوع الفرح !




في بيتها اللمبات كلها مقفلـه غير الغرفه اللي قاعده فيها ..
جالسه على الكنبه وتبكي ..واول ماتسمع صوت حولينها تحاول تركز وتستوعب الصوت من برا البيت
 دق جوآلها وفزت من مكآنها مسكتو ولقت عدي كاتبها " طنشي يالمى "
لمى " ايش تباني اقولك ! "
عدي " تتاسفي "
لمى " إنتا اللي رفعت صوتك عليا "
عدي " تستهبلي يالمى ..! خرجتيني عن طوري كم مرا اقولك لاتتصرفي من راسك تراني زوجك متى حتفهمي دا الشي "
لمى " وانا قلتلك نسيت "
عدي " مو كل مرا تغلطي دا ردك وانا المفروض اعدي الموضوع ولما عصبت طلعتيني دحين انا الظالم "
لمى " انتا عارف اني اخااف اجلس لوحدي بالبيت وسبتني ومشيت تبا تعصب عصب بس لاتسيبني "
عدي " ماحب اشوفك تبكي فاروحت لأصحابي "
لمى قرات كلامه ورجعت تبكي زياده 
 عدي " حرجع البيت لما تعرفي انك غلطي وتبي تعتذري "
مصدومـه مرا مصدومـه من ردو ..
دي سابع مرا يتعاد الموقف ..سابع مرا يعديلها الموضوع 
 بتاخد قرارات من غير ماترجعلو مع اهلها في الجامعه في كل شي ..


امـآ عدي له سـآعه في السياره مو قادر يروح ويسيبها 
 عارفها خوآفه وبنفس الوقت مو قادر يطلـع
 فتح قروب اهلها وشاف تامر مصور في العصر الصاج وكاتب " تميم يحسبني حرآمي وضربني بدا الحمدالله لساتي عايش "
ضحك غصبآ عنـه ..سند جسمه على الكرسي وزادت الابتسامه وعينه تتوسع بشر
 مايعرف يكون جدي 
 هيا خوآفه .. حيفجعها 
 هيا مو راضيه تتأدب ..حيأدبها باإسلوبه 
 طفش من السياااره 
 ومايباها تبكي لوحدها 
 الدقايق تمر عليه بشووويش وعارف انه لما يقول كلام قاسي تقعد تبكي لين مايراضيها 
 طلـع الدرج ودخل المفاتيح فتح الباب بشوويش 
 دخل خطوتيـن وقفل الباب ..
يمشي بشوووووووويش 
 وصل للسيب الطويل سمع صوت بكآها ف غرفه النوم ..
وفجأه جواله طلع صوت خرجنو بسرعه وصمتـه وراح للمجآلس

 امــآ لمى وقفت على طول اول ماسمعت الصوت
 حطت يدها على قلبها وبيدها التانيه اتصلت على عدي اداها مشغول 
 كتبتلو بالواتس " عدي فينك "
 "قلتلك عند اصحابي "
لمى " في احد بالبيت "
 " بطلي وسوسه "
لمى دموعها نزلت " والله من جد "
عدي مافتح محادثتها 

 في المجلس مشي بااتجاه السيب الطويل دخل على الصآله " انا اوريكي ياعبيطه " 
فتح في اليوتيوب مقطع صوت رجال وكأنه بيتكلم وكلمتين وقفل 
 وسار يمشي بخطوات مسموعه بااتجاه غرفتها

 لممى قلبها وقف اول ماسمعت صوت الرجال فجأه حست الباب بعيد والصوت اقرب
 راحت جري للدولاب فكتو ودخلت جوته وجلست وهيا تبكي بدون صوووت 
 جسمها يتنااافض 
 تحاول تتصل على عدي ويديها مشغول 
 تدور على ارقام اخوانها بس من كتر يدها ماتتنافض مو قادره تطلعهم 
 وسعت عينها ودقات قلبها حتوقف لما حست خطواته قبـآل الدولاب رخت راسها بخوف على ركبها 
 وحتى مابتتنفس مع الفجعه 
 دموووع تعبر عن موقفها 
 خخخوف 
 توووتر
 وفجأه صووت تقيـل صوووت يفجع : خخخخخد كل شي 
 ماحيجي في بالها انو صووت عدي
 وشهقت بدوون ماتحس اول ماسمعت شي اترمى بكل قوته بالغرفه حطت يدها على فمها ضمت نفسها لركنيه الدولاب اكتتر عينها على باب الدولاب لاينفتح
: فيه ااااحد
 وانفتح الدولاب الاول 
 وانفتح التآني
 حست جسممها بدأ يرتخخي مع الفجعه
 حطت راسها على ركبتها اول ماشافت اضائه خفيفه دخلت للمكآن المظلم اللي هيا 
 وبعدها هوى الغرفه البارده قشعلها جسمها 
 صوت بكآها طلع غصبا عنها 
 ماتبى ترفع راااسها بس مد يدووو وهيا هنآ صرخت بكل صووتهها
 سحبها في ثانيه من الدولاب وخلاص مع الفجعه ولا طالعت ساااارت تضررربه وبنفس الضرب لمحت وجهه 
 ورجعت خطوى لورى وهوا يضحك 
 تطالع فيه بعدم استيعاب ودموعها تنزل 
 تبا تتكلم مو قادره من كتر ماتتنفس بسرعه
 خرجت شهقاتها وجلست بالارض لما حست مو قادره تووووقف
 وووبكيت بكككل صووتها 
 عدي المفروض هوا الزعلان بس ببلاهته قلب الموضوع عليـه 
 جا لعندها ونزل لمستواها : ههههههههه لمى حبيبي والله أمزح 
 لحظه خلاص عارفه انو مقلب بس مع الفجعه حاااسه بهبووط 
 يبا يوقف قلبها دا المجنون في يوم 
 ماعندو لحظآت جديه فحياااته!!!
عدي اختفت ابتسامته لما لاحظ كيف جسمها يرجف مد يدو ومسكها وسار يهرج بهدوء : حبيبي معلليش والله مو قصدي اخوفك كدا
 تبا تسند جسمها ميلت راسها عليه مع إنها كارهتته بس استخبت في حضنه قالت بين شهقاتها: قلبي يوجعني
 كآن على ركبو جالس بس حس بجد إنو زودها في مزحو دي المره 
 جلس على الارض وسحبها بحضنه سلم على راسها ويمرر يدو على رذراعها 
 وهيا مازالت تاخد شهقااتها ..قالت بكل ضعف : إنتا ربي من ايش خلقك ..إنتا إبليس
 عدي : ههههههههه _ حضنها زياده _ انا اسف حبيبي 
 جالسين في الارض جمب السرير
 بس في النهايه حيفضل محفور جوتها ومستحيل تقولو نسيـت تآني ..
 : ااااكرهك
 عدي : هههههههههه خلاص بطلي دلع
 لمى بعدت عنو : والله فحياتي ماخوفت زي دي اللحظه _ رفعت اياديها _ شوف شوووف كيف يدي والله لاأشتكيك لأخواني والله ياعدي دي المره حقول كمان لأبوك والله لاأقول لكل العيله اووووريك انتا ومزحك الاهبل
 عدي : ههههههههههههه 
 ضربتو على كتفوو: لاتتتتتضحك
 عدي : من كتر ماحبك احب افجعك
: ممممالت على حبك ماسرت اباك تحبني 
 عدي : ههههههههههههه _ مسكها _ قوليلي انا اسفه لأني غلطت 
 لمى مسحت دموعها ورخت صوتها : ماحقولك شي 
 عدي رفع حاجبه 
 يفجعها لما يسير جدي قالت بقهر : اسفه
 طالعت فيه : بس ترا انا دحين الزعلانه
 وجلس يحاول يراضيها ويهديها اخد الموضوع نص ساعه ووجهها متغير لونـه
 ومو قادره تقوم ومو قادره تسوي شي 
 حتى مسكها صداع برااسها بالقوه فك بعد المسكن 
 الحياه معاه مستحيله 
 ودخلو المطبخ عبولهم أكل ولساتها حاقده ودخلو بعدها يبو ينآمو ولمى تطآلع بالسقف 
 جلست وفتحت الابجوره اللي جمبها وطالعت في عدي : ععععدي قووم
 عدي : صاحي لساتي 
 لمى : خايفه
 عدي ابتسم مد يدو : تعالي عندي 
 لمى اتربعت : لا مابى قوم اجلس معايا 
 عدي انسدح على ظهره وطالع فيها : بكرا عليكي اختبار نامي يافله
 لمى : مو قادره تتعال نلعب
 عدي ضحك بصوت واحد خلاص يبا ينام : ههههههه اسري بس
 لمى مدت جسمها بسرعه لعند وجهه وقالت بترجي : امااااااننه
 عدي : هههههههههههه حبيبي والله تعبان
 لمى : امااانه امممانه بس ساعه والله ساعه
 عدي : ايش تبينا نسوي
 لمى ابتسمت وقالت بدلع : ابا اسويلك مكيآج
 عدي وسع عينه ودار جسمه بسرعه لليمين وغطى نفسه باللحاف : اااامشي اقوول
 لمى تسحب اللحاف وتترجاه زي الشحاتين :الله يخليييك ياعمري الله يخليك حياتي الله يدخلك جنآت النعيم
 عدي : هههههههه لاتتكلمي كدا اضعف ترا 
 لمى : ههههههههههه يلااااا 
 عدي بعد اللحاف عنو وجلس بحقد : انا متزوج طفله
 لمى : والله ماحياخد وقت منك 
 عدي : ههههههههههه لا لا ماحتمكيجيني نلعب اي شي غير دا الموضوع 
 لمى مسكت بلوزته وتتكلم بحزن : يرضيك بلله نفسي امكيج احد وماألقى 
 عدي اشر براسه : ايوا يرضيني ياعمري إلا رجولتي لاتلعبي فيها 
 لمى : عدي والله سر بيني وبينك ومحد حيدري
 عدي : ههههههههههههههههه لا حبيبي السر اللي حنسويه دحين انك حتنآمي زي الأوادم بدون اي كلمه
 لمى حولت ملامحها لبكى وقربت منو وحضنته 
 بس دخلت وجهها برقبته سارت تبكي بصوت ععااالي وهوا رفع كتفه لما اتدغدغ من تنفسها :هههههههههه لمى اهجدي
 لمى ماسكته ولسى مسويا انها تبكي بصووت مزززززعج وكأنها طفله سحبو منها لعبتها : آآآآآه والله ماحقدر انام لين ماسوي مكيآج لأحد 
 عدي : يحاول يبعد جسمه من كتر ماتدغدغه بكلامها وتنفسها وهيا شابطه فيه :ههههههههه سوي لنفسك انا بنام
 لمى تتكلم باانهيار : مو إحنا المفروض نتحمل بعض في السرااء والضراء
 عدي : هههههههه محسوبك خسيس يباكي بس في السراء
 لمى رجعت تبكي بصووت عالي 
 وهوا ميت ضحححك : خلاااااص خلااااص سويلي 
 لمى على طول بعدت وابتسمت : بلللللله 
 عدي بصوت جدي وتهديد : بس والله يالمى لو احد عررف ماعاد حسويلك شي تبيه
 لمى : والله ماحقول _ غمزتلو _ سر سر 
 ونطت بسرعه من على السرير 
 عدي : يااااهبله لاتتعوري
 وتلملم المكيآج بسـرعهه من الدرج ووجاته وهوا انسدح وقاعده تسويلو 
 وبس تضحك وهوا مو مستوعب انو المكيآج ياخد دا الوقت كلو 
 لعبت في وجهه لعب وكأنو كرااسه 
 ماكانت تمكيج 
 كآنت ترسم تستخدم الالوان السودا والكحلي والأحمر دي اللي صعب يخرجها من وجهه
 وهوا مسكين يباها تنبسط ومستسلم
 مايعرف انها تبا تاخد حقها من المقلب المستفزز
 وبس خلصت بعد نص ساعه قالتلو : خخخخخلصت 
 سوتللللو طبقات في وجههه ولو فيه خير يمسحو من مرا وحده 
 جلس وطالع فيها رمش ورا بعض : ها كيفني مزه 
 لمى ماتت ضحك ملامحه مو بااينه حتى ذقنه عليها ظل احمر وموووف وازرق درجات القوس قزح
 حتى رموشو 
 اما خدو دوائر كل وحده اكبر من التانيه وكل وحده للون لين ماغطت خدو اليمين وسوت بخدو اليسار نففس الشي 
 عينو رسمت بالجفن كلو ايلاينننر 
 جبينـه حطت من غرا الرموش رايح جي على جبينه وكبت لمعــه 
 وهوا وووووووواثق فيييها نفسو كل شويا يسئل ايش الشي السايل دا 
 طيب ايش بتسوي بخدي
 بس كآن يشوف علا لما تسوي الكنتور للمودل وينفجع كيف تغير خلقه الوآحد 
 قال بس لممممى حتسوي نفس الشي 
 اتمطع قبل لايقووم وهيا بس تضحك : ااايش بك 
 ضحك معاها واتوجه للمرايه وقال بكل صوووته وهيا شردت على طول للصاله : لمممممممممممممىىىى
 جااا يجري وراها دخلت المجلس وقفلت على نفسها بالمفتاح : ناااام لوحدك اليوم 
: انااا تسوي فيا كدددا
 لمى : ههههههههه تستتاهل عشان مرا تانيه لاتفجعني والله كنت حموت اليوم بسببك
: طيب طيب يالمى بس خليني اغسل وجهي
 وهيا ضحكت بكل صوتها 
 اتوجه للمغسله 
 وغسل بالمويا ورفع طالع يبا يشوف ايش باقي وانفجع لما سار الموضوع اسوء : بسم الله 
 مسك الصابونه ويفرك بوجهه وخلاص عينه حرقته 
 حق عشره دقايق وفي النهايه ماراح الا شويا من المكيـآج 
 راح سحب مناديل وسار يمسح ونفس الشي 
 اتوجه للمى : لممممى فين اللي تمسحي فيه مكياجط
 لمى : معلللليش باقيلو شويا ماحديك هوآ
 عدي بحقد : حشتتتتتريلك بكرا قوليلي فين 
 لمى بااستفزاز : نوووو ام سو سوري اشيائي الخاصه ماحب احد يمسكها 
 عدي : طيب ياااالمى ططططيب انا حوريكي ...قوليلي دحين اي شي عشان اشيل الزفت اللي بوجهي
 لمى : ههههههههههه شوف ادخل المطبخ خد زيت القلي وامسح فيه 
 عدي : تستهبلي 
 لمى تبا تموت ضحك : والله ينفع حيشيلو لو مو مصدقني جرب في منطقه صغيره
 عدي بتردد قال : طيب 
 دخل المطبخ ولمى ميته ضحك في المجلس ...فتح الدولاب وسحب علبه الزيت حط نقطتين في منديل ومنح خده : والله خرج
 سار يحط نقطتين وطفش فتح يدها وكب فيها زيت ورجع حطو ودهن اياديه ومسح وجهه وكأنو مويا مو زيت 
 وسار يمسح بس الزيت دخل عينه وسار يشوف غبااش : لمممممى ...ياااااالمى 
 والريحه كتمتتته ينادي بكل صوته ولمى خرجت وتطالع من بعيد لما شافت حالتو حاله جات لعنده مفجوعه : هههههههههههههه انتا ايش سويت بنفسسسك !!!
عدي مغمض عيونه ويتكلم : حسبيه الله عليكي كللو منك 
 لمى من كتر ماتضحك مسكت في الدولاب بطنها توجعها : هههههههههههههههه
 عدي : مممسحيلي وجههي بسسرعه حمووت مكتوم بزيت عااافيه 
 لمى بالقوه جات لعنده خلااااص وجهها محممر واخدت مناديل وتمسح وكل شويا ترخي يدها وتضحك 
 خلصت علبه المناديل كلها وهوا فتح عيونه الاتنين وشايفها اتنين : اااقول ترا انا مو شايفك عدل
 لمى : ههههههههههههههههههههههه اااه ياااقلبي
 عدي يفتح عينه ويقفلها وكل شويا بيوضحله كل شي 
 لمى : ههههههههه ها خلاص شوفتني ؟
 عدي قفل عينه بقوه ورجع فتحها : ايوا تمآم
 لمى : ههههههههههههههه _ قربت منو ورجعت على ورى _ اووف ريحتك تصرع ههههههههههههه
 عدي مرا مقهوور من ضحكها : داخل استحمى بس شغلك بعدين 
 لمى : ههههههههههههههههه ترا وجهك يلمع غسلو اول بالفيري وبعدين 
 وقبل لاتكمل خفه دمها مسك علبه الزيت وكبها بوجهها صرخت بكل صوتها : هيا يااافله إنتي تعالي استحمي كمآن خلي فلتك تنفعك
 خرج من المطبـخ ويحس انو برررررد قلبه 
 اما هيا واقف ومبعده اياديها عن جسمها وبتنقط زيـــت 
 دخل فمها حتى خرجت لسانها بقرف جريت للمغسله حق المطبخ وفجأه سارت تصرخ وهوا ضحك 
 مهمآ تحاول تكون نذله بس مستحيل تكون انذل منـو .. 
مو راضيه تستوعب انو الحيآه مع عدي مافيها شي اسمو تاخدي حقك المفروض ترضى بمقالبه وبس



 في بيت اهل عزآم ...
خرجت علا من الغرفه وقفلت وراها الباب جلست عند امها وابـوها : كيفه ؟
 علا باارهاق : دوبو نآم بابا كلم عم عبدالرحمن 
: دوبو قفل مني هوا اللي متصل 
 علا بتفاجئ : اييوا !
 : بيقولي ححاول اوصل للنآس بس شكلو مو قادر يبا يتكلم مع لؤي ويتفاهم معاه
 علا : ماحيتكلم معاه دحين والله مو مستوعب 
 امها : اكلت عقلو دي المصيبه كل مالو بيفاجئنا بحركاته 
 طلال : والله ندمآن الحرمه طلبت شي من حقها بس هوا اللي غلط لما ماستشار لؤي 
 زوجته : لاتدافع عنها رجائاا _ قامت بعصبيه و طلعت لفوق تبكي لوحدها محروق قلبها على ولد اختها 
 طلال : بلله ايش اسوي مع امك اخده الموضوع ششخصي ومو راضيه تستوعب 
 علا : يابا دي اختها كيف ماتباها تزعل من الموقف إحنا يحقلنا ناخد اغراض خاله حاجات كتير كآنت تخصنا وهوا رماها عشان يرضي مرتو معللليش مالو حق والله مرا مالو حق 
 طلال : انا حخرج بكرا مع عبدالرحمن وحتكلم معاه ومن صوته انا عارف انو حيحاول يرضي لؤي باأي شي ..
عل : إن شالله 
 طلال وقف : خليني اطلع لأمك 
 طلع وعلا راحت تجيب لحاف للؤي ودخلت عليه الغرفه وغطتو طالعت فيه 
 وحست انها تبا تبكي 
 دارت جسمها وانفجعت لما لقت عزآم 
 اشرلها بدون صوت وهوا يسئل عنو 
 وعلا مسكت يدو وخرجتو من الغرفه جلسو بالصاله مقابل الغرفه اللي نايم فيها لؤي ..
 : خليك قاعد هنآ اخاف يصحى ويخرج 
 عزآم : حتطلعي تنآمي 
 علا : لا برضو حنآم هنا بس اخاف ماحس فيه 
 عزآم زفر بضيق : طيب وحقول لعدي يجي بكرا يمكن يحسن الجو 
 علا اشرت براسها وهيا وعزآم نآمو في الصآلـه ..


روآن اضطرت ترجع البيت عشـآن امهآ ..لسى ماقالولها وصرفت الموضوع باإنو هديل تحت جالسه 
 وكالعاده كآنت تبا تشرد وامها مسكتها للمذاكررره 
 ومضـآربه طوول اليوم 
 روآن عبيطه وامها صبوووووووووره 
 ماوراها شي 
 تمليها الحروف وران متربعه على الكنبه وتدخل القلم في شعرها 
 دلال : رووان وبعدين معاكي
 روآن نزلت القلم : ننننسيت كيف شكل حرف الراء
 دلال : كيف تنسي اول حرف من اسمك المفروض دا اللي يقعد براسك 
 ران سكتت شويا وقالت بحماس لما غيرت جلستها : عرفتتتتتتتو مو هوا اللي زي الزحليقه
 دلال : ههههههههههههههه ايوا 
 روان كتبتو وبعدها طالعت في امها لازم تفتح نقاشات عشان تشرد من الدرس : ايش احلى سميه ولا روان 
 دلال : حبكت دي المواضيع دحين 
 روآن : لا بس بسمعك دايما تقوليلي سميه 
 دلال كآنت تقول دايما لجاسم لو جبت بنت حسميها سميه : دا الاسم اللي كنت ادعيلك فيه مدري مين اخترعلك روان 
 روان حطت القلم على صدرها بفخر وتتكلم بغرور من كتر الطفش : انا والعياذ بلله من كلمة انا بس احسو مرا لايق عليا 
 دلال : ماحناديكي الا سميه _ اشرت براسها _ يلا يلا اكتبي حرف العين
 روان نزلت عينها على الدفتر ورفعته بسرعه على دلال وقالت بكل صوتها : ععععععععععرفتتتتتتو
 دلال دوبها دوبها كآنت حتفكر باأخوانها الا فزت : بسممم الله
 روان : هههههههههه معللليش بس كنت بقولك عرفتو
 دلال تطالع فيها مصدومه شايفتها اليوم مرا عندها طاقه مو طبيعيه 
 مقابلتها مع تآمر غيرتلها جو مرا مع إنو بنفس الوقت بتحاول ماتفكر بكلام هدى 
 دلال : طيب خلاص اكتبي 
 روان : اسمعي اسمعي دا الحرف يذكرني بوحده من البنآت
 دلال : هههههههههههه ياااسميه ارحميني
 روان : هههههههههه والله اخر حكايه بس اسمعيني 
 دلال مبسوطه حطت يدها اليمين فوق اليسار : ها سامعتك 
 روان : كآنت في وحده بالحاره اسمها رزآن مرا شايفه نفسها ونكرهها كلنا وعندها عين مرا صغيره وعين كبيره يعني من بعيد تشوفي الفرق فلما ارسم حرف العين اتخيل اول عينها الصغيره وارسم الدائره المفتوحه وبعدين عينننننننها الكبيره وارسم الدائره التانيه
 دلال : ههههههههههههههههههه استغفرالله ياربي سيبي الناس في حالهم 

 وطول يومهم على دي المضاربـه ا ستغربت روآن من صمت تآمر ..اتصلت اداها مشغول ومارجع اتصل طول اليوم ..



في غرفـه نومها ..ام تآمر جالسه على السرير روتميم جمها مدلها علبه الادويـه : أمي الله يخليكي خدي دوآكي عشان ترتاحي وتنآمي
 سحبت منو العلبه بعصبيه : اطلع برااا ياتميم
 تميم : والله أنا مالي صلاح بللي سواه تآمر ماقدر اجي اقول عنو كداب دا اخويا الكبير مهما كآن هوا حيتكلم معاكي 
 امه : اخوك الكبير مهما كآن ؟؟! وانا امكم اللي عادي تضحكو عليها
 تميم : لا والله بس خلاص الموضوع يخصه ماليا حق اتكلم 
 امه قهرها تميم زياده بكلامو : خلاص اطططلع برا بقولك 
 حاول معاها لكن مافي فايده خرج من الغرفه بعد ماسلم عليها وقلها تصبحي على خير ..
دوبو كآن بينبسط بجية تآمر بس جاب المشاكل معاه .

اما امهم بدأت المواضيع تحرق قلبها جالسه على طرف السرير وتحرك جسمها على قدام ورا ..
تحاول تفكر بكل شي بس ماطلع معاها حاجه 
 غير إنو الصداع بيزيــد 
 ليش ليث مابيجي 
 ليش ترف ولمى تنقلب وجيههم اول ماينقال اسم ليث 
 ليش ليث بيحاول يديني مبررات دايما 
 ليش ترف لما اروح بيتها القاها تدور على الاشياء وكأنها مو متعوده على البيت 
 ليش لمى مو زي اخوانها تعاملني ليش طبيعيه معاهم ومعايا لا 
 مو قادره تربط اي شي في بعضـو ..
كل اللي عارفته انو كلهم بيكذبو عليها ..
ليش ..؟ دا اللي يبا يجننها .. 
فين تدور على الحقيقه .؟
 والثواني بتمر 
 والدقايق بتعدي
 وهنـآ استوعبت كلام تميم لما قال ساامي يبحث عن قاسم داود 
 هيا ترف متى اتزوجت ؟!
قاسم داود ايش حكايته مع ترف ؟! بس اخد ولدها ؟! 
ليش ولدها بيعاني لدي الدرجه
 اسئله تجيها من كل ناحيه ماحست بنفسها الا وبيدها الجوال وتبحث عن قاسم داود
 وفتحت اول موضوع جاها ....
وبدأت تقرا سطر ورا سطر
 اسم بنتها مو بين السطور
 بس حكايتها بين السطور 
 تطالع بالجوال ويدها تتنافض 
 جملة عشر سنوووات هدت حيلها ...
جملة هدد اهلها بسمعتها بااخوهم اللي سرلو الحادث
 وهنـآ نزلت الجوال وانفاسها تاخدها ورا بعض 
 بدأ الصوت اللي براسها يندمج بصوت زوجها قبل لايموت 
 نفس كلامــه 
 وكلام كتير ماكان مكتوب هيا بتستوعبه بينها وبين نفسـها ...


 قبـل وفاة مراد بكم سـآعه 
 كآنت لحظـآته الأخيره على سريره ومحد داري ..
مسدوح وكل اللي براسـه بنتـه ترف
 مكسوور ومو قادر يسوي شي دار راسه على مرته اللي سانده جسمها على المخخدآت البيضا 
 ودموعها بعينها 
 دي الفتره مرا قاسيه عليهم كلهم عارف قسوتها بسبب انكسارها .. 
قال بصوت هادي : ايش بك
 دارت راسها عليه اتعودت على شكلو المريـض وتعبو الواضح قالت بتعب : مو قادره اكمل كدا يامراد قلبي محروق منها بس بنفس الوقت اباها نفسي اشوفها واضربها واقولها دي مو تربيتي وبنفس الوقت وحشتني وابا احضنها كيف اقدر اكمل حياتي وانا عارفه انو بنتي عايشه بعيد عني 
 ماعلـق ولا استنتو يعلق صمته دايما هوا اللي طاغي عليه 
 دار جسمـه للناحيه التآنيه وسمع صوتها وهيا تبـكي ..ودموعه نزلت 
 مرت ساعه وسـآعتين وتلاته واربعـه وهنـآ بدأ يحس التعب بدأ يزيد 
 خايف يسرلـو شي واولاده يروحو لترف 
 عارف داود ماحيرحمهم 
 اطرافه يحسها زي التلــج
 بينآم ويصححى بدون مايحــس
 حتى تنفسـه بياخده بشكل بطيئئ
 ريقه مو قادر يبلعه من كتر مو حاسس لسانه تقيـل
 بيزيد كل شي عليـه 
 وكل اللي عارفه إنو يبا يتكلم 
 ناداها كدا مرا 
 بصوت اشبه بالهمس 
 فتحت عيونها واول ماشافته جلست مفجوعه : مراد ايش بك 
 مسك يدها : اسمعيني
 طاح قلبها قالت بخوف : بنادي تاامر اصبـ
 قاطعها : لاتنادي احد اسمعيني بس
 دموعها اتجمعت بعينها وهيا تحس زوجها حيموت 
 مو قادره تتحرك 
 اتكلم بصعوبـه : هاتي جوالي 
 مدت جسمها باارتباك وادتو 
 بالقوه قدر يمسكه .. فتحلها زي المستند كلام كتيـر ..
مدلها الجوال : اقرأيه
 عارف إنو ماعندو جرأه يقول
 عشان كدا كتب كلامـه كان يباها هيا الوحيده اللي تقرأه 
 اولاده ماحيسكته عن حقهم .. وحيكون الجنون هوا الحل وهما بدا العمر
 عشان كدا مافي غيرها هيا اللي ممكن تعدل الموضوع 
 يشوفها اقوى منو دايما 
 بس كآنت عند دا الموقف اضعف انسـآنه 
 تقرأ الكلام وتحس براسلها يتتتقل
 سنـه مرت وهيا حابسه بنتها وفي النهايه ظلــم .!!!!
 " وصيتي ليكي .. ترف ...وصيتي إنك تفهمي اخوانها ف يوم كل شي 
 قاسم داود أغتصبها فاليوم اللي اخدتها عندهم ... ف اليوم اللي قلتيلي لا يامراد لاتاخدها وبكيتي لأنك كنتي حاسه ومخنوقه ..انا اسف لأني اضطريت اسكت بس هددوني ورموني برا البيت ولما عرفت إنها حآمل سار لليث الحادث بسببهم عشان لاأتكلم ..صور لمى ماليه جوالي كل يوم يصوروها وهيا رايحه المدرسه وهيا راجعه ... قالولي لو فتحت فمك ماحتلقاها ... قلت لترف تقول الكلام اللي يبوه ..ظلمت بنتي غصبا عني عشان بنتي التآنيه وأولادي .. كل اللي اباكي تسويه إنك ماتروحي لترف .. ماباكي تزوريها .. أنسي دي الفتره انو عندك بنت اسمها ترف ..عشان حيعرف داود إني قلتلك لو سرلي شي ... انتبهي على لمى من المدرسـه والناس اللي حوليها أباكي تكوني زي ظلها ..ماأضمنهم ايش ممكن يسو فيكم ... اعرف إنو شي صعب تسيبي بنتك مظلومه لوحدها بس ربي حيوقف معاها .. لاتفكري تاخدي خطوه مجنونه وتروحي او تتكلمي لأنو حندفن واحد من عيالنا وانا ماعندي قوه لدا الشي "
نزلت الجوال وتطالع بزوجها اللي ملامحه اتحولت للأسى للقهر للغبنه
 شعوور يحرق لما تكون عاااجز ماتقدر تسوي شي 
 الشرطه راااح بلغ 
 واتستر الموضوع بنفس المكآن وجالو اتصآل من داود 
 مراقب كآنت حركاته ولما دخل القسم حولوه لواحد يعرف داود وسمعو لللنهايـه 
 وبعدها سار يصور لمى ويرسلو ..
اضطر يرخي راسـه ويخضعله
 واضطر يضحي بوحده عشان البقيـه 
 قالت بصعوبـه : بنتي .. _ رفعت يدها اللي تتنافض وتأشر على نفسها بااستنكار _ بنتتي اناا ..._ نزلت دموعها ومو قادره تنطق الكلمه وترجع تعيد _ بنتتي 
 انتهى الكلام ايش تقول مظظظلومه 
 محبوسه لها سنــه ومظلووومـه 
 ويباها تســكت 
 يباها خلاص ماتشوف بنتها لمتى ؟!!!
اخخد جواله وهوا بالقوه ييشوف كل شي حذف كلامه وطالع فيها : حتسوي اللي طلبته
 حركت راسها بالنفي وتتتبكي وتهرج بصدمه : لا لا مااقدر والله مااقدر
 مراد مد يدو وحطها على يدها وهيا دفتها : بععععد تباني ارمي بنتي لين متتى ف حريييقه داووود و
 رجع مسك يدها قاططعها بصوت يرجف وبكلمات متقطعه: سويت زيك اول وليث دخل المستشفى ..تبي تقتليهم روحيلها تبي لمى فجأه ماتلقيها روحي لترف
 تطالع فيه تبا تستتتوعب
 الكككلام تقييل مرا تقيل على قلللبها 
 قاعد يقولها تضحي بوحده عشان البقيه !!!
كيفففف ..!!!
كيففف تقدر 
 تشوف دمووعه 
 دوبها عرفت انكساره دي الفتره ليش
 دوبها سارت تفهم كلامه
 لحظه بتمر ماتبى تستوعب
 صمت مر عليهم الاتنين وفجأه ارتخت يدو من عليها 
 ماطالعت فيه 
 قامت من مكآنها تمشي بخطوات مهزوزه وهيا تمسك بالسرير 
 بس ماقدرت تخرج طاحت في الارض وهنـآ استوعبت إنو لازم تسوي اللي يباه 
 ضربت على فخذها وهيا تبكي بكل صووتها 
 تصررررخ بححرقه قلللب : ممممنننك لله يااامراد مننننك للله
 قالتلو لاتاخدها 
 قالتلو ماباها تروح 
 وماسمعلها 
 سارت تضرب نفسها بدون عقـــل وتصرخ بككل صوتـها : آآآآه ياااحرقة قلللبي على بنتتتي آآآه ياااربي 
 وووصوتها يعلللى ويعلللى وجنانها بيزيــد
 لين مافتح الباب تآمر مفجوع طالع في امـو 
 ماكآن يتعدى العشرين كآن حيروحلها بس شكل ابوه خلاه يوقف في مكآنه لثواني
 وبعدها راح بااتجاهه 
 عيونو المركزه بالسقف
 وفمو مفتوح بشكل بسيط 
 للحظه ماسار مهتم لصوت امـه اكتر من شكل ابوه اللي فاجعه 
 دار راسه لما تميم وقف عند الباب وقال بخوف : ايش فيه
 رجع طالع تآمر في ابوه ناداه كدا مرا ولما مارد بككي بصووتـه 
 نزل على ركبه وحط راسـه على خشب السرير وساار يبكي وصوته ختلط بصوت امـه 
 حس بتميم واقف جمبـه بس ماقال شي ولابكي 
 كآن يطالع في ابوه بصدمـه
 وبعدها جلس على السرير مسك يدو ابوه : ابويـآ ... ابوووويا
 وكآن حينطقها تالت مرا بس خانو صوته وبككى 
 نزل راسـه وحطه على صدر ابووه ووقعد يبكككي
 تامر وقـف : تميم قووم
 يحاول يبعد تميم لساتو صغيـر بس يبا يتصرف يبا يشيل ابوه ويوديه المستشفى 
 ميــت قدامه بس برضو حيوديـه 
 امهم بس بتبكي ومابتسوي شي 
 تميم مسك في ثوب ابوه ولارضي يبععد لين ماسحبو بالقوه تآمر 
 وشال ابوه وتميم لحقـو ولمى واقفه تطالع فيـهم عند البـآب 
 وهنـآ جات لمى بحضن امها وتحاول تمسحلها دموعها 
 هنـآ امها بدأت سـآعه تمر عليها 
 عشان تبدأ هذيانها المفجـع وحالتها اللي محد قادر يفسـرهآ ..
وهنـآ بدأت معانآه اخرى لبيت أهل مرآد ..


حـآليآآ ..
مر الموقف كأنو قدآمها .. وياريت دي الذكرى الوحيده اللي جآتها 
 مسكت راسـها باألم وتبا تخرج صراخ لمى من راسـها 
 نزلت يدها على قلبـها وتبا تستوعب كيف قلبها هان عليها بنتها تترمى في الارض وتكمل ضربها 
 والتآنيـه عشر سنوآت محبـوسه 
 جسمها بيتنااافض بطريقه تفجـع
 قامت من مكآنها تدور حبوبها 
 ماتبى تستوعب اكتر من كدا
 اخدت الحبوب شربت وراها المويـآ جلست على الكرسي وحاطه يدها على الطاوله الللي قدآمها

 كلمه تنطقها بصوت متقطع : ياااربي .... ياااربي
 راسها حينفجججر 
 وكل اللي تعرفـه وكآنت تشوفـه لمى والحياه اللي عيشتها فيها 
 اما تــرف 
 ترف ماكانت موجوده 
 ترف حبسوها 
 ترف كآنت ترمي رسايلها وطلبت منهم مايرسلولها اي شي يخصها 
 قامت من مكآنها لما بدأت تشوف الدنيا تسود بعينها انسدحت على سريرها 
 زي الجثه وتبببكي بصدممــه 
 مافي اي قوه بجسمها عشان تصررخ وتخرج اللي تحسو بقلبها 
 ماعندها اي قوه ترفع فيه راسها من على المخده 
 كيف قدرت تعامل لمى كدا
 كيف قدرت تسيب ترف لوحدها
 ماعندها اي جواااب 
 نفسها تعرف كيف كآنت بدآك الجبروت 
 ايش اللي سرلها ..!
وبدأت حبوبها المهدئـه تخليها تنآم بدون ماتحس بنفسها 
 بنص افكارها 




 وطلـع صبـآح يوم جديد ..
براء وترف وسـآمي عيله بتحاول تنبسط باليوم وبـس
 لمى وعدي استحمو ونآمو وصحيـو مزكمين وحالتهم حاله ..
هديل وبشـآر سهرو امس على السرير الابيـض وبعدها راح للقسم التآني ونآم على الكنبـه
 روآن جلست لأخر الليل هيا وامها وكل اللي عرفتـه إنو هيا اسعد وحده لأنو عندها أم 



 صحيـت ترف وهيا سـآمه براء بس بيضحك وسـآمي جمبـو وبيتكلم بالجوال : اسري يامحمود ماحمسك الطريق داك كلو عشان اجيبك 
 فاتح سبيكر وصوت محمود بكل المكآن 
: كااان قلتولي اجي معاكم ايش يعني ماتبوني خلاص دحين 
 براء : هههههههههههه مو أمس كآن عندك اختبار 
 محمود : ايش يعني حتى سامي عليه اختبار
 براء : دبرتلو عذر طبي
 محمود بقهر : والله يابراء انتا اتغيرت يعني انا مو اخوك بلله طيب لو ماتباني انا ابا صااحبي 
 سامي : هههههههههه حرام خليه يجي 
 براء : مين حيجيبو 
 سامي : اروح بتاكسي اجيبو 
 براء : لا مالو داعي
 محمود : هييي ترا سااامعكم 
 ترف ضحكت وهيا لسى مو مستوعبه محمود اهبــل باين من صوته القهر جات لعندهم وجلست وهمـآ يتكلمو مع محمود وبعد منآحله رضي براء يروح يجيبو بس قلو شرطي الوحيد سامي يجي لو حيجي معايا حاخدك 
 طبـعا دا كلو لأنو مايضمن يسيب سامي مع ترف لوحدهم ويسير شي 
 وسـآمي وافق .. وهنـآ براء سلم على ترف قبل لايخرج ويباها تنبسط وتروق لوحدها ..
يباها تمشي بدون ماتفكر باأي هم 
 قلها سوي اللي تبيه روحي فين ماتبي 
 شاف محفظتها حطلها فلوس وخرج هوآ وسـآمي 
 وتـرف سوت زي مايبــآ
 وكآنت لحظظظات استجمام ببنسبه لها 
 زفرت برااحه وهيا تمشي بين النآس 
 فين كـــآنت زمــآن 
 وفينها دحيــن 
 كيف كآنت عاايشه بهم 
 وكـيف همها لو على إنو يوجع بس فيه يد اخر الليل تسندها 
 فيه اخوآن واحد ورا التآني يدوها عيونهم لو تبى 
 ومآزالت دموعها تعبر عنها ..


في المستشفــى ... 
صحيت ام بشـآر كعادتها بدري سامعه كآنت امس همساتهم وضحكاتهم الهاديه عشان لايصحوها
 فصلو بطريقه غريبه لدرجه انهم يضحكو على الممرضه بشار ياخد ويدي معاها وهديل بس تضحك
.. 

طالعت في هديل نايمه الساعه 2 نامت مرا بدري بس ماتوقعت تصحى كدا 
 نقلت عدسه عينها على بشار النآيم على الكنبه ومدفي بشرشف ابيض ...
قامت تصلي الفجر وبعدها اتوجهت تسويلها شـآهي عبت المويـآ وتستنآهآ تفور 

 امـآ على الكنبـه مستسلم للنوم بس كل اللي عارفه إنو فجأه حس نفسـو واقف في نص بيتهم ..
يحس دقـآت قلبه السريعه وكأنه شي حقيقي 
 يحس برعشـه جسمـه وهوا يطـآلع فيها ومو مستوعب انها قدآمـه 
: حور
 واقفـه في اخر الصـآله وقريب من مكتب ابوه 
 يقدم بخطوآت تقيـله وهيا ابتسمتلو وقالت : انا ماحكون لوحدي
 مافهم ايش قصدها بس صووتها مراا اشتقله
 دخلت لمكتب ابـوه وهوا يمشي وراها اخخدت شماغه وقربته من وجهها وهيا تشم ريحة العوده 
 نزلت دموعه : وحشتيني
 حور مدت يدها وهيا توريه الشماغ: جيت بس اخد دا 
 جا يقرب منها وهيا تبعد وخرجت فجأه من المكتب 
 مو عارف ليش مو قادر يوصلها 
 او هيا مابتسمعو 
 بس بتطالع فيــه 
 جا يخرج تـآني وهوا يلحقها وحشتتتو 
 يباااها جممبو 
 كأنه طفل صغير قاعد يلحق وراها بس اول ماخرج مالقاها 
 ودار جسمه مفجووع لمكتب ابووه اللي سار بثاانيه ينحرررق
 النننار تولع بطريقــه تفجع 
 يدير راسه يمين ويسااار وهوا يسمع ضحكاات اطفــآل
 باأعمار مختتتلفه 
 مدموجه ببكى بنـآت 
 بااصوات اشباب كلام مو مفهووووم 
 وفجأه صوت ابببوه يصــرخ 
 جا يجري لمكتبببه بس جسمو اندفع لوورى وطاح بالارض
 شااايف ابووه ينننحرق وسط النـآر 

 رجع وووقف تاااني وحاول يدخخخل وجسمو اندفع لوورى 
 ابوه يصرررخ بكل صووته 
 واصوات ضحك الاطفــآل والبنـآت بتزيــد 
 اببووه طـآح على ركبـه وملابسـه سارت جززء من جسسمو 
 كآن يشووف وجه ابووه يتشــووه قدآمه 
 صررخه واحد في جحيم الدنيـآ
 وبشار ياخد انفـآسه ورا بعض
 رجـع تالت مرررا يحاااول يخرج ابوه وجسمو اندفع وقـــآم مفجوع من نومـه ..
اخد انفــآسه ورا بعض بصوت مسمووع 
 امـه سابت اللي بيدها مفجوعه وجات لعنده : بسم الله ايش بك
 يطـآلع بالمكآن 
 يميين ويســآر
 مفجووع من صوت ابووه من الطريقـه الللي كآن شايفه يتعذب فيها 
 رفع يده على صدره وبيحاول يتنـفس طبيعي 
 امو جلست جمبو : اتعوذ من الشيطـآن 
 بشار مرر لسانه على شفايفه قال بصعوبه : اعوذ بلله 
 قامت تجبلو مويـآ ونسيت طبعا انها زعلانه منـو ..خد 
 اشر براسه : مابى 
 امه بااصرار : خد شويا 
 بالقوه شرب شويا ورجعلها سند جسمو على الكنبه 
 طار النوم 
 امو مررت يدها على ذراعها : ارجع نآم
 اشر براسه بالنفي بدون مايتكلم
: ايش بك
 بشار : شوفت حور _ طالع باأمه وقال بعدم استيعاب _ جات اخدت شماغ ابويا ..وشوفت ابويا يتعذب
_ زفر بضيـق ومو قادر يقولها كيف كآن يتعذب _
امه بالقوه خلتو يرجع ينآم شغلت بجوالها قرآن وهوا رجع انسدح 
 جلست على الكنبـه وذكرى بنتها توجعها بس خافت مرا من حلم بشـآر ..
وبجد مـآكآنت سـآعه إلا صحي بشـآر على نغمه جواله 
 امـه شايفته يدور على الجوال قالت بهدوء : سيب الجوال 
 بشار ولسى وجهه كلو نوم: بصمتـه بس
 لقاه على التلاجه الصغيره اخدو واول ماشاف الإسم وانتهت المكآلمه .. قال حيتصل
 اخدلو قاروره مويا وشـرب ورجع اتصـل ..
كلمتين بالبدايه وبعدها سار يسمع ويسـمع تعليق خرج منو " متى "
وبعدها رجع يسمع بصمت 
 رخى يدو لما انتهت المكآلمه 
 ماأتحرك
 ماأتكلم
 جمود
 صدمـه
 رفع جوآله تآني ويبا يعرف كيف ماشاف رسآيلهم
 فتح الوآتس ولقى من جميل امس 
" بكرا اتحدد موعد جآسم "

رسـآله من وآحد بالعمل " نايف "
يقولو نفـس الكلام 
 رسـآله من عبدالله
 محد اتجرأ يتصـل من الصدمـه وجميل كتبلو لأنو ببساطه مو قادر يتكلم مع احد ..
اما هوآ فجعته امس بهديل خلتو مايمسك جوآله طول اليوم 
 مد يدو على التلاجه وجسمه بدأ يتنآآآفض بططريقه سريـعه
 أنفـآسه السريعه تعبر عند صدمتـه 
 قامت من مكآنها جات بااتجاهه : ايش بو عمك متصل بدا الوقت !؟!
قال بعدم استيعاب : بعد كم سـآعه ....بعد كم سـآعه إعدآم ابويا
 شهقت بصدمه وحطت يدها على فمها 
 دموعها بثواني كآنت بتتجمع بعينها
 اما هوآ وقف بااستقامه دخل جواله بجيبه ..طالع حولينه بتشتت ورجع طالع باأمه بكلمات متقطعه : حـ روح ..اشوفـ ه _ نزلت دموعه _ حشوفه قبل _ سكت شويا وبعدها قرب من امه وحضنها من كتر مو خـآيف _
ماقدر يتكلم بس بكي بصوت خـآفت وهيا بكيـت معآه
 وانسحب من حضنها فجأه وخرج من غير اي كلمـه ..
هيا مو احسن منـو رجولها مو شايلتها من الصدمه 
 بجد فجعهااا ..
ايش ماسوا جاسم حقدت وكرهته بس ماتتخيل الطريقه الللي حيموت فيها 
 تتخيل ملامح وجهه 
 تتخيل احساسه والخوف اللي حيمر فيه 
 قفلت الباب الفاصل بين الغرفه اللي بينها وبين هديل 
 وانهااارت لوحدها تكتم شهقاتها العاليـه 
 واختلطت معاها ذكرى بنتها وككيف ماتت بنتها 
 اصعب سنـه مرت عليها 



 بشـآر بعد مااخد مفاتيح السياره 
 يمشي بدون عقـل ركب سيارته راح للمكآن واول ماوصل ماقدر ينزل 
 لحظـه رعب 
 لحظه إنك تودع شخص عشـآن تجهزه للموت 
 إنتا بنفسك وديتو لدا الموت 
 بصعوبه فتح الباب
 بصعوبـه نزل
 مشي ودخـل للمكآن اللي نقلوه فيه عشان الإعـدآم 
 كآن يجي لدا المكآن لما يجيبو مجـرم تعبـو كتتتير عشان يوصلوه لحبل المشنقه
 بس مو ابـوه 
 لحظه تقشعر الجسـم 
 يمشي بخطوآتـه ف مكآن حاااافظه زي اسمو ..
يمشي ومايتمنى يوصـل 
 لو شافه ايش حيسوي !!!.!
ايش حيقولـه !!!
مافي شي ينقـآل بعد كل اللي سار
 انتبه لعمو جميـل والرجال اللي حوليـه
 كلهم جايين بتيابهم 
 الا هوآ بنفس للبسو خـآرج
 وقف عندهم محد قدر يسلم عليـه من كتر الصدمه مو طاغيه على وجهه كلهم انسحبو وسابوه مع عمو
 جميـل الللي من امس منهار وخلاص واقف دحين من غير اي رووح 
 بشار فتح فمه بيتكلم ورجع سكت 
 عارف متى الموعد حيصلو الفجر اكيد وحيعدمووه ..
جميـل : تبا تشوفه ؟_ عدل الجمله وقال بوجع _ تبا تودعه ؟
 جممممود 
 دقات قلبه الغير منتظمه 
 تنفسـه البطيئئئ 
 وجهه الشاحب 
 بشار بصوت مهزوز : يبا يشوفني ؟
 جميل دموعه اتجمعت : من امس مستنيك محد جآه غيري
 لحظــه صممت 
 ملامحهم هيا اللي تعبر بس عن ضعفهم
 جميل مستني رد بشـآر 
 بس قال بضعف : ايش حقلو بعد كل اللي سار !
جميل : اوقف بس قدامه ..سلم عليه ولاتقول شي .. اليوم حندفنه يابشار _ نزلت دموعه ومسحها بكبرياء _ ودع ابـوك وأجبر قلبه بكلمتين
 اليوم حندفنه يااابشار
 جملــه خلتو مايعلق يطـآلع بجميل بصمت
 ومشي وراى جميل لما قلو تعال 
 كأنو هوا اللي رايح لحبـل المشنقه



 اما في الغرفـه الجديده اللي حطوه فيها
 مسلوب منها كل انوآع الحيآه
 من ألوانها من فضاوتها 
 بشااااعه كبشاعه الاحساس الللي يحسـو ..
له فتره منحبس بالحبس الانفرادي ومستني قرار متى حيدوه موعد الإعدام 
 الخوووف
 التوتتتر
 الرعب النفسي
 اللحظه اللي ينفتح الباب 
 وجسمه يررررجف 
 كلمممه ربي ارحمممني
 تنقآل في كل مرا ينفتح الباب 
 جسمـه الضعيف يرججف بطريقه تفجع 
 عيونه اللي مليانه كبريـآء 
 سارت الدموع تعبر عن حـآلته
 خااايف 
 كيف مايخـآف
 وقالولو الموعـد
 وكآنت صلاتـه هيا اللي تعبر عن موقفـه 
 امس يومو راح كلو وهوا على السجـآده 
 يدعععي ويبكي من قلبــه 
 يبا ربي يسامحه
 ونقلـوه قبل كم سـآعه لدا المكآن وهنآ بدأ الرعب التآني
 جالس على الكرسي يده بالكلبشات ويستغفررر
 صووت الحديد غصبا عنو طاغي بالمكآن من كتر اياديه ماترجف
 وانفتـح الباب وانفجع 
 عارف انه الموعد بعد الفجر بس برضو انفـجع 
 طالع بااتجاه الباب والشرطي اشر لشخص يدخل
 وفجأه شاف ولده
 ولهادي اللحظه يحس إنو ولده غيـر عن الكل
 مايقدر يقارنه بسميـه مو بيده !
بس شافـه 
 بس انقفل الباب عليهم 
 محد اتحررك
 لحظه صمتت وبعدها
 جاسم رخى راسـه ويطالع بالارض وسار يبكي بصوتـه
 بشار دار جسمه بااتجاه الباب 
 ماقدر يروحلو 
 ماقدر يسمعو يبكي بخووف
 اصصلا نظرتو كسرتووو
 بكككي وهوا مدي ظهرو لأبوه
 وابوه بكي وهوا راخي راسوو ..
ايش يقول جاسم ...!؟!؟!
ليش سويت فيا كدا ياولدي ..؟
 انا ايش نقصت بحقك عشان تاخدني بيدك لحبل المشنقه ..؟
 كلام كتتتتتتير ممكن يحرق قلب ولده وجميـل قلو قد ايش متعذب نفسيا 
 اما بشـآر لو عندو كلمه وحده كآن قالها 
 بس الشي اللي حارقه انو حاسس بفراااغ وسط رااسه قاااتله 
 مافي شي يقولوو بسبب التناقض اللي يعيشو
 يبااا ابووه وشايف مو من حقو يروحلو 
 يبا يسحبو من دا الموقف بس هوا الللي حطو فيـه
 يبا يحضنـه بس اخر مرتين كآن حيقتلو بيده ..
يبااا حاجات كتتتير بس مو من حقو يسويـها او يقولها او يطلبـها 
 سمع صوت الحديد وابوه بيمشي بااتجاهه 
 شد على قبضت يده من كتر مااتتنافض 
 يبكي وشهقاته تزيد بالمكآن 
 مالو عين يطـآلع فيه 
 ماحيقدر ينسى نظره ابوه 
 الذنب حيقتلـو ..
تتتعب وف نص الفوضى اللي يعيشو ابوه لمسـو : بشاار
 كلمـه خلتو يبكي زيـآده
: طالع فيا 
 بشار ولارضي يدير جسمه حرك راسـه بالنفي 
 جاسم بين بكآه قال : خليني اشوفك اخر مرا
 كلمـــه هدتو ...
بعد دا كلو يبـآ يشوفو ..
اتوقع يخرجو 
 اتوقع يقولو مو مسامحك ..
دار بصعوبـه بس عينه ماجات بعين ابوه بس انو ابوه قبـآله دي مخليتو ضعععيف
 ولأول مرا حيكون جآسم أب ..قال بكل انكسـآر : إنتا ماغلطت ...أنا مجرم 
 بشار دار راسـه للناحيه التآنيه : الله يخليك ل
 ابوه قاطعه وهوا يعترف لولدو بالكلام اللي ماقالو لأحد: أنا قتلت إتنين مو وحده أنا ضيعت بنآت في الشوارع .. بنات كتير يشتغلو بالحرام بسببي .. أولاد يتم
 وقبل لايكمل بشار حضنـه بكل قوته وحط راسه على كتف ابوه وقال بترجي : خلاااااص خلااااااص الله يخليك 
 اول مرا ابوه حضنـو كآن في وفاة حور وكآن بشار بصدمتـه ماحس بداك الحضن 
 هنآ حضنـه 
 يبا يودعه 
 يبااا يحضنه لأخخخر مرا 
 شادد على يده وهوا ماسكه بكل قووته 
 ويتذكر كلامه اول مابدأ يشك فيـه 
 ويقولو لاتكسر رااسي ياأبويا ف يوم 
 وياااريت بس راسـو اللي انكسر
 كل شي فيـه مكسووور
 شعور يوجع لما تحضن شخخخص وانتا عارف انها كم سـآعه حتشيلو وحتدفنو 
 لا مو يووجع شعور يقتــل مو قادر يرفع راسـه من على كتف ابووه
 مو قااادر يبعد نفسـه من حضنـه 
 مــآفي كلام ينقـآل يعبر عن موقفهم ..
حتى الإحساس اللي يمرو فيه اصعب من إنو ينوصـف 
 لحظه شخص خـآيف من الموت 
 لحظه أب ندمآن على اللحظآت اللي بعد فيها عن اطفـآله 
 لحظه جبروووت بدأ يشوف قد ايش ظلم اطفـآل ياكترهم 
 بس الوقت مايرجـع ..
والندم جآ متأخر 
 يتمنى إنو كآن زي جميـل 
 يتمنى إنو كآن يفتخر بوظيفـه ولدو .. وماكانت تسببلو الرعب ..
يتمنى إنو كآن دا الحضن في بيتهم وبكاهم لسبب جميـل ...
يتمنى بنتـو حوور جمبـهم 
 وزوجتـه ..
يتمنى إنو ماأخد سميـه من عند دلال
 يتمنى إنو سابها تعيش مع امها لأنه هوا ماقدر يكون لها اب
 يتمنى إنو كآن يسمع لبشـآر لما كآن يوقف قدآمه ..
كيف اتعمت بصيـرته 
 كيف كآن بدي القسـوه
 تلاتـه شهور بعد حكم الإعدآم خلتـو يغير نظرتـه كتير ..
بعد ماتهاان الف مرا استوعب ايش يعني اهانه 
 استوعب انو مو عشان اديتهم بيت يعني خلاص سويت فيهم خيـر
 مو يعني جبتلهم اكل ورميتو قدامهم يعني انا ماقصرت معاهم 
 مو همآ يأكلوه في السجن 
 وفيه سقف يغطيه من الشمس ..
وبينآم على مخده مو في الشارع .. 
بس عمرها ماكانت تتقاس المواضيع بدي الحـآجآت ..
لحظآت بتعدي كل واحد يبا يكتفي من التآني ..لين ماحس بشار انو ابوه جسمو بيرتخي وانفجع 
 مسكو وجلسو على الكرسي ..جلس جمبـو 
 جاسم بصعوبه : انا كوويس
 بشار يطـآلع فيه يتأملو وبـس وجاسم يطالع بالكلبشات اللي بيده : ليش أمس ماجيت
 اصواااتهم راااااااخيه بطريقه توجع 
: ماكنت ادري
: قلت حموت من غير ماشوفك او اشوف امك 
 بشار سكت ماعرف ايش يقول 
 جاسم كمل وخلاص يتكلم بدون عقـل : ياريتني كنت انسـآن قنوع ياريت كآن عندي ضميـير وارضى بحياتي معاكم _ دموعه تنزل ويهرج بحالميـه وانكسار _ اشوفك تكبر انتا واختك تحت عيني .. ازوجكم واشوف احفادكم ..ويكفيني امر بالعمر وانا ف بيتي مع امك .. غرتني الدنيا وسرت ألهف وراها بدون إحساس راحت بنتي بسببي ..والتانيه تكرهني كنت اهتم فيها بس ماقدرت اعاملها زيكم .. ابا اقولها سامحيني بس ماعندي قوه اطالع بعينها .. اباها تكبر عند امها بس ماتكبر معايا ..
سككت وبكككي 
 بشار دموعه تنزل بصمت ..مسح دموعه وقال بهدوء : أنا اتزوجت
 ابوه على طول طالع فيه 
 بشار كمل : وهيا حآمل بتوآئم
 ابتسامه اترسمت على وججه ابوه بين دموعه 
 بشار سار يحكيـه عشان يخليه يحس انو بينهم لأخر يوم : لسى ماتزوجتها مخطوبين بس انفجعت قبل كم يوم انها حامل وأمي من كتر مو مصدومه ماتتكلم معايا 
 ابوه ضحك ضحكه خفيفه اتخيل وجه زوجتـو وحركات ولدو نفس حركآته 
 لحظـه صمت وبعدها ابوه قال : مبسوط معاها ؟
 مايبى ولدو يضطر يعيش نفس حياته عشان اتورط باأطفـآل 
 بشار حرك راسه بالإيجاب : الشي الوحيد اللي احسو بحيآتي عدل 
 لأول مرا يتكلمــو كدا .!
بهدوء 
 يسمعو اصوات بعض من غير صريخ من غير نرفزه
 جاسم : أجل لاتكون زيي وماتقدر دا الشي ارضى بللي بيدك ولاتطالع بشي غيره
 اول نصيحه من ابوه تدخل العقـل ..
بشار بصعوبـه قال : مدري اذا يهمك بس .. البنت اللي ... اللي خطبتها .. هيا هديل
 ماستوعب للحظـآت : مين دي !
بشار : صحبة سميه
 بلع ريقـه بصدمـه 
 بشار رخى عينه على يده : كل اللي اباك تعرفو .. إنو كل وحده عاشت عندك ان شالله ماتتحمل ذنبها ححاول اوصل للكل واعوضهم سواء بشي مادي او نوصل لأهلها دا كل اللي حسويه عشان تكون مرتآح ..وعشان _ رجع يبكي وقال بقهر _ عشان اعوضك عن الشي اللي سويته

 ورجـعو للإنهيـآر .. قلو كلام لأمـه ولدلال ولسميـه ..صدمتـه بهديل غير عن الكل دي اكتر وحده عذبها ماينسى الايام اللي سحبها فيها من البيت .. بس حضن ولده 
 حاسس بقيمـة ولدو بدي اللحظه بشكل مو طبيعي ..
واذن الفجــر 
 وهنـآ الودآع .. هنآ اخر لحظه حيشووف ابوه يتنفـس
 اخر لحظه حيشوف ابوه واقف على رجوله 
 لحظه ماتدخل العقـــل
 بس صوت الكلبشااات هوا اللي مستحيل ينسـآه 
 نفس صوت التلاجه لما دخـل فيها حوور .. انفتح الباب ودخل الشرطي وطلب منـو يخرج ..
بشار بالقوه بعد عن ابـوه سلم على يده سلم على راسـه ويرجع يرخي راسه ويسلم على يده 
 مرا ومرتييين وتلاته
 مو عارف كيف يودعه بس خرجووه ويحس انو ماكتفى 
 خرجو وقفلـو الباب على ابوه 
 وهوا مو شايف طريقه من كتر البكى والصدمه اللي يعيشـها 
 مسك في الجدااار وبكككي بصووته والكل يطـآلع فيـه 
 لحظه الواحد مايستوعب فيها مين جمبـه 
 مين حوليـه 
 لحظه الواحد مايقدر يحس الا بالألم يمشي في جسمممه كككلو 
 يحرق كل خليه بجسمك ...
وجـآلو جميـل بخطوآت سريـعه عارف قد ايش اللحظه تقتل اللي تخرج فيها من الغرفه 
 وبالقـوه اتوجهه للمسجـد وصلـو الفجر وجلسو بكل انكسـآر وهمـآ يستنو اللحظه اللي يسلموهم الجثـه ..
ابشــع لحظـه ..


وكآنت ابشع لحظـه برضو لجـآسم لما يعرف انو دي اخر صلاه يصليـها
 وبعدها انسحب للمكآن المخصص للإعدام 
 رجوله مو شايلتـه 
 اشهد ان لاإله إلا الله واشهد ان محمدآ عبدك ورسولك
 اشهد ان لاإله إلا الله واشهد ان محمدآ عبدك ورسولك
 اشهد ان لاإله إلا الله واشهد ان محمدآ عبدك ورسولك
 يااارب سامحني ياارب اغفرلي ياااارب سامحني
 يقولهم بهذيان ورا بعـض
 واتلف حبـل المشنقـه حولين رقبتـه 
 واتحقق حلم ولده ..
اول مرااا اتعذببب بالهووى وانقطع الحبـل مع إنو الحبل يناسب وزنـه
 وبكككي لما رجعـو يبو يشنقوه تـآني 
 لحظظظه تفجــع 
 انك تشوف الموت مرا تـآنيه 
 وتـآني مرااا رجولو كآنت تخبط في بعضـها 
 روحو بتطلــع 
 مو قادر يتنفـس
 حاااس انو حيموووت واترمى جسمو للمرى التآنيه في الارض زي ماترمى ولده 
 وبيتعذبببب زي ماعذب اي بنت 
 لما خنننق هديــل وكآن يدخل وجهها بالمويا الف مرا وهيا تحاول تاخد نفسها بالقوه
 لما ضررب البنت بين يده لما ماتتت وكلو بسبب عصبيته 
 الف موضوع قاعد يعدي عليـه حاليآ ..
ودي المرا اتأكدو من الحبـل وكآنو مفجوعيــن من اللي بيسير 
 بس تالت مرا رفعوووه وكآن يترجاهم دي المرا 
 بس اتعلق بالهوى وحبل المشنقه ملفوف حول رقبته .
وبدأ يحس الاكسجين ينقص
 اياديه مربوطه ورجوله تخبط في بعــض 
 وجهه بدأ يززرق 
 جسمممه حركتــه تسرع تسسسرع بطريقــه مجنننونه 
 وفجأه وووقفت 
 وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ 
 مانزلوه على طول لين مايتأكدو إنو قلبـه اتوقف عن النبض ولمـآ اتوقف نزلـو جسمو ..


وجـآهم بخطوآته المهزوزه وقلهم : تعالو استلمو الجثـه ..
قد ايش صعبــه الجمله على اللي بيسمعوهـآ ..
قد ايش هزتتتهم بس ماكآن فيه اي ردة فعل بملامحهم ..
لحظه وقفـو فيها بكل صمـت ولحقوه بكل صمـت ووشالوه وهما مغطينو على السياره المخصصه للنقل ..
ودوه للمغسـله وبعد ماغسلوه نادوهم يشوفوه لو يبـو ..
ودخــل جميل وبكككي ...
ودخل بشار يطـآلع بملامح ابــوه 
 ريحـه الكافور طاغيـه على المكآن 
 نفس الريحـه اللي كآن شاممها على حور ..
قرب منـه مسك اابووه وخرجت شهقـآته غصبا عنـه
 كل اللي كآن يقوله : آنا اسف ... انا اسسسف ...ساامحننني الله يخليك _ حضن ابوه الجثه الهامده _ آآآآه يارب ارحمــو ياارب ارحموو 
 جميل واقف وراه ويبكي حط يدو على ظهرو ومآكآن فيه كلام يقولو 
: ألله يكسر يدي اللي مديتها عليك ..سااامحنننني أمانه سامحني
 جميل : مسامحك يابشار والله مسامحك
 بككي وماااعلق شهقاته تزيـد ومو عارف ليش الدنيـآ ضده 
 ابوه قتــل اخته 
 وابـوه مات بسببـه
 يباهم الاتنين ومايبى يفكر مين اللي انهى حياة التآني
 بس كل مالو يسير اضعععف ومو قادر يرجع زي زمآن
 جميـل خرج من المكآن ومو قادر يووقف يبا يستنجد باأي شي يجلس عليـه
 واستقبلوه رجـآلو براا 
 اما بشـآر قعععد يتتتكلم في حياته ماتكلم مع ابـوه كدا 
 يتكلم معاه بدون عقـل وياخد شهقاته بين كل كلمـه ينطقها 
 يقلو انا طول عمري كنت احتـآجك 
 لما كنت اشرد من البيت كنت ابا الفت انتباهك 
 اباك تعصب عشان تشوفني 
 تشوفني انتا وامي وتنسو شويـآ حور
 طول عممري اتمنى تتكلم معايا زي ماتكلم جلال
 طول عمري اتمنى تسئل عني زي ماتسئل عن حوور 
 مابببى شي دحين بس اباك جمبي 
 آنآ اسف والله اسف والله اااسف
 وبعد عن ابوه وفضل واقف يطـآلع فيه 
 بكل انكسـآر 
 هنـآ يحس انتهى خلاص
 دموعه تنزل 
 ويتمنى حياتهم ترجع 
 يتمنى صوت حووور وهيا تعصب على اي شي لأنها متعوده تاخد كل اللي تباه
 صوت اببوه وهوا متنرفز لأنو الغدى ماجا بوقتـه
 حور ودلعها عليهم 
 ابوه وقسوتـه 
 حور وضحكتها المستفزه
 ابوه وصوته العالي 
 حور وابتسامتها الهاديه 
 ابوه وكشريته المعتاده
 وانسحب من المكآن لما دخلو الرجآل وبدأو يغطو وجهه ومستنين يصلو عليه الظهر ..
وصلـو الظهـر عليـه
 وشـآلـوه متوجهين للمقـآبر ..
ونزل للمقبـره هوا وعمـه جميل وسلموه ابـوه وحطووه ..
خرج جميل وبكي باانهيار 
 ووكآنت دي اللحظه نايف مادد يده ويقول : بشااار 
 وهوا يطـآلع باأبوه
 نفس الشي سار معاه لما نزل يحط حور ماقدر يطلـع على طول 
 وخرج بنفس الجمود اللي عاشـو اول 
 نفس الصمـت ودفنـوه ودموعه محجره بعينه 
 وصوتـه مايطلـع 
 يتفرج على الكل 
 ويسمع إنو عزآ الرجال بعد العصر في بيته 
 ماقال شي 
 رجـع تآني يسمع عظم الله اجرك 
 الله يرحمـه 
 عظم الله اجرك 
 مارد على احد 
 بس ركب سيارته ورجع لبيته .. دخل لغرفتـه وجلس على طرف السرير 
 كم بيعدي مايدري بس مســرح ومافي اي ملامح بتتغير بوجهه 
 جوآله الف مرا يدق ولا بيـرد على احد ...
وكآنت نص ساعه وجججرس الباب برضو يدق ولااتحرك



 روآن واقفه عند الباب تبـكي متأكده سيارتـه تحت
 وترجع تدق الباب مرا ومرتين وتلاته ومو راضي يفتح 
 اتصـلت على امه وقالتلها وجلست هيا على الدرج 
 حطت راسها على ركبتها وبكككيت 

 في المستشفى ..
ماقدرت ماتقول لهديــل انصدمت لما وصلها موضوع إنهم بيدفنـوه 
 بكككيت باإنهيـآر 
 وهديل قامت من مكآنها وراحتلها جلست جمبـها
 وام بشار حضنتها وبكككيت 
 مشاعر مالها تفسيـر ..
لا هيا ولا ولدها اتمنو موتـه بس لما مات هما اكتر نآس اتألمو ..
بعد ماهديت وجاها اتصال من روآن انو بشار مابييفتح الباب : خليكي هنآ انا حروح البيت 
 هديل : حجي معاكي
 ام بشار تمسح دموعها : لا لازم ماتتحركي 
 هديل : طيب ماحتحرك بالبيت حجلس زي مو جالسه 
 هديل اصـرت ونادو الدكتـوره وقالت بتردد لازم تهتم بصحتها ولو حست باأي الم حتى لو خفيف تجي المستشفى ..
وخرجـو من غير مايسو اجرائات خروج المستشفى 
 حالتهم حالــه 
 طول الطريـق وام بشار بس بتدعي لجآسم 
 الله يرحمه 
 الله يغفرلك 
 الله يغفرلك ياجاسم 
 تمسك راسـها كل شويـآ من كتر الصدااع
 طول الصباح زي المجنونه مو عارفه ايش ساار 
 وفجعوها بالنهايه 
 ودخلو للعمـآره واتوجهه لمصـآعد واول ماوقف بالدور الاول ..
روآن وقفـت ومسحت دموعها 
 ام بشـآر اتوجهت للباب خرجت المفاتيـح بيدها اللي تتنافض وفكتـو 
 وكلهم بيفكرو بشخص وآحد ..
دخلت واتوجــهت لغرفتـه على طول وقفت شويـآ 
 قلبها وجعها لما شافتو مسـرح 
 مشيت بخطوات مهزوزه ودموعها بعينها 
 وقفت قبـآلو 
 وهديل وروان واقفين عند الباب وبيطالعو فيـه
 امه بصوت مهزوز : ليش مابترد
 طالع في هديل وروان وبعدها باأمه رفع كتفـه من غير مايعلق
 امه بلعت ريقها ماتبى تبكككي : فجعتني من اول بتصل 
 بصوت مخنننوق : مافي شي .. دفنتـو وورجعت
 امو نزلت دموعها 
 وهوا ولا كأنه 
 ملامحـه واحد يبا يبكي بس مابيبكي 
 صوته نفس الشي 
 وقـف مو عارف فين يروح بس استوعب وجود هديل
 كدا بيتكلم باأي موضوع : كيف ...خرجتي من المستشفى
 هديل دموعها بعينها : ألدكتوره قالتلي
 حرك راسـه وخرج بكل هدووء من جمبـهم ..
هدووء يقتـل ..
امـه راحت وراه لقتو في المطبـخ يصبلو مويـآ ورجع خـرج جهز توبـه للعصـر وقلهم حنـآم شويـآ
 وقفل على نفسـو بالمفتـآح انسدح على السرير 
 وريحة ملابسـه نفس ريحة ابـوه ..
مانـآم 
 مسدوح بصمممت 
 هديـل جلست على الكنبه اللي في الصـآله ودموعها تنزل 
 اتمنت إنو يبكـي زي يوم حـور
 اتمنت انو ينهار زي لما شاف اللي قتلها 
 ردة الفعل دي قتلتهم ..

امـا روان ماقدرت تقعد بينهم طلعت للسطوح وجلست تبكي لوحدها ..
ماتنكر إنو ماسارت تبـآه وجود امها يكفيها بس برضو خبر موتـه فجعها 


 وبيعدي الوقـت ..وبعد صلاة العصـر .. 
ام بشـآر جابت لهديل طرحه وقالتلها تلبسها لما يجو الحريـم
 لابسـه جينز وبلوزه سودآ ..لامه شعرها على ورا ومفتوح لنهايه ظهرها
 شكلها مرهـق وكل اللي تبـآه تشوف بشـآر ..
وكآنت نص سـآعه ودق الجرس واول مافتحت الباب لقت مرت جميـل وبناتها الخمسـه
 حضنتها وخرجت اللي بنفسـها 
 البنات متعاطفين مع ابوهم لكن جآسم مايعنيلهم شي مايشوفوه ..
ودي اول مرا يشوفو هديـل من بعد داك الموقف 
 ماعرفو انو هيا نفسها اللي اتزوجها بشـآر ..
اول مادخلو للصـآله وقفت جسمها اتقشر بس من اشكالهم 
 متذكرتهم 
 ام بشار مررت المنديل على خشمها : دي مرت بشار 
 الصمت هوا الللي يعبر عن صدمتهم كلهم سلمو عليـها ..وهيا مخنووقه 
 قامت من مكآنها وراحت تدق الباب على بشار ..دقيقه وفتحلها وهوا جـآهز : خلاص نازل
 مسكتو وتطالع بوجهه : دقيقه 
 حضنتـه وكل اللي تحسو انفاسه بس بتزيـد 
 بعدت عنو لما سمعت صوت الجرس يدق تآني ..: متى ماتباني اتصل عليا طيب ؟
 حرك راسـه بالايجـآب وخرج من البـآب التآني 

 روآن فتحتلها ام بشـآر الباب وكآن موقفها اسوء من هديـل 
 لما قالت لسلفتها وبنـآتها اخت بشـآر
 كآنت حتقول بنـت وسكتت وقالت اخت بشار 
 ماحبت تنطق اسم جآسم حاليا 
 روآن سلمت وجلست وبعدها هديل جاتها جلسو جمب بعض حطت هديل الطرحه على شعرها 
 وكلهم هادددددين ... 
وبدأ يتملى البيــت وكلمه اخت بشار وزوجتـه اتردد كتيـر دا اليوم 
 لين ماسمعت روآن وحده تقول فين فين بنت جآسم ..
انخننننننننقت 
 تحس انها فرجه للمكآن كلو 
 يجو يبو يتفرجو عليـها 
 ايش حيشوفو يعنــي !!!!
قامت من مكآنها ودلال تطـآلع فيـها وخرجت من المكآن وكالعاده المكآن اللي يشردو فيه السطوح
 اول مادخلت بكيـت ..خلاص ماحتنزل ليش تنزل من الاساس 
 الكل يموت ويشوفها 
 الكل يبا يعرف ايش قصتها 
 محد داري انو هديل عاشت معاها 
 فاروان هيا القصه المجنونه اللي سمعوها ومحد مستوعبها ..
ام بشآر نفس الشي انقهرت على روآن .. انقهرت لأنو النآس مو جايين يعزو
 اكتر من مآ بيكملو القصه اللي قرأوها ويرسمو شكل البنت ف بالهم ..
دلال نفس الشي انسحبت من المكآن وطلعت لبنتها ..لقتها جالسه على الكراسي سحبت الكرسي اللي جمبها وجلست : لو مو مرتاحه لاتنزلي 
 روآن مسحت دموعها : ماحنزل اصلا ..
دلال مدت يدها ومسكت يد بنتها : ماعاش من يكسر بنتي
 روان على طول طالعت فيها وامها ابتسمتلها : شوفيني انا هاديه وماعرف اتضارب زيك بس قوليلي مين زعلك وانا اخد حقك 
 روآن ضحكت : إنتو بس اتفرجو عليا مايحتاج احد يساعدني 
 دلال : هههههههه اصلا ماأضمنك بمشي وراكي من اول خايفه تسوي لأحد حاجه


 بشـآر نزل للشارع وشاف عمو جالس وازواج بنآته الخمسه بيرصو الكرآسي والابسطه في الارض ..
اتوجه بااتجاه عمـو وجلس 
 من غير سلام .. جو سلمو عليه ازواج بنات عمو .. 
وصمممممممممت فضيـــع هوا وجميـل 
 يردو بس على اللي يسلمو 
 والمكآن يتملى ويتملــى وبشار حاسس نظرات الكل اتجاهه
 مستوعــب باإيش يفكرو 
 عارف ايش بيقولو ..
بس ماكان مهتـم 
 بيعدي اليوم تقيـل على الكــل 
 خلصص العزى وطلـع انسدح بغرفتـه 
 وبس خرجو الحريـم هديل على طول راحتلو جالسه طول يومها امه مو مخليتها تتحرك ..
اتوجهت لغرفتـه جلست على سريره : بشاار
 فتح عينه وطالع فيـها 
: قوم غير ملابسك وكل
: مو جيعان
 سكتت بتعب ومو عارفه تتعامل معاه
 غمض عينه وقال :حتى لما غيرت ملابسي ريحتو بتوبي 
 هوآ الوحيد اللي شامم لسى ريحه الكافور 
 مررت يدها على شعره ومافتح عينه هيا اللي تبكي جمبـو وهوآ ساكت ..
وبيعـدي اليوم التـآني 
 نفس الموآل 
 روآن كآنت معاهم لين مايجو بنات عمو تجلس شويا وبعدها تنسحب 
 بشـآر مافي اي تغير 
 جميـل تآني يوم بدأ يتكلم مع النآس .. 
لما رجع من بعد العزآ بناته ببزورتهم باأزواجهم كلهم سهرو عندو 
 عيلته الصغيره سارت خلال كم سنـه كبيـره 
 يتأملهم كلهم ويتمنى اخوانــه كلهم راحو ... 

وجـآ اليوم التـآلت بالعزآ .. 
وجميـل مو عاجبـه وضع بشـآر الصمت يفجع 
 بس دي المرا بعد العزا حيقول لبنـآته يروحو وهوآ حيسهر معاه ويشوف ايش وضعه ..



امــآ أم لمى ...
تلاته ايام ماقالت لأحد حـآجه 
 ماتكلمت مع تميم ولا تآمر ...
حتى لمى وترف بيتصلو بترد كلمتين وتقفل 
 وتميم قلهم انها زعلانه على موضوع تآمر 
 بس اللي فيها اكبـر من كدآ ...
بتحاول تهتم بصحتها وادويتـها .. بس برضها مدمور من جوتها
 تكون قويـــه 
 تسوي كأنو ماسار شي وتحاول تلم شتات عيلتها ..
لمى دوبها بدأت تاخد راحتها معاها ليش ترجع تفتح مواويل قديمه 
 مع إنو هيا حاليا المجروحه هيا اللي بتبكي كل ماتتذكر بس عرفت ليش كذبو عليها 
 تـــرف وآآآه من كلمه ترف دا انهيااار لوحده 
 تلات ايام اخد منها عشان تفوق من الصدمـه ..
اخدت انفاسها ..
قويـه برغم الانكسـآر اللي جوتها 
 طول عمرها همها اولادها وحتربيهم مزبــوط 
 لفت شعرها وربطتو خرجت من غرفتها واتوجهت للمجلس هيا سامعه صوت تميم وتـآمر 
 وقفت عند الباب لهم كم يوم يحاولو يرضوها ومو راضيه 
: أسمع إنتا وهوا 
 يطـآلععو فيها ومستنين كلامها ..
 : نهايه الاسبوع لو ماخليت اخواتك وليث يتقابلو مالكم جلسه بدا البيت 
 فجعتتتتتتتتهههم !
تميم : ليث مشغـ
 صرخت عليه : لاتستهبلو على راااسي اكتر من كدا مو حماااره انا ف كل مرا يصرف نفسو ايش ماكان بينهم دي مسئوليتكم انتو الاتنين ولا والله حتجو تلقو اغراضكم مرميه في الشاارع لو ماتكونو رجـــآل وتعدلو الوضـع اللي ساير مو محتاجتكم في بيتي 
 تميم : ياأمي ايش دخلني في مشكله تآمر دحين خلا
 امه رجعت تقاطعو : انتا ماتعرف تقول حاضر وماتتكلم انا ماجيت اتناقش معاكم !
رجججججججججججعت الجبررررروووت 
 تميم انفجع وهيا كملت : دام قلتلي إنو اخوك الكبيـر مهمآ كآن وماتقدر تفضح اسراره خلاص حتتحمل نتيجة اغلاطو لين ماتستوعب انو ماتمشي معاه بالغلط
 وخرجت من الغرفـه وتآمر مافتح فمو بكلمـه 
 تميم طالع فيه بحقد : ايش دخخخل اهلي انا دحين 
 تآمر : إنتا مستوعب ايش طـآلبه !
تميم : لو لمى رضيت ترف تتوقع حترضى !!!
تآمر : والحل ؟
 تميم : انا ماليا صلاح انتا حل الموضوع 
 تامر : ولو ماتحل وقتها تعال معايا في الشارع انتا عارف انو امك تسويها 
 تميم :كلو منك ومن مصايبك هيا بلله لو قلت لأمي انك ماتباها وخلاص تتوقع سار دا كلو
 تآمر : هجدنني ياتميمم
 تميم رفع جوآله واول ماشاف الكلام قال وكأنو بيرقص : هلاااااا واللللللللله
 تـآمر : ههههههه ايش بكك
 تميم يفتح الواتس وفك المحادثه : امي كتبت بقروب العيله "الاسبوع الجي لو ليث ماتبوه انا ماليا جلسه معاكم ووصلو لليث لو مايبى يجي انا مو راضيه عنو ولا عن اي واحد فيكم "
تامر مسك راسـه بصدمه : ياأأأللله ياأأأمي ايش الفصله دي
 تميم : حتحط الكل تحت الأمر الوآقـع 
 واختــآرت القســوه طريــق لحل المواضيـع 
 حاطه عذر لليث صح ماتدري ايش سوا لترف بس تعرف مزبوط ايش سوا للمى 
 وتعرفو كيف كآن قبل موضوع تـرف ..
وحاسه باانكساره دحيــن 
 كل شي بدأ يوضـح قدامها صح ماحتتكلم عن القديـم وتخليه يحرقها لوحدها 
 لكن عيلتها حترجــع زي أول دامها عايشـه ...
امـآ تميم اخد ملابسـه : اقول انا ورايا دوآم وشكلي اليوم حضارب مع دي المجنونه 
 تآمر : قلتلك حطلها حد وانتا اللي ساكتلها
 تميم : قلت من نفسها لما تشوفني مو مديها وجه حتبطل 
 تامر : امس قلت حتكلمها ومشيت الموضوع هيا لاأوصيك اليوم تسوي نفس الشي
 تميم : يااخي انا انسان ضعيف اتجاه الجنس النآعم ماعرف ارفع صوتي عليهم احسهم كائنات لطيفه حرام اجرحهم 
 تامر وقف : هههههههههههههههه اسرري ياتميم خلي سمعتك تنداس بالعياده كلها عشان الكائن اللطيف اللي خادعك 
 تميم : هههههههههههه والله شكلها بريئ نفسي امسكها بالركنيه واقولها يابنت الناس اهجججدي والله مايستاهل الموضوع 
 تامر : ههههههههههههههه
 تميم : حركآت ساير تصحى رايق الصبـآح _ رفعلو حوآجبه الاتنين ورا بعض -
وتامر اختفت ابتسامته وخرج من الغرفـه 
 كأنه دوبهم ماتهزأو ومتورطين في موضوع كبيـر ...



تميـم رايح لدوآمه رااااااايق فاتح صوت ام كلثووم ..
ومروووق 
 رجعوووني عنيك لأيااامي اللي راحو 
 علموني اندم على الماضي وجراحه 
 اللي شفتتته 
 تميم بحماااس مع الاغنيـه : ترا را رااا را
 قبللل ماتشوفــك عينيا 
 عمممر ضايع يحسبوه ازاي عليا 
 انت عمري اللي بتدآ بنورك صباااحه
 ويغني بحمااس معاها لين ماوصــل للعياده الاغاني القديمه تطربـه 
 يحس دا الفنن الاصيــل بجد
 واول مادخل شافها قدآمه وكآن مسرح ومبتسسم طالع فيها وهوا برضو مبتسم 
 وهيا حااااقده 
 ممايدري ايش التنآحه اللي جات برااسـه ولساته يطالع ومبتسم 
 بس كل اللي عرفو انها نزلت عينها 
 مشي بصدمــه للمصاعد 
 مسك بالقوه ضحكتــه .. ايش حيسير مهرج عشان تنكسف وماتطالع فيـه ..
بس سار عندو فضـول ينززل ويشوف ايش هرجتها .. 
وبدأ يستقبل الحـآلات ... ومسك جوآله اول ماخرج واحد من عندو ..
فتح انستقرام رشـآ ولقاها منزله شي جديد ميلاد وحده اسمها جيسيكـآ ..
صوت بس ضحكتها بالمقطع قلب كل شي فيـه 
 انخنننننننننق 
 نفس البنت كآنت معلقه تحت وكاتبه تعليق غريب بالانجليزي إنو حتى إنتي ماحتنسي دا اليوم وحاطه غمزه
 ورشا واضح انها قلبت الموضوع ضحك 
 فتح حسـآب البنت منزله نفس مقطع الفيديو حق رشـآ 
 بس فيه تعليق لوآحد كآتب بالانجليزي " كل شويا بعيد المقطـع وحاتط قلب
 وااااااااضح المقطع مافيه شي 
 الكيكه بس وضحكة رشـآ 
 الممرضه تكلم تميم وهوا مرا مو معاها 
 فتح حسـآب الولد نفسو 
 ولقاه راسل صوره امس " تفاصيل بسيطه ممكن هيا تصنع يومك " 
وتعليقات الشباب كلها تريـقهه وهوا نفس الشي بيضحك معاهم 
 الا تعليق جيسيكـآ وهيا بتقولو مو فاهمه 
 وسار يشرحلها بالانجليزي المعنى 
 وضحكت وكتبت " انا الوسيط وحاطه فيس لابس نظاره شمسيه "

رجع لحساب جيسكا ويقرا تعليقات رشـآ واغلبها معلق عليها نفس الولد
 حححس انو اكتفى وووضح كل شي بعينه 
 رجع الجوال على المكتب 
 وطالع في الممرضه وقلها تدخل المريضه 
 جسمو كلو يتنـآفض 
 تلاته شهووور !!! بس بتلاته شهور قدرت تنسـآه !
وهوا لسى يفتح حسابتها ويبتسم لما يشوفها راسله حاجه ويحسها مبسوطه 
 طلعت مبسوطه !!!!
ماحيديها عذررر اكيـد 
 مالها اعذار بنسبه له 
 وكمل دوآمه وهوا عقلـو مو معاه 
 العصبيـه هيا اللي طاغيه على ملامحه 
 واول ماجا وقت البريـك 
 نزل لتحت دي المرا ولا طالع فيها حتــى اذا موجوده ولا لا 
 بس شافها بتطلبلها قهوه اتوجه لنفس المكآن 
 ووقف جمبـها وهوا يطلب 
 اول ماسمعت صوته جسمها اتقشـعر
 فجعععها 
 بلعت ريـقها 
 فيها قوه مستفزززه ...
دارت راسـها بااتجاهه ورجعت طالعت بالرجال ..
حس فيها ولاأداها وجه 
 أتقي شر الحليـم اذا غضـب دا تميم 
 حنون وهادي 
 بس لما يفصل يفجع زي لما دخل عدي على لمى اول مارفعت صوتها عليـه 
 ماعندو حل وســط 
 وحاليـآ هوا مرا مو بالمود ..
حطلها القهوه الرجآل وادتو الفلوس وقلها مافي صرف وهيا ماعندها طالع في تميم وسئلو اذا عندو 
 خرج محفظتـه وكآن بيديه الا جنى اتكلمت مع الرجال : لا خلاص خليها نهايه الدوآم انا حجبلك 
 الرجال : عشان لاأنسى وتنسي 
 جنى تتكلم وباين انها مستحقره اللي واقف جمبها : تبا تستنى نهايه الدوام ولا ماحاخد القهوه خلاص ماباها 
 تميم فاتح المحفظه ولا خرج الفلوس بيسمعلها وبيشوف ايش نهايتها !
الرجال طالع في تميم وبعدو فيها : خلاص استنى نهايه الدوآم ..
سحبت قهوتها ومشيـت من جمبـو ..
اما هوآ اتنرفززز 
 اول موقف يسير بينهم 
 دايما نظرات 
 بس حتى الرجال سار يطـآلع بتميم وكأنو حاسس شي بينهم !

دار جسمـه وطالع فيها وهيا ماشيه 
 كآن مستني نكشــه بسيـطه عشان يخرج اللي بنفسو 
 ومو هيا اللسبب كلام رشـآ وهيا تضحك مع الرجال حرقـــو 
 اتوجـه لهاا بخطوآت سريـعه وناداها : هيييي
 قالها بنرررفزه 
 طالعت فيــه كآنت دوبها بتقرب الكوب لفمها ونزلتو 
 ماتكلمت مستنيته يهرج 
 تميم وقف قبـآلها : شووفي انا ساكتلك من يوم ماجيتي بس ترا وربي صبري له حدود لاتتعععدي حدودك معايا عشان لاتندمي
 جنى بارده : طول عمرك تقتل القتيل وتمشي بجنازته 
 كآنت حتمشي الا وقفت لما رجع كلمها بعدم استيعاب : إنتتتتي طفلـه !! 
جنى تبا تولعه ماتبى تتكلم معاه 
 شمقت وكآنت بتمشي الا رفع يدو وهيا بتعدي من جمبـه وخبط يده بكووبها وانكب عليــها 
 انكب على ذراعها والباقي على عبايتها 
 صرختتت بكل صووتها القهوووووه زي النـــآر
 انففففجععع
 وطاااح الكووب بالارض 
 وحررق البنت تميم بعد ماكسرلها اسنانها ..
ورفعت كم العبايه وبعض من جلدها انشال مع الحراره
 دموعها ساار تنزل بصدمــه وهوا يطــآلع بيدها مفجوع قال بصعوبـه : معلليش 
 عقلها مو معاها تبــكي وتطالع بيدها بصدمــه وجات وحده تعرفها جري : بسم الله ايش بك 
 العياده كلها مخصصه للاسنـآن 
 تميم قلهم حيروح يجيبلها دوآ للحروق وانسحب من غير مايسمع اي رد
 يباااا يبكككي
 اتوجه للصيدليه القريبه من العيـآده واخدلها الشاش والدوآ 
 ورجع للعيـآده مالقاها سئل عنها اشرولو بالغرفـه 
 وراح لقاها جالسه وتبكي وحولينها البنآت 
 طالعو في تميم وهوا باارتباك خرج الكريمين والشاش من الكيس واداهم : حطولها من دا الاتنين ولفو يدها 
 البنت اخدتها من يدو وهوا فضل للحظـآت وواقف وشايفها بس بتبكي 
 مررررررا ضععععيف مايتحممل يبكي احد 
 نفسو يتأسفلها 
 واضطر ينسحب من المكآن لما شاف النظرات عليه 
 خرج جواله وسوا قروب جديد وكتب " تميم وجنى "
ودخل بالقروب تآمر وترف ولمى 
 وكتب 
 حرقت جنى :)
حرقت البنت بدون ماقصد :)
والله مو قصدي:)
انشال جلدها و قاعده تبكي :)
خلاص ماعاد ابا اوقف قدامها :)
اخاف اقتلها وانا مو داري :)
وشويا وعلق تآمر 
 هههههههههههههههه ياأهبل ايش سويـت 
 ودقايق وترف تسجل صوتها وهيا تضحكك وتتكلم بصوت متقطع : تتميم هههههههههه حبيبي انتا شؤم على دي البنت هههههههههههه كيف حرقتها 
 تميم 
 كنت بقولها خلاص بطلي دي النظرات
 وهيا معاها كوب القهوه وبالغلط 
 والله بالغلط انضرب يدي بكوبها وانكب عليها 
 المهم ضميري مؤنبني مو قادر اشتغل
 تامر
 ههههههههههههه دحين يحقلها تطالع فيك بديك النظرات
 تميم 
 والله منحررررج
 جات لمى وكتبت 
 هههههههههههههههههههه ياربي انا في المحاضره وبس بضحكك ياريتني مافتحت المحادثه 
 وجاتهم بعد ربـع ساعه وكتبت 
" انا انطردت :) "




تــرف في ابو ظبي .. تمشي في عالم فراري وقدامها براء وسامي ومحمود 
 وميتــه ضحك 
 عينها على الجوال وبس كتبت لمى انا انطردت وقفت مشي وسارت تضحككك بككل صووتها 
 طالعو فيها براء جا لعندها : ههههههههه ايش بكك 
 ترف ورتـو المحادثـه : هههههههههههه اخوووكي دا اهببل
: والله مسكين ههههههههه دحين بجد حيروح يعتذرلها
 سحب جوالها : خليكي منهم دحين وتعالي معانا
 ترف : انا قلتلكم حجي بس ماحلعب
 اكبـر كذاب براء لما قلها طيــب صرخت في كل لعبــه لين صوتها ماراح 
 كآنت تقوووله حموووت والله حممموت 
 وهوا وسامي ومحمود اخدينها نكته كأنهم جايبينها عشان يضحكــو 
 لين مانزلها من تآني لعبه قطار الموت وماسكه فيه مو قادره توقف على رجولها : خلاص خلاص انتو روحو العبـو 
 سامي : ههههههههههه ماما فاضحتنا بكل مكآن 
 براء : شووف الصور بس كيف طالع شكلها 
 ترف ماسكه بيد براء ونفسها تدفو بس حتطيح من كتر مو مفجوعه قالت بتعب : والله ماتستحو الله لايوليكم على مسلم 
 براء : هههههههههه خلاص روحوو 
 محمود على طول سحب سامـي وراحو للعبـه قريب منهم .. سامعين ضحككهم لين عندهم 
 براء مشي هوا وتـرف ودوبـها بتقولو ابا مكآن قريب من سامي 
 الا اشرلها على طاولات قريبه وقلها : هنا احسن عشان نشوف سـآمي
 نسيت تعبـها 
 دوبها كآنت حاقده عليـه بس حركـآته تخليها تعشقه زياده 
 جلسـو وبتتكلم وزي لما تطالـع كل شويا عليهم هوا نفـس الشي 
 ولما شاف سـآمي بيطـآلع في عالم تاني ومحمود ماسك جوآله نادى بكل صوته : محممممود 
 محمود طالـع فيـه وبعدها جـآ جري : نعم 
 براء : هات جوالك 
 محمود وسع عينه : لللليش
 براء :ماجبتك عشان تقعد على جوالك 
 محمود : بس كنت بصور 
 براء بااصرار : هااات الجوال 
 محمود بقهر مد جواله وراااح يهرج فوق راس سـآمي وكيف مقهور من براء
 ترف لاشعوريا دموعها اتجمعت بعينها 
 دوبو طالـع فيها واختفت ابتسامته : ايش بك !
ترف ابتسمت : احبك
 براء : هههههههه وانا كمان ايش لزمتها الدموع دحين 
 ترف : والله كل يوم اقول حمدالله انا محظوظه فيك وكل يوم احس إني مرتاحه بحياتي برغم تعب سـآمي بس يكفيني انك جمبي بتهون عليا كل شي 
 براء ققرب من الطاوله :انا عند وعدي ياعمري قلتلك حعوضك وحخليكي مرتاحه بحياتك ولو على حساب نفسي 
 ترف رفعت يددها وتمسح دموعها : لاتبكككيني 
 براء : هههههههههه الواحد مايقولك كلمتين الا وتبكي
 ترف مو متعوده كدا تحسو يتكلم من قلبـه : اديني سنه عشان اتعود واسير اشمق لما تقولي دا الكلام 
 براء : ههههههههههههههههههههههه وقتها صدقيني حتتمني اقولك دا الكلام وانا اللي اشمق بوجهك ياقصيره
 ترف وسعت عينها : براااء 
 براء : لاتقهريني عشان لااقهرك
 ترف : هههههههههههههه طيب شكرا 
 براء مسك يدها : عفووا حبيبي المهم بكلمك ف موضوع 
 ترف عرفت قبل لايهرج : ايوا ؟
 براء : ماتبي تروحي لأمي .؟
 ترف : هما يبوني ؟!
براء سكت وهيا علقت على طول : شوف يابراء اللي سوه ليا ولأهلي شلتو فوق راسي واتكلفو واهلي اتعرفو على اهلك والحمدالله خرجو مبسوطين بس لما سمعت امك تتكلم بالجوال مع ابوك انقهرت حسيتنا تقيلين ومستنيه اليوم يخلص ليش تسوي دا كلو دام في النهايه هيا ماتباه
 براء : انا عارف وعشان كدا ليا 3 شهور عمري ماقلتلك تعاليلهم امي ماكانت تعرفك ولا تعرف اهلك الكلام اللي سمعتيه انا عارف انو يجرح بس اديها فرصه 
 ترف : عارف ع شانك حسوي اي شي بس اباك تعرف انا إنسانه ماهمتني لا الكمآليات ولا العزايم الكبيره ولا كلام النآس اذا حسيتها من جوتها مو حابتني ماباها تناديني عشان تعرفني على مرت المهندس مدري مين ومرت الدكتور واحسها مفتخره فيا وكأنها تعرفني وبعدين اول مامشيو ماتتكلم معايا وانا عارفه انهم سو دا كلو بعد فرح لمى ... وعارف برضو انو فرح لمى ولا فرق عندي بشي انا اكره المظاااهر دي اكررره اني اكون بين ناس يتفرجو عليا ونفوسهم كلها وسخـه جلستي معاك ومع اهلي وولدي في بيتي دي تسوى العالم كلللو 
 ابتسملها 
 تتتتتتتتتتتتتفرق الف مرا عن ميسـآ 
 بهدووووء وبصوت خافت قال من قلبه : اعشقققك ...

لمــى خرجت من الكلاس تدور على عدي وتضحك لأول مرا بحياتها تنطرد 
 شافتو واقف مع اصحابه واصحابه اول ماشافوها صرفو نفسـهم ومشيـو ..
جاها مستغرب : ايش مخرجك بدري
 لمى سوت نفسها تبكي : طردددني الدكتور 
 عدي : هههههههههه امااا ايش مهببه 
 لمى : ههههههههه كنت بتكلم مع تميم وضحكني وماقدرت امسك نفسي قلي سيبي جوالك سبتو وانا اضحك حاولت ابطل ضحك ماقدرت اتنرفز مني وطردني
 عدي : ههههههههههههههههههه فيننن لمى الاولى انا احس دي الفتره ماسرت اعرفك 
 لمى : ههههههههههه ياعمممي خلينا ننبسط بحياتنا بلا دراسه بلا هم 
 عددددددي : عاااااااااشت مررررتي عاااشت تعالي يلا نروح نفطر 
 لمى مسكتـو واكتر اتنين مستواهم نزل بعد الزواج دولا 
 خرجو وراحـو يفطرو وبعدين راحو مووول وبعدها جلسو بكـآفي ..
 : مو عارفه ايش اسوي يعني لازم نتلم وفيه ليث وانا ماحقدر اطالع فيه 
 براااء يعذر ليث اما عــدي بعد الضرب اللي انضربتـه لمى مايعذره 
 ماعجبه الوضع بس بيحاول مايدخل : حتى لو فيه لاتتكلمي معاه وانتهينا
 لمى : مو هيا بدايتها كدا ودام ماما مركزه يعني كل اسبوع حيكون فيه بدال ماروح عشان انبسط حسير متنكده وابا ارجع البيت 
 عدي : امك ايش بها طيب فهميها كل 
 قاطعته لمى بصدمه : ماااقدر احنا مانبى نقولها شي انتا عارف وضعها 
 عدي : والله مو داري ايش اقولك بس خلاص حكم القوي على الضعيف دام وصلت في امك تقول ماتبى تشوفكم يعني وجوده من وجودها حيكون 
 لمى زفرت بضيـق ...وغيرت الموضوع : كيفو لؤي 
 عدي : الحمدالله احسـن علا بتحاول تشغلو 
 لمى : والله حزنت مرا عليه 
 عدي ابوه حاول والله يجيبلو اي غرض بس ماقدر يوصل لأحد .. دا الموقف خلى خال عبدالرحمن يستوعب انو مقصر بحق ولده كل يوم يتصل لو تشوفي كيف يبا يرضيـه .. فكره انو ولدو مايبى يدخل البيت تاني مجننته
 لمى : هوا كماان اللي سواه شي مجنون عشان يرضي مرتو
 عدي : والله شوفي انا مقتنع بكلام ابويـآ مرتو من حقها تطلب دا الطلب قلت للؤي بس لؤي شايفها انسانه بطاله مايبى يسمع سيرتها الغلط من ابوه مو منها 
 لمى : انا متنرفزه من الاتنين يعني لو لاقدر الله سرلي شي 
 عدي قاطعها : ياشيخه اسكتي ماحب دي المواضيع
 لمى : بس ابا اعرف تفكيرك 
 عدي : مو لازم خلاص نرجع البيت ؟
 لمى بتملل : اوووف ماليا نفس ارجع ورايا تنظيف 
 عدي : ههههههههه تقوليلي اساعدك حقتلك لأنو امس ظهري انكسر وانا اغسل الحمام 
 لمى : هيا شي واحد سويتو وانكسر ظهرك مابالك انا الللي انظف كل البيت 
 عدي يتكلم بجفاصه : انتي خلقتي لدا العمل انا رجــآل المفروض احط رجل على رجل وماسوي شي
 لمى بترجي: بكرا اباك تكوي معايا الله يسعدك
 عدي اتغيرت نبرة صوتـه : حاضر ياعمري 
 لمى : هههههههههههههههههههه 

 امـآ تميم خلـص دوآمه ..ونزل مالقـآها بتردد راح سئل عنها وقالولو رجعت البيت 
 وسار موضوع رشـآ حارقه وموضوع جنـى محزنـه وشاغله ..

تـآمر طول دي الفتره مو قادر يقابل روان من كلام امـو ووفاة جاسم خلاها ماتركز انو مابيطلب يشوفها يحس ضميره بدأ يأنبـه ومقرر حتى لو خرج معاها خلاص ماحيمسك يدها ولايتجرأ تآني ..


وجـآ الليــل وانتهى العزآ وبقي بشار وجميل وزوج وحده من بنآته
 انسحب بشـآر وطلع للبيت وكالعاده لغرفته على طول عشان لحد يكلمـو ويتعلت بالنوم ..
اما جميـل بعد مامشييت بنتو وزوجها وبقي فوق بس ام بشار ومرتو وهديـل 
 طلعلهـم ... دق الجرس فتحتلـو .. : عظم الله اجرك 
: جزآك الله خير الله يرحمـه ويغفرلـه يارب
 جميل اتنهد بضيق : اممين 
 ام بشار : اتفضللل ..
هديل سامعتهم من اول يقولو حيطلع شويا ومو فاهمه مين اول ماشافتو وقفت باارتباك
 جميل ابتسملها : كيفك 
 هديل تحس قلبها حيخرج مرا تستحي منهم : تمآم
 انكتمت كآنت تبا تعزيـه وماقدرت تنطق بشي ..
جلس ومرته جمبـو 
 وام بشار جلست قباله جمب هديـل ..
بدأ يقولهم لو احتجتو شي انا موجود لايردكم اتصـآلكم 
 إحنا اهل 
 وبعدها بدأ بموضوعه : فين بشار 
: مو تحت !
 : لا من اول طلـع 
 يدخل من الباب التاني على غرفتـه على طول 
 ام بشار : اجل طلع غرفته 
 جميل : كيفو معاكم 
 ام بشار : انا اللي بسئلك احنا مابنشوفو طول اليوم 
 جميل : ومعانا مابيتكلم مع احد_ طالع في هديل _ حتى معاكي .؟
 هديل باارتباك حركت راسها بالنفي : كلام بسيط كل مااتكلم يقولي ريحة ابويا ف ملابسي دا وانا اعطرلو ملابسه قبل لااديه هيا 
 جميل سكت شويا وبعدها قال : ابا اروح لغرفتـه 
 ام بشار وقفت : تعال 
 ودتـو لغرفـه بشار ورجعت تـآني جلست معاهم وهيا بهمها 
 مرت جميل ملاحظه إنو هديـل عايشه معاهم ! ومو قادره تسئل عن شي بدي الاوضآع 
 جميل وقف قبـآل الباب دق كدا مرآ ..اتوقعها هديل قام فتح ولما شاف عمو بعد عن الباب 
 دخل بشـآر وجلس على سريره 
 وعمو قفـل الباب وراه 
 لساته بثوبـه 
 جميل جلس على الكرسي يطـآلع فيه بصممت وبعدها زفر بضيـق : في حيـآتي مامر عليا موقف يكسرني زي دا ولو كسرني مية مرا انا عارفه انو كسرك الف مرا بس بقولك إنتا ماغلطت لما سلمته _ كان بيقول بغض النظر عن الطريقه اللي سلمتها بس حاول بقدر الامكان يجمل كلامه _ احنا نحمي وطنـآ واكتر شي يوجع لما نحميهم من اهلنا لو أنا مكآنك كان سلمته ماكان اترددت لحظه ابوك صح راح بس شوف بسببك كم بنت بنساعدها دحين _ سكت شويا ورجع يتكلم _ عارف انك مقهور لأنك شوفتـه تاب وتتمنى انك ماتسرعت بس انا اعرف اخويـآ لو كآن برا السجن ماكان تاب لو ماسرلو الموقف وخوفه من الموت ماكان تآب ... لو شوفت جلال قدآمي عارف مصيرو ايش ..بس حسحبو بيدي واسجنه واعرف إني اكتر واحد حبكي بس انا عشت طول عمري وانا اخدم وطني وحموت وانا اخدمه ..
بشار ولا علق 
 جميل : قولي باإيش تفكر
 حرك راسـه بالنفي :ولاشي
 جميل : حتقعد كدا كتير .؟ ماتعودت اشوفك كدا يابشار 
 صممت مفجـع ماتوقع حتى لو جلسو لوحدهم ماحيتكلم
 قام من على الكرسي وجا جلس جمبـه : ياوولدي دا تالت يوم لاتكسرني زياده بسكوتك عارف إنو اللي سار شي مو سهل بس لو ماحاولت تقعد مع اللي حوليك حتتعب زياده..يلا قوم اقعد معانا
 بشار : حنام
 جميل : طيب شويا وبعدها نآم
 بشار : لا تعبان من الصباح صاحي
 جميل بتردد : طيب ...بس اباك ترجع للعمل خلاص 
 بشار لأول مرا هوا إللي يرفض : لا مو دحين
 جميل : اجل متى !!
بشار : عمي الله يخليك ابا انآم 
 كأنو يقولو اطلـع براا بس باإسلوب
 جميل لحظه صمت ماعرف خلاص يتعامل معاه 
 وقف بتردد : تصبح على خير 
 خرج من الغرفـه وراح قعد معاهم : مو راضي يجي ..
واخدهم الكلام وهديل بهدوء انسحبت وراحت لو .. 
زي كل مرا 
 جلست بنفس المكآن على طرف السرير 
 رخت راسها وباسته بخده قالتلو بهدوء : وحشتني 
 بشار : وانتي كمآن 
 هديل : قوم اجلس معايا ولاتكدب عليا وتقولي فيك نوم 
 بشار حرك راسه بالنفي
 هديل لحظظظه صمت صح ماتبى تزيـد همه 
 لكن تعرف نقطه ضعف بشـآر 
 هيا 
 ماحتكبت جوتها 
 حتقولو اللي بنفسها 




 غمض عينه ودقيقه وفتحها مفجوع لما حسها تبكي 
 اصلا نفسيتها زفت مع الحمــل والوضع دا كملها 
 غطت وجهها وبككيت من قلبها 
: هديل ايش بك
 ماردت ععليـه رفع جسمو وسندو على المخدات بعد يدها عن وجهها : سار شي
 حركت راسها بالنفي : خلاص مخنوووقه مابتتكلم معايا مو عارفه ايش بكك .. ماتبى تكلم احد كلمني لاتقتلني بسكوتك ... ليا تلاته ايام احس نفسي مالي داعي كأني ولاشي بنسبه لك اخر مرا قلتلك ..قلتلك لاتشرد مني لما تنخنق لاتخليني زي المجنونه الواحد متى يحس انو دا الانسان يحبو لما يكون بعز ضيقتو يجيــه مو يشرد منو 
 رفع يدو ومسحلها دموعها :طيب لاتبكي
 صوته يبكيها زياده: بشااار 
 حرك راسه بالايجاب : ماسار شي 
 هديل : كيف ماسار شي وانتا بس ساكت
 طالع فيها بتشتت مايباها تبكـي حكاها بعدم استيعاب وصوتـه يهد الحيـل الكلام بيطلع وكأنو بيعدد : ماسار شي ...روحت جلست معاه ...اتكلمنا ..بلع ريقه ورجع عاد الكلمه _ اتكلمنا .. بعدها خرجوني .._ نظرتو المشتته واضح انو يبا يستوعب اللي سار معاه _ جلست ... على الكراسي ..كنت استنآهم._ سكت شويا ونطق الجمله _ عشان ادفنو _ عقد حوآجبه _ مو مو قادر استوعب اللي سار مو قادر استوعب انو كنت استناهم يموتوه .. _ ويرجع يعيد الجمله وكأنو بجد شي مايدخل العقل _ كنآ جالسين نستنآهم ماسوينا شي ! .
جات هديل بتحضنه الا بعد جسمو وطالع فيها ويبا جواب : انا ! انا غلطت لما ماسويت شي ؟!
هديل حركت راسها بالنفي : لا حبيبي
 بشار سكت ســرح وبعدها قرب وحضنها وقال بتعب : مو قادر أستوعب ! لاتقوليلي احكيكي شي انا مو فاهم كيف سار ! احسو زي الحلم بس ريحه ابويآ في كل مكآن
 تمرر يدها على ظهرو ودوبها استوعبت صمتـه مو لأنو مكسووور من وفاة ابوه بس
 اكتر من صدمـته كيف سااار الموضوع 
 كيف كآن يتكلم معاه 
 وفجأه سابو 
 وفجأه نادوه ياخدو ودفنــو وسار كل شي بلمح البصـر نام وهوا يضحك معاها وصحي وهما يقولولو تعال ودع ابوك !!!
ومــآزآل تحت الصدمـه 
 انسدح على مخدتـه وهيا تلعب بشـعره باانكسـآر 
 لين ماتحسـه نآم ..خرجت وكآن دوبـه جميل ومرتـه خارجين 
 ام بشار جات لعندها : صاحي ؟
 هديل حركت راسها بلا بدون ماتعلق
 ام بشار : سار شي .؟
 هديل بكككيت وقالتلها كل اللي سار مو قادره تخلي الكلام بنفسها ..


امـآ جميل نسي جوآله فوق قال لمرته تطلع وهيا مكسره وميته نوم : الله يسعدك اطلع إنتا ..
فتح باب السياره ونزل ..
اتوجه للمصعد روآن كآنت ضغطت على المصعد ودق جوآلها شافت تآمر رجعت دخلت السطوح
 اغب وقتها هنآ دام تكلم تآمر ..
جميـل بالمصعد اخد جواله من ام بشار وصـل في الدور اللي طلبتو روآن ...خرج وماكان منتبه للرقم وفجأه استغرب من الباب الحديد 
 كآن نازل الا لمح روآن ..سمعها تتكلم مايحتآج يستوعب مع مين 
 قدم بخطوات هاديه للباب ودق الباب مرتين وهيا طالعت واول ماشافتـه نزلت الجوال مفجوعـه
 ورجعت رفعتو وقالت بعدين اكلمك
 راحت بااتجاهه ولسى مو مستوعبه ايش جـآبه هنـآ 
 وقفت قدآمه باارتباك ماعرفت تسلم عليه بس قالتلو : اهلين
 جميل ابتسم : كويس طلعت بالغلط هنا عشان اشوفك 
 روان ابتسمت بتوتر 
 جميل : كيفك 
 روآن : تمام 
 جميل : عزمتك مرتين تجيني وماجيتي 
 روآن : والله مع الظروف ماقدرت
 جميل : طيب بنـآتي يبو يجلسو معاكي اي يوم تفضي تعاليلنا
 روآن حركت راسها باايجـآب : إن شالله
 جميل : يلا مع سلامه 
 روآن : مع سلامه 
 جميـل اتوجه للمصعد فك الباب 
 ماقدر مايتكلم 
 رجآل كبير في السن مو عاجبه حركاتها 
 دي المفروض يعاملها زي بنته 
 صح مو بنته بس على الاقل تفهم إنو اللي بتسويه غلط ..
ساب باب المصعد ورجع الا روان قلبها طاح مرا تستحي منو 
: اعرف اني ماجلست معاكي كتير بس اعتبرك زي بشار والله واخاف عليكي 
 روان مو عارفه ايش يبا !
جميل : قولي لتآمر مراد _ بتهديد واضح _ من يخشى البلل لايصطاد السمك
 روآن مافهمت بس مفجوعه من اسم تآمر اللي اتنطق فجأه
 طالعت فيه بصدمـه وهوا اتوجـه للمصـآعد 
 كيف مايعرف بعلاقتهم وهوا مراقب جوالها من بعد تهديد جلال
 والرجال اللي كآن يلحقها يشوفها تروح لتامر بالمستشفى ..
ومن خوفـه عليها اضطر يراقب كل مكالمآت تآمر ..
لكن خلاص يبا يفهمو انو وراها اهـل ..
جميـل راح وهيا لسى موسعه عينها وواقفه بصدمـه
 دقيقه مرت عشان تستوعب انها تتصل 
 اتصلت عليـه وهوا مسدوح حينآم : ايوا عمري
 روآن : احس قلبي حيوقف 
 تامر ابتسم : دلال جات .؟
 روآن : ياريت
 تامر : لاتقولي بشار سمعك
 روآن : ياريت 
 تامر : اججل اهرججي!!!
روآن : عم جميـل دوبو جا 
 تامر : طيب !
روآن بلعت ريقها وقالت بصدمه : انتا تعرفو صح 
 تامر : جاني المستشفى وعليها 
 روآن : قلي قولي لتآمر مراد من يخشى البلل ناسيه الباقي
 تـآمر عيونه خلاص كآن فيها نوم جلس بصدمـه : تمزحي !
روآن : والله جسمي يتنافض اساسا من يوم ماجاب سيرتك
 تامر عارف بقيه الجملـه كدا صمممت ويبا يستوعب كلامه
 روآن : ايش عرفو إنو بكلمك
 تـآمر : قوولي ايش مقصدو بكلامو دا 
 روآن : مافهمت شي 
 تامر بعدم استيعاب : عمك بيهددني !!!
روآن : نعممم !!!
تامر ضرب على جبينه : انا بسببك ضاعت رجولتي والله 
 روان تضحك بصدمه : هههههههههه ايش فيييه !!
تامر وووقف : ياأأأأأأللللله ياااروان يأأألللله 
 روآن : موووو فاهمممه بيهددك ليش 
 تآمر وجهه محممر مايحب احد ياخد فكره عنو كدا بس كلامو واضح : عمك عارف انو بتكلم معاكي بمعنى كلامـه إنو انا قاعد اللعب بالنار وبسوي شي غلط معاكككي معنـآته لاتكون وســـخ _ تامر مستمر يحلل الجمله لكل المعآني اللي وصلتو _ معنآته هما عينهم عليكي ولاأحسب إنو ماوراكي احد
 معنـآته بيهددني اني ماستمر بدي الحركآت 
 روآن بصدمه : دا كللو فهمتو !!!
تامر رايح جاي بالغرفه : يااااااشيخه كلووو منك انا من يوم ماعرفتك ماسبتي فيا عققل
 روآن خلاص مع الفجعه بس تضحك : ههههههههههههه تامر يمكن فهمت غلط 
 تامر : فهمممت غلط كيييف كلامو واااضح _قال بقهر _ فييين تآآآمر زمان حرااام على ابو شكلككك ياشيخه
 لأول مرا يتكلم معاها بدا الاسلوب 
 بس لاااا مرا كتتتير إنو فيه احد من اهلها يعرف بعلاقتـه
 ومييين .؟اكبر واحد فيهم ومحتتترم وجاه قدرو وزارو بالمستشفى 
 مستتتتحي بشكل مو طبيعي ..
روآن : ههههههههههه مستحيل ادخل بيتهم والله
 تامر : اناااا ليش حياتي كدا ساااايره 
 روآن خلاصصص تعشقـه لما يستحي ويتورط : هههههههههههههههه 
 تامر : تتتتتضحكي على ايش ياااهبله 
 روآن : هههههههههههههه اححححبك 
 تامر يتكلم بصدمه :انا حبك دا مو مستفيد منو غير الفضاااايح والله من يوم ماعرفتك وانا بنفضح بكل مكآآآآن 
 روآن : ههههههههههههههه
 تامر مصدوم من ضحكتها : يااابت انتي بعقلك تضحكي على ايش !!!! 
روآن : احححب صدماتك 
 تامر : ياااقلبي انا مو مصدوم انا افكر حاليا اقطع علاقتي فيكي 
 روآن : هههههههههههه _ روان بثقه _ جرب ووقتها ماحتقدر تعيش بدوني
 تآمر بقهر : مو دا اللي موديني في ستين دهيه لما استوعب كل اللي بيسير حوليا احس كأنك ساحرتني 
 روآن : ههههههههههههههه نظراتي لاتقاوم اكيد حسحرك فيها
 تامر سكت وبعدها قال : حسوي نفسي ماسمعت
 روآن : هههههههههههههه

 دوبــها فكت من بعد كلام جميـل كآنت مكتتتتئبه بشكل مو طبيـعي ...



تحت هديل جالسه وام بشـآر جمبـها تبا تتكلم معاها بالموضوع من امس بس مستحيـه 
 لكن خلاص حتكلمها ..
 : هديل
 هديل كآنت مسرحه طالعت فيها : ايوا
: من امس اي احد يسئلني عليكي بقول انو انتي وبشار اتزوجتو وبسبب ظروفنا ماسوينا شي
 هديل مانطقت بشي 
 ام بشار : قلت لأهلي وقلت كمآن لجميل وزوجتـه قلتلهم إنو لكم شهـر وخلاص انتي شايفه الظروف ربي عالم إني كنت ابا افرح فيكم بس وقفتك مع بشار وانك تكوني زوجته بدي الفتره اهم من اي شي تآني 
 هديل لساتها ساكته 
 ام بشار : انا اعرفك واعرف بشـآر ماقلت دا الكلام إلا وانا متأكده انو ماحفرضو عليكي ان شالله بكرا اطلع اجبلك اغراضك من فوق انا وسميـه والله يوفقكم يارب ..
هديل حركت راسها بدون اي تعليـــق !
مو عارفه تفكـر !!!
مو عارفه ترد !
بس ام بشار صدمـتها لما قالت : روحي نامي عند زوجك .. تصبحي على خير
 هديل وسعت وقالت بردة فعل سريعه : مافيا نوم
 ام بشار : من الصباح صاحيه مايسير ترهقي نفسك حتى لو ماتبي تنامي مدي جسمك قلتلك الجلسه الكتير مو طيبه لكي ..
هديل جسمها متصــلب 
 ايش خلاص كدا !!!! تروح تدخل تنام بنفس الغرفه !!!
ام بشار مو شايفه انو فيها شي يعني البنت حآآمل 
 ايش باقي اكتر من كدا !
ام بشار قامت للمطبـخ سوت كآسه حليب لهديل وخرجت ادتها 
 بتهتم باأكل هديل حتى في العزآ : خدي وروحي لغرفتك اشربيه كلو 
 هديل ريقها نااااشف : شكرا
 اخدتو وام بشار لسى واقفه 
 وقفت هديل باارتباك.. وتمشي وهيا تقنع نفسها انو لا حتروح تقعد معاه زي دايما 
 ماحتنآآم 
 وصلت لعند باب غرفتـه وماقدرت تدخل
 بالقوه ماسكه الكاسه بيدها
 كآنت بترجع الصاله الا لمحت ام بشـآر لساتها جالسه 
 مشيت تاني بااتجاه الغرفـه 
 فكت الباب ودخلت
 وكل اللي تبا تفكر فيه 
 إنو محتاجها 
 قفلت الباب وراها مشيت بااتجاه المكآن الفاضي جمبـو 
 جلست 
 شربت كآسه الحليب ..
رفعت رجولها على السرير 
 ظهرها مرا يوجعها 
 ماتردد انها تمد جسمها وهوا على طول فتح عينه لما حس بحركتها 
 طالع فيها ومو مستوعب انها مسدوحه جمبـو 
 بس ماسار يحلل او يفكر خلاص اهم شي عندو اهم شي جاتو 
 هوا يستنى منها ..
اول مامدت يدها على خدو وابتسم سحب جسمها بااتجاهها وحضنها وغمض عينه ..
حتى مسكتو لها وهوا نايم تعبر عن حالتـه 

 ومرت السـآعات ..وطلـع الصبـآح 
3 ايام للعزآ مرت وصمتـه دليل صدمتـه .
صحيـت هديل من نومها واول شي طالعت فيه مو مستوعبه انو نايمه جمبـو
 رفعت جسمها وقربت منو لما حست انفاسه سريعه : بشااار
 نادت بخوف تآني : بشااار 
 وجججلس برده فعـل سريعه وهوا يطـآلع حوليـه 
 صدره يطـلع وينزل بشكل سـريع 
 ملامحها طغت عليها البكى مسكتو : حبيبي ايش بك
 عقــد حوآجبه 
 مو حلللم الي قاعد يعيشـه 
 لحظه يحس كأنو احححد كباه بمويـه بارده
 استوعب انو اختـه وابوه كل واحد فيهم موتته ابشع من التآني
 استوعب انو في دي السنه نزل المقبره مرتين دفن اخته وابـوه بيده
 اســتوعب من النهايه كــل شي ..
ياخد انفاسه ورا بعض وهوا بيطـآلع قدامممه 
 تكلمو مابيردد ولا بيطـآلع
 وفجأه 
 ميــل جسمه باااتجاهها حط راسه على فخذها بكل انكساار وشد على الحااف وبكككي بصووت يفجع
 بكككي بطريقه هزت اركــآن الغرفــه 
 كلمــه اااه ياخدها كل بعد شهقـه
 رخت راسها بااتجاهه وهيا مفجوعـه تبا تقوول شي بس فجعههها 


 في الصـآله جالسه والبيت هاااااااادي 
 وبين سرحانها صوت بشار وصلـها قامت زي المجنوونه بااتجاه غرفته 
 مع الفجعه ولا حتى دقت الباب فكتتتتو وهديل رفعت راسها وتبكي وبنظراتها استنجدت فيها
 ام بشــآر راحت بااتجاه ولدها جلست على السرير حاولت ترفعــه 
 حاولت تكلمممه بس يصرخ بجننننون 
 شادد كل عضلات جسمـه 
 كل عروووقه بارزه 
 سمار وجهه زاد بسبب الاحمرااار 
 دافن وجهه ومايبى يرفعـه 
 كلمــه آآآه يقولها في عشره ثووواني عشان تطفي حريقه قلبــه 
 ويرجججع يقوولها تــآني وتاللللت ومو قادر يكتفي 
 امـه رفعت رجولها على السرير :ياووولدي لاتسووي كدا بنننفسكك الله يخخخليك
 هديل ماقدرت تتكلم تتتبكي معااه وبــس
 ام بشار بيد تتنافض تمسكـه مو قادره تخليه يسكتتت سارت تقرأ عليـه وتبـكي
 ربـع سـآعه كآن بنفسسس الصريـخ المفججججع 
 وبعدها ارتخت عضلات جسمـه 
 شهقـآت خفيفه 
 دار راسـه وهديل شافتـه اخيرا 
 يغمض عينه ويفتحها 
 امـه خرجت اول ماحستو ارتااح خرجت عشان لها نصيب من ألم ولدها .
هديل قربت راسها منو وهيا تهرج بصوت يادوب ينسمع 
 بهمممس وصوتها مهزوز : ماليا غيرك حبيبي .. لاتسوي كدا بنفسك ..قوم عشـآني .. حآول ترجع زي اول ... ادعي لأبوك 
 يهرج بنفس صوتها الهادي : فاكره لما كنتي ...كنتي تقوليلي ..ابا انام ومماأصحى ..احس إني اتمنى دا الشي دحين
 هيديل : وانا فين اروح بدونك.. مو قلتلي انو ماعندك غيري لو سرلي شي انتا ماحتقدر تعيش طيب دحين انا ايش حيسرلي
 بشار : تعبان ياهديل
 هديل نزلت دموعها: حاول تقوم تجلس معانا ن
 بشار قاطعها : مو قادر
 هديل : عشاننا حاول بس حاول 
 بشار جلس وهيا ابتسمت بين دموعها مدت يدها وتمسح دموعه : حتآكل عشان لو ماأكلت انا ماحاكل ولو انا ماأكلت يعني اولادك حيقعدو جيعانين
 بشر عقد حوآجبه قال : إنتي لسى حامل
 هديل وسعت عينها بصدمه بين دموعها ضربتو على كفتو : تستهبل
 موقف اهبــل مر بين دموعهم
 قامت من على السرير وجات ناحيته مدت يدها : يلا
 بشار يطالع فيها : انتي كيف نومتي هنا
 هديل تمسح دموعها وجهها اتغير بااحراج : مامتك قالتلي روحي نامي عند زوجك
 بشار رفع حوآجبه الاتنين بصدمـه وهيا حركت يدها : يلا تعال 
 قام معاها بطـآعه بالقوه شايف طريقـه من قلة الاكل 
 اول ماسمعت صوت خطواتهم ام بشار مسحت دموعها 
 وابتسمت لما شافـته ماشي جمب هديل 

" استغفرالله .. استغفرالله .. استغفرالله .."

فتح بــآب الغرفـه بسـرعه وتآمر اتربـش دوبـه كآن بيلبس :بسسسم الله 
 تميم : هههههههههههه صباااح الخيــر 
 تامر : يااشيخ انا لو بتزوج عشان مااصبح عليك في الصباح 
 تميم :هههههههههههه اخصا عليك تزعلني 
 تامر بحده : يااااتميم ايش تبا 
 تميم : أمي مقفله باب المطبخ بالمفتاح ايش الهرجه ممنوعين ناكل ولا ايش 
 تامر : ههههههههههههههههههههههههههه لا ياأهبل فيه فار وكنا نايمين فخافت وقفلت الباب
 تميم : هههههههه كوويس والله انفجعت المهم كلمتك يعني ؟
 تامر : لا ارسلتلي على الواتس " خلي منك فايده و لما تصحى اقتل الفار اللي بالمطبخ "
تميم : ههههههههههههه ايش احساسك بعد دلع امي دايما ساير تتهزأ 
 تامر : يلا نتحممل شويا بكرا خميس ياحلو 
 تميم : يعني !
تامر : يعني لازم نكلم اخواتك عشان يجو وفيه ليث
 تميم ضيق على عينو : تكفى الله يسعدك انتا كلمهم انا ماقدر يكفي رايح اكلم جنى وحاسس بمسئوليه 
 تامر : انقلللع ياتميم 
 تميم : ههههههههههههههه 
 وخرج رايح للدوآم 
 ومتتتتتتتتتتووووتر وكأنه رايح يخطب
 امـآ 
 تـآمر راح لدوآمه وبما إنو روان تصحيه على الموعـد سار بنسبه له عن الف فنجآن قهوه 


 تميم اول مادخل العيـآده قلبـه غااص وهوا شايفها مو باينه يدها ايش مسويتلها 
 بسبب كم العبايه
 دخل بخطواات عاديه لكن قلبه يدددق بسـرعه 
 متتتوتر بشكل مو طبيعي 
 طالعت فيه وبعدها شتت عينها بقهرر ..
ماقدر يكلمها دحيـن طلـع لغرفتـه
 ومستني البريك اللي ياخده عشان يكملـها 
" عادي حقولها انا اسف وامشي "
 " اكيد ماحتسكت وحتستفزني اسكتلها ولا خلاص امشي "
 " اووووف "
والساعات بتعـدي لين مانزل ..وشافها مع صحبتها 
 مو عارف كيف حيكلمها 
 جا لحدهم 
 بينهم طـآوله لابس سكرابه الكحلي من غير لاب كووت ..
البنت اللي معاها طالعت فيه كآنت بتسئلو في ايش تقدر تساعده بس لما شافتو يطـآلع بجنى
 بعدت نفسها وسابتلهم المكآن ..
تميم : السلام عليكم
 جنى جالسه على الكرسي قبال الكمبيوتر .. وقالت : وعليكم السلام
 تحرك يدها على الماوس وتطالع في الشاشه واضح انها ماتبى تتكلم معاه ..
 : انا اسفه على امس 
 جنى ولا طالعت 
 وتميم مرتاح انها مابتطالع بالعكس مخليه ياخد راحتـه : طول امس ضميري مأنبني بذات لأنو خرجتي وماعرفت ايش سار معاكي
 بجمود هرجت وبرضو عينها ماجات بعينه : كويس عندك ضمير
 تميم رفع حآجبه حيمسك نفسه حينهي الموضوع : على العموم انا قلت اللي عندي 
 جنى : الله يديك العافيه 
 تميم عارف انها بتتريق : الله يعافيكي
 كآن بيمشي الا سابت اللي بيدها وقالت بقهر : بس الله يخليك لو فكرت المره الجيـه تسوي حاجه اديني خبر قبلها 
 تميم : هههههههههههه _ قمط نص ضحكته لما حسها تهرج من جد مرااا انفجعت من ضحكته رفع يده ومررها بللبسه باارتباك _ معلليش والله 
 جنى تطالع فيه تبا تقتله !
بجدو يضحككك !!
يدها مشوهه وهوا يضحك !!!
قامت من مكآنها بنرفزه واتوجهت تروح تجبلها موياا قبل لاتقتلـه 
 حست بخطوواته وراها 
 حتقتتتتته 
 حتقتتله 

 وفجججاه وقفت ودارت جسمها : خخخير هااا ايش عندك كمان 
 تميم وقف بفجعه ورجع خطوى لورى : بسم الله _ اشر _ بروح اشتري 
 انفاسها تاخدها ورا بعض انحرجت تبا تصرف نفسها 
 تبا تقول شي بحقد والكلام ضايع منها 
 باسلوب طفوللي : يااارب تنحرق اجل
 ورججعت لمكآنها تـآني وماتبى تشتري مويا ولا تبى حاجه 
 جلست ورجولها تهزها بقهررر
 حريقققه جوتها 
 ايوا حاقده 
 ايوا عقلها صغغغير
 ايوا تبا تقهره 
 كآن يحبها وهوا صغير ولما خلاها متعلقه فيـه سحب عليها 
 وسحب عليها بطريقه وسخـه 
 يشوفها بنهايه الممر يدير جسمه 
 تدق الباب تسمع صوته واخواته يقولولها نـآيم
 مايكفي شووهها من برا كمآن قهرهاا ..
مآكآنت تحبـه " الحب والغرام ودا الكلام "
لا حب طفووولي صااحبها اللي يتكلمو كل شي لبعض 
 اللي تجري بحمااس عشان تقولو بس بابا اشترالنا اليوم حلويات مرا كتتير



 تميم مصدوم من دعوتها مو عارف يضحك ولا ايش بزبط التعبير المناسب 
 بس مشيت من قدآمه وهوا ماتحرك لثواني وبعدها اتوجه بتشتت واشترالو اكـل 
 جلس ياكل لقى ترف مكلمتو على قروبهم
" ها ايش سويت "
 "قالتلي يارب تنحرق واضح انو قلبها ابيض "
 " ههههههههههههههههههههه نفسي اشووووفها "
 " ماتغيرت كتير "
ترف بجرأتها المعتاده كتبت " يعني جميله وحطت غمزه "
تميم وجهه اتغير لونه ارتبك مو عارف ليش " ايش تبي انتي "
ترف تحب خجل اخوانها " هههههههههههههه ولاشي بس كنت بسئل "
وقعد يتكلم مع ترف لين ماخلص وقام جاا يمشي 
 الا بس وصل عند جنى 
 اللي جمبها نادتـه وقف وسارت تسئلو عن ألم يجيها 
 وجنى ترفع عدسه عينها بتملل لما يتكلم 
 يطالع بصحبتها وبعدها بجنى لاشعوريا 
 مرا مستفززه !
 : طيب شكرا يادكتور
: عفوا 
 حط جواله ومحفظته على الطاوله ونزل بجسمه يربط حبل جزمتـه ..
جنى تطالع بالجوال وقفت قريب ونفسها تدف بالملفات الجوال ..
ضحكت بينها وبين نفسها بس وهيا تتخيل شكل جواله مكسور ..
ايفون اكــس 
 نفسها تكسرو على راسـو
 ودوبها بتتجرأ الا قلبها وقف وعينها اتعلقت بالشاشه 
 طالع بالشاشه الرئيسيه قروب الواتس " تميم وجنى "
وقف تميم طالع بوجهها المصدوم
 وهيا شتت عينها وادتو ظهرها بكل ارتباك 
 ماستوعب ايش الهرجه سحب اغراضه ومشي وبعدها طل بالشاشه 
 حس انو بيغمى عليه مع الفجعه 
 كل المواقف بكوووم ودا بكوم تــآني ..
يضغط على المصعد ولسى تعابير وجهه مفجوعه 
 ايش حتقول عنو !!!!
وجهه اتغير لونـه 
 نفسو يصرخ من القهر 
 ايش حظووو الأهبـل دا 
 ليش ماحط جواله في جيبـــه !!!!
ليش اساسا سمى القروب بدا الاسـم !!!
بس ماشافها بعدها لين ماخلص الدوآم خرج من بوابه تآنيه عشان لايطـآلع فيها ..


تـآمر بس خلـص دوآمه كلم لمى وعدي يجو لبيت تـرف .. 
لازم يتكلم معاهم بكرا حيتجمعو عشـآن يرضو امهم ولا ماتبى تشوفهم ..
وصل لبيت ترف دق الجرس وفتحلو الباب محمود 
 تامر ابتسم : انتا خلاص عايش هنآ 
 محمود سلم عليه : هههههههه انا ظل سامي 

 دخلـو لجوآ وسامي ومحمود انسحبو لغرفتهم .. اتكلمو عـآدي في مواضيع عامه 
 لين مادق الجرس وراح براء دخل عدي ولمـى .. جلسو الخمسـه ..
 : تميم شكلو ماحيجي فاخليني ادخل بالموضوع 
 ترف ضمت يدها تحت صدرها وتطالع في تآمر عارفه باايش حيهرج 
: بكرا ليث حيجي وبكرا اللمه عندي امي ..شفتو كلامها بالقروب
 ترف : انا ماحجي
 تآمر سحب جسمه لطرف الكنبه واتكلم بااهتمام : شوفي انا حقول دا الكلام قدام ازواجكم لأنو في يوم حتكونو عيله عندكم اطفـآل حتحسي باايش يعني أم تتجمع وعيالها متفرقين إيش ماكان بينكم إحنا ملزومين نتلم كلنا _ جات ترف تتكلم الا تامر قاطعها _ خليني اخلص كلامي محد قلكم اتكلمو معاه وجوده يضايقك ..بس بالمقابل يسعد امك ..وكل اللي حتسويه حيتردلك في يوم بعيالك 
 ترف : ماما لو عرفت ايش سوا فينا ماحتطلب دا الطلب
 تامر : عشان كدا قد قلتلك انو اللي بنسويه حنتحمل مردوده علينا ودا اول شي 
 ترف : انا ماليا دخله ياتامر كل اللي فيا وبولدي بسبب ليث
 تامر : شوفي عارف انو ليث غلط عليكي وماحيكون اللي سواه فيكي اكتر من اللي سواه بلمى .. الشي الوحيد اللي كسرك فيه روحه سامي لأبوه ودا الشي الوحيد اللي بسببو انتي حاليا كسبانه واخدتي ولدك ربي عمى بصيرته بس كان بصالحك في النهايه 
 ترف بعدم استيعاب : انتا جاي دحين تدافع عنو 
 تامر : لا كلامي واضح بقولك هوا غلط بحقكم بس غلطو اداكي كل اللي تتمنيه انا مابطلب منك انك تروحي تتكلمي معاه كل اللي بطلبو انكم تتلمو في نفس البيت وبكيفكم كل واحد يقعد في مكآن 
 لمى بهدوء : انا عادي عندي
 كلهم طالعو فيها مفجوعين اولهم عدي 
 تآمر ابتسم طالع في لمى ورجع طالع في ترف 
 ترف على نفس موقفها : انا مابى 
 براء مسك يد ترف : تعالي بتكلم معاكي
 براء وقف وترف انسحبت معـآه
 عدي يطـآلع بلمى مآكآن دا امس كلامها 
 تلعب بااظافيرها وقالت بقهر : مااما ماسارت ترد على اتصالاتي ماباها تكون زعلانه مني انا ماصدقت ترجع كويسا معايا 
 عدي ضعف ماعلق 
 تآمر : أمي مابتكلمنا كلنا حتى ليث ترا حيجي مغصوب لأنو عارف انكم ماحتاخدو راحتكم 
 لمى : خلاص مو مشكله نتجمع ولو اضايقت حروح غرفه تآنيه
 عدي : لو اتضايقتي حنرجع البيت
 تامر طالع في عدي وعدي قال بتبرير : الموضوع مو بسيط اللي سار
 تامر : مستحيل يقدر يسويلها شي تآني
 عدي : طيب اسمع دام لمى موافقه تجي بكرا فاحقولك هيا من دحين عشان ابري ذمتي ومحد يقول ليش عدي سويت كدا 
 تآمر مو شايل هم براء اكتر من عدي بدا الموضوع : اللي هوا ؟
 عدي : ليث ...لو فكر بس يطالع بمرتي بنظره تهديد او حسيت انو اتكلم معاها بااسلوب أمر وهوا مالو حكم عليها ...فالحد يلومني لو غلطت عليه قدامكم وصدقني مو بلساني حغلط 
 تآمر لأول مرا يتكلم مع عدي بحده من بعد الفرح بس بيحاول يحط نفسو ف موقفو : لو ليث لسى بعقلو الأول كآن انا اول واحد قلت لأخواتي ....ماحجي اضحك عليهم 



 في غرفتهم ..
 : ترف حبيبي ايش بكك 
 ترف بقهر وهيا تتنفس بطريقه سريعه : شوووف بللله جاااي ايش يقول اللي سواه ليث كآن من مصلحتي
 براء : مو دا مقصدو ياتترف بيقولك مردود الموضوع كآن بشكل ايجابي لكي يعني الشي الوحيد اللي عانيتيه من ليث تهديده وحاليا مايقدر يفك فمو عليكي
 ترف : إنتا شايف انو فيه ايجابيه بالموضوع !!!! شااايف وضع سامي ولا لا !! 
براء : حبيبي وضع سامي بسبب قاسم 
 ترف : وقاااسم من فين عرف مكآن ولدي
 براء : لو ماعرف من ليث كآن عرف اول مارجعتي لأهلك !
ترف : انتا ليش بتدافع عن ليث 
 براء : وربي ماهمني ليث انا اباكي تخرجيه من راسك كأنو عدوك ..قاسم عدوك الوحيد اي شخص اذاكي بعد قاسم كآن بسبب قاسم برضو حاولي تفهمي دا الموضوع 
 ترف دموعها اتجمعت بعينها دارت راسها : ماععندي استعداد اشوفو 
 براء : عشان امك 
 ترف صمتت وبعدها نزلت دموعها : ماااحبو 
 براء قرب منها وحضنها : حبيبي حكون معاكي مو انتي تقوليلي تثقي في تآمر وايش مايطلب منك ماحترفضيلو أهو جاكي اليوم يطلب منك دا الطلب 
 اللي سوالها تآمر مو شي بسيط تآمر كآن حيموت بسبب ولدها .. براء جاها على الوتر الحساس
 مايباها تدخل في مشاكل مع اهلها 
 شايفها مبسوطـه دي الفتره 
 ولأنو بيدي مبررات دايما لليث فحاول يكون بصف تآمر ..
مسحلها دموعها وخرجو جلست ترف وبعد صمت قالت : طيب 




 بعـد المغرب هديل اتصلت على روآن وقالتلها حنطلع السطوح انا وبشار 
 حاولي تجي ماصدقت يطلـع ..
في السطوح ..
ماسكـه يدو قلها بهدوء : امي قالتلك لاتمشي 
 سحبها لحد الكرسي جلس وكآنت بتجلس على الكرسي اللي جمبو بس جلسها عليـه ..
ابتسمت : فاكر لما قلتلي حتشيلني وانا لابسه الفستان الابيض 
: مو إنتي متحمسه حملتي على طول
 هديل : هههههههه دحين انا الغلطانه ها
 بشار مبتسم ابتسامه خفيفه : ايوا دحين حتى السفر ممنوعه منو
 هديل سوت وجهها حزين : خليتني احلم احلام مرا كتير
 بشار : وإنتي عارفه اني عند وعدي بس تولدي بالسلامه نسيبهم عند امي ونشرد مو لازم نرجعلهم كمان 
 هديل : هههههههههههههههه والله إنتا متورط فيهم صح ؟!
بشار حرك راسه بالنفي وقال بااسلوب واحد باين انو كداب : مرا اباهم
 هديل : ههههههههههههههه والله بنكدب على نفسنا 
 بشار : مو إنتي قلتي حلمتي وكنتي مبسوطه 
 هديل : ايوا بس نومت وصحيت استوعبت الموضوع ورجعت للفجعه
 بشار : عادي نوزعهم واحد عند امي وواحد عند دلال وروان حتاخد كمان واحد
 هديل وسعت عينها وضربتو بقهر : للليش تتكلم وكأنهم مو بزورتك
 بشار : انا ماحستوعب لين ماشوفهم قدآمي وقتها اخاف اشرد منك كمان 
 هديل : ههههههههههههههههه والله حتتحملنا الاربـعه 
 بشار : إنتي على قلبي زي العسل 
 هديل سكتت شويـآ مهما يتكلم اسلوبـه وهدوئه كاسرها ...اتنهدت وقربت وحضنتـه 
 وقامت مفجوعه من الصرررخه 
: فسسسسسسسسسسسسسسسسسسسسسسسسق وفجوووووووور
 حطت يدها على قلبها وتطالع في روان الداخله 
 وبتسمت اول ماطالعت في بشار وكأنو دوبها ماصرخت 
 لها تلاته ايام ماتشوفو : وااااه اخوووويا حبيبي وحشتني
 بشار مسك يد هديل وجلسها بالكرسي اللي جمبو ورجع طالع في روان : كنت مرتاح دي اليومين وانا مااسمع صوتك
 روان وقفت قدامه ومدت يددها وهيا تمسك خدهوهوا دف يدها: مو من قلبك عارفه والله
 بشار : امشي ياهبله
 روان : شووف والله انا طالعه لأني ابا اشتكي مخننوووقه
 بشار : من ايش 
 روان : البواب 
 بشار عقد حوآجبه : ايش سوالك 
 روان سكتت وبعدها قالت بجديه : احسو معجب بدلال
 بشار وهديل وسعو عينهم بصدمـه 
 وهيا هرجت بصدمه زيهم : والله كل ماتخرج معايا ولا تنزل القاه يطالع فيها 
 بشار : انتي بتحللي من راسك ولا متأكده
 روان ضيقت عينها : طول عمري تحليلاتي صح 
 بشار : امشي ياكدابه 
 روان : والله العظيم شفتو مرتين يطالع فيها ايش تبا اكتر من كدا انزل اضربو ولا انا حروح اضربو
 بشار : الرجال كبير في السن 
 روان : موووو هوااا دا عشانو كبير في السسن انا خايفه يتقدملها 
 هديل : ههههههههههههههههههه روووان بلا هباله 
 روان : الموضوع مايضحك ترااا مرعووبه انا
 بشار بدأ يعرف طبعها اول هديل ماتباها تتزوج ودحين امها : لو انو يباها واتقدملها ايش يعني 
 روآن وسعت عينها : نعمممم نعممم !!! 
بشار : ايش ناقصوو ادمي مستور و
 روان قاطعتو : مابتكلم عن ايش ناقصو انا ليش اساسا تتزوج اهو ماصدقت محمد بيرسلها ورقة طلاقها 
 هديل :انتي مرا انانيه 
 روان : محمد حقير
 بشار : طيب كلنا عارفين بس دا محترم ومن يومه يشتغل عندنا ولا أحد شاف عليه غلطه 
 روان مسكتو من بلوزته وهوا جالس جات تسحبه بااتجاهها مانسحب هيا قربت عادي اهم شي تكمل مود التهديد : اسسمع انتا لو ماخرجت من حياتي حطعنك وانتا نايم 
 بشار نزل عدسه عينه ليدها وهيا ماسكه بلوزته ورجع طالع فيها وقال بنبره صوته الي تفجعها : نززلي يدك
 روان بلعت ريقها سحبت يدها والبلوزه اتكرمشت ابتسمت بخوف وسارت تمسد على بلوزتو وترجعها زي اول : كأنو ماسار شي 
 هديل : ههههههههههههههههههههه ماتستحي والله
 روان : عاجبتك الجلسه تحت 
 بشااااار ماصدق استوعب الموضوع : على فكره انا وهديل ماحنسوي فرح واليوم نامت بغرفتي يعني شويا امي حتطلع تاخد اغراضها واباكي تساعديها 
 روان ضحكت تحسبو يمزح : اسري بلله
 بشار : والله 
 روآن طالعت بهديل وهديل انحرجت وهنا حست الموضوع بجد 
 نبرة صوتها اتغيرت : من جد ؟
 بشاار : لما احط اغراضها بغرفتي وقتها استوعبي
 روان : دي المواضيع ماحب امزح فيها 
 بشار : ولا انا
 روان : امانه
 بشار : تبيني احلفلك على المصحف
 روان استوعبت انو كلامه صح سكتت وبعدها قالت : اصلا عادي 
 رفعت جوالها وبتضغط اي شي بتحاول تشتت نفسها 
 وبشار مو مستوعب رده فعلها ملاحظ انها تبا تبكي 
 سميه ماتبكي على اي شي
 هديل دوبها بتهرج الا روان بكككيت 
 دارت جسمها وبشار قام مصدوم : هييي ياهبله
 جا بيمسكها بعدتو : بعععد اصلا من يوم ماشوفتك وانا مو مرتاحتلك 
 بشار ضحككك من قلبـــه : هههههههههههه تراها تحت يعني متى ماتبيها تلاقيها 
 روان : لا مااابى اباها عندي
 هديل : رووان والله دايما حكون عندك 
 روان بكاها بيزيد والموضوع بجدددد قاهرها
 بشار بصدمه يمسكها : تبيني اديكي مفتاح نسخه لبيتنا عشان ترتاحي
 روان : ايييوا 
 بشار : والله لو تنقسمي نصين ماديكي
 روان دفتتتو بقهر : للليش تقترح اجل
 بشار : بقهرك قلتلك حتزوجها 
 هديل : بشااار !!!
روان : والله حقتلك 
 وفجأه هجمت عليـه وهوا يمسكها من اياديها وترفس برجولها 
 لف يدها ورا ظهرها بعد مابهدلتو : ماشالله عليكي 
 روان : يددددي اااه سيبها 
 بشار : من اليوم ورايح متى ماتبي هديل تستئذني مني
 هديل ضربتو : بشااااار بطل هباله 
 روآن : والله لاأنسخ مفتاح لبيتكم والله حتلاقوني بينكم فجأه
 بشار : لاتحلفي طيب
 روان : طيب حنننشوف سيببني
 بشار سابها وهيا مسحت دموعها وتطالع بهديل : خليكي وراااه حتندمي وتجيني تبكي تقولي ياريتني سمعت كلامك 
 بشار : هههههههههههه يعني الكلام دا تقوليه لوحده تجري ورا واحد مو قدها حااامل !!!!
هديل : ههههههههههههه انا سرت مو عارفه ادافع عن مين فيكم الإتنين مستفزين 


 ويفضلو دول البنتيـن سبب تغيره لجووه .. يضحكو يمزحو بس اغلبها مضاربه دام 
 بشار وروان يوقفو قبـآل بعــض 
 دلال تحت وكل شويا تطـآلع بالسقف لما تسمع صوت ججججري مجانين 
 تبتسم تحسب انو بيلعبو لعبه كيووت
 ماتدري انو بشار يلحق ورا روان عشان يمسكها في الركنيه ويضربها
 سهل تستفزو وسهل يستفزها زي البس والفـآر 


 وجـآ يوم الخميـس المنتظر .. توتـــر بشكل مجنون 
 كل واحد في بيتـه بيحاول يتجهز بشكل بطئ
 ترف 
 لمى 
 ليث
 ولا واحد فيهم يبـآ يجي .. الضيقه طاغيه عليـهم 
 التوتتر 
 التردد 
 الاإرتباك 
 دا اللي يحسـوه ..
فرق بين احساس ترف وبين احساس لمى 
 وحده حقـــد وكره 
 والتآنيه خووف ورعب 
 وهوآ احساسه اسوء منهـم ..
اتجهزت امل ودانه واحمـد وركبـو السياره 
 وفي الناحيه تآنيه ترف وبراء وسـآمي 
 والجهه التآلتـه عدي ولمـى 
 كلهم متوجهيـن لنفس الوجهه ..
وصلـو باأوقات متفرقـه ..
وكآن اخرهم ليـث 
 لما دخل المجلس 
 واول شي سلم على امه وكآن حيسلم على رجالهم من بعيد 
 بس اضطر يروح لما امه اشرتلو : سلم على اخواتك ..
سلم على براء وسامي ..وترف حتى ماوقفت مد يدت ف مكآنها وسلم
 من غير ماتطالع فيـه 
 راسها ياابس
 رضيت تجي بس حتسوي اللي تباه 
 بعدهها لمـى وقفت بس قرب منها يحسها متردده 
 بس سلم سحبت جسمها وجلست عمرها ماقربت منو إلا قال شي يضايقها 
 او ضربها 
 او هانها 
 وعلى عدي اللي بس سلم ولا رد عليه 
 السلام لوحده بنسبه له إهـآنه كآن ..
امل دخلت لها فتره طويله ماتجيهم 
 سلمت بس على البنات وجلست جمب ليث 
 بعبايتها وطرحتها ..
اما لمى متحجبـه ولابسه بلوزه طويله وبنطلون ..
بين اهله واهلها يخليها تفسخ وتلبس شي محتشم عشان تاخد راحتها ..
ترف لساتها زي ماهيا لكن بيدقق في لبسها الضيق والوسيـع ..

سـآمي 
 قلبه سار يدق بسرعه ومو عارف كيف امه رضيت تجي
 هيا قالتلو مستتتتحيل في يوم اسامحه !!
مستحيل ارضى بلللي سواه فيا !!
كلهم شالو هم نفسـهم ولا أحد كآن متوقـع في واحد 
 حينقهر اكتتر منهم 
 حيحقد اكتتر منهم 
 حينخنق اكتتر منهم 
 له اسبوع مبسوط ومرتـآح ليش لازم يذكروه
 يطالع بالولد الصغيـر دا ولده لدحين لافف يدو كل مايجي يخرج يلبسوه شي حولين رقبتـه
 ويحط يده 
 ريحـة البخوور
 بروده المجلس الكبيـر 
 الاضائـه الصفـرا 
 تميم بيدو دله القهوه والفناجين : شوفي يالمى حعتبرك ضيفه 
 لمى تحس انها فاقت بصوت تميم ابتسمت باارتباك وقامت : هات عارفه انك بتدق بالكلام
 تميم على طول ساب اللي بيده وبجد دا غرضو : دايما تفهميني والله
 امهم تطـآلع مبسوطه 
 عارفه انو الجو مشحون 
 واااضح اساسا بس عندها نظره غير 
 مع الايام غصبا عنهم حيتعودو 
 ولو بينهم محاكم لما هيا تكون بينهم يجو كلهم ..
عديي : المسكينه دوبها جايه من اختبار احتمال ترسب فيه ليش 
 وقبل لاتنطق لمى واقفه في النص وطالعت فيه مفجوعه وقاطعته : انا ماقلت حرسب !
عدي : إحساسي ياعمري الوجه اللي خرجتي منو وجه وحده راسبه
 تآمر : ههههههههههههه خليها تنفجع في وقتها ليش تذكرها
 لمى رجعت تطالع في تآمر : والله ماحححرسب غلطت في سؤال واحد 
 عدي : وداك السؤال اللي شاكه فيه !
لمى بتشتت : يعني سؤالين 
 عدي : واللي قلتي سبتيه للنهايه ونسيتي تحليه 
 لمى شويا وتبكي دارت راسها لأمها : ماماااا شوووفيه 
 عدي : ههههههههههههههههههههه 
 امها : حراام عليك خلاص لاتخليها تفكر
 لمى : ومين قاااال اني حرسب انتو صدقتو 
 طالعت في عدي بحقد : والله ماحصبلك قهوه 
 وراحت بنرفزه تصب للكل وعدت من جمبو وهوا يضضحك ويناديها 
 يحبو جلستـه مايهتم كيف يعاملها فيه احد مافيه هوا هوا نفس المعامله 
 جات عند امل ابتسمتلها صبتلها قهوه وصبتلها قهوه تآنيه 
 قصدها تديها لليث 
 ومشـيت ..
اما امل وليث كآن الوضع بنسبه لهم غريـب 
 مستمعين ولو احد كلم ليث بيرد ..
ترف بتحاول بقدر الامكآن تكون طبيعيه 
 لين مابدأ احمد يطفـش ..وسامي مازال يطـآلع بعيله ليث ..
قام احمد بتملل وراح لجدتـه جلس جمبها ويهمسلها : انا طفشان 
 ابتسمتلو : ايش تباني اسويلك 
 رفع كتفـه بتملل
: سلمت على خالاتك ؟
 اشر بالنفي : روح سلم عليهم عشان اسويلك اللي تباه
 احمد قـآم وفجأه فجع ترف لما وقف قدآمها وابتسم
 مد يدو اليمين وهيا سلمت عليه بصدمه لهم سـآعه فيه دوبو استوعب 
 وراح سلم على لمـى 
 وراح لتميم : خالي انا طفشان 
 ام تآمر : ههههههههه حيدور على الكل ويقول نفس الكلام
 تميم : ههههه ايش تباني اسويلك 
 احمد : تعال نتصارع
 تميم : هههههههههههههههه لا مرا مو دحين 
 احمد رق من تميم ويهسملو : مين داك الولد
 تميم : اسمو سآمي 
 احمد : عادي اتكلم معاه
 تميم : هههههههه ايوا عادي
 وفضل احمد هوا اللي يتجول بنص المجلس كل شويا رايح لواحد 
 مو قادر يتحمل وضع الصمت اللي كآن فيه 
 وقف عند سآمي والكل حس بتوتر واولهم ليث وترف . .
احمد : تجي تلعب معايا 
 سامي على طول نفى براسه من غير مايعرف ايش
 احمد : خالي تميم عندو بلاي ستيشن صح قديم ومعفن بس عادي نقدر نلعب
 ليث : هههههههههههه
 تميم : هههههههههههه طيب ياحيوان شوف مين اللي يديك هوآ
 احمد بتبرير : مرا قديم انا اشتريت بعدو اتنين 
 تميم : برضو ماحخرجلك هوآ
 احمد : انا طفشاان
 تميم : كآن جبت البلايستشين الجديد حقكك
 ام تامر : هههههههههه حتحط عقلك بعقله 
 تميم : حزت ف نفسي الكلمه 
 احمد مشي بااتجاه تميم وقال : اصلا حقي البلاستيشن ماسار احد يلعب فيه


 ترف تهمس لبراء : حنقعد كتير
 براء : ههههه اهلك مو اهلي وبعدين شوفيهم في حالهم حتى ماطالع فيكم
 ترف مو عارفه ايش مضايقها بس كدا جالسه بالقوه 

 امـآ احمد مازال يتكلم : ولد جارنا قلي اديني هوآ 
 تميم : قولو انقلع 
 ليث : تمميم !!!
تميم : ههههههههههه فجعتني ماتوقعت تسمعني 
 احمد حكاه بقهر :انا اصلا مابى اديه بس هوا قلي متى حتفك يدك قلتلو يدي مو مكسوره انا غرقت في المسبح وبابا كآن مشغول وماشافني فابعدين ماسرت اقدر احركها وسار كل يوم يقولي خلاص اديني هوا انتا ماتستخدمو
 بابان كآن مشغول وماشافني ..!
بابا كآن مشغول وماشافني 
 جمله خلت الكل يطـآلع بليث لاشعوريا ...
ليث زي الككف اخدوو لأول مرا يسمع ولدو يحكي عن الموقف !!
تميم باارتباك : ماعليك منـو _ وقف _ تعال تعال 
 وخرج احمد وتميم من الغرفـه ..
وكلهم شتتو نظرهم 
 ليث بدأ يحرك رجلـو 
 الجمله خنقتو وطالع في امو اول ماجلست جمبو وابتسمت
 وبتحاول تكلمو في اي موضوع 

 لاشعوريا ترف ولمى كل شويا يطـآلعو فيه
 مرا حزنو عليـه 
 ولا شويـآ إلا قـآم من مكآنه وصرف نفسو وخرج من البيت 
 لمى قامت وراحت جلست عند امل وامـها ..
ام تآمر : ماقلك دحين فين رايح ؟
 امل : حيقعد تحت وشويا طالع بس بغير جوو 
 ام تآمر اشرت براسها وشويا وقامت لأحمد 
 امل ابتسمت للمى : كيفك 
 لمى : تمام _ طالعت في ترف ونادتها تجي _ 
جلسو التلاته لأول مرا كآنت تجلس معاهم وهما صغار ويباتو عندها 
 وتعبيلهم فطورهم وتطبخلهم الغدى
 كآنت تحب وجودهم في بيتها ..
الفرق اللي بينهم بس 10 سنوآت لكن حاليا مو واضح الفرق كبيـر ..
ترف : كيف حال احمد دحين
 امل : الحمدالله بدأ يتعود وإحنا نتعود 
 لمى بتردد : ليث زعل صح ؟
 امل ماتوقعت لمى تفتح سيرته تباهم يفهمو انو بيتعذب نفسيا : اللي سار مو بسيط .. لساته مأثر بنفسيته وحاسس انو السبب 


 والكل منقسـم ..
براء وعدي وتآمر وسـآمي في مجموعه 
 ترف ولمى وامل في مجموعـه 
 في الصاله تميم واحمد وامهم بيحاولو يرضوه باأي شي
 ودانه بتملل رفعت رجولها على الكنبه وميلت جسمها على الركازات ونآمت 
 اتعودت خلاص الكل يكون ورا احمد 
 ومـآزال سامي شايفها مدلعه بدون سبب .. 


بدأت الجلسـه مايحسو فيـها 
 بدأت ترف تاخد على امل حتى لما جا ليث جلس بعيد
 هوا الوحيد جالس مع امـه 
 حاسس ازوآج اخواته طيبين وبنسبه له دا يريحه كتيـر ..
كل شويا يجي تميم يقعد معاه او تآمر ..
فيه انقساام واضـح ..
لكن بيتغاضـو عنـه ..



وبس خلصت الجلسـه ...
وخرجو كلـهم على الساعه 1 .. امهم حست انها مننتصره
 يكفي انهم دخلو متوترين وخرجو مبتسمين ..
تميم اتمطع بتعب : اتووقع كدا رضيتي عننا ؟
 امهم : لسى باقي شي ..
تامر دوبو بيوقف الا رجع جلس 
 تميم بتملل : ايش هوا !
امـو : انتا روح غرفتك كلامي مع تآمر 
 تميم انسحححب بعد مادا النظره ديك لتآمر حق " اتاك الموت ياتارك الصلاه "
امو : تعال هنا
 كان جالس في اخر الغرفه قام من مكآنه وجلس جمبـها : ايوا هلا
 امو : يوم السبت اباك تفضيلي نفسك
 تامر : ان شالله بس ليش ؟
 امو : شوفتلك وحده عجيتني وابا اخطبلك هيا 
 تامر رفع حوآجبه الاتنين بصدمه 
 امو بحده : دام وصلت لمرحله انك ماتعرف تتحكم بتصرفاتك فاتوقع دا يعني تتزوج 
 تامر سكت شويا بعدم استيعاب وبعدها قال : وانا قلتلك البنت اللي اباها 
 امو : ماحتاخدها 
 تامر : اجل ماحتزوج 
 امو مو متعوده يتكلم معاها بدا الاسلوب قالت بصدمه : بتهددني يعني !
تامر : لا .. انا عمري ماقلتك افكر بالزواج ودايما تميم اللي يكلمك بدا الموضوع 
 امو : اهااا انتا عاجبتك الراحه اللي اخدها في حياتك 
 تامر : هيا البنت الوحيده اللي اتجاوزت حدودي معاها وقلتلك السبب وعارف انو غلط وكل اللي بفكر فيه من ناحيتها اني اباها ليا لكن ماحروح اتزوج غيرها وانا عارف نفسي حخون بنت الناس معايا بتفكيري وبنظرتي ليها
 امو : حتنسى الموضوع بمجرد ماتخطب البنت اللي اباها 
 تامر : أمي الله يخليكي ماتبي روان قلتلك انا ماحتزوج تبيني اتزوج هيا البنت الوحيده اللي اباها 
 امو : وانا قلتلك يوم السبت حنروح نشوف النآس وواعدتهم خلاص
 تامر يطالع في امو وحريقه جوتـو : ماتنحل المواضيع بدا الشكل اخد وحده تانيه وحظلمها طول عمري معايا عشان توصليلي ايش بزبط .؟؟؟ قلتلك عارف اني غلطان بس لاتحلي الغلط بمصيبه اكبر منها انا لو خطبت وحده غيرها حخونها كل يوم مع روآن 
 امه : وانا لسى عند كلامي انها نزوه وحتعدي
 تآمر : أمي انا حدخل التلاتين !!! نزوه ايش اللي بتتكلمي عنها !!
امه : ليش لو انك محترم كآن لمست الببنت بداااك الشكل
 تامر بقله صبـر : بقولك ااااسف غلطان والله غلطططان انا عارف دا الشي 
 امه بشده : يوم السبت حتسوي اللي انا اباه 
 تامر رمش بهدوء ... كآنت حتقوم بس وقفها بصوته المخنوق : ومتى حسوي انا اللي اباه ..؟ متى حتجي لحظه واقول اخيرا ياتامر حتتهنى بحآجه انتا اخترتها بحياتك لا دراستي اخترتها ولا عملي اخترتو مسئوليه بيييت واخ ..من مرض ابووويا وانتي عارفه انا قد ايش متحممل ...تجي دحين بعد دااا العمر كلوو تقوليلي حتى زوآجي ماليا حق اختارو ؟!! ماتبي روآن فامعنـآته لاتفرضو عليا اي بنت غيـرها 
 قام واتوجه لغرفتـه 
 وتميم في الصآله مفجووع ماتوقع تجيه الجرأه يتكلم كدآ 
 في عيلتهم هوا اتعدى حدوده مرآ ..
بس بنفس الوقت كلامـه خلى تميم يزعل عليـه ..
طول عمره يختار الشي اللي ممكن يريح اللي حوليـه 
 حتى مجآل عملـه اختار الشي اللي يجبلو دخل مادي اكتر عشان يقدر يصرف عليهم 
 درس كم سنـه من عمره وهوا يكره المجآل اللي دخلو بس جبر نفسـه عليه 
 تعب في الجامعه بااول سنه بسبب مرض ابـوه 
 وفي تآني جامعه بسبب تميم وقهره من النآس 
 وتالت جامعه وامه مرضها بيزيد ووضعها مع لمى من سيئ لأسوء
 ماسار اول مايصحى من نومه يشرب قهوه من فراغ
 قلة نووم 
 كترة تفككير
 مسئوليـه 
 لازم يشرب حاجه يخلي الصداع يفك من بدايه يومـه 

 كل واحد اتوجه لغرفتـه 
 تميم انسدح على سريره حط يدو تحت راسـه 
 يتحمل كل شي الا قهر تآمر
 دا كآن له اب قبل لايكون أخ
 بيحاول مايدخل
 بس الضيقه بتزيد جوته وكأنه الموضوع موضوعه 
 كل شي تآمر سواه عشآنه 
 عشان تـرف 
 عشان لمى 
 عشان امـه وابوه 
 بيجي في راسه وماقدر قاام من على السرير 
 خرج من غرفته واتوجه يدور على امه دق على باب غرفتها 
 وفتح الباب وهيا نفس وضعه كآنت بتفكر ..
الاضائه خافتـه 
 دخل بهدوؤ وجلس على السرير : قلت اكلمك قبل لاتنآمي ..
رفعت جسمها وجلست استنتو يتكلم وماعلقت حتى هيا انقهرت من كلام تآمر ..
 : ايش مشكلتك مع البنت اللي اختارها تآمر ؟
 زفرت بضيق : لاتدخل ياتميم 
: فهميني 
 سكتت وبعدها قالت : كللل شي موضوع البنت بكبره وقصتها جنان اخوك تربيتي و
 قاطعها : قصه البنت اخر شي حنتكلم فيه ياأمي لأنو انتي عارفه قصه ترف ..وبراء اخدها لأنو عارف مالها ذنب بللي سار إحنا مانقدر نختار حياتنا واهلنا ليش تنظلم بنت النآس عشان ابوها وسخ عشان ابوها قرر يرميها طيب تبي تقولي عاشت في الشارع تآمر مو غبي .. تآمر ماحياخد وحده وهوا عارف انو سوت شي غلط إحنا رجآل ياأمي نعرف البنت من نظرتها .. دي الفتره الوحيده اللي احس تآمر مبسوط فيها خلاص غلط اخطبيلو البنت ولاتتكلمي معاه تقدري تعاقبيه باأي وسيله لكن مو تمنعيه منها يعني _ قال بشويش _ إحنا خلاص مو اطفال 
 امه : واضح اللي كآن يسويه م
 قاطعها : خلاااص وربي هوآ عارف انو غلـط وكآن مسافر له شهر يعني ماشاف البنت ودوبو جاي شايفتو طول وقته من الدوام للبيت .._ مسك يدها _ امي تامر تعب كتتير في حياته لانكون احنا كمان ضده
 امه بتشتت : خلاص لما اصحى يسير خير
 تميم ابتسم كلمتها دي لما تبدأ تتنازل : يسير انا وانتي نعيش مع بعض وتهزأيني كل يوم عادي الحياه حلوه حتكون 
 دفتو :ههههههه روح نام بلله
 تميم : حتكلميه بكرا ؟
: لسى مافكرت 
 تميم : ياأمي خلينا ننبسط بلله شوفيه نايم مقهور دا عقآبه اليوم _ قال بحقاره _ حتسير مناسبه وحيضطرو البنات وليث يجو عشان يجهزو 
 كلامه يلعب بعقلها وترجع تتكلم بجمود: خلااص انتا ايش تبا 
 تميم : تكلميه بكرا خلاص خير البر عاجله ليش نمآطل 
: عشان اقهرو
: وربي قهرتيييه اليوم ههههههههه خلاص يعني حددتيلو موعد يوم السبت مع ناس انتي مكلمتهم ايش فيه اكتر من كدا
 ميلت راسها : ماحددت مع احد 
: هههههههههههههه هيا خدددلك ..والله نايم مقهور خلاص حلفتلك اعرف اخويا جبتي اخرو مع كلامك دا 

 وبدأ يوم الجمعـه ..اجازه 
 بعد صلاه الجمعـه رجع تميم انسـدح كل ماييفكر برشا وينقهر منها تجي في باله جنى ويبا يصرخ من كتر مو منحرج مو عارف ايش الفكره اللي اخدتها عنو 
 قام من على السرير ولساته لابس ثوبـه 
 طالع في غرفـه تآمر لقى الباب مقفــل 
 من المسجد لغرفتـه ولاكلم احد ولا سلم على احد 
 لو رفضت امـه وبس ماعنده اشكـآل حيحاول فيها بس لدرجه انها تجبرو يتزوج !
لا هنـآ كل شي يوقـف 
 راح لأمـه لقاها في الصـآله قاعده : ها متى حتكلميه 
 امه بقهـر : شايف بلله صحي ولا كلف نفسو يجي يكلمني كلمه وحده 
: ياأمي زعلان 
: لا بلله اليوم عشانها مايكلمني ..بكرا ايش حيسوي 
 تميم جا جلس جمبها : استهدي بلله ايش دخل بنت النآس دحين 
: شوووف كلام معاه مني متكلمه 
 تميم : طيب انا اكلمو 
: ولا إنتتتا حشووف نهايته 
 تميم باس يدها : يرضيكي بلله يقعد زعلان عمرو مارضي على زعلك ليش يتعامل دحين دي المعامله 
 يعرف يتعامل مع امــه 
 خبرره خلاص 
 بتردد : ماحروح اراضيـه 
 تميم : طيب اسمعي إنتي ادخلي قوليلو اديني رقم امها وهوا حيراضيكي 
 واترجاها 
 ويبوس يدها وراااااسها 
 ويرجع يترررجى وكأنه هوا اللي حيخطب مو تآمر 
 وعشاني والله يخليكي ويستاااهل تآمر ينبسط 
 ماساب شي 
 إذا اخوه رحيم فيه كدا كيف حتكون امـه .؟
 اكيـد رضيت 
 وقفت : حسويه وانا مو راضيه من جوتي 
 تميم ابتسم : والله راضيه بس بتكاابري 
 وفعلا كآنت راضيـه بس مو متعوده تكسر في كلامها قدام اولادها ..
اتوجهت لغرفتـه 
 فتحت الباب لقتـو نآيم ..فتحت الانوار وهوا دار جسمـه يحسب تميم : فيه احد ينآم دا الوقت
 تآمر حط يدو على عينه من النور : باخدلي غفوه 
 ضمت يدها تحت صدرها مو عارفه تنطق الجملـه..بالقوه قوت نفسها وقالت : ارسلي على الواتس رقم ام روآن .._ وماقدرت ماتكون قاسيه شويا _ خليني اشوف نهايتك ونحددد يوم معاهم 
 مشيت وقفلت الباب بقوه 
 وهوا ماتحرك من مكآنه لسى عينه على المكآن اللي كآنت واقفه فيـه 


 امـآ ام تآمر جلست : استغفرالله كلو من تحت راسك انتا
 تميم : ههههههههههههه اصبري اصبري دحين يجي شوفي وجهه بس كيف حيكون 
 امـه طالعت في الباب لقتو مقفل 
 تميم برضو عينو على الباب : مسكين بيستوعب ..3 ....2 ...1
وانفتـــح الباب وتميم مـآت ضحك وامـه ضحكت غصبا عنها
 خاااارج مصددددددددووووم 


 روآن ... 
ححكيكم اكتر موقف اثـر بحيـآتي ..
لكن في البدايه حقولكم ايش الجديد دي الفتـره ..
وجود دلال في حيـآتي غيرني كتيـر ..
تعليميا دينيآ حتى تفكيري بدأ يتغير زيـها 
 محمد ارسلها ورقه طلاقها بس بعد مرمطه ويومتها ا ضطريت 
 اكلم عم جميـل يساعدنا وفعلا ماقصـر ..
نفسي اقولها مآمآ 
 بس احس الكلمه تقيله على لساني بس مو على قلبي
 لكن هيا عارفه إني احبـها 
 عارفه إنو وجودها بحياتي بنسبه ليا اهم شي بذات بعد هديل ماراحت لبشار
 وتعبها الفتره الاخيره بحملها .. على قد مااعشق الاطفال واحلم إنو يكون عندي عشره
 بس هديل كرهتني بالحمـل ..حملها متعب اتوقعت كل الحريم كدا بس دلال قالتلي لا ..
اغلب وقتها بالمستشفى 
 نرجع لموضوعنا اللي اثر كتير في حيـآتي 
 الجلطه اللي ساارتلي لما كنت جمب دلال وحده تكلمها 
 سمعت اسم 
 تآمر 
 حسيت قلبي حيوقف 
 سمعت كلام يفجع واول ماقفلت دلال 
 وانا وجهي مصفـر 
 قلتها : مين !
دلال : تقولي انها ام ترف صحبتك 
 روان : ايوا ايش تبا !
دلال مو عارفه ايش تقول كدا اتفاجئت : بتخطبك لولدها
 روآن للحظـآت ماعرفت ايش اقول 
 اسب تامر ولا ايش اسوي ماععرف 
 حسيت انو مبسوط اليوم بس مارضي يقولي ايش فيه !!
طيب انا ماحب احد يشوفني مكسوفه !!!
اطالع في دلال والكلام ضايع 
 دلال : انا حتكلم مع بشار 
 قومت بصدمـه من مكآني دخلت الغرفه واتصــلت 
 وهوا ضحكك بصوتـه : هلا بحبيبي
: حبيبي في عينننننك ايش اللي سار دوبــه !!!!!
تآمر : ههههههههههههههه ايش الاسلوب دا 
: انتا ليش بتخطبني 
 تامر : هههههههههههههههههههههههههه تستهبلي ولا ايش 
 روآن قلبها شويا ويوقف : تااامر والله حبككي 
 تامر : هههههههههههههههههه 
 روان وجهها محمر ونفسها تصرخ بس خايفه دلال تسمعها : احنا ماقد اتكلمنا بدا الموضوع
 تآمر : يعني مو موافقه 
 روان : لا مو موافقه 
 تامر : هههههههههههههههههههه غصبا عنك حتوافقي 
 روآن : ترا جسمي يتنافض ماحب دي الحركات ماااحبها 
 تامر : هههههههههههههه
 روان : لاتتتتتتضحككك ترا معصبه ومو عارفه ايش اسوي
 تامر : سؤال حبيبي 
 روان : مني حبيتك لاتقولي حبيبي من بعد اليوم
 تامر : ههههههههههههههههههه يعني حنقضيها نلعب على بعض بالجوال
 روان : لا مو قصدي كدا بس _ ماعرفت ايش تقول _ مدري مفجوعه انا من اللي سار
 تآمر بجديه : روآن على قد إني متأكد انها حتطلع عيني معـآكي بس متأكد كمآن إنو ماحرتاح الا معاكي 
 روآن موسعه عينها وتمشي بصدمـه بالغرفه دي المواضيع بنسبه لها ماتجي كدا فجأه 
 يبالها تمهيــد 
 هيا حاليا بمرحله صدممممممممممه قوووووويه ..
طول سكوتها وهوا ماسك نفسو لايضحك قال عشان يجلطها : ماتبيني اكون زوجك ؟
 روآآن قلبها خلاص من النهايه حيوقف 
 تاخد انفاسها ورا بعض 
 ماعندها رد 
 تآمر : الو !
روآن بلعت ريقها : معاك
 تامر : ماجاوبتيني 
 روآن : ماحجاوبك 
 تامر : ههههههههه ليش كدا تزعليني ماتبينا نعيش مع بعض ؟!
روان بصوت وحده شويا وتبكي : والله ياتامر لو ماغيرت الموضوع حقفل
 تامر : ههههههههههههههههههههه 

" سيبوكم من دي اللحظه تههووون .. بعد ماوصل الموضوع لبشار وعرف اسمـو 
 مالقيتو غير ماسكني في ركنيـة السطوح وواقف قبـآلي " 
يفججججججججججججع ...
اخد نفسي ورا بعض وهوا يسئل وكأني مجرمه عندو 
 بشار واقف قبالها بزبط مو سايبلها مجـآل تتحرك : دا نفسو اللي ارسلي الورقه صح !
روآن حركت راسها بالايجاب من غير ماتعلق 
 بشار : ودا نفسو اللي قلتيلي مرا جابك عندي صح !
روآن حركت برضو راسها بالايجاب 
 بشار : يعني دحين انتي لما كنتي تقوليلي اروح لترف كنتي فعلا مع ترف ولا مع اخوها ؟
 روان وسعت عينها قالت بصرامه : إنتا ايش تبا دحين 
 بشار بهدوء : عادي بسئلك بس 
 روآن : ماليا نفس اسمع اسئلتك بعد 
 بشار ولا كأنه: ماقلتيلي كيف عرف موضوع جلال ؟ حكيتي ترف وهوا سمع ولا حكيتيه مباشرتآ .._ قال كلمه كلمه _ له ... لوحدو ... من غير اختو 
 قلبها حيوووقف :بعد ابا انزل
 بشار رفع حاجبه : طيب وصلني دا الجواب سؤالي اللي بعدو لما كآن هوا في المستشفى بسبب موضوع قاسم اللي سرلو إنتي ديك الفتره كنتي تختفي ..اكيد اختو كآنت عندو يعني انتي فين كنتي تروحي !
روآن ضمت يدها تحت صدرها : اسئل لين بكرا ماحفتح فمي بشي ..
بشار : عادي لاتجاوبي من وجهك بعرف الجواب
 روآن وجهها محمر : كوويس ماقلك وجهي مرا وحده إنو اسلوبك مستفزز 
 بشار : لا قلي انك متورطه وموافقه عليه 
 روان دفتو بصدمممه : اننننقلللع اقوول
 مشيت بعصبيـه من قدآمــه 
 اكتر انسان يستفزني في الحيآه بشآر ديك الكم يوم كنت اتحاشا اشوفو 
 احس بس يطـآلع فيا وكأنو يستجوبني 
 مع إنو هديل تقول اني نسخته لكن بسم الله عليا منــو ..

وكآنت بتمر الايام وبسبب عمي جميـل 
 بشار استقبـل تآمر وامـه 
 عم جميـل مدحو بشكل مو طبيعي انا انفجعت ..
يومتها ماعرفت ايش اللبس ايش اسوي 
 وهديل تعبـآنه رجعو منعوها من المشي ..
ولما اتكلمت مع ترف عرفت بالموضوع وقالتلي ننزل يومتها مع بعض 
 واحتمال لمى تجي .. 
تووووووووتتتتتر
 لمى الموقف الوحيد اللي بيننا فضيحتنا ديك 
 ماعرفت اصرفها 
 ابا احد معايا 
 وبنفس الوقت مستصعبه واتقابلنا ..
انا ماعرف ايش يعني اخوات زوج 
 بس عرفت يومتها 
 كل وحده تنطلي من ناحيه 
 وانا في النص بينهم 
 دي تقولي اللبسي دا 
 ودي تقولي لا داا اللون حيجنن تآمر
 والله انبسطت معاهم حتى لمى طلعت طيبـه 
 بس حتى الاشياء البسيطه اللي ماعرفها خلوني اشتريها 
 الاكسسوار حسيتو شي مو مهم 
 بس تفاصيل التفاصيل كآنو يختاروها مع اللبس
 لين ماصدمتني لمى لما وقفت قبآلي وقالتلي ليش ماتقصي شعرك 
 ترف : هههههههههههههههههههه هيا لمى ايش يسكتها دحين 
 لمى : ههههههههههه لا والله بس متخيله عليكي لو قصيتيه بمستوى واحد لحد كتفك مرا حيطلع حلو
 ترف : طيب خليها على الملكه ولا 
 لمى قاطعتها : ليش فاضين وقدامك الصالون تقصي ونمشي ايش يعني 

 والله ماكنت بسوي كل شي في يوم واحد بس كلهم همهم نظره تآمر
 وكيف يجننوه ماألقى نفسي الا مسحوبه 
 حتى حوآجبي لمى تقولي شوفي سيري ارسميها بدي الطريقه 
 حتبين عيونك تجنن 
 وبس خلصنآ روحنا اتعشينا مع بعض 
 مرا حبيتهم بشكل مو طبيعي 
 مرا متحمسه اقابلهم تاني وهديل معايا ..
ولما رجعت البيت لميت شعري عشان عارفه بشار حيعلق ..

وجــآ اليوم المرعــب 
 اليوم اللي تصحي وانتي مصدومـه
 تكوني داك اليوم عباره عن صدمـه متحركه في البيت 
 تضحكي بصدمه 
 تبتسمي بصدمـه
 تتكلمي بصدمـه
 كلك على بعضك مزيج من الصددمآت ..
وهديل عالم تآني من بدايه اليوم عندي
 وبديت اتجهـز 
 استشورت شعوري ستريت قسمتو من النص وخليتو من النآحيتين نازل 
 لفوق كتفي 
 لبست اللبس اللي اختاروه اخوآتـه ..
فستآن ميدي سمآوي كم بسيط للكوع واكتآفه مكشوفه 
 الفستان ماسك عليا لين الخصر ووسيع من تحت ومكسـر ..
ساعه واسوره
 خاتم واحد في يدي اليمين 
 خرص صغير 
 ورقبتي قالولي لاالبس شي حللوه كدا مكشوفه ويضحكو 
 اتمكيجت بشي بسيـط ونآعم 
 روج وردي مآت انهيت فيه المكيآج 

 اتعطرت قومت بااتجاه الباب
 فتحت الباب وندمت اني فتحتتتتو 
 هدديل ماسابتني في حآلي 
 اصلا رده فعلها خلتني اقعد في الغرفه 
 لين مااادق الجرس 
 وحسيت قلللبي طآآآح
 خرجت ونظره دلال لوحدها توتر زيـآده 
 مو قادره استوعب انو تآمر حيكون مع بشار في الغرفه التآنيه
 اول ماشوفت لمى وترف ابتسمو وغمزه من ترف من بعيد وكأنو تقولي ياولد إنتا مجننونننه 
 الجلسه معاهم كآنت بسيطه امهم نظراتها كتيـر ليا 


 في الغرفـه التآنيـه 
 دخل عريسنآ بكآمل أنـآقتـه واستقبـلو بشار وعم جميل 
 جا لوحدو بحكم انو حيجلس معاها ..
اسئله اخد واعطى وقلهم ايش وظيفته اللي هما عارفينها 
 تقريبا ماقال شي جديد طاااح على عيله مجنونه جابو كل شي عنو قبل لايجلس معاهم ..
وبزبـط سـآعه وجميـل خرج وبشـآر راح ينآدي روآن ..
وبس جــآته بين قسم الضيـوف بشار رفع حآجبه : خير خخخخير !!
روان مجهزه الرد من قبل لاتقابله : شووف خليك في حالك طيب 
 بشار ابتسم وجا قرب منها : حرككككات والله ايش المزازه دي
 روان ضمت يدها تحت صدرها وماعلقت 
 بشار مسك خدها : دا كلو عشان عريس الغفله 
 دفت يدو بقهر : ايش تبا دحين مناديني 
 بشار : هههههههههه ادخلي المحروس يباكي
 روان ماتدري ليش مكسوفه طول وقتها معااه 
 تلعب بااظافيرها : عمي جميل جوا ؟
 بشار : لا نزل 
 روآن بلعت ريقها : لازم ادخل
 بشار كأنو مو مصدقها : مستحيه يعني !
روان بنرفزززه : والله يابشار لو مابطلت دا الاسلوب ياويلك
 بشار : هههههههه امشي انا معآكي 



 تآمر في الغرفـه قاعد يحرك رجولو بتوتـر ..
يلعب بالخآتم اللي بيده .. رفع عينـه وعدل جلستـه اول ماشافها 

 ماقدر يطـآلع عدل بسبب بشـآر
 بسسس جننننننننننته 
 جنزات وبلايز دا اللي متعوده منها ..
جلست روآن وتـآمر انفجع لما بشار قال : اسيبكم لوحدكم
 مرا دي مو شوووفــه 
 متوقع اخواته يكونو فيـه 
 ولا احد من اهلها 
 بس ابتسسسم اول مافضيت الغرفـه 
 عشق عيلتها من بدري 
 طالع فيها بعدم استيعاب وروان ضحكت بتوتر ..مررا بعيده عنو 
 قام من مكآنه وجا جلس في الكنبه المنفرده اللي جمبـها 
 وهيا حست قلبها حيوقف 
 دايما يجلسو جمب بعض 
 بس دحيييييين غيييير
 دا ف بيتها 
 اهلها واهله كلهم براا ..
عاشق كل ملامحها وتعابير وجهها قال بهدوء بعكس الفوضى اللي جوته : كيفو القمر حقي
 روآن خلاص مع التوتر بس تضحك : ههههههههههه 
 تآمر ضحك معاها : منتي مستوعبه صح 
 روآن حركت راسها بالنفي ورفعت يدها اللي تتنافض توريه : شووف
 تآمر : لو ماأخاف اخوكي يدخل كآن بوستها 
 روآن وسعت عينها هيا دحين تبا بشار يدخل
 لا مرا لا ماتبى الوضع كدا
 تنفجعععع من دي اللحظات 
 رجعت باارتباك شعرها ورا اذنها 
 وبرز الخرص الصغير اللي مزين اذنها ورقبتها وكتفها المكشوف ..
لعبت بااظافيرها بتوتر وبعدها طالعت فيه ولقتو مبتسم وبس بيطآلع 
 قالت بخوف : تاامر والله حخرج 
 تامر ولا كأنو سامعها: امي اكيد اتجننت عليكي 
 رفعت حواجبها الاتنين وعينها عليـه 
 عيونها تلممع ..سعاده ولا بكى ماتعرف بس ميته خووف
 رفعت كتفها وكأنو تقولو مدري
 وهنـآ هوآ يعشق دي الحرككه
 تامر بنفس الهدووء اللي واضح فيه انو متجنن : عندك شك .؟
 روان بصوت وحده تبا تبكي : تااامر
: عيوني
 روآن مع الصدمه وقفت : والله اخرج
 وهوا طالع فيها من فوق لتحت استحت وجلست بسرعه وحطت الركازه في حضنها : خلااااص
 تامر : ايش بك !
روان : والله حبكي
 تامر : هههههههههه طيب ايش تبيني اسوي
 روان : الناس ايش يسوي بدي المناسبه 
 تامر : يتعرفو ويشوفو اذا متوافققين ولا لا وانا وإنتي ورب البيت مانتفق بشي بس برضو اباكي
 روان : هههههههههههههه حياه جميله مستنينا
 تامر : دامك معايا اكيد حتكون جميله 
 روان وسعت عينها : والله كتتير كدا هما كدا المخطوبين ارجع تآمر الاول
 تامر : ههههههههههههههههه لسى احنا مو مخطوبين استني عليا 
 روان : حقولهم مو موافقه .. خوفت منك من دحين 
 تامر : ههههههههههه صدقيني ماحزعلك 
 روان : امشي ياكداب انا حنجلط من دحين _ ااشرت على عيونه _ شوف شوف والله مو إنتا 
 تامر : هههههههههههههههه_ قال وهوا يعد ومانزل عينه من عليها _ انا معاكي .. وف بيتك ..واهلي هنآ .. وبخطبك ..كيف تبيني اكون ؟!
روآن نزلت راسها للركازه وغطت وجهها وضحكت من قلبها 
 خلاص حست مافي امل فيــه 
 رجعت طالعت فيه وقالت بين ضحكتها : لو ادري الوضع كدا ماكان خليت بشار يخرج
 تآمر : هههههههههههه انا ايقنت من حركتو دي انو الوضع حيكون معاكي مرا فله 
 روان : هههههههههههههه ليش يعني 
 تامر : الشوفه عندنا ماينفع تقعد معاها لوحدك لازم اهلي او اهلك لكن بدايه جميله 
 روان : ههههههههههههههههه يبالي اقول لدلال دي المعلومه
 تامر هنآ وسع عينه : اهجدي اقول 
 روان : هههههههههههههه 
 تامر : خلينا حلوين وزي ماإحنا _ رفع كتفو ببرائه _ نبا نتعرف بس 
 روان : واضح والله 

 تامر رجع ابتسم وسككت ووترها بنظرتـه ودخلت امـه وترف ولمـى ..
وهنـآ هيا انفجعت 
 اما هوآ وقـف 
 روان طالعت فيه باارتباك وأدولو الاسوره الذهب عشان يلبسها 
 برضو بعاداتهم دام عجبتو البنت يلبسها اسوره ذهـب ..
ترف اشرتلها وهيا وقفت ومو فاهمه ايش الهرجه لين ماخرج الاسوره 
 ولمى قالتلها خليه يلبسـك ..
مدت يدها باارتباك وقف مرا جمبـها
 هنا ارتببك 
 امو فيــه واخواتـه جمبـه 
 يحاول مرا ومرتيـن يقفل الاسوره ومو قـآدر
 ترف : ههههههههههههه تآمر اتعلمت تقفلها عشرين مرا بالبيت 
 تامر رفع عدسـه عينو عليها وهوا مبتسم : قلتلكم لاتجيبو دي معانا
 امه : ههههههههههههههه 
 روآن اطول لحظه مرت عليها وهيا ماده يدها وتحس بلمسات اصابعه على يدها 
 ابتسامتهم 
 فرحتــهم واضحه بعينهم ..
اما هيا جسمها كلو يتنـآفض ..
اول ماقفلها والحمدالله نزلت يدها والاسوره من وسعها طاحت في الارض
 لمى : هههههههههههههههههه قلتلكم وسيعه 
 ترف : هههههههههههههههه ولا بالدروس والله
 تامر طالع فيها وبعدها باأمه : شيليها ياأمي 
 روان ضحكت غصبا عنها 
 نزل واخد الاسوره وامه قالتله خلاص لبسها كأنها بنجره وبعدين تضيقها ..
ورجعت مرا تانيه تمد يدها وهوا مو قادر يقول اي تعليق لها 
 بس بيلمحها بسـرعه ويرجع يطـآلع بااخواته 
 دخلها الاسوره وهيا بعدت شويا عنـه قربه منها موترها مرااا 
 بنسبه لهم كلهم عارفين انها تباه ويباها عشان كدا سلمو عليها وقالولها : مممبروكك 
 وتآمر سلم على رآس امو ويدها وهمسلها بدون محد يسمعلو : ماحتتخيلي قد ايش انا مبسوط الله يخليكي ليا 
 ابتسامه بسيطه تخفي فيها دموعها اللي بعينها 
 وروآن انسحححبت وتآمر طالع فيها وهيا خارجـه 

 لحظــآت بتعدي قلوبهم الاتنين نبضاتها كلهها حب توتتتر 
 رجعو الحريـم مع بعض وروان دخلت لغرفتها مو قادره تخرجلهم رجولها تتنافض
 دخلتلها هديـل وحضنتها : ياااقلبي ايش بكك
 روان حضنتها بكل قوتها : مممرا خااايفه 
 هديل : ههههههههههههههه الحمدالله من العجايب اللي ماتخيلت اني اشوفها وانتي مستحيه 
 روان على طول بعدت عنها : يااااربي انتو ليش بتتشمتو كلكم فيا اليوم
 هديل : ههههههههههههههههه غصبا عننا والله انتي مو شايفه وجههك 
 روآن : مابى اخرج خلاص تعبببت 
 ههديل : اساسا ماشين 
 روان : اماا
 هديل غمزتلها : اخدو عازتهم 
 روان : اللي راحمك إنك حامل والله 
 هديل : ههههههههه خليني اروح اودع البنآت عيب لاأنا ولا إنتي ..
خرجت هديل وفضحتها لترف لما قالتلها روان مفجوعه لسى 

 امـآآ ترف هيا ولمى خارجين مسطولين الاتنين 
 ترف اللي مضحكها بالموضوع وضع روآن 
 كيف كآآآنت تخش في تامر وتحشرو بركنيه المطبخ عشان يسويلها جوالها وهوا مرعوب ومو قادر يتكلم كلمه عدله 
 كيف لما مسكتو بعد مانضرب براسه وتحط التلج بكل قوتها وهوا يبا يقولها خلاص هاتي وهيا تضربه على يده 
 مواااقف بينهم عمرها ماشافت روان بدي النظره وماتخيلتها بدا الحيآ
 واليوم شافتها ...
في السيـآره ..
امه قدآم وترف ولمـى جالسين ورآ ..
امه : خلاص ارتحت ؟
 تامر طالعلها وابتسم ورجع طالع في الطريق وكأنو يقولها ايش شااايفه ..
طول الطريق يتكلمو عنها وعن امهـآ 
 وتآمر مبتسم من قلبـه ويسمع 
 يسمعلهم ونظرتها وجلستها معاه هوا اللي متخيله وبس ..
كأنه عايش بحلللم ومايبى يصحـى منـو 


 بشار اول ماخرجو الحريم قاال لهديل تشوفلو طريق عشان يدخل لروآن غرفتها ..
وبس ادت خبر لدلال فجأه روان رفعت عينها ولقتو عند الباب 
 مبتسم ويطـآلع فيها 
 على طول اتأفف : ياااااااربي ايش تتتبا 
 بشار : كمان مسرحه مو كأنو بدري 
 هديل : ههههههه ايش بكم 
 روان : بلله شيليه من قدآمي لاينكد عليا 
 بشار : ههههههههههههههه قومي قومي نخرج نتعشآ
 روآن ماتبى تخرج عشان تآمر حيتصل : اطلبلنا هنآ 
 هديل بتعب : ايوا حتى انا مافيا امشي جيب هنآ ونطلع فوق نتفرج فلم
 حط يدو حولين هديل قربها وباسها بخدها : لجل عين تكرم مدينه 
 روآن كالعاده ملامحها اتحولت لقرف وبدال ماتقول ارحمني نطقت ارزقني : ياارب ارزقني _وسعت عينها _ قصدددي ارحمني ارحممممني من دي اللحظات
 بشار انصدم زيها : عقلك الباطـ
 وقبل لايكممل قامت مفجوعه ودفتو : اططططلعو برااا اقول 
 قفلت على نفسها الباب وتسمع ضحكاتهــم واصلتلها وبعدها اختفو 
 مستفزززززززين ..

غيرت ملابسـها لبست بجامه شالت اكسسوارها 
 مسحت مكيآجها 
 كل شي تسويه وهيا مبتسمـه لين ماتصـل الهيمآآآآآآآآن
 وكآنت مكآلمـه غريبـه 
 صوتها الهادي 
 حركات يدها على اي شي جمبها 
 لعبها بشعرها 
 كلامـه اللي مابيفكر فيه 
 بيتكلم وبـس
 عن ملامحها 
 شكلها لبسها 
 اللحظظه اللي سارت 
 وقفتها بين اهلـه 
 الإتنين عاشـو لحظـه ماتخيلو دا احساسها 
.
 .
 ,

تــآمر ..

انـآ زوج روآن جاسم محمد الرآيد 
 واخيرا عقدت عليـها .. بسبب ظروف عمها واخوها 
 سوت ملكه صغيره .. اهل عمها وامها واهلي الموجودين ..
يومتها مسكت يدها بس كآنت حلالي 
 اتأملت عيونها وكآن من حقــي
 حضنتـها ومحد يقدر يقولي بتغلـط ..
اول مانقفل الباب علينآ كآنت لحظه مليانه مشاعر 
 جالسه جمبي
 سحبتها قريب مني حوطت يدي حوليها وخليتها تسند نفسها عليا 
 كآنت مجبسه في مكآنها بس مع كلامي واحنا نتذكر كيف اتعرفنا 
 بدت ترخي جسمها 
 شايف جسمها يتقشعر وانا امرر يدي على ذراعها 
 وتحاول تكمل هرجتها وانا ععقلي مو معاها ..
عقلي كلو في الجسم الانثوي اللي في حضنـي ..
دقآت قلبي تدق بطريقه انا متأكد ا نها سامعتها 
 حتى تنفسي بيزيـد وكأني كنت بجري 
 ريحـة عطرها مخدر من نوع تآني ..
على إني عشقتها وهيا باأسوء حالاتها 
 بشعرها المبهدل 
 بلبسها الوسيـع اللي مافيه تنآسق
 بوجهها اللي ماتحط فيه اي مكيآج 
 وجابت رآسي 
 مابالكم دي اللحظـه ..!؟
 افتكر إني قلتلها بنسبه ليا البنات كلهم بكفـه وإنتي بكفـه ..
بس حاليا حقولها العآلم كلـو بكفـه وإنتي بكفـه 
 والكفـه اللي انتي فيها اثـــقل بمليون مرا من العالم كلـو ..
ماكنت افكر بالاستقرار بس فكرت بسببها 
 ماكنت افكر بالزوآج بس ماتخيلت إنها لغيري
 اعشق وحده مابيني وبينها اي قاسم مشترك وبرضو أباها
 أباها لأنو عيـونها في كل مرا حزعل اعرف انها حتراضيني نظرتها الحزينه 
 ابآهآ لأنو دمعتها في كل مرا ماأفهم تفكيرها عقلي لاشعوريا يدها مبررات عشان امسحها
 اباها لأنو كل شي فيها يخليني ارضى بعذآبي واكتفي بحضنها .. 
دا بزبط اللي سوتـه فيا بنت جآسم الرايـد ..
كل يوم عندنا بحياتنا مشكله جديده بس كل يوم احبها زيآده ودا التناقض بحد ذاته 
 وآآه من التناقض اللي سرت اعشـــقو بسببها ...


موقـف وآحد ممكن يقنعكم بحياتي مع الهبله حقـتي ..
فاكرين الهديه اللي جبتلها هيا من جده .؟
 بعد ماملكت عليها قلتلها اليوم خميس وكلهمم يجو لأمي اباكي تجي تجلسي مع اهلي
 وكلمت امها وقالولها طيـب 
 دي اول مرا اخرج انا وهيـآ من بعد ملكتنآ ..
فاأخيرا قلتلها دحيـن فكي الهديـه اللي جبتلك هيآ ..
كآنت ناااسيتها من كتر ماطفشتني وكل يوم تبا تفتحها رمتها وسط الدولاب .
فكت الهديـه جبتلها فستآن اتخيلتو عليها على طول ..جبتلها اشياء سخيفه العاب صغار مدري ليش كل ماطالع فيهم كنت اتخيلها وماخليت بنفسي واخدتها 
 اشتريتلها سآعه .. واشتريتلها عبآيـه ..
ككآنت تقول واا كل ماتخرج شي لين ماشافت العبآيه قالت خير ايش دا
 قلتلها دا اللي اباكي تلبسيـه اليوم 
 طبعا جدآل كآن في البدايه 
 لما قلتلها إنتي ماهمك أنا ايش ابا 
 انا ايش احسس 
 بحاول ارضيكي بكل شي بس انتي مابتحاولي تسوي شي بسيط يرضيني
 حتى مابتكلفي نفسك تجربي 
 وقتها بدت تهجد ووافقت 
 عارف انها وافقت عشان تسكتني 
 وعلى بعد المغرب قلتلها انزلي 
 حاولت ماأضحك لما شوفتها 
 حياتي شكلها يجنن انا حبيتو .
ركبت السياره وانا محد قدي وهيا فكت على طول بتحاول تتماشى معايا 

.
 ,
 .

وصلــو ... 
نزلت روآان بعبايتها السودا.. اطرافها بالابيـض 
 وقبل لايدخلو البيت وقف قدآمها دخلها شعرها عدلها الطرحه وقلها : ايوا كدا 
 روآن : لو ماعجبني الوضع اخر مرا ترا 
 تامر سكتها ببوسه على جبينها وكلمه احبـك خلتها تفكر 
 اذا عشانه تكمل بدا الشي ولا لا ..
ودخلــو ..
مع إنو قلها فيه اخواني وازواج اخواتي بس برضو اتوترت 

 جالسين كلهم بالمجلس ماحست بالعبايه لأنو الكل مدلعها 
 من ترف للمى لأمل لأمهم دي العروســه حق العيلـه
 وجات المصيبـه لما روآن اخدت راحتها 
 جالسه جمب تآمر وبيحكيها عن موقف له هوا وتميم لما كآنو صغار 
 والكل يطــآلع في تآمر وهوا بيحكي بضميـر الا عدي كآن برا الغرفـه ..
روآن دوبها اخدت راحتها : ههههههههههههههههههه زي فيييه مرا وااحد _ حست بحراره من العبـآيه 
 فجأأأاه 
 من غير اي سااااابق انذااار 
 سحبت الطرحه فتحت العبايه وقفت ولفتهم بسرعه وحطتهم جمبها جلست 
 تميم !!!!!!!!!!!!!!!
للللليث !!!!!
برااااء !!!!!!!!!!
تامر عالم آخر واحد قاعد ينشل تدريجيا 
 روآن حركت بلوزتها : ايييوا كدا المممهم 
 وتتكلم تتكلم والكل مو مستوعب الحركه اللي سوتها 
 براء رفع جوآله قبال وجهه ويهمس لترف : ايش اللي سار دوبـه 
 ترف ميلت جسمها عليه وكاتمه ضحكتـها 
 تميم مسوي نفسو مزهريه 
 ليث دار على احمد وبيقولو تبا حلاوه 
 كل واحد فجأه مو قادر يطـآلع فيها 
 وتامر يرمش بهدوء ويطـآلع فيها ومو قادر يحرك راسـه لايمين ولا يسار 
 مايبى يشوف تعابيرهم 
 لييين ماجاه عدددي دخل واول ماشافها رجع خــرج بسرعه
 بعدها استوعب وجود تميم وبراء دخل بشويش وطالع بروان وبعدها فيهم كلهم 
 خرج وهيا محجبه وبعبايتها ورجع والبنت ببنطلون وبلوزه !
قال بدون مايحس : ايش سار !
كآن تعليق عدي زي الكرت اللي الكل استخدمه عشان يضحكككه 
 تآمر طالع فيه باااحراج ومرر يدو على روان وكأنها طفله : معلليش ادخل ادخل لساتها بتتعلم الحجاب


 مستوووووووعبين الموقف اللي انحطيت فيـه ..!!!
يعني انا جبت العبايه وعارف انها ورطه لها لو لبستها قدام اهلي 
 في كل مرا حتجي لازم تلبسها ..دي لاااا ...دي فسختها بنص الجلسه !!!
اضحك ولا أبكي مااعرف بس 
 الموقف التآني اللي كنت حنهار فيـه لما جا وقت العشـآ وتميم واقف جمبها ومو مركز 
 وبيحكي براء وعدي وليث عن فلـم حماس شافو وروان طالعت فيه وحطت يدها على ذراعو وقالت : ايوااا ايوا شفتو 
 وتحكيه عن المشهد الفلاني وهيا ماااسكه اخويا !!!!
ماسكتو قدآآمي وقدام اهلي كلهم !!!
والله عارف انها على نياتها بس غصبا عننني اتجننت 
 حاولت مابين 
 اتمنيت تميم يسحب نفسه بس مع الفجعه واقف يطـآلع فيها ودا شي ولعني زياده 
 سحبتها من نص كلامها بشويش وجبتها للناحيه التآنيه وامي صرفت الموضوع 


 وبس خلصت الجلسـه وانا وجهي مقلوب طول اليوم ..
ركبت السيارهغلتها ومشيت لحظه صمت وعلى فكره هيا مو مستوعبه انها سوت شي غلـط !!
 .
 ,
 .

روآن طالعت فيـه : ايش بك ؟!
تآمر عينه على الطريق ومابيهرج 
 روآن : تامر فيه شي ؟
 تامر زفر بضيق : يعني جايبلك العبايه عشان تفسخيها قدام الكل !
روآن : ايش اسوي طيب !؟ مرا ضايقتني وانا قلتلك حلبسها بس ماقلت طول اليوم 
 تامر طالع فيها بحده : مننني فاهم ايش دي العقليه ..انتي تفكري بلله ؟ _ طالع في طريقه والعصبيه طاغيه عليه _
روان مرا انفجعت مايكفي انها متوتره من موضوع اهلو كمان يرفع صوته عليها !!!
ماعلقت بس هوا ماساب مجآل ورجع اتكلم : وكمآآآن ماسكه تميم يعني ماشوفتي ملامح وجهه ماشوفتي الادمي انفجع وبرضك مابعدتي روووان بلله ياروان شويا فتحي مخخخك وركزي بتصرفاتك...لا وماوقفتي هنآ طول وقتك بتبوسي في أحممد ركزي بالللصوت اللي بيسمعووه ترا في رجججال معانا بالغرفه 
 تبا تعصب بس مو قادره 
 حاولت تكون طبيعيه هنآك حاولت ماتصطنع شي 
 حاولت تكون روآن وخرجت مبسوطه لأنها مرتاحه 
 مع إنو وجهه انقلب في النهايه وملاحظه وماتوقعت بسبببها 
 توتتتر طول اليوم وفي النهايه هوا الزعلان 
 ماحتستوعب اذا هيا غلطت ولا لا لأنو شايفه الطريقه للي انفجر فيها غلط 
 نظرتها غير
 كيف حيجي في بالها دي الحاجات 
 مو معصب اكتر من إنو الغيره حارقه قلبـه 
 كآن بيلاحظ الكل بيطآلع فيها لاشعوريا 
 سكتت طول الطريق وهوا سآآآكت 
 لين ماوصلها طآلعت فيه وقالت بهدوء عكس اللي جوتها 
 بنظرتها اللي تقتلو : أخر مرا تقولي اجي عند اهلك .. اخر مرا تقولي اخرج معاك بعبايه .. سويت كل شي عشانك وحسبتك مبسوط وطلعت دحين غلطانه .. طيب على الاقل قولي باأدب مو تنفجر عليا وكأني اعرف المفروض كيف اتعامل مع اخووك ومع اهلك كلهم ..ِشوووف ياتامر مو ناقصه مشاكل في حياتي ماصدقت ارتاااح لو ماتباني سيبني عند دلال مبسوطه ماباك تكون بحياااتي دام من بدايتها كدا 
 فتحت الباب وخررجت 
 ياخد انفاسه ورا بعضضض يطـآلع فيها واول مادخلت مممشي 
 محرووووووووق بشكل مو طبيعي ..
وكلامها جننو زيـآده 
 سحب جواله ووشـآف مكالمتين لترف ..حاول يتمآلك نفسو 
 اتصل وصوتو مرا مقفـل : ايوا نعم 
 ترف متنرفزه اكتر منو : روآن معاك ؟
: لا فيه شي 
 ترف ماصدقت تنفجر : بللله ياتامر داك اسلللوب دحين 
 تامر رفع حاجبه 
 ترف : يعني اول مرا تجيب البنت عندنا وتقلب وجهك 
 تامر : تترف لا
 ترف قاطعتو : اسمعنني والله عيب اللي سويتو وحده مو من بيئتك ياتتحملها ياتسيبها بحالها اما تجيبها بيننا كلنا وفي النهايه تقلب وجهك بداك الاسلوب وربي عععيب والله لو براء بس عاملني ديك المعامله ماطب بيت اهلو تآني وفوق دا كلو خرجت وهيا تضحك مع الكل 
 تآمر : انا ماغلطت بحقها 
 ترف : اووه يعني وجهك كآن طبيعي !!! شوف ياتامر دي البنت اشوف نفسي فيها وربي رزقني بواحد مقدددر كل شي مريت فيه 
 قهرتو مرا الجملـه 
 ترف ولا عليها كمملت : عارف كل ظروفها عارف ايش عانت بحياتها وانتا جيت ايش تسوي ..تكمل عليها !! ... غلطت ماغلطت انتا زوجها تفهمها تسحبها لغرفتك قولها ياروان لاتسوي كدا مو طفله عشان ماتفهم ..مو طفله عشان تقلب وجهك قدامنا وواضح انك خارج عشان تحاسبها 
 تامر مو حابب يتناقش بالموضوع معاها : خلاص ياترف 
 ترف : طيب ماقدرت صراحه اخلي الكلام بنفسي بذات لأنو كلنا انقهرنا منك وحزنا على البنت بجد اتوقعتك اكبر من كدا ... 
تامر : بقولك خلاااص مرتي وانا اعرف اتفاهم معاها 
 ترف : طيب كويس دا لو بقيتلك اصلا يلا مع سلامه 
 قفلــت منو وماعليها يزعل مايزعل بس ماتسكت عن الحـق .. 
جالسه مولعه طول ماهيا هنآك بسبب تامر 
 وشايفه روان على نياتها 
 تامر كلام ترف بدأ يلعب براســه 
 كلنا حزنا عليها 
 دا لو بقيتلك اصلا 
 كلام روآن ..
ماباك تكون بحيآتتتي
 اتصل عليها على طول 
 ماردت اول مرا ورجع اتصل تآني .
وردت سمع صوت الهوى عرف انها بالسطوح : هلا
 ولا علقت 
 سمع صوت سيارات وعلى طول اتكلم : روان فينك ؟؟؟؟؟!
 : مالك صلاح 
 كأنو نااااقص تجننو الساعه 1 الليل !!! : روان انتي في الشارع !
 : ايوا ايش تبا 
 ضغط بيدو على الدركسسسسون 
 حتخرجو من طووره : معاكي احد ولا لوحدك 
: لوحدي
 تامر : فييينك بزبط 
: مابى اشووفك
 تامر بقله صبر : روووان فييينك لاتجننيني 
: قلتلك مابى اشووفك 
 تامر : طيب خلينا نتقابل وحتفاهم معاكي 
: وااا شكرا الله يسعدك اخيرا تبا تتفاهم مو قلت انتا اللي عندك ؟! مو إنتا مشيت دوبك ولا اهتميت بكلامي 
 تامر شد على كلامه : خلينا نتقابل ونتفاهم 
: مااابى اشوفك حاليا مابى اطالع حتى فييك
 تامر : روووان الساعه 1 لاتجنني اهلللي وقوليلي فينك
 قفلت من غير ماترد طالع في الشاشه 
 كملت عليييه 
 رمى الجووال بنرفزه بالمقعد اللي جمبـه 
 متوجه تآني لبيتهم ماحتكون بعدت دام تمممشي
 مجننننونه وحتجننو معاها 
 لسى ماولفت على حياة النآس اللي حوليها 
 هيا عاشت حرة نفسـها 
 بدون قوانين واحكآم احد 
 يسوق بشويـش ويطالـع حوليـه 
 ولا دقيقتين إلا شـآفها وقف سيـآرتو 
 اتوجه بخطوات سريـعه بااتجاها واول ماسكها انفجعت وطالعت فيـه
 اتطمنت لما عرفت انو تآمر رجعت لورا وبتعدل وقفتها : ايش تبا 
 تآمر : خارجه تبكي في الشارع !
روان دموعها تنزل ولا علقت عليه قرب منها : روآآآن كم مرا اقولك لاتخرجي 
 روان : تاممر خنقنتني والله خنقتني موديني لين عند اهلك عشان في النهايه تقهرني بكلامك 
 تآمر : انا انقهرت من تصرفاتك 
 روآن : ليش ماتكلمت بااسلوب احسن ليش تبا تعاقبني وكأنك جاسم 
 بس قالت جاسم هو مد يدو بيمسكها الا دفتها : لاتتتلمسني شوفتك قالب وجهك هنآك وقلللت لا مستحيل اكون سويت شي ..اكيد احد زعلك ومارضيت اسئل طول ماإحنا هنآك ببسسس طلع دا كلو بسببي يعني بلله ترضى انا اسوي فيك كدا قدام اهلي _ بكيت بقهر _ بجددد قهرتني عارفني مااعرف اتعامل مع النآس عارفني كنت بحاول ارضيهم عشان تكون مبسوط وطلعت في النهايه انا الغلطانه انا اللي مو متربيه 
 تآمر : انا ماقل
 قاطعته : كلااامك واضح مسكت اخوك ايش ابا منو يعني ؟؟ بوست احممد ليش يعني ؟؟ ماحسيت بنفسي وانتا ساكت ولا اتكلمت عايشه طول عمري بدون عبايه ولما لبستها شويا وفسختها طلعت سويت مصييييبه ماأأأأفهم انا دي الحاجات مااافهمها ياااخي ماتستوعب ..ليش مصر تتعامل معايا وكأني ابا اعاندك ولا ابا اسوي عكس كلامك 
 جات بتمشي الا مسكها بس مرا مقهوور 
 حيتحمل دام رضي بحياتها من قبل لايخطبـها ..
دوبها بدأت ترتاح بحياتها وجاها هوآ 
 حيتنآزل شويا 
 حيتنآزل دام يحبـها 
 كآنت بتسحب نفسها الا مسكها وقربها منو 
 حط يدو على ذقنها ورفع ساها : انا اسف والله من كتر ماأحبك اتجننت لما شوفتك واقفه جمب تميم وماسكتو 
 روآن بين شهقاتها : كداب انتا مو طايق تصرفاتي مو قادر تتحملني 
 تآمر : والله تصرفاتك تجي فجأه تجلطني وعارف انو حموت من تصرفاتك بس ايش اسوي احبك حتحملك 
 روآن لسى ماكتفت قالت بصوت مهزوز : والله قهرتني 
 تآمر كالعاده ضعيف عند دا الصوت 
 عند دي الدمووع 
 وراضاها .. وقعد ايام يراضيــها 
 تصحى على باقه ورد عند باب بيتها 
 تصحى على صوته بالجوال وهوآ يقولها قد ايش يحبها ..
وراحت عند اهلو بعدها بااسبوعين 
 ماكان مهتم لأحد داك الوقـت عارف انو هانها قدام الكل 
 وقدآم الكل كآن بس ماسك يدها ماهتم اذا احد يشوفه وهوا يبوس يدها ولا لا 
 بس مو هوا اللي حياخدها من حياتها اللي عاشتها كلها اهانه عشان يهينها تآني

 ودي حيـآتي مع المجنونـه حقتــي 
 انا مو تآمر اتغيرت ككتتير بسببها ..
بيننا مشاكل بس بدأت استوعب كيف اتعامل معاها 
 وهيا سارت تعرف كيف تحنن قلبي عليها وكأنو مازعلتني 
 ايش اســوي ..؟ قلبي مو قادر اتحكم فيـه اول ماترمي نفسها عليا وتضحك عشان لاأزعل
 ابتسم بدون عقـل .


تميـم ..
مرت تآمر فلم كوميدي متحرك 
 بس تدخل بيتنآ اعرف انو امي حتضحك لين ماتتعب 
 أحس بعض الاحيآن ساحره تآمر متغير بشكل مو طبيعي 
 اول مرا جات مع الصدمات اللي بتسويها مآكآن له اي رده فعل 
 بس المرات اللي بعدها تقولو محد فيه بالغرفه غيرها 
 لدرجه لمى وترف يقعدو يصوروه ويضحكـو ..
وهوا ولا كأأأأأنـــه 
 مسنتر عند الحب حقتـو 
 اخص بس الله يرزوقنا 
 روحت لأمي قلتلها ابا اتزوج بس قالتلي اقلب وجهك 
 مدري ليش ماتاخد كلامي بمحمل الجديه ..؟ 
 هوا اللي يضحك ويمزح كتير خلاص شخصيته تنطمس ولا كيـف .!
قصتي مع جنـى مدري كيف ماشيه ..احس ربي جبلي هيا من السمآ عشان تشغلني عن رشآ
 مدري ليش تسير مواقف تخليني اجيب العيد قدآمها 
 من بعد ماقرات اسمها بجوالي هجدت واحسها سارت خايفه مني ..
يومتها كنت رايح للدوآم وكلمني واحد بالفيس بوك 
 صاحبي من ايام الثنوي قلتلو اني سرت دكتور 
 وسئلني في اي عياده تشتغل 
 دوبني كنت داخل العياده 
 مكتوب فوق الرسبشن اسم العياده 
 مانتبهت إنو فيه احد 
 رفعت جوالي بصوور اسم العياده 
 وفجأه هيا دارت وطالعت فيا وادتني ديك النظره اللي انتااااا قاااعد تصورني !!!!
طاح جوالي في الارض مع الفجعه 
 شلتو ومشيت للمصاعد ردة فعلي ووااحد بجد قاعد يصور وحده من غير ماتدري
 أنا اااشلي دحين ماكتبت اسم العيادده للولد ..!!!!
ليش لازم اصووور الاسم !!!
نفسي افهم لللليش انا كدا !!!
جلست على مكتبي وحطيت راسي عليه ومابى ارفعــو 
 منهاااار 
 البنت سايره راعبتني 
 وفجأأه انفتح الباب وانا رفعت راسـي مفجوع ..

 .
 .
 ,


دخلت جنى وقفلت الباب وراها جات لحد مكتب تميم 
 خلاص كدا كتتتير 
 اسمها بجواله !!!
وبيصورها !!
ايش يبا منها داا !!!
 : إنتا ايششش تبا 
 تميم وجهه محمر: ترا ماكنت بصورك فهمتيني غلط 
: اووه بلله اجل اسمي ايش يسوي بجوآلك 
 دي مالها ترقيعه مرا 
 يبا كلمــه 
 بس كلمه ممكن تعدل الموقف 
 بعد الكرسي ووقف وهيا زاد توترها ..
 : والله مو عارف ايش اقولك _ حك رقبته بتوتر وكالعاده الصراحه الشي الوحيد اللي يعرفو تميم _ 
انا سويت القروب بعد ماحرقتك _ باارتباك واضح _ كنت بقول لأخواتي ايش سار معايا مافكرت كتير بالاسم كتبتو بدون تفكير 
 جنى اتمنت انو يلف ويدور كدا رما الكلام بوجهها : وليش تحكيهم 
 رد غبي بس دا اللي طلع معاها 
 تميم : لأنو مو عارف اتصرف معاكي ومكسوف منك 
 رفع حوآجبه الاتنين وهوا مستني تعليق منها ..
جنى رجعت تتكلم بهجوميه: وليش صورتني 
 تميم مسك جواله : والله ماكنت بصورك _ يفتح اللصوره عشان يثبتلها _ ها شو_ ولما لقاها طالعه بالصوره قفل الصوره ودخل الجوال بجيبو _ مو مشكله انا كنت بصور اسم العياده ومانتبهتلك 
 جنى مسكت نفسها لاتضحك قالت بحزم : خلاص طيب 
 طالعتلو بنظره وحده لسى شايله بنفسها عليه ومشيت على الباب ووقفها صوته : طيب اصبري
 طالعت فيه : نعم ؟
 تميم بتردد: معليش على اللي سار زمآن ..
جنى ماتوقعت يعتذر : المفروض انا اسامحك خلاص !
تميم ضيق على عينه وكأنه يقولها ياريت 
 جنى ارتبكت ماتبى تسامحه ماتبى تكون خفيفه دوبو حارقها 
 فتحت الباب وخرجت من غير ماتديه جوآب هوا ضحك 
 جلس على مكتبـه .. 

 .
 .
 ,

مابيني وبينها اي شي مؤخرا انسانه محترمه وفحآلها 
 لازم اطالع فيها وانا داخل وانا خارج 
 مع إني حرقتها بس مدري ليش سامحتني 
 موضوع إني كنت احكي اخواتي عنها اثر فيها 
 بسبب انشغآل تامر وطفشي 
 جات عزيمه من شباب العياده وخرجت معاهم 
 وعرفت مصايب العياده كلها 
 حسيت اني بريئ جمبـهم 
 كل الدكاتره مع الممرضات قصص حب وغراميآت 
 لا لا مو حب وغراميات 
 يتعدى دا الشي عمرو ماكان الحب بالاشياء المنحطه اللي يسوها
 استمريت اخرج معاهم حق شهـر 
 اتقربت منهم لكن ليا عقليتي المحافظه ..
اول ماعرف انه حيجيبو بنآت او الموضوع مو مريح 
 كنت اسحب نفسي اسمع تعليقات سخيفه 
 لكن دا انـآ 
 وجآ اليوم اللي قطعت علاقتـي فيهم بسبب نقاش حاد عن جنى 
 انا عندي كل شي إلا انك تجبر وحده على الغلط 
 ماااتحمممل 
 واحس بنفجر 
 اتخيل اخواتي على طول 
 صح انهم متزوجات وربي ستر عليهم لكن اعرف انو الدنيا سلف ودين 
 وقال بكل ثقه باسل جنى داخله مزآجه ومو راضيه تديه وجه 
 له اسبوعين يحاول وهيا مابترد عليه 
 حتى حاول يكلمها بالجوال ورفضت 
 قلتلو مو حلوه بحقك البنت محترمه سيبها بحآلها 
 ضحك وماهتم قال مصيرها تكون زي غيرها بس يبالها شوية ترويض 
 هرج قدام الشباب كلهم كيف ممكن يجيب راسها بطريقه وسخـه 
 ومتأكد أنا انو حيجيب راسها لأنو حيهددها 
 وحتضطر تخرج معاه 
 اول مرا وحتضطر تسوي اللي يباه تآني مرا 
 وبعدها حتاخد على الوضـع ..
حرقني قلبي وهوا يتكلم وكأنها جاريه عندو ..
كلامي كآن تهديد وبين الشباب انا اتعديت حدودي 
 قلتلو خرج البنت من راسك تبا وحده وسخه ياكترهم حولينك 
 لو فكرت تقرب منها حتفاهم معاك بطريقه ماحتعجبك 
 وخرجت كآن دا اخر مرا اجي جمعاتهم ..
وبعد تلاته ايام شفتـو واقف قدآمها وهيا تحاول تروح من ناحيه 
 ويجي قدامها ويضحك ويحاول بكلامه الرايق يخليها تاخد على الوضع 
 كنت ماشي ومطنـش بس لما سمعت صوتها حاد 
 روحـتلهم ..

 .
 ,
 .

مشي تميم بخطوآتـه الهاديـه لين ماوقف في جنبهم اليمين 
 الاتنين طالعو فيـه وهوا عينه على باسل :صباح الخيـر
 باسل رفع حاجبه : صباح النور !
طالع في جنى :لو سمحتي اباكي تديني رقم ملف وحده من المرضى 
 جنى اشرت براسها وكآنت دي فرصتها عشان تنسحب 
 وتميم ولا عبـر باسل مشي وراها 
 لين ماوصلت لقدآم جهازها مسكت الماوس بتوتتر 
 ودوبها بتسئلو الا قال : مآبى شي بس انتبهي على نفسك 
 رفعت عدسه عينها عليه وهوا كمل : انتبهي منو ومن وفاء حاولي ماتخرجي معاها دي الفتره 
 انفجعت وبان بعينها قالت باارتباك : ليش 
 تميم : سوي اللي بقولو وماحتخسـري شي ..يلا انا طآلع 
 ابتسملها وطلـع لفوق 
 برأ ذمتـه 
 لو سار شي هوا مو مسئول وضحلها بزبط مين اللي يبا يستهبل عليـها ..

 .
 ,
 .
وسوت اللي طلبتـه منها اول وحده بعدت عنها وفآء ..
لكن باسل كل مابطنشه بتكبر براسـه زياده 
 لدرجه سارت ماتروح تآكل او تشتري شي وتقعد في مكآنها 
 لين ماحسيتها تستنآني انزل عشان تروح تسوي اللي تبآه
 ودا الشي بديت اتعود عليـه 
 مابيننا كلام او نقآش كتير 
 السلام عليكم 
 وعليكم السلام 
 صباح الخير 
 صباح النور 
 وكل واحد يجلس في مكآن 
 لما اخلص اكل استنآهآ تخلص عشان اقوم 
 اصرف نفسي العب بجوآلي
 بديت انجذب ليها كتيـر ..
افتقد لما ماتجي 
 احب الصباح لأني اشوفها 
 بس ماحبيت اتعدى حدودي معآهآ ..
مو عشان سمعتي بالمكآن 
 بعد علاقتي برشا مابى ادخل في علاقـه تآنيه
 عجبتني وحده حخطبها واتعرف عليها فتره الخطوبـه 
 دا تفكيري ..
رشا كآن كل شي يتعكس بوجهنا من بداية خطوبـتي ليها 
 بس ماكنت شايف دا الشي 
 جنى عكسها في كل مكآن القاها بوجههي 
 حتى لما بديت المح لأمي للزواج مرا تانيه
 قالتلي اختار وحده في دوآمك عشان تريحلي راسي 
 جاتني على طبق من ذهـب 
 بس لدحين ماقولتلها بسيب شويا الموضوع لقدآم 
 بديت اصرف ماديآ الفتره الاخيره بدون عقـل 
 فاحرجع أهجد ووقتها لو ربي كتبلي نصيب معاها حتقدملها ..

تـرف ..
ليا خمسـه شهور متزوجه ..
سـآمي له شهرين مع الدكتور ماكان فيه اي تحسن من نآحيه انو يتكلم مع الدكتور
 لكن في حياته معانا طبيعي كآن 
 لين مابدأت تكتر لماتي مع اهلي وجود ليث وبعدها روآن 
 العيله كبرت زياده واحسو ماتقبـل الموضوع مو عارفه لدحين مين بزبط اللي مو متقبله
 تجيني لحظآت اقول لبراء نفسي اعرف في ايش يفكر
 لكن فجأه تعب عليا تآني بعدها اتكلم مع الدكتور كل كلامـه عن قاسم 
 قاسم حيجيه 
 قاسم يباه 
 قاسم حيقتلني 
 وقتها جلست مع الدكتور 
 قلي انو الهستريا مرض داخلي ويكون صراع بين عقله الوعي والاوعي 
 خوفـه من ابوه بيجسدله هوآ وكأنه قدآمه ويفصلو تماما عن الوآقع
 عقلـه الاوعي يخليه يتخيـل تفاصيل مو موجوده لكن محفوره جوتـه
 الإغمـآء بعد الحآله دا من اعراض المرض ..
قلي حتلاحظي انو صفـآته حتكون زي الاطفـآل حيكون طفـل كبير 
 ممكن يكون اناني ويحب يلفت الانظـآر ومزآجه يتقلب بسرعه 
 واسوء شي إنو يكبت جوتـه لكن دا دفااع اساسي 
 كآن يتكلم وانا ابكي بقههر على ولدي بس بعدها طمني 
50 بالميه يتعالجو من دا المرض 
 و30 بالميـه يتحسنو تحسن ملحوظ 
 عندي أمل انو يرجع زي زمـآن وفعلا من يوم مابدأ يتكلم مع الدكتور 
 بدأ يتحسـن ..
حياتي مع براء مستقره قابلت اهلـه امو بدأت تتقبلني لكن انا انسانه ابني حدود من الاشخاص
 مااثق بسرعه بعد كلامها اللي سمعتو عني حسيت إني ابا اسوي الواجب معاها وخلاص
 وتجيني واجيـها والوضع بيننا طيـب لكن بيننا حدود وبراء عندو اهم شي اروح معاه 
 وننبسط ونرجـع ودا اللي بيسير ..

موضوع الحمــل .. 
قد ااااايش اشوف بعيونو إنو يبا دا الشي 
 لما نمر من عند اطفـآل
 لما نمر من جمب محلات الاطفـآل
 بعض الاحيان ندخل محل القاه ماسك لبس طفـل وانا بتسوق ويرجعه ويمشي
 القاه مبتسم وهوا يطـآلع بدي الحاجات 
 مرا يكســرني
 مايتكلم عمرو ماقال نفسي 
 بس عيونـه تتكلم
 ودا الشهر بديت اتمنى اكون ام مرا تانبه 
 وكارهه نفسي لأني بديت اتمنآه
 براء بيعامل سامي وكأنو ابوه لأنو عارف انو مستحيل يحس بدا الاحساس
 بحاول ارضى بالشي اللي اخترتو براااء احلى شي سار بحياتي ويستاهل إني اضحي عشانه
 سار موقف الشهر اللي فات مرا ندمت عليـه
 حسيت بغثيان ودوخـه 
 والموضوع استمر معايا كتير اصريت عليه اسوي تحاليل 
 قلتلو محنا خسرانين شي 
 وبحاول اخد الموضوع ضحك 
 قلي لاتفتحي عليا دي الابواب 
 مافهمتـه بس اصريت وروحنآ المستشفى 
 استنيت على نآر النتيجه ..
وهوا كآن يستنآهآ اكتر مني 
 ندمت بديك اللحظه لأني شوفت الأمل بعينه 
 بنيت شي بنفسه هوا دافنـه من اول 
 ولما قالتلي مافي حمل حسيتتتو مرا اتهد
 قلي بهدوء : قلتلك 
 قالها بكل هدوووء ومشي من قدآمي وانا مشيت وراه 
 ديك الفتره مرا اتغير 
 وعرفت اني غلطت لما خليتو يجي .. وقررت اخرج الموضوع من راسي ..


نفس دا اليـوم تآمر خرجني من السجن 
 زي دا اليوم ذكرى توجعننني 
 لأني شوفت اخويـآ ورمآني بنفس اللحظه 
 إنك تشوفي الأمل قدآمك وتروحيـه بخطوااات سريعه 
 ودموعك بعينك تبي تقولي اخخخيرا
 تبي تشتكتي 
 تبي تتكلمي 
 فيه حاجات اباكم تسمعوها 
 وفجأه كآن تهديده ليا يمثل طفولتي الملوثه المستمره
 دي الذكريات كنت اشرد منها بالحشيش
 واليوم ماعندي شي ..
بس نآم سامي 
 دخلت غرفتي 
 جلست على سريري 
 وبكككيت 
 ابا اشرد من الواقع اللي عشتو 
 بس مو عارفه كيـف 
 مهمآ اتغيرت حياتك للاحسن 
 بس الجرح يفضل جرررح 
 اهلي مبسوطه فيهم بس تجيني لحظـه اقول همـآ سو همآ فعلو 
 صعب اقدر انسى وكأنو ماسار شي 

.
 ,
 .

رجـع من دوآمه براء 
 اضائه البيت كلها خافتـه 
 ريحه الفواحـآت تجبلو الاسترخاااء 
 ومازال في كل مرا يقارن بينها وبين ميسـآ
 كآن يرجع بعد دوآمه وهيا لسى في بيت وحده من صحباتها 
 وترجع تقولو ماجبت عشـآ
 مع ترف يجي وهيا مسويه اكل خفيف ومنظفه كل شي وريحه البيت تفتحلو نفسـو 
 وغير كدا هيا متشيكه عشانو مو عشان راجعه من عند صحبـآتها ..
عقد حوآجبه لما مالقالها حس بالصـآله 
 اتوجه لغرفه النوم بس فتح الباب انصدم من صوت بكآها 
 ساب الأكياس عند الباب 
 اتوجه بخطوات سريعه : تترف ايش بك 
 حاطه راسها على ركبتها ومارضيت تتكلم
 منهاره بشكل فضيـع
 حط يدو على ظهرها ورمت نفسها بحضنه وبكاها بيزيد
 في دا المكآن العريض تلقى راحتها 
 في دا المكآن تحس انها ماتكتفي من حضنه شاده على بلوزته الرسميه
 وعرفت انو الحشيش كآن بيخليها تشرد من الاشياء اللي عاشتها 
 لكن مابيخليها توآجه شي مابيخليها تتقبل الألم 
 هنآ هيا بحضنـه بتتألم بس كلامـه زي البلسم على قلبها
 يده اللي تمر على شعرها وهوا مو فاهم ايش بها 
 بس عارف انها ترفففف دموعها ماتنزل لسبب بسيط 
 وعلى السرير الكبيـر جلس جمبها 
 وعلى السرير الكبيـر بدأت تتكلم بين شهقاتها 
 وهوا يسمعلها ومايقاطعها بكلمـه 
 حضنـه ملاذ 
 وبدأت ترتاح وتهدأ بعد ماخرجت كل اللي بنفسها 
 كلامها يجرحـه وكأنه بيجرحها 
 وشـآلها من ارض طفولتها الملوثـه 
 ومشي وهوا رافـعها بين ذراعه ومبتسم : تعالي كلي ونسههر واخلي دا اليوم ذكرى حلوه 
 ويغمزلها 
 ضحكت بين دموعها ماتباه ينزلها يمشي في البيت وهوا شايلها : فين تبيني اوديكي 
 وهيا تأشر بيدها وهوا يمشي 
 راحو المطبـخ وجلسها على الدولاب وهوا بملابس العمل يجهزلها ويحكيها ايش سوآ
 مايباها تفكر وهيا مسرحـه فيه ومبتسمه 
 وكآنت طفولتها الملوثه بالواقع سبب انها تعيش مع إنسـآن يعوضها عن كل شخص ظلمها


 لمـى ..
انا بعد ماعشت حياه كلها خوف توتر ماقدر اعبر ماقدر اتكلم 
 حاليا عايشه بحاله سلاااام مو طبيعيه 
 مو بس سلام لا انا احط رجل على رجل واقول كل شي احس فيه وغصبا عنو يسمعلي
 هههههههه سرت زي شخصيتـه ا نا نسخه عدي ودا الشي يخلينا في حرب عالميه بالبيت
 عدي مو كآمل عندو عيوب ياكترها 
 بعد الزوآج اكتشفت انو يفصل على اشياء سخيفه 
 مزآجي 
 بشكل مو طبيعي 
 اقول الحمدالله إنو دايما بيميل للضحك 
 لأنو لما يكون في مود انا طفشـآن اكون ابا انتحر منو 
 في عيوب كتتتير فيه لكن صفاته الحلوى اكتر 
 علاقته مع ولد خالتـه اللي نشر صوري مرا سيئه 
 ماقد اتكلمت معاه بدا الموضوع بس سمعت لؤي يكلمو 
 لكن عدي مو قادر 
 قال السلام لله ودا الشي الوحيد اللي حيلقاه مني ..
موضوع ليث موترني مرا 
 حاسته اتغير 
 خايفه منـو 
 بس بنفس الوقت حزنانه عليه 
 صعب انك تشوفي اخوكي بعد شدته مكسور
 لككن بعض الاحيان اقول ليش احزن عليه وهوا ماحزن عليا 
 كيف ماهنت عليه
 ابدأ اعيش تضارب جوتي 
 مابين اعذره ولا لا
 واستوعب انو لا لا مرا مالو عذر 
 الطريقه اللي انضربت فيها ماتشفعلو ..
اني اكون بين رجولــه 
 وانا ابكي بكل صوتي وماتنهز فيه شعره 
 انو وجهي كلو يتغطى بالدم وانا اترجاه وهوا ماخاف عليا من الموت 
 اشياء كتير تجي في بالي وتخليني بعد ماأحزن ارجع اقسسى 
 لكن وجوده بنفس المكآن ماسار يضايقني .

احب جمعاتي مع اهل زوجي واعشق اهلي ..
كدا احس المكآنين فرحه بنسبه ليا ..
علا كل ماتجلس معايا تقولي قد ايش يعجبها المكيآج اللي اسويـه 
 طلبت مني اني امسك بدالها الصالون دام حتاخد اجازه بسبب زوآجها
 خوفت واترددت مرا لكن قالتلي حجبلك مودل وانتي زبطيها بنفسك 
 وحصور وحيكون اعلان لكي وبنفس الوقت عشان تكوني واثقه بنفس
 وبالفعل سوت الموضوع واستمتعت ممممرا 
 ورضيت اني امسك ديك الفتره بدالها كل المواعيد اتحولت عليا 
 دآآآآ المكآن اللي انا انتمي له 
 دا العالم اللي احبـو 
 احس سرت مبسوطه مرا من يوم مابدأت فيه 
 وقررت استمر فيـه ..وكالعاده اول مساند ليا عدي .



لؤي ..
اليـوم فرحـي الارض مو شايلتني من الفرحـه 
 اخيرا سارت ملكي 
 اخيرا حيكون ليآ بيت خآص فيا وفيها وبس 
 ابـويا حاسس بسعادته ليآ ..بعد الموقف الاخير كأنه فاق باإنشغاله عني 
 حاول كتير يتقرب مني بس كنت مكسور من ناحيته 
 ماقدر يرجعلي شي 
 كنت عند كلامي في البدايه مادخلت البيت اللي تسسكنو زوجته 
 نتقابل في مطعم ونتكلم كلامي سطحي مرا
 لين ماتذكرت بعد وفاة امي اخدت شنطه ودخلت اغراض لها ورميتها تحت السرير 
 مو عارف ليش سويت كدا بس مع الانهيار في داك الوقت كنت بشيل اي شي يخصها بغرفتي 
 وابعدها عشان اقدر انآم 
 اتصلت على ابويـآ زي المجننننون وقلتلو جي 
 بس فتحت الشنطه حسيت إنو بيدي كنووز الدنيآ 
 كآن يكفيني دا الموضوع باإني اقدر اكون طبيعي مع ابويا لكن شرطي الوحيد 
 نتقابل برا بيتو مو قادر اطالع في زوجتـه 
 حتى بنتها الصغيره تالا مرا سمعتها تتكلم جمب ابويا وانها اشتاقتلي
 لكن برضو ماروحت ..غرفتي لدحين زي ماهيا وقلي حيفضل مكآنك بالبيت حتى لو ماتبى تجي 
 عارف اني حضعف وحروح لكن شويا ابا وقت مابى اظلم زوجته بنظراتي 
 حتشوف الكره بعيني وانا مابى ادخلها بدا الشي ..
احتاج شوية وقـت 

 اليوم عباره عن حلم طفولتي بيتحقق قدآم عيني ..
كل شي بسويه بدون عقل 
 وابتسامتي والنظره اللي بعيني اتوقع كفيله انها تقول للكل قد ايش انا مبسوط ..
شوفتها من صغري تجري قدآمي وكنت اقول حتزوجها لو كبرت 
 كنت اشوفها تتضارب معايا ومع اخوانها وكريم واقول برضو حتزوجها لو كبرت 
 كنت شايف كل صفاتهها السيئه وبرضو كنت اقول حكبر وحتكون زوجتي ..
كبرت تحت عيني وقلت حنكبر اكتر واكتتر وهيا برضو تحت عيني 
 قد رسمتو حلم ...واتحققق بعد سنووووات طويله ..؟
 قد عرفتـو ايش يعني تبو توصلو لحلللم وكنتو تطيحو الف مرا وترجعو توقفـو عشان توصلولو .؟
 انا اليوم وصـلت 
 دخلت الغرفه وشوفتها بفستانها الابيض 
 بعيني هيا آيه من الجمآل 
 في قلـبي هيا النبـض اللي بيدق ..
مشيت وكأني مخدر اتجاهها ..
كنت عارف نفسي حكون ضعيف عند دا الموقف 
 ودموعي اللي اتجمعت بعيني توصفلها قد ايش تعبت عشان اتمنيت دي اللحظـه 
 وآخيــرا جآآت 
 لحظه مابى اتكلم فيها 
 لحظه ابا اتأملها وبــس 
 وتنهيده راحـه تخرج من صدري وتهزز كل شي جوتي 
 أخيـرا حققت حلمي .×

 .
 ,
 .


هديـل ...

وضع حملي مع وضع بشـآر خلاني مافكر كتيـر في مآمآ ..
بشار ماحسو زي زمآن لما نتجمـع مع روآن وامـه بيحاول يضحك ويستهبل
 واول ماينقفل علينا الباب اجلس جمبـو ويمسك يدي ويقعد ساكت ساعه ساعتين 
 كنت اتوقع مافي شي حيكسرو اكتر من موتة اختـو بس موضوع ابـوه بنسبه له كآن غير
 موضوع الحمل كل مالي اتأكد إنو مو مهتم له بس همو صحتي ..
لما كملت شهـرين حمـل وروحنا للمراجعه 
 سمعنآ نبضاتهم حسيت اني حبــكي بس هوا بـآرد !
لحظه مليانه مشاعر بس ماكان مهتم يعني ابتسم لإبتسامتي 
 حسيتو متوتتر اكتر من إنو مبسووط ..
بديت انخنق بس امـو قالتلي 
 محد حيرجع بشار الا الاطفآل 
 وانا خايفه إنو يسير العكس 
 بحآول اكون متأملـه إنو يرجع طبيـعي ..
اشتقــت لضحكته اللي احسها من قلبـه .
لجنـآنه اول مانكون فاضين 
 سار وقت فضاوته عباره عن سرحـآن اغلب الوقت ..
وكملت اربـع شهور حمـل وعرفت انهم بنت وولدين ..
اللحظه اللي قالتلي فيها انبسطت 
 ام بشـآر بدأت تتغير للأحسن اول ماشوفتها كآنت مكسوره 
 دحين بدأت نفسيتها تتعدل طول وقتها معايا بكل شي 
 اول ماعرفت انو ولدين وبنت اخدتني للسوق ومآزال بشار يسوي اللي بنقوله وبس 
 كنت اشتري الملابس وماتخيل انو دول في يوم يكونو بيدي 
 حاسه كأنو شي مو حقيقي ومستحيل يكون حقيقي
 روآن لما عرفت اتبنت واحد خلاص وحالفه انها تاخدو 
 وبشار لسى يبا يوزع البقيه يقولها دلال ماتبى واحد !!!
بطنني كبـرت وبدأت حركتي تثقـل 
 وانا في شهري السادس عزمو اهل تآمر بشار 
 كآنت جمعة رجآل ..
جا حب جلستهم لكن علاقته مع تآمر هيا الوحيده اللي بتقوى 
 ووقتها ارسلو واحد اسمو عدي مقطع على الواتس 
 مقلب سووه لأخو تامر وهما هنآك وبشار بيوريني ويضحك 
 انجلللطت لما شوفت عدي
 دا اللي كآن ياأذيني كل ماانظف ويضحك 
 دا اخو عزآآآم !!!
وولد خالتو كريم !!!
وولد خالتو التاني لؤي !!!
من وجهي عرف انو فيه مصيبـه 
 ماقلتلو شي عن عدي لأنو موقف واحد كآن بيننا 
 بس وجهه انقلب اول ماعرف اني كنت اشتغل في بيتهم 
 قلتلو دا اخو عزآم 
 وولد خالتو كريم 
 ولؤي اللي دفعلنا الإيجار 
 اتوقع من بعد اليوم عدي في الائحه السودا عندو 
 وكل ماينادوه ماسار يروح
 يخرج هوا وتآمر لوحدهم 
 ماداهم اسبابه
 في الشهر السـآبع فجأه كنت مع بشار وبنتكلم ونضحك 
 وفجأأأه جآآني ألم كآن يروح ويججي كل بعد وقت معين 
 ألم خلاني ابكي من قوتـه نادى امـه مفجوع 
 مايعرف يتصرف بدي المواقف وعرفت انو الطلـق 
 ودوني المسستشفى ...وبزبط ساعتين ودخلوني عمليات 
 وحولد قيصـري 
 شي يفجــع 
 كيف جا كل شي ورا بعضـو 
 وخلاني مو قادره استوعب ولا بشار يستوعب ..
صحيت ونا على السرير الابيض كنت اشوف بشار وبعدها شي ابيـض 
 ملامح مغبشـه 
 دموعي تنزل 

.
 ,
 ,
 : الحمدالله ع سلامه ياقلبي
 رجعت غمضت عينها بتعـب ..سلم على يدها ودموعه بعينـه 
 حتى للون وجهها رايـح 
 لدحين ماشاف اطفـآله 
 امـه راحت بس هوا ماقدر يتحرك 
 ودخلت روآن مفجوعـه وقبل لاتتكلم بشار اشرلها تسككت 
 قربت من السرير وهمست : كيفها 
 اشر براسـه وواضح إنو كآن يبكي 
 جلسو الاتنين جمبـها بكل صمت بس يطـآلعو فيـها
 لين مادخلت ام بشار وقالتلو يروح يشوفهم 
 هديل نايمه بعمـق
 حس إنو عندو فضـول يشوفهم ..
قام واتوجه لقسم الموآليـد ..
سئل عن اطفال هديـل . ولما قالولو انتا الأب 
 الجواب اخد منـو فتره عشان يجاوب 
 اشر براسـه بشويش 
 اطفـآلو لسى صغار الاجهزه حولينهم 
 مايتعد حجمبهم شبر ونص لبسوه اللبس المخصص 
 دخل وقلبـه يدق بسـرعه 
 شايف اسره اطفـآل من كل نآحيه لين ماأشرتلو على التلاته 
 ومكتوب
hadeel baby boy 
 hadeel baby boy 
 hadeel baby girl 
يطـآلع فيهم صغااار بشكل مو طبيعي 
 مو عارف لمين يروح 
 واقف قدام الأسره التلاته 
 لابسين بس حفايظ اكبر منهم واصله لنص بطنهم 
 واجسامهم موصلـه بالاجهزه 
 قلبـه وجعه عليهم 
 رفع يده باارتباك ومررها على شعره لين ماوصل لنهاية رقبته 
 زفر بصووت مسموع 
 الممرضه اشرتلو على جنب السرير يقدر يدخل يدو ويمسكهم 
 راح للبنت يدو تتنافض دخلها من الفتحتين المخصصه 
 مرر يدو على ذراعها الصغيره 
 وهيا اتحركت بشكل بسيط ابتسم لاشعوريا حط صباعه على يدها وهيا قفلت عليها 
 دموعه نزلت بدون مايحس 
 ماتخيل يحس بدا الاحساس بس شكلها يجنن 
 خااايف وهوا يلمسها وبنفس الوقت حابب دا الشي 
 يطـآلع فيها وهديل قعدت تختار مية اسم بس اسم حور هوا اللي جاه في باله 
 ماكان مهتم يسمي احد ماكان مهتم لأي حاجه بس قلبه قاااعد يطق بشكل مو طبيعي 
 يبا اسمها حوور 
 حور بشـآر جاسم محمد الرآيد 
 راح لولده التآني 
 والممرضه تشجعو انو يحط يدو تحط راسـه والتانيه تحت ظهرو 
 رفعو بشويش وبزبــط كآن مملي كفين بشار من صغر حجمو
 فتح عينه ورجع قفلها وبشار ضحك بصوت مسموع 
 ردات فعله مو قادر يحس فيها 
 وطلبت هديـل تسميه 
 يوسف بشار جاسم محمد الرايـد 
 والتآلت 
 يزيـد بشار جاسم محمد الرايد 
 خرج من قسم المواليد وهوا مبتسم واختفت ابتسامته لما لقى هديـل تتألم وتبكي 
 عانت كتير بحملـها وماتوقع بعد الولاده برضو حتعاني
.
 ,
 .
بعد ولادتي سار موضوع كيف ماما بعد دا التعب قدرت تسيبني هاجس 
 الألم اللي بعيشو مو شي طبيعي كيف قدرت تنسسى !!
اول ماولدت ماشوفتهم لازم اروحلهم ..قالولي انو صحتهم كويسا لكن يبالهم عنآيه 
 وحيقعدو فتره بالمستشفى ..
بشـآر سهر معايا طول اليوم اكتر لحظه ماانساها الصباح اليوم التآني 
 لما قالولي لازم تمشي 
 لحظه احس روحي بتطلـع
 يد بشار اللي شاده عليى يدي هيا اللي مثبتتني
 ابا ابكي بس من قوه الألم لازم اضغط على نفسي عشان اوقف
 وقفت وسندني جسمو لأني حسيت حطيـح من طولي 
 جسمي كلو يتنـآفض واحس بضعف مو طبيعي 
 كنت امشي خطوه واوقف واخد نفسي 
 روآن وقتها خرجت من الغرفـه عارفه انها تبا تبكي 
 دقيقتين وقلتلو ابا اجلس دايخه 
 معاناااااه داك الوقت وبشار ضميره مأنبه 
 لين العصـر حسيت إني احسـن وقلتلو ابا اروح اشوفـهم 
 جابولي كرسـي وبشار دوبو بدأ يحكيني وروان معانآ 
 يقول انهم كيوتين وصغـآر
 اعرف نبرة صوتو دي 
 لما يكون بجد متحمـس
 مرا انبسطت 
 بس برضو قلت يمكن شايفني نفسي اشوفهم ويبا يفرحني 
 كنـآ بندخل ومنعـو روآن 
 دخلت انا وبشـآر 
 جابني جمب السرير مسكيت يدو ووقفـت 
 اشكـآلهم تحززن بس بنفس الوقت شعور جبلي السعاده اني شايفتهم 
 ابكي وانا مو متخيله إنو دول ليا اناا 
 دول انا تعبت فيهم 
 دول ابا احطهم بعيني واقول لماما انا مستحيل اكون زيـك
 طالعت في بشار ولقيتو يدخل يدو ويمررها على خشمها وهيا تتضايق وهوا يضحك 
 ضحكت عليه بجججد عيونه تنطططق باإنو متجنن عليهم 
 كدا كل شويا يروح عند سرير واحد فيهم 
 جابولي رضعـه صغيره وقالولي لو تبي رضعيـه 
 وهنـآ بشار وقف وراها مسكت اول واحد حطيت يده تحت راسـه ودموعي تنزل 
 شي مرا صغيييـر
 وبيدي التآنيه قربت القاروره 
 مو عارف يمممص اضحك وابكي 
 بشار مبتسم وواقف ورا هديل ويتفرج لحظـه صمت مرت عليهم 
 هنـآ حتبدأ حياتهم الجديده هننــآآ حيكون همهم شي وآحد 
 اطفـآلهم يعيشو احسن منـهم ..



 بشـآر ...

هديل عآنت كتيــر في حملـها 
 كرهت العذاب النفسي اللي عشتو وقت ولادتها وانا استناهم يجـو يطمنوني ..
وقلبي وجعني اول ماخرجوها وكيف كآنت تتألم 
 حسيت كأنو احد بيحححرق قلبي وانا مو قادر ابعدو مو قادر اسوي شي 
 ماهتميت بديك اللحظه بالاطفال 
 كل همي هيا وبـس 
 وبس روحت شوفتهم اتمنيت الوقت يوقف وانا اطالع فيهم 
 لدحين اضحك ببلاهه كل ماشوفهم 
 احس فيه شي غلط بالموضوع 
 كدا تلاته وحقوني انا اتحكم فيهم 
 اعذبهم زي ماأبى محد يقولي لا 
 شي ممتع 
 مدري ليش مافكرت بالموضوع من دي الناحيه 
 خرجنا من المستشفى وسرت اجي ازورهم كل يوم 
 هديل على تعبها بس تبكي كل ماقولها ارتاحي انا اطمنك 
 واضطر اخدها وتجي تشوفهم 
 سميـه مطفشتنآ شويا تقول حخليهم ينادوني عمه وشويا تقول لا أبى خاله 
 واحنا مدينها جوهها 
 اشتريت لهم تلاته اسره صغار بنفس الغرفـه 
 أمي متجهزه نفسيا وهديل 
 ماحنقدر نعيش من غير امي اساسا 
 كآنت تبا تاخد شقه لوحدها عشان لاتضايقنا بس هديل انفجعت 
 انبسطت انو ردة فعل هديل كآنت قبل ردة فعلي 
 اساسا احس هديل مرا اتعلقت فيـها وحابب دا الشي ..
ومرا روحنآ نزورهم زي اي يوم وقالولنا عادي ناخدهم 
 اكبر ورطه لأني ماعرفت فين ححطهم مين حيمسكهم 
 سويت اجرائات الخروج كلمت الممرضه تشيل واحد مع إنهم صغار بس برضو خوفت اشيل اتنين 
 مشينا واحنا معانا تلاته اطفـآل
 كآن شكلنا مرا ملفت كأننا سارقينهم
 محد حيتوقع انو دول حقنآ
 وبدأت حياتنآ الجديده اول مادخلو البيـت ..
يبكو مع بعض 
 يتعبو مع بعض 
 نغيرلهم مع بعض 
 شي متعــب بالدور انا انام وهديل تصحى امي تنآم وهديل ترتاح 
 حسيت فجأه بيتنآ حينقلب عزبه 
 الباب مفتوح طول الوقت ودلال وروان خارجين طالعين 
 كآن لهم نصيب من المعاناه معانا 
 دلال وامي اتفقو كتير الفتره الاخيره 
 بذات لما يشوفوني انا وهديل متورطين فيهم هما ياخدوهم 
 فين كنت قبل كم شهر وفيني دحيـن 
 احس ماسار عندي وقت افكر بشي 
 حتى احلامي سارت عن خوفي انو هديل تقولي اهتم فيهم وتنآم وانا انام وانساهم 
 سرت اسرح كل تفكيري اروح اشتري حليب ولا حيكفي اليومم 
 كل شي يخصصصهم 
 سلبو كل عقــلي 
 مشكلتي الوحيده اني مافرق بين يوسف ويزيد
 هديل مرا تنجرح واضطر اكدب كل يوم واقولها انا عارفهم 
 في يوم اضطرت امي تودي هديل المستشفى ...
ودلال سارت تداوم صباح ومساء يعني انشغلت 
 واضطريت امسكهم انا وروان وتـآمر 
.
 ,
 .


موزعهم التلاته في الارض وجالس على الارض 
 بشورته الاسود اللي لنص فخذه وتيشيرتو الأبيض ومخطط باأسود
 شكلو واحد ضااايع وكأنه مو اب 
 وتـآمر نفس الشي جالس بالارض بثوبـه : يااابشار راسي ماشالله حينفججر سوي شي من اول بيبكو
 بشار طالع فيه بصدمـه : انا جبتك عشان تشيل واحد معايا 
 تامر : قلتلك حجي اتفرررج انا مااعرف اتعامل مع الاطفال وماشالله مرا صغاار يخوفو 
 روان جات وشالت حوور وسارت تهزها يمين ويسار وهيا واقفه : آآآآه يااارااسي
 بشار يطـآلع باأولاده الاتنين ويقول بترجي : الله يخليكم خلاص والله راسي يوجعني _ زادو بكى وقال بتعب _ احسهم يكرهو صوتي ايش اسوويلهم دوول 
 تامر : جرب تشيلهم هزهم سوي اي شي ولا وربي انا ماااشي 
 بشار : هههههههههههههههههه شوف باقي اسبوعين على فرحك لاتكون نذل عشان لاأسير اوسخ منك 
 روآن : ههههههههههههههه كمان لك عين تهددد تامر بلله يلا نسبله التلاته نشوف ايش يسوي
 تامر جا يقوم الا بشار مسك ثوبه :أمزح ياهوو
 رعبه في الحياه يقعد مع اولاده لوحدهم وهما صاحين..
تـآمر : ههههههههههههه بجد بجد شيلهم وهزهم 
 وحط مخده على رجلو وحط واحد والتاني شايلو بين يدو ويهززز
 شكللو خلاص ختم الأبوووه 
 تامر سند جسمو على الكنبـه وبس بيضحك عليـه 
 الفتره الاخيره بنسبه له سار بشـآر اقرب واحد له 
 اغلب وقتـه عنده
 وبدأ يهدى الوضـع وسكت واحد ورا التآني 
 وحطوهم بالفرشه اللي على الارض ..
بشار بهمس : احس ابا ابكي مو قادر استوعب انو مافي اصوات حوليا 
 روآن :الصمت نعمه 
 تامر : ههههههههههههههههههههه 
 الاتنين طالعو فيه عشان يسكت فجعووه
 وجلسو التلاته في الارض وبس يهمسو 
 تامر : دحين كيف تفرق بين الولدين 
 بشار ملابس يوسف اصفر وملابس يزيد سماوي
 تامر : طيب لو كآنو مو لابسين 
 بشار : ههههههههههه _ طالع في روان _ اقولك دحين دي تروح تقول لهديل وتورطني 
 روآن عشقها دي اللحظات : هههههههههه لا لا ماقولها 
 تامر : ههههههههههه كدابه حتتكلم 
 روان طالعت في تامر : والله ماحتكلم 
 بشار : ترا حتزعل هديل 
 روان بجديه : وعد وعد 
 بشار حرك شعر يزيد اللي بنهايه رقبته : حطيت عليه خط ازرق والتاني خط احمر 
 الإتنين طالعو فيه 
 رمشو بهدوء 
 تآمر بصدمه قال : إلعن شكلك كتالووج هوآ !!!
روآن : والله ماتستحي 
 بشار : هههههههههههههههه نفسي اعرف كيف هديل تفرق
 روآن حطت يدها على قلبها : حسيت انا انجرحت بلله لما يكبرو تقول كنت اميزكم بتأشيرة قلم 
 بشار : اجل اقولهم ماكنت اميزكم من الأساس !!!

روآن وقفت : انا حمشي كل مااقعد معاك اقول يارب كيف رزقتو بتلاته 
 تامر : هههههههههههه والله معليش حتى انا ماشي 
 بشار : ههههههههههههههه انتبهو على جوالاتكم عشان لو صحيو اناديكم 
 تامر : شغغغال عند اهلك جايبني من اخر الدنيا عشاان انتبه لعيالك 
 بشار : الدنيا سلف ودين صدقني حتحتاجني بيوم 

 وخـرجو من عند بشار بعد ماطفو اللمبات وبشار انسدح بالارض واتغطى باللحاف معاهم 
 التلاتـه قدآمـه 
 يعشقـــهم بشكل مجننننون 
 يحس انو مرتــآح وهمآ جمبو 
 وبعد ماكانت الدنيآ قفلت بوجهه 
 بعد ماحسس إنو كل شي مو قادر يتحملـو 
 دحين حيتحمل كل شي عشان خاطر دول التلاته ..
حط يد بنتو الصغيره على شفايفه وغمض عينه براحه 

 وكآنت يوميـن عشـآن يقرر يكون لهم أب
 في الصبـآح متربعه على السرير وتطالـع فيه وهوا يلبس 
 قفل اخر ازرار وطـآلع فيـها 
 وواقف ببدلتـه العسـكريـه 
 جلس على السرير وبيلبس الشراب : هههههههه حتكوني مفجوعه كتير 
 هديل : ههههههههههههههه اول مرا بحياتي اشوفك كدا مرا تخوف
 بشار : ههههههههههههههه دار جسمه وسحبها من بلوزتها بعفاشه وسلم عليها : يلا انا متأخر
 هديل : آآي 
 بشار ولا كأنه سوا شي رآح وهوا ضاغط على اسنانه ويتفرج على حور ويوسف ويزيـد وكلهم مستسلمين للنوم 
 طبـع بوسـه على خد كل واحد واول ماوقف بااستقامه قال وكأنو ماكتفى منهم : نننفسي اخدكم كلكم معايا 
 هديل : ههههههههههههههههه لما ترجع من الدوام بلله اطلع افجع روان بلبسك
 بشار : ماسار للبس
 هديل : احنا كآن مسببلنا ازمه 

 خرج لدوآمـه اخد منـو الموضوع فتره طويلـه عشان يقدر يرجع لحيآته القديمـه
 ورجـع رفع جوآله بالطريق وهديل مرسلتلو مقاطع طول الليل وهيا تتضارب معاهم التلاته
 يضحكك ويرجع يعيـد المقطـع 
 حركآت بسيطه لأطفاله ماتعني لأحد بس بنسبه له تعني مررا كتير ..
تفرح قلبـه ولو احد بس مد يدو والتآني ابتسم والتالته بوزت شفايفها 
 هنآ يعيد المقطع مليون مرآآآ ويصور الشـآشه 
 اخدو كل عقلــه زي ماأخدت امهم عقلـه 


 ليـث ..
بدت عيني تنفتح على تصرفات امل 
 بديت اشوف كل حركاتها البسيطـه وكيف كآنت تعاملني 
 احمد ربي على زوجتي 
 احمد ربي على ولدي وبنتي ..
لكن كل نهايه اسبـوع اتعب نفسيا من اللمه اللي في بيت امي 
 مبسوط إنو اخواتي ربي رزقهم باأزواج مقدرينهم ..
ماكنت اعرف ترف بس شايف تغير لمى الوآضح بكل تصرفاتها 
 سنـه ونص كنآ بنتقـآبل وترف مابتكلمني ولو نص كلمه 
 حتى نظره 
 ودا الشي يقتلني لما اشوفها تتكلم مع الكل وانا كأني مو موجود
 واضح انو شخصيتها قويـه 
 واضح بتصرفاتها انها اتعلمت حاجات كتير من حيآتها 
 لمى تضعف وترجع تقسـى
 بعض الاحيان اسمع منها تعليق وبعض الاحيان تشتت عينها لما اطالع فيها 

 الشي اللي خلاهم الاتنين يتكلمو معايا المواقف القويـه
 اللي تخلي الواحد غصبا عنـو يتكلم 
 وأولهـم ترف ..
كنت خـآرج من بيت أمي ومعايا بس احمد ودآنه وامل ماجات بسبب وحامها ..
لقيتهم في الدرج 
 احمد راح ياأذي سامي 
 وانا اقلو تعـآل ..
ولساتو واقف في بدايه الدرج ويضحك ويمزح 
 وسامي اسوء من امـه 
 باني حوآجز ودا الشي فاجعني منو كطفـل ..
ناديتو للمرا التآنيه 
 وسامي اتنرفز من حركـآته سحب يدو بقوه من احمد
 ماقدر وقتها احمد يتوازن ماقدر يحرك يده التآنيه ويمسك في الدربزآن 
 وطـآح من اول لدرجه لأخر درججججه 
 انا ضعيـــف عند ولدددي
 ماتحركت من مكآني وبراااء وتـرف هما اللي جريـو عليـه 
 دآنه كآنت نفس وضعي تطآلع فيه مصدومـه 
 انضرب راسـه بحدايد حاطينها في العمآره 
 براء رفعـو وأول ماشوفت الدم 
 اتوقعت مآت 
 خوفي عليه الفتره الاخيره موترني ودا الموقف ماخلى فيا عقـل 
 براء وداه على طول للسياره 
 وقتها وقفت قدآمي ترف بتحاول تطمني بس كل اللي كنت اقولو ولددي لايموت 
 مدري ايش كآنت تقول بلحظتها بس هيا اللي سحبتني للسياره 
 هيا اللي كآنت تمشيني بوقتـها دانه ركبت وسـآمي كلنا روحنآ بنفس السياره 
 ماقدر اطـآلع فيه طول الطريق 
 ماقدرت اشوفو مو داري عن احد حوليـه تآني
 وصلنآ المستشفى وخيطولو مكآن الجرحح سولو اشعـه وكآن كل شي سليـم 

.

 ,
 ,
جآهم الدكتـور وطمنـهم وليث جلس على اقرب كرسي ومسـك راسـه 
 جسمه كلو يتنـآفض 
 ترف حاسه بالذنب بسبب سآمي 
 اتوجهت لليـث جلست جمبـو وغصبا عنها سارت تهرج : تعال شوفو مافيه شي والله قام
 ماعلق كآن ماسك راسـه باأياديـه 
 دموعو نزلت 
 ضعيــف من بعد داك الموقف 
 يخـآف عليه من الكل 
 براء كآن شايفهم بس مارضي يروحلـو يباها تقعد معاه 
 راح للسياره يطمن على دانه وسـآمي ..
وترف حطت يدها على كتفـه : للليث 
 ودي اول مرا تنططـق اسمـو كدا 
: والله الحمدالله كوويس قوم معايا شوفو 
 مسكت يدو : قوم الله يسعدك 
 قـآم وهيا ماسكه يدوو واول مادخل لااحمد وشافـه جالس جلس جمبـه 
 وددموعـه ماوقفت يسئلو فيه شي يوجعك 
 واحمد يقولو شويـآ
 ويرجع يبـوسو ويحضنـه وترف دموعها بعينها مررت يدها على شعر احمد : انا اسفه سامي ماكان يقصد يدفك 
 كلهم عارفين انو مو قصدو 
 كلهم عارفين انو لو يدو التآنيه يقدر يحركها كآن قدر يثبت نفسه 
 ودا الشي حارق قلب ليث 
 وترف تطـآلع فيه كل شويـآ ومقهوره عليـه 

.
 ,
 .
من بعد دا الموقف لقيت اسم ترف بجوالي مسجلو بسبب القروب المجموعين فيه
 اتصلت تطمن على احمد واعتذرتلي 
 صح مارجعت معايا بس سار فيه تعليقات بسيطه بيننا 
 اخد الموضوع سنـه ونص منها عشان تفتح باب للأخد والعطى معايـآ ..



لمـى كان بيننا حوار بسيط 
 صح مااوقف انا وهيا لوحدنا 
 لكن لما نتكلم كلنا ممكن ترد على كلامي
 بعكس زوجها اللي مابيني وبينـه اي موقف 
 قبـل موقفي مع تـرف انا ولمـى سار بيننا الوضع طبيعي 
 لمى ساكنه قريب منـي تقريبا عشره دقايق وانا عندهم 
 لكن عمري مادخلت بيتها 
 كآنت في شهرها التآسـع حآمل ببنت ..
على كلام عدي إنو حآول يجيبها لأمي قبل لايخرج بس اغلب وقتها نايمه ومكسله تركب السياره
 خرج مع اصحـآبه وسابها .. وفجأه تتصل عليه تبـكي 
 اتجنن لأول مرا يتصـل عليا يتكلم واحسو مفجووع 
 يقولي انتا اقرب وااحد كلمت تميم وفي الطريق 
 ربشني معاه مافهمت شي وبعدها استوعبت 
 وسار معايا على الخط عشان يوصفلي فين بيتـه 
 بس وصـلت قفلت منـو وداك اليوم اكتر يوم انضـربت من لمى 
 وصلنا المستشفى وتبكي بصووتها 
 فضحتني بالمكآن احاول اقولها اهدي دا بس طلــق 
 بس كل مايجيها الطلق ويجيها الطلــق تمسك يدي واحس اظافيرها تغرز فيااا 
 سبتنننني
 وسبتت عشيرتي كلهم وانا متحملها 
 حسبنت على عدي الف مرا 
 ويرجع الطللق ولما ماأمد يدي لها تصررخ عليا وتقوووولي هااات يدك 
 والله أمل ماسويتلها كدددا
 ابا اخرج مكسوووف وهيا تقولي والله ماتسيبني
 الممرضات يحاولو يهدوها بس تبكككي وحالفه يمين انو محد يحس الشي اللي بتحسو 
 وبس وصـل عدي كآآن مفجوع من صوتها اللي سمعو بااخر السيب 
 دخل وانا انسحبت على طوول 
 سامع صوتها وهيا تقولو كللوووو منك انا ااااكرهك
 الممرضات يخرجو يضحكوو 
 مدري هيا مستوعبه اللي بتسويه ولا لا !!!
وعدي مسكيين اتحممل صريخها كتيـر 
 اعرف انو من وحده لوحده يختلف الألم لكن لمى ختمت الحريم كلهم 
 ووقتها جووه اخواني وامي واهل عدددي 
 وعدي دخل معاها في الولاده الطبيعيـه 
 الولد خرج مفجووع 
 ماخلتو يسيبها 
 ماسكتو من بلوزته
 حسيت انو هوا اللي كآن بيولد
 خرج وجلس وياأشرلنا انو الحمدالله هيا طيبـه 
 امو تكلمو واحس مو مستوعب انو دي امـه 
 قالتلو الحمدالله على سلامتها 
 وقلها الله يسلمك ياعمه !
ورجع مشي كأنو سكرآن
 ولادة لمــى الشي اللي كل مانتجمـع نفتحـه
 عدي حلف عليها انو ماتحمل بعد كدا 
 ولو حملت حيسافر وحيرجع وهيا والده
 من بعدها انا ولمى نتكلم عـآدي واكتر من العآدي 
 لأنو موقف ولادتها دا لوحدو يخلينا نموت ضحك 
 وبرضو اخد الموضوع مع لمى سنـه كآمله عشان تسامحنـي 
 سنـه كامله واحنا اسبوعيآ نتقـآبل ..
وترف السنين كفيله انها ترجع كل شي ..
وام ليـــث ماغلطـت لما جمعتهم غصبـآ عنها 
 عارفه انو كتر الدق يفك اللحـآم 
 وهما مالهم غير بعـض 
 لمى جاتها اللحظه اللي اضطرت تستعين باأخوهـآ
 وترف أم حست فيـه وكآن دا باب بسيط انفتح لليث ..


الإنتقـآم ..× 

خـآرج دول الخليـج وبتحديد في فرنسآ باأحد الفنآدق 
 ماسكـه جوآلها وفاتحه كآم مع أم بشـآر 
 وتشوف يزيد ويوسف وحور : وحشوووني 
 ام بشار : شوفيهم هادين الحمدالله انتو انبسطو وبطلو كل شويا تتصلو 
 هديل : هههههههههه ننبسط زياده لما نشوفهم 
 ام بشار : كلها كم يوم وترجعي للغلب حرميلك هما واخليكي تشبعي منهم 
 هديل : مو لما اتذكر ايش حيستنآني بعد دي السفره احاول اعوض كل شي 
 ام بشار ابتسمت : والله وحشتوني 
 هديل : وانتي كمآن جننت اساسا بشار فيكم نفسي اشوفكم ونفسي انبسط كدا ضايعه زي دايما 
 ام بشار : ههههههههههههههه فينو بشار 
 هديل : قلي سـآعه وراجع 
 ام بشار بااستغراب : فين راح !!!
هديل : شكلو بيشتري حاجات 
 ام بشار : كان روحتي معاه 
 هديل : كنت رايحه معاه وفجأه قلي اقولك شويا ماحتاخر وخرج 
 ام بشار من يوم ماجاب سيره فرنسا وهيا خايفه اساسا ماحبت توتر هديل : لما يجي طمنيني عليكم خليني اقوم ارضعهم قبل لايبكو ..


وجنـآن بشار مهمآ كبتو لكن لازم تجي لحظه يفرغـه ..
يمشي في الأماكن المشبوهه بلبسـه التقيـل 
 الهوا البارد في اخر الليل يخرج من فمو بشكل واضح ..
رفع جوآله واتصـل .. ووقف في مكآنه لما قلو دحين اجيـك 
 ضم الجآكيت الاسود اكتر لجسمـه ..رفع السكارف اللي حولين رقبته لفمـه 
 عدسـه عينه تتنقل يمين ويسـآر 
 لين ماأشرلو واحد في الشارع المقـآبل وراح وروآه 
 سلم عليـه بس مصافحـه
 ومشي معـآه لين مادخلـو احد الأماكن الضيـقه 
 صوت الموسيقى الصـآخبه 
 بنات لليل مشعتريـن بكل مكآن 
 فتح الباب الحديد ودخـل نزل السكارف عن ذقنـه 
 ووحده جآت لحده بالقطعتين الخفيفه على جسمها مررت يدها عليـه وهوا بعدها ونزل ورا الرجآل من الدرجات الحديد 
 عكس اتجـآه المكآن اللي فيه التجمعـآت 
 مرر طووويل فـآضي طالـع حوليه الرجآل وبعدها خرج المفتآح وفتحلـو الباب 
 ودخـل 
 غرفــه فاااضيه 
 وشخـص مربوط على كرســي خشبـي .. : هلا بعمممي

 جلال رفع راسـه له 24 سـآعه وهوا هنـآ عقد حوآجبه 
 استوعب الصووتتت بس مو شايف شكلو 
 وبشااار يقرب منـو بخطووات هاديـه لين ماوقف قبـآله 
 واللنور النآزل من السققف ويتحرك يمين ويسـآر مع الهوى 
 ابتسم جلال برغم اللي فيه : اخر واحد خطر على بااالي
 بشاار مسكو من ملابسـو ورفعوو واياديـه ورجوله مربوططه : تهددني بعياااالي ؟!
جلال :ههههههههههههه وكبرت يابشار وسرت تقول عيآل
 وقبللل لايكمل لكمو بشـآر بكل قوتـه وطاح جلال بالارض
 رججع سحبـو من بلوزتـه وقومـه 
 وجلال راسـه يدوور وياخد انفاسـه بسرعه : إنتا ايش تبااا مني !؟!!
جلال لف راسه على اليمين وهوا يخرج الدم اللي بفمو بالارض ورجع طآلع ببشار : ححرق قلبك 
 بشار شد على لبس جلال وقربـه من وجهه : وانا حدفنك قبل لاتفكر تلممس شعره وحده منهم خلي دا الشي في بااالك 
 جلال بقهههر قال : كيف مآت جاسم ..؟ قالولي انك بكيت عليـه 
 بشار بين اسنانـه قال : انكتتتتتم 
 جلال : انتا اخدت كل حياتي منننني اخدت اغلى شي اخدت غاليه وبعدهاا جاسسسم وتحسبني حسيبك والله لاأ
 ورجـع يضـربه بشـآآر نززلت دموعه وساار يصرخ عليـه : انتتتتا غغغغبي متى حتستوعععب انو مالي ذنننب متتتتى حتستوعب خيانتك لجآآبر هيا اللي قتلتها متى حتتستوعب انو بسببك ابويا دخل بدي التجاااره مو أنااا افهممم مو اناااا السبب قربه من وجهه وهوا كاره انو ياأذيه ماسار عندو قوه ياأذي احد _ قوولي ايش تباني اسوي فيييك لاتعممميني وتجيب سيره اولادي على لسااانك والله ياجلال لاأقتللللك والله لاأقتلك لو هددتني فيهم تآني
 جلال : المرا التانيه ماحهدد المرا التانيه حخليك تدفنـهم
 وانعمـــى بشااار 
 وضــربه بدون اي رحمــه 
 يرميــه ويشوتـه برجججله 
 الا اولاده 
 دول اللي رجعولـه الحياه بعيـنه 
 يرفع جلال ويباااه يسحب كلامـه لكن كآن يعيـد الجملـه 
 حتى وهوا بينزززف ورججع ضـربه لين ماترمى جلال وسار مايتحرك وبرضو بشـآر يضربـه
 وجااا الرجآآآل بعد بشـآر بالقوه وهمسلو : إنتا قلت ماحتقتلو 
 بشار عينو على جلال وياخد انفاسه بطريقـه سريعه 
 حـــآقد 
 هدده بهديـــل بس مع وفآة ابوه سابو وماكآنت عنده قووه يسويلو شي 
 بس دحييين توصل فيه انو يهدده باأطفـآله 
 ماتااااب 
 للليش داا كلو 
 ليش مو رااضي يستوعب انو مآلو ذنب ..
بشار بيحاول يتمآلك نفسـه : سويت اللي قلتلك عليـه 
 الرجال حرك رآسـه : قولي متى تباني اسلمو للشرطه وانا حسلمو ..
بشار رجع طالع في جلال المرمي على الارض 
 مرر لسانه على شفايفـه وقال : لما يفوق نظفوه وسلموه 
 وصرف من قلبـه عشان يورط عمـه بقضيه مايقدر يخرج منهاا 
 غصبـآ عنـه كآن الموضوع 
 ماكان حيعيش بسلاام وعمـه حر ..
ولدي اللحظه جميـل مو عارف جلال كيـف يفكر .. 

وبدأت تتسلط الاضواء على قضيـه المتآجره بالاطفـآل
 بشكل كبيـر ..
جآسم 
 نآل عقـآبه واصبحت نهايته 
 يضرب بها المثل لأي شخـص يريد ان يسلك نفس الطريـق
 الدوله سـآهمت بمساعده كتير من الاطفـآل المشرديـن 
 اللواء جميـل الرآيد والملازم الاول بشار الرآيد ..
قدمو نفقـآت كبيـره لكل فتـآة او فتـى لايجدو لهم اي ملجأ 
 نعيمـه 
 سوزي 
 هنـآدي 
 نجاة ..
والكثيـر من الفتيآت مدت لهم يد العون ..

وتبقـى قصـه حبست بدآخل قلبـهآ ..
الخوف من التهديد 
 الخوف باأن تقتـل كتلك الفتـآه اللتي تصدت جآسم واصبحت جثه هامده 
 الحـآرس ععندما قدم البلاغ بقضيه جآسم اخبر الجميع 
 باأن هنـآك فتاة شهدت القتل
.
لم تتنازل هديل عن والدتها بسهولـه 
 حتى كآنت شاهده في تلك الليله على مقتلل الفتاه البريئه 
3 ايـآم تم تهديدها من قبل جآسم وجلال بالقتـل لو اخبرت احد 
3 ايام تعرضت للعنف واخبروها إنها سوف تصبح مثلها لو نطقت اسم والدتها مرا اخرى 
 ورموها مرا اخرى بين الفتيـآآت ولم تستطع ان تتحدث بشيئ 
 كجثـه ولكن تتنفـس 
 كروح ولكن مسلوبـه ..

لحظـآت سريـعه ..

لؤي ..
عدي جبلي كرت فرح عديلو 
 وعلا كآنت بتقرأو وفجعتني لما قالتلي اسم العروسـه 
 سميـه جاسم محمد الرايد !!!!
حتتزوج تآمر !!!
دي البنت كل ماحاول اخرجها من راسي الا يجيني خبر عنها
 مني قادر استوعب لين دحين ايش اللي سار بينهم !
تآمر شفتو كدا مرا واضح انسان مرا جدي مو قادر اتخيلو مع سميه مرا 
 روحت الفـرح والموضوع مشي عآدي 
 بعد سنـه تقريبا عدي عزمهم في بيتو وعزم اهله 
 بعد العشا خرجت انا وتآمر بنفس الوقت وشوفتها نآزله
 الفضول قاتلني 
 كل شي فيها متغغغير 
 اصلا ماستوعبت انو هيـآ الا لما شوفت تامر استئذن ومشي 
 صفحه وانطوت اللي بيننا كآن شي جميل وبسيط .. بسببها رجعت لعلا 


 روآن ..
حققت حلمي اللي بناه بشار في رآسي
 بنيت في نفس الحي اللي انا فيه حضانه اطفآل
 ومآزال عمي جميل اول مساهم ليا في كل شي 
 احساس انو يكون عندك عممل إنتي حابته شي مرا مختلف
 اصحى من نومي لهدددف ودا شي مافهمتو إلا مؤخرا
 صعب الانسان يعيش من غير طموح او اهداف
 اتغيرت كتير بالفتره الاخيره كملت دراسـه 
 بديت اقرأ كتب .. كل بعد فتره اوقف قدام تآمر واقلو بلله ماسرت انسانه فخمه 
 لو مامدحني انا امدح نفسي مو مشكله 
 ماسبلو مجآل اساسا .. حياتي كل سنه معاه تتغير للأحسن 
 كترة المشاكل فادتنا بعدين لأنو سرنا نعرف تفكير بعض 
 كنت اتوقع في لحظه إنو كترة المشاكل يعني خلاص احنا ماننفع لبعض 
 بس عرفت بعدها إنو شي طبيعي اي اتنين يجتمعو فجأه تحت سقف واحد 
 حتسير بينهم مشاكل ...المشاكل في البدايه اساس بناء العلاقـه
 تآمر اتنازل عن العبايه لكن ماتنآزل عن الحجاب 
 ودا الشي احس صادم اهلـه فيه ودايما يقولولي لو تعرفي تامر زمآن 
 عن نفسي بعد ماكملت دراسـه بعد ماتعمقت اكتر في الدين 
 غطيت شعري بااقتنآع تآم .. دلال لا ماسرت اقولها دلال دي مآمآ
 قلتها بصعوبه بالبدايه بس نطقتها من قلبي
 وجودها بحياتي نعمـه ماما تشتغل معايا في الحضانه ماسكه قسم الاداره
 اما لؤي شفتـو وحسيت اني حموت لما عرفت انو يقرب لعدي
 قلت لتآمر بس ماديتو تفاصيل قلتلو اني اشتغلت عنده وانو استأجرلنا هوا الشقه
 اسئله كتير جآت كآنت حتوقف قلبي ماقدر يزعل مني لكن وجهه كآن فاضحه حق يومين ورجع طبيعي

 هديـل ..
انااا مششش انااا 
 تلات توائم طبيعي اكون مش انا
 بعد اربع سنـوات اترقى بشـآر في عمله وسـآر نقيب _ مدير احد غرف العمليات 
 ماتوقعت إنو حياته حتكون بدا الضغط لكن حابه انشغاله بنفسه 
 مكالمات تجيه اخر الليل تفجعني مسدسـه الاوراق كل شي كآن يوترني بالبدايه 
 بس اتعودت عليه كل سنـه احسو يكون اقسسى في عملـه لكن معانا غير 
 نفس عم جميـل في كل تصرفاته بناته يحكوني كيف يلقوه يصرخ مع الرجآل وفجأه يجيهم 
 ويتكلم مع بنآته بصوت مافي أحن منـو ..
يوسف ويزيد وحور ..
ايش اقوول تجيني لحظآت ابككي من التعب واروح لغرفتي ويجوني التلاته 
 بجمله وحده يخلوني اضحك 
 اسفييين مامي 
 اللحن حقتهم يضحك 
 اعشققهم روحي فيهم بس لابد من الضغط مااصدق بشار يااخد اجازته 
 عشان اسافر سرت حتى ماأرضى اقعد بنفس الدولـه لازم اخرج جنان اولاده بسفرياتي
 لو على الشبه احس اخدين اشياء كتير منـه وبنفس الوقت بشار 
 يعني اللي يشوفهم يعرفهم إنو دول بزورتنآ 
 وكل مايكبرو كل ماأقول كيف هآن على ماما تسيبني ..!


ترف ..
حبي لبراء وراحتي النفسيه حرمتني من اني اكون ام مرا تانيه
 بحاول ارضى لكن تجيني لحظات اضعف كتير 
 سامي بيتحسن شهرين تلاته وبعدها يرجـع لكن الحمدالله سرنا نعرف نتعامل معاه
 بعد سنتين من زوآجي بدأت بمشروعي الخآص
 بديت انشغل ككتتير حبيت حيآه عملي والبنات اللي معايا 
 لأني فاضيه اغلب وقتي برا البيت لكن احب ارجع قبل براء بساعتين او تلاته 
 احب يجي وكل شي يكون جاهز لـه 
 احب يحس بوجودي احب لما اتعب يفتقد كل شي اسويـه له ويحس بقيمتي 
 مع إنو براء انسان الشي القليل يرضيـه لكن احب اديه الشي اللي يستاهلـه 
 زي مابيعطيني كل شي من قلبـه انا دايما احب اكون زيوو 
 شوفت مرا ميسا ف فرح من اهليتو ..والله احزن على النآس اللي زيها 
 طول ماأنا جالسه ومانزلت عينها من عليا مدري ايش تبا 
 طالعت فيها شمقت 
 ضحكت !!!
انا اتفنن بتعذيب النآس بس صراحه احس ماتستاهل اديها شي من وقتي 
 عشان كدا بعد الضحكه اللي اديتها اعتبرتها زي الجدار اللي وراها .

بشـآر ..
هديل مضغوطه كتير ماعندها وقت كتير حتى لنفسها 
 مع اني جبتلها مربيه تساعدها وامي فيه لكن برضو 
 احب فيها خوفها عليهم اخرج و انا مرتآح 
 استنى اخد اجازه بس عشان اعوضها 
 عملي في البدايه كنت اضعف كتير لو وحده وقفت قدآمي وبكيت وجابتلي سيره اطفآلها 
 اتذكر ابويـآ اتذكر نفسي واضعف ودي المواضيع مايبالها ضعف 
 لين ماجات نفس الحرمه اللي خرجتها وكآنت ضاربه واحد من اولادها وحيموت في يدها 
 عرفت انو انا في مجآل لازم اكون قاسي فيـه 
 الحـق ماتغاضى عنـه عشان دمعتين 
 في كل مرا اروح لعملي اتذكر يمين الولاء اللي قلتو اول ماتخرجت "اقسم بلله العظيم ان احافظ على النظام وان احترم الدستور والقانون وان اكون جنديآ وفيا لدولتي محافظا على امنها وسلامتها حاميآ ومدافعآ ومخلصا لدولتي مطيعآ للأوامر العسكريـه . منفذآ لأوامر قادتي ومحافظأ على سلاحي لاأتركه حتى اذوق الموت والله على ماأقول شهيـد " كل ماأتذكره احس بمسئوليـه ولازم مافكر بحياتي الشخصيه وانا بدا العمل ..مع الأيام بديت اتغير وبديت اكون قد المسئوليـه الي اخترتها ..
اولادي ..
طلعت التربيه صعبـه 
ارجع من الدوآم بس اقعد اضحك لو واحد غلط فيهم اجي ابا اعاقبهم 
بس اقوول مين اللي سوا كدا كل واحد يأشر على التآني المشكله لما اعرف مين اللي غلط اصرخ عليه واعاقبه ويروح في الركنيـه ويبكي ويحضنوه ويسيرو يبكو معاه لا وبعدين يقولولي انتا مجرم زي الحراميه اللي تمسكهم دوبكم فاضحين نفسكم كل واحد حط المصيبه على التاني ولما اجي اكفشهم اطلع انا الظالم 
مشتري كميرا فيديو خاصه عشان اصور هبلهم جلستي في البيت عباره اني اقعد على الكنبه واتفرج عليهم انا وهديل وامي ونضحك ..


 بعــد سبـعه سنوآت ..
لابسـه عبايتها والطرحه على راسـها جسمها يتنـآفض
 دموعها بعيـنها ..
سوت تحليل منزلي وطلعت حــآمل ماتبى تستعجل خرجت بدون عقـل وراحت لأقرب عيـآده
 برود برااء ساير يقتلها من دي الناحيه 
 نفسها ف بيبي 
 مهما حاولت تتغاضى لكن تجي لحظه تعرف انها تكدب على نفسها 
 تضغط على اصابعها بتوتـر
" يمكن غلط "
 " يمكن نفس اخر مرا هرمون الحمل عالي "
الإنتظار اسوء شي 
 جلست على دا الكرسي كتير خلال ال 7 سنوآت 
 نادو إسمـها 
 وحست قلبها طآح
 اسوء لحظـه 
 دموعها بعينها ودي المرا مو قادره تكون طبيعيه 
 تلاته شهوور عدت وهيا تقول لبراء كل شي فيا متغير 
 وهوا يقول ايش يعني هرموناتك ملخبطه نفس اللي سرلك قبل سنتين 
 خلاااص تعب من كتر ماتديه امل ويصدق وفي النهايه ينكككسر 
 ذا احساسها وهيا عندها ولـد من لحمها ودمها كيف شعورو هوآ ..
وقفت بخطوات مهزوزه 
 مشيـت باااتجاه غرفه المختبـر 
 دخلت على مكتب الدكتوره 
 والدكتوره دخلت الورقه وسط الظرف وقالتلها : مبروك _ قفلت الظرف وطالعت في ترف ومدتو _ اتفضلي
 ماتحركت ماتعودت تسمع دي الكلمـه 
 ماتعودت تشوف دي الابتسامه 
7 سنييين مو شي هيييـــن 
 ماتبى تتأمل وتنكسر 
 قالت بصعوبـه : متأكده .؟
 الدكتوره كل بعد فتره تشوفها بالعياده اشرت براسها : ايوا 
 ابتسمت ودمعتها نزلت بنفس الوقت ..رجعت قالت بخوف : مافي شي يخليني اتأكد اكتر
 الدكتوره : سويتلك زي ماطلبتي كمان تحليل هرمون الحمل ودا ياأكدلك إنك حآمل 
 ترف حركت راسها باايجاب ...اخدت الظرف بيد تتنآفض 
 والدكتوره تطـآلع فيها ومبسوطه انو هيا اللي بشرتها 
 خرجت ترف بدون عقـل 
 كيف كيييف حتقدر تقول لبراء شي زي كدا
 اذا هيا مو مستوعبـه 
 كيف هوآ حيستوعب
 تمشي بين الناس ودموعها تنزل تطالع بتشتت وهيا تدور البوابه 
 وعلى إنها تدخل دي العياده كتير بس مع الصدمه مو قادره تعرف اي اتجاه
 بعشوائيه مشيت لين ماخرجت وركبت السياره 
 بس وصلـت البيت ..
اتوجهت للباب تدخل المفاتيح ويدها تتنافض ..
مرا ومرتين لين مادخل 
 مشيت 
 ومشيت لين ماوصلت بااتجاه الكنبـه
 ورمت نفسـها 

 خرجت الظرف وفتحتو تطالـع بالكلمه اللي ماتعودت تقرأها 
positive
قراتها وابتسمت 
 تبتسم ودموعها تنزل ومو قادره توقفها
 تتمنى تجيب بنـت 
 تتجنن على بنآت اخوانها ولمى 
 بنت تآمر اللي لسانها اطول منهـآ وفاضحتهم بكل مكآن
 بنت تميم اللي كل محد كلمها تحط يدها في وسطها وتتكلم بلدغه " ثيبوني في حالي "
وبنت لمى الزعيمه حقتهم اللي تجمعهم عشان يكتشفو الولاعه دي لو شغلوها جمب المناديل حينحرق المناديل ولا لا 
 كل وحده اخده نصيب من اهلها 
 تبا بنت تدلعها 
 كل ماتنزل السوق تشتريلهم ملابس 
 تشتريلهم العاب 
 سارت تشوف نظرات الكل لها وكأنها محرومه
 تعشق كل شي وردي صغيـر
 حتى لما جابت سآمي ماكان لها نصيب تدلعو 
 وتشتريلو شي 
 همآ في السجن لبسوه 
 نفسها دحين تشتري وتسوي كل شي تحلم فيه اي ام ..
ماقدرت تكتم شهقاتها بسبب احلامها 
 سيستجيب الله ولو بعــد حيــن ..
كآنت تستنى برااء في مكآنها وماحست بالوقت 
 وبس دخل راجع من دوآمـه هلكآآآن 
 دوبو متضارب مع سامي ومحمود لأنو يبو يباتو برا البيت ..
عمرهم 19 سنـه هوا المسئول حتى عن محمود مع كبر سن ابـوه 
 بيحاول يديهم شويـة حريه لكن عقلو معاهم ..رمى مفاتيحـه على طاوله الاستقبآل
 دخل ووقف في مكآنه لما طالعت فيه ودموعها بخدها 
 ولساتها لابسه عبايتها 
 وطرحتها على كتفها 
 قلبه طاااح 
 اتوقع احد سرلو شييي
 مافبالو غير ابوه او واحد من الاولاد اتجننو واستهبلو 
 بيحلل قبل لايسئل : ايش فييه 
 جاها بخطوات مهزوزه 

 تطالع فيه وزادت بكى تبا تقولـه 
 بس مو قادره 
: تتتترف اهررجي 
 دخل يده في جيبه وهوا يبا يتصـل 
 وكل شي ارتخى فيه لما قالتلو : انا حآمل
 يده لسى بجيبه 
 عينه مثبته بالارض
 مافي شي اتحرك فيه لثواني
 على بال يستوعب الجمله 
 رفع راسه بشويش 
 سحب يددده 
 وهيا على طول كملت : روحت دوبني العياده وسويت تحليل دم وهرمون حمل وقالولي حآمل
 رفعت الورقه اللي بيدها : شوف التحليل positive
مااخد الورقه ماعرف ايش يقول فتح فمـو يبا يتكلم بس 
 ماعرف ماعرف ايش يتكلم
 ترف حطت الورقه على الكنبه ووقفت مسكت يده : والله ماقلتلك لين ماتأكدت ... قلتلك عندي حلم وان شالله ربي يحققلي هوآ بيوم .._ بكيت _ أهو حلمي إنو يكون عندي بيبي منك
 براء ضيق على عينه قال بصعوبـه : تتترف لاتعشميني 
 قالها باانكسار يقتـل
 ترف ابتسمت بين دموعها : والله مارضيت اتكلم إلا وانا متأكده واتأكدت 
 براء الجمود طاغي عليه فوقتو بكلمـه : انا حآمل
 رفع حوآجبه الاتنين 
 بعد جسمو عنها تطالع فيه وهوا مشتت بالغرفـه يمشي 
 اداها ظههره 
 كآنت بتقرب الا فجأه جسمو ارتخى
 سجججد في الارض 
 وبكككي بصووت يقتتل 
 ااخر سنتين ساب العلاج قالو الدكتور بعد محاولات طويله 
 سيبها على ربـك 
 خلاص واحد مستحيل يكون عندو اطفـآل 
 فهم الموضوع 
 وماتقبله مافي رجآل يتقبـل إنو يكون عقيم 
 كآن شي يحرررقه كل مرا 
 كآن شي يقتتتله 
 وبكآه اليوم يدددل على الوضع النفسي اللي عاشـو 
 جات ترف لعندو نزلت على ركبها وبس تطـآلع فيه وتبكي 
 تسمع بين شهقاته يهممس بصوت متقطع الحمدالله الحمدالله
 جلس ووجهه محممر بشكل مو طبيعي 
 طآلع فيها مو قادر يتكككلم بس مسكها وحضنهاا 
 وهنـآ حققو حلمهم الإتنين لما عرفو انها بنت 
 واشترولها كل شي من الشهر الرابـع 
 الكل يقولها لاتشتري كتير 
 بس لا هيا ولا براء قادرين يوقفو 
 وهنـآ بدأت غيره سـآمي ..
قلها الدكتور حيكون طفـل كبيـر
 حيكون اناني 
 كره اختـه 
 كرهها لأنو ترف تعشقها بشكل مجنون 



 بعد سنتنيـن ..
وبعد ماقاسـم زاد عليه المرض طلب من المحامي يجيـه 
 كآن حارم سامي من الورث لكن مالو عيـن يتكلم معاه 
 فاكآن اعتذاره قبل موتـه بالورثـه اللي كتبلو هيآ ..


بعد خمـس سنوآت من وفاة قآسم ..
وبزبـط في المستشفى وهستيريـه سـآمي المجنونه اول مالمسو الدكتور ..
عنف سـآمي خلى الدكآتره يتلمو حوليـه ويكونو اعنـف منو 
 ودانه تحاول تفهم تقولهم لحد يلمسو ..لكن كل اللي ترجمـوه إنو بيمر بمرحله انهيآر
 والإبر المهدئـه هوا الـحل 
 اتمسك بكل وحشيـه وهوا يشوفهم قــآسم 
 يشوفو بكل مكآآآن 
 مو عارف يدآآفع عن نفســه 
 يدفوو عن يمينـه يجي واحد يمسكه من يساره ويشووفـه 
 صرخخخاته المتتاليـه مخليه كل الانظار عليـه 
 بكى داانه ومحد راضي يسمعلها 
 واتمسك بكككل وحشيـه ودخلوه للغرفه 
 واترمى على السرير واحد ضااغط على اكتتاف ساامي 
 والتاني ماسك اياديـه والتالت ماسك رجوووله 
 وهوا يصـرخ بطريقـه تتتفججع 
 واللمرضـه خرجت الابره وبتسحب الدوآ من القزازه
 وانفااسه كل مالها تسرع وكل اللي عرفـو انو هوا بين يد قااسم 
 والررعب قتتل كل خليـه فيه
 يبا يتكككلم يبا يقول بعدوه 
 بس اعصاابه المشدوده الجنووون والانفعـآل خلى كل شي يسود بعينه
 واترخى جسمـه من قبل لايدوه اي ابره 
.
 ,

سابووه
 الدكتور فتح عععين سـآمي وهوا يناديـه ويكشف عليـه 
 سمع نبضـآت قلبـه ووقتها دخلت داااننه ومع قهرها ماحست بنفسها لما دفت الدكتور : قلتلكم لاتلمسوه
 كآنت تسمع صووتـه لبرا بس اول ماختقى دخلت زي المجنونه 
 عارفه ايش حيسرلو ..
الدكترو كآن حيتكلم الا دانه قالت : خخخخلاص ماافيه شي محد حيللمسو ابوه دحين جججي
 بدأو يخـآفو .. عياده جديده دوبهم فاتحينها مايبو مشاكل وقضايا تترفع عليهم .. حاول الدكتور يتفاهم معاها بهداوه بس انفجرت للمرا التالته وقالتلو يتفاهم مع الشرطي اللي برا ..
سابوهم لوحدهم اتصلت على محمود وقلها براء في المطار بعد ساعه رحلتو رحلتو 
 جلست على الكرسي مسكت راسـها بتعببب 
 كل شي بيسرله بسببها محروق قلبها 
 له فتره طويله ماتتنكس حالته كدا ..
قامت من مكآنها وخرجت برا الغرفه وهيا تطالع حولينها 
 حتخرجو من هنآ هيا تعرف تتعامل معاه 
 تشوف الكل كيف كآنو يتصرفو هنآ محد حيفهم ..
اتوجهت لسـآمي ووقفت في مكآنها بس تطآلع فيه 
 ونسيت ايش سوا فيها وكل همهآ صحته وبس 
 نص سـآعه مرت لين مافاق وكل شويا ممرضه تدخل تشوف صحي ولا لسى 
 طالعت وراها خايفه احد يشوفو ..
قربت منـو ونادتو بتردد : سآمي 
 طل فيـها راسو حينفجر 
 حلقو كلو مجروح من الأنبوب اللي دخلوه من الصريخ كل شي اتلم على بعضو 
 ماتكلم 
 دانه بتوتر : تقدر تقوم ؟
 ولا علق عينه عليها وبـس 
 مرا وترها : سامي!
سامي عقد حوآجبها : ها 
 دانه : تقدر تقوم ؟
 سامي حرك راسـه 
 دانه : خلينا نمشي 
 رفع رآسـه بالقوه من على المخده وهيا بالها مع الممرضـه
 جلس على طرف السرير لثواني وبعدها وقـف 
 كل شي مرهـق فيه بس يكره المستشفيات 
 مايتحمل يقعد فيها ..جا لحد دانه وقالت بصوتها الهادي : دقيقه
 بس الممرضه انشغلت خرج وسامي مايدري ايش الهرجه بس ماشي معـآها 
 لين ماخرجو من المستشفى وهوا جلس على اقرب كرسي ..
دانه كآنت رايحه توقف سياره الا رجعتلو : ايش بك ؟
: شويا برتاح
 حركت راسـها ضمت يدها ودارت راسـها تطالع بالناس
 مكسوفه انو لدحين معاه 
 بس مو عارفه تتصرف 
 رفعت جوالها وكتبت بالواتس لمحمود 
" خرجنآ "
محمود " خليكي معاه "
دانه " عارفه بس مدري ايش اقلو "
محمود مرا منحرج يقولها بس كتب " اجلسو في كآفي قريب من الفندق "
دانه طالعت بكلامه كتبت بتردد " حشوف كيف "

سـآمي شايفها مشغوله بجوآلها لساتها لدحين معاه 
 ماسابتو بعد اللي سواه فيها رفع عدسه عينو وهيا تطالع بالنآس 
 تعبان ومو قادر يمشي بس مو هاين يسيبها واقفه كدا 
 ضغط بيده على الكرسي ووقـف : يلا 
 واتوجهه لنهايه الشـآرع وقفـو سياره ركب قدام وسند جسمو وهيا ورا 
 قلو اسم الفندق 
 ودانه متوتره طول الوقت مو عارفه ايش تقولو 
 تعال اقعد معايا ؟!
خايفه اروح لوحدي !!
مجرد انها تتخيل تقولو كداا حاسه قلبها حيوقف ..
تمسك جوالها تبا تقول شي لمحمود 
 بس خلاص زودتها اليوم 
 طول وقتها تكلم ممحمود وهنآ سامي جالسه معاه 
 ماتحب تزعل ابـوها ..
كل شويه فكره تجيها لين ماوقفت السياره ونزلو ..
نزلو وكآن داخل للفندق الا نادتو : سآمي
 دار عليها وتلعب باأياديها بتوتر 
 حاولت بس حستها صعبه بحق نفسـهآ
: خلاص ولاشي 
 كآنت بتمشي إلا اتكلم : ايش كنتي بتقولي
 دانه : خلاص 
 وماسابتلو مجآل يسئل ودخلت جوآ ..
كتبت لمحمود كون معاه على الجوال معليش ماقدرت اقعد معاه ..
محمود " جواله مو معاه "
وطلعو بكل صمممت للمصاعد ولغرفـهم اللي لاصقـه ف بعـض ..


انسدح سـآمي على السرير ويطـآلع بالسقف
 اللي يشوفه يقول كل هموم الدنيا على راسـه وهوا مابيفكر ولا بحآجه 


 اما دانه جالسه على اعصابها 
 تنسدح وتقوم تروح للباب الفاصل بينهم وتحط اذنها تبا تسمع اي شي يطمنها 
 بس كأنو مافي شخص بالغرفه التآنيه هدوووووووء

 ومرت تلات سـآعات وجاها اتصـآل من براء ..
ردت باارتباك ووجهها محممر من كتر الاحراج 
 رايحه لنهايه الغرفه خايفه صوتها يكون مسموع 
 قالتلو اسم الفندق وكل التفاصيل وقفـلت 


 و25 دقيقه وسـآمي استغرب من دقات الباب اللي على غرفتـه 
 ينام ويصحى كل تفكيره بشي وآآحد ..
جلس ومو عارف اذا دانه ولا قـآسم !
يطـآلع بالباب ويبا يفتحه وخايف يفتحـه
 الدقات مستمره
 وسمـع صوت براء 
 عقـد حوآجبه
 اتوجه بتردد وفتح الباب 
 ومو مستوعب ايش جـآب براااء 
 برااء اللي كآن حيتجنن اول ماوصلـه الخبـر مسك سـآمي : انتااا كويس
 سامي حرك راسـه بدون مايعلق 
 براء قربـه منو وحضنـه ..متعود على ردات فعل سـآمي الجامده بعد مايتعب 
 مايكون طبيعي 
.
 ,
دخلـو الغرفه جلس سـآمي على الكرسي وبراء واقف قبـآله : ااايش سويت فنفسك عاارف امك لو دريت ايش كآن سار فيها 
 سامي راخي راسـه ويطـآلع بالارض قاال بصوت مهزوز : ابويا جاني _ طالع في براء ورفع كتفه وهوا يبررلو ودموعه بعينه _ انا ماكنت ابا اخد الحبوب هوا قلي إني حرتاح
 براء اخر مرا شافـه بدي الحاله قبل 6 شهور 
 رفع حوآجبه الاتنين 
 صعب صععععب انك تشووف رجــآل وبدا العممر وبيتوهمله شي مو موجود
 براء جا ..جلس جمبـه بتشتتت ..حط يدو على فخذ سـآمي وقال : قاسم مآت من خمس سنوآت ياسامي
 سـآمي حرك راسـه بالنفي : لا لاأنا شفتـو 
 براء بضعف : اباك ماتسمع اي كلمه يقولك هيآ اباك تستوعب انو دا الشخص مو قدآمك وانتا بيتهيألك 
 سامي على طول وقف : لاترجعو تقولولي دااا الكلام ..قااااسم فيييه ... قاااسم ماماات انا مووو مجنووون 
 براء وقف وجا قبـآله :دانه كآنت معاك ليش ماشافتو 
 سامي دموعو تنززل ويطـآلع في برااء : ماكان فيه وقتها 
 براء : وفي المستشفى ؟ مو كآن فيه !
سامي حرك راسه بالايجاب
 براء : ماشافتـه ياسامي ..محد شافـه 
 ساامي مشي بتشتت رجـع جلس على الكنبه سند اكواعه على ركبه ومسك راسـه وبكككي 
 صعب لما تقنعي انسـآن بالجنووون 
 براء جلس جمبـه وبكي معاه دا ولده 
 ينحرق قلبه لما يشوفـه بدا الوضـع : مو مشكله ياسامي ترجع للدكتور وتتعالج 
 زاد بكآه لأنو مو مقتنع إنو بيتوهمله 
 لأنـه شافه 
 لأنـه سمعـه 
 لأنه لمسـه 
: مابى اروح لأحد 
 براء : مو مقتنع لسى !
سـآمي طالع في براء : أمي ماتباني قالتلي م
 براء قاطعه : عارف انها كدابه من قهرها قالت الكلام _ ابتسملو براء بين دموعه _ امك لو خيروها بيني وبينك تبيعني بدون ماتفكر 
 سامي حرك راسه بالنفي : لا إنتا ماسمعتها انا ماتحممل اشوفها زعلانه منني 
 كلامو مشتت جملـو غريبه 
 براء : حتجي معايا وانا اراضيـها ماعليك وهرجه الدكتور بيني وبينك تروح من غير مانقول لأحد 
 سامي سكت للحظآت وبعدها قال : عشان لحد يقول عني مجنون !
براء : لا عشان إنتا ماتبى احد يدري
 ولا علـق سـآمي 
 براء : ساامي قولي ايش بـك قولي ليش تبا تأذي دانه ايش سوتلك 
: ماسوتلي شي 
 براء : طيب ليش سويتلها كدا
 رفع كتفه بدون مايعلـق 
 براء ماحب يتكلم بدا الموضوع حاليا زفر بضيـق وبعدها سامي قال : انا اكره نفسـي ..مافيا شي عددل ...الكل معايا عشان فلوسي ..واللي يسيبني مايكون متحمل اسلوبي ...محمود معايا لأنو متعود عليا إنتا لأنك ربيتني أمي تعبت دحين وقالتلي لاأرجع ...اححس الكل ضددي ..نفسي اكون زي الكل ..انو اسوي خير لأحد مو لازم خير ابا اكون طبيعي بس طبيعي .. ماألقى احد يفهمني احد يعرف انا ايش ابى 
 براء عارف انو يجيه اكتئاب بعد اللي يمر فيـه : انا معاك لأنك ولدي .. وامك عاملتك كدا لأنك ولدهاا والمفروض تعاقبك .. محد ضدك ياسامي .. ومحد يكره اسلوبك اهل امك اهلي كلهم يحبوك تصرفاتك طبيعي
 سامي قاطعه : لا مو طبيعيه انا اناااني انا اعرف نفسي وسسسخ اكره خاالي ليث وابتسم بوجهه واعامل اولاده كوويس الا بنتـه .. ليش مددددري ابا احرق قلللبه فيها كل مرا اقوول ابا اغلط عليها بس امي تجي في بالي واسيبها ... 
براء : واللي سويتو فيها نفس اللي خالك سواه في امك .. يعني رديتلو نفس الشي تبا تغلط عليها اكتر ليش !!!! ايش دخلل الموضوعين في بعض 
 سامي فجأه فكر بالموضوع ومو مستوعب ايش دخل قاسم في ليث ..
براء : دحين قدآمي واحد نسخة خآلو .. لا مو نسختو خالك ماكان يدري إنو امك بريئه انتا عارف انو بنتو بريئه وبرضك مو سايبها ف حالها دام عارف انو فيك صفات مو طيبه ليش ماتغير نفسك 
 ليش ماتحاول تعتذر لأمك ولدانه ولكل شخص اذيتو وتحاول تبطل دي التصرفات ..سامي انتا من يوم ماجات الفلوس بيدك وإنتا بتتغير من سيئ لأسوء في معاملتك مع النآس 


 وفضـل سـآمي يسمعلو وبراااء يتكلم ويتكــلم 
 واحد بيعلم ولـده بيوجهه للطريـق الصح 
 مو اول مرا يقولو دا الكلام ..بس في كل مرا يسمعلو
 عارف سامي صفاته السيئه ياكتترها بس بنفس الوقت 
 عارف انو جوتـه شخص ضعيف مشتت مو عارف ليش بيتصرف كدا 
 وراح اخدلو غرفـه قبـآله وخرج براء 
 بيحاول مايقعد معاه بنفس الغرفـه عشان سآمي لايحس انو مقيد وبيراقبو 
 خلاص سار يعرف تفكيرو عشـآن كدا خـرج 

 وسامي اول ماجلس على السرير رجع لتفكيره 
 اصحابه كلهم يتحاشوه وكلهم يجوه اول مايعرفـو انو مسوي حفله ف يخت ولا عازمهم في مكآن
 البنـآت يجوه لحدوو عشـآن شكلـو .. بس ولا وحده تتحمل اسلوبـه 
 واللي تتحمل اسلوبـه وراها فلووس 
 كل شي سار متعلق الفتره الاخيره بفلوسـه 
 الناس تشتريـه عشان فلوسه تضحك بوجهه 
 وتبتسم 
 تعامله احسن معامله 

 قطع تفكيره الورقه اللي دخلت من تحت الباب 
 عقـد حوآجبه 
 قام من مكآنه اتوجه لحد الباب ودخلت ورقه التآنيه !!
اخد الورقه الاولى " إنتا اكتر انسآن واضح "
اخد الورقه التآنيه " الكل حوليك يفهموك من كتر مو واضح احمد يغار منك لأنو خيلاني يحبوك اكتر منو "
طالع بالورقه التالته اللي دخلت 
 اوراق صغاار ملونه " اسفه لأني سمعت كلامك بس اصواتكم عاليـه .. اتذكر مرا كنآ ف طريق سريع وانتا وقفت سيارتك ونزلت تشيل بسه مرميه في نص الطريق "
اخد الورقه الرابعه وابتسم " إنتا طيب بس تكون قاسي لأنك كاره حياتك زمآن .. فيه تفاصيل تسويها بحياتك وتثبتلي دايما انك طيب "
اخد الورقه الخامسه " بغض النظر عن معاملتك ليا بس انا اعتبرك زي احمد عشان كدا بتحملك "
الورقه السادسـه " حتى لو كرهتني انتا زي اخويا واللي سواه بابا في يوم لكم انا اسفه عليه "
الورقه السابعه دخلت من تحت الباب "انا اعرف لو دخلنا مطعم إنتا لو معانا ايش ممكن تطلب .. اعرف انو قهوتك تطلبها حاره بس تحبها تبرد على جنب وبعدها تشربها "
الورقه الثامنـه " اعرف انك تكره الشوكولاته ..وتكره تنام في مكآن ظلام " 
الورقه التاسعه " لو اعدد من اليوم لبكرا حقعد اكتب كل شي تحبه وتكرهه بس بثبتلك قد ايش انتا واضح حتى بالاشياء البسيطه"
الورقه العاشره " مو صعب الواحد يفهمك ولو على قولك مافي احد يفهمك كآن اشتكيت عليك من اول يوم اذيتني فيه بس كنت عارفه انك طيب وممكن تسيبني في حالي بيوم "
الورقه الحاديه عشر " صح طلعت غلطانه بدي النقطه لكن صفاتك الطيبه اللي كنت اشوفها تخليني ماستوعب تصرفاتك معايا "
الورقه التانيه عشـر " على العموم انا حنآم بس انقهرت من كلامك لأنك مو شايف احد غير امك وخالو براء ومحمود كلنا حوليك وكلنا دايما جمبك بس انتا مو شايفنا "

كآن بيرجع الا دخلت ورقـه اخيره رجع اخدها وضحك بصوت واطي لما قرا الكلام " اخر ورقه ماهان عليا اسيبها عندي تصبح على خير "


جلس على السرير ويقرا الكلام مرا ومرتين وتلاته 
 يعيد الاوراق بالترتيب لين ماوصل للورقه الخامسه والسادسه وقرأها مرتين ورجع كرمشها ورمآهآ 
 وساب باقي الاوراق على الكومديـنه 


 وبعد خمسـه ساعات جاه براء وقلـو موعد رحلتنآ بعد سآعه 
 ومشي وهوا عارف رحله دانه في الصبآح ..
بس لم عفشو حط الاوراق بين ملابسـه ومشي ..

ســآمي ..

رجعت لدبـي براء خلاني ادخل البيت وامي مو راضيـه 
 وداها للغرفه وجلس معاها متأكد انو مايحقولها شي على الدكتور 
 اثق فيـه ..جات وقالت انها حتتفاهم معايا بس مو دحين 
 انسحبت لغرفتـي 
 يومين عدت وامي ماتبى تتكلم معآيـآ ..
جاني اتصـآل وقالولي انو دانه سابت العمل 
 اتفاجئت ماتوقعت مع الراتب اللي بينصرفلها تسيب كل شي وتمشي
 اتذكرت كلامي لها 
 اتذكرت فرحتها لما انعرض عليها العمل 
 وخرجت الاوراق اقرا كلامها كدا مرا 
 واليوم اللي بعدو جات امي تكلمني 
 دوبني اقول اخيرا حنت بس قالتلي خليت دانه تجي واباك تعتذرلها 
 انا مااعتذر 
 انا من كتر ماتعودت من صغري اني اعتذر لما كبرت سرت مااعرف اعتذر 
 عارف اني غلطت عليها وفوق دا كلو وقفت معايا هنآك 
 مقدر اللي سوتو بس رفضت اني اعتذرر 
 ماقدرت اشوفها 
 امي عصبت زياده حاولت افهمها بس قالتلي بكيفك ولا عاد ابا اتكلم معـآك
 وقتها رضيـت عشان تسامحني 
 سبقتني للغرفـه وانا مو عارف كيف حوقف قدامها وامي فيه واقولها انا اسف
 حاسس بذل 
 خرجت من غرفتـي اتوجهت للمكآن اللي هما فيه 
 وقفت في مكآني 
 مو قادر ادخخخل 
 سامعهم يتكلمو 
 ودانه تقولها انو لازم تلحق على صحباتها مستنيتها 
 ووقتها قالتلها امي انو سامي بيعتذررلك 
 انقهرت كنت بسحب نفسي الا دانه قالتلها امـآنه لاتحطيني بدا الموقف 
 مااتحركت 
 وامي بتبرللها 
 وبرضو رفضتتت وقالتلها لاتحرجيني وتحرجيه 
 انسحبت لغرفتتتي وبجججد مو عارف كيف تفككر دي البنت !!!
تكسفني كل مرا بتصرفـآتها ..
سرت احاول مااروح اي مكآن هيـآ فيـه 
 لين ماتصل عليا خالي تميم وزعلان منني لأني ماسرت اجي 
 وقتها اضطريت اروح وانا هنـآك بحاول اتذكر كلام دانه 
 خالي تميم وتامر حتى خالي ليث يعاملوني معامله غيـر عن الكل ..
دخلت دانه الغرفـه وحسيت مو قادر اطـآلع فيها من بعد اللي سويتو ..

رجعت اتعـآلج مع الدكتـور 
 رجعت للحبوب اللي تجبلي النوم اغلب الوقـت 
 بروح لمات اهل اممي مافي شي اتغير كتير بمعاملتي معاهم انا من يومي منافق وابتسملهم
 بس اللي بيتغير شي من جوووتي ..
بحاول ابعد عن دانـه 
 بحاول مااوقف بطريقها 
 مو عشان انا مسامح ابوها لا عشان امي عينها عليا اغلب الوقـت اول ماتمر دانه
 وبدأت بعدها تسيـر مواقف معاها تخليني اتوتر كتيــر ..



دانــه ..
الفتره الاخيره سـآمي تصرفـآته غريبه 
 مابيأذيني 
 بس موترني
 شافني في مكآن عـآم واقفه مع واحد اعرفو من العمل وزوجتـه فيه 
 زوجتـه فجأه راحت تلحق ورا ولدها وانا كنت بسحب نفسي وبقول مع سلامه 
 الا لقيـتو جمبي .. سلم على الرجـآل .. واسلوبـه مرا ماكآن حلو 
 الرجال اساسا اتوتر ومشي 
 وهوا على طول سئلني : مين دا !

 .
 ,
’
دانه تطالع فيه بعدم استيعاب .. مو عارفه من فين جا .. كيف جااا .. 
ايش دخلو يوقف جمبها ويسئلها اساسا ! بس كالعاده جاوبت : معايا بالعمل 
 سـآمي : اووه ماشالله طيب نروح نشرب قهوه ؟
 دانه عقدت حوآجبها بعدم استيعاب : نعم !!
سامي : يعني دام اصدقائك بالعمل تتقابلي معاهم هنا جات على ولد خالتك ماتشربي معايا فنجان قهوه 
 حقيــر كيف ماغير في نفسـه لكن يرجع لسامي المستفز ...
دانه : ومين قال اني بتق _ سكتت ماتدري ليش حبت تستفزه مشيت بدون ماتعلق خصرته وبـس _
دخلت تتسوق في المحلات وفجأه لقتو وراها يمسك الملابس المرتفعه اللي فوقها ويتكلم : كآن كملتي كلامك على الاقل ومشيتي
 دانه تمسك الملابس السفليه وبرضو ماتطالع فيـه :مو ملزومه ابررلك 
 سامي : ماقلت برريلي طلبت اننا نشرب قهوه بس 
 دانه دارت عليه : انتا ماتوبت !
سامي بااستهزاء : ههههههههههه إلا ... شايفتني خانقك دحين ؟
 دانه وسعت عينها بصدمه : كمان تتريق بدال ماتعتذر 
 سامي وطى وهيا واقفه قدآمه ومستنيه جوابه بقهر : مو إنتي ماتبي تحرجيني 
 دانه لانت ملامح وجهها قالت باارتباك : مابى احرج نفسي قدام امك 
 سامي يقلدها وكأنها تسب : امممك هههههههههه اسمها خاله _ جا يمسك خدها الا رفعت يدها وهوا قال باسلوب حقير _ نسيت اني توبت خلاص 
 يعني حتى مايخلي الواحد يحزن عليه او يتقبل توبتـه 
 دانه كانت بتمشي الا وقف قبالها واداها بلوزه : دا اللون حلو عليكي 
 دانه قلبها يدق بسسسرعه بجججد بجججد ماتعرف عقليه دا الادمي كيف : ااامشي ياسامي من قدآمي 
 سامي : صدقيني جربيها 
 دانه : يااااربي ياااربي منك بلله ايش تبا 
 سامي : شوفتك صدفه قلت اسلم 
 دانه : بعععد اقول من قدامي 
 سامي بعد وهيا ممشيت قال بصوت عالي : جربي مو خسرانه شي 
 طالعت فيه بحده وهوا ضحك ومشي ..
اشترت ملابس ووقت الحساب دفعت الا صاحب المحل يديها كيس ويقولها هديـه من المحل
 اخدتو بااستغراب وخرجت وهيا برا فكت الكككيس وشافت نفس البلوووزه 
 ولععتتتت مو بعقلـو دا
 اما ساامي ماقدر يبطل حركاااته حس انو روتييين انو يشوف نظراتها ديك 
 بيحاول مايكون حقيـر بس شافها وماقدر يقاومها وراح ياأذيـها

.
 ,
 .

والله احس مراقبني يستتتهبل في اماكن اروحها ابا اشرد من الكل 
 القاااه سبحان الله في وجهي ويقولي صددفه 
 ايش الصدددفه دي اللي هوا الوحيد القاه فيها 
 كنت في مكتبه ووبدور كتـآب وفجأه طلع بوجهي مع الفجعه رميت الكتاب بوجهه 
 فعلا ساير يوترني 
.
 ,
 .
سامي اخد الكتاب من الارض وهوا يضحك : ههههههههههه ايش بك 
 دانه حطت يدها على قلبها : انتا ايش جاابك هنا !!!
سامي رفع الكتاب اللي رمتو : كنت بشتري كتاب
 دانه رفعت حوآجبها الاتنين : المفروض اصدق 
 سامي : اخر همي والله اثبتلك 
 دانه طالعت فيه خانها التعبير ماعرفت ايش ترد !!
سـآمي : مو قلتيلي انا زي اخوكي احمد ليش ماتبي تشربي فنجان قهوه معايا
 دانه : حسبيه الله عليك وربي ححلم بفنجان القهوه داا 
 سامي : ههههههههههههههههههههههه 
 دانه طالعت حولينها بصدمـه : اااسكت 
 سامي : طيب اجعلي الحلم واقعا 
 دانه مسكت نفسها بالقوه ماتضحك : امشي بلله من قدآمي ..
سامي : مافي أمل ؟
 دانه بجديه : إنتا من جدك .؟
 سامي حسها بتزعل الا دخل الكتاب بين الكتب : خديلي كتاب على زوقك 
 دانه تطالع فيه بعدم استيعاب !!!
سامي رفع يده ويطالع بساعتـه : يلا اديتك من وقتي كتير لازم اممشي ._ رجع بخطوات على ورا بس بيطالع فيها رفع يده وابتسملها _ سلام 
 ومشي بعدها خارج المكتبه وهيا مازال صمتها يدل على فجعتها من الموقف

.
 .
 ,

سامي واثق من نفسـه بطريقه تقتــل يعني مايخاف اني اشتكي عليه 
 مع إنو يعرف انو اضايق من حركآته 
 ويعرف لو اشتكيت حيروح بستين دهيـه 
 مازال يسوي نفسه بريئ قدام الكل ومايتكلم معايا الا كلمتين محترمه 
 ومرا دقني بالكلام قدام الكل انو انا زي اختو سارا ولما دارو الكل غمزلي 
 وكأنو يقولي ها فهمتيها 
 التوتر اللي اعيشو بسبب جمعاتنا دي سرت حابتو 
 والله مو فاهمه ايش يبا مننني 
 بس ماسار ياأذيني وانا من يومي نقطه ضعفي سيرتو ..
سار قبل اسبوعين موقف جا كدا من السمـآ 
 كنت بجس نبضـه حركاته الاخيره واضحه انو يبا شي منـي
 وانا مو عارفه ايش نهايتو معايا 
 ماباه يعلقني على الفاضي قلت اجننو شويـآ دام خالي تآمر فتح الموضوع 




..
 ,
 ,
الغرفـه كلها مليانه اطفـآل العيله 
 صراااخ ودول يلعبو ودول ينطنطو 
 وهناك نقاشات 
 وسـآمي جالس وبالو في جوآلو 
 لين ماتآمر قـآل اخو صـآحبي يبا دانـه 
 كآن الحوار بين تآمر وترف ولمى وبس ..
لمى : اللي قلتلي عليه اول 
 تامر : اييوا محتررم الولد واخلاق 
 وهنـآ بدأ يسمع تفاصيل الحوااار ..
دانـه : ايوا بابا قلي 
 تامر : طيب ترا اكل دماغي يبا جواب 
 دانه : استخير وحشوف 
 رفضتو اصلا وشكلو ابوها نسي يقول لتـآمر ..بس مشي معاها الموضوع كدا 
 ابتسمت باانتصار لما شافت رجولو يحركها بسـرعه 
 كدا حست بشي غـريب 
 قامت من مكآنها واتوجهـت للمطبـخ مو قادره تكتم ضحكتها 
 ودوبها بتخرج الا وقف قبالها شهقت بصدمـه : سبحان الله دا وإنتي لسى ماستخرتي وبدي السعاده
 دانه كآنت بطنشه وتعديه الا وقف قدامها ورجع يكلمها بااسلوبه الحاد : بتتتكلم انا
 دانه : ايش تبا 
 سامي واقف قبالها ومو عارف ايش يبا 
 مو بس اناني حاسس انو بدأ يتملكها 
 بيحاول يذكر نفسـه انها بنت ليث مشي من قدامها وقفـل الموضوع 
 وبدأ الوضـع يكون غريب بينهـم ..



سامـــي ..
انا مو عارف ايش ابا من داانــه 
 احس ماأقاوم سرت صوتها 
 كلامها نظرتها 
 اشتقلها واروح ادور عليها وااذيها في اي مكآن 
 احب اسيبها خـآيفه
 احب لما اقول جمله وهيا ماتعرف ايش ترد من صدمتها فيا 
 موضوع دا اللي اتقدملها كآن زي الكف اخدتو 
 خلاني ابا استوعب ايش ابا منها 
 بعدت وماسرت ادور عليـها
 بس 
 اشتقت 
 روحت لمحمود ابا اتكلم بس ماتعودت 
 خرجت من عندو ورجعت ادور عليـها ..
روحت لمكآن عملها ولقيتها لسى ماخرجت واستنيتها لين مانزلت 
 واتوجهت لسيارتها ووقفت قبـآلها 
 ايش ابا !!!
ماعندي 
 كل مرا فيه حاجه ممكن اصرف نفسي فيها بس دي المرا 
 مافي اي شي 
 في مواقف سيارات وفي مكآن عملها !!!


 .
 ,
 .

قدم لحد سيارتها ..في يدها سويتش السياره وتبا تفتحها 
 الا سند جسمـه على باب سيارتها 
 دانه : ايش فيه !
سامي : انا مرا مضايق
 دانه تنفجع من دخلاته !!!!
كدا كأنهم لهم عشره ساعات يتكلمو وفجأه يكمل نص هرجه !
قال انا مرا مضايق بااسلوب يضحك 
: ألمطلوب !؟
 سامي حرك يده بالجو : دا دا اللي اتقدملك ارفضيه صدقيني مو مريح 
 دانه ماتوقعت انو يتكلم ضمت يدها تحت صدرها : والله صراحه كنت محتاجتك تستخير معايا عشان اقرر اذا ارفض ولا لا
 سامي حط يدو على صدرو ومكمل بنفس اسلوبها : ايوا والله جاتني ضيقه وقلت اديكي خبر 
 دانه حاولت ماتضحك حاولت ماتبتسم : اييوا ؟؟ خلاص اكيد !
سامي حرك راسـه : اككيد _ بعد جسمو _ قلت اجي اكلمك قبل لاتتورطي
 دانه : الله يسعدك صراحه مدري ايش كآن سويت بدون قرارك دا
 سامي : مابيننا المرا الجايه لاتوافقي انا مو مرتاح لأي واحد يتقدملك
 دانه ضحكت غصبا عنها : شككرا برضو .. عندك شي تآني ؟
 سامي ابتسم حس براااحه لما قلها : خلاص بروح انام ماكنت قادر انام 
 دانه مو عارفه ايش بو فصـل اليوم 
 وكالعاده ينسحب في ثانيه من قدآمه وكأنو ماسوااا شي ..!!

 .
 ,
 .
عااارف اني قاعد اسوي مصيبــه بس بعيش شعوور حلـووو 
 سار موضوع اني اوقف قدآمها شبــه يومي 
 المشكله مو هنـآ المشكله انها تقيـــله لدرجه قاتلتني 
 مو قادر اخد وأدي معاها 
 وتعرف تعرف مززززبوط كيف تحرقننني 
 كلو عن طريق خالي تميم وتآمر 
 ولا لا لما تجلس تتغزل في الممثلين قدام خالتي لمى 



 دانــه ...
انا مو عارفه ايش بـو سامي فجأه استخخخف من بعد ديك الرحلـه 
 اندفاااعي بعواطفـه بشكل مو طبيعي 
 ودا الشي يخوفني 
 مايفكر 
 خلاص حس انو دا الشي عاجبه يبا يكون له 
 سرعه الموضوع موترتني مرررا 
 متعود كل شي يباه ياخده 
 عشان كدا 
 بعلمــه إنو بنت ليـث مو بسهوله تجيب راسها 
 مع إنو قلبي احسو بيوقف اول ماشوفـو داخل الغرفـه 
 لكن حديـه درسس ماحينســآه 


 سـآمي ..
الدكتور قلي انا من اللي يتحسنو تحسن ملحوظ 
 وممكن بعد فتره يرجع كل شي زي اول وممكن لا 
 كل شي سايبو للزمـن ..
دانه بسببها سرت مضطر اتعامل مع خالي ليث كتيــر
 عشان تكون قريبه مننا ...
احس متقصده تستهبل عليا وبعدين اقول لا هيا من يومها دا اسلوبها 
 بس ماعلينا دامها براسي فماحخرجها 
 كل مابتعاند كل ماتكبر براااسي زياده 

 قبل اربع ايام اول مرا اتجرأ اكتبلها شي 
 صورتلها فنجآن قهوه وكرسي فاضي قدآمي وكتبلها 
" يادنيا حني شوي "
عشره دقايق وكتبتلي 
" ماتدري انو الدنيا قاسيـه 
 سامي " اخص عليها مافي امل "
 " لا "
سامي " لا حتى ردودك جفصه "
 " زيي "
سامي " ليش تتكلمي معايا بدون نفس ! "
 " ليش تتكلم معايا اصلا ؟! "
سامي " اااوه شيييت تعجبيني "
 " اعرف "
سامي " تعرفي ؟! "
دانه اتوترت ماكان قصدها " لاتتكلم معايا تاني هنآ "
سامي " ايش تعرفي ؟ "
دانه " قلتها عادي مااقصد شي "
سامي " طيب بحاول اصدق "
دانه " يلا باي "
سامي " هههههههههههههههه بااي "
يطالع بشاشه الجوال بصدمـه من جدها اختفت 
 نففسو يكسسر الجوووال مستفززززه 


 وكآنت ساعتين ولقتـو واقف عند سيارتها وهيا خارجه من دوامها 
 ضحكت ومشيت بااتجاهه : إنتا ماعندك غيري !
سامي : الا عندي بس اعرف اقسم وقتي
 دانه نرفزها ردو 
 سامي : ها فنجان قهوه 
 دانه رفعت شنطتها : و الله حضررربك واللله 
 سامي : ههههههههههههههههههههههه يلا حبيت اقولك تصبحي على خير قبل لاتنآمي 
 دانه ااترخت شنطتـها 
 وكلمتين وانسحححب ورآآآح ... 



واليــوم كآن موقف خلى العيون كلها عليـهم .. 
لما جنـى حطت فناجيـن القهوه على الطاولـه 
 وقام سـآمي بياخد فنجآن الا ليث ثلو جبلي معاك ادآه 
 ودانه كآنت بتشرب مويا رفع فنجآن القهوه وقلها : هاا فنجآن قهوه 
 خرجت المويا كلها اللي بفمها وهوا دار وجهه وضحـككك 
 وجههاا محممر تحاول تكتتتم ضحكتها وتكككح 
 وهوا جلس في مكآنــه وبيحاول مابيطالع فيها 
 الاتنين كاتمين ضحكتهم 
 دانه كاتمتها بخووف بس بجد صدمهاا ..
وهوا انسحب من الغرفـه لما مااقدر 
 شكلهم مفضووووح !!!
وااضح انو فيه هرجـه بينهم وبدأت العيون تركزز عليـهم ولأول مرا ..


 " النهايه "

أعلم باأن النهايـه سعيـده وهذا مخالف تقريبا لأحداث روايتي 
 ويجعل منـهآ بعيد كل البعد عن المنطقيـه
 لكن هذه أنـآ
 الفتاه المغرمه بالحسنآء والوحـش
 تلك الفتاه الريفيه البسيطـه احبت الموسيقى احبت واقعها كثيرا 
 وسقطت باأرض الخيـآل واحبت ذالك الوحـش وبسبب قبله صادقه 
 اصبح فارسها الجميل ..
ومغرمه ايضا بفله واقزامها السبـع ..
سندريلا 
 علاء الدين والمصبـآح
 احببت الوآقع الذي تجسد شخصيات تلك الأفلام وكآن الخيآل يلعب 
 بجزء كبير بالقصـه 
 هذه أنـآ ..
من تحلـم ان تمشي على البسـآط الاحمر وتحججعل اناملها كالعصا السحريه
 انظر خلــفي وارآ خيـآلي يرسم ذالك الشلاللل وصوته المريح
 انظر امـآمي وارى فرقـه موسيقيه والجنون والصخب لايطغي على صوت الشلال
 انظر يميني وارى قصووور من ذهههب 
 وانظر يسـآري والبيوت والأكواخ الريفيه لاتنقص جمالا عن القصور 


 كل الأشخآص يملكون القصص والعبره ايقنت بروايتي انني كلما تعمقت 
 اوصلت الأحاسيس الصامته ..والكلمات المبعثره ..والسطور المخفيه 
 أحببت شخصياتي واحببت اخطائها وعثراتها لأنها كآنت واقعيه جدآ
 احدآث روايتي ليست حقيقه ولكنها قصص متناثره جمعتها 
 ومزجتها بخيالي الواسـع وحسن الإدراك ودقة الوصف 
 جميعع الشخصيات كآنت مدروسه بتفاصيلها ومشاعرها 
 وحقآ اسعدني كل رأي وكل تشجيع 
 وكل كلمـه حب رفعت سقف احلامي لسمـــآء الواقـــع ..
كلمه اخيره ..َ×
اتمنى إنو مآكون نسيت شي ماأوضحته 
 لكن إحنا بشـر واكيد مافي عمل كآمل ..
وممكن غفلت عن حآجه انتو منتظرينها ونسيت اذكرها 
 عشان كدا اعتذراي للجميـع إن شالله كنت انا وشخصياتي خفيفين على قلبكم 
 اسفه لو بكي احد بسبب الروايــه 
 الله يفرح قلبـكم والله يجعلني دايما ذكرى جميـله للكل ..
في النهايه اشكـر ماما اللي بتقرأ روايتي 
 وجودها بين صفحاتي ومتابعتني بكل مكآن
 اداني طاقه قويه عشان اكمل 
 الله يطول بعمرها ويخليها ليا ..
واشكر اختي اسراء اللي تقرا الفصل قبل لانزلو عشان اشوف انتقاداتها واعدلها 
 اشكر زوجــي لأنو شجعني كتتتير واتحمل انشغالي عنو الفتره الاخيره 
 واشكر اهل زوجي لأنهم دايما يوفرولي الجو المناسب عشان اخلص الفصل بسرعه 
 كيم و امونـه برضو لهم بصمه في قلبي وفي روايتي ..
واشكر كل متاااابعه حفزتني ولو بكلمـه بسيطه 
 يارب لاتجعلني أضر احد من خلقك قصدآ مني 
 او جهلآ وارفعني بالذكر الطيب 
 بمحياي ومماتي
 الله يححقق كل اللي تتمنووه ويسعدكم زي مااسعدتوني .
انتظروني بعمل قآدم ..احبكم

snapchat : d3do3a001